HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


COV ZAJ NYEEM NRUAB LIS PIAM XYOO I   2016-2017 - Page 9 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


    COV ZAJ NYEEM NRUAB LIS PIAM XYOO I 2016-2017

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 15th July 2017, 12:16 pm

    TIM 15 LUB 7 HLI 2017

    Hnub Xya Lis Piam Kaum Plaub Nruab Xyoo A Nruab Lis Piam Xyoo I

    Hwm LN Bonaventure, ua Tswv Qhia

    Zaj Nyeem Ib: HP 49: 29-32; 50: 15-26A


    29 Ces Yas Kos thiaj ceeb toom rau nws cov tub tias : "Txog caij kuv yuav rov mus cuag kuv cov yawg koob lawm. Nej yuav muab kuv coj mus los nrog kuv cov yawg koob nyob hauv lub qhov tsua hauv Es Plhoos tus neeg His Tis daim teb, 30 yog lub qhov tsua nyob hauv daim teb Mas Pes Las, nyob rov sab Mas Nples, hauv teb chaws Kas Nas Has, uas Has Nplas Has tau muas ntawm tus His Tis hu ua Es Plhoos los ua toj ntxas. 31 Has Nplas Has thiab nws poj niam Xas Las nkawd ob lub ntxa nyob ntawd, His Xas Has thiab Les Npes Kas nkawd kuj nyob ntawd. Kuv kuj muab Les As faus rau ntawd lawm thiab. 32 Yog daim teb thiab lub qhov tsua uas thaud lawv muas ntawm Hes cov tub los."
    50 15 Thaum lawv txiv tuag tas lawm, Yos Xes cov tij laug sib tham tias: "Tsam Yos Xes saib peb yog nws cov yeeb ncuab, ces nws ua phem rau peb thiab pauj qhov peb tau ua rau nws ne?" 16 Ua li mas, lawv xa lus mus rau Yos Xes tias: "Thaum koj txiv yuav tuag nws tau hais li no cia: 17 'Nej yuav hais rau Yos Xes tias: Koj zam txhaum rau koj cov tij laug, koj zam lawv lub txim thiab lawv qhov txhaum thiab tas puas tsav yam phem uas lawv tau ua rau koj.' Zaum no peb thov koj zam txhaum rau koj txiv tus Tswv Ntuj cov tub txib." Yos Xes hnov lawv cov lus, nws kua muag poob nthav. 18 Nws cov tij laug tuaj ntsib nws kiag, lawv txhos caug ntawm nws ko taw pe nws tias: "Thov koj yuav peb ua koj cov qhev." 19 Tiam sis Yos Xes teb rau lawv tias : "Nej tsis txhob ntshai ! Kuv puas yuav txeeb ua Tswv Ntuj ? 20 Qhov phem nej tau ua rau kuv, mas Tswv Ntuj muab hloov ua ib qho zoo lawm, ces thiaj muaj li niaj hnub no: yog cawm ib haiv neeg coob txoj sia. 21 Nyem no nej tsis txhob ntshai kiag li, kuv yog tus yuav yug nej kev noj kev haus thiab yug ib tsoom neeg uas los nrog nej nyob." Yos Xes nplij lawv thiab hais lus mos lus zoo rau lawv. 22 Ces Yos Xes thiab nws txiv tsev neeg thiaj nyob ruaj rau Hais Nkws Tos teb. Yos Xes nyob tau ib puas kaum xyoo. 23 Nws tau pom nws cov xeeb ntxwv cov tub tib si, uas yog Es Fais cov tub. Nws kuj tau pom Mas Kis uas yog Mas Nas Xes tus tub cov tub yug los rau nws puag tib si. 24 Thaum kawg, Yos Xes hais rau nws cov kwv tij tias : "Txog kuv lub caij tuag lawm, kuv tseg nej nyob. Tswv Ntuj yuav tuaj xyuas nej thiab yuav coj nej nce rov qab mus hauv lub teb chaws uas nws tau cog lus muab rau Has Nplas Has, His Xas Has thiab Yas Kos." 25 Ces Yos Xes kom His Xas Lais cov tub cog lus li no : "Thaum Tswv Ntuj tuaj coj nej mus, mas nej yuav tsum thauj kuv cov pob txha ntawm no nrog nej mus." 26 Thaum Yos Xes tuag, nws muaj ib puas kaum xyoo.

    NPN 105: 1-2, 3-4, 6-7


    Txais: (NPN 69:33) Cov neeg me nej cia li zoo sia, thov kom nej lub siab puv npo!

    Nej ua HUAB TAIS tsaug, nej hu txog nws lub npe,
    nej qhia nws cov hauj lwm loj rau cov haiv neeg paub.
    Nej seev nkauj rau HUAB TAIS, nej hu nkauj cav txog nws ;
    nej piav txog nws cov hwj huam yees ntxwv tas huv si.

    Txais: (NPN 69:33) Cov neeg me nej cia li zoo sia, thov kom nej lub siab puv npo!

    Nej nrhiav koob meej rau nej nyob hauv nws lub npe,
    cov uas muaj lub siab nrhiav Huab Tais, nej cia li zoo siab!
    Nej nrhiav HUAB TAIS thiab nws lub zog,
    nej nrhiav tsob hwb nws tsis tseg.

    Txais: (NPN 69:33) Cov neeg me nej cia li zoo sia, thov kom nej lub siab puv npo!

    Has Nplas Has tsoom xeeb ntxwv, uas yog Huab Tais cov tub txib,
    Yas Kos cov tub, uas yog cov Huab Tais tau xaiv,
    HUAB TAIS nws yog peb tus Tswv Ntuj,
    Nws tej cai tswj tas qhov txhia chaw hauv lub ntiaj teb.

    Txais: (NPN 69:33) Cov neeg me nej cia li zoo sia, thov kom nej lub siab puv npo!

    As Les Lus Yas: 1 PZ 4: 14


    Txais: As les lus yas, as les lus yas.

    Yog nej raug luag cem vim Leej Pleev lub npe, mas nej txoj hmoov zoo,
    vim Tswv Ntuj Leej Tswv Yim tuaj roos nej.

    Txais: As les lus yas, as les lus yas.

    Ntawv Moo Zoo: MT 10: 24-33

    Yes Xus hais rau nws cov thwj tim tias:
    24 "Tus thwj tim tsis loj dua nws tus xib hwb, tus tub txib kuj tsis loj dua nws tus tswv. 25 Tus thwj tim yuav txaus siab heev yog nws yoog tau raws li nws tus xib hwb lawm. Tus tub txib kuj yuav txaus siab heev yog nws zoo caum tau nws tus tswv lawm. Yog lawv twb hu tus tswv tsev ua Npes Ntxes Npus, mas lawv haj yam yuav hu cov neeg hauv nws tsev neeg li ntawd! 26 Li ntawd nej txhob ntshai lawv ! Vim tsis muaj ib yam npog rawv uas yuav tsis qhib tawm, tsis muaj ib yam zais ntshis uas yuav tsis tawm los rau sawv daws paub. 27 Tej yam uas kuv hais rau nej hauv qhov tsaus ntuj, nej yuav hais tawm nruab hnub nrig. Hos yam nej hnov ntxhi rau hauv nej pob ntseg, mas nej yuav nce mus tshaj tawm saum ru tsev. 28 Nej txhob ntshai cov neeg tua tau nej lub cev, tab sis lawv tua tsis tau nej tus plig. Nej yuav ntshai tus muaj peev xwm rhuav tau nej tus plig thiab nej lub cev huv si nyob hauv hauv pas hluav taws.
    29 Ob tug noog tsig txhuv, luag tsuas muag tau ib npib xwb, puas yog? Tsis kav, tsis muaj ib tug poob hauv av tau, yog nej Txiv tsis tso lus. 30 Nej kuj ib yam, tab yog nej cov plaub hau, nej Txiv yeej suav tas huv si lawm. 31 Li ntawd, nej tsis txhob ntshai dab tsi, nej muaj nqis tshaj tej pab tsig txhuv coob coob ua ke.
    32 Leej twg lees rau sawv daws tias nws paub kuv, mas kuv kuj yuav lees rau kuv Txiv nyob saum Ntuj tias kuv paub nws. 33 Hos tus tsis lees rau sawv daws tias nws paub kuv, mas kuv kuj yuav tsis lees nws rau kuv Txiv nyob saum ntuj thiab.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 15th July 2017, 3:30 pm

    TIM      17      LUB     7     HLI      2017

    Hnub Ob Lis Piam Kaum Tsib Nruab Xyoo A Nruab Lis Piam Xyoo I  

    Zaj NYeem Ib:       KT  1:   8-14, 22


    8 Muaj ib tug vaj tshiab uas tsis paub dab tsi txog Yos Xes lawm, nws sawv los kav Hais Nkws Tos teb. 9 Nws hais rau nws cov neeg tias: "Cov neeg His Xas Lais coob zuj zus thiab muaj zog zuj zus tuaj, tseem tshaj peb lawm thiab. 10 Peb yuav tsum nrhiav ib zag tswv yim zoo yuam kom lawv tsis txhob huam vam ntxiv. Yog tsis ua li ntawd mas ntshai tsam thaum muaj tsov rog, lawv mus nrog cov yeeb ncuab koom siab, ces peb cov yeeb ncuab yuav coob heev. Ntshai tsam lawv tig rov ntaus rog rau peb kom lawv tau tawm hauv lub teb chaws no mus." 11 Ces lawv tsa ib cov thawj saib hauj lwm yuam cov His Xas Lais kom ua hauj lwm hnyav hnyav raws li lawv txib, kom cov His Xas Lais tau lub neej txom nyem. Tus vaj thiaj siv lawv ua hauj lwm hnyav txhim tsa tau ob lub nroog muaj tej txhab ntim qoob rau Fas Las Oos, yog ob lub nroog Pis Toos thiab Las Mas Xes. 12 Tab sis lawv yim ua kom cov His Xas Lais txom nyem, cov His Xas Lais yim huam coob ntxiv, lawv nyob thoob qhov txhia chaw. Ces neeg ntshai cov His Xas Lais. 13 Cov Hais Nkws Tos yuam kom cov His Xas Lais ua hauj lwm tas mus li, 14 mas lawv lub neej txom nyem kawg, vim lawv ua hauj lwm hnyav : lawv do av, npaj av, puab thwv cib, thiab lawv ua ntau yam hauj lwm hnyav nyob nruab liaj nruab teb. Luag yuam lawv ua txhua tsav txhua yam hauj lwm.
    22 Ces Fas Las Oos ceeb toom li no rau nws cov neeg tias : "Cov His Xas Lais yug tau pes tsawg leej tub, mas nej muab pov rau hauv tus Niam Dej, hos cov ntxhais mas, nej cia nyob."

    NPN        124:   1B-3, 4-6, 7-8


    Txais:   (8a) Peb tau kev pab yog nyob hauv Huab Tais lub npe.  

    Yog HUAB TAIS tsis txhob tuaj peb tog,
    Kom His Xais Lais yuav tsum hais tias:
    yog HUAB TAIS tsis txhob tuaj peb tog,
    thaum cov neeg tuaj tua peb,
    mas lawv yeej yuav muab peb nqos ciaj,
    vim lawv npau taws cuag hluav taws kub rau peb.

    Txais:   (8a) Peb tau kev pab yog nyob hauv Huab Tais lub npe.

    Ntshai dej twb los tshoob peb, tus dej twb phwj tuaj nyab peb tas;
    Dej sab siv twb huam tuaj nyab peb tas.
    Peb kav tsij cav lus zoo txog HUAB TAIS,
    Vim nws tsis tau pub kom peb raug lawv xo !

    Txais:   (8a) Peb tau kev pab yog nyob hauv Huab Tais lub npe.

    Peb zoo puav tam li noog dim ntawm tus cuab ntxiab lub vas ;
    lub vas ntuag rhe, peb dim plaws lawm.
    Peb qhov chaw vam khom yog nyob hauv HUAB TAIS lub npe,
    Nws uas yog tus tsim lub ntuj lub teb.

    Txais:   (8a) Peb tau kev pab yog nyob hauv Huab Tais lub npe.

    As Les Lus Yas:        MT  5: 10


    Txais:   As les lus yas, as les lus yas.    

    Cov tau txoj hmoov zoo yog cov raug luag hiam vim txoj kev ncaj,
    Ntuj lub Ceeb Tsheej yog lawv tug.

    Txais:   As les lus yas, as les lus yas.

    Ntawv Moo Zoo:       MT  10   34—11:1

    Yes Xus hais rau nws cov thwj tim tias:
    34 "Nej txhob xav tias kuv tuaj yog coj kev thaj yeeb tuaj rau lub ntiaj teb. Kuv tsis coj kev thaj yeeb tuaj, kuv coj hniav ntaj hniav riam tuaj. 35 Kuv tuaj ua kom tub sawv los tiv txiv, ntxhais sawv los tiv niam, nyab sawv los tiv poj. 36 Ua li mas yus cov yeeb ncuab yog cov neeg nyob hauv yus tsev.
    37 "Tus nyiam nws niam nws txiv dua kuv, mas nws tsis tsim nyog nrog kuv. Tus nyiam nws tej tub tej ntxhais dua kuv, mas nws tsis tsim nyog nrog kuv. 38 Tus tsis kwv nws tus ntoo cuam thiab tsis raws kuv qab, mas nws tsis tsim nyog nrog kuv. 39 Tus nrhiav nws txoj sia, nws yuav ua nws txoj sia ploj, hos tus ua nws txoj sia ploj vim kuv, mas nws nrhiav tau nws txoj sia lawm.
    40 "Tus txais nej, mas yog nws txais kuv. Tus txais kuv, mas yog nws txais Tus xa kuv tuaj. 41 Tus txais ib tug yaj saub, vim tus ntawd yog yaj saub, mas nws yuav txais koob haum phim tus yaj saub. Tus txais ib tug neeg ncaj, vim tus ntawd yog neeg ncaj, mas nws yuav txais koob haum phim tus neeg ncaj. 42 Yog leej twg pub txawm ib khob dej txias xwb los xij rau ib tug neeg me no haus, vim tus no yog ib tug thwj tim, mas kuv hais tseeb rau nej, yuav tsis muaj qhov tias nws tsis txais koob haum li."
    11   1 Thaum Yes Xus qhia nws kaum ob leeg thwj tim tas lawm, nws tso qhov chaw ntawd tseg, nws mus qhia thiab tshaj lub Moo Zoo rau hauv lawv cov nroog.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 17th July 2017, 12:12 pm

    TIM      18     LUB     7      HLI      2017

    Hnub Peb Lis Piam Kaum Tsib Nruab Xyoo A Nruab Lis Piam Xyoo I  

    Hwm LN Camillus de Lellis

    Zaj Nyeem Ib:       KT  2:   1-15A


    1 Muaj ib tug txiv neej yog Les Vis xeeb ntxwv mus yuav ib tug ntxhais kuj yog Les Vis xeeb ntxwv thiab, los ua txij nkawm. 2 Tus poj niam yug tau ib tug tub. Nws pom tias nws tus tub zoo nraug kawg, nws muab tus tub zais tau peb hlis. 3 Thaum nws zais tsis tau ntxiv lawm, nws npaj ib lub tawb xub yib, nws muab roj hmab dub thiab muab roj ntoo thuv leem zoo zoo rau. Nws tso tus me nyuam rau hauv lub tawb, nws coj mus tso rau hauv ib koog tauj deg ntawm ntug Niam Dej. 4 Tus me nyuam tus muam hlob nyob tsis deb ntawd, saib yuav muaj dab tsi tshwm sim rau tus me nyuam. 5 Thaum ntawd Fas Las Oos tus ntxhais nqes tuaj da dej hauv tus Niam Dej, nws cov ntxhais txib ncig ua si ntawm ntug dej. Tus ntxhais pom lub tawb ntab ntab hauv cov tauj deg, nws kom ib tug ntxhais txib mus muab los. 6 Nws muab qhib xyuas ces nws pom tus me nyuam : yog ib tug tub quaj quaj nyob hauv. Nws hlub tus me nyuam, nws hais tias : "Yog ib tug me nyuam tub Hes Nplaws." 7 Tus me nyuam tus muam tawm los hais rau Fas Las Oos tus ntxhais tias : "Koj puas xav kom kuv mus nrhiav ib tug poj niam Hes Nplaws tuaj pab koj pub mis rau tus me nyuam noj ?" 8 Fas Las Oos tus ntxhais teb tias : "Koj mus nrhiav tuaj." Tus me ntxhais thiaj mus nrhiav tus me nyuam leej niam tuaj. 9 Fas Las Oos tus ntxhais hais tias : "Koj coj tus me nyuam no mus tu rau kuv, kuv yuav muab nqi zog rau koj." Ces tus poj niam coj tus me nyuam mus tu lawm. 10 Thaum tus me nyuam loj lawm, nws coj tus me nyuam rov tuaj rau Fas Las Oos tus ntxhais. Fas Las Oos tus ntxhais hlub tus me nyuam ib yam li yog nws yug. Nws tis npe hu ua Mais Xes, nws hais tias : "Vim kuv tau npo nws hauv dej los."
    11 Thaum Mais Xes loj tiav lawm, muaj ib zaug, nws mus xyuas nws haiv neeg. Nws pom tej hauj lwm hnyav hnyav uas luag yuam lawv ua. Nws kuj pom ib tug Hais Nkws Tos tab tom muab nws ib tug kwv tij Hes Nplaws ntaus. 12 Nws ntsia ib ncig tsis pom muaj leej twg, nws txawm muab tus Hais Nkws Tos tua, thiab muab zais rau hauv cov suab puam. 13 Hnub tom qab, nws rov mus dua, nws pom ob tug neeg Hes Nplaws tab tom sib ntaus. Nws hais rau tus xub thab tias : "Tim li cas koj ntaus koj tus npawg ?" 14 Tus ntawd teb tias : "Leej twg tsa koj ua txwj laus txiav txim rau wb ? Koj puas xav muab kuv tua xws li koj tua tus Hais Nkws Tos thiab ?" Ces Mais Xes ntshai, nws xav tau tias : "Ntshai sawv daws paub tas lawm." 15 Ces Fas Las Oos kuj hnov hais txog qhov ntawd, nws nrhiav Mais Xes tua. Mais Xes thiaj khiav mus deb ntawm Fas Las Oos. Nws khiav mus nyob Mas Dias teb.

    NPN       69:   3, 14, 30-31, 33-34

    Txais:    (33)  Nej tig mus nrhiav Huab tais thaum nej txom nyem, ces nej yuav muaj txoj sia.

    Kuv mus zom rau hauv lub hav iav muaj av nkos tob tob,
    tsis muaj dab tsi ruaj rau kuv tsuj tiag taw.
    Kuv tog rau hauv cov dej tob,
    dej ceev ntsawj tuaj kuv kov tsis yeej.

    Txais:    (33)  Nej tig mus nrhiav Huab tais thaum nej txom nyem, ces nej yuav muaj txoj sia.

    Ntawm kuv, HUAB TAIS, kuv teev ntuj thov txog koj
    kom koj ua siab zoo rau kuv, Tswv Ntuj.
    Koj muaj lub siab hlub loj tas nrho, thov koj teb kuv,
    thov koj tuaj pab kuv tas mus li.

    Txais:    (33)  Nej tig mus nrhiav Huab tais thaum nej txom nyem, ces nej yuav muaj txoj sia.

    Kuv poob rau kev txom nyem thiab kev tu siab lawm,
    Tswv Ntuj, thov kom koj txoj kev cawm txuag kuv cia.
    Kuv yuav hu ib zag nkauj cav txog Tswv Ntuj lub npe,
    kuv yuav ua nws tsaug kom nws nto koob meej.

    Txais:    (33)  Nej tig mus nrhiav Huab tais thaum nej txom nyem, ces nej yuav muaj txoj sia.

    Cov neeg me pom, lawv zoo siab kawg nkaus :
    Nej cov uas nrhiav Tswv Ntuj, thov kom nej lub siab rov ciaj sia.
    Vim HUAB TAIS pub rau cov pluag raws li lawv thov;
    nws tsis ntxub cov neeg raug luag coj mus kaw.

    Txais:    (33)  Nej tig mus nrhiav Huab tais thaum nej txom nyem, ces nej yuav muaj txoj sia.

    As Les Lus yas:       NPN  95:   8

    Txais:   As les lus yas, as les lus yas.

    Hnub no, nej cia li mloog nws lub suab !
    Txhob cia nej lub siab tawv ncauj.

    Txais:   As les lus yas, as les lus yas.

    Ntawv Moo Zoo:       MT  11:   20-24


    20 Yes Xus pib cem cov nroog uas tau pom nws ua hwj huam yees ntxwv ntau tshaj, tab sis lawv tsis hloov siab. 21 “Kos Las Ntxis, koj txoj hmoov phem ! Npes Xais Das, koj txoj hmoov phem ! Vim tias, cov hwj huam yees ntxwv uas kuv tau ua nyob hauv neb, kheev lam yog ua nyob Tws Los thiab nyob Xis Doos, mas ob lub nroog ntawd twb npua ntaub tsaj thiab muab hmoov tshauv nphoo nkawd puag ntxov lawm, thiab nkawd twb hloov siab tas lawm. 22 Kuv hais meej rau neb tias, txog hnub txiav txim, Tws Los thiab Xis Doos yuav raug txim sib dua neb. 23 Thiab koj, Kas Fas Naus, koj xav tias koj yuav sawv siab txij ntuj no puas yog ? Koj yuav nqes lawm puag hauv tub tuag teb. Vim tias cov hwj huam yees ntxwv kuv tau ua nyob hauv koj, kheev lam yog ua nyob Xos Dos Mas, mas lub nroog ntawd twb tseem yuav nyob txog tav no. 24 Kuv hais meej rau koj, txog hnub txiav txim, thaj av Xos Dos Mas yuav raug txim sib dua koj."


    Last edited by Mim on 18th July 2017, 8:16 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 18th July 2017, 8:14 am

    TIM 19 LUB 7 HLI 2017

    Hnub Plaub Lis Piam Kaum Tsib Nruab Xyoo A Nruab Lis Piam Xyoo I

    Zaj Nyeem Ib: KT 3: 1-6, 9-12


    1 Mais Xes niaj hnub mus zov nws yawm txiv Zes Raus pab yaj. Zes Raus yog ib tug leej choj Mas Dias. Mais Xes coj cov yaj mus noj zaub dhau lub hav suab puam, ces nws mus txog Tswv Ntuj lub roob Hos Les. 2 Nyob ntawd HUAB TAIS tus Tshiab yees tawm los rau Mais Xes pom nyob hauv ib co nplaim taws cig cig hauv ib tsob me nyuam ntoo. Mais Xes ntsia thaum twg los pom tsob me nyuam ntoo cig ntsa iab tab sis tsis txawj kug li. 3 Ces Mais Xes hais tias : "Kuv yuav lug kev mus xyuas yam txawv txawv ntawd saib yog dab tsi, ua cas tsob me nyuam ntoo ntawd tsis txawj kug li." 4 HUAB TAIS pom nws lug kev tuaj xyuas, ces Tswv Ntuj hu nws hauv tsob me nyuam ntoo tuaj tias : "Mais Xes, Mais Xes." Mais Xes teb tias : "Kuv nyob ntawm no." 5 Tswv Ntuj hais tias : "Koj txhob txav los ze ntawm no, hle koj nkawm khau ntawm koj ko taw, vim thaj chaw uas koj tsuj no yog ib thaj chaw ntshiab." 6 Tswv Ntuj hais ntxiv tias : "Kuv yog koj cov yawg koob tus Tswv Ntuj, yog Has Nplas Has tus Tswv Ntuj, yog His Xas Has tus Tswv Ntuj, thiab yog Yas Kos tus Tswv Ntuj." Ces Mais Xes thaiv nws lub ntsej muag, vim nws ntshai tsam nws qhov muag tau pom Tswv Ntuj.
    9 “Nyem no, cov His Xas Lais lub suab quaj nrov tuaj txog kuv lawm. Kuv pom cov Hais Nkws Tos txoj kev quab yuam lawv hnyav kawg. 10 Nyem no, koj mus, kuv xa koj mus cuag Fas Las Oos. Koj mus ua kom kuv haiv His Xas Lais tawm hauv Hais Nkws Tos teb los." 11 Mais Xes hais rau Tswv Ntuj tias : "Kuv yog leej twg, kuv thiaj yuav mus cuag Fas Las Oos tau, thiab ua tau kom cov His Xas Lais tawm hauv Hais Nkws Tos teb los ?" 12 Tswv Ntuj hais tias : "Kuv yuav nrog nraim koj, lub cim ntawm no yuav qhia rau koj kom koj paub tseeb tias yog kuv xa koj mus tiag : Thaum koj coj haiv His Xas Lais tawm hauv Hais Nkws Tos teb los lawm, mas nej yuav teev Tswv Ntuj saum lub roob no kiag."

    NPN 103: 1B-2, 3-4, 6-7

    Txais: (8a) Huab Tais hlub thiab khuv leej neeg.

    Kuv tus ntsuj plig, koj cav txog HUAB TAIS;
    kuv tej siab ntsws, nej cav txog nws lub npe ntshiab.
    Kuv tus ntsuj plig, koj cav txog HUAB TAIS,
    koj tsis txhob hnov qab nws tej kev zoo ib qho li.

    Txais: (8a) Huab Tais hlub thiab khuv leej neeg.

    Nws tau zam tas koj tej txhaum rau koj,
    nws tau kho tas koj tej kev mob nkeeg zoo.
    Nws tau cawm koj txoj sia ntawm kev puas ntsoog,
    nws tau muab nws txoj kev ua siab zoo thiab kev khuv leej rau koj ntoo.

    Txais: (8a) Huab Tais hlub thiab khuv leej neeg.

    HUAB TAIS muab kev ncaj rau cov raug luag tsuj, nws tsa lawv cai.
    Nws qhia nws tej kev rau Mais Xes paub,
    nws qhia nws cov hauj lwm rau tsoom His Xas Lais.

    Txais: (8a) Huab Tais hlub thiab khuv leej neeg..

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MT 11: 25-27


    25 Lub caij ntawd, Yes Xus hais tias : "Txiv, kuv cav lus zoo txog koj, Huab Tais kav lub ntuj lub teb, vim koj zais tej yam ntawd rau cov neeg thoob tsib thiab cov neeg ntse, koj ho qhib rau cov neeg me paub.
    26 Muaj tseeb, Txiv, koj lub siab yeej nyiam li ntawd tiag.
    27 Kuv Txiv muab tas ib puas tsav yam rau kuv. Tsis muaj leej twg paub Leej Tub, tsuas kawg Leej Txiv thiaj paub. Kuj tsis muaj leej twg paub Leej Txiv, tsuas kawg Leej Tub thiaj paub, thiab tus uas Leej Tub pom zoo qhia rau kom paub xwb.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 19th July 2017, 2:51 pm

    TIM 20 LUB 7 HLI 2017

    Hnub Tsib Lis Piam Kaum Tsib Nruab Xyoo A Nruab Lis Piam Xyoo I

    Hwm LN Apollinaris

    Zaj Nyeem Ib: KT 3: 13-20


    13 Mais Xes hais rau Tswv Ntuj tias: "Thaum kuv mus cuag cov His Xas Lais, thiab kuv hais rau lawv tias : 'Nej cov yawg koob tus Tswv Ntuj xa kuv tuaj pab nej,' yog lawv nug kuv tias : 'Nws lub npe hu li cas ?' kuv yuav hais li cas rau lawv ?” 14 Tswv Ntuj hais rau Mais Xes tias : "Kuv yog tus kuv yog." Tswv Ntuj hais ntxiv tias : "Koj yuav hais rau cov His Xas Lais li no : ‘Kuv yog tus kuv yog’ xa kuv tuaj pab nej." 15 Tswv Ntuj tseem hais ntxiv rau Mais Xes tias : "Koj yuav hais li no rau cov His Xas Lais : ‘ HUAB TAIS, uas yog nej cov yawg koob tus Tswv Ntuj, yog Has Nplas Has tus Tswv Ntuj, His Xas Has tus Tswv Ntuj thiab Yas Kos tus Tswv Ntuj xa kuv tuaj pab nej. Lub npe no yog kuv lub npe mus ib txhis, neeg yuav tuav lub npe no hu txog kuv mus txheej dhau txheej.’
    16 Koj mus, koj hu cov txwj laus His Xas Lais tuaj sib sau, koj hais rau lawv tias: 'HUAB TAIS uas yog nej cov yawg koob tus Tswv Ntuj, yog Has Nplas Has tus Tswv Ntuj, His Xas Has tus Tswv Ntuj thiab Yas Kos tus Tswv Ntuj, tau yees tawm los rau kuv pom, nws hais rau kuv tias : Kuv tau tuaj xyuas nej, thiab tau pom txhua yam uas luag ua rau nej nyob Hais Nkws Tos teb lawm. 17 Ces kuv hais tias kuv yuav coj nej tawm hauv txoj kev txom nyem nyob Hais Nkws Tos teb mus nyob hauv cov neeg Kas Nas Has daim av, thiab cov His Tis, cov As Mos Lis, cov Pes Lis Xis, cov His Vis thiab cov Yes Npus Xis daim av, yog ib daig av uas muaj mis nyuj thiab zib mu ntws lug.’ 18 Lawv yuav mloog koj cov lus. Koj yuav nrog cov txwj laus His Xas Lais, nej yuav mus cuag tus vaj Hais Nkws Tos, nej yuav hais rau nws tias : 'HUAB TAIS uas yog cov Hes Nplaws tus Tswv Ntuj tuaj xyuas peb lawm. Thov koj tso lus rau peb mus deb li peb hnub ke lawm hauv teb chaws suab puam, peb yuav mus txi peb tus HUAB TAIS Tswv Ntuj.' 19 Kuv paub zoo tias tus vaj Hais Nkws Tos yuav tsis tso nej mus yooj yim, yuav tsum muaj ib txhais tes muaj hwj huam yuam nws xwb, nws thiaj tso. 20 Vim li ntawd, kuv yuav tsa kuv txhais tes, thiab yuav ua ntau yam hwj huam yees ntxwv nyob Hais Nkws Tos los tiv nws, ces thaum kawg, nws yuav tso nej mus.”

    NPN 105: 1+5, 8-9, 24-25, 26-27

    Txais: (8a) Huab Tais nco ntsoov nws lo lus nws tau cog mus ib txhis.
    los: As les lus yas.

    Nej cav lus zoo txog HUAB TAIS, nej hu txog nws lub npe,
    nej qhia nws cov hauj lwm rau txhua haiv neeg paub.
    Nej nco ntsoov txog cov hwj huam yees ntxwv nws tau ua,
    Nco ntsoov nws cov hauj lwm muaj hwj huam,
    thiab cov lus txiav txim tawm ntawm nws lub ncauj los.

    Txais: (8a) Huab Tais nco ntsoov nws lo lus nws tau cog mus ib txhis.
    los: As les lus yas.

    Nws nco ntsoov mus li txog cov lus nws cog cia,
    yog ib co lus cog ruaj rau txhiab tiam tub ki.
    Yog cov lus nws tau nrog Has Nplas Has cog,
    thiab nws tau rov zeem tseeb rau His Xas Has.

    Txais: (8a) Huab Tais nco ntsoov nws lo lus nws tau cog mus ib txhis.
    los: As les lus yas.

    Nws ua kom nws haiv neeg huam vam tuaj,
    Thiab muaj zog dua haiv neeg uas ntxub lawv.
    Nws ntxeev cov ntawd lub siab kom lawv ntxub nws haiv neeg,
    thiab hiam nws cov tub txib.

    Txais: (8a) Huab Tais nco ntsoov nws lo lus nws tau cog mus ib txhis.
    los: As les lus yas.

    HUAB TAIS xa nws tus tub txib Mais Xes
    thiab As Loos uas nws tau xaiv mus.
    Nkawd ua Huab Tais cov cim muaj hwj xyeej nyob hauv lawv,
    thiab ua hwj huam yees ntxwv nyob Has teb chaws.

    Txais: (8a) Huab Tais nco ntsoov nws lo lus nws tau cog mus ib txhis.
    los: As les lus yas.

    As Les Lus Yas: MT 11: 28

    Txais: As les lus yas, as les lus yas.

    Huab Tais hais tias: Tas nej sawv daws uas nej khwv
    thiab ris nra hnyav, nej tuaj cuag kuv, Kuv yuav cia nej so los siav.

    Txais: As les lus yas, as les lus yas.

    Ntawv Moo Zoo: MT 11: 28-30

    Yes Xua hais tias:
    28 "Tas nej sawv daws uas nej khwv thiab ris nra hnyav, nej tuaj cuag kuv mog ! Kuv yuav cia nej so los siav.
    29 Nej txais kuv tus quab mus kwv. Nej kawm ntawm kuv mog, vim kuv siab zoo thiab kuv tsis muab hlob; nej tus plig yuav nrhiav tau chaw so los siav.
    30 Vim kuv tus quab kwv yooj yim, thiab kuv lub nra sib.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 20th July 2017, 12:45 pm

    TIM 21 LUB 7 HLI 2017

    Hnub Rau Liam Kaum Tsib Nruab Xyoo A Nruab Lis Piam Xyoo I

    Hwm LN Lawrence nyob Brindisi

    Zaj Nyeem Ib: KT 11: 10—12: 14


    11 10 Mais Xes thiab As Loos nkawd ua cov hwj huam yees ntxwv loj nyob ntawm Fas Las Oos xub ntiag, tiam sis Huab Tais ua kom Fas Las Oos lub siab tawv qhawv, ces Fas Las Oost sis kam tso cov His Xas Lais tawm ntawm nws lub teb chaws mus.
    12 1 HUAB TAIS hais rau Mais Xes thiab As Loos nyob Hais Nkws Tos teb tias : 2 "Lub hlis no nej yuav muab suav ua thawj lub hlis, yuav yog lub ib hlis pib lub xyoo rau nej. 3 Neb hais rau ib tsoom pej xeem His Xas Lais tias: Lub hlis no xiab kaum, mas txhua yim neeg nyias yuav tsum npaj nyias ib tug tsiaj me, thiab txhua lub tsev nyias yuav tsum npaj nyias ib tug tsiaj me. 4 Yog yim neeg twg tsawg dhau noj tsis tas ib tug tsiaj me, mas nej yuav mus nrog lwm yim neeg uas nyob ze nej dua cov kom muaj neeg coob txaus koom noj ib tug tsiaj me. Nej yuav xaiv ib tug tsiaj kom txaus nkaus sawv daws noj tsis seem. 5 Yuav tsum yog ib tug txiv tsis muaj chaw xyeej, hnub nyoog ib xyoos; Nej xaiv ib tug thav yaj los tau ib tug thav tshis los tau.
    6 Nej yuav muab tso rau ib qho tos txog hnub xiab kaum plaub lub hlis no. Hmo tim kaum plaub, tas tsoom His Xas Lais, nyias yuav tua nyias tus tsiaj thaum tsaus ntuj zuag. 7 Nej yuav cug cov ntshav coj mus pleev ob tug ncej puab rooj thiab pleev daim txiag tav saum lub qhov rooj nkag hauv lub tsev uas nej noj tus tsiaj ntawd. 8 Hmo ntawd, nej yuav noj nqaij txhiab hauv hluav taws, nej yuav noj ntxuag ib co ncuav mov tsis xyaw poov xab, thiab ib cov zaub iab. 9 Nej tsis txhob muab ib yam ua nyoos los hau xyaw dej noj li. Nej tsuas muab ci hauv hluav taws noj xwb, nrog lub taub hau, cov tes taw thiab plab hnyuv huv si. 10 Nej tsis txhob tseg ib qho seem rau tag kis li. Tag kis, yog seem dab tsi, mas nej muab pov hlawv hauv hluav taws kom tas.
    11 Nej yuav noj tus tsiaj ntawd zoo li no : Nej sia siv khov kho, nej rau khau thiab tuav nej rab pas nrig ntawm tes huv si, nej yuav noj tsuag tsuag noj nrawm nroos, vim yog HUAB TAIS hmo hla. 12 Hmo ntawd, kuv yuav hla mus thoob Hais Nkws Tos teb, kuv yuav ntaus neeg cov tub hlob, thiab tsiaj cov me nyuam hlob, kom ntog tas huv tib si. Thiab kuv yuav muab txim rau cov dab Hais Nkws Tos, vim kuv yog HUAB TAIS. 13 Cov ntshav yuav yog ib lub cim txuag nej hauv cov tsev uas nej nyob. Kuv pom lub cim ntawd, kuv yuav hla plaws mus, nej yuav tsis raug qhov xwv txheej loj ntawd, thaum kuv tuaj ntaus Hais Nkws Tos teb.
    14 Nej yuav cim ntsoov hnub ntawd cia, nej yuav muab qee ua ib hnub nqaum paj nqaum nruas cav txog HUAB TAIS. Nej yuav muab hnub ntawd ua ib txog cai rau nej coj mus li txheej dhau txheej tiam dhau tiam.

    NPN 116: 12-13, 15+16BC, 17-18

    Txais: (13) Kuv yuav cev lub ntim cawm neeg,
    kuv yuav hu txog tuav txog HUAB TAIS lub npe.

    Kuv yuav muab dab tsi los pauj
    ib puas tsav yam zoo uas HUAB TAIS ua rau kuv ?
    Kuv yuav cev lub ntim cawm neeg,
    kuv yuav hu txog HUAB TAIS lub npe.

    Txais: (13) Kuv yuav cev lub ntim cawm neeg,
    kuv yuav hu txog HUAB TAIS lub npe.

    HUAB TAIS saib cov ntseeg txog nws
    Txoj kev tuag muaj nqes loj.
    Kuv yog koj tus tub txib, yog koj tus ntxhais txib tus tub;
    Koj tau daws cov hlua khi kuv.

    Txais: (13) Kuv yuav cev lub ntim cawm neeg,
    kuv yuav hu txog HUAB TAIS lub npe.

    Kuv yuav cev ib co txim los ua koj tsaug,
    kuv yuav tuav txog HUAB TAIS lub npe.
    Kuv yuav pauj kuv lub yeem rau HUAB TAIS
    nyob ntawm nws haiv neeg xub ntiag,

    Txais: (13) Kuv yuav cev lub ntim cawm neeg,
    kuv yuav hu txog HUAB TAIS lub npe.

    As Les Lus Yas: ZAM 10: 27

    Txais: As les lus yas, as les lus yas.

    Huab Tais hais tias, kuv cov yaj mloog kuv lub suab;
    kuv paub lawv, lawv raws nraim kuv qab mus.

    Txais: As les lus yas, as les lus yas.

    Ntawv Moo Zoo: MT 12: 1-8

    1 Muaj ib hnub Xas Npas Tos, Yes Xus hla ib co teb npleg. Cov thwj tim tshaib plab, ces lawv pib de tej hnab nplej los noj. 2 Cov Fas Lis Xais pom li ntawd, lawv hais rau Yes Xus tias : "Saib, koj cov thwj tim ua tej yam txwv tsis pub ua hnub Xas Npas Tos !" 3 Yes Xus hais rau lawv tias : "Nej tsis tau nyeem txog qhov Das Vis ua thaum Das Vis thiab nws cov neeg tshaib plab, 4 tias lawv tau chaws mus hauv Tswv Ntuj lub tsev li cas, thiab lawv noj cov ncuav mov txi Ntuj, uas Das Vis thiab nws cov neeg noj tsis nyog, kawg yog cov leej choj xwb thiaj noj tau lod? 5 Los nej puas tau nyeem hauv Txoj Cai tias, hnub Xas Npas Tos, cov leej choj uas nyob hauv lub Tuam Tsev Teev Ntuj tsis caiv hnub Xas Npas Tos, los lawv tsis txhaum? 6 Kuv hais rau nej tias, nyob ntawm no, muaj ib yam loj dua lub Tuam Tsev Teev Ntuj. 7 Lo Lus hais tias : ‘Qhov kuv xav tau yog txoj kev khuv leej tsis yog thaj txi Ntuj,’ yog nej paub lo lus no lub ntsiab, mas nej yuav tsis muab txim rau cov neeg tsis txhaum. 8 Vim tias, Neeg Leej Tub yog tus tswv kav hnub Xas Npas Tos."


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 21st July 2017, 2:33 pm

    TIM 22 LUB 7 HLI 2017

    Hnub Xya Lis Piam Kaum Tsib Nruab Xyoo A Nruab Lis Piam Xyoo I

    Hwm LN Mab Liab Mas Ntas Las

    Zaj Nyeem Ib: KWV TXHIAJ 3: 1-4B


    1 Nyob saum kuv lub lav, ntuj teb tag hmo kuv nrhiav tus uas kuv lub siab nyiam. Kuv nrhiav nws, tab sis kuv nrhiav tsis tau. 2 Kuv sawv mus ncig lub nroog, kuv nrhiav ntawm tej kev, ntawm tej tshav puam, kuv nrhiav tus uas kuv lub siab nyiam. Kuv nrhiav, tab sis nrhiav tsis tau. 3 Cov tub zov keeb ncig mus ncig los, lawv ntsib kuv: "Nej puas pom tus kuv lub siab nyiam ?" 4 Kuv nyuam qhuav mus dhau plaws ntawm lawv, ces kuv nrhiav tau tus kuv lub siab nyiam.

    Los: 2 KLN 5: 14-17

    Paj Lug sau ntawv tias:
    14 Leej Pleev txoj kev nyiam yuav txhib peb lub siab, yog tias peb ntseeg ruaj tias ib tug neeg tau tuag pub rau sawv daws, ces sawv daws kuj tau nrog nws tuag thiab.
    15 Leej Pleev yog tus tau tuag pub rau sawv daws, kom cov neeg ciaj nyob txhob ua neej nco txog lawv xwb ntxiv lawm, tiam sis kom lawv nco txog tus uas tau tuag pub rau lawv, thiab nws tau sawv rov los lawm.
    16 Li ntawd, txij nyem no mus, peb yuav tsis txhob saib ib tug neeg raws li lub cev sab nqaij tawv lawm, txawm peb tau pom Leej Pleev nyob hauv nws lub cev, tiam sis nyem no peb tsis pom nws zoo li ntawd lawm.
    17 Li no, yog leej twg nyob hauv Leej Pleev, mas nws yog ib tug uas Ntuj tsim dua tshiab lawm: yam qub dua tas, yam tshiab los nyob lawm.

    NPN 63: 2, 3-4, 5-6, 8-9


    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Tswv Ntuj, koj yog kuv tus Tswv Ntuj, yog tus kuv nrhiav;
    kuv lub cev seev txog koj, kuv tus plig nqhis txog koj,
    zoo puav tam li av qhuav qhawv, nkig nkuav, tsis tau dej.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Kuv tig mus saib koj nyob hauv lub tuam tsev ntshiab,
    kuv pom koj lub hwj huam thiab koj lub hwj chim.
    Koj txoj kev hlub muaj nqis dua txoj sia,
    kuv di ncauj yuav cav lus zoo txog koj.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Kuv yuav cav txog koj tas kuv sim neej,
    kuv yuav tsa tes thov ntuj hu txog koj lub npe.
    Kuv tus ntsuj plig yuav txaus siab hlo li tus tau noj nqaig noj hno,
    kuv di ncauj yuav zoo siab, kuv lub ncauj yuav qhuas txog koj.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    Koj yog tus pab kuv;
    kuv qw zoo siab hauv koj phab tis qhov ntxoov.
    Kuv tus ntsuj plig dai dhuam rau ntawm koj,
    koj txhais tes xis hwj kuv nraim.

    Txais: (2b) Kuv tus ntsuj plig nqhis txog koj. Huab Tais kuv tus Tswv Ntuj.

    As Les Lus Yas

    Txais: As les lus yas, as les lus yas.

    Mab Liab, koj qhia rau peb saib, koj pom dab tsi ntawm kev?
    Kuv pom Leej Pleev sawv rov los lub hwj chim, kuv pom nws lub ntxa qhuav.

    Txais: As les lus yas, as les lus yas.

    Ntawv Moo Zoo: ZAM 20: 1-2, 11-18

    1 Thawj hnub pib lub lis piam, thaum sawv ntxov, ntuj tsis tau kaj, Mab Liab Mas Ntas Las mus tom ntxa. Nws pom daim txiag zeb tshem ntawm lub ntxa lawm. 2 Mab Liab Mas Ntas Las khiav mus cuag Xis Moos Pob Zeb thiab lwm tus thwj tim, uas yog tus Yes Xus nyiam. Nws hais rau nkawd tias : "Lawv nqa Huab Tais tawm hauv ntxa lawm, peb tsis paub xyov lawv coj nws mus tso qhov twg lawm."
    11 Mab Liab sawv ze lub ntxa sab nraud, nws quaj. Thaum nws quaj, nws khoov rau hauv lub ntxa. 12 Ces nws pom ob tug Tshiab hnav dawb zaum hauv qhov chaw uas lawv tso Yes Xus lub cev, ib tug zaum pem taub hau, ib tug zaum nram ko taw. 13 Ob tug Tshiab hais rau Mab Liab tias: "Tus poj niam, ua cas koj quaj ?" Mab Liab hais rau nkawd tias : "Vim lawv nqa kuv tus Huab Tais lawm, kuv tsis paub lawv muab nws tso qhov twg." 14 Hais li ntawd tas, Mab Liab tig ntsia tom qab. Nws pom Yes Xus sawv ntsug nyob ntawd. Tab sis nws tsis paub tias yog Yes Xus. 15 Yes Xus hais rau Mab Liab tias : "Tus poj niam, ua cas koj quaj ? Koj nrhiav leej twg ?" Mab Liab xav tias yog tus saib lub vaj, ces Mab Liab hais rau nws tias : "Yawg hlob, yog koj nqa nws lub cev lawm no, koj qhia kuv saib koj muab tso qhov twg lawm, kuv yuav mus nqa nws los." 16 Yes Xus hais rau Mab Liab tias : "Mab Liab !" Mab Liab tig hlo mus, nws ua lus Hes Nplaws hais tias : "Las Npus Nis !" Txhais tias : Xib Hwb. 17 Yes Xus hais rau Mab Liab tias : "Koj txhob tuav kuv, vim kuv tseem tsis tau nce mus cuag Leej Txiv. Koj mus cuag kuv cov kwv tij, koj hais rau lawv tias : Kuv nce mus cuag kuv Txiv thiab nej Txiv, mus cuag kuv tus Tswv Ntuj thiab nej tus Tswv Ntuj." 18 Mab Liab Mas Ntas Las thiaj los tshaj rau cov thwj tim hais tias : "Kuv pom Huab Tais lawm,” thiab nws hais cov lus Yes Xus tau hais rau nws.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 23rd July 2017, 2:06 pm

    TIM 24 LUB 7 HLI 2017

    Hnub Ob Lis Piam Kaum Rau Nruab Xyoo A Nruab Lis Piam Xyopo I

    Hwm LN Sharbel Makhluf

    Zaj NYeem Ib: KT 14: 5-18


    5 Thaum lawv hais rau tus vaj Hais Nkws Tos tias cov His Xas Lais twb khiav tas lawm, mas Fas Las Oos thiab nws cov tub txib hloov siab, lawv hais tias : "Peb ua dab tsi li ntawd ? Peb tso cov His Xas Lais mus ces yuav tsis muaj neeg ua peb qhev lawm." 6 Ces Fas Las Oos npaj nws lub tsheb rog thiab coj nws cov tub rog mus. 7 Nws coj rau pua lub tsheb rog, uas yog cov zoo tshaj, thiab tas nrho cov tsheb rog nyob Hais Nkws Tos, lub tsheb twg kuj muaj tub rog puv nkaus. 8 HUAB TAIS ua kom Fas Las Oos, tus vaj Hais Nkws Tos, lub siab tawv qhawv tuaj, ces nws sawv kev mus caum cov His Xas Lais uas lawv tab meeg tawm hauv lub teb chaws mus muaj ntsej muag kawg. 9 Cov Hais Nkws Tos mus caum tau cov His Xas Lais ntawm ntug dej ntuj, uas lawv tseem tsa tsev tsam phooj so nyob ntawd; Fas Las Oos cov nees, cov tsheb rog, cov tsav tsheb thiab cov tub rog tuaj txog, yog ze ntawm Pis Has His Los, nyob ua ntej ntawm Npas Xes Foos.
    10 Thaum Fas Las Oos tuaj txog ze lawm, cov His Xas Lais ntsia pom cov Hais Nkws Tos tuaj caum lawv. Cov His Xas Lais ntshai kawg, lawv quaj hu HUAB TAIS. 11 Lawv hais rau Mais Xes tias : "Puas yog vim nyob Hais Nkws Tos teb tsis muaj qhov ntxa rau peb, koj thiaj li coj peb los tuag rau hauv teb chaws suab puam no ? Koj coj peb tawm Hais Nkws Tos teb los ua dab tsi ? 12 Thaum nyob Hais Nkws Tos teb, peb yeej hais rau koj lawm tias cia peb nyob ua cov Hais Nkws Tos qhev twj ywm. Yog peb nyob ua lawv qhev twj ywm yuav zoo dua tuaj tuag nyob teb chaws suab puam no." 13 Mais Xes hais rau lawv tias : "Nej tsis txhob ntshai ! Nej ua siab ruaj nreb ces nej yuav pom HUAB TAIS cov hwj huam loj uas nws yuav ua hnub no, vim cov Hais Nkws Tos uas nej pom hnub no, nej yuav tsis pom ib zaug ntxiv lawm. 14 HUAB TAIS yuav ntaus rog thaiv nej, hos nej, mas nej tsuas nyob twj ywm xwb."
    15 HUAB TAIS hais rau Mais Xes tias : "Vim li cas koj thiaj hu kuv cuag li ntawd ? Koj hais rau cov His Xas Lais kom lawv rov sawv kev mus ntxiv. 16 Koj yuav tsa koj rab pas thiab xyab koj txhais tes rau saum dej ntuj, koj yuav faib dej ua ob sab, kom cov tub ki His Xas Lais tau taug kev qhuav qhawv hla mus. 17 Kuv yuav ua kom cov Hais Nkws Tos lub siab tawv qhawv, ces lawv yuav caum cov His Xas Lais qab mus thiab, ces kuv yuav nto koob meej vim Fas Las Oos thiab nws cov tub rog, nws cov tsheb rog thiab cov tsav tsheb. 18 Cov Hais Nkws Tos mam yuav paub tias kuv yog HUAB TAIS tiag thaum kuv tau koob meej lawm vim Fas Las Oos thiab nws cov tsheb rog thiab cov tsav tsheb."

    NPN: KT 15: 1BC-2, 3-4, 5-6


    Txais: (1b) Peb yuav cav txog Huab Tais vim nws tau ua kom nws nto koob meej.

    Kuv hu nkauj cav txog HUAB TAIS, vim nws yeej thiab nws muaj koob meej loj,
    nws tau muab tus nees thiab tus caij nees pov rau hauv hiav txwv.
    HUAB TAIS yog kuv lub zog, nws yog kuv lub peev xwm, nws tau cawm kuv dim.
    Nws yog kuv tus Tswv Ntuj, kuv cav txog nws,
    nws yog kuv txiv tus Tswv Ntuj, kuv qhuas txog nws

    Txais: (1b) Peb yuav cav txog Huab Tais vim nws tau ua kom nws nto koob meej.

    HUAB TAIS yog ib tug tseem tub rog, nws lub npe yog HUAB TAIS.
    Nws muab Fas Las Oos cov tsheb rog thiab cov tub rog pov rau hauv dej ntuj tas.
    Dej Ntuj Liab nqos nws cov thawj tub rog tas tib si

    Txais: (1b) Peb yuav cav txog Huab Tais vim nws tau ua kom nws nto koob meej.

    Cov dej nphau los nyab lawv tas,
    Lawv tog rau hauv qab thu xws li tej lub pob zeb.
    Huab Tais, koj sab tes xis muaj hwj huam loj tas nrho,
    Huab Tais, koj sab tes xis ua kom yeeb ncuab puas nstoog tas.

    Txais: (1b) Peb yuav cav txog Huab Tais vim nws tau ua kom nws nto koob meej.

    As Les Lus yas: NPN 95: 8

    Txais: As les lus yas, as les lus yas.

    Hnub no, yog nej hnov nws lub suab,
    Txhob cia nej lub siab tawv ncauj.

    Txais: As les lus yas, as les lus yas.

    Ntawv Moo Zoo: MT 12: 38-42

    38 Ces ib co Kws Ntawv Ntshiab thiab ib co Fas Lis Xais hais rau Yes Xus tias : "Xib Hwb, peb xav kom koj ua ib lub cim rau peb pom." 39 Yes Xus teb rau lawv hais tias : "Tiam neeg phem thiab fav xeeb lawv taij ib lub cim, tab sis yuav tsis muaj ib lub cim rau lawv pom, lub cim lawv yuav pom kawg yog Yaj Saub Yos Nas lub cim xwb. 40 Raws nkaus li Yos Nas tau nyob peb hnub peb hmos hauv tus vaj ntses lub plab, Neeg Leej Tub kuj yuav nyob hauv plawv av peb hnub peb hmos thiab. 41 Thaum txog Hnub Txiav Txim, cov neeg nyob Nis Nis Vas yuav nrog tiam neeg no sawv rov los, lawv yuav muab txim rau tiam neeg no, vim thaum Yos Nas ntuas lawv, lawv hloov siab. Hos nyob ntawm no twb muaj loj dua Yos Nas ! 42 Thaum txog Hnub Txiav Txim, tus poj huab tais nyob Qab Teb kuj yuav nrog phaj neeg no sawv rov los, nws yuav muab txim rau lawv, vim nws tuaj tim npoo ntiaj teb tuaj mloog Xas Los Moos cov lus thoob tsib. Hos nyob ntawm no, twb muaj loj dua Xas Los Moos !

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 24th July 2017, 5:50 am

    TIM 25 LUB 7 HLI 2017

    Hnub Peb Nruab Xyoo A Nruab Lis Piam Xyoo I

    Hwm LN Yas Kos, tus Hauv Paus Xa Lus

    Zaj Nyeem Ib: 2 KLN 4: 7-15


    Paj Lug sau ntawv tias:
    7 Peb muab lub pov haum muaj nqes no tso rau hauv tej lub tais av, kom xwv lub hwj huam loj yog tuaj ntawm Tswv Ntuj tuaj, tsis yog tawm hauv peb los. 8 Luag txiv peb qhov txhia chaw tuaj, tab sis peb tsis raug luag tsuj; peb ntsib kev tws, tab sis peb tseem muaj kev cia siab. 9 Peb raug luag hiam, tab sis Ntuj tsis tso peb pov tseg; peb raug luag thawb rau hauv av, tab sis peb tsis raug luag rhuav pov tseg. 10 Peb mus txog qhov twg, peb ris rawv Yes Xus txoj kev tuag nyob hauv peb lub cev, kom Yes Xus txoj sia tawm tuaj rau neeg pom xyeem nyob hauv peb lub cev thiab. 11 Txawm tias peb tseem muaj txoj sia los peb niaj hnub yuav raug tua vim Yes Xus, kom xwv Yes Xus txoj sia tawm tuaj rau sawv daws pom xyeem nyob hauv peb lub cev txawj tuag. 12 Li ntawd txoj kev tuag lis rawv nws lub luag hauj lwm nyob hauv peb, hos txoj sia lis rawv nws lub luag hauj lwm nyob hauv nej. 13 Vim tias peb muaj tib lub tswv yim ntseeg xwb, raws li ntawv sau tseg tias : ‘Kuv ntseeg, kuv thiaj hais tawm. Peb kuj ib yam, peb ntseeg, peb thiaj hais tawm. 14 Peb paub tseeb tias, tus tsa Huab Tais Yes Xus sawv rov los, nws kuj yuav tsa peb nrog Yes Xus sawv, thiab yuav coj peb thiab nej mus nyob ze Yes Xus. 15 Tas txhua yam yog ua los pab nej xwb, kom neeg tau txais txiaj ntsim ntau zuj zus tuaj , ces yuav muaj neeg coob kawg nkaus ua Ntuj tsaug, kom Tswv Ntuj nto koob meej.

    NPN 126: 1BC-2AB, 2CD-3, 4-5, 6

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Thaum HUAB TAIS coj Xis Yoos cov neeg nyob txim rov los,
    peb zoo li ib co neeg ua npau suav.
    Peb lub ncauj muaj suab luag nqhua,
    peb tus nplaig qw nkauj zoo siab.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Tej pej kum cuab hais nroo ntws tias :
    "HUAB TAIS ua tej yam loj tas nrho rau lawv !"
    HUAB TAIS tau ua tej yam loj rau peb tiag,
    peb zoo siab tas nrho.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    HUAB TAIS, thov koj sau peb cov neeg rov qab los
    xws li dej sab siv huam nyob teb chaws suab puam.
    Cov neeg tseb nplej ntxuag kua muag,
    lawv yuav sau nplej ntxuag kev lom zem.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    Thaum mus, lawv quaj,
    vim lawv ris cov seev noob,
    thaum lawv rov los, lawv hu nkauj,
    vim lawv ris cov res nplej tshiab los.

    Txais: (5) Cov neeg tseb nplej ntxuag kua muag yuav sau nplej ntxuag kev lom zem.

    As Les Lus Yas: ZAM 15: 16

    Txais: As les lus yas, as les lus yas.

    Huab Tais hais tias: kuv xaiv nej tawm ntawm ntiaj teb los
    kom nej mus txi ib co txiv uas yuav nyob ntev.

    Txais: As les lus yas, as les lus yas.

    Ntawv Moo Zoo: MT 20: 20-28


    20 Ntxes Npes Dais ob tug tub leej niam nrog nws ob tug tub txav los ze Yes Xus, nws txhos caug thov ib yam ntawm Yes Xus. 21 Yes Xus hais rau nws tias : “Koj xav tau dab tsi ?” Leej niam hais rau Yes Xus tias : “Thov koj cia kuv ob tug tub no, ib tug zaum ntawm koj sab xis, ib tug zaum ntawm koj sab laug nyob hauv koj lub Ceeb Tsheej.” 22 Yes Xus teb tias : “Nej tsis paub qhov nej thov. Neb puas haus taus lub ntim uas kuv yuav haus ?” Nkawd teb tias : “Wb haus taus.” 23 Yes Xus hais rau nkawd tias : “Kuv lub ntim, mas neb yuav haus, tab sis qhov yuav tau zaum ntawm kuv sab xis thiab sab laug, tsis yog kuv yuav muab rau neb. Kuv Txiv npaj qhov ntawd rau leej twg, mas yog leej twg tug."
    24 Kaum leej thwj tim hnov cov lus thov ntawd, lawv npau taws rau nkawd ob kwv tij. 25 Ces Yes Xus hu lawv kom txav los ze nws, nws hais tias : “Nej paub tias cov thawj tswj tsoom kuj cuab kav pej xeem nruj, cov loj ua kom luag pom tias lawv muaj peev xwm tswj pej xeem. 26 Tab sis nyob hauv nej, mas yuav tsis txhob muaj li ntawd : leej twg xav ua tus loj nyob hauv nej, mas nws yuav ua nej tus tub txib. 27 Leej twg xav ua nej tus thawj, mas nws yuav ua nej tus qhev. 28 Yog vim li ntawd, Neeg Leej Tub tsis tuaj nyob ntiaj teb no kom luag tsob hwb nws. Nws tuaj tsob hwb sawv daws, thiab muab nws txoj sia los ua nqi txhiv coob leej.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 25th July 2017, 5:28 am

    TIM 26 LUB 7 HLI 2017

    Hnub Plaub Lis Piam Kaum Rau Nruab Xyoo A Nruab Lis Piam Xyoo I
    Hwm LN Yuav Kis thiab LN As Nas, Niam Mab Liab niam thiab txiv.

    Zaj Nyeem Ib: KT 16: 1-5, 9-15


    1 Tas tsoom tub ki His Xas Lais tso thaj chaw Es Lis tseg, lawv sawv daws mus txog lub hav suab puam Xees, nyob nruab nrab ntawm Es Lis thiab lub roob Xis Nais, yog hnub tim kaum tsib, lub hli ob txij hnub lawv tawm Hais Nkws Tos teb los lawm. 2 Tas tsoom tub ki His Xas Lais cem cem yws yws Mais Xes thiab As Loos nkawd nyob hauv teb chaws suab puam. 3 Cov His Xas Lais hais rau nkawd tias : "Kheev lam HUAB TAIS txhais tes tua kom peb tuag tas nyob Hais Nkws Tos teb, thaum peb zaum ncig tej niag lauj kaub nqaij thiab peb muaj mov noj tsau plab npo mas ! Neb coj peb los nyob hauv lub hav suab puam no kom peb sawv daws tuag tshaib tas xwb !"
    4 Ces HUAB TAIS hais rau Mais Xes tias : "Kuv yuav ua kom mov poob saum ntuj los rau nej noj. Cov neeg yuav niaj tag kis tawm mus khaws kom txaus rau lawv noj hnub ntawd xwb. Kuv xav sim lawv li ntawd, kuv thiaj paub tias lawv puas mloog kuv txoj cai los tsis mloog. 5 Hnub rau, thaum lawv muab qhov lawv mus khaws tau lawm los ua noj, mas yuav tsum muaj npaum li qhov lawv niaj hnub khaws ob npaug."
    9 Mais Xes hais rau As Loos tias : "Koj hais rau tas tsoom His Xas Lais tias : Nej cia li txav los ze ntawm HUAB TAIS xub ntiag, vim nws tau hnov nej cov lus yws lus cem lawm." 10 Ces thaum As Loos tab tom hais lus rau tas tsoom His Xas Lais, lawv tig mus ntsia tom sab hav suab puam, lawv pom HUAB TAIS lub hwj chim tawm los nyob saum cov huab. 11 HUAB TAIS hais lus rau Mais Xes tias : 12 "Kuv tau hnov cov His Xas Lais tej lus yws lus cem lawm. Koj hais cov lus no rau lawv : Thaum yav tsaus ntuj zuag, nej yuav tau nqaij noj, thaum kaj ntug, nej yuav tau mov noj kom tsau plab. Ces nej yuav paub tias kuv yog HUAB TAIS nej tus Tswv Ntuj tiag." 13 Thaum tsaus ntuj, muaj ib co yij ya tuaj tsaws puv thaj chaw lawv nyob, hos thaum sawv ntxov, muaj ib txheej lwg dawb paug puv ib ncig thaj tsam lawv nyob. 14 Thaum cov lwg ntawd qhuav tas, ces txawm pom ib co hmoov mos mos, ua tsig daws, zoo li ib co te, nyob saum npoo av suab puam. 15 Thaum cov His Xas Lais pom li ntawd, lawv sib nug zom zaws tias : "Cov ntawd yog dab tsi ?" Vim lawv yeej tsis paub tias yog dab tsi tiag. Mais Xes hais rau lawv tias : "Cov ntawd, yog cov mov uas HUAB TAIS muab pub rau nej noj.”

    NPN 78: 18-19, 23-24, 25-26, 27-28


    Txais: (24b) Nws muab qaum ntuj cov mov rau lawv noj.

    Lawv sim Tswv Ntuj nyob hauv lawv nruab siab,
    lawv taij kom nws muab mov rau lawv noj daws kev tshaib.
    Lawv hais lus twv Tswv Ntuj tias :
    "Tswv Ntuj puas muaj peev xwm rau tau
    ib rooj mov hauv teb chaws suab puam?”

    Txais: (24b) Nws muab qaum ntuj cov mov rau lawv noj.

    Nws txib cov txheej ntuj saud,
    thiab nws qhib cov qhov rooj ntug.
    Nws ua kom mov mas nas poob li los nag los rau lawv noj,
    nws muab qaum ntuj cov mov rau lawv :

    Txais: (24b) Nws muab qaum ntuj cov mov rau lawv noj.

    Tib neeg tau noj tsoom Tshiab cov mov,
    nws xa txhiam laj txhiam xws rau lawv noj seem noj sos.
    Nws ua kom nthwv cua toob fab tshuab tuaj rau saum ntuj,
    Nws lub hwj huam ua kom cua tuaj naj fab tuaj.

    Txais: (24b) Nws muab qaum ntuj cov mov rau lawv noj.

    Nws ua kom nqaij poob li nag los rau lawv, ntau npaum plua av.
    Nws ua kom noog poob los coob npaum
    cov suab puam ntawm ntug dej ntuj.
    Cov noog los tsaws puv lawv tej chaw ua si, ncig lawv tej tsev.

    Txais: (24b) Nws muab qaum ntuj cov mov rau lawv noj.

    As Les Lus Yas

    Txais: As les lus yas, as les lus yas.

    Cov noob nplej yog Tswv Ntuj lo lus, Leej Pleev yog tus tseb nplej;
    Txhua leej uas los ntseeg nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo: MT 13: 1-9


    1 Hnub ntawd, Yes Xus tawm hauv tsev mus zaum ntawm ntug dej ntuj. 2 Tej pab neeg coob tuaj ntsauv nws, ces nws nce mus zaum hauv ib lub nkoj, hos tas tsoom neeg sawv nyob ntawm ntug dej. 3 Yes Xus ua paj lug qhia lawv ntev loo, nws hais li no : "Tus tseb nplej tawm mus tseb noob. 4 Thaum nws tseb, muaj ib co noob poob ntawm ntug kev, noog ya tuaj noj tas huv si lawm. 5 Ib co noob poob rau hauv cov av pob zeb, nyob ntawd tsis muaj av ntau, ces noob tuaj kaus sai, vim av tsis tob. 6 Thaum hnub tuaj, tshav ziab cov yub nkig tas, vim tsis muaj cag ces cov yub qhuav tas. 7 Tseem muaj ib co noob poob rau hauv cov pos. Pos hlob tuaj laum cov yub tas. 8 Hos muaj ib co noob poob rau hauv thaj av zoo, cov noob ntawd txhawv hnab, tej lub noob txi ib puas lub ntxiv, tej lub txi rau caum lub, tej lub txi peb caug lub. 9 Leej twg muaj pob ntseg, nws yuav tsum mloog."


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 26th July 2017, 6:05 am

    TIM 27 LUB 7 HLI 2017

    Hnub Tsib Lis Piam Kaum Rau Nruab Xyoo A Nruab Lis Piam Xyoo I

    Zaj Nyeem Ib: KT 19: 1-2, 9-11, 16-20B


    1 Thaum pib lub peb hlis uas tsoom tub ki His Xas Lais tau tawm Hais Nkws Tos teb los lawm, hnub ntawd, lawv thiaj los txog lub teb chaws suab puam Xis Nais. 2 Lawv sawv kev Les Fis Dis los, lawv los txog lub hav suab puam roob Xis Nais, ces lawv tsa tsev nyob hauv lub hav suab puam; cov His Xas Lais tsa tsev rau ntawm lub taw roob.
    9 HUAB TAIS hais rau Mais Xes tias : "Kuv yuav tuaj ntsib koj hauv ib tauv huab tuab tuab ntom nti, kom tsoom pej xeem hnov kuv nrog koj hais lus, ces lawv thiaj yuav ntseeg koj tas mus li." Ces Mais Xes hais tsoom pej xeem cov lus rau HUAB TAIS. 10 HUAB TAIS hais rau Mais Xes tias : "Koj mus ntsib tsoom pej xeem, koj hais rau lawv kom hnub no thiab tag kis, lawv tu lawv kom lawv dawb huv ntshiab si, kom lawv ntxhua lawv tej ris tsho huv si, 11 kom lawv ua tas puas tsav yam kom tiav tos hnub peb, vim hnub peb, HUAB TAIS yuav nqes los rau tsoom pej xeem txhua tus pom nyob saum lub roob Xis Nais.”
    16 Hnub peb thaum sawv ntxov, xob quaj nroo ntws thiab xob laim liab pes vog, muaj ib tauv huab tsaus nti ntsauv lub roob. Sawv daws hnov ib lub suab hom nrov muaj zog kawg, hos nyob hauv lub yeej, tsoom pej xeem sawv daws ntshai tshee na. 17 Mais Xes hais kom sawv daws tawm hauv yeej mus, yuav mus ntsib Tswv Ntuj, ces sawv daws mus nyob nram taw roob. 18 Lub roob Xis Nais ncho pa lug, vim HUAB TAIS nqes nyob hauv hluav taws los rau saud. Pa taws ncho lug cuag li tawm hauv ib lub qhov txos tuaj, hos tas lub roob co qeeg nkaws ua zog koog. 19 Hnov lub suab hom nrov loj zuj zus laug ntev zuj zus tuaj, Mais Xes hais lus rau Tswv Ntuj, Tswv Ntuj teb hauv xob quaj tuaj.
    20 Thaum HUAB TAIS nqes los nyob saum lub roob Xis Nais, saum lub ncov roob, HUAB TAIS hu Mais Xes kom mus cuag nws saum lub ncov roob.

    NPN: DN 3: 52, 53, 54, 55, 56

    Txais: (52b) Peb cav txog koj peb qhuas txog koj tas mus li!

    Huab Tais peb phaj txiv tus Tswv Ntuj, thov kom koj nto koob meej,
    Koj yog tus tsim nyog cav txog tsim nyog qhuas txog tshaj tas mus ib txhis;
    Kom koj lub npe ntshiab muaj hwj chim nto koob meej,
    Tsim nyog cav txog tsim nyog qhuas txog tshaj mus tiam dhau tiam.

    Txais: (52b) Peb cav txog koj peb qhuas txog koj tas mus li!

    Kom koj nto koob meej nyob hauv koj lub tuam tsev muaj hwj chim nsthiab,
    Koj yog tus tsim nyog cav txog tsim nyog qhuas txog tshaj tas mus ib txhis.

    Txais: (52b) Peb cav txog koj peb qhuas txog koj tas mus li!

    Kom koj nto koob meej nyob saum koj lub theej kiab hauv koj lub ceeb tsheej,
    Koj yog tus tsim nyog cav txog tsim nyog qhuas txog tshaj tas mus ib txhis.

    Txais: (52b) Peb cav txog koj peb qhuas txog koj tas mus li!

    K0m koj nto koob meej, koj tus zaum saum koj lub theej kiab
    txawb saum cov kes lus npis tsom rau hauv qab thu tob;
    Koj yog tus tsim nyog cav txog tsim nyog qhuas txog tshaj tas mus ib txhis.

    Txais: (52b) Peb cav txog koj peb qhuas txog koj tas mus li!

    Kom koj nto koob meej nyob saum lub ntuj ntsuab saum ntuj,
    Koj yog tus tsim nyog cav txog tsim nyog qhuas txog tas mus ib txhis.

    Txais: (52b) Peb cav txog koj peb qhuas txog koj tas mus li!

    As Les Lus Yas: MT 11: 25

    Txais: As les lus yas, as les lus yas.

    Kuv cav txog koj, Leej Txiv, Huab Tais kav lub ntuj lub teb,
    koj tau qhia tej yam tob txog Ntuj Ceeb Tsheej rau cov neeg me paub.

    Txais: As les lus yas, as les lus yas.

    Ntawv Moo Zoo: MT 13: 10-17


    10 Cov thwj tim txav los ze Yes Xus, lawv hais rau nws tias : "Vim li cas koj thiaj ua paj lug hais lus rau lawv ?"
    11 Yes Xus teb rau lawv tias : "Vim Ntuj pub kom nej paub txog tej yam tob hauv Ntuj lub Ceeb Tsheej, tab sis Ntuj tsis tau pub kom cov ntawd paub.
    12 Tus uas twb muaj lawm, mas Ntuj yuav pub rau nws ntxiv ces nws yuav muaj ntau tshaj. Hos ntawm tus tsis muaj, ces Ntuj tseem yuav thau qhov nws muaj tawm mus thiab.
    13 Vim li ntawd, kuv thiaj ua paj lug hais rau lawv : vim tias lawv ntsia los lawv tsis pom, lawv mloog los lawv tsis hnov thiab tsis to taub li.
    14 Ces thiaj muaj raws li cov lus uas Yaj Saub His Xais xub hais tseg txog lawv tias: ‘Nej pob ntseg hnov, los nej yuav tsis to taub ; nej ntsia, tab sis nej yuav tsis pom.’
    15 Haiv neeg no lub siab qhwv dhau, lawv pob ntseg yuav tsis hnov lus, lawv qi qhov muag nti, vim lawv ntshai tsam lawv qhov muag pom, tsam lawv pob ntseg hnov, tsam lawv lub siab to taub, ces lawv yuav tsum hloov siab, thiab kuv yuav kho tau lawv zoo.
    16 Hos nej, mas nej qhov muag tau hmoov zoo, vim nej qhov muag pom kev thiab nej pob ntseg tau hmoov zoo vim nej pob ntseg hnov lus.
    17 Kuv hais tseeb rau nej, cov yaj saub thiab cov neeg siab ncaj thaud coob leej ntshaw pom yam uas nej pom, tab sis lawv tsis tau pom, ntshaw hnov yam uas nej hnov, tab sis lawv tsis tau hnov !”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 27th July 2017, 9:11 am

    TIM       28      LUB      7      HLI       2017

    Hnub Rau Lis Piam Kaum Rau Nruab Xyoo A Nruab Lis Piam Xyoo I  

    Zaj Nyeem Ib:        KT  20:   1-17


    1 Tswv Ntuj hais cov lus no tias: 2 "Kuv yog HUAB TAIS, koj tus Tswv Ntuj, yog tus ua kom koj dim ntawm Hais Nkws Tos teb los, dim ntawm txoj kev ua luag qhev. 3 Koj yuav tsis txhob muaj dua lwm tus tswv ntuj. 4 Koj yuav tsis txhob txaug ib tug duab mlom los ib yam dab zoo li tej yam nyob saum ntuj saud, los tej yam nyob hauv ntiaj teb no, los tej yam nyob hauv dej hauv qab npoo ntiaj teb. 5 Koj yuav tsis txhob pe cov mlom ntawd, txhob tsob hwb lawv, vim kuv HUAB TAIS koj tus Tswv Ntuj, yog ib tug Tswv Ntuj muaj khib; cov uas ntxub kuv, mas kuv rau txim rau phaj tub thiab phaj xeeb ntxwv thiab phaj xeeb ntxwv cov xeeb ntxwv tom qab, vim phaj txiv tau ua txhaum. 6 Hos cov nyiam kuv thiab ua raws kuv cov lus qhia, mas kuv yuav pub txiaj ntsha txiaj ntsim ntau rau lawv txhiab leej vam leej. 7 Koj yuav tsis txhob hu txog koj tus HUAB TAIS Tswv Ntuj lub npe mus ua tej yam tsis zoo, vim HUAB TAIS yuav tsis zam txim rau tus neeg uas tuav txog nws lub npe ua dog dig. 8 Koj yuav nco ntsoov caiv hnub xas npas tos, koj yuav muab saib ua ib hnub ntshiab. 9 Koj yuav khwv rau hnub thiab ua tas txhua yam hauj lwm rau cov hnub ntawd, 10 tab sis hnub xya yog hnub caiv xas npas tos rau koj tus HUAB TAIS Tswv Ntuj. Koj yuav tsis txhob ua ib yam hauj lwm dab tsi li. Koj thiab koj tus tub, koj tus ntxhais, koj tus tub txib, koj tus ntxhais txib, koj cov tsiaj txhu, tus qhua uas tuaj nyob hauv koj tsev, nej sawv daws yuav tsis txhob ua hauj lwm li. 11 Vim tias HUAB TAIS tau ua hauj lwm rau hnub los tsim lub ntuj, lub ntiaj teb, lub hiav txwv, thiab tas puas tsav yam nyob hauv, tiam sis hnub xya nws so, vim li ntawd HUAB TAIS tau foom hmoov zoo rau hnub xya, nws muab hnub xya qee ua ib hnub ntshiab. 12 Koj yuav hwm koj niam thiab koj txiv, koj thiaj yuav tau nyob ntev niaj ntau xyoo hauv lub ntiaj teb uas koj tus HUAB TAIS Tswv Ntuj muab pub rau koj. 13 Koj yuav tsis txhob tua neeg. 14 Koj yuav tsis txhob zes luag txij luag nkawm. 15 Koj yuav tsis txhob ua tub sab tub nyiag. 16 Koj yuav tsis txhob lam liam rau luag tej. 17 Koj yuav tsis txhob ntshaw txeeb luag vaj luag tsev. Koj yuav tsis txhob ntshaw txeeb luag tus poj niam, luag tus tub txib, luag tus ntxhais txib, luag tus nyuj los tus luj, los ib yam dab tsi uas yog luag tug."  

    NPN        19:   8, 9, 10, 11

    Txais: (Zam 6:68c) Huab Tais, koj muaj cov lus pub txoj sia nyob mus li.

    HUAB TAIS txoj cai zoo tas nrho,
    nws ntxiv siav rau tus ntsuj plig;
    HUAB TAIS tus txhooj tsim nyog yuav,
    nws ua kom tus neeg ruam thoob tsib tuaj.

    Txais: (Zam 6:68c) Huab Tais, koj muaj cov lus pub txoj sia nyob mus li.

    HUAB TAIS cov lus qhuab qhia yog lus ncaj
    ua kom neeg muaj kev zoo siab.
    HUAB TAIS lo lus meej kawg nkaus,
    ua kom qhov muag pom kev.

    Txais: (Zam 6:68c) Huab Tais, koj muaj cov lus pub txoj sia nyob mus li.

    Kev hwm HUAB TAIS yog txoj kev dawb huv,
    kev hwm Huab Tais yuav nyob mus li.
    HUAB TAIS cov lus txiav txim yog lus tseeb,
    Txhua lo lus nws txiav yog qhov ncaj.

    Txais: (Zam 6:68c) Huab Tais, koj muaj cov lus pub txoj sia nyob mus li.

    Nws cov lus txiav txim, tsim nyog ntshaw dua kub,
    Tsim nyog ntshaw dua ib txhab tseem kub,
    qab zib dua cov kua zib,
    los cov zib mu ntawm daim nas muv.

    Txais: (Zam 6:68c) Huab Tais, koj muaj cov lus pub txoj sia nyob mus li.

    As Les Lus Yas:         LK  8:   15

    Txais: As Les Lus Yas, as les lus yas.

    Lawv muaj hmoov zoo cov uas muaj ib lub siab dav coj raws lo lus
    thiab lawv txi txiv ncw vim lawv mob siab rau.

    Txais: As Les Lus Yas, as les lus yas..

    Ntawv Moo Zoo:       MT  13:   18-23

    Yes Xus hais rau nws cov thwj tim tias:
    18 “Nej cia li mloog zaj paj lug hais txog tus tseb nplej. 19 Tus neeg uas tau hnov Lo Lus qhia txog Ntuj lub Ceeb Tsheej, nws tsis to taub, ces tus Phem tuaj txog, nws txeeb yam uas Ntuj tseb rau hauv tus ntawd lub siab : tus ntawd yog tus txais cov noob poob ntawm ntug kev. 20 Cov noob poob rau hauv cov av pob zeb, yog tus neeg uas thaum nws hnov Ntuj Lo Lus, nws zoo siab hlo txais thaum ntawd. 21 Tab sis nws tsis muaj cag nyob hauv nws, ces tsuas kav ib nyuag ntu xwb : thaum muaj kev txom nyem, los muaj kev raug luag hiam vim Lo Lus, ces nws ntog tam sis ntawd. 22 Cov noob uas poob rau hauv cov pos, yog tus uas hnov Lo Lus, tab sis ntiaj teb kev txob xeeb, thiab nyiaj txiag tej kev ntxias laum Lo Lus, ces Lo Lus txi tsis taus txiv. 23 Cov noob uas poob rau hauv cov av zoo, yog tus uas hnov Lo Lus, nws to taub Lo Lus ntawd, ces nws txi txiv,  ib tug txi ib puas lub, ib tug txi rau caum lub, hos lwm tus txi peb caug lub.”



    Last edited by Mim on 22nd September 2017, 9:09 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 28th July 2017, 10:56 am

    TIM      29     LUB      7     HLI      2017

    Hnuv Xya Lis Piam Kaum Rau Nruab Xyoo A Nruab Lis Piam Xyoo I

    Hwm LN Mas Tas

    Zaj Nyeem Ib:      KT  24:   3-8


    3 Mais Xes rov los hais HUAB TAIS cov lus thiab cov cai qhia rau tsoom pej xeem, tas sawv daws koom ib lub suab teb tias: "Peb yuav ua tas txhua yam raws li Huab Tais tau hais." 4 Mais Xes muab HUAB TAIS cov lus sau rau hauv ib phau ntawv cia, ces tag kis nws sawv ntxov los, nws txhim ib lub thaj txi Ntuj rau ntawm taw roob thiab kaum ob tug ncej zeb rau kaum ob lub xeem His Xas Lais. 5 Ces nws xa ib co tub hluas His Xas Lais mus hlawv tsiaj txi Ntuj, lawv coj tej tus thav nyuj mus ua txim kev thaj yeeb txi rau HUAB TAIS. 6 Mais Xes cug cov ntshav, nws muab ib nrab hliv rau hauv phiab, hos ib nrab hliv ywg lub thaj txi Ntuj. 7 Ces nws muab phau ntawv cog lus los nyeem rau tsoom pej xeem mloog, lawv qw tias : "Txhua yam HUAB TAIS tau hais, peb yuav coj thiab peb yuav mloog." 8 Mais Xes txawm muab cov ntshav los nchos rau saum tsoom pej xeem sawv daws, nws hais tias : "Cov ntshav no yog ntshav cog lus raws nraim li HUAB TAIS tau hais rau nej lawm."

    NPN      50:   1B-2, 5-6, 14-15

    Txais:   (14a) Koj cev ib co lus qhuas txi rau Tswv Ntuj.  

    HUAB TAIS Tswv Ntuj nws qhib ncauj hais lus;
    nws hu tas lub ntiaj teb los, txij hnub tuaj txog hnub poob.
    Tswv Ntuj nyob saum lub roob Xis Yoos,
    nws zoo saib tas nrho, nws ci ntsa iab.

    Txais:   (14a) Koj cev ib co lus qhuas txi rau Tswv Ntuj.

    Nej sau cov ntseeg txog kuv tuaj nyob ntawm kuv xub ntiag,
    Nej sau cov uas tau tua tsiaj los nrog kuv cog lus.
    Lub ntuj tshaj nws txoj kev ncaj :
    Vim Tswv Ntuj yog tus txiav txim

    Txais:   (14a) Koj cev ib co lus qhuas txi rau Tswv Ntuj.

    Koj muab lo lus qhuas los txi rau Ntuj,
    koj pauj koj lub yeem rau tus Nyob Siab.
    Thaum kev txhawj xeeb tuaj, koj hu txog kuv,
    kuv yuav npo koj dim, ces koj yuav cav txog kuv lub koob meej.

    Txais:   (14a) Koj cev ib co lus qhuas txi rau Tswv Ntuj.

    As Les Lus Yas:       ZAM  8:   12

    Txais: As les lus yas, as les lus yas.

    Huab Tais hais tias: "Kuv yog qhov pom kev kaj lub qab ntuj neeg;
    Leej twg lawv kuv qab, yuav tau qhov pom kev los kaj nws lub neej."

    Txais: As les lus yas, as les lus yas.

    Ntawv Moo Zoo:       Zam  11:   19-27

    19 Cov Yus Das coob leej tuaj xyuas Mas Tas thiab Mab Liab nkawd, lawv tuaj nplij nkawd vim nkawd tus nus tuag lawm. 20 Thaum Mas Tas hnov tias Yes Xus tuaj, ces Mas Tas mus tos Yes Xus, hos Mab Liab zaum nyob hauv tsev. 21 Mas Tas hais rau Yes Xus tias : "Huab Tais, yog koj ntxov tuaj txog ntawm no, mas kuv tus nus yuav tsis tuag. 22 Tab sis kuv paub tias nyem no los, yog koj thov yam twg ntawm Tswv Ntuj, mas Tswv Ntuj yuav muab rau koj." 23 Yes Xus hais rau Mas Tas tias : "Koj tus nus yuav sawv rov los." 24 Mas Tas hais rau Yes Xus tias : "Kuv paub tias thaum txog Hnub Kawg, thaum tib neeg lub cev sawv rov los, mas nws yuav sawv rov los." 25 Yes Xus hais rau Mas Tas tias : "Kuv yog Txoj Kev Sawv Rov Los thiab yog Txoj Sia : tus ntseeg txog kuv, tab yog nws tuag lawm, nws yuav muaj txoj sia nyob. 26 Leej twg muaj txoj sia nyob thiab ntseeg txog kuv, nws yuav tsis tuag ib zaug li. Koj puas ntseeg qhov ntawd ?" 27 Mas Tas hais rau Yes Xus tias : "Huab Tais, kuv ntseeg. Kuv ntseeg hais tias koj yog Leej Pleev, yog Tswv Ntuj Leej Tub, tus uas yuav tuaj nyob hauv lub qab ntuj no."


    Los:      LK  10:    38-42

    38 Thaum lawv taug kev, Yes Xus mus txog hauv ib lub zos. Ib tug poj niam hu ua Mas Tas txais Yes Xus los hauv nws tsev. 39 Tus poj niam ntawd muaj ib tug niam hluas hu ua Mab Liab. Mab Liab zaum ntawm Huab Tais ko taw, nws mloog Huab Tais hais lus. 40 Hos Mas Tas rau siab ntso lis ntau yam qav num. Ces Mas Tas los hais rau Yes Xus tias : "Huab Tais, koj tsis quav ntsej tias kuv tus niam hluas cia kuv tib leeg lis qav lis num xwb lod ? Koj hais kom nws pab kuv thiab mas !" 41 Tab sis Huab Tais teb rau nws tias : "Mas Tas, Mas Tas, koj txhawj thiab ua siab fab txog ntau yam, 42 tab sis yuav tsum txhawj txog tib yam xwb. Mab Liab xaiv tau qhov zoo tshaj lawm, yuav tsis txhob muab tshem ntawm nws mus."



    Last edited by Mim on 19th January 2018, 8:21 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 31st July 2017, 11:56 am

    TIM 31 LUB 7 HLI 2017

    Hnub Ob Lis Pias Kaum Xya Nruab Xyoo A Nruab Lis Piam Xyoo I

    Hwm LN Saint Ignatius nyob Loyola, ua Leej Choj

    Zaj Nyeem Ib: KT 32: 15-24, 30-34


    15 Mais Xes tig rov qab nqes saum roob los, nws nqa ob daig txiag zeb Tim Khawv ntawm tes, ob daig txiag ntawd sau ob sab huv si, sab saud thiab sab hauv. 16 Ob daig txiag ntawd yog Tswv Ntuj txua, cov npe ntawv yog Tswv Ntuj sau, nws muab txaug rau saum ob daig txiag zeb. 17 Yos Suas hnov tsoom pej xeem qw tsheej tsaug, nws hais rau Mais Xes tias : “Muaj suab nrov cuag li sib tua hauv lub yeej !" 18 Mais Xes teb tias : "Tsis yog lub suab qw yeej ib nthwv rog, kuj tsis yog lub suab qw swb ib nthwv rog thiab. Kuv hnov zoo li yog suab hu nkauj ua kev lom zem." 19 Thaum nws los txog ze lub yeej lawm, Mais Xes pom tus mlom nyuj thiab tej pab dhia daj dhia luag lom zem. Ces Mais Xes npau taws heev, nws muab ob daig txiag zeb ntawm nws tes cuam pov tseg, ob daig txiag zeb tawg tas ntawm lub taw roob. 20 Nws muab tus mlom nyuj uas lawv nchuav, pov rau hauv hluav taws, nws muab coj los tuav ua hmoov mos mos, muab coj mus nphoo rau hauv dej, ces nws yuam cov His Xas Lais haus cov dej ntawd.
    21 Mais Xes hais rau As Loos tias : "Haiv neeg ntawd ua dab tsi rau koj, vim li cas koj thiaj coj lawv ua ib qho txhaum loj tas npaud ?" 22 As Loos teb tias : "Thov koj tus loj tsis txhob npau taws, koj twb paub tias haiv neeg ntawd yeej nyiam ua qhov phem. 23 Lawv hais rau kuv tias : 'Koj ua ib tug tswv ntuj rau peb teev, kom nws mus ua peb ntej, vim tus Mais Xes uas nws coj peb tawm ntawm Hais Nkws Tos teb los, mas peb tsis paub xyov nws dua twg lawm.' 24 Kuv hais rau lawv tias : 'Leej twg coj kub ntawm nws, muab hle tawm los.' Lawv muab los rau kuv, kuv coj mus pov rau hauv hluav taws, ces tus nyuj no cia li tawm los."
    30 Hnub tom qab, Mais Xes hais rau tsoom pej xeem tias : "Nej tau ua ib qho txhaum loj kawg. Kuv yuav nce mus cuag HUAB TAIS, kuv yuav thov HUAB TAIS, tej zaum nws yuav zam rau nej." 31 Mais Xes thiaj rov nce mus cuag HUAB TAIS, nws hais tias : “Haiv neeg ntawd tau ua ib qho txhaum loj kawg. Lawv tau puab ib tug tswv ntuj kub rau lawv teev. 32 Tab sis thov koj ua siab zam rau lawv qhov txhaum. Yog koj tsis kam zam no ces thov koj rho kuv tawm hauv phau ntawv uas koj tau sau !" 33 HUAB TAIS hais rau Mais Xes tias : "Tus tau ua txhaum rau kuv, mas kuv yuav rho nws tawm hauv kuv phau ntawv mus. 34 Zaum no koj rov mus, koj coj haiv neeg ntawd mus rau qhov chaw uas kuv tau hais rau koj. Kuv tus Tshiab yuav mus ua koj ntej. Txog hnub uas kuv tuaj xyuas lawv, kuv mam li muab txim rau lawv vim lawv qhov txhaum."

    NPN 106: 19-20, 21-22, 23

    Txais: (1a) Nej ua Huab Tais tsaug vim nws siab zoo.

    Peb cov yawg koob puab ib tug mlom nyuj nyob ntawm roob Hos Les;
    lawv txhos caug pe tus mlom uas lawv nchuav.
    Lawv muab lawv lub koob meej
    pauv ib tug duab mlom uas yog ib tug nyuj noj zaub.

    Txais: (1a) Nej ua Huab Tais tsaug vim nws siab zoo.

    Lawv tsis nco qab tus Tswv Ntuj uas tau cawm lawv,
    tus tau ua tej yam loj nyob Hais Nkws Tos teb ,
    tus tau ua tej yam hwj huam txaus qhuas nyob Haas teb,
    tus tau ua tej yam txaus ntshai nyob ntawm Dej Ntuj Liab.

    Txais: (1a) Nej ua Huab Tais tsaug vim nws siab zoo.

    Nws tau hais tias nws yuav ua kom lawv tuag tu noob
    tab sis Mais Xes, tus uas nws xaiv,
    tau sawv lawv chaw thov nws nrog nws hais,
    kom nws txo nws lub siab npau taws tsis xav txuag lawv.

    Txais: (1a) Nej ua Huab Tais tsaug vim nws siab zoo.

    As Les Lus Yas: YK 1: 18

    Txais: As les lus yas, as les lus yas.

    Leej Txiv pom zoo kom peb yug los nyob hauv lo lus tseeb,
    kom peb yog zoo li thawj cov txiv nyob hauv txhua yam uas nws tsim.

    Txais: As les lus yas, as les lus yas.

    Ntawv Moo Zoo: MT 13: 31-35

    31 Yes Xus tseem hais ib zag paj lug rau lawv li no: "Ntuj lub Ceeb Tsheej zoo li ib lub noob zaub roj uas ib tug neeg nqa mus tseb hauv nws daim teb. 32 Lub noob ntawd me tshaj txhua hom noob, tab sis thaum nws hlob tuaj, nws loj dua lwm cov zaub huv tib si. Nws loj luaj li ib tsob ntoo. Ces tej noog ya saum ntuj los ua zes hauv nws cov ceg."
    33 Yes Xus tseem hais dua ib zag paj lug rau lawv tias : "Ntuj lub Ceeb Tsheej zoo li ib co poov xab uas ib tug poj niam muab tso rau hauv peb yeem hmoov nplej mus txog thaum uas tas cov hmoov ntawd sawv tuaj.
    34 Yes Xus qhia ib puas tsav yam ntawd rau zeej tsoom, mas nws ua paj lug hais xwb. Tsis muaj ib yam uas nws tsis ua paj lug hais. 35 Thiaj muaj raws li tus yaj saub cov lus tias : “Kuv yuav qhib ncauj hais ib co paj lug, kuv yuav tshaj tawm tej yam zais ntshis txij thaum ntuj tsim teb raug los lawm.”

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 1st August 2017, 7:37 am

    TIM 1 LUB 8 HLI 2017

    Hnub Peb Lis Piam Kaum Xya Nruab Xyoo A Nruab Lis Piam Xyoo I

    Hwm LN Alphonsus Liguori, ua Tswv Qhia

    Reading 1 EX 33:7-11; 34:5B-9, 28


    7 Mais Xes nqa lub Tsev Tsam Phooj, nws coj mus tsa rau sab yeej nraud, nrug deb ntawm lub yeej. Nws tis npe rau tias Tsev Tsam Phooj Sib Ntsib. Yog leej twg xav vam txog HUAB TAIS, mas nws yuav tawm mus tom lub Tsev Tsam Phooj Sib Ntsib, nyob sab yeej nraud. 8 Niaj zaus thaum Mais Xes tawm mus nraum lub Tsev Tsam Phooj, mas tas tsoom neeg sawv daws sawv, nyias sawv ntsug ntawm nyias lub qhov rooj tsev tsam phooj, lawv ntsia ntsoov Mais Xes mus nkag kiag hauv lub Tsev Tsam Phooj lawm. 9 Thaum Mais Xes nkag mus hauv lub Tsev Tsam Phooj, mas twv huab nqes los nyob ntawm qhov rooj, ces HUAB TAIS nrog Mais Xes tham. 10 Tas tsoom neeg sawv daws pom twv huab nyob ntawm lub qhov rooj Tsev Tsam Phooj, ces sawv daws sawv, thiab nyias khoov txhos caug ntawm nyias lub qhov rooj tsev ntaub pe hawm. 11 HUAB TAIS hais lus rau Mais Xes, tim ntsej tim muag, ib yam li ib tug tib neeg nrog nws tus phooj ywg tham, tas ces Mais Xes mam rov los hauv lub yeej. Tab sis Mais Xes tus tub txib Yos Suas uas yog Nus tus tub, nyob rawv hauv lub Tsev Tsam Phooj tsis nrug li.
    34 5b HUAB TAIS nqes los nrog Mais Xes sawv ua ke. Mais Xes hu txog HUAB TAIS lub npe. 6 HUAB TAIS hla ntawm Mais Xes xub ntiag, ces Mais Xes qw nrov nrov tias: "HUAB TAIS, HUAB TAIS, tus Tswv Ntuj uas lub siab hlub mos nyoos, thiab khuv leej neeg, tus npau taws qeeb, tus muaj txiaj ntsim ntau, tus tsis fav xeeb, 7 tus pub txiaj ntsim rau txhiab vam leej, tus ua siab ntev nyiaj ntsia neeg qhov phem, qhov yuam kev thiab qhov txhaum, tiam sis nws tsis cia leej twg dim txim. Thaum phaj txiv ua txhaum, nws nplua phaj tub thiab phaj xeeb ntxwv mus txog tiam peb tiam plaub huv si." 8 Tam sis ntawd, Mais Xes txhos caug ntua hauv av pe. 9 Ces nws hais tias : "Huab Tais, yog koj saib kuv tsim nyog, thov koj nrog nraim peb mus, txawm tias peb yog ib haiv neeg xwb qwb txhav, los thov koj zam peb qhov phem thiab peb cov txhaum rau peb, koj muab peb los ua koj tug."
    28 Mais Xes nrog Huab Tais nyob tau plaub caug hnub plaub caug hmo, nws tsis noj mov tsis haus dej li, nws sau cov nqe cog lus rau hauv phau ntawv, muaj kaum lo lus.

    NPN 103: 6-7, 8-9, 10-11, 12-13

    Txais: (8a) Huab Tais siab zoo thiab khuv leej neeg.

    HUAB TAIS nrhiav muab kev ncaj
    thiab muab cai rau tas cov raug luag tsuj.
    Nws qhia nws tej kev rau Mais Xes paub,
    nws qhia nws cov hauj lwm rau tsoom His Xas Lais.

    Txais: (8a) Huab Tais siab zoo thiab khuv leej neeg.

    HUAB TAIS hlub mos nyoos, nws khuv leej neeg,
    nws npau taws qeeb, nws siab zoo tas nrho.
    Nws tsis chim ntev, nws tsis tu siab mus li.

    Txais: (8a) Huab Tais siab zoo thiab khuv leej neeg.

    Nws tsis nplua peb raws li peb tau ua txhaum,
    nws tsis pauj rau peb raws li peb tej kev ua phem.
    Xws li lub ntuj nyob siab tshaj saum lub ntiaj teb,
    Nws kuj ua zoo rau cov neeg hwm nws ntau tshaj thiab.

    Txais: (8a) Huab Tais siab zoo thiab khuv leej neeg.

    Deb npaum li sab hnub tuaj nyob deb sab hnub poob.
    Nws xyeeb peb cov txhaum mus deb peb npaum li ntawd,
    Zoo li ib leeg txiv hlub nws cov me nyuam,
    HUAB TAIS kuj hlub cov hwm nws zoo ib yam li ntawd,

    Txais: (8a) Huab Tais siab zoo thiab khuv leej neeg.

    As Les Lus Yas

    Txais: As les lus yas, as les lus yas.

    Lub noob nplej yog Tswv Ntuj lo lus, Leej Pleev yog tus tseb nplej;
    Txhua tus uas tuaj cuag nws yuav ciaj nyob mus li.

    Txais: As les lus yas, as les lus yas.

    Ntawv Moo Zoo: MT 13: 36-43

    36 Yes Xus tso tsoom tseg, ces nws los hauv lub tsev. Cov thwj tim txav los hais rau nws tias : "Koj txhais zaj paj lug hais txog cov nroj tuaj hauv daim teb rau peb saib." 37 Yes Xus teb rau lawv tias : "Tus tseb cov noob zoo, yog Neeg Leej Tub. 38 Daim teb, yog lub qab ntuj neeg. Cov noob zoo, yog cov tub hauv lub Ceeb Tsheej. Cov nroj, yog tus Phem cov tub. 39 Tus yeeb ncuab uas tseb cov noob nroj, yog Dab Phem. Lub caij sau nplej, yog lub zim txwv kawg. Cov tub sau nplej, yog cov Tshiab. 40 Ib yam li luag sau cov nroj mus pov hlawv, lub zim txwv kawg kuj yuav zoo ib yam li ntawd : 41 Neeg Leej Tub yuav xa nws cov Tshiab tuaj, lawv yuav sau txhua yam kev ntxias neeg ua txhaum thiab cov neeg ua phem tawm hauv nws lub Ceeb Tsheej mus. 42 Lawv yuav coj cov ntawd mus pov rau hauv lub qhov hluav taws; nyob hauv, yuav muaj kev quaj laug laws thiab tom hniav nkawv. 43 Ces cov neeg siab ncaj yuav ci ntsa iab zoo li lub hnub nyob hauv lawv Txiv lub Ceeb Tsheej. Leej twg muaj pob ntseg, kom nws mloog.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 1st August 2017, 9:29 am

    TIM 2 LUB 8 HLI 2017

    Hnub Plaub Lis Piam Kaum Xya Nruab Xyoo A Nruab Lis Piam Xyoo I
    Hwm LN Eusebius nyob Vercelli thiab LN Peter Julian Eymard

    Zaj Nyeem Ib: KT 34: 29-35


    29 Thaum Mais Xes nqes saum roob Xis Nais rov los, nws tuav ob daig txiag zeb Ua Tim Khawv hauv nws tes. Nws tsis paub hais tias nws lub ntsej muag ci ntsa iab vim nws tau nrog HUAB TAIS tham. 30 As Loos thiab tas tsoom His Xas Lais pom Mais Xes, lawv pom nws lub ntsej muag ci ntsa iab, lawv ntshai txav los ze nws. 31 Mais Xes hu lawv, ces As Loos thiab tas cov txwj laus thiaj txav los ze nws. Mais Xes nrog lawv tham. 32 Cov pej xeem His Xas Lais mam txav los tom qab, ces Mais Xes qhia tas puas tsav yam uas HUAB TAIS tau hais rau nws nyob saum roob Xis Nais. 33 Thaum Mais Xes hais lus tas lawm, nws muab ib daig ntaub los npog nws ntsej muag. 34 Thaum Mais Xes yuav nkag mus nrog HUAB TAIS tham, nws mam tshem daim ntaub npog nws lub ntsej muag tawm mus txog thaum nws yuav rov tawm los. Nws tawm los, nws tshaj rau cov His Xas Lais paub txog HUAB TAIS cov lus ceeb toom. 35 Cov His Xas Lais pom Mais Xes lub ntsej muag ci ntsa iab, ces Mais Xes rov muab ntaub los npog nws ntsej muag mus txog thaum nws yuav chaws rov mus nrog HUAB TAIS tham dua.

    NPN 99: 5, 6, 7, 9

    Txais: (9c) Huab Tais, peb tus Tswv Ntuj yog tus ntshiab.

    Nej qhuas, nej khav txog HUAB TAIS, peb tus Tswv Ntuj,
    nej pe hawm nws ntawm nws lub rooj tiag taw !
    Nws ntshiab tiag!

    Txais: (9c) Huab Tais, peb tus Tswv Ntuj yog tus ntshiab.

    Mais Xes thiab As Loos nkawd yog ob tug hauv nws tsoom leej choj,
    Xas Muas yog ib tug hauv cov uas vam txog nws lub npe;
    thaum lawv hu txog HUAB TAIS, nws teb lawv.

    Txais: (9c) Huab Tais, peb tus Tswv Ntuj yog tus ntshiab.

    HUAB TAIS nyob hauv tus ncej huab nrog lawv tham;
    Lawv hnov nws tej lij choj thiab txoj cai nws muab rau lawv lawm.

    Txais: (9c) Huab Tais, peb tus Tswv Ntuj yog tus ntshiab.

    Nej qhuas txog HUAB TAIS, peb tus Tswv Ntuj ;
    nej pe hawm nws nyob saum nws lub roob ntsiab,
    vim HUAB TAIS peb tus Tswv Ntuj ntshiab tiag !

    Txais: (9c) Huab Tais, peb tus Tswv Ntuj yog tus ntshiab.

    As Les Lus Yas: ZAM 15: 15B

    Txais: As les lus yas, as les lus yas.

    Huab Tais hais tias, kuv hu nej ua kuv cov phooj ywg,
    vim kuv tau qhia rau nej paub tas puas tsav yam uas leej Txiv hais rau kuv lawm.

    Txais: As les lus yas, as les lus yas.

    Ntawv Moo Zoo: MT 13: 44-46


    Yes Xus hais tias:
    44 “Ntuj lub Ceeb Tsheej zoo li ib hub nyiaj faus rau hauv ib daim teb. Muaj ib tug neeg mus nrhiav tau. Nws rov muab zais dua, nws zoo siab kawg, nws muag nws lub cuab tam tas huv si, ces nws mus muas daim teb ntawd.
    45 "Ntuj lub Ceeb Tsheej tseem zoo li ib tug tub luam nrhiav cov hlaws npliag deg zoo nkauj.
    46 Thaum nws nrhiav tau ib lub hlaws nphiag deg muaj nqi loj, nws mus muag nws lub cuab tam tas huv si, ces nws mus muas lub hlaws npliag deg ntawd.”


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 3rd August 2017, 11:32 am

    TIM 3 LUB 8 HLI 2017

    Hnub Tsib Lis Piam Kaum Xya Nruab Xyoo A Nruab Lis Piam Xyoo I

    Zaj Nyeem Ib: KT 40: 16-21, 34-38


    16 Mais Xes ua tej ntawd, nws ua raws nraim li HUAB TAIS kom ua. 17 Xyoo ob, lub ib hlis xiab ib, nws tsa lub Tsev. 18 Mais Xes tsa lub Tsev, nws teeb cov taw, nws tsa lub cuam khoov, nws tso cov nqaj tav rau thiab tsa cov ncej rau. 19 Ces nws muab tsev tsam phooj nthuav rau saum lub Tsev, nws muab daim ntaub tsev tsam phooj los vov sab saud rau raws li HUAB TAIS tau hais rau nws. 20 Mais Xes muab ob daig txiag zeb txaug cov lus qhia kaw rau hauv lub Phij Xab Cog Lus. Nws muab cov nqaj laug rau ntawm lub Phij Xab, thiab muab lub rooj thov txim los kaw rau saum lub Phij Xab Cog Lus. 21 Nws nqa lub Phij Xab Cog Lus mus tso rau hauv lub Tsev; nws tsa daim ntaub kem rau kom los thaiv lub Phij Xab Cog Lus Raws li Huab Tais tau hais rau Mais Xes.
    34 Ces twv huab los ntsauv lub Tsev Tsam Phooj Sib Ntsib, ces HUAB TAIS lub hwj chim ci puv nkaus hauv lub Tsev. 35 Mais Xes nkag tsis tau mus rau hauv lub Tsev Tsam Phooj Sib Ntsib, vim twv huab los ntsauv rawv saum lub tsev tsam phooj sib ntsib thiab HUAB TAIS lub hwj chim ci ntsa iab puv lub Tsev. 36 Thaum twg yog twv huab nce mus nyob siab saum lub Tsev Tsam Phooj Sib Ntsib lawm mas cov tub ki His Xas Lais mam sawv kev mus dua ntxiv. 37 Yog twv huab tsis nce siab, mas lawv tsis sawv kev li mus txog hnub uas twv huab nce siab rau saud lawm. 38 Vim tias nruab hnub mas HUAB TAIS twv huab nyob saum lub Tsev, hos hmo ntuj mas muaj ib co hluav taws cig cig hauv twv huab rau tas tsoom His Xas Lais pom; txhua qhov lawv mus txog mas yeej puav leej zoo li ntawd tib si.

    NPN 84: 3, 4, 5-6A+8A, 11

    Txais: (2) Huab Tais Tswv Ntuj muaj hwj huam, koj lub tuam tsev zoo xis siab ua luaj!

    Kuv tus plig ntshaw seev yees yuj plaws
    rau HUAB TAIS cov tshav loog.
    Kuv lub siab lub cev quaj qw hu
    txog tus Tswv Ntuj muaj txoj sia.

    Txais: (2) Huab Tais Tswv Ntuj muaj hwj huam, koj lub tuam tsev zoo xis siab ua luaj!

    Tab cov me noog ntxias nrhiav tau chaw nyob,
    noog luv nrhiav tau zes puag nws cov me nyuam
    ntawm koj cov thaj txi ntuj, HUAB TAIS kav tsoom tshiab,
    kuv tus vaj, kuv tus Tswv Ntuj!

    Txais: (2) Huab Tais Tswv Ntuj muaj hwj huam, koj lub tuam tsev zoo xis siab ua luaj!

    Cov neeg nyob hauv koj tsev lawv txoj hmoov zoo :
    lawv tau kev cav txog koj mus li tsis tseg.
    Cov uas saib koj yog lawv lub zog, lawv txoj hmoov zoo.
    Lawv yim mus kev lawv lub zog yim loj tuaj.

    Txais: (2) Huab Tais Tswv Ntuj muaj hwj huam, koj lub tuam tsev zoo xis siab ua luaj!

    Kuv yeem nyob ib hnub hauv koj cov tshav puam
    zoo dua nyob ib txhiab hnub lwm qhov chaw,
    kuv yeem nyob ntawm kuv tus Tswv Ntuj taw rooj
    zoo dua nyob hauv cov neeg phem lub tsev tsam phooj.

    Txais: (2) Huab Tais Tswv Ntuj muaj hwj huam, koj lub tuam tsev zoo xis siab ua luaj!

    As Les Lus Yas: HL 16: 14B

    Txais: As les lus yas, as les lus yas.

    HUAB TAIS, thov koj qhib peb tej siab ntsws
    kom peb mloog koj leej Tub cov lus.

    Txais: As les lus yas, as les lus yas.

    Ntawv Moo Zoo: MT 13: 47-53

    Yes Xus hais tias:
    47 "Ntuj lub Ceeb Tsheej tseem zoo li ib lub vas uas luag pov rau hauv dej ntuj. Lub vas puav tau txhua tsav txhua hom ntses. 48 Thaum lub vas puv lawm, lawv rub lub vas los tim ntug nqhuab, lawv zaum, ces lawv xaiv cov zoo rau hauv tawb, hos muab phem pov tseg. 49 Thaum lub zim txwv kawg, kuj yuav zoo ib yam li ntawd thiab : cov tshiab tuaj txog, lawv yuav cais cov neeg phem ntawm cov neeg ncaj. Lawv yuav muab cov neeg phem pov tseg rau hauv lub qhov hluav taws : nyob hauv, yuav muaj quaj laug laws thiab tom hniav nkawv. 51 "Nej puas to taub tas ib puas tsav yam no ?" Lawv teb rau Yes Xus tias : "Peb to taub." 52 Yes Xus hais rau lawv tias : “Vim li no, txhua tus Kws Ntawv Ntshiab uas los ua thwj tim hauv Ntuj lub Ceeb Tsheej, mas nws zoo li ib tug tswv tsev uas rho tau tej yam qub thiab tej yam tshiab hauv nws lub cuab tam los.”
    53 Thaum Yes Xus hais cov paj lug no tas, nws tso qhov chaw ntawd tseg.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 3rd August 2017, 3:27 pm

    TIM 4 LUB 8 HLI 2017

    Hnub Rau Lis Piam Kaum Xya Nruab Xyoo A Nruab Lis Piam Xyoo I

    Hwm LN John Vianney, ua Leej Choj


    Zaj Nyeem Ib: LV 23: 1, 4-11, 15-16, 27, 34B-37

    1 HUAB TAIS hais lus rau Mais Xes, nws hais tias :
    4 Cov no yog HUAB TAIS cov hnub nyoog tseem ceeb, yog tej lub txoos ntshiab uas nej yuav tsum muab tshaj tawm thaum txog caij txog nyoog: 5 Lub ib hlis, xiab kaum plaub tsaus ntuj, yog Huab Tais Hmo Hla. 6 Lub hlis ntawd tim kaum tsib, yog hnub ua koob tsheej txog cov mov tsis xyaw poov xab ; mas nej yuav noj mov tsis xyaw poov xab xya hnub sib law. 7 Thawj hnub, nej yuav sib sau ua lub txoos ntshiab, nej yuav tsis txhob ua ib yam hauj lwm hnyav li. 8 Xya hnub sib law, nej yuav niaj hnub hlawv tej phaj qav hauv hluav taws rau HUAB TAIS. Hnub xya, yog hnub sib sau ua lub txoos ntshiab, nej yuav tsis txhob ua ib yam hauj lwm hnyav li.
    9 HUAB TAIS hais rau Mais Xes tias : 10 "Koj hais rau Tsoom tub ki His Xas Lais tias : Thaum nej mus txog lub teb chaws uas kuv muab rau nej nyob, nej cog qoob loo siav, nej sau, mas nej yuav nqa thawj tes nplej tuaj rau tus leej choj. 11 Leej choj yuav muab cev rau HUAB TAIS kom nws saib nej xis nws siab. Yog hnub tom qab hnub Xas Npas Tos, mas leej choj yuav ua kab ke cev cov qoob tshiab ntawd.
    15 Txij hnub tom qab hnub xas npas tos uas nej tuaj cev thawj rev nplej txi Ntuj, txij hnub ntawd mus nej yuav suav xya lub lis piam txwm nkaus. 16 Nej yuav suav tsib caug hnub, ces rov txog hnub tom qab hnub xas npas tos tim xya dua, ces nej rov qab nqa itej yam tshiab tuaj txi rau HUAB TAIS."
    27 "Lub xya hli xiab kaum, yog hnub them txim txhaum. Nej yuav sib sau ua lub txoos ntshiab. Nej yuav yoo mov thiab nej yuav hlawv ib phaj qav txi rau HUAB TAIS.
    34 "Koj hais rau cov tub ki His Xas Lais tias : Lub xya hli tim kaum tsib, nej yuav pib ua HUAB TAIS lub koob tsheej nco txog cov Tsev Tsam Phooj, nej yuav ua xya hnub. 35 Thawj hnub, nej ua lub txoos ntshiab, nej yuav tsis txhob ua ib yam hauj lwm hnyav li. 36 Nej yuav niaj hnub hlawv ib phaj qav txi HUAB TAIS kom puv xya hnub sib law. Hnub yim, nej yuav sib sau ua lub txoos ntshiab, nej yuav hlawv ib phaj qav txi HUAB TAIS. Hnub nej sib sau ua ke ntawd yog ib hnub loj, nej yuav tsis txhob ua ib yam hauj lwm hnyav li. 37 Cov hnub nyoog no yog hnub nyoog qee cia rau HUAB TAIS, mas nej yuav hu cov His Xas Lais tuaj sib sau ua lub txoos ntshiab, hlawv tej phaj qav rau HUAB TAIS, hlawv tsiaj txi Ntuj, cev qoob loo txi Ntuj, ua thaj txi Ntuj noj cov txim, hliv dej hliv cawv txi Ntuj, raws li nyias tej kab ke kav nyias lub hnub nyoog.

    NPN 81: 3-4, 5-6, 10-11AB

    Txais: (2a) Nej cia li hu nkauj zoo siab rau Tswv Ntuj, nws yog peb lub zog.

    Nej pib suab paj nruag, nej ntaus nruas npuaj,
    Ntaus nkauj nog ncas thiab ntaus thaj cheej.
    Nej tshuab hom thaum hli xiab, thaum hli nra,
    peb nqaum paj nqaum nruas ua kev zoo siab.

    Txais: (2a) Nej cia li hu nkauj zoo siab rau Tswv Ntuj, nws yog peb lub zog.

    Yog His Xas Lais txoj cai lij choj,
    yog txog cai Yas Kos tus Tswv Ntuj tau txiav.
    Yog txoj cai nws muab rau Yos Xes coj
    Thaum nws tawm hauv Hais Nkws Tos teb los.

    Txais: (2a) Nej cia li hu nkauj zoo siab rau Tswv Ntuj, nws yog peb lub zog.

    Koj yuav tsis txhob muaj lwm tswv ntuj nyob hauv koj,
    koj yuav tsis txhob txhos caug pe pej kum neeg cov dab qhuas.
    Kuv, HUAB TAIS yog koj tus Tswv Ntuj,
    tus tau coj koj tawm ntawm Hais Nkws Tos teb los.

    Txais: (2a) Nej cia li hu nkauj zoo siab rau Tswv Ntuj, nws yog peb lub zog.

    As Les Lus Yas: 1 PT 1: 25

    Txais: As les lus yas, as les lus yas.

    Huab Tais Lo Lus yuav nyob tas ib txhiab ib txhis,
    Yog lub Moo Zoo uas nej tau hnov lawm.

    Txais: As les lus yas, as les lus yas.

    Ntawv Moo Zoo: MT 13: 54-58

    54 Yes Xus rov mus txog lub teb chaws uas nws nyob hlob, nws qhia tsoom sid nyob hauv lawv lub tsev txoos. Lawv ceeb nws, lawv hais tias : "Lub tswv yim thoob tsib, thiab cov hwj huam yees ntxwv ntawd, nws tau qhov twg los ?
    55 Tus ntawd, tsis yog tus kws ntoo tus tub lod ? Nws niam tsis yog tus hu ua Mab Liab no lod ? Thiab nws cov kwv tij tsis yog Yas Kos, Yos Xes, Xis Moos thiab Yus Das lawv lod ?
    56 Hos tas nws cov muam tib si, tsis yog nrog peb nyob ua ke ntawm no lod ? Tas ib puas tsav yam ntawd, nws muab qhov twg los ?"
    57 Lawv poob siab tas rau nws. Ces Yes Xus hais rau lawv tias : "Ib tug yaj saub, tsuas yog cov neeg nyob hauv nws teb chaws thiab cov nyob hauv nws tsev neeg xwb thiaj saib nws tsis rau nqis."
    58 Yes Xus tsis ua hwj huam yees ntxwv ntau nyob ntawd, vim lawv tsis ntseeg.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 4th August 2017, 7:31 am

    TIM 5 LUB 8 HLI 2017

    Hnub Xya Lis Piam Kaum Xya Nruab Xyoo A Nruab Lis Piam Xyoo I

    Thawj Hnub Xya Hauv lub Hlis

    Tsuj xeeb hnub foom hmoov zoo rau lub tuam tsev St Mary Major

    Zaj Nyeem Ib: LV 25: 1, 8-17


    1 HUAB TAIS hais rau Mais Xes saum lub roob Xis Nais tias :
    8 Koj yuav suav xya lis piam xya xyoo, uas yog xya zaus xya xyoo, yam li plaub caug cuaj xyoos. 9 Thaum txog lub xya hli xiab kaum, nej yuav tshuab hom nrov nrov. Hnub thawd yogh nub them txim txhaum, mas tas lub teb chaws yuav tshuab hom nrov nrov nyob qhov txhia chaw. 10 Nej yuav muab xyoo tsib caug ua Xyoo Ntshiab; nej yuav tshaj rau cov neeg nyob hauv lub teb chaws tias sawv daws nyob muaj kev twj lij. Yog ib lub caij rau nej sawv daws hom khaj zoo siab; nej nyias yuav rov mus nyob hauv nyias vaj nyias tsev, nyias yuav rov mus nyob hauv nyias lub xeem. 11 Vim yog nej xyoo hom khaj zoo siab thiab yog xyoo tsib caug rau nej mas nej yuav tsis txhob tseb noob qoob noob loo, thiab nej yuav tsis txhob sau cov nplej uas nws tuaj nws, nej yuav tsis txhob de cov txiv cawv uas nws txi nws saum cov hmab. 12 Vim yog ib xyoos hom khaj aoo siab thiab yog ib Xyoos Ntshiab, mas nej yuav noj tej txhiam xws uas tuaj nruab teb. 13 Xyoo hom khaj ntawd, mas nej nyias yuav rov mus nyob hauv nyias vaj nyias tsev nyias teb chaws. 14 Yog koj muag ib yam dab tsi rau ib tug neeg nyob ze koj, los koj muas dab tsi ntawm nws los, mas yuav tsis txhob pub kom muaj kev ib tug noj ib tug. 15 Yog koj muas dab tsi ntawm tus neeg nyob ze koj, mas koj yuav suav saib lub xyoo hom khaj dhau tau pes tsawg xyoo lawm, ces koj yuav them tus nqi muas raws li ntawd. Tus muag rau koj kuj yuav suav saib tshuav pes tsawg cim qoob rau koj sau, ces nws yuav hais tus nqi rau koj them raws li ntawd. 16 Yog tseem tshuav ntau xyoo, mas tus nqe yuav kim, yog tshuav tsawg xyoo, mas tus nqe yuav pheej yig, vim tias nws yuav xam saib nws muag tus nqe raws pes tsawg cim qoob rau koj them. 17 Nej yuav tsis txhob ib leeg dag ib leeg noj. Nej yuav ntshai Tswv Ntuj, vim kuv yog HUAB TAIS nej tus Tswv Ntuj.

    NPN 67: 2-3, 5, 7-8

    Txais: (4) Tswv Ntuj, cia tas txhua haiv neeg cav txog koj!
    los: Alleluia.

    Thov kom Tswv Ntuj hlub peb thiab foom hmoov zoo rau peb,
    kom nws ua nws lub ntsej muag ci tuaj rau saum peb,
    Kom lub ntiaj teb thiaj yuav paub koj tej kev,
    cov kuj cuab thiaj yuav paub koj txoj kev cawm neeg.

    Txais: (4) Tswv Ntuj, cia tas txhua haiv neeg cav txog koj!
    los: Alleluia.

    Kom cov kuj cuab hom khaj thiab qw zoo siab,
    vim koj kav cov haiv neeg raws kev ncaj,
    koj ua tus coj cov kuj cuab nyob ntiaj teb.

    Txais: (4) Tswv Ntuj, cia tas txhua haiv neeg cav txog koj!
    los: Alleluia.

    Lub ntiaj teb twb txi txiv lawm:
    Yog Tswv Ntuj, peb tus Tswv Ntuj foom koob hmoov rau peb.
    Thov kom Tswv Ntuj foom lus zoo rau peb,
    kom tas npoo ntuj npoo ntiaj teb hwm nws!

    Txais: (4) Tswv Ntuj, cia tas txhua haiv neeg cav txog koj!
    los: Alleluia.

    As Les Lus yas: MT 5: 10

    Txais: As les lus yas, as les lus yas.

    Cov tau txoj hmoov zoo yog cov raug luag hiam vim txoj kev ncaj,
    Ntuj lub Ceeb Tsheej yog lawv tug.

    Txais: As les lus yas, as les lus yas.

    Ntawv Moo Zoo: MT 14: 1-12

    1 Lub caij ntawd, Yes Xus lub moo nto ncha mus txog vaj txheeb Hes Los pob ntseg, 2 ces Hes Los hais rau nws cov tub txib tias : "Tus ntawd yog Zam Ntxuav Plig ! Nws sawv hauv cov tuag rov los lawm; vim li ntawd cov hwj huam yees ntxwv thiaj ua hauj lwm nyob hauv nws.
    3 Ua ntej ntawd, Hes Los tau ntes Zam thiab muab Zam khi coj mus kaw hauv tsev loj faj vim Hes Los Dias uas yog Hes Los tij laug Fis Lis Pos tus poj niam. 4 Vim Zam hais rau Hes Los tias : "Koj tsis muaj cai yuav tus poj niam ntawd." 5 Hes Los twb xav muab Zam tua, tab sis nws ho ntshai tsoom pej xeem, vim sawv daws saib Zam yog ib tug yaj saub. 6 Ua li mas, thaum txog Hes Los hnub tsuj xeeb, Hes Los Dias tus ntxhais tuaj dhia seev cev rau sawv daws saib, nws dhia tau ntxim Hes Los siab kawg. 7 Hes Los thiaj cog lus tias yuav pub yam nws thov rau nws. 8 Leej niam cob tus ntxhais, ces tus ntxhais hais tias : "Thov koj muab Zam Ntxuav Plig lub taub hau txawb hauv ib lub phaj nqa los rau kuv ntawm no." 9 Tus vaj tu siab mluas zog, tab sis vim nws tau cog lus, thiab vim cov qhua tuaj koom rooj qav, tus vaj thiaj txib kom lawv ua raws li tus ntxhais tau thov. 10 Tus vaj xa neeg mus txiav Zam caj dab hauv tsev loj faj. 11 Lawv muab Zam lub taub hau txawb hauv ib lub phaj cev rau tus ntxhais, tus ntxhais nqa mus cev rau nws niam. 12 Zam cov thwj tim tuaj nqa Zam lub cev mus faus. Ces lawv mus hais qhia rau Yes Xus paub


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 7th August 2017, 3:27 am

    TIM 7 LUB 8 HLI 2017

    Hnub Ob Lis Piam Kaum Yim Nruab Xyoo A Nruab Lis Piam Xyoo I

    Hwm LN Sixtus II thiab nws cov phooj ywg; Hwm LN Peter Julian Eymard

    Zaj Nyeem Ib: XP 11: 4B-15


    4b Cov His Xas Lais rov qab quaj quaj tias : "Leej twg yuav muab nqaij rau peb noj ? 5 Ua cas peb yuav nco tej nqaij ntses uas peb tau noj dawb nyob Hais Nkws Tos teb ua luaj ! Nco tej dib ntsuab, tej dib pag, tej zaub, tej dos tej qij tib si ! 6 Nyem no ces peb lub zog ntaug zuj zus, peb ntsia qhov twg los tsis muaj dab tsi tsuas pom mov Mas Nas xwb !" 7 Cov Mas Nas ntawd ua tej lub zoo li noob zaub txhwb qaib, dawb lam lam li ib co txab ntoo. 8 Thaum tsoom pej xeem mus ncig khaws Mas Nas los txog, lawv xuas zeb zom los muab tuav hauv qhov cos, ces lawv muab hau rau hauv lauj kaub, lawv mam muab puab ua ncuav noj. Cov ncuav Mas Nas qab li ncuav nplej xyaw roj. 9 Hmo ntuj, thaum lwg poob los, cov Mas Nas kuj nrog lwg poob los thiab.
    10 Mais Xes hnov tsoom pej xeem quaj quaj, nyias quaj ntawm nyias lub qhov rooj tsev tsam phooj; lawv ua rau HUAB TAIS npau taws heev, hos Mais Xes nyuaj siab kawg nkaus. 11 Mais Xes hais rau HUAB TAIS tias : "Vim li cas koj ua nyuaj li no rau koj tus tub txib ? Vim koj saib kuv tsis xis koj siab los ua cas koj thiaj muab haiv neeg no rau kuv ris ? 12 Puas yog kuv tau xeeb haiv neeg no, los tau yug lawv los ? Ua cas koj thiaj hais rau kuv tias: 'Koj puag haiv neeg no rau ntawm koj xub ntiag xws li leej niam pub mis puag tus me nyuam noj mis mus kom txog lub teb chaws uas kuv tau cog lus muab rau lawv cov yawg koob ?' 13 Kuv yuav muab nqaij qhov twg los rau tas cov neeg no noj ? vim lawv quaj tsis tseg rau kuv tias ‘Koj muab nqaij rau peb noj!’ 14 Kuv ib leeg ris tsis taus haiv neeg no li, lawv hnyav dhau rau kuv lawm. 15 Yog koj ua nyuaj kuv li no, thov koj muab kuv tua kom tuag zoo dua, yog koj hlub kuv tiag, kom kuv thiaj tsis pom kuv txoj kev ntxhov siab no ntxiv lawm !"

    NPN 81: 12-13, 14-15, 16-17

    Txais: (2a) Nej qw zoo siab rau Tswv Ntuj, tus pab peb.

    Kuv haiv neeg tsis mloog kuv lub suab,
    His Xas Lais tsis xav mloog kuv lus.
    Kuv thiaj tso lawv ua raws lawv lub siab cam thawj;
    ces lawv thiaj mus raws li lawv lub siab ntshaw !

    Txais: (2a) Nej qw zoo siab rau Tswv Ntuj, tus pab peb.

    Kheev lam kuv haiv neeg mloog kuv lus mas !
    Kheev lam His Xas Lais mus raws kuv txoj kev mas !
    Tam sis ntawd kuv yuav txo lawv cov yeeb ncuab kom swb tas,
    kuv yuav tig kuv txhais tes mus ntaus cov neeg ntxub lawv.

    Txais: (2a) Nej qw zoo siab rau Tswv Ntuj, tus pab peb.

    Cov uas ntxub HUAB TAIS lam ua txoj khoov rau kuv,
    Tiam sis lawv txoj hmoov phem yuav nyob mus li .
    Kuv yuav muab hmoov nplej mos los yug His Xas Lais,
    Yuav muab zib ntab zib mu saum tsua los rau lawv noj tsau.

    Txais: (2a) Nej qw zoo siab rau Tswv Ntuj, tus pab peb.

    As Les Lus Yas: MT 4: 4

    Txais: As les lus yas, as les lus yas.

    Neeg tsis kawg muab mov los yug siav xwb,
    neeg tseem yuav yuav txhua lo lus tawm ntawm
    Tswv Ntuj lub ncauj los yug siav thiab.

    Txais: As les lus yas, as les lus yas.

    Ntawv Moo Zoo: MT 14: 13-21

    13 Thaum Yes Xus hnov tias Zam Ntxuav Plig tuag lawm, nws caij nkoj mus rau ib qhov chaw xu kev, kom tau nyob ib leeg. Zeej tsoom hnov, lawv tawm hauv tej nroog mus ko taw raws nws qab. 14 Thaum Yes Xus nqes nkoj, nws pom ib pab neeg coob coob, ces nws hlub lawv ; nws kho lawv cov neeg uas muaj mob muaj nkeeg kom zoo hlo. 15 Yav yuav tsaus ntuj, cov thwj tim txav los hais rau nws tias : "Thaj tsam no, tsis muaj neeg nyob, thiab lig lawm ; koj tso tsoom neeg rov mus hauv tej zos kom lawv tau kev mus muas mov noj." 16 Yes Xus teb rau lawv tias : "Tsis tas lawv yuav mus qhov twg li, nej yog cov yuav muab mov rau lawv noj." 17 Cov thwj tim hais rau Yes Xus tias : “Ntawm no, peb tsuas muaj tsib lub ncuav mov thiab ob tug ntses xwb.” 18 Yes Xus hais tias : "Nej nqa los rau kuv." 19 Ces Yes Xus hais kom sawv daws xyab zaum saum tej nroj tsuag, nws tuav tsib lub ncuav mov thiab ob tug ntses, nws tsa muag ntsia saum ntuj, nws hais zaj foom hmoov zoo, nws muab cov ncuav mov ntais, nws cev rau cov thwj tim, kom lawv muab rau sawv daws. 20 Tas sawv daws tau noj tsau txaus siab npo, lawv tseem khaws tej mov seem tau puv kaum ob tawb ! 21 Cov neeg tau noj mov ntawd muaj ze ntawm tsib txhiab leej txiv neej, tsis xam poj niam me nyuam.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 7th August 2017, 5:27 am

    TIM       8      LUB      8      HLI       2017

    Hnub Peb Lis Piam Kaum Yim Nruab Xyoo A Nruab Lis Piam Xyoo I

    Hwm LN Dominic, ua Leej Choj

    Zaj Nyeem Ib:        XP  12:   1-13


    1 Mis Lias thiab As Loos nkawd yws yws txog Mais Xes, vim Mais Xes poj niam yog ib tug neeg Kws Xis uas nws tau yuav. 2 Nkawd yws tias : "HUAB TAIS puas hais lus rau Mais Xes ib leeg xwb ? Nws tsis hais lus rau peb thiab lod ?" Ces HUAB TAIS hnov. 3 Mais Xes yog ib tug neeg uas nyiam ua neeg me tshaj txhua leej hauv lub ntiaj teb no. 4 Ib sij huam, HUAB TAIS hais rau Mais Xes, As Loos thiab Mis Lias lawv tias : "Nej peb leeg tuaj tom lub Tsev Tsam Phooj Sib Ntsib." Ces lawv peb leeg mus. 5 HUAB TAIS nrog ib twv huab nqes los nyob ze ntawm lub qhov rooj Tsev Tsam Phooj. Nws hu As Loos thiab Mis Lias nkawd, ces nkawd ob leeg txav mus. 6 HUAB TAIS hais tias : "Neb mloog kuv cov lus no : Yog muaj ib tug yaj saub nyob hauv nej, mas kuv cia nws ua yog toog pom kuv, kuv hais lus rau nws nyob hauv npau suav xwb. 7 Tiam sis kuv tsis ua li ntawd rau kuv tus tub txib Mais Xes, kuv tso tas nrho kuv lub tsev rau nws saib. 8 Kuv nrog nws hais lus tim ntsej tim muag kiag, kuv hais lus tseeb, tsis ua paj lug hais rau nws, nws tau pom kiag HUAB TAIS tus duab. Vim li cas neb thiaj muaj cuab kav hais lus thuam kuv tus tub txib Mais Xes ?" 9 HUAB TAIS npau taws rau nkawd heev, ces nws rov mus lawm. 10 Twv huab kuj ploj ntawm lub Tsev Tsam Phooj lawm. Ua ciav Mis Lias cia li mob ruas, nws ib ce dawb paug cuag daus. As Loos tig mus ntsia nws, As Loos pom nws twb mob ruas lawm.
    11 As Loos hais rau Mais Xes tias : "Kuv tus tswv, thov koj txhob muab txim rau wb qhov txhaum uas wb tsis tau ua zoo xav, wb cia li ua lawm. 12 Thov koj tsis txhob cia nws zoo li ntawd, xws li tus me nyuam tuag hauv nws niam plab, uas thaum nws nchuav tawm los nws tej nqaij twb lwj tas ib nrab lawm !" 13 Ces Mais Xes thiaj thov HUAB TAIS tias : "Tswv Ntuj, Kuv thov koj, koj kho nws kom nws zoo !"

    NPN       51:   3-4, 5-6AB, 6CD-7, 12-13

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Tswv Ntuj, thov koj khuv leej kuv vim koj lub siab zoo;
    thov koj so kuv qhov txhaum pov tseg, vim koj muaj kev hlub loj tas nrho.  
    Thov koj ntxuav kuv lub txim pov tseg kom tas  
    thiab muab kuv qhov txhaum tshem mus kom kuv dawb huv tuaj.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Kuv lees paub kuv qhov txhaum,
    kuv qhov txhaum nyob rawv ntawm kuv xub ntiag.
    Kuv tau ua txhaum rau koj ib leeg xwb,
    kuv tau ua qhov uas koj saib yog tsis zoo.”

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Luag pom koj txoj kev ncaj thaum koj hais lus,
    thaum koj txiav txim, neeg thuam tsis tau.
    Koj ntsia, thaum kuv yug los kuv yeej muaj txim,
    thaum kuv niam xeeb kuv, kuv yeej muaj txhaum.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    Tswv Ntuj, thov koj tsim ib lub siab huv lis si rau kuv,
    thiab rov muab ib lub tswv yim nyob ruaj nreb rau kuv.
    Koj tsis txhob muab kuv ntiab mus deb ntawm koj,  
    thiab txhob rho koj leej Tswv Yim Ntshiab tawm ntawm kuv mus.

    Txais:   (3a) HUAB TAIS, thov koj khuv leej peb vim peb tau ua txhaum lawm.

    As Les Lus yas:       ZAM  1:   49B

    Txais: As les lus yas, as les lus yas.

    Las Npis, koj yog Tswv Ntuj Leej Tub tiag !
    Koj yog His Xas Lais tus Vaj

    Txais: As les lus yas, as les lus yas.

    Ntawv Moo Zoo:       MT  14:   22-36

    22 Yes Xus txhib cov thwj tim kom nce nkoj ua nws ntej mus lawm sab ntug dej tim ub, hos nws nyob xa tsoom sid rov qab. 23 Thaum Yes Xus xa zeej tsoom rov qab mus tas lawm, nws nce mus saum roob rau ib qho xu kev, ces nws teev Ntuj. Thaum tsaus ntuj, tshuav nws tib leeg xwb. 24 Lub nkoj twb mus deb ntawm ntug nqhuab lawm ntau ntsua muag. Dej nphau nphwv tuaj nplawm lub nkoj, vim cua tshuab tom hauv ntej tuaj. 25 Thaum lub caij ntu plaub (yav yuav kaj ntug), Yes Xus mus caum cov thwj tim, nws mus ko taw saum nplaim dej. 26 Lawv pom Yes Xus mus ko taw saum dej ntuj, lawv ib ce xob tas, lawv hais tias : "Yog poj ntxoog". Lawv ntshai kawg, ces lawv qw qw. 27 Tam sis ntawd Yes Xus hais rau lawv tias : "Nej tso siab mas ! Yog kuv ! Txhob ntshai." 28 Pob Zeb teb rau Yes Xus tias : "Huab Tais, yog koj tiag no, koj hais kom kuv tsuj nplaim dej tuaj cuag koj." 29 Yes Xus teb tias : "Tuaj mas !" Ces Pob Zeb nqes nkoj tso ko taw tsuj saum nplaim dej mus cuag Yes Xus. 30 Tab sis nws pom cua hlob, nws ntshai, ces nws pib tog hauv dej, nws qw tias : "Huab Tais, cawm kuv mas !" 31 Yes Xus cev tes tam sis ntawd tuav Pob Zeb, nws hais rau Pob Zeb tias : "Neeg ntseeg tsawg, ua cas koj ua xyem xyav ?" 32 Thaum Yes Xus nkawd nce hlo rau hauv nkoj, ces cua tu nrho. 33 Cov nyob hauv nkoj pe Yes Xus, lawv hais tias : "Koj yog Tswv Ntuj Leej Tub tiag !"
    34  Thaum lawv hla dhau de lawm, lawv mus nqes rau Zes Nes Xas Les. 35 Cov neeg nyob txawm ntawd cim tau Yes Xus, ces lawv mus qhia ib thaj tsam ntawd paub. Sawv daws coj lawv cov neeg mob tuaj rau Yes Xus. 36 Lawv thov Yes Xus kom nws cia cov neeg mob chwv nws tw tsho. Txhua tus uas tau chwv, puav leej dim ntawm lawv tus mob.

    Los:       MT 15:   1-2, 10-14

    Yog tej xyoo uas zaj saum toj no twb raug nyeem hnub ua ntej lawm, ces yuav xaiv nyeem zaj nram no:

    1 Ib co Fas Lis Xais thiab ib co Kws Ntawv Ntshiab nyob Yes Lus Xas Les tuaj cuag Yes Xus, lawv hais rau nws tias : 2 "Vim li cas koj cov thwj tim hla cov yawg koob tej kab ke ? Vim thaum lawv noj mov, lawv tsis xub ntxuav tes tso?"
    10 Yes Xus hu tsoom sid kom txav los ze nws. Nws hais rau lawv tias : "Nej mloog kom nej to taub ! 11 Tsis yog tej yam nkag hauv neeg lub ncauj ua kom neeg tsis huv ; yog tej yam uas tawm hauv lub ncauj los ua kom neeg tsis huv." 12 Cov thwj tim txav los ze Yes Xus, lawv hais tias : "Koj puas paub tias cov Fas Lis Xais hnov koj hais li ntawd, mas lawv tsis txaus siab ?" 13 Yes Xus teb tias : "Tus yub nroj twg tsis yog kuv Txiv nyob saum ntuj cog, mas yuav muab dob pov tseg. 14 Cia lawv chim lawv : lawv yog ib co neeg dig muag coj ib pab dig muag kev ! Vim tias yog ib tug dig muag coj lwm tus dig muag kev, mas nkawd ob leeg yuav ua ke mus poob qho."

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 8th August 2017, 11:12 am

    TIM       9      LUB      8      HLI       2017

    Hnub Plaub Lis Piam Kaum Yim Nruab Xyoo A Nruab Lis Piam Xyoo I

    Hwm LN Teresa Benedicta of the Cross  

    Zaj Nyeem Ib:       XP  13:   1-2, 25–14:1, 26A-29A, 34-35


    1 HUAB TAIS hais lus rau Mais Xes, nws hais tias : 2 "Koj xa ib co neeg mus xyuas Kas Nas Has teb, xyuas lub teb chaws uas kuv muab rau cov His Xas Lais mus nyob. Koj xa cov thawj coj, ib lub xeem ib tug mus."
    25 Lawv mus xyuas lub teb chaws tau plaub caug hnub, ces lawv rov qab los txog. 26 Lawv mus cuag Mais Xes, As Loos, thiab tsoom His Xas Lais nyob hauv lub hav suab puam Pas Las, nyob ntawm Kas Des. Lawv piav qhia rau Mais Xes thiab rau tas tsoom pej xeem mloog, lawv muab tej txiv hmab txiv ntoo uas lawv nqa tau los rau sawv daws saib. 27 Lawv piav li no : "Peb mus txog lub teb chaws uas koj xa peb mus xyuas. Muaj tseeb tiag, yog ib lub teb chaws uas mis nyuj thiab zib ntab zib mu ntws lug; peb nqa tej txiv no los rau nej saib. 28 Tab sis haiv neeg nyob lub teb chaws ntawd muaj peev xwm kawg, lawv tej nroog xov ntsa zeb ntsa tsua, loj dav kawg li;  peb tseem tau pom As Nas Kis cov xeeb ntxwv huv si thiab. 29 Cov neeg As Mas Les Kis nyob hauv lub xeev Nes Zes; cov neeg His Tis, cov Yes Npus Xis , thiab cov As Mos Lis lawv nyob pem cov roob, hos cov neeg Kas Nas Has nyob raws ntug hiav txwv thiab raws tus ntug dej Yos Las Das."
    30 Kas Les thiaj hais lus rau tsoom pej xeem uas yws yws Mais Xes, nws hais tias : "Peb yuav tsum sawv kev mus, peb mus ntaus kom tau lub teb chaws : peb muaj peev xwm ua tau xwb." 31 Tiam sis cov txiv neej uas tau nrog nws mus, teb tias : "Peb yuav ntaus tsis yeej haiv neeg ntawd li, vim lawv muaj zog dua peb." 32 Ces lawv thuam lub teb chaws uas lawv tau mus xyuas rau cov His Xas Lais, lawv hem tias : "Lub teb chaws uas peb mus xyuas mas yog ib lub teb chaws noj neeg. Cov neeg peb tau pom yog ib cov neeg loj siab. 33 Peb tau pom kiag ib co zoo li nyav loj loj siab siab uas yog As Nas Kis cov tub, lawv yog cov neeg loj loj cov xeeb ntxwv. Peb pom peb zoo nkaus li ib co kooj nyob ntawm lawv ib sab, lawv los ntshai yeej saib peb zoo ib co kooj xwb."
    14   1 Ces tas tsoom pej xeem tsa suab yws nthe zom zaws nrov nrov. Hmo ntawd lawv nroo lawv quaj ib hmos.
    26 Huab Tais hais rau Mais Xes thiab As Loos tias:  27 “Tsav neeg phem no yuav yws yuav cem kuv mus txog thaum twg? Kuv hnov cov His Xas Lais tej lus yws lus cem kuv lawm. 28 Koj hais rau lawv tias: ‘Huab Tais hais li no: Kuv cog lus ntawm kuv txoj sia tias: Kuv yuav ua rau nej raws nraim li nej cov lus uas nej tau hais rau kuv pob ntseg hnov lawm. 29 Nej cov pob txha yuav raug tso tseg nyob hauv lub teb chaws suab puam no.
    34 Nej tau mus pom lub teb chaws tau plaub caug hnub. Ib hnub muab suav ua ib xyoos, nej yuav tau them nej lub txim txhaum kom puv plaub caug xyoo, nej thiaj yuav paub hais tias yog nej tsis yuav li kuv hais ces nej yuav zoo li cas.  35 Kuv Huab Tais tau hais lawm, kuv yuav ua raws li ntawd rau tas tsav neeg phem uas tuaj sib sau yws thiab cem kuv no. Nyob hauv thaj chaw suab puam no, lawv txhua txhia tus yuav tsum tuag kom tas tso.”

    NPN       106:   6-7AB, 13-14, 21-22, 23

    Txais:   (4a) Huab Tais, thov koj nco txog peb, vim koj hlub koj haiv neeg.

    Peb tau ua txhaum ib yam li peb cov yawg koob,
    peb lem ntawm koj txoj kev, peb tau ua qhov phem.
    Nyob Hais Nkws Tos teb, peb phaj yawg tsis
    Saib  koj cov hwj huam yees ntxwv muaj nqes li.

    Txais:   (4a) Huab Tais, thov koj nco txog peb, vim koj hlub koj haiv neeg.

    Tau tsis ntev, lawv twb tsis nco qab nws tej hwj huam lawm,
    lawv tsis tos mloog nws zaj tswv yim nws tej lus li.
    Nyob teb chaws suab puam, lawv ntshaw noj ntshaw haus,
    lawv sim Tswv Ntuj nyob ntawm chaw av nkig teb do.

    Txais:   (4a) Huab Tais, thov koj nco txog peb, vim koj hlub koj haiv neeg.

    Lawv tsis nco qab tus Tswv Ntuj uas tau cawm lawv,
    tus tau ua tej yam loj nyob Hais Nkws Tos teb ,
    tus tau ua tej yam hwj huam txaus qhuas nyob Haas teb,
    tus tau ua tej yam txaus ntshai nyob ntawm Dej Ntuj Liab.

    Txais:   (4a) Huab Tais, thov koj nco txog peb, vim koj hlub koj haiv neeg..

    Nws tau hais tias nws yuav ua kom lawv tuag tu noob
    tab sis Mais Xes, tus uas nws xaiv,
    tau sawv lawv chaw thov nws nrog nws hais,
    kom nws txo nws lub siab npau taws tsis xav txuag lawv.

    Txais:   (4a) Huab Tais, thov koj nco txog peb, vim koj hlub koj haiv neeg.

    As Les Lus Yas:       LK  7:   16

    Txais: As les lus yas, as les lus yas.

    Ib tug yaj saub loj sawv los nyob hauv peb,
    Tswv Ntuj tuaj xyuas nws haiv neeg lawm.

    Txais: As les lus yas, as les lus yas.

    Ntawv Moo Zoo:        MT  15:   21-28

    21 Yes Xus tawm ntawm qhov chaw ntawd, nws mus rau thaj tsam Tws Los thiab Xis Doos teb. 22 Muaj ib tug poj niam Kas Nas Has nyob hauv teb chaws ntawd tuaj. Nws hu nrov nrov tias : "Huab Tais, Das Vis Leej Tub, thov koj khuv leej kuv : kuv tus ntxhais raug ib tug dab phem uas tsim txom nws heev  kawg." 23 Yes Xus tsis teb ib los li. Cov thwj tim txav los hais tias : "Koj muab nws ntiab khiav mus, vim nws pheej hu nrov nrov lawv peb qab." 24 Yes Xus teb rau lawv tias : "Ntuj xa kuv tuaj cawm cov yaj ploj hauv His Xas Lais tsev neeg xwb." 25 Tab sis tus poj niam twb tuaj txog ntawd lawm, nws txhos caug ntua pe Yes Xus, nws thov tias : "Huab Tais, thov koj pab kuv !" 26 Yes Xus teb rau nws tias : "Tsis phim muab me nyuam tej mov pov rau me nyuam dev noj." 27 Tus poj niam teb tias : "Huab Tais, yog li koj hais. Tab sis cov me nyuam dev tsuas noj tej tsig mov txeej ntawm lawv tus tswv lub rooj los xwb !" 28 Ces Yes Xus teb rau nws tias : "tus poj niam, koj lub siab ntseeg loj kawg. Kom koj tau raws li koj lub siab xav." Ces nws tus ntxhais zoo hlo txij lub caij ntawd mus lawm.



    Last edited by Mim on 4th September 2017, 7:09 pm; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 9th August 2017, 3:02 am

    TIM      10     LUB      8     HLI      2017

    Hnub Tsib Lis Piam Kaum Yim Nruab Xyoo A Nruab Lis Piam Xyoo I

    Hwm LN Lawrence, leej Tsob Hwb, tuag ua Tim Khawv

    Zaj Nyeem Ib:      2 K L N  9:   6-10


    Cov kwv tij nkauj muam aw:
    6 Nej yuav nco ntsoov tias, tus tseb nplej tsawg, nws kuj yuav sau tau tsawg, tus tseb nplej ntau nws yuav sau tau ntau.
    7 Nej nyias yuav pub raws li nyias tau txiav nyob hauv nyias siab lawm, nej txhob pub zoo li nej khuv khuv xim, thiab zoo li yog luag yuam nej, vim Tswv Ntuj nyiam tus zoo siab hlo pub. 8 Tswv Ntuj muaj peev xwm yuav pub tau tas ib puas tsav yam txiaj ntsim nchuav lug rau nej, kom nej muaj txhua yam tas mus li thiab txhua lub sij hawj, thiab tseem yuav seem ib co txaus pab nej ua txhua yam hauj lwm zoo. 9 Raws li Ntawv sau tseg tias : ‘Nws tau ua siab dav, nws pub rau cov pluag ; nws txoj kev ua neeg ncaj yuav nyob mus li.’ 10 Tus uas muab noob nplej rau tus tswv teb tau tseb, thiab muab mov rau tib neeg noj, nws haj yam yuav muab noob thiab ua kom nej cov noob ntau phwj yaws, nws yuav ua kom nej txoj kev ncaj loj tuaj thiab txi txiv ntau.

    NPN    112:   1-2, 5-6, 7-8, 9


    Txais: (5) Tus neeg txawj hlub luag thiab qiv rau luag, nws txoj hmoov zoo.

    Tus hwm HUAB TAIS, nws txoj hmoov zoo :
    Nws nyiam Huab Tais cov lus qhia tas siab nrho,
    Nws caj ce yuav muaj zog nyob ntiaj teb,
    tiam neeg siab ncaj yuav tau txoj hmoov zoo.

    Txais: (5) Tus neeg txawj hlub luag thiab qiv rau luag, nws txoj hmoov zoo.

    Tus neeg txawj hlub luag thiab qiv rau luag, nws txoj hmoov zoo.
    Nws ua nws tej hauj lwm raws kev ncaj.
    Nws yuav nyob ruaj mus li;
    sawv daws yuav nco ntsoov txog tus neeg ncaj mus ib txhis.

    Txais: (5) Tus neeg txawj hlub luag thiab qiv rau luag, nws txoj hmoov zoo.

    Nws yuav tsis ntshai cov lus cuav hais phem txog nws ;
    nws lub siab nyob ruaj nreb, nws tso siab lug rau HUAB TAIS.
    Nws ua siab tawv qhawv, nws yuav tsis ntshai,
    nws yuav tsa hauv pliaj siab saib nws cov yeeb ncuab.

    Txais: (5) Tus neeg txawj hlub luag thiab qiv rau luag, nws txoj hmoov zoo.

    Nws pub tsis txuag rau cov pluag :
    nws txoj kev ua siab dav yuav nyob mus li,
    nws yuav tau ntsej muag, yuav nto koob meej lug,

    Txais: (5) Tus neeg txawj hlub luag thiab qiv rau luag, nws txoj hmoov zoo.

    As Les Lus Yas:      ZAM  8:   12BC


    Txais: As les lus yas, as les lus yas.

    Huab Tais hais tias:  "Leej twg lawv kuv qab,
    nws yuav tsis mus kev hauv qhov tsaus ntuj.
    Nws yuav tau qhov pom kev kaj nws lub neej."

    Txais: As les lus yas, as les lus yas.

    Ntawv Moo Zoo:      ZAM  12:   24-26


    Yes Xus hais rau nws cov thwj tim tias:
    24 Kuv hais qhov muaj tseeb tiag rau nej : Yog ib lub noob nplej tsis poob rau hauv av thiab tsis tuag, mas nws tsuas nyob li ntawd xwb. Hos yog nws tuag, mas nws txi txiv ntau. 25 Tus twg nyiam nws txoj sia, mas nws ua nws txoj sia ploj. Hos tus twg tsis khuv xim nws txoj sia nyob hauv lub ntiaj teb no, mas nws yuav ceev tau nws txoj sia kom tau ciaj nyob mus li. 26 Tus twg xav tsob hwb kuv, mas nws yuav tsum los raws kuv. Kuv nyob qhov twg, kuv tus tub txib kuj yuav nyob qhov ntawd thiab. Tus twg tsob hwb kuv, mas Leej Txiv kuj yuav hwm nws thiab.

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 10th August 2017, 6:20 pm

    TIM       11      LUB      8      HLI       2017

    Hnub Rau Lis Piam Kaum Yim Nruab Xyoo A Nruab Lis Piam Xyoo I

    Hwm LN Clare nyob Assisi

    Zaj Nyeem Ib:       TCO  4:   32-40


    Mais Xes hais rau tsoom pej xeem tias:
    32 "Nej sim nug txog txheej laus thaud saib, thaum lub caij ua ntej nej nyob, txij hnub Tswv Ntuj tsim neeg los nyob ntiaj teb los txog hnub no, txij qab ntug mus txog hauv ntuj, puas tau muaj dua ib yam loj npaum li no tshwm sim tuaj? Puas tau muaj neeg hnov dua hais txog qhov ntawd? 33 Puas muaj dua lwm haiv neeg uas tau hnov Tswv Ntuj lub suab hais lus hauv hluav taws tuaj li nej tau hnov, thiab lawv tseem muaj txoj sia nyob? 34 Puas muaj lwm tus Tswv Ntuj uas tau tuaj coj ib haiv neeg tawm hauv lwm haiv neeg los ua nws tug, thiab tau ua tej yam los sim neeg siab, tej lub cim loj thiab tej yam hwj huam txaus qhuas, tau sawv ntaus tsam rog, uas yog siv nws txhais tes muaj hwj huam thiab xyab nws txhais npab muaj zog, thiab yog ua tej yam txaus ntshai kawg, xws li HUAB TAIS nej tus Tswv Ntuj tau ua pab nej nyob Hais Nkws Tos teb, rau nej qhov muag pom ? 35 HUAB TAIS pub nej pom tej yam ntawd kom nej paub tias HUAB TAIS yog tus tseem Tswv Ntuj tiag, tsis muaj dua lwm tus tswv ntuj ntxiv. 36 Nws kheev kom nej hnov nws lub suab qhuab qhia nej nrov saum ntuj tuaj, nws pub kom nej pom nws cov hluav taws nyob ntiaj teb no, thiab nej kuj tau hnov nws hais lus hauv cov hluav taws tuaj. 37 Vim HUAB TAIS hlub nej cov yawg koob, nws thiaj xaiv nej uas yog lawv cov xeeb ntxwv, nws thiaj tuaj nrog nej nyob thiab siv nws lub zog loj thau nej tawm ntawm Hais Nkws Tos teb los. 38 Nws ntiab tej haiv neeg loj thiab muaj zog dua nej kom khiav ntawm nej hauv ntej mus. Nws coj nej mus txeeb tau lawv lub teb chaws los ua nej lub cuab tam, xws li niaj hnub no. 39 Vim li no, nej yuav tsum paub nej yuav tsum nco ntsoov rau nruab siab tias : HUAB TAIS yog Tswv Ntuj kav saum ntuj thiab kav ntiaj teb no tib si. Tsis muaj dua lwm tus Tswv Ntuj lawm. 40 Nej yuav coj Huab Tais txoj cai thiab nws cov lus qhia uas kuv ceeb toom rau nej hnub no, kom nej thiab nej cov tub ki tom qab nej thiaj yuav muaj kev vam meej, thiab thiaj yuav ua lub neej nyob ntev dhawv hauv lub teb chaws uas HUAB TAIS nej tus Tswv Ntuj muab pub rau nej nyob mus ib txhis."

    NPN     77:  12-13, 14-15, 16+21

    Txais:   (12a) Kuv nco txog Huab Tais cov hauj lwm loj.

    Kuv nco txog HUAB TAIS cov hauj lwm loj ;
    kuv nco txog koj cov hwj huam yees ntxwv thaum ub.
    Kuv muab koj cov hauj lwm coj los ntsuam,
    kuv muab tej yam loj koj tau ua coj los xav.

    Txais:   (12a) Kuv nco txog Huab Tais cov hauj lwm loj.

    Tswv Ntuj, koj txoj kev yog kev ntshiab;
    Tus tswv ntuj twg thiaj zoo li pebj tus Tswv Ntuj?
    Koj yog tus Tswv Ntuj ua hwj huam loj;
    koj tau muab koj lub peev xwm rau cov haiv neeg pom.

    Txais:   (12a) Kuv nco txog Huab Tais cov hauj lwm loj.

    Koj xuas koj txhais npab muaj zog los txhiv koj haiv neeg,
    Koj txhiv Yas Kos thiab Yos Xes cov tub.
    Koj coj koj haiv neeg zoo li coj ib pab yaj;
    Koj siv Mais Xes thiab As Loos nkawd los coj lawv.


    Txais:   (12a) Kuv nco txog Huab Tais cov hauj lwm loj.

    As Les Lus Yas:      MT  5:   10

    Txais: As les lus yas, as les lus yas.

    Cov tau txoj hmoov zoo yog cov raug luag hiam vim txoj kev ncaj,
    Ntuj lub Ceeb Tsheej yog lawv tug.

    Txais: As les lus yas, as les lus yas.

    Ntawv Moo Zoo:      MT  16:   24-28

    24 Yes Xus hais rau nws cov thwj tim tias : “Yog leej twg xav los raws kuv, nws yuav tsum ntxub nws tus kheej, nws yuav kwv nws tus ntoo cuam, nws yuav lawv kuv qab. 25 Vim leej twg xav cawm nws txoj sia, mas nws yuav plam nws txoj sia. Hos leej twg plam nws txoj sia vim kuv, mas nws yuav rov nrhiav tau nws txoj sia. 26 Yog ib tug neeg txeeb tau tas lub ntiaj teb huv tib si los ua nws tug, tab sis nws ua nws txoj sia ploj lawm, mas nws tau dab tsi ? Neeg yuav muab dab tsi los pauv tau nws txoj sia ? 27 Vim tias Neeg Leej Tub yuav nrog nws cov Tshiab los muaj Leej Txiv lub hwj chim, ces nws yuav pauj rau nyias raws li nyias cov hauj lwm. 28 Kuv hais tseeb rau nej : muaj ib txhia neeg uas sawv ntawm no, yuav tsis tau saj txoj kev tuag mus txog thaum lawv tau pom Neeg Leej Tub los nyob hauv nws lub Ceeb Tsheej tso.”



    Last edited by Mim on 11th August 2017, 8:01 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Mim 11th August 2017, 8:00 am

    TIM 12 LUB 8 HLI 2017

    Hnub Xya Lis Piam Kaum Yim Nruab Xyoo A Nruab Lis Piam Xyoo I

    Hwm LN Jane Frances De Chantal

    Zaj Nyeem Ib: TCO 6: 4-13


    Mais Xes hais rau tsoom pej xeem tias:
    4 His Xas Lais, nej mloog mas : HUAB TAIS, peb tus Tswv Ntuj nws ib leeg xwb thiaj yog HUAB TAIS. 5 Li ntawd, nej yuav nyiam HUAB TAIS, nej tus Tswv Ntuj; nej yuav muab tas nej siab ntsws, nej tus ntsuj plig thiab nej lub zog los nyiam nws. 6 Nej yuav khaws cov lus uas kuv hais rau nej hnub no cia rau hauv nruab siab. 7 Nej yuav muab cov lus no cog rau hauv nej cov tub ki. Nej yuav qhia txog cov lus no tsis tseg, thaum nej nyob hauv tsev thiab thaum nej taug kev, thaum nej pw thiab thaum nej sawv hauv lub lav los. 8 Nej yuav muab khi rau nej txhais tes coj kom ua ib lub cim rau nej; nej yuav muab ntoo saum nej hauv pliaj xws li ib txog phuam. 9 Nej yuav muab sau rau ntawm nej tej ncej qhov rooj thiab nej tej ncej qhov rooj vag. 10 Thaum HUAB TAIS nej tus tswv Ntuj coj nej mus txog lub teb chaws uas nws tau cog lus muab rau nej cov yawg koob Has Nplas Has, His Xas Has thiab Yas Kos, thiab cog lus muab rau koj, mas nej yuav pom tej lub nroog loj thiab zoo nkauj uas nej tsis tau txhim, 11 pom tej tsev muaj toob xib txhij txhua puv nkaus uas nej tsis tau muab tso rau hauv, pom tej qhov dej uas nej tsis tau khawb, tej vaj hmab txiv cawv thiab tej txiv ntoo roj uas nej tsis tau cog. Thaum nej tau noj tsau, haus txaus lawm, 12 mas nej yuav ceev faj, tsis txhob hnov qab HUAB TAIS tus tau coj nej tawm Hais Nkws Tos teb ntawm lub teb chaws nej ua qhev los. 13 Tus nej yuav hwm yog HUAB TAIS nej tus Tswv Ntuj, nej yuav tsob hwb nws tib leeg xwb, nej yuav tuav txog nws lub npe los cog lus.”

    NPN 18: 2-3A, 3BC-4, 47+51


    Txais: (2) Kuv nyiam koj, Huab Tais, koj yog kuv lub zog.

    Kuv nyiam koj, HUAB TAIS, koj yog kuv lub zog,
    HUAB TAIS, koj yog kuv phab tsua, kuv lub yeej ntsa zeb, tus cawm kuv dim.

    Txais: (2)Huab Tais kuv nyiam koj, koj yog kuv lub zog.

    Kuv tus Tswv Ntuj yog kuv lub tsua kuv qhov chaw nkaum,
    kuv daim leem phiaj, lub zog cawm kuv, lub yeej thaiv kuv!
    Kuv tau cav txog Huab Tais, kuv tau thov nws,
    ces nws pab kuv dim ntawm kuv cov yeeb ncuab.

    Txais: (2)Huab Tais kuv nyiam koj, koj yog kuv lub zog.

    Kom HUAB TAIS muaj txoj sia nyob! Kom kuv lub tsua nto koob meej !
    Kom Tswv Ntuj tus cawm kuv, nto koob meej lug !
    HUAB TAIS, koj muab kev yeej loj kawg nkaus rau koj tus vaj,
    koj hlub tus koj pleev roj rau, koj hlub Das Vis thiab Das Vis caj ces mus li.

    Txais: (2)Huab Tais kuv nyiam koj, koj yog kuv lub zog.

    As Les Lus Yas: 2 TM 1: 10

    Txais: As les lus yas, as les lus yas.

    Yes Xus Pleev tus Cawm Peb tau rhuav txoj kev tuag pov tseg
    thiab ua kom txoj sia nyob mus li tawm tuaj nyob hauv lub Moo Zoo.

    Txais: As les lus yas, as les lus yas.

    Ntawv Moo Zoo: MT 17: 14-20


    14 Thaum lawv rov los nrog tsoom sid lawm, muaj ib tug neeg tuaj txog, nws txhos caug ntua ntawm Yes Xus xub ntiag, nws hais tias : 15 "Huab Tais, thov koj hlub kuv tus tub, nws vwm heev kawg li. Nws ntog rau hauv hluav taws thiab rau hauv dej ntau zaus kawg li. 16 Kuv twb coj nws tuaj rau koj cov thwj tim lawm, tab sis lawv kho tsis tau." 17 Yes Xus teb tias : "Caj ces neeg tsis ntseeg thiab siab phem, kuv yuav nrog nej nyob txog tav twg ? Kuv yuav nyiaj nej txog thaum twg? Nej coj nws los rau kuv ntawm no saib." 18 Yes Xus cem tus dab phem, ces tus dab phem tawm hauv tus me nyuam mus. Tus me nyuam zoo hlo txij thaum ntawd los. 19 Thaum tshuav cov thwj tim thiab Yes Xus nyob ib qho lawm xwb, cov thwj tim txav los ze Yes Xus, lawv nug nws tias : "Vim li cas peb ntiab tsis tau tus dab ntawd ?” 20 Yes Xus hais rau lawv tias : "Vim nej ntseeg tsawg dhau. Li ntawd, kuv hais tseeb rau nej, yog nej ntseeg luaj li ib lub noob zaub roj xwb, mas nej hais rau lub roob ntawd tias : 'Koj txav ntawm no mus lawm tod saib,' lub roob kuj yuav txav mus. Ces yuav tsis muaj ib yam uas nej ua tsis tau li. [21 Yuav ntiab tau hom dab no mas yuav tsum yog thov ntuj thiab yoo mov thiaj tau.]”


    Sponsored content


    COV ZAJ NYEEM NRUAB LIS PIAM XYOO I   2016-2017 - Page 9 Empty Re: COV ZAJ NYEEM NRUAB LIS PIAM XYOO I 2016-2017

    Post  Sponsored content


      Current date/time is 18th March 2024, 11:29 pm