Txiv Plig , Txiv Twj Cuab, tub tshaj Ntuj lus tib si ua ke

**Maiv Tooj** 25th November 2011, 10:19 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

Txiv Plig , Txiv Twj Cuab, tub tshaj Ntuj lus tib si ua ke

Post Maiv Tooj 25th November 2011, 10:19 am

Txiv Plig , Txiv Twj Cuab, tub tshaj Ntuj lus tib si ua ke

Txiv Plig Daniel Ange, Tus tsim lub Koom Haum Hluas Kaj Nrig hais tias thaum Txiv Vaj Qhia tau hais ib los lus thaum Hnub Hmoov Hawm Huab Tais Tswv Ntuj li no:

"Tsis muaj ib yam dab tsi yuav zoo tshaj qhov uas tau txhos cawg pe ntawm Huab Tais Ntuj xub ntiag, yog ib qho kev ywj pheej loj tshaj uas pab kom peb tsis txhob mus kem caug rau ntawm tej mlom cuav thiab tej tug tsiaj. Txiv Vaj Qhia Npes Nes Div 16 hais tias kom tsis txhob mus kem caug hawm tus zaj liab uas tawm hauv dej los yuav nqos tus Poj Niam, Koom Txoos tus Poj Niam. Yuav tsum muaj peev xwm tawm tsam tiv thaiv lub teb chaws
kev thaj yeeb, lub teb chaws kev sib hlub, uas luag muab nyiag muab lws, muab nrhuav, yuav tsum muaj peev xwm li cov tau tuag ua tim khawv."

Thaum xyoo 1991 Zam Paj Lug II, tuaj mus rau Saint Jacques de Compostel nws hais tias: "Kuv tuaj sam hwm cov Tuag ua Tim Khawv 3000 xyoo. Peb nyob rau lub caij yuav Kawg, lub caij uas txoj kev ntseeg pob zuav, lub caij uas neeg muaj cuab kav thuam Tswv Ntuj tab meeg ntsuav, coob leej txoj kev hlub txias to, peb pom li no mas yog lub caij uas peb yuav mob siab, rau siab SAWV NTSUG, SAWV NTSEG, tsis yog yuav sawv ntseg ntseeg li tus mlom tsis nti. Yuav tsum tuaj pem hauv ntej, tib thaiv thiab qheb qhov ntsej, rua qhov muag npo txoj kev zoo, tiv thaiv txoj kev phem, yuav ua peeb zeej ntawm txoj kev ntshiab huv ntawm tus kheej. Peb yuav ua tsis tau Niam Mab Liab tus peeb zeej, yog peb twb tsis yog peb tus kheej tus peeb zeej. Peb yuav hwm tsis tau tus Nkauj Ntshiab Dawb Huv , yog tias peb twb tsis tiv thaiv tus uas tsim nws. Li nov kuv thiaj hais tias kom peb sawv, peb sawv tseem li cov yeej rog. Raws li seem dej ntws ces tag nrho cov teb chaws Yus Lauv (Europe) no yeej tab tom pob zuav ua rau neeg phav siav ua neej xwb. Nws muaj 3 hom zoo li:
1/ His Lawj (Hitler) twb xub pib rhuav tshem cov neeg uas tsis muaj nqes rau saum daim av.
2/ Cia li yuam coj txhiab vam, plhom leej suav thiab zeem pees tuaj yam lawv tsis kam.
3/ Thiaj yog nqe uas zoo, yog nqe uas yuav tsum txhab txoj kev HLUB rau lub neej txoj sia.

Zoo li nyob Germany teb, lawv ntsuam tias muaj 38% poj niam tsis kam yug me nyuam, lawv twb muaj taus me nyuam los yeej tsis kam yug li. Cov tau txais lub Cim Ntxuav thiaj yog cov yeej xwb; vim tsuas tshuav cov uas muaj txoj kev Ntseeg thiaj tseem yug me nyuam coob xwb. Thaum uas peb tsis xav li neeg lawm ces tsis ntev xwb cov haiv neeg yuav kav tsis ntev. Vim twb tsis paub tias tus twg yog txiv neej, tus twg yog poj niam li lawm. Tseem hais tias poj niam, txiv neej mas yog txheej thaum ub xwb, yog dab neeg, yog tej qub kev cai. Yog thaum neeg txog qhov ruam npaum li ntawd lawm, mas tej tswv yim ntawd yuav qaug sai sai, vim yog ib cov kev dag xwb.

Li ntawd mas kuv thiaj hais tias yuav tsum sawv nres nroos tawm tsam kom yeej xwb.

Lus nug:
Txiv Plig, es Niam Mab Liab yuav pab peb tau li cas rau tej ntawd?

-Thawm zaug uas nws nyiaj, nws thev twb yog thaum nws thev nws Leej Tub kev txom nyem mus ti nkaus rau ntawm taw Ntoo Cuam. Nws thiaj lub koob meej thiaj li nto lug, yog ntawm txhua yam tshwm sim los muaj sia tus Poj Vaj, tau nrog Leej Pleev lub hwj huam, nws yog tus Poj Vaj kav tag nrho lub sim ceeb, ib ntsais muag xwb nws thiaj li muaj peev xwm ua tau lub hnub kiv ncig lees, thaum tshwm sim nyob Fas Tis Mas.

Li ntawd thiaj li muaj cov sij hawm uas Fas Tis Mas tau hais tawm txog Koom Tshas Xaus Viaj qaug raws li cov Hnub Hwm Niam Mab Liab.

Yam li: hnub tim 13 lub 10 1977, yog yog hnub uas Niam Mab Liab tshwm sim nyob Fas Tis Mas, thiab yog 70 xyoo uas Xaus Viaj ua Koom Tshas, yog thawj zaug uas cov Ov Tos Dov (Orthodox) tau rov teev Ntuj haus lawv lub tsev teev Ntuj nyob Moscou. Hnub 13/10 hli ntawd cov Xaus Viaj ua Hmoov txog Niam mab Liab daim ntaub vas, yog daim ntaub roos, Hnub Tim 13/10 hli, cov Ortodox ua Hmoov txog Niam Mab Liab lub txiaj ntsim kev zoo siab. Zoo nkaus li uas Niam Lab Liab tau kos mem tes ua ntej lawm es hais tias "kuv lawv keeb kwm qab". Yam li qhov Phab Ntsa Berlun poob ntawd los yog hnub Tim 9 lub 11 hlis, kuj yog Hnub cov Spain ua Hmoov txog Niam Mab Liab Phab Ntsa.

Yog peb ua neej nrog Niam Mab Liab mas peb yuav tssi ntshai, yuav tsis txhawj li. Zoo nkaus li tus me nyuam nyob ntawm leej niam sub ntiag. Peb yuav tsum nyob rawv hauv Niam Mab Liab lub xub ntiag, vim yog Leej tswv Yim Ntshiab hlob hauv Tswv Ntuj txoj sia zoo nkaus li peb hlob nyob hauv leej neeg txoj sia. Yog qhov chaw uas Tswv Ntuj lub cev xeeb thiab hlob los tiav ib tug neeg, li ntawd peb yuav nyob rawv hauv Niam Mab Liab lub xub ntiag kom peb hlob nyob hauv Leej tswv Yim Ntshiab.

Cov neeg uas pom Niam Mab Liab tshwm sim, yog tus puav uas Tswv Ntuj ua rau lawv pom kom lawv tau qhia peb xwb. Yog peb nyob rawv hauv nws xub ntiag, lwm hnub peb sawv daws yuav pom Huab Tais Ntuj li lawv pom tag nrho. Peb yuav hluas ib yam li Niam Mab Liab uas leej twg pom los yeej hluas hluas li nw smuaj 16 los 20 xyoo nkaus xwb, txawm nws tau ua neej laus laus los pom nws mas nws hluas hluas tas li xwb. 18-20 xyoo yog lub hnub nyug nyob saum Ntuj Ceeb Tsheej, thaum mus nyob pem Tswv Ntuj lub teb chaws ces peb yuav hluas hluas, zoo zoo nkauj zoo nraug li thaum peb muaj 18-20 lawm xwb. Vaj Qhia Zam Paj Lug2 yuav tsis mob ntsuav, niaj hnub pw tsev kho mob thiab yuav tsis muaj 84 xyoos li hauv nov lawm. Nws yuav muaj 18 xyoo li thaum nws tseem nrog cov phooj ywg lom zem luag sis ntxhub lawm xwb.