LUB HNUB yuav rov txias

HUAB CUA- Lub hnub yuav tsis kub heev,tshav ntuj yuav ntaug yuav ua rau lub ntiaj teb rov txias rau xyoo puav tom ntej no...

Yog lub ntiaj teb yuav kub dua tuaj los yog yuav no dua, yuav rov txias ib ntus ntev tsawv?
Tag nrho 3 qhov chaw soj ntsuam nyob USA puav leej tsis pom qab yuav hais li cas: Cov Kws Hnub Qub As Mas Kas tau tshaj tawm Hnub Tuesday 17 lub 6hli 2011 no tias: Lub hnub yuav ncua ib ntus ntev tsawv uas tsis ua hauj lwm heev, ntshe yuav fam txog huab cua ntiaj teb.

Cov Kws Hnub Qub pom tias cov teev dub saum lub hnub ploj lawm ntau rau ob sab, txhais tau tias lub hnub yuav tssi cig loj, yuav tsis kub heev, yuav nkag mus rau ib lub sawm fem txias ntev ntev.

Lub hnub yuav mus rau ib lub caij txias ntev ntev.

Zim txwv lub hnub zeeg 24 yog txij thaum xyoo tshiab 2008, lub hnub ua hauj lwm heev heev, nws kub kawg nkaus, lawv suav cov teev dub ces paub. Yog ua li nov tag tssi ntev mas lub hnub yuav rov ntaug, yuav tsis ci loj, yuav rov txias raws li cov scientifiques du «National Solar Observatory» (NSO) et de l'«Air Force Research Laboratory» hais tais: "Yog peb tsis yuam kev mas ntshe zaum no yog zaum kawg uas peb pom lub hnub kub ua ntej yuav rov txias ib ntus ntev heev". Mas yuav ua rau lub ntiaj teb rov txias, li yab ntuj thaum ub tau muaj los mus. Xam los mus ces peb yeej rov poob rau lub caij uas peb lub ntiaj teb yuav rov qab ua dej khov.
Taum lub caij ntawd, huab cua ntiaj teb yuav txias, ces yuav ua nag xob nag cua rau ob sab qaum ntiaj teb thiab qab ntiaj teb, yuav muaj kev plhom sij cuam tshuam nrog peb kev sib cuag hauv ntiaj teb no (tej twj electronic).

Lub hnub tsis kub ces txhua qhov yuav txias.

Seb puas yog zoo li zaum tag los no ais lub hnub txias ib nyuag ntu li 70 xyoo xwb yog thaum 1645-1715.

Tas sis yav thaum ub mas muaj tej ntu ntiaj teb txias heev thiab ntev heev.

niam koojziagkabzaug.
Ua tsaug koj coj tej xov xwm tzseem ceeb no tuaj qhia peb paub mog.
lub xyoo no nyuam qhuav pib kub kiag tau 2 hnub xwb cia li txias kiag lawm los vim yog lub hnub tsis kub li nws hais no lawm nev yom.
Kuv zoo siab heev uas tau hnov tias lub hnub yuav tsis kub heev lub ntiaj teb yuav txias mus xyoo puav no mas nyaj kuv yuav tsis tshua nyuaj siab rau lub caij ntuj kub pes tsawg lawm.tab sis ho ntshai tsam lub caij los Snow tuaj ces Snow ho yaj tsis tas no xwb lauv.kheev lam kuv nyob lub teb chaws tsis muaj Snow mas tab tom haum xwb tiag.

Nyob zoo tub Xeebzeejkim,

Yog lub ntiaj teb txias me ntssi xwb mas zoo, tsis paub qhov yuav rov txias ntawd nws yuav txias ntev los luv, yuav txias ntau loj tsawg. Yog txias tsawg ces yuav zoo li zaum tag los no, es yuav txias 70 xyoo xwb. Thiab tsuas yog no no xwb; tab sis yog txias heev li yav thaum ub ntev los ntawd mas ntshe yuav muaj kev puiam sij loj heev. Vim New York los yuav ua dej khov tag, Fab kis teb nov los yuav ua dej khov tag mas txaus ntshai kawg nkaus...Tab sis nyaj yuav tsis yog sai sai no, yuav maj mam txias zuj zus mus xwb.

Nyob zoo Maiv Paj Lug,

Yog kawg, txhob xav xwb, xav mas yeej txaus ntshai thiab khuv xim hais tias tej vaj tseev, teb chaws, cuab yeej cuab tam yuav ploj tag nrho, yav teb chaws Qaum ntiaj teb yuav nyob tsis taus tag nrho mas kuj txaus txhawj heev...