VAJ QHIA FRANCIS TSA TSWV QHIA LING THIAB PLAUB TUG TSWV QHIA NTXIV UA CARDINALS

Nyob zoo sawv daws,

Peb twb tau hnov lawm hais tias Vaj Qhia tau xaiv peb tus tswv qhia Ling los ua thawj tug cardinal nyob Nplog teb.  Hnub no kuv coj daim video txog Vaj Qhia Francis tsa 5 tug tswv qhia ua cardinals. Nyob hauv tsib tug cardinals tshiab ntawd ib tug yog peb tus tswv qhia Ling.  Nej saib daim video no, nej yuav pom nws.
Txoj kab ke tsa cardinals no, tsis muaj thaj Txi Ntuj, tsis muaj txais Yes Xus lub Cev li, tsuas muaj teev ntuj thiab nyeem thiab nthuav Ntawv Moo Zoo xwb. Ces Vaj qhia hais cov cardinal tshiab ntawd cov npe tthiab lawv cov ntawd hais zaj "Kuv Ntseeg," thiab lawv cog lus tias lawv yuav coj raws thiab mloog Yes Xus lub Moo Zoo thiab mloog lub Koom Txoos los Vaj Qhia uas yog tus hloov Pob Zeb ua tus coj. Ces lawv los txais lub kaus mom liab ua cardinal thiab lub nplhaib thiab ib lub raj ntim daim ntawv qhia tias lawv yog cardinal lawm ntawm Vaj Qhia.  Tas ces lawv mus ncig hais nyob zoo rau cov cardinals qub. Tas ces Vaj Qhia coj sawv daws hais zaj Peb Txiv nyob saum ntuj thiab zaj Poj Huab Tais xaus lub txoos xwb.

Peb sawv daws yuav zoo siab vim peb muaj ib tug cardinal Nplog lawm tiag, mas zoo li yog peb muaj feem koom nyob hauv Koom Txoos Kas Tos Liv tas nrho lawm.

Mim,

Ua tsaug koj tseem qhia peb paub thiab.

Ua lu fab kis.

Vaj Qhia hais dab tsi rau cov cardinals tshiab? Nej mloog hauv daim video no. Lo lus tseem ceeb nws hais rau lawv yog lo tias: "Nej tsis yog ib co nom nyob hauv Koom Txoos, tiam sis nej yog ib co tub txib."

Vaj Qhia Francis coj 5 tug cardinals tshiab mus xyuas tus Vaj Qhia laus Benedict VI.

Hnub no 5 tug cardinals tshiab kuj tau mus nrog Vaj Qhia thiab lwm cov tswv qhia thiab cardinals koom ua thaj txi ntuj hawm txog ob tug Hauv Paus Xa Lus Pob Zeb thiab Paj Lug nkawd.

Hnub no Vaj Qhia kuj foom hmoov zoo rau txoj phuam los yog txoj hlab ntaub dawb  uas hu ua daim 'pallium.'  Kuv kuj tsis paub tias peb tus cardinal Ling puas tau txais ib txog thiab los tsis tau. Daim ntawd yog daim ntaub dawb uas muaj ob txog hlab dauv ib txog ntawm xub ntiag thiab ib txog nraum nrob qaum uas Vaj Qhia thiab cov tswv qhia tseem ceeb npua ncig lawv caj dab thaum lawv hnav lawv cov khaub ncaws teev ntuj ua thaj Txi Ntuj tej. Daim ntaub pallium ntawd muaj lub ntsiab qhia tias cov Tswv Qhia nrog Vaj Qhia muaj kev sib koom tes coj thiab tuav lub Koom Txoos nyob hauv lawv cov cheeb koom txoos.