Cov zaj nyeem Hnub Chiv Xyoo A. 2019-2020

**Mim** 28th November 2019, 5:10 am

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

Cov zaj nyeem Hnub Chiv Xyoo A. 2019-2020

Post Mim 28th November 2019, 5:10 am

Cov zaj nyeem Hnub Chiv 1
Tos Huab Tais xyoo A.
Tim 1-12-2019.

Zaj Nyeem Ib: His Xais 2, 1-5.

1 Lo lus no yog qhov tus Yaj Saub His Xais, As Mos tus tub
tau pom hais txog Yus Das thiab Yes Lus Xas Les.
2 Thaum txog lub caij kawg, lub roob uas muaj HUAB TAIS lub tsev
nyob saud yuav raug tsa kom siab dua cov ncov roob,
nws yuav sawv siab dua cov pov roob.
Tas ib tsoom kuj cuab yuav ua npoj ntws
tuaj saum HUAB TAIS lub roob.
3 Ntau haiv neeg yuav tuaj. Lawv yuav hais tias :
"Nej tuaj ! Peb nce mus pem Huab Tais lub roob,
pem Yas Kos tus Tswv Ntuj lub tsev.
Kom nws qhia nws tej kev rau peb,
ces peb thiaj yuav taug tau nws tej kev."
Vim lo lus qhuab qhia yuav tuaj ntawm Xis Yoos tuaj,
Thiab HUAB TAIS lo lus yuav tuaj ntawm Yes Lus Xas Les tuaj.
4 HUAB TAIS yuav txiav txim rau cov kuj cuab,
nws yuav txiav cai rau ntau haiv neeg taug.
Lawv yuav muab lawv cov ntaj los ntaus ua voom laij teb,
muab lawv cov hmuv los ntaus ua liag.
Ib lub kuj cuab yuav tsis tsa ntaj ntaus lwm lub kuj cuab ntxiv,
Lawv kuj yuav tsis kawm kev ntaus rog ntxiv.
5 Yas Kos tsev neeg, nej tuaj,
Peb mus taug Huab Tais txoj kev pom kev.

Zaj nyeem Ob: Los Mas 13, 11-14

Cov kwv tij nkauj muad:
11 Nej yeej paub tias txog caij lawm:
nyem no yog lub caij lub nyoog nej yuav tsum tsim hauv nruab dab ntub los.
Vim nyem no txoj kev txhiv peb los txog ze peb
tshaj hnub uas peb tau los pib ntseeg lawm.
12 Hmo ntuj twb yuav dhau mus, yuav pib kaj ntug sai sai lawm.
Peb kav tsij tso txoj hauj lwm tsaus ntuj pov tseg.
Peb sia cov riam phom uas muaj qhov pom kev.
13 Peb yuav coj ib tug cwj pwm tsim txiaj,
uas peb tsis ntshai tsam luag pom thaum nruab hnub nrig.
Peb tsis txhob ua neeg hu dab, txhob quav dej quav cawv,
txhob ua plees ua yi, txhob nyiam deev hluas,
txhob muaj kev sib ntxub los sib khib.
14 Peb yuav hnav peb tus Huab Tais Yes Xus Pleev;
peb tsis txhob npaj tej yam raws lub cev ntshaw.

Ntawv Moo Zoo: Mas Tais 24, 37-44

Yes Xus hais rau nws cov thwj tim tias:
37 “Lub caij Neeg Leej Tub yuav rov los yuav zoo li thaum
lub caij Nos Hes ua neej nyob.
38 Thaum dej tsis tau nyab ntiaj teb, sawv daws noj, sawv daws haus,
sawv daws yuav poj niam thiab yuav txiv
mus txog hnub Nos Hes nkag kiag rau hauv lub nkoj lawm.
39 Lawv tsis paub tsis faj txog dab tsi li mus txog ntua
thaum dej tuaj nyab kiag, thiab tshoob sawv daws mus tas huv tib si lawm.
Thaum Neeg Leej Tub yuav rov los, kuj yuav zoo li ntawd thiab.
40 Thaum ntawd muaj ob tug neeg nyob tom teb,
luag yuav coj ib tug mus, tseg lwm tus nyob.
41 Ob tug poj niam tab tom zom zeb,
luag yuav coj ib tug mus, tseg lwm tus nyob.
42 Nej yuav tsum zov hmo mog,
Vim nej tsis paub hnub twg nej tus Huab Tais yuav los.
43 Nej yuav to taub tias : yog tus tswv tsev paub tias hmo ntuj,
lub sij hawm twg tub sab yuav tuaj,
mas nws yuav zov hmo, tsis cia tub sab tuaj tho qhov tsev.
44 Vim li ntawd nej kuj ib yam, nej yuav sawb sim npaj kom tiav log tos,
vim Neeg Leej Tub yuav los lub sij hawm uas nej tsis nco faj.

**Mim** 4th December 2019, 10:15 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°2

Re: Cov zaj nyeem Hnub Chiv Xyoo A. 2019-2020

Post Mim 4th December 2019, 10:15 am

Cov zaj nyeem Hnub Chiv 2
Tos Huab Tais xyoo A.
Tim 8-12-2019.

Zaj Nyeem Ib: HX 11: 1-10

Hnub ntawd,
1 Ib tug ceg yuav hlav ntawm Yes Xes lub hauv paus tuaj,
ib tug ntsuag yuav tuaj ntawm nws cov cag tuaj.
2 HUAB TAIS lub tswv yim yuav nyob txawm saum nws.
Yog ib lub tswv yim thoob tsib thiab muaj kev to taub,
ib lub tswv yim pab xav tom ntej tom qab thiab pab txhawb zog,
ib lub tswv yim paub txuj thiab hwm HUAB TAIS.
3 Qhov ua rau nws zoo siab tshaj yog txoj kev hwm HUAB TAIS.
Nws yuav tsis txiav txim raws li qhov muag pom sab nraud,
nws yuav tsis xaiv raws li hnov lus moo cua hais.
4 Nws yuav txiav txim ncaj rau cov pluag tsis muaj zog, nws yuav
phua raws kev haum pheej rau cov neeg me nyob hauv lub teb chaws.
Nws yuav nplawm lub ntiaj teb nrog nws qhov ncauj ua rab nplawm,
nws di ncauj yuav tshuab pa mus tua cov neeg lim hiam
5 Kev ncaj yuav yog nws txoj siv sia duav,
kev hais qhov tseeb yuav yog nws txoj siv sia ntawm ntsag.
6 Tus hma yuav nrog tus thav yaj nyob ib tse,
tus tsov pom txwv yuav nrog tus thav tshis pw ib nkuaj.
Tus xyuas nyuj, tus thav tsov ntxhuav, thiab tus tsiaj rog yuav mus ua ke,
ib tug me nyuam yuav coj lawv kev.
7 Tus maum nyuj thiab tus maum dais yuav nog zaub,
nkawd cov me nyuam yuav pw ua ke;
tus tsov ntxhuav yuav noj quav nyab xws li tus heev nyuj.
8 Tus me nyuam noj mis yuav ua si nyob ntawm nab ntsuab
lub qhov, tus me nyuam cais mis lawm yuav cev tes
rau hauv nab muaj taug qhov chaw nkaum.
9 Yuav tsis muaj ua phem tsis muaj sib ntaus sib tua
nyob saum tas kuv lub roob ntshiab,
vim kev paub HUAB TAIS yuav nyob puv tas ntiaj teb,
ib yam li dej puv lub hiav txwv.
10 Hnub ntawd, Yes Xes tus cag yuav sawv ua ib lub cim rau cov haiv neeg;
cov kuj cuab yuav tuaj nrhiav nws, ces nws lub vaj tse yuav nto moo lug.

NPN 72: 1-2, 7-8, 12-13, 17

Txais: (7) Kev ncaj yuav tawg paj thaum lub caij nws ua vaj
yuav muaj kev thaj yeeb lug tsis txawj kawg.

Tswv Ntuj, thov koj pub txoj kev haum pheej rau tus vaj,
thiab pub koj txoj kev ncaj rau vaj ntxwv tus tub;
nws thiaj yuav tswj koj haiv neeg raws kev ncaj
thiab cov neeg me raws kev haum pheej.

Txais: (7) Kev ncaj yuav tawg paj thaum lub caij nws ua vaj,
yuav muaj kev thaj yeeb lug tsis txawj kawg.

Kev ncaj yuav tawg paj lub caij nws ua vaj,
thiab yuav muaj kev thaj yeeb lug mus txog thaum tsis muaj lub hli ntxiv.
Thov kom nws tswj ntawm ib lub hiav txwv mus txog lwm lub,
Thiaj txij tus niam dej mus txog tim npoo ntiaj teb kawg.

Txais: (7) Kev ncaj yuav tawg paj thaum lub caij nws vaj,
yuav muaj kev thaj yeeb lug tsis txawj kawg.

Nws yuav cawm tus pluag uas hu txog nws,
thiab yuav npo tus txom nyem uas tsis muaj chaw khaub zig.
Nws yuav hlub tus neeg me thiab tus neeg pluag;
Nws yuav cawm cov pluag txoj sia.

Txais: (7) Kev ncaj yuav tawg paj thaum lub caij nws ua vaj,
yuav muaj kev thaj yeeb lug tsis txawj kawg.

Thov kom nws lub npe nto moo mus li;
Kom nws lub npe nyob ntev npaum lub hnub.
Nyob hauv nws, txhua xeem neeg nyob ntiaj teb yuav tau hmoov zoo;
txhua haiv neeg yuav tshaj txog nws txoj kev zoo siab.

Txais: (7) Kev ncaj yuav tawg paj thaum lub caij nws ua vaj,
yuav muaj kev thaj yeeb lug tsis txawj kawg.

Zaj Nyeem Ob: LM 15: 4-9

Cov kwv tij nkauj muad:
4 Tas txhua yam thaud lawv muab sau tseg,
yog sau los qhuab qhia peb xwb,
kom peb txawj ua siab ntev ntseeg kom tom thawj thiab kom
peb txawj pom txoj kev nplig siab nyob hauv tej Ntawv Ntshiab,
ces peb thiaj yuav muaj kev tso siab lug.
5 Thov kom tus Tswv Ntuj uas pub txoj kev ua siab ntev ntseeg
kom tom thawj thiab pub txoj kev nplig siab,
kom nws ua kom nej muaj kev sib haum xeeb nyob taus ua ke
ib leeg nrog ib leeg raws li Yes Xus Pleev qhia.
6 Ces nej yuav koom siab koom ntsws thiab koom suab hu nkauj
cav txog Tswv Ntuj peb tus Huab Tais Yes Xus Pleev Leej Txiv.
7 Ua li mas, nej ib leeg yuav tos txais ib leeg zoo,
xws li Leej Pleev tau tos txais nej los
ua kom Tswv Ntuj nto koob meej.
8 Kuv hais tias Leej Pleev tau tuaj ua tub txib nyob hauv txoj kev
txais lub cim txiav, vim xav qhia tias Tswv Ntuj yog kev tseeb,
kom tau ua raws li kev cog lus rau cov yawg koob lawm.
9 Nttawm cov pej kum haiv neeg, mas yog vim Tswv Ntuj
txoj kev khuv leej neeg, lawv thiaj tau los cav txog Tswv Ntuj.
Raws nraim li muaj Ntawv sau tias : “Vim li no,
kuv yuav cav txog koj nyob hauv cov pej kum haiv neeg,
thiab kuv yuav hu nkauj cav txog koj lub npe.”

As Les Lus Yas: LK 3: 4, 6

Txais: As les lus yas, as les lus yas.

Nej npaj txoj kev rau Huab Tais, nej ua kom nws tej kev ncaj tuaj,
Ces tas ib tsoom muaj lub cev nqaij yuav pom Tswv Ntuj txoj kev cawm.

Txais: As les lus yas, as les lus yas.

Ntawv Moo Zoo: MT 3: 1-12

1 Lub caij ntawd, Zam Ntxuav Plig tawm tuaj, nws qhuab
qhia tsoom sid nyob hauv lub teb chaws suab puam Yus Das teb.
2 Nws hais tias : "Nej hloov siab mog,
vim Ntuj lub Ceeb Tsheej los txog ze lawm."
3 Nws yog tus uas yaj saub His Xais tau hais txog tias :
“Tus qw hauv teb chaws suab puam lub suab nrov tuaj tias: ‘Nej
npaj txoj kev rau Huab Tais, nej ua kom nws tej kev ncaj tuaj.’”
4 Zam cov ris tsho yog plaub ntxhuav,
nws txoj siv ntawm duav yog tawv tsiaj.
Nws cov mov yog kooj thiab zib mu qus.
5 Tas cov neeg nyob Yes Lus Xas Les, cov nyob Yus Das teb,
thiab cov nyob ib thaj tsam raws tus ntug dej
Yos Las Das puav leej tuaj cuag Zam.
6 Lawv lees lawv cov txhaum, ces nws ntxuav
lawv nyob hauv tus dej Yos Las Das.
7 Thaum Zam pom coob tus Fas Lis Xais thiab Xas Dus Kais
tuaj txais cov kab ke ntxuav, nws hais rau lawv tias :
"Caj ces nab muaj taug, leej twg qhia nej khiav
kom nej dim ntawm txoj kev npau taws uas tuaj yuav txog no?
8 Nej kav tsij txi ib co txiv zoo los ua pov thawj
txog tias nej hloov siab lawm.
9 Nej txhob khav rau nruab siab tias:
‘Peb muaj Has Nplas Has ua peb txiv.’
Kuv hais rau nej tias, yog Tswv Ntuj yuav ua kom ib co tub ki
tawm ntawm cov pob zeb no los rau Has Nplas Has kuj tau.
10 Zaum no, rab taus twb nyob ntawm lub hauv paus ntoo lawm,
tsob ntoo twg tsis txi txiv zoo, yuav tsum muab ntov,
muab pov hlawv rau hauv hluav taws.
11 Ntawm kuv, mas kuv ntxuav nej nyob hauv dej
kom nej tig los lees txhaum xwb;
hos tus tuaj lawv kuv qab, mas nws muaj hwj huam dua kuv,
kuv twb tsis tsim nyog hle nws nkawm khau.
Tus ntawd yuav ntxuav nej nyob hauv
Leej Ntuj Plig Ntshiab thiab nyob hauv hluav taws.
12 Nws txhais tes tuav rawv ib lub vab ntxuaj,
nws yuav ntxuaj nws lub tshav ntaus nplej.
Nws yuav yawm cov nplej puv zoo rau hauv txhab, hos cov npluag,
nws yuav muab hlawv hauv cov hluav taws tsis txawj tuag."

**Mim** 12th December 2019, 2:58 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: Cov zaj nyeem Hnub Chiv Xyoo A. 2019-2020

Post Mim 12th December 2019, 2:58 pm

Cov zaj nyeem Hnub Chiv 3
Tos Huab Tais xyoo A.
Tim 15-12-2019.

Zaj nyeem Ib: His Xais 35: 1-6a,10

1 Cov teb chaws suab puam thiab teb chaws qhuav yuav zoo siab,
lub hav quav poj yuav dhia hom khaj thiab yuav tawg paj.
2 Nws yuav tawg paj ntau, yuav nra paug thiab yuav
dhia hom khaj zoo siab nrog suab nkauj.
Nws yuav tau txais Les Npas Nos lub koob meej,
thiab roob Kas Mes thiab Xas Los lub hwj chim.
Lawv yuav tau pom Huab Tais lub koob meej,
yog peb tusTswv Ntuj lub hwj chim ci ntsa iab.
3 Nej ua kom cov tes tsis muaj zog rov muaj zog tuaj,
ua kom cov hauv caug ntshaus rov khov tuaj.
4 Nej hais rau cov muaj lub siab me tias :
"Nej ua siab loj, tsis txhob ntshai !
Ntsia saib ! Nej tus Tswv Ntuj yuav coj kev ua pauj tuaj,
nws yuav nqa nws cov txiaj ntsim paj tshab tuaj;
nws yuav tuaj cawm nej.
5 Ces cov dig muag qhov muag yuav rua hlo,
cov lag ntseg pob ntseg yuav qhib plho.
6 Tus neeg ceg tawv yuav dhia nrawm xws li tus muas lwj.
Tus nplaig txhav yuav dhia qw tej suab zoo siab.
10 Cov neeg uas HUAB TAIS txhiv yuav rov qab los,
lawv yuav chaws mus hauv Xis Yoos nrog suab nkauj,
lawv yuav ntoo txoj kev zoo siab mus li saum lawv taub hau.
Lawv yuav tau txais kev puv siab kev luag ntxhi,
kev tu siab thiab kev ntsaj yuav ploj ntais mus tas.

Zaj nyeem Ob: Yas kos 5: 7-10

7 Ua li mas cov kwv tij, nej yuav ua siab ntev
mus txog lub caij Huab Tais rov los txog.
Nej yuav ntsia tus tswv liaj tswv teb saib, nws tos ntsoov
nws cov qoob loo tawm hauv av los yuav txi txiv rau nws,
nws ua siab ntev tos kom tau thawj phaum nag
mus txog lub caij ntuj nag tu.
8 Nej kuj yuav tsum ua siab ntev thiab.
nej yuav ua nej lub siab ruaj nreb,
vim lub caij Huab Tais yuav rov los twb ze ze lawm.
9 Cov kwv tij, nej ib tug yuav tsis txhob yws txog lwm tus,
Ntuj thiaj yuav tsis txiav txim rau nej.
Ntsia saib, tus txiav txim twb nyob ntawm qhov rooj lawm.
10 Cov kwv tij, nej yuav muab cov Yaj Saub
uas hais Huab Tais cov lus los ua piv txwv
txog txoj kev nyiaj kev txom nyem thiab
kev ua siab ntev rau nej yoog mog.

Ntawv Moo Zoo: Mas Tais 11: 2-11

2 Thaum Zam nyob hauv tsev loj faj,
nws hnov hais txog Leej Pleev cov hauj lwm,
ces nws xa nws ib co thwj tim tuaj nug Yes Xus tias :
3 "Koj puas yog tus yuav tuaj ? Los peb tseem yuav tos dua lwm tus?"
4 Yes Xus teb rau lawv tias : "Nej rov mus qhia
qhov nej hnov thiab qhov nej pom rau Zam :
5 cov dig muag rov pom kev, cov ceg tawv mus taus kev,
cov mob ruas rov huv tuaj, cov lag ntseg rov hnov lus,
cov tuag sawv rov los, cov pluag tau hnov lub Moo Zoo lawm.
6 Tus uas nws tsis xav qhov phem vim kuv, mas nws txoj hmoov zoo."
7 Thaum Zam cov thwj tim rov mus lawm,
Yes Xus pib hais txog Zam rau cov pab neeg li no :
"Nej mus xyuas dab tsi hauv teb chaws suab puam ?
Puas yog mus xyuas ib tsob tauj deg raug cua nplawm suj sis?
8 Nej tawm mus xyuas dab tsi ?
Puas yog mus xyuas ib tug neeg hnav tsoos tsuj tsoos npuag ?
Tab sis cov neeg hnav tsoos tsuj tsoos npuag
nyob hauv vaj ntxwv tej tsev xwb.
9 Ua li mas nej tawm mus xyuas dab tsi ?
Puas yog mus xyuas ib tug yaj saub ?
Muaj tseeb, kuv hais rau nej tias nws tseem loj dua ib tug yaj saub.
10 Nws yog tus uas ntawv sau txog nws li no :
‘Ntawm no, kuv tso kuv tus tub xa xov mus ua koj ntej,
nws yuav xub npaj ua ntej txoj kev rau koj taug.’
11 Kuv hais tseeb rau nej, tas cov tub uas
tsoom poj niam tau yug huv tib si,
tsis muaj ib tug loj dua Zam Ntxuav Plig lawm.
Tab sis, tus me tshaj hauv Ntuj lub Ceeb Tsheej,
tseem loj dua Zam thiab.”

**Mim** 18th December 2019, 2:28 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°4

Re: Cov zaj nyeem Hnub Chiv Xyoo A. 2019-2020

Post Mim 18th December 2019, 2:28 pm

COV ZAJ NYEEM HNUB CHIV 4
Tos Huab Tais Xyoo A
TIM 22/12/2019

Zaj Nyeem Ib : His Xais 7: 10-14

10 HUAB TAIS hais ntxiv rau As Kas tias:
11 "Koj thov koj tus HUAB TAIS Tswv Ntuj
kom nws muab ib lub cim rau koj,
Koj xav kom tawm nyob puag hauv qab ntuj txias teb tsaus,
los puas nyob siab saum ntuj los tau."
12 As Kas hais tias: "Kuv yuav tsis thov.
Kuv yuav tsis sim HUAB TAIS."
13 Ces His Xais hais tias :
"Das Vis tsev neeg, nej mloog mas ! Nej
ua kom tej tib neeg ceeb laj tas nrho, los tsis txaus nej siab !
Nej tseem yuav ua kom Tswv Ntuj ceeb laj thiab.
14 Vim li ntawd, Huab Tais yuav pub ib lub cim rau nej.
Ntsia saib ! Tus hluas nkauj xeeb tub lawm. Nws yuav yug ib tug tub.
Nws yuav tis npe rau nws tus tub hu ua Es Mas Nus Es.

Zaj nyeem Ob: Los Mas 1: 1-7

1 Kuv Paj Lug, yog Yes Xus Pleev ib tug tub txib,
uas raug hu los ua Hauv Paus Xa Lus,
thiab raug qee los tshaj Tswv Ntuj lub Moo Zoo,
2 uas Tswv Ntuj tau xub cog lus rau nws cov yaj saub
nyob haub ntawv ntshiab lawm,
3 yog lub Moo Zoo hais txog nws Leej Tub,
uas yug ntawm Das Vis caj ces los raws li neeg nqaij tawv.
4 Tiam sis Leej Ntuj Plig tus pub txoj kev ntshiab
tau tsa nws ua Tswv Ntuj Leej Tub muaj hwj huam
nyob hauv txoj kev sawv hauv cov tuag rov los,
yog peb tus Huab Tais Yes Xus Pleev.
5 Peb tau txais txiaj ntsim ntawm Yes Xus los,
thiab txais txoj kev ua Hauv Paus Xa Lus
kom peb mus coj tau txhua haiv neeg
los taug txoj kev mloog lus nyob hauv
txoj kev ntseeg, vim nws lub npe.
6 Nej kuj nyob hauv pab neeg ntawd thiab,
nej cov uas Yes Xus Pleev hu nej los ua nws tug.
7 Hais rau nej sawv daws cov uas Tswv Ntuj nyiam nyob Los Mas,
nej yog cov luag hu ua cov ntshiab :
thov kom nej tau txais txiaj ntsim thiab kev thaj yeeb
tuaj ntawm peb Txiv Tswv Ntuj
thiab ntawm Huab Tais Yes Xus Pleev tuaj.

Ntawv Moo Zoo: Mas Tais 1: 18-24

18 Yes Xus Pleev lub keeb chiv zoo li no :
Mab Liab uas yog Yes Xus niam,
lawv muab qhaib rau Yos Xes lawm.
Thaum nkawd tseem tsis tau los nyob ua ke,
Leej Ntuj Plig Ntshiab ua kom Mab Liab cev xeeb tub.
19 Yos Xes, Mab Liab tus txiv, yog ib tug neeg ncaj,
nws tsis xav kom zeej tsoom hais lus xaiv txog Mab Liab,
ces nws txiav siab nrauj Mab Liab twj ywm xwb.
20 Thaum nws tab tom xav tswv li ntawd, Huab Tais tus Tshiab
tawm los ua npau suav rau nws, thiab hais rau nws tias :
"Yos Xes, Das Vis leej tub, koj tsis txhob ntshai coj Mab Liab,
koj tus poj niam, los nyob hauv koj tsev.
Yog Leej Ntuj Plig Ntshiab ua kom nws xeeb tub.
21 Nws yuav yug ib tug tub, koj yuav tis nws npe hu ua Yes Xus,
vim nws yuav cawm nws haiv neeg ntawm lawv cov txhaum."
22 Tas ib puas tsav yam ntawd tshwm sim raws li lo lus
uas Huab Tais kom tus yaj saub xub hais tseg tias :
23 “Tus ntxhais nkauj xwb yuav xeeb tub, nws yuav yug ib tug tub.
Luag yuav tis nws npe hu ua Es Mas Nus Es,”
txhais tias : "Tswv Ntuj nrog peb nyob".
24 Thaum Yos Xes tsim los, nws ua raws li
Huab Tais tus Tshiab qhia rau nws :
nws coj nws poj niam los nyob hauv nws tsev.

Last edited by Mim on 13th February 2020, 12:45 pm; edited 1 time in total

**Mim** 27th December 2019, 9:52 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°5

Re: Cov zaj nyeem Hnub Chiv Xyoo A. 2019-2020

Post Mim 27th December 2019, 9:52 am

COV ZAJ NYEEM HNUB CHIV
HWM YIM NEEG NTSHIAB
YES XUS, MAB LIAB, THIAB YOS XES
TIM 29/12/2019

Zaj Nyeem Ib: NPES XIS LAS 3: 2-6, 12-14

2 Huab Tais tau tsa kom leej txiv muaj kev hwm los ntawm cov me nyuam los,
thiab nws ua kom leej niam muaj cai saib nws tej tub ki.
3 Tus hwm nws txiv yog nws them nws cov txim txhaum.
thiab yog ib txog kev thaiv nws ntawm kev ua txhaum.
Thaum nws thov Ntuj, Ntuj yuav mloog nws lus thov.
4 Tus cav txog nws niam yog zoo li tus neeg sau ib txhab nyiaj ib txhab kub cia.
5 Tus hwm nws txiv, nws yuav muaj kev zoo siab nyob hauv nws cov me nyuam.
Thaum nws thov Ntuj, Ntuj yuav mloog nws lus thov.
6 Tus cav txog nws txiv, nws yuav nyob ntev niaj ntau xyoo.
Tus mloog Huab Tais lus nws muab kev nplig siab rau nws niam siab.
12 Me tub, tu koj txiv thaum nws laus laus lawm mog,
tsis txhob ua kom nws tu siab lub caij nws tseem muaj txoj sia nyob.
13 Txawm tias nws ua neeg tsis meej pem los koj yuav hwm nws,
Tsis txhob ntxub nws lub caij koj tab tom muaj zog ntsos puv ntoob.
14 Vim txoj kev ua zoo rau yus leej txiv yuav tsis muaj qhov tsis hnov qab txog,
Ntuj yuav muab los ua kev them nuj nqes rau koj cov txhaum.

Zaj Nyeem Ob: KOS LOS XAIS 3: 12-21

Cov kwv tij nkauj muad:
12 Nej yog cov uas Tswv Ntuj xaiv, yog ib co neeg ntshiab
uas nws nyiam nws hlub; ua li mas nej yuav xyaum coj
ib lub siab txawj khuv leej luag, nyiam ua zoo rau luag,
nyiam ua neeg me, ib lub siab mos siab muag, siab ntev.
13 Nej ib leeg yuav ua siab ntev txhawb ib leeg, thiab yuav ib leeg zam rau ib leeg
thaum nej muaj kev sib tu siab ib leeg rau ib leeg.
Huab Tais twb zam rau nej mas nej kuj yuav sib zam ib yan thiab.
14 Ua ntej tas txhua yam, nej yuav npua txoj kev nyiam,
uas yog txoj hlab yuav tuav nej ua ke kom zoo txhij zoo txhua.
15 Thov kom Leej Pleev txoj kev thaj yeeb tuaj kav nej lub siab,
Yog txoj kev thaj yeeb uas ua kom nej los sib sau koom tau ua ib lub cev.
Li ntawd, nej yuav ua Ntuj tsaug.
16 Thov kom Leej Pleev Lo Lus nyob txawm hauv nej kom puv npo.
kom nej txawj sib qhuab qhia sib ntuas
nyob hauv txoj kev thoob tsib tas nrho,
thiab thaum nej hu tej zaj nkauj paj nruag, tej zaj nkauj seev,
nkauj cav txog Tswv Ntuj nyob hauv nej nruab siab
rau nws,los nco nws tej txiaj ntsim.
17 Txawm nej yuav hais dab tsi los ua dab tsi,
mas nej yuav ua tas txhua yam nyob Huab Tais Yes Xus lub npe,
nej yuav ua Leej Txiv Tswv Ntuj tsaug nyob hauv nws.
18 Cov poj niam, nej yuav nyob hauv nej tus txiv lub qab tswj hwm,
raws li Huab Tais tau pom zoo.
19 Cov txiv neej, nej yuav hlub nej tus poj niam ;
nej tsis txhob ua nruj ua tsiv rau nws.
20 Cov me nyuam, nej yuav mloog nej niam nej txiv lus tas huv tib si :
vim qhov no yog qhov ua rau Huab Tais zoo siab.
21 Cov ua txiv, nej tsis txhob ua tsiv dhau nej cov me nyuam,
lawv thiaj yuav tsis tas kev cia siab.

Los: KOS LOS XAIS 3: 12-17

12 Nej yog cov uas Tswv Ntuj xaiv, yog ib co neeg ntshiab
uas nws nyiam nws hlub; ua li mas nej yuav xyaum coj
ib lub siab txawj khuv leej luag, nyiam ua zoo rau luag,
nyiam ua neeg me, ib lub siab mos siab muag, siab ntev.
13 Nej ib leeg yuav ua siab ntev txhawb ib leeg, thiab yuav ib leeg zam rau ib leeg
thaum nej muaj kev sib tu siab ib leeg rau ib leeg.
Huab Tais twb zam rau nej mas nej kuj yuav sib zam ib yan thiab.
14 Ua ntej tas txhua yam, nej yuav npua txoj kev nyiam,
uas yog txoj hlab yuav tuav nej ua ke kom zoo txhij zoo txhua.
15 Thov kom Leej Pleev txoj kev thaj yeeb tuaj kav nej lub siab,
Yog txoj kev thaj yeeb uas ua kom nej los sib sau koom tau ua ib lub cev.
Li ntawd, nej yuav ua Ntuj tsaug.
16 Thov kom Leej Pleev Lo Lus nyob txawm hauv nej kom puv npo.
kom nej txawj sib qhuab qhia sib ntuas
nyob hauv txoj kev thoob tsib tas nrho,
thiab thaum nej hu tej zaj nkauj paj nruag, tej zaj nkauj seev,
nkauj cav txog Tswv Ntuj nyob hauv nej nruab siab
rau nws,los nco nws tej txiaj ntsim.
17 Txawm nej yuav hais dab tsi los ua dab tsi,
mas nej yuav ua tas txhua yam nyob Huab Tais Yes Xus lub npe,
nej yuav ua Leej Txiv Tswv Ntuj tsaug nyob hauv nws.

Ntawv Moo Zoo: MT 2: 13-15, 19-23

13 Thaum cov kws hnub qub rov qab mus lawm,
Huab Tais tus Tshiab tawm tuaj ua npau suav rau Yos Xes,
nws hais rau Yos Xes tias : "Koj sawv, koj coj tus me nyuam
thiab nws niam khiav mus Hais Nkws Tos teb,
koj yuav nyob ntawd mus txog thaum kuv rov tuaj qhia koj,
vim Hes Los tab tom yuav pib nrhiav tus me nyuam tua."
14 Ces Yos Xes sawv, nws coj tus me nyuam thiab leej niam,
lawv khiav hmo ntuj mus rau Hais Nkws Tos teb.
15 Nws nyob Hais Nkws Tos teb mus txog hnub Hes Los tuag,
Kom tau ua raws li lo lus Huab Tais kom tus yaj saub
xub hais tseg tias : “Kuv hu kuv leej tub tim Hais Nkws Tos teb los.”
19 Thaum Hes Los tuag lawm, Huab Tais tus Tshiab tawm los
ua npau suav rau Yos Xes nyob Hais Nkws Tos teb.
20 Tus Tshiab hais tias : "Koj sawv, koj coj tus me nyuam
thiab nws niam, nej sawv kev rov mus nyob His Xas Lais thaj av,
vim cov neeg uas xav muab tus me nyuam tua, tuag lawm."
21 Ces Yos Xes sawv, nws coj tus me nyuam
thiab leej niam rov los rau His Xas Lais thaj av.
22 Tab sis, Yos Xes hnov tias As Kes Los ua vaj hloov
nws txiv Hes Los chaw kav Yus Das teb,
ces Yos Xes ntshai rov mus Yus Das teb.
Ntuj qhia nws hauv npau suav,
nws thiaj tsiv mus nyob xeev Nkas Lis Lais.
23 Nws mus nyob ruaj rau hauv ib lub zos hu ua Nas Xas Les,
kom tau ua raws li cov yaj saub xub hais lawm tias:
“Luag yuav hu nws ua tus neeg Nas Xaus Les.”

**Mim** 2nd January 2020, 1:29 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°6

Re: Cov zaj nyeem Hnub Chiv Xyoo A. 2019-2020

Post Mim 2nd January 2020, 1:29 pm

COV ZAJ NYEEM HNUB CHIV
HUAB TAIS TAWM TUAJ Xyoo A
TIM 5/1/2020

Zaj nyeem Ib: Xais 60: 1-6

1 Yes Lus Xas Les, koj sawv, kav tsij ci hob tuaj!
Vim koj qhov pom kev tuaj txog lawm,
thiab HUAB TAIS lub hwj chim sawv los ziab koj lawm.
2 Ntsia saib ! Qhov tsaus ntuj nti vov tas lub ntiaj teb,
thiab ib qho tsaus dub nciab vov cov haiv neeg,
tab sis HUAB TAIS sawv los ziab koj,
thiab nws lub hwj chim tawm los nyob saum koj.
3 Cov kuj cuab taug kev mus lawm hauv koj qhov pom kev.
cov vaj taug kev mus lawm hauv koj pom kev kaj ntug ci ntsa.
4 Koj tsa tau hau mus ntsia, tig koj qhov muag mus saib nyob ncig koj.
Ces koj yuav pom tas sawv daws tuaj sib sau ua ke.
Koj cov tub tuaj cuag koj, lawv tuaj tej teb chaws deb tuaj,
koj cov ntxhais lawv yuav muab nqa ntawm xub ntiag tuaj.
5 Koj pom li ntawd, koj yuav ua ntsej muag luag ntxhi,
koj lub plawv yuav dhia paj paws, koj lub siab yuav hom khaj,
vim tej kev nplua nuj hauv hiav txwv yuav raug coj tuaj rau koj.
cov kuj cuab tej nyiaj tej kub yuav raug nqa tuaj rau koj.
6 Cov ntxhuav yuav tuaj ua npoj ntws nyob puv ntia hauv koj,
cov thauj yuav tuaj ntawm Mas Dias thiab Es Fais tuaj;
txhua leej nyob Ses Npas yuav tuaj,
lawv thauj kub thiab txab txiv yoov tuaj,
lawv yuav tshaj lus zoo cav txog HUAB TAIS.

Zaj nyeem Ob: Es Fes Xos 3: 2-3a, 5-6

Cov kwv tij nkauj muad:
2 Tej zaum nej yeej tau hnov piav txog qhov Tswv Ntuj tau pub
txiaj ntsim zoo li cas rau kuv lawm, kom kuv tau pab nej.
3 Nws tau ua kom kuv muaj kev yees pom,
ces nws qhib nws cov txuj ci zais tob tob rau kuv paub.
5 Nws tsis tau qhib cov txuj tob tob no rau txheej laus thaud paub,
xws li nws nyuam qhuav qhib rau nws cov Hauv Paus Xa Lus ntshiab,
thiab rau nws cov Yaj Saub nyob hauv Leej Ntuj Plig xwb:
6 yog qhov tias cov neeg teev pej kum dab kuj nrog peb koom ib
lub cuab tam, thiab koom ua cov tes taw nyob hauv tib lub Cev,
thiab koom txoj dej num nyob hauv Yes Xus Pleev
txoj kev cog lus uas los ntawm lub Moo Zoo los.

Ntawv Moo Zoo: Mas Tais 2: 1-12

1 Yes Xus yug los nyob Npes Les Hes, Yus Das teb,
thaum lub caij Hes Los ua vaj.
Txawm muaj ib co kws hnub qub tuaj Toob Fab tuaj txog Yes Lus Xas Les.
2 Lawv nug tias : "Tus vaj Yus Das uas nyuam qhuav yug los nyob qhov twg ?
Peb pom nws lub hnub qub tawm nyob Toob Fab, peb tuaj hawm nws."
3 Tus vaj Hes Los hnov li ntawd, nws lub siab nphau npog.
Tas Yes Lus Xas Les kuj nrog nws ua siab nphau npog thiab.
4 Hes Los hu cov thawj leej choj thiab pej xeem cov kws ntawv tuaj tas huv tib si.
Nws nug lawv txog qhov chaw uas Leej Pleev yuav yug los.
5 Lawv hais rau nws tias : "Nyob Npes Les Hes,
Yus Das teb, vim tus yaj saub sau tseg li no tias :
6 Koj, Npes Les Hes, Yus Das thaj av, koj tsis yog
lub nroog me dua cov nroog tseem ceeb nyob Yus das teb,
vim ib tug thawj coj yuav tawm hauv koj los,
nws yuav coj kuv haiv His Xas Lais mus nog zaub."
7 Hes Los hu cov kws hnub qub twj ywm tuaj.
Nws kom lawv qhia meej lub sij hawm uas lub hnub qub tau tawm tuaj.
8 Ces nws tso lawv mus Npes Les Hes, nws hais rau lawv tias :
"Nej mus, nej tshuaj kom paub meej txog tus me nyuam,
thaum nej nrhiav tau nws lawm, nej xa xov qhia rau kuv paub,
vim kuv xav mus hawm nws thiab."
9 Thaum lawv hnov tus vaj cov lus lawm, ces lawv sawv kev mus.
Ua ciav lub hnub qub uas lawv tau pom nyob Toob Fab mus ua lawv ntej.
Nws mus nres saum qhov chaw uas tus me nyuam nyob.
10 Lawv pom lub hnub qub, mas lawv zoo siab kawg.
11 Lawv chaws mus hauv lub tsev, lawv pom
tus me nyuam thiab Mab Liab, nws leej niam;
ces lawv pe, lawv hawm nws. Lawv qhib lawv cov phij xab, lawv cev kub,
cev txab ntoo xyab, thiab cev txab txiv yoov ua paj tshab rau nws.
12 Ntuj qhia lawv hauv npau suav kom txhob rov qab mus ntsib Hes Los ntxiv,
ces lawv taug dua ib txog kev rov mus lawv teb chaws lawm.

**Mim** 9th January 2020, 3:41 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°7

Re: Cov zaj nyeem Hnub Chiv Xyoo A. 2019-2020

Post Mim 9th January 2020, 3:41 am

COV ZAJ NYEEM HNUB CHIV
Huab Tais Txais Lub Cim Ntxuav - Xyoo A
Tim 12/01/2020

Zaj nyeem 1: His Xais 42: 1-4, 6-7

1 Nej ntsia kuv tus tub txib, tus uas kuv nres, tus kuv xaiv,
tus kuv nyiam tas siab. Kuv tau muab kuv lub tswv yim
tso rau saum nws. Nws yuav qhia Txoj Cai rau cov kuj cuab.
2 Kuv tus tub txib yuav tsis nthe, tsis qw nrov,
tsis ua suab ncha nyob ntawm tej kev hauv nroog.
3 Nws yuav tsis lov tus txhiav qaug,
nws yuav tsis tshuab tus nplaim teeb uas cig qauj les yuav tuag;
nws yuav qhia txoj kev ncaj raws qhov tseeb.
4 Nws yuav tsis ntaus siab me, tsis swb mus txog hnub nws tsa
tau txoj kev ncaj kav ntiaj teb lawm,
thiab cov pov txwv nyob tos ntsoov nws Txoj Cai.

6 Kuv, HUAB TAIS, tau hu koj nyob hauv txoj kev ncaj,
kuv yuav tuav koj tes, kuv yuav puab koj,
kuv yuav tsa koj ua ib txog kev cog lus rau tsoom pej xeem,
ua ib lub teeb pom kev kaj cov kuj cuab,
7 kom koj qhib cov dig muag qhov muag,
kom koj tso cov neeg nyob hauv tsev loj faj tawm,
rho cov neeg nyob hauv kev tsaus ntuj nti
tawm ntawm lawv cov qhov taub los.

Zaj nyeem 2: Hauj Lwm 10: 34-38

34 Ces Pob Zeb qhib ncauj, nws hais tias :
"Qhov tseeb, kuv to taub zoo lawm tias
Tswv Ntuj tsis kws leej twg cai.
35 Nyob hauv tas txhua haiv neeg, yog leej twg hwm Nws
thiab coj raws kev ncaj, mas tus ntawd ntxim Tswv Ntuj siab.
36 Tswv Ntuj tau xa lo lus tuaj rau cov tub ki His Xas Lais,
yog lo lus xa lub Moo Zoo txog kev thaj yeeb nyob hauv
Yes Xus Pleev, tus uas yog sawv daws tus Huab Tais.
37 Nej twb paub txog tej xwm uas tshwm sim tuaj nyob hauv
xeev Yus Das lawm, uas yog pib nyob Nkas Lis Les tuaj,
thaum Zam tau tshaj tias kom sawv daws txais lub cim ntxuav.
38 Nej twb paub tias Tswv Ntuj tau pleev roj muab
Leej Ntuj Plig Ntshiab thiab muab hwj huam rau Yes Xus
nyob Nas Xas Les. Ces nws mus ncig teb ncig chaw,
ua zoo rau sawv daws. Nws kho cov neeg raug dab phem
tsim txom kom lawv zoo, vim Tswv Ntuj nrog nws nyob.

Ntawv Moo Zoo: Mas Tais 3: 13-17

13 Thaum ntawd, Yes Xus tawm hauv xeev Nkas Lis Lais
mus cuag Zam ntawm tus dej Yos Las Das,
kom Zam ua kab ke ntxuav rau nws.
14 Zam tsis kam, Zam hais tias :
"Kuv yog tus yuav tsum thov koj ntxuav kuv,
tab sis ua cas koj ho tuaj cuag kuv?"
15 Yes Xus teb rau Zam tias :
"Nyem no, cia koj ua li ntawd, wb thiaj tau ua
raws qhov yog." Ces Zam tsis yig ntxiv lawm.
16 Thaum Yes Xus txais kab ke ntxuav tas, nws tawm
hauv dej los rau tim ntug nqhuab tam sis ntawd.
Ces lub ntuj qhib plho, Zam pom Tswv Ntuj leej Tswv Yim
nqes xws li ib tug nquab los rau saum Yes Xus.
17 Thiab muaj ib lub suab nrov saum ntuj tuaj hais tias :
"Tus no yog kuv Leej Tub uas kuv nyiam.
Nws yog kuv qhov chaw zoo siab.”

**Mim** 16th January 2020, 6:39 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°8

Re: Cov zaj nyeem Hnub Chiv Xyoo A. 2019-2020

Post Mim 16th January 2020, 6:39 am

COV ZAJ NYEEM HNUB CHIV OB
Nruab Xyoo A
Tim 19/01/2020

Zaj Nyeem Ib: HX 49: 3, 5-6

3 HUAB TAIS hais rau kuv tias :
"His Xas Lais, koj yog kuv tus tub txib,
kuv yuav nto koob meej nyob hauv koj."
5 Nyem no, HUAB TAIS hais li no.
Nws yog tus puab kuv nyob hauv kuv niam plab,
kom kuv tau ua nws tus tub txib,
kom tau coj Yas Kos rov los cuag nws,
thiab cov His Xas Lais uas ncaim mus lawm rov qab los koom nws,
ces kuv yuav nto koob meej nyob ntawm HUAB TAIS qhov muag,
kuv tus Tswv Ntuj yuav yog kuv lub zog.
6 Nws hais tias : "Yog ib qhov me me xwb uas
koj yog kuv tus tub txib, koj rov tsa cov xeem Yas Kos kom sawv,
thiab koj coj cov His Xas Lais seem kom lawv rov qab los.
Kuv tseem tsa koj kom koj ua lub teeb ci ntsa kaj cov kuj cuab,
kom kuv txoj kev cawm thiaj mus txog tim npoo ntiaj teb kawg thiab.

NPN 40: 2+4AB, 7-8, 8-9, 10

Txais: (8a+9a) Kuv nyob ntawm no,
HUAB TAIS, kuv tuaj ua ywj koj siab.

Kuv tau tos thiab tos ntsoov HUAB TAIS,
nws tau khoov qis qis los saib kuv thiab mloog kuv hu nws.
Nws muab ib zaj nkauj tshiab rau kuv qhov ncauj hu,
Yog ib zaj cav txog peb tus Tswv Ntuj.

Txais: (8a+9a) Kuv nyob ntawm no,
HUAB TAIS, kuv tuaj ua ywj koj siab.

Koj tsis ntshaw tsiaj los qoob loo txi rau koj,
tiam sis koj muab pob ntseg rau kuv kom kuv txawj mloog.
Koj tsis xav tau tsiaj hlawv txi ntuj los tsiaj them txim txhaum,
kuv thiaj hais tias: “Kuv nyob ntawm no, cia kuv tuaj.”

Txais: (8a+9a) Kuv nyob ntawm no,
HUAB TAIS, kuv tuaj ua ywj koj siab.

Nyob hauv kauj ntawv sau muaj lus hais tseg rau kuv tias:
“Ua ywj koj lub siab, kuv tus Tswv Ntuj, yog yam ntxim kuv siab,
koj txoj cai nyob rawv hauv kuv nruab plaw!”

Txais: (8a+9a) Kuv nyob ntawm no,
HUAB TAIS, kuv tuaj ua ywj koj siab.

Kuv tau tshaj koj txoj kev ncaj nyob hauv lub txoos muaj neeg coob,
kuv tsis tau kaw kuv lub qhov ncauj, HUAB TAIS, koj yeej paub.

Txais: (8a+9a) Kuv nyob ntawm no,
HUAB TAIS, kuv tuaj ua ywj koj siab.

Zaj Nyeem Ob: 1 KLN 1: 1-3

1 Paj Lug uas yog tus Tswv Ntuj pom zoo hu
los ua Yes Xus Pleev ib tug Hauv Paus Xa Lus
thiab tus kwv Xos Thes Nos
2 sau ntawv rau Tswv Ntuj lub Koom Txoos nyob Kos Lis Nthos.
rau cov uas ntshiab tuaj nyob hauv Yes Xus Pleev,
cov uas raug hu los ua neeg ntshiab, thiab rau tas
txhua leej txhua tus nyob tas qhov txhia chaw,
uas tuav txog peb tus Huab Tais Yes Xus Pleev lub npe,
uas nws yog lawv tus Huab Tais thiab peb tus.
3 Thov kom Tswv Ntuj peb Leej Txiv thiab Huab Tais Yes Xus Pleev
pub txiaj ntsim thiab kev thaj yeeb rau nej.

As Les Lus Yas: ZAM 1: 14A, 12A

Txais: As les lus yas, As les lus yas

Tswv Ntuj Lo Lus yuav ib lub cev nqaij,
nws tuaj nrog peb nyob.
Cov uas txais nws, nws pub kom lawv muaj
peev xwm ua tau Tswv Ntuj cov me nyuam.

Txais: As les lus yas, As les lus yas

Ntawv Moo Zoo: ZAM 1: 29-34

29 Hnub tom qab, Zam Ntxuav Plig pom
Yes Xus tuaj ze ntawm nws, nws hais tias :
"Nej ntsia Tswv Ntuj tus Yaj, tus daws qab ntuj neeg cov txhaum.
30 Tus ntawd yog tus uas kuv hais txog nws tias :
‘Muaj ib tug neeg yuav tuaj lawv kuv qab,
nws loj dua kuv, vim nws xub nyob dua kuv lawm.’
31 Kuv tsis tau paub nws, tab sis yog xav ua kom nws
tawm los rau cov His Xas Lais paub,
kuv thiaj tuaj ua cov kab ke ntxuav nyob hauv dej."
32 Ces Zam ua tim khawv hais tias :
"Kuv pom Leej Ntuj Plig nqes saum ntuj los
xws li ib tug nquab los nyob rau saum nws.
33 Kuv tsis tau paub nws li, tab sis Tus xa kuv tuaj
ua kab ke ntxuav hauv dej, nws hais rau kuv tias :
‘Tus uas koj yuav pom Leej Ntuj Plig nqes los
nyob saum nws, mas nws yog tus yuav ua
kab ke ntxuav nyob hauv Leej Ntuj Plig Ntshiab.’
34 Kuv tau pom lawm, ces kuv ua tim
khawv tias nws yog Tswv Ntuj Leej Tub.”

**Mim** 22nd January 2020, 1:47 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°9

Re: Cov zaj nyeem Hnub Chiv Xyoo A. 2019-2020

Post Mim 22nd January 2020, 1:47 pm

COV ZAJ NYEEM
HNUB CHIV PEB Nruab Xyoo A
TIM 26/01/2020

Zaj nyeem ib: His Xais 8: 23b-9:3

8 23 Yav thaum ntej, HUAB TAIS tau tso
Ntxas Npws Loos teb thiab Nes Tas Lis teb raug kev txaj muag loj.
Tab sis thaum kawg, nws yuav muab koob meej rau lub teb chaws
nyob ntawm kev mus rau lub hiav txwv, nyob sab Yos Las Das tim ub,
yog Nkas Lis Lais thaj av uas tsoom kuj cuab nyob.
9 1 Tsoom neeg uas maub taug kev hauv qhov tsaus ntuj,
lawv pom ib qho pom kev loj;
cov nyob hauv lub teb chaws muaj kev tuag roos tsaus ntuj nti,
muaj ib qhov pom kev ci ntsa iab rau saum lawv.
2 HUAB TAIS, koj ua kom haiv neeg huam vam tuaj, koj ua kom lawv muaj
kev zoo siab loj, lawv zoo siab nyob ntawm koj xub ntiag,
ib yam li cov sau qoob loo zoo siab, ib yam li co tub rog sib faib
cov toob xib uas lawv txeeb tau los lawv dhia lom zem.
3 Vim tus quab uas tsuam lawv, tus ntas uas nyob saum lawv xub pwg,
tus zov cov neeg nyob txim rab qws, koj tau muab tsuj dam tas,
xws li thaum lub caij cov Mas Dias nyob.

NPN 27: 1, 4, 13-14

Txais: (1a) Huab Tais yog kuv qhov pom kev thiab yog kuv txoj kev cawm.

Huab Tais yog kuv qhov pom kev thiab kuv txoj kev cawm;
Kuv yuav ntshai leej twg?
Huab Tais yog kuv qhov chaw nkaum hauv kuv lub neej,
Kuv yuav tshee vim leej twg?

Txais: (1a) Huab Tais yog kuv qhov pom kev thiab yog kuv txoj kev cawm.

Kuv tsuas thov ib yam ntawm Huab Tais; qhov kuv nrhiav yog:
kom tau nyob hauv Huab Tais tsev niaj hnub hauv kuv lub neej,
Kom kuv tau ntsia ntsoov Huab Tais txoj kev zoo
thiab tau pom nws lub tuam tsev.

Txais: (1a) Huab Tais yog kuv qhov pom kev thiab yog kuv txoj kev cawm.

Kuv ntseeg hais tias kuv yuav tau pom Huab Tais txoj kev nplua nuj
nyob hauv cov neeg ciaj sia lub teb chaws.
Nej ua siab loj tos ntsoov Huab Tias,
nej ua siab tawv qhawv tos ntsoov Huab Tais.

Txais: (1a) Huab Tais yog kuv qhov pom kev thiab yog kuv txoj kev cawm.

Zaj nyeem ob: 1 Kos Lis Nthos 1: 10-13,17

10 Cov kwv tij, kuv thov nej nyob hauv peb tus Huab Tais
Yes Xus Pleev lub npe, kom nej sawv daws koom hais ib hom
lus xwb, tsis txhob muaj kev sib cais nyob hauv nej pab pawg,
tiam sis kom nej sib haum xeeb zoo nyob
hauv ib lub tswv yim thiab ib lub siab xwb.
11 Kuv cov kwv tij, kuv tau hnov cov neeg nyob Dlos Es
hais tias muaj lus tsis sib haum nyob hauv nej,
12 vim nej pheej nyias qhuas nyias tias : ‘Kuv yog Paj Lug tog!
Kuv yog As Pos Los tog! Kuv yog Kes Fas tog! Kuv yog Leej Pleev tog!’
13 Leej Pleev puas faib ua ob peb tog ?
Puas yog Paj Lug tuag nyob saum ntoo cuam kom tau pab nej ?
Nej puas tau txais lub Cim Ntxuav nyob hauv Paj Lug lub npe ?
17 Leej Pleev tsis tau xa kuv mus ua lub Cim Ntxuav, tiam sis
nws xa kuv mus tshaj lub Moo Zoo, kom kuv tsis txhob siv
txoj kev txawj hais lus thoob tsib zoo los tshaj, Leej Pleev
tus ntoo cuam thiaj tsis poob nws txoj kev muaj hwj huam.

As Les Lus yas: MT 4:23

Txais: As les lus yas, as les lus yas.

Yes Xus tshaj lub moo zoo txog Ntuj Ceeb Tsheej
thiab kho txhua yam mob nkeeg nyob hauv tsoom neeg.

Txais: As les lus yas, as les lus yas.

Ntawv Moo Zoo: Mas Tais 4: 12-23

12 Yes Xus hnov tias luag ntes Zam lawm,
ces nws mus rau Nkas Lis Lais teb.
13 Nws tso Nas Xas Las tseg, nws mus nyob ruaj rau
Kas Fas Naus, ntawm ntug dej ntuj, nyob hauv cov
cheeb tsam Ntxas Npus Loos thiab Nes Tas Lis,
14 kom thiaj muaj raws li yaj saub His Xais xub hais tseg tias :
15 “Ntxas Npus Loos daim av thiab Nes Tas Lis daim av, txoj kev
mus rau tom dej ntuj, cheeb tsam nyob sab dej Yos Las Das tim ub,
av Nkas Lis Lais uas cov neeg teev pej kum dab nyob,
16 haiv neeg zaum nyob hauv kev tsaus ntuj
tau pom ib qho pom kev ci loj loj,
cov neeg maub hauv tub tuag lub teb chaws tsaus ntuj,
ib qho pom kev ci tawm tuaj rau lawv lawm.”
17 Txij thaum ntawd los, Yes Xus pib ceeb toom hais tias :
"Nej hloov siab mog, vim Ntuj lub Ceeb Tsheej los txog ze lawm."
18 Yes Xus mus ko taw taug tus ntug dej ntuj Nkas Lis Lais,
nws pom ob kwv tij, Xis Moos uas hu ua Pob Zeb,
thiab nws tus kwv As Nres, nkawd tseem tab tom
pov vas ntses rau hauv dej ntuj, vim nkawd yog tub puav ntses.
19 Yes Xus hais rau nkawd tias :
"Neb raws kuv mus, kuv yuav tsa neb ua tub puav neeg."
20 Nkawd tso plhuav nkawd cov vas ntses
tam sis ntawd tseg, nkawd raws Yes Xus mus.
21 Yes Xus mus ntxiv, nws kuj pom ob kwv tij ntxiv: Yas Kos,
uas yog Ntxes Npes Dais tus tub, thiab Zam uas yog Yas Kos tus kwv,
nkawd nyob hauv nkoj nrog nkawd txiv Ntxes Npes Dais, lawv tseem
tab tom ntxiv lawv cov vas ntses. Yes Xus kuj hu nkawd.
22 Tam sis ntawd, nkawd tso plhuav lub nkoj
thiab Nkawd txiv tseg, nkawd raws Yes Xus mus.
23 Yes Xus mus ncig thoob lub xeev Nkas Lis Lais, nws qhia zeej tsoom
nyob hauv lawv cov tsev txoos, nws tshaj lub Moo Zoo txog Ntuj lub
Ceeb Tsheej, thiab nws kho tas puas tsav yam mob,
tas puas tsav yam txiab nkeeg hauv tsoom pej xeem zoo huv si.

Los: Mas Tais 4: 12-17

12 Yes Xus hnov tias luag ntes Zam lawm,
ces nws mus rau Nkas Lis Lais teb.
13 Nws tso Nas Xas Las tseg, nws mus nyob ruaj rau
Kas Fas Naus, ntawm ntug dej ntuj, nyob hauv cov
cheeb tsam Ntxas Npus Loos thiab Nes Tas Lis,
14 kom thiaj muaj raws li yaj saub His Xais xub hais tseg tias :
15 “Ntxas Npus Loos daim av thiab Nes Tas Lis daim av, txoj kev
mus rau tom dej ntuj, cheeb tsam nyob sab dej Yos Las Das tim ub,
av Nkas Lis Lais uas cov neeg teev pej kum dab nyob,
16 haiv neeg zaum nyob hauv kev tsaus ntuj
tau pom ib qho pom kev ci loj loj,
cov neeg maub hauv tub tuag lub teb chaws tsaus ntuj,
ib qho pom kev ci tawm tuaj rau lawv lawm.”
17 Txij thaum ntawd los, Yes Xus pib ceeb toom hais tias :
"Nej hloov siab mog, vim Ntuj lub Ceeb Tsheej los txog ze lawm."

**Mim** 29th January 2020, 1:17 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°10

Re: Cov zaj nyeem Hnub Chiv Xyoo A. 2019-2020

Post Mim 29th January 2020, 1:17 pm

COV ZAJ NYEEM
HNUB CHIV PLAUB Nruab Xyoo A
TIM 02/02/2020

Nco Txog Mab Liab thiab Yos Xes coj Yes Xus
mus Fij rau hauv lub Tuam Tsev Teev Ntuj

Zaj nyeem Ib : Mas Las Kis 3: 1-4

Huab Tais Tswv Ntuj hais li no:
1 “Kuv xa kuv tus tub tshaj xov mus kho kev ua kuv ntej.
Ces ib sij huam, tus Huab Tais uas nej nrhiav yuav chaws los
hauv nws lub tuam tsev; tus tub tshaj txog txoj kev cog lus
uas nej ntshaw, saib, nws tuaj txog ntawd lawm!”
Tus HUAB TAIS kav tsoom tshiab hais li ntawd.
2 Leej twg thiaj yuav tiv taus hnub nws tuaj txog?
Leej twg thiaj yuav sawv taus ntseg thaum nws tawm plaws los?
Vim nws yuav zoo li cov hluav taws nchuav nyiaj nchuav kub,
thiab zoo li cov tshuaj ntxhua xov kom dawb.
3 Nws yuav zaum ua tus nchuav nyiaj thiab ua kom nyiaj dawb.
Nws yuav ua kom Les Vis cov tub huv tuaj, thiab yuav muab
lawv nchuav xws li nchuav nyiaj thiab nchuav kub, ces lawv yuav
yog cov tub cev thaj txi ntuj rau HUAB TAIS raws txoj kev ncaj.
4 Ces HUAB TAIS yuav pom zoo txais Yus Das thiab
Yes Lus Xas Les cov thaj txi Ntuj ib yam li txheej thaum ub,
ib yam li thaum lub caij dhau los lawm.

NPN 24: 7, 8, 9, 10

Txais: [8] Leej twg yog tus vaj muaj koob meej?
Yog HUAB TAIS!

Cov rooj vag, nej txav nej daim txiag
puab saum qhov rooj kom siab, cov qhov rooj laus,
nej tshoom kom nej qhib tau siab ntxiv,
kom tus vaj muaj koob meej tau kev nkag los!

Txais: [8] Leej twg yog tus vaj muaj koob meej?
Yog HUAB TAIS!

Leej twg yog tus vaj muaj koob meej?
Yog HUAB TAIS, tus muaj zog thiab muaj hwj huam,
yog HUAB TAIS, tus muaj hwj huam ntaus tsam rog.

Txais: [8] Leej twg yog tus vaj muaj koob meej?
Yog HUAB TAIS!

Cov rooj vag, nej txav nej daim txiag
puab saum qhov rooj kom siab, cov qhov rooj laus,
nej tshoom komqhib tau siab ntxiv,
kom tus vaj muaj koob meej tau kev nkag los!

Txais: [8] Leej twg yog tus vaj muaj koob meej?
Yog HUAB TAIS!

Tus vaj muaj koob meej ntawd yog leej twg?
Tus HUAB TAIS kav tsoom hnub qub,
nws yog tus vaj muaj koob meej.

Txais: [8] Leej twg yog tus vaj muaj koob meej?
Yog HUAB TAIS!

Zaj nyeem Ob: Hes Nplaws 2: 14-18

14 Vim ib co me nyuam koom roj ntsha thiab koom ib ce nqaij,
mas Yes Xus kuj nrog lawv koom thiab, kom nyob hauv
txoj kev tuag nws yeej tau tus muaj lub hwj huam
ua kom tuag, uas yog tus dab phem;
15 thiab kom nws cawm tau tas cov uas raug txoj kev ntshai
tuag muab lawv yuam ua qhev tas lawv sim neej.
16 Yes Xus tsis tuaj cawm cov Tshiab, tiam sis
nws tuaj cawm Has Nplas Has tsoom xeeb ntxwv.
17 Vim li no, nws thiaj yuav tsum yug los kom zoo ib yam li
nws cov kwv thiab cov nkauj muam, nws thiaj yuav yog
ib tug txawj khuv leej neeg thiab ib tug tuam leej choj
muaj lub siab npuav Tswv Ntuj zoo,
kom nws them tau tsoom pej xeem cov txhaum.
18 Vim nws tau raug kev tsim txom kev sim siab,
mas nws thiaj txawj pab cov uas raug kev sim siab.

As Les Lus Yas: LK 2: 32

Txais: As les lus yas, as les lus yas.

Yog qhov pom kev tawm tuaj kaj cov pej kum haiv neeg,
thiab yog koj haiv His Xas Lais lub koob meej.

Txais: As les lus yas, as les lus yas.

Ntawv Moo Zoo: Lus Kas 2: 22-40

22 Thaum txog lub caij lawv ua cov kab ke ntxuav cev
rau ob niam tub tas raws li Mais Xes Txoj Cai lawm,
Mab Liab thiab Yos Xes nkawd coj Yes Xus mus pem
Yes Lus Xas Les, kom tau fij tus me nyuam rau Huab Tais,
23 raws li muaj sau nyob hauv Huab Tais Txoj Cai tias :
"Txhua tus me nyuam tub uas xub qhib leej niam lub plab,
yuav raug muab qee rau Huab Tais."
24 Thiab kom tau cev ib co txim rau Ntuj raws li
Huab Tais Txoj Cai kom ua: “Cev ib nkawg
nquab lwb rwg, los ob tug thav nquab dawb.”
25 Thaum ntawd nyob Yes Lus Xas Les, muaj ib
tug txiv neej hu ua Xis Mes Oos. Tus neeg ntawd yog neeg
ncaj thiab nyiam teev Ntuj. Nws tos ntsoov tus yuav tuaj nplij
His Xas Lais. Leej Ntuj Plig Ntshiab nyob saum nws.
26 Leej Ntuj Plig Ntshiab tau qhia rau nws paub tias nws yuav
tsis xub tuag ua ntej, nws yuav tau pom Huab Tais tus Pleev tso.
27 Leej Ntuj Plig coj nws tuaj nyob hauv lub Tuam Tsev Teev Ntuj.
Thaum Mab Liab thiab Yos Xes nkawd coj tus
me nyuam Yes Xus tuaj ua cov kab ke raws Txoj Cai,
28 Xis Mes Oos txais tus me nyuam los puag hauv
nws xub ntiag, nws cav lus zoo txog Tswv Ntuj tias :
29 Huab Tais, nyem no thov koj tso koj tus tub txib
ncaim mus kaj lug, raws li koj lo lus,
30 vim kuv qhov muag tau pom koj txoj kev cawm lawm,
31 uas koj tau npaj nyob ntawm ib tsoom haiv neeg xub ntiag,
32 yog qhov pom kev tawm tuaj kaj cov pej kum haiv neeg,
thiab yog koj haiv His Xas Lais lub koob meej.
33 Yes Xus niam thiab txiv nkawd qhuas cov lus
nkawd hnov hais txog tus me nyuam.
34 Ces Xis Mes Oos foom hmoov zoo rau lawv,
thiab nws hais rau Mab Liab, Yes Xus niam tias :
"Koj ntsia mus, tus me nyuam no yuav ua kom
coob leej His Xas Lais ntog thiab coob leej rov sawv.
Thiab nws yuav yog ib lub cim uas neeg yuav hais lus thuam txog.
35 Hos ntawm koj, mas ib rab ntaj yuav hno ntsees
koj tus plig, kom xwv tej zaj tswv yim uas coob leej
xav tuaj nruab siab tawm los rau sawv daws paub.”
36 Tseem muaj ib tug yaj saub poj niam, hu ua As Nas,
yog Fas Nus Es tus ntxhais, xeem As Xej. Nws lub hnub
nyoog laus kawg lawm. Thauj nws tso txoj kev ua nkauj xwb tseg,
mas nws nrog nws tus txiv nyob tau xya xyoo,
37 ces nws ua poj ntsuam los txog tav no, thaum nws muaj yim
caum plaub xyoos no lawm. Nws tsis nrug ntawm
lub Tuam Tsev Teev Ntuj li. Nws yoo mov thiab hais cov zaj teev Ntuj
los tsob hwb Tswv Ntuj nruab hnub hmo ntuj tib si.
38 Tib lub sij hawm ntawd, As Nas kuj tuaj nyob ntawd thiab,
Nws cav lus zoo txog Tswv Ntuj, nws hais txog tus me nyuam
rau txhia leej txhia tus uas tos txog lub caij
Yes Lus Xas Les yuav txais kev dim.
39 Thaum Mab Liab thiab Yos Xes ua txhua yam raws li
Huab Tais Txoj Cai tas lawm, lawv rov mus Nkas Lis Lais,
hauv lawv lub nroog Nas Xas Les.
40 Hos tus me nyuam, mas nws hlob thiab muaj zog tuaj;
nws lub tswv yim muaj kev thoob tsib puv npo;
Tswv Ntuj lub txiaj ntsim nyob saum nws.

los: LK 2: 22-32

22 Thaum txog lub caij lawv ua cov kab ke ntxuav cev
rau ob niam tub tas raws li Mais Xes Txoj Cai lawm,
Mab Liab thiab Yos Xes nkawd coj Yes Xus mus pem
Yes Lus Xas Les, kom tau fij tus me nyuam rau Huab Tais,
23 raws li muaj sau nyob hauv Huab Tais Txoj Cai tias :
"Txhua tus me nyuam tub uas xub qhib leej niam lub plab,
yuav raug muab qee rau Huab Tais."
24 Thiab kom tau cev ib co txim rau Ntuj raws li
Huab Tais Txoj Cai kom ua: “Cev ib nkawg
nquab lwb rwg, los ob tug thav nquab dawb.”
25 Thaum ntawd nyob Yes Lus Xas Les, muaj ib
tug txiv neej hu ua Xis Mes Oos. Tus neeg ntawd yog neeg
ncaj thiab nyiam teev Ntuj. Nws tos ntsoov tus yuav tuaj nplij
His Xas Lais. Leej Ntuj Plig Ntshiab nyob saum nws.
26 Leej Ntuj Plig Ntshiab tau qhia rau nws paub tias nws yuav
tsis xub tuag ua ntej, nws yuav tau pom Huab Tais tus Pleev tso.
27 Leej Ntuj Plig coj nws tuaj nyob hauv lub Tuam Tsev Teev Ntuj.
Thaum Mab Liab thiab Yos Xes nkawd coj tus
me nyuam Yes Xus tuaj ua cov kab ke raws Txoj Cai,
28 Xis Mes Oos txais tus me nyuam los puag hauv
nws xub ntiag, nws cav lus zoo txog Tswv Ntuj tias :
29 Huab Tais, nyem no thov koj tso koj tus tub txib
ncaim mus kaj lug, raws li koj lo lus,
30 vim kuv qhov muag tau pom koj txoj kev cawm lawm,
31 uas koj tau npaj nyob ntawm ib tsoom haiv neeg xub ntiag,
32 yog qhov pom kev tawm tuaj kaj cov pej kum haiv neeg,
thiab yog koj haiv His Xas Lais lub koob meej.

**NrhiavTswvNtuj** 6th February 2020, 4:47 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°11

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 6th February 2020, 4:47 am

COV ZAJ NYEEM HNUB Chiv TIM 09/02/2020
Chiv 5 Nruab Xyoo A.

Zaj nyeem ib: His Xais 58,7-10
7 Yog koj muab koj cov mov los faib rau
tus neeg tshaib noj, yog koj cheem cov
txom nyem tsis muaj chaw nkaum kom
lawv nyob hauv koj tsev, yog koj muab
ris tsho rau tus koj pom liab qab hnav,
yog koj tsis tig nraub qaum rau tus muaj
lub cev nqaij zoo li koj.
8 Yog koj ua li ntawd , mas qhov pom
kev yuav txhawv xws li hnub tuaj. Koj
lub qhov txhab yuav nqawm sai, koj txoj
kev ncaj yuav mus ua koj ntej. HUAB
TAIS lub hwj chim yuav hwj koj.
9 Yog koj hu mas HUAB TAIS yuav teb, yog koj qw tias :
"Tsuag tsuag tuaj tsom kwm kuv."
Nws yuav hais tias :
"Kuv nyob ntawm no."
Yog koj tshem rab quab ntawm koj tsev
mus, yog koj tsis tsa tes hem luag, yog
koj tsis hais cov lus phem. 10 Yog koj
faib koj cov mov rau tus neeg tshaib noj,
yog koj pub dej rau tus neeg nqhis haus,
mas koj qhov pom kev yuav sawv nyob
hauv qhov tsaus ntuj. Koj qhov tsaus ntuj
yuav pom kev nrig li lub hnub thaum tav su

NPN 112:4-5, 6-7, 8-9

Txais: (4a) Tus neeg ncaj yog lub qhov pom kev ci hauv
qhov tsaus ntuj rau tus neeg siab ncaj.
los: As les lus yas.

Qhov pom kev ci hauv qhov tsaus ntuj rau tus neeg siab ncaj;
Nws muaj lub siab zoo, khuv leej neeg thiab ua haum pheej.
Tus muaj hmoov zoo yog tus neeg muaj lub siab dav qiv rau luag,
yog tus uas tswj nws nyiaj txiag raws kev ncaj.

Txais: (4a) Tus neeg ncaj yog qhov pom kev ci hauv
qhov tsaus ntuj rau tus neeg siab ncaj.
los: As les lus yas

Tus neeg ncaj yuav nyob ruaj nreb;
sawv daws yuav nco ntsoov txog nws mus li.
Nws yuav tsis ntshai tej lus phem hais txog nws;
nws lub siab nyob ruaj khov, nws tso siab lug rau Huab Tais.

Txais: (4a) Tus neeg ncaj yog qhov pom kev ci hauv
qhov tsaus ntuj rau tus neeg siab ncaj.
los: As les lus yas

Nws lub siab tawv qhawv, nws tsis txhawj.
Nws ua siab dav fo pub rau cov pluag;
nws txoj kev ncaj yuav nyob mus li.
Nws yuav nto koob meej,
yuav tsa taus hauv pliaj siab.

Txais: (4a) Tus neeg ncaj yog qhov pom kev ci hauv
qhov tsaus ntuj rau tus neeg siab ncaj.
los: As les lus yas

Zaj nyeem ob: 1 Kos Lis Nthos 2,1-5
1 Kwv tij sawv daws, ntawm kuv
mas, thaum kuv tuaj tim nej, kuv
tsis tau siv ib co lus muaj hwj chim thiab
ib co lus thoob tsib los tshaj Tswv Ntuj
lub txiaj ntsim rau nej.
2 Thaum kuv nrog nej nyob, kuv tsuas
xav paub Yes Xus Pleev, paub tus Yes
Xus Pleev tuag nyob saum ntoo cuam
xwb. 3 Thaum kuv tuaj cuag nej, kuv
yog tus tsis muaj zog, yog tus neeg
txhawj tshee na. 4 Kuv tej lus, thiab lub
Moo Zoo kuv xa tuaj, tsis zoo li kev
Thoob Tsib cov lus txawj ntxias neeg.
Kuv tej lus yog ib zag txuj tawm hauv
Leej Tswv Yim thiab hauv lub Hwj Huam
los, 5 kom nej txoj kev ntseeg txawb rau
saum Tswv Ntuj lub hwj huam, tsis txhob
txawb rau saum neeg kev thoob tsib.

As Les Lus Yas: ZAM 8: 1

Txais: As les lus yas, as les lus yas.

Huab Tais hais tias:
Kuv yog qhov pom kev kaj lub qab ntuj neeg.
Leej twg lawv kuv qab, nws yuav tau
qhov pom kev uas coj mus rau txoj sia

Txais: As les lus yas, as les lus yas.

Mas Tais Ntawv Moo Zoo 5,13-16
Cov ntsev las lub ntiaj teb.
Qhov pom kev ci rau ntiaj teb.
13 "Nej yog cov ntsev las lub ntiaj teb.
Tab sis yog ntsev tsuag lawm, yuav muab
dab tsi ua kom ntsev rov qab daw tuaj ?
Ntsev tsuag tsis zoo ua dab tsi, tsuas
kawg muab pov tseg nraum zoov rau neeg tsuj xwb.
14 "Nej yog lub teeb ci rau lub ntiaj teb.
Ib lub nroog txhim rau saum ib lub ncov
roob, yuav muab zais tsis tau. 15 Hos,
luag kuj tsis taws teeb coj mus zais rau
hauv qab txee, luag muab txawb saum tus
ncej teeb, lub teeb ci rau tas cov neeg
nyob hauv tsev pom kev. 16 Li ntawd,
nej lub teeb yuav tsum ci nyob ntawm zeej
tsoom xub ntiag, kom lawv pom nej cov
dej num zoo, ces lawv yuav cav txog nej
Txiv nyob saum ntuj.

**NrhiavTswvNtuj** 14th February 2020, 10:41 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°12

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 14th February 2020, 10:41 am

COV ZAJ NYEEM HNUB TIM 16/02/2020
Chiv 6 Nruab Xyoo A

Zaj nyeem 1: Npes xis Las 15,15-20
15 Yog koj xav mas koj yeej coj cov lus
qhia tau. Koj yuav ua xis Huab Tais siab.
16 Huab Tais tso dej thiab hluav taws
rau ntawm koj xub ntiag. Koj xyab tes
mus kov dej los kov hluav taws tau raws
li koj nyiam. 17 Txoj sia thiab txoj kev
tuag nyob ntawm neeg xub ntiag. Ntuj
pub txoj sia thiab txoj kev tuag rau neeg
raws li neeg nyiam.
18 Txoj kev thoob tsib loj tas nrho, nws
muaj zog, nws muaj hwj huam. Nws pom
tas ib puas tsav yam. 19 Huab Tais ntsia
ntsoov cov neeg hwm nws. Nws paub
txhua yam neeg ua. 20 Huab Tais tsis
tau kom leej twg mus taug txoj kev tsis
hwm Ntuj, nws tsis tau tso lus rau leej twg ua txhaum.

1 Kos Lis Nthos 2,6-10

6 Peb hais txog kev Thoob Tsib rau cov
neeg zoo txhij zoo txhua. Txoj kev thoob
tsib no tsis yog ntiaj teb kev thoob tsib,
thiab tsis yog ntiaj teb cov vaj tej kev
thoob tsib uas yuav ploj. 7 Txoj kev
thoob tsib uas peb hais txog, mas yog
Tswv Ntuj txoj kev Thoob Tsib; yog txoj
kev Thoob Tsib uas neeg tsis to taub,
thiab tseem nyob zais ntshis txog tav no;
yog kev Thoob Tsib uas Tswv Ntuj ib
txwm tshwj zias rau peb txij lub hauv
paus los, kom peb muaj hwj chim.
8 Yog txoj kev Thoob Tsib uas tsis muaj
ib tug vaj nyob ntiaj teb no paub li: yog
lawv paub, mas lawv tsis muab tus Huab
Tais muaj hwj chim tua saum ntoo cuam.
9 Peb ua raws li cov lus sau tseg tias:
“Peb tshaj tej yam qhov muag tsis tau
pom dua, tej yam pob ntseg tsis tau hnov
dua, tej yam tsis tau nce los txog neeg lub
siab. Peb tshaj txhua yam uas Tswv Ntuj
npaj tseg rau cov neeg nyiam nws.”
10 Tswv Ntuj qhia tej yam ntawd rau peb
paub nyob hauv Leej Ntuj Plig: vim Leej
Ntuj Plig tsom tau tas puas tsav yam, nws
tsom tau tej yam tob nyob hauv Tswv Ntuj.

Mas Tais 5,17-37
17 Nej txhob xav tias kuv tuaj rhuav
Txoj Cai thiab cov Yaj Saub: kuv tsis
tuaj rhuav, kuv tuaj qhia ntxiv kom thoob.
18 Vim tias qhov kuv hais rau nej muaj
tseeb: lub ntuj lub teb yuav dua, tab sis
tsis muaj ib tug txwm ntawv, los ib lub
cim ntawv me me hauv Txoj Cai yuav
ploj. Tas ib puas tsav yam nyob hauv
Txoj Cai yuav tsum tshwm sim tuaj tso.
19 Tus twg hla ib txog cai me, thiab nws
qhia kom luag ua xws li nws, mas Ntuj
yuav saib tus ntawd qis tshaj cov nyob
hauv Ntuj lub Ceeb Tsheej. Hos tus ua
raws Txoj Cai tas huv si, thiab nws qhia
kom luag ua xws li nws, Ntuj yuav saib
nws yog tus loj nyob hauv Ntuj lub Ceeb Tsheej.

Txoj kev ncaj tshiab zoo dua txoj qub.
20 "Kuv hais rau nej: yog nej tsis ua siab
ncaj dua cov Kws Ntawv Ntshiab thiab
cov Fas Lis Xais, mas nej yuav mus tsis
tau hauv Ntuj lub Ceeb Tsheej.

21 "Nej hnov cov lus qhia rau tej laus thaud tias: "
Koj tsis txhob tua neeg. Tus
twg tua neeg, nws yuav raug luag txiav
txim rau nws. 22 Hos kuv, mas kuv hais
rau nej: Leej twg npau taws rau nws tus
kwv, nws yuav raug txim ntawm tsev hais
plaub. Yog nws hais rau nws tus kwv tias
"Niag ruam !" mas nws yuav raug txim
ntawm lub rooj txwj laus Xas Nes Nrees.
Yog nws hais rau nws tus kwv tias: "Niag
vwm", mas nws yuav raug txim nyob
hauv dab phem cov hluav taws.
23 Thaum koj cev ib co txim rau saum
lub thaj txi Ntuj, yog koj nco dheev tias
koj tus kwv tau muaj lus rau koj lawm.
24 Mas koj cia li tso koj cov txim rau
ntawm lub thaj txi Ntuj, koj mus nrog koj
tus kwv hais kom haum tso, koj mam rov
los cev koj cov txim.
25 Thaum koj nrog tus neeg ntxub koj
tseem ua ke mus kev, koj kav tsij nrog
nws hais kom haum, tsam nws coj koj
mus kom rau tus txiav txim, ces tus txiav
txim muab koj cob rau tub ceev xwm kom
muab koj kaw hauv tsev loj faj. 26
Kuv hais tseeb rau koj, koj yuav tawm tsis
tau hauv tsev loj faj, mus txog thaum koj
rho nyiaj qab nas txog npib kawg nkaus los them.
27 Nej hnov tej lus qhia tias:
Koj yuav tsis txhob deev luag txij luag nkawm.
28 Hos kuv, mas kuv hais rau
nej: Leej twg ntsia ib tug poj niam vim
ntshaw zes nws, tus ntawd twb deev tus
poj niam ntawd hauv nruab siab lawm.
29 Yog koj sab qhov muag xis coj koj mus
ua txhaum, mas kav tsij muab sab qhov
muag ntawd kaus pov tseg deb koj: txhiaj
khoov cia ib sab qhov muag puas zoo dua
tas koj lub cev poob hauv dab phem teb.
30 Yog koj sab tes xis coj koj mus ua
txhaum, kav tsij muab txiav pov tseg deb
koj: txhiaj khoov cia tu ib sab tes zoo dua
tas koj lub cev poob hauv dab phem teb.
31 Tseem muaj tej lus qhia tias:
Leej twg nrauj nws poj niam, yuav tsum muab ib
daim ntawv nrauj rau tus poj niam.
32Tab sis, kuv hais rau nej: Tus txiv neej
twg nrauj nws poj niam, tus ntawd tso
nws poj niam rau luag deev. Qhov no tsis
yog hais txog tus poj niam uas mus 'nrog
lwm tus txiv neej ua dev ua npua.'
Hos leej twg yuav ib tug poj nrauj, mas
tus ntawd yog ib tug deev luag txij luag nkawm.
33 Nej tseem hnov cov lus qhia rau tej laus thaud tias:
Koj tsis txhob twv ntuj, koj yuav ua raws
li cov lus koj tau cog rau Huab Tais
34 Tab sis kuv hais rau nej, nej tsis txhob
twv ntuj ib zaug li. Txhob muab lub ntuj
los ua tim khawv, vim ntuj yog Tswv Ntuj
lub theej kiab; 35 txhob muab lub ntiaj
teb los ua tim khawv, vim lub ntiaj teb
yog Tswv Ntuj lub rooj tiag taw; txhob
muab Yes Lus Xas Les los ua tim khawv,
vim yog tus Tuam Vaj lub Nroog. 36
Txhob muab koj lub taub hau los ua tim
khawv, vim koj ua tsis tau kom ib txog
plaub hau dawb tuaj los dub tuaj. 37
Nej yuav hais li no: Muaj, ces hais tias
muaj; tsis muaj, ces hais tias tsis muaj.
Cov lus hais tshaj, yog tuaj ntawm tus Phem tuaj.

**NrhiavTswvNtuj** 20th February 2020, 8:51 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°13

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 20th February 2020, 8:51 am

COV ZAJ NYEEM HNUB TIM 23/02/2020
Chiv 7 Nruab xyoo A

Zaj nyeel 1: Les Vis 19,1-2.17-18
Txoj kev ua neeg zoo.
1 HUAB TAIS hais rau Mais Xes tias :
2 "Koj yuav hais rau tsoom tub ki His Xas Lais tias :
Nej yuav ua neeg ntshiab, vim kuv yog
nej tus HUAB TAIS, nej tus Tswv Ntuj,
kuv yog Tus Ntshiab.
17 Koj yuav tsis txhob ntxub koj tus kwv
tij nyob hauv koj nruab siab. Koj yuav
qhuab qhia tus uas nrog koj ua ib haiv
neeg, koj thiaj yuav tsis tau ris nws qhov
txhaum. 18 Koj yuav tsis txhob rob caub
thiab yuav tsis txhob chim ntev rau tus
uas nws yog koj haiv neeg.
Koj yuav nyiam tus nyob ze koj ib yam li
koj nyiam koj. Vim kuv yog HUAB TAIS

Zaj nyeem 2: 1 Kos Lis Nthos 3,16-23
16 Nej puas paub tias nej yog Tswv Ntuj
ib lub Tuam Tsev ? Nej puas paub tias
Tswv Ntuj Leej Ntuj Plig nyob txawm
hauv nej ? 17 Yog muaj ib tug rhuav
Tswv Ntuj lub Tuam Tsev, mas Tswv
Ntuj yuav rhuav tus ntawd. Vim tias
Tswv Ntuj lub Tuam Tsev yog ib yam
ntshiab. Lub Tuam Tsev ntawd yog nej.
18 Nej txhob yuam kev. Nyob hauv nej,
yog nej leej twg xav tias nws thoob tsib
raws li ntiaj teb kev thoob tsib, mas nws
yuav tsum ua neeg vwm, kom nws thoob
tsib tuaj. 19 Vim nyob ntawm Tswv Ntuj
xub ntiag, ntiaj teb txoj kev thoob tsib
yog ib txog kev vwm. Muaj ib lo lus sau tseg tias : ‘
Nws ua kom cov thoob tsib rov mag
lawv kev ntse.’ Tseem muaj dua ib
los sau tias : 20 “Huab Tais paub cov
neeg thoob tsib xav dab tsi : nws paub
tias lawv zaj tswv yim yog ib zaj cuav.”
21 Li ntawd, nej txhob muaj ib tug
nrhiav koob meej nyob hauv neeg.
22 Vim tas txhia yam yog nej tug. Tsis
hais Paj Lug, los As Pos Los, los Kes Fas,
los lub ntiaj teb, los txoj sia, los txoj kev
tuag, los lub zim txwv no, los yav tom
ntej : tas txhua yam ntawd yog nej tug.
23 Tab sis nej yog Leej Pleev tug, Leej
Pleev yog Tswv Ntuj tug.

Mas Tais 5,38-48
38 Nej hnov tej lus qhia tias :
Qhov muag pauj qhov muag, kaus hniav pauj
kaus hniav. 39 Hos kuv hais rau nej : nej tsis
txhob nrog tus neeg phem sib cav. Yuav
ua li no : leej twg ib ncuav pias rau koj
sab plhu xis, tig sab plhu laug rau nws
thiab. 40 Leej twg xav ua plaub rau koj
kom tau koj lub tsho, mas koj muab koj
lub tsho tshaj sab ntxiv rau nws thiab. 41
Leej twg thov koj xa nws mus ib ncuas
kev, mas koj nrog nws mus ob ncuas. 42
Leej twg thov koj, mas koj pub rau nws.
Leej twg xav txais nyiaj ntawm koj, mas
koj txhob tig nraub qaum rau nws.
43 "Nej hnov tej lus qhia tias :
Koj yuav nyiam tus nyob ze koj,
koj yuav ntxub koj tus yeeb ncuab. 44 Tab sis,
kuv hais rau nej tias : nej yuav nyiam nej
cov yeeb ncuab, nej yuav thov Ntuj rau
cov tsim txom nej ; 45 nej thiaj yog nej
Txiv nyob saum ntuj cov tub ; vim nej
Txiv ua kom lub hnub tuaj ziab cov neeg
phem thiab cov neeg zoo, nws ua kom nag
los rau cov siab ncaj thiab cov siab nkhaus.
46 Yog nej nyiam cov neeg nyiam nej,
mas nej yuav tau koob haum dab tsi ? Tab
yog cov sau se, lawv kuj txawj nyiam li
ntawd. 47 Yog nej tshwj zias nej cov lus
foom zoo rau nej cov kwv tij xwb, mas nej
tau ua dab tsi zoo tshaj luag ? Tab yog
cov neeg teev pej kum dab, los lawv kuj
txawj ua li ntawd. 48 Hos nej, mas nej
yuav ua neeg zoo tshaj, vim nej Txiv nyob
saum ntuj yog tus zoo tshaj.

**NrhiavTswvNtuj** 25th February 2020, 9:35 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°14

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 25th February 2020, 9:35 pm

COV ZAJ NYEEM Hnub Tim 26/02/ 2020

Hnub Plaub Txais Tshauv Xyoo A.

Cov zaj nyeem Hnub Chiv Xyoo A. 2019-2020 Images10

Zaj nyeem Ib; Yos Es 2,12-18
Hu sawv daws rov los cuag HUAB TAIS Tswv Ntuj.
12 HUAB TAIS hais ib co lus zoo li no :
"Nyem no, nej rau siab rov qab los cuag
kuv. Nej yoo tshaib, nej quaj, nej nyiav zoo li cov ntoo xyom.
13Nej tsis txhob ua nej tej tsho ntuag.
Nej yuav ua nej lub siab ntuag thiaj yog.
Nej rov qab los cuag nej tus HUAB TAIS
Tswv Ntuj. Nws hlub nej mos nyoos.
Nws khuv leej nej tas nrho, nws npau
taws qeeb. Nws muaj paj tshab ntau. Nws
tsis xav pom neeg ua phem. 14 Ntshe
nws yuav rov khuv xim nej, ntshe nws
yuav foom hmoov zoo rau nej. Nej thiaj
yuav tau kev ua tej thaj txi nej tus HUAB TAIS Tswv Ntuj.
15 Nej tshuab puab nyob Xis Yoos mas !
Nej teem ib lub hnub nyoog yoo tshaib
thiab nqaum paj nqaum nruas. 16 Nej hu
tas tsoom pej xeem tuaj. Nej sau tas nej
lub txoos tuaj. Nej sau cov laus huv si.
Nej coj cov me nyuam tseem noj mis tuaj.
Tus vauv yuav tso nws lub paim tseg.
Tus nyab yuav tso nws lub txaj tseg.
17 Cov Leej Choj yuav tuaj quaj nyob
hauv lub tshav ncaj ntawm lub thaj txi
Ntuj. HUAB TAIS cov tub txib yuav hais tias :
"HUAB TAIS, thov koj hlub koj haiv
neeg mog ! Koj txhob tso koj lub cuab
tam rau hauv txoj kev txaj muag. Koj
txhob cia cov kuj cuab hnyos koj haiv
neeg. Koj txhob cia cov neeg thuam tias :
His Xas Lais tus Tswv Ntuj dua qhov twg lawd ?"
18 Ces HUAB TAIS hlub nws lub teb
chaws, nws zam rau nws haiv neeg.

Zaj nyeem Ob: 2 Kos Lis Nthos 5,20-6,2.
20 Ces peb yog cov uas Tswv Ntuj xa
mus ua Leej Pleev cov tiam lis ; yog zoo
li Tswv Ntuj siv peb lub ncauj mus qhuab
qhia. Peb tuav txog Leej Pleev lub npe
thov nej tas zog, kom nej cia li nrog Tswv
Ntuj rov sib haum xeeb. 21 Tswv Ntuj
ua kom tus uas tsis paub txoj kev txhaum,
txia ua kev txhaum, kom nws pab peb,
ces peb nyob hauv nws, mas peb plhis
mus ua Tswv Ntuj txoj kev ncaj.
1 Vim peb yog cov neeg nrog Leej
Pleev ua hauj lwm, mas peb thov
qhuab ntuas nej, kom nej txhob txais Ntuj
lub txiaj ntsim dag. 2 Vim Tswv Ntuj hais tias:
‘Lub sij hawm zoo, kuv tau teb
rau koj raws li koj thov. Hnub cawm
neeg, kuv tau cev tes pab koj.’ Lub sij
hawm zoo, yog nyem no. Hnub cawm
neeg, yog nyem no.

Ntawv Moo Zoo: Mas Tais 6,1-6. 16-18.
Thaum pub rau luag txhob ua leej twg paub.
1 Nej ceev faj, nej txhob ua ncaj nyob
ntawm neeg xub ntiag xwb, kom luag
qhuas nej. Yog nej ua li ntawd, mas nej
yuav tsis txais koob haum ntawm nej
Txiv nyob saum ntuj. 2 Thaum
koj pub rau luag, koj txhob tshuab hom ua
koj ntej. Cov neeg zoo sab nraud ua li
ntawd nyob hauv cov tsev txoos thiab
nyob ntawm tej kev, kom sawv daws cav
lus zoo txog lawv. Kuv hais tseeb rau nej,
lawv twb txais lawv cov koob haum tas
lawm. 3 Hos koj, mas thaum koj pub rau
luag, koj txhob cia koj sab tes laug paub
qhov uas sab tes xis ua. 4 Li ntawd, tsis
muaj neeg paub tias koj tau pub. Ces koj
Txiv uas nws pom hauv qhov chaw nraim
yuav pauj rau koj.
Teev Ntuj nyob hauv qhov chaw nraim.
5 "Thaum nej teev Ntuj, nej txhob ua li
cov neeg zoo sab nraud : lawv nyiam
sawv ntsug hauv cov tsev txoos, thiab
ntawm tej kev tshuam, kom sawv daws
pom lawv. Kuv hais tseeb rau nej, lawv
twb txais lawv cov koob haum lawm. 6
Hos koj, mas thaum koj teev Ntuj, koj
mus nyob twj ywm hauv koj kem txaj,
kaw koj qhov rooj ces koj teev koj Txiv
uas nws nyob hauv qhov chaw nraim. Koj
Txiv uas nws pom hauv qhov chaw nraim,
yuav pauj rau koj.
16 Thaum nej yoo mov, nej txhob ua
ntsej muag ntshaus xws li cov neeg zoo
sab nraud : lawv ua ntsej muag mluas
mluas, kom luag pom meej tias lawv yoo
mov. Kuv hais tseeb rau nej tias cov neeg
ntawd twb txais lawv cov koob haum tas
lawm. 17 Hos koj, mas thaum koj yoo
mov, koj yuav pleev tshuaj tsw qab saum
taub hau, koj ntxuav muag, 18 kom
txhob muaj neeg paub tias koj yoo mov,
tsuas kawg koj Txiv uas nws nyob hauv
qhov chaw nraim tib leeg paub xwb. Koj
Txiv pom hauv qhov chaw nraim yuav pauj rau koj.

**NrhiavTswvNtuj** 25th February 2020, 9:42 pm

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°15

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 25th February 2020, 9:42 pm

COV ZAJ NYEEM HNUB TIM 01/03/2020
Chiv 1 Caij 40 Xyoo A.

Cov zaj nyeem Hnub Chiv Xyoo A. 2019-2020 13012510

Zaj nyeem 1: Hauv Paus 2,7-9 ; 3,1-7
7 HUAB TAIS Tswv Ntuj muab ib thooj
av nplaum los puab ua tib neeg. HUAB
TAIS Tswv Ntuj tshuab pa rau hauv tib
neeg qhov ntswg, ces tib neeg ciaj ua ib tug muaj sia.
8 HUAB TAIS Tswv Ntuj cog tau ib lub
vaj nyob Es Dees, nyob sab hnub tuaj.
Nws muab tus txiv neej uas nws tau puab
tso rau hauv lub vaj. 9 HUAB TAIS
Tswv Ntuj ua kom txhua yam ntoo uas
zoo saib thiab zoo noj tuaj hauv lub vaj
thaj av. Tus ntoo muaj txoj sia tuaj nyob
hauv nruab nrab lub vaj, thiab tus ntoo
uas paub qhov zoo qhov phem.

Zaj nyeem 2: Los Mas 5,12-19
Muab As Das thiab Yes Xus Pleev sib piv.
12 Yog vim tib tug neeg xwb, mas kev
txhaum tau tshwm los nyob hauv lub ntiaj
teb, ces kev txhaum coj kev tuag los.
Txoj kev tuag thiaj raug tas zeej tsoom,
vim sawv daws ua txhaum.
13 Kev txhaum xub tshwm los nyob ntiaj
teb ua ntej Txoj Cai, tab sis thaum tsis
muaj Txoj Cai, mas yus tsis ris lub txim
txhaum. Txij As Das los txog Mais Xes,
kev tuag ua vaj kav sawv daws : 14 tab
yog cov neeg tsis tau ua tej yam txhaum
zoo nkaus li As Das mas lawv kuj zwm
rau kev tuag, vim As Das yog tus duab
qhia txog tus yuav tuaj. 15 Tab sis lub
txiaj ntsim tsis zoo li kev txhaum. Vim ib
tug xwb ua txhaum mas tas zeej tsoom
tuag. Nyem no Tswv Ntuj lub txiaj
ntsim thiab cov paj tshab uas Ntuj pub
nyob hauv Yes Xus Pleev haj yam ntws
los ntau rau zeej tsoom. 16 Lub txiaj
ntsim uas tau coj yam zoo los, tsis zoo li
yav thaum ub, uas ib tug neeg xwb ua
txhaum : thaud, ib leej tib neeg tau ua ib
qho txhaum xwb, mas Ntuj txiav tias neeg
yuav raug txim ; hos nyem no neeg tau ua
ntau yam txhaum ntev ntev los, tsis kav
lub txiaj ntsim ua kom neeg ncaj tuaj.
17 Vim ib tug neeg tau ua txhaum, ces
kev tuag tau ua vaj. Nyem no, cov txais
lub txiaj ntsim thiab txais kev ncaj tej paj
tshab, mas lawv haj yam yuav ua vaj
nyob hauv txoj sia, vim Yes Xus Pleev tib leeg .
18 Li ntawd, ib tug neeg qhov txhaum
pus tas ib zeej tsoom neeg mus rau kev
raug txim ; ib tug neeg txoj kev ncaj kuj
pub kev ncaj thiab pub txoj sia rau ib
tsoom neeg. 19 Vim ib tug neeg txoj kev
tsis mloog lus, ces tas zeej tsoom thiaj ua
neeg txhaum ; vim ib tug neeg kev mloog
lus, ces tas zeej tsoom yuav tau nce mus ua neeg ncaj.

Mas Tais 4,1-11
Yes Xus lub keeb.
1 Phau ntawv qhia txog Yes Xus
Pleev lub keeb, uas yog Das Vis leej
tub thiab yog Has Nplas Has leej tub :
2 Has Nplas Has yug Is Xas Has,
Is Xas Has yug Yas Kos,
Yas Kos yug Yus Das thiab nws cov kwv tij.
3 Yus Das poj niam hu ua Thas Mas yug
Fas Les thiab Ntxas Las.
Fas Les yug Es Xas Los,
Es Xas Los yug As Las,
4 As Las yug As Mis Nas Das,
As Mis Nas Das yug Nas As Xoos, Nas
As Xoos yug Xas Moos,
5 Xas Moos poj niam hu ua Las Has yug Npuag Oos,
Npuag Oos poj niam hu ua Luv yug Os
Npes, Os Npes yug Yes Xes,
6 Yes Xes yug tus vaj Das Vis.
Das Vis yuav Us Lis tus poj niam, nws
yug Xas Los Moos,
7 Xas Los Moos yug Los Npuag, Los
Npuag yug As Npias,
As Npias yug As Xas,
8 As Xas yug Yos Xa Fas,
Yos Xas Fas yug Yos Las,
Yos Las yug Os Xias,
9 Os Xias yug Yos As Thas,
Yos As Thas yug As Kas,
As Kas yug Es Xes Kias,
10 Es Xes Kias yug Mas Nas Xes,
Mas Nas Xes yug As Moos,
As Moos yug Yos Xias,
11 Yos Xias yug Yes Kos Nias thiab
Yes Kos Nias cov kwv tij. Thaum
ntawd yog lub caij raug txim nyob
Npas Npis Los.

Cov zaj nyeem Hnub Chiv Xyoo A. 2019-2020 Brpi-d10

Cov zaj nyeem Hnub Chiv Xyoo A. 2019-2020 Brpi-d13

Cov zaj nyeem Hnub Chiv Xyoo A. 2019-2020 Brpi-d12

Cov zaj nyeem Hnub Chiv Xyoo A. 2019-2020 Brpi-d11

**NrhiavTswvNtuj** 5th March 2020, 9:16 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°16

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 5th March 2020, 9:16 am

COV ZAJ NYEEM HNUB CHIV TIM 07/03/2020
Chiv 2 Caij 40 Xyoo A.

Zaj nyeem 1: Hauv Paus 12,1-4a
Tswv Ntuj hu Has Nplas.

1 HUAB TAIS hais rau Has Nplas tias :
"Tso koj lub teb chaws tseg, tso koj tsev
neeg, koj tej txheeb ze thiab koj txiv lub
vaj tse tseg, koj mus nyob lub teb chaws
uas kuv yuav qhia rau koj.
2 Kuv yuav tsa koj ua ib haiv neeg loj,
kuv yuav foom hmoov zoo rau koj, thiab
kuv yuav ua kom koj lub npe nto moo heev.
Koj yuav nqa txoj hmoov zoo rau txhua
leej txhua tus. 3 Kuv yuav foom hmoov
zoo rau cov neeg uas foom hmoov zoo
rau koj, kuv yuav foom hmoov phem rau
cov uas foom phem rau koj. Tas txhua
haiv neeg nyob ntiaj teb yuav muab koj
lub npe los sib foom hmoov zoo.”
4 Has Nplas sawv kev mus raws li
HUAB TAIS kom nws mus. Los kuj
nrog nws mus thiab. Thaum Has Nplas
tsiv hauv Has Laas teb mus, nws muaj
xya caum tsib xyoos.

Zaj nyeem 2: 2Tis Mos Tes 1,8b-10
8 Koj txhob txaj muag ua tim khawv
zeem peb tus Huab Tais. Txhob txaj
muag zeem kuv uas yog Yes Xus tus neeg
nyob txim. Koj yuav zoo siab nrog kuv
raug txom nyem vim lub Moo Zoo. Koj
muaj Tswv Ntuj lub zog nres koj.
9 Tswv Ntuj yog tus cawm peb. Nws lo
lus ntshiab hu peb, tsis yog vim peb cov
dej num. Nws hu peb vim nws pom zoo
hu, thiab vim nws xav pub txiaj ntsim.
Tswv Ntuj twb pub nws cov txiaj ntsim
rau peb txij puag hnub txheej tshoj thaum
ub nyob hauv Yes Xus Pleev. 10 Nyiam
no, lub txiaj ntsim ntawd tawm tuaj rau
pom xyeem nyob hauv Yes Xus Pleev,
tus cawm peb. Yes Xus rhuav kev tuag,
thiab nws lub Moo Zoo ua kom txoj sia
tsis txawj tuag ci tuaj.

Mas Tais: 17,1-9
Yes Xus lub hwj chim tawm los.
1 Tau rau hnub tom qab, Yes Xus coj
Pob Zeb, Yas Kos thiab nws tus kwv Zam
mus rau ib qho, ces lawv nce mus saum ib
lub roob siab. 2 Yes Xus ib ce hloov tas
nyob ntawm lawv xub ntiag : nws lub
ntsej muag ci ntsa iab zoo li lub hnub, nws
cov ris tsho ci dawb paug li qhov pom
kev. 3 Ces Mais Xes thiab Es Lias
nkawd tawm los rau lawv pom. Nkawd
nrog Yes Xus tham.
4 Pob Zeb hais rau Yes Xus tias : "Huab
Tais, peb nyob ntawm no mas zoo tas
nrho. Yog koj kheev no, kuv yuav ua peb
lub tsev tsam phooj, ib lub rau koj, ib lub
rau Mais Xes, ib lub rau Es Lias."
5 Pob Zeb tseem tab tom hais li ntawd,
ces muaj ib tw huab ci dawb paug los
ntxoov npog nkaus lawv, ces ib lub suab
hais hauv twv huab tuaj tias :
"Tus no, yog kuv leej tub uas kuv nyiam,
nws yog kuv qhov chaw zoo siab, nej
mloog nws mog !"
6 Cov thwj tim hnov lub suab ntawd,
lawv khoov ntsej muag ti av, lawv ntshai
kawg. 7 Tab sis Yes Xus txav los plhws
lawv, thiab nws hais rau lawv tias :
"Nej sawv, nej txhob ntshai."
8 Ces lawv tsa muag ntsia, tsis pom leej
twg li, kawg tshuav Yes Xus tib leeg xwb.
9 Thaum lawv nqes saum roob los, Yes
Xus txwv lawv tias :
"Nej txhob qhia qhov nej tau pom no rau
leej twg li, nej tos kom Neeg Leej Tub
sawv hauv cov tuag rov los tso."

**NrhiavTswvNtuj** 11th March 2020, 8:58 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°17

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 11th March 2020, 8:58 am

COV ZAJ NYEEM HNUB TIM 17/03/2020
Chiv 3 Caij 40 Xyoo A

Zaj nyeem 1: Kev tsiv 17,3-7
3 Tsoom pej xeem nqhis dej, lawv yws
yws rau Mais Xes tias :
"Ua cas koj thiaj coj peb tawm Hais
Nkws Tos teb los ? Puas yog koj xav
kom kuv tuag dej, kuv thiab kuv cov me
nyuam thiab kuv cov tsiaj peb sawv daws tuag dej ?"
4 Mais Xes tsa suab hu HUAB TAIS hais tias :
"Kuv yuav ua li cas rau haiv neeg no ?
Tshuav me ntsis xwb ces lawv yuav xuas pob zeb txawb kuv."
5 HUAB TAIS hais rau Mais Xes tias :
"Koj mus ua tsoom pej xeem ntej, koj coj
ob peb tug txwj laus His Xas Lais nrog
koj mus. Koj nqa koj rab pas nrig ntawm
tes, yog rab pas uas koj tau siv los ntaus
tus niam dej nyob Hais Nkws Tos, koj
mus. 6 Kuv yuav mus ua koj ntej, saum
lub tsua, nyob saum roob Hos Les tos koj
tuaj. Koj yuav ntaus lub tsua, ces dej
yuav txhawv tawm los rau tsoom pej xeem haus."
Mais Xes ua raws li ntawd, cov txwj laus
His Xas Lais ntsia ntsoov nws ua.
7 Mais Xes tis npe rau thaj chaw ntawd
hu ua Mas Xas thiab Mes Lis Npas, vim
nyob ntawd, cov His Xas Lais nrhiav lus
rau nws thiab lawv sim HUAB TAIS, lawv hais tias :
"HUAB TAIS puas nrog peb nyob los tsis nrog ?"

Zaj nyeem 2: Los Mas 5,1-2.5-8
1 Yog vim peb txais kev ncaj ntawm
kev ntseeg tuaj, mas peb thiaj nrog
Tswv Ntuj nyob kaj siab lug nyob hauv
peb tus Huab Tais Yes Xus Pleev. 2 Yes
Xus Pleev pub kev ntseeg, ces peb tau
txais txiaj ntsim ; peb tau los nyob hauv
lub txiaj ntsim ; peb cav lus zoo thiab peb
tso siab tias peb yuav txais Tswv Ntuj lub hwj chim.

5 Kev tso siab ua kom peb tsis muaj chaw khuv xim,
vim Leej Ntuj Plig Ntshiab, uas Ntuj pub
rau peb, nws hliv Tswv ntuj txoj kev
nyiam rau hauv peb lub siab.
6 Vim li ntawd, lub sij hawm peb tsis
muaj zog, thaum txog lub hnub nyoog
teem, Leej Pleev thiaj raug luag tua kom
tau pab cov neeg tsis hwm Ntuj. 7 Yus
yuav luag tsis kam tuag kom tau pab ib
tug neeg ncaj ; nyaj tej zaus yus yuav
muaj peev xwm tuag kom tau pab ib tug
neeg siab zoo. 8 Yam uas zeem tseeb
tias Tswv Ntuj nyiam peb yog qhov tias
thaum peb tseem yog neeg txhaum, Leej
Pleev tuag kom tau pab peb.

Zam Ntawv Moo Zoo 4,5-42
5 Nws mus txog ib lub nroog Xas Mas
Lias hu ua Xis Kes, nyob ze thaj av uas
Yas Kos muab rau nws tus tub Yos Xes.
6 Yas Kos lub qhov dej nyob ntawd.
7 Yes Xus mus kev, nws sab, nws zaum
ntawm lub qhov dej. Kwv yees tav su
lawm. Ib tug poj niam Xas Mas Lias tuaj
ce dej. Yes Xus hais rau nws tias :
"Koj muab dej rau kuv haus."
8 Nws cov thwj tim mus yuav txhiam
xws noj hauv nroog lawm. 9 Tus poj
niam Xas Mas Lias hais rau Yes Xus tias :
"Ua li cas ? Koj yog ib tug Yus Das, koj
tseem yuav thov dej haus ntawm kuv.
Kuv yog ib tug poj niam Xas Mas Lias."
Vim tias cov Yus Das tsis nrog cov Xas
Mas Lias sib fim. 10 Yes Xus teb rau tus poj niam tias :
"Yog koj paub Tswv Ntuj lub txiaj ntsim,
thiab paub tus uas hais rau koj tias :
'koj muab dej rau kuv haus,' mas yog koj
yuav thov nws, ces nws yuav muab ib co
dej muaj txoj sia rau koj."
11 Tus poj niam hais rau Yes Xus tias:
"Huab Tais, koj tsis muaj dab tsi ce dej,
hos lub qhov dej los kuj tob. Koj yuav ua
li cas muab tau cov dej muaj txoj sia
ntawd ? 12 Koj puas loj dua peb yawg
koob Yas Kos uas nws muab lub qhov dej
no rau peb ? Nws thiab nws cov tub, nws
cov tsiaj puav leej tau haus lub qhov dej no."
13 Yes Xus teb rau tus poj niam hais tias :
"Leej twg haus cov dej no tas tseem yuav
rov nqhis dua. 14 Hos tus haus cov dej
uas kuv muab rau nws, mas nws yuav tsis
nqhis ib zaug ntxiv. Cov dej uas kuv
muab, yuav txia ua ib tug dej txhawv
muaj txoj sia nyob mus li nyob hauv nws."
15 Tus poj niam hais rau Yes Xus tias:
"Huab Tais, koj pub cov dej ntawd rau
kuv, kom kuv tsis txhob nqhis dej ntxiv,
kom kuv txhob tau rov tuaj ce dej ntawm no ntxiv."
16 Yes Xus hais rau nws tias :
"Koj mus, koj hu koj tus txiv, koj rov tuaj ntawm no."
17 Tus poj niam teb hais tias :
"Kuv tsis muaj txiv."
Yes Xus hais rau nws tias :
"Koj hais tias : 'Kuv tsis muaj txiv,' koj
hais yog lawm, 18 vim koj twb yuav tsib
tug txiv, hos tus uas koj muaj tam sis no,
tsis yog koj tus txiv. Qhov koj hais no muaj tseeb."
19 Tus poj niam hais rau Yes Xus tias:
"Huab Tais, kuv pom tias koj yog ib tug
yaj saub. 20 Peb cov yawg koob teev
ntuj saum lub roob no, hos nej, mas nej
hais tias qhov chaw uas sawv daws yuav
tsum mus teev Ntuj yog Yes Lus Xas Les."
21 Yes Xus hais rau tus poj niam tias :
"Phauj, koj ntseeg kuv mog, lub caij
nyoog los txog lawm : tsis yog nyob saum
lub roob no los nyob Yes Lus Xas Les uas
nej yuav teev Leej Txiv. 22 Nej teev
qhov uas nej tsis paub. Peb teev qhov uas
peb paub, vim txoj kev cawm tuaj ntawm
cov Yus Das tuaj. 23 Tab sis txog sij
hawm lawm, yog tam sis no ntag, uas cov
neeg hawm Ntuj haum kev tseeb, lawv
hawm Leej Txiv nyob hauv lub tswv yim
thiab nyob hauv txoj kev tseeb. Leej Txiv
nrhiav cov neeg zoo li ntawd los teev
nws. 24 Tswv Ntuj yog tswv yim, cov
neeg teev Tswv Ntuj yuav tsum teev nyob
hauv lub tswv yim thiab hauv qhov tseeb."
25 Tus poj niam hais rau Yes Xus tias:
"Kuv paub hais tias tus Mes Xias, uas
luag hu ua Leej Pleev, yuav tuaj. Thaum
tus ntawd tuaj txog, nws yuav tshaj ib
puas tsav yam rau peb."
26 Yes Xus hais rau nws tias :
"Kuv yog tus ntawd, tus uas hais lus rau koj."
27 Thaum ntawd, Yes Xus cov thwj tim
los txog, lawv poob siab rau qhov tias
Yes Xus nrog ib tug poj niam hais lus.
Tsis kav tsis muaj leej twg hais tias :
"Koj xav tau dab tsi ntawm nws?" los hais tias :
"Vim li cas koj nrog nws tham ?"
28 Ces tus poj niam tso nws lub hub tseg
rau ntawd, nws rov mus hauv lub nroog.
Nws hais rau zeej tsoom tias :
29 "Nej tuaj xyuas ib tug neeg saib, nws
hais tej uas kuv tau ua tas huv tib si rau
kuv. Tej zaum nws yog Leej Pleev ?"
30 Lawv tawm hauv nroog tuaj cuag Yes
Xus. 31 Thaum ntawd, cov thwj tim
txhib Yes Xus hais tias :
"Las Npis, los noj mov."
32 Tab sis Yes Xus hais rau lawv tias :
"Kuv muaj ib cov txhiam xws noj uas nej tsis paub."
33 Cov thwj tim sib tham tias :
"Ntshai muaj neeg nqa mov tuaj rau nws noj lawm ?"
34 Yes Xus hais rau lawv tias :
"Kuv cov txhiam xws noj yog ua raws
Tus Xa kuv tuaj lub siab, thiab leg nws tej
dej num kom tiav. 35 Puas yog nej hais
tias : Tshuav plaub hlis ntxiv, mam txog
caij sau qoob ? Tab sis kuv hais rau nej :
Nej tsa muag ntsia tej nras teb saib, nplej
siav daj vog, zoo hlais lawm. 36 Tus
sau nplej yuav txais nqi zog, nws yuav
sau cov qoob mus rau txoj sia nyob mus
li. Tus sau nplej yuav nrog tus tseb nplej
ib txhij zoo siab. 37 Vim zaj paj lug no
hais qhov tseeb tias : tus sau nplej nws
muaj nws ib tug, tus tseb nplej nws muaj
nws ib tug. 38 Kuv tau xa nej mus sau tej
qoob uas nej tsis tau khwv cog. Lwm cov
tau khwv, hos nej khaws xyeem qhov lawv khwv tau."
39 Coob leej Xas Mas Lias hauv lub
nroog no ntseeg txog Yes Xus, vim tus
poj niam lo lus ua tim khawv tias :
"Nws hais tas puas tsav yam kuv tau ua rau kuv."
40 Thaum cov Xas Mas Lias tuaj cuag
Yes Xus, mas lawv thov kom nws nrog
lawv nyob. Yes Xus thiaj nrog lawv nyob
ob hnub. 41 Ces haj yam muaj neeg
coob ntseeg txog nws vim nws cov lus.
42 Lawv hais rau tus poj niam tias :
"Tsis yog vim tej lus koj tau hais, mas
peb thiaj ntseeg, yog vim peb tau hnov
nws hais kiag, ces peb paub tias nws yog
tus Cawm lub qab ntuj neeg tiag."

**Mim** 21st March 2020, 7:08 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°18

Re: Cov zaj nyeem Hnub Chiv Xyoo A. 2019-2020

Post Mim 21st March 2020, 7:08 am

COV ZAJ NYEEM
HNUB TIM 22/03/2020
Chiv 4 Caij 40 Xyoo A

Zaj nyeem 1: 1 Xas Muas 16: 1b, 6-7, 10-13a

1 HUAB TAIS hais rau Xas Muas tias :
"Koj ntim roj kom puv koj tus kub twg, koj mus.
Kuv xa koj mus tom Yes Xes tsev nyob Npes Les Hes,
vim kuv tau xaiv ib tug nyob hauv nws cov tub los ua vaj lawm."
6 Thaum Yes Xes thiab nws cov tub tuaj koom thaj txi ntuj,
Xas Muas pom Es Lias, nws xav tias : "Tus HUAB TAIS
yuav pleev roj rau tuaj nyob ntawm nws xub ntiag lawm."
7 Tab sis HUAB TAIS hais rau Xas Muas tias :
"Koj txhob saib nws tus yam ntxwv sab nraud los nws lub cev siab.
Kuv tsis yuav nws. Vim HUAB TAIS tsis pom xws li neeg pom;
neeg saib tus yam ntxwv sab nraud,
hos HUAB TAIS saib hauv lub siab lub plawv."
10 Yes Xes coj nws xya leej tub ib tug zuj zus los nyob ntawm
Xas Muas xub ntiag, tab sis Xas Muas hais tias :
"HUAB TAIS tsis xaiv cov no ib tug li."
11 Ces Xas Muas hais rau Yes Xes tias: "Koj cov tub puas tuaj txhij?"
Yes Xes teb tias : "Tshuav tus tub ntxawg. Nws tseem zov cov tsiaj noj zaub."
Xas Muas hais rau Yes Xes tias: "Koj tso neeg mus hu nws los.
Peb yuav tsis noj tsum mov no ua ntej nws los tso."
12 Yes Xes thiaj tso neeg mus hu tus tub ntxawg ntawd los.
Nws cov plaub hau liab daj, nws lub ntsej muag zoo nraug ntxiag,
nws sawm txhiaj kawg! HUAB TAIS hais rau Xas Muas tias :
"Koj sawv mus, koj pleev nws mas, yog tus no."
13 Ces Xas Muas nthos nkaus tus kub twg ntim roj, nws pleev
tus tub ntxawg nyob hauv nruab nrab nws cov tij laug.

NPN 23: 1-3A, 3B-4, 5, 6

Txais: (1) Huab Tais yog tus tswv zov yaj saib kuv,
kuv yuav tsis tshaib tsis nqhis.

HUAB TAIS yog tus tswv zov yaj saib kuv,
kuv yuav tsis tshaib txog dab tsi.
Nws coj kuv mus so nyob hauv tej tshav zaub mos ntsuab xiab;
Nws coj kuv mus nyob ze cov dej tus yees;
nws ua kom kuv tus ntsuj plig rov muaj zog.

Txais…

Nws coj kuv mus taug txoj kev ncaj, vim nws lub npe.
Txawm kuv taug kev hauv ib lub lub hav tsaus nti,
kuv tsis ntshai dab tsi phem; vim koj nyob rawv ntawm kuv ib sab,
koj rab nplawm thiab rab pas nrig ua kuv luag kom kuv siab loj.

Txais…

Koj rau ib rooj mov rau ntawm kuv xub ntiag
rau kuv cov yeeb ncuab ntsia ntsoov;
koj muab roj pleev kuv taub hau;
koj hliv cawv rau kuv lub ntim puv phwj yaws.

Txais…

Txoj kev zoo thiab kev khuv leej yuav raws kuv nraim
niaj hnub hauv kuv lub neej;
Kuv yuav tau nyob hauv HUAB TAIS tsev mus li
tsis muaj hnub yuav txawj kawg.

Txais…

Zaj nyeem 2: Es Fes Xos 5: 8-14

Cov kwv tij nkauj muad:
8 Yav thaud, nej yog qhov tsaus ntuj, zaum no,
nej yog qhov pom kev nyob hauv Huab Tais,
nej yuav tsum coj lub neej
kom phim cov me nyuam muaj qhov pom kev .
9 Vim cov txiv txi hauv qhov pom kev yog lub siab zoo,
lub siab ncaj, thiab lub siab zeem tau qhov tseeb.
10 Nej ua tib zoo nrhiav saib dab tsi thiaj xis Huab Tais siab.
11 Nej tsis txhob nrog luag koom ua cov hauj lwm hauv
qhov tsaus ntuj, uas txi tsis tau cov txiv zoo,
nej yuav tsum muab qhib tawm rau neeg paub.
12 Vim yog ib qho txaj muag yuav hais
txog tej yam phem uas neeg nyiag ua,
13 Tab sis, thaum muaj ib qho raug muab qhib tawm los
rau nraum qhov pom kev lawm, mas sawv daws nrog pom.
Vim yam twg tawm los rau qhov muag pom mas nws yog qhov pom kev.
14 Vim li ntawd thiaj muaj lo lus hais tias:
“Neeg tsaug zog, koj tsim los mas! Koj sawv hauv cov
tuag rov los, ces Leej Pleev yuav ci tuaj ua kom koj pom kev.”

Zaj Cav lub Moo Zoo: ZAM 8: 12

Huab Tais hais tias: Kuv yog lub ntiaj teb qhov pom kev;
leej twg lawv kuv qab yuav muaj txoj kev kaj uas pub txoj sia

Ntawv Moo Zoo: Zam 9: 1-41

1 Thaum Yes Xus hla ntawd, nws pom ib tug neeg ib txwm dig muag nruab thiab los.
2 Nws cov thwj tim nug nws tias : "Las Npis, leej twg ua txhaum, puas yog
nws los yog nws niam nws txiv ua txhaum, nws thiaj dig muag txij nruab thiab los ?”
3 Yes Xus teb tias : "Tsis yog nws, thiab kuj tsis yog nws niam nws txiv ua txhaum, tab sis
nws yug zoo li ntawd kom xwv Tswv Ntuj cov hauj lwm tshwm hauv nws tuaj rau neeg pom.
4 Ntawm peb mas peb yuav tsum ua hauj lwm lis Tus Xa kuv tuaj cov dej num,
cheem tseem pom kev. Twb yuav tsaus ntuj lawm, tsis muaj leej twg ua tau hauj lwm ntxiv.
5 Kuv nyob ntev npaum li cas hauv lub qab ntuj no, mas kuv yog qab ntuj neeg qhov pom kev."
6 Yes Xus hais li ntawd tas, nws nti aub ncaug rau hauv pem teb, nws muab nws cov aub ncaug
ua ib qho av nkos, nws muab qhov av nkos ntawd pleev tus dig muag qhov muag.
7 Nws hais rau tus dig muag tias : "Koj mus ntxuav qhov muag tom lub pas dej Xis Los Es",
lo lus no txhais tias : tus raug xa mus. Tus dig muag
mus ntxuav tas, nws rov los, nws cia li pom kev lawm.
8 Cov neeg nyob sib ze thiab cov uas tau pom nws yav dhau los, vim nws yog
ib tug neeg thov khawv, lawv hais tias: "Puas yog tus uas thaud zaum thov khawv ?"
9 Ib txhia hais tias: "Yog tus ntawd." Ib txhia hais tias: "Tsis yog, yog ib tug zoo li nws xwb."
Tus dig muag hais tias : "Yog kuv los mas."
10 Lawv hais rau nws tias : "Ua li cas koj ob lub qhov muag ho qhib lawd ?"
11 Tus dig muag teb tias : "Tus hu ua Yes Xus, nws ua ib qho av nkos,
nws muab pleev kuv qhov muag, ces nws hais rau kuv tias :
"Koj mus lawm tom lub pas dej Xis Los Es, koj ntxuav koj qhov muag."
Kuv thiaj mus tod, kuv ntxuav qhov muag tas, kuv cia li pom kev lawm."
12 Lawv hais rau tus dig muag tias : "Nws dua qhov twg lawm ?"
Tus dig muag hais tias : "Kuv tsis paub."
13 Lawv coj tus uas thaud dig muag mus rau cov Fas Lis Xais.
14 Hnub uas Yes Xus ua av nkos los qhib tus neeg ntawd
ob lub qhov muag yog ib hnub xas npas tos.
15 Ces cov Fas Lis Xais rov qab nug tus dig muag saib ua cas nws thiaj li pom kev
tuaj lawm. Tus dig muag hais rau lawv tias : "Nws muab av nkos los pleev
kuv qhov muag, kuv mus ntxuav muag tas ces kuv pom kev lawm."
16 Muaj ib co Fas Lis Xais hais tias : "Yeej tsis yog ib tug neeg tuaj ntawm Tswv Ntuj tuaj,
vim nws tsis caiv hnub xas npas tos." Lwm cov hais tias : "Ib tug neeg
txhaum ua puas tau tej lub cim loj li ntawd ?" Ces lawv hais tsis sib haum.
17 Lawv thiaj rov hais rau tus dig muag tias : "Koj ne, koj hais dab tsi
txog tus uas qhib koj qhov muag ?" Tus dig muag hais tias : "Yog ib tug yaj saub."
18 Cov Yus Das tsis ntseeg tias thaud nws dig muag, zaum no nws pom kev li,
ces lawv thiaj hu tus uas qhov muag pom kev tuaj lawm, nws niam nws txiv tuaj.
19 Lawv nug nws niam nws txiv tias : "Tus no puas yog neb tus tub uas neb hais
tias nws yug los nws yeej dig muag ? Ua li cas nyem no nws thiaj pom kev ?"
20 Tus dig muag niam thiab txiv teb hais tias : "Wb paub tias
nws yog wb tus tub, thiab nws yug los nws yeej dig muag.
21 Tab sis ua cas nyem no nws ho pom kev, wb tsis paub. Wb kuj tsis paub tias
leej twg qhib nws qhov muag. Nej nug nws mas,
nws twb muaj hnub nyoog lawm : nws txawj hais nws."
22 Tus dig muag niam thiab txiv hais li ntawd vim nkawd ntshai cov Yus Das.
Vim cov Yus Das tau hais haum tias leej twg lees tias Yes Xus yog Leej Pleev,
mas lawv yuav ntiab nws tawm hauv lub tsev txoos mus.
23 Yog vim li ntawd, nws niam nws txiv thiaj hais tias :
"Nws twb muaj hnub nyoog lawm; nej nug nws."
24 Cov Yus Das rov hu tus neeg uas thaud dig muag kom tuaj dua ib zaug
ntxiv, lawv hais rau nws tias : "Koj cav lus zoo txog Tswv Ntuj mog !
Ntawm peb, peb paub tias tus neeg ntawd yog ib tug neeg txhaum."
25 Tus dig muag teb hais tias : "Kuv tsis paub tias nws yog ib tug neeg
txhaum los tsis yog. Kuv tsuas paub ib qho xwb, yog qhov tias
thaud kuv dig muag, nyem no kuv pom kev tuaj."
26 Lawv hais rau tus dig muag tias : "Nws tau ua dab tsi rau koj ?
Nws qhib koj ob lub qhov muag li cas ?"
27 Tus dig muag teb rau lawv tias: "Kuv twb hais qhia nej tas lawm, nej tsis mloog.
Vim li cas nej xav rov hnov dua? Puas yog nej xav ua nws thwj tim thiab?"
28 Ces lawv cem nws tias: "Koj thiaj yog tus neeg ntawd
ib tug thwj tim ntag ; peb li peb yog Mais Xes cov thwj tim.
29 Peb paub tias Tswv Ntuj tau hais lus rau Mais Xes.
Hos tus ntawd, peb tsis paub xyov nws tuaj qhov twg tuaj."
30 Tus thaud dig muag teb rau lawv tias: "Qhov no ntag,
yog qhov ua rau kuv tsis to taub li tias nej tsis paub
nws tuaj qhov twg tuaj, tiam sis nws ho qhib tau kuv qhov muag.
31 Peb twb paub tias Tswv Ntuj tsis mloog cov neeg txhaum. Tab sis yog leej
twg teev nws thiab ua raws li nws nyiam, mas Tswv Ntuj mloog tus ntawd.
32 Tsis muaj leej twg tau hnov dua hais txog ib tug neeg
qhib tau tus neeg yug los dig muag lub qhov muag li.
33 Yog tus neeg ntawd tsis tuaj ntawm Tswv Ntuj tuaj,
mas nws yuav ua tsis tau dab tsi li."
34 Lawv teb rau nws tias : "Txij koj yug los, koj yeej yog neeg txhaum,
koj tseem qhuab qhia peb thiab!” Ces lawv muab nws ntiab tawm.
35 Yes Xus kuj hnov tias lawv muab tus thaud dig muag ntiab tawm lawm.
Thaum Yes Xus pom nws, Yes Xus hais rau nws tias :
"Koj puas ntseeg txog Neeg Leej Tub."
36 Tus thaud dig muag teb hais tias :
"Huab Tais, nws yog leej twg ? Kuv xav ntseeg txog nws."
37 Yes Xus hais rau nws tias :
"Koj twb pom nws lawm. Nws yog tus hais lus rau koj."
38 Tus thaud dig muag hais tias :
"Huab Tais, kuv ntseeg." Ces nws txhos caug pe Yes Xus.
39 Ces Yes Xus hais tias : "Kuv tuaj hauv lub ntiaj teb no yog tuaj txiav txim
kom xwv cov uas qhov muag tsis pom kev, rov pom kev tuaj,
hos kom cov neeg pom kev ua neeg dig muag."
40 Cov Fas Lis Xais uas nrog Yes Xus nyob ntawd, hnov cov lus no,
lawv hais rau nws tias : "Peb puas yog ib co neeg dig muag mas?"
41 Yes Xus hais rau lawv tias :
"Yog nej yog cov dig muag, mas nej yuav tsis muaj txhaum.
Tab sis nyem no nej hais tias : ‘Peb pom kev,’
mas nej cov txhaum tseem nyob li qub.”

Los: Zam 9:1, 6-9, 13-17, 34-38

1 Thaum Yes Xus hla ntawd, nws pom ib tug neeg ib txwm dig muag nruab thiab los.
6 Yes Xus hais li ntawd tas, nws nti aub ncaug rau hauv pem teb, nws muab nws cov aub ncaug
ua ib qho av nkos, nws muab qhov av nkos ntawd pleev tus dig muag qhov muag.
7 Nws hais rau tus dig muag tias : "Koj mus ntxuav qhov muag tom lub pas dej Xis Los Es",
lo lus no txhais tias : tus raug xa mus. Tus dig muag
mus ntxuav tas, nws rov los, nws cia li pom kev lawm.
8 Cov neeg nyob sib ze thiab cov uas tau pom nws yav dhau los, vim nws yog
ib tug neeg thov khawv, lawv hais tias: "Puas yog tus uas thaud zaum thov khawv ?"
9 Ib txhia hais tias: "Yog tus ntawd." Ib txhia hais tias: "Tsis yog, yog ib tug zoo li nws xwb."
Tus dig muag hais tias : "Yog kuv los mas."
13 Lawv coj tus uas thaud dig muag mus rau cov Fas Lis Xais.
14 Hnub uas Yes Xus ua av nkos los qhib tus neeg ntawd
ob lub qhov muag yog ib hnub xas npas tos.
15 Ces cov Fas Lis Xais rov qab nug tus dig muag saib ua cas nws thiaj li pom kev
tuaj lawm. Tus dig muag hais rau lawv tias : "Nws muab av nkos los pleev
kuv qhov muag, kuv mus ntxuav muag tas ces kuv pom kev lawm."
16 Muaj ib co Fas Lis Xais hais tias : "Yeej tsis yog ib tug neeg tuaj ntawm Tswv Ntuj tuaj,
vim nws tsis caiv hnub xas npas tos." Lwm cov hais tias : "Ib tug neeg
txhaum ua puas tau tej lub cim loj li ntawd ?" Ces lawv hais tsis sib haum.
17 Lawv thiaj rov hais rau tus dig muag tias : "Koj ne, koj hais dab tsi
txog tus uas qhib koj qhov muag ?" Tus dig muag hais tias : "Yog ib tug yaj saub."
34 Lawv teb rau nws tias : "Txij koj yug los, koj yeej yog neeg txhaum,
koj tseem qhuab qhia peb thiab!” Ces lawv muab nws ntiab tawm.
35 Yes Xus kuj hnov tias lawv muab tus thaud dig muag ntiab tawm lawm.
Thaum Yes Xus pom nws, Yes Xus hais rau nws tias :
"Koj puas ntseeg txog Neeg Leej Tub."
36 Tus thaud dig muag teb hais tias :
"Huab Tais, nws yog leej twg ? Kuv xav ntseeg txog nws."
37 Yes Xus hais rau nws tias :
"Koj twb pom nws lawm. Nws yog tus hais lus rau koj."
38 Tus thaud dig muag hais tias :
"Huab Tais, kuv ntseeg." Ces nws txhos caug pe Yes Xus.

**Mim** 26th March 2020, 8:24 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°19

Re: Cov zaj nyeem Hnub Chiv Xyoo A. 2019-2020

Post Mim 26th March 2020, 8:24 am

COV ZAJ NYEEM
HNUB CHIV 5 Caij 40 Xyoo A
TIM 03/29/2020

Zaj nyeem Ib: Es Xes Kias 37: 12-14

12 “Vim li ntawd, koj yuav ua yaj saub tshaj rau lawv,
koj hais rau lawv tias : ‘HUAB TAIS Tswv Ntuj hais li no :
Nej ntsia saib, kuv haiv neeg, kuv yuav qhib nej cov ntxas
kuv yuav tsa nej sawv hauv nej cov ntxa los.
Kuv yuav coj nej rov mus rau nej lub vaj tse, hauv thaj av His Xas Lais.
13 Kuv haiv neeg, nej yuav paub tias kuv yog HUAB TAIS,
thaum kuv qhib nej cov ntxa thiab tsa nej sawv hauv qhov ntxa rov los.
14 Kuv yuav muab kuv lub Tswv Yim rau hauv nej,
ces nej yuav muaj txoj sia. Kuv yuav tso nej nyob txawm
hauv nej thaj av, ces nej yuav paub tias kuv HUAB TAIS,
tau hais li ntawd thiab tau ua li ntawd.”
Yog HUAB TAIS lo lus.

NPN 130: 1-2, 3-4, 5-6, 7-8

Txais: (7) Huab Tais muaj txoj kev khuv leej thiab txoj kev cawm tiav log puv npo.

Kuv nyob hauv qab tiv txwv hu txog koj, HUAB TAIS,
HUAB TAIS, thov koj mloog kuv lub suab!
Thov koj cuab pob ntseg mloog kuv lo lus thov koj.

Txais: …

HUAB TAIS, yog koj cim ntsoov peb cov txhaum
leej twg thiaj yuav nyob taus?
Tab sis nyob ntawm koj muaj kev zam txhaum;
thov kom sawv daws hwm koj.

Txais: …

Kuv tso siab rau HUAB TAIS,
kuv tus ntsuj plig tso siab rau nws lo lus.
Tos tshaj cov zov keeb tos lub caij kaj ntug,
xav kom His Xas Lais tos Huab Tais npaum li ntawd,

Txais: …

HUAB TAIS muaj lub siab zoo hlub neeg,
thiab nws muaj txoj kev cawm tiav log puv npo;
nws yuav cawm His Xas Lais ntawm tas lawv tej kev txhaum.

Txais: …

Zaj nyeem Ob: Los Mas 8: 8-11.

Cov kwv tij nkauj muad:
8 cov neeg uas mloog lawv lub cev,
mas lawv ua xis Tswv Ntuj siab tsis tau.
9 Ntawm nej, mas nej tsis mloog nej lub cev,
nej mloog Leej Tswv Yim,
yog tias Tswv Ntuj Leej Tswv Yim nyob txawm hauv nej.
Tus twg tsis muaj Leej Pleev Leej Tswv Yim nyob hauv nws
mas nws tsis yog Leej Pleev tug.
10 Yog Leej Pleev nyob hauv nej, mas tab yog lub cev tuag
vim kev txhaum, los lub tswv yim muaj txoj sia vim kev ncaj.
11 Yog tus uas tau tsa Yes Xus sawv hauv cov tuag rov los,
nws Leej Tswv Yim nyob txawm hauv nej, mas tus tau tsa Leej Pleev
sawv hauv cov tuag rov los kuj yuav pub txoj sia rau
nej lub cev uas txawj tuag thiab,
vim muaj nws Leej Tswv Yim nyob hauv nej.

Zaj Cav lub Moo Zoo: ZAM 11: 25A, 26

Huab Tais hais tias: “Kuv yog kev sawv rov los thiab yog txoj sia,
leej twg ntseeg txog kuv, txawm nws txoj sia tu, yuav tsis txawj tuag li.”

Ntawv Moo Zoo: Zam 11: 1-45

1 Muaj ib tug neeg mob hu ua Las Ntxas Los,
nws nyob Npes Tas Nias, yog Mab Liab thiab
nws tus niam laus Mas Tas lub zos.
2 Mab Liab yog tus uas tau muab tshuaj tsw qab pleev Huab Tais
thiab muab nws cov plaub hau los so Huab Tais ko taw;
nws tus nus Las Ntxas Los yog tus muaj mob.
3 Nkawd ob viv ncaus xa xov mus hais rau Yes Xus tias :
"Huab Tais, tus uas koj nyiam, mas nws mob lawm."
4 Yes Xus hnov li ntawd, nws hais tias : "Tus mob no
tsis coj mus rau kev tuag, nws yuav ua kom Tswv Ntuj nto
koob meej, kom xwv Tswv Ntuj Leej Tub
txais koob meej vim tus mob no."
5 Yes Xus nyiam Mas Tas, thiab nws
tus niam hluas, thiab Las Ntxas Los lawv.
6 Tab yog nws hnov hais tias Las Ntxas Los mob lawm,
tsis kav nws tseem nyob qhov qub ob hnub ntxiv thiab.
7 Ces Yes Xus mam li hais rau cov thwj tim tias :
"Peb rov qab mus Yus Das teb."
8 Cov thwj tim hais rau Yes Xus tias :
"Las Npis, nyuam qhuav no, cov Yus Das twb xav xuas pob zeb
txawb rau koj, koj tseem yuav rov mus Yus Das teb thiab lod ?"
9 Yes Xus teb tias : "Nruab hnub tsis muaj kaum ob teev lod ?
Yog leej twg taug kev nruab hnub, mas nws yuav tsis
dawm ntog, vim nws muaj lub ntiaj teb qhov pom kev.
10 Hos yog leej twg taug kev hmo ntuj, mas nws yuav
dawm ntog, vim qhov pom kev tsis nyob hauv nws."
11 Yes Xus hais li ntawd tas, nws thiaj hais rau cov thwj tim tias:
"Peb tus phooj ywg Las Ntxas Los tsaug zog lawm;
tab sis kuv yuav mus tsa nws kom sawv."
12 Cov thwj tim hais rau Yes Xus tias : "Huab Tais,
yog nws tsaug zog lawm, mas nws yuav dim nws tus mob."
13 Yes Xus hais txog Las Ntxas Los txoj kev tuag, tab sis cov thwj
tim xav tias yog Yes Xus hais txog kev pw tsaug zog xwb.
14 Yes Xus thiaj li qhia ncaj qha tias : "Las Ntxas Los tuag lawm.
15 Kuv zoo siab tias qhov ntawd yuav pab nej ntseeg,
vim kuv tsis nyob ntawd. Peb yuav mus xyuas nws."
16 Ces Tos Mas, tus uas hu ua Dis Dws Mos,
hais rau nws cov npawg thwj tim tias :
"Peb kav tsij mus kom peb tau nrog nws tuag thiab."
17 Thaum Yes Xus tuaj txog, nws hnov tias
Las Ntxas Los twb zwm ntxa tau plaub hnub lawm.
18 Npes Tas Nias nyob ze ntawm Yes Lus Xas Les,
kwv yees li kaum tsib ncuas kev.
19 Cov Yus Das coob leej tuaj xyuas Mas Tas thiab Mab Liab nkawd,
lawv tuaj nplij nkawd vim nkawd tus nus tuag lawm.
20 Thaum Mas Tas hnov tias Yes Xus tuaj, ces nws
mus tos Yes Xus, hos Mab Liab zaum nyob hauv tsev.
21 Mas Tas hais rau Yes Xus tias : "Huab Tais, yog koj ntxov
tuaj nyob ntawm no, mas kuv tus nus yuav tsis tuag.
22 Tsis kav, kuv paub tias nyem no los yog koj thov yam twg
ntawm Tswv Ntuj, mas Tswv Ntuj yuav muab rau koj."
23 Yes Xus hais rau Mas Tas tias : "Koj tus nus yuav sawv rov los."
24 Mas Tas hais rau Yes Xus tias : "Kuv paub tias nws yuav sawv
rov los thaum txog lub caij sawv rov los hnub kawg.”
25 Yes Xus hais rau Mas Tas tias : "Kuv yog Txoj Kev Sawv Rov los
thiab yog Txoj Sia : tus ntseeg txog kuv, tab
yog nws tuag lawm, nws yuav muaj txoj sia nyob.
26 Leej twg ua neej nyob ntseeg txog kuv, nws yuav
tsis tuag ib zaug li. Koj puas ntseeg qhov ntawd ?"
27 Mas Tas hais rau Yes Xus tias: "Huab Tais, kuv ntseeg.
Kuv yeej ntseeg lawm hais tias koj yog Leej Pleev,
yog Tswv Ntuj Leej Tub tus yuav tuaj nyob hauv lub qab ntuj no."
28 Mas Tas hais li ntawd tas, nws rov mus hu nws tus niam hluas
Mab Liab, nws ntxhi twj ywm rau Mab Liab tias :
"Xib Hwb tuaj txog tod lawm, nws hu koj."
29 Thaum Mab Liab hnov dheev li ntawd,
nws sawv tsees mus cuag Yes Xus.
30 Yes Xus tseem tsis tau mus txog hauv zos, nws tseem
nyob ntawm qhov chaw uas Mas Tas tuaj cuag nws.
31 Cov Yus Das uas nrog
Mab Liab nyob hauv tsev thiab tuaj tuaj nplij nws,
pom Mab Liab sawv tsees tawm sai sai lawm, lawv raws nws qab,
vim lawv xav tias Mab Liab yuav mus quaj tom ntxa.
32 Thaum Mab Liab tuaj txog ntawm Yes Xus, nws pom Yes Xus,
nws txhos caug ntawm Yes Xus ko taw, nws hais rau Yes Xus tias :
"Huab Tais, yog koj ntxov nyob ntawm no, mas kuv tus nus yuav tsis tuag."
33 Thaum Yes Xus pom Mab Liab quaj, thiab pom cov Yus Das
uas nrog Mab Liab tuaj sawv daws quaj, mas Yes Xus
tu siab loj kawg nkaus, nws ib ce qaub tas.
34 Yes Xus hais tias : "Nej muab nws tso qhov twg ?"
Lawv teb tias : "Huab Tais, koj los tom no, koj yuav pom."
35 Yes Xus kua muag poob nthav.
36 Cov Yus Das thiaj hais tias: "Saib, nws nyiam Las Ntxas Los kawg li."
37 Tab sis muaj ib co hais tias: "Nws twb qhib tau tus dig muag
qhov muag, cas nws ho ua tsis tau kom tus neeg no txhob tuag?"
38 Ces Yes Xus rov tu siab loj kawg nkaus, nws mus tom lub ntxa;
yog ib lub qhov tsua, muaj ib daim txiag zeb npog lub rooj ntxas.
39 Yes Xus hais tias : "Nej tshem daim txiag zeb."
Mas Tas uas yog tus tuag tus muam, hais rau Yes Xus tias :
"Huab Tais, nws tuag tau plaub hnub lawm : nws twb tsw lawm."
40 Yes Xus hais rau Mas Tas tias : "Kuv tsis tau hais rau koj tias
yog koj ntseeg, mas koj yuav pom Tswv Ntuj lub hwj chim no lod ?"
41 Ces lawv tshem daim txiag zeb; Yes Xus tsa muag ntsia saum ntuj,
nws hais tias : "Txiv, kuv ua koj tsaug vim koj mloog kuv.
42 Kuv paub tias koj yeej ib txwm mloog kuv,
tab sis kuv hais cov lus no, kom tsoom neeg uas
sawv ncig kuv ntseeg tias yog koj xa kuv tuaj."
43 Yes Xus hais li ntawd tas, nws hu ib suab nrov nrov tias :
"Las Ntxas Los, koj tawm los nraum no !"
44 Tus tuag tawm los, cov saw ntaub tseem pav nws tej tes taw,
daim ntaub npog ncauj tseem vov nws lub ntsej muag.
Yes Xus hais rau lawv tias : "Nej daws cov saw, nej tso nws mus."
45 Coob tus Yus Das uas tuaj xyuas Mab Liab
tau pom qhov Yes Xus ua ces lawv ntseeg txog nws.

Los: Zam 11: 3-7, 17, 20-27, 33b-45

3 Mas Tas thiab Mab Liab nkawd ob viv ncaus
xa xov mus hais rau Yes Xus tias :
"Huab Tais, tus uas koj nyiam, mas nws mob lawm."
4 Yes Xus hnov li ntawd, nws hais tias : "Tus mob no
tsis coj mus rau kev tuag, nws yuav ua kom Tswv Ntuj nto
koob meej, kom xwv Tswv Ntuj Leej Tub
txais koob meej vim tus mob no."
5 Yes Xus nyiam Mas Tas, thiab nws
tus niam hluas, thiab Las Ntxas Los lawv.
6 Tab yog nws hnov hais tias Las Ntxas Los mob lawm,
tsis kav nws tseem nyob qhov qub ob hnub ntxiv thiab.
7 Ces Yes Xus mam li hais rau cov thwj tim tias :
"Peb rov qab mus Yus Das teb."
17 Thaum Yes Xus tuaj txog, nws hnov tias
Las Ntxas Los twb zwm ntxa tau plaub hnub lawm.
20 Thaum Mas Tas hnov tias Yes Xus tuaj, ces nws
mus tos Yes Xus, hos Mab Liab zaum nyob hauv tsev.
21 Mas Tas hais rau Yes Xus tias : "Huab Tais, yog koj ntxov
nyob ntawm no, mas kuv tus nus yuav tsis tuag.
22 Tsis kav, kuv paub tias nyem no los yog koj thov yam twg
ntawm Tswv Ntuj, mas Tswv Ntuj yuav muab rau koj."
23 Yes Xus hais rau Mas Tas tias : "Koj tus nus yuav sawv rov los."
24 Mas Tas hais rau Yes Xus tias : "Kuv paub tias nws yuav sawv
rov los thaum txog lub caij sawv rov los hnub kawg.”
25 Yes Xus hais rau Mas Tas tias : "Kuv yog Txoj Kev Sawv Rov los
thiab yog Txoj Sia : tus ntseeg txog kuv, tab
yog nws tuag lawm, nws yuav muaj txoj sia nyob.
26 Leej twg ua neej nyob ntseeg txog kuv, nws yuav
tsis tuag ib zaug li. Koj puas ntseeg qhov ntawd ?"
27 Mas Tas hais rau Yes Xus tias: "Huab Tais, kuv ntseeg.
Kuv yeej ntseeg lawm hais tias koj yog Leej Pleev,
yog Tswv Ntuj Leej Tub tus yuav tuaj nyob hauv lub qab ntuj no."
33b Yes Xus tu siab loj kawg nkaus, nws ib ce qaub tas.
34 Yes Xus hais tias : "Nej muab nws tso qhov twg ?"
Lawv teb tias : "Huab Tais, koj los tom no, koj yuav pom."
35 Yes Xus kua muag poob nthav.
36 Cov Yus Das thiaj hais tias: "Saib, nws nyiam Las Ntxas Los kawg li."
37 Tab sis muaj ib co hais tias: "Nws twb qhib tau tus dig muag
qhov muag, cas nws ho ua tsis tau kom tus neeg no txhob tuag?"
38 Ces Yes Xus rov tu siab loj kawg nkaus, nws mus tom lub ntxa;
yog ib lub qhov tsua, muaj ib daim txiag zeb npog lub rooj ntxas.
39 Yes Xus hais tias : "Nej tshem daim txiag zeb."
Mas Tas uas yog tus tuag tus muam, hais rau Yes Xus tias :
"Huab Tais, nws tuag tau plaub hnub lawm : nws twb tsw lawm."
40 Yes Xus hais rau Mas Tas tias : "Kuv tsis tau hais rau koj tias
yog koj ntseeg, mas koj yuav pom Tswv Ntuj lub hwj chim no lod ?"
41 Ces lawv tshem daim txiag zeb; Yes Xus tsa muag ntsia saum ntuj,
nws hais tias : "Txiv, kuv ua koj tsaug vim koj mloog kuv.
42 Kuv paub tias koj yeej ib txwm mloog kuv,
tab sis kuv hais cov lus no, kom tsoom neeg uas
sawv ncig ntawm no ntseeg tias yog koj xa kuv tuaj."
43 Yes Xus hais li ntawd tas, nws hu ib suab nrov nrov tias :
"Las Ntxas Los, koj tawm los nraum no !"
44 Tus tuag tawm los, cov saw ntaub tseem pav nws tej tes taw,
daim ntaub npog ncauj tseem vov nws lub ntsej muag.
Yes Xus hais rau lawv tias : "Nej daws cov saw, nej tso nws mus."
45 Coob tus Yus Das uas tuaj xyuas Mab Liab,
tau pom qhov Yes Xus ua ces lawv ntseeg txog nws.

**NrhiavTswvNtuj** 1st April 2020, 6:55 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°20

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 1st April 2020, 6:55 am

Cov zaj nyeem Hnub Chiv Nquam Nplooj tim 05-04-2020
Caij Plaub Caug - Xyoo A

* Nyeem ntawm tshav puam
Mas Tais Ntawv Moo Zoo 21,1-11:
Yes Lus Xas Les txais Yes Xus xws li Leej Pleev.

1 Thaum Yes Xus lawv tuaj yuav
txog Yes Lus Xas Les, thiab twb
tuaj txog Npes Fas Zes ntawm lub roob
txiv ntoo roj lawm, Yes Xus xa ob tug
thwj tim mus ua ntej. 2 Nws hais rau nkawd tias :
“Neb mus hauv lub zos nyob tom neb
hauv ntej, neb yuav pom ib tug maum luj
khi nrog nws tus me nyuam. Neb daws
tus maum luj, neb cab ob niam tub luj los
rau kuv. 3 Yog muaj neeg hais dab tsi
rau neb, ces neb hais rau lawv tias :
“Huab Tais yuav siv. Ib me ntsis, nws yuav xa rov los.”
4 Qhov ntawd tshwm sim tuaj raws li tus
yaj saub xub hais tseg tias :
5 Nej hais rau tus ntxhais Xis Yoos tias :
Saib, koj tus vaj tuaj cuag koj.
Nws siab zoo. Nws zaum saum ib tug luj,
nws caij ib tug me nyuam luj,
yog tus luj thauj nra tus me nyuam.
6 Ob tug thwj tim mus ua raws li Yes
Xus tau hais. 7 Nkawd cab ob niam tub
luj los. Nkawd muab nkawd ob lub tsho
tshaj sab pua luj nrob qaum, ces Yes Xus
zaum saud. 8 Muaj neeg coob coob hle
lawv tej tsho tshaj sab los pua kev. Tseem
muaj lwm cov txiav ceg ntoo los pua kev
thiab. 9 Tas tsoom neeg uas mus ua Yes
Xus ntej thiab lawv Yes Xus qab qw tias :
"Das Vis Leej Tub, thov koj cawm peb.
Tus uas Huab Tais xa tuaj, nto koob
meej ! Tus nyob saum cov txheej ntuj
siab, thov koj cawm peb !”
10 Thaum Yes Xus los hauv Yes Lus
Xas Les, mas tas lub nroog ua nphoo
ntxoj nphoo ntxuas. Lawv hais tias : “Yog leej twg ?”
11 Tas tsoom sid hais tias :
“Yog tus Yaj Saub Yes Xus, uas tuaj
ntawm Nas Xas Les, xeev Nkas Lis Lais tuaj.”

COV ZAJ NYEEM HNUB CHIV XYOO A 2016-2017 89673610

* Zaj nyeem 1 : Tsab Ntawv His Xais 50,4-7:
Lus paj huam cav txog Tswv Ntujtus tub txib.

4 HUAB TAIS Tswv Ntuj tau
muab cov thwj tim tus nplaig rau
kuv. Nws qhia kuv kom kuv txawj hais
ib lo lus nplij tus qaug zog. Niaj tag kis
nws tsa kuv pob ntseg kom kuv tsim
dheev, kom kuv mloog xws li cov thwj tim mloog.
5 HUAB TAIS Tswv Ntuj qhib kuv pob
ntseg, mas kuv tsis npau taws, kuv tsis yig, kuv tsis thaub qab.
6 Lawv ntaus kuv, mas kuv tig kuv nraub
qaum rau lawv ntaus. Lawv xav rho kuv
cov hwj txwv, mas kuv tig kuv sab plhu
rau lawv. Lawv xav ib tawg ncuav rau
kuv thiab xav nto qaub ncaug rau kuv
ntsej muag, los kuv tsis fee plhu rau lawv.
7 Tab sis HUAB TAIS Tswv Ntuj tsom
kwm kuv, vim qhov ntawd mas kuv tsis
poob ntsej muag. Ces kuv ua kuv ntsej
muag tawv li pob zeb. Kuv paub tias kuv
yuav tsis raug kev txaj muag.

* Zaj nyeem 2 : Paj Lug Tsab Ntawv Rau Cov Fis Lis Pos 2, 6-11
6 Yes Xus Pleev yog Tswv Ntuj,
tiam sis nws tsis cia nws lub hwj
chim Tswv Ntuj rau luag hawm :
nws muab nws lub hwj chim hle.
7 Nws yeem ua ib tug qhev,
nws yug los ua neeg xws li ib tsoom
neeg. Luag pom nws tus yam ntxwv
yog yam ntxwv tib neeg. 8 Nws txo nws qis :
nws tuaj yeem mloog Ntuj lus mus
txog qhov tuag, thiab tseem xaiv txoj
kev tuag saum ntoo cuam.
9 Vim li ntawd, mas Tswv Ntuj thiaj tsa
Yes Xus ua ib tug loj nyob siab siab.
Tswv Ntuj muab lub npe uas nyob
siab dua lwm cov npe rau nws.
10 Li ntawd, tus twg hnov tuav txog
Yes Xus lub npe, tsis hais nyob
saum cov txheej ntuj, los nyob ntiaj
teb no, los nyob nruab yeeb, mas tus
ntawd cia li txhos caug hawm.
11 Txhua xeem lus yuav tsum cav tias
Yes Xus Pleev yog Huab Tais :
Leej Txiv Tswv Ntuj thiaj muaj koob meej nto moo lug.

* Mas Tais Ntawv Moo Zoo 26,14-27,66
14 Muaj ib tug nyob hauv pab kaum ob,
hu ua Yus Das Kas Lis Yaus. Nws mus
cuag cov thawj leej choj, 15 nws hais rau lawv tias :
“Nej muab dab tsi rau kuv, kuv yuav
muab nws muag rau nej ?”
Ces lawv them peb caug lub txiaj nyiag
rau Yus Das. 16 Txij hnub ntawd los,
Yus Das nrhiav ib lub sij hawm zoo cob
Yes Xus rau hauv lawv txhais tes.
17 Thaum txog thawj hnub noj cov ncuav
mov tsis muaj poov xab, cov thwj tim txav
los nug Yes Xus tias : “Koj xav kom peb
npaj Pluas Hla rau koj noj nyob qhov twg ?”
18 Yes Xus hais tias :
“Nej mus tom nroog, hauv ib tug neeg
tsev, nej hais rau nws tias :
‘Xib Hwb hais tias : Kuv lub caij nyoog
los txog ze lawm. Kuv yuav nrog kuv cov
thwj tim noj Pluas Hla nyob hauv koj tsev.”
19 Cov thwj tim ua raws li Yes Xus qhia.
Ces lawv npaj Pluas Hla.
20 Thaum tsaus ntuj YesXus nrog pab
Kaum Ob nyob ntawm rooj mov.
21 Thaum lawv noj mov, Yes Xus hais tias :
“Kuv hais tseeb rau nej, nej ib tug yuav
muab kuv muag. 22 Lawv ntxhov siab
tas nrho, lawv nyias nug nyias tias :
“Huab Tais, puas yog kuv ?”
23 Yes Xus teb tias :
“Tus yuav muab kuv muag, yog tus tau
nrog kuv cev tes ntsw hauv lub phaj ! 24
Neeg Leej Tub rov mus raws li Ntawv
xub sau txog nws. Tab sis tus muab Neeg
Leej Tub muag, nws raug txoj hmoov
phem ! Txhiaj khoov tus ntawd tsis txhob
yug los !” 25 Yus Das, tus muab Yes
Xus muag, kuj teb tias :
“Xib Hwb, puas yog kuv ?”
Yes Xus hais rau Yus Das tias : “Yog li koj hais.”

26 Thaum lawv noj mov txog tog, Yes
Xus tuav lub ncuav mov, nws hais zaj
foom hmoov zoo, nws muab ntais, thiab
nws cev rau cov thwj tim, nws hais tias :
“Nej txais, nej noj, qhov no yog kuv lub cev.”
27 Yes Xus kuj tuav ib lub ntim, nws ua
ntuj tsaug, nws cev rau lawv, nws hais tias :
“Nej sawv daws haus,
66 Nej xav li cas ?"
Lawv teb tias :
“Nws tsim nyog tuag.”

Ntawv Moo Zoo: Mas Tais. 27,11-54
11 Lawv coj Yes Xus mus cuag tus nom
tswj teb chaws. Ces tus nom tswj teb
chaws nug Yes Xus tias :
“Koj puas yog cov Yus Das tus vaj ?” Yes Xus teb tias :
“Yog li koj hais ntawd.”
12 Cov thawj leej choj thiab cov txwj
laus liam rau Yes Xus, Yes Xus tsis teb
dab tsi li. 13 Ces Pis Las Tos hais rau Yes Xus tias :
“Koj tsis hnov lawv liam pes tsawg zaj rau koj lod ?”
14 Yes Xus tsis teb ib lo lus li, mas tus
tswj teb chaws poob siab tas nrho.
15 Niaj xyoo, thaum ua lub ntees Hla, tus
nom tswj teb chaws tso ib tug neeg raug
txim mus. Tsoom sid xav kom tso tus twg
mas nws tso tus ntawd. 16 Muaj ib tug
neeg raug txim nto moo, hu ua Npas Las Npas.
17 Thaum lawv sib sau ua ke, Pis Las
Tos hais rau lawv tias :
"Nej xav kom kuv tso tus twg rau nej, tso
Npas Las Npas, los tso tus Yes Xus uas
luag hu nws ua Leej Pleev ?" 18 Pis Las
Tos paub zoo tias tos lawv coj Yes Xus
tuaj rau nws, yog vim lawv khib.
19 Thaum Pis Las Tos zaum saum lub
theej kiab txiav txim, nws poj niam fi xov
tuaj hais rau nws tias :
"Koj txhob raus tes ua dab tsi rau tus neeg
ncaj ntawd. Hnub no, kuv ua npau suav
txog nws, kuv ntxhov siab kawg."
20 Cov thawj leej choj thiab cov txwj
laus cob tsoom pej xeem kom taij tso
Npas Las Npas, hos muab Yes Xus tua.
21 Tus nom tswj teb chaws hais rau lawv tias :
"Ob tug neeg no, nej xav kom kuv tso tus twg rau nej ?"
Lawv teb tias : "Npas Las Npas."
22 Pis Las Tos hais rau lawv tias : "Kuv
yuav ua dab tsi rau Yes Xus, tus uas luag
hu nws ua Leej Pleev ?" Lawv sawv daws hais tias :
"Muab nws tua saum ntoo cuam !"
23 Pis Las Tos hais tias :
"Nws tau ua dab tsi phem ?"
Lawv haj yam nthe nrov tias :
"Muab nws tua saum ntoo cuam !"
24 Pis Las Tos pom tias nws ua tsis tau
dab tsi, vim sawv daws pheej ua ntxhov
hnyo, ces Pis Las Tos muab dej los ntxuav
nws tes rau sawv daws ntsia, nws hais tias:
"Kuv tsis ris cov ntshav ntawd, nej mam saib nej !"
25 Tas tsoom pej xeem teb tias :
"Cia nws cov ntshav poob los saum peb
thiab peb cov me nyuam !"
26 Pis Las Tos tso Npas Las Npas los
rau lawv, nws muab Yes Xus rau cov tub
rog nplawm tas, nws tso Yes Xus rau
lawv cia lawv muab nws dai saum ntoo cuam.
27 Tus nom tswj teb chaws cov tub rog
coj Yes Xus nrog lawv mus hauv lub
tshav txiav txim. Lawv txhib tas npoj
peeb zeej los hiam Yes Xus. 28 Cov tub
rog hle Yes Xus cov ris tsho, lawv muab
ib lub tsho tshaj sab liab los rau nws hnav.
29 Lawv muab ib co pos sib qhaib ua ib
lub kauj tso saum nws taub hau. Lawv
muab ib rab pas tauj rau nws sab tes xis
tuav. Cov tub rog txhos caug ntawm Yes
Xus xub ntiag, lawv thuam Yes Xus tias :
"Nyob kaj lug, cov Yus Das tus vaj !"
30 Lawv nto aub ncaug rau Yes Xus,
lawv muab rab pas tauj ntaus Yes Xus
taub hau. 31 Thaum lawv thuam Yes
Xus tas, lawv muab lub tsho tshaj sab liab
hle, lawv rov muab Yes Xus cov ris tsho
rau Yes Xus hnav. Ces lawv coj Yes Xus mus dai saum ntoo cuam.
32 Thaum lawv tawm mus lawm sab
nraud, lawv pom ib tug neeg tuaj Xis Les
Nas tuaj. Nws hu ua Xis Moos. Lawv
kom Xis Moos kwv Yes Xus tus ntoo
cuam. 33 Lawv mus txog ib thaj chaw
hu ua Nkos Nkos Tas, txhais tias chaw
Khauj Khaum Taub Hau, 34 lawv muab
ib co cawv xyaw tsib rau Yes Xus haus.
Yes Xus saj me ntsis, nws tsis xav haus.
35 Thaum cov tub rog muab Yes Xus
ntsia rau saum ntoo cuam tas, lawv ntaus
kuam sib faib Yes Xus cov ris tsho.
36 Ces cov tub rog zaum, lawv nyob zov Yes Xus.
37 Lawv sau ntawv dai rau ntawm Yes
Xus taub hau, piav txog Yes Xus lub txim tias :
"Tus no yog Yes Xus, cov Yus Das tus vaj."
38 Lawv muab ob tug tub sab dai saum
ntoo cuam zoo li Yes Xus thiab : ib tug
nyob sab xis, ib tug nyob sab laug.
39 Cov neeg dua kev co taub hau thuam
Yes Xus, 40 lawv hais tias :
"Koj yog tus yuav rhuav lub Tuam Tsev
Ntshiab, rov txhim peb hnub tau li qub,
koj rov cawm koj mas ! Saib koj yog
Tswv Ntuj Leej Tub no, koj nqes saum ntoo cuam los !"
41 Cov thawj leej choj nrog cov Kws
Ntawv Ntshiab thiab cov txwj laus hnyos Yes Xus tias :
42 "Nws cawm tau luag tej, nws rov
cawm tsis tau nws ! Saib nws yog His
Xas Lais tus vaj no, kom nws nqes saum
ntoo cuam los nyem no, peb thiaj yuav
ntseeg txog nws ! 43 Nws tso siab rau
Tswv Ntuj ; nyem no cia Tswv Ntuj tuaj
npo nws dim, saib Tswv Ntuj puas nyiam
nws ! Nws yeej hais tias : "Kuv yog Tswv Ntuj Leej Tub !"
44 Tab yog ob tug tub sab uas dai saum
ntoo cuam nrog Yes Xus, kuj thuam Yes Xus.
45 Txij tav su mus txog peb teev, tas lub
ntiaj teb tsaus ntuj nti. 46 Ze ntawm peb
teev, Yes Xus qw ib suab nrov nrov tias :
"Es Lis, Es Lis, les mas xas npas thas nis
?", txhais tias "Kuv tus Tswv Ntuj,
kuv tus Tswv Ntuj, ua cas koj tso kuv pov tseg ?"
47 Cov neeg nyob ntawd, muaj ib txhia hais tias :
"Saib, nws hu txog Es Lias !"
48 Tam sis ntawd muaj ib tug khiav mus
muab ib qho rwb coj mus tub dej qaub,
nws muab chob rau ntawm ib tug ntsis
pas tauj cev mus rau Yes Xus haus.
49 Tab sis muaj ib co hais rau nws tias :
"Tos me ntsis tso ! Cia saib peb puas
pom Es Lias tuaj cawm nws !"
50 Yes Xus rov qw ib suab nrov nrov tas, ces nws txoj sia tu.
51 Thaum ntawd, daim ntaub thaiv Kem
Ntshiab ntuag rhe ua ob sab, txij yav saud
thoob plaws rau hauv taw ; lub ntiaj teb
qeeg, pob tsuas tawg, 52 tej rooj ntxas
qhib los, coob leej neeg ntshiab uas tau
dua nra tas lawm, lawv lub cev sawv rov
los. 53 Thaum Yes Xus sawv rov los,
lawv tawm hauv ntxa, lawv chaws mus
hauv lub Nroog Ntshiab, lawv tawm tuaj rau coob leej pom.
54 Tus xab txheeb thiab cov tub rog uas
nrog nws zov Yes Xus, pom ntiaj teb qeeg
thiab pom tej xwm tshwm tuaj zoo li
ntawd, lawv ntshai kawg, lawv hais tias :
"Tus no yog Tswv Ntuj Leej Tub tiag !"
55 Muaj ib pab poj niam coob nyob tsis
deb ntawd ntsia. Yog cov poj niam uas
raws Yes Xus hauv xeev Nkas Lis Lais
tuaj, lawv tsob hwb Yes Xus. 56 Cov poj
niam ntawd, ib tug yog Mab Liab Mas
Ntas Las, thiab tus Mab Liab uas yog Yas
Kos thiab Yos Xes nkawd niam, hos ib
tug yog Ntxes Npes Dais ob tug tub niam.
57 Thaum tsaus ntuj, muaj ib tug neeg
nplua nuj nyob As Lis Mas Tias tuaj, nws
lub npe hu ua Yos Xes. Nws kuj yog Yes
Xus ib tug thwj tim thiab. 58 Nws mus
cuag Pis Las Tos, nws thov Yes Xus lub
cev. Pis Las Tos txib kom lawv muab
Yes Xus lub cev rau Yos Xes. 59 Yos
Xes nqa Yes Xus lub cev, nws muab
qhwv hauv ib chaws ntaub huv, 60 ces
nws coj mus tso rau hauv ib lub ntxa
tshiab, uas nws kom luag txaug rau hauv
ib phab tsua. Nws dov ib daim txiag zeb
dav los kaw rooj ntxas ; ces nws rov mus
tsev. 61 Nyob ntawd, muaj Mab Liab
Mas Ntas Las thiab lwm tus Mab Liab zaum ncaj lub rooj ntxas.
62 Tag kis sawv ntxov, yam li dhau Hnub
Npaj Hmoov Hla lawm, cov thawj leej
choj thiab cov Fas Lis Xais ua ke mus
hauv Pis Las Tos tsev, lawv hais rau nws tias :
63 "Huab tais, peb nco ntsoov tias tus
niag dag ntawd, thaum ua neej nyob, nws
hais tias : "Peb hnub tom qab, kuv yuav
sawv rov los !" 64 Ua li mas koj txib kom
muaj neeg zov lub ntxa zoo zoo mus txog
hnub peb, tsam nws cov thwj tim mus
nyiag nws lub cev, ces lawv hais rau
tsoom pej xeem tias 'Nws sawv hauv cov
tub tuag rov los lawm !' Ces cov lus dag
no haj yam yuav phem dua qub."
65 Pis Las Tos hais rau lawv tias : "Nej
twb muaj ib pab zov keeb, nej kom lawv zov raws li nej siab."
66 Lawv rov mus npaj txhua yam zov lub
ntxa, lawv muab daim txiag zeb cam,
lawv tso ib pab zov keeb nyob ntawd zov.

**NrhiavTswvNtuj** 8th April 2020, 9:36 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°21

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 8th April 2020, 9:36 am

TIM 9 LUB 4 HLIS 2020

Hnub Tsib Ntshiab

THAJ TXI NTUJ TSIM COV ROJ NTSHIAB thaum Sawv Ntxov

Zaj Nyeem Ib: HIS XAIS 61: 1-3A, 6A, 8B-9

1 HUAB TAIS Tswv Ntuj lub tswv yim nyob saum kuv, vim HUAB TAIS tau pleev kuv. Nws tau tso kuv tuaj xa lub moo zoo rau cov neeg txom nyem, tuaj kho cov neeg tu siab lwj plawv kom lawv zoo hlo, tuaj tshaj kev twj lij rau cov neeg raug txim, thiab kev dim rau cov neeg nyob tsev loj faj, 2 tuaj tshaj txog ib xyoos uas HUAB TAIS yuav pub txiaj ntsim koob hmoov, ib hnub uas Tswv Ntuj yuav ua pauj, kom tau nplij cov neeg ntoo xyom quaj ntsuag; 3 kom kuv tuaj muab ib lub mom teev kub rau cov ntoo xyom quaj ntsuag nyob saum Xis Yoos hloov lawv cov tshauv, muab ib co roj zoo siab los pleev lawv hloov lawv kev tu siab, muab ib lub zam muaj hwj chim rau lawv hloov lawv txoj kev tas kev cia siab.
6 Ntawm nej, mas lawv yuav hu nej ua HUAB TAIS cov Leej Choj; lawv yuav tis npe rau nej ua : HUAB TAIS cov tim xyoob.
8 Kuv, HUAB TAIS, yuav muab nqi zog rau lawv kom haum pheej. Kuv yuav nrog lawv cog ib lo lus nyob mus li. 9 Lawv haiv neeg yuav nto moo nyob hauv cov kuj cuab, lawv cov xeeb ntxwv yuav nto meej nyob hauv cov haiv neeg; txhua leej uas pom lawv yuav zeem tias lawv yog ib tsav neeg uas HUAB TAIS foom hmoov zoo rau.

NPN 89: 21-22, 25+27

Txais: (2) Kuv yuav hu nkauj mus li cav txog HUAB TAIS lub siab zoo.

Kuv nrhiav tau Das Vis ua kuv tus tub txib,
kuv tau muab kuv cov roj ntshiab los pleev nws,
Kom kuv txhais tes nyob ze nws mus li,
Thiab kom kuv txhais npab ua kom nws muaj zog.

Txais: (2) Kuv yuav hu nkauj mus li cav txog HUAB TAIS lub siab zoo.

Kuv txoj kev pheej xeeb thiab kev khuv leej yuav nyob ze nws,
kuv lub npe yuav tsa nws hauv pliaj kom siab.
Nws yuav hu kuv tias : "Koj yog kuv txiv,
Kuv tus Tswv Ntuj, kuv lub Tsua, kuv tus Cawm Seej!"

Txais: (2) Kuv yuav hu nkauj mus li cav txog HUAB TAIS lub siab zoo.

Zaj Nyeem Ob: QYTN 1: 5-8

5 Thov kom nej tau txais txiaj ntsim thiab kev thaj yeeb tuaj ntawm Yes Xus Pleev tuaj, uas yog tus Tim Khawv pheej xeeb, tus xub yug hauv cov tub tuag los, tus thawj kav tsoom vaj nyob ntiaj teb no. Nws yog tus nyiam peb, nws tau muab nws cov ntshav los ntxuav peb cov txhaum.
6 Nws tsa peb ua ib haiv neeg ua vaj, ua ib co Leej Choj teev nws Leej Txiv thiab nws tus Tswv Ntuj. Vim li ntawd, mas lub koob meej thiab lub hwj chim yog nws tug mus tas ib txhiab ib txhis. Ua li.
7 Ntsia saib ! Nws nrog cov huab tuaj; txhua leej txhua tus yuav pom nws; cov tau nkaug nws kuj yuav pom nws. Tas txhua haiv neeg nyob ntiaj teb yuav quaj yuav nyiav vim nws. Yuav muaj tseeb li ntawd. Ua li.
8 Huab Tais Tswv Ntuj hais tias: “Kuv yog As Fas thiab Os Mes Nkas,”, vim nws yog tus tab tom nyob, tus nyob dhau los lawd, thiab tus tab tom yuav tuaj, nws yog tus Muaj Hwj Huam tas nrho.

Zaj Cav lub Moo Zoo: HIS XAIS 61: 1 (LK 4: 18)

HUAB TAIS lub tswv yim nyob saum kuv,
nws tau tso kuv tuaj xa lub moo zoo rau cov neeg txom nyem.

Ntawv Moo Zoo: LK 4: 16-21

16 Yes Xus los txog Nas Xas Les, lub zos uas nws nyob hlob. Hnub Xas Npas Tos, nws mus hauv lub tsev txoos xws li nws ua kam, ces nws sawv mus nyeem ntawv.
17 Lawv cev tus Yaj Saub His Xais kauj ntawv rau nws. Nws nthuav kauj ntawv, nws nrhiav tau nqe lus uas sau tias : 18 “Huab Tais lub Tswv Yim nyob saum kuv, vim nws pleev roj los qee kuv kom kuv mus tshaj lub Moo Zoo rau cov pluag; nws xa kuv mus ceeb toom rau cov nyob txim tias lawv yuav dim, rau cov dig muag tias lawv yuav rov pom kev, rau cov raug luag yuam tias lawv yuav rov tau ua neeg twj lij;
19 nws xa kuv mus tshaj tias yog xyoo Huab Tais yuav pub txiaj ntsim.”
20 Yes Xus rov kauv kauj ntawv rau, nws rov muab rau tus tub txib, ces nws mus zaum. Tas tsoom neeg uas nyob hauv lub tsev txoos ntsia ntsoov Yes Xus.
21 Ces Yes Xus hais rau lawv tias : “Hnub no, cov lus nyob hauv zaj ntawv no tsheej xeeb raws li nej tau hnov lawm."

**NrhiavTswvNtuj** 8th April 2020, 9:45 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°22

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 8th April 2020, 9:45 am

Tim 9/04/2020

Hnub Tsib Ntshiab

THAJ TXI NTUJ NCO TXOG YES XUS NOJ PLUAS HMO KAWG yav tsaus ntuj

Zaj Nyeem Ib: KEV TSIV 12: 1-8, 11-14

1 HUAB TAIS hais rau Mais Xes thiab As Loos nyob Hais Nkws Tos teb tias: 2 "Lub hlis no nej yuav muab suav ua thawj lub hlis ua ntej cov, nej yuav muab ua lub ib hlis qhib lub xyoo tshiab. 3 Neb hais rau ib tsoom pej xeem His Xas Lais tias: ‘Lub hlis no xiab kaum, mas nej txhua yim neeg nyias yuav tsum npaj nyias ib tug tsiaj me, txhua lub tsev yuav tsum npaj ib tug tsiaj me. 4 Yog tsev neeg twg tsawg dhau noj tsis tas ib tug tsiaj me, mas nej yuav mus koom nrog lwm tsev neeg uas nyob ze nej dua cov kom muaj neeg coob txaus. Nej yuav xaiv ib tug tsiaj kom txaus nkaus sawv daws noj tsis seem. 5 Nej yuav xaiv ib tug tsiaj zoo nkauj tsis muaj chaw xyeej, muaj hnub nyoog ib xyoos; nej yuav xaiv ib tug thav tshis los tau ib tug thav yaj los tau.
6 Nej yuav ceev tus tsiaj no cia mus txog lub hlis no hnub xiab kaum plaub; hmo ntawd, tas tsoom His Xas Lais nyias yuav tua nyias tus tsiaj thaum hnub poob qho kiag. 7 Nej yuav cug cov ntshav coj mus pleev ob tug ncej puab rooj thiab pleev daim txiag tav saum lub qhov rooj nkag mus hauv lub tsev uas nej noj tus tsiaj ntawd. 8 Hmo ntawd, nej yuav muab cov nqaij txhiab hauv hluav taws noj, nej yuav noj ntxuag ib co ncuav mov tsis xyaw poov xab, thiab ib cov zaub iab.
11 Nej yuav noj mov zoo li no : Nej sia siv khov kho ntawm duav, nej rau khau tib si, thiab tuav rawv nej rab pas nrig ntawm tes. Nej yuav tsuag tsuag noj nrawm nroos, vim yog HUAB TAIS hmo hla. 12 Hmo ntawd, kuv yuav hla mus thoob Hais Nkws Tos teb, kuv yuav ntaus cov ua tub hlob nyob hauv Hais Nkws Tos teb tib si kom tuag, tsis hais tib neeg los tsiaj txhu li, thiab kuv yuav txiav txim rau cov dab Hais Nkws Tos, kuv yog HUAB TAIS!
13 Cov ntshav yuav yog ib lub cim txuag nej hauv cov tsev uas nej nyob. Kuv pom lub cim ntawd, kuv yuav hla dhau plaws mus, ces nej yuav tsis raug qhov xwv txheej loj ntawd, hmo uas kuv ntaus Hais Nkws Tos teb.
14 Nej yuav cim ntsoov hnub ntawd cia ua ib hnub tshwj xeeb rau nej, nej yuav muab ua ib hnub cav txog HUAB TAIS, yuav yog ib hnub nej ua koob tsheej tiam dhau tiam, yog ib txog cai nej yuav coj mus li.

NPN 116: 12-13, 15-16BC, 17-18

Txais: (1 KLN 10:16) Peb lub ntim foom hmoov zoo yog ib txoj kev
koom siab nyob hauv Leej Pleev cov Ntshav.

Kuv yuav muab dab tsi los pauj
ib puas tsav yam zoo uas HUAB TAIS ua rau kuv ?
Kuv yuav cev lub ntim cawm neeg,
thiab kuv yuav tuav txog HUAB TAIS lub npe.

Txais: Peb lub ntim foom hmoov zoo yog ib txoj kev
koom siab nyob hauv Leej Pleev cov Ntshav.

HUAB TAIS saib cov ntseeg txog nws
txoj kev tuag muaj nqes loj.
Kuv yog koj tus tub txib, yog koj tus ntxhais txib tus tub;
Koj tau daws cov hlua khi kuv.

Txais: Peb lub ntim foom hmoov zoo yog ib txoj kev
koom siab nyob hauv Leej Pleev cov Ntshav.

Kuv yuav cev ib co txim los ua koj tsaug,
kuv yuav tuav txog HUAB TAIS lub npe.
Kuv yuav pauj kuv lub yeem rau HUAB TAIS
nyob ntawm nws haiv neeg xub ntiag,

Txais: Peb lub ntim foom hmoov zoo yog ib txoj kev
koom siab nyob hauv Leej Pleev cov Ntshav.

Zaj Nyeem Ob: 1 KLN 11: 23-26

Cov kwv tij nkauj muad:
23 Cov lus kuv qhia rau nej no, yog cov lus kuv tau txais ntawm Huab Tais los: Hmo Huab Tais Yes Xus raug muag, nws tuav ib lub ncuav mov,
24 nws ua Ntuj tsaug, nws muab lub ncuav mov ntais, nws hais tias : “Qhov no yog kuv lub cev uas cia rau nej; Nej ua qhov no kom nej nco txog kuv.”
25 Thaum noj hmo tas kuj ib yam, nws tuav lub ntim cawv, nws hais tias : “Lub ntim cawv no yog zaj cog lus tshiab nyob hauv kuv cov ntshav ; nej haus lub ntim no thaum twg, mas nej haus kom nej nco txog kuv.”
26 Vim li no, niaj zaus thaum nej noj lub ncuav mov no thiab nej haus cov cawv no, mas yog nej tshaj Huab Tais txoj kev tuag mus txog hnub Huab Tais rov los.

Zaj Cav lub Moo Zoo: ZAM 13: 34

Huab Tais hais tias: Kuv muab ib lo lus qhia tshiab rau nej:
nej yuav sib nyiam sib hlub ib yam li kuv tau nyiam thiab hlub nej.

Ntawv Moo Zoo: ZAM 13: 1-15

1 Thaum yuav txog lub Ntees Hla, Yes Xus paub tias txog nws lub caij hla lub ntiaj teb no rov mus cuag Leej Txiv lawm. Nws hlub nws cov neeg uas nyob hauv lub qab ntuj no, mas nws hlub lawv mus txog thaum kawg. 2 Thaum lawv tab tom noj hmo, dab phem twb xub nkag ua ntej mus tshoj Yus Das Kas Lis Yaus, Xis Moos tus tub, lub siab lawm kom muab Yes Xus rau luag ntes. 3 Yes Xus paub tias Leej Txiv tso tas ib puas tsav yam rau hauv nws txhais tes, nws paub tias nws tuaj ntawm Tswv Ntuj tuaj, thiab nws yuav rov mus cuag Tswv Ntuj,
4 Ces nws sawv ntawm lub rooj mov mus, nws hle tsho, nws muab ib daig ntaub khi rau ntawm nws duav. 5 Nws hliv dej rau hauv ib lub phiab, ces nws pib ntxuav cov thwj tim ko taw. Nws muab daim ntaub khi ntawm duav los so lawv ko taw. 6 Yes Xus los txog ntawm Xis Moos Pob Zeb, Pob Zeb hais rau Yes Xus tias : "Huab Tais, koj yuav ntxuav kuv ko taw lod ?" 7 Yes Xus teb rau Pob Zeb tias : "Qhov uas kuv ua, mas tam sis no koj tsis to taub, tiam sis yav tom ntej koj yuav to taub." 8 Pob Zeb hais rau Yes Xus tias : "Koj txhob ntxuav kuv ko taw, kuv tsis kam ib zaug li." Yes Xus teb rau Pob Zeb tias : "Yog kuv tsis ntxuav koj, mas koj yuav tsis muaj cuab tam nrog kuv li."
9 Xis Moos Pob Zeb hais rau Yes Xus tias : "Huab Tais, yog li mas tsis yog ntxuav taw xwb, koj ntxuav kuv tes thiab kuv taub hau huv tib si." 10 Yes Xus hais rau Pob Zeb tias : "Tus uas nws da dej lawm mas tsis tas yuav ntxuav ntxiv, tsuas ntxuav ko taw xwb, vim nws ib ce huv tas tib si lawm; nej kuj huv lawm thiab, tab sis huv tsis tas txhua leej." 11 Yes Xus yeej paub tus twg yog tus yuav muab nws rau luag, vim li ntawd nws thiaj hais tias : "Nej huv tsis tas txhua leej."
12 Thaum Yes Xus ntxuav lawv ko taw tas, nws rov hnav nws lub tsho, nws rov los zaum ntawm rooj mov, nws thiaj hais rau lawv tias : "Nej puas to taub qhov uas kuv ua rau nej ? 13 Nej hu kuv ua : Xib Hwb thiab Huab Tais. Nej hu raug lawm, vim kuv yeej yog tiag. 14 Yog tias kuv uas yog Xib Hwb thiab yog Huab Tais, kuv twb ntxuav nej ko taw, mas nej ib tug kuj yuav tsum rov ntxuav ib tug ko taw thiab. 15 Qhov kuv tau ua yog ib tug piv txwv rau nej, kom nej ua raws li kuv tau ua rau nej.”

**NrhiavTswvNtuj** 8th April 2020, 10:21 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°23

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 8th April 2020, 10:21 am

Hnub Rau Ntshiab, tim 10/04/2020
Hnub Leej Pleev raug kev txom nyem, Xyoo A.

Zaj nyeem Ib: His Xais 52,13-53,12.
13 Nej ntsia kuv tus tub txib Saib ! Nws yuav vam meej. Nws yuav nce mus, nws yuav sawv siab. Sawv daws yuav cav lus zoo txog nws. 14 Coob leej pom nws, lawv yuav nyob hab nuv, vim nws lub cev puas tas, nws tsis zoo li neeg lawm. Nws lub cev ntaj ntsug tsis zoo xws leej tib neeg cov tub lub cev. 15 Li ntawd, nws yuav ua kom ntau lub kuj cuab ceeb nkaus. Cov vaj yuav nyob qhov ncauj kaw ntom nti rau ntawm nws xub ntiag, vim lawv pom ib yam uas tsis muaj leej twg tau piav rau lawv, lawv hnov ib yam uas lawv tsis tau hnov hais txog. 1 Leej twg yuav ntseeg tau qhov peb hnov hais no ? HUAB TAIS lub hwj huam tawm los nyob saum leej twg ? 2 Tus tub txib tau loj hlob nyob ntawm HUAB TAIS lub xub ntiag, xws li ib tug
cag nrhau mus rau hauv thaj av qhuav, nws tsis muaj lub meej mom zoo saib, nws tsis muaj tus yam ntxwv zoo nyiam. 3 Tib neeg thuam nws, tso nws pov tseg. Nws yog ib tug neeg txom nyem thiab nquag raug mob. Nws zoo li ib tug neeg uas yus qhov muag pom dheev, yus pos qhov muag. Nws raug sawv daws thuam, peb tsis quav ntsej nws. 4 Tab sis, yam nws ris yog peb tej kev mob, yam nws nqa yog peb tej kev ntsaj. Peb xav tias Tswv Ntuj ntaus nws, thiab ua kom nws raug mob, ua kom nws poob hwj chim. 5 Tab sis tus tub txib raug luag nkaug, yog vim peb tej hauj lwm phem. Nws raug luag tsuj, yog vim peb cov txhaum. Lub txim uas nyob saum nws, yog tus nqi nws them kom peb tau nyob thaj yeeb. Nws tej thaj doog ua kom peb tej mob nkeeg zoo hlo. 6 Peb sawv daws zoo li ib co yaj poob zoo, peb nyias taug nyias txoj kev. HUAB TAIS ua kom txoj kev txhaum uas peb sawv daws taug rov los poob rau saum tus tub txib. 7 Tus tub txib raug luag hiam heev kawg, tab sis nws yeem ua tus me, nws tsis qhib ncauj. Nws ua zoo li tus yaj uas luag cab mus rau lub tsev tua tsiaj. Nws nyob twj ywm xws li tus yaj uas luag txiav nws cov plaub. Nws ua siab ntev nyiaj, nws tsis qhib ncauj li. 8 Luag yuam, luag txiav txim kom tau rhuav tus tub txib pov tseg, leej twg tau xav tswv yim txog nws txoj hmoo ? Luag muab nws tshem tawm hauv tsoom neeg ciaj lub ntiaj teb. Luag muab tus tub txib tua, vim peb tej kev txhaum. 9 Luag muab nws zwm ntxa xyaw cov neeg phem, muab nws faus ze cov neeg nkhaus. Tab sis nws tsis tau ua nruj ua tsiv rau leej twg. Nws lub ncauj tsis tau hais ib lo lus dag. 10 HUAB TAIS pom zoo tsuj nws tus tub txib, nws ua kom nws tus tub txib raug mob raug nkees. Yog tus tub txib muab nws lub neej los ua ib thaj txi Ntuj kho kev txhaum, nws yuav muaj xeeb zeej xeeb ntxwv, nws ua kom nws lub hnub nyoog kav ntev, nws txhais tes yuav ua tau raws li HUAB TAIS xav. 11 Vim nws tus plig tau raug txom nyem, nws yuav pom txoj kev pom kev, nws yuav lub siab puv npo vim nws paub txuj. Kuv tus tub txib siab ncaj yuav ua kom ntau leej ncaj tuaj. Tus yuav ris lawv cov txhaum yog nws. 12 Yog vim li ntawd, kuv thiaj yuav pub kom muaj ib feem ua nws tug nyob hauv cov loj, nws yuav nrog cov muaj hwj xyeej txais cov yeeb ncuab lub cuab tam ib feem. Vim nws tau ris coob leej cov txhaum, thiab nws pab thov kev zam rau cov neeg txhaum

Zaj nyeem Ob: Hes Nplaws 4,14-16. 5,7-9
Peb yuav npuab Leej Pleev uas yog tus tuam Leej Choj.
14 Vim peb muaj Tswv Ntuj Leej Tub Yes Xus ua Tuam Leej Choj thiab ua Vaj, nws hla dhau yim txheej cuaj txheej ntuj, mas peb yuav nyob ruaj nreb hauv txoj kev lees ntseeg. 15 Peb tus Tuam Leej Choj tsis yog ib tug Leej Choj tsis txawj hlub peb cov neeg zog me, rau qhov nws tau raug txoj kev sim siab txhij txhua ib yam li peb. Tsuas tshuav txoj kev txhaum xwb, nws thiaj tsis raug. 16 Peb kav tsij rhais ruam mus lawm tom ntej. Peb tso siab lug mus kom txog lub theej kiab muaj txiaj ntsim, kom peb tau txais kev khuv leej, kev zam, thiab kev pab ntawm lub theej kiab.
7 Leej Pleev, thaum nws ua neej nyob hauv nws lub cev nqaij, nws tau tsa suab quaj thov tus muaj peev xwm cawm tau nws ntawm txoj kev tuag. Leej Txiv mloog Leej Pleev lus thov, vim Leej Pleev yog tus hwm Leej Txiv zoo. 8 Txawm tias Leej Pleev twb yog tus Tub cag, tsis kav nws tuaj yeem raug txom nyem. Nws tau kawm tias kev mloog lus yog dab tsi. 9 Nyem no, Leej Pleev yog tus zoo txhij zoo txhua. Leej Pleev los ua lub hauv paus uas cawm cov neeg mloog nws lus mus li. 10 Vim Tswv Ntuj tsa Leej Pleev ua Tuam Leej Choj raws li Mes Kis Xes Des txoj kev.

Cov zaj nyeem Hnub Chiv Xyoo A. 2019-2020 22937710

Ntawv Moo Zoo: Zam 18, 1-19,42.

8,1-40.
Lawv ntes Yes Xus hauv lub hav Kes Nroos sab tim ub.
1 Yes Xus hais li ntawd tas, ces nws nrog nws cov thwj tim mus rau tus kwj deg Kes Nroos sab tim ub. Muaj ib lub vaj nyob ntawd. Yes Xus thiab cov thwj tim mus hauv lub vaj. 2 Yus Das, tus uas muab Yes Xus rau luag, kuj paub qhov chaw ntawd thiab, vim Yes Xus thiab cov thwj tim sib sau ntau zaus nyob ntawd. 3 Yus Das coj pab peeb zeej thiab ib co zov keeb tuaj. Yog cov thawj leej choj thiab cov Fas Lis Xais sau cov zov keeb ntawd. Lawv taws teeb, taws tsau thiab nqa ntaj nqa riam tuaj. 4 Yes Xus paub ib puas tsav yam uas yuav tshwm sim tuaj raug nws, ces nws tawm los hais rau lawv tias : "Nej nrhiav leej twg ?" 5 Lawv teb rau nws tias : "tus Yes Xus Nas Xas Les." Yes Xus hais rau lawv tias : "Yog kuv." Yus Das, tus muab Yes Xus rau luag nrog lawv sawv ua ke. 6 Thaum Yes Xus hais rau lawv tias : "Yog kuv", mas lawv thaub qab thiab lawv ntog pem teb.
7 Yes Xus rov nug lawv dua tias : "Nej nrhiav leej twg ?" Lawv hais tias : "Yes Xus Nas Xas Les." 8 Yes Xus teb tias : "Kuv twb hais rau nej tias yog kuv. Yog nej nrhiav kuv, mas nej cia cov no mus." 9 Qhov no tshwm sim raws li lo lus uas nws xub hais tseg tias : "Cov uas koj muab rau kuv, mas kuv tsis ua ib tug ploj li." 10 Xis Moos Pob Zeb muaj ib rab ntaj. Nws rho hlo nws rab ntaj tib ntag rau tus thawj leej choj tus qhev, txiav raug nwssab pob ntseg xis lub qia ntsej tu nrho. Tus qhev no hu ua Mas Kws. 11 Yes Xus hais rau Pob Zeb tias : "Koj ntxig ntaj rau hauv hnab. Lub ntim uas Leej Txiv muab rau kuv, kuv yuav tsis haus lod ?"

Lawv coj Yes Xus mus rau Kais Fais. Pob Zeb tsis lees Yes Xus.
12 Pab peeb zeej nrog tus lwm txheeb, thiab cov zov keeb Yus Das ntes Yes Xus. Lawv muab Yes Xus khi. 13 Lawv xub coj nws mus tim As Nas tsev. As Nas yog Kais Fas yawm txiv. Xyoo ntawd yog Kais Fas ua tuam leej choj. 14 Kais Fas yog tus tau tawm tswv yim rau cov Yus Das hais tias : "Cia ib tug neeg this tsoom pej xeem tuag mas zoo dua." 15 Xis Moos Pob Zeb thiab lwm tus thwj tim raws Yes Xus qab. Tus thwj tim ntawd yog tus tuam leej choj ib tug swm neeg, ces nws tau nrog Yes Xus chaws mus hauv tus tuam leej choj lub tshav loog. 16 Hos Pob Zeb nyob sab nraud, nws sawv ze ntawm qhov rooj. Lwm tus thwj tim uas swm tus tuam leej choj tawm los, nws hais lus rau tus ntxhais txib zov qhov rooj, ces nws kom Pob Zeb chaws mus hauv. 17 Tus ntxhais txib zov qhov rooj hais rau Pob Zeb tias : "Koj tsis yog tus neeg ntawd ib tug thwj tim lod ?" Pob Zeb hais tias : "Kuv tsis yog." 18 Cov tub qhev thiab cov zov keeb rauv ib cub taws thee, vim lub caij ntawd no no. Lawv nyob ntawd nte taws. Pob Zeb kuj nrog lawv nyob ntawd nte taws thiab. 19 Tus tuam leej choj nug Yes Xus txog nws cov thwj tim thiab nws cov lus qhia. 20 Yes Xus teb rau tus tuam leej choj tias : "Kuv tab meeg hais lus rau lub qab ntuj neeg. Kuv niaj hnub qhia nyob hauv cov tsev txoos thiab hauv lub Tuam Tsev Teev Ntuj uas tas tsoom Yus Das tuaj sib txoos. Kuv tsis tau nyiag hais ib yam dab tsi. 21 Tim li cas koj nug kuv ? Koj nug cov uas tau hnov tej lus kuv hais rau lawv. Cov ntawd paub tias kuv tau hais dab tsi." 22 Thaum Yes Xus hais li ntawd, mas cov zov keeb uas sawv ntsug nyob ntawd, muaj ib tug ib tawg ncuav rau Yes Xus, nws hais rau Yes Xus tias : "Koj teb li ntawd rau tus tuam leej choj lod !" 23 Yes Xus teb rau tus zov keeb tias : "Yog kuv hais lus phem, koj ua pov thawj qhia saib qhov twg phem. Hos yog kuv hais raug lawm, vim li cas koj thiaj ntaus kuv ?” 24 As Nas xa Yes Xus mus rau tuam leej choj Kais Fas. Yes Xus tseem khi rawv li qub. 25 Xis Moos Pob Zeb nyob ntawd nte taws. Lawv hais rau nws tias : "Koj tsis yog nws ib tug thwj tim lod ?" Pob Zeb tsis lees, nws hais tias : “Kuv tsis yog.” 26 Tus tuam leej choj muaj ib tug qhev, nws yog ib tug txheeb ze tus qhev uas raug Pob Zeb txiav ib sab qia ntsej, nws hais tias : "Kuv twb pom koj nrog nws nyob hauv lub vaj los tsis sub ?" 27 Pob Zeb rov qab tsis lees, ces tam sis ntawd ib tug qaib qua.

Lawv coj Yes Xus mus rau Pis Las Tos.
28 Lawv coj Yes Xus tim Kais Fas tsev mus rau hauv lub tsev txiav txim. Thaum ntawd kaj ntug lawm. Tab sis cov Yus Das tsis mus hauv lub tsev txiav txim, kom lawv txhob tsuas yam tsis huv, lawv thiaj yuav noj tau pluas Hla. 29 Pis Las Tos thiaj li tawm tuaj cuag lawv, nws hais tias : "Nej muaj lus dab tsi, nej thiaj tuaj kom tus neeg ntawd ?" 30 Lawv teb rau Pis Las Tos hais tias : "Yog tus neeg no txhob yog neeg phem, mas peb yuav tsis coj nws tuaj rau koj." 31 Pis Las Tos hais rau lawv tias : "Nej coj nws mus, nej txiav txim rau nws raws li nej txoj cai." Cov Yus Das hais rau Pis Las Tos tias : "Txoj cai tsis pub peb muab ib tug neeg tua." 32 Qhov no tshwm sim raws li lo lus Yes Xus tau xub hais qhia tias nws yuav tsum tuag zoo li cas. 33 Pis Las Tos thiaj rov chaws mus hauv lub tsev txiav txim, nws hu Yes Xus los, nws hais tias : "Koj puas yog cov Yus Das tus vaj ?" 34 Yes Xus teb tias : "Puas yog koj hais koj, los yog luag tej hais txog kuv li ntawd rau koj ?" 35 Pis Las Tos teb tias : "Kuv puas yog ib tug Yus Das ? Koj haiv neeg thiab cov thawj leej choj coj koj tuaj rau kuv. Koj tau ua dab tsi ?" 36 Yes Xus teb tias : "Kuv lub Ceeb Tsheej tsis nyob hauv lub qab ntuj no. Yog kuv lub Ceeb Tsheej nyob hauv lub qab ntuj no, mas kuv cov neeg yuav sawv ntaus rog thaiv kom kuv txhob poob rau hauv cov Yus Das txhais tes. Tab sis, kuv lub Ceeb Tsheej tsis nyob hauv lub qab ntuj no." 37 Pis Las Tos hais rau Yes Xus tias : "Ua li koj yog vaj lod ?" Yes Xus teb hais tias : "Yog koj hais tias kuv yog vaj. Yog vim qhov ntawd kuv thiaj yug los, thiab yog vim qhov ntawd kuv thiaj tuaj nyob hauv lub qab ntuj no : kuv tuaj ua tim khawv txog qhov tseeb. Leej twg yog txoj kev tseeb tug, mas nws mloog kuv lub suab." 38 Pis Las Tos hais rau Yes Xus tias : "Qhov tseeb yog dab tsi ?" Thaum Pis Las Tos hais li no tas, nws tawm rov mus cuag cov Yus Das, nws hais rau lawv tias : "Kuv tsis pom ib yam tsim nyog raug txim nyob hauv tus neeg ntawd. 39 Tab sis raws li nej kev cai, mas txog lub Ntees Hla kuv tso ib tug neeg mus. Nej puas xav kom kuv tso cov Yus Das tus vaj ?" 40 Lawv rov qab nthe nrov tias : "Txhob tso nws, tso Npas Las Npas !" Npas Las Npas yog ib tug tub sab.

19,1-42
Lub kauj pos.
1 Ces Pis Las Tos coj Yes Xus mus, nws kom lawv nplawm Yes Xus. 2 Cov tub rog xuas ib co pos ntxias ua ib lub kauj, lawv muab tso saum Yes Xus taub hau. Lawv muab ib lub tsho ntev liab tshiab rau Yes Xus hnav. 3 Lawv txav los ze nws, lawv hais tias : "Nyob kaj lug, cov Yus Das tus vaj," ces lawv ntaus nws tej niag teg.

Pis Las Tos txiav txim.
4 Pis Las Tos rov tawm mus nraum zoov, nws hais rau lawv tias : "Nej saib, kuv coj tus neeg no tawm los rau nej, kom nej paub tias kuv tsis pom ib yam tsim nyog raug txim nyob hauv nws." 5 Yes Xus tawm los sab nraud, nws ntoo lub kauj pos thiab hnav lub tsho ntev liab tshiab, ces Pis Las Tos hais rau lawv tias : "Nej ntsia tus neeg no." 6 Thaum cov thawj leej choj thiab cov zov keeb pom Yes Xus, lawv nthe nthe hais tias : "Muab dai saum ntoo cuam ! Muab dai saum ntoo cuam !" Pis Las Tos hais rau lawv tias : "Nej coj nws mus, nej muab nws dai saum ntoo cuam. Vim tias kuv tsis pom ib yam tsim nyog raug txim nyob hauv nws." 7 Cov Yus Das teb rau Pis Las Tos tias : "Peb muaj ib Txoj Cai, raws li Txoj Cai ntawd, mas nws yuav tsum tuag, vim nws tsa nws ua Tswv Ntuj Leej Tub." 8 Thaum Pis Las Tos hnov lo lus ntawd, mas nws haj yam ntshai. 9 Ces nws rov chaws mus hauv lub tsev txiav txim. Nws hais rau Yes Xus tias : "Koj nyob qhov twg tuaj ?" Tab sis Yes Xus tsis teb ib lo lus rau nws li. 10 Pis Las Tos thiaj hais rau Yes Xus tias : "Koj tsis hais lus rau kuv. Koj puas paub hais tias kuv muaj hwj huam tso tau koj mus, thiab muaj hwj huam muab koj dai saum ntoo cuam ?" 11 Yes Xus teb hais tias : "Yog koj tsis tau txais hwj huam saum ntuj los, mas koj yuav ua tsis tau dab tsi rau kuv. Vim li ntawd, tus muab kuv rau koj, nws muaj ib qho txhaum loj dua." 12 Txij ntawd los, Pis Las Tos nrhiav kev tso Yes Xus. Tab sis cov Yus Das nthe nthe hais tias : "Yog koj tso tus neeg ntawd mus, mas koj tsis yog Xes Ntxas phooj ywg. Leej twg tsa nws ua vaj, mas nws sawv tiv Xes Ntxas." 13 Thaum Pis Las Tos hnov cov lus no, nws kom lawv coj Yes Xus tawm mus sab nraud. Ces Pis Las Tos mus zaum saum lub theej kiab txiav txim, ntawm qhov chaw hu ua Tshav Txiag Zeb, lus Hes Nplaws hais tias Nkas Npas Thas. 14 Hnub ntawd, yog Hnub Npaj ua lub Ntees Hla. Thaum ntawd kwv yees ze kaum ob teev tav su. Pis Las Tos hais rau cov Yus Das tias : "Nej ntsia nej tus vaj." 15 Cov Yus Das nthe nrov nrov tias : "Muab tua ! Muab tua ! Muab dai saum ntoo cuam !" Pis Las Tos hais rau lawv tias : "Kuv yuav muab nej tus vaj dai saum ntoo cuam lod ?" Cov thawj leej choj teb hais tias : "Peb tsuas muaj Xes Ntxas ua peb tus vaj xwb." 16 Ces Pis Las Tos muab Yes Xus rau lawv, kom lawv coj nws mus dai saum ntoo cuam.

Lawv muab Yes Xus dai saum ntoo cuam.
22. Lawv thiaj li coj Yes Xus mus. 17 Yes Xus kwv nws tus ntoo cuam. Nws tawm mus txog qhov chaw hu ua "Khauj Khaum Taub Hau", uas lus Hes Nplaws hu ua "Nkos Nkos Thas." 18 Lawv muab nws dai rau saum ntoo cuam nyob ntawd. Lawv muab ob tug neeg dai saum ntoo cuam xws li nws thiab, ib tug nyob ib sab, Yes Xus nyob nruab nrab. 19 Pis Las Tos sau ntawv rau saum ib daim txiag ; nws kom muab tso saum tus ntoo cuam. Cov npe ntawv saum daim txiag sau hais tias : Yes Xus Nas Xas Les, cov Yus Das tus vaj. 20 Coob leej Yus Das nyeem cov lus saum daim txiag, vim qhov chaw uas lawv muab Yes Xus dai saum ntoo cuam nyob ze lub nroog, thiab lawv sau ua lus Hes Nplaws, lus Las Tis Nas, thiab lus Hes Las. 21 Cov thawj leej choj Yus Das hais rau Pis Las Tos tias : "Koj tsis txhob sau tias : Cov Yus Das tus vaj, yuav tsum sau tias "Tus ntawd hais tias : Kuv yog cov Yus Das tus vaj." 22 Pis Las Tos teb hais tias : "Qhov kuv sau, mas twb sau tas lawm."

Lawv sib faib Yes Xus cov ris tsho.
23 Thaum cov tub rog muab Yes Xus dai saum ntoo cuam tas, lawv muab Yes Xus cov ris tsho faib ua plaub tsw, ib tsw rau ib tug tub rog. Lawv muab lub tsho ntev faib, tab sis lub tsho ntev tsis muaj leej leeg, yog tsho ntos ua ib daig xwb mus rau nram taw. 24 Cov tub rog sib tham tias : "Peb txhob muab lub tsho ntev dua, peb twv saib leej twg yuav tau lub tsho ntawd." Ua li mas tshwm sim raws li Ntawv sau cia tias : Lawv sib faib kuv cov khaub ncaws, lawv twv saib leej twg yuav tau kuv cov ris tsho.
Cov tub rog tau ua li ntawd.

Yes Xus thiab nws niam.
25 Yes Xus niam thiab nws niam tus niam hluas, nrog Mab Liab uas yog Khos Pas poj niam, thiab Mab Liab Mas Ntas Las, lawv sawv ze tus ntoo cuam. 26 Yes Xus pom nws niam, thiab pom tus thwj tim uas nws nyiam sawv ze nws niam, ces nws hais rau nws niam tias : "Niad, tus ntawd yog koj tus tub." 27 Thiab Yes Xus hais rau tus thwj tim tias : "Tus ntawd yog koj niam." Txij lub sij hawm ntawd los, tus thwj tim coj Mab Liab mus nyob hauv nws tsev.

Yes Xus txoj sia tu.
28 Ua li ntawd tas, nws paub tias zaum no ib puas tsav yam tiav tas lawm, nws hais tias : "Kuv nqhis dej", kom xwv muaj raws li Ntawv sau tseg. 29 Muaj ib hub kua qaub puv nkaus nyob ntawd. Lawv muab ib thooj rwb tub kua qaub chob rau ib tug ntsis pas nroj his xaus cev mus rau Yes Xus qhov ncauj. 30 Thaum Yes Xus haus qhov kua qaub tas, nws hais tias : "Ib puas tsav yam tiav tas lawm." Ces Yes Xus nyo taub hau, nws tso nws tus ntsuj plig tawm mus.

Lawv nkaug Yes Xus hauv siab.
31 Hnub ntawd yog Hnub Npaj, mas cov Yus Das tsis xav cia cov tuag lub cev dai saum ntoo cuam hnub Xas Npas Tos, vim tias hnub Xas Npas Tos ntawd yog ib lub hnub nyoog loj. Cov Yus Das thov Pis Las Tos kom muab cov neeg dai saum ntoo cuam ob sab ceg lov thiab muab lawv lub cev txo nqes los. 32 Cov tub rog thiaj tuaj muab thawj tug ob sab ceg lov, thiab muab lwm tus uas nrog nws dai saum ntoo cuam ob sab ceg lov. 33 Thaum lawv los txog ntawm Yes Xus, lawv pom nws twb tuag lawm, lawv tsis muab nws ob sab ceg lov, 34 tab sis ib tug tub rog xuas nws rab hmuv hno Yes Xus phab tav, tam sis ntawd ib co ntshav thiab ib co dej tawm los. 35 Tus uas tau pom qhov ntawd ua pov thawj hais. Nws ua tim khawv hais qhov tseeb, nws paub tias qhov nws hais muaj tiag. Nws hais tej ntawd kom nej ntseeg. 36 Tej xwm no tshwm sim kom muaj raws li Ntawv sau cia tias : Nws cov pob txha tsis lov ib tug li. 37 Tseem muaj lwm lo lus hauv Ntawv hais tias : Lawv yuav ntsia tus uas lawv nkaug.

Lawv muab Yes Xus lub cev zwm ntxa.
38 Thaum tej xwm ntawd tshwm tuaj tas, Yos Xes nyob As Lis Mas Tias tuaj thov Pis Las Tos kom kheev nws txo Yes Xus lub cev. Pis Las Tos tso lus rau Yos Xes. Ces Yos Xes mus txo Yes Xus lub cev. Yos Xes yog Yes Xus ib tug thwj tim, tab sis nws tsis pub luag tej paub vim nws ntshai cov Yus Das. 39 Nis Kos Des Mos kuj tuaj thiab. Nis Kos Des Mos yog tus uas thaum chiv thawj, nws tuaj cuag Yes Xus hmo ntuj. Nws nqa ib cov tshuaj qhwv tuag tuaj : yog txab txiv yoov xyaw txab xyab phij, kwv yees hnyav li ib puas choj. 40 Lawv txo Yes Xus lub cev los, lawv xuas tej pluaj hlab ntaub pleev tshuaj tsw qab los qhwv nws lub cev, raws li cov Yus Das kev cai tu zam. 41 Nyob ntawm thaj chaw uas luag muab Yes Xus dai saum ntoo cuam, muaj ib lub vaj. Nyob hauv lub vaj ntawd muaj ib lub ntxa tshiab uas tseem tsis tau tso ib tug tuag rau hauv li. 42 Vim tias hnub ntawd yog cov Yus Das Hnub Npaj, thiab lub ntxa ntawd nyob ze, ces lawv muab Yes Xus zwm rau hauv lub ntxa ntawd.

**NrhiavTswvNtuj** 8th April 2020, 11:11 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°24

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 8th April 2020, 11:11 am

COV ZAJ NYEEM HMO TIM 12/04/2020
Hnub 7 Ntshiab, Hmo ua Hmoov Hla
Xyoo A.

1/ Hauv Paus 1, 1 – 2, 2 ;
Thawj zag piav txog Tswv Ntuj tsim ntuj tsim teb

1 Thaum chiv lub keeb, Tswv Ntuj
tsim lub ntuj thiab lub ntiaj teb,
2 mas lub ntiaj teb tseem tsis tau tsheej
ntiaj teb thiab tsis muaj dab tsi nyob hauv
li. Qhov tsaus ntuj nti npog lub qhov ntuj
dub nciab. Tswv Ntuj nthwv cua kiv
nplawm ntws saum nplaim dej.
3 Tswv Ntuj hais tias :
"Kom muaj qhov pom kev." Ces txawm
muaj qhov pom kev tuaj.
4 Tswv Ntuj pom tias qhov pom kev
ntawd zoo. Tswv Ntuj cais qhov pom kev
ntawm qhov tsaus ntuj. 5 Tswv Ntuj hu
qhov pom kev ua "nruab hnub" thiab hu
qhov tsaus ntuj ua "hmo ntuj." Txawm
muaj tsaus ntuj thiab muaj kaj ntug : yog
thawj hnub. 6 Tswv Ntuj hais tias :
"Kom muaj ib lub ntuj ntsuab nyob hauv
nruab nrab cov dej thiab kom nws quas
cov dej ntawm cov dej". Ces txawm muaj li ntawd tuaj.
7 Tswv Ntuj ua lub ntuj ntsuab los quas
cov dej nyob hauv qab ntuj ntsuab ntawm
cov dej nyob saum qaum ntuj ntsuab.
8 Tswv Ntuj hu lub ntuj ntsuab ua "ntuj."
Txawm muaj tsaus ntuj thiab muaj kaj ntug : yog hnub ob.
9 Tswv Ntuj hais tias :
"Kom cov dej uas nyob hauv qab lub ntuj
ntsuab sib sau los ua ib pawg xwb, thiab
kom av qhuav tshwm los." Ces txawm
muaj li ntawd tuaj.
10 Tswv Ntuj hu cov av qhuav ua "ntiaj
teb" thiab hu cov dej ua "hiav txwv."
Tswv Ntuj pom tias qhov ntawd zoo.
11 Tswv Ntuj hais tias :
"Kom lub ntiaj teb tuaj nroj tsuag ntsuab
xiab : kom muaj nroj tsuag txawj muaj
noob, thiab kom muaj ntoo txi txiv nyias
txi nyias hom txiv, nyias muaj nyias hom
noob." Ces txawm muaj li ntawd tuaj.
12 Ntiaj teb tuaj nroj tsuag ntsuab xiab :
tej nroj tsuag nyias txawj txi nyias hom
noob thiab tej ntoo nyias txawj txi nyias
hom txiv, nyias muaj nyias hom noob.
Tswv Ntuj pom hais tias qhov ntawd zoo.
13 Txawm muaj tsaus ntuj thiab muaj kaj
ntug : yog hnub peb.
14 Tswv Ntuj hais tias :
"Kom muaj tej lub ci ci nyob saum lub
ntuj ntsuab saud, cais nruab hnub thiab
hmo ntuj, thiab cia ua tej lub cim xam
hnub xam nyoog thiab suav hnub suav
xyoo, 15 kom tej lub ci ci nyob saum lub
ntuj ntsuab ua kom ntiaj teb pom kev."
Ces txawm muaj li ntawd tuaj. 16 Tswv
Ntuj ua ob lub ci ci loj dua cov, lub ci ci
loj yog lub kav nruab hnub, lub ci ci me
yog lub kav hmo ntuj, thiab cov hnub qub.
17 Tswv Ntuj muab lawv txawb rau saum
lub ntuj ntsuab saud kom ntiaj teb pom
kev, 18 cia kav nruab hnub thiab hmo
ntuj, thiab cia cais qhov pom kev ntawm
qhov tsaus ntuj. Tswv Ntuj pom tias qhov
ntawd zoo. 19 Txawm muaj tsaus ntuj
thiab muaj kaj ntug : yog hnub plaub.
20 Tswv Ntuj hais tias :
"Kom muaj tej tsiaj muaj sia npau xi nyob
hauv cov dej, thiab kom muaj noog ya
saum npoo ntiaj teb, saum ib nta ntuj
ntsuab." Ces txawm muaj li ntawd tuaj.
21 Tswv Ntuj tsim cov nab hiav txwv loj
loj thiab tas puas tsav yam tsiaj muaj sia
uas txawj ntab hauv dej, coob coob npau
xi nyias muaj raws nyias hom, thiab tsim
cov noog muaj tis, nyias muaj raws nyias
hom. Tswv Ntuj pom tias qhov ntawd
zoo. 22 Tswv Ntuj foom lus zoo rau awv tias :
"Nej yeej meem tsim noob, yeej meem
huam vam mus nyob puv cov dej hauv
hiav txwv, kom cov noog yeej meem
huam vam mus puv ntiaj teb."
23 Txawm muaj tsaus ntuj thiab muaj kaj ntug : yog hnub tsib.
24 Tswv Ntuj hais tias :
"Kom lub ntiaj teb txawj muaj tej yam
tsiaj muaj sia, nyias muaj raws nyias hom
: tsiaj nyeg, kab ntsaum, tsiaj qus, nyias
muaj raws nyias hom." Ces txawm muaj li ntawd tuaj.
25 Tswv Ntuj ua tej tsiaj qus kom nyias
muaj nyias hom, tej tsiaj nyeg kom nyias
muaj nyias hom, thiab tas txhua yam kab
ntsaum kom nyias muaj nyias hom. Tswv
Ntuj pom tias qhov ntawd zoo.
26 Tswv Ntuj hais tias :
"Peb yuav ua tib neeg raws li peb tus
duab, kom zoo li peb me ntsis. Kom lawv
ua tswv kav cov ntses nyob hauv hiav
txwv, cov noog ya saum ntuj, cov tsiaj
nyeg, tas txhua yam tsiaj qus thiab txhua
yam kab ntsaum nkag hauv av.
27 Ces Tswv Ntuj tsim tib neeg raws li
nws tus duab. Yog raws li Tswv Ntuj tus
duab, mas nws thiaj tau tsim tib neeg.
Nws tsim nkawd ua txiv neej thiab ua poj
niam. 28 Tswv Ntuj foom lus zoo rau
nkawd thiab hais rau nkawd tias :
"Neb yeej meem tsim noob, yeej meem
huam vam mus puv ntiaj teb thiab tswj
ntiaj teb. Neb kav cov ntses nyob hauv
hiav txwv, cov noog ya saum ntuj thiab
tas puas tsav yam tsiaj uas nkag hauv av."
29 Tswv Ntuj hais tias :
"Kuv muab tas puas tsav yam nroj tsuag
muaj noob uas tuaj nyob saum npoo av,
kuv muab tas puas tsav yam ntoo txi txiv
thiab muaj noob rau neb : tej ntawd yuav
yog neb tej txhiam laj txhiam xws.
30 Kuv muab tas txhua yam nroj ntsuab
rau cov tsiaj qus, cov noog ya saum ntuj,
tas txhua yam nkag hauv av thiab ciaj sia,
kuv muab rau lawv ua txhiam xws noj."
Ces txawm muaj li ntawd tuaj.
31 Tswv Ntuj ntsia tas txhua yam nws
tau ua : txhua yam ntawd zoo kawg.
Txawm muaj tsaus ntuj thiab muaj kaj
ntug : yog hnub rau.

2,1-2.
1 Lub ntuj thiab lub ntiaj teb yog
tsim los zoo li no, thiab tas txhua
yam nyob rau hauv. 2 Tswv Ntuj ua nws
txoj num tiav tas rau hnub xya. Ces hnub
xya nws thiaj so, vim nws ua nws txoj num tiav tas.

ZNQ: 103 (104) 1-2a. 5-6.10-12.13-14a.24-35c.

2/Hauv Paus 22,1-18.
Has Nplas Has txi Ntuj.

1 Thaum tej xwm no dhau tas
lawm, Tswv Ntuj sim Has Nplas
Has siab. Nws hu tias :
"Has Nplas Has ! Has Nplas Has !"
Has Nplas Has teb tias :
"Kuv nyob ntawm no !"
2 Tswv Ntuj hais tias :
"Coj koj leej tub twm zeej His Xas Has
uas koj hlub kawg, koj coj nws mus kom
txog lub teb chaws Mos Lis Yas. Nyob
ntawd koj yuav muab nws txi rau kuv
saum ib lub roob uas kuv yuav qhia rau koj."
3 Tag kis, Has Nplas Has sawv ntxov,
nws nog nra rau nws tus luj, nws coj ob
tug tub txib thiab nws tus tub His Xas
Has nrog nws mus. Nws phua ib co taws
npaj mus ua thaj txi ntuj, ces nws sawv
kev mus rau thaj chaw uas Tswv Ntuj qhia rau nws.
4 Hnub peb, Has Nplas Has tsa muag
ntsia pom thaj chaw ntawd tseem nyob deb.
5 Has Nplas Has hais rau nws ob tug tub txib tias :
"Neb nrog tus luj nyob ntawm no. Kuv
tus me nyuam wb mus kom txog tid, wb
yuav hawm Ntuj, wb mam rov los ntawm neb."
6 Has Nplas Has muab cov taws txi Ntuj
nog rau nws tus tub His Xas Has ris, hos
nws nqa cov hluav taws thiab rab riam,
ces nkawd ob leeg ua ke mus.
7 His Xas Has nug nws txiv Has Nplas Has tias : "Kuv txiv !"
Has Nplas Has teb tias :
"Me tub, koj hais dab tsi !"
His Xas Has hais ntxiv tias :
"Ua cas pom hluav taws thiab cov taws
xwb, ua li tus yaj yuav coj los hlawv txi
Ntuj nyob qhov twg ?"
8 Has Nplas Has teb tias :
"Me tub, Tswv Ntuj mam li muab tus yaj
uas yuav txi Ntuj rau wb."
Ces nkawd ob leeg taug kev mus ntxiv.
9 Thaum nkawd tuaj txog thaj chaw uas
Tswv Ntuj tau qhia nws, Has Nplas Has
tsa ib lub thaj rau ntawd thiab nws muab
cov taws mus teeb rau saud. Nws muab
nws tus tub His Xas Has pav, ces nws
muab tso rau saum cov taws saum lub thaj
txi Ntuj. 10 Has Nplas Has tsa tes mus
nthos rab riam yuav coj los tua nws tus
tub. 11 Tiam sis HUAB TAIS tus Tshiab
hu saum ntuj tuaj rau nws tias :
"Has Nplas Has ! Has Nplas Has !"
Has Nplas Has teb tias :
"Kuv nyob ntawm no !"
12 Tus Tshiab hais tias :
"Txhob tsa koj txhais tes rau saum tus me
nyuad ! Txhob ua dab tsi phem rau nws !
Zaum no kuv paub hais tias koj hwm
Tswv Ntuj tiag, vim koj tsis yig, koj
tseem muab koj leej tub twm zeej los txi rau kuv."
13 Has Nplas Has tsa muag ntsia pom ib
tug laug tshis uas ob tug kub daig hauv ib
koog pos. Ces nws mus muab tus laug
tshis los hlawv txi Ntuj hloov nws tus tub
chaw. 14 Has Nplas Has tis npe rau thaj
chaw ntawd hu ua "HUAB TAIS yuav
pub.” Ces zaum no thiaj muaj lo lus hais
kam tias "Saum lub roob HUAB TAIS yuav pub."
15 HUAB TAIS tus Tshiab rov hu zaum
ob saum ntuj tuaj rau Has Nplas Has, 16 nws hais tias :
"HUAB TAIS hais tias : Kuv tuav txog
kuv lub npe cog lus rau koj tias : vim koj
tau ua li ntawd, koj tsis yig, koj tuaj yeem
muab koj leej tub twm zeem los txi rau
kuv, 17 mas kuv yuav foom hmoov zoo
ntau rau koj, kuv yuav ua kom koj tsoom
xeeb zeej xeeb ntxwv coob npaum cov
hnub qub saum ntuj thiab ntau npaum cov
xuab zeb uas nyob ntawm ntug hiav txwv.
Koj tsoom xeeb zeej xeeb ntxwv yuav ua
tswv kav lawv cov yeeb ncuab tej qhov
rooj loog. 18 Tas txhua haiv neeg nyob
ntiaj teb yuav tuav txog koj tsoom xeeb
ntxwv lub npe los sib foom hmoov zoo,
vim koj tau mloog kuv lus."

ZNQ: 15(13), 5.8.9-10.11

3/ Kev Tsiv 14, 15-31-15, 1a.
Cov His Xas Lais hla Dej Ntuj Liab.

15 HUAB TAIS hais rau Mais Xes tias :
"Vim li cas koj thiaj hu kuv cuag li
ntawd ? Koj hais rau cov His Xas Lais
kom lawv rov sawv kev mus ntxiv.
16 Koj yuav tsa koj rab pas thiab xyab koj
txhais tes rau saum dej ntuj, koj yuav faib
dej ua ob sab, kom cov His Xas Lais tau
taug kev qhuav qhawv hauv qab thu dej
mus. 17 Kuv yuav ua kom cov Hais
Nkws Tos lub siab tawv qhawv tuaj, lawv
yuav caum cov His Xas Lais qab hla hauv
qab thu dej mus thiab, ces kuv yuav siv
Fas Las Oos thiab nws cov tub rog, nws
cov tsheb rog thiab cov tsav tsheb los ua
kom kuv nto koob meej. 18 Thaum kuv
siv Fas Las Oos thiab nws cov tsheb rog
thiab cov tsav tsheb ua kom kuv nto koob
meej lawd, cov Hais Nkws Tos mam
yuav paub tias kuv yog HUAB TAIS tiag."
19 Tswv Ntuj tus Tshiab uas mus ua
tsoom His Xas Lais ntej, hloov chaw mus
thaiv tom lawv qab : ces tus ncej huab
nyob ntawm lawv hauv ntej txav chaw
mus nyob tom lawv qub qab. 20 Nws
mus nyob nruab nrab kem tog Hais Nkws
Tos ntawm tog His Xas Lais. Twv huab
dub nciab tsaus nti ib hmos thaiv lawv,
ces hmo ntawd ib hmos, ib tog txav tsis ti
ib tog li. 21 Mais Xes tsa tes rau saum
dej ntuj, ces HUAB TAIS ua cua hlob
hlob ntsawj toob fab tuaj thawb cov dej ib
hmos, qab thu dej tawm qhuav qhawv los,
hos dej faib ua nyob ob sab. 22 Cov His
Xas Lais nkag hauv hiav txwv, lawv tsuj
av qhuav qhawv mus, nyob ntawm lawv
sab xis thiab sab laug muaj ob lub phab
ntsa dej. 23 Cov Hais Nkws Tos caum
lawv qab : Fas Las Oos cov nees, cov
tsheb rog thiab cov tsav tsheb nkag mus
hauv dej ntuj caum cov cov His Xas Lais.
24 Thaum yuav kaj ntug, HUAB TAIS
nyob saum tus ncej huab hluav taws, ntsia
pom cov Hais Nkws Tos. Nws ua kom
cov Hais Nkws Tos tau ntshai kawg.
25 Nws ua kom lawv cov log tsheb daig
thiab ntog qeeb qeeb. Cov Hais Nkws Tos hais tias :
"Peb khiav mus deb ntawm cov His Xas
Lais vim HUAB TAIS pab lawv tawm
tsam ntaus cov Hais Nkws Tos !"
26 HUAB TAIS hais rau Mais Xes tias :
"Koj tsa tes rau saum dej ntuj, kom dej
ntws rov los nyab cov Hais Nkws Tos
thiab lawv cov tsheb rog thiab cov tsav tsheb tib si."
27 Mais Xes tsa tes rau saum dej ntuj,
ces thaum pib kaj ntug, dej ntws rov los
nyob qhov qub chaw. Cov Hais Nkws
Tos tig khiav rov qab, tiam sis dej nphau
nphwv los npog lawv, HUAB TAIS ua
kom lawv ntxeev zom zaws rau hauv dej
ntuj. 28 Cov dej nphau rov los nyob
qhov qub, los npog cov tsheb thiab cov
tsav tsheb Hais Nkws Tos uas tau nkag
mus hauv qab thu dej caum cov His Xas
Lais, tsis dim ib tug li. 29 Hos cov His
Xas Lais tau taug kev qhuav nyob hauv
plawv dej ntuj, cov dej ua ob sab phab
ntsa nyob ntawm lawv sab xis thiab sab
laug. 30 Hnub ntawd, HUAB TAIS
cawm cov His Xas Lais dim ntawm cov
Hais Nkws Tos txhais tes. Cov His Xas
Lais pom cov Hais Nkws Tos tuag pawg
lug ntawm ntug dej ntuj. 31 Cov His Xas
Lais pom HUAB TAIS lub peev xwm uas
nws siv los tiv yeej cov Hais Nkws Tos.
Tsoom pej xeem sawv daws hwm HUAB
TAIS. Lawv tso siab rau HUAB TAIS
thiab rau nws tus tub txib Mais Xes.
1 Ces Mais Xes thiab tsoom tub
ki His Xas Lais hu nkauj cav txog HUAB TAIS.

cantique ex.15,1b.2.3-4.5-6.17-18.

4/ His Xais 54, 5-14.

5 Vim koj tus txiv yog tus tsim koj. Nws
lub npe yog tus HUAB TAIS Nyob Siab.
Tus txhiv koj yog His Xas Lais tus
Ntshiab, nws hu ua Tswv Ntuj kav lub ntiaj teb.
6 Muaj tseeb ! Koj tus plig nyob hauv
txoj kev lwj siab, xws li tus poj niam uas
luag tso pov tseg. HUAB TAIS rov hu
koj. Tus Tswv Ntuj hais tias :
"Tus poj niam uas yus yuav thaum hluas,
yus puas yuav ntiab tau nws ? 7 Kuv tso
koj tseg ib nyuag me ntsis, tab sis kuv lub
siab hlub koj heev, kuv rov sau koj.
8 Kuv tau npau taws heev rau koj, kuv
thiaj nraim kuv lub ntsej muag ib nyuag
chim, tab sis kuv lub siab npuab koj mus
tas ib txhis, kuv khuv leej koj. Tus
HUAB TAIS txhiv koj, hais li ntawd.
9 Thaum Nos Hes tseem nyob, kuv cog
lus tias dej yuav tsis nyab ntiaj teb ntxiv.
Nyem no, kuv rov cog lus zoo li ntawd,
kuv yuav tsis npau taws rau koj, Yes Lus
Xas Les kuv yuav tsis tso hem thawj rau koj.
10 Cov roob txawj txav mus, cov hauv
toj txawj vau, tab sis kuv lub siab npuab
koj yuav tsis nrug deb koj, kuv kev cog
lus nyob thaj yeeb yuav tsis ntshaus. Tus
HUAB TAIS khuv leej koj hais li ntawd."
11 Yes Lus Xas Les, koj tau raug kev
txom nyem loj kawg ! Cov cua daj cua
dub tuaj nplawm koj. Tsis muaj leej twg
nplij koj. Koj ntsia saib ! Kuv yuav
muab pob zeb ci ua ntsa zeb xov koj,
yuav muab pob zeb xia los ua taw ntsa,
yuav muab pob zeb dawb ua cov qhov rooj.
12 Kuv yuav muab nyiaj muab kub los
ua ib lub yeej xov koj. Kuv yuav muab
tsom iav los ua koj cov rooj loog. 13 Koj
cov tub sawv daws ua HUAB TAIS thwj
tim. Koj cov tub yuav nyob hauv txoj
kev thaj yeeb loj. 14 Kev ncaj yuav ua
kom koj nyob khov kho. Koj yuav nyob
deb ntawm txoj kev raug luag quab yuam.
Koj yuav tsis muaj kev txhawj xeeb ntxiv.
Kev txhawj ntshai yuav tsis txav los ze ntawm koj.

ZNQ: 29(30) 3-4.5-6ab.6cd.12.13.

5/ His Xais 55,1-11
1 Nej sawv daws uas nej nqhis
dej, nej tuaj cuag lub qhov dej.
Nej cov uas tsis muaj nyiaj txiag, nej tuaj
mas ! Nej muas nplej los ua ncuav mov !
Nej noj, tsis tas yuav them nyiaj. Nej
muas cawv txiv ntoo muas mis nyuj, tsis
tas yuav them dab tsi.
2 Ua cas nej yuav siv nyiaj los muas tej
yam tsis yog mov noj ? Ua cas nej siv
cov nyiaj nqe zog los muas tej yam tsis ua
kom nej tsau plab ? Nej mloog kuv mas !
Ces nej yuav tau noj tej yam qab, nej
yuav tau tej yam txhiam xws qab xis nej
lub ncauj. 3a Nej tig ntsej los mloog kuv
mog ! Nej mloog kuv, ces nej tus plig
yuav muaj txoj sia nyob.
3b Kuv yuav nrog nej cog ib lo lus nyob
mus ib txhiab ib txhis, raws li cov txiaj
ntsim kuv hais ruaj tias kuv yuav muab rau Das Vis.
4 Yam li kuv tau tsa Das Vis los ua ib
tug tim khawv rau cov haiv neeg, ua ib
tug ntaus thawj qhia cov haiv neeg.
5 Yog zoo li no, Yes Lus Xas Les, koj
yuav hu ib lub kuj cuab uas koj tseem tsis
tau paub, ces lub kuj cuab ntawd yuav
khiav tuaj cuag koj, yog vim HUAB
TAIS koj tus Tswv Ntuj, yog vim His
Xas Lais tus Ntshiab, nws ua kom koj nto koob meej.

6 Nej nrhiav HUAB TAIS mog ! Nyem
no yog lub caij zoo ntsib nws. Nws nyob
ze lawm, nej hu txog nws mog !
7 Tus siab phem, nws yuav tso nws txoj
kev phem tseg. Tus siab nkhaus tso nws
lub tswv yim lim hiam tseg. Nws yuav
tig los cuag HUAB TAIS. HUAB TAIS
yuav khuv leej nws. Nws cia li los cuag
Tswv Ntuj, vim Tswv Ntuj lub siab zam dav.
8 Nej zaj tswv yim tsis zoo li kuv zaj.
Nej txoj kev tsis zoo li kuv txoj kev. Yog
HUAB TAIS lus ceeb toom.
9 Lub ntuj nyob siab dua lub ntiaj teb,
kuv txoj kev nyob siab dua nej txoj kev
npaum li ntawd. Thiab kuv zaj tswv yim
nyob siab dua nej zaj tswv yim.
10 Cov nag, cov daus uas poob saum ntuj
los, yog lawv tsis tau pub dej rau ntiaj teb
haus, mas lawv tsis rov mus saum ntuj.
Cov nag thiab cov daus ua kom cov noob
lwj thiab nthaw kaus, ua kom lub ntiaj teb
txi txiv rau tus tseb, pub mov rau neeg
noj, ces cov nag mam rov mus lawm saum ntuj.
11 Cov lus tawm ntawm kuv lub ncauj
los kuj zoo li ntawd thiab. Nws tsis tau
ua hauj lwm, mas nws tsis rov los cuag
kuv. Kuv lo lus tsis tau leg qhov kuv xav,
mas nws tsis rov los cuag kuv. Kuv lo lus
tsis tau ua tiav qhov kuv xa nws mus ua,
mas nws tsis rov los cuag kuv."

Cantique: IS.12,2,4bcd.5-6.

6/ Npas Lws 3, 9-15.32 – 4, 4
(Tshuav ib txhia tsis tau txhais ces kuv tso qhov uas muaj xwb)
32 Tab sis tus paub tas ib puas tsav yam
nws kuj paub kev thoob tsib. Nws lub
tswv yim to taub kev thoob tsib. Nws yog
tus tu lub ntiaj teb thiab muab tej tsiaj los nyob kom puv.
33 Nws yog tus xa qhov pom kev tuaj.
Thaum nws hu qhov pom kev rov los,
mas qhov pom kev ntshai tshee na mloog nws lus rov los.
34 Cov hnub qub ci luag nyav thaum hmo ntuj.
35 Nws hu cov hnub qub, ces lawv teb
tias : "Peb nyob ntawm no !"
Lawv ci luag nyav rau tus tsim lawv.
36 Peb tus Huab Tais yog tus ntawd.
Tsis muaj lwm tus uas peb yuav muab los piv rau nws tau.
37 Huab Tais tau tsom pom thoob plaws
txoj kev paub txuj paub ci. Nws tau qhia
kev paub txuj rau nws tus tub txib Yas
Kos, rau tus tub zoo nyiam His Xas Lais paub.
38 Txoj kev paub txuj paub ci uas li
ntawd tas, mas nws tawm tuaj rau yaj
ceeb pom, nws nrog tib neeg nyob."

ZNQ: 18 (19) 8,9,10,11.

7/ Es Xes Kia 36, 16-17a.18-28

16 Kuv txais HUAB TAIS ib lo
lus li no : 17 Neeg leej tub,
thaud, tsoom His Xas Lais nyob txawm
hauv lawv teb chaws.
18 Kuv thiaj tau tso kuv lub siab npau
rau lawv, vim lawv ua luag roj ntsha ntws
nyob hauv lawv teb chaws, lawv muab tej
tus mlom dab los ua kom lawv teb chaws sw.
19 Kuv ua kom cov His Xas Lais sib
ncaim mus nyob hauv nruab nrab cov kuj
cuab. Kuv muab lawv w mus rau pej
kum teb. Kuv tau txiav txim rau lawv
raws lawv tus yam ntxwv thiab lawv tes dej num.
20 Lawv tuaj nyob pej kum teb, lawv
tseem ua puas kuv lub npe ntshiab. Lawv
ua kom pej kum haiv neeg hais tias : Yog
HUAB TAIS haiv neeg, lawv tawm hauv
nws lub teb chaws tuaj nyob qhov no."
21 Tab sis kuv txuag kuv lub npe
ntshiab, uas His Xas Lais ua kom puas
rau hauv cov kuj cuab ua lawv tuaj nyob.
22 Koj mus hais rau tsoom His Xas Lais tias :
"Huab Tais Tswv Ntuj hais li no : His
Xas Lais tsev neeg, tsis yog vim nej ces
kuv thiaj ua zoo li no, yog vim kuv lub
npe ntshiab uas nej tau ua puas nyob hauv
cov kuj cuab uas nej tuaj nyob. 23 Kuv
yuav ua kom kuv lub npe loj ntshiab tuaj,
vim nej tau ua kom kuv lub npe puas
nyob hauv cov kuj cuab nej tuaj nyob.
Cov kuj cuab thiaj yuav paub tias kuv yog
HUAB TAIS. HUAB TAIS Tswv Ntuj
hais zoo li ntawd. Kuv yuav ua kom kuv
lub siab ntshiab ci tuaj rau lawv qhov
muag pom. 24 Thaum ntawd kuv yuav
thau nej hauv cov kuj cuab los, kuv yuav
sau nej ntawm pej kum teb los nyob ua
ke, kuv yuav coj nej rov los nyob hauv
nej thaj av. 25 Kuv yuav hliv dej ntshiab
ntws tuaj saum nej, ces nej yuav huv tuaj.
Kuv yuav so nej tej yam sw thiab nej tej
mlom dab pov tseg kom nej huv tuaj.
26 Kuv yuav pub ib lub siab tshiab rau
nej, kuv yuav dawj nej lub siab tawv li
zeb, kuv yuav cog ib lub siab muag li
nqaij nyob hauv nej lub cev.
27 Kuv yuav muab kuv lub tswv yim rau
hauv nej. Kuv yuav ua kom nej mus raws
kuv tej lij choj, thiab kom nej coj kuv tej
kev cai. 28 Nej yuav tau nyob hauv lub
teb chaws uas kuv muab rau nej phaj txiv
thiab phaj yawg. Nej yuav yog kuv haiv
neeg. Kuv yuav yog nej tus Tswv Ntuj."

ZNQ: 41 (42) 3.5efgh; 42(43),3,4.

8/ Los Mas 6, 3-11
3 Peb cov uas tau txais lub Cim
Ntxuav nyob hauv Yes Xus Pleev, mas
yog peb txais lub Cim Ntxuav nyob hauv
Yes Xus txoj kev tuag. 4 Thaum peb
txais lub Cim Ntxuav peb nrog Yes Xus
tuag, peb nrog nws mus hauv nws lub ntxa.
5 Ua li mas peb yuav coj ib lub neej
tshiab xws li Leej Pleev sawv hauv yeeb
ceeb rov los, vim Leej Txiv lub hwj huam
tau tsa nws. 6 Peb nrog Leej Pleev
koom. Peb nrog Leej Pleev tuag, peb
thiaj yuav nrog nws sawv rov los. Peb
paub tseeb tias peb muab peb tus qub
neeg nrog Yes Xus ntsia saum ntoo cuam,
vim peb xav muab peb lub cev xib rau
kev txhaum tua. Mas peb thiaj tsis ua
kev txhaum cov qhev ntxiv. 7 Vim tias
tus neeg tuag, tsis zwm rau txoj kev txhaum ntxiv.
8 Tab sis, yog peb nrog Leej Pleev tuag
mas peb ntseeg tias peb yuav nrog nws
muaj txoj sia. 9 Peb paub tias Leej Pleev
sawv hauv qhov tuag los lawm, nws yuav
tsis rov tuag dua, txoj kev tuag tsis muaj
cuab kav tuaj raug nws ib zaug ntxiv.
10 Nws tuag ib zaug kom txoj kev
txhaum tuag. Nyem no, nws ciaj rov los
nws npuab Tswv Ntuj mus li.
11 Nej, mas nej kuj zoo li ntawd thiab :
nej yuav saib tias nej tus neeg txhaum
tuag lawm, tshuav nej tus neeg tshiab
npuab Tswv Ntuj uas muaj txoj sia nyob
hauv Huab Tais Yes Xus Pleev mus li.

ZNQ: 117 (118) 1.2,16-17.12-13.

Mas Tais 28,1-10
Lub ntxa khoob. Ntuj Tus Tshiab xa xov.

1 Dhau hnub Xas Npas Tos
lawm, yog thawj hnub hauv lub lis
piam, thaum sawv ntxov, Mab Liab Mas
Ntas Las thiab lwm tus Mab Liab nkawd
mus xyuas lub ntxa. 2 Ib sij huam, av
qeeg loj kawg : Huab Tais tus Tshiab nqes
saum ntuj los dov daim txiag zeb, nws
zaum saud. 3 Nws ib ce ci li xob laim,
nws cev tsoos tsho dawb li daus. 4 Cov
zov keeb pom, lawv ceeb, lawv ntshai
tshee na, zoo li lawv tuag lawm. 5 Tus
Tshiab hais rau ob tug poj niam tias :
"Neb txhob ntshai mog : kuv paub tias neb
nrhiav Yes Xus, tus tuag saum ntoo cuam.
6 Nws tsis nyob ntawm no lawm, nws
sawv rov los raws li nws tau hais. Neb los
xyuas qhov chaw lawv tso nws lub cev
saib mas ! 7 Neb maj zeeg mus hais rau
nws cov thwj tim tias : 'Nws sawv hauv
cov tuag los lawm, nws ua nej ntej mus
Nkas Lis Lais ; nej yuav pom nws nyob
ped.' Kuv hais li no rau neb xwb."
8 Ob tug poj niam tso plhuav lub ntxa
tseg. Nkawd ntshai thiab zoo siab tas
nrho. Nkawd khiav mus xa lub moo ntawd rau cov thwj tim.
9 Yes Xus tuaj tos ob tug poj niam kev, nws hais tias :
"Neb nyob kaj lug".
Ces nkawd txav los ze Yes Xus, nkawd
puag Yes Xus ko taw, nkawd pe nws.
10 Yes Xus hais rau nkawd tias :
"Neb txhob ntshai mog, neb mus qhia kuv
cov kwv tij kom lawv mus lawm Nkas Lis
Lais teb, lawv yuav pom kuv nyob ntawd."

**NrhiavTswvNtuj** 8th April 2020, 11:20 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°25

Re: Cov zaj nyeem Hnub Chiv Xyoo A. 2019-2020

Post NrhiavTswvNtuj 8th April 2020, 11:20 am

COV ZAJ NYEEM HNUB TIM 12/04/2020
Chiv Huab Tais sawv rov los

Zaj nyeel 1 Hauj Lwm 10,34a.37-43

34 Ces Pob Zeb pib hais tias :
"Nyem no, kuv paub tseeb tias Tswv Ntuj
tsis kws leej twg cai.
37 Nej twb tau hnov txog tej xwm uas
tshwm sim tuaj nyob hauv xeev Yus Das :
yam li thaum Zam tshaj tias sawv daws
yuav txais lub cim ntxuav, mas nej kuj
hnov hais txog Yes Xus nyob Nas Xas
Les. Nws pib qhia hauv xeev Nkas Lis
Lais. 38 Tswv Ntuj tau pleev nws. Tswv
Ntuj muab Leej Ntuj Plig Ntshiab thiab
muab hwj huam rau nws. Nws mus ncig
teb ncig chaw, nws ua zoo rau sawv daws.
Nws kho cov neeg poob hauv dab phem
tes kom lawv zoo. Vim Tswv Ntuj nrog nws nyob.
39 Peb ua tim khawv pom tas puas tsav
yam Yes Xus tau ua nyob hauv cov Yus
Das lub teb chaws thiab nyob Yes Lus
Xas Les. Cov Yus Das tau ua phem rau
nws : lawv muab nws dai saum ib tug
ncej kom nws tuag. 40 Tab sis, hnub tim
peb, Tswv Ntuj tsa nws sawv rov qab los
lawm thiab pub kom nws tawm los xyuas
cov tim khawv uas nws xub tau xaiv ua
ntej. 41 Tsis yog tas tsoom pej xeem tau
pom nws. Cov tau pom nws yog peb.
Thaum nws sawv hauv cov tub tuag rov
los, mas peb tau nrog nws noj thiab haus
ua ke. 42 Nws qhia peb kom peb tshaj
rau tsoom pej xeem thiab ua pov thawj
zeem tias nws yog tus uas Tswv Ntuj tsa
los txiav txim rau cov neeg ciaj thiab cov neeg tuag.
43 Tas cov yaj saub ua tim khawv txog
Yes Xus tias leej twg ntseeg txog nws,
mas leej twg cov txhaum yuav daws tas
nyob hauv nws lub npe."

ZNQ: 117 (118), 1.2,16-17.22-23.

Zaj nyeem 2 Kos Los Xais 3, 1-4
Peb npuab Yes Xus peb thiaj tau txoj sia tshiab.

1 Nej pom xeeb nrog Leej Pleev
sawv rov los lawm, mas nej nrhiav
tej yam nyob txheej saud, vim txheej saud
yog Leej Pleev qhov chaw nyob, nws
zaum ntawm Tswv Ntuj phab xis. 2 Nej
lub siab yuav dai dhuam rau tej yam nyob
txheej saud, txhob dai rau tej yam nyob
ntiaj teb no. 3 Vim tias, nej tuag lawm,
hos nej txoj sia nrog Leej Pleev tsiv nraim
hauv Tswv Ntuj. 4 Leej Pleev yog nej
txoj sia : thaum nws yuav tawm los rau
pom xyeem, mas nej kuj yuav nrog nws
tawm los muaj hwj chim.

Séquence.
À la Victime pascale,
chrétiens, offrez le sacrifice de louange.

L’Agneau a racheté les brebis ;
le Christ innocent a réconcilié
l’homme pécheur avec le Père.

La mort et la vie s’affrontèrent
en un duel prodigieux.
Le Maître de la vie mourut ; vivant, il règne.

« Dis-nous, Marie Madeleine,
qu’as-tu vu en chemin ? »

« J’ai vu le sépulcre du Christ vivant,
j’ai vu la gloire du Ressuscité.

J’ai vu les anges ses témoins,
le suaire et les vêtements.

Le Christ, mon espérance, est ressuscité !
Il vous précédera en Galilée. »

Nous le savons : le Christ
est vraiment ressuscité des morts.

Roi victorieux,
prends-nous tous en pitié !
Amen.

Zam 20, 1-9

1 Thawj hnub pib lub lis piam,
thaum sawv ntxov, ntuj tsis tau
kaj, Mab Lias Mas Ntas Las mus tom
ntxa. Nws pom daim txiag zeb tshem
ntawm lub ntxa lawm. 2 Mab Liab Mas
Ntas Las khiav mus cuag Xis Moos Pob
Zeb thiab lwm tus thwj tim, uas yog tus
Yes Xus nyiam. Nws hais rau nkawd
tias : "Lawv nqa Huab Tais tawm hauv
ntxa lawm, peb tsis paub xyov lawv coj
nws mus tso qhov twg lawm."
3 Pob Zeb tawm plaws mus, lwm tus
thwj tim kuj tawm plaws thiab, nkawd
mus tom ntxa. 4 Nkawd ob leeg ua ke
khiav mus, tab sis lwm tus thwj tim
khiav nrawm dua Pob Zeb, nws khiav ua
ntej, nws xub mus txog tom ntxa. 5 Nws
khoov mus xauj, nws pom tej hlab ntaub
nyob ntawd ; tab sis nws tsis chaws mus
hauv. 6 Ces Xis Moos Pob Zeb lawv tus
thwj tim qab mus txog, nws chaws mus
hauv lub ntxa. Nws pom cov hlab ntaub
nyob ntawd, 7 hos daim ntaub qhwv
taub hau kauv cia nyob lwm qhov, tsis
xyaw cov hlab ntaub. 8 Ces lwm tus
thwj tim uas xub mus txog ntawm lub
ntxa mam li chaws mus hauv. Nws pom
ces nws ntseeg. 9 Vim lawv tseem tsis
tau to taub tias Yes Xus yuav sawv hauv
cov tuag rov los raws li Ntawv qhia.