Txiv plig Tshaj Sawm (Harry Thiel ) Lub neej

**Maivxis** on 25th November 2011, 5:33 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°1

Txiv plig Tshaj Sawm (Harry Thiel ) Lub neej

Post Maivxis on 25th November 2011, 5:33 am

TXIV PLIG Tshaj Sawm ( Harry Thiel ) LUB NEEJ

"TXIV PLIG Tshaj Sawm ( Harry Thiel ) LUB NEEJ " N.1

Txiv plig Tshaj Sawm (Harry Thiel ) Lub neej Page_338

Txiv plig Tshaj Sawm (Harry Thiel ) Lub neej Ftandc10

Txiv Plig Tshaj Sawm thawj thawj cev khaub ncaws Hmoob.
Yog Niam XH.Zoov Ntxheb xaws, nws phiaj xauv yog Co ntaus.

Yog tias tsis yog Huab Tais hu Ces txawm yuav tshuab qeej ntau nruas los neeg yeej tsis hnov .
Yog hais tias Tus me nyuam tub Heslis " Harry " nws tsis mloog Huab Tais Ntuj lo lus hu , Es nws tawm hauv nws lub tsev mus pab nws niam , Ua 10 tawm xyoo dhau los ua ho yuav muaj ab tsi tshwm sim rau nws. Yog hais tias nws tsis tau mus saib zaj yeeb yaj kiab ( Movie )" Anna And The king of siam " thiab yog nws tsis tau ntsib tus Txiv Plig ua yog phaum tij Lub npe hu uas " Canaslis " uas nws tab tom yuav mus rau teb chaws Thaib, Ua yuav tshwm sim dab tsi yog tus tub kawm loj ntawd nws tsis fwm yuav tshwm sim dab tsi, Yog nws tsis pab txhawb ces Harry nws yeej cog lus tias nws yuav tawm mus vim nws tsis tsim nyog yuav los ua Leej Choj. Yog hnub ntawd nws tuav tus khais laij liag es tig rov qab hnub ntawd, Ntawm no nws yog lus yuav teb cov lus nug ntawd tias ua yuav tshwm sim dab tsi tiag ..........

Nws lub neej thaum yau - Yog tsis hnov lub suab hu

Txiv plig Tshaj Sawm (Harry Thiel ) Lub neej Momand10

TP.Tshaj Sawm niam thiab txiv.

Nws txiv Harry Thiel yog neeg Asmeslikas Nws yug Hnub tim 10 Lub 3 hlis 2473(Phouthachak) ( Kritachak 1930)Rau lub zos Vuas Sis Toos "washington ", Lub nroog" Seattle ", yog ib lub nroog uas kuj tsis dog dig thiab, Rau qhov nws yog ib lub nroog ua cuab yeej Dav hlau loj( Boieng). Me tub Harry yug los rau ib tsev neeg uas niam thiab txiv coj kev cai Catholic ...!
Nkawd muaj 6 me nyuam, Muaj 3 tug yog ntxhais hos 3 tug yog tub li ntawd, lawv thiaj li nyob rau hauv kev cai Ntseeg Yes Xus, Kawm ntawv hauv Tsev kawm ntawv Kastosliv (Catholic ) Txhua Hnub Chiv ( Sunday )thiaj yuav tsum mus teev Ntuj. Thaum nws muaj 8 xyoo Nws tsev neeg thiaj li tau khiav mus nyob ze ntawm lub tsev nteev Ntuj uas ib txwm muaj cov Txiv Plig saib xyuas lawm , Txoj kev nyob ze lawv , Txoj kev txaus siab, Vim txoj kev no ua rau nws thiaj li xav mus ua Txiv Plig thiab txiav txim siab mus kawm rau hauv Tsev Txiv Plig yav nrhau los mus ...............

Txiv plig Tshaj Sawm (Harry Thiel ) Lub neej Youngh10

Maivxis.

[b]

Last edited by Maivxis on 14th February 2012, 5:45 am; edited 2 times in total

**NrhiavTswvNtuj** on 25th November 2011, 6:26 am

NrhiavTswvNtuj

NrhiavTswvNtuj: Hmong Catholique; Messages : 852
Date d'inscription : 2009-08-18

Post n°2

Re: Txiv plig Tshaj Sawm (Harry Thiel ) Lub neej

Post NrhiavTswvNtuj on 25th November 2011, 6:26 am

Nyob zoo Maiv Xis,

Ua tsaug ntau uas koj tuaj tso Txiv Plig Tshaj Sawm lub neej rau peb paub thiab nyeem. Zoo kawg li, peb yuav tshaj cov neeg uas tau muaj txiaj ntsim, muab tag nrho lawv sim neej los txhawb Peb Hmoob kom peb nrog luag muaj lub ntsej lub muag, kom peb nrog luag muaj vaj huam. Peb txawm tsis muaj peev xwm yuav pauj tau lawv txiaj ntsig los peb hais ib los lus qhuav txog lawv xwb twb zoo zoo kawg lawm. Lawv nim muab kiag lawv niam lawv txiv plooj me siab tuaj txi rau peb, peb twb tsis muaj ib yam dab tsi los nplij lawv niam lawv txiv. Thaum lawv tiag hluas kiag xwb nim tuaj nrog Hmoob nyob, tuaj txhawb Hmoob txog ntua hnub laus nkoo. Tej no ces ntshe yog Tswv Ntuj lub suab hu lawv tiag tiag li, lawv thiaj yuav ua tau li ntawd yam tsis khuv xim.

Maiv Xis, ua tsaug ntau nawb, peb tos ntsoov yuav nyeem ntxiv.

Kuv muab koj lub Topic noc hloov chaw mus rau Chav cov Txiv Plig lawm, hais rau koj paub.

https://hmongcatholique.forumdediscussions.com/f16-peb-cov-txiv-plig-hmongA

Txiv plig Tshaj Sawm (Harry Thiel ) Lub neej Tp_tsh51

Txiv plig Tshaj Sawm (Harry Thiel ) Lub neej 48639587parousie-over-blog-fr-poisson-croix-coeur-gif

Tus plig yim mus siab lub cev yim nyiaj mob
Tus plig yim ntshiab huv lub cev yim uv luag
Tus plig yim nyob ze Tswv Ntuj lub cev yim txom nyem
Tswv Ntuj tsom kwm koj vim koj yog tus neeg siab ntshiab
Tswv Ntuj txhais tes tsa rawv saum koj taub hau,
Vim koj ntshiab saum taub hau ti nkaus ko taw.

**Maiv Paj Lug** on 25th November 2011, 9:40 am

Maiv Paj Lug

Maiv Paj Lug: Tswv Cuab Hmong Catholique; Messages : 1593
Date d'inscription : 2009-08-17

Post n°3

Re: Txiv plig Tshaj Sawm (Harry Thiel ) Lub neej

Post Maiv Paj Lug on 25th November 2011, 9:40 am

WOW....MaivXis aw! cas koj yuav mus nrhiav tau T.P Tshaj Sawm lub neej los piav zoo ua luaj, thiab daim duab T.P Tshaj Sawm nqa tus me nyuam Hmoob thiab nws hnav tsoos tsho Hmoob no yuav mus ntxim hlub ua luaj, T.P Tshaj Sawm phim zam Hmoob tag nrho li, zoo siab heev cheers

Txiv plig Tshaj Sawm (Harry Thiel ) Lub neej Maypa110

Pab kuv rov los cuag koj Huab Tais Yesxus

**Maivxis** on 25th November 2011, 9:53 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°4

Re: Txiv plig Tshaj Sawm (Harry Thiel ) Lub neej

Post Maivxis on 25th November 2011, 9:53 am

Nyob zoo os Mp .

Ua tsaug os , Daim duab ntawd zoo kawg li tiag , nws tsis yog ntxim hlub os , Nws zoo li txim hawm na , Vim zoo li ib leej txiv uas Huab tais ntuj tso los rau peb Hmoob tiag zoo li kuv saib mas nws zoo li ntawd hos .Es nws tseem hnav khaub ncaws Hmoob thiab los tseem nqa tus me nyuam hmoob qhia tau hais tias , Zaum no Huab tais ntuj Tso kuv los rau nej cia kuv hnav nej tsoos ua nej txiv yuav coj nej mus cuag Kuv leej txiv Nyob saum ntuj no na,puas yog ma lod koj ua zoo saib mas zoo li nws lub ntsiab muag muaj zog heev li os .

Txiv plig Tshaj Sawm (Harry Thiel ) Lub neej Ftandc11

Txiv Plig Tshaj Sawm thawj thawj cev khaub ncaws Hmoob.
Yog Niam XH.Zoov Ntxheb xaws, nws phiaj xauv yog Co ntaus.

Maivxis .

**Maivxis** on 25th November 2011, 10:04 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°5

Re: Txiv plig Tshaj Sawm (Harry Thiel ) Lub neej

Post Maivxis on 25th November 2011, 10:04 am

"Txiv Plig Tshaj Sawm ( Harry Thiel ) Lub neej" 2

Lub neej pib nyob rau hauv lub tsev kawm Leej Choj kuj zoo heev, txawm hais tias txoj kev kawm thiab qhia nyob rau lub sij hawm ntawd, nruj heev li, los kuj tsis yog ib qho teeb meem rau nws. Lub sij hawm dhau mus tsis tau ntev, twb tsis tau muaj ib xyoo, ces nws ( Harry) txiv Cia li tau tag sim neej lawm, txoj kev nyuaj siab thiaj ua rau nws rov qab xav khiav rov qab mus tsev. Lub sij hawm ntawd kuv tus tij laug los kuj tau tag sim neej lawm thiab. Vim kuv yog ib tug tub kuv thiaj xav hais tias yuav rov qab mus pab kuv niam, rau qhov tshuav kuv niam tib leeg lawm xwb. Tab sis kuv niam hais rau kuv tias: .........." Me tub koj yuav tsum mloog Huab Tais Ntuj lo lus, uas Huab Tais Ntuj hu kom koj rov qab mus tom tsev kawm los nws hu hais tias kom koj los nrog niam nyob no maj? Koj yuav tsum mloog Huab Tais Ntuj lo lus nawb " Kuv thiaj li mus sab laj rau kuv txiv, Cas cia li muaj ib lub suab hu ntawm Huab Tais Ntuj tuaj kom kuv rov qab lawm tom tsev kawm.

Txiv plig Tshaj Sawm (Harry Thiel ) Lub neej 0111

Txij thaum ntawd los txog rau hnub no kuv yeej tsis paub hais tias kuv niam khwv li cas los yug peb tsev neeg . Peb los kuj txom nyem kawg, tab sis kuj muaj ntau qhov chaw pab peb tas li thiab.....Zaj no qhia tau rau kuv hais tias ........ Tsis txhob txhawj txog lub neej tias yuav zoo li cas; yog koj mloog Huab Tais Ntuj lo lus, koj mloog nws cov lus txib ces txhua yam nyob hauv ntiaj teb no nws yeej yuav muab rau yus xwb "....
Hnov lub suab hu dua ib zaug txiv ua rau yuav luag tsis muaj txiv plig Tshaj Sawm (Harry thiel) nyob rau hnub ntawd. Tshwm sim tsis pes tsawg lis piam ua ntej hnub kuv yuav mus txais lub Cim Tiag Tes. Tsis paub xyov yog dab tsi, tsuas yog xav hais tias tsis txhob mus thiab tsis tsim nyog mus txais, " Lub sij hawm ntawd kuv hnub nyug yog 25- 26 xyoo thiab kawm tiav lawm, zoo li yus loj txaus lawm thiab paub txog Huab Tais Yes Xus zoo lawm thiab, zoo li xav muab yus coj los piv rau Huab Tais Yes Xus,los zoo li kuj tsis tsim nyog , zoo li tsis tsim nyog ua ib tug Txiv Plig, ua Txiv Plig txoj hauj lwm, thiaj li mus thov yawm sij chav nyob, mus sau nra ntawm luag tus loj thiab hais rau nws tias: "kuv yuav sau nra rov qab mus tsev". Luag thiaj nug txog qhov teeb meem ces luag thiaj txib Hes Lis nrog nws pawg tias " yog " yeej tsis muaj leej twg tsim nyog ua li tab sis thov kom mloog Haub Tais Ntuj lub suab .

Txiv plig Tshaj Sawm (Harry Thiel ) Lub neej 0211

TP.Tshaj Sawm thiab nws niam.

Maivxis .

Last edited by Maivxis on 14th February 2012, 5:49 am; edited 3 times in total

**Maivxis** on 6th December 2011, 1:26 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°6

Re: Txiv plig Tshaj Sawm (Harry Thiel ) Lub neej

Post Maivxis on 6th December 2011, 1:26 am

TXIV PLIG " Tshaj Sawm (Harry Thiel) LUB NEEJ " 3

Koj mloog Huab Tais Ntuj lub suab hu, ua puas yog li nws xav tau, tsis txhob mloog koj tus kheej tsis txhob ua raws dab phem lub suab, li ntawd kuv thiaj li nrhiav ib qho chaw tsiag to teev Ntuj. Ua cas zoo li kuv hnov Huab Tais Ntuj lub suab hais rau kuv Hais tias ..........................

" Peb xav tau koj ..................." Txawm hais tias tam sim no kuv twb ua Txiv Plig tau 45 xyoos lawm los kuv yeej tsis khuv xim lub sij hawm dhau los li. Kuv zoo siab heev rau Huab Tais Ntuj tes dej num Huab Tais muaj peev xwm siv tej yam uas zoo li twb tsis muaj nqis coj los siv ua Huab Tais Ntuj txoj hauj lwm tseem ceeb. Thaum kuv nyuam qhuav ua kuv txoj hauj lwm mas kuv tsis to taub li tab sis kuv ua tag mus li, ntev ntev tom qab kuv kuj to taub zoo tuaj. Muaj nhub nyug laus zus, kuv hauj lwm ntau zus tuaj.

Lub zog txhawb siab - Lub neej kev ntseeg nyob Thaib teb

Lub sij hawm thaum tseem hluas HesLis tau ua hauj lwm nyob rau hauv ib lub tsev ua yeeb yaj kiab ( CINEMA ) ua loj tshaj hauv lub nroog SEATTLE ntawd, Muaj ib hnub nws tau muab zaj Yeeb yaj kiab hu ua 'Anna And The king of Siam ' Coj los tso saib Yog puag thaum ub uas tseem yog Huab Tais Thaib Mongkut Rama4 ( King Mongkut Rama Rama 4.) nws thiaj li tau pom lub teb chaws Thaib ua rau nws nyiam lub teb chaws ntawd tab sis nws tsis paub hais tias lub teb chaws Thaib (Siam ) nyob rau qhov twg Heslis thiaj li mus tom lub tsev nyeem ntawv (Libraly) mus nrhiav cov ntawv uas sau piav txog teb chaws Thaib coj los nyeem ................ tom qab Heslis mus nyob hauv lub tsev ntawv, kawm tau 4 xyoo , Lub sij hawm ntawd yog lub sij hawm uas ib co Txiv Plig tab tom yuav tuaj mus ua hauj lwm nyob rau Thaib teb; thaum cov Txiv Plig npaj yuav mus, tus tub kawb Heslis thiaj mus nrog lawv ntsaig khoom thiab nqa khoom mus rau hauv nkoj, nws pom lub nkoj khiav yeev lawm Nyob hauv nws nruab siab xav tij ywm hais tias: " kuv yeej yuav caum lawv qab mus xwb".
Thaum nyob rau hauv lub tsev kawm loj, Kuv tab tom npaj yuav mus ua Txiv Plig, kuv nkag mus ntsib pab neeg coj kuv ntawd ces kuv thiaj li tau thov lawv hais tias kuv xav mus nrog ' Misxiscasnaslis 'Nyob teb chaws Thaib kuv ib txwm xav lawm hais tias yuav tsum hwm tej hlob yog li ntawd lawv thiaj hais tias tsis txhob los txib luag tej hlob " You keep quiet and do what you're lost " Nyob twj ywb ywm es uas raws li luag txib

Maivxis.

Last edited by Maivxis on 7th December 2011, 4:59 am; edited 1 time in total

**Maivxis** on 6th December 2011, 3:10 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°7

Re: Txiv plig Tshaj Sawm (Harry Thiel ) Lub neej

Post Maivxis on 6th December 2011, 3:10 am

" Txiv Plig Tshaj Sawm (Harry Thiel)Lub Neej " 4

Txiv plig Tshaj Sawm (Harry Thiel ) Lub neej Page_317

Tab sis kuv pom tej yam nyob rau hauv lawv lub qhov muag, txij ntawd los ces cia li muaj lus txib kom tuaj mus rau teb chaws Thaib. Kuv txiav txim siab lawm hais tias txawm kuv yuav mus ua hauj lwm nyob qhov twg, teb chaws twg los kuv yeej txaus siab yuav mus rau qhov ntawd. Thiab txawm yuav ua dab tsi los tau, tab sis yog yuav mus txawv teb chaws uas yog Miss Casnaslis los yeej txaus siab nyob qhov ntawd thiab yuav ua hauj lwm nyob rau qhov ntawd, yuav muab siab rau txoj hauj lwm ntawd. Yuav tsis ntshai thiab txhawj txog kev noj kev haus, huab cua, lawv cov lus los yog kev thuam ntxub ntxaug txhua yam .

Txiv plig Tshaj Sawm (Harry Thiel ) Lub neej Fhinco10

Thaum uas tau txiav txim siab ua Txiv Plig " Hnub tim 2-7 hli xyoo 2499 (1956), kuv txiv Hes Lis tus npau suav ua xa kuv mus kawm ua Leej Choj kuj tshwm sim los ...... Tus hluas Hes Lis uas ntau xyoo dhau los ua nws tau paub txog teb chaws Xab Nyam (siam ) Nyob rau hauv yeeb yaj duab, Thiab tau nyeem hauv ntawv xov xwm , Tab sis xyoo 2501 nws tau tuaj sawv rau saum daim Av Sab Nyam
Siam = Thaib teb, Txij thaum ntawv nws lub luag hauj lwm kev ntseeg thiaj tau pib, thaum pib tshiab tshiab Txiv Plig Hes Lis yuav tsum tau mus kawm lus Thaib hauv lub tsev kawm ntawv " Axamxa simlasxas " Uas muaj Txiv Plig Dees (Deng) thiab Moslisxis uas yog tib pab phooj ywg ua ke. Tag ntawd nws thiaj tau nce mus phab Is Xam Thaib Qaum teb. Ho mus nyob rau "khomkej" (Kohnken) Xyoo 2505 Txiv Plig Heslis thiaj muaj sij hawm mus saib xyuas hauj lwm ntawm pawg ntseeg

Txiv plig Tshaj Sawm (Harry Thiel ) Lub neej Page_320

Txiv plig Tshaj Sawm (Harry Thiel ) Lub neej Page_321

Maivxis.

Last edited by Maivxis on 7th December 2011, 4:59 am; edited 2 times in total

**Maivxis** on 6th December 2011, 6:40 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°8

Re: Txiv plig Tshaj Sawm (Harry Thiel ) Lub neej

Post Maivxis on 6th December 2011, 6:40 am

" Txiv Plig Tshaj Sawm(Harry Thiel) Lub Neej "(5)

Txiv plig Tshaj Sawm (Harry Thiel ) Lub neej 03512

TP.Tshaj Sawm thiab XH.Yaj Zoov Ntxheb, Khej Me 1965

Npes Thas Las uas ua hauj lwm nrog rau cov neeg Pas kas kob yos nyob rau Tseej Maim (Chiengmai) qhov ntawd yog ib lub zog txhawb siab, nws ua rau txiv plig rov qab los pib ua hauj lwm rau haiv neeg Hmoob nyob Cas Vam Loei ( จ. เลย ) yam txaus siab hlo. "Thawj 3-4 xyoos ua ntej ntawd kuj tsis yooj yim li, vim tau ntsib ntau yam nyuaj, tab sis thaum nyob swm lawm kuj muaj kev zoo siab muaj kev lom zem heev thiab. Thaum kuv nyob rau tom Koos Thej, twb xub hnov Lub npe " Hmoob " lawm thiab kuj tau pom hauv ntawv xov xwm lawm, tab sis thaum xub thawj kuj tsis paub hais tias lawv ho faib ua pab ua pawg li cas. Txog ntua rau xyoo 2507 thiaj tau mus ua Caub As Vaj เจ้าอาวาส (Abbot) nyob rau Cas Vam loei ( จ. เลย ) nyob rau ped muaj zos Hmoob nyob rau saum roob. Kuv thiaj muaj sij hawm tau mus saib Hmoob mus nrog lawv nyob, zoo li muaj tej yim Hmoob kuj xav los coj Ntuj Kev Cai thiab. Kuv thiaj li tau mus thov tus Txiv Plig Loj(Pracunehga=พระคุณเจ้า ) ntawm peb pab pawg tias kuv yuav mus kawm lus Hmoob nrog cov Hmoob nyob rau Nplog teb thiab thiaj li rov qab los qhia Kev ntseeg rau Hmoob.

[size=18]Nrhiav cov neeg coj kuv kev mus rau pem hav zoov, toj siab.[size=18]

Txoj kev yuav mus hauv hav zoov rau pem toj siab, nws tsis yog ib yam yooj yim kiag li thiab lub sij hawm puag thaum ntawd kev tsheb los tsis tau muaj li yuav tsum tau mus ko taw mus nce roob nqis hav mus. Twb yog vim kuv tseem yog ib tug Txiv Plig hluas hluas es kuv thiaj li ua siab tawv qhawv mus, rau qhov thaum ntawd tseem hluas ces tsis paub ntshai kiag li; tsuas xav ntsib tej yam txawv txawv thiab nyuaj nyuaj... Txiv plig Hes Lis cia li tsiag lawm ib pliag Ces nws mam li rov qab piav nws lub neej thaum nws ua hauj lwm nyob rau pem toj siab rau peb mloog. Pom hauv nws lub ntsiab muag thiab lub zaim muag ntawm txoj kev zoo siab, txaus siab heev thiab zoo siab heev uas rov tham txog lub neej yav tag los

Txiv plig Tshaj Sawm (Harry Thiel ) Lub neej Page_324

" txoj kev uas nws mus no nyuaj heev, hais txog txoj kev nce roob nqis taug lub caij ntuj nag, ntog ntau teeg , tab sis lub sij hawm ntawd nws tseem hluas heev, thiaj xav pom xav paub tej yam uas luag tej yeej mus tsis txog li thiab yuav tau ntsib tej neeg uas ib txwm tsis tau pom dua thiab tsis tau paub dua li. Thaum xub thawj uas mus nrog cov Hmoob nyob kuj mus nrog lawv nyob hauv lawv vaj tse, nrog lawv noj mov, da dej li lawv. Lawv yog ib haiv neeg ua zaub mov huv heev li. Thaum nkag mus rau hauv lawv tej vaj tse ntsia zoo li tsis ntxim huv , tab sis thaum tus niam tsev los ua mov noj nws ua huv heev li thiab zaub mov Hmoob qab tiag tiag li thiab lawv muaj ib txoj kev cai txais qhua zoo heev.

Maivxis .

**Maivxis** on 7th December 2011, 5:23 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°9

Re: Txiv plig Tshaj Sawm (Harry Thiel ) Lub neej

Post Maivxis on 7th December 2011, 5:23 am

" Txiv Plig Tshaj Sawm (Harry Thiel) Lub Neej " 6

Txiv plig Tshaj Sawm (Harry Thiel ) Lub neej Fhmiss10

XH.Yaj Zoov Ntxheb, ...?, TP.Tshaj Sawm.

Lawv txais kuv zoo heev li txawm hais tias kuv yuav yog ib tug neeg pej kum (Mes kas) ib tug neeg txawv ntsej muag los lawv yeej caw kuv mus tsev. Mus nqa dej los rau kuv haus, nrhiav chaw rau kuv pw; tab txawm hais tias lawv twb tsis muaj pam vov txaus los lawv tseem faib ib daim rau kuv thiab. Thaum yuav nce toj mus lawm pem lawv zos, kuv tsuas hnav khaub ncaws li tej neeg xwb, kuv tsis hnav lub tsho ntev (Tsho Txiv Plig) Tab sis kuv hais rau lawv hais tias kuv yog ib tug Txiv Plig thiab coj Ntuj Kev Cai, Kas Tos Liv. Thaum kuv nyuam qhuav mus kuv lub phij xab yeej tsis muaj khaub ncaws ntau li tsuas muaj tej khoom xws li phiaj Mab Liab thiab Ntoo Cuam rau teev Ntuj. Lub sij hawm ntawd yuav xav li cas, zoo nkaus li lawv muab tau mus lawm ces ntshe lawv yuav coj los teev Ntuj no tab sis qhov tseeb cov niam tsev thiab cov me nyuam lawv pom ces lawv cia li los muab cov phiaj Mab Liab, cov Ntoo Cuam thiab txhua yam cia li coj mus cia tom tsev lawm Vim lawv tsis paub hais tias nws tseem ceeb muaj nqis npaum li cas.

Txiv plig Tshaj Sawm (Harry Thiel ) Lub neej Fhmiss11

Lub luag hauj lwm qhia kev ntseeg rau cov Hmoob nyob rau ( จ. เลย ) Kuj mus zoo heev vim Txiv Plig lawv kuj pab cuam zoo(khu am) คูอาร์ค. Txij li ntawd los txiv plig Hes Lis tau qhia kev ntseeg rau cov Hmoob loj zuj zus mus txog rau lub zos จ.เพชรบูรณ์ (Phetchabun.)Lub zos จ .พิษณุโลก Phitsanulok. Thaum kawg xyoo 2018 Txiv Plig thiaj li tau pib txoj hauj lwm nyob rau สังฆมณฑล (Diocese) Tseej Maim. Ua thawj txoj hauj lwm uas สังฆราช (Primate) muab tso rau nws yog qhia kev ntseeg rau Hmoob. Txiv Plig Hes Lis qhia kev ntseeg ntawm nws tus kheej. Yog koj yuav nkag mus rau hauv ib lub zos uas tsis yog Kas tos liv (Catholic) kuj tsis tau yuav piav txog txoj kev ntseeg rau lawv tsuas nug txog kev noj qab nyob zoo kev noj kev haus ua zoo li cas. Yog yuav hais txog kev ntseeg mas tsuas nug hais tias Ua nej nyob tej tsev zoo li no nej puas ntshai dab thiab nej puas tseem coj dab os Kuv kuj hais rau lawv tias Kuv li kuv tsis ntshai dab os rau qhov kuv ntseeg Ntuj Txiv Plig qhia rau kuv hais tias Nws muaj Huab Tais Ntuj tsim lub ntiaj teb no Tab sis cov Hmoob lawv ntseeg kev cai dab qhuas heev li .

Maivxis .

**Maivxis** on 7th December 2011, 6:08 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°10

Re: Txiv plig Tshaj Sawm (Harry Thiel ) Lub neej

Post Maivxis on 7th December 2011, 6:08 am

"Txiv Plig Tshaj Sawm (Harry Thiel) Lub Neej" 7

Txiv plig Tshaj Sawm (Harry Thiel ) Lub neej Page_326

Niam XH.Lis Nkaj Teev puag Maiv Rhia, TP.Tshaj Sawm, XH.Lis Nkaj Teev.

" Hmoob yog ib haiv neeg uas teev dab qhuas nruj heev thiab lawv ntshai dab heev. tab sis yog leej twg tham txog dab mas ho txav los mloog ze ze, yog kuv hais rau lawv tias kuv tsis ntshai dab mas lawv kuj xav paub hais tias ua li cas kuv ho yuav tsis ntshai dab .......
niaj hnub no kuv kuj tsis tau qhia kev ntseeg tiag tiag , tsuas yog mus xyuas cov pawg uas nws ib txwm coj kev cai ntseeg xwb. tej zaum kuj mus xyuas tej lub zos uas lawv tsis yog neeg coj kev cai ntseeg nNtuj, lawv kuj hu kuv mus xyuas lawv ces ho piav txog kev cai ntseeg ntuj me ntsis. tsuas yog muaj li 40 lub zej zog uas nkag nrog rau tsev hauv haum xeeb hmoob(centre for Hmong). muaj tej lub zos tsuas muaj li 4-5 yig uas lawv coj kev cai ntseeg ntuj; tab sis nyob rau tej qhov chaw ho muaj li 40 yim kuj tsis yog coj kev cai ntseeg tag txhua txhua yim thiab. yog li ntawd thaum uas kuv mus teev Ntuj rau cov ntseeg kuj muaj tej cov tsis ntseeg tuaj saib tuaj mloog thiab thaum yus hais txog tej lus qhia kuj muaj neeg tuaj nyob mloog thiab. yog tej zaum ho tso yeeb yaj kiab (CINEMA) kev ntseeg kuj muaj cov sab nraum tuaj saib thiab. lawv tau hnov hais tias kuv kuj tau pab coj tej neeg mob mus kho mob thiab pab lawv xa plig rau cov tuag. thiaj ua rau lawv txaus siab heev. Haiv Hmoob kuj saib txoj kev tuag tseem ceeb heev thiab. Vim li ntawd kuv tsis paub thiab tsis ceev faj hais tias ua muaj yam dab tsis uas kuv ua tau raug lawv siab raug lawv ntshaw uas lawv cia li txaus siab xav nkag los coj kev cai Ntseeg ntuj .............Ib yam li lub hmoov huab tais YES XUS yug los ( Christmas ) kuv kuj tau mus ncig xyuas Hmoob, thaum lub Hmoov hla (The passover) los kuv kuj mus xyuas txhua lub zos Hmoob. thaum ua lub Hmoov tag lawm kuj tau muab ( Video ) Tso rau lawv saib hais txog phau Ntawv Ntshiab uas hais txog Huab tais YES XUS thiab "ZamPajLug "tej chaw mus xyuas qhov ub qhov no thiaj li tau ua rau cov neeg ntseeg txaus siab heev tej yam zoo li no los kuj yog ib yam uas cav txog huab tais YESXUS lub moo zoo "

Txiv plig Tshaj Sawm (Harry Thiel ) Lub neej Page_332

Txiv plig Tshaj Sawm (Harry Thiel ) Lub neej Page_333

Qhov tseem nco cia ntawm kev txaus siab hauv lub neej qhia kev ntseeg ntuj

txoj kev hloov ntawm lub ntiaj teb ua rau neeg lub neej cwj pwm ib txwm nyob rau kev ywj pheej. lub neej ntev dhawv ntawm ib tug neeg uas ua rau nws paub nws pom thiab ua ke nrog nws txoj hauj lwm rau txoj kev hloov mus ntawd Txiv plig Heslis nws tau pom tej yam uas tseem nyob thiab tab tom yuav nkag los mus rau neeg ntiaj teb lub neej Yam ntawd nws yog ib yam tseem ceeb Thiab xav kom nws muaj nyob mus li Nws lub suab ntawd Luag ntxhi thiab muaj kev cia siab txawm hais tias tsis paub yuav ua tau thiab tsis tau .

Maivxis .

Last edited by Maivxis on 16th January 2012, 10:26 pm; edited 1 time in total

**Maivxis** on 16th January 2012, 9:46 pm

Maivxis

Maivxis: Phooj Ywg; Messages : 262
Date d'inscription : 2009-11-05

Post n°11

Re: Txiv plig Tshaj Sawm (Harry Thiel ) Lub neej

Post Maivxis on 16th January 2012, 9:46 pm

" Txiv Plig Tshaj Sawm(Harry Thiel)LubNeej "[/size]8

" Thaum ub nyob rau saum roob deb txoj kev vam meej Hmoob txoj qub kev cai ib txwm muaj zoo heev li hmoob tus yam ntxwv kev coj thaum ub nws zoo heev thiab txim hwm kawg li tab sis tam sim no txoj kev vam meej txhua yam kuj muaj zuj zus tuaj rau hauv tej zej zog hmoob muaj cov suav tuaj ua lag luam thiab muaj cov neeg phem nkag los hauv zos (The replies to incoming traffic.) Haiv hmoob thiaj ua ywj fab ywj fwj rau ub rau no txoj kev cai qub thiab lawv tus yam txwv uas ib txwm coj zoo yuav ploj zuj zus mus uas lawv twb tsis ceev faj li Kuv yog ib tug nyob sab nraud kuv tau pom tau paub mas ua rau kuv tu siab heev Kuv thiaj li maj mam qhia kom lawv thim xav es kom lawv rov los khaws lawv tej txuj thiab lawv cov lus Hmoob uas ib txwm yeej tsis muaj sib tw nrog rau cov lus thaib Cov lus thaib yog ib co lus nruab nrab ntawm lub teb chaws uas lawv yuav tsum tau kawm kom txawj tab sis tsis tau hais tias lawv yuav tsum tso lawv cov lus Hmoob tseg "
" Keeb kwm Hmoob thaum ub hmoob muaj ib yam xws li hmoob yog ib haiv tawv thiab nruaj khov heev ua rau yus saib tej zaum lawv yog ib co neeg tawv ncauj Rau qhov lawv txiav txim siab hais tias ua li no ces yuav tsum ua li ntawd xwb yog thaum lawv xaiv tau qhov yuam kev lawm es yus ho yuav mus qhia rau lawv mas yeej nyuab heev tab sis thaum lawv xaiv tau thiab txiav txim siab lawm lawv yeej tsis hloov siab Zoo ib yam li lawv txiav txim siab tias yuav tso kev cai dab qhuas tseg es ho los coj kev cai ntseeg ntuj lawv yeej ruaj khov rau yam uas lawv tau txiav txim siab tab sis tam sim no kuj hloov lawm muaj tej tug cia li txiav txim siab tawm tsis coj kev cai ntseeg lawm .....

Txiv plig Tshaj Sawm (Harry Thiel ) Lub neej Page_334

Nrhau ntawm txoj kev uas tau pom thiab txaus siab ntawm lub neej uas tau nraug cov kwv tij Hmoob nyob los txawm hais tias Txiv plig nws yog ib tug Txiv Plig qhia txoj kev cai ntseeg uas tau ncaim mus nyob deb nws lub teb chaws yug nws tab sis Txiv Plig kuj tau paub txog txoj kev hlub
mos muag los ntawm lub tsev nteev ntuj (พระศาสนจักร) Ua yog ib "Tsev neeg loj heev " los ntawm Huab tais leej txiv ua ib qho cim cia coj los ua lub zog rau lub neej ua Txiv Plig Txoj kev qhia kev cai ntseeg nyob rau Tseejmaim ( Chiengmai ) Thaum xub thawj nws tseem tsis tau muaj cov neeg ntseeg vim lub caij ntawd yog lub caij uas cov koos sam tab tom xeeb teb chaws txoj cai nyob rau teb chaws Nplog lub sij hawm ntawd ua rau qee pawg Hmoob nyob tsis taus thiaj li tau khiav ua neeg thoj nam rau thaib teb kuj muaj neeg coob leej uas lawv yog kastausliv (Catholic ) Lawv txom nyem heev tiag tiag li vim lawv tso tag puas tsav yam tseg tsuav dim txoj sia xwb tsis paub yuav tig mus rau qhov
twg li vim tsis tau txais txoj kev pab li thaum kawg zoo li leej ntshiab thiaj ua rau kuv siab xav hais tias ua li cas ho tsis qia rau "Yawg hlob พระสันตะปาปา (Vaj Qhia Paj Lug 2 ) ces kuv thiaj li mus ntsib พระสมณทุต ( The range of Samana ) nyob rau tom koosThep ( krungthep ) thiaj li mus hais qhia rau nws nws thiaj li hais tias yuav tsum qhia " VAJ QHIA ZAM PAJ LUG" paub ces kuv thiaj li xa ntawv mus rau "VAJ QHIA " tsis ntev tom qab thiaj li tau txais ib pob nyiaj coj tuaj pab cov neeg thoj nam Pob nyiaj no yog ib pob nyiaj uas tag nrho cov neeg kastosliv thoob ntiaj teb muab tuaj rau VAJ QHIA tau pab neeg txom nyem .

Maivxis.

Last edited by Maivxis on 17th January 2012, 2:35 am; edited 1 time in total

**Maivxis** on 17th January 2012, 12:44 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°12

Re: Txiv plig Tshaj Sawm (Harry Thiel ) Lub neej

Post Maivxis on 17th January 2012, 12:44 am

" Txiv plig Tshaj sawm ( Harry Thiel ) Lub Neej " 9

Tus neeg uas nws xav tau kev pab nws zoo siab thiab txaus siab heev rau txoj kev cai ntseeg no thiab rau Zampajlug , Zam pajlug tsis tau hais tias yuav tsum ua pes tsawg tsab ntawv thiab ua yuav xa mus rau qhov
ub qhov no li .........Kuj hais tau hais tias yog lub txiaj ntsim Vim yog tau tsis ntev tsis muaj pes
tsawg xyoo cia li muaj cov Hmoob tau los ntseeg Huab tais ntuj thiab los mus coj kev cai ntseeg Kastosliv uas yog huab tais tso leej nsthiab los nyob rau hauv lawv lub siab kom lawv los ntseeg ntuj uas kuv tsis
tau hais thiab yuam lawv li thiab kuj tsis tau caij tsheb mus saum roob mus hais rau lawv thiab tsis tau
ua dab tsi nyuaj siab li Tab sis kuv tau mus saib cov neeg muaj mob Mus pab cov neeg txom nyem qhia kev ntseeg rau lawv cog txoj kev zoo ntawm txoj kev ntseeg rau hauv lawv lub siab *

Txiv plig Tshaj Sawm (Harry Thiel ) Lub neej Page_335

Txiv plig Tshaj Sawm (Harry Thiel ) Lub neej Page_336

Txij hnub ntawd los txog rau hnub no yog 36 xyoo uas Txiv Plig tau nyob nrog cov hmoob Txiv
Plig tau mus nrhau lawm ntau ruam thiab ntawm txoj kev qhia kev ntseeg loj zuj zus yam txaus siab heev
tam sim no TxivPlig Txoj kev cia siab yog xav kom Hmoob khaws lawv tus cwj pwm zoo tseg es kom hmoob sib
hlub sib pab nyob rau hauv haiv hmoob thiab ua tej yam kom muaj nqis rau daim av uas lawv nyob ( Teb chaws thaib )

Txiv plig Tshaj Sawm (Harry Thiel ) Lub neej Page_337

" Xav kom haiv hmoob coj lawv tus cwj pwm zoo thib lawv txoj kev cai hmoob zoo no cia xav kom
haiv Hmoob muaj txoj kev kawm loj thiab dav tuaj Thiab muaj kev txawj ntse nrog lawg txawj ua ub ua no
es los ua pab ua pawg thiaj li los pab tau cov uas lawv tsis txawj Yuav tsum los sib pab kom tes li
yav thaum ub uas Hmoob ib txwm coj los Tsis yog zoo li tam sim no es nyiam txawj ces nyias yuav nyob
nyias xav kom hmoob yuav tsum sib pab hmoob kom hmoob muaj ib tug zoo qauv ua yog hmoob li Thiab xav
kom hmoob ua zoo kom los muaj koob muaj npe nrog rau luag haiv neeg thaib uas tsis txhob muab luag tej
txiaj tsim tshem tawm yuav tsum nrhiav ua tej txiaj ntsim zoo rau luag teb chaws es kom yus thiaj li nyob
kaj siab lug nrog tau luag thiab kom haum luag tus cwj pwm "

Maivxis .

**Maivxis** on 17th January 2012, 2:01 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°13

Re: Txiv plig Tshaj Sawm (Harry Thiel ) Lub neej

Post Maivxis on 17th January 2012, 2:01 am

" Txiv Plig Tshaj sawm ( Harry Thiel ) Lub neej " 10

Khaws txhua yam kev xav ntawm lub neej " Ua Txiv Plig "
txawm hais tias Txiv plig Heslis this yuav yog ib tug txiv plig ua muaj koob muaj npe uas peb sawv daws paub tab sis txiv plig tseem muaj ib tug zoo qauv uas nws txaus siab thiab nyiam ua raws li nws tus qauvv thiab coj los ua ib lub zog txhawb siab rau nws thiab
" Yawg hlob khus haj yog ib tug uas coj raug kuv siab heev txij li hnub uas kuv tau paub nws nyob rau As mes liv kas teb kuv muaj txoj hmoo zoo heev uas kuv tau ntsib ntau tus txiv plig uas lawv muaj lub siab zoo heev Zoo li kuv paub hais tias cov txiv plig no lawv paub txog huab tais yesxus zoo heev thiab lawv ua raws nraim li huab tais yesxus lub hom phiaj ntag xws li Txiv plig kastoslis uas nyob thajlej .. kuv hwm nws heev yav tag nrhau los no yog taug kev ko taw mus qhia kev ntseeg tab sis tam sim no caij tsheb mus lawm xwb thaum i yus taug kev mus mas kuj ntsib tej neeg taug kev kuj tau nrog lawv tham lus thiab txawm hais tias lawv tsis yog neeg ntseeg kastosliv los yeej sib hu sib tham tam sim no caij tsheb lawm xwb ces kuj tsis tau nrog zej zog tham taug kev lawm "

Txiv plig Tshaj Sawm (Harry Thiel ) Lub neej Page_410

45 xyoos ntawm Lub neej txiv plig nrhau los Txiv plig Heslis this tau txais txoj kev tiv tshav tiv nag tau pom tau ntsib ntau tsav ntau yam uas qhia tau rau nws hais tias txoj hauv kev nws uas yuav nyob kaj siab lug nrog rau cov Txiv plig thiab kwv tij phooj ywg tab sis txoj kev uas yus yog ib tug tib neeg xwb thiaj li tseem muaj txoj kev nyob ib leeg kho siab nyob rau tej lub sij hawm thiab
" Txoj kev kho siab vim muaj tej lub caij uas yus tsis nco qab nrog huab tais Hesxus tham yog yus nrog Huab tais yesxus tham nws yuav los nyob rau hauv txoj kev ntawd zoo li ua rau yus hnov hais tias zoo li Huab tais Yesxus Niam mab liab thiab Yosxes lawv yog yus tsev neeg tab sis yog yus tsis saib xyuas yus tus kheej ces yuav ua rau yus kho siab "
Ua ib tug txiv Plig yuav tsum muaj txoj kev kom ruaj khov yuav tsum muaj txoj kev hlub yus tus huab tais yuav tsum nyob ze Huab tais Yesxus thiam kom swm nws kom ntau heev txhais tau hais tias yuav tsum nrhiav caij los nrog Huab tais yesxus tham xws li kev teev ntuj thiab yog koj paub Huab tais Yesxus zoo lawm koj yuav paub cov uas Huab tais Yesxus paub lawv thiab raws li kuv paub nyob rau hauv ntawv Moo zoo mas Huab tais Yesxus tau hais txog cov neeg pej kum xav kom Txiv Plig muaj sij hawm rau txhua leej txhua tus Nyob rau kuv lub neej niaj hnub no kuv yeej nyob nrog cov neeg pej kum zej zog ntau xwb thiab kuv kuj kaj siab nyob li ntawd "

Txiv plig Tshaj Sawm (Harry Thiel ) Lub neej Page_411

Thaum yus muaj ib qho teeb meem kom yus nco ntsoov hais tias huab tais ntuj yog lub zog thiab qhov tseeb Nyob hauv kuv lub neej muaj ntau uas kuv muaj teeb meem thiab daws tsis poob li kuv yeej xav tsis tau dab tsi li kuv mus zaus ib leeg twj ywm xav hais tias ua li es tej teeb meem no ua Huab tais Yesxus yuav txiav txiv li cas .

Maivxis .

**Maivxis** on 17th January 2012, 2:25 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°14

Re: Txiv plig Tshaj Sawm (Harry Thiel ) Lub neej

Post Maivxis on 17th January 2012, 2:25 am

" Txiv Plig Tshaj sawm (Harry Thiel ) Lub neej "11

Ua Huab Tais ntuj yuav ua li cas thiab nws puas yuav txiav txim siab tau...... " Thiab muaj ib yam uas tseem ceeb heev li xws li peb cov Txiv Plig txhua tus yuav tsum txawj sib hwm tsis yog yuav sib tw los yog sib khib vim hais tias txoj kev qhia ntuj kev cai mas muaj ntau heev li Thiab yuav tsis yog ib leej tus twg li yuav tsum tsis txhob sib txeeb tab sis yuav tsum sib pab "
Muaj neeg coob leej ntau tus hais txog " Txoj kev qhia kev cai ntseeg ntuj rau haiv neeg hmoob " thiab lub npe " Txiv Plig heslis this " mas saib zoo nkauj li yog ib yam uas ua ke nraim yeej tsis sib nrug li tab sis tus Txiv Plig loj siab thiab - siab zoo uas tau piav txog ib zaj uas tawm plaws hauv nws nruab siab los nws sawv ntawm hauv ntej no hais tias " Yog tsis muaj Huab tais ntuj ces haslis this ( Harry Thiel ) yeej tsis muaj nqis li "

Txiv plig Tshaj Sawm (Harry Thiel ) Lub neej Fhmiss12

" Kuv zoo li yog ib tug thwj tim ua lub teeb cig ntawm Huab tais ntuj tuaj Tsis yog kuv yuav khav theeb tab sis nws yog ib txoj kev ntseeg uas tau ntsib tau pom qhov tseeb uas nws tau tshwm sim nyob hauv lub neej kuv tsis yog tus xaiv yog Huab tais ntuj coj kuv kev nws ua rau kuv lub siab kom kuv yuav tsum ntseeg yuav tsum nyiam cia li mus saib hmoob nyob pem toj roob tsis ntev nws kuj ua rau hmoob lub siab kom nyiam kev ntseeg kom thaum txog lub caij uas Huab tais ntuj xav tau kom haiv neeg hmoob nyob rau thaib teb paub txog Huab tais ntuj lub npe thiab nkag los hawm huab tais ntuj qhov no yog ib qho tseeb uas kuv ntseeg tawm hauv kuv lub siab uas nws tau tshwm sim muaj tiag ........Ua li cas pheej yuav hais " Heslis this " ua dab tsi ma yog Huab tais ntuj tsis tau ua hauj lwm rau hauv yus ces yus yeej ua tsis tau dab tsi li yog Huab tais ntuj tsis tso leej ntshiab los nyob rau hauv yus ces txawm yus yuav tshuab qeej tshuab raj los yeej tsis muaj neeg hnov li os " Lo lus ua tawm hauv Txiv plig Nruab siab los ….
Kuv thov ua tsaug rau nej txhua leej txhua tus uas muaj lub siab zoo uas tau ib txwm pab lub yeej thoj nam Hmoob kas tos liv tsis hais tus pab lub dag zog pab dej siab dej ntsws los yog pab nyiaj txiag ...

Txiv plig Tshaj Sawm (Harry Thiel ) Lub neej Fhmiss13

Maivxis .

**Tub Kawm** on 17th January 2012, 2:49 am

Tub Kawm

Tub Kawm: Phooj Ywg; Messages : 426
Date d'inscription : 2011-10-13

Post n°15

Re: Txiv plig Tshaj Sawm (Harry Thiel ) Lub neej

Post Tub Kawm on 17th January 2012, 2:49 am

Nyob zoo Maiv xis, thov ua tsaug uas nws tau sau Txiv Plig Tshaj Sawm lub neej tuaj pub rau peb nyeem og. Yog ib zaj zoo txhawb peb kom txawj sib nyiam sib hlub thiab sib koom tes tuav Tswv Ntuj lub luas hauj lwm og. Thov kom nws rov tuaj sau ntxiv rau peb nyeem og nawb. Kawg no thov kom HT Ntuj lub txiaj ntsim nrog nraim Nws. Nyob zoo.

**Yaj Suav Nus** on 17th January 2012, 6:09 am

Yaj Suav Nus

Yaj Suav Nus: Phooj Ywg; Messages : 286
Date d'inscription : 2009-10-23

Post n°16

Re: Txiv plig Tshaj Sawm (Harry Thiel ) Lub neej

Post Yaj Suav Nus on 17th January 2012, 6:09 am

Nyob zoo Maiv Xis,
Kuv thov tham ib lo los ntxiv rau zaj koj sau txog Txiv Plig Tshaj Sawm lub neej, kuv vam tias koj thiab nrog rau cov tuaj nyeem txhua tus yuav tsis xav li cas rau kuv.
Lub caij uas peb cov Hmoob nyob los tsuas ua neeg thoj nam los nyob rau Thaib teb mas Txiv Plig Tshaj Sawm yeej tau tuaj xyuas thiab tau pab peb tiag, peb cov ntseeg yeej nco ntsoov nws lub txiaj ntsim.
Muaj ib qho uas coob leej tsis tau xav txog tias Txiv Plig Tshaj Sawv yuav ua tau vim tias txhua tus Txiv Plig uas tau pab Hmoob tseem tsis tau ua...qhov ntawd yog thaum cov hmoob ntseeg muaj ib tug tau tas sim neej, thaum Txiv Plig Tshaj Sawm ua qhov kab ke xa pig xaus kiag mas nws yog tus xub qhib suab nyiav tus tau tam sim neej, tsev xyom cuab mam los nyiav phim thiab tsa Txiv Plig.

4 daim duab no yog nyob rau lub yeej thoj nam A. Pua thaib teb
Yog hnub Txiv Plig Tshaj Sawm nrog rau tus Tswv Qhia (tus Tswv Qhia yog neeg thaib)
Tus Tswv Qhia ua lub Cim Txhab Zog rau ib co hluas thiab laus

Txiv plig Tshaj Sawm (Harry Thiel ) Lub neej Numari11

Txiv plig Tshaj Sawm (Harry Thiel ) Lub neej Numari12

Txiv plig Tshaj Sawm (Harry Thiel ) Lub neej Numari13

Txiv plig Tshaj Sawm (Harry Thiel ) Lub neej Numari14

Y. Suav Nus

Last edited by Yaj Suav Nus on 23rd January 2012, 1:06 pm; edited 1 time in total

**Maivxis** on 17th January 2012, 7:45 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°17

Re: Txiv plig Tshaj Sawm (Harry Thiel ) Lub neej

Post Maivxis on 17th January 2012, 7:45 am

Yaj Suav Nus wrote:Nyob zoo Maiv Xis,
Y. Suav Nus

Nyob zoo os tij laug suav nus , Zoo siab nhub no tau ntsib koj os lod , Ua tsaug ntau nawb mog uas koj tseem coj tau ib co duab muaj nqis kawg li tuaj tso rau hauv no thiab os yog koj ho muaj cov duab thaum ub uas nyob rau lub sij hawm ntawd no coj tuaj tso tau kawg los mas kuv mas kuv yeej tsis paub txog li os vim kuv tsis nyob rau nej teb chaws na tab sis kuv tsuas txhais zaj dab neeg no xwb es yog nej leej twg muaj duab thiab muaj tej yam uas nej paub los ho coj tuaj tso thiab qhia rau kuv os nawb .

Ua tsaug nawb mog .

Maivxis .

**Maiv Tooj** on 17th January 2012, 7:38 pm

Maiv Tooj

Maiv Tooj: Tswv Cuab Hmong Catholique; Messages : 5881
Date d'inscription : 2009-08-18

Post n°18

Re: Txiv plig Tshaj Sawm (Harry Thiel ) Lub neej

Post Maiv Tooj on 17th January 2012, 7:38 pm

Nyob zoo Maiv Xis, txiv Suav Nus, tub Txawj Tuam,

Maiv Xis, ua tsaug uas nws tuaj nthuav txog TP.Tshaj Sawm lub neej rau peb paub. TP.Tshaj sawm yog ib tug Txiv Plig uas muaj txiaj ntsim heev rau Peb Hmoob, nws muab tag nrho nws sim neej los pab thiab tsim kho Peb Hmoob lub neej. Thaum nws laus lawm, nws xav tias nws yuav tsis nyob ib txhiab ib txhid, nws thiaj li mus thov nws tej txheeb ze thiab cov Tuam Txhav laj luam pab tau ib qho nyiaj los yuav ib cov av thiab ua ib lub Tsev Hauv Paus ua Hmoob tug nyob rau Tseej Maim, Thaib teb thiab Ib Cheeb Tsam. Tab sis xav tsis raws li xav, nws tag sim neej kiag xwb ces cov av ua teb raug muag tag nrho, cov tsev kuj yuav poob mus, tam sim no tsuas tshuav ob thaj av ua tsev me me lawm xwb. Tu siab kawg, nws xav npaj kom tau ib yam tseg ua Hmoob tug, tab sis qeg nws lub dag zog, tsis raws li siab xav.

Peb yuav nco ntsoov nws txiaj nws ntsig tsis muaj caij kawg.

Txiv Suav Nus,

Ua tsaug uas koj tseem coj iv co duab uas peb tssi muaj tuaj rau peb saib thiab, ua tsaug ntau. Yog ib yam tseem ceeb heev rau peb. Ua li koj puas paub tus Txiv Plig uas tau muab nws lub taub hau los tam Hmoob pem Naj, thaum Hmoob nyuam qhuav khiav los rau Thaib teb es Thaib tsis pub Hmoob nkag rau Thaib teb puas yog Txiv Plig Tshaj Sawm?
Thaum 1977, peb nyuam qhuav tuaj rau Fab Kis teb tsis ntev, kuv ntsib Soob Pov Vaj, lawv yog Hmoob Looj Ceeb, tab sis lawv khiav nce toj rau sab Moos Loob mam li tshwm rau pem Naj. Nws tham tias thaum lawv khiav coob coob los txog rau ntawm ib tug ntug dej loj, uas yog nrim Thaib thiab Npoj (Tsis yog Nab Khoom, sab Sayabury twb hla Nab Khoom sab tim ub lawm), Thaib taw phom nrees tsis pub lawv hla tus dej li, yog hla ces tua xwb. Ces lawv los pw ib hmo ntawd, Txiv Plig tuaj sab tim Thaib tuaj, hais rau lawv kom lawv txua phuaj, lawv ntshai heev, tab sis Txiv Plig hais kom txua phuaj npaj hla xwb. Ces thaum Txiv Plig kom lawv hla, Thaib yuav tua ces Txiv Plig hais rau Thaib tias, nej yuav tua ces tua kuv xwb, txhob tua cov neeg ntawd, lawv tssi paub dab tsi, yog kuv kom lawv hla xwb. Ces lawv thiaj li dim tag nrho los rau Thaib teb lawm. Qhov nov ua rau coob leej los ua Ntuj Kev cai, vim lawv pom tyias Ntuj pab lawv.
Tab sis kuv tsis nco qab tus Txiv Plig ntawd npe lawm los xyov yog Soob Pov yeej tsis qhia nws lub npe rau kuv. Ntshe yog zoo siab dhua lawm es cia li hais Txiv Plig no xwb. Yeej yog ib tug Txiv Plig uas tau nrog Hmoob nyob dua los thiab txawj hais lus Hmoob.

**Yaj Suav Nus** on 18th January 2012, 5:27 am

Yaj Suav Nus

Yaj Suav Nus: Phooj Ywg; Messages : 286
Date d'inscription : 2009-10-23

Post n°19

Re: Txiv plig Tshaj Sawm (Harry Thiel ) Lub neej

Post Yaj Suav Nus on 18th January 2012, 5:27 am

Nyob zoo Maiv Xis,
Txawm tias koj tsis paub Txiv Plig Tshaj Sawm tau pab Hmoob zoo li cas los koj twb tau paub nws nyob hauv nws zaj dab neeg lawm tsis tag li ntawd koj twb tau txhais nws zaj dab neeg rau peb sawv daws tau nyeem tau paub ces twb yog ib qho zoo kawg lawm. Kuv thov qhuas koj thiab ua koj tsaug, vam tias koj tseem yuav txhais kom tas nws zaj dab neeg tuaj tso rau peb nyeem ntxiv.

Nyob zoo tais Tooj,
hais txog tus Txiv Plig uas tau muab nws lub taub hau los tam Hmoob pem Nan (Naj), thaum Hmoob nyuam qhuav khiav los rau Thaib teb mas kuv tsis paub, kuv yeej tau hnov me ntsis li koj hais tab sis tsis yog peb pawg neeg uas khiav ua ke los rau lub yeej thoj nam A. Pua C. Nan, cov lus koj hnov no yog cov Hmoob lub yeej thoj nam Soptuang, vim lub C. Nan (naj) muaj 2 lub yeej thoj nam. Nyob hauv peb zos no muaj cov Hmoob tuaj ntawm lub yeej thoj nam Soptuang, cia kuv mus nug lawv tso kuv mam li tej rau koj.

Y. Suav Nus

**Maivxis** on 19th January 2012, 7:46 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°20

Re: Txiv plig Tshaj Sawm (Harry Thiel ) Lub neej

Post Maivxis on 19th January 2012, 7:46 am

" Txiv Plig Tshaj Sawm ( Harry Thiel ) Txoj Hauj Lwm "1

Lub luag hauj lwm nyob rau hauv Lub yeej Hmoob kastoliv Tseejmaim raws li nram no...

Txiv plig Tshaj Sawm (Harry Thiel ) Lub neej Page_412
Tsis tau xav hais tias yuav tsim lub yeej Hmoob kastosliv no Tab sis yog vim lub teb chaws tsis tiaj tus , Nyob rau lub 1 hlis xyoo 1975 yog Tswv qhia Lusxias Laskov nrog rau nws pab pawg tau pom zoo thiab tau kev tso cai los ntawm luag tus loj ntawm pawg tuav kev ntseeg nyob rau thaib teb TP Les Aus ThesLasviv (C.SS.R ) Thaum ntawd TP Heslis This nws tab tom tshais los nyob rau hauv Tseejmaim yog los nrhiav txoj hauv kev uas yuav qhia txoj kev ntseeg ntuj rau haiv Hmoob Yog ib haiv neeg uas nyob rau pem toj roob sab qaum teb ntawm teb chaws Thaib uas xav uas raws li pab npes kaslas ua lawv twb tau tuaj qhia kev cai ua ntej lawm thiab uas yeej ib txwm muaj haiv neeg pabkas kobyos nyob rau qhov chaw ntawd lawm Yog vim li no Tswv qhia laskov thiaj li tau hais qhia rau TP Heslis This nws kuj pom zoo thiab Thiaj li tau ua lub yeej Kastosliv nyob rau hauv lub zos hmoob pem roob

Txiv plig Tshaj Sawm (Harry Thiel ) Lub neej Page_413
Tab sis kuj tsis tau xav hais tias yuav ua rau hauv lub zos Tseejmaim no lub luag hauj lwm no thiaj li tau pib mus raws li TP XesKisNos thiab TP NposNas nyob rau Mebpoos Tom qab xyoo 1962 TP HesLis This thiaj tau rov qab tuaj xyuas dua nrhau ntawv los Tswv Qhia LusXias LasKov Thiab TP heslis Thiaj tau tuaj rau Tseejmaim Xyoo 1966 - 1968 ....

Maivxis .

Last edited by Maivxis on 14th February 2012, 5:53 am; edited 2 times in total

**Maivxis** on 21st January 2012, 7:46 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°21

Re: Txiv plig Tshaj Sawm (Harry Thiel ) Lub neej

Post Maivxis on 21st January 2012, 7:46 am

" Txiv Plig Tshaj Sawm ( Harry Thiel ) Txoj Hauj Lwm "2

Tom qab tsis ntev ntawd ces thiaj li muaj ib tug XH tuaj qhia Lus hmoob nws yog thawj thawj twg XH qhia lus hmoob ntawm lub hauv paus loj qhia kev ntseeg nyob rau Tseej maim Nws yog Xh Vaj Kuam , Nws thiaj li tau tuaj ntsib TP Heslis Vaj Kuam yog ib tug tub hluas uas TP xa nws mus kawm lus tau 4-5 xyoos tag los lawm Lub sij hawm ntawd lub hauv paus loj qhia kev ntseeg nyob rau hauv Tseej maim tab tom npaj yuav tsa thawj tug TP tus TP ntawd nws yog TP Xislis Nisphauv Thiasvibham ( Father Ciril Niphote Thienviharn ) Rau hnub tim 6 lub 1 hlis ntuj xyoo 1975 TP heslis Thiab XH Vaj Kuam yuav tsum mus so rau txhua txhia qhov chaw tau 2-3 hnub Ho mus rau hauv lub tsev " KevHaub " ( Guest House ) tau 4-5 hmos thiab tau ntau hmo nyob rau hauv ' Npesthaslas 'thiab tau 2-3 lub lim piam rau hauv Tswv Qhia Laskov qhov chaw ua hauj lwm , TP Heslis thiab XH Vaj Kuam thiaj li tau txiav txim siab mus saib xyuas tej zej zog Hmoob uas nyob rau pem tej roob , Uas nkawd xav mus xyuas Ib qho zoo chaw yuav muab uas qhov chaw qhia kev cai ntseeg , Txoj hauj lwm no kuj ua rau TP txaus siab heev Tab sis txoj hauv kev yuav mus ntawd tsis yooj yim li vim nws tsis muaj kev tsheb li Thiaj li yuav tsum tau xyuas Hmoob tej zej zog seb yuav mus li cas Thiab nrhiav txoj hauv kev uas yuav mus ib lub zos Hmoob nrhau rau ib lub Tej zaum yuav mus 1-2 xuab moos ,los tej zaum tseem mus li tsheej hnub thiaj li mam txog rau hmoob zos ces mam mus nrhiav chaw pw thiaj li ho tau mus xyuas zej zog hmoob li no tag nrho rau

Txiv plig Tshaj Sawm (Harry Thiel ) Lub neej Page_414 lub 1 hlis 2 hlis 3 hlis nyob rau lub xyoo 1975 Thaum lub caij plaub hlis uas yog lub Lis Piam Ntshiab (La semaine Sainte ) Tswv Qhia LasKov (La Coste ) thiaj li tau thov kom TP Heslis mus Ua ib tug TP saib xyuas cov zej zog ' Pab kas kob yos ' uas nyob rau lub zos Hoib toos ( huey Tong -ห้วยตอง )ua yog ib lub zos uas nyob rau pem roob siab nws muaj li 2-3 lub zos nyob rau saud xwb , peb yuav tsum mus xyuas cov zos hmoob thiaj mus hais rau lawv kom lawv nqis los nrog peb ua lub hmoov no Haiv hmoob mas lawv txais tos peb zoo heev li thiab tseem hais rau peb hais tias kom yuav tsum rov qab mus saib xyuas lawv dua thiab qhia rau lawv kom lawv to taub txog txoj kev ntseeg huab tais ntuj uas nyob saum lub ceeb tsheej rau lawv mloog .........

Maivxis .

**Maiv Tooj** on 24th January 2012, 11:23 am

Maiv Tooj

Maiv Tooj: Tswv Cuab Hmong Catholique; Messages : 5881
Date d'inscription : 2009-08-18

Post n°22

Re: Txiv plig Tshaj Sawm (Harry Thiel ) Lub neej

Post Maiv Tooj on 24th January 2012, 11:23 am

Maiv Tooj wrote:

Txiv Suav Nus,

Ua tsaug uas koj tseem coj iv co duab uas peb tssi muaj tuaj rau peb saib thiab, ua tsaug ntau. Yog ib yam tseem ceeb heev rau peb. Ua li koj puas paub tus Txiv Plig uas tau muab nws lub taub hau los tam Hmoob pem Naj, thaum Hmoob nyuam qhuav khiav los rau Thaib teb es Thaib tsis pub Hmoob nkag rau Thaib teb puas yog Txiv Plig Tshaj Sawm?
Thaum 1977, peb nyuam qhuav tuaj rau Fab Kis teb tsis ntev, kuv ntsib Soob Pov Vaj, lawv yog Hmoob Looj Ceeb, tab sis lawv khiav nce toj rau sab Moos Loob mam li tshwm rau pem Naj. Nws tham tias thaum lawv khiav coob coob los txog rau ntawm ib tug ntug dej loj, uas yog nrim Thaib thiab Npoj (Tsis yog Nab Khoom, sab Sayabury twb hla Nab Khoom sab tim ub lawm), Thaib taw phom nrees tsis pub lawv hla tus dej li, yog hla ces tua xwb. Ces lawv los pw ib hmo ntawd, Txiv Plig tuaj sab tim Thaib tuaj, hais rau lawv kom lawv txua phuaj, lawv ntshai heev, tab sis Txiv Plig hais kom txua phuaj npaj hla xwb. Ces thaum Txiv Plig kom lawv hla, Thaib yuav tua ces Txiv Plig hais rau Thaib tias, nej yuav tua ces tua kuv xwb, txhob tua cov neeg ntawd, lawv tssi paub dab tsi, yog kuv kom lawv hla xwb. Ces lawv thiaj li dim tag nrho los rau Thaib teb lawm. Qhov nov ua rau coob leej los ua Ntuj Kev cai, vim lawv pom tyias Ntuj pab lawv.
Tab sis kuv tsis nco qab tus Txiv Plig ntawd npe lawm los xyov yog Soob Pov yeej tsis qhia nws lub npe rau kuv. Ntshe yog zoo siab dhua lawm es cia li hais Txiv Plig no xwb. Yeej yog ib tug Txiv Plig uas tau nrog Hmoob nyob dua los thiab txawj hais lus Hmoob.

Nyob zoo tais Tooj,

Kuv tsis sau teb koj rau hauv chav Txiv Plig Tshaj Sawm lub neej, cia kuv teb koj rau hauv no ntshai yuav zoo dua, koj nyeem tag koj pom qhov twg zoo tso rau koj mam li coj mus tso rau ua kuv lus los koj lus yeej tau tsis ua cas.

Hais txog tus Txiv Plig uas tau muab nws lub taub hau los tam Hmoob pem Nan (Naj), thaum Hmoob nyuam qhuav khiav los rau Thaib teb.
Muaj tseeb tiag: Tus Txiv Plig ntawd ces txawm yog Txiv Plig Tshaj Sawm ntag, lub caij thaum cov Hmoob khiav los txog rau sab Thaib teb thiab lawv twb los yuav txog rau Thaib ib lub zos txawm muaj tus dej Naj Vaj (kuv tsis paub lus thaib sau li cas)tus dej Naj Vaj no lub caij ntuj qhua neeg kuj hla tau tab sis lub caij Hmoob khiav yog lub caij ntuj nag ces dej loj yog hla yuav tau siv nkoj thiab phuaj thiaj yuav coj tau tas ib tse neeg hla dhau. Hmoob los theem coob coob yuav npaj txuas phuaj hla tab sis cov tub ceev xwm (Os Xom) tsis pub lawv hla ces hmoob thiaj tau theem nyob ntawd ntev yam txog nyem kawg nkaus (kuv tsis nco nug tias lawv theem nyob ntawd tau pes tsawg hli) thiab nyob ntawd kuj tsis muaj kev tsheb mus txog txawm yog ua tau kev tsheb mus txog los tsuas txog ntawm tus ntug dej xwb.
Txiv Plig Tshaj Sawm xub tau mus xyuas lawv nws pom cov Hmoob txom nyem nws xav nrhiav kev pab. Txiv Plig xub tau nrog Hmoob cov coj tham thiab lawv muaj lub hom phiaj zoo tib yam, lawv lub hom phiaj yog xav los nrog peb nyob ua ke ntawm A. Pua tab sis yog cov tub ceev xwm (Os Xom) tsis kam.
Txiv Plig Tshaj Sawm thiaj tau mus ntsib tus nom uas Thaib hu ua Phub Vaj C. Nan tham... Thiaj tau lus kheev cov Hmoob Hla dej, yam uas cov tub ceev xwm (Os Xom) tsis paub. Txiv Plig thiaj tuaj hais rau cov Hmoob kom lawv cia li txua phuaj hla dej. Lub caij Hmoob npaj tau txhua yam thiab hla dej ntawd mas cov tub ceev xwm kuj ua nyuaj kawg rau lawv, ua rau muaj Hmoob poob dej tuag thiab, Hmoob hla dej coob txog rau qhov cov tub ceev xwm ua tsis tau dab tsis ntxiv rau Hmoob lawm lawv thiaj tau hais mus rau tus nom Phub Vaj C. Nan, tus nom teb tias cia Hmoob hla Hmoob thiab qhia kom muab Hmoob nyob rau ib qho chaw uas muaj kev tsheb tsis pub Hmoob mus nyob ze ze lub zos Thaib vim Hmoob coob dhau yog nyob ua ke nrog lub zos Thaib mas tsam muaj teeb meem rau cov pej xeem neeg Thaib(tos tus nom teb li ntawd los twb yog Txiv Plig Tshaj Sawm xub tau mus nrog nws tham tas lawm).
Hmoob tau hla tus dej Naj Vaj los nyob ua lub yeej thoj nam Soptuang uas muaj kev tsheb mus txog los twb yog muaj Txiv Plig Tshaj Sawm pab, txawm tsis tau li lub hom phiaj los twb tau kev yooj yim ntau yam kawg lawm.

Txiv Plig Tshaj sawm tau pab zaub mov thiab dej tshuaj rau cov Hmoob thoj nam lub yeej thoj nam Soptuang ntau hli, txog rau thaum Croix Rouge (O.N.U.) thiab Secours Catholique tuaj pab (thov txim kuv tsis paub tias pes tsawg hli).
Nyob ntawm peb uas yog lub yeej thoj nam A. Pua mas Txiv Plig Tshaj Sawm pab zaub mov thiab dej tshuaj tau 6 lub hlis nkaus, thiab luag tau muab peb hloov chaw mus nyob ntawm lub yeej thoj nam Nam Yao.
Yaj Vam Thaiv nyob Cacao (Guyane-Française) thiab Thoj Qhua Xab nyob Castres (Fab kis) tau koom tes nrog Txiv Plig Tshaj Sawm ua txoj hauj lwm pab Hmoob thaum pib txog thaum xaus.

Tais Tooj, kuv tham npaum li no xwb vam tias koj yuav to taub lawm, muaj dab tsi mam sis tham dua.

Y. Suav Nus

**Maivxis** on 4th February 2012, 9:42 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°23

Re: Txiv plig Tshaj Sawm (Harry Thiel ) Lub neej

Post Maivxis on 4th February 2012, 9:42 am

" Txiv Plig Tshaj Sawm ( Harry Thiel ) Txoj Hauj Lwm "3

Txiv plig Tshaj Sawm (Harry Thiel ) Lub neej Page_422 Tom qab ntawd cov hmoob kuj tau nqis los nrog peb ua lub hmoov tsa lub tsev teev ntuj tshiab nyob rau (ห้อย ตอง=Huey tong ) thaum ua hmoov tsa tsev teev ntuj tag Haiv Hmoob kuj tau ua yeeb yam pab rau peb thiab kuv thiaj li tau ntsib ib tug tub hmoob hu ua Vaj meej ua yog ib tug tub hluas ua TP tau txais nws mus kawm ntawv nyob rau cas vav leoi(จ.เลย ) Vaj meej nws thiaj li txiav txim siab nrog txiv TP mus nyob rau Tseejmaim thiab pab TP qhia kev cai ntseeg ntuj Peb thiaj li pom tau hais tias yuav tsum muaj ib lub tsev nyob txij hnub peb tau rov qab mus rau Tseejmaim hnub Vasthiv thaum peb mus txog kuj tau muaj ib tug hmoob hu ua Yaj Looj tau tuaj tos peb nyob rau ntawm lub vaj " ces tis = เจตริน " tus hmoob no yog ib tug uas TP tau tso nws mus kawm los ua tus hais xov xwm rau hauv koom haum uas tab tom yuav qhib nyob rau Tseejmaim Yaj looj nws yog ib tug neeg zoo, hais lus luag ntxhi xwb nws thiaj li nrhiav tau ib lub tsev rau peb xauj lub tsev ntawd yog XH NpasLes lub thiab nws nyob ib sab ntawd Npes thas las ze ntawm lub tsev teev ntuj loj thiab lub tsev kawm ntawv ' Hab lwb thais ' Yaj Looj thiab nws tsev neeg zoo siab hlo tsos nws txoj hauj lwm hais xov xwm tseg tsiv nrog peb mus , Mus nrog peb nyob ua ib tse neeg thiab pab saib vaj tse thaum uas TP tawm mus ua hauj lwm rau cov hmoob pem roob lawm Nyob rau lub xyoo ntawd TP Xes kis nov tau txib kom TP tshaj sawm mus ua tswv hais lus rau cov xib hwb uas tau mus qhia ntawv rau cov pab kas kos yos uas nyob rau lub zos Mej poos hnub kawg ntawm lub hmoov rau cov XH peb tau hnov xov xwm hauv xov tooj cua hais tias lub zos " Saigon " tau poob mus rau cov nyab laj liab lawm tag nrho sab Es xias yuav muaj kev kub ntxhov heev li no Tsis ntev txawm hnov hais tias Phab noos pes (Phnom penh) kuj tau poob mus rau " Pol Pot " ua yog pab Communiste thiab tseem txeeb Huab tais Nplog tus nom thiab Thaum hnov li ntawd lawm TP tshaj sawm thiaj li tau xa xov ceev mus rau cov Txiv Plig uas nyob Rau vees cas hais tias kom cia li xa TP tshaj sawm cov tub kawm ntawv rov qab rau Thaib teb kom sai li sai tau no thaum lawv los txog tim thaib teb lawm ib txhias kuj txiav txim siab rov qab mus rau lawv vaj lawv tsev muaj ib tug tub hluas nws hu ua Vaj tsu nws thiaj li tau txiav txim siab nrog peb mus nyob rau Tseejmaim Xov tooj cua nyob Ves cas tau hais tawm hais tias " Cov niag neeg Hmoob yog yeeb ncuab ntawm peb Nplog yuav tsum muab lawv tua kom tu noob "TP tshaj sawm , XH Vaj kuam Vaj meej Vaj tsu thiab Yaj looj peb sawv daws thiaj li tuaj mus sib tham nyob rau tom lub tsev NpasLes thaum ntawd cov Hmoob tim plog teb tau tsiv los rau thaib teb coob heev thiab tsis tseg li Cov hmoob tawg rog no lawv tshaib plab heev thiab sab heev li lawv yuav tsum tau txais kev pab sai sai yog vim peb yog neeg ib yam thiaj li xav hais tias yuav tsum tau pab cov hmoob no ces peb thiaj li tau sau ib tsab ntawv mus thov txog rau Lub koom haum Zam Paj lug ( พระสันตะปาปา 6 ) ua xa mus rau พระสมณทูต อัครสังฆราช มอเรย่คี = The Pontifical Mission Patriarchs Moray Keith'm . nyob rau tom bangkok tau tsis ntev ces peb thiaj li tau txais ib tsab xov ntawm koom haum hauv paus kev ntseeg ' Vas Tis Kas ' hais tias " Cia li mus nqa cov nyiaj uas siv rau kev xwm txheej ceev rau TP tshaj sawm coj mus pab cov neeg thoj nam txoj kev txom nyem Koom haum kev ntseeg ' Mis Xis Aus' nyob rau "Yias las ma" (Germany) kuj tau teb tuaj rau peb hais tias peb yuav tau siv ib lub tsev rau peb ua hauj lwm thiab ua qhov chaw txais nyiaj los pab cov neeg txom nyem hos XH Npas les thiaj li zoo siab muag nws lub tsev rau peb yog li ntawd "Lub tsev hmoob " Nyob rau Tseejmaim thiaj li tau tsim muaj ....

Maivxis .

**Maivxis** on 5th February 2012, 9:14 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°24

Re: Txiv plig Tshaj Sawm (Harry Thiel ) Lub neej

Post Maivxis on 5th February 2012, 9:14 am

" Txiv Plig Tshaj Sawm ( Harry Thiel ) Txoj Hauj Lwm "4

Txiv plig Tshaj Sawm (Harry Thiel ) Lub neej Page_423 Peb zoo siab uas Huab tais ntuj tau ua lub teeb cig rau peb kom peb muaj ib lub tsev nyob rau Tseej maim peb thiaj muaj chaw rau peb ua hauj lwm , Peb sawv daws thiaj li tau sib tham hais tias txoj hauj lwm uas peb tab tom ua nyob rau thaib teb cia muab theem cia tso es peb yuav tsum mob siab rau cov neeg hmoob thoj nam , TP tshaj sawm thiaj li tau tham rau Tswv qhia 'LasKov' nws thiaj li tau hais tias nws mam li xa TP 'Nis phauv' tuaj pab peb ua hauj lwm Thaum ntawd cov hmoob ua nyob saum tej toj roob uas peb tau mus xyuas lawv lawv hnov hais tias nyob rau Tseejmaim kuj muaj zos hmoob thiab no ces lawv thiaj li nqis los thov kev pab xws li thov kom coj mus kho mob thiab ho pab nrhiav kev ua lag luam rau lawv TP tshaj sawm thiaj li tau mus nrhiav kev lag luam thiab lawv kuj taus tuaj so thiab peb thiaj li nrhiav chaw rau lawv tau pw 1-2 hmos thiab tej twg kuj thov kom peb pab txais lawv tej me nyuam ua tuaj kawm ntawv nyob rau Tseejmaim los so zaum puav rau hauv peb thiab yog li

" Lub tsev hmoob " nyob rau Tseej maim no tuaj yog ib qho chaw rau cov TP nyob , cov XH qhia ntawv nyob thiab ho yog ib qho chaw rau cov hmoob uas lawv tuaj rau Tseejmaim tau tuaj so thiab ho yog ib qho chaw rau cov tub kawm ntawv ua lawv tsis muaj chaw nyob tau tuaj nyob kawm ntawv thiab ho txais

Txiv plig Tshaj Sawm (Harry Thiel ) Lub neej Page_424 cov neeg tuaj nyob kho mob thiab ho tau ua hauj lwm rau cov neeg thoj nam tawg rog thiab ho yog ib qho chaw qhia kev ntseeg ,ua ib qho chaw kev pab rau cov neeg hmoob ua tuaj thov kev pab kuj yog ib qho chaw so rau cov neeg thoj nam uas khiav los lawv kuj khiav los nyob rau ntau qhov chaw rau hauv teb chaw thaib thiab tsis ntev ho tau tawm mus nyob rau txawv teb chaws lawm peb tau xaiv Huab Tais Yesxus txoj kev ntseeg los ua tus coj kev es peb thiaj ua tau lub zos hmoob no Lub zos hmoob thiaj tshwm sim mus ua ib lub " Yeej Hmoob kas tos liv " tom qab no peb thiaj li nrhiav tau ' Yosxes ' thiab "Mabliab" ( joseph - Maria ) thiaj li muab tsev neeg muaj tsim no coj los ua lub chaw siab ua lub hom phiaj txoj kev taug rau cov XH qhia ntawv thiab coj nxthais kawm nyob hauv no......

Maivxis .

**Maivxis** on 10th February 2012, 9:51 am

Maivxis

Maivxis: Phooj Ywg; Messages : 262
Date d'inscription : 2009-11-05

Post n°25

Re: Txiv plig Tshaj Sawm (Harry Thiel ) Lub neej

Post Maivxis on 10th February 2012, 9:51 am

Txawj Tuam wrote:Nyob zoo Maiv xis, thov ua tsaug uas nws tau sau Txiv Plig Tshaj Sawm lub neej tuaj pub rau peb nyeem og. Yog ib zaj zoo txhawb peb kom txawj sib nyiam sib hlub thiab sib koom tes tuav Tswv Ntuj lub luas hauj lwm og. Thov kom nws rov tuaj sau ntxiv rau peb nyeem og nawb. Kawg no thov kom HT Ntuj lub txiaj ntsim nrog nraim Nws. Nyob zoo.

Nyob zoo os tij laug " Txawj Tuam "

zoo siab tau ntsib koj os tij laug , thov txim os twb tau ntev heev li lawm os kuv tsis khoom thiab es kuv twb tsis tau tuaj teb koj os , Thov ua tsaug ntau ntau nawb tij laug ua tsaug ntau rau koj cov lus foom hmoov zoo rau kuv os thov koj tau txais txoj kev zoo no ib yam thiab os mog , Tij laug twb yog kuv tsis paub zaj dab neeg no zoo na kuv tsis nyob rau teb chaws ntawd thiab ces kuv thiaj tsis paub zoo es kuv yog tus txhais xwb es kuv tsuas txhais raws li lawv xwb os es kuv tseem yuav vam nej cov tij laug pab kuv thiab os yog qhov twg tsis zoo los tsis yog no thov qhia rau kuv thiab os , Thov ua tsaug ntau ntau os . Thov kom Huab HT ntuj tsom kwm peb sawv daws kom peb ua nws txoj hauj lwm kom zoo raws li nws lub siab xav tau .