LUS CEEB TOOM , THOV KEV PAB, THIAB KEV QHIA NEJ SIV LUB FORUM

Leej twg xav paub kev siv HmongCatholique Forum thiab xav nug tej yam nej tsis paub los tuaj nyeem thiab tuaj sau hauv no peb yuav zoo siab qhia nej.

QHIA SEB KOJ YOG LEEJ TWG

Peb Hmong Catholique yeej nyiam qhia qhov tseeb tsis muaj cuav , yog li no peb zoo siab tuaj sib fim peb xav paub nej txhua leej txhua tus, yog nej leej twg tsis xyeej zoo siab tuaj qhia nej tus kheej rau ntawm no los peb haj yam zoo siab, yog nej npaj tsis tau txhij yuav qhia nej tus kheej los tuaj hais nyob zoo rau peb hauv no xwb zoo kawg nkaus li .

MOVIE,SAIB YEEB YAJ KIAB KEV NTSEEG

Tej lub caij nej tsis muaj num dab tsi ua los sis tsis muaj dab tsi tab kaum nej lawm no ces ho tuaj saib yeeb yaj kiab nthuav txog Tswv Ntuj keeb kwm thiab cov Leej Ntshiab lub neej , yuav pab tau nej ntau yam kev xav.

MLOOG NKAUJ TEEV NTUJ CATHOLIC ( muaj kwv txhiaj thiab Paj Huam ntseeg ntuj)

mloog nkauj Teev Ntuj tshiab...Mloog paj huam thiab kwv txhiaj ntseeg ntuj.

GALERIE,SAIB DUAB HMOOB QUB TXHEEJ DHAU LOS THIAB LWM YAM DUAB

Kwv tij Hmoob, peb niam peb txiv laus zuj zus tseg tau tej duab puav pheej cim tseg tias peb yog Hmoob, peb txawm nyob txog qhov twg los peb tseem yog Hmoob, yog li no peb thiaj tsim hoob no los tso peb tej duab Hmoob, caw nej tuaj saib tau.

NEW, XOV XWM ,NTAWV CAW

Xov Xwm thoob ntiaj teb, ib hnub muaj tshwm sim ntau tsav ntau yam uas peb tsis ceev faj thiab tsis paub txog. Yog li hauv chav no nej leej twg muaj xov xwm zoo los sis xov xwm qhia kom peb ceev faj tuaj nthuav qhia rau ntawm no, thov caw.

THAM TXHUA YAM, NTSEEG NTUJ SIB FIM TXUJ

Leej twg xav tham kev noj qab nyob zoo, xav tuaj qhia kev vam meej sib nug moo, xav tham lwm yam, xa xov ntawm kev ntseeg , xav nug ib tug phoojywg moo, tuaj tham hauv no tau tag nrho.

ZOS HMOOB ( cacao Guyane, Fresno CA USA, WI Green Bay USA, Lyon- Paris- Cholet Hmoob de France , Cob Tsib Zos Hmoob Vietnam)

Mus ncig xyuas peb Hmoob nyob thoob qab ntuj txoj kev hlub, kev tshua, kev koom siab, caw sawv daws soj ntsuam hauv txhua lub teb chaws seb zaum no peb ncaim teb ncaim chaw los mus nyob puv ntuj huam vam thiab thaj yeeb zoo npaum li cas lawm los tseem txom nyeem dua qub, chav no yog xa moo thoob ntuj hauv Hmoob zej Hmoob zos.

NOJ PEB CAUG, CHRISTMAS, NQUAM PAJ NQUAM NRUAS/ FETES RELIGIEUSES

Txhua lub niaj lub xyoo, ib xyoos rov los txog lub caij peb mus hawm peb tus vaj, peb yuav nqa peb lub siab mus rau nws, peb zoo siab txhua xyoo yuav nquam paj nquam ruas ua hmoov cav txog nws yug los.

CHAW ZOO NKAUJ MUS NCIG UA SI

Mus ncig ua si hauv tej chaw zoo nkauj, tsis hais nyob lub teb chaws twg yeej muaj tej chaw zoo nkauj kho siab zim , leej twg tau mus ncig ua si hauv tej chaw zoo nkauj no thov coj nej li duab tuaj share pub rau peb sawv daws tau saib kom peb lub cev tsis tau txog los lub muag pom hauv nej cov duab.

KEEB KWM HMOOB

Hmoob keeb kwm mus nyob thoob ntuj , khiav tsov rog, hla toj roob hauv pes ib tiam dhau ib tiam

TXUJ CI HMOOB

Txuj ci Hmoob yog ib lub txiaj ntsim zoo muaj nrog peb haiv Hmoob, yog tej tub tej ntxhais muaj lub peev xwm thiaj lub siab khaws tseg yuav muaj nuj nqis heev.

MISXAS HNUB CHIV

Txhua txhua hnub Chiv peb Hmoob Kas Tos Liv yeej mus koom ua Misxas teev ntuj vim yog Tswv Ntuj hnub, li no ua ntej peb yuav koom Tswv Ntuj rooj mov peb yuav tau thov ntuj thiab nyeem ib txoj lus ntawv moo zoo. Yog nej leej twg tsis khoom mus Teev Ntuj ua Misxas nej nyob tom tsev nej tuaj nyeem cov zaj nyeem rau hnub no nws kuj yuav pab rau nej tau txiaj ntsim tib yam li nej mus koom.

COV CIM HAUV KOOS TXOOS KAS TOS LIV

Cov Cim hauv Koos txoos Kas Tos Liv yuav qhia rau peb tias siv li cas thiab ua raws li cas, nws tseem ceeb rau peb npaum li cas, kuj qhia rau peb tias muaj txiaj ntsim zoo li cas, nej leej twg xav paub tuaj nyeem thiab kawm ntxiv mus, yog tej qho peb kuj sau tsis txog thov nej tuaj pab txhawb qhia peb ntxiv.

NTHUAV NTAWV NTSHIAB / OPEN HOLY BIBLE

Ntawv Ntshiab " Holy Bible " yog Tswv Ntuj phau ntawv Ntshiab thiab Tswv Ntuj lo lus , Ntawv Ntshiab muaj nuj nqis rau tus neeg nthuav nyeem, li no peb thiaj tuaj muab sau tseg rau ntawm no kom tus tsis muaj phau Ntawv Ntshiab tau tuaj nyeem txog Tswv Ntuj txoj lus nto moo lug.

Ntawv Ntshiab 2002

Lecture de la Sainte Bible traduction en Hmong / Reading the Holy Bible translation in Hmong

KAWM KEV CAI CATHECHISME

Kawm kev cai hauv Koos Txoos Kas Tos Liv, nws yog ib yam tseeb ceeb rau peb kom peb txaus siab los txais Huab Tais Yesxus. Li no leej twg zoo siab hlo tuaj kawm tuaj nyeem thiab tuaj nthuav ntxiv sib koom siab qhia rau cov tsis paub tuaj pab sau rau hauv no.

CHAV THOV NTUJ ( Section Prière / Prayer Section )

Peb yog neeg ntseeg ntuj tiam sis peb puas yuav paub thov kom ntxim Tswv Ntuj siab? yog nej leej twg paub qhia kom peb txawj hais lus rau Tswv Ntuj thiab thov li cas thiaj tau txiaj ntsim zoo nej tuaj txhawb qhia peb . Leej twg xav tuaj thov ntuj hauv no los kuj taut ib yam, peb yuav zoo siab nrog nws thov pab .

KEV CAI KAB KE NTEES HAUV KAS TOS LIV

Kab ke ntees tuag kas tos liv, muaj txhua yam qhia rau nej paub tias thaum nej ib tug neeg noj qab nyob tsis zoo tau ploj lawm yuav ua li cas thiaj li pab tau tus neeg ploj ntawv mus cuag Tswv ntuj.

SPECIALE TXIV PLIG NYIAJ POV " Père Yves Bertrais "

Txiv Plig Nyiaj Pov "Fr.Yves Bertrais " yog Yesxus leej tub, nws tau muab nws lub neej pab peb haiv Hmoob tshaj 50 xyoo dhau los, nws tuaj yeem tso nws txuj ci pub rau Hmoob, nws yog peb Hmoob Niam Ntawv Hmoob Thoob Teb tus Txiv Plig siab zoo tuaj ntawm Tswv ntuj tuaj, caw nej los nyeem nws keeb kwm.

PEB COV TXIV PLIG HMONG

Txiv Plig Hmoob yog peb cov tub dawb huv tau lees txais lub cim tiag tes los ua Huab Tais Yesxus tub tim khawv, muaj lub peev xwm yuav daws tau peb cov txhaum thiab hloov tau cov mov nplej los ua Yesxus cov Ntshav, peb sau siab tuaj nyeem txog lawv keeb kwm thiab nqa siab dawb huv tuaj txhawb lawv li lawv txhawb peb.

COV LEEJ NTSHIAB

Cov Leej Ntshiab yog cov neeg dawb huv, lawv ua lub neej raug tsim txom ntau tsav ntau yam ua ntej lawv yuav tau txiaj ntsim , lawv yog tus qauv zoo rau peb txhua leej txhua tus xyaum ua neeg dawb huv thiab kom peb kawm lawv tus yam ntxwv tso siab lug rau Tswv Ntuj peb thiaj tau txoj sia nyob mus li. Lawv muaj Tswv Ntuj nyob nrog nraim lawv thiab koom siab rau Huab Tais Yesxus. Lawv yog Leej Ntshiab vim Txiv Vaj Qhia muab lawv lees ua canonisation tias lawv yog Leej Ntshiab dawb huv nyob nrog Tswv Ntuj.

Kev Sau Siab mus ncig xyuas tej thaj chaw Ntshiab

leej twg mus Sau Siab txog tej qho chaw Ntshiab , caw nej tuaj tsham tsham qhia thiab tso duab kom peb lub cev tsis tau mus los peb tus ntsuj plig lub siab thiab qhov muag nrog nej mus.

TEMOINGNAGE , EXPERIENCE , THAM TXOG KEV TXAIS NTUJ TXIAJ NTSIM

Kwv tij neej tsa Hmoob nthuav txog Ntuj Txiaj Ntsim, tshwm sim dhau los, tau kev pab kev cawm, thiab dim txog kev tuag, dim dab hem, vim muaj Tswv Ntuj lub hwj huam los roos, caw sawv daws soj ntsuam thiab nyeem zoo.

NTUJ COV TSHIAB ( ANGELS )

Txhua yam hauv no nthuav txog Ntuj cov Tshiab, Angels muaj koob nto npe nyob pem ntuj, koj tus tshiab nyob nrog nraim koj lub xub ntiag coj koj mus cuag Tswv Ntuj.

NIAM MAB LIAB LUB TXIAJ NTSIM, MIRACLE TSHWM SIM MUAJ TSEEB TIAG

Niam Mab Liab yog Tswv Ntuj Leej Niam, Tswv Ntuj tau muab lub mom kub muaj 12 lub hnub qub rau Nkauj Tsiam Txiaj Mab liab ntoo, Tswv Ntuj tias leej twg tuav txog Tswv Ntuj niam lub npe nws yuav tau txiaj ntsim. Tswv Ntuj nyiam nws niam , Tswv Ntuj pub txhua yam raws li Niam Mab Liab thov. Li no muaj ntau lub sij hawm Niam Mab Liab tau thov Tswv Ntuj tso nws los tshwm sim rau ntau thaj chaw kom Ntshiab, pab neeg kho mob thiab hloov neeg siab ntsws. Caw nej nyeem Niam Mab Liab txiaj ntsim zoo rau neeg ntiaj teb cov txom nyeem.

TSHWM SIM / MESSAGE / XA XOV

SIB QHIA TXOG KEV ZOO THIAB KEV PHEM/ XYAUM UA NEEG ZOO

Nyob rau hauv peb lub neej, peb xav tias peb loj txaus thiab paub txaus lawm ces peb tsis yuav leej twg qhuab qhia peb ntxiv , tab sis qhov tseeb peb tseem tsis tau paub dab tsi kiag. Yog li no nyob rau hauv chav no yog tsim los rau tus tsis txawj los ho tuaj nug, tus paub lawm los ho tuaj qhia , thov kom nej nco ntsoov tias thaum peb tsaug zog hauv ntiaj teb no tsis qhib qhov muag ntxiv lawm mas peb lub neej nyuam qhuav pib xwb.

NTUJ TXIAS TEB TSAUS, CHAW THEM TXIM

Ntuj txias teb tsaus yog ib qho chaw khuam peb vim peb txoj kev tsis dawb huv, khuam peb vim peb tsis mloog ntuj lus, nws muaj nyob rau hauv nruab nrab av uas yog plaim taws txhiab ntsuj plig , ntuj txias teb tsaus kuj yog ib qho chaw cia siab, yog ib qho chaw uas yus nrhiav Tswv Ntuj tag nrho siab ntsws tos Ntsoov yuav dim mus cuag tus TSWV. Neej leej twg txawj tshawb fawb tau tej yam zoo thov tuaj tham kom peb paub ntxiv.

CEEV FAJ DAB PHEM THIAB LWM YAM YUAV UA RAU PEB POOB MUS HAUV HAV DEJ KUB DEJ NPAU.

Dab phem yog Tswv Ntuj tus yeeb ncuab, dab phem ntxub noob neej leej tib neeg vim Tswv Ntuj tseem yuav pub noob neej leej tib neeg tau zoo nyob mus li saum ntuj ceeb tsheej hloov dab phem chaw vim dab phem ntxeev siab rau Tswv Ntuj . Yog li no peb thiaj tau tsim chav no los qhia txog dab phem txoj hauv kev yuav haub ntxias peb noob neej leej tib neeg kom poob nrog dab phem mus rau hauv hav dej kub deb npau, dab phem yuav tsim txom peb noob neej leej tib neeg mus ib txhis tsis txawj kawg yog peb mloog dab phem ntxias.