TXOJ KEV YUAV RAUG TXIM TIAM YUAV TUAJ NO.

Tswv Ntuj Leej niam tau qhia tias, txoj kev yuav raug txim, yuav tuaj sai sai no, mas yuav muaj peb rab ntaj:
1.Thawj rab sau cov lus hais tias, yuav rau txim rau cov neeg ntseeg yuam kev.
2.Rab ob sau tias, yuav rau txim rau cov neeg thuam Ntuj.
3. Rab peb sau hais tias,yuav rau txim rau cov neeg, taug txoj kev ua phem ua qias, uas lawv mloog dab lo lus tswj lawv. Cob kom sawv daws nyiam coj kev ywj siab, nrog lub ntiaj teb poob mus raug txhua yam ntxeev los hloov mus ua kev phem.

->. Cov me nyuam yug los lub caij ntawd, yuav tau txais txoj hmoov phem heev. Vim tias, lawv tsis tau txais lub Cim Ntxuav, thiab lub Cim Txhab Zog.
->. Dab Phem yuav rhuav lub Koom Txoos Ka Tau Liv, nws yuav muaj ib cov neeg muaj hwj chim loj, los hloov thiab tuav lub Koom Txoos tej hauj lwm txhua fab.
->. Lub Cim Yug yuav raug, tej tus neeg muaj txhaum loj tab meeg sawv los ua lub thaj txi ntuj. Thaum ntawd, mas Tswv Ntuj Leej Niam yuav muaj kev tu siab loj heev.
Neeg ntiaj teb muaj ib feem coob yuav tsis hwm thiab saib lub Cim Yug muaj qab hau lawm. Thiab yuav tsis muaj neeg kam mus txais lub Cim Yug lawm.
->. Lub Cim Cog Lus, hais txog Yes Xus kev cog lus nrog Lub Koom Txoos. Neeg yuav thuam thiab muab rhuav pov tseg, tsis kam hwm mus ntxiv.
Lawv yuav tso kev plhuav rau neeg, tej txiv neej los poj niam nyob ua ke. Lawv yuav tsim ib txoj cai los rhuav lub Cim Cog Lus.
->.Tseem hwv toj cai kav tswj, yuav rub cov tub ntxhais, hluas kom tsis muaj neeg tuaj ua tub Leej Choj thiab ua ntxhais niam phauj, pub rau Tswv Ntuj.
->.Lub Cim tiag tes, kuj yuav raug neeg thuam thiab ntxub, ces zoo li yog tas ntiaj teb sawv daws yuav koom thuam Tswv Ntuj thiab thuam Nws lub Koom Txoos nyob ntiaj teb no.
Dab Phem yuav ua tas txhua yam, los rhuav tshem Tswv Ntuj tsoom tub txib ntxhais txib. Uas yog cov Txiv Leej Choj, cov Leej Tsob Hwb thiab cov Leej niam Phauj.
Uas lawv yog Yes Xus cov thwj Tim nyob ntiaj teb no, ua Yes Xus li hauj lwm los hloov Yes xus chaw, raws li Leej Tswv Yim Ntshiab coj qhia ua.
Yuav muaj coob leej poob rau, dab phem kev haub ntxias. Ua kom lub ntiaj teb thuam, tus Pleev lub Koom Txoos Ka Tau Liv. Luag yuav ntxub tshaj li neeg ntxub tus neeg phem uas txawj nrog dab los ua xwv txheej rau neeg.
->. Thaum ntawd, mas yuav yog txog lub caij tu siab loj tshaj. Tsim nyog thiab phim cov tuav dej num zoo thiab muaj zog. Lawv yuav los txhawb lub Koom Txoos.
Yog thaum ntawd lauj, cov me nyuam neeg, mas yuav txog lawv lub caij ua neeg poob tsag mus tob heev. Vim txoj kev tswj kav nkhaus lem cees ntawd, yuav tig los yuam kev ncaj ncees.
->. Ces lub Koom Txoos yuav hloov hlo xws li tus hluas nkauj, luag ntxhi mus ncawg rau tus txiv los tus hluas nraug tshiab. Thaum ntawd, mas neeg muab kev plees kev yi ua txoj cai loj tshaj plaws.
Lub ncauj tsuas tham txog cov tsev nyob sab hnub poob xwb. Lub siab thiab lub koob meej tsuas cav lus nto moo lug rau nruab hmo ntuj, nco txog kev ua plees ua yi qaug lias nyob nrog neeg nplooj siab.
->. Tus thawj Leej Txiv zoo xws li tus Vaj Qhia, yuav muaj tus tshiab tuaj hloov. Nws yuav hais tias, nws yog tus tseem ceeb. Lub caij nws tuaj nyob ntawd. Nws hais tias, lub ntiaj teb yog kev tseem ceeb tshaj. Nws yuav tig pob ntseeg los mloog Tswv Ntuj cov lus!
Nws tau muab Leej Txiv cov lus, uas Leej Txiv tau kom Nws Leej tub tuaj tshaj tawm los ntawd, muab los piv rau lub ntiaj teb kev mam meej thiab tau zoo nyob.
Ces nws tseem nyob rau qhov chaws uas nws yog tus loj dua Tswv Ntuj lawm thiab. Vim nws mloog raws kiag li, Dab Phem lub siab qhia coj. Nws tsis nrog Leej Tub lub Tswv Yim thoob tsib, uas Leej tub tau thov kom Leej Txiv xa tuaj nyob ntiaj teb no, sab laj tham kom muaj chaw mus ua ke.
->. Nyob hauv tiam 20 no mus, yuav muaj ntau yam kev ntseeg yuam kev. Los twb yog vim muaj neeg khaws tej kev ntseeg yuam kev no, los tawm tsam thiab tiv thaiv txoj kev tseem ceeb nqes saum ntuj los.
Muaj ib feem neeg, lawv cov ntsuj plig tau khaws txoj kev ntseeg zoo nqes saum ntuj los. Coj twj ywm cia nyob hauv lawv nruab siab. Mas lawv tau ua ib tug neeg raug txom nyem loj, lawv tau tiv nyiaj qees txoj kev txom nyem thiab kev mob kev nkeeg loj tas nrho.
Vim lawv xav ua cov kab ke, muab lawv lub cev los txi ntuj, taj cov neeg phem thiab cov neeg ntseeg yuam kev. Kom Ntuj hlub txog cov ntawd.
Cov neeg siv lawv lub siab lub cev nyob hauv kev txom nyem no, kom tau pab lub ntiaj teb thiab pab lub Koom Txoos lawv tau ris kev iab kev khwv loj kawg nkaus li.
->. Vim lawv xav kom, cov neeg ntseeg yuam kev thiab cov cov neeg thuam Ntuj, los cov neeg nyiam ua kev phem kev qias no,muaj txoj kev dim. Yes Xus thiaj npaj, kom muaj ib cov neeg muaj lub siab tawv li ntawd.
Txawj txiav txim siab, tso siab lug rau lawv tus Huab Tais, lawv tsis nshai tuag. Muaj ntau leej kuj raug kev sim siab, yog muaj tsuam txwv zoo, mas tus raug txom nyem no, kuj pab tau hauj lwm zoo kawg thiab.
Kuj ua tau kom txhua yam rov zoo tuaj tau, Lub caij raug sim siab yog tus neeg tsis muaj kev tso sib lug rau Tswv Ntuj, mas kuj tsis pom dab tsi tshwm sim txawv tuaj.
->. Lub caij ntxhov li hais no, mas tas txhua yam yuav nqus tau ib co pa phem. Los puv nkaus rau lawv tej tswv yim, plab plaw kom lawv ua neeg phem heev tuaj.
Ces lawv xav nyob nrog kev phem kev qias, ntau dua lwm yam. Lawv tej chaw nyob chaw ncig, mas muaj kev phem nyob puv nkaus.
Tib neeg sawv daws yuav ua lwj ua liam, rau cov me nyuam yaus uas lawv tseem yog neeg dawb huv. Thiab cov tsis tau txais lub Cim Ntxuav.
Tas nrho tsoom Txiv neej, los poj niam, ua neeg dawb huv, mas muaj tsawg leej kawg.
->. Tus neeg tsim txiaj uas yuav tsim nyog hais cov lus nyob hauv lub caij nyoog hawm ntawd, nws cia li nyob ntsiag to. Tsis txawj hais dab tsi li lawm.
Cov neeg uas yuav txuag tau lawv tus ntsuj Plig kom tau nyob dawb huv, mas muaj tsawg leej kawg, nyob ntiaj teb no. Leej twg yog tus zoo li lub paj tawg tau dawb paug nra tshiab, mas nws yuav tau mus nrhia chaw nkaum.
Thaum txoj kev dawb huv ploj mus lawm. Mas cov hluav taws nyob saum ntuj yuav poob los ntxuav thiab cheb cov av nyob ntiaj teb no.
->. Tas txhua yam phem, yuav nkag los rau hauv neeg lub cev tej siab ntsws tib si. Ces yuav los mus rhuav tas nrho, cov me nyuam dawb huv tsis tau txais lub Cim Ntxuav pov tseg.
Ces Leej tib neeg tej hauj lwm thiab lub tswv yim thoob tsib nrog neeg lub cev. Yuav ua zoo li cov txhiam xws noj qab qab, uas dab phem cia khaws los noj seem noj so, zoo siab hlo.
->. Cov neeg ntseeg zoo li cov tsev koom haum, txiv Leej Choj los cov niam phauj thiab cov Leej Tub Tsob Hwb tsis muaj tus los ua hauj lwm pab thiab nres lub Koom Txoos, cov hauj lwm uas Tswv Ntuj tau npaj tseg li lawm.
Lawv tej siab ntsws mus sib txeeb nyiaj yuav lawm xwb.
->. Ua li mas txij no mus, nej yuav rau siab teev Ntuj tsis tseg. Nej yuav quaj thov Ntuj, kom kua muag tawm plaws hauv nruab siab los.
Kom tau thov Ntuj txhawb lub Koom Txoos pab cawm neeg ntiaj teb, cov Ntsuj Plig. Nej yuav thov komTswv Ntuj Leej Tub nyob hauv lub Cim yug, khuv leej txog Nws cov Tub txib ua Leej Choj thiab Tsoom Tub Tsob Hwb uas lawv ua hauj lwm nyob hauv lub Koom Txoos.
Thiab thov kom Ntuj muab lub caij txom nyem no, txo mus kom luv li luv tau mus. Thov Kom Leej Txiv thiab Leej Tub xa dua ib tug Vaj Qhia tshiab tuaj.
Kom cov neeg uas Leej Tub tau xaiv tseg, thiab paub Leej Txiv thiab Leej Tub lub Tswv yim kev thoob tsib nyob nrog Leej Tswv Yim Ntshiab, txhawb Leej Tub tsoom Txiv Leej Choj nyob ua Nws cov Tiam lis rau hauv lub Sim Ceeb no. Kom lub Sim Ceeb no, rov tau nyob kaj lug hauv kev thaj yeeb.

Zaj no sau los ntawm:
http/www tfp.org/tfp-home/about-our-lady/a-victim-thetwentieth-centuryhtml.