HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. )

**Admin** 27th August 2009, 11:16 am

Admin: Admin; Messages : 188
Date d'inscription : 2009-08-05

Post n°1

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. )

Post Admin 27th August 2009, 11:16 am

HAUV PAUS

Piav txog Tswv Ntuj tsim
ntuj tsim teb.
1 : 1 - 31 + 2 : 1 - 4.

1 Thaum chiv lub keeb, Tswv Ntuj
tsim lub ntuj thiab lub ntiaj teb,
2 mas lub ntiaj teb tseem tsis tau tsheej
ntiaj teb thiab tsis muaj dab tsi nyob hauv
li. Qhov tsaus ntuj nti npog lub qhov ntuj
dub nciab. Tswv Ntuj nthwv cua kiv
nplawm ntws saum nplaim dej.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 355613402

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 355613402

3 Tswv Ntuj hais tias :
"Kom muaj qhov pom kev." Ces txawm
muaj qhov pom kev tuaj.
4 Tswv Ntuj pom tias qhov pom kev
ntawd zoo. Tswv Ntuj cais qhov pom kev
ntawm qhov tsaus ntuj. 5 Tswv Ntuj hu
qhov pom kev ua "nruab hnub" thiab hu
qhov tsaus ntuj ua "hmo ntuj." Txawm
muaj tsaus ntuj thiab muaj kaj ntug : yog
thawj hnub. 6 Tswv Ntuj hais tias :
"Kom muaj ib lub ntuj ntsuab nyob hauv
nruab nrab cov dej thiab kom nws quas
cov dej ntawm cov dej". Ces txawm muaj
li ntawd tuaj.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Esprit10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Esprit10

7 Tswv Ntuj ua lub ntuj ntsuab los quas
cov dej nyob hauv qab ntuj ntsuab ntawm
cov dej nyob saum qaum ntuj ntsuab.
8 Tswv Ntuj hu lub ntuj ntsuab ua "ntuj."
Txawm muaj tsaus ntuj thiab muaj kaj
ntug : yog hnub ob.
9 Tswv Ntuj hais tias :
"Kom cov dej uas nyob hauv qab lub ntuj
ntsuab sib sau los ua ib pawg xwb, thiab
kom av qhuav tshwm los." Ces txawm
muaj li ntawd tuaj.
10 Tswv Ntuj hu cov av qhuav ua "ntiaj
teb" thiab hu cov dej ua "hiav txwv."
Tswv Ntuj pom tias qhov ntawd zoo.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Mars1110

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Mars1110

11 Tswv Ntuj hais tias :
"Kom lub ntiaj teb tuaj nroj tsuag ntsuab
xiab : kom muaj nroj tsuag txawj muaj
noob, thiab kom muaj ntoo txi txiv nyias
txi nyias hom txiv, nyias muaj nyias hom
noob." Ces txawm muaj li ntawd tuaj.
12 Ntiaj teb tuaj nroj tsuag ntsuab xiab :
tej nroj tsuag nyias txawj txi nyias hom
noob thiab tej ntoo nyias txawj txi nyias
hom txiv, nyias muaj nyias hom noob.
Tswv Ntuj pom hais tias qhov ntawd zoo.
13 Txawm muaj tsaus ntuj thiab muaj kaj
ntug : yog hnub peb.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Coinna10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Coinna10

14 Tswv Ntuj hais tias :
"Kom muaj tej lub ci ci nyob saum lub
ntuj ntsuab saud, cais nruab hnub thiab
hmo ntuj, thiab cia ua tej lub cim xam
hnub xam nyoog thiab suav hnub suav
xyoo, 15 kom tej lub ci ci nyob saum lub
ntuj ntsuab ua kom ntiaj teb pom kev."
Ces txawm muaj li ntawd tuaj. 16 Tswv
Ntuj ua ob lub ci ci loj dua cov, lub ci ci
loj yog lub kav nruab hnub, lub ci ci me
yog lub kav hmo ntuj, thiab cov hnub qub.
17 Tswv Ntuj muab lawv txawb rau saum
lub ntuj ntsuab saud kom ntiaj teb pom
kev, 18 cia kav nruab hnub thiab hmo
ntuj, thiab cia cais qhov pom kev ntawm
qhov tsaus ntuj. Tswv Ntuj pom tias qhov
ntawd zoo. 19 Txawm muaj tsaus ntuj
thiab muaj kaj ntug : yog hnub plaub.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Planet10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Planet10

20 Tswv Ntuj hais tias :
"Kom muaj tej tsiaj muaj sia npau xi nyob
hauv cov dej, thiab kom muaj noog ya
saum npoo ntiaj teb, saum ib nta ntuj
ntsuab." Ces txawm muaj li ntawd tuaj.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Gabon210

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Gabon210

21 Tswv Ntuj tsim cov nab hiav txwv loj
loj thiab tas puas tsav yam tsiaj muaj sia
uas txawj ntab hauv dej, coob coob npau
xi nyias muaj raws nyias hom, thiab tsim
cov noog muaj tis, nyias muaj raws nyias
hom. Tswv Ntuj pom tias qhov ntawd zoo.
22 Tswv Ntuj foom lus zoo rau lawv tias :
"Nej yeej meem tsim noob, yeej meem
huam vam mus nyob puv cov dej hauv
hiav txwv, kom cov noog yeej meem
huam vam mus puv ntiaj teb."

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Planet11

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Planet11

23 Txawm muaj tsaus ntuj thiab muaj kaj
ntug : yog hnub tsib.
24 Tswv Ntuj hais tias :
"Kom lub ntiaj teb txawj muaj tej yam
tsiaj muaj sia, nyias muaj raws nyias hom
: tsiaj nyeg, kab ntsaum, tsiaj qus, nyias
muaj raws nyias hom." Ces txawm muaj
li ntawd tuaj.
25 Tswv Ntuj ua tej tsiaj qus kom nyias
muaj nyias hom, tej tsiaj nyeg kom nyias
muaj nyias hom, thiab tas txhua yam kab
ntsaum kom nyias muaj nyias hom. Tswv
Ntuj pom tias qhov ntawd zoo.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Cerfse10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Cerfse10

26 Tswv Ntuj hais tias :
"Peb yuav ua tib neeg raws li peb tus
duab, kom zoo li peb me ntsis. Kom lawv
ua tswv kav cov ntses nyob hauv hiav
txwv, cov noog ya saum ntuj, cov tsiaj
nyeg, tas txhua yam tsiaj qus thiab txhua
yam kab ntsaum nkag hauv av.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 92204210

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 92204210

27 Ces Tswv Ntuj tsim tib neeg raws li
nws tus duab. Yog raws li Tswv Ntuj tus
duab, mas nws thiaj tau tsim tib neeg.
Nws tsim nkawd ua txiv neej thiab ua poj
niam. 28 Tswv Ntuj foom lus zoo rau
nkawd thiab hais rau nkawd tias :
"Neb yeej meem tsim noob, yeej meem
huam vam mus puv ntiaj teb thiab tswj
ntiaj teb. Neb kav cov ntses nyob hauv
hiav txwv, cov noog ya saum ntuj thiab
tas puas tsav yam tsiaj uas nkag hauv av."
29 Tswv Ntuj hais tias :
"Kuv muab tas puas tsav yam nroj tsuag
muaj noob uas tuaj nyob saum npoo av,
kuv muab tas puas tsav yam ntoo txi txiv
thiab muaj noob rau neb : tej ntawd yuav
yog neb tej txhiam laj txhiam xws.
30 Kuv muab tas txhua yam nroj ntsuab
rau cov tsiaj qus, cov noog ya saum ntuj,
tas txhua yam nkag hauv av thiab ciaj sia,
kuv muab rau lawv ua txhiam xws noj."
Ces txawm muaj li ntawd tuaj.

31 Tswv Ntuj ntsia tas txhua yam nws
tau ua : txhua yam ntawd zoo kawg.
Txawm muaj tsaus ntuj thiab muaj kaj
ntug : yog hnub rau.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Garden10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Garden10

1 Lub ntuj thiab lub ntiaj teb yog
tsim los zoo li no, thiab tas txhua
yam nyob rau hauv. 2 Tswv Ntuj ua nws
txoj num tiav tas rau hnub xya. Ces hnub
xya nws thiaj so, vim nws ua nws txoj
num tiav tas. 3 Tswv Ntuj foom lus zoo
rau hnub xya thiab muab hnub xya ua
hnub ntshiab, vim nws ua nws txoj num
tsim ntuj tsim teb tiav tas ces hnub ntawd
nws so.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Img-2110

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Img-2110

4a Zaj kwv huam piav txog lub ntuj thiab
lub ntiaj teb, thaum ntuj tsim teb raug,
mas yog zoo li saum no.
Lwm zaj piav txog Tswv Ntuj tsim
ntuj tsim teb. Lub vaj Es Dees.
2 : 5 - 25.
4b Thaum lub caij HUAB TAIS Tswv
Ntuj tsim lub ntiaj teb thiab lub ntuj,
5 tseem tsis tau muaj ib tug me yub ntoo,
ib tug nroj tsuag tuaj li, vim HUAB TAIS
Tswv Ntuj tseem tsis tau ua kom los nag
rau ntiaj teb, thiab tseem tsis tau muaj tib
neeg los cog tej av. 6 Tab sis muaj dej
txhawv hauv av los ywg tas nrho daim
npoo av.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Dieu0310

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Dieu0310

7 HUAB TAIS Tswv Ntuj muab ib thooj
av nplaum los puab ua tib neeg. HUAB
TAIS Tswv Ntuj tshuab pa rau hauv tib
neeg qhov ntswg, ces tib neeg ciaj ua ib
tug muaj sia.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Michel10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Michel10

8 HUAB TAIS Tswv Ntuj cog tau ib lub
vaj nyob Es Dees, nyob sab hnub tuaj.
Nws muab tus txiv neej uas nws tau puab
tso rau hauv lub vaj. 9 HUAB TAIS
Tswv Ntuj ua kom txhua yam ntoo uas
zoo saib thiab zoo noj tuaj hauv lub vaj
thaj av. Tus ntoo muaj txoj sia tuaj nyob
hauv nruab nrab lub vaj, thiab tus ntoo
uas paub qhov zoo qhov phem. 10 Ib tug
dej txhawv hauv Es Dees ntws mus ywg
lub vaj. Tus dej ntawd ncau ua plaub ceg.
11 Thawj tus dej, hu ua Dej Pis Soos.
Nws chev hla thoob lub teb chaws Has
Vis Las uas muaj kub. 12 Hom kub teb
chaws ntawd yog tseem kub. Kuj muaj
ib hom txab ntoo zoo thiab muaj hom pob
zeb dub muaj nqis nyob ntawd.
13 Tus dej ob hu ua Dej Ntsis Hoos.
Nws chev ncig lub teb chaws Kus Saws.
14 Tus dej peb hu ua Dej Tis Nkis : nws
ntws nyob As Xws teb sab hnub tuaj. Tus
dej plaub yog tus Dej Aws Fas Tes.
15 HUAB TAIS Tswv Ntuj coj tus txiv
neej mus nyob hauv lub vaj Es Dees kom
nws cog lub vaj thiab saib lub vaj.
16 HUAB TAIS Tswv Ntuj qhia tus txiv
neej li no :
"Koj noj tau cov txiv txi ntawm tas txhua
tsob ntoo hauv lub vaj no tib si. 17 Tiam
sis cov txiv txi ntawm tus ntoo paub qhov
zoo thiab qhov phem, mas koj txhob noj.
Yog koj noj hnub twg, mas hnub ntawd
koj yuav tuag."

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Vander10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Vander10

18 HUAB TAIS Tswv Ntuj hais tias :
"Cia txiv neej nyob ib leeg mas tsis zoo.
Kuv yuav ua ib tug pab nws kom phim
nws."
19 HUAB TAIS Tswv Ntuj thiaj muab
av los puab tas puas tsav yam tsiaj qus
thiab tas puas tsav yam noog ya saum
ntuj. Nws coj los rau tus txiv neej xyuas
saib nws yuav tis npe li cas rau. Txhua
yam tsiaj yuav muaj lub npe raws li tus
txiv neej tis rau. 20 Tus txiv neej tis npe
rau tas txhua hom tsiaj nyeg, rau cov
noog ya saum ntuj, thiab rau tas txhua
hom tsiaj qus, tiam sis nws nrhiav tsis tau
ib tug pab nws thiab phim nws.
21 HUAB TAIS Tswv Ntuj tso ib tug
dab ntub hlob laum tus txiv neej, ces nws
tsaug zog lawm. Tswv Ntuj rho nws ib
tug tav tawm los, nws rov kaw lub qhov
zoo li qub. 22 HUAB TAIS Tswv Ntuj
muab tus tav uas nws rho ntawm tus txiv
neej los puab ua ib tug poj niam. Tswv
Ntuj coj los rau tus txiv neej saib. 23 Tus
txiv neej nqua suab hlo tias :
"Zaum no, tus no yog tseem txha ntawm
kuv txha thiab tseem nqaij ntawm kuv
nqaij tiag ! Tus no yuav hu ua 'poj niam,'
vim tus no tawm ntawm txiv neej los !"
24 Vim li no txiv neej thiaj tso niam tso
txiv tseg, mus npuab nws tus poj niam,
ces nkawd ua ib lub cev nqaij xwb.
25 Thaum ntawd, tus txiv neej thiab tus
poj niam nkawd ob leeg nyob liab qab,
tiam sis nkawd ib leeg tsis txaj muag rau
ib leeg.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 8659-a10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 8659-a10

Neeg poob rau kev txhaum.

3 : 1 - 24.
1 Tus nab yog tus ntse tshaj tas
txhua hom tsiaj HUAB TAIS Tswv
Ntuj tau tsim los nyob nruab nrag. Nab
hais rau tus poj niam tias :
"Li ntawd, Tswv Ntuj hais tias : Neb
yuav tsis txhob noj txhua yam txiv ntoo
hauv lub vaj no puas yog ?"
2 Tus poj niam teb rau tus nab tias :
"Wb noj tau cov txiv txi saum cov ntoo
hauv lub vaj no tib si. 3 Tsuas tshwj cov
txiv txi saum tsob ntoo nyob hauv nruab
nrab lub vaj, mas Tswv Ntuj hais tias :
“Neb tsis txhob noj, tsis txhob kov, yog
neb noj neb kov, mas neb yuav tuag."
4 Tus nab teb ntua tus poj niam tias :
"Tsis muaj li ntawd ib zaug ! Neb yuav
tsis tuag. 5 Vim Tswv Ntuj paub tias,
hnub twg neb noj ces neb qhov muag
yuav qhib, neb yuav zoo li tej tus tswv
ntuj uas paub qhov zoo thiab qhov phem."

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Img_1210

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Img_1210

6 Tus poj niam pom hais tias tus ntoo
ntawd yeej zoo noj thiab zoo saib kawg,
thiab yog tus ntoo uas yus ntshaw noj
kom yus paub qhov zoo thiab qhov phem.
Nws de zoj lub txiv ntawm tus ntoo los
noj. Nws kuj cev rau nws tus txiv uas
nrog nws nyob, ces tus txiv kuj noj thiab.
7 Ces nkawd ob leeg qhov muag qhib
plho, nkawd paub hais tias nkawd liab
qab. Nkawd thiaj muab nplooj ncuav pias
los ua tiab npua.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Masacc10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Masacc10

8 Thaum cua tuaj ntxiag, nkawd hnov
HUAB TAIS Tswv Ntuj rhais ruam ncig
lub vaj. Tus txiv neej thiab nws tus poj
niam khiav tsiv nraim HUAB TAIS Tswv
Ntuj hauv cov ntoo nyob hauv lub vaj.
9 HUAB TAIS Tswv Ntuj hu tus txiv
neej hais tias :
"Koj nyob qhov twg ?"
10 Tus txiv neej teb tias :
"Kuv hnov koj rhais ruam hauv lub vaj.
Kuv ntshai vim kuv liab qab, kuv thiaj
khiav tsiv nraim."
11 Tswv Ntuj rov hais ntxiv tias :
"Leej twg qhia koj tias koj liab qab ?
Yog koj noj lub txiv uas kuv txwv tsis
pub noj lawm puas yog ?"
12 Tus txiv neej teb tias :
"Yog tus poj niam uas koj tso nyob ze
kuv, muab lub txiv rau kuv, ces kuv thiaj
noj !"
13 HUAB TAIS Tswv Ntuj hais rau tus
poj niam tias :
"Koj ua dab tsi li ntawd ?"
Tus poj niam teb tias :
"Yog niag nab ntxias kuv, kuv thiaj noj."

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 25543510

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 25543510

14 Ces HUAB TAIS Tswv Ntuj hais rau
tus nab hais tias :
"Vim koj tau ua li ntawd, koj txoj hmoov
yuav phem tshaj ib tsoom tsiaj nyeg thiab
tsiaj qus. Koj yuav xuas koj lub plab mus
kev, thiab koj yuav niaj hnub noj av tas
koj sim neej. 15 Kuv yuav ua kom muaj
kev ciaj caub ntawm koj thiab tus poj
niam, ntawm koj caj ces thiab nws caj
ces. Nws yuav tsuj koj taub hau, koj yuav
tom nws luj taws."

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 6-serp10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) 6-serp10

16 Tswv Ntuj hais rau tus poj niam hais
tias :
"Kuv yuav ua kom koj muaj mob ntau
thaum koj xeeb tub xeeb ki. Koj yuav tau
mob tau ntsaj, koj thiaj yug tau me tub me
nyuam. Tsis kav, koj tseem yuav ntshaw
koj tus txiv, tiam sis nws yuav tswj koj."
17 Tswv Ntuj hais rau tus txiv neej hais
tias :
"Vim koj tau mloog koj tus poj niam lus,
koj thiaj noj lub txiv kuv txwv tsis kheev
noj, av thiaj raug foom phem vim koj !
Koj yuav siv zog khwv tas koj lub neej
koj thiaj tau noj. 18 Av yuav tuaj pos
tuaj nrhab rau koj, thiab koj yuav noj tej
nroj tsuag uas tuaj hauv nruab teb.
19 Koj ntsej muag yuav tawm hws lug
koj thiaj tau noj, mus txog hnub koj rov
mus ua av, vim koj yog av puab. Koj yog
av luaj ces koj yuav rov mus ua av luaj."
20 Tus txiv neej tis npe rau nws poj niam
hu ua Es Vas, vim nws yog ib tsoom neeg
muaj txoj sia leej niam.
21 HUAB TAIS Tswv Ntuj muab tawv
los ua tsoos rau tus txiv neej thiab nws
poj niam hnav. 22 Thiab HUAB TAIS
Tswv Ntuj hais tias :
"Zaum no tib neeg zoo li peb lawm, nws
paub qhov phem thiab qhov zoo. Yuav
tsis pub kom nws cev tes mus de tau tsob
txiv muaj txoj sia los noj ntxiv, tsam nws
muaj txoj sia nyob mus li."
23 HUAB TAIS Tswv Ntuj thiaj tshem
neeg tawm hauv lub vaj Es Dees, kom
neeg mus cog cov av uas muab los puab nws.
24 Tswv Ntuj ntiab tib neeg tawm,
nws tso ib co Tshiab Kes Lus Npis zov
lub vaj Es Dees.
Tswv Ntuj tsa ib rab ntaj nplaim taws
thaiv txoj kev mus txog tus ntoo muaj txoj sia.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) _exit10

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) _exit10

**Maiv Paj Lug** 23rd July 2010, 7:21 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°2

Re: HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. )

Post Maiv Paj Lug 23rd July 2010, 7:21 am

KES EES THIAB AS NPES (4 : 1 - 16.)

1 As Das paub nws poj niam.
Ces tus poj niam xeeb tub thiab yug tau Kas Ees.
Nws hais tias :"Kuv tau ib tug tub ntawm HUAB TAIS los."
2 Nws kuj yug tau As Npes, yog Kas Ees tus kwv.
As Npes hlob, nws ua ib tug tub yug tsiaj hos Kas Ees ua liaj ua teb.
3 Ntev tom qab, Kas Ees txawm muab nws cov qoob los txi rau HUAB TAIS.
4 Hos As Npes, nws kuj muab thawj tus me nyuam uas nws cov tsiaj yug tau, los txi Ntuj.
Nws tseem muab lawv cov roj los txi huv tib si.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Cain+et+Abel

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) Cain+et+Abel

HUAB TAIS zoo siab rau As Npes, ces nws txais As Npes cov txim.
5 Tab sis HUAB TAIS tsis zoo siab rau Kas Ees thiab tsis txais Kas Ees cov txim,
ces Kas Ees npau taws thiab ua ntsej muag dub nciab.
6 HUAB TAIS hais rau Kas Ees tias:
"Vim li cas koj thiaj npau taws thiab ua ntsej muag dub nciab li ko ?
7 Yog koj txiav siab ua zoo mas koj yuav rov tsa taus koj lub ntsej muag.
Hos yog koj tsis txiav siab ua zoo ces kev txhaum nyob rawv ntawm koj qhov rooj,
xws li tus tsiaj nyas nrhw yuav tom koj. Yog koj xav yeej, mas koj tseem yuav yeej tau txoj kev txhaum."

8 Tab sis muaj ib zaug, Kas Ees hais rau nws tus kwv As Npes tias : "Wb mus yos."
Thaum nkawd mus nrug deb ntawm zos lawm, Kas Ees txawm dhia rhees mos ntiag nws tus kwv, muab tus kwv tua.

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) V9tpn2op

HOLY BIBLE : Hauv Paus ( piav txog Tswv Ntuj tsim lub ntuj tsim lub teb. 1 : 1 - 31 + 2 : 1 - 4. ) V9tpn2op

9 HUAB TAIS nug Kas Ees hais tias :
"Koj tus kwv As Npes nyob qhov twg ?"
Kas Ees teb tias :
"Kuv tsis paub. Kuv puas yog tus zov rawv kuv tus kwv ?"
10 HUAB TAIS rov hais tias :
"Koj tau ua dab tsi ? Koj sim mloog saib, koj tus kwv cov ntshav quaj qw hauv av tuaj rau kuv !
11 Zaum no koj yuav tau hmoov phem thiab koj yuav raug ntiab tawm
hauv thaj av zoo uas tau rua ncauj cug koj tus kwv cov ntshav.
12 Yog koj ua teb, av yuav tsis txi qoob rau koj lawm.
Koj yuav ua neeg loj leeb ncig ntiaj teb."
13 Kas Ees hais rau HUAB TAIS tias :
"Kuv lub txim hnyav dhau, kuv ris tsis taus.
14 Ntsia saib, hnub no koj muab kuv ntiab tawm hauv thaj av zoo no mus,
kuv yuav tsum mus tsiv nraim deb ntawm koj lub ntsej muag,
thiab kuv yuav ua neeg loj leeb ncig ntiaj teb.
Ntshai thawj tus neeg tuaj ntsib kuv yuav muab kuv tua xwb !"
15 HUAB TAIS teb tias :
"Yog leej twg tua Kas Ees mas yuav muaj tus ua pauj rau nws xya zaus."
Ces HUAB TAIS ntaus ib lub cim rau Kas Ees kom thawj tug neeg ntsib nws txhob muab nws tua.
16 Kas Ees thiaj txav mus deb ntawm HUAB TAIS xub ntiag. Nws mus nyob lub teb chaws Nos Daws, nyob ntawm lub vaj Es Dees, sab hnub tuaj.