Home
Yog koj tso siab rau Yesxus lub siab ntshiab, nws yuav ua koj siab kaj lug 
Ib Zaj Lus Piav Pem Qhia Txog Txoj Kev Tso Siab Rau Tswv Ntuj
Muaj ib tug yawg nws nce mus nyob saum nws lub ru tsev vim tias muaj dej hlob tuaj nyab qhov txhia chaw tas, dej twb nce siab siab nws tsis tau kev nyob hauv tsev lawm. Nws mus txog saum ru tsev nws mus zaum caij lub ru tsev, nws thov ntuj tias: “Tswv Ntuj aw, thov koj pab cawm kuv kom kuv dim ntawm cov dej nyab no kom kuv txhob tuag os!” Nws zaum zaum ib me ntsis txawm muaj ib lub me nyuam nkoj tuaj. Thaum ntawd dej twb chwv cov tw qhab tse tas lawm, tus yawg uas nquam nkoj pom nws, txawm hais rau nws tias: “Dej twb yuav nyab koj lub ru tsev tam sis no, tsuag tsuag los nrog kuv caij nkoj, koj thiaj tsis tuag.” Tus saum ru tsev teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Tus yawg hauv nkoj co co hau tas ces nws nquam nkoj mus lawm. Tus saud nyob ib chim ntxiv, txawm muaj ib lub nkoj loj dua lub qub tuaj, muaj ob tug neeg nyob hauv. Nkawd ntsia pom tus saum ru tsev, nkawd hais rau nws tias: “Koj saib dej twb pib nyab koj lub ru tsev lawm, tshuav tsis ntev ces yuav txog saum ko, koj los nrog wb caij nkoj ces koj thiaj tsis tuag." Tus saud teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Ob tug yawg hauv nkoj ntsia ntsia nws tas, nkawd mus lawm. Ib chim txawm muaj ib lub dav hlau tshuab tuaj yuj txog ntawm nws, cov saum dav hlau hais rau nws tias: “Dej teb nce yuav txog ntawm koj lawm, ntshai tshuav tsis ntev ces yuav siab tshaj koj lub ru tsev lawm os! Koj los nce txoj hlua no es peb muab koj nqa mus rau ib qho chaw dej tsis nyab, koj thiaj tsis tuag.” Tus saum ru tsev tseem teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Ces lub dav hlau tshuab kuj cia li ya mus lawm.
Ib pliag tsis ntev xwb ces dej twb nyab los txog saum nws lawm. Thaum ntawd tsis muaj neeg tuaj ntxiv li lawm lau. Ces nws cia li raug dej nyab tuag lawm. Thaum nws mus txog saum ntuj, nws mus nug Tswv Ntuj tias: “Huab Tais Tswv Ntuj, ua cas kuv twb thov kom koj tuaj pab kuv kom kuv dim ntawm cov dej nyab kuv txhob tuag no, cas koj tsis tuaj li?” Ces Tswv ntuj teb rau nws tias: “Es kuv twb tuaj pab koj peb zaug diam, koj tsis kam li ne. Kuv xa ib lub me nyuam nkoj tuaj rau koj, koj tsis kam nce hauv li; kuv twb xa ib lub nkoj loj zog tuaj los koj tsis kam li; thaum kawg kuv twb xa kiag ib lub dav hlau tshuab tuaj nqa koj los koj tseem yig qees thiab ne.”/i]
Zaj lus saum no qhia tias kom peb yuav tsum vam txog Tswv Ntuj thaum peb muaj kev nyuaj siab ntxhov plawv, tiam sis tsis yog peb cia li yuav nyob pw tsaug zog tos saib Tswv Ntuj yuav tuaj pab peb li cas. Peb yuav tsum tau nrhiav kev pab peb tus kheej, peb yuav tsum tau siv txhua yam nyob hauv peb lub neej uas yog Tswv Ntuj xa tuaj rau peb kom peb siv los pab peb nyob hauv peb tej kev nyuaj kev ntxhov.
Zaj lus no yog kuv tau nyeem hauv ib co xib hwb qhuab qhia kev ntseeg cov zaj uas lawv siv thaum lawv qhuab qhia neeg. Cov lus hauv no yog kuv sau kuv raws li lawv zaj lus lub ntsiab xwb.
Muaj ib tug yawg nws nce mus nyob saum nws lub ru tsev vim tias muaj dej hlob tuaj nyab qhov txhia chaw tas, dej twb nce siab siab nws tsis tau kev nyob hauv tsev lawm. Nws mus txog saum ru tsev nws mus zaum caij lub ru tsev, nws thov ntuj tias: “Tswv Ntuj aw, thov koj pab cawm kuv kom kuv dim ntawm cov dej nyab no kom kuv txhob tuag os!” Nws zaum zaum ib me ntsis txawm muaj ib lub me nyuam nkoj tuaj. Thaum ntawd dej twb chwv cov tw qhab tse tas lawm, tus yawg uas nquam nkoj pom nws, txawm hais rau nws tias: “Dej twb yuav nyab koj lub ru tsev tam sis no, tsuag tsuag los nrog kuv caij nkoj, koj thiaj tsis tuag.” Tus saum ru tsev teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Tus yawg hauv nkoj co co hau tas ces nws nquam nkoj mus lawm. Tus saud nyob ib chim ntxiv, txawm muaj ib lub nkoj loj dua lub qub tuaj, muaj ob tug neeg nyob hauv. Nkawd ntsia pom tus saum ru tsev, nkawd hais rau nws tias: “Koj saib dej twb pib nyab koj lub ru tsev lawm, tshuav tsis ntev ces yuav txog saum ko, koj los nrog wb caij nkoj ces koj thiaj tsis tuag." Tus saud teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Ob tug yawg hauv nkoj ntsia ntsia nws tas, nkawd mus lawm. Ib chim txawm muaj ib lub dav hlau tshuab tuaj yuj txog ntawm nws, cov saum dav hlau hais rau nws tias: “Dej teb nce yuav txog ntawm koj lawm, ntshai tshuav tsis ntev ces yuav siab tshaj koj lub ru tsev lawm os! Koj los nce txoj hlua no es peb muab koj nqa mus rau ib qho chaw dej tsis nyab, koj thiaj tsis tuag.” Tus saum ru tsev tseem teb tias: “Wv, kuv twb thov Tswv Ntuj kom nws tuaj pab kuv lawm. Kuv yuav nyob tos nws tuaj cawm kuv.” Ces lub dav hlau tshuab kuj cia li ya mus lawm.
Ib pliag tsis ntev xwb ces dej twb nyab los txog saum nws lawm. Thaum ntawd tsis muaj neeg tuaj ntxiv li lawm lau. Ces nws cia li raug dej nyab tuag lawm. Thaum nws mus txog saum ntuj, nws mus nug Tswv Ntuj tias: “Huab Tais Tswv Ntuj, ua cas kuv twb thov kom koj tuaj pab kuv kom kuv dim ntawm cov dej nyab kuv txhob tuag no, cas koj tsis tuaj li?” Ces Tswv ntuj teb rau nws tias: “Es kuv twb tuaj pab koj peb zaug diam, koj tsis kam li ne. Kuv xa ib lub me nyuam nkoj tuaj rau koj, koj tsis kam nce hauv li; kuv twb xa ib lub nkoj loj zog tuaj los koj tsis kam li; thaum kawg kuv twb xa kiag ib lub dav hlau tshuab tuaj nqa koj los koj tseem yig qees thiab ne.”/i]
Zaj lus saum no qhia tias kom peb yuav tsum vam txog Tswv Ntuj thaum peb muaj kev nyuaj siab ntxhov plawv, tiam sis tsis yog peb cia li yuav nyob pw tsaug zog tos saib Tswv Ntuj yuav tuaj pab peb li cas. Peb yuav tsum tau nrhiav kev pab peb tus kheej, peb yuav tsum tau siv txhua yam nyob hauv peb lub neej uas yog Tswv Ntuj xa tuaj rau peb kom peb siv los pab peb nyob hauv peb tej kev nyuaj kev ntxhov.
Zaj lus no yog kuv tau nyeem hauv ib co xib hwb qhuab qhia kev ntseeg cov zaj uas lawv siv thaum lawv qhuab qhia neeg. Cov lus hauv no yog kuv sau kuv raws li lawv zaj lus lub ntsiab xwb.
Last edited by Mim on 29th September 2016, 10:16 am; edited 1 time in total
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
