Would you like to react to this message? Create an account in a few clicks or log in to continue.
Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...
Niam ntxawm koojziagkabzaug. Kuv muaj lus thov nug tias Txiv nplig tardif tau tswv ntuj lub hwj huam los kho mob zoo npaum no diam. yog li no kuv muaj mob loj npaum li no tam sim no kuv lub qhov ncauj lub caj pas lub pob qa yeej txhav tag noj tsis tau mov nqos tsis tau mov li lawm.Niaj hnub no ces Dr tho kuv lub plab muab txoj xaim yas (Tube) tso rau es dai taub mis mus yug kuv txoj sia lawm xwb yog li kuv kuj xav mus cuag txiv plig tardif thov nws pab kho kuv tus mob kom zoo no kuv yuav ua li cas thiaj mus ntsib tau nws.nws puas yuav muaj sij hawm pub kuv mus cuag tau nws.Koj pab nrhiav txoj ncauj ke pub kuv mus cuag txiv plig tardif puas yuav tau.kuv vam thiab cia siab ntsoov tias kuv yuav hnov lo lus teb ntawm koj thiab ntawm txiv plig tardif mog.Ua tsaug ntau mog.
Daim video N°2 nov, qhov ntau yog cov neeg uas saib Txiv Plig thov Ntuj hauv TV es lawv tus mob zoo. Muaj tej tug kuj zoo los, coob leej vam kom lawv zoo, lawv tus mob kuj rov qab nrog lawv mus tsev. Tsis paub tias yog ua li cas ib txhia zoo ho tseg ib txhia; ntshe yog Tswv Ntuj muaj dua lub hom phiaj zoo dua tos lawv los kuj tsis paub.
Hnub hmos tim 28-08-2013, thaum kuv nrhiav daim video no los tso rau tub Laj Pov, kuv saib daim video uas kuv tso tom qab kawg nkaus no, kuv mloog Txiv Plig Tardif cov lus thov Ntuj tsis tau tas, kuv kuj mloog tau tias muaj ib yam txawv txawv tshwm sim rau kuv tam sim ntawd. Ua ntej ntawd, kuv lub tswv yim ib nyuag xav txog Huab Tais Yes Xus lub hwj huam ua tau tas puas tsav yam uas yus twb xav tsis txog, kuv nyuag xav me me xwb, tab sis ib pliag kuv hnov txawv me ntsis. Cia ib ntus seb puas zoo li cas tiag, vim Txiv Plig hais tias muaj tej tug mob mas zoo kiag tam sim ntawd, tej tug mas ib hnub zoo zuj zus txog thaum zoo kiag lawm.
Kuv daim xiab hauv caug, yog qhov xiav uas koj pom no, tawg lawm, thiaj ua rau kuv mob hauv caug.
Kuv tsis xav ib zaug tias kuv yuav tau txais ib qho txiaj ntsim ntawm Tswv Ntuj; kuv yeej ntshaw tab sis kuv tsis xav tias kuv yuav tau. Yam li kuv yog ib tug neeg muag luav, kuv muaj ntau yam kev xeeb txob, kuv mob sab hauv caug xis, nyuam qhuav phais tag tau muaj ob xyoos no xwb, kuv sab hauv caug lauj txawm siv mob tau ib xyoos ntau no thiab. Cov Kws Tshuaj feem coob yeej tias kawg phais muab daim xiab rho tawm vim nws xwb pleb lawm thiaj ua rau kuv mob. Tab sis tus Kws Tshuaj phais hais tias cia ua ob daim xib taws xiab kuv ko taw seb puas pab tau kom txhob mob; yog pab tsis tau ces mam phais no. Tau ib ntus no mas mob heev tsawv, kuv thev tsis tshua taus; tab sis kuv kuj tsis mus cuag kws tshuaj, kuv tsuas noj tshuaj loog me ntsis kom txhob mob heev heev xwb. Hnub hmos, kuv cov tshuaj tag lawm, kuv laj laj mus cuag Kws Tshuaj kom tau tshuaj noj; thaum sawv ntxov kuv noj ob lub kawg, kuv poob siab me ntsis tias tsam ib tsam tsaus ntuj kuv tsis muaj tshuaj noj lawm ntshe kuv yuav pw tsis taus. Tab sis cas thaum kuv saib daim video nov, kuv twb saib tsis tau tag, cas kuv mloog li kuv lub hauv caug tsis mob lawm, kuv cia li qhaib tau ceg (vim mob mob ces kuv xyab rau saum ib lub me nyuam rooj xwb). Hmob ntawd kuv mus pw tsis mob li lawm, kuv pw ib hmos tsaug zog zoo, nag hmo kuv kuj pw tsis hnov mob li lawm thiab. Hnub no kuv kuj tseem hnov mob me ntsis, tab sis tsis mob heev pes tsawg thiab kuv tsis tso daim xib taws xiab los kuv hnov mob tshaj li. Kuv lub hauv caug muag muag lawm.
Xav kom tau Tswv Ntuj lub txiaj ntsim los daws tej kev xeeb xob yus, kom yus noj qab nyob zoo es tau sau tej qoob loo uas tsis muaj tub zog sau.
Last edited by Maiv Tooj on 5th September 2013, 10:56 am; edited 1 time in total
Txiv Plig Es Mis Lis Ias Tav Dis cov lus thov Ntuj
Lub caij peb teev Ntuj no, uas kuv yuav cev kuv cov lus thov Ntuj rau cov neeg mob no, kuv thov nej sawv daws tswm xeeb, thiab ua ke thov Ntuj, ib leeg thov Ntuj rau ib leeg. Kuv cev cov neeg mob uas tsis nyob qhov nov rau Tes Xus thiab. Cov neeg mob uas lawv thov kom peb thov Ntuj rau lawv.
Huab Tais Yes Xus, peb zeem tseeb tias koj yog Tswv Ntuj Leej Plees yug ua neeg, koj yog Tswv Ntuj tus Cawm Seej, koj yog tus Tswv zov yaj, thiab peb yog cov me nyuam yaj hauv koj lub teb chaws.
Thiab hmo no peb yuav tuaj ntawm koj, peb coj peb cov neeg mob nyob ntawm nov tag nrho los tso rau ntawm koj ko taw, thiab tag nrho cov neeg mob uas nyob hauv peb lub siab, zoo li hnub uas thaum yuav tsaus ntuj tsoom neeg nyob Nkas Lis Lais coj lawv cov neeg mob tuaj tso rau ntawm koj ko taw es koj kho ntau tus neeg mob zoo, uas koj tseem yog tib tug Yes Xus qub thaud, koj yeej muaj txoj kev hlub neeg thiab lub hwj huam li qub, koj yog tus hais rau peb tias: "Nej cov uas muaj mob, cov uas muaj lub nras nyhav, cov uas txom nyem, nej tuaj ntawm kuv mas kuv yuav daws rau nej.
Yes Xus, thov koj ntsia tag nrho cov neeg mob uas tuaj qhov nov hmo no. Muaj ib txhia, lawv tau sib zog heev thiaj li tuaj txog, vim lawv tso siab rau koj. Huab Tais Yes Xus, koj txhob ntsia peb cov txhaum, thov koj ntsia koj lub Koom Txoos kev ntseeg, thiab koj tuaj hauv cov neeg nyob qhov nov, thiab tsa koj txhais tes foom hmoov zoo rau saum cov neeg mob ib tug zuj zus. Koj uas tau raug mob thaum lawv muab ntsia hlau ntsia koj saum Ntoo Cuam, saum lub roob khauj khaum tau hau thiab ntawm koj cov qhov txhab nto moo lug, ntawm koj tus Ntoo Cuam Ntsiab, thiab ntawm koj cov ntshav muaj txiaj ntsim ntshiab uas rau ntws los cawm peb, ntawm koj lub hwj huam rau txom nyem thiab tuag sawv rov los. Peb thov koj, Yes Xus, thov koj pib kho cov mob uas nrog peb nyob ua ke nov, kho cov neeg uas mob hauv lawv lub cev, koj yog qhov chaw sawv rov los thiab txoj sia, kho tej mob uas nyob hauv lawv lub siab, koj yog tus qhwv lawv tej qhov txhab, kho peb cov cim xeeb tej qhov txhab, tsis pub kom ib yam dab tsi yav tag los ua rau peb tu siab, nyuaj siab ntxhov plawv.
Kho tag nrho tej qhov txhab uas yog lub hauv paus ua rau peb nyuaj siab.
Yes Xus, kho cov neeg uas lawv tus ntsuj plig raug mob rau txoj kev txhaum, ua kom lawv paub tu siab rau lawv cov txhaum, kom lawv tig los ua neeg ntseeg zoo. Ces koj zam txim rau lawv. Peb thov koj tag nrho tej no, vim koj yog Yes Xus. Koj tai hais tias: "nej thov mas nej yuav tau." Hmo no, peb xav kom peb tau txais koj cov lus tau cog tseg, thiab cov uas koj tsis kho lawv hmo no, yog koj xav npaj tej yam zoo tshaj rau lawv tom qab, Yes Xus, peb thov koj pab txhawb lawv lub zog kom lawv txhob qaug zog; kom lawv paub muab lawv txoj kev txom nyem txi rau cov roj ntsiab yuav pleev tsa koj ua Huab Tais rau koj txoj kev txom nyem saum Ntoo Cuam uas txhiv peb cov txhaum, kom lawv tau koj lub txiaj ntsim ntshiab uas txhiv peb cov txhaum, vim koj xav muab koj txoj kev txom nyem los txi rau Ntuj, koj xav ua kom yog ib rab twj txawj hloov. Koj xav los muab txoj sia thiab lub neej zoo ntws lug rau peb.
Peb thov koj, Yes Xus, muab txiaj ntsim kom ntau rau peb, ua kom ntau leej zoo kiag li koj tau hais hauv Ntawv Moo Zoo. Li qhov cim uas koj hais tias: "Nov yog lub cim uas nyob nrog cov neeg tau ntseeg, nej tua txog kuv lub npe, nej tsa tes rau saum tus mob ces nws yuav zoo hlo."
Yes Xus, nyob hauv cov neeg tuaj ua ke nov, tsa koj txhais tes ntshiab rau saum lawv thiab ua kom lawv zoo, kho peb cov neeg mob nyob tom tsev uas lawv kom peb thov Ntuj rau lawv. Huab Tais Yes Xus, peb ua koj tsaug rau qhov koj tuaj nrog peb nyob ua kev hauv nov, peb paub koj lub siab zoo thiab koj lub hwj huam loj. Ua ntej uas peb tsis tau pom thiab paub qhov koj yuav ua rau peb li peb thov koj, peb thov hais UA TSAUG RAU KOJ UA NTEJ. Thov ua tsaug rau txhua yam uas koj ua rau peb hmo no. Cav txog koj lub koob meej nto moo lug, Huab Tais Yes Xus.
Cia Leej Ntuj Plig Ntshiab hu nkauj cav txog Tswv Ntuj.
Prière pour la guérison physique à dire de préférence après la communion
Seigneur Jésus,
je crois que Vous êtes Vivant et Ressuscité. Je crois que Vous êtes réellement Présent dans le Saint Sacrement de l'autel et, d'une manière autre cependant, en tous ceux qui sont ici et qui croient en Vous. Je Vous loue et je Vous adore. Vous qui êtes le Pain Vivant descendu du Ciel, je Vous remercie. Seigneur, d'être venu en moi. C'est en Vous qu'habite la plénitude de l'être. Vous êtes la Résurrection et la Vie, Vous êtes, Seigneur, la santé des malades.
Je veux aujourd'hui Vous offrir tous mes maux, parce que Vous êtes le même, hier, aujourd'hui et toujours, et que Vous êtes toujours et partout avec moi. Vous êtes l'Éternel Présent et Vous me connaissez. Je Vous demande donc d'avoir pitié de moi. Visitez-moi par votre Bonne Nouvelle, afin que tous reconnaissent que Vous vivez dans Votre Église. Faites aussi que ma Foi et ma confiance en Vous se renouvellent, je Vous en supplie, Seigneur Jésus. Ayez pitié des souffrances que j'endure dans mon corps, dans mon coeur et dans mon âme. Ayez pitié de moi, Seigneur, Bénissez-moi, et faites que je recouvre la santé. Que la Foi grandisse en moi, et qu'elle m'ouvre aux Merveilles de Votre Amour afin qu'elle-même rende aussi témoignage à Votre Puissance et à Votre Compassion.
Jésus, je Vous le demande par le Pouvoir de Vos Saintes Plaies, par Votre Sainte Croix et par Votre Très Précieux Sang : guérissez-moi, Seigneur, guérissez mon corps, guérissez mon coeur, guérissez mon âme. Donnez-moi la vie, la vie en abondance. Je Vous le demande par l'intercession de la Très Sainte-Vierge Marie, Votre Mère, Notre-Dame des Sept Douleurs, qui se tenait debout auprès de Votre Croix, Elle qui fut la première à contempler Vos Saintes Plaies, Elle que Vous nous avez donnée pour Mère. N'est-ce pas Vous qui nous avez révélé que Vous avez pris sur Vous toutes nos douleurs, et que c'est par Vos Plaies très Saintes que nous avons été guéris ?
Seigneur, c'est dans la Foi qu'en cet instant je dépose tous mes maux devant Vous et que je Vous demande de me guérir complètement. Pour la Gloire de notre Père Céleste, je Vous prie aussi de guérir les maladies de ma famille et de mes amis. Faites-les grandir dans la Foi et dans l'Espérance ; faites qu'ils retrouvent la santé pour la Gloire de Votre Nom, afin que Votre Royaume continue de s'étendre toujours davantage dans les coeurs, grâce aux signes et aux prodiges de Votre Amour.
Tout ceci, Seigneur, je Vous le demande parce que Vous êtes Jésus, Parce que Vous êtes le Bon Pasteur et que nous sommes les brebis de Votre Pâturage. Je suis tellement certain de Votre Amour, qu'avant même de connaître le fruit de ma prière, je Vous dis avec confiance : merci Jésus, pour tout ce que Vous ferez pour moi et pour chacun d'eux. Merci pour les malades que Vous guérissez en ce moment, merci pour ceux que Vous ne manquez pas de visiter avec Miséricorde.
Huab Tais Yes Xus, Kuv ntseeg tias koj ciaj sia thiab koj tau Sawv rov los. Kuv ntseeg tias koj nrog rawv peb nyob hauv lub Cim Yug ntawm thaj txi Ntuj, thiab tag nrho cov neeg nyob nov ntseeg txog Koj.
Kuv teev thiab hawm koj, Koj uas yog cov Mov muab txoj sia nqes saum Ntuj los, Tswv Ntuj, kuv ua koj tsaug uas koj tuaj txog kuv. Yog nyob hauv koj uas txoj sia nyob mus li nyob, Koj yog txoj kev sawv rov los txoj Sia, Tswv Ntuj, koj yog cov neeg mob qhov ka.
Hnub no kuv xav cev kuv tej mob rau Koj, Vim koj tseem zoo li tus neeg qub, li nag hmo, hnub no thiab ib txhiab ib txhid, thiab Koj nrog nraim kuv nyob txhua qhov chaw thiab tas mus li. Koj yeej ib txwm nyob mus li thiab koj paub kuv. Kuv thov koj khuv leej kuv. Coj koj lub Moo Zoo tuaj tsham kuv, Kom txhua yam rov yug dua tshiab Kom koj nyob hauv lub Koom Txoos kev ntseeg. Ua kom kuv txoj kev ntseeg thiab kev tso siab rau koj Txawj loj, kuv thov koj, Huab Tais Yes Xus.
Thov koj khuv leej kuv tej kev txom nyem mob ntsuav uas kuv niaj hnub ntooj hauv kuv lub cev, kuv lub siab thiab hauv kuv tus plig. Khuv leej kuv, Huab Tais, Foom Hmoov Zoo rau kuv, Thiab ua kom kuv rov noj qab nyob zoo. Thov kom kuv txoj kev ntseeg loj hlob, Kom nws qheb koj txoj kev hlub qhov zoo rau kuv Kom nws tau ua tim khawv txog koj lub siab zoo, koj lub hwj huam thiab txoj kev theej peb kev txom nyem.
Yes Xus, Kuv thov txog lub hwj huam ntawm koj cov qhov txhab ntshiab Txog koj tus Ntoo Cuam ntshiab thiab koj cov ntshav muaj nuj nqes: Kho kuv kom zoo, Tswv Ntuj, kho kuv lub cev, Kho kuv lub siab lub ntsws kho kuv tus ntsuj plig. Muab txoj sia thiab lub neej huaj vam.
Kuv thov Koj leej Niam, Nkauj Ntshiab Mab Liab pab koom tes Peb leej Niam uas ntooj 7 lub Qhov txhab, Sawv ntawm koj koj tus Ntoo Cuam ib sab, Nws yog thawj thawj tug uas xub pom Koj cov Qhov Txhab Ntshiab, Koj yog tus muab Nws los ua peb Niam.
Yog Koj puas yog tus uas qhia rau peb tias Koj yog tus nyiaj tag nrho peb tej mob, Thiab yog Koj cov Qhov Txhab Ntshiab ua kom peb zoo?
Huab Tais, yog kuv Ntseeg, tam sim no kuv muab tag nrho kuv tej mob tso rau ntawm koj xub ntiag thiab kuv thov kom koj pab kho kom zoo hlo. Rau kuv Txiv nyob pem Ntuj lub koob meej, Kuv thov koj pab kho kuv cov txheeb ze thiab kuv tej phooj ywg tej mob tib si Thov koj pab ua kom lawv txoj kev ntseeg loj thiab muaj chaw tso siab; ua kom lawv ntsib kev noj qab nyob zoo kom Koj Npe Nto moo lug, Kom koj lub ceeb tsheej pla mus li rau hauv tej siab ntsws, vim tej cim ntawm Koj txoj kev Hlub.
Huab Tais, kuv thov tag nrho tej no rau koj vim Koj yog Yes Xus, Vim koj yog tus Zoo Tswv Zov Yaj, thiab peb yog cov yaj nyob hauv lub tshav zaub. Kuv paub tseeb tias Koj Hlub peb tshaj, Kuv twb tsis tau thov los koj twb xub muab lawm Kuv tso siab lug, kuv hais : Ua tsaug, Yes Xus, rau txhua yam uas koj ua rau kuv thiab rau sawv daws ib leeg zuj zus. Ua tsaug uas koj kho cov neeg mob tam sim no, Ua tsaug rau cov uas Koj muaj lub siab zoo nco ntsoov tuaj xyuas lawv
Ib zaj thov Ntuj uas TP.Tardif qhia peb thov, kuv muab tso nrog zaj ua lus fab kis saud toj saud.
Yog koj muaj lub siab ntseeg thiab vam txog Huab Tais Yes Xus pab daws koj tej mob nkeeg mas coj zaj teev Ntuj no mus nyeem thaum koj mus teev Ntuj, txais lub Cim Yug tas, nws yuav pab tau koj.
Niam ntxawm Txooj tub. Txij li hnub kuv tau tuaj mloog txiv plig Tardif cov lus thov ntuj thiab ho tau los nyeem txiv plig Tardif cov lus thov ntuj uas koj muab txhais ua lus Hmoob tag lawm.Kuv lub siab yeej ruaj nreb thiab ntseeg tias txiv plig cov zaj thov ntuj yeej yuav pab tau kuv.yeej kho tau kuv tus mob kom zoo xwb xwb li.Niaj hnub no 1 hnub tuaj mloog 1 los 2 lwm ua rau kuv lub siab kaj lug.niaj hnub no kuv nrog cov tub cov nyab zov tau lawv tej me nyuam lawm.
Muaj cov neeg uas tau koom TP.Tardif lub thaj Txiv Ntuj, es nws thov Ntuj rau zoo ntawd muaj coob leej tau tham ntau zaj sib txawv; muaj tej tug mas tus mob cia li zoo kiag tam sim thaum thov Ntuj, tej tug mas ib hnub zoo zuj zus, tej tug mas mus koom Mis Xas ib zaug ces zoo me ntsis, muv txog 3 zaug ces zoo hlo lawm, muaj tej tug ces yog saib Txiv Plig Tardif teev Ntuj raws TV xwb kuj zoo kiag lawm thiab.
Kuv pom cov lus ua tim khawv, kuv muab tso tawm hauv vas sab nov, koj ua tub ho nug tuaj txog kuv kuv ho mus nrhiav tau zaj thov Ntuj no; thaum kuv mloog txog tog, kuv cia li hnov kuv lub hauv caug uas mob heev heev tau ob peb lis piam no cia li zoo tsis hnov mob lawm. Tom qab rov mob me ntsis tab sis yeej mob me me uas tej thaum yus twb yuav luag tsis nco qab tias yus mob no lawm. Kuv kuj tsis xav tias kuv yuav tau txais txiaj ntsim thiab no. Tab sis kuj yog Tswv Ntuj khuv leej kuv thiab mas kuv yuav zoo siab heev; vim kuj ua rau kuv ntxhov siab txog kuv tej niag mob khaum kev ntawd kawg li; yus xav ua ib yam dab tsi los yus tsis muaj lub dag zog ywj siab li lawm.
Thov kom Tswv Ntuj khuv leej nws es daws nws tus mob pov tseg, tsem nws txoj kev txom nyem lwj siab mus, rov coj nws txoj kev thaj yeeb nyab xeeb los rau nws thiab nws tsev neeg.
Tub Laj Pov, txhob xav txog cov neeg uas lawv txoj kev ntseeg me, lawv saib dej ua ntu neeg ua phu. Yuav rau siab teev Ntuj thiab tso siab lug rau Huab tais Ntuj, nco ntsoov tias Tswv Ntuj ua tau ntau yam loj tshaj qhov yus xav txog.
Kuv zoo siab uas nws rov muaj zog me ntsis lawm.
Cia kuv khoom tso, kuv mam muab ua suab rau cov uas lawv xav mloog cov lus, tej zaud yuav pab daws tau lawv tej kev ntxhov siab.
Yog leej twg muaj kev ntxhov siab, muaj txiab xeeb, nej mloog TP.Emilien Tardif cov lus thov Ntuj nov, yuav ua tau rau nej tus mob zoo tau. Yes Xus hais tias: "tus thov nws yuav tau, tus khob qhov rooj luag yuav qheb."
Maiv Tooj wrote:Txiv Plig Es Mis Lis Ias Tav Dis cov lus thov Ntuj
Lub caij peb teev Ntuj no, uas kuv yuav cev kuv cov lus thov Ntuj rau cov neeg mob no, kuv thov nej sawv daws tswm xeeb, thiab ua ke thov Ntuj, ib leeg thov Ntuj rau ib leeg. Kuv cev cov neeg mob uas tsis nyob qhov nov rau Tes Xus thiab. Cov neeg mob uas lawv thov kom peb thov Ntuj rau lawv.
Huab Tais Yes Xus, peb zeem tseeb tias koj yog Tswv Ntuj Leej Plees yug ua neeg, koj yog Tswv Ntuj tus Cawm Seej, koj yog tus Tswv zov yaj, thiab peb yog cov me nyuam yaj hauv koj lub teb chaws.
Thiab hmo no peb yuav tuaj ntawm koj, peb coj peb cov neeg mob nyob ntawm nov tag nrho los tso rau ntawm koj ko taw, thiab tag nrho cov neeg mob uas nyob hauv peb lub siab, zoo li hnub uas thaum yuav tsaus ntuj tsoom neeg nyob Nkas Lis Lais coj lawv cov neeg mob tuaj tso rau ntawm koj ko taw es koj kho ntau tus neeg mob zoo, uas koj tseem yog tib tug Yes Xus qub thaud, koj yeej muaj txoj kev hlub neeg thiab lub hwj huam li qub, koj yog tus hais rau peb tias: "Nej cov uas muaj mob, cov uas muaj lub nras nyhav, cov uas txom nyem, nej tuaj ntawm kuv mas kuv yuav daws rau nej.
Yes Xus, thov koj ntsia tag nrho cov neeg mob uas tuaj qhov nov hmo no. Muaj ib txhia, lawv tau sib zog heev thiaj li tuaj txog, vim lawv tso siab rau koj. Huab Tais Yes Xus, koj txhob ntsia peb cov txhaum, thov koj ntsia koj lub Koom Txoos kev ntseeg, thiab koj tuaj hauv cov neeg nyob qhov nov, thiab tsa koj txhais tes foom hmoov zoo rau saum cov neeg mob ib tug zuj zus. Koj uas tau raug mob thaum lawv muab ntsia hlau ntsia koj saum Ntoo Cuam, saum lub roob khauj khaum tau hau thiab ntawm koj cov qhov txhab nto moo lug, ntawm koj tus Ntoo Cuam Ntsiab, thiab ntawm koj cov ntshav muaj txiaj ntsim ntshiab uas rau ntws los cawm peb, ntawm koj lub hwj huam rau txom nyem thiab tuag sawv rov los. Peb thov koj, Yes Xus, thov koj pib kho cov mob uas nrog peb nyob ua ke nov, kho cov neeg uas mob hauv lawv lub cev, koj yog qhov chaw sawv rov los thiab txoj sia, kho tej mob uas nyob hauv lawv lub siab, koj yog tus qhwv lawv tej qhov txhab, kho peb cov cim xeeb tej qhov txhab, tsis pub kom ib yam dab tsi yav tag los ua rau peb tu siab, nyuaj siab ntxhov plawv.
Kho tag nrho tej qhov txhab uas yog lub hauv paus ua rau peb nyuaj siab.
Yes Xus, kho cov neeg uas lawv tus ntsuj plig raug mob rau txoj kev txhaum, ua kom lawv paub tu siab rau lawv cov txhaum, kom lawv tig los ua neeg ntseeg zoo. Ces koj zam txim rau lawv. Peb thov koj tag nrho tej no, vim koj yog Yes Xus. Koj tai hais tias: "nej thov mas nej yuav tau." Hmo no, peb xav kom peb tau txais koj cov lus tau cog tseg, thiab cov uas koj tsis kho lawv hmo no, yog koj xav npaj tej yam zoo tshaj rau lawv tom qab, Yes Xus, peb thov koj pab txhawb lawv lub zog kom lawv txhob qaug zog; kom lawv paub muab lawv txoj kev txom nyem txi rau cov roj ntsiab yuav pleev tsa koj ua Huab Tais rau koj txoj kev txom nyem saum Ntoo Cuam uas txhiv peb cov txhaum, kom lawv tau koj lub txiaj ntsim ntshiab uas txhiv peb cov txhaum, vim koj xav muab koj txoj kev txom nyem los txi rau Ntuj, koj xav ua kom yog ib rab twj txawj hloov. Koj xav los muab txoj sia thiab lub neej zoo ntws lug rau peb.
Peb thov koj, Yes Xus, muab txiaj ntsim kom ntau rau peb, ua kom ntau leej zoo kiag li koj tau hais hauv Ntawv Moo Zoo. Li qhov cim uas koj hais tias: "Nov yog lub cim uas nyob nrog cov neeg tau ntseeg, nej tua txog kuv lub npe, nej tsa tes rau saum tus mob ces nws yuav zoo hlo."
Yes Xus, nyob hauv cov neeg tuaj ua ke nov, tsa koj txhais tes ntshiab rau saum lawv thiab ua kom lawv zoo, kho peb cov neeg mob nyob tom tsev uas lawv kom peb thov Ntuj rau lawv. Huab Tais Yes Xus, peb ua koj tsaug rau qhov koj tuaj nrog peb nyob ua kev hauv nov, peb paub koj lub siab zoo thiab koj lub hwj huam loj. Ua ntej uas peb tsis tau pom thiab paub qhov koj yuav ua rau peb li peb thov koj, peb thov hais UA TSAUG RAU KOJ UA NTEJ. Thov ua tsaug rau txhua yam uas koj ua rau peb hmo no. Cav txog koj lub koob meej nto moo lug, Huab Tais Yes Xus.
Cia Leej Ntuj Plig Ntshiab hu nkauj cav txog Tswv Ntuj.
Home
Yog koj tso siab rau Yesxus lub siab ntshiab, nws yuav ua koj siab kaj lug 
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
