Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

**Maiv Tooj** 20th August 2012, 4:48 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°26

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 20th August 2012, 4:48 am

NOJ TSHAIS THIAB NPAJ YUAV SAWV KEV

Txhua hnub, ua ntej yuav sawv kev, peb qoj ib ce kom muag thiab teev Ntuj ua ntej yuav mus taug kev

Qoj kom ib ce muag,
ua ntej yuav mus thiaj tsis mob ceg.

TP.Cwj Vuam Chiv coj peb teev Ntuj ua ntej yuav sawv kev.

Last edited by Maiv Tooj on 21st August 2012, 8:28 am; edited 2 times in total

**Maiv Tooj** 20th August 2012, 5:12 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°27

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 20th August 2012, 5:12 am

SAWV KEV THAWJ HNUB

Thaum pib mas sawv daws mus ua ke,
tab sis ib ntsis ces ib cov ua ntej,
ib cov ua qab lawm, nyias mus li nyias mus tau,
muaj tej pab coob, tej pab tsawg,
tej pab kuj tsis ua pab, kuj mus ib leeg lawm xwb.

Nce nto laj, ntsia ntsoov rau nram zos.

**dejntwstsirovqab** 21st August 2012, 8:54 am

dejntwstsirovqab

dejntwstsirovqab: Messages : 29
Date d'inscription : 2009-11-30

Post n°28

sab heev li hos heheh

Post dejntwstsirovqab 21st August 2012, 8:54 am

hahaahah maiv tooj.. cas zoo li koj twb tsi tuav leej twg npe los raug raug kuv siab lawm ne heheeh
tus txiv neej uas sab sab ntawd naj ..
koj twb tsi thaij nws duab saib yog leej twg ne heheh tus uas lawv tau pab nqa nws nqes hav naj thaum yuav txog Conques nas hehe tsi kav nws los kuj yuav mus kom txog nram lub tsev teev ntuj kom tau yees duab nrog sawv daws thiab heheeh. thaum ntawm mob kawg tab sis tam sim no txaus luag kawg thiab ehheeh.
zoo li nws ob txhais ceg tsi ua hauj lwm li lawm os .
npaum li no los tseem npaj siab rau lwm xyoo thiab no hos ehheh
thov tswv ntuj pab thiab kom rov qab tau mus dua lwm xyoo.txhob ntshai tej nyuag kev mob ntawd Tswv Yes Xus tseem raug sab tshaj thiab nas yom..tsi tag li thaum ub peb niam peb txiv lawv ua neej khwv khwv nyob tim ub tsi tau nyob tsi tau so li peb mus li ntawd kom tau nco txog lawv thiab nawb..

zoo siaba tu tuaj ntsib sawv daws ..

Tswv ntuj nrog nej sawv daws tsoom nyeem nyob ua nej siab kaj lug..

DejNtswsTsiRovqab

**Maiv Tooj** 21st August 2012, 9:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°29

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 21st August 2012, 9:08 am

MUS TXOG SAUM ROOB MAB LIAB TSOM KWM

Peb mus txog saum lub roob Mab Liab uas ntsia ntsoov
rau nram lub zos Espalion uas peb yuav mus so haus dej.
Peb kuj so ib pliag hawm Niam Mab Liab,
tus xav thov txiaj ntsim dab tsi los kuj thov ywj siab,
Sawv daws ib leeg khaws ib lub pob zeb los tso rau ntawm Niam Mab Liab ko taw,
muaj tej tug kuj tso ib txoj Saw Mab Liab los yog ib daim duab Yes Xus lub siab khuv leej neeg rau,
tej tug kuj zov ib re nplooj los yog paj los tso rau.

Thaum sawv daws hawm thiab thov txiaj ntsim tag,
TP.Cwj Vuam Chiv thiab Yaj Xaib Tsom (tus thawj coj) kuj npaj tau ib cov zaj teev Ntuj
rau peb coj mus teev Niam Mab Liab rau ntawm lub roob no.
Peb hu nkauj teev Ntuj tag ces peb thiab li rov nqes hav mus rau ib lub zos tshiab..
Thaum tuaj tom lub zos uas peb so tuaj mas peb nce toj tuaj txog ntua lub roob Mab Liab.

**Maiv Tooj** 21st August 2012, 9:28 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°30

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 21st August 2012, 9:28 am

dejntwstsirovqab wrote:hahaahah maiv tooj.. cas zoo li koj twb tsi tuav leej twg npe los raug raug kuv siab lawm ne heheeh
tus txiv neej uas sab sab ntawd naj ..
koj twb tsi thaij nws duab saib yog leej twg ne heheh tus uas lawv tau pab nqa nws nqes hav naj thaum yuav txog Conques nas hehe tsi kav nws los kuj yuav mus kom txog nram lub tsev teev ntuj kom tau yees duab nrog sawv daws thiab heheeh. thaum ntawm mob kawg tab sis tam sim no txaus luag kawg thiab ehheeh.
zoo li nws ob txhais ceg tsi ua hauj lwm li lawm os .
npaum li no los tseem npaj siab rau lwm xyoo thiab no hos ehheh
thov tswv ntuj pab thiab kom rov qab tau mus dua lwm xyoo.txhob ntshai tej nyuag kev mob ntawd Tswv Yes Xus tseem raug sab tshaj thiab nas yom..tsi tag li thaum ub peb niam peb txiv lawv ua neej khwv khwv nyob tim ub tsi tau nyob tsi tau so li peb mus li ntawd kom tau nco txog lawv thiab nawb..

zoo siaba tu tuaj ntsib sawv daws ..

Tswv ntuj nrog nej sawv daws tsoom nyeem nyob ua nej siab kaj lug..

DejNtswsTsiRovqab

Hahahah...!Yawm txiv Dejntwstsisrovqab,

Yog kawg, thaum ntawd ces yus pom luag sab los yus yeej sab kawg thiab thiaj li tsis nco tuaj tom qab nyem koob thaij tsuam puav cia tau saib dab muag. Kuv yeej qhuas nws kawg nkaus, yog nws muaj lub siab ruaj nreb ua rau peb cov pom nws zog loj tuaj. Txhob tag kev cia siab, peb yuav tsum npaj siab rov mus dua. Yog ib qho peb sib yaum mus nrhiav txiaj ntsim rau peb lub neej pem suab thiab sib txhawb ua neeg zoo rau ntiaj teb. Cov kuv rov ntsib lawv thaum peb rov los tsev tag lawd puas leej zoo siab tas nrho, coob leej hais tias mus nyob ob peb hnub ua ke, pom luag txawj coj txawj hais, txawj qhuab mas ua rau yus txawj xav thiab txawj zam tshaj qub.

Yawm txiv, nws li ces yog mloog tsis tau ob txhais ceg li lawm, kuv li ces mob mob ceg thiab mob ib ce lwj daws xwb, ib hnub noj ob zaug tshuaj kom txhob ua daus no xwb vim mob dhau lawm ces lub cev thev tsis taus, yeej cia li yuav huam sob thiab ua daus no li lawm. Xam tias muaj coob leej txawj zaws tuaj ua ke, thiaj li mob los huj sim, yog tsis muaj cov txawj zaws thiab mas ntshe tseem yuav txom nyem tshaj thiab.

Yawm txiv Dejntwstsisrovqab, hais nws paub tias kuv muab ib daim duab dej ntxhee los tso rau nws tus avatar (ntawm lub npe, seb nws puas nyiam, yog tsis nyiam no kuv mam muab tshem los yog nws ho muab ib daim duab tuaj rau kuv tso kuj tau; vim xav kom muaj ib qho duab rau nws lub npe thiaj li tsis khoob ntshuv.

**Maiv Paj Lug** 22nd August 2012, 6:32 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°31

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Paj Lug 22nd August 2012, 6:32 am

Dejntswstsisrovqab thiab MaivTooj, neb tham tau lom zem dhau lawm os...hehehe

Hnub no kuv mus ua hauj lwm, kuv xav txog peb mas kuv tseem rov qab luag kuv ib leeg, ua rau kuv tus chef hais kuv tas li tias puas yog kuv muaj secret thiaj ua rau kuv luag rau ub rau no...kuv teb tus chef hais tias kuv muaj ib qho secret kawg mas yog kuv luag kuv thiab cov phoojywg Hmoob Catholique peb mus taug St Jacques de la compostelle txoj kev es sab sab thaum nce roob, ib tug ev tsis tau ib tug nce toj thiaj ua rau kuv luag.

Kuv tus chef teb kuv tias lub 9 hli saum no nws twb yuav mus taug thiab thiab es kuv mus taug qhov twg? , kuv teb nws tias peb mus taug ntawm St Cômes d'Olt mus txog conques, kuv tus chef cia li zoo siab rau kuv nws luag nrov nrov thiab nws qhia kuv tias nws yuav mus pib taug ntawm Golinhac mus rau Conques ces ho yuav taug ntawm Conques mus ntxiv, ib hnub nws yuav taug li ntawm 27 km mus rau 32 km ...

Kuv hais rau nws thiab qhov peb sab tshaj yog nqis hav ntawm Golinhac mus rau Conques thiaj ua rau kuv ceg tawv tuaj ua hauj lwm...tus chef wb cia li tham txog mus taug kev ib tav su no li tiag hahaha....

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Montag10

Maiv Tooj, koj cov duab tso tau zoo nkauj heev, zoo li koj cov duab twb muaj txhij thiab tseem zoo nkauj dua kuv cov, ntshe kuv yuav tso kuv cov duab tsis ntau lawm os , nyob hauv koj cov twb pom txhij lawm.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Maypa110

Pab kuv rov los cuag koj Huab Tais Yesxus

**Maiv Tooj** 22nd August 2012, 8:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°32

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 22nd August 2012, 8:48 am

Maiv Paj Lug,

Nws muaj nws cov duab zoo, yog nws laj tso ces cia kuv tso kuv cov tag tso nws mam saib daim twg kuv muaj tsis txhua nws mam tso nws cov los tau. Thawj hnub txij thaum peb so thawj zaug hauv dej ces kuv lub koob thaij thaij tsis tau lawm, kuv tsis muaj duab thaum ntawd mus txog ntua thaum xaus. Plas toj uas peb noj sus tag, nce ais sab tshaj plaws ntawd kuv thaij tsis tau li, vim roj tag lawm.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Dsc02713

Hnnub no kuv mob hauv caug heev, tseem tab tom noj tshuaj mob taub hau rau...Hahahah...! ua de ncauj dawb tag li lawm.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Dsc02722

Sab sab mus kev li os,
ntsej muag poob tag cuag li mob ib tawg zoo...

Last edited by Maiv Tooj on 22nd August 2012, 9:58 am; edited 1 time in total

**Maiv Tooj** 22nd August 2012, 9:17 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°33

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 22nd August 2012, 9:17 am

SO HAUS DEJ OB ZAUG, NOJ SUS THIAB MUS TXOG CHAW HNUB 1

Thaum peb nce nto Roob Niam Mab Liab, peb teev Ntuj tag, peb nqes rau nram lub zos Espalion.
Peb so haus dej ntawm lub Tuam tsev teev Ntuj hauv plawv nroog, tsheb thauj dej tuaj rau peb sam peb cov taub.
Kuv ua tau ib cov ncuav txaum puab ntshav pem tsev nqa mus, kuv muab rau tsheb thauj tuaj tos peb kev,
kuv muab hlais faib rau peb sawv daws ib leeg noj ib khaw. Muaj tej tug kuj ceeb tag tias cas tseem nqa tau ncuav txaum puab mus txog puag nrad thiab. Peb so haus dej txaus ces peb thaij ib daim duab ua ke tag ces peb rov sawv kev mus. Hnub no yog thawj hnub, lawv cov coj ntshai tsam peb ua noj ces qeeb, lawv thiaj yuav mov ci cuam nqaij thiab yuav dej tib si thauj tuaj rau peb noj sus kom peb txhob tab kaum. Peb npaj siab tias yog Hnub Chiv ces peb mus tshuag tshuag los ais los ua lub Txoos teev Ntuj no tab sis peb coob heev ces tsis raws li siab xav, ib txhia mus taus, ib txhia mus tsis taus ces peb cia li los ua tsis tau Mis Xas. Cia hnub qab peb mam sawv ntxov los ua Mis Xas tag peb mawm li sawv kev.

Peb qhov chaw xaus thawj hnub no yog lub zos Estaing. Vim nws muaj txiaj ntsim rau Peb Haiv Hmoob, xws li yog Yawg Txoov Tim Tswv (Président de la République) Valéry Giscard d'Estaing lub zos uas nws lawv caj ces ib txwm nyob tau tshaj ib txhiab xyoo los, thiaj muab tis kiag lawv lub xeem rau vim lawv caj ces yog ib cov neeg tseem ceeb uas tau tuav lub teb chaws, lub zej zog ua ntu zus los, nws lub tsev yog ib lub qub tsev Huab Tais thaum ub. Txoov Tim Tswv Valérie Giscard d'Estaing yog tus Txoov Tim Tswv uas kam tos cov neeg thoj nam Es Xias xyoo 1975 tuaj rau Fab Kis teb, Nws yog tus tso cai rau lawv coj Hmoob mus nyob rau teb chaws Nkws Yas uas zaum no Hmoob mus nyob nto meej nto moo. Li ntawd peb thiaj li txhob txwm mus xaus peb txoj kev thawj hnub rau lub zos uas muaj txiaj ntsim rau peb tsoom Hmoob. Kuj yog ib qho nco txog yawg Txoov Tim Tswv txiaj ntsim thiab.

Yawg Txoov Tim Tswv Valéry Giscard d'Estaing lub tsev yog lub tsev pob zeb loj loj hauv plawv zos.
Nov yog ib lub tsev huab tais txheej thaum ub (Txhim thaj tsam xyoo 1100 tawm).

Last edited by Maiv Tooj on 23rd August 2012, 4:00 am; edited 2 times in total

**Tub Kawm** 22nd August 2012, 10:04 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°34

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Tub Kawm 22nd August 2012, 10:04 am

Nyob Zoo sawv daws thov ua tsaug tsaug rau nej tham nej txoj kev mus sau siab rau peb paub og. Nej cov duab thaij tau zoo nkauj kawg li, thov qhua nej nawb. N hlob thiab M.Paj thov nug tias lub Topic no phab 1, 2 nej tso duab xwb los tso Vidao thiab? Cas kuv nkag mus saib tsi tau li lawm?. Thov kom nej txhua tus tau txais Tswv Ntuj Lub Txiaj Ntsim. Ua li

**Maiv Tooj** 22nd August 2012, 10:11 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°35

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 22nd August 2012, 10:11 am

Tub Kawm,

Phab 1 yog tso keeb kwm thiab TP.Cwj Vuam Chiv lawv cov video tsaib no tsaib ub, phab 2 yog tso duab thiab keeb kwm ntxiv rau nthuav peb kev mus kev zaum no.

Cia kuv khoom, kuv mam qhia cov npe video rau koj mus saib hauv youtube. Thiab mam muab cov ntawv tham keeb kwm xa rau koj hauv PM.

**Maiv Tooj** 23rd August 2012, 4:13 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°36

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 23rd August 2012, 4:13 am

TAUG KEV HNUB OB

Hnub ob, peb ua Mis Xas tag, peb mam mus ces peb tsis txuas kiag ntawm qhov tso tseg lub zos Estaing mus, peb mus txuas ib tog kev mus xwb, vim peb tsis muaj caij yuav txaus taug tag nrho ntu kev uas peb npaj siab yuav taug. Cov hluas thiab cov muaj zog mas kub siab lug xav taug tag nrho raws li tau tuav xam ua ntej, tab sis thaum coob lawm ces tsis yooj yim li siab xav thiaj tau txiav ib ntus kev tawm. Li ntawd tsheb thiaj li muab peb thauj mus tso tom tog kev, peb mam nce ko taw mus. Cov tsav tsheb, lawv coj tsheb mus tso rau pem chaw kawg, ib ob lub tsheb mam thauj lawv los tso rau ze ntawm peb, lawv taug kev los ntsib peb ces lawv mam thim rov qab nrog peb ua ke. Tab sis muaj tus puav lub zig loj, lawv kuj nqe ti nkaus nram hauv paus uas peb ib taug mam los raws peb, kuj tseem los huas tau peb ntej lawm thiab. Zoo siab rau cov uas muaj zog, lawv mus ya lis li lawv tuaj tis.

Thaum taug kwj ha mus txog qab taw toj, sawv daws pib nce toj plawm tes si, kuv tuaj tom qab ntsia, pom zoo nkauj heev, ua rau kuv lub siab deeg daws zoo li cov Ntshiab taug kev mus pem Tswv Ntuj lub Ceeb Tsheej, yog peb muaj txoj hmoo, peb sawv daws yuav tau taug kev ua sob li cov duab nov ntshe yuav zoo lub siab heev. Thov kom Tswv Ntuj lub txiaj ntsim los roos peb txhua leej, kom sawv daws txoj kev hauv lub neej yuav cov, yuav lem, yuav nkhaus, yuav ncaj los kom peb muaj txoj hmoo peem kom mus txog rau Tswv Ntuj tus lwj lwm uas npaj rau peb. Kom ib hnub twg peb tau taug kev nplawm tes sis ua ke li nov mus rau lub teb chaws tshav ntuj rig kom tsim nyog ua Ntuj me nyuam ib zaug.

**Maiv Tooj** 23rd August 2012, 5:05 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°37

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 23rd August 2012, 5:05 am

IB TUG YAWG NTAWM KEV.

Yawg Catusse, sau tseg tias:

Phooj ywg Sau Siab, ntau lub xyoo los,
kuv niaj hnub tuaj zaum ntawm nov ntsia nej txhiab pua leej dhau kev.
Kuv nyiam nrog nej tham, nrog nej txuas lus,
piav kwv huam keeb kwm rau nej mloog, sam hwm nej.
Tab sis txij hnub tim 5 lub 4hlis 2008,
kuv tau mus nrog txhiab pua lub hnub qub uas ci lam txoj kev uas nej taug thiab nyob Saud,
kuv yuav nrog nraim nej, tsom kwm nej.

**Maiv Tooj** 23rd August 2012, 5:23 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°38

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 23rd August 2012, 5:23 am

SO HAUS DEJ THIAB NOJ SUS HNUB OB

Tus hluas tshaj ntawm peb 120 leej, muaj hnub nyug 4 xyoos,
nws kuj muaj zog nce taus plas toj uas kuv hais tias zoo li nce mus saum Ntuj.
Yog plas toj uas ntseg tshaj ntawm peb hnub ke uas peb taug.
Thaum ntej mas nws txiv yog cov coj tsheb mus tso pem hauv ntej,
ces muaj nws thiab nws niam cev tsis teb seeb mus ua ke xwb,
thaum peb nce plas toj deb heev, nws mus tsis taus,
nws hais rau ib tug txiv tsev Hmoob Thoj tias:

"Txiv hlob, yog koj kam no koj pab nqa kuv ib chim yom, vim kuv mus tsis taus lawm."

Tus txiv tsev ntawd, nws los kuj sab heev lawm thiab,
nws twb nqa tsis tshua taus nws tus kheej thiab ces cia li teb rau tus me nyuam tub no tias:

"Me tub, thov txim os mog, kuv twb mus tsis taus li lawm thiab."

Ces tus me tub ntawd cia li hais tias:
"Tsis ua cas txiv hlob, kuv mam maj mam mus kom tau."

Ces nws maj mam mus, ib ntsis nws txiv tso tsheb tag,
nws txiv taug kev los ntsib nkawd ob niam tub,
kuj tsis nqa nws thiab, vim thaum ntawd peb twb nce nto toj lawm.
Lawv thiaj los txog qhov nov, peb so haus dej kuv pom tus me tub no muaj peev xwm heev,
kuv thiaj thaij lawv daim duab cia tau saib,
yog ib daim duab zoo nkauj thiab ib tug me nyuam lub peev xwm yuav
txhawb peb cov laus lub zog hauv peb lub neej lawm yav tom ntej.

**Maiv Tooj** 23rd August 2012, 6:50 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°39

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 23rd August 2012, 6:50 am

SAWV KEV THIAB TAUG KEV TXOG CONQUE HNUB PEB

Hnub 3 no yog hnub peb yuav sawv kev mus rau luv zos Conque,
lub zos Conque yog ib lub zos nto moo rau nws lub Tuam Tsev teev Ntuj uas thaum thaj tsam xyoo 700 tawm ib tug Txiv Twj Cuab xav mus nyob twj cuab haus hav zoov txhim thiab tau nqa Leej Ntshiab Foy uas yog ib tug Leej Ntshiab muaj hwj huaj heev lub cev coj los tso rau.

Li ntawd, ua cov duab uas ua ntej peb yuav sawv kev, kuv thaij tau ntau daim pom cov sab hnub yees tej yam zoo nkauj txawv txawv rau cov duab.

Teev Ntuj ua ntej yuav sawv kev.

Mus cev qhuav twb sab los kuj
tseem muaj cov uas txaus siab hlo
nqa pob zeb ntim pob zeb rau hauv hnab
ev mus kom txog chaw thiab.
Nov yog txoj kev tso siab ntawm tus kheej.

Ib txhia kuj caij luj, thauj nees taug kev.

Mus txog lub zos Conque

Lub zos Conque ti heev,
yog nyob rau hauv taw tsua xwb,
tsis muaj chaw nres tsheb,
ces cov tsav tsheb rov mus coj lawv
cov tsheb tuaj tos cov neeg pem ntug zos.

Tub Kawm,

Yog nws tseem saib tsis tai phab 1 thiab 2 no hais kuv paub, kuv mam ua dua ib cov Topics tso ib phab zuj zus kom nws saib pom thiaj li to taub.

**Maiv Paj Lug** 23rd August 2012, 8:44 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°40

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Paj Lug 23rd August 2012, 8:44 am

Wow....Maiv Tooj, koj cov duab haib ua luaj, koj txawj thaij duab dua kuv es, koj thaij pom tag nrho sawv daws li, kuv ce stej ntus kuv sab sab nrig pas mus lawm xwb twb thaij tsis tau duab li lawm os, tiam sis kuv mam li tuaj tso tej daim ua koj thaij tsis tau li kuv xwb mas, thiab rov qab pom koj cov duab peb sawv daws zaum ua ke , cas yuav zoo siab ua luaj thiab nco nej kawg li os, muaj tej daim ces zoo li peb txhua tus sab sab twb tsis nco qab cuab thaj li lawm es thaij tau tej tus sab sab es zoo li yuav tsaug zog xwb hahaha....zoo siab dhau lawm os peb na...bravo à tous!.

Pab kuv rov los cuag koj Huab Tais Yesxus

**Mim** 23rd August 2012, 12:26 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°41

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Mim 23rd August 2012, 12:26 pm

Tais Tooj thiab Maiv Paj Lug,

Kuv tuaj pom nej mus taug leej Ntshiab Yas Kos txoj kev no mas zoo li nej sawv daws lom zem thiab kub siab kawg li. Kuv nrog nej zoo siab kawg li thiab. Zoo heev uas nej muaj chaw tau kev sib yaum coob leej mus ua ke li no os. Nej thiab peb zoo ib yam, sawv daws tuaj nyob tau tau zoo tsis tau nce toj nqes hav li lawm ces, ntev ntev mam mus ib zaug thiaj li sab sab xwb os. Nej kuj mus pom ntau yam zoo kawg thiab mas yod?... Ua cas nej nrig pas tas tus li es muaj neeg muab pas rau nej los yog nej nyias khaws nyias ntawm tej ntug kev xwb naj?

**dejntwstsirovqab** 23rd August 2012, 6:59 pm

dejntwstsirovqab

dejntwstsirovqab: Messages : 29
Date d'inscription : 2009-11-30

Post n°42

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post dejntwstsirovqab 23rd August 2012, 6:59 pm

Nyob zoo sawv daws ib tsoom phooj ywg nyeem ntawv.
MaivPaj thiab Maiv tooj kuv xav mas muaj coob tus kuj sab kawg thiab tab sis tej zaum lawv cia ua secret rau lawv tus kheej xwb pob heheh.
muaj yam zoo yuav tsum muab piav rau sawv daws mloog ntxim luag los ho luag thiab, vim peb tsuas piav li peb pom thiab piav peb tus kheej raug xwb.
Qhov peb sab ntawd tej zaum yog peb mus tsi tau txaus xwb pob? los yog mus tau tshaj zog lawm ne?
vim tseem muaj cov ua yus niam lawv tseem mus taus tshaj yus nas, kuv xav mas yog ib qho uas Tswv Ntuj tau qhia rau peb tias thaum ub cov Leej Ntshiab lawv yeej sab li ntawd kom peb paub no xwb pob? cas yuav mob tsi mob thaum ib nrab ke yuav mob thaum km kawg maj hehhehe..! ua rau yus rhuav plhu heev ehheehehh vim cov me nyuam 4-5 xyoos lawv mus haib tshaj yus nas, tej zaum Xaiv Tsom thaij tau duab lawm os hehehehehe...! xav kom nws muab tso rau sawv daws saib peb txoj kev mus kev tias txom nyem npaum cas peb ib tug tseem pab ib tug mus kom txog chaw thiab, ua neeg nyob yuav tsum sib hlub sib pab thaum muaj ib tug raug kev txom nyem, los xav tau kev pab ntawm yus, yog li ntawd peb hmoob yuav tsum muaj kev haum xeeb ua pab ua pawg koom ib tug Tswv,thooj dab koom qhua ua ib tsob kwv tij hmoob txhob muab lub me xeem los ua qhov loj quab yuam cov tsawg, txhob muab kev txawj ntse los hem tus nraum.. xav tias peb cov uas tau ntsib tej yam zoo li piav los saum yuav paub tias ua neeg zoo tsi yog xyooj yim.
thov txim hais tau tej yam ua tsi tsim nyog thov sawv daws zam txim,thov peb tus Tswv Ntuj zam txim pub thiab.
Vam tias sawv daws cov nyeem yuav ua zoo xav txog peb tej kev mus taug leej ntshiab Yas Kos Txoj kev, ua tsaug

Thov kom tswv ntuj saib xyuas sawv daws mus rau qhov zoo.

**Maiv Tooj** 24th August 2012, 8:45 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°43

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 24th August 2012, 8:45 am

Nyob zoo Maiv Paj Lug, Mim thiab Dejntwstsisrovqab,

Maiv Paj Lug,

Cia kuv tso kuv cov tag, koj mam tso koj cov thiaj li los tau kawg mas mog. Thaum kuv khoom ces kuv thaij li kuv pom xwb yeej tseem tshuav ntau qhov zoo uas kuv tsis pom thiab.

Mim,

Thaum ntej peb cov mus tshiab xav tias tseem hluas hluas li nyaj yuav tsis tau nrig pas no, yog cov uas lawv xub mus dua lawm lawv thiaj li nqa pas mus xwb. Tab sis cas tos nco xwb twb caum cuag cov laus lawm cia li rig pas tas tus li. Peb cov pas yog peb nqa riam Hmoob mus txiav taug kev xwb. Thaum yus mus kev mas koj nre ib ntsais muag xwb koj yeej caum tsis yeej luag li lawm. Tus txiav pas mas nws txiav kiag ib tug xwb caum kom tau sawv daws tso mam rov txiav dua ib tug. Kuv mas kuv thaij duab ntau mas ib ntsis kuv cia li poob qab li lawm.

Dejntwstsisrovqab,

Thaum peb los raws tau koj ntawd, kuv yog tus ua qab ais kuv tsis paub tias koj mus tsis taus kev lawm no, kuv pom thaum lawv txheem kiag koj qhov tsos nqa xwb tab sis cov uas lawv ua kuv ntej me ntsis, lawv hnov koj hais tias koj mus tsis taus lawm no mas. Tab sis peb tsis sib tham li vim peb tab tom teev Sawv Mab Liab ua ke ces kuv yog tus coj, kuv thiaj tsis mloog tom tej nrov li thiaj tsis hnov. Yog kawg, kwv Xaiv Tsom yeej thaij tau kawg, nws ua kuv qab kiag, kuv twb pom nws hla los nce ntawm qaum kev thaij. Yawm txiv, luag lwm leej lwm tus, yog luag ua cia rau hauv siab los tsis ua cas, peb yuav tsum tham kom Peb Hmoob paub txog. Tsis yog peb khav peb kev coj, kev ntseeg, kev mob siab hwm Ntuj, tab sis yog peb xav qhia ib txoj kev tshiab rau Peb Hmoob paub txog xwb peb thiaj li tham txhij tham txhua li peb pom. Yog tias Peb Hmoob yog ib haiv neeg uas ntseeg Ntuj ntev los lawm es peb paub Ntuj Kev cai zoo zoo ces peb yuav tsis tham tshwm thiab.

Yawm txiv, ntshe yog thaum peb los txog ze ntawm Conque es peb tsis tau paub txog Leej Ntshiab sainte Foy es peb tsis hais nws es nws tawb peb xwb. Yog peb ntxov paub cov chaw uas peb yuav mus, peb xub nrhiav nyeem ua ntej mas peb yuav paub keeb kwm hauv paus hauv ntsis. Tab sis peb tsis paub ua ntej ces peb thiaj tsis paub npaj. Leej Ntshiab Foy yog ib tug Leej Ntshiab uas muab txiaj ntsim ntau tshaj plaws rau cov neeg uas vam txog nws. Neeg vam txog nws puag thaum 303 los txog ntua rau niaj hnub no. Nws mloog lus heev, nws peb txhua yam rau neeg ntiaj teb. Yog peb hais txog nws mas tej zaud peb yuav tsis muaj teeb meem. Lwm zaud, peb yuav tsum rov mus dua, muab lub caij tib zoo mus teev Ntuj thiab mus hawm Le Magesté Leej Ntshiab Foy.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Foy10

**Maiv Paj Lug** 24th August 2012, 9:31 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°44

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Paj Lug 24th August 2012, 9:31 am

Nyob zoo Dejntswstsisrovqab , Mim thiab Maiv Tooj,....

Kuv los kuj tsis to taub kuv li lawm thiab tiag, kuv ib txwm yog ib tug neeg nyiam dhia ua sport taug kev thiab kuv muaj zog mus kev kawg li, thawj hnub kuv kam nrog pab hluas nce roob nce hav txog nthua thooj txhij saum tus duab pob zeb niam mab liab twb tsis nco nkees li, tiam sis tsis muaj cov laus nrog kuv tham ces kuv thiaj li tos Maiv Tooj lawv pab ua qab kom tau tham taug kev lawm xwb...

Yog vim li cas es hnub 3 kuv cia li mob hauv caug txij khiag dejntswstsisrov qab qhia kuv tias nws mob hauv caug mus tsis taus kev li hauv caug tshuav poob lamw xwb no ces kuv txawm cia li pib mob sab hauv caug xis thaum nws hais li ntawv tas rau kuv, thiab kuv qab xib taws sawv hlwv paim mob mob ntsim kub lug ua rau kuv ceg tawv mus kev hnub kawg nkaus lawm xwb, kuv mloog mas kuv txom nyeem kawg nkaus , tsis xav nroo tsam ho muaj neeg xav tias yus lam ua txuj thiab no xwb mas mob kawg nkaus...

Thaum peb nyuam qhuav pib taug kev hnub peb yuav mus rau Conques xwb ces kuv yeej ceg tawv mus tsis tau lawm tiag tiag li...muaj ob peb zaug Maiv Tooj thiab kuv cov niamhluas hais rau kuv tias kom kuv nce saum lub tsheb uas ua relais, kuv xav xav, kuv twb yuav nce tsheb, tiam sis kuv ho xav txog HUAB TAIS YESXUS cov lus thaum YESXUS raug dab phem ntxias nyob hav suab puam vim Yesxus tshaib plab heev : " Koj yog Tswv Ntuj leej tub tiag no koj kuj hais kom cov pob zeb txia ua mov ". YESXUS teb tias : " Muaj ntawv sau tseg tias tib neeg yuav tsis tuag tsis kawg yuav yog mov ."

Kuv ne ? puas yog dab phem ntxias thaum kuv sab sab hais tias: " Koj ntseeg ntuj tiag , koj kuj caij tsheb xwb tsis tas taug txoj kev kom mob ntxiv, Tswv Ntuj yeej saib xyuas koj zoo." Kuv xav hauv nruab siab tias: " kuv taug mus kom txog Conques yeej tsis tuag vim mob ko taw xwb".

Kuv muab xav los, tsam kuv raug dab phem ntxias kom kuv thim rov qab xwb, cia kuv nyiaj tiag kom mus txog Conques, nsthe ib txhia twb xav tias kuv mob tsis txaus kuv thiaj tsis kam caij tsheb, kuv tsis paub li os ua cas kuv sab hauv caug yuav mob ua luaj os cov phoojywg, kuv twb los so ntev npaum no lawm los nij hnub no tseem mob heev, yog ua cas rau kuv sab hauv caug lawm? kuv twb tsis tau ntog, tsis tau ua sav li, kuv qab xib taws uas tawm hlwv twb zoo tag lawm los kuv sab hauv caug xis tsis tau zoo li, kuv yeej nqis tsis tau kuv tus nthaiv hauv tsev yog kuv tsis tuaj ncej ntxheem ntaiv nqis. Kav liam os cia kom ntev seb puas zoo xwb.

Dej ntswstsisrovqab thiab Maiv tooj,

Muab daim duab hauv qab no rau neb saib os, peb nyuam qhuav ev ib lub nyuag hnab ntim dej haus xwb taug kev xwb peb twb sab sab ua mob tas li lawm, ua ciav tej tus poj niam laus ntsuav no tseem ev ntau npaug tshaj peb, thgiab ob sab tes twb tsis khoom nrig pas li, Tswv Ntuj kuj pub lub zog rau nws ris khoom ua noj ua haus kom nws txhob qaug. Saib tej duab no tas peb rov qab sawv mus kev dua nawd, tso siab rau Tswv Ntuj os.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 26477110

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 26477110

Last edited by Maiv Paj Lug on 24th August 2012, 8:59 pm; edited 2 times in total

Pab kuv rov los cuag koj Huab Tais Yesxus

**Maiv Paj Lug** 24th August 2012, 10:17 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°45

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Paj Lug 24th August 2012, 10:17 am

Yog vim li cas cov laus ,cov hluas thiab cov me nyuam yaus ho tsis sab li?

Vim hais tias cov laus, cov hluas thiab cov me nyuam yaus, tsis txog lawv lub caij yuav qhia Tswv Ntuj lus, Tswv Ntuj thiaj li txheem lawv lub zog nce toj nqis hav, thiab muab lub peev xwm rau lawv kom ua tau peb ntej, rau peb saib xyuas tias Tswv ntuj muaj peev xwm npaum cas, tsis pub tus laus tus hluas tus me nyuam yaus qaug.

Ntawm nej thiab kuv peb cov nrab neej ne? vim li cas peb yog cov sab tshaj ? Vim peb raug dab phem ntxias peb lub siab kom peb thim rov qab, yog peb thim rov qab ces peb yuav tshaj tsis tau Tswv ntuj lus thiab ua tsis tau Tswv ntuj txoj hauj lwm.

Hnub 1 peb sawv daws taug kev tas, sawv daws sau mus tham hais txog seb puas yuav mus taug kev dua hnub 2?

Sawv daws tsis ceev faj, muaj dab phem kuj tuaj txeem rau peb kev tham, nws tshaj hauv ib co neeg tej lus kom peb cia li tsis txhob mus taug kev hnub 2. Kuv tseem hnov leej twg hais tau ib lo lus tias : " Taug sab sab lawm yuav tsum txhob peem ntxiv , yuav saib xyuas yus txoj sia muaj nqis dua".

Xyov nej puas hnov tus neeg no hais? tiam sis kuv hnov, nws hais tau ua rau kuv tu siab, vim hais tias thaum tus neeg no nws hais nws cov lus , nws tsis xav txog tias peb tsis yog mus peem taug kev ua si kom lom zem, tiam sis peb yog taug kev mus nrhiav Tswv ntuj lub txiaj ntsim.

Kuv tuaj mus nrog nej taug Leej Ntshiab Yas Kos qab, kuv yog txhob txwm tuaj mus nrhiav Tswv Ntuj lub txiaj ntsim thiab kuv tuaj soj ntsuam seb peb Hmoob Catholique txoj kev ntseeg mus deb npaum cas :

_Qhov kuv pom zoo lawm yog peb Hmoob yeej nyiam sib pab thiab sib hlub, thaum ua ke sab sab lawm, ib tug txawj hais lus nplij ib tug siab, thiab zoo li peb cia li yog ib tse neeg, kuj muaj cov neeg pom yus tshaib plab tsis tau zoo noj, lawv kuj faib lawv tej zaub mov rau yus noj, faib dej rau yus haus muaj cov pom yus mob mob, lawv txawj muab lawv tej tshuaj rau yus zaws ceg, yus sab sab lawm los muaj cov rub yus tes, tuav yus npab, muaj tus pab yus ev yus tej khoom dej haus kom yus ho mus tau kev sib, txawj sib tos, txawj txhawj tus tom qab, txawj sib nrhiav, muaj tswv yim, hais lus ntse, thiab siab dav siab loj txaus.

_Qhov kuv pom zoo tsis tau txaus, yog peb Hmoob txoj kev ntseeg loj tsis txaus, tej yam tseem ceeb li taug kev Leej Ntshiab Yas Kos , yog Tswv Ntuj txoj kev taug, tiam sis thaum sawv daws sab lawm ib txhia tawm tsam tsis pub taug , saib txoj kev taug no nws tsuas yog ib qho kev nrhiav mob rau yus ntxiv, tsis yog nrhiav Tswv Ntuj lub Txiaj Ntsim.

Txoj kev taug no zoo yam li peb txoj kev mus Teev Ntuj Ntag, hnub yus nquag ces yus tias mus teev ntuj zoo siab hlo, hnub yus nkees lawm ces yus cia li tias so xwb txhob mus Teev Ntuj vim nkees heev lawm. Yog thaum koj qaug kiag , koj mloog koj lub zog lawm xwb ntag ces yog dab phem yeej koj , hos yog koj sab npaum twg, nkees npaum twg, koj txhob mloog koj lub zog, koj mloog koj lub siab coj koj mus Teev Ntuj kiag xwb ces koj yuav yeej koj lub zog thiab yeej dab phem tib si, Tswv Ntuj yuav zoo siab rau koj, Tswv ntuj yuav txhab zog rau koj thiab pub txiaj ntsim rau koj.

Peb Hmoob yuav tau kawm Tswv Ntuj lub txiaj ntsim kom zoo seb txhais li cas, lwm zaus yuav ua dab tsi los thiaj muaj zog taug mus ntxiv.

Pab hluas mus kev nrawm tshaj , kuv nrog lawv ua ke thawj hnub, kuv yeej caum tau lawv tsis nkees, tsis sab, tiam sis lawv hluas dua kuv lawm ces tsis muaj neeg nrog kuv tham taug kev, thiaj tau tos cov tom qab kom tau nrog Maiv Tooj lawv ua ke.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Dscf1713

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Dscf1713

Pab kuv rov los cuag koj Huab Tais Yesxus

**Maiv Tooj** 25th August 2012, 5:48 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°46

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 25th August 2012, 5:48 am

Maiv Paj Lug,

Ua tsaug rau nws cov lus piav, nws hais yog kawg, peb Hmoob nyuam qhua ua Ntuj Kev Cai tshiab, tshuav ntau yam uas peb tseem tsis tau paub, tsis tau txawj peb thiaj li ua xyem yav. Thaum xav tau ces xav kom tau tam sid, thaum tau tag lawm ces tsis nco qab li lawm. Peb tseem tshuav kev deb yuav taug, yuav rau siab thiaj li mus txog.

Ua Mis Xas hnub 3 thiab ua Hmoov xaus Sau Siab.

Hnub no yog hnub 4 uas peb mus, peb taug kev txog li 3 teev tav su, peb los tsev ces 5teev peb ua Thaj txi Ntuj. Kuj muaj tus tswv tsev thiab coob tus neeg sab nraud tuaj koom peb hnub no. Teev Ntuj tag, peb ib leeg ua ib qho mov nqa mus noj ua kev lom zem ua ke. Txawm tias peb mus nyob tsis muaj twj taig, cuab yeej los peb sawv daws kuj muaj lub siab loj thiab lub peev xwm ua tau ib pluag mov ntau tsim, yog los rau saum rooj.
Peb mus coob coob ua ke, tab sis peb txawj coj txawj hais, peb kuj ua tau ib tug qauv zoo rau luag pej kum qhuas peb. Tus tswv tsev zoo siab kawg rau peb, thaum yuav noj mov, kuj ua rau nws kua muag poob. Peb sawv daws sib koom tau ib qho nyiaj me me ua paj tshab rau yawg tswv tsev, nws txais lawm tab sis nws hais tias nws tsis yuav, nws yuav muab pub ib lub koom haum pab neeg txom nyem xwb.

TUS HLUA TSHAJ MUAJ 4 XYOOS

TUS LAUS TSHAJ MUAJ 77 XYOO

**Maiv Tooj** 26th August 2012, 10:02 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°47

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 26th August 2012, 10:02 am

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Z503a810

Leej Ntshiab Foy, yog ib yim neeg noob nom tus ntxhais hlob, nws yug thaj tsam xyoo 290 nyob rau Agen, Fab Kis qab teb. Muab rau ib tug niam mis tu (txheej thaud cov poj nom yug tau me nyuam xwb tsis pub mis, muab rau ib cov niam mis pub thiab tu hlob). Tus niam mis yog ib tug neeg ntseeg Ntuj, Foy paub txog Yes Xus Pleev thiab hwm Ntuj li tus niam mis qhia.
Tus me ntxhais no nyiam mus nyob tom lawv lub tsev uas deb zos, mus saib cov neeg ntseeg txom txom nyem teev Ntuj thiab raug tsim txom. Thaum nws txiv paub tias nws nyiag nyiag mov mus faib rau cov neeg raug txom nyem noj, ces nws txiv nyiag mus nyas txhom. Muaj ib hnub, nws txawm muab tau ib cov mov ci qhwv hauv nws daim nqaws tiab, nws txiv txamw los ntes nws thiab nug seb nws nqa dab tsi ahuv nqaws tiab. Tus me nyuam tso siab tag nrho rau Yes Xus Pleev, teb ntua tias : « yog ib cov paj xwb », ces, tam sim ntawd nws thooj txhij qheb kiag nws daim nqaws tiab naj cas nws txiv qhov muag ntsia ntsoov yog tib cov paj de tshiab tshiab tsw qab ntxiag xwb… »
Tej yam li no mas tshwm sim ntau heev, lawv cia li siav npe tias « Leej Ntshiab Foy ua si ». Nws muab txiaj ntsim yooj yim thiab ntau heev suav tsis thoob rau cov neeg siab ncaj hwm Ntuj.
Thaum lub caij sij hawm Yes Xus yug los rau Yes Xus tuag 200-300 xyoo tom qab, cov ntseeg ib sij raug tsim txom ib zaug. Lawv ntau rog tsis yeej los hiam tias tim cov neeg ntseeg tsis nrog lawv teev dab, txi dab ais txhaum dab lawm thiaj tua tsis yeej. Yog muaj mob aws los lawv tias tim cov ua ntuj Kev Cai tsis nrog lawv teev dab ais txhaum dab lawm. Lawv nrhiav ntau yam kev hiam los tsim txom cov neeg ntseeg ua ntu zus. Ces lub sij hawm uas cov Los Mas tus vaj txheeb Dioclétien ua vaj, nws rov tsim txom cov ntseeg dua ib zaug ntxiv.
Hnub tim 24 lub 2hlis xyoo 303, vaj txheeb Dacien mus txog Agen, Fab Kis Qab teb, nws tso qeb txam ntes thiab tsim txom cov neeg ntseeg txog Yes Xus. Tus me ntxhais Foy txiv ntshai tsam lawv paub tias nws tus ntxhais mus ntseeg Yes Xus ces nws yuav poob nom ces nws thiaj li ntes nws tus ntxhais Foy mus cob rau vaj txheeb Dacien. Tab sis tus ntxhais Foy ua siab tawv qhawv zoo nkaus li thaum Yes Xus mus sawv ntawm Pis Las Tos xub ntiag, nws muab nws peb tug ntiv tes los tuav ua ib txaum, ua Ntoo Cuam lub Cim ntawm hauv pliaj, ntawm di ncauj, ntawm hauv siab hu txog Leej Txiv, Leej Tub thiab Leej Ntuj Plig lub npe thiab nws teev Ntuj tias :
« Huab Tais Yes Xus, koj ib txwm los pab cov neeg ntseeg txog koj,
Zaum no koj los pab koj tus ntxhais txib mog
Thiab qhia kom nws txawj hais cov lus thoob tsib los lwv cov neeg, cov nom tswv uas lawv tsuas taus lawv muaj zog. »
Xub thawj, lawv kuj tsis ua tawv rau nws, tab sis lawv kom nws teev tus niam ntuj Dias thiab Jupiter uas yog cov Los Mas lawv teev nyob Agen thiab tag nrho cov teb chaws uas Los Mas kav. Tab sis Leej Ntshiab Foy tsis kam, nws teb lawv tias :
« Kuv yog neeg ntseeg Yes Xus Pleev !
Kuv zoo siab hlo txais kev tsim txom txog ntua kuv txoj sia tu rau Yes Xus Pleev lub npe. »

Ces Dacien kom lawv muab nws ntaus, plawm, tso qeb txam kom muab nws hlawv saum ib lub txaj tooj liab (tso rau saum lub txaj tooj liab, rau taws rau hauv qab kom kub nws ib txheej zuj zus, xav tias thaum kub heev lawm ces nws yuav thim ces mam tso nws). Thaum lawv tab tom npaj yuav tsim txom nws, tus me nyuam ntxhais tshaj Yes Xus lub moo zoo rau tsoom sid thiab kom lawv txhob qaug luag quav mus teev tej dab qus dab cuav. Coob leej tau txiaj ntsim, khuv leej nws, thov kom lawv tso nws thiab qw hais tias :
«Neeg lim hiam siab nyoos, tsuas paub txiav txim xwb, yog tim li cas thiaj li tsim txom tus neeg dawb huv, ib tug nkauj xwb dawb huv tsis muaj txhaum uas yog Tswv Ntuj kwv luag. »

Mauj tej kev kub ntxhov tsiv nyaum no los yeej tseem muaj ib tug me ntxhais muaj cuab kav nam mus hais tias nws yog neeg ntseeg Yes Xus nrog Leej Ntshiab Foy thiab, thawj tug nov yog Alberte, Leej Ntshiab Foy tus niam hluas yau nws kiag.
Ib pliag tom qab, muaj ib tug tub hluas hais nws tus kheej rau yawg Txoov Kav tib yam. Yog Caprais uas nws niaj hnub thov Ntuj rau cov neeg ntseeg uas raug tsim. Lawv nug nws seb yog neeg dab tsi, ntseeg dab tsi thiab ua dab tsi. Nws teb tias : « Kuv yog neeg ntseeg Yes Xus Pleev, txais Cim Ntxuav tag, kuv npe hu ua Caprais. »
Cov nom tswv ua tawv zuj zus, tus nom Dacien muab Caprais rau lawv ntaus sab heev. Cov nom ua phem heev, ces ib pliag cia li muaj ob tug hluas teev dab txav los hais tias nkawd yog neeg ntseeg Yes Xus Pleev nrog cov i thiab. Tab sis qhov tseeb, nkawd yog haiv neeg Nitiobriges uas ib txwm tuaj César tog.

Tsoom neeg quaj tsawm quaj tsawm vim tus me ntxhais qw tshaj Ntuj Lus nrov nrov. Cov nom ntshai tsam tsoom pej xeem sawv tawm tsam ces lawv muab Foy, Caprais, Prime, Félicien thiab Alberte coj mus kaw tsev loj faj.
Txawm lawv niam lawv txiv mus xyuas lawv hauv tsev loj faj, cov nom tswv rov tawm tsam dua los lawv tsis zeem li, lawv hais khov kho tias : « Yes Xus Pleev yog tus cawm seej ! »
Dacien thiaj kom cov peeb coj cov me nyuam mus rau tom lub tsev teev niam Ntuj Dias, Dacien muab cov me nyuam thiab coob leej neeg nyuam qhuav ntseeg tshiab thiab Foy tua txi Dias.
Foy thiaj raug hlawv thiab txiav caj dab tua grau xyoo 303 tom qab Yes Xus yug, nws muaj 12-13 xyoos. Yawg Txoov Kav tso qeb txam kom muab Foy pw nrhab saum lub txaj hlau, kom lawv rauv ib tsag thee rau hauv qab txhiab kom cov tooj liab kub kub mus rau nws tej tes taw tu ib qho zuj zus kom mob nws tshaj plaws. Ces tus me ntxhais pw ko saum lub txaj hlau kub lam liab ploog. Pom nws tej tes taw qhuav nkaum zuj zus, lub cev caws lo nkaus cov kav hlau, lawv muab nws dov saum daim ntxaij hlau liab ploog. Cov tub txib xuas hlau duav yawm thee pov rau hauv qhov cub kub ntaiv heev tseem muab roj thuv cuam rau kom cov ncaig cig nplaim hlob txij kiag nws lub cev. Hlawv Foy li no tag tseem muab nws txiav cag dab thiab.
Tsis ntev tom qab ces cov neeg uas teev txog Leej Ntshiab Foy lub npe kom pab tsis hais kev mob nkeeg, kev txom nyem, kev tsim txom, taug kaw puav leej tau txiaj ntsim tib si.

Tuam tsev teev Ntuj Conque tshwm sim los li cas ?

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 45059-10

Muaj ib tug yawg hu ua Dadon, yogi b tug yawg nyiam nyob ib leeg, caij nees nrawm heev thiab muaj zog. Zoo rau lub zim txwv uas muaj tub sab loj lub caij ntawd tau tiv thaiv tej zej zog. Muaj ib hnub, Dadon los txog pom tub sab tuaj tshawb nws vaj tsev ntxhov nyho thiab ntes nws niam mus lawm. Dadon txamw yaum ob peb tug phooj ywg, caij nees mus raws. Dadon kom lawv tso nws niam, tab sis tus Tuam tub sab hais thuam Dodon tias yog nws xav tau tus pog laus no ces kom muab ib tug txiv nees zoo nkauj tshaj los pauv. Dadon npau taws, cem cov tub sab tias yuav tsis pub kom lawv tau cuam nws lub eeb nees. Ces cov tub sab muab nws niam ntaus, tsim txom thiab tua txia ua tej yav ntawm nws qhov muag ntsia ntsoov. Dadon chim siab heev uas nws pab tsis tau nws niam thiab xav tias yog tim nws es nws niam thiaj tuag. Ces Dadon tsis pom qab ua li cas, nws thiaj li txiav txim siab mus ua Yes Xus Pleev tus tub txib kom tau them nws tej txim txhaum. Nws thiaj li mus nyob rau ntawm Conque, yogi b lub vos hev tais tais, com kawb uas neeg tuaj tsis txog, nws thiaj li mus pib txhim lub Tuam Tsev teev Ntuj rau xyoo 790-795.
Xyoo 866 lawv coj Leej Ntshiab Fuas lub cev los tso rau hauv lub Tuam Tsev teev Ntuj Conque. Lawv muab lub cev los ntim hauv ib lub phij xab tawv, muab leem rau ntawm tus ncej ruv ze ntawm lub tsev tsam phooj, txua ib tug neeg ntoo zaum ib lub theej kiab, muab kub los leem sab nraud, muab nws lub taub haus los dhos rau lub cev ntoo. Cov neeg uas mus teev tus mlom kub nov kuj tau txiaj ntsim zoo. Txog zoo caij zoo nyoog, lawv muab nruam ncig zej ncig zos, cov neeg caum kov, chwv tus mlom kub « Le Majesté » mas lawv tau txiaj ntsim heev. Muaj ib zaug, lawv kwv mus rau ib lub zos deb, cov Txiv Twj Cuab uas kwv nce toj sab sab ces lawv txawm so me ntsis ntawm ib tsob ntoo nkaum tshav naj cas neeg dhia tuaj thov txiaj ntsim coob cuag li thaum neeg tuaj ntsauv Yes Xus tim tus ntug dej Tis Npes Lias. Vim lawv thov dab tsi los tau tag raws li lawv lub siab. Cov muaj mob tuag ceg, dig muag los puav leej zoo hlo tam sim ntawd.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Conque10

Last edited by Maiv Tooj on 27th August 2012, 5:39 pm; edited 1 time in total

**Maiv Tooj** 27th August 2012, 9:29 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°48

Re: Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle

Post Maiv Tooj 27th August 2012, 9:29 am

Leej Ntshiab Fuas lub hwj huam :

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 2011-410

Leej Ntshiab Fuas (Sainte Foy) nquag pab cov neeg raug txim vim txheej thaud mas lawv tsim txom neeg phem heev. Ib nyuag qhov ob nyuag qhov tsis hlob tsis yau los ntes neeg mus tsim phem heev, ntes mus ua txim tuag. Tej zaud twb tsis txhaum, lam raug hiam ces lam muab ntes mus tsim txom. Lawv kev tsim neeg thaud, lawv muab hlau hlawv los laum, muab rau taws hlawv, txhiab nqaij siav poob tej daim, muab txiav tej tes taw, muab riam hlais nqaij pleev ntsev kom mob, muab khi rau nyuj nees dua, muab khi rau log rub tes taw ntshua…thc…
Cov neeg uas raug txim es thov txog Leej Ntshiab Fuas pab tau lawv dim los, hle lawv cov saw hlau xauv tes xauv taws los ntau tau cov ntxaij hlaus uas xov lub tsev tsam phooj hauv Conque. Yog nej pom phab laj kab ntawd mas nej thiaj yuav mem tau tias cov neeg uas Fuas pab tau lawv txoj sia coob npau li cas. Tsis tag li tseem tshua ntau yam hwj huam rau lwm ya muas suav tsis thoob. Vim Fuas yeej pub txiaj ntsim rau neeg txij puag thaum lawv muab nws tua 303 los txog niaj hnub no. Lub caij uas cov neeg tau hwj huam ntau tshaj mas yog thaum Fuas tuag tag nrho los txog rau thaum 1789 uas lawv tua huab tais Fab Kis tag ces lawv txwv tsis pub neeg teev Ntuj, lawv lws tsev teev Ntuj tej cuab tam teeg tug tas. Thiaj li ntsiag tau ib ntus li 80 xyoo, rov qheb txoj cai tshiab ces neeg thiaj mam rov los teev Ntuj dua los txog niaj hnub no.

1-Txim tua neeg :
Ib tug nom nyob ze nyob lub zos Avalène khib tus yawg Hadimar ces txawm tso qeb txam ntes nws, ntes kiag hmo xwb ces txiav txim kom lawv muab dai caj dab kiag taig kis tom qab. Hmo ntawd lawv muab yawg Hadimar kaw hauv ib kem hauv nruab tiv, tsaus tsaus ntuj tsis muaj tsau lam li. Nws xav txog taig kis lawv yuav muab nws dai, nws tsis tsaug zog, txog ib tag hmo pom ib tug ntxhais tiav me nyuam hluas nkauj zoo zoo nkauj tshwm los. Nws xav tias yog cov neeg nyob hauv lub tsev Huab tais. Tus ntxhais tsis tuav tsau ntawm tes li tab sis nws ci lam lug. Tus ntxhais txav los ti, nug tias ua tim nws ua li cas thiaj li tau los nyob qhov ntawd. Yawg txawm piav nws kev raug hiam rau tag ces thiaj nug tias :
«koj yog leej twg ? » li no rau tus ntxhais.
-« Kuv yog Fuas, tus uas koj thov txog kuv naj. Taig kis koj yuav mus nce lub rooj txiav txim, tab sis nco ntsoov hu txog kuv lub npe, txog ntua thaum lawv muab koj dai, tus Tswv muaj txog sia yuav chua koj dim ntawm txoj kev tuag. »
Li no tag ces tus ntxhais cia li ploj ntais lawm ua rau tus yawg nyob ntshee ntshee cia tab sis lub siab tus yees. Taig kis tus yawg tua neeg txawm tuaj cab yawg Hadimar mus rau saum lub rooj tua neeg, muab lub voj hluas khuab ntawm caj dab. Lawv suav ib ! ob! Peb!, chua daim ntoo kom Hadimar plam taw poob nrov poog hauv av, txoj qab hluas nplawm sis cia. Rov daim dua ib zaug, khi lub pob kom zoo zoo dua ntxiv rov suav : Ib ! Ob! Peb ! lauj kiag txiag, Hadimar poob nrom ca hauv pem teb, qab hluas fiav yuj yees cia. Lawv ua li nov peb zaug tua tsis tau Hadimar ces lawv qw zom zaws tias yog Leej Ntshiab Fuas pab cawm Hadimar lawm.

Ces tus nom thiab Hadimar nkawd sib puag xwb pwg mus txhos caug hawm Leej Ntshiab Fuas. Ib tug ua yog tuaj ua tsaug, ib tug yog tuaj thov txim.

2- Tus neeg dig muag thaj tsam xyoo 1007:
Thaum thaj tsam xyoo 970, ib tug tub hluas hu ua Guibert, nyob lub zos Espeyrac tsis deb ntawm Conque. Nws yogi b tug neeg nrawm, txawj ua luam heev, nws txawm hnav cev tsoos tsho li cov neeg mus Sau Siab teev Ntuj los nrog ob peb tug phooj ywg los tom Conque los. Lawv mus ua Leej Ntshiab Fuas tsaug. Lawv mus ib hnub tsaus ntuj txawm los ntsib nws tus los pav tab tom caij nees txog tog kev. Nws xav tias ntshe yog Guibert mus tham hluas nkauj lo no ces cia li muab kiag nws ob lub qho muag dawj tawm plaws pov tseg. Tam sim ntawd muaj ib tug nquab dawb ya plho los khaws nkaus ob lub qhov muag ntawm yawg los pav xub ntiag ya ncaj qha mus tom Conques lawm, ua rau yawg yoob tag nyob tug ruam ntsuav cia.

Tam sim ntawd yawg los pav Géraud rov khuv xim qhov nws ua yuam kev tab sis twb lig dhau lawm. Guibert ntooj nws tus mob, ob lub qhov muag qhov txhab zoo zuj zus ua plaws pliav. Cov neeg nyiam muab nws zes ua si. Ua rau nws cia li tsis nco qab txog nws qhov dig muag txom nyem lawm. Tau yuav luag ib xyoos tom qab, Leej Ntshiab Fuas tshwm los rau nws pom, nws yogi b tug ntxhais hluas luaj li thaum lawv muab nws tua, zoo nkauj thiab hnav tau ib ce muaj peev feem heev.

Nws sawv pheeb ai rau ntawm Guibert thiab nws muab tes maj mam plhws sab plhu xis thiab hais tias :
-« Guibert, koj puas tsaug zog ? »
-« Koj yog leej twg ? »
-« Kuv yog Leej Ntshiab Fuas. »
-« Niam Hlob, koj los cuag kuv ua dab tsi ? »
Ces nkawd txawm sib tham, Leej Ntshab Fuas hais rau Guibert tias Tswv Ntuj tsis zoo siab rau qhov lawv ua phem rau nws, muab nws ob lub qhov muag dawj. Leej Ntshab Fuas thov thov Ntuj rau nws txog tav no ces Tswv Ntuj tso cai los kho nws ob lub qov muag kom zoo. Thiaj kom Guibert mus lawm tom Conque, nws thiaj coj nws tus los pav ob tug kis nrog nws mus. Mus txog tod Guibert yuav tau ob tug tswm ciab, nws hlawv ib tug tso rau ntawm lub thaj txiv Ntuj Saint-Sauveur, ib tug rau ntawm tus mlom kub Majesté Leej Ntshiab Fuas xub ntiag.
Taig kis, Guibert txho caug hawm lub thaj txi Ntuj Leej Ntshiab Fuas thiab teev Ntuj ib hmo. Thaum ib tag hmo, yawg dig muag pom zoo li ob lub voj voog dawb lias qes saum ub los rau ntawm nws ob lub qhov muag uas ntev los lawm uas tsis muaj ntsiab. Ua rau nws muaj ntsis kiv taub hau, ces nws cia li tsaug zog heev heev ib tsig. Tsim los hnov lawv hu nkauj teev Ntuj thaum sawv ntxov, nws ntsia pom cov tswm ciab uas lawv taws cia hauv tsev teev Ntuj, pom cov neeg ntseeg taug kev dub nyod li duab ntxoo. Ceeb tag, nws tsa nws txhais tes los xuas nws ob lub qhov muag naj cas nws cia li rov muaj ob lub ntsiab muag lawm. Nws rov pom kev. Tsoom ntseeg qw zom zaws tias : Hwj huam yees ntxwv ! Yog Leej Ntshiab Fuas ua hwj huam. Ces sawv daws hu nkauj cav txog Leej Ntshiab Fuas lub koob meej.

Guibert zaj no neeg cav nto moo lug txog rau ntau lub teb chaws.
Guibert ua neeg nto moo tuaj, lawv tsis hu nws ua Guibert no xwb, lawv hu nws ua « Guibert tus Pom Kev ». Lawv zoo siab heev, ces tus Txiv Plig tswv tsev Abbé Arlaldus II thiaj li nrhiav ib txoj hauj lwm rau Guibert kom tau laug caij. Kom Guibert ua tus saib xyuas cov muag tswm ciab rau cov neeg tuaj teev Ntuj uas muaj neeg tuaj laub lug tuaj teev Ntuj nyob Conque. Vim nws yogi b tug tau txais txiaj ntsim loj thiab ces neeg haj yam yuav thiab tuaj teev Ntuj coob. Guibert kuj yog ub tug zoo tub luam, nws txawj muag tau luam heev thiab. Guibert nplua nuj heev ces nws qaug kev nplua nuj, nyuag ub nyuag no ntxhov quav niab lauj. Nws tsis leem cai thiab ua ntau yam tsis khuav qhov muag rau lub Chaw Ntshiab. Leej Ntshiab Fuas muab txiaj ntsim rau nws, tsis ygo yuav muab tag ntsiag to, nws muab tag, nws ntsia ntsoos. Ntshe Leej Ntshiab Fuas pom tias nws ua tej yam tsis tsim nyog, tsis zoo nkauj, Leej Ntshiab Fuas thiaj li muab nws ib sab qhov muag rov qab, ces nws ib sab qhov muag rov tsis pom kev lawm. Nws poob ntau zaud rau kev txhaum, txhua zaud Leej Ntshiab Fuas rov ua kom nws ras xeev tab sis nws tsis mloog, nws ua ntxiv. Ces cov Tij npau taws thiaj li muab nws ntiab tawm, nws tawm hauv cov Tij mus ua neeg thov khawv tag nws sim neej.

Zaj nov pom tau tias Tswv Ntuj muab txiaj ntsim rau yus tag mas yus yuav tsum nco nws txiaj nws ntsig, yuav tsum hloov siab hloov ntsws txhob mom nws txheej. Yog yus tau txais txiaj ntsim tag yus zoo lawm, yus tsis nco txiaj ntsig, yus tsis ua neeg zoo mas tswv Ntuj kuj muab tau rov qab.

3-Tus ntxhais dig muag :
Muaj ib hnub thaum yuav tsaus ntuj, muaj ib tug poj ntsuam coj ib tug me nyuam ntxhais dig muag nrog cov neeg tuaj teev ntuj tuaj thov txiaj ntsim kom zoo. Muaj ob tug poj niam txhos caug thov Ntuj ntawm Leej Ntshiab Fuas lub cev. Tsaus ntuj, lawv pw txog ib tag hmo naj cas tus ntxhais pom kev lawm. Cov Txiv Plig thiab cov tub zov rooj vag khiav ntsoog qees mus xyuas tus ntxhais. Lawv mus txog, pom tus ntxhais, nws ceeb loj heev, nws tab tom suav cov tswm ciab uas lawv taws cia ntawm thaj. TP.Bernard ntsia ntsia, nws thaum ib lub nyiaj cev rau tus ntxhais, nws ntsia ntsia ib pliag ces zoo siab hlo cev tes los txais.

4-Tij Gimond thiab Leej Ntsiab Fuas.
Tij Gimond yog tus zov lub chaw Ntshiab hauv Conque. Thaum ub taws teeb roj xwb ces roj txeev tag sai. Ib hmo nws tsaug zog heev, lub teeb ntawm lub txee Cim Yug yuav tuag, nws hnov ib lub suab hais mos mos rau nws tias : « sawv mas, teeb yuav tuag. », nws tsim deev, nws ntsia naj teeb tuag lawm, nws tab tom yuav ze teeb naj cas pom ib txhais tes cev hla kiag nws qhov muag mus ze teeb cig plaws.

5-Tus tub rog do hau.
Muaj ib tug tub rog mob mob zoo ces nws cov plaub hau hle tag tsis tuaj. Sawv daws thuam nws heev ces nws cia li xav tuag tsis xav ua neeg. Muaj ib hnub cas zoo li nws pom Leej Ntsiab Fuas tshwm rau nws pom, hais kom nws mus tom Conque, kom muab cov dej uas Txiv Plig yaug tes thaum ua Mis xas los ntxuav. Nws txawm mus, teev Ntuj tag, nws txawm muab ntxuav nej ces nws cov plaub hau cia li rov tuaj tag ces nws thiaj zoo siab ua neej. ( Txheej thaum ub, nyob Fab kis teb cov txiv neej tso plaub hau ntev ntev).

6- Leej Ntshiab Fuas lub cev.
Thaum ub lawb nyiam nquam cov Leej Ntshiab lub cev mus hauv tej zos kom pab cov neeg ntseeg. Ib zaug kawv kwv Leej Ntsuab Fuas tus mlom Majesté (muaj nws lub taub hau nyob hauv tus mlom) mus rau ib lub zos. Cov kwv txawm so hauv ib cov qab ntoos naj cov neeg nyob ze ntawd khiav tuaj kov Leej Ntshiab Fuas, thov txiaj ntsim coob ntsawm nkaus li thaum ub neeg tuaj caum Yes Xus ntawm ntug pas dej Tis Npes Lias.
Thaum mus ntawd ces lawv tso cov tub kawm Tij ntawm lub tsev kawm tij nyob Conque nrog lawv nquam Leej Ntshiab Fuas mus. Yog ib co hluas xwb ces txawm plhom moj, lawv pom ib tug pog laus tuag ceg tuaj nrog lawv ua ke nquam thov txiaj ntsim. Ces cov tub kawm hluas ntawd txawm tso dag, tab sis yeej yog tso dag thuam tsawv hais tias :
« Koj tuaj dab tsi ntawm no naj, poj laus qias neeg e! Koj tuaj yaim tshav puam lov! Koj xav tias ntshe tus Leej Ntshiab yuav tseg peb cov hluas no es yuav kho koj tug niag laus qias neeg twb yuav tuag, nyob nyav av xwb no lov ?
Txoj kev laus yog ib tug mob uas txaus ntshai tshaj, tab sis Fuas tsis xav li ntawd. Tam sim ntawd, tus pog laus cia li sawv tsees thiab cuab zog hlo mus kev khov kho caum cuag cov tub kawm Tij. Ua rau cov neeg nyob ib ncig ntawd qw ntsoo qees cav txog Leej Ntshiab Fuas lub txiaj ntsim.
Tom qab, tus pog laus nov khiav los nrog ib tug poj ntsuam nyob Conque.

7- Tus peeb zeej raug kaw.
Lub tsev Huab tais (Château) nyob lub nroog Rouergue, nyob rau saum lub hauv tsua ntse heev, lub ruv siab tshaj nyob rau sab toj ntxhab ntseg nqes ncaj qha rau nram ib lub vos hav uas lawv cog txiv cawv. Tsis paub hais tias yog tim li cas, tus nom Amblard uas nyob lub tsev Huab tais ntawd ho mua bib tug peeb zeej ntes kaw. Nws muab kaw rau theem kawg saum ceg tsev uas siab tshaj (Donjon). Muab txoj saw hlau loj xauv tes xauv taw, tso 3 tug peeb zov. Tus nom Amblard thiab nws tsev neeg nyob cov kem tsev ntawm kem tsev kaw neeg ntawd ib sab.
Ces tus peeb uas raug ntes kaw tsis pom qab ua li cas, thiaj li tau vif Leej Ntshiab Fuas, nws teev Ntuj tsis so. Ib hnub nws thov tus nom kom cia nws ib tug neeg tuaj nyob txim taj nws kom tso nws mus tom Conque ib hnub. Ces nws thiaj mus txog Conque nws mus teev Ntuj ntawm Leej Ntshiab Fuas ko taw. Nws teev Ntuj ib hnub tag ces nws rov los rau lawv xauv nws li qub. Muaj ib hmos, nws chim siab heev, nws tag kev cia siab. Leej Ntshiab Fuas tshwm tuaj rau nws pom, cas yuav hluas zoo nkauj ci iab xwb. Ceeb tag, nws thiaj nug tias :
« Koj yog leej twg ? »
« Kuv yog Fuas, koj cov kua muag yeej kuv lub siab lawm, Tswv Ntuj xa kuv tuaj cawm koj. Koj tso lub qhov rooj ntawm qab khav es koj dhia lub qhov rais ntawm sab phab ntsa siab tshaj rau lawm hauv av. » Hais mas yooj yim kawg, yawg kuj muaj siab heev, tab tom cov peeb zov tsaug zog lawm thiab, nws mus naj nws cov saw hlau nrov ces lawv sawv tag cia li ua tsis tau. Pw ib tsam Fuas rov rov los hais kom nws rov sim dua. Nws maj mam nkag ntawm qhov rooj qab khav, cas muaj ib lub qho rooj ntawm kem tsev rau khoom tsis kaw, nws thiaj maj mam nkag mus txog tom qho rai. Nws yuav dhia tab sis ntsia qhov siab, tob tob ncaj qha rau puag hauv qab tsuas lawm. Tab sis tus me Leej Ntshiab nyob rawv ntawd txhawb nws zog. Ces tus peeb ua siab cev taw rau nraum zoov, cia li dhia rau hauv. Aub ! Cas yuav zoo ua luaj li. Zoo li caij saum tis ya, cia li poob zooj nyoos haus qab tsuas, thaws thiab thaws cia li mus poob tus yees rau puag nram tiaj nrag.
Thaum ntawd Amblard tsim los, nws tsa tag nrho nws cov peeb hauv yeej mus khaws yawg. Tsis muaj neeg maj nqes mus saib yawg, vim lawv xav tias ntshe yawg ntsoog ua kua dis tag rau hauv qab tsuas lawm. Tsom teeb zom zaws tuaj rau ntawm yawg, yawg ntshai tshee na xyov yuav ua li cas, cas pom ib tug txiv nees nog eeb tib si sawv ntawd zoo li yog tos yawg. Yawg cev tes tua hlua cab kiag, sam plhawv rau, yog tug nyuag neeg dog dig tsis loj heev, cas dhia muaj zog cuag li ib tug txiv sam nees. Nws caij nees mus ib nyuag ntu kev deb tsawv li 8 tawm kev (milles), nws thiaj daws tau nws cov saw hlau. Tus nees cia ploj ntais li ua khawv koob. Tsuas tshuav tus peeb zeej tib leeg los ko taw los txog rau Conque, nws kw txoj sawv hlau tus ntawm xwb pwg los. Nws nkag los txog hauv tsev teev Ntuj, nws hu nkauj cav txog Tswv Ntuj koob meej.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Calmon10

Château de Perse à Rouergue.
Lub château pob tag lawm tshuav lub cheeb lawm xwb.
Ces uas tus peeb raug ntes dhia yog sab rov tom ub nqes rau hauv kwj ha.

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Grille10

Ntshiab Fuas pab. Lawv dim los lawv nqa lawv cov khawb tes khawb taw los txi rau nws. Ntev mus ces ntau zuj zus, lawv thiaj muab ntau kiag ua rooj vag xov Leej Ntshiab lub ntxa nyob hauv Tuam tsev teev Ntuj Conques.

Raws li Daim laj kab nov yog cov neeg raug txim uas tau thov txog Leej peb twb tau tham ib zaug los, Leej Ntshiab Fuas, zoo li ib tug neeg ciaj sia, nws mus xyuas cov neeg nyob tsev loj faj, nws saib cov muaj mob, cov neeg txom nyem. Nws lub hwj huam pab tag nrho txhua leej, cov niam txiv tsis muaj tub, mus thov txog nws los yeej tau raws li siab xav.

TUS NTAIV NTOB SANTA FE.

Mim tau hais txog ib cov Leej Phauj nyob Santa Fe ua tau lub tsev teev Ntuj, tsis muaj neeg thiab muaj nyiaj ua tus ntaiv nce, lawv thov Ntuj cuaj hnub sib law, cia li muaj ib tug txiv neej nqa ib lub thawv rau twj tuaj txua lawv tus ntaiv. Tus ntaiv ntawd yogi b cov ntoo ciab uas txawm nyob 1500 km ntawm qhov chaw ntawd xwb. Thiab ua tau tus nativ, yog dhos xwb tsis ntsia ib tug ntsia li. Xav tias yuav tsis khov no tab sis kuj kho kawg nkaus. Cov tub hu nkauj, nce sawv saum tus ntaiv hauv av nto plaws saud, tus ntaiv kuj tsis txav li.
Qhov nov, tej zaud twb yog Leej Ntshiab Fuas txiv Leej Ntshiab Yos Xes tuaj txua. Vim lo lus Santa Fe twb txhais tias « Sainte Foy », yog lub tsev teev Ntuj Leej Ntshiab Fuas

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Escali10

Tus ntaiv nyob Santa Fe

https://hmongcatholique.forumdediscussions.com/t755-tus-ntaiv-nyob-santa-fe?highlight=santa+fe

Cov kwv huam kuv tham los saum no, tsuas yog me me ua piv txwv xwb, tseem tshuav txhiab puas zaj uas tsis muaj neeg sau cia ces peb tssi paub lawm xwb. Cov kuv sau saud, yog Txiv Plig Bernard nyob deb, hnov txog Leej Ntshiab Fuas lub hwj huam, es nws txhob txwm tuaj nyob hauv Conque seb puas muaj tseeb. Cov nov yog nws tus kheej pom ntawm nws qhov muag kiag es nws sau. Tseem tshuav zaj puav thiab tab sis kuv sau me ntsis ua piv txwv xwb.

Ob niam txiv Danemark tsab ntawv

Taug Hauv Paus Xa Lus Yas Kos txoj KEV ( LEEJ NTSHIAB YAS KOS TUS HLOB), Route de St.Jacques de Compostelle - Page 2 Noix10

Xyoo 1997 ob niam txiv neeg Danmark Jacques thiab Christ tuaj taug Hauv Paus Xa Lus Yas Kos txoj kev ibn tus, nkawd hla Conques, nkawd rov mus txog tsev, nkawd sau tsab ntawv no tuaj rau cov Tij nyob Conques :

« Thaum lub 7hli, wb rov nram Leej Ntshiab Yas Kos los, nws los so ntawm Conques. Thaj tsam 11teev ib tag hmo, wb nyob ze pem lub Cim Nyug Ntshiab, pem hau tsev teev Ntuj, cia li muaj ib tug me nyuam ntxhais thaj tsam kaum tawm xyoo li. Nws muab nws txhais tes tsar au saum w bob lub xwb pwg tas, nws luag nyav rau wb thiab cev wb ib leeg ib lub txiv ntoo roj. Wb cia li yoob tag rau nws cov plaub hau ci tshiab lam lug. Ces nws cia li ploj ntai ntsiag to tsis muaj suab sab li. Wb ceeb tag, xav tias cas twb lig ua luaj tseem muaj tej tug me nyuam li ntawd tuaj yos thiab wb thiaj li nrhiav naj tsis pom nyob rau qhov twg li lawm. Kuv poj niam mas yeej hais tias yog Leej Ntshiab Fuas los ua wb pom xwb, tab sis kuv mas kuv ho tsis ntseeg. Taig kis tom qab, kuv rob nrhiav tus ntxhais dua, xav tias ntshe nws yuav nrog nws niam nws txiv rov tuaj Mis xas no tab sis tsis pom li. Kuv thiaj cia li ntseeg li Christ, kuv poj niam hais lawm. Tab sis tus me nyuam no yog hais li cas, ob lub txiv ntoo roj ne, yog txhais li cas, puas yog tias kom wb qheb w bob lub siab no ? Ob lub txiv ntoo roj, wb tseem khaws txog niaj hnub no. Puas yog txhais tias : « tsoo ib lub plhaub tawg, qheb ib lub siab tuaj. »

Tus sau : Maiv Tooj Lis.
Fab Kis teb, Tim 27/08/2012

Last edited by Maiv Tooj on 1st June 2023, 10:32 am; edited 2 times in total