HMOOB NPAM NAJ XEES

**samxiong** 9th October 2012, 3:28 pm

samxiong: Tuaj Tshiab; Messages : 34
Date d'inscription : 2011-11-14

Post n°101

Re: HMOOB NPAM NAJ XEES

Post samxiong 9th October 2012, 3:28 pm

Nyob zoo Maiv Tooj,

Zoo siab uas phau ntawv tuaj txog koj lawm. Xav kom sawv daws paub txog peb cov Hmoob xeev Luam Nab Thas zoo dua qub.
Thiab peb yeej muaj cov thawj coj thaum los Suav teb los txog rau lub caij peb poob teb chaws. Peb yeej poob qab ntau,
vim peb tsis muaj cov tau mus nrog luag kawm ntawv coob li lwm qhov. Txawm li ntawd los peb yeej tau nrog luag ua laj
kam txhawb lub teb chaws Nplog ua yog daim av uas yog peb niam peb txiv, peb pog peb yawg lawv yug peb los.

Tej yam kuv sau yeej yog tseeb, vim kuv yeej pom, ua, thiab sau tseg, ib feem yeej yog ntau tus neeg tseem ceeb
tau hais qhia tseg, tsuas yog yam puav thiaj yog mus tshawb lwm qhov los xwb.

Kuv tseem yuav sau txog keeb kwm Hmoob Npam Naj Vas los ntseeg Ntuj xyoo 1959. Kuv tseem tab tom sau tsis tau tiav.
Yog kuv sau tiav no kuv mam coj tuaj tso rau hauv no rau sawv daws tau paub thiab.

Mam ntsib nej sawv daws dua

Sam

**Maiv Tooj** 10th October 2012, 7:45 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°102

Re: HMOOB NPAM NAJ XEES

Post Maiv Tooj 10th October 2012, 7:45 am

Nyob zoo dab laug SamX,

Peb teb chaws Hmoob Npam Naj Vas tsis nto moo li lwm qhov chaw, yog vim peb teb chaws tsis ua tsov ua rog loj thiab Txiv Plig lawv tej chaw tseem ceeb poob tag lawm xwb. Yog tias Tuam Naj Thuab txhob tawg es Txiv Plig lawv tej hom phiaj tsa Hmoob lub neej raws li siab xav mas Hmoob Npam naj Vas yuav yog ib pawg tseem ceeb nyob hauv keeb kwm thiab. Vim teb chaws xeev Huam Khoom kuj muaj Hmoob nyob coob thiab muaj kev khwv noj ua haus ntau yam.

Kuv zoo siab uas nws npaj sau txog keeb kwm Hmoob Npam naj Vas los ua Ntuj Kev Cai. Yog yuav hais los mas cov Hmoob uas muaj cuab kav Txiav Dab yam tsis ua xyem xyav thiab txiav dab tag tsis rov mus loj neeb nthuav yaig mas cov Hmoob Npam naj Vas kuj yog ib pab ntawm cov uas ua Ntuj Kev Cai zoo tiag tiag li. Kuv thov qhuas lawv.

**Maiv Tooj** 22nd January 2013, 9:01 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°103

Re: HMOOB NPAM NAJ XEES

Post Maiv Tooj 22nd January 2013, 9:01 am

HMOOB NPAM NAJ XEES NOJ TSIAB PEB CAUG nyob Fab Kis teb 2012-13

**Maiv Tooj** 23rd January 2013, 12:39 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°104

Re: HMOOB NPAM NAJ XEES

Post Maiv Tooj 23rd January 2013, 12:39 am

Hmoob Npam Naj Xees thaum ub.

Ncaim tau ntev ntev los tseem nco ntsoov lub npe
Ncaim lawm ib tiam los tseem tuav rawv zos Npam naj Xees dai siab

Phaj no yog cov me nyuam thaum ncaim Npam Naj Xees
Hnub no twb laus plaub hau txheeb
Phaj no yog cov tseem nco tau lub zos, tej chaw nyob
Ib sij huam twb ncaim deb deb dhau hiav txwv pas dej tob

Ib tug hais rau kuv tias thaum ub txom nyem neej tsis zoo
Hnav tsoos maj tsoos ntuag, noj diav ntoo tais pob xyoob
Noj mov qhuav tsis muaj dab tsi ntxuag
Teb chaws khwv noj nyuaj
Tu tsis tau tsiaj txhua qaib npua
Tsis muaj phom tua tsiaj qus los noj
Cuab yej, hlua kais tos yij nraj lauv tsaw los mag voj
Tsuam ntxiab, cuab nta npuj rau kab lw
Yog mag dais npua teb los noj pob kws
Mam li tau ib daig nqaij los noj.

Tsis muaj pam vov chaw pua
Mus txiav ntoo tshuaj los ntau ua phuas tsuab
Muab phua coj los ua txum zooj pua
Muab los ua pam vov rau niam tub txiv nyuag.

Hmoob lub neej txom nyem tas zog
Tej niam tej txiv tuag ntxov ntxov
Tseg me tub me nyuam ua ntsuag
Tej txheeb ze saws mus ua dab ua tsov luag
Hnub nyug peb caug xyoo twb dua yuav tas
Tseg me nyuam ntsuag coob ua luag puab ntsa.

Tej niam txiv txom nyem
Txeev muab me nyuam mus nyob nqe
Mus ciaj luag cev qhev
Ua rau tej me nyuam txom nyem siab ntsws tsis tseg.

Tsis tag li tseem muaj tuag aws
Ua rau zos Hmoob Muas khiav ris rhaws
Thaum ntej tuag ces ua kab ke
Tom qab ces faus ntawm kwj tse
Thaum ntej ces muaj neeg tuaj pab
Tom qab ces nyias taus nyias pla
Txheeb ze los tsis sib saib sib xyuas
Ntshai tsam ho kis ua qab ke luag.

Kuv nug tias: "Ua li koj xav li cas, piv lub neej thaum ub thiab nim no"?
Koj yog tus tau vov pam ntoo tshuaj
Thiab nim no tau nyob ntuj tshiab lub neej muaj?

Nws teb tias:"Kuv xav li saub Siv Yis nyob Pheej Hauj hais:"
Nws hais tias: "Lwm hnub mas yus tsis ua los tau noj,
Tsis xaws los tau hnav, luag muaj luag neeg ua rau yus noj,
luag muaj luag neeg xaws rau yus hnav, peb yuav tsis siv cov nyiaj dawb no,
Peb yuav siv nplooj ntos ua nyiaj, yuav pw txum zooj tuab peb dos,...thc..."

Li no, tseem xav nrhiav cov Hmoob Npam naj Xees uas nco tau keeb kwm, tuaj tham lub neej rau peb tau khaws cia rau tej xeeb leej xeeb ntxwv tom ntej.

Maiv, niam Nyiaj Hwm Thoj.

Sab lauj rau sab xis: 1-...?, 2- Niam Xyooj Nruag hlob.

Sab lauj rau sab xis: 1-XH.Caiv Kaub Koo, 2- Xyooj Nom Phiab(Phiab Tsab Pov, thawj pab tub uas TP.Vaj Pov xa mus kawm ntawv Hmoob rau Roob Nyuj Qus, 1959).

Sab lauj rau sab xis: 1-...? XH.Nyiaj Kaub Yaj tus muam, Niam ...?, 2-...?, 3-Paj Thoj, niam Nyiaj Nruag Yaj, 4-Maiv Zuag Lis, niam Nplaj Zeb Yaj, 5- Maiv Muas, niam Nyiaj Hwm Thoj.

Sab lauj rau sab xis: 1-...? XH.Nyiaj Kaub Yaj tus muam, Niam ...?, 2-...?, 3-Paj Thoj, niam Nyiaj Nruag Yaj, 4-Paj Zuag Muas, niam...?, 5-Maiv Zuag Lis, niam Nplaj Zeb Yaj, 6- Maiv Muas, niam Nyiaj Hwm Thoj.

Yog leej twg paub lawv cov npe meej dua, thov tuaj ntxiv rau. Ua tsaug.

**Maiv Tooj** 25th January 2013, 9:05 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°105

Re: HMOOB NPAM NAJ XEES

Post Maiv Tooj 25th January 2013, 9:05 am

Txiv Nom Phaj Vaj lub neej
HMOOB NPAM NAJ XEES - Page 5 Yaj_no10

Txiv Nom Phaj Vaj yug xyoo 1926, nyob rau lub zos roob Txiv Kav Laj , lub laj roob Tuam Hem Sab, Moos Xais teb. Nws txiv hu ua Nyiaj Kaub, nws niam hu ua Ntxawm xeem Yaj.
Nws yawg hu ua Txwj Tuam, nws puj hu ua Rwg.
Thaum lawv nyob hauv lub zos Roob Txiv Kav Laj, txiv Nom Phaj muaj ze 5 xyoos, nws niam tau tso nws tseg vim nws niam nchuav ib tus me nyuam rau qhov lub tsev me nyuam tsis pluam .
Thaum nws niam tuag tas, nws tus txiv ntxawm Ntsum Nchaiv tuaj tos nws txiv Nyiaj Kaub, nws thiab nws tus muam Suav Mim mus nyob lub zos Roob Txiv Mov Mij. Lawv tseem tsiv ntawm Roob Txiv Mov Mij mus nyob hauv Npliaj Zeb Zos, uas hu ua Hauv Naj Toob. Nws txiv Nyiaj Kaub yuav niam tshiab nyob hauv lub zos Hauv Naj Toob no. Niam tshiab yog poj ntsuam Hmoob Ham.
Nws txiv Nyiaj Kaub lawv nyob 4 xyoos hauv lub zos Hauv Naj Toob. Lub 4 hlis ntuj, yawm Nyiaj Kaub nrog tus kwv Ntsum Nchaiv tsiv mus raws tus txiv ntxawm Xauv Yeeb Vaj nyob zos Pas Khas, vim luag cav tias teb chaws Pas Khas zoo ua noj .

TSIV LOS TXOG PAS KHAS

Thaum nws txiv Nyiaj Kaub nyuam qhuav tsiv los txog Pas Khas, ces nws txiv Nyiaj Kaub mob nyhav ces tas sim neej Lawm.
Nws txiv Nyiaj Kaub tuag tas, nws txiv ntxawm Ntsum Nchaiv sau nws thiab nws tus muam Suav Mim. Niam txiv tuag tas tseg tub ntsuag Nom Phaj thiab ntxhais ntsuag Suav Mim nrog tus txiv ntxawm nyob txom nyem ntsuav, yuav tau nyab lawm los tseem haj yam txom nyem tshaj ntxiv.

Peb txiv Nom Phaj nkawd thiaj tau tawm tsev mus nyob nkawd. Tab sis kuj tseem raws lawv mus nyob rau tim Npliaj Xab Xyooj zos, yog lub zos uas Hmoob hu ua Zos Quav Npua.
Lub caij peb txiv Nom Phaj thiab niam nkawd tau tsiv mus raws Yawm Ntsum Nchaiv nyob lub zos Quav Npua; mas niam thiab txiv nkawd mob mob ciaj khaub tas. Nkawd niaj xyoo muaj mob niam mob zoo hlo txiv txais nkaus mob txiv mob zoo hlo niam txais nkaus mob li ntawm txog rau thaum nkaws khia los raws yawm txiv Vam Nyaij nyob Npam Naj Xees.
Peb txiv Nom Phaj yav hluas, mas nkawd tau mob ntau xyoo sib law, nkawd thiaj ua lub neej txom nyem thiab poob qab. Mob mob los ntawv tsis tag, txiv Nom Phaj thiaj zoo rov los Txiv Nom Phaj los nyob lub zos Npam Naj Xees (lus los tsuas hu ua Ban Nam vang) los nyob tau kwv yees li 5 xyoos, los txog rau xyoo 1959 cov tub tshaj Ntuj Lus Catholique (XH.Xyooj Thoj thiab TP.Vaj Pov) thiaj tuaj qhia kev cai ntuj rau peb txiv Nom Phaj thiaj tau txais lub Cim Ntxuav.
los rau xyoo 1961 peb txiv Nom Phaj thiaj tau tshais chaw mus ua teb rau lub zos Naj Poov , Xyoo 1962 lub nroog Luang Nam Tha tawg, peb txiv Nom Phaj pus nws cov niam tub khiav los mus nyob rau lub zoo Roob Phas Dees nyob ntawm tus ntug ciam teb Thaib thiab Nplog.

Los rau xyoo 1964 peb txiv Nom Phaj thiaj tau los nyob rau lub zos Naj Ngos.
Los nyob rau lub zos Naj Ngos kuj yog ib lub zos uas zoo ua noj thiab yooj yim xwv fab, txiv nkawd lub neej thiaj xws luag, lub neej nyob npws yaws yam tsis tshaw leej twg.
Xyoo 1975 lub teb chaws tawg txiv thiaj tau coj nws cov niam tub tuaj mus nyob tau ob xyoos rau lub yeej thoj nam Ban Tong Thaib teb tom qab ntawd, txiv kuj coj saws daws tuaj rau fab kis teb yam lub siab puv npo vim nws co tub cov ntxhais tau txais kev kawm thiab kev paub li txiv txoj kev npau suav.
Tuaj nyob tau 18 lub xyoo rau lub zos Neuvic sur l’isle xeev 24 Perigueux tom qab no thiaj tau tshais chaw los nyob rau Lyon thiab Cormoranche thiaj tau tso sawv daws tseg rau Cormoranche rau hnub tim 15 lub ib hlis Xyoo 2013 no thaum 11 teev 20 .

Peb txiv lub neej hlob zoo li lub noob txiv faj khaum :
Hlob zuj zus los ntxoov tas ib ntsug av, ua rau me nas me noog tau nkaum tshav nkaum nag tau noj tau nyob tau pw.
Txiv thiab niam nkawd muaj:
8 txwm tub nyab.
4 txwm ntxhais vauv.
13 txwm tub nyab ntxhais vauv xeeb ntxwv.
36 tus xeeb ntxwv tsis tau muaj tub muaj nyab muaj ntxhais muaj vauv
24 tus xeeb tis
-Tas hu si muaj 85 leeg.

Peb txiv Nom Phaj lub zeem muaj thiab txoj kev npau suav:

wb thiaj xav tau tias, wb tej me nyuam wb yuav tso mus kawm ntawv. Wb pom tias luag tej saib tsis taus wb, es wb tej me nyuam ces yuav tso mus kawm, tus kawm tsis tau los thiaj li tsis tu siab. Tus kawm tau ces kawm kom nws lub qhov muag ho pom kev deb, nws thiaj txawj nrhiav noj nrhiav haus. Tus twg hlob me ntsis lawm ces wb yeej tso mus kawm ntawv. Wb tso cov me nyuam mus kawm ntawv tas, tsis muaj leej twg pab wb ua noj ua haus los xij. Luag tej li luag ua tau nplej los ntim hauv txhab, hos wb li ces wb tsuas ua tau los ntim hauv phawv xwb los xij, tsuav lub plab tsis tshaib.

Txiv Nom Phaj txoj kev ua zoo

Xyoo 1957 rau 1968 txiv thiab niam nkawd kuj tau txais ib tug ntxhais hmoob Vaj hu ua Lig los nrog nkawd nyob pub rau noj rau hnav thiab ntxiv txhua rau.
Xyoo 1970 rau 1975 txiv thiab niam nkawd tseem qhib qhov rooj rau ib tug ntxhais ntsuag hu ua Taub hlub ib yam li nws tub nws ntxhais.
1974 txiv kuj tau txais ib tug tub ntsuag hu ua Leej Vaj tuaj pem roob Tshav Nyiaj tuaj kho mob tau ntau hli yam tsis nco txob nco txhawj noj tsis tshaib haus tsis qhis yam tsis xav rov mus tsev kiag .
1975 los txog rau niaj hnub no: txiv thiab niam nkawd kuj tau txais ib tug tub ntsuag nyob tsis muaj caj muaj ces, sau los ua nkawd tub li nkawd yug, yam muaj ntaub muaj ntawv rau tom fab kis, tsa cuab tsa yim rau kom tsheej cuab ntseg yim, tus no yog Vaj Xaiv Tsheej.

Leej twg muaj txoj hmoov zoo ?

Mas Tais tshooj5, nqe 1-12
Le beatitude

Yes xus tsa ncauj qhia tias :
cov tau txoj hmoov zoo yog cov pluag hauv nruab siab, vim ntuj lub ceeb tsheej yog lawv li.
Cov tau txoj hmoov zoo yog cov siab zoo, vim lawv yuav txais ntuj lub ceeb tsheej ua lawv tug.
Cov tau txoj hmoov zoo yog cov tau kev quaj ntsuag ,vim ntuj yuav nplij lawv.
Cov tau txoj hmoov zoo yog cov tshaib thiab qhis txoj kev ncaj,vim ntuj yuav daws lawv qhov nqhis
Cov tau txoj hmoov zoo yog cov hlub luag tej, vim yuav tswv ntuj hlub lawv.
Cov tau txoj hmoov zoo yog cov siab huv, vim lawv yuav pom Tswj Ntuj
Cov tau txoj hmoov zoo yog cov tsim kev thaj yeej, vim Ntuj yuav hu lawv ua Tswv Ntuj cov me nyuam
Cov tau txoj hmoov zoo yog cov raug luag hiam vim txoj kev ncaj, Ntuj lub Ceeb Tsheej yog lawv tug
Thaum luag thuam nej, hiam nej, thiab liam ntau yam phem rau nej vim kuv, mas nej txoj hmoov zoo
Nej zoo siab thiab nej hom khaj mog, vim nej yuav tau txais koob haum loj nyob saum ntuj.
Cov yaj saub ua nej ntej, kuj raug luag hiam zoo li ntawd thiab.

Tus sau: Vaj Xaiv Tsheej (Tub Dos)
Tim 20/01/2013.

HMOOB NPAM NAJ XEES - Page 5 Sa401143

**samxiong** 28th January 2013, 10:47 am

samxiong

samxiong: Tuaj Tshiab; Messages : 34
Date d'inscription : 2011-11-14

Post n°106

Re: HMOOB NPAM NAJ XEES

Post samxiong 28th January 2013, 10:47 am

Maiv Tooj,

Zoo siab tau pom koj cov duab thiaj clip, tseem nco txog tej qub neeg yav
thaum ub txhua tus, tab sis tsis nco tej ntsej muag tag li lawm zoo li npau
suav lawm xwb.

Hais qhia koj paub kuv yuav muab kuv phau ntawv Hmong Luang Namtha In The Past
kho dua tshiab kom yog maj tab tham Standard es kom coj mus tso rau Public
library los tau, thiab siv tau rau neeg coj mus nyeem.

Kuv yuav kho thiab ntxiv: Hmoob Npam Najvas los ntseeg ntuj, thawj tug American
medical doctor tuaj Luam Nabthas, hais me ntsis txog Hmoob khiav tawm
Looj Ceeb, thiab hais txog Hmoob mus ua neej nce qeb rau txawv tebchaws.

Lub npe yuab muab hloo li no: Hmong Luang Namthas ib the Past/CIA's evacuation

Koj pab xyua sseb yog qhov twg yuav tau kho, thiab koj xav ntxiv, xav sau ib
zaj rau los tau, kuv mam tso credibilty rau.

Ntsib dua

SamXiong

**Maiv Tooj** 28th January 2013, 7:04 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°107

Re: HMOOB NPAM NAJ XEES

Post Maiv Tooj 28th January 2013, 7:04 pm

Nyob zoo dab laug SamX,

Kuv nyeem koj phau ntawv tag lawm, qhov kuv yuav hais kom kho yog:

1- ph.23, Nam You tawg yog 1973, es tsis yog 1972 li koj sau.
2- Koj yuav nrhiav cov duab hnav tsoos tshos hmoob Npam Naj Xees nkaus xwb los tso. Txawm yog hmoob Npaj Naj Xees los yog hnav tsos tsho lwm pawg hmoob mas tsis tshua haum pes tsawg.
3- Koj ua cov ntawv loj me ntsis, kom nyeem yooj yim thiab dhos cov duab kom nyob zoo chaw.

Yog koj ua tau, koj xa ua Document Microsoft Word tuaj rau kuv pab kho ib lwm rau koj, koj mam rov xyuas dua ntxiv kuj tau.

Zoo siab ntsib koj hnub no.

**Maiv Tooj** 29th January 2013, 8:36 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°108

Re: HMOOB NPAM NAJ XEES

Post Maiv Tooj 29th January 2013, 8:36 pm

Dab laug SamX,

Thov txim ntau, kuv muab koj lub Topic "Teb chaws Los tsuas" tshais mus rau tom zos "Hmoob Tshav Ntuj" lawm kom zoo tham ntau yam ntxiv. Ua tsaug.

http://hmoobtshavntuj.forumotion.com/t804-teb-chawm-los-tsuas#9178

**samxiong** 31st January 2013, 7:03 am

samxiong

samxiong: Tuaj Tshiab; Messages : 34
Date d'inscription : 2011-11-14

Post n°109

Re: HMOOB NPAM NAJ XEES

Post samxiong 31st January 2013, 7:03 am

Maiv Tooj,

Kuv tab tom muab phaum ntawv kho kom tiav tso mam muab email tuaj rau koj
tshuaj xyuas. Kuv muab tso kom mus raws tej chapter, los sis section. cov
duab los yua tau muab tso kom nyias nyob nyias lub section xwb.
Vim kuv tsis xav sau Hmoob Luam Nabthas nkaus xwb, vim tsawg dhau, kuv xav
sau kom muaj ntau yam nyob hauv txhua es ntev mus tej xeeb leej xeeb ntxwv
tau saib, thiab tej laus uas ceeb laj mus tshawb hauv internet los tau cia
muab nyeem xwb. Kuv tau muab rau ntau tus pab saib lawm thiab, kuv kuj muav
rau ob peb tug cov doctorates, thiab tus puav Xibhwb siab lawm thiab.
Ua ntej yuav muab print yuav tau muab tso rau pdf thiaj tsis txav.

HMONG LUANG NAMTHA IN THE PAST
HMONG HISTORY TIME LINE
LAO HISTORY TIME LINE

Last edited by samxiong on 5th February 2013, 10:21 am; edited 1 time in total (Reason for editing : deleted)

**samxiong** 3rd February 2013, 10:58 am

samxiong

samxiong: Tuaj Tshiab; Messages : 34
Date d'inscription : 2011-11-14

Post n°110

Re: HMOOB NPAM NAJ XEES

Post samxiong 3rd February 2013, 10:58 am

Zaj neej Neeg Hmoob Npam Naj Vas Nteeg Ntuj
Sau mus raws li nco, thiab hais tseg xwb.
Tsis muaj tus sau tseg cia rau lub caij ntawd kiag.

Txoj Moo Zoo Mus Txog Hmoob Luam Nabthas

Keeb Kwm

1958 Xibhwb Richard Hall sawv kev ntawm cov Sevenday
Adventist Missionary tau mus txog Hmoob Npam Naj Vas.

1959 Txiv Plig Vaj Pov, thiab Xibhwb Xyooj Thoj sawv
cev cov Catholic Misssionary mus txog Hmoob Npam Naj Vas.

Hmoob ib txwm nyob toj roob hauv pes yeej tsis tau hnov dua, thiab paub
txog Tswv Ntuj txoj lus uas yog hais txog tus Cawm Seej "The Good News"
Vim Hmoob tsis tau kawm ntawv, ces thiaj li tsis paub txog lub Ntiajteb
tej li keeb kwm kev ntseeg. Yog li no thaum Hmoob pom ib tug neeg daj
hau tuaj qhia txog ib txoj kev ntseeg tshiab uas ib txwm tsis tau paub
dua li mas peb Hmoob xav tsis thoob, thiab ib feem tsawg kuj xav hais
tias yog tus Vaj Hmoob uas tej Saub tau hais tawm, thiab cav thoob qhov
txhia chaw.

Sevenday Adventist Missionary

Xyoo 1958 lub 5 hlis Xibhwb Richard Hall nrog rau ib tug Xibhwb Thaib
Khun Marn, thiab ib tug Puab Yib Ai Deuo tau tuaj txog zos Npam Naj Vas.
Xibhwb Hall tau tuaj so hauv peb tus thawj hau zos uas yog Suav Lwm Thoj
lub tsev. Thiab tau nqua hu tag nrho sawv daws tuaj mloog Txoj Moo Zoo.
Tag kis sawv ntxov Ces Xibhwb Hall tau nce mus rau saum lub roob ntseej
uas yog saum Suav Lwm Thoj Qaum tsev, thiab nws muab cov duab loj “Poster”
coj mus dai rau ntawm tsob ntoo ntseej.
Nws pib qhia txog Tswv Ntuj tsim lub Ntuj thiab lub ntiaj teb “Universal”
Tsim noob neej, ib puas tsav yam nyob nruab ntug, thiab hauv ntiaj
teb. Thiab tib neeg poob mus ua kev txaug, kev txhaum.

Hnub ob Nws qhia txog Tus Cawm Seej “Jesus Christ” tau yug los cawm tib
neeg kom dim txoj kev txhaum, thiab kom coj tau tij neeg rov qab mus nrog
tus tus Tswv Ntuj sib raug zoo. Xibhwb Ntsum Hauj Xyooj yog tus txhais ua
lus Hmoob rau Xibhwb Hall. Xibhwb Hall yeej hais tau Lus Nplog zoo thiab
meej heev.

Xibhwb Hall tuaj qhia txoj Moo Zoo zaum no lub zos Npam Naj Vas kuj
tsis tau lees los ntseeg, thiab txiav dab. Vim cov ntseeg Sevenday
Adventist caiv tsis noj nqaij npua. Yog Li no cov Hmoob Npam Naj Vas
thiaj sab laj hais tias yuav ua tsis tau vim Hmoob yeej yog ib haiv
neeg yug npua los noj, ua liaj ua teb xwb yuav ua mus tsis taus.

Hnub 3 ces nws tau mus rau pem lub zos Pas Khas “Ban Pang Kha”
uas yog Xyooj Nruag lub zos. Nws mus pw tau ob Hmos; ces nws tau
muab yim kwv tij Hmoob Xyooj uas yog Xyooj Nruaj tsev neeg, pab kwv
tij txiav dab qhuas pov tseg lawm.

Xibhwb Hall tuaj zaum no nws coj ib tug Xibhwb Thaib, thiab ib tus
ntseeg uas yog cov Puab Yib(Thai Dam) nrog nws ua luag tuaj thiab.
Tom qab Xibhwb Hall qhia txoj moo zoo tag nws tau faib tshuaj pub
rau Hmoob, thiab nws tau rho hniav pab rau cov mob hniav.

Tau tsis ntev li 2 lub hlis xwb ces nws rov tuaj coj tau 1 pab tub
hlaus Hmoob nrog nws mus kawm ntawv rau nroog Luam Nabthas lawm, cov
tub hlus no muaj li no: Khwb Yaj, Vaj Xyooj, Qiam Lis, Mab Muas,
Xyooj Nruag, Cheeb Xyooj, Huj Yaj, thiab ntau tus uas nco tsis meej
lawm.
Tom qab uas cov tub hluas no tau mus lawm ces Xyooj Nruag lawv pab
kwv tij kuj tau Tshais chaw mus nyob nroog Luam Nabthas lawm, Vim
xav hais tias mus nyob ze nroog, thiab Xibhwb Hall lawm mas yuav yooj
yim rau txoj kev ntseeg.

Catholic Missionary

Xyoo 1959 lub 3 hlis Txiv Plig Vaj Pov, thiab Xibhwb Xyooj Thoj tau
tuaj txog Hmoob Npam Naj Vas. Kev qhia txog Tswv Ntuj txoj kev hlub
tib neeg Ntiaj teb, yog neeg los Ntseeg. Txiv Plig Vaj Pov hais lus
nplog tsis meej pes tsawg, tab sis Xibhwb Xyooj Thoj Txawj qhia tau
nkag sawv daws siab zoo, txawj hu nkauj, thiab lub suab los zoo heev
ua rau sawv daws nkag siab zoo, thiab xav hais tias Hmoob tus caws
seej los lawm tiag lauj zaum no. Ces hnub ntawd kiag tag nrho cov
Hmoob Npam Naj Vas uas yog Suav Lwm Thoj kav tau txiav dab tag nrho,
ntshua kuv tus tij laug Nkaj Pov Xyooj ib yig thiaj tsis kam txiav dab. Nkaj
Pov Xyooj yog ib tug txiv neeb, thiab yog tus coj dab coj qhua ntawm
peb pab kwv tij Hmoob Xyooj Npam Naj Vas. Tshuav ib yim kwv tij Hmoob
Vwj tsis kam txiav dab xwb.

Xibhwb Xyooj Thoj yeej coj rawv nws 3 lub xauv loj loj uas yog xauv
Hmoob Moos Loob, thiab hnav rawv ces ris tsho Hmoob thaum nws
tuaj txog thiab nyob li ntawd. Tom qab tsis ntev xwb ces Hmoob Npam
Naj Vas pib tsim lub tsev teev Ntuj uas yog nyob ntawm Suav Lwm Thoj
lub tsev sab nraud puas lub pob tsuas, thaum tsim tau lub tsev teev
ntuj no lawm, Hmoob Npam Naj Vas tau tuaj mus kawm Tswv Ntuj Txoj Lus,
thiab kawm Hu nkauj txhua Hmo yav tsaus ntuj, thiab txhua Hnub So(Hnub Chiv)
“Sunday”. Txij thaum Tsim tau lub tsev teev Ntuj lawm, tag nrho cov
hluas, thiab me yaus tau mus Kawm ntawv Nplog, thiab kawm ntawv Hmoob,
sawv daws muab siab kawm ntawv, thiab Muaj txoj kev ntseeg loj heev,
lub caij muaj kev ntseeg loj ntawd mas sawv daws kuj nyob Sib haum xeeb,
thiab muaj siab nyob tus. Tus qhia ntawv Hmoob, ntawv Nplog, thiab qhia
Txoj Moo Zoo “Bible Study” rau Hmoob yog Xibhwb Xyooj Thoj, tau tsis
ntev tij lub xyoo ntawd xwb ces cov thawj coj kuj tau xa Xibhwb Ntxheb
Yaj tuaj pab qhia ntawv, cia Xibhwb Xyooj Thoj yog tus qhia txoj Moo
zoo lawm. Xibhwb Xyooj Thoj thiaj tau tawm mus qhia txoj Moo Zoo
rau lwm lub zos, thiab coj tau ob yim Hmoob Yaj nyob lub zos Pas Zaj
los ntseeg Ntuj lawm thiab.

Los txog xyoo 1960 ces Xibhwb Xyooj raug xa rov qab mus rau Roob Nyuj
Qus lawm. Tom qab Txiv plig Vaj Pov, thiab Xibhwb Xyooj Thoj tuaj
txog tsis ntev xyoo 1959 Lub 5 hli ces Txiv Plig Vaj Pov tau xa ib
pab hluas Hmoob mus kawm ntawv thiab Kawm ua Xibhwb nyob Roob Nyuj
Qus muaj li nov: Ntsum Hauj Xyooj, Phiab Xyooj, Tsheej Thoj, Txos
Xyooj.

Txoj Moo Zoo uas tuaj txog Hmoob Naj Thuab tsis yog txiv plig Vaj
Pov, thiab Xibhwb Xyooj Thoj lub homphiaj, tab sis yog Tswv Ntuj lub
homphiaj uas tau npaj tseg rau Hmoob Naj Thuab (Luam Nabthas), lub zos Npam Naj
Vas “Ban Nam Vang.

Pab Hmoob Npam Naj Vas no tau tshais chaws mus nyob teb tiag uas yog
lub zos Tob Poos “Ban Tao Pune.” Hmoob Npam Naj Vas tau mus nrog luag
lwm haiv neeg nyob teb tiag. Mus tsim tau tsev ntawv, tsev teev Ntuj,
vaj tsev, thiab muaj liaj teb nyob teb tiag tsis tau nce roob nce hav.
Tab sis txoj hmoo tsis muaj, txoj xyoo 1962 Lub nroog Tuam Naj Thuab tau
poob rau Nplog Liab (tog sab laug)lawm, yog li no pab Hmoob Luam Nabthas no
thiaj li tau khiav nrog Tseem Hwv Nplog cov tub rog mus rau sab Thaib
teb, thiab cov CIA thiaj li muab lawv Xa mus nyob rau lub zos Phas
Dees “Ban Phu Pha Dang” nyob ntaw ciam teb Thaib thiab Nplog,
lub xeev Xais Nyab Npus Lis.
Lawv mus nyob lub zos Phas Dees txog xyoo 1964 lub 2 hlis ces cov CIA
tau muab pab hmoob no xa rov qab mus rau Naj Vuaj, xeev Luam Nabthas, tab
sis thaum lub caij no cov Hmoob Npam Naj Vas tau faib ua ob pab lawm.
Ib pab yog Suav Lwm Thoj ua tus coj tau mus nyob lub zos Naj Vuaj uas
yog Xyooj Nruag ua tus coj tub rog. Ib pab yog Zoov Ntsuab Thoj ua tus
coj tau nrog Txiv Plig Xaiv Vas mus nyob lub zos Naj Ngos. Cov mus
nyob Naj Ngo yog cov coob, cov mus nyob Naj Vuaj yog pab tsawg. Tom
qab tsis ntev muaj Ib cov los nyob Naj Ywj, uas yog ib lub yeej tub rog tseem ceeb.

Xyoo 1975 cov Hmoob Catholic no tau khiav tawm lub tebchaws Nplog mus
rau sab Thaib Teb. Lawv tau mus nyob rau hauv lub yeej thoj nam tawg
rog Banthong Refugee Camp, lub nroog Tseej Khoos, xeev Tseej Hais.
Pab Hmoob no tau tuaj mus ua neej rau ntau lub tebchaws xws li:
Tebchaws Amelikas, Fabkis, Fabkis Av Me Nkws Yas, Thaib teb, thiab ib yig
mus nyob Suav teb, ho rov qab los nyob Nplog teb lawm.

Raws li kuv kev xav hais tias yog vim li cas cov neeg txawv teb
chaws xub tuaj rau lub zos Npam Naj Vas ua ntej? Vim lub zos Npam
Naj Vas yog ib zos Hmoob nyob coob dua, vim Npam Naj Vas muaj cov
zos nyob ze puag ncig, cab sab nraws txog 5 lub. Yog li no mas tej nom
tswv nplog thiaj qhia rau cov neeg txawv tebchaws paub txog Npam
Naj Vas ua ntej dua lwm lub zos. Kev lag luam uas yog cov Suav
tuaj ua luam coob heev txhua xyoo, txhua lub xyoo Suav tuaj Tuam
Tshoj, thiab Moos Xeeb tuaj txog ntau pab tuaj ua ntej rau lub zos
Npam Naj Vas tag mam mus rau lwm lub zos. Yog ib yam ua keeb puav
vis rau tej xeeb leej xeeb ntxwv uas xav tshawb fab txog yus li
keeb kwm tau paub.

Zaj Keeb Kwm Hmoob Npam Naj Vas Nteeg Ntuj kuv sau los xaus li no.
Yog tsis meej thiab yuam kev, thiab tshuam qhov twg thov neej pab kho
rau kom meej thiab raug. Tshuav qhov twg los kuv tseem yuav muab kho
ntxiv.

Leej twg muaj duab, thiab xav kho ntxiv los sib pab coj tuaj tso rau.

Cov muab tswv yim: Xibhwb Ntsum Hauj Xyooj, Zoov Phooj Xyooj, Vam
Txoov Xyooj. Txhiaj Xeeb Vwj.

Samxiong

Cov lus no yog Xibhwb Hall cov lus nws sau xyoo 1957:

Lub Tsev teev Ntuj thiab Tsev Kawm Ntawv ua XH.Thoj Xyooj ua nyob zos Npam Naj Xees 1959

Npam Naj Vas 1959
XH.Xyooj qhia cov hluas hu nkauj.

Tsev teev Ntuj Pham Dees.

Thoj Zoov Ntsuab tsev neeg, Naj Nkos, 1965

Sab lauj rau xis:

See, Zuag, Neeb, Lig, Paj, Zoov Ntsuab, Yaj Xeeb,
Vaj Yig, Xis, Mab Muas thiab Kos.

**Maiv Tooj** 5th February 2013, 6:22 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°111

Re: HMOOB NPAM NAJ XEES

Post Maiv Tooj 5th February 2013, 6:22 am

Nyob zoo dab laug SamX,

Ua tsaug ntau rau koj zaj keeb kwm "Yes Xus lub Moo Zoo" tuaj txog Hmoob Npam Naj Vas.

Koj hais yog kawg, Npam naj Vas tsis yog TP.Vaj pov thiab XH.Xyooj lub hom phiaj, tab sis ntshe yog Tswv Ntuj qhia nkawd tuaj rau Hmoob Npam Naj Vas. Hmoob Npam naj Vas yog ib pawg ntawm thawj thawj cov Hmoob muab dab qhuas tso tseg, txiav dab los ua Ntuj Kev cai yam tsis ua xyem xyav thiab txij hnub txiav dab lawm ces tsis tig rov qab li los dhau ib tiam neeg lawm.

Kwv tij hmoob, yog nej leej twg muaj nej zaj keeb kwm xub pib kev ntseeg nyob nej cheeb tsam no thov nej coj tuaj rau peb nyeem hauv nov. Ua tsaug.

**Maiv Tooj** 27th February 2013, 7:23 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°112

Re: HMOOB NPAM NAJ XEES

Post Maiv Tooj 27th February 2013, 7:23 am

Sab laug mus rau sab xis:
1/Neeb (Vam Nplooj)Muas. 2/VamTxoov {Ntxoov Kaim)Lis. 3/Tub Kab Yeeb. 4/Tuam Lis (Vam Xab thiab Xwm lawv tus tij laug).5/Xab Yaj (niam tais Txiaj Leej tus Xab)
6/Sua (Zoov Txiab )Yaj uas yog peb yawm txiv Xaiv Thoj tus niam yau.7/Ntxoo (Vam Yis )Xyooj.

**samxiong** 7th March 2013, 9:29 am

samxiong

samxiong: Tuaj Tshiab; Messages : 34
Date d'inscription : 2011-11-14

Post n°113

Re: HMOOB NPAM NAJ XEES

Post samxiong 7th March 2013, 9:29 am

Maiv Tooj,

Zoo siab koj mus nrhiav tau tej duab qub qub no
los tso rau sawv daws pom. Tej neeg no twb ploj
tag lawm sub, tsuas tshuav tus puav lawm xwb.

Kuv yuav sim xa phaum ntawv Hmoob Npam Naj vas
tuaj rau koj pab tshuaj, xws li tej grammar, tej
lus kom txhob hais tau siab ib tug twg, thiab
teeb kom yog, thiab teeb kom raug tus qauv.

Nws yog 80 pages nrog duab xyov puas yuav xa tau
li cas? Vim tsis tau xa dua ntau li no.

koj tshuaj tag no muab xa rov qab sai kuv xav muab
luam tawm ua ntej July 4th 2013.

Ua tsaug

**Maiv Tooj** 7th March 2013, 7:04 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°114

Re: HMOOB NPAM NAJ XEES

Post Maiv Tooj 7th March 2013, 7:04 pm

Nyob zoo dab laug SamX,

Kuv tau txais lawm, mam li xyuas seb puas tau sai raws siab xav. Tseem ceeb mas yog khwv me ntsis lawm es thiaj li txhawj xwb. Kuv mam muab phau qub los sib piv, mam ua raws li kuv ua tau, dua li xa rov tuaj nws mam txhab ntxiv kom phim.

**Maiv Tooj** 23rd May 2013, 2:20 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°115

Re: HMOOB NPAM NAJ XEES

Post Maiv Tooj 23rd May 2013, 2:20 am

Nyob zoo dab laug SamX,

Kuv xyuas koj cov ntawv tag lawm, ua li koj tus mail puas tseem yog tus qaub? Zoo li kuv twb sau mail rau koj ntev loo tab sis tsis pom koj teb kuv. Yog koj tuaj pom qhov ntawv nov, koj hais rau kuv paub kuv yuav xav tuaj rau koj.

**Lajpovyaj** 27th May 2013, 4:01 am

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°116

Re: HMOOB NPAM NAJ XEES

Post Lajpovyaj 27th May 2013, 4:01 am

Niam ntxawm Maiv tooj.
Koj puas tau hnov koj dab laug Samxusa teb koj li cas?
Hnub koj hais kuv ces kuv twb pm rau nws lawm ov.

**Maiv Tooj** 27th May 2013, 6:50 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°117

Re: HMOOB NPAM NAJ XEES

Post Maiv Tooj 27th May 2013, 6:50 am

Tub Laj Pov,

Koj hais dab laug SamX ces nws tuaj qheb lawm os.
Twb yog nws phau ntawv, nws xav luam tawm rau July 4th no es kuv thiaj xav komù nws tuaj qheb tsam ces lig rau nws lawm no xwb os. Ua tsaug ntau rau koj dag zog nawb mog.

**Lajpovyaj** 27th May 2013, 3:52 pm

Lajpovyaj

Lajpovyaj: Phooj Ywg; Messages : 112
Date d'inscription : 2009-12-03
Age : 64
Localisation : USA

Post n°118

Re: HMOOB NPAM NAJ XEES

Post Lajpovyaj 27th May 2013, 3:52 pm

Nyob zoo niam ntxawm txooj tub.
Tsuav yog jkoj dab laug tuaj qhib tau lawm ces zoo mas.
Tsis ua cas mog yog muaj dab tsi ces sib txib xwb tiag.

**samxiong** 11th June 2013, 1:18 pm

samxiong

samxiong: Tuaj Tshiab; Messages : 34
Date d'inscription : 2011-11-14

Post n°119

Phau ntawv Hmoob Npam NajVas

Post samxiong 11th June 2013, 1:18 pm

Nyob zoo Maib Tooj,

Kuv zoo sab uas koj tau pab khov kuv phau ntawv tas lawm. Kuv yuav siv raws li
koj kho, tsuas yog kuv yuav ntxiv ob peb yam, Xws li Hmoob Liaj Lwg/Rhwv Mws tus cag txuj, Nplog keeb kwm txij Fab Kis kav los txog 1975, thiab ntxiv duab rau.
Tsis tas li kuv tseem xav seb yuav muab txhais ua lub English thiab? Vim muaj
tej tus dawb hau xav kom txhais ua lub English.

kuv yug los ua Hmoob ib zaug kuv txaus siab xav ua kom tau ib yam khaws tseg pub
rau kuv haiv neeg, txawm yuav siv phaj tshaj, dag zog tswv yim npaum cas los
kuv tsis khuv xim.

Ua tsaug rau koj lub siab dawb pab.

Sam

**Maiv Tooj** 11th June 2013, 5:43 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°120

Re: HMOOB NPAM NAJ XEES

Post Maiv Tooj 11th June 2013, 5:43 pm

Dab laug Samxiong,

Tsis tas yuav ua tsaug os mog, yog kuv tseem muaj yam zoo yuav pab tau rau kuv Haiv Hmoob, kuv yuav zoo siab xwb. Hnub no nws vam txog kuv, lwm hnub kuv tseem yuav vam txog nws ua dab laug ntau tshaj qhov nov.

Hais txog nyiaj luam ntawv, kuv tsis tau paub tseeb; tab sis kuv lam muab ib txoj hauv kev rau nws mus nug seb puas tau, ntshe ho lig dhau lawm xwb yog tias nws yuav tshwm rau Jully 4th 2013 no. Yog tias nws tseem yuav txhais ua lus Mes kas tso mam luam es yuav tsis luam rau sai sai nov, tseem muaj sij hawm no ces nws lam mus nrhiav cov Koom Haum Txhawb Nqa los yog cov tsev ua hauj lwm Txhawb Nqa Koom Haum seb lawv puas muaj nyiaj pab nws luam. Yog txawj muab Reason rau lawv. Yam li koj hais tias yog "khaws txuj ci keeb kwm Hmoob" no nws nkag rau kis "culture" lawm tej zaud kuj yuav muaj kev pab cuam thiab.

**Maiv Tooj** 18th June 2013, 8:36 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°121

Re: HMOOB NPAM NAJ XEES

Post Maiv Tooj 18th June 2013, 8:36 pm

Nov yog peb cov txiv tub hmoob Xyooj mus picnic ua si thaum lub 6 hli tim 16 2013 nyob hauv Fresno.

Ib xyoos peb cov txiv tub mus ua si ib zaug.

Xyoo no peb kuj muaj hmoo uas muaj ob tug tij laug tuaj ntsib peb.

Ib tug yog tuaj tim nej Fab Kis teb tuaj hos ib tug tuaj Wisconsin tuaj.

Lam saib yog txiv lawv cov laus.

Tsav Ntaj Xyooj, Fresno. USA.

Cov hluas:

**Maiv Tooj** 18th June 2013, 8:40 pm

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°122

Re: HMOOB NPAM NAJ XEES

Post Maiv Tooj 18th June 2013, 8:40 pm

Tsheem Koo & Ntxhoo Xyooj. tim 08-06-2013

Maiv Zuag

**samxiong** 29th July 2013, 3:09 pm

samxiong

samxiong: Tuaj Tshiab; Messages : 34
Date d'inscription : 2011-11-14

Post n°123

Nais Phoos Vaj Pov mus xyuas Hmoob Luam Nab Thas

Post samxiong 29th July 2013, 3:09 pm

Nais Phoos Vaj Pov mus xyuas Hmoob Luam Nab thas
Yog thawj zaug, thiab yog zaum kawg.

Lub sij hawm ntawd mas peb lub tebchaws Nplog sab xeev Luam Nabthas
yeej nyob tus muaj kev thaj yeeb tsis muaj kev sib ntaus sib tua hlo li.

Kuv nco tsis tau meej hais tias yog lub xyoo twg tiag, tab sis yuav yog
kwv yees li yog xyoo 1967 ua ntej yuav muaj tsov rog loj nyob sab xeev
khuam teb.

Ua ntej 1 lub lis tiam ntawd mas tus CIA nyob naj ywg uas yog Tony tau
hais qhia rau sawv daws hai tia general Vang Pao yuav tuaj saib Nam Yu
ua yog CIA lub chaws ua hauj lwm nyob lub xeev Luam Nabthas. Peb
sawv daws kuj zoo siab hais tias yuav muaj lub zoo caij pom Vaj Pov uas
yog Hmoob ib tug nom.

Txog thaum sij hawm los txog thaum sawv ntxov kwv yeej li 8AM Tony
tau hais rau peb hais tias, vim muaj huab pos hav ces Vaj Pov yuav tuaj
lig zog tsis raws lub sij hawm teem tseg 9:00AM. tau muaj ib tsoom pej
xeem Hmoob tuaj ua cab sab tos yawg Hlob Vaj Pov pib ntawm tus choj
ntug tshav dav hlau Nam Yu mus ti nkaus tim Xyooj Nruag, thiab Muas
Xwm tsev, sawv daws sawv ua ib kab cab sab raws sab xis, muaj cov
kwv tij Hmoob nyob Xais Nyab Npus Lis tuaj ib pab thiab. Tab sis yeej
tsis muaj ib tug Nplog, ib tug Mab Daum, ib tug Co, los sis lwm haib neeg
tuaj koom tos txais yawg loj Vaj Pov hlo li, yog Hmoob nkaus xwb.

Kuv uas yog ib tug tub rog tau txais kev kawm los, kuv txaus siab hlo tu
cev kom khov kho, nrog riam phom mus ua ib tug tub tiv thaiv yawg hlob
Vaj Pov tuaj saib Hmoob zaum no, txawm yuav txog qhov muab txoj siav
los pauv thiab tiv thaiv yus tus nom los zoo siab hlo pub ntag.

Tony hais tias 10AM yuav tuaj txog, tab sis peb tos txog 10AM los tuaj tsis
txog li thiab. Tony thiaj tau hu xov tooj mus Looj Ceeb, lawv teb hais tias
tuaj tsis tau raws li teem tseg tab sis yuav tuaj txog thaum 11AM.
Thaum txog 11AM li hais lawm thiaj pom lub dav hlau DC-47 ya tuaj txog
thiab yuj ib lwm Nam Yu mam tig loo los tsaws.

Thaum lub dav hlau tsaws thiab los nres kiag ntawm ntug choj lawm.
Pom yawg loj Vaj Pov tawm ua ntej, pom phas nyas Tub Npis Lis Foom,
Xuv Nplooj Lis Foom, thiab ob tug nrog lawm tawm los. Yog thawj zaug
uas kuv pom Vaj Pov, Tub Npis Lis Foom rau lub caij ntawd.

Kuv tau mus kawm ntawv thaum yau mas tau hnov tej mab sua tham txog
Tub Npis Lis Foom, Tub Liab Lis Foom, thiab Tub Ntxawg Lis Foom hais tias
lawv tau ua nomtswv qeb siab nrog nplog xwb yeej tsis tau pom. Lawv tuaj
saib Hmoob zaum no mas pom hais tias lawv tsis muab hlob, lawv los nrog
pej xeem Hmoob tham lus nug txog sawv daws seb nyob li cas.

Muas Xwm, thiab Hmoob cov coj tau muab ib tug twm los ua ib pluag noj
tos txais Gen. Vaj Pov, thiab Tub Npis Lis Foom zaum no, thiab lawv tau
tuaj so tau li 2 teev nyob Nam Yu, lawv mam sawv kev rov mus Looj Ceeb
lawm.

Vaj Pov hnav nws ces khawb ncaws nom uas yog xim kas kis, Npas Nyas Tub
Npis hnav cev khaub ncaws nom uas yog xim dub, nrig ib tub pas. Lub sijhawm
dhau los lawm tau ntau caum xyoo tej no tseem nyob rawv hauv kuv lub siab
tsis ploj hlo li, vim lub caij ntawd kuv yeej ua hauj lwm nrog cov CIA, Thaib,
thiab cov nom tswv Nplog thaum pib txog thaum Naj Ywj poob, thiab txog thaum
lub tebchaws Nplog poob rau Commmunist. Kuv thiaj li nco tau ntau yam txoj
tej keeb kwm, tej nomtswv qeb siab mus rau qeb qes nyob sab xeev Luam Nab
thas zoo.

Peb yuav tau nco thiab ua tsaug rau tej nom tswv tej txiaj ntxim. Vim muaj
lawv, thiab lawv yog lub hauv paus es peb thiab muaj ntseg muag, thiab thiaj
tau tuaj ua neej nyob ntau lub teb chaws vam meej.

Tom qab Vaj Pov tuaj saib Hmoob tag lawm. Yeej pom hais tias tej mab sua
saub zom zaws, thiab saib taus peb Hmoob dua qub lawm tiag.

Nrog nej ib tsoom phooj ywg sawv daws tham li xwb, mam sib ntsib dua

Sam Xiong

**Maiv Tooj** 30th July 2013, 8:37 am

Maiv Tooj

Maiv Tooj: Tswv Cuab Hmong Catholique; Messages : 5528
Date d'inscription : 2009-08-18

Post n°124

Re: HMOOB NPAM NAJ XEES

Post Maiv Tooj 30th July 2013, 8:37 am

Nyob zoo dab laug SamX,

Ua tsaug rau nws tuaj tham txog Nais Hpoos Vaj Pov tuaj mus xyuas Hmoob Naj Ywj. Kuv tseem nco tau me ntsis, nco tau tias Nais Phoo Vaj Pov tuaj xyuas peb, tab sis tsis nco qab thaum nws tuaj tim tshav nkoj lawm, nco tau thaum nws twb los txog ntawm Muas Xwm lawv tsev; lawv tseem nyob lub tsev lawj nruab xwb tsis tau ua tsev ntoo. Nws faib nyiaj rau sawv daws, neeg nce coob saum Muas Xwm lub tsev lawj, ua rau lub tsev nrov, ib txhia thiaj dhia rau hauv qab lawj. Nco tau li nov xwb. Tab sis nco tau tias peb yog cov nqa paj ia kab sab tos nom tim taw choj los dhau plaws rau ntawm Thaib tsev. Kuv nco tau tias Phas Nyas Tub Npis rho cov paj ntawm peb tes xwb. Nco zem zuag ntu dhau ntu xwb. Nco tau tias tshav kub kub ua rau peb cov paj ntawxm tes twb tuag tshav lawm no...Peb cov ntxhais ces nqa paj ua ntaj teg, cov tub yoj chij; nco tau li no xwb.