Hauv Paus Xa Lus Pob Zeb thiab nws lub ntxa

Hauv Paus Xa Lus Pob Zeb thiab nws lub ntxa




Thaum Huab Tais Yes Yus tuag tas, cov Thwj Tim sib faib kev mus tshaj Ntuj Lus, ces Leej Ntshiab Pob zeb uas Yes Xus tsa ua thawj coj lub Koom Txoos (MT. 16,13-20) thiaj tuaj mus rau sab Xib Fab (Hnub poob), nws tuaj mus rau lub nroog Los Mas.

Cov zaj nyeem uas peb niaj hnub nyeem hauv lub Txoos, hais txog cov tsab ntawv Kos Lis nthos, Kos Los Xais, ...Thc...Yog thaum Pob Zeb tuaj nyob Los Mas ais nws sau rov qab mus rau cov nyob ntuj qub qab. Li ntawm niaj hnub no peb thiaj li khaws tau Pob Zeb cov lus tseg.

Xyoo 65 Tom qab Yes Xus, nws raug hiam vim muaj neeg khib nws thiaj raug ntsia saum ntoo cuam li Huab Tais Yes Xus; tab sis nws hais rau cov Los Mas tias, nws tsis tsim nyog ntsia li HT.Yes Xus ces lawv thiaj muab nws ntsia taub hau tuaj hauv.

Lub Tuam Tsev teev Ntuj "Leej Ntshiab Pob Zeb" nyob Vas Tis Cas uas niaj hnub no yog Vaj Qhia vaj loog, tsis yog lam tau lam ua. Yog lawv txhim kiag rau saum Leej Ntshiab Pob Zeb lub ntxa ntag. Leej Ntshiab Pob Zeb lub ntxa niaj hnub no yog nyob kiag hauv qab lub thaj Txiv Ntuj ntawg.

Txij Tiam II pib ces cov neeg ntseeg tuaj xyuas Leej Ntshiab Pob Zeb lub ntxa coob zuj zus, cia li txia ua ib qhov chaw tuaj teev hawm thiab thov txiaj ntsim. Txog rau Tiam IV zoo li cov neeg saib lub nroog Los Mas muaj nqes ib yam li Huab Tais Yes Xus lub ntxa nyob Yes Lus Xas Les lawm thiab.