Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Xib Hwb Thoj Xyooj lub neej

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Xib Hwb Thoj Xyooj lub neej

    Post  Maiv Tooj on 1st September 2009, 5:46 am

    Xib hwb Thoj Xyooj “Paj Lug” (xyoo 1941 txog 1960)
    Thawj tug tim khawv Hmoob




    Tswv Qhia lub Tuam Rooj Tswj Xwm Kas Tos Liv
    nyob Los Tsuas thiab Khab Meem
    pab neeg txheeb xyuas cov ua tim khawv tag txoj sia
    nyob rau teb chaws Los Tsuas.





    Rooj txiav txim tau qhib hais txog txoj kev ua leej ntshiab nyob lub nroog Trente
    (Is Tas Lis teb) hnub tim 7-10-2006.
    Tus Postulateur yog P. Angelo Pelis, O.M.I.










    Last edited by Maiv Tooj on 17th November 2011, 5:49 am; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 6:16 am





    -Peb nyeem txog Thoj Xyooj, ib tug Leej Ntshiab Hmoob tsis ntev saum no lub neej me ntsis...

    Kev ua tim khawv:
    T.P Txhiaj Tshaj sau tias:
    «Tau xa Xyooj Paj Lug mus zos Naj Vas, nws yog ib tug hluas tshaj lij thiab kub siab... Tus hluas txoj hauj lwm thiaj tshwm sim ntawg ntiag rais los ua qhov tseeb».

    «Ob peb hnub no kuv tau nrog Xyooj mus ncig mas nws tau piav txog lub cim yug».

    Cov Hmooh hais tias:
    «Xyooj yog ib tug lawv nyiam thiab paub nws zoo, nws nyiam mus xyuas neeg zej zog hauv lawv tej tsev thiab nws yog ib tug neeg siab sib»

    «Xyooj tau tshaj txog Yes Xus, yam kub siab lug nrog txoj kev ntseeg, ua rau sawv daws xav mloog nws piav».

    «Xyooj tau hais rau cov neeg mloog nws tias, raws li kuv, yog ib tug phooj ywg nyob hauv kev xwv txheej qhov tuag, ntawm kuv mas yuav tsis tso nws pov tseg, tab txawm yuav muab yus txoj sia mus pauv».

    Xib Hwb THOJ Xyooj Paj Lug yug xyoo 1941 nyob Roob Nyuj Qus Los Tsuas teb. Tau txais lub cim ntxuav ntawm Txiv Plig Nyiaj Pov Yves BERTRAIS OMI. Xyoo 1955 thaum muaj 14 xyoo, nws tau nkag rau lub tsev kawm ua leej choj nyob Paksane uas tis nws lub npe Los Tsuas hu ua Khamsé .

    Thaum rov los rau Roob Nyuj Qus xyoo 1959, THOJ Xyooj Paj Lug tau mus nrog Txiv Plig Vaj Pov uas nyob Luam Naj Thas, nkawd thiaj sawv kev mus nthuav Ntuj kev cai thawj zaug nyob lub zos Naj Vas. THOJ Xyooj Paj Lug, raws li nws txoj kev «Tshaj Ntuj Lus», ua rau ntau yim Hmoob tig los ntseeg txog Tswv Ntuj.

    Nws rov los Roob Nyuj Qus. Hnub tim 25.04.1960, nws nrog TP Txhiaj Tshaj (Mario Borzaga) nkawd mus tshaj ntuj lus. Txoj kev tawm rooj cia li mus ploj qab ntug ntais tsis rov. Lub luag hauj lwm, thiaj coj nws mus tag txoj sia rau txoj kev raug tsim txom loj tshaj plaws, vim nws xav pab tus nrog nws ua ke. Uas tsis muaj leej twg nrhiav tau nkawd lub cev, raws li cov tim khawv hais tawm tias, luag muab nkawd faus ua ke rau ib lub qhov.

    -Niam Txawj Pov YAJ (Tsab Mim LAUJ)

    -Niam Txoos Xwm LAUJ (XiaVWJ) hais


    Txiv Plig. Txhiaj Tshaj thiab THOJ Xyooj Paj Lug mus pw ib hmos lub zos Phuaj Xuab. Txhiaj Ceeb LAUJ thiab Tswv Nplooj LAUJ coj kev mus rau lub zos pem toj, so ib pliag ho sawv kev mus, dua li tsis yog zos Hmoob lawm.

    1941 - 2007: 66 xyoo thiab 25.04.1960 - 25.04.2007: 47 xyoo.

    Yav ntuj qub qab, siv caij mus ib lub zos rau ib lub, kwv yees ib tag kis los tseem deb dua.

    Yes Xus Cawm Seej, THOJ XYOOJ PAJ LUG ua lub neej tsis tau ntev hauv txoj kev tshaj ntuj lus rau nws cov kwv tij Hmoob. Nws kev tawm mus qhia Ntuj kev cai ib pliag xwb, txawm txo nws txoj sia, yam muaj nuj nqes loj tshaj plaws, vim xav cawm tus leej choj nrog nws. Thov kom nws txoj kev ua tim khawv ci ntsa iab , nrov ncha mus thoob txhua txhia lub tsev teev Ntuj hauv Los Tsuas teb thiab tag nrho rau tsoom ntseeg Hmoob thoob qab ntuj, qhov tiag kom nyob rau hauv tsoom hluas nruab siab. Raws li nws kev vam khom, thov koj pab txais, Huab Tais, vim sawv daws tso siab lug tuaj thov koj lub txiaj ntsim. Ua li.

    Rooj txiav txim tau qhib hais txog txoj kev ua leej ntshiab nyob nroog Trente Is Tas Lis hnub 07.Juin.2006.

    Yog leej twg tuav Xyooj lub npe thov Tswv Ntuj pab, thiab tau txais txiaj ntsig tiag lawm, thov qhia rau Postulateur :

    P. Angelo Pelis O.M.I-Via Bravetta, 332

    00164 Roma-Italie
    Tel: (00 39) 06.66.15.38.56 -
    int. 7 E.mail: angelo.pelis@omimissio.net


    Last edited by Maiv Tooj on 20th July 2015, 8:12 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:31 am


    Xib hwb Thoj Xyooj “Paj Lug” (xyoo 1941 txog 1960)

    Thawj tug tim khawv Hmoob









    Tswv Qhia lub Tuam Rooj Tswj Xwm Kas Tos Liv
    nyob Los Tsuas thiab Khab Meem
    pab neeg txheeb xyuas cov ua tim khawv tag txoj sia
    nyob rau teb chaws Los Tsuas.




    Khaws lub neej tseg los ntawm T.P. Roland Jacques, O.M.I.




    Ua neej yus tsuas paub hnub nyob.
    Ua neej nyob yus tsis paub hnub tuag.
    Rab ntaj ntse hniav zuag plias, ib hnub twg nws kawg yuav npub vaib cia...
    Tus tseem muaj txoj sia, yuav mloog thiab nqes tes hlo ua raws li nws qhia.
    Rau tus ncaim mus lawm, yus khaws kawm nws tus piv txwv
    thiab kwv raws nws qab taug nws lw mus.

    (Hmoob luag niaj txhis piv lus)





    Thoj Xyooj 1 tau yug los rau xyoo 1941, hauv zos Kiukatiam, nyob rau xeev Luang Prabang. Zos Kiukatiam yog ib lub zos Hmoob, lus Hmoob hu ua Roob Nyuj Qus. Hais tias yog ib lub zos roob siab uas muaj cov nyuj qus nquag los nyob rau ntawd.
    Lub zos Hmoob txawm rau saum lub ncov roob siab txog 1000 m, uas muaj ntsis nyob rau phab qab txoj kev 13, sab qaum teb phab hnub poob roob Phou Khoun, ncaj
    txoj kev mus rau Luang Prabang (Moos Loob), uas yog lub tuam nroog vaj ntxwv Los Tsuas chaw nyob, nrug deb 80 km rau ntawm lub zos Roob Nyuj Qus2. Kev tshaj Ntuj lus thiaj tshwm sim thawj zaug rau hauv lub zos los ntawm txiv plig Nyiaj Pov (o.m.i.), uas tau nyob txij 1950 txog 1958 3.

    1- Raws li Hmoob lub xeem Thoj, lus suav txhais hais tias “lauj kaub ; zoo siab”.
    Lub npe “Xyooj” uas tis hu rau nws, yog txhais tias « neeg muaj zog, siab tawv, muaj koob meej ».





    Nrog cim kom zoo: Cov ciaj ciam xeev hauv daim theej teb no nws tsis zoo xws li daim ua xyoo 1960.



    Lub caij Xyooj tseem yau thiab nto hluas


    Xyooj yog ib tug nyuam tub thawj thawj pab hauv cov neeg nruab zog uas tau los ntsib txoj kev ntseeg Ntuj. Nws txiv uas yog hau zos, tau ncaim tso nws tseg ua ntej thaum nws muaj 9 xyoos. Lub xyoo 1950, yog thawj zaug uas txiv plig Nyiaj Pov tuaj xyuas Hmoob rau Roob Nyuj Qus, yog nws niam ua tus txais txiv plig Nyiaj Pov thiab npaj pluas mov rau nws 4. Xyooj kuj loj hlob paub txog txoj kev ua ib tug neeg ntseeg, nws muaj tswv yim zoo thiab yog neeg cus. Nws nyiam thiab muaj siab xib ntau zuj zus txog txoj hauj lwm thiab kev tshaj ntuj lus. Nws cov xeeb ntxwv ib tug piav tias :

    Kuv txiv tau hais rau kuv tias, hnub uas txiv plig tuaj txog rau hauv zos, kuv tus kwv Xyooj cia li nyiam Ntuj lub Moo Zoo. Nws nyiam txoj kev ntseeg heev, thiab yog vim li ntawd, nws pom txiv plig mus qhov twg mas nws pheej mus nrog nraim, kom tau tshaj thiab qhia txoj kev ntseeg ib lub zos dhau rau ib lub zos, uas txiv plig mus5.
    Thaum muaj 16 xyoo, Xyooj tau hais txiv plig Nyiaj Pov tias nws xav kawm los ua ib tug leej choj6. Pom tias nws muaj tus xeeb ceem paub tab, thiaj pom zoo xa Xyooj mus nyob hauv lub tsev kawm ua leej choj rau Paksane. Xyoo tas los, lub tsev hauv paus thiaj tau qhib kev kawm ib pab tshiab nyob rau ntawd, rau cov npaj kawm ua xib hwb qhia kev ntseeg. Xyooj yuav yog ib tug kawm rau hauv; hais txog kev ua leej choj, cia mam xyuas tom qab. Xyooj niam tsis tuaj yeem : nws tsis xav hnov txog tej yam tshiab ntawd li ; thaum kawg Xyooj ib tug ntawm nws ob tug tij laug uas nrog lawv nyob koom ib tse, thiaj ua tus los txiav txim tso cai.



    Kuj tshuav ib qho teeb meem: Xyooj txoj kev yuav npaj kawm ua leej choj tsuas yog tseem nyob li ib tug neeg ntseeg xwb, lub cim ntxuav los tseem npaj rov rau lwm xyoo.

    Txawm li ntawd los yeej tsis ua li cas : Xyooj thiaj yuav tsum txais lub cim ntxuav ua ntej rau hnub chiv tim 8 lub 12 hlis 1957, ntawm txiv plig Nyiaj Pov txhais tes. Thaum ntawd, nws txais yuav leej ntshiab “Paj Lug”lub npe nrog lub koob muaj meej coj nrog nraim nws 7.


    Hnub tim 11 lub 12 hlis xyoo ntawd, raws li cov txiv plig Aus Nplas lub Koom Haum niam Ntshiab Mab Liab tuaj ua tus tos 4 tug ntxhais mus kawm rau hauv lub tsev kawm ua phauj nyob Paksane, thiab 2 tug tub mus ntxiv rau lub tsev kawm npaj ua leej choj, ib tug txawm yog Xyooj.
    Puas yog tias pheej muaj ib qho los tshoj lawv lub siab thiaj ua rau cov hluas Hmoob ntawd ncaim lawv haiv neeg pem toj siab, mus nyob deb deb rau nram chaw
    qis, tiaj nrag dej Naj Khoos 8.

    Nyob Paksane, Xyooj kuj yog ib tug kawm ua ke nrog Louis-Marie Ling Mangkha-nekhoun, uas nws yog tus yuav los ua tswv qhia nyob rau Paksé9, thaum ntawd nws tsuas muaj 11 xyoos xwb, tab sis tseem nco zoo txog nws tus phooj ywg uas hlob nws, hais ib co lus txawv tsis thooj li nws hom lus “Khab Mub”. Nyob hauv tsev kawm ntawv, sawv daws puav leej paub Xyooj zoo los ntawm nws lub npe Los Tsuas hu ua “Khamsè”. Nws tau tso lub neej hluas nyob cus plaws tseg cia, nws yog neeg khov thiab siab zoo. Tsis tas li nws kuj muaj teeb meem txog nws lub cev: yog ib lub kiav txhab nyob rau ntawm nws txhais kav hlaub, uas raug thaum nws tseem yau, thiaj ua rau nws tau ntoog ntev loo, tsuas ua taus tej hauj lwm sib xwb10. “Thaum lub sij hawm kawm ntawv thiab xyaum ua ub ua no, nws kuj nrog peb ua ke nraim, tab sis yog hais txog kev xyaum tes taw, nws kawg zaum ntsia saib peb lawm xwb. Rau ib tug tub hluas hnub nyoog li ntawd yeej yog siab tawv txaus11.” Tom qab no, nws niam thiaj li kho tau nws tus mob zoo raws li Hmoob kev siv tshuaj ntsuab los kho12.



    Xyooj kuj tsis kawm txuas ntxiv nyob rau Paksane 13 . Txwm xyoo nws thiaj rov los rau Roob Nyuj Qus. Nws nyob nrog lub suab tshoj hu nraim txog txoj kev ua xib hwb, thiaj li mus raws nraim txoj kev xav rau ntawm cov txiv plig uas yog cov saib xyuas, mam pib nqes tes ua ib qho zuj zus mus rau lub luag hauj lwm.
    Lub tsev kawm ntawv hauv lub zos, nws tau qhia ntawv Los Tsuas thiab ntawv Hmoob rau cov me nyuam yaus ; nws yog ib tug xib hwb nyuam qhuav pib xwb, tab

    sis nws nyiam rau siab ntso tsis so. Cov neeg ua tim khawv rau lub sij hawm ntawd lawv kuj hais sib xws, txog tus tub hluas uas muaj pluaj siab loj dav fo, yog neeg nyob luag ntxhi, khoom txhua lub sij hawm, yog leej twg muaj kev nyuaj xav tau kev vam khom nws yeej khoom pab tag nrho. Muaj ib tug tub kawm ntawv hais tias: “Nws mas nyiam Tswv Ntuj thiab Tswv Ntuj txoj hauj lwm, nws tsis ua neeg muab hlob, nws nyiam txo hwj chim14.”


    Last edited by Maiv Tooj on 14th November 2009, 10:44 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:35 am


    Tus hluas xib hwb raug xa mus tshaj Ntuj lus





    Xyoo 1958 nyob rau xyoo ntawd, txoj kev tshaj Ntuj lus nyob rau xeev Moos Loob (Luang Prabang) (phab qaum teb sab hnub poob teb chaws Los Tsuas) tau tso rau cov txiv plig Aus Nplas Is Tas Lis uas yog T.P. Leonello Berti ua tus coj15. Cov tswj saib xyuas kuj xav kom muaj kev mus nyob rau xeev Luang Nam Tha, uas sib cob ciam puas teb chaws Phab Mab thiab Suav. Tsis ntev saum no cov Hmoob nyob rau lub zos loj, Naj Vaj yuav hnov hais txog lawv cov kwv tij los coj Ntuj kev cai ; lawv tus kheej kuj xav paub txog « cov Yes Xus uas tuaj ntawd muab tshuaj kho rau cov neeg mob 17.”

    Lub zos Naj Vaj uas koom nrog thaj av zos Npam Laj Xees, ze lub zos vias Phum Khas thiab Tam Kiab (Takéo), uas nyob nrug deb ib hnub thiab ib tav su kev rau sab qab teb phab hnub poob ntawm xeev Luam Naj Thas18, yog qhov chaw cov T.P. tuaj mus nyob rau ntawd, uas yog T.P. Alessandro Staccioli thiab Luigi Sion (T.P Vaj Pov)19, nkawd tsuas paub hais lus Los Tsuas xwb cov Hmoob yeej tsis paub lawv lus li ; txiv plig thiaj tau thov kom ib tug xib hwb hmoob nyob Roob Nyuj Qus tuaj. Xyooj thiaj yog tus khoom : raws li T.P. Berti ua tus sau ntawv hais tuaj, txawm tias Xyooj yog tus uas tsis ntev saum no yuav nrog T.P. Txhiaj Tshaj nyob ua hauj lwm ua ke, los kawg cia li txiav txim siab xa Xyooj mus21. Nyob rau qab kev tswj fwm ntawm T.P. Vaj Pov, txawm hais tias nws tseem yog ib tug hluas nyuam qhuav pib xyaum tshaj kev ntseeg Ntuj xwb.

    Nws sawv kev mus yog hnub tim 21 – 04 – 1959 ; rau ib tug hluas txoj kev tawm rooj zaum no yog ib qho phiaj xwm loj kawg nkaus txog txoj hauj lwm tshaj Ntuj lub Moo Zoo22”, nws cia li “muaj lub siab tawv qhawv nrog txoj kev zoo siab hlo22”.
    Ob peb hnub tom qab, uas nws tau sawv kev mus ua hauj lwm. Hauv tsab ntawv xov xwm kev tshaj Ntuj lus nyob Naj Thas T.P. Staccioli sau tias :






    Txiv plig Vaj Pov … tau hnov tias muaj ib tug xib hwb Plos Tes Tas (protestant) tau tuaj xyuas ob peb lub zos Hmoob nyob tsis deb rau thaj tsam ntawd; nws kuj cia li txiav txim siab mus thiab. Ntxab ntxawm, hnub hmos muaj ib tug xib hwb Hmoob Roob Nyuj Qus tuaj txog thiab ntsuam xyuas cov Hmoob nyob rau ib cheeb tsam lub xeev ntawd. T.P. Vaj Pov nrog xib hwb Xyooj thiab Khamphone lawv kuj cia li sawv kev mus nag hmo lawm23.
    Thaum nkawd ob tug mus txog nrog T.P. Vaj Pov (o.m.i.) nyob rau zos Naj Vaj, Khamphone kuj yog ib tug xib hwb neeg ntseeg uas qhia ntawv Los Tsuas nyob Paksane. Xyooj yog ib tug neeg ntxim siab. Hmo ntawd yog hmo tim 1-5-1959 24. Raws li ib tug hluas hauv nruab zog uas tom qab no nws kuj tau los ua xib hwb, tau hais meej raws li nws nco tias, tab tom yog lub caij them teb ; txhua yim neeg puav leej mus teb tas huv si 25. Xyooj hnav nws cev khaub ncaws hmoob thiab ntoo ib lub kaus mom dub cog paj, nrog peb lub xauv nyiaj uas nws txiv tau tseg cia

    rau nws. Ua rau nws zoo siab kawg li.
    Nws tus kheej kuj nyiam tham txog tej hauj lwm yav tas los lawd, raws li ib tug teev lus ua tim khawv hais :
    Cov Hmoob nyob Naj thas hais tias : ”Nej ntsia tus Huab Tais hmoob tuaj txog lawm, coj ib phiaj xauv luaj caj npab. Lawv muab Txiv Plig hu ua “Yes Xus”. Kuv tau teb rau lawv tias : “kuv tsis yog ib tug Huab Tais hmoob, kuv tsuas yog ib tug tub hluas nrog txiv plig tuaj xwb. Kuv kuj tsis yog ib tug thawj coj, kuv tsuas kawg tuaj ua kom tiav ib txog hauj lwm : tshaj thiab qhia Ntuj lub Moo Zoo xwb 26 .”
    Lawv kuj tau nug Xyooj kom meej, nws thiaj hais rau lawv tias Yes Xus yog tus yeej txhua tus dab.

    Yog thawj thawj zaug uas cov Hmoob tau hnov ib tug neeg hais li ntawd, Yes Xus, tsis ntshai tej dab thiab nws kuj ntiab tau dab kom khiav. Lawv kuj rov sib tham zom zaws tias : “ nej ntsia tus Huab Tais tshiab yuav los 27.”Lawv kuj xav paub ntxiv txog, nyob hauv kev cai tshoob kos, ua kab ke ploj tuag, thiab tej kab lis kev cai, thc…, yus noj tau nqaij ; qhov tseeb, cov As Cas (protestants) tau hla tuaj txog kuj tau hais rau lawv tias kom tsis txhob noj nqaij npuas dej caw los tsis txhob haus. Xyooj tau teb ua rau lawv siab loj txog nqe lus no. Lawv tau caw Xyooj nrog txiv Plig so nyob hauv lawv zos thiab ua ntej tshaj plaws yog pw hauv lawv tej vaj tse 28 .


    Kev pib tshaj lus thawj ntsug



    Hnub tom qab tim 2 lub 5 hlis, cov neeg kuj rov tuaj xyuas ntxiv thiab mloog Xyooj thiab Txiv Plig nkawd tej lus, ua rau lawv tsis nco lub luaj qoob tau ob hnub tseem. Tau caw lawv mus noj mov ncig zos raws li Hmoob kev cai txais qhua. Xyooj cia li pib tshaj Ntuj lus thawj thawj ntsug uas yam muaj lub siab kub lug. Thawj ob peb hnub kuj yog nyob rau nraum tshav puam, ces mam los qhia nyob rau tus hau zos lub tsev, uas sis lub teeb taws roj a pom kev. Nws yog neeg me tsis siab, ces lawv thiaj muab lawv lub rooj neeb rau nws sawv kom xwv sawv daws thiaj li pom nws. Nws muab cov me nyuam yaus nyob pem hauv ntej thiab cov loj tuaj tom qab. Ntau tus tim khawv kuj tau hais sib xws txog ob peb hnub ntawd :
    Cov poj niam laus kuj tuaj nthos xyuas nws cov xauv nyiaj sim saib puas hnyav li cas, xyuas nws lub kaus mom hmoob, tuav plhws nws tej ntiv tes; lawv kuj xav muab nws cov xauv coj los luj saum teev xyuas. Nws luag lawv thiab lawv luag cuag tus tsi… Thaum nws luag nyav mas pom nws cov hniav dawb paug. Thaum suab ntsiag zog ; Xyooj mam rov pib hais lus. Nws tias nws tuaj qhia ntawv. Tuaj qhia rau cov hluas xyaum nkauj. Nws mam qhia txog Ntuj kev cai. Uas nws tau hais kom tso txoj kev teev

    dab tseg. Peb hnub peb hmos sib law liag, sawv daws puav leej tuaj mloog Xyooj 29.


    Thaum nws qhia kawm zaj teev Ntuj, cov neeg kuj tsis nkag siab zoo, vim rau lawv mas tseem yog ib yam tshiab txawv heev li ; Xyooj muaj tswv yim zoo kawg, nws muab ib pluaj ncau los tais ua ib tshooj mam qhia ib toom zuj zus txog zaj teev Ntuj, thiaj ua kom lawv nkag siab tias muaj npaum li cas lo lus. Nws muaj tus xeeb ceem hais tau meej thiab tseeb kawg li ; hais txog kev qhia nws yog neeg siab ntev kawg nkaus30 .

    Txhua yam kuj tau qhia sai rau lawv txog zaj “Peb Txiv nyob saum ntuj” thiab zaj “Koj nyob zoo Mab Liab”. Lwm cov mam kawm tom qab ; zaj Kuv Ntseeg kuj qhib tau ib lub zoo sij hawm los hais txog zaj kev hwm. H. Kuj tau khaws txhua yam cim nco, nrog ntos muaj chaw txawb chaw rau xws li no :

    Xyooj hais txog Huab Tais Ntuj tau muab 6 hnub los ua nws txoj hauj lwm tsim lub ntuj thiab lub ntiaj teb, thiab hnub xya yog hnub so, uas rau cov neeg ntseeg ntsia zoo zoo kom nco meej txog Tswv Ntuj. Nws tau muab ob Niam Txiv lub hauv paus chiv keeb ua txhaum los hais, yog As Das thiab Es Vas. Nws hais txog Mais Xes, tus tswv zov yaj siab loj uas saib nws cov yaj nyob rau teb chaws suab puam, nws pom ib tsob ntoos cig cig tsis txawj kug, thiab muaj ib lub suab txawm hais rau nws tias : “Koj cia li coj kuv haiv neeg His Xas Lais tawm hauv teb chaws Hais Nkws Tos mus.”Nws qhia txog Niam Ntshiab Mab Liab, uas nws cev xeeb tus me nyuam Yes Xus, thiab nws nce mus pem ntuj lub ceeb tsheej yam nws tsis hloov cev xws li peb ntiaj teb tib neeg txoj me kev tuag31.

    Rau ib haiv neeg thoj nam li tsoom Hmoob, uas coj lawv lub cuab lub yig khiav mus nyob rau lwm teb chaws, txoj kev tawg rog, yeej paub zoo tias, yog ib yam nyuaj tshaj plaws.


    Last edited by Maiv Tooj on 14th November 2009, 10:45 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:39 am


    Lub Moo Zoo poob rau thaj av zoo



    Ib pliag xwb Xyooj cia li rais los ua ib leeg tub txawv luag tej, muaj kev hlub puv npo rau cov neeg. Nws muaj puam fab hais lus. Nws nyob luag ntxhi thiab txais sawv daws tsis cais leej twg, sawv daws nyiam nws ; tag sawv daws, txij cov me nyuam yaus mus rau cov laus, xav hnov Xyooj hais txog Ntuj kev cai, Yes Xus lub Moo Zoo txoj kev tuag thiab sawv rov los, uas yog tus yeej txhua yam kev phem thiab dab phem nyob rau ntiaj teb no.
    Xyooj kuj qhia teev Ntuj thiab cov nkauj teev Ntuj. Nws hu tau zoo kawg, nrog ib lub suab zoo ua rau rub tau cov neeg. Nws hu nkauj nrog cov laus thiab cov hluas, li ntawd ua rau sov neeg zej zog lub siab. Ib tug neeg ua tim khawv hais tias :

    “Thaum nws qhia hu nkauj, nws tsis yog kawg xuas qhov ncauj xwb, nws tseem muab nws ob txhais tes yoj nrog. Ua li ntawd, kom sawv daws hu tau thooj txhij ua ke. Yog qhov ntawd uas kuv tau pom, thiab yeej muaj tseeb tiag 32 .”
    Raws li ua los, tus hluas xib hwb tseb Yes Xus Cov Lus nws siv ntau fab los piv hais, thiab sawv daws kuj muaj kev txaus siab puv npo. Tus tim khawv uas lub caij ntawd tseem yog hluas nkauj, hais txhua txhua tias:

    Raws li kuv mloog thiab pom ntawm kuv ob lub qhov muag, uas Xyooj tau ua yog ib txog hauj lwm zoo tshaj plaws, uas tsis tau pom dua ib tug ua tau zoo li nws ; qhov ntawd nkag rau kuv nruab siab ua rau kuv siab kub lug. Cov neeg As Cas (protestants) twb hla tuaj txog ob zaug kom peb ua raws li lawv qhia, tab sis lawv cov lus tsis nphav peb li. Thaum Xyooj tuaj txog, nws tau qhia txog ob peb hnub xwb mas piav tsis tau, cia li ua rau peb tej siab kub lug nyob tsis tswm. Yus tsis tau hnov dua ib tug neeg hais zoo li nws. Niaj hnub, kuv mus ua teb kuv pheej xav txog tias yav tsaus ntuj, thaum ua hauj lwm tas, kuv yuav mus mloog nws qhia, thiab yam ntawd cas ua tau rau kuv lub siab kub lug 33 !

    Cov lus tau txais pib nthaw kaus nyob rau sawv daws nruab siab. Lawv nug tias : “ Yog koj caum cov dab neeb lawm tag, peb yuav ua li cas no ? Kuj tsis muaj dab zov peb tej vaj tse lawm.” Nws teb tias :

    Thaum nej yog neeg ntseeg lawm, yuav caum cov dab uas nej teev huv si
    pov tseg ; yuav muaj leej choj thiab xib hwb nrog nej nyob. Huab Tais Ntuj yog tus loj tshaj sawv daws tib si thiab, thaum ntawd, tsis muaj dab phem los ua rau nej ntshai. Thaum nej mus rau tej hav zoov, ze tej hav iav thiab tej xub tsuag ntom nti, nej yuav tsis ntshai dab ntxiv lawm 34 .
    Xyooj cov lus hais tau raug cov tuaj mloog lawv lub neej thiab lub siab kawg nkaus li. Sawv daws pom tias nws cov lus hais tau muaj txiaj ntsig zoo, tsis yog lus dag.
    Ib tug tim khawv tau hais kiag tias :
    Yog tsis muaj Xyooj, xav mas ntshai peb yuav tsis tau los ua neeg ntseeg ib zaug, vim peb twb tsis paub Txiv Plig. Nws tsis paub peb cov lus zoo los thaum ntawd nws yeej kho peb cov neeg mob thiab nws kuj nyiam peb kawg li, tab sis nws tsis txawj qhia zoo li Xyooj 35.
    Lub noob tseb poob rau hauv av ciaj tau ib pawg ntseeg
    Los txog rau hnub peb, yeej xav tsis thoob txog qhov uas Xyooj ke qhia kev ntseeg kev txhais Ntawv Moo Zoo, ua rau ib nrab hauv cov neeg nruab zog, muaj txog 17 yim

    cia li thov los nkag ua neeg ntseeg Ntuj kev cai36. Hnub ntawd kiag, txij thaum tav su txog tsaus ntuj, Xyooj coj Txiv Plig Vaj Pov (Sion) mus ntiab dab txhua yim ntawm cov neeg ntseeg, uas yog pib ntawm tus hau zos lub tsev ua ntej tuaj mus. Nws yog tus muab lub thaj xwm kab rhuav ntawm nws ob txhais tes thiab ntiab kom mus ua dab tsiaj ; nws tsis ntshai. Nws muab hlawv pov tseg tag nrho : txhua txhia lub tsev ncho pa taws cuag tus tsi ! Yus yeej tsis tau pom dua ua ntej ib zaug zoo li ntawd li : ib tug neeg uas muaj lub peev xwm los ua tau tej yam zoo li no.
    Nyob rau daim phiaj xam nyoog kev ntseeg, hnub tim 3 lub tsib hlis ntawd txawm raug rau hnub chiv lis piam 5 tom qab lub Hmoov Hla, tsuas yog ua ntej kiag lub caij foom hmoov zoo rau tej qoob loo thiab lub hmoov Yes Xus nce pem Ntuj. Hnub chiv ntawd, cia li tab meeg ua thaj txi ntuj nyob hauv lub zos uas yeej tsis tau pom muaj dua neeg ntseeg li, tsuas yog cov neeg nyuam qhuav pib los nkag ua neeg ntseeg xwb. Tsab ntawv nyeem lub hauv paus qhib lus kuj raug sawv daws siab : “ Kav tsij tshaj, nrog lub suab qw zoo siab, luag yeej yuav hnov nws xwb ! Tshaj nws kom mus txog rau qab ntuj kawg : Huab Tais tau tso nws haiv neeg ! Kom tsuas muaj yeej, kom tsuas muaj yeej mus li ! 37 ”. Thiab tsab ntawv Moo Zoo hnub ntawd, rov muab Yes Xus cov lus thaum nws pluas mov kawg hais tias :”Kuv hais tseeb rau nej, kuv hais tseeb tiag rau nej, yog nej thov yam twg ntawm Leej Txiv, nws yuav muab rau nej ntawm kuv lub npe los ; yog nej thov nej yuav tau txais, kom nej muaj kev zoo siab puv npo…vim leej txiv nws tus kheej nyiam nej38 .”


    Ib pliag xwb, lub moo nrov ncha txog txhua lub zos nyob puag ncig ib cheeb tsam ntawd, ua rau cov neeg kuj pib tuaj mloog Xyooj. Txawm yog ob peb teev los sis puas tsheej hnub ke lawv yeej tsis txhawj tuaj mloog Yes Xus lub Moo Zoo, thiab cia li ua rau lawv nyiam nws. Lawv qhuas txog Xyooj txoj hauj lwm qhia thiab nws lo lus hais. Nws kuj ua tau tsis tas txhua yam, tab sis nrog nws txoj kev mob siab thiab siab ntev nws thiaj muaj peev xwm qhia tau rau sawv daws.

    Neeg ntseeg tsuas muaj coob zuj zus tuaj, ua rau xib hwb muaj kev zoo siab kawg li : nyuam qhua tau hnub puav xwb twb muaj txog 21 yig, thiab ob lis piam tom qab yog 25 yig, tsis ntev ntshai yuav yog peb caug yim ; yuav txwm xyoo xwb twb muaj txog 400 leej lawm39 .


    Lub moo nrov ncha mus thoob lub teb chaws thiab hla mus dhau ntawm ciam teb. Li ntawd, hnub 5-6 lub 5 hlis tswv qhia Loosdregt thiab tswv qhia Caprio nkawd tuaj nyob rau Naj Thas, uas yog tus sawv cev taj tus tiam lis lub hauv paus tshaj Ntuj lus40, T.P. Vaj Pov thiaj li nqes pem roob sai sai los rau Naj Thas, nrog nkawd sib tham, qhia txog tej hauj lwm uas nyuam qhuav tshwm sim los 41.

    T.P. Txhiaj Tshaj, uas nyob rau Roob Nyuj Qus yeej mloog Xyooj moo nraim thiab qhuas raws li nws txoj kev txiav txim siab. Xyoo 1959 thaum 5 hlis tas nws tau txheeb thawj ntsug los xyuas kom meej, uas tshwm rau daim ntawv ntsuas xwm A nyob Is Tas Lis hauv lub koom haum cog kev phooj ywg nyob rau Los Tsuas :
    Tau pom zoo xa tus tub hluas Roob Nyuj Qus mus raws li yog xib hwb, kom mus ntxiv cov txiv plig (nyob Naj Thas thiab Naj Vaj) : Paj Lug Xyooj, xeeb txawm los muaj lub zoo tswv yim thiab ua rau nws haj yam muaj siab kub ntxiv loj zuj zus tuaj, tau tso tej teb nrog nws tsev neeg mus nyob rau Naj Thas. Tus hluas tshaj lij txoj hauj lwm cia li tshwm sim ntawg ntiag pom tias muaj txiaj ntsig zoo heev… Thaum lub 5 hlis, T.P. Vaj Pov thiab Xyooj nkawd tau tawm mus ncig ib lwm los no, pom tias muaj kev vam cia siab tiag 42.
    Thaum lub 8 hli ntuj, raws li kev sau ntawv txhua zaus mus rau tej qub chaw :

    Naj Vaj… neeg kuj los ntseeg coj Ntuj kev cai Kas Tos Liv. Txiv Plig Staccioli thiab T.P.Vaj Pov tau tos ib tug zoo tub hluas uas tuaj Roob Nyuj Qus tuaj, Paj lug Xyooj, yog tus txuas lus nrog cov Hmoob thiab tham txog kev cai Kas Tos Liv rau lawv… Los txog rau tam sis no, txoj hauj lwm (nyob Naj Thas) puav leej siv lus Los Tsuas nkaus xwb. Peb tus hluas Xyooj tuaj txog rau Naj Thas, Hmoob ua kab sab niab raws ; mus lawm tsheej hnub, lawv tuaj mloog qhia kev cai Kas Tos Liv ntawm tus Hmoob muaj meej nws lub ncauj, uas hais lawv lus, tej no tsuas kawg yog hais txog Ntuj kev cai xwb 43.
    Ntawm Xyooj ntiag tug, pib txij hnub tim 5 lub 5 hlis mus puv ob lub lis piam nws ib leeg nyob ua tus qhia, nrog tus xib hwb qhia ntawv Los Tsuas uas kawg nyob ntsiag twj ywm mloog tso rau Xyooj ua lawm xwb, los Xyooj yeej tsis qaug zog li. Pawg neeg ntseeg pib loj hlob khov kho tuaj44 … Tsis ntev ntshai yuav tau nrhiav kom muaj ib lub chaw rau. H. hais txog tias:

    Thaum cov neeg 21 yig tau los ua ntuj kev cai lawm, (Xyooj) nws muaj kev zoo siab tiag tiag li, thiab nws cia li hu peb tuaj sib sau ua ke kom ua Ntuj tsaug uas tau cawm peb. Nws kom peb maj nroos xav ua ib lub tsev teev Ntuj sai, sawv daws thiaj yuav tau tuaj teev Ntuj rau hauv thiab hu nkauj kev ntseeg, thiab ua ib lub tsev kawm ntawv rau cov neeg hauv zos tau tuaj kawm kev cai, tau kev xyaum nyeem thiab sau ntawv hmoob 45.

    A: Ntawv ntsuas xwm = Yog lus tis rau daim ntawv cim rau ib tug neeg ua hauj lwm, saib ua puas tau zoo,
    tsim nyog lawm los tseem tshuav

    Tus hau zos cia li pib coj sawv daws ua tsev; ua ib lub tsev me cia rau T.P. Vaj Pov nyob puab ntawm lub tsev loj qhia ntuj kev cai. Xyooj nrog sawv daws ua ke mus txiav ntoo tej yam tseem ceeb thiab kwv los rau hauv zos npaj tsa tsev 46.




    TP. Vaj Pov, Bam Naj Vas ( Luang Nam Tha)

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:46 am


    Tus hluas xib hwb tus yeeb yam



    Xyooj muaj lub txiaj zamB hlob cev tsis hlob siab raws nws lub hnub nyoog nrog tej kab lis kev cai. Tab sis nws zoo raws li tib neeg uas muaj lub txiaj zam nrog rau tus ntsuj plig thiab nws fab kev txawj, thiaj muaj yam tshwm sim zoo nyob tus ntwb rau cov neeg zej zog. Tsis yog tias nws tsuas kawg ntseeg Tswv Ntuj khov kho xwb, tiam sis nws yog neeg ncaj ncees thiab nquag. Tus ua tim khawv H., uas tau nrog Xyooj nyob Naj Vaj thiab Roob Nyuj Qus ntau lis piam tom qab, los suaj kaum kawg ntawm nws lub neej, yog lub tsiab lusC uas hais tau muaj txhij txhua dua cov :
    Xyooj yog ib tug tsis khav theeb, tsis ntxias vam kom tau luag dawb thiab tsis hais lus phem. Nws yog neeg ua hauj lwm nrawm, nquag thiab siab ntev… Nws yog neeg khov hauv txoj kev ntseeg, thiab ua hauj lwm rau Yes Xus zoo heev.

    Kuv hais tau tias Xyooj nyiam Tswv Ntuj tiag, nyiam cov neeg sawv daws, nyiam lub tsev teev Ntuj thiab cov neeg ntseeg. Kuv hais li ntawd los vim kuv pom nws ua hauj lwm tsis yooj yim rau Tswv Ntuj, rau tsev teev Ntuj thiab cov neeg ntseeg. Cov hauj lwm uas kuv pom nws ua tas huv si mas muaj li no:
    (1) Qhia Ntuj kev cai – nws nyiam qhia Ntuj kev cai rau haiv Hmoob ;
    (2) Qhia ntawv hmoob; (3) faib tshuaj thiab txhaj tshuaj rau cov neeg mob hauv zos los yog cov uas nyob nrug deb ; (4) qhia rau cov neeg yuav ua li cas teev nyob hauv lawv tsev.
    Yam uas ntsig txog lub neej nyob hauv zos, tus hluas los tus laus, poj niam los txiv neej, me nyuam yaus, thiab tus ntse los yog ruam, Xyooj nyiam tib yam nkaus. Nws nrog sawv daws sib tham. Kuv pom tias nws tsis yog neeg ntxias vam dawb tau do. Nws hais lus luag ntxhi rau sawv daws. Nws nyiam Yeej kawg thiab Kawm uas yog ib tug neeg muaj mob. Peb noj mov ua ke, kuv muab ib tug ncej puab qaib rau Xyooj, tab sis nws tsis noj, nws cia li muab rau Yeej… Ces nws hais rau kuv tias: “ Tus no nws txom nyem dua. Nws ntsia peb noj nrog kev nqhis ua cas peb ho yuav tsis muab dab tsi kiag rau nws? Nws kuj yog Tswv Ntuj ib tug me nyuam zoo li peb sawv daws thiab47 “.

    Ib tug tim khawv hais ntxiv tias :

    Nws txoj kev hlub luag tej yog ib qho loj tshaj uas yog nyiam nrog sawv daws hais lus zoo : cov hluas, cov laus, cov txom nyem thiab nyuam yaus, los nws puav leej hais lus mos. Nws luag ntxhi thiab tsis npau taws rau leej twg li. Qhov kuv hais no, yog qhov uas kuv pom, thiab yeej muaj tiag48.
    Leej choj, uas yog tus saib xyuas nws kiag ho yuav xav li cas ? Nws kuj muaj lwm yam tseem ceeb hais raws li qhov nws nyiam dua thiab raws li ntsia ib muag mas tseem tshuav chaw. Xyooj txoj kev xyaum zoo xws li ib leeg nkag los tshiab thiab yog xib hwb cia li txawb rau lub chaw sam xeeb uas tseem tshuav tsis tau txaus.
    Lub 7 hli tim 13, T.P. Vaj Pov (P.L.Sion) sau tias : “kuv tsis muaj dab tsi yuav yws txog xib hwb tus cwj pwm ; qhov tsis zoo, mas yog kuv tseem tsis tau paub ntsuas kev npaj qhia kom zoo tiag tiag nrog nws, vim kuv nyuam qhuav pib kawm lus Hmoob xwb. Kuv tsuas muaj kev zoo siab rau nws nrog tshaj lus ua lus los tsuas hais 49.”Ib hlis tom qab, nws hais ntxiv tias : “ Tsev kawm ntawv tsuas khiav mus zoo ntxiv xwb, txawm tias muaj yam xav tau maj tshaj dua li los twb muaj tus txawj qhia khov kho lawm 50”. Li cas los txiv plig yuav tau nrog xyuas saib thaum nws tsis nyob lawm cov neeg ntseeg txoj kev mob siab puas txias, thiab lawv kuj kawm kom lawv tus kheej txawj teev lawv ntuj 51.


    B: Lub txiaj zam = ( La qualité ) - Yog lo lus lus tis npuav hais sab phem thiab sab zoo, ntawm tib neeg lub cev uas loj hlob nrog lub zoo tswv yim, uas txawj ua tau ntau yam.

    C: Lub ntsiab lus = (Le résumé) - Npe tis hu rau cov lus tseem ceeb teev qhia, muab zuag ua ke
    hais txog ib zag...






    Lub teb chaws Xyooj nyob, cov Hmoob hnav tsoos tsho zoo li nov.





    Sab laug rau sab xis:

    Tus 1: Ntxawm Xyooj
    Tus 2: Ntxhi Thoj
    Tus 3: Kab yeeb Thoj
    Tus 4: Paj Xyooj
    Tus 5: Yias Xyooj
    Tus 6: Tswb Xyooj
    Tus 7: Maiv Xyooj

    3 tug sawv qis dua, sab laug rau sab xis:

    Tus 1: Paj Thoj
    Tus 2: Rhia Vwj
    Tus 3: Mab Thoj

    Xyooj tuaj mus qhia Ntuj Kev Cai rau cov Hmoob Bam Naj Vas, 1959.

    Nov yog lawv xyaum hu nkauj thaum tsaus ntuj, nyob Bam Naj Vas.



    Last edited by Maiv Tooj on 20th July 2015, 9:02 am; edited 3 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:51 am


    Txoj kev ntseeg loj hlob thiab khov tuaj



    Muaj coob leej tau hnov thiab nco meej txog Xyooj txoj kev qhia ntau lis piam thiab ntau hli sib law liag ua rau neeg zej zog txais kev ntseeg zom zaws. Ib tug tim khawv, uas lub sij hawm ntawd tseem yog me nyuam ntxhais, hais tias :
    Xyooj muaj lub siab kub lug qhia sawv daws. Niaj hnub nws ntau nruas peb zaug hu neeg nruab zog. Yav sawv ntxov, thiab ntxiv yav hnub qaij, nws hu cov hluas tuaj kawm sau ntawv. Hmo ntuj, lub zos kawm hais txog kev cai ntseeg Ntuj. Thaum peb tuaj txog, nws los ncig txais peb sawv daws. Nws nug cov poj niam laus txog lawv tej kev ua liaj ua teb, tej nplej tuaj li cas … Txhua hnub chiv, nruas nrov hu tsoom ntseeg sawv daws tuaj mus sib koom ua lub txoos teev Ntuj. Ua ntej Xyooj qhia Ntuj kev cai rau sawv daws tas , nws mam qhia kawm nkauj. Thiaj mam li ua lub txoos txi Ntuj…Nws tsuas yog ib tug tub hluas xwb, tab sis nws hais lus nrog muaj lub zoo meej mom xws li ib tug xib hwb qhia kev Ntseeg uas twb ua tau ntau xyoo los lawm 52…


    Peb, cov nyuam yaus, peb kawm Ntuj kev cai, thiab peb kuj xyaum nyeem ntawv hmoob. Peb kawm 63 zaj ntsiab lus hauv phau ntawv Ntuj kev cai Lub Ntsiab Lus, kom peb nco tau hauv nruab siab. Peb saib cov duab uas kos rau ntawm cov phiaj ntawv, li ntawd peb thiaj to taub txog lub ntsiab. Ib daim phiaj twg muaj ib zag hais txog. Ib hmos twg peb kawm ib daig duab tshiab thiab rov xyuas dua cov qub uas tau kawm tas los 53 .
    Cov duab ntawd yog “Bernadette cov duab”, yog kos ua tsos dub thiab dawb xwb, yog ua los ntawm cov Phauj Bernadettes hauv lub tsev “monastère bénédictin de Thaon-les-Vosges hauv Fab Kis teb 54.
    Txoj kev tshaj Ntuj lus mus ua thooj txhij nrog lus Hmoob thiab tej kab lis kev cai. Qhov ntawd, vim nws yog T.P. Nyiaj Pov ib tug tub kawm uas muaj kev xyuam xim. Ib tug tim khawv kuj tau hais txog qhov ntawd tias :
    Txhua hmo nws qhia rau cov laus thiab cov hluas kawm sau ntawv Hmoob. Thaum lig lawm, ib pab kuj nyias rov mus nyias tsev. Tab sis Xyooj tseem nyob, nws hais dab neeg thiab kwv huam los tso daj tso luag nrog cov uas tseem xav nyob 55.


    Txwm ob lub hlis xwb, cov hluas twb txawj nyeem thiab sau ntawb hmoob.

    Txiv plig Neej Vaj (P. René Charrier), uas yeej siv nraim cov lus no, kuj tau raug hu

    mus pab tau ib lub hlis, kom xwv tom ntej thiaj pib tau kev qhia mus rau txheej
    siab nyob hauv lub tsev txoos kev ntseeg 56. Thaum lub 7 hli xiab 1959, nws coj ib
    nkawm niam txiv hluas nrog ib tug me nyuam mos thiab peb tug hluas tuaj rau Roob Nyuj Qus, qhov chaw ntawd, kuj yog ib thaj chaw txawb nyob ruaj dua rau txoj kev ntseeg tseem tshiab tshiab, nws thiaj qhia kev xyaum Ntuj kev cai thiab lub neej ua neeg ntseeg, raws li pom yog thawj ntsug uas lawv ntiag tug los ua neeg ntseeg57. H. thiab K. uas yog K. ib pab ua ke, K. uas yog tus nyob ntxiv 6 lub hlis raws li kev thov ntawm T.P. Txhiaj Tshaj, nws yog tus tom qab hauv lub zos Naj Vaj, tus uas pom Xyooj zaum kawg 58.

    Lwm tus kuj tuaj soj ntsuam qhuas txog txoj hauj lwm ua nyob rau Naj Vaj : tus tswj cov txiv plig Is Tas Lis, uas yog Leonello Berti nws kuj tuaj; thaum lub 9 hlis tim 12 txog 28, raws li nws tau thov kom T.P. Txhiaj Tshaj nrog ib tug xib hwb tuaj pab Xyooj me ntsis los yog nrog lwm tus. Ib tug sau ntawv cia li no tias, ntawm nkawd ob leeg uas tuaj xyuas kuj tau qhia zaj puav uas yog kev ntseeg rau Xyooj, “ntsia pom tias nws yeej nkag siab txog yam puav lawm thiab60”.

    Thaum lub 1 hlis 1960, tom qab uas Xyooj rov qab lawm, Tswv Qhia Etienne Loosdregt, yog tus Tswv Qhia nyob rau Vees Cas, nws ntiag tug tuaj xyuas pab txhawb kom txoj kev ntseeg loj hlob ntxiv thiab tsa ib lub tsev teev Ntuj nyob rau Naj Vaj. Cov tim khawv Hmoob kuj tseem nco ntsoov txog nws uas yog tus muaj ib cov hwj txwv ntev ntev. Nws tau sau ib tsab ntawv feeb qhia txhua yam tseg, raws li nws ntiag tug ntsuam xyuas, uas muaj txoj hauv kev tshwm tuaj tam li ib txoj sab ci vus ntawm lub hauv paus txog rau tus xib hwb tej dej num uas nyob ua ntu zus 7 lub hlis, thiaj muab txoj kev kawm cob qhia rub rov los ua lus nug :

    Kuv sau ntawv rau koj nyob nruab nrab hauv ib pab Hmoob uas qhuas nrog qhov kuv sau no : ( ….) T.P. Vaj Pov kuj muaj ib qho chaw pem roob uas nkag mus nyuaj kawg. Tau ntau lub hlis, yuav luag yog ib xyoos uas nws nyob rau ntawm no, nws tau mus ncig ntau lub zos, kuj muaj ib lub tsev teev Ntuj tshiab koom nrog tsev kawm ntawv, thiab ib lub tsev uas nws tsis tau muaj dua li ; nrog ib ceg kaum ua chaw muab faib tshuaj nrog kho mob (kho mob ntau ntaud kawg rau neeg mob) ib kaum cia rau txaj pw, ib kaum rau tus xib hwb, thiab ib cha loj koom muaj neeg coob puv tas mus li; nws suav muaj 400 leej neeg ntseeg hmoob (sic) ; ib hnub muaj li 30 leej uas muaj tus hau zos, thiab cov txwj laus neeg lwm lub zos, tuaj kawm kev cai, neeg Hmoob, neeg Los Tsuas ; thiab ntxiv rau cov tuaj kawm hmo ntuj. Cov ntawv teev Ntuj, ntawv hu nkauj, ntawv koom ua lub txoos txi Ntuj, uas T.P. Nyiaj Pov tsim puav leej siv rau ntawm no ; cov neeg kuj maj nroos los sawv ncig ze lub thaj txi Ntuj kom pom thiab hu nkauj rau sawv daws thiab txiv plig mloog. Muaj ob tug hluas kawm
    nyob rau Moos Loob thiab ob nkawm niam txiv nyob rau Roob Nyuj Qus…Hais qhov luv luv kiag xwb, yeej zoo lawm.

    Qhov tsis zoo ntawm txiv plig mas yog vim nws tsuas siv cov xib hwb nkaus xwb, ib tug uas tau kawm peb xyoos nyob rau Pav Xas (Paksane), thiab lwm tus uas tau nyob 3, 4 xyoos nrog T.P. Nyiaj Pov thiab T.P. Neej Vaj nkawd. Txiv plig kuj mus xyuas ntau zaus cov neeg mob pem roob, nws to taub lus hmoob, tab sis hais tsis tau ; qhov phom sij yog nws cia li khaws swm tso ywj cov xib hwb qhia xwb. Hais qhov zoo ntawm T.P. Vaj Pov (P. Sion), mas yaj ntshis (0) D, tsis muaj tsev mov, tsuas noj mov ncig zos thiab tsis raws sij hawm nrog tej pluas mov yooj yooj yim xwb 61.




    Lub tsev Teev Ntuj uas XH. Xyooj tuaj ua nyob Bam Naj Vas .




    Txiv Plig Txawj Teem, Naj Hiab Sayaboury, Nplog teb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 8:57 am


    Lub Moo Zoo uas Xyooj tau tshaj tawm



    Xyooj tau ua zoo li cas tiag qhia rau cov neeg ntseeg ? H. tau hais meej txog tej ntawd, tag nws txhua yam uas muaj nuj nqis :
    Cov lus uas Xyooj tau hais thiab ua txhua yam kom peb ntseeg mas muaj li no :

    “Nej yog neeg muaj lub keeb txhaum, li ntawd nej yog ib co neeg txhaum, thiab peb ua lub neej nyob ib me ntu rau ntiaj teb vim peb yuav tas txoj sia rov mus ua av luaj. Txawm li cas, Tswv Ntuj nyiam peb sawv daws kawg, nws yuav tsis tso peb pov tseg ; vim li ntawd nws thiaj tso nws Leej Tub twm zeej Yes Xus, uas raug ntsia saum ntoo cuam ris peb tej txhaum. Muab nws zwm av luaj tau peb hnub xwb, thiab sawv rov qab los. Nws mus nrog nws Txiv nyob saum ntuj. Yes Xus yuav rov los cawm cov neeg ntseeg kom lawv tau sawv rov los li nws. Li ntawd tas tib neeg txiv neej yuav zoo nraug thiab poj niam yuav zoo nkauj, lub ntiaj teb neeg yuav tau nyob nyab xeeb, thiab yuav tau txoj sia nyob mus li. Lawv yuav nrog Tswv Ntuj nyob saum ceeb tsheej, nrog txoj kev hlub, xws li tej me noog ya saum ntuj, lawv tsis khwv los yeej muaj noj muaj hnav ib txhis 62 ! ”


    Ib tug niam pog laus tsis nkag siab txog lo lus nug tias tej dab thiab dab phem.
    Xyooj thiaj mus tom nws tsev. Lwm cov tim khawv nco ntsoov txog nws tej lus
    hais tias:

    Thaum nej teev dab, lawv tshaib nqhis. Lawv yuav tom nej, thiab nej yuav
    muaj mob. Yog nej tsis muab dab tsi rau lawv noj, lawv yuav coj nej mus li
    cas los tau. Tab sis txij hnub uas nej tig los ntseeg txog Huab Tais Ntuj, cov
    dab yuav los tom tsis tau nej lawm. Txog hnub uas Tswv Ntuj hu nej, nej
    yuav mus saum ntuj, tseeb tiag 63!




    D : Yaj ntshis = 0 – Tsis muaj dab tsi li. Du lug. Tag.

    Ib txhia ntshai txoj kev muaj tsov rog, uas yeej muaj rau hauv xeev thiab tsis nyiam cov neeg ntseeg Ntuj. Xyooj kuj hais tsis tseg txog cov tau ua tim khawv tus yam ntxwv nyob Nyab Laj teb, uas tau muab txoj sia rau txoj kev ntseeg, muaj hluas thiab laus, tej leej choj, xib hwb thiab tej neeg ntseeg. Nws tau qhia txog kev tuag yog li cas thiaj yuav yog vim Ntuj kev cai, yog nyiaj tiv kev txom nyem thaum luag hiam quab yuam vim peb txoj kev ntseeg Ntuj. Kuj hais txog cov neeg ntseeg uas raug tsim txom nyob rau Suav teb. Nws hais ntxiv tias :”Yog tias luag quab yuam tseev kom nej tso Ntuj kev cai tseg, thiab yog nej nyuam qhuav thim tso kiag Ntuj tseg, luag muab yus tua, nej kawg yuav mus rau dab phem teb xwb, tiag li 64 .”


    Nws yeej nquag hais tsis tseg rau cov neeg laus txoj kev coj, txog plaub nqe lus tseem ceeb xws li no :
    -Nej yuav tau kawm kom paub txaus, kom tau txais lub cim ntxuav ; nej
    thiaj yuav yog Huab Tais Ntuj cov me nyuam, thiaj yuav tau mus pem
    Ntuj.
    -Cov niam txiv yuav tau kho khaub ncaws rau nws tej me nyuam hnav,
    txawm tias lawv tsis txawj hnav, los kom xwv lawv muaj qhov xyaum me
    ntsis raws tej tsoos.
    -Cov ntseeg yuav tau cia tej ntxhais thiab tub mus kawm, txhob tias yog rau
    cov tub xwb, vim nej cov ntxhais, yog Tswv Ntuj ua tus muab lawv rau nej.
    -Yog ib tug ntxhais kawm tsis tau nruab hnub los kuj tuaj kawm yav tsaus
    Ntuj 65.
    Thiab Xyooj kuj tau hais txog raws li cov ntxhais Roob Nyuj Qus uas tau mus kawm nyob nrog cov phauj puag Xeev Khuam. Nws cov lus raug cov Hmoob lub siab heev, lawv thiaj hais tias : “Xyooj hais yog lawm ! Peb yuav tau ua li nws hais 66 ! ”


    Ib tug tim khawv hais tias :

    Tsis ntev pes tsawg, cov neeg nruab zog cia li hloov tag, lawv cia li rais txawj ua ib co neeg zoo dua qhov qub, thiab lawv txawj sib nyiam sib hlub 67.
    Xyooj ntiag tug, nws tsis yog nyob hauv zos yam tsis ua dab tsi; nws mus xyuas sawv daws, thiab muaj caij thaum twg nws kuj mus ncig xyuas lwm lub zos nyob puag ncig ntawd kom tau hais txog Huab Tais Ntuj.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:01 am


    Cov neeg mob thiab cov pluag tus thwj tim



    Nyob hauv tej lub caij uas nws khoom, Xyooj kuj mob siab txog cov neeg uas xav tau kev vam khom. Nws mus ncig xyuas cov neeg laus, mas qhov nws ua ntawd, ua rau raug lawv siab kawg li.

    Lub caij uas lawv cog nplej, nws kuj mus pab ob tug niam tsev cog lawv nplej. Muaj ib yig vov nws lub tsev, nws kuj nyob ua hauj lwm nrog lawv. Thaum uas ua hauj
    lwm yuav tas, kuj muaj neeg tuaj hu tias lawv xav yuav tshuaj…



    Qhov tseeb, niaj hnub yeej muaj neeg tuaj thov tshuaj pab kev mob nkeeg. Xyooj ua tus txais lawv. Lawv tsis muaj cuab kav mus ntsib txiv plig, uas yog ib tug qhua tsis paub lawv lus, tab sis lawv tsuas tso siab hlo rau Xyooj xwb. Thaum nws ua rau lawv muaj kev tso siab lawm mam li coj lawv mus cuag txiv plig ; nws muaj lub siab tawv heev uas tseem mus xyuas cov neeg mob hnyav. Qee zaus twb tsaus ntuj lawm, tseem muaj Hmoob tuaj nrhiav kom mus xyuas lawv cov neeg mob.

    Muaj ib tug txiv tsev tau poob saum ib lub pob zeb raug mob hnyav heev, tab sis Xyooj ho mus dua lwm lub zos thov Ntuj pab rau ib tug neeg mob lawm. Ob tug nyuam ntxhais kuj lawv qab tuaj caum. Ib tug ntawm nkawd ob leeg tseem nco ntsoov :

    Cov Hmoob kom kuv thiab kuv tus niam laus wb mus hu Xyooj. Wb ob leeg khiav khiav, wb khiav ib toom kev mus txog ntua rau lub qub zog, lub tsev uas tus neeg mob nyob. Xyooj tab tom teev Ntuj rau lawv. Lawv tab tom hu nkauj “Tus Zoo Tswv Zov Yaj”. Kuv tus niam laus wb kuj tau tos ntev loo. Xyooj pheej teev Ntuj tsis tau xaus li. Kuv cia li mus hais rau nws kiag tias: “Txiv ntxawm Xyooj, hlob Teem tau mus poob tsag zeb taub txuab, nws raug sab kawg li. Lawv yuav kom koj mus tom zos no.” Xyooj cia li nres tso cia thiab khiav khuav nrog wb rov mus tom zos 68.

    Tas sawv daws nqa zaub thiab txhuv tuaj rau Xyooj thiab txiv plig nkawd. Saum lub txaj uas cia neeg pw xyuas mob, cia li muab zaub, dib, me kab tsib, txiv hmab txiv ntoo qus tso rau saud. Xyooj kuj qee ib yam ib qho me ntsis rau cov yim neeg uas txom nyem.

    Neeg nruab zog kuj cav thiab qhua txog nws tus yeeb yam.




    Lub hom phiaj npaj txij nkawm



    Thaum Xyooj lub hnub nyoog muaj 18 xyoo, raws li Hmoob kev cai, Xyooj cov phooj ywg puav leej yuav poj niam tas. Nws kuj xav txog lub sij hawm yuav los ua neeg laus. Niaj hnub no, kuj muaj ntau tus ua tim khawv hais txog lub caij uas nws nyob nraim rau lub sij hawm ntawd.

    Nyob Naj Vaj, raws li, nyob hauv ib pab ntxhais loj, muaj coob leej nyiam Xyooj. Lawv tuaj, yeej ua tsheej pab xwb, kom xwv tau nrog Xyooj sib paub txuas lus. Muaj ntau tus niam tsev kuj xav tau nws los ua vauv ; muaj ib tug kuj mus hais rau Xyooj txog ntawm nws tus ntxhais… Xyooj nyiam tso daj tso luag rau cov ntxhais, tab sis nws tsis muaj caij ntau nrog lawv nyob, vim nws xav feeb kev pab kom txhua rau sawv daws.

    Txawm yog lwm qhov, los Xyooj yeej txiav txim tas nyob hauv nws nruab siab lawm, zoo li tsoom tub hluas Hmoob sawv daws. Tej yam no tshwm sim tsis tas hais kev txaj muag, yam tsis dag thiab hais ncaj qha. Zaum puav yog tias tus ntxhais uas Xyooj nyiam nkag los hauv tsev kawm ntawv ua ntej zog sawv daws, Xyooj kuj txhob txwm cia li tshuab ib zaj ncas rau nws. Tej zaum, kuj tso daj ua si, thiab muab nws lub npe nrog ib co lus ua suab nkauj seev, ua rau lwm cov ntxhais kuj muaj kev zoo siab kawg nkaus li.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:05 am


    Ib zaj phiaj xwm los suaj kaum tseg



    Zaj phiaj xwm E nyob Naj Vaj tsuas ntev li 7 lub hlis xwb. Tau teev rau hnub tim 12 lub 12 hlis ntuj 1959, txoj hauj lwm tsab xov xwm sau me me tias : “Xyooj rov mus rau Moos Loob lawm69.”Cov saib xyuas tau qhia rau nws paub tshwj xeeb tshaj tias nws yuav tsum mus sai rau Roob Nyuj Qus thiab yuav tsis rov tuaj rau Naj Vaj ntxiv. Yog dab tsi tshwm sim ? kuj tsis pom qab teb ncaj qha rau lo lus nug ntawd, vim tus tau pom zoo tsis muab lus dab tsi qhia meej txog tias yog li cas. Niaj hnub no, raws li lus ntawm cov tim khawv tsuas yog hnov los thiab tsuas qhia paub txog qhov ntawd me ntsis xwb.

    Ua ntej tshaj plaws, Xyooj tus cwj pwm txoj kev txawj thiab qhia sai sai ntawd, kuj ua rau cov coj tig rov los nug txog nws txoj hauj lwm. Nyob hauv txoj kev xyaum ntawm cov tshaj kev ntseeg Ntuj, txoj kev cai ntseeg Ntuj kuj yog ib txog cai hwm nruj, uas rau tej haiv neeg kawm muaj xyaum txaus los, yog rau cov Hmoob kuj nyuaj heev txais tsis yooj yim. Qhov tiag yuav tsum siv ntau xyoo thiaj paub qhov tseeb, tab sis Xyooj tsuas muab ob peb lis piam los qhia xwb twb tau lawm… Yog tias tseem tsis tau meej txog tej hauj lwm uas txuam nrog txoj kev ua hluas, yuav tsum tau muab lub sij hawm ntev los piav thiaj tau. Yuav tsum muaj kev kawm cob qhia kom khov kho dua rau tus hluas, cov zaj kawm txais ntawm TP. Txhiaj Tshaj uas xa lub 9 hlis tuaj los kuj muaj tsis txaus.

    Qhov uas cov coj muaj kev ua xyem xyav txog Xyooj txoj kev sib raug zoo nrog cov ntxhais hluas. Puas yog tias tus hluas kav xyeem qhov nws ua tau zoo, qhov ntshaw xav tau, los ntxias cov ntxhais thiab khaws xyeem kom tau nrog lawv ua si xwb? Nws puas tau ua rau cov neeg yuam kev txog lo lus txoj kev ntseeg Ntuj txwv70? Cov txiv plig kuj ntseeg tias lub kiav txhab roob hlaub uas nws ntoog, yog qhov uas lawv tau to taub yuam kev rau ib qho mob phem, xav tias nws tsis coj zoo 71…


    Lub Rooj Leg Num tu kev tshaj kev ntseeg nyob Vees Cas hais txog kev leg hauj lwm rau cov tshaj Ntuj lus tau muab lus ceev faj tseg txog cov ntsiab lus no :

    E-Zaj phiaj xwm = (aventure) - Ib txoj hauj lwm uas nws nyiam ua nyob hauv nws lub neej.

    Txawm tias tus xib hwb yog tus kawg thiab tau txais kev kawm cob qhia ntau xyoo lawm los… Leej choj tsis txhob tso nws tej hauj lwm yam tsis nrog xyuas. Yuav tau tso siab tuag nthi rau yus tus xib hwb, kuj tsis yog tias kawg yuav tau ua raws li kev cai xwb ; qee zaus yus tsis txhob tso tso siab txoj kev cob qhia rau luag, tej zaum kuj txawj yuam kev, thiab yuav tau ceev faj txog lawv txoj kev thoob tsib coj cob qhia…thaum xib hwb tau ua txhaum zeej tsoom nrog cov ntxhais, yuav tau cem qhia…Tej zaum kuj tsis yooj yim ntiab xib hwb yog tias thaum txoj hauj lwm yeej muaj nyob tuab ntws, tab sis nyob hauv qee yam yuav tau txheeb xyuas rau lo lus teb hais no72…


    Qhov hais txog Xyooj ntiag tug, cov tim khawv Hmoob thiab cov uas paub txog Hmoob kab lis kev cai zoo kuj hais tas zog tsis pom zoo nrog txhua yam kev uas ua xyem xyav, uas yog ib txog kev cob qhia siab dav los yog coj tsis zoo. Raws li nws tus phooj ywg H.,“qhov hais ntsig txog cov ntxhais, nws kuj hwj xwm nyob raws li ib tug tub hluas xwb, thiab sawv daws kuj txaus siab txog nws tus cuj pwm coj 73.” Txiv plig Neej Vaj, kuj tau mus nyob ib lub hlis rau Naj Vaj nrog Xyooj thiab tau muab nws lub neej tuaj yeem rau Hmoob, hais tias:


    (Kev iab liam) yuav npuav tsis tau nrog rau qhov tseeb hauv lub zos thiab cov Hmoob hauv Los Tsuas teb. Txoj kev saib xyuas cov hluas txog kev nkauj nraug kuj muaj txoj cai tuav thiab cai lij choj hwj xwm ntawm tsoom Hmoob, thiab cov cai thoob tsib zoo cob qhia siv. Txoj kev saib xyuas ntawm cov laus yeej muaj tseeb…Yeej tsis muaj yuam sij rau tej qhov rooj tab sis ib tug hluas yuav nkag mus yam tsis raug txim hauv tus ntxhais hluas tsev tsis tau. Txoj kev txais ntseeg Ntuj kev cai yim huab yuav tsis muag luav rau tej kab lis kev cai no.



    Ntawm Tswv qhia Txwj Choo, tswj saib xyuas nyob rau Moos Loob, uas nws yeej yog Hmoob thiab nws kuj tau tshawb nrhiav txog tus hluas xib hwb lub neej thiab nws txoj kev tas sim neej, tias: “Xyooj kuj yog ib tug neeg coj raws li nws lub hnub nyoog ib tug hluas Hmoob, raws li kab lis kev cai siv ntawm nws haiv neeg ; nws yuav tsis ua ib qho txhaum.”


    Ib tug txhais lus rau cov ua tim khawv kuj tau hais yam tsis pub neeg hnov tej uas lawv rov nco txog hais tias: Xyooj yuav luag raug lus iab liam vim kev khib
    siab. Peb mam paub, twb ntev tom qab no, yog ib tug hauv cov neeg plos tev taas





    (protestants) tau hla los rau ntawd uas leg nws tej hauj lwm yam tsis tau txiaj ntsim dab tsi, muaj kev tsis txaus siab tau cem hais nrov raws li qhov nws ua xam tsis pom tau dab tsi. Lub suab lus nchav tseem rov tshwm dua ntxiv, nyob nruab nrab hauv lwm pab neeg, uas yog ib tug ntawm lawv pab leg num ua ke thiab, tau tsa muag ntsia nruj nreem rau tus ntxhais qub xws nkaus ua rau Xyooj thiab ntag…Puas yog tias tseem tshuav lus xav hais tam tauv huab tsaus nti nyob nruab nrab ntawm nkawd ob tug74?

    Txawm li cas los xij, yog yuav muab ntau lub xyoo tas los thaub rov tom qab kev txiav txim siab twb pom zoo tas lawm, yog tias nws yeej ntxim zeej tsoom siab uas tau pom muaj raws li cov neeg hauv zos Naj Vaj, kuj hais tau tias yog neeg zoo. Txawm tias Xyooj muaj lub cev ntaj ntsug zoo, nws txoj kev nquag nrog lub siab dawb, Xyooj yeej tseem yog ib tug me nyuam tub hluas uas muaj kev swm txheej F tseem tsawg. Nws tej txiaj ntsig ua los, txoj kev qhuas ua rau neeg ntsauv nyob ncig nws, tej paj tshab uas nws tau txais, txhua yam ntawd tshwj xeeb heev tsam ib hnub twg lam txawj ua rau nws npla tsis raws nws txoj kev xav qhov zoo, yuav tshwm sim tau hauv nws nruab siab ua neeg muab hlob los yog qhuas tias nws zoo txaus lawm, thiab yuav ua rau nws txiav txim yuam kev rau tej tub leg num Ntawv Moo Zoo uas txawj tsis cuag nws. Kuj ib yam rau cov neeg nyuam qhuav nkag tshiab thiab cov neeg ntseeg nyob Naj Vaj yuav tsum tau kawm raws Yes Xus tus kheej kom kawg lawm xwb, thiab tsis yog tias yuav muab Xyooj saib rau nqi zoo tam li yog lawv tus “me nyuam tub huab tais Hmoob”. Nws txoj kev rov sai sai thiaj yuav yog qhov ntsuas xwm G ua kev ruaj khov kho rau cov ntseeg lawv txoj kev tig siab los ntseeg Ntuj.





    Tsev teev Ntuj Pham Dees,

    Thaum Luang Nam Tha tawg, Txiv Plig Vaj Pov coj cov Hmoob khiav mus nyob Thaib teb

    1962-63.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:13 am


    Txoj ke rov



    Cov tim khawv hais txog Xyooj txoj kev rov yog ib qho kev tshua uas nyob nco nraim tsis ploj tau ntau xyoo tom qab no:
    Tag nrho lub zos neeg tuaj hais kev sib ncaim, thiab sawv daws los quaj. Nws tau hais lus nplij peb thiab hais tias twb muaj tus neeg tuaj nyob ntawm no taj lub chaw lawm. Lawv hais rau nws tias : “Mam sib ntsib dua, nco ntsoov peb thiab, ua li koj puas rov tuaj lawm? ” Nws cov lus kawg tsuas hais tias : “Kuv tsis paub.” Nws cia li tsis rov tuaj li lawm ! thaum lawv paub txog nws txoj kev ploj, cov neeg nyob zos Naj Vaj quaj nrog kev tu siab nrho. Tus tub huab tais Hmoob tau mus ploj lawm75 !
    Hnub uas Xyooj yuav rov qab, cov neeg ntseeg tuaj coob coob xav xa nws rov. Kuv kuj nyob ntawd nrog ib pab ntxhais thiab kuv txawm dhia mus

    F : Kev swm txheej = (expérience) -Kev swm thiab paub dua los lawm.
    G : Ntsuas xwm = (test) - Yog yam ua kom muaj qhov tshwm sim pom tseeb.

    rau saum qaum kev. Peb twb xa nws mus deb deb lawm nws thiaj kom peb rov qab mus tsev ; tab sis tsis muaj tug rov li. Cov poj niam laus kuj quaj. Xyooj cia li nres. Nws muab tes pos muag kiag ; nws quaj, peb sawv daws nrog nws quaj, txawm cov txiv neej thiab poj niam kuj quaj huv si. Nyob nrog lub kua muag nws hais rau peb tias : “Kuv niam, kuv cov phauj, kuv thov nej mog ! Ntshai tsam kuv yuav tsis pom nej dua ib zaug ntxiv lawm ! ” Peb tug ntxhais hluas ib tug txawm yog tus nws nyiam, tau xa nws mus txog rau Luam Naj Thas. Nws muab txiaj Niam Ntshiab Mab Liab los chob dai rau lawv tsho ib leeg ib lub 76.

    Qhov uas Xyooj tsis nyob no puas yuav yog ib qho ua kev ntsuas xwm rau lub zos uas tau tig los ua neeg ntseeg vim yog muaj xib hwb Xyooj ? Yam no yog ib yam nyuaj heev, Raws li cov tim khawv coob leej tau hais sib xws qhia txhua yam tias:
    Thaum Xyooj rov qab mus tsev lawm, txij thaum ntawd los muaj Hmoob tsawg tus tuaj hais txog kev ntseeg… Raws li lub sij hawm los no tsuas muaj ib yig nkaus xwb 77...

    Lwm cov xib hwb tuaj hloov tab sis, tsis muaj lwm cov tig los ntseeg tshiab ntxiv ; tsuas yog thaum tus xib hwb H. (mus kawm kev cob qhia tiav nyob Roob Nyuj Qus) rov los txog rau Naj Vaj. Tom qab no thiaj muaj ob peb yim tig los txais kev ntseeg xwb... Txuas ntxiv los no, peb yeej tsis hnov nyob hauv lwm cov xib hwb, xws li ib qho uas yuav rub peb tig los cuag Yes Xus thiab yuav npaum li lub yeej huam uas los ntawm Xyooj 78.

    Tom qab Xyooj rov qab lawm, kuj muaj ib tug xib hwb tshiab qhia txog txoj kev ntseeg, thiab ib tug xib hwb qhia ntawv. Tsis muaj ib tug nyiam lawv li. Peb kuj tsis tshua mus kawm kev cai ntseeg Ntuj, vim lub suab nruas kuj tsis tshuas nquag hnov ntaus, lub nruas kuj ntaus lig lig thaum sawv ntxov thiab kuj lig rau yav tsaus ntuj. Muaj ob los peb yig thiaj thim rov qab mus ua qub kev cai lawm, qee yim kuj ua neeb. Txoj kev ntseeg thiaj pib tsuag mus txog rau thaum uas muaj ib tug leej choj thiab peb tus xib hwb H., uas tau kawm kev cob qhia nyob Roob Nyuj Qus, tau rov los kom tau pab cov neeg ntseeg79 .

    Yog muab lub sij hawm thaub rov tom qab, txhua yam yeej kawg yuav rov tshwm sim tawm dua rau ib hnub twg xwb. Txawm yuav muaj teeb meem suav tsis txheeb – muaj kev khiav ntau yam tshwm vim tsov rog, tsiv teb tsaws chaw thiab sib ncaim mus nyob thoob qab ntuj - , cov neeg ntseeg nyob Naj Vaj kuj zoo xws li cov nyob Roob Nyuj qus sawv daws nyob ruaj nrog lawv txoj kev ntseeg. Tus tshaj lus tau ploj lawm, los nws lo lus tshaj yeej pib txi txiv zuj zus.



    Rov mus rau Roob Nyuj Qus : hom phiaj npaj txij nkawm (txuas)



    Hauv lub Rooj Leg Num tu kev tshaj kev ntseeg rau cov neeg tshaj Ntuj lus, tau teev tseg, kom ua raws li no: “Yuav tsum tsis txhob cia ib tug tub xib hwb tshiab uas nyuam qhuav tawm tsev kawm ntawv los poob ntsej muag.” Raws tus cai nyob koom nrog neeg zej zog, qhia tias tus xib hwb yeej muaj cai yuav poj niam thaum tawm tsev kawm ntawv lawm kom xwv maim dhau txhua yam kev rhais ruam yuam kev rau tej txheej xwm no H. Xyooj muaj hnub nyoog lawm, tab sis nws kuj tsis tau yuav poj niam. Txawm tias yog poob ntsej muag, li cas los yeej paub tias tus ntxhais yuav vwm rau nws xwb. Nws yuav xav li cas? Nws txoj kev hlub rau Yes Xus, rau Ntuj lo lus, rau tsev teev Ntuj thiab nws cov thawj tuam siv I, nws puas yuav tiv tau kob cua dub ? Txawm yog qhov ntawd, qhov uas yuav nrhiav qhov tseeb ntawm nws tej dej num uas ntaus nqe txog txoj kev ntshiab, nws yeej npaj tiag tiag rau nws txoj kev ua tim khawv – ib tug tim khawv uas nws yeej ib txwm tau hais nraim lo lus no, li thaum nws tshaj kev ntseeg nyob rau Naj Vaj.

    Nyob Roob Nyuj Qus, T.P. Nyiaj Pov, uas yog tus pab tsom kwm nws, kuj tau mus tshaj Ntuj lus nyob rau kev deb, dua puag ib npoo ntuj txij thaum lub 12 hlis ntuj 1958 lawm. Tus taj nws, yog txiv plig Txhiaj Tshaj (Père Mario Borzaga), Xyooj tsuas nyuam qhuav pib paub nws tsis tau ntev pes tsawg xwb ; Txiv Plig kev paub hais lus hmoob thiab kev swm txheej tseem nyob muaj ciam, tab sis tsoom Hmoob tau tis npe hu rau nws tias “siab ncaj”. Xyooj muaj txoj hmoo tau los ntsib ib tug leej choj uas muaj kev txawj tswj khov txog rau tej kev nplam yuam kev loj, yog tus npaj los txais Xyooj yam tsis hais txog dab tsi, cia li txiav siab hu Xyooj kom rov muaj ib txoj hmoo los ntawm Yes Xus lub npe txoj kev hu. Raws li qhov rov tau ua ke, nkawd ob leeg kuj tsis sib ua xyem xyav txog tej qhov yuav ua dab tsi, uas nkawd yuav sib koom ua ke mus li rau txoj hauj lwm tseem ceeb tshaj plaws uas yog lub zeej txhiaj J ntawm nkawd lub neej.

    Raws li cov tswj saib xyuas pom zoo cia Xyooj nyob rau hauv nroog Moos Loob, hauv lub hauv paus kawm hauj lwm, kom tau kawm kev cob qhia rau cov xib hwb. Lawv txoj hauj lwm rau nws tsis yog rau fab kawm txuj, tab sis yog rau tus neeg ua hauj lwm, thiaj ua rau tsis haum raws li nws siab ntshaw ; txoj kev ntxhov siab maim tsis dhau thiaj ua rau muaj kev tshwm sim sai ntawg ntiag.

    Xyooj thiaj rov qab tshwm dua rau KiuKatiam, lub Roob Nyuj Qus uas nws

    H : Txheej xwm = (de ce genre) - Raws li cov hauj lwm no. Raws li yam no, hom no.
    I : Thawj tuam siv = (ministres) – Cov hau neeg tuav hauj lwm tseem ceeb ntawm tseem hwv.
    J : Lub zeej txhiaj = (le don) - Kev txawj ntse, nrog rau lub cev uas Ntuj muab tau zoo txhua yam
    rau ib tug tib neeg.

    tshua, hnub 22 lub 12 hlis ntuj, raug rau lub caij ua hmoov tsuj xeeb Yes Xus
    cawm seej, thiab yog lub tsiab peb caug Hmoob 80. Raws li TP. Txhiaj tshaj tau sau rau hau tshooj ntawv leg num thiab hauv nws tsab xov xwm tseg, uas muaj kev ua xyem xyav qhov puav los yog pom qee yam meem txom me ntsis:


    Txij thaum hnub tim 22 lub 12 hlis los Xyooj, uas yog T.P. Vaj Pov tus tub xib hwb, nyob rau lub zos ntawm no tsuas yog cia nws los so ib pliag xwb. Nws yeej ib txwm txiav siab xav ua xib hwb. Nws muaj ob yam ntshaw : yuav poj niam thiab kawm kom paub zoo dua me ntsis txog kev qhia kev cai. Yeej tsis muaj dab tsi rov hais ntxiv txog qhov ntawd lawm : nws tsuas kawg nrhiav ib tug poj niam xwb, thaum uas nws muaj peev xwm ua thiab luag pom tias yuav (ua) tau qhov ntawd, tsuas yog kom nws kawm xwb, txawm tias nws lub tswv yim muaj tsis txaus. Li cas los, nws tsis poob nws txoj kev txaus siab rau txoj kev qhia : hnub i uas kuv tau coj nws nrog kuv mus xyuas cov mab “Khab Mub” ; nws hais tau lus zoo kawg, txawm tias nws yuav ua ntau lwm rov hais ua lus Los Tsuas peb plaub lo lus xwb los nws yeej txawj piav li lus Hmoob 81.


    Nag hmo, ua ke nrog Xyooj wb tau mus xyuas cov Khab Mub. Raws li nws tus yeeb yam ua yeej zoo kawg xws li txhua zaus (.…) Nws tau hais rau kuv tej yam muaj qab hau hauj sim nyob rau Naj Vaj thiab zoo li cas rau li cas, qhov tseeb nrog rau lwm yam, yog nws xav yuav poj niam. Kuv kuj tsis muaj dab tsi txwv ; kuj cia ua raws nws siab nyiam xwb82.

    Qhov tseeb, rau cov hluas Hmoob thaum lub caij Xyoo Tshiab kuj yog lub caij lom zem ntaus kev phooj ywg nrog tej ntxhais. Tej yam no yog ua raws li kev cai ua si hu ua pov pob : muab tsoos zam tshiab los hnav, tej tub ntxhais tuaj sawv sib ntsia tim ntsej tim muag ; ob leeg koom pov ib lub pob yog ntaub xaws, tus ntxhais hais kwv txhiaj nug thiab tus tub yuav tau hais teb kom phim. Yog tias tsis sib haum, kuj sib hloov rau lwm tus. Niaj hnub, kev ua si kuj siv sij hawm ntau teev. Yog tias pom zoo tiag, mam muab lus mus nrog tsev neeg sib hais kom haum txog qhov yuav sib yuav, kom los poob ncaj rau lub thawj hlis xyoo tshiab ; txhua yam yuav tsum ua kom tiav ua ntej lub 6 hli 83.


    Hnub xiab 1 lub ib hlis ntuj, T.P. Txhiaj Tshaj sau hauv nws tsab xov xwm tias Xyooj tau mus nrog lawv pov pob tas hnub, yam tsis tau dab tsi. Hnub tim 4 thiab 8 lub ib hlis, nws ua raws nraim li qub :

    Lub hmoov Xyoo Tshiab Hmoob kuj tseem muaj ntxiv, kuj yog hais tau tias cov tub hluas nrhiav poj niam ; thiab raws li qhov tiag ntawm peb lub luag

    hauj lwm peb los kuj muaj ib cov tub hluas hais tau tias kom peb ntsia zoo zoo…(raws li ua thiab tes taw yoj ntawm lawv peb tug hluas) – Xyooj cia li mus txhab ua tus plaub ntxiv rau saib puas yuav tau ib tug poj niam, tab sis zoo li nws tsis muaj hmoo. Nws xav tau tus neeg zoo, tab sis nyob hauv cov ntxhais zoo kuj tsis yog yooj yim nrhiav tau ib tug (uas xyeej siab). Niaj hnub no, txawm tias nws tau mus ua si nrog cov hluas zoo thiab ua zaj tsab tsab rau luag pom, nws kuj tuaj mloog ntawv Moo Zoo txhua zaus thaum ua lub txoos hauv tsev teev Ntuj, thiab nws kuj txais lub cim yug yuav luag txhua hnub84.

    Xyooj tsis tau yuav poj niam, ib los li no xwb. Tus ntxhais uas nws xaiv mas tsis tuaj yeem.(…) Qhov muaj kev sib yuav nyuaj yog nrog rau cov tseem coj qub kev cai : cov ntxhais tsis xav tuaj kawm kev cai thiab txais lub cim ntxuav ua ntej uas yuav sib yua. (…) Cov tseem coj qub kev cai yeej tsis paub tsoom ntseeg tej kev cai li ; Txawm tias cov ntxhais hluas tsis muaj yam khuam los ua neeg ntseeg, los ua raws li lawv niam lawv txiv qhov tsis pom zoo mus suaj kaum kawg rau lawv tej kev cai dab qhuas85.


    Puas yuav ceeb txog qhov uas niaj hnub hais Xyooj nrhiav tsis tau poj niam ? Nws tau tso nws nplooj siab nyob rau Naj Vaj ; txawm hais tias tau cog lus tsis rov mus ntsib nws dua rau ped lawm, yuav ua li cas tam sis no ho yuav nrhiav dua ib tug tshiab ? dua li ntawd, nws tseem npaj txiav siab tsis tau raws kev li xav ntawm ib tug neeg ntseeg. Lub 4 hlis 1960, thaum tab tom uas nws yuav sawv kev mus tshaj Ntuj lus zaum kawg, nws tau sau ntawv rau tsoom ntseeg nyob Naj Vaj tias : “Tsis ntev no kuv yuav rov tuaj yuav poj niam nyob rau nej lub zos86 ”

    Lub rooj leg num tu tshaj kev ntseeg tau muaj lus ceev tseg tuaj tias : “Leej choj yuav tsum pab nres nws tus tub xib hwb kom tau sib yuav thaum uas tus hluas raug cov ntxhais ntxias lawm, tab sis yuav kom nws ceev faj zoo tsis txhob lam ua yam zais ntshis cog lus tias yuav yuav poj niam rau qhov ub qhov no 87 ….” T.P. Txhiaj Tshaj thiaj txiav siab tuaj rau Moos Loob cuag cov tswj saib xyuas txog nqe lus no :
    Xyooj puas yuav tau cai rov mus rau Naj Vaj kom tau sib yuav rau ped88?
    Txiv Plig kuj tau nqes mus ib leeg kheej hnub tim 7 lub 1 hlis ntuj; hnub tim 13, yog lub sij hawm sau siab, Xyooj tau ua tus coj nws mus. Lo lus teb tuag nthi tias tsis tau.
    Cov tswj saib xyuas kuj txiav siab cia saib xyuas tus tub hluas nyob rau Moos Loob, raws li tau pom zoo, cia Xyooj nyob hauv txoj kev tsom kwm cob qhia kom txawj ntse txaus uas rov muab Xyooj los pib hauv tsev kawm ntawv ua tus qhia ntawv rau cov me nyuam Hmoob thoj nam los nyob hauv nroog, li cas los yeej muaj lwm tus xib hwb yuav tau mus rau Naj Vaj89.



    Thoj Txiab Neeb, XH. Xyooj tus tij laug tub thiab TP. Txiaj Tshaj, 1957




    TP. Paj Zeb

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:16 am


    Ib tug hluas tau kev nyuaj siab



    Xyooj cia li poob rau txoj kev nyuaj siab, raws li T.P. Txhiaj Tshaj tsab xov xwm thiab lub rooj tswj kev ntseeg tau sau lo puav lus tseg. Nws tsis xav nyob rau hauv nroog, deb rau zos Hmoob ; dua li, nws hais tias hauv nroog mas sov dhau. Nws ib tug phooj ywg kuj hais ntxiv tias, yeej tsis muaj ib me qhov kev tso daj tso luag li : “ Vim nyob hauv nroog tsis muaj ntxhais”, kuj txhais tau tias tsis muaj ntxhais yuav. Txawm li cas los Xyooj kawg yuav tau nyob, nws thiaj tau sau ntawv los rau cov neeg hauv nws lub zos ; nws yws txog txhua yam, txog kev tsis muaj zaub mov txaus noj. Ob peb hnub tom qab, T.P. Txhiaj Tshaj tau sau tseg rau hauv rooj tswj txheeb kev ntseeg lub ib hlis ntuj tias :
    Y. tau mus taj Xyooj rau zos Naj Vaj, vim T.P. Vaj pov tsis xav rov yuav Xyooj lawm. Y. kuj zoo siab hlo mus, tab sis Xyooj, yog tus raug nyob, nrug deb ntawm sawv daws. Peb tau muab nws cia nyob rau Moos Loob kom tau qhia ntawv rau cov me nyuam yaus thiab pab saib xyuas cov neeg ntseeg ; tab sis nws twb tau hais ua ntej tias nws yeej tsis xav nyob rau nrad li thiab kawg yuav los rau pem zos xwb. Nyuag Xyooj no, tsis pom qab yuav ua li cas tuav nws lawm90.

    Lub ib hlis tim 23, T.P. Txhiaj Tshaj tau sau tseg hauv tsab xov xwm tias : “Kuv tau sau ntawv rau (Txiv plig) Marchiol kom xa Xyooj rov qab los nrog kuv nyob ; kuv kuj ntxeem nrog kev txhawj ua tus los saib xyuas nws, vim tsis muaj leej twg kam yuav nws lawm91.”
    Thaum rov qab los txog rau hauv zos, tus tub hluas kuj xav zoj tau ib zag tswv yim tshiab li no : Yog tias lub neej txoj kev ua xib hwb tshaj Ntuj lus tsis muaj hau kev mus, qhov zoo, ces tsuas kawg mus ua tub ceev xwm ; kom xwv tau me ntsis nyiaj tsa nws lub cuab lub yig. Nws tau hais rau T.P. Txhiaj Tshaj, ua rau Txiv Plig poob siab loj ; thiab nws yeej tab meeg hais rau sawv daws hnov.
    Tsis txhob xav tias Xyooj txawb tau zoo chaw rau ib lub zij ceeb nyob nrug deb li no lawm. Qhov tiag, lub rooj tswj tshaj kev ntseeg twb tau pom zoo hais tseg ua ntej lawm. Raws li cov xib hwb txoj kev tau ua siab ntev kawm hauv tsev kawm ntawv los : ”Yuav nco ntsoov txog tej kev tawm hauv zos mus raug kev haub ntxias loj nyob rau sab nraud, nkag mus rau tej hauj lwm tseem hwv, ua tub ceev xwm , ua tub rog, los yog hauj lwm laj mej pej xeem uas tau txais nyiaj tsis sib xws92 ”





    Hauv qhov tshauv hluav taws ciaj ncaig




    Txawm muaj lub hom phiaj tshiab xav npaum li cas los, Xyooj yeej tsis tso txoj hauj lwm kev ntseeg tseg. Yes Xus txoj kev hlub tshua yeej sawv nraim hauv nws nruab siab. Nyob hauv cov txiv plig aws los pas, txhua zaus, tsuas yog T.P. Txhiaj Tshaj tib leeg thiaj li ntseeg Xyooj ; hnub tim 5 lub ob hlis nws sau tsab xov xwm tias : “ Xyooj

    nyob ntawm no, Xyooj mus ncig qhov txhia chaw los nws yeej tsis zais lus txog qhov nws xav ua tub ceev xwm li. Qee leej kuj muaj kev txhawj txog nws. Txawm zoo li cas los xij, kuv ntiag tug yeej kawg nyiam ua raws li qhov ntawd xwb93. » Lub ob hlis ntuj tim 7, Txiv Plig tau sau tias : « Xyooj pib nrug mus zuj zus, kuv yeej tsis pom qab ua li cas thiaj zoo94. » Tab sis hnub tom qab nws hais tias “ Xyooj kuj rov qab los nrog kuv me ntsis lawm thiab95.”

    Nws txoj kev nrug, tsis muaj kev zoo siab, tab txawm muaj tej ntawd, Txiv Plig hais Xyooj thaum twg los nws yeej tsis muaj tus tsi yuav cheem tias pab tsis tau Txiv Plig. Lub ob hlis tim 1 thiab 2 ntawd, nws coj Xyooj nrog nws mus tsham ncig ib lwm, yog mus xyuas txiv plig ib lub chaw ua hauj lwm nyob nrug deb uas tseem tsis tau raug cov tub rog liab tuaj ncig rhuav pov tseg, yog nyob Loos Vais saum roob Phuaj Thoos96. Yog thaum tsis muaj xib hwb, Xyooj yeej tuaj yeem taj qhia rau cov hlob thiab cov laus. Nws kuj qhia tau zoo tsawv lawm, raws li lub rooj tswj kev ntseeg hais97. Nws kuj muaj caij qhia kev cai rau cov poj niam laus qee leej, tiam sis thaum kawg thiaj nrhiav lwm tus los taj Xyooj vim nws yuav tau qhia ntawv rau cov me nyuam yaus uas yog koom tib lub sij hawm ua ke98. Raws li ntsia, leej choj pom tau tias muaj kev kaj siab tshaj qhov qub lawm: « Nws tus yeeb yam hauv zos yeej zoo, nws yeej tuaj txais nraim cov cim kev ntseeg99. »

    Li cas los pheej muaj ib tee tsaus nyos : nws kuj qhia kev xyaum hais lus hmoob rau ib tug hluas Is Tas Lis tshaj Ntuj lus, yog T.P. Zoov Phooj (Père Zanoni) – uas yog ib txog hauj lwm tseem ceeb kawg xuas tshuab los ntaus cov ntawv qhia kev cai, npaj xa mus rau T.P. Vaj Pov nyob Naj Vaj100. Xyooj cia li tsis kam los leg txoj hauj lwm ntawd li lawm101. Xyooj raug rau phab neeg Aws Los Pas (les Européens) xav tau yuam kev loj kawg nkaus rau nws, ntsia mas zoo li Xyooj pheej tsuas muaj nrug deb mus zuj zus lawm xwb.

    Qhov zoo tiag, yog vim muaj cov hluas neeg ntseeg. Cov hluas tim hwb tuaj kawm kuj nyob lub me nyuam tsev uas ze ntawm Txiv Plig lub. Xyooj, uas yeej nyob nraim nrog nws niam, nyob sib ze thiab tau kev niaj hnub sib cuag. Ib tug hluas tseem nco tias lawv tau mus txiav xyoob los ua ciav dej los yog mus txiav taws rauv thiab de zaub los pub npua – kev sib tso siab, muaj tej thaum kuj tau kev sib tham ywj tso tshav plhuav102 . Xyooj kuj nrog H. thiab K. ua phooj ywg, yog cov hluas ua Ntuj kev cai uas nyob Naj Vaj tuaj kawm nyob rau Roob Nyuj Qus ntawm no, thaum lub 7 hli 1959 ; K. uas nws tau ua ntsuag txiv103. Xyooj nrog lawv, sib hais nco txog tej lub caij uas zoo kawg nkaus thaum lawv ua ke nyob rau ped. Nws tus kheej, uas yog lawv ib leeg tij sawv daws puav leej qhuas nws, uas nyiam hais txog Ntuj lub Moo Zoo rau cov Hmoob, ua li nws puas yuav ua rau lawv tag kev cia siab ?

    Kawg yuav tau hais raws nws lub meej mom tias Xyooj yeej tsis lam yws ib zaug ncaj qha rau cov tub kawm tshaj Ntuj lus ib tug twg xub ntiag kiag li, hais txog qhov uas

    tau muab nws xa pem Naj Vaj rov los. Thaum nws los txog rau Roob Nyuj Qus, H. tau nug nws tias ua cas koj ho tsis nrog cov neeg nyob pem peb lub zos lawm, vim li cas koj ho ncaim lawv. Nws tsuas teb tias : « Yog Txiv Plig kom kuv mus tshaj lub moo zoo thiab qhia Ntuj kev cai rau lwm lub zos ; vim li no kuv thiaj tsis nyob104. »

    Kev phooj kev ywg tham yas kev yas ncua cia li yog kev pab tau Xyooj rov los. Thaum lub 4 hlis kawg T.P. Txhiaj Tshaj tau pom zoo kom mus pab raws li ib lub zos tau hais tuaj, nws tau pom zoo cia ib tug xib hwb uas yeej nyob txawm rau Roob Nyuj Qus nrog nws mus. Tab sis tus xib hwb ntawd yuav poj niam lawm, nws thiaj mus nug H.tas, thiab nug K., uas yog tus yuav so ntev txuas ntxiv li xib hwb nyob rau Roob Nyuj Qus. Tus hluas xav tias nws paub tsis tshua cuag Xyooj txog kev tshaj Ntuj lus rau ib lub zos Hmoob : nws thiaj nug Xyooj saib Xyooj puas kam mus nws lub chaw. Xyooj teb tias tau xwb, tab sis nws hais ntxiv tias : « Kuv tsis paub xyov Txiv Plig puas yuav kam ». K. mus hais rau T.P. Txhiaj Tshaj, nws kuj lees txais lo lus no105. Xyooj tau sau ib tsab ntawv rau cov neeg ntseeg nyob lub zos uas nws tseem tshua, yog tsab ntawv kawg uas lawv tau txais los ntawm nws, hais tias : « Kuv yuav mus qhia Ntuj kev cai rau cov Hmoob nyob lub zos Phuaj Xuab106 ». Yog tiag li, Xyooj zoo yam tus nplaim taws rov pib cig zoo tuaj lawm.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:20 am


    Kev tawm mus ncig zaum kawg




    Txhua yam kev pom zoo uas pheej txhib T.P. Txhiaj Tshaj kom kav tsij tawm rooj mus ua zaum kawg tsis tas yuav muab los hais rau hauv no : nws lub neej twb tau sau tseg lawm, txhua yam qhia yeej teev muaj txhij txhua hauv tsab xov xwm kev ntseeg nyob Roob Nyuj Qus uas yog T.P. Zoov Phooj (Père Zanoni) tus nplaim mem tau sau tseg107. Qhov ntawd thiaj ua rau Txiv Plig tuaj yeem raws li xav, thiaj coj Xyooj nrog nws mus ua ke. Thaum kawg, kuj yog ib qho tseem ceeb rau Xyooj, vim muaj ib tug neeg nruab zog yeej tau hais meej tuaj kom mus ntiab dab thiab xav txais Yes Xus los nyob hauv nws, thiab yeej muaj neeg mob nyob tos nraim txoj kev pab. Raws li kev cai Hmoob, yog tias ib tug twg nws thov kev pab txog ob peb zaug lawm, koj kawg yuav tsum tau lees thiab pab raws li koj muaj peev xwm pab.

    Nyob hauv pawg neeg uas pheej txhob kom T.P. Txhiaj Tshaj tawm mus zaum no, yuav tau teev npe N. : yog thawj tus neeg uas tau txais lub cim ntxuav ntawm Txiv Plig Txhiaj Tshaj txhais tes, nws yog tus nrog cov ntxhais hluas hauv Roob Nyuj Qus mus rau Xeev Khuam, mus kawm nyob nrog cov Phauj Niam Ntshiab (Jeanne Antide Thouret)108. Nws kuj xav sau ib tsab ntawv ua tim khawv txog yam uas tshwm sim hauv lub zos thaum lub 4 hlis tas xyoo 1960, nrog nws tus nus P., uas ntsug no nws yog tus coj T.P. Txhiaj Tshaj tawm rooj mus thawj zaug109.

    Lub 4 hlis tim 25 xyoo 1960, T.P. Txhiaj Tshaj nkawd tau ua raws li lo lus cov neeg tuaj hais, Xyooj cia li mus tsis tig rov los li lawm. Hnub ntawd, nws hnav nws cev khaub ncaws hmoob thiab coj peb lub xauv nyiaj. Nws muaj ob ce khaub ncaws sib hloov thiab ib rab riam hmoob, cia siv tau thws kev.

    Raws li tus tim khawv K., uas lub sij hawm nws haj tseem ua tub rog zwm rau vaj ntxwv huab tais Los Tsuas. Xyoo 1962-1963, nws tus kheej thiaj tau mus ntsuam xyuas nyob rau cheeb tsam ntawd ; tab sis nws cov lus muab rau Tswv Qhia tsis tau ceev khaws tseg. Lub hauv paus lus tseem ceeb tsuas kawg yog tawm los ntawm ob tug tub rog hmoob, ib tug yeej yog neeg nyob txawm hauv lub zos Phuaj Xuab, uas muaj neeg tau caw kom txiv plig mus tsham xyuas lawv, thiab tus ob uas nyob rau ib lub zos tsis deb ntawd110. Ob tug phooj ywg no thiaj tau muab tej lus tseem ceeb los qhia rau nws, txog tej txheej xwm ntawm Xyooj thiab Txiv Plig nkawd kev tawm rooj mus txog rau qhov kawg.

    Xyooj thiab T.P. Txhiaj Tshaj nkawd tau pw ob hmo hauv zos Phuaj Xuab. Cov neeg nruab zog kuj tuaj coob xyuas nkawd, tham nrog txiv plig, thiab tham txog kev ntseeg . Yeej yog ib qho kev zoo siab rov ntsib li thawj zaug uas nyob pem Naj Vaj. Tab sis qhov tiag tsuas yog npaj rau yav tom ntej xwb. Coob leej tau thov tuaj kawm thiab xav tig los ua neeg ntseeg. Txiv plig sau lawv npe thiab cog lus tias mam xa ib tug neeg tuaj qhia111. Ntawm Xyooj tus kheej, zoo li nws ua tus nyob twj ywm, roos txiv plig tus duab ntxoo.

    Hnub peb, nkawd ob tug muab dua ib txoj kev tshiab rov los tsev. Ob tug hluas hauv nruab zog kuj rov xa nkawd. Yeej xav tau tias qhov hloov kev no yeej yog qhov yooj yim dua : T.P. Txhiaj Tshaj nws mob ko taw – vim nws twb tau muab peb hnub ke tuaj thiaj li txog chaw112. Thiaj tias cia txiav mus raws txoj txoov kev 13 kom tshwm rau Moos Kas Xis, raws li kev cia siab saib puas yuav tau tsheb caij rov los rau hauv zos. Thawj ntu kev uas tig rov los rau Moos Mev, lub zos nyob txawm rau ob sab ntug hauv lub vos hav, yog ib lub zos tsis loj, sab cov neeg mab Khab Mub nyob cov tsev tsis tshua zoo pes tsawg thiab ib sab yog lub zos Los Tsuas uas yog lub tseem ceeb. Cov Hmoob yeej tsis muaj kev sib paub sib cuag nrog lub zos chaw kawg no li. Nkawd muab kev taug los tshwm rau sab zos mab Khab Mub : lawv sawv daws zoo siab rau kev muaj qhua thiab mloog lawv tej lus hais. Lawv kuj txais nkawd los so ib hmos rau hauv lawv kom xwv tau sib tham ntev me ntsis thiab tau sib ntsib nrog sawv daws. Txiv Plig tsuas cog lus tias cia lwm lub sij hawm mam li rov tuaj xyuas lawv dua.
    Cov Mab Khab Mub cia li kom nkawd kav tsij lem rov qab, vim cov neeg sawv rog twb nkag los rau sab tim lub zos loj Los Tsuas lawm. Tam sis ntawd, Xyooj paub tias yog chaw tsis zoo lawm : « Txiv Plig, maj nroos tsuag tsuag, phom sij heev. » Txiv plig teb tias : “ Tsis txhob ntshai, kuv tsis yog neeg As Mes Lis Kas.”Nkawd kuj ua, raws li kev cai, cia li mus so rau hauv tus hau zos Los Tsuas tsev. Tus yawg no thiaj li ua tau rau nkawd muaj kev tso siab : txoj kev phua hauv lub kwj ha plawv nras liaj mus cob rau zos Naj Liv kuj tsis muaj kev nyuaj dab tsi, thiab txij ntawd mus nkawd
    yuav mus tau yooj yim tshwm rau Moos Kas Xis. Tag kis sawv ntxov, Txiv Plig thiab Xyooj nrog ob tug Hmoob Phuaj Xuab lawv sib faib kev nyias rov mus nyias, nrog ib pob mov su uas yog tus hau zos muab113 .






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:25 am


    Txog caij txiav siab



    Tsis ntev tom qab uas tawm tom lub zos los, nkawd ob tug cia li los ntsib ib pab neeg sawv rog. Puas yog lawv los nkaum tos nkawd kev, los sis puas yog nkawd raug dag ? Cov lus nug tseem teb tsis tau los txog niaj hnub nim no. Li cas los yuav tsum nrhiav nug lawv, raws li xav puas yog tim Xyooj lub npe nrog rau ob tug Hmoob coj ke sib koom siab thiaj muaj kev sib ntsib phem zaum no. Tab sis ua ntej tshaj plaws yuav tau xyuas txog txhua yam uas xub ua los tso, raws li txhua yam uas tau muab xo ntawm cov tim khawv uas muaj feem xyuam nrog thiab cov tau hnov los sib sau xyuas ua ke, uas yog los ntawm cov qub tub rog lawv tus kheej sawv tawm tsam, tias zaj xwm no tseem rov hnov tshwm ntau caum xyoo tom qab no ntxiv. Tus hau zos Phuaj Xuab thiab nws cov thawj leg num, yeej tsuas hais tas zog tias tom qab nkawd sawv kev lawm peb yeej tsis hnov suab sab dab tsi txog peb ob tug qhua ntawd kiag li.




    Nrog cim kom zoo : Cov ciaj ciam xeev qhia hauv daim ntawv theej teb no nws tsis thooj xws li muaj nyob xyoo 1960.


    Ntawm no yog ib tug tim khawv Hmoob uas nyob ze rau thaj tsam chaw tshwm qhov xwm ntawd, tus tim khawv uas tsis paub npe tab sis yog tus tseem ceeb, yeej pom tias muaj cov tseem nrhiav qees xav paub txog qhov xwm no, uas twb ncua tau ntev tshaj li 40 tawm xyoo los lawm, nws hais tias :

    Nej tsis txhob nrhiav ntxiv lawm : T.P. Txhiaj Tshaj thiab xib hwb Xyooj yeej tuag lawm, nkawd tau raug tua. Cov Los Tsuas sawv rog tau ntes nkawd, rau lub zos Moos Mev, nyob ntu nruab nrab ntawm zos Phuaj Xuab uas Txiv Plig nrog Xyooj nkawd xav taug txoj kev mus rau Moos Kas Xis, ib tug As Mes Lis
    Kas uas nrog ib tug tub hluas Los Tsuas coj ke. Raws li lawv txoj kev ntxub ntxaug tas tus, tsuav yog pom dheev, yeej yog As Mes Lis Kas los tawv dawb
    xwb, yeej cia li tua pov tseg, hais rau tus hluas Los Tsuas tias : “ Koj nas, koj yog neeg peb teb chaws, khiav mus, khiav mus tsev, peb tsis tua koj.” Tus hluas Los Tsuas hais tias : “Tsis txhob tua nws, vim nws tsis yog As Mes Lis Kas tab sis nws yog neeg Is Tas Lis, thiab nws yog ib tug Leej Choj zoo heev li, nws siab zoo kawg rau tas sawv daws ; nws tsuas ua tej yam zoo xwb ! ” Tab sis lawv tsis xav ntseeg nws tej lus hais. Nws cia li hais tias : Kuv tsis mus, kuv nyob nrog nws xwb ; yog tias nej tua nws, tua kuv thiab. Nws tuag qhov twg, kuv tuag nyob qhov ntawd, nws ciaj sia qhov twg, kuv ciaj sia nyob qhov ntawd.”Cov neeg sawv rog teb tias : “ Cas koj yuav tawv ua luaj, koj xav tuag nrog nws thiab lod ? ”Nws teb tias “Tiag ! “, li no lawv cia li tua nkawd ob leeg tib sis114.

    K. kuj hnov lwm yam lus hais, ntawm cov tub rog lub qhov ncauj kiag. Cov no cia li khi T.P. Txhiaj Tshaj ob txhais tes thiab ob lub luj tshib qaim rau nraum nrob qaum, tsis pom qab ua li cas thiaj zoo, nws thiaj li nyob ua twj ywm. Tab sis Xyooj yeej tsis ntsiag li : nws nrog lawv sib cav thiab hais tas zog kom lawv tsis txhob lam ua dab tsi. Npau lawv taws heev, lawv muab txhab khaum phom ntaus nws ntau tes, yam tsis txuag zog ua rau nplawm nws ib sab pob ntseg, tu nrho, poob kiag rau hauv av. Lawv hais rau nws tias : koj tsis xav dim, koj tawv diam, koj cav ncauj, peb yuav muab koj tua nrog tus neeg dawb ntawd115 .” Ua ntej ntawd, lawv twb hle tus me nyuam tub huab tais Hmoob cov xauv nyiaj cia npaj coj mus muag116.0

    Lawv cia li cab nkawd mus kom deb, taug txoj kev raws laj roob Phus Mum, mus rau hauv hav zoov, ntawm ib tug kwj deg. Yog lawv tej kev ua kam :
    Txawm ua tej yam txawv los lawv yeej ua zais ntshis nrug deb rau tej chaw xu kev. Lawv yuam nkawd ob tug kom kav tsij khawb qhov nrawm nroos. Thaum hnov suab phom nrov, Txiv Plig qw tias : » Cas nej lam tua kuv, uas yog Txiv Plig ? » . Xyooj tuag kiag ntawm chaw. Cov tub rog thawb nkawd ob lub cev rau lub qhov hauv tus kwj deg thiab npoog av rau117 .
    Xyooj, tus « nyuam tub huab tais » los puas yog tsoom Hmoob tus thwj tim, nyiam Ntuj lub Moo Zoo, thiaj txhiv tau nws lub siab mos muag – uas tsis yog ib qho tseem ceeb rov qab los – thiab siv nws txoj kev hlub sawv ua ib lub cim loj tshaj plaws.

    Lub ntxa yeej nrhiav tsis pom li. Nws nyob rau thaj tsam chaw mus tsis tso siab, qhov uas tsis muaj leej twg muaj cuab kav mus tsam lam muaj xwv txheej. Tau ob peb xyoos tom qab, kev cia siab tsis muaj li lawm. Tab sis, muaj yam puav khoom uas mem tau tseeb tseeb txog ntawm nkawd ob tug. Xyooj niam paub zoo txog nws phiaj xauv nyiaj ; tab sis tsev neeg tsis kam rov mus nqa nws phiaj xauv, vim Hmoob kev cai yog nws tus tub tuag li lawm yuav tsis tau rov118. Lwm yam, ib tug tim khawv uas yog tub rog, tau hnov – lwm qhov los – raws li Tswv Qhia Txwj Choo, hais li no tias :
    Lawv tau tshawb tus As Mes Lis Kas lub hnab, tsis muaj dab tsis tseem ceeb : ib cov saw chob hlaws nrog ob daig hlau sib cuam, ib tug poj niam cov duab ci ntsa ntsa, ib txhia yog ib leeg kheej xwb, ib co ho muaj ib tug me nyuam nrog, thiab ib tug txiv neej cov duab lub plawv tawm rau sab nraud119 …

    Yog tus tshaj Ntuj lus thooj nyiaj thooj kub : nws txoj saw Mab Liab, thiab daim duab Yes Xus lub plawv Ntshiab nrog rau cov duab niam Ntshiab Mab Liab.



    Qhov chiv keeb lub ntsiab raug tua



    Ua ntej yog muab los xav yeej muaj ntau yam hais txog qhov Xyooj thiab T.P. Txhiaj Tshaj nkawd raug tsim txom tua, yam tsis tau xyuas kom phim tsim nyog ; Xyooj lub npe los yeej tseem raug iab liam ntau yam. Yeej tsim nyog txheeb xyuas kom txhua txog Xyooj txoj hmoo sawm qhov tseem ceeb thiab meej tshaj plaws uas ci iab yam tsis muaj dab tsi los piv tau.


    1. Puas yog T.P. Txhiaj Tshaj raug dag los yog cov Hmoob coj ke uas tau ncaim
    nkawd thaum sawv ntxov ntawd ua tus tua nws ? Ntu sij hawm ua ntej ntawd kuj xav tias cia muab cov lus rau cov nom tswv, hau teb chaws nyob Moos Loob nrog tsom kwm xyuas, tab sis Tswv Qhia tsis txais nqe lus no, thiab txog niaj hnub nim no los cov Hmoob yeej hais tawv qhawv tsis kam li thiab 120. Vim lawv xav ntis thaiv txog cov leej choj uas tseem niaj hnub nrog lawv nyob, tsuas kawg yog thaum lawv raug ntes coj mus ua neeg koom sawv rog nkaus nkaus xwb.


    2. T.P. Txhiaj Tshaj puas yog raug pauj kev chim los ntawm cov txiv tsev tsis txaus siab ntsig txog nws txoj kev txais cov ntxhais uas txwv tsis pub lawv sib yua ? Yog raws li cov lus hais tas los no xyooj txoj kev tuag kuj yog ib tug txaus khuv xim uas los theej txhoj xwb. Cov lus no cov Hmoob uas paub Txiv Plig zoo thiab paub txhua cheeb tsam uas Hmoob nyob yeej tias tsis yog li ntawd. Txog qhov uas lawv tua Xyooj ntawd cov tim khawv kuj tias tsis yog li ntawd thiab.


    3. Puas yog Xyooj cia li ntxeev siab ua ib nqag nrog cov xav tau Txiv Plig txoj sia, thiab puas yog lawv mam li txov nws txoj sia tom qab tsam nws ho yog ib tug tim khawv fav xeeb ? Cov lus nug no kuj muaj ntau zuj zus121 . Cov uas tau muaj kev sib ntsib nrog lub siab ncaj ncees thiab nrog txoj kev ntseeg cia li nyob ntsiag ntwb tseg 122 ; cov lus no yeej muab tsis tau kiag coj los txawb hais rau ntawm cov tim khawv uas tau khaws tej lus sib txuas zws los ntawm lawv xub ntiag txog qhov uas cov tau tua Xyooj.

    Raws li peb nqe lus nug kev ntxeev siab no, Tswv Qhia Louis-Marie Ling, uas yog Tswv Qhia nyob Paksé, tau tuaj yeem ua tim khawv tias : “Cov Hmoob yeej tsis lam ntxeev siab rau nws tus phooj ywg ib zaug. Lawv yog neeg tsis dag thiab hais ncaj, thiab yog tias lawv xav txov leej twg txoj sia, lawv yeej ua rau nws paub, tsis lam tuav tswv yim zais lus los yog dag ntxias.”


    4. Puas yog lawv txhob txwm ua rau ob tug neeg uas tuaj Roob Nyuj Qus tuaj, uas yog neeg ntseeg ? Tag nrho lub zos neeg yeej yog neeg zoo los raug ua tseem fwv laj mej pej xeem hauv lub teb chaws thiab tau pab tiv thaiv cov neeg sawv rog tau ib me ntu. Yeej tau xyuas – tsis muaj li – tsuas yog tso cai rau cov neeg hauv zos muaj rab puav phom ntis thaiv teb chaws xwb. Puas yog tias tim qhov ntawd xwb yeej ua tau tim khawv txaus, tab sis nws yuav tsis phim tias, zos nyob sib nrug deb ua luaj, cov neeg sawv rog ho yuav nce tau tuaj tshuaj pauj rau ob tug neeg nyob kev deb tuaj thiab tsis muaj riam phom123 .

    Txawm li cas los, lub Koom Txoos Kas Tos Liv yeej siv zog kawg kom los nrhiav tau txhua yam hauv lawv cov neeg. Muaj ntau tus tim khawv thiab ntau zaj hais qhov tseeb hais tias, lub sij hawm ntawd, cov neeg sawv rog xav txiav kom txoj kev ntseeg nyob hauv lub teb chaws tu nrho tsis pub muaj ntxiv.

    Rau cov neeg uas paub Xyooj zoo, yeej muaj tseeb tiag : Nws nyiam txoj kev ntseeg thiab xav pab cov leej choj lawv txoj hauj lwm ; yeej yog tim qhov no luag thiaj txov nws. Raws li nws txoj kev tshaj Ntuj lus nyob rau Naj Vaj muaj tus ua tim khawv tias, nws tus kheej yeej paub zoo heev txog txoj kev xaiv los ua neeg ntseeg, thiab nws tseem tuaj yeem los ua txoj hauj lwm tshaj kev ntseeg, nws lub neej thiab txoj sia thiaj txav mus rau kis kev phom sij.

    Ib tug tim khawv nyob txawm rau Naj Vaj tseem nco zoo txog ib nqe lus, cim tseg li no : “thaum Xyooj qhia Ntuj kev cai, nws tau hais rau peb tias yog nws ib tug phooj ywg nyob rau kis xwv txheej qhov tuag, nws yuav tsis tso nws tus phooj ywg pov tseg, tiam sis nws yuav npaj cawm, txawm yog yuav muab txoj sia mus pauv124.” Kuj yog Huab Tais Yes Xus lo lus thaum noj pluas mov zaum kawg : “yeej tsis muaj ib yam kev hlub loj cuag li tus uas tau muab nws txoj sia mus cawm nws cov phooj ywg” (Z 15, 13).


    Ib lub neej ua piv txwv, tus tuag yog ib lub cim kev cia siab
    Ib tug tim khawv nyob Naj Vaj , thaum Xyooj tuaj, uas nws tseem yog ib tug ntxhais hluas muaj 17 xyoo, yeej hais qhia zoo sib xws tias : tom qab uas yuav luag yog ib nrab tiam nws yeej tseem nco ntsoov cia, hais txog Xyooj tus yeeb yam ntxwv, nws lub ntsej muag, nws qhov luag ntxhi, “thiab tseem ceeb tshaj yog nws cov lus uas tseem qeeg nraim nyob rau hauv kuv nruab siab125 .”
    Nws lub moo ploj ua rau cov neeg uas nws tau qhia Ntuj kev cai rau muaj kev ntxhov siab, lawv sawv daws tu siab quaj kawg nkaus li ; txawm zoo li no los lawv yeej tsis hloov siab txog kev ntseeg, yog ib cov neeg ntseeg txog Xyooj qhov kev ua tim khawv no, uas Yes Xus yog tus yeej kev phem txhua yam nyob rau ntiaj teb.

    Hais txog cov neeg nyob hauv Xyooj lub zos Roob Nyuj Qus, sawv daws yeej paub nws ua ntej qhov nws tig los ua neeg ntseeg, thiab thaum tseem yog nyuam tub pib nto hluas, nws npaj los txais lub cim ntxuav, lawv hais zom zaws ua kua muag poob nthav txog nws thiab nco txog nws tus piv txwv, uas tau coj Ntuj lub Moo Zoo rau cov neeg lwm lub zos Hmoob nyob rau cheeb tsam ntawd. Txiv Plig Nkaj Xyaum (le Père Umberto Nespolo o.m.i.), uas yog leej choj nyob rau Roob Nyuj Qus thiab tau muab nws lub neej txoj sia cog nyob nrog cov Hmoob hauv Los Tsuas teb thiab rau cov neeg thoj nam, qhov tiag : “Los txog rau niaj hnub nim no, kuv hais tau tias cov zos no yeej yog ib co neeg tseem ntseeg nraim Yes Xus thiab nws lub Koom Txoos zoo126 .”

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:28 am

    **************************************************************


    Xyooj zaj xwm muab sau los xaus cia, muab zuag ua ke rub hais raws li cov neeg muaj feem xyuam thiab cov ua tim khawv nrog rau kev tshawb nrhiav ntawm chaw, mus txog rau qhov kawg thiab nyob rau tshooj ntaw tsev vas, tsuas yog teev leej puav cov uas ua tim khawv tseem ceeb xwb.

    Xyooj tsuas tau nrog peb nyob ua ke ib xyoos xwb ; tab sis nws cov hauj lwm uas tau ua rau peb ntawd yeej ntau kawg li. Cov Hmoob uas tau los txais kev ntseeg tau hais txog ntau yam zoo uas nws tau ua… Xyooj yog ib tug qauv neeg mob siab pab tsoom Hmoob kom paub tus Huab Tais Tswv Ntuj. Nws ua ib tug piv txwv uas kuv yuav xyaum raws mus kom tas kuv sim neej ( … ). Xyooj ib txwm hais rau peb tias nws yuav muab tas nrho nws lub neej los qhia txoj kev ntseeg, thiab kuj yog muaj tshwm sim raws li ntawd los rau nws127.


    Muaj tej qhov yeej nyob nraim rau kuv nruab siab uas kuv yeej xav hais los lawm ntev : xib hwb Xyooj, raug tua nrog T.P. Txhiaj Tshaj, nws kuj yog ib tug tseem tim khawv txog Ntuj lub Moo Zoo thiab128 .


    Kuv ntseeg thiab cia siab tias Xyooj thiab T.P. Txhiaj Tshaj nkawd yeej nrog Tswv Ntuj siab zoo nyob ua ke lawm, vim nkawd tau tuag rau ib txoj kev nyuaj kawg kiag. Xyooj thiab Txiv Plig nkawd yeej yog leej ntshiab rau yaj ceeb no thiab saum ntuj ib txhis mus li lawm129 .

    Cov uas tau paub tus hluas xib hwb Thoj Xyooj thaum ub, thiab cov neeg niaj hnub no puav leej hnov hais txog nws, zoo siab xav hnov nws tej lus. Lawv muaj kev vam cia siab qhov tshwj xeeb tshaj tias, lub Koom Txoos Kas Tos Liv yuav zeem tseeb lees txais Xyooj raws li Tswv Ntuj tau tshoj nyob hauv nws lub neej thiab nws txoj kev tuag, thiab muab nws tus qauv cim ua piv txwv rau tsoom neeg ntseeg sawv daws.

    **************************************************************************



    hov Ntuj kom Tswv Ntuj ob tug Tub Txib
    Kom tau txais kev foom saws meej mom ntshiab(la béatification)

    T.P. Txhiaj Tshaj thiab Thoj Paj Lug Xyooj

    Huab Tais, koj tau npaj T.P. Txhiaj Tshaj thiab tus uas nrog nws,
    yog Paj Lug Xyooj, uas nkawd tau muab txoj sia tag huv si los txi rau
    txoj kev hlub hauv nruab siab, rau cov uas yog “lawv cov kwv tij thiab
    nkauj muam, uas nyob nrog lub kua muag thiab txoj kev sawv rov los”.
    Kom lawv lub neej, ciaj nrog koj Lo Lus thiab kom Niam Ntshiab Mab
    Liab sawv nrog nraim lawv, kom hnub no ib lub noob neej tshiab poob
    los rau lub Koom Txoos, nyob rau Los Tsuas thiab ri mus thoob qab
    ntuj khwb. Kom nkawd txoj kev luag ntxhi nyob nrog peb tsoom hluas,
    tias yeej meem ua siab tawv qhawv raws txoj kev xaiv, yog ib lub zog loj
    txhawb siab. Kom tsis ntev saum no nkawd txoj kev hu mus ua leej ntshiab
    thiab ua tim khawv lees paub kom ncha mus ; peb thov koj, Huab Tais.
    Thiab los ntawm txoj kev vam khom txog nkawd, thov koj txais peb lo lus,
    thov koj lub yeej koob yeej hmoo los txhawb uas peb thov koj tam sis no.
    Ua li.

    (Peb Txiv nyob saum ntuj, Koj nyob zoo Mab Liab,
    Huab Tais leej Txiv, Huab Tais leej Tub, …)







    Raws li muab Xyooj thiab Txiv Plig nkawd npe thov Ntuj pab,
    yog tau txais muaj txiaj ntsig tiag, thov qhia mus rau tus saib xyuas :
    P. Angelo Pelis, o.m.i.
    Via Bravetta, 332
    I-00164 Roma, Italie
    e-Mail : angelo.pelis@omimissio.net
    Tél. :(0039) 06 66 15 38 56, ext.7


    Zaj xwm teev tseg tim 28/10/2007


    *Tus txhais ua lus hmoob : -Thoj Qhua Xab (Fab Kis teb) - qhua.xab@gmail.com


    * Cov nrog xyuas txheej ntsiab lus txhais :
    -Mr. Le Blanc François - fetsnm.leblanc@orange.fr
    -Thoj Tswv Tuam - laurentho81@hotmail.fr
    -Mme Le Blanc Marie (Txiab Neeb)
    -Niam Thoj Qhua Xab (Yaj Paj)
    Xov tooj : - 05 63 62 79 37 los yog:
    05 63 59 38 21
    05 63 70 28 70









    TP. Zoov Phooj thiab Tswv Qhia Moos Loob, Naj Hiab, Sayaboury, Nplog teb.


    Last edited by Maiv Tooj on 8th July 2010, 3:47 am; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 1st September 2009, 9:42 am



    Chant pour le Père Borzaga et le catéchiste Xyooj, sur l'air de :
    Sur le seuil de sa maison

    Nkauj rau Txiv Plig TxhiajTshaj thiab Xib Hwb Xyooj




    1 - Txiv Plig Txhiaj Tshaj xib Hwb Xyooj
    neb mus tshaj Yes Xus lub moo
    rau lub zos Phuai Xuab.
    Tau plaub caug xya xyoo.
    Txiv Plig Txhiaj Tshaj xib Hwb Xyooj
    tsis pom neb rov qab los.

    2 - Tsis tau kiag yuav cia xaus li no
    Yes Xus yuav tshoj tsoom ntseeg. Kom lawv lees paub tias
    neb npe rov yug los tshiab
    Tsis tau kiag yuav cia xaus li no
    vim tuag ua Yes Xus tim khawv.

    3 - Thaum tig rov tau ntsib xwv txheej
    txo neb txoj sia ntawm kev.
    Cia ntaj phom ntxus cev
    vim Yes Xus lub npe.
    Thaum tig rov tau ntsib xwv txheej
    cev ntaj ntsug tuag txhub kwj deg.

    4 - Niam thiab txiv hnov poob siab loj
    cuag txoj sia yuav luag tu.
    Muam, tij, kwv tos ntsoov
    saib puas pom rov los.
    Niam thiab txiv hnov poob siab loj
    cuag txoj sia yuav luag tu.

    5 - Leej tub tuag tsis tau lub hleb
    tsoos tsho tsis muaj los hnav.
    Yeem cia av ntse cev
    kom Yes Xus nto npe.
    « Yam lub noob nplej poob hauv av - Mas Tais 13 : 23
    nws nrhau kaus tuaj txi txiv ntau. »

    6 - Neeg lub neej qhov muaj nqes tshaj
    « tsis muaj dab tsi yuav loj dua.
    Uas tau siv nws txoj sia
    cawm nws tus phooj ywg. - Zam 15 : 13
    Tsis muaj dab tsi yuav loj tshaj
    tus uas tau siv nws txoj sia. »

    7 - Yes Xus hais tias «yog leej twg
    plam nws txoj sia vim yog kuv.
    Ces nws yuav rov tau
    nws txoj sia tshiab dua. - Mas Tais 16 : 25
    Thaum kuv rov los muaj hwj chim * 16 : 27
    kuv yuav faib nyias tug rau nyias. »


    Ecrit par madame Le Blanc Sia Neng Marie, en 2007.

    Vérifié par Madame Thoj Tswv Tuam et Monsieur et Madame Thoj Vaj Thaiv.




    Clausura en Trento de la Causa del P. Mario BORZAGA y de Pablo Thoj Xyooj







    Last edited by Maiv Tooj on 8th July 2010, 3:51 am; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 2nd September 2009, 5:03 am







    Xib Hwb Thoj Xyooj tsev neeg mus koom lub Rooj txiav tsav XH. Xyooj thiab TP. Borzaga ua leej Ntshiab Le 17 octobre 2008, à 16h30, (à Trente en Italie),



    Bonjour,

    Comme vous le savez peut-être, le catéchiste THOJ Xyooj Paul et le Père Mario Borzaga (Txiv Plig Txhiaj Tshaj) qui ont disparu au Laos, en 1960, au cours d’une tournée missionnaire, sont considérés comme des témoins de la foi et, le diocèse de TRENTE, en Italie, où est né le Père Borzaga, a décidé d’étudier la cause de leur béatification afin qu’ils soient donnés en exemple à tous les chrétiens.

    Après plusieurs années de récolte de témoignages, l’Archevêque de Trente a admis qu’ils étaient béatifiables. Il a donc clos le dossier de recherche, au niveau de son diocèse et, il vient de l’envoyer à Rome, à la Congrégation des Saints, au Vatican, qui va étudier ce dossier à nouveau afin de conclure et de dire au Pape si ces deux martyrs sont béatifiables.

    Il est important de faire connaître ces deux témoins de la foi et de prier pour que leur cause aboutisse et que l’Eglise reconnaisse leurs mérites. C’est pourquoi nous vous envoyons ci-joints la traduction en hmong des biographies de THOJ Xyooj Paul du Père Borzaga qui ont été écrites en français par le Père Roland Jacques OMI. Cela permettra à ceux qui ne comprennent pas le français de pouvoir lire l’histoire de ces deux hommes, dans leur langue.
    Nous vous demandons, si vous êtes responsable de l’aumônerie ou, si vous dirigez les hmong chrétiens de votre secteur, de faire connaître autour de vous ces deux hommes, de prier pour qu’ils vous aident dans les difficultés ou, pour que le Pape les reconnaisse comme des Saints.

    Toute grâce obtenue est à signaler au Père Angelo Pelis, à Rome ou, vous pouvez nous le dire afin que nous le lui envoyions.
    Merci pour tout ce que vous ferez.

    François et Sia Neng Marie LE BLANC

    Adresse du Père Angelo Pelis :
    Père Angelo Pelis OMI
    Via Bravetta, 332
    00164 Roma Italie


    Khoom mam tuaj txhais ua lus Hmoob






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 14th November 2009, 10:17 am



    Lus tshaj tawm

    Thov tshaj tawm raus kwv tij Hmoob thoob ntiaj teb paub hais tias Vatican tau muab Xib Hwb Xyooj Thoj cov ntawv thov ua Leej Ntshiab khaws cia rau theem yuav tsa ua Leej Ntshiab lawm. Tos saib hnub tag lawv yuav TSA (Canoniser) lawm xwb. Li ntawd zoo siab tias Peb Hmoob Xov tshoj tau muaj ib tug raug xav tsa ua Leej Ntshiab ib hnub tom ntej no.








    Chant pour le Père Borzaga et le catéchiste Xyooj, sur l'air de :
    Sur le seuil de sa maison

    Nkauj rau Txiv Plig TxhiajTshaj thiab Xib Hwb Xyooj




    1 - Txiv Plig Txhiaj Tshaj xib Hwb Xyooj
    neb mus tshaj Yes Xus lub moo
    rau lub zos Phuai Xuab.
    Tau plaub caug xya xyoo.
    Txiv Plig Txhiaj Tshaj xib Hwb Xyooj
    tsis pom neb rov qab los.

    2 - Tsis tau kiag yuav cia xaus li no
    Yes Xus yuav tshoj tsoom ntseeg. Kom lawv lees paub tias
    neb npe rov yug los tshiab
    Tsis tau kiag yuav cia xaus li no
    vim tuag ua Yes Xus tim khawv.

    3 - Thaum tig rov tau ntsib xwv txheej
    txo neb txoj sia ntawm kev.
    Cia ntaj phom ntxus cev
    vim Yes Xus lub npe.
    Thaum tig rov tau ntsib xwv txheej
    cev ntaj ntsug tuag txhub kwj deg.

    4 - Niam thiab txiv hnov poob siab loj
    cuag txoj sia yuav luag tu.
    Muam, tij, kwv tos ntsoov
    saib puas pom rov los.
    Niam thiab txiv hnov poob siab loj
    cuag txoj sia yuav luag tu.

    5 - Leej tub tuag tsis tau lub hleb
    tsoos tsho tsis muaj los hnav.
    Yeem cia av ntse cev
    kom Yes Xus nto npe.
    « Yam lub noob nplej poob hauv av - Mas Tais 13 : 23
    nws nrhau kaus tuaj txi txiv ntau. »

    6 - Neeg lub neej qhov muaj nqes tshaj
    « tsis muaj dab tsi yuav loj dua.
    Uas tau siv nws txoj sia
    cawm nws tus phooj ywg. - Zam 15 : 13
    Tsis muaj dab tsi yuav loj tshaj
    tus uas tau siv nws txoj sia. »

    7 - Yes Xus hais tias «yog leej twg
    plam nws txoj sia vim yog kuv.
    Ces nws yuav rov tau
    nws txoj sia tshiab dua. - Mas Tais 16 : 25
    Thaum kuv rov los muaj hwj chim * 16 : 27
    kuv yuav faib nyias tug rau nyias. »


    Ecrit par madame Le Blanc Sia Neng Marie, en 2007.

    Vérifié par Madame Thoj Tswv Tuam et Monsieur et Madame Thoj Vaj Thaiv.






    Last edited by Maiv Tooj on 30th March 2010, 9:18 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 4th January 2010, 10:26 am


    XH. Thoj Xyooj cuab kwv tij:


    XH. Xyooj Thoj txiv: Thoj Neej Tub

    Cov tub:

    1 Thoj Tswv Nus: Neej Yias, Caiv Vas, Thaj Npis txiv.
    2 Thoj Ntsuab Kim: Txoov Neeb, Kawm, Pov Mab txiv.
    3 Txooj Zeb
    4 Nkias Thoob
    5 Kaus
    6 Tooj Tsawb
    7 XH. Xyooj.



    Hmoob Thoj Roob Nyuj Qus,
    1/ Tus tsis rau khau: Thoj Txooj Zeb ===> XH. Thoj Xyooj ib tug tij laug.
    2/ Yaj Nchaiv Yias==> Zoov Txhiaj txiv[/color]





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 4th January 2010, 10:30 am


    Lus tshaj xo:

    Kwv tij phooj ywg, yog nej leej twg paub txog XH. Xyooj keeb kwm, lub neej thiab nws tes hauj lwm thaum lub caij nws tseem ua neej nyob. Kuv zoo siab txais tos nej cov zaj tuaj txhab kuv lub Tsev no.







    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 16th January 2010, 9:29 am



    XIB HWB THOJ XYOOJ MUS QHIA NTUJ KEV CAI RAU ZOS NPAM NAJ XEES,
    LUANG NAM THA



    XH. Thoj Xyooj thiab TP. Vaj Pov tuaj nyob zos Npam Naj Xees, Xeev Luang Namtha. Xyooj tuaj txog Npam Naj Xees xyoo 1958, lub caij luaj teb thiab nws tau nrog peb nyob ob xyoos.

    Hnub uas Xyooj tuaj txog, nws nug seb tus hauv zos tsev nyob qhov twg. Ces sawv daws dhia zom zaws mus saib « tus hmoob coj xauv luaj npab », seb nws zoo li cas, thiab tuaj qhov twg tuaj, nws tuaj ua dab tsis… ?

    Peb mus coob coob sawv ntsug ze ze ntawm Xyooj nkaws xub ntiag. Neeg tuaj sawv lub tsev puv nkaus.

    Sawv daws ntsia ntsoov saib ob tug neeg ntawd puas txawj ua tej yam txawv zoo saib.

    Xyooj txawj hais lus zoo, nws hais lus luag ntxi rau cov pog laus uas pheej mus kov nws phiaj xauv, kov nws lub kaus mom hmoob thiab nws tej ntiv tes mos nyoos.Yog tej yam uas peb tsis tau pom dua li.Txhua yam uas nws hnav mas txawv kawg, ces sawv daws pheej tham txog nws cov xauv, muab nqa, muab luj sim, sawv daws ho luag dua. Tab sis Xyooj hais lus zoo, luag txhi ua cov kaus hniav dawb paug, ces sawv daws ua twg ywm.

    Xyooj pib hais lus, nws hais tias nws tuaj qhia ntawv thiab qhia nkauj rau cov hluas. Tau peb hnub peb hmos sib law, sawv daws tuaj mloog Xyooj. Hnub peb tus haus zos uas lub npe hu ua Suav Lwm Thoj xub txiav dab ( lawb dab). Ces tib hnub ntawd lub zos Npam Naj Xees sab nraum ub thiab sab nraum no txiav dab tib si. 6 lub hlis tom qab, peb muaj 30 yim hmoob los txais kev ntseeg.

    Xyooj cov lus rau hmoob lub neej thiab lub siab kawg. Nws lub sua zoo mloog ua rau sawv daws nyiam mloog nws hais lus thiab pom tias cov lus nws hais yog ib cov luus thoob tsib, tsis yog lus dag.

    Xyooj yog ib tug nee txawj hais lus thiab nyiam nrog sawv daws tham. Nws kub siab qhia Ntuj kev cai, qhia nkauj teev Ntuj rau cov tub cov ntxhais. Nws hais kom cov laus, cov hluas, cov tub cov ntxhais sawv daws tuaj kawm kev ntseeg, kawm nkauj thiab kawm ntawv hmoob txhua hmo.




    Xib Hwb Xyooj Thoj lis Tswv Ntuj tej dej num zoo li cas ?


    Xib Hwb Xyooj kuvb siab qhia sawv daws. Niaj hnub mas nws ntaus nruas peb zaug hu zej zog li no :

    1- Cov hluas mus kawm ntawv yav sawv ntxov
    2- Cov hluas noj sus tas rov mus kawm ntawv ze thaum 2 teev hnub qaij
    3- Tas zej zog mus kawm Ntuj kev cai hmo ntuj.

    Hnub chiv lub nruas hu tsoom ntseeg mus teev ntuj.

    Xyooj xub qhia Ntuj kev cai rau sawv daws, ces kawm hu nkauj teev Ntuj. Tom qab ntawd mam li pib ua thaj txi Ntuj.

    Txhua zaus, peb mus txog mas Xyooj sawv ncig yeev tos sawv daws. Nws nyiam nrog sawv daws tham. Nws nug lawv txog lwv cov teb, cov nplej, thiab tej kev mus ua teb zoo li cas.
    Xyooj yog ib tug hluas, tsis kav nws hais lus muaj hj chim xws li ib tug Xib Hwb uas tau qhia kev ntseeg ntau wyoo. Nws hais ntau zaus rau peb tias : « Yog luag yuam komm nej tso Ntsuj kev cai pov tseg, mas nej txhob tso ib zaug li. Vim hais tias yog nej tso txoj kev nteeg pov tseg, mas thaum ntawd luag ho muab nej tua kiag, ces nej yeej mus dab phem teb xwb xwb li. »

    Thaum peb kawm kev ntseeg, mas Xyooj hais ntau zaus txog kev tuag, vim Ntuj Kev Cai. Kev raug luag tsim txom, vim yus ntseeg Ntuj. Muaj ib zaug nws tuaj hauv niam tais Vam Nyiaj Thoj tsev, kuv mloo gn wns nrog tus pog laus tham li no: " Thaum nej teev dab, mas dab tshaib plab, ces dab tom nej, nej thiaj mob. Nej tsis pub rau dab noj, dab cab tau nej mus. Txij hnub nej tig los ntsee Huab Tais Ntuj, mas dab tom tsis tau nej. Txog hnub Huab Tais Ntuj hu nej, mas nej mam mus saum ntuj xwb."



    Tu sau: Paj niam Txhiaj Vwj yaj.



    Last edited by Maiv Tooj on 28th April 2011, 9:51 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 12th February 2010, 10:51 am



    Cov hauj lwm peb pom Xyooj niaj hnub ua:

    - Nws rau siab qhia nyuj kev cai txhua hmo, tsis nruam ib hmos li.
    -Hnub Chiv tsaus ntuj hu tsoom ntseeg mus teev Ntuj.
    -6 hnub nws qhia ntawv rau cov hluas uas niaj hnub kawm ntawv ntawm nws.
    - Niaj hnub muaj neeg tuaj thov tshuaj kho mob. Hmoob tsis kam mus thov tshuaj ntawm TP. Vaj Pov, vim nws tsis paub hais ib los lus Hmoob lis.Nws hais lus nrov cuag nthe, ces sawv daws ntshai thiab txaj muag thov tshuaj ntawm Txiv plig.Sawv daws tso siab rau Xyooj, lawv xub mus cuag Xyooj tso, ces Xyooj mam coj cov Hmoob mus rau Txiv Plig Vaj Pov. Ntau zaus twb tsaus ntuj lawm, Hmoob tseem tuaj tos nws mus xyuas neeg mob.

    Muaj ib zaug, Xyooj Teem poob pob tsuas sab kawg. Xyooj tseem mus thov ntuj rau ib tug mob nyob tim Qub Zog lawm. Lawv txib kuv tus niam laus Lig wb mus hu Xyooj. Wb khiav mus ib ntus kev deb, mus txog tim lub Qub Zog, hauv Ncaiv Neeb Vwj tsev. Xyooj tseem teev Ntuj rau lawv. ( Lawv tseem tab tom hais zaj " Tus Zoo Tswv zov Yaj). Wb tos ntev hauj sim, Xyooj pheej teev Ntuj tsis tas li, ces kuv cia li mus hais Xyooj tias: " Txiv dab Xyooj, Yawm Teem poob pob tsuas sab sab, lawv kom koj mus tyim zos." Xyooj thiaj li tso tseg, nrog peb los rau tim peb zos.

    Tas lub zos nyiam Xyooj tus cwj pwm. Lawv sawv daws nqa zaub nqa mov tuaj rau nws thiab rau Txiv Plig. Txiv Plig muaj ib lub txaj rau cov neeg mob tau pw thaum lawv tuaj kho mob. Lub txaj ntawd muaj Hmoob cov zaub thiab dib puv nkaus. Muaj tej yav kab tsib, tej ntwg txiv ntoo de tom hav zoov los. Ntau zaus, Xyooj muab cov dib, cov zaub kom ob peb yim Hmoob nqa mus tsev. Vim noj tsis tag.

    Yog luv 5 hlis, mas tus hau zos Suav Lwm Thoj hu zej zog kom mus txiav ntoo ua tsev rau Txiv Plig nyob thiab tsev kawm ntawv. Xyooj nrog peb mus txiav ntoo, kwv ntoo nce roob los ua tsev.

    Thaum peb ua tau lub tsev kawm ntawv lawm, mas peb niaj hnub mus kawm ntawv nruab hnub. Hmo ntuj Xyooj kom peb qhia ntawv Hmoob rau cov laus uas xav kawm. Xyooj hais ntau zaus rau tsoom neeg tias:
    1- Nej yuav tsum kawm kom paub txaus, nej thiaj tau txais lub Cim Ntxuav. Nej thiaj yog Ntuj cov me nyuam, uas yuav tau mus saum Ntuj.
    2- Cov ua niam ua txiv yuav tsum npaj tsoos tsho rau tej me nyuam, tab yog nej tsis tau hnav zoo los tsuav cov me nyuiam tau hnav.
    3- Cov Ntseeg yuav tsum tso tub ntxhais mus kawm ntawv. Tsis yog yuav tso cov tub kawm xwb, yuav tsum tsos cov ntxhais mus kawm thiab.
    4-Yog tus tub ntxhais twg tsis tau kawm nruab hnub, mas yuav tsum tuaj kawm hmo ntuj. Xyooj tau muab ob peb tug ntxhais Hmoob nyob Roob Nyuj Qus uas tau kawm ntawv los ua piv txwv rau peb. Cov ntxhais ntawd cov npe yog: Diav, Nkauj Mog thiab Yiv.

    Tej lus nov raug cov Hmoob siab kawg. Lawv hais tias nws hais yog lawm, yuav tsum ua li nws hais.

    Thaum noj Peb Caug tas, pib xyoo 1960, ces Xyooj qhia peb tias nws yuav rov qab mus tsev. Tsis muaj leej twg paub tias vim li cas.

    Hnub Xyooj rov qab mus nws lub zos Roob Nyuj Qus, mas tas tsoom nsteeg coob coob xa Xyooj mus ib ncua kev deb deb. Kuv nrog cov ntxhais dhia saum tej ntug kev xa nws mus thiab. Thaum peb mus deb lawm, mas Xyooj kom sawv daws rov qab, tab sis sawv daws pheej tssi rov li. Cov pog laus quaj quaj, Xyooj nres, nws muab tes pos qhov muag, nws quaj. Ces peb nrog nws quaj. Nws ke quaj, ke hais rau peb tias:"Kuv niam thiab kuv cov niam ntxawm, kuv cov kwv thiab cov muam, nej rov qab mog! Ntshe kuv yuav tsis rov qab pom nej ib zaug ntxiv lawm." Ces nws rov quaj dua.

    Tsis ntev tom qab, Xyooj sau ntawv tuaj rau peb. Nws hais tias: "Kuv yuav mus qhia Ntuj Kev Cai rau Hmoob nyob lub zos Phaj Xuab. Kuv yuav qhia Ntuj Kev Cai txog thaum luag muab kuv tua kiag."
    Tsab ntawv no yog tsab kawg uas peb tau hnov Xyooj moo.

    Thaum Txiv Plig Txiaj tshaj thiab Xyooj nkaws mus qhia Ntuj Kev Cai rau lub zos Phaj Xuab rov los txog ib tog kev, mas cov neeg ntxub cov Tawv Dawb thiab ntxub Ntuj Kev Cai muab nkaws tua tuag rau ntawm Pha Lak Pha Kouai lawm.

    Xyooj yog leej twg?

    Xib Hwb Xyooj yug nyob Roob Nyuj Qus. Nws txiv hu ua Neej Tub Thoj. Nws txiv tuag thaum Xib Hwb Xyooj tseem yau. Nws niam tu nws hlob. Nws tau mus kawm ntawv nyob Paksane xyoo 1955-57 tej.

    Xyoo 1958, nws nrog TP. Vaj Pov mus qhia kev ntseeg rau cov Hmoob nyob lub xeev Luang Nam Tha, hauv lub zos Naj Vas.

    Xyoo 1960, Xyooj rov qab mus zos Roob Nyuj Qus, yuav rov kawm txuj ntxiv. Lub 4 hlis xyoo 1960, thaum ua Hmoov Hla tas, Xyooj nrog TP. Txiaj Tshaj mus qhia kev ntseeg thawj zaug nyob lub zos Phaj Xuab. Thaum rov qab los, luag thiaj tua nkawd ob leeg rau ib tog kev. Cov nyob tim zos Roob Nyuj Qus thiab zos phaj Xuab tsis muaj neeg paub li. Sawv daws nrhiav tsis tau nkawd lub cev.

    Tus sau: Paj, niam txhiaj Vwj Yaj.



    Last edited by Maiv Tooj on 27th October 2010, 10:20 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 30th March 2010, 9:17 am





    Thoj Qhua Xab teev cov npe:

    - Sab laug rau xis : -phauj Luv Thoj, niam Lis Nkaj Teev, TP. Zoov Phooj (Père Zanoni), niam Txhiaj Tsom Xyooj (Yeev thoj) Txhiaj Tsom, Xyooj, Nkhiav Yaj, Thoj Nom Neeb (kuv tij laug) , Mab Yaj, Thoj Xyooj (tus ntoo kaus mom khi txoj hlab ntaub uas nqa

    pem Hmoob Luam Naj Thas los, Xyooj Nom Phiab, Tsheej Thoj, Txos Xyooj, tus kawg yog TP. Txhiaj Tshaj. Ntawm no,

    yog ntawm ntug kev thaj ntawm Roob Nyuj Qus, lub tsev vov vuas yaj them yog ib tug Los Tsuas nyob, thiab ob lub

    tsev hmoob sab tod, lub pem toj zog yog Tswv Vab Xyooj lub, lub ze nram hav no yog Txhiaj Suav Xyooj lub



    – Sab laug rau xis : Yaj Zam Nob Thoj Tshu Hwj (tus hnav hkaub ncaws nplog), Yaj Txoov Yeeb thiab Thoj Tsav Ntxaij (yog kuv txiv).




    – Sab Xis rau laug : Tus Fab Kis tuaj hwj txwv, yog Tswv Qhia Losdrect, 2 tug hluas Hmoob, tus sawv ze lub pej thuam mas tsis paub

    zoo, tus kawg yog zoo li Thoj Nkias Thoob (Xyooj tij laug). Thaj tsam chaw no, yog nyob ntawm lub pej thuam , nrug

    kwv yees li 2 lav kev (km) rau ntawm zos Roob Nyuj Qus.




    XH. Xyooj Thoj niam Ntxhais Yaj




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 17th November 2011, 5:51 am



    Cov Txiv Plig Fab Kis tuag ua Tim Khawv kev ntseeg nyob LOs Tsuas teb, ua ntej 1975.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Xib Hwb Thoj Xyooj lub neej

    Post  Maiv Tooj on 17th November 2011, 6:00 am



    Cov tsev teev Ntuj nyob Nplog teb.


    Cov Txiv Plig thiab Leej Phauj tau tsim tau ntau yam zoo, ntau lub tsev Ntawv loj, muaj ntau theem ntau qeb, ntau lub tsev teev Ntuj loj nyob rau Los Tsuas teb. Tab sis thaum teb chaws ncuav 1975, tau muab tso tseg rau tseem hwv Los Tsuas los yog Tseem Hwv muab lws lawm. Nyob Vees Cam tsuas tshuav thawj thawj lub Tsev teev Ntuj uas hu ua Sacrée Coeur (Yes Xus lub Siab Txiv Ntuj) nkaus xwb, cov tsev Ntawv ntawm ib sab los lawv kuj lws tag nrho lawm. Zaum no Tswv Qhia Kham Sé kuj tau thov nyiaj ntawm cov Los rtsua thoov ntiaj teb mus tsim tau ib lub zoo nkauj heev rau Paksé, yog thawj lub tsev kawm Leej Choj uas muaj nyob Nplog teb. Nej saib hauv nov, yog lub uas zoo nkauj tshaj thiab tshiab dua.





    Sponsored content

    Re: Xib Hwb Thoj Xyooj lub neej

    Post  Sponsored content Today at 3:41 am


      Current date/time is 10th December 2016, 3:41 am