HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


5 posters

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 15th September 2009, 9:36 am


    TXIV PLIG NYIAJ POV



    Ib haiv neeg uas yus nyiam

    lawv tsis tag yus siab ntsws,

    yus ciaj tsis taus lawv haiv,

    paub tsis tau lawv cov lus,

    tuag tsis taus rau lawv pam.

    Kuv nyiam nej haiv Hmoob...





    Last edited by Maiv Tooj on 2nd December 2010, 9:29 am; edited 5 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 15th September 2009, 9:59 am



    TXIV PLIG NYIAJ POV TXOJ KEV CAWM SEEJ



    Ntawm no mus  ____________yog kuv suab lus  
    Thov xa rau  __________Txiv Plig Nyiaj Pov  
    Raws li hnov  __________Tswv Ntuj leej tub  
    Koj muaj lub  _________zoo txiaj zoo ntsim  
    Lub hwj chim  __nyob rau tsev neeg twj lij
    Niam thiab txiv  __________tau tu koj hlob  
    Yug los nyob  _________Tswv Ntuj xub ntiag  
    Muaj tseeb tiag ___thaum koj muaj 12 xyoos  
    Ua koom txoos  ______thiab nyiam Tswv Ntuj  
    Koj npaj txuj  ________tuaj qhia peb Hmoob  
    Me nyuam Hmoob  _______muaj coob muaj ntau  
    Koj hais rau  ________txhua leej txhua tus  
    Kom nthuav mus  ______kawm txawj kawm ntse  
    Nyob ua ke______________tsis cem tsis khib  
    Leej tub txib  __________siab loj siab dav  
    Txaj chaw lav  ____________sib faib rau pw  
    Raws txoj lw  ____ntawm Tim Tswv Yes Xus
    (Huab Tais kav lub ntuj lub teb)  
    Tau los mus_____________txhiv peb lub txim  
    Thiaj khiav dim  ________tus me ntsuj plig  
    Ho los tig  ____________thaum koj tuaj mus  
    Roob Nyuj Qus ________xyoo 195 ntxaiv(zéro)  
    Huab tais xaiv  _______txiv plig Nyiaj Pov  
    Plaub hlis rov  _________hnub tim kaum xya  
    hnov moo ncha  _________Tswv Ntuj hlub peb  
    txawm nyob deb  _______txhob poob kua muag  
    kev sib cuag  ________pem ntuj ceeb tsheej  
    muab xam txheej  _____________xyoo 1 9 4 8  
    Txiv Plig fim  _________tuam ceeb Vees Cas  
    Hmoob txuj ncha  __________os yog muaj koj  
    Yuav tau soj  ____________koj lub zim txwv  
    Tus neeg khwv  _______kev muaj txiaj ntsim  
    Yuav los fim  ___________koj txoj kev ncaj  
    Tswv Ntuj txhab  _________leej me tub txib  
    Koj npaj pib  __________los yug dua tshiab  
    Kua muag iab  ________kom Hmoob txhob muaj  
    Txoj kev quaj  ______kom Hmoob txhob ntsib  
    Yam tsob dib  ____________luag cab puv toj  
    Yuav nco koj  __________tej me txiaj ntsim  
    Mus ib sim  ___________tsis muaj hnub ploj  
    Thov kom koj________________mus nyob ze ze  
    Zaum ua ke  ____________nrog Huab Tais Ntuj  
    Koj tej txuj  ___________kom nws nthuav loj  
    Rov los coj  ___________peb ib tsoom ntseeg  
    Tus zoo neeg  ______________mus zoo koj mog  
    Thov nco txog  __________peb ib tsoom Hmoob  
    Pem toj roob  ___________hauv hav nyob txhua  
    Peb yeej tshua  _________txiv plig Nyiaj Pov  
    Peb yuav thov  _____________Tswv Ntuj rau koj  
    Txiaj ntsim loj  _______kom koj tau txais mog ... txiv plig
     


    Tus sau: Maiv Tooj Lis.
    Fab Kis teb.
    Tim 10 lub 6 hli 2007


    post-348-1181675035_thumb.jpg




    Last edited by Maiv Tooj on 14th November 2021, 5:52 am; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 16th September 2009, 9:10 am




    Hmoob tus Niam Ntawv



    Txiv Plig Nyiaj Pov
    yug Hnub tim 30 lub 7 hli xyoo 1921,
    hauv lub zos Prinquiau, ze Nantes, Fab Kis teb.

    Nws txais lub cim tiag tes ua Leej Choj
    hnub tim 6 lub 10 hli xyoo 1946 Nws muaj 25 xyoos.

    lub 12 hli tim 23, 1947,
    nws sawv kev ntawm Fab Kis teb mus tshaj ntuj lus,
    rau los tsuas teb.

    Tim17 lub 4 hlis xyoo 1950
    Txiv Plig pib mus qhia ntuj kev cai rau hmoob.

    Txiv Plig thiaj xuas tes sau phau ntawv « A.E.T.» xyoo 1954.

    Xyoo 1961 Txiv Plig Nyiaj Pov
    npaj qhib ib lub tsev txais cov tub tuaj kawm
    ua xib hwb Tsev Hauv Paus Tshaj Ntuj Lus.
    Ib lub tsev txais cov ntxhais tuaj kawm ntawv.

    Lub 4 hlis tim 20, 1975, cov Txiv Plig thiab cov Xib Hwb sib sau sab laj nyob Simuong, lawv sib faib cuab tam, sawv daws thiaj khiav tawm lub teb chaws Los Tsuas.





    TP.Nyiaj Pov Hmoob tus cawm seej.pds.mp4



    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Puag_n10

    Txiv plig Nyiaj Pov Hmoob tus cawm seej.

    1-Ntawm no mus-------------------------kuv thov los sau
    Muab xa rau-----------------------------Txiv Plig Nyiaj Pov
    Raws li hnov-----------------------------Tswv Ntuj leej tub
    Koj muaj lub----------------------------me zoo txiaj ntsim

    2-Lub hwj chim--------------------------- haiv neeg twj lij
    Koj npaj txhij--------------------------lub keeb puam chiv
    Niam thiab txiv------------------------------tau tu koj hlob
    Yug los nyob---------------------------Tswv Ntuj xub ntiag

    3-Muaj tseeb tiag----------------------koj kaum ob xyoos
    Ua koom txoos--------------------thiab nyiam Tswv Ntuj
    Koj npaj txuj-------------------------tuaj qhia peb Hmoob
    Nyob pem roob---------------------muaj coob muaj ntau

    4-Koj hais rau-------------------------txhua leej txhua tus
    Kom nthuav mus---------------kawm txawj kawm ntse
    Nyob ua ke--------------------------------tsis cem tsis khib
    Leej tub txib--------------------------------siab loj siab dav

    5-Txaj chaw lav------------------------------sib faib rau pw
    Raws txoj lw----------------------------ntawm Vaj Yes Xus
    Tub cev lus---------------------------tshaj Tswv Ntuj Moo
    Nqes lis loo------------------------------theej peb lub txim

    6-Thiaj khiav dim-------------------------tus me ntsuj plig
    Yuav zuag tig-------------------------thaum nws tuaj txog
    Teb chaws nplog---------------------rau thaum lub xyoo
    Suav pib loo---------------------ib cuaj tsib ntxaiv (1950)

    7-Ntsib Hmoob haiv------------------neej pluag ploj plus
    Roob Nyuj Qus-----------------------tuaj nrog cawm haiv
    Huab tais xaiv----------------------------txiv plig Nyiaj Pov
    Plaub hlis rov---------------------------hnub tim kaum xya

    8-hnov moo ncha---------------------Tswv Ntuj hlub peb
    Txawm nyob deb------------------txhob poob kua muag
    Kev sib cuag--------------------------pem ntuj ceeb tsheej
    muab xam txheej------------------------ib cuaj plaub yim

    9-Txiv Plig fim-------------------------tuam ceeb Vees Cas
    Hmoob txuj ras----------------------------los yog muaj koj
    Yuav tau soj--------------------------------koj lub zim txwv
    Tus neeg khwv-----------------------kev muaj txiaj ntsim

    10-Tau txheej txhim---------------------kho txoj kev ncaj
    Tswv Ntuj tshaj-----------------------------leej me tub txib
    Koj npaj pib------------------------------los yug dua tshiab
    Kua muag iab-------------------kom Hmoob txhob muaj

    11-Txoj kev quaj----------------kom Hmoob txhob ntsib
    Yam tsob dib------------------------------cab hmab puv toj
    Yuav nco koj------------------------------tej me txiaj ntsim
    Mus ib sim------------------------------tsis muaj hnub ploj

    12-Thov kom koj--------------------------tau mus nyob ze
    Zaum ua ke----------------------------nrog Huab Tais Ntuj
    Koj teeg txuj---------------------------kom nws nthuav loj
    Rov los coj-----------------------------peb ib tsoom ntseeg

    13-Tus zoo neeg--------------------------mus zoo koj mog
    Thov nco txog-----------------------peb ib tsoom Hmoob
    Pem toj roob-------------------------------lub zej zos txhua
    Peb yeej tshua---------------------------txiv plig Nyiaj Pov

    14-Peb yuav thov-----------------------Tswv Ntuj rau koj
    Txiaj ntsim loj----------------------------kom koj tau txais
    Yuav zuag hais--------------------------tej lus ntos txheeb
    Pib chiv keeb------------------tsim ntaub ntawv Hmoob

    15-Muab tseb thoob---------------rau Hmoob qab ntuj
    Teeg Hmoob txuj------------------thiab txeeg Hmoob ci
    Sawv tuaj ntxhi--------------------------ua tus cawm seej
    Pab Hmoob neej----------------------nyob rau Los Tsuas

    16-Lus qhuab ntuas-----------------qhia Hmoob yaj sab
    Tuaj nrog pab--------------------------qhia txuj ntau yam
    Pib nthuav tham----------------------txog ntawv las tees
    Muab cob ntsees-------------------los ua Hmoob ntawv
    Coj sau sawv-------------------------hais Hmoob lus meej

    17-Hmoob txhua leej----------tuaj kawm nchuav ntws
    Sawv coj plws---------------------hlub tsev neeg Hmoob
    Nyob pem roob---------------------------los yog nram tiaj
    Kev tsim txiaj----------------------nthuav los txhawb nqa

    18-Thiaj tau xa------------------------ntau leej tub kawm
    Li tau tawm----------------------------------tuaj Fab Kis teb
    Daim av deb-----------------------------nyob ntuj Aws Luv
    Raws li kuv --------------------------paub qhov tseeb tiag

    19-Hmoob pib kiag----------------------tau tuaj kawm deb
    Fab kis teb-----------------------------------nws yog Yaj Tsab
    Yog thawj pab------------------------------Nyiaj Pov xa tuaj
    Hmoob thiaj muaj----------------------txoj hau kev kawm

    20-Li tau tawm-----------------------tuaj txawv teb chaws
    Laj txheej ntxaws--------------------Hmoob pom kev deb
    Raws ntiaj teb-------------------------------txoj kev ua neej
    Hmoob txhua leej-------------------------thiaj li hwm nws

    21-Txoj kev plws----------------txhawb nqa Hmoob neej
    Muaj ntau leej-------------------------------los koom ua ke
    Nrhiav lub npe------------------------------los rau kom zoo
    Hmoob tis loo---------------------------nws npe Nyiaj Pov

    22-Sawv los thov--------------------Tswv Ntuj txoj hmoo
    Kom pov loo-------------------------------tsev neeg yaj sab
    Nyob kab ntsab---------------------------kom kaj siab nrig
    Tawm tuaj ncig------------------------xyuas txhua lub zos

    23-Hmoob txais tos---------------------nws txoj kev hlub
    Ntuj tau pub------------------------------Txiv Plig tus kheej
    Los qhia meej----------------------------txoj kev cai tshiab
    Hmoob toj siab-----------------------------tau Ntuj lus zoo

    24-Nyob muaj hmoo----------------muaj txiag nplua nuj
    Kev tshav ntuj------------------------Hmoob pom kev dav
    Lub ntuj tshav----------------------rau Hmoob lawm ntau
    Lub neej dhau-------------------------yeej muaj tseeb tiag

    25-Neej kaj liag-------------------------vim muaj tus tswv
    Txoj kev khwv-----------------------kom neej Hmoob zoo
    Nyob nto moo-------------------------raws neeg ntiaj teb
    Nws thiaj ntxheb-----------------nrhiav hauv kev tawm

    26-Txoj kev kawm-----------------------------luag li txuj ci
    Sib pab ntxhi--------------------kom Hmoob txawj txhua
    Kev ua qhua----------------------------txawj koom ua pab
    Nyob yaj sab------------------------muaj tsev teev hawm

    27-Qhia Hmoob kawm------------------Tswv Ntuj tej lus
    Paub coj mus----------------------------thov kev zam txim
    Kom peb dim----------------------txoj kev txhaum txheej
    Nrog muaj neej------------------------mus sib haum xeeb

    28-Nyob thaj yeeb--------------------------mus tag ib sim
    Koj txiaj ntsim----------------------------yuav nto moo lug
    Hauv txhua tus ---------------------neeg Hmoob lub siab
    Nyob ib txhiab----------------------------tsis ploj tsis qaug

    29-Thov ua tsaug----------------------leej twg hnov txog
    Thov ho nrog-------------------kuv muab ntos txheeb
    Yam uas tseeb-----------------------Nyiaj Pov tau tsim
    Tej txiaj ntsim--------------------nws tau pab Hmoob

    30-Peb feem coob---------------------yeej to taub meej
    Nws tus kheej------------------tsim tau Hmoob ntawv
    Tsa Hmoob sawv-------------------nrog muaj neej zoo
    Coj Hmoob loo---------------------tuaj rau ntuj tshiab
    31-Kev kaj siab--------------------------Fab Kis Av Me
    Nyob ua ke------------------------------tau noj tau hnav
    Muaj tsheb tsav-----------------------muaj liaj teb zoo
    Nyob nto moo-------------------------neej kab siab lug

    32-Hmoob muaj tug-----------------nrog luag ua neej
    Nyob peem tsheej----------------muaj suab muaj npe
    Tho txoj ke------------------------rau Hmoob tau taug
    Ua nws tsaug---------------------------tsis tag tsis kawg

    33-Txawm txoj yawg------------------tso lub ntiaj teb
    Hais txog peb--------------------ib tsoom neeg Hmoob
    Tuav lub koob -------------------------coj lub npe mus
    Peb txhua tus-----------------------------ua neej tos koj

    34-Rov los coj--------------------pawg ib txwm ntseeg
    Koj pab neeg-------------------------nws ib txwm hlub
    Ntuj tau pub-----------------------------koj ua leej txiv
    Coj peb ntxiv------------------------rau neej pem suab

    35-Tswv Ntuj muab-----------txoj hmoov dua tshiab
    Los cog siab-------------------------ua Hmoob leej txiv
    Rov los chiv-----------------------------yug dua ib zaug
    Kom hmoov raug---------------------los hlub peb dua

    36-Txog kev tshua--------------------peb nco koj tshaj
    Nyob saum yaj-------------------------tos koj txhua tus
    Koj ncaim mus---------------------tso hmoov roos peb
    Hmoob ntiaj teb----------------------noj qab nyob zoo
    Txhiab pua xyoo----------tseem nyob tos koj…mog ! TP.NyiajPov

    Tus sau: Maiv Tooj,
    Fab Kis teb. Lub 6 hli 2007.
    Tus kho thiab ntxiv: Vaj Nruas,
    Radio HmongWord, Wisconsin, USA.
    Tim : 26-05-2012



    Last edited by Maiv Tooj on 11th June 2012, 11:35 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 23rd September 2009, 8:02 am



    COV NTAWV HMOOB R.P.A. SAWV LOS ZOO LI CAS?




    Javouhey, Nkws Yas teb, 1991.
    Txiv Plig Nyiaj Pov


    Kuv yug ze ntawm Nantes nyob Fuaj Kuj, yog hnub tim 29 lub 7 hli 1921. Kuv muaj 5 xyoos ces tau pib kawm ntawv nyob hauv peb lub zos. Thaum hnub nyug 13 xyoos, tau ncaim kuv tsev neeg mus hauv tej lub nroog deb li 50km tej, kom tau kawm txuj txheej nrab ( middle thiab Secundary). Tau ua li ntawd mus txog xyoo 1940. Ces pib kawm txheej siab mus txog xyoo 1947. Lub 12 hli ntuj 1947, kuv tau caij nkoj ntawm Marseilles mus rau Saïgon (Ho chi Minh ville). Hnub tim 17 lub 2 hlis 1948, tuaj txog Vees Cam, Los Tsuas teb. Kuv xub kawm lus Los Tsuas txog lub 12 hlis 1949, nyob hauv lub zos Los Tsuas hu ua Pak San, nyob ntawm tus ntug dej Naj Khoos. Ces tus tswj xa kuv mus nyob Luang Prabang, Los Tsuas Qaum teb.




    TP. Nyiaj Pov thaum muaj 6 xyoo.




    TP. Nyiaj Pov muaj 12 xyoo, ua Cummunion Solennelle

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-348-1171817401

    TP. Nyiaj Pov tsev neeg


    - Vim li cas kuv thiaj tuaj Nplog teb?

    Kuv yuav teb meej rau nej, tej zaud nej yuav xav luag kuv, tab sis kuv hais qhov TSEEB, kuv tsis zais dab tsi li. Muaj qe leej yuav to taub zoo cov lus kuv yuav sau tseg nov.

    Kuv tuaj nyob Los Tsuas teb yog vim li no:

    "Yog vim kuv niam kuv txiv yog ob tug neeg ntseeg tis Yes Xus yog tus Cawm Seej. Ib txwm kuv tau ntseeg li nkawd thiab. Luv xyoo kawg uas kuv kawm ntawv nyob hauv kuv lub zos, muaj ib hnub kuv tau hnov Tswv Ntuj lub suab tshoj kuv siab kom kuv npaj lub neeg mus tshaj Yes Xus cov lus rau pej kum teb, rau tej haiv neeg uas tseem tsis tau paub txog Yes Xus.Los txog tav no los kuv tseem nco ntsoov thaj chaw uas kuv hnov lub suab ntawd. Thaum ntawd kuv muaj 12 xyoos. Vim li ntawd kuv thiaj kawm txuj ntev xyoo thiab tuaj txog ib lub teb chaws uas thaum kuv yau yau kuv tsis tau hnov hais txog ib zaug li! Kuv zoo siab tias yog txoj hmoov uas Ntuj npaj rau kuv taug tiag."

    Txij no mus pib hais txog cov ntawv Hmoob sawv los thiab ri mus.


    Txuas ntxiv lwm zaus


    Last edited by Maiv Tooj on 5th October 2009, 7:37 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 24th September 2009, 5:25 am



    Nyob pem Roob Nyuj Qus, kawm lus Hmoob. 1959.




    Lub 12 hlis 1949, kuv tuaj txog Luang Prabang. Nyob ib ncig ntawm Luang Prabang muaj ntau haiv neeg nyob xws li: Cov Los Tsuas, Mab Daum, Co, Hmoob ( thaum ntawd kuv paub lub npe hu ua Méo los Miao no xwb).

    Kuv yuav npaj lub neej nyob hauv Haiv neeg twg?

    Kuv tus Tswj hais rau kuv tias kuv yuav mùus nrog haiv neeg twg nyob. Ces kuv nrog ib tug hluas Los Tsuas mus xyuas tej zej zog nyob ib ncig. Lub 3 hli 1950, kuv txiav siab meej tias kuv yuav mus nrog Hmoob nyob pem ib lub zos Hmoob hu ua Roob Nyuj Qus. Hnub tim 17 lub 4 hlis ntuj 1950, kuv thauj ob peb yam toob xib tuaj nrog Hmoob nyob kiag. Txij hnub ntawd los txog tav nov kuv tsis tau ncaim ntawm haiv Hmoob li.
    Thaum ntawd, lub zos Roob Nyuj Qus muaj 70 lub tsev Hmoob li Hmoob. Lawv yog ib cov Hmoob Dawb, lub roob siab li 1400mev. Lub zos txawm nyob ze ze ntawm lub ncov roob. Muaj ib txoj kev tsheb meem av hla ram qab zog.


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Bscap036

    Thawj tug Hmoob uas txais kuv mus nyob hauv nws tsev yog Yaj Txawj tswb thiab nws tus tub Yaj Zam Nob. Kuv nyob hauv lawv tsev tau 3 lub hlis. Kuv tsis muaj nyiaj yuav ntias luag ua tsev, kuv thiaj thov Txawj Tswb kom nws pab kuv hais rau lub zos Hmoob tias kuv xav nrog lawv nyob, kom nws pab thov lawv phua txiag ntoo kom txaus ua ib lub tsev rau kuv nyob. Tas sawv daws huv si yog ib cov Hmoob tev dab qhuas. Kuv yog ib tug Txiv Plig. Lawv tsis to taub tias vim li cas kuv thiaj xav nrog lawv nyob. Vim lawv puav leej xav teev dab qhua li qub, lawv tsis thov kom kuv tuaj nrog lawv nyob. Txawj tswb thiab Zam Nob kuj yog ob tug txiv neeb txiv yaig. Kuv tau hais rau lawv tias kuv yeej yog ib tug neeg qhia kev ntseeg txog Yes Xus, tab sis kuv paub tias lawv yuav tsis txais kev ntseeg ntawd sai. Kuv tsuas xav nrog lawv nyob, kawm lus Hmoob, noj haus xws li Hmoob.
    Kuv paub tshuaj Fuaj Kuj me ntsis, thiab tus hluas Los Tsuas nrog kuv nyob paub ntawv Los Tsuas. Yog lawv pab kuv ua tsev mas kuv yuav rau siab kho lawv cov neeg mob raws li kuv ua tau, thiab yuav qhia ntawv los tsuas rau lawv cov tub. Lub 7 hli ua tau tsev vov nplooj kuj yem tiav lawm.





    Yaj txawj tswb nkawd ob niam txiv.



    Yaj Zam Nob



    Muaj 3 tug tub hluas muaj 12 xyoo tuaj nrog kuv nyob ua kuv luag, vim kuv yog ib tug neeg coj lub neej nyob tab seeb. Peb tug tub ntawd npe hu ua: Yaj yeeb, Thoj Hwj thiab Tsab Huas. Lawv peb leeg yog ib co Hmoob nto moo nyob hauv lawv lub zos cov tub. Lawv kawm lus Los Tsuas thiab lus Fuaj Kuj hauv kuv tsev. Lawv qhia lus Hmoob rau kuv. Peb mus yos nqaij, mus tsham cov zos nyob ib ncig, mus nram Luang Prabang, tu vaj tu tsev, txiav taws rauv, ua zaub noj, mus xyuas Hmoob hauv cov zos, kho lawv cov neeg mob; peb ua ke ntau, kuv thiaj tau kawm luv Hmoob zoo li ntawd. Thaum ntawd kuv muaj 29 xyoos.

    Kuv kawm lus Hmoob mas tsis yooj yim, vim tsis muaj ntawv Hmoob. Thawj lub hlis, kuv lam tsim kuv cov ntawv Hmoob raws li ntawv Fuaj Kuj. Peb tug hluas uas nrog kuv nyob lawv kuj zoo siab kawm. Thawj cov ntawv Hmoob ntawd, kuv siv ib ntus li 3 xyoo.

    Nyob ahuv lub zos, muaj ib cov phooj ywg muaj 30 xyoo tej li kuv. Hmo ntuj kuv mus nrog lawv tham, nug lawv txog Hmoob kev cai. Lawv kuj qhia tej zaj dab neeg rau kuv. Kuv muab los sau tseg rau hauv ntawv.
    Xyoo 1951, cov laus tua ib tug npua ua ib rooj mov hauv kuv tsev, lawv tis npe rau kuv hu ua Nyiaj Pov.


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-348-1183494591_thumb

    Phouthène Tswb Tsab & TP. Nyiaj Pov.

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-348-1185024219

    Yaj yeeb & Thoj Hwj


    Last edited by Maiv Tooj on 5th February 2010, 8:49 am; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 26th September 2009, 9:58 pm


    Xyoo 1953, tsim cov Ntawv Hmoob Thoob Teb.



    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Bscap011

    Roob Nyuj Qus 1950



    Tib lub caij uas kuv mus tsa tsev nyob pem Hmoob nyob Roob Nyuj Qus, nrug deb 80 km ntawm Luang Probang, Naj Fab, kuv hnov tias nyob Xeev Kham deb li 250 km rau sab hnub tuaj, muaj ib tug xib hwb Mis Kuj Plos Tes Taas mus tshaj Yes Xus lub moo zoo nyob hauv cov zos Hmoob. Nws kuj tsim nws cov ntawv Hmoob thiab. Tab sis kuv tseem tsis tau ntsib nws ib zaug li.

    Xyoo 1953, lub 3 hlis, kuv mus nyob ob peb hnub nram Luang Prabang, kuv ntsib dua lawm tus Xib Hwb Plos Tes Taas hu ua Roff. Kuv hais rau nws tias:

    "Nej cov Plos Tes Taas nej muaj ib tug Xib Hwb nyob Xeev Kham, nws tsim ib co ntawv Hmoob. Kuv nyob Luang Prabang no, kuv kuj tsim kuv ib co thiab. Tshua tsis ntev nej yuav qhia nej cov ntawv rau ib cov Hmoob nyob tid, kuv yuav qhia kuv cov nyob ntawm no. Peb muaj ob hom ntawv sib txawv. Lwm hnub, cov Hmoob nyob Los Tsuas Teb yuav muaj ob hom ntawv Hmoob sib txawv. Peb sawv daws yuav sib ntsib puas tau, kom peb sib hais haum los siv tib co ntawv sau lus Hmoob, thiaj yuav zoo rau tsoom Hmoob?"

    Yawg Roff hnov kuv hais li ntawd, nws pom zoo, ces ob peb hnub tom qab nws tuaj hais rau kuv tias nws nrog nws tus phooj ywg nyob Xeev Kham teem caij kom peb tau sib ntsib nyob Luag Prabang. Nws hais tias nws yuav caw ib tug kws txuj linguist (kws txuj tsim Ntawv) tuaj. Kuv hais tias kuv yuav coj ob tub hluas Hmoob tuaj thiab: peb xav tsim ib co ntawv Hmoob, phim yuav mauj ib co Hmoob nrog peb, vim lawv yuav hais cov lus Hmoob meej dua peb cov pej kum neeg rau tus kws txuj Linguist mloog. Lub 4 hlis ntuj, xyoo 1953, peb sawv daws sib ntsib ib lis piam nyob Luag Prabang. Cov sib ntsib yog cov no :

    Yawg Burney uas yog ib tug Xib Hwb Plos Tes Taas nyob Xeev Kham (Evan-gelist). Nws tab tom kawm lus Hmoob Ntsuab. Nws muaj nws cov ntawv uas nws tsim. Yuav qhia cov suab siab suab qis (tones) nws siv cov xam phaj 1,2,3... (piv li: kuv mus ua teb = ku3 mu2 ua4 te7.)

    - Yawg Smalley, uas yog tus kws txuj paub Linguistic thiab Phonetic, tab sis tsis paub lus Hmoob li.
    Ob tug Hmoob: Yaj Yeeb thiab Thoj Hwj uas nkawd nrog kuv nyob Roob Nyuj Qus tau peb xyoos los lawd. Nkawd twb txawj sau kuv cov ntawv Hmoob. Sau cov suab siab qis li no: K'u mu ua tê.

    Thiab muaj kuv: thaum ntawd kuv tau khaws cov lus Hmoob Dawb ntau hauj sim lawm. Kuv muaj 3.000 tawm daim ntawv khaws cov lus Hmoob, npaj ua ib phau ntawv Txhais Lus Hmoob FuajKuj.

    Peb sib ntsib peb tav su. Yawg Smalley saib cov ntawv uas yawg Burney siv nyob Xeev Kham, nws saib cov ntawv kuv siv nyob Roob Nyuj Qus. Nws nug ob tug hluas Hmoob ntau zaus kom nkawd hais lus Hmoob meej meej rau nws pob ntseg, kom hnov tseeb.

    Peb xeb sib hais tsim ib co ntawv zoo li no:

    Ib : Tsuas xaiv tej txwm ntawv uas ib txwm muaj nyob hauv cov tshuab ntaus ntawv.
    Ob : Yuav tsim ib co ntawv kom haum txoj cai Phonetic thiab kom ua logical system.
    Peb : Xav qhia cov suab siab los qis, peb txhob siv ib co xam phaj, vim tsis zoo saib,

    Thiab txhob siv tej lub cim nyob saum qaum txoj kab los nyob hauv qab txoj kab, vim tsis zoo saib thiab cov tshuab Fuaj Kuj los Mis Kuj ntaus tsis tau cov cim ntawd.

    Peb sawv daws cia tus kws txuj Smalley txiav txim kom tau hauj lwm tiav. Hnub tim 5 hauj lwm tiav lawm. Peb sawv daws sib cog lus tias txij no mus peb yuav siv cov ntawv Hmoob ntawd, txhob muaj tus hloov dab tsi. Cov ntawv Hmoob Dawb thiab lus Hmoob Ntshuab xws li cov Hmoob nyob peb teb chaws niaj hnub siv kam. Tom qab, peb tau tis npe rau cov ntawv Hmoob ntawd hu ua: Ntawv Hmoob R.P.A los ntawm Romanized Popular Alphabet.

    Peb ua li ntawd tas ces peb nyias rov mus nyias tsev. Los txog xyoo 1997, peb thiaj rov hloov npe hu ua "Ntawv Hmoob Thoob Teb" vim peb pom tias hom ntawv Hmoob no ri mus deb zuj zus thiab tsoom Hmoob siv nyob tas ntiaj teb lawm.


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Smalle10



    Yaj Yeeb thiab TP. Nyiaj Pov 1952


    Last edited by Maiv Tooj on 5th October 2009, 3:41 am; edited 2 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 29th September 2009, 7:00 am



    Thawj pab Hmoob
    kawm cov Ntawv Hmoob Thoob Teb nyob Roob Nyuj Qus,
    xyoo 1953 txog rau xyoo 1959.







    Kawm kev ntseeg thaum tsaus ntuj, Roob Nyuj Qus 1950



    Tau ib co ntawv Hmoob uas sawv daws sib cog lus siv mas kuv siab. Tam sim ntawd, nyob Rob Nyuj Qus, kuv ua thawj phau ntawv qhia nyeem ntawv Hmoob. Kuv xuas tes sau, vim thaum ntawd kuv tseem tsis tau muaj ib lub tshuab ntaus ntawv.

    Xyoo 1954, tau ib lub tshuab ntaus ntawv thiab ib lub tshuab luam ntawv nyob hauv kuv lub zos, ces peb luam thawj phau qhia nyeem ntawv Hmoob ua 100 riam.

    Cov tub cov ntxhais nyob Roob Nyuj Qus niaj hmo tuaj kawm, tej tus laus kuj kawm thiab. Tug puav Hmoob uas nyob hauv cov zos tsis deb tsis ze lawv hnov tias muaj ntawv Hmoob lawm, mas lawv kuj tuaj kawm thiab.

    Ua li ntawd mus txog xyoo 1959. Tau luam tawm ib phau ntawv khaws cov dab neeg me ntsis. Tab sis cov ntawv Hmoob tsis rim mus sai, yog vim peb lub zos tsis muaj tej tus nom tswv Hmoob txheej siab uas yuav qhuab qhia tsoom pej xeem kom rau siab kawm. Thiab tus thawj pwm tsav los tsuas nyob Vees Cas hnov hais tias peb ua ib co Ntawv Hmoob mas nws tsis pom . Nws hais tias yog Hmoob yuav tsim ib co ntawv mas yuav tsum siv cov txwm ntawv Los Tsuas thiaj yog. Peb nyob deb ntawm nws, peb thiaj tsis quav ntsej.

    Xyoo 1959 kwv yeej muaj li 100 leej paub ntawv Hmoob. Ib nrab yog cov nyob Roob Nyuj Qus. Ib nrab yog tej pabnyob hauv cov zos nrug deb li ib hnub los ob hnub kev nyob ib ncig ntawm lub Roob Nyuaj Qus, Xws li Phas Las Mus, Phus Xas Nees los Phaj Thoob.

    Txij xyoo 1954 los rau xyoo 1959, tsuas muaj 5 los 6 yim Hmoob txais kev ntseeg Yes Xus xwb. Lawv kuj kawm peb cov ntawv, thiab kuv pib txhais Yes Xus lub moo zoo zaj puav los ua lus Hmoob.

    Xyoo 1955, ib tug Hmoob Yaj qhia kuv sau ib thaj neeb tseg hauv ntawv. Tom qab, ib tug kws txuj Fuaj Kuj, nws tau muab cov lus Hmoob los luam nyob hauv ib phau ntawv nto moo loj nyob hauv cov kws txuj Xib Fab: yog Bulletin de I’Ecole Francaised’Extreme Orient. Yog thawj zaug uas cov Ntawv Hmoob Thoob Teb tshwm nyob hauv cov kws txuj lawv tej phau ntawv. Txij ntawd los, cov kws txuj Xib Fab sau tej phau ntawv piav txog haiv Hmoob nyob Xov Tshoj zaum twg mas lawv puav leej siv cov Ntawv Hmoob Thoob Teb los sau.

    4. Ntawv Hmoob rim us txog lub xeev Xas Niam, Moos Loob, Xas Nyab Npus Lis, pem hauv Naj Khoos, Xyoo 1959.

    Xyoo 1959 ntawd, lub 4 hlis, ob tug Hmoob Roob Nyuj Qus tau nrog kuv caij dav hlau mus nyob 15 hnub hauv lub xeev Xas Niam (Sam Neua), vim ib co Hmoob nyob teb chaws ntawd xav txais kev ntseeg. Thaum rov qab los, 6 leej tub hluas nrog kuv caij dav hlau tuaj kawm 6 lub hlis nyob Roob Nyuj Qus.

    Lub 12 hlis xyoo 1959, peb sawv daws ntiav ib lub dav hlau rov mus nyob txawm Xas Niam. Peb tau nyob Xas Niam ib xyoos thiab 8 lub hlis. Ntau leej tub ntxhais hauj sim pib kawm ntawv Hmoob nyob hauv lub xeev Xas Niam.

    Xyoo 1959, ib co Txiv Plig Is Tas Lias tuaj nyob Moos Loob, lawv muaj ob peb tug rau siab kawm lus Hmoob. Ob peb xyoos tom qab, lawv txhim ob lub tsev kawm ntawv loj nyob Xas Nyab Npus Lis, ib lub nyob hauv cov zos Hmoob pem hauv Naj Khoom. Nyob hauv cov tsev kawm ntawv ntawd, cov tub, cov ntxhais hluas siv ntawv Hmoob. Cov zos Hmoob txais kev ntseeg nyob hauv tej xeev ntuj ntawd lawv puav leej siv cov ntawv Hmoob thiab.

    Tib xyoo 1959 ntawd, cov Xib Hwb Plos Tes Taas ua nyob Tsheej Maim, Thaib Teb, lawv kuj luam ib phau ntawv Moo Zoo ua lus Hmoob Dawb. Lawv muaj ib lub tsev qhia txuj siab nyob Tsheej Maim. Tej yim Hmoob pib txais kev ntseeg, ces cov Xib Hwb thiaj luam ntawv Hmoob rau lawv.

    Yuav nug tias vim li cas yog ib co neeg Tshaj Ntuj Lus thiaj qhib kev qhia ntawv Hmoob li ntawd?


    Yog vim li no :


    Peb nrog Hmoob nyob, kawm lus Hmoob, niaj hnub nrog Hmoob sib fim, muaj phooj ywg Hmoob coob, peb yuav tsum sau tej zaj lus Hmoob tseg thiab xa tej tsab ntawv rau peb tej phooj ywg. Nyob hauv peb tej kev sib fim ua si, peb siv lus Hmoob, nyob hauv peb tej hauj lwm qhia kev ntseeg peb kuj siv lus Hmoob.
    Cov Hmoob paub ntawv lawv kuj zoo siab sib sau ntawv, sib qhia ntawv, thaum 6 xyoo ntawd, ntau zaus yog cov txais kev ntseeg thiaj qhia ntawv rau cov teev dab qhuas. Tsis yog thawj zaug uas cov neeg tsim ib co ntawv yuav yog cov neeg tshaj Yes Xus lub Moo Zoo. Tus tsim cov ntawv Cob Tsib yog Txiv Plig A. de Rhodes (1591 txog 1660). Nyob ntiaj teb ntshai muaj ntau pua haiv neeg siv ib co ntawv uas cov neeg Tshaj Ntuj Lus thaud lawv tau tsim. Thaud, cov hauj sam kuj tau tsim ntawv. Cov ntawv Suav kuj yog cov neeg teev dab puag txheej thaud lawv tau pib sau thawj cov txwm ntawv Suav, vim yus muaj ib zog uas yus xav piav rau luag khaws tseg ces yus thiaj siv ntawv: yog tias tsis muaj ntawv mas yus tsim tshiab.




    Qhib hauj lwm nyob Vees Cas. Xyoo 1961 txog 1962.






    Lub 9 hlis, cov Koom Tshaj Liab uas nyob Cob Tsib Teb tuaj ntaus Xas Niam (Sam Neua). Thaum ntawd, muaj ze ntawm 15 lee tub hluas Hmoob nrog kuv kawm txuj npaj yuav ua Xib Hwb qhia kev ntseeg nyob hauv lub xeev Xas Niam.

    Xas Niam poob, cov Xib Hwb nyias khiav mus nyob nyias zos. Kuv khiav thiab, tsis tos kom luag ntes yus. Peb tug tub hluas Hmoob nrog kuv khiav 4 lub hlis hauv hav zoov ces tuaj tshawm Moos Loob. Peb nrog cov Txiv Plig Is Tas Lias nyob. Tas txhia lo lus Hmoob uas khaws tseg txij xyoo 1950 los rau 1961, mas kuv tso pov tseg tas huv si nyob Xas Niam, kuv dim cev qhuav xwb. Los nyob Moos Loob, kuv txiav siab tias yuav ua ib phau ntawv Txhais Hmoob Dawb-Fuaj Kuj. Nruab hnub, 2 tug laus Hmoob thiab 4 tug tub hluas nrog kuv tshawb nrhiav cov lus Hmoob kom txhij kom txhua. Hmo ntuj, kuv txhais los ua lus Fuaj Kuj. Siv zog ua 7 lub hlis nyob Moos Loob ces peb tsiv los nyob hauv lub nroog Vees Cas. Tshuav yuav muab cov lus Hmoob thiab Fuaj Kuj los ua ib phau ntawv zoo luam. Yog xyoo 1964 thiaj tau kev muab luam nyob Vees Cas. Yog thawj phau ntawv Txhais Hmoob Dawb-Fuaj Kuj. Yog ib phau ntawv muaj 584 phab, phab twg kuj muaj 70 txoj kab. Tas huv si kwv yees muaj 40,000 txoj kab. Xyoo 1978 , nyob rov luam tawm zaum ob nyob Bangkok.

    Xyoo 1969, nyob Tseej Mai, Thaib Teb, tus Xib Hwb Plos Tes Taas hua ua Ernest E. Heinbach kuj ua thawj phau ntawv Txhais Lus Hmoob Dawb Aas Kiv. Nws phau ntawv muaj 490 phab, phab twg kuj muaj 50 kab tej. Tas huv si, kwv yees muaj 24,000 txoj kab. Vim muaj tej phau ntawv Txhais Lus li ntawd, mas cov kws txuj nyob Xib Fab tau zoo kev kawm lus Hmoob.

    Li ntawd, txij xyoo 1961 los mas peb tsiv los nyob Vees Cas, vim cov teb chaws uas Hmoob nyob raug kev tsov kev rog, tsis nyob thaj yeeb. Kuv xa tej tsab ntawv mus hu cov tub hluas uas pib kawm nyob Xas Niam kom lawv rov tuaj kawm ntxiv nyob Vees Cas. Kuj tseem hu tej tus uas nyob Moos Loob thiab nyob pem hauv dej Naj Khoos tuaj.

    Tos tsis ntev muaj ze ntawm 15 leeg tub hluas tuaj txog Vees Cas. Peb rov qhib dua ib lub tsev kawm ua Xib Hwb qhia kev ntseeg: lawv siv ntawv los Tsuas me ntsis thiab kawm ntawv Fuaj Kuj me ntsis, tab sis cov txuj mas lawv kawm ua lus Hmoob. Ces kuv thiaj pib ua ntau phau ntawv qhia txuj ua lus Hmoob.



    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Thawj_12
    cov kawm ua xib hwb nyob Vees Cas, raws li yus ntsia cov duab, pib sab laug tuaj,
    tus 1, Yaj Koov Tooj (tus siab) (Yaj Txoov Yeeb tus kwv)
    tus 2, Thoj Nom Neeb
    tus 3(xauj nram qab tuaj), Lauj Fav Tswb (nyob Lyon)
    tus 4(Pem Fav Tswb hauv ntej), Yaj Tswv Nkaub
    tus 5, Yaj Vam (Yaj Txoov Yeeb tus kwv)
    tus 6, ................
    tus 7, Lis Nkaj Teev (tus qis), (nyob Fab Kis)



    Last edited by Maiv Tooj on 24th January 2012, 3:31 am; edited 8 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 4th October 2009, 9:57 am





    Cov tub ntxhais hluas ntau pua leej tuaj kawm nyob Vees Cas. Xyoo 1963 txog xyo 1975.





    Lub caij ntawd, cov hauv toj, hauv pes uas Hmoob ib txwm nyob lawv raug kev tsiv, kev rog loj zuj zus. Cov tub cov ntxhais hluas khiav los kawm txuj nyob hauv tseem hwv cov tsev qhia txuj hauv lub nroog Vees Cas. Cov ntau tsis muaj tsev nyob hauv nroog. Lawv thov los nrog cov kawm Xib Hwb nyob ib lub tsev. Chaw tsis txaus sawv daws nyob, ces thiaj tau txhim tej lub tsev dav kom zoo txais neeg coob los nyob. Peb kuj txhim tej lub tsev txais cov ntxhais.

    Hauv cov ntxhais lub tsev muaj 50 los 60 leej tej. Hauv cov kawm Xib Hwb muaj 30 tawm leej. Cov tub hluas kawm txuj hauv lub nroog nrog peb nyob ua ib tse muaj 70 los 80 leej.

    Cub li peb tsim ob lub zos Hmoob nyob hauv plawv nroog Vees Cas. Ua zoo li ntawd mus txog xyoo 1975: thiaj muaj ntau pua leej tub ntxhais tau kawm ntawv Hmoob nyob Vees Cas. Tseem muaj lwm cov hluas Hmoob uas lawv nyob hauv lawv tej tsev nyob hauv lub nroog Vees Cas, feem coob kawm ntawv Hmoob thiab. Tib lub caij ntawd, cov Txiv Plig Is Tas Lias lawv kuj txais ntau leej tub ntxhais tuaj kawm nyob Moos Loob thiab nyob Xab Nyob Npus Lis. Cov Plos Tes Taas lawv muaj ib lub tsev qhia ib co Xib Hwb nyob Vees Cas. Yog lub caij ntawd cov Ntawv Hmoob thiaj pib ri mus sai. Vim cov hluas nyob hauv nroog lawv kawm ntawv Hmoob, thiab lub caij lawv rov mus pem rob lawv tseem qhia ntawv rau lawv cov phooj ywg. Cov Xib Hwb qhia kev ntseeg ntau leej mus nyob txawm peb roob, lawv qhia ntawv Hmoob rau cov hluas hauv cov zos uas lawv nyob. Vim peb lub Tsev Hauv Paus nyob Vees Cas muaj tej lub tshuab ntaus ntawv thaij tej lub tshuab luam ntawv, peb muaj 3 leeg ntaus ntawv thiab luam ntawv mus li. Zaum puav, peb tseem ntiav cov koom haum hauv nroog kom lawv luam ntawv rau peb. Vim peb nyob hauv nroog loj mas ua yam twg kuj yooj yim dua thaum lub caij uas peb nyob pem roob deb deb ntawm cov nroog. Muaj ib tug poj niam Hmoob hu ua Yaj Diav, nws tau ntaus ntawv Hmoob 15 lub xyoos nyob hauv peb lub tsev hauv paus Hmoob nyob Vees Cas. Tsis yog tias nws ntaus ntawv xwb: nws tseem tu kom ua tej phau ntawv huv thiab nws muab luam. Los txog tav no, tseem tsis tau muaj lwm tus Hmoob tau luam ntawv ntau npaum li nws ua.


    Ib ntus ntev li 15 xyoos, tsim ntau yam ntawv tshiab nyob Los Tsuas Teb.


    Txij xyoo 1960 los mus rau xyoo 1975 peb luam tej tsab ntawv Sib Fi Xav los ntawv Xov Xwm. Yog cov tub kawm txuj thiab tej tus laus ua tub Tseem Hwv lawv ua cov ntawv Xov Xwm. Ob lub hlis los peb lub hlis luam tawm ib zaug thiab xa mus rau cov paub ntawv Hmoob tib si nyob Los Tsuas Teb.

    Nyob hauv peb lub tsev hauv paus nyob Vees Cas, cov tub thiab cov ntxhais xyaum tsim tej zaj hu nkauj thiab xyaum paj nruag. Niaj xyoo, rov txog lub caij ua lub peb caug lawv ua tej zaj Yaj Yaum zoo saib. Tej ntawd, yav thaud cov Hmoob nyob Los Tsuas Teb lawv tsis muaj li. Cov pib ua thawj zaug yog cov hluas nyob Vees Cas. Ces niaj xyoo thiaj muaj tej pab tshiab nyob Moos Loob, nyob Xas Nyab Npus Lis, nyob Looj Ceeb lawv xyaum ua raws li cov nyob Vees Cas.

    Looj Ceeb yog lub nroog tshiab uas cov tub rog Hmoob nyob ze ntawm ib vam leej nyob ua ke. Lawv muaj nyiaj hnub, nyiaj hli noj. Xyoo 1966 los 1967, ib pab Mis Kuj pab lawv qhib ib lub chaw Tshaj Xov Tooj Cua hais lus Hmoob nyob Looj Ceeb.

    Tab sis kawm yog lub tsev hauv paus Hmoob nyob Vees Cas Xwb, thiaj tsim ntawv Hmoob ntau tshaj. Xws li:
    Phau Xyaum Nyeem Ntawv Hmoob. Rov luam tawm 4 zaug los 5 zaug ua ntau txhiab phau.
    Ntawv Theej Ntiaj Teb. Phau ib, phau ob thiab phau peb. 400 phab loj.
    Koom Txoos Liv Xwm. Phau ib, phau ob, thiab phau peb. 500 phab loj.
    Qhia Tshuaj Kho Mob. Muaj 12 phab.
    50 Zaj Nyeem Piav Txog Lub Sim Ceeb. Muaj 180 phab.
    Kwv Txhiaj. 200 phab.
    Tej Zaj Yees Siv Ua Si. 120 phab.
    Kab Tshoob Kev Kos. 160 phab.
    Dab Neeg. 206 phab.
    Txoj Kev Tu Tub Ki. 80 phab.
    Tsa Lub Neej. (Qhia cov hluas npaj siab tsa lub neej). 260 phab.
    Paj Cai Sawv Ntaus Rog Nyob Los Tsuas Qaum Teb. (1918-1921). 35 phab.
    Tej Zaj Ua Si Lom Zem. 40 phab.


    Dua li ntawd tseem tau luam ib co ntawv qhia kev ntseeg, muaj ze li ntawm 15 phau sib txawv, tab sis cov ntawv qhia kev ntseeg, kawg yog cov txais kev ntseeg lawv thiaj nyeem. Hos lwm cov ntawv li hais saum no mas tas tsoom Hmoob paub ntawv lawv sib txeeb, luam tawm npaum li cas kuj tsis paub txaus. Cov Plos Tes Taas nyob Tseej Maim, Thaib Teb. Lawv kuj luam phau ntawv “Bible” ( Txhais tias: Ntawv Ntshiab, los Vaj Tswv Lus Kub) thiab lawv luam ob peb phau me ntxiv. Tug puav Hmoob lawv kuj luam ob peb phau. Ces xyoo 1975 nyob Los Tsuas teb ntshai muaj 30 los 35 phau ntawv Hmoob Thoob Teb nyob Los Tsuas Teb: phau puav muaj 50 phab xwb, cov ntau muaj 200 los 300 phab. Tej phau muaj tshaj 500 phab loj.

    8-Ntawv Hmoob Thoob Teb ( RPA)yuav ri mus sai dua nyob Los Tsuas Teb puas tau ?


    Tau xwb, tab sis muaj ob peb yam ua kom ri mus qeeb hauj sim.

    Ib: Yog vim tseem hwv Los Tsuas tsis pom zoo kom haiv Hmoob muaj ntawv. Lawv xav kom sawv daws kawm tib co ntawv Los Tsuas xwb. Ces tab txawm yog tej lub tsev kawm ntawv nyob pem zos Hmoob uas tsuas muaj me nyuam Hmoob xwb, tsis muaj ib tug me nyuam Los Tsuas, los tseem hwv tsuas kheev kom qhia ntawv Los Tsuas, tsis pub qhia ntawv Hmoob.
    Ob: Kuj yog vim cov nom tswv Hmoob lawv tsis quav ntsej rau ntawv Hmoob. Lawv nrog tseem hwv Los Tsuas ua hauj lwm, lawv tsuas siv ntawv Los Tsuas, ces lawv tsis kub siab ntuas tsoom pej xeem Hmoob kom kawm ntawv Hmoob. Lawv kuj tsis hais ib lo lus rau tseem hwv Los Tsuas kom tso lus qhia ntawv Hmoob nyob hauv cov tsev kawm ntawv pem zos Hmoob.
    Peb: Xyoo 1996 tej, cov Plos Tes Taas xav kom tseem hwv zoo siab rau lawv ces lawv tsim ib co ntawv Hmoob uas siv cov txwm ntawv Los Tsuas los sau lus Hmoob. Nyob Thaib Teb, lawv kuj siv ib co txwm ntawv Thaib los sau lus Hmoob. Zoo li luag tsis xav kom cov Hmoob nyob Thaib Teb thiab cov nyob Los Tsuas Teb thiab cov nyob lwm teb chaws lawv tau kev sib fim hauv ntawv, ces ua kom nyias teb chaws muaj nyias ib hom tawv los sau hais lus Hmoob. Tab sis nyem no zoo li tsis pom siv cov txwm ntawv Los Tsuas los sau lus Hmoob. Tsis kwv muaj ib ntu 10 xyoo tej uas tau tso Ntawv Hmoob Thoob Teb pov tseg.

    Thiab cov Plos Tes Taas lawv tsuas ua ib co ntawv qhia kev ntseeg xwb, tsis ua ib phau ntawv khaws cov txuj Hmoob zoo siv rau cov teev dab qhuas.

    Li ntawd, yuav hais tau tias ntawv Hmoob tau ri mus nyob Los Tsuas Teb, mas chiv thawj yog vim cov tub Tshaj Ntuj Lus xav kom tau ib txog kev sib cev lus. Hos tos tsis ntev Ntawv Hmoob Thoob Teb ri mus tas qhov txhia chaw yog vim cov tub hluas thiab cov ntxhais hluas rau siab siv qhia ntawv, cov pej xeem sib qhia lawd, tsis hais cov ntseeg Yes Xus los cov teev dab qhuas. Vim sawv daws pom tias txoj kev muaj ntawv yog ib yam muaj qab hau.


    Txij xyoo 1975 los, cov ntawv Hmoob Thoob Teb ri mus nyob hauv cov yeej thoj nam nyob Thaim Kuj.



    Lub 5 hlis xyoo 1975, yog li lub zim txwv loj nyob hauv tsoom Hmoob Los Tsuas zaj liv xwm. Yog lub caij uas ntau vam tus Hmoob Los Tsuas pib khiav mus nyob Thaim Kuj. Txij lub caij ntawd los txog tav no, ntshe muaj txog 70,000 leej khiav tawm hauv Los Tsuas Teb mus. Tam sim no, xyoo 1991 no, tseem tshuav 35,000 leej Hmoob nyob hauv cov yeej thoj nam nyob Thaim Kuj.

    Chiv thawj xyoo 1976 tej, muaj 5 lub yeej uas Hmoob khiav los nyob coob. Tej lub muaj 5,000 leej nyob, tej lub yog ib vam tawm leej nyob. Tom qab, lub yeej haum kuj coj tsoom thoj nam Hmoob los nyob hauv ob lub yeej loj. Ntu uas muaj thoj nam Hmoob coob tshaj nyob Thaim Kuj, xws li cov xyoo 1983-1988 tej, mas muaj tshaj plaub vam leej. Lub caij ntawd muaj 30,000 leej Hmoob nyob lub yeej thoj nam Vib Nais.

    Cov xub khiav los ua neeg thoj nam tab tom yog cov neeg paub txuj, paub ntawv, tuav tej hauj lwm loj hauj sim nyob Los Tsuas Teb, ntshe yog thawj zaug uas nyob hauv liv xwm Hmoob yuav muaj tej lub nroog uas muaj ib vam leej, los peb vam leej nyob ua ke tsheej xyoo, lawv tsis muaj hauj lwm dab tsi yuav ua. Cov hluas coob leej kawm ntawv. Ntawv Los Tsuas, ntawv Thaib, ntawv Yeeb, ntawv Fuaj Kuj, ntawv Suav, lawv kuj kawm tib si.

    Lawv kuj kawm ntawv Hmoob. Cov hluas hais sib haum ces lawv qhib tej pab kawm ntawv Hmoob. Tsis ntev, piv li xyoo 1979 los xyoo 1980 ces muaj ntau txhiab leej paub cov ntawv Hmoob Thoob Teb.

    Txij xyoo 1975 los, ntau txhiab leej Hmoob pib tsiv mus nyob Mis Kuj, Fuaj Kuj, Aus Thas Lias, Kas Nas Das, As Zees Tis Nas thiab Nkws Yas. Cov nyob hauv yeej yuav tsum kawm ib co ntawv thiaj tau kev xa ntawv mus rau cov tsiv mus. Tej tus siv cov ntawv Los Tsuas. Tab sis lawv siv cov Ntawv Hmoob Thoob Teb ntau dua.

    Tej tus kws txuj tuaj pej kum teb tuaj tshuaj txog Hmoob kev ua neej nyob hauv cov yeej, lawv siv cov Ntawv Hmoob Thoob Teb. Muaj ntau lub Koom Haum pej kum teb tuaj pab cov thoj nam. Tej lub Koom Haum siv cov Ntawv Hmoob Thoob Teb. Xws li cov Zis Pees uas lwv tsim ib lub tsev luam ntawv nyob hauv lub yeej Vib Nais, lawv luam cov Ntawv Hmoob Thoob Teb.

    Xyoo 1983, lub Koom Haum ESF (Ecoles Sans Frontieres) qhib tej lub tsev qhia ntawv. Lawv kuj qhia cov Ntawv Hmoob Thoob Teb rau cov hluas thiab rau tej cov laus. Cov tswj lub Koom Haum ESF lawv rov luam tej phau ntawv uas peb xub ua nyob Los Tsuas Teb. Lawv kuj tsim ob peb phau ntawv tshiab ntxiv.






    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Thawj_12

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-312
    Cov Tim Hwb Vees cam 1966

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-310

    Cov ntxhais Nong Bone 1963
    Ntxhais Nong Bone (cov hnav Hmoob)
    tus 1, (pom ib sab) phauj Npai Muas
    tus 2, Yias Yaj (Yang Dao tus muam)
    tus 3, Mim Yaj, Niam thaj khu Muas Liab (Yaj Dao tus muam)
    tus 4, Paj Vaj (niam Txhiaj Vwj Yaj)
    tus 5, (tus nyob nram qab), Tswb Xyooj
    tus 6, Rhia Vwj
    tus 7, Nplias Yaj (Yaj Daus tus muam)
    tus 8, Kab Yeeb Vwj

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-348-1194901344_thumb

    Cov ntxhais hauv Nong Bone 1972

    Leej nram qab sab lauj rau sab xis:

    tus 1, Phauj Xis
    tus 2, phauj Paj Yaj (niam Qhua Xab Thoj)
    tus 3, Qawm Yaj (Tsuj Xyooj Yaj ntxhais, TP Cwj Vuam Chiv Yaj tus muam))
    tus 4, Kiab Yaj ( Kiab Hlob, los yog Kiab Xaiv Pov, nyob Guyane)
    tus 5, Kiab Yaj (niam Neej Vaj Lis nyob Orleans) (Yog xav paub cov npe kom zoo thiab kom tas nug tais Kiab)
    tus 6, Souk ( Lauj Pov Lis tus ntxhais)
    tus 7, Cua Yaj
    tus 8, Moune Sou
    ( Xib Hwb qhia txiav khaub ncaws thiab ua zaub mov)
    tus 9, Npliaj Yaj

    Leej pem hauv hauv ntej sab lauj rau sab xis:

    tus 1, Kiab Thoj ( Niam As Cas Lis Xab)
    tus 2, Kiab Yaj (Niam Zoov Ntxhais Tsab nyob Guyane)
    tus 3, Maiv Vaj (Niam Tsav txhiaj Hawj)
    tus 4, Ntxhais Thoj ( Suav Lwm)
    tus 5, Cib Xyooj;
    tus 6, Téo ( Lauj pov Lis tus ntxhais)

    Leej nruab nrab, ntawm Phauj Xis xub ntiag, sab lauj tuaj

    Tus 1, ...
    tus 2, Ntxheb Xyooj
    tus 3, Lib Vwj, nyob Paris

    Leej nruab nrab pem toj no, sab lauj tuaj:

    tus 1, Kiab Tsab?
    tus 2, Xis Yaj, tus nraim ntawm Kiab Yaj Yau nraub raum. ( Txoov Yeeb)
    tus 3, Npauj yaj, ntawm Cib Xyooj nraub qaum ( Zoov Ntsxheb tus ntxhais)





    Cov tub nyob hauv Foyer Simuang, Vees Cam 1973-74

    Kab tom qab sawv ntsug sab lauj rau sab xis:

    1-Vaj Riam, 2-Vwj Ntxhos, 3-Xyooj Hwm, 4-Yaj Ntxawg, 5-Xeeb Thoj, 6-Tsab Pov Muas, 7-Lis...(Lis Yis tus kwv), 8-Yaj Tub, 9-Lis Zeb, 10-Lis Tub Muas, 11-Yaj Hwj, 12-Thoj Yias, 13-Xyooj Laj, 14-Muas Npis, 15-Los Lis, 16-Lis Kuam, 17-Yaj Tooj, 18-Lis Yeeb, 19-Muas Nplooj, 20-Yaj txhiaj.

    Kab pem hau, zaum tsaws sab lauj rau sab xis:

    1-Vaj Ntxawg, 2-Vaj Yaj, 3-Yaj looj, 4-Vwj Kaub, 5-Muas Pob Zeb, 6-Lis Qhua, 7-Lis Nraum, 8-Thoj Suav, 9-Yaj Mas, 10-Yaj Muas, 12-Vwj Pov.



    Kab pem toj sawv ntsug, sab lauj rau sab xis:
    1-Yaj Muas (loj), 2-Yaj Ntxawg, 3-Tsab Pov Muas, 4-Lauj tswb, 5-Thoj Yias, 6-...?, 7-Lis Neeb, 8-Yaj Tub, 9-Thoj Xeeb, 10-Thoj Xeeb, 11-Lis Yis, 12-Lis Lauj pov, 13-Yaj Npis, 14-Thoj Tsheej.

    Kab nruab nrab lauj rau xis:
    1-Yaj Kuam, 2-Lis Tub Muas, 3-Vaj Riam, 4-Yaj Tooj, 5-Yaj Pov, 6-...?

    Cov zaum pem hauv ntej lauj rau xis:
    1-Xyooj Laj, 2-Vwj Pov, 3-Lauj Xeeb, 4-Yaj Looj, 5-Yaj Luv, 6-Muas Nplooj, 7-Vaj Ntxiag.

    Cov tub kawm ntawv tuaj muab TP. Nyiaj Pov lub tsev ua chaw so,
    mus kawm ntawv hauv Tseem Hwv cov tsev kawm ntawv txheej siab.





    Last edited by Maiv Tooj on 29th June 2016, 8:48 am; edited 10 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 29th October 2009, 8:54 am

    Peb mloog TP. Nyiaj Pov cov lus 2002
    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Bertrais

    http://www.hmongrpa.org/hmongrpa.wma


    Last edited by Maiv Tooj on 30th October 2009, 6:40 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 30th October 2009, 5:56 am



    Yog peb muaj ob tug POV tshwm sim rau Tiam20 no ua ke los pov 3Hmoob:

    -GN.Vaj Pov txhawb txhim kev Tswj Hwm, coj Hmoob mus rau txoj kev Vam Meej.

    -TP. Nyiaj Pov txhawb txhim Txuj Ci Hmoob, tsa Hmoob Hwj Chim.

    - Peb thiaj vam meej ib zaug heev tshaj plaws hauv keeb kwm hmoob.

    KUV UA NEB OB LEEG POV TSAUG NTAU NTAU RAU TXHUA YAM UAS NEB TAU UA ZOO RAU PEB HAIV HMOOB.


    * Siab zuag cuag nplooj nqeeb, siab dawb cuag paj yeeb.
    Siab zuag cuag nplooj dos , siab dawb cuag plawv qos
    * Sib qhia thiaj txawj ntse, sib pab thiaj tsis ciaj luag qhev.



    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) S
    GN. Vaj Pov




    TP. Nyiaj Pov


    Last edited by Maiv Tooj on 3rd March 2011, 9:13 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 30th October 2009, 7:22 am


    Txiv Plig Nyiaj Pov nyob Roob Nyuj Qus.





    Thoj Tsav Ntxaij, Yaj Zam Nob, Thoj Nom Neeb, Thoj Qhua Xab,
    TP. Jean Drouart, TP. Nyiaj Pov,
    Yaj txoov Yeeb, Thoj Tshu Hwj


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Bscap037


    Last edited by Maiv Tooj on 20th November 2009, 6:09 am; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 31st October 2009, 4:20 am


    LUS HMOOB CIAJ SIA



    E-mail: xiavue@hmongunionmarket.com
    Webpage: www.hmongrpa.org

    Lo lus "Lus Hmoob Ciaj Sia" yog Txiv Plig Nyiaj Pov ua tus xub hais tawm kom peb Hmoob yuav tsum tig rov los tsim peb cov lus Hmoob, thiab rov los hais lus Hmoob ib tsam ploj lawm. Txiv Plig hais tias: Lwm haiv neeg, luag tuaj nyob teb chaws no, luag txawm tsis kawm, txawm poob lus lawm los, luag muaj ib lub teb chaws, muaj cov neeg hais luag hom lus. Muaj ib hnub twg, cov poob lus lawm mam rov mus kawm dua los tau. Peb cov Hmoob mas tsis muaj teb chaws. Cov nyob teb chaws vam meej yog cov yuav muaj peev xwm, muaj txuj, lawv yog cov yuav tuav lus Hmoob mus yav tom ntej".

    Yog koj tus uas tseem nyeem phab ntawv no ras txog, koj yuav tau npaj ib txoj kev saib koj yuav khaws koj cov lus Hmoob li cas thiaj li yuav tsis ploj. Koj yuav tsim li cas koj thiaj muaj lus Hmoob hais raws tau cov txuj tshwm sim.

    Muaj tus puav, kawm txuj siab hauj sim, xav hais tias nws loj txaus, nws tib leeg thiaj muaj peev xwm, nws muaj cai muab cov ntawv Hmoob kho lwj kho liam, ntxiv ntau tus ntawv, ntau lub cim, cia li yuav kom sawv daws siv. Txiv plig Nyiaj Pov hais tias, nws yuav tsum siv cov txuj ci tsim ntawv (linguistic/phonetic) los kho kom haum raws neeg vam meej nyob ntiaj teb no los kho pev cov ntawv Hmoob. Peb tsis txhob kho raws li peb tus kheej xav tau xwb. Peb nyuam qhuav kawm neeg toob fab ntawv, paub neeg toob fab lus, peb twb paub tsis meej, txawj tsis txaus, Pev yuav kho lwj liam mas, luag yuav thuam thiab luag peb xwb.


    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 31st October 2009, 4:32 am



    TXIV PLIG NYIAJ POV LUB KOOB

    Hmov tshua txog ______________tsoom kwv tij Hmoob
    Uas nyob thoob_______________rau lub ntiaj teb
    Nej thiab peb_________________yog ib haiv neeg
    Yuav tsum ntseeg_____________thiab yuav tsum khaws
    Peb tus yawg________________uas yog Txiv Plig
    Nyob Fab Kis________________tig tuaj pab tseb
    Nej thiab peb________________yuav tsum nco ntsoov
    Tsis txhob hloov______________lub me tswv yim
    Txiv tau tsim_________________los pab rau peb
    Txawm nyob deb_____________los sis nyob ze

    Sawv ua ke_________________thov sib koom thiab
    Yuav tsa siab______________Txiv Plig cov lus
    Peb txhua tus_______________uas yog cov Hmoob
    Nyob Moos Loob____________teb chaws Los Tsuas
    Nej qhov muag______________tau pom Nyiaj Pov
    Coob leej hnov______________tsuas yog nws moo
    Saum toj roob_______________teb chaws hmov tshua
    Nws tuaj xyuas______________tau peb haiv Hmoob
    Saum lub roob______________hu ua Nyuj Qus
    Tswv Ntuj tus_______________tub txib siab zoo

    Hmoob toj roob_______________yuav txawv li cas
    Tawm ntuj nag________________los yog ntuj tshav
    Nws yeej xav_________________los tsa Peb Hmoob
    Peb ntawm Hmoob_____________yuav kawm kom tiag
    Hais txog kiag_________________Txiv Plig Nyiaj Pov
    Kuv tau hnov_________________txij xyoo cuaj rau
    Hnov los tau__________________kaum ob lub xyoos
    Lub moo zoo__________________uas pab Peb Hmoob
    Yog lub noob__________________uas qoos tshaj plaws
    Yuav tsum khaws_______________thiab yuav tsum ceev

    Tsis txhob kheev________________cia lub koob poob
    Peb haiv Hmoob________________thiaj tsis raug tshem
    Dhau ntau kem_________________peb tsis muaj ntawv
    Txiv Plig sawv__________________los pab tau lawm
    Txog sij hawm__________________txiv ncaim lawm tiag
    Mob peb siab___________________ua tsis tau pa
    Yam kob nag___________________uas pos huab nti
    Yam lub hli_____________________uas tsis txawj ntsais
    Nej tig saib_____________________mas tsoom tub ntxhais
    Txiv twb txhais__________________rau peb ntau yam

    Peb yuav vam___________________txiv txiaj txiv ntsig
    Rov los khi______________________kom peb sib rub
    Yam txiv hlub____________________peb haiv me Hmoob
    Nyob toj roob____________________los thoob teb chaws
    Kev ntseeg sawv_________________yog vim muaj nws
    Txawm yam twg__________________los nws yeej tab
    Thov ntuj pab___________________Txiv Plig Nyiaj Pov
    Kom tau so_____________________thiab nyob ntshiab huv
    Nrog Ntuj Tub___________________zoo nyiam ua ke
    Nyob sib ze_____________________tuav tes luag ntxhi

    Thov Txiv Plig_____________________thov Ntuj rau Hmoob
    Kom Ntuj koob____________________li yav tag los
    Cov tseem mos___________________los cov twb laus
    Yuav saib taus___________________Txiv Plig dej num
    Yuav xav tsum___________________tias yog peb txiv
    Vim nws siv______________________tag nrho nws zog
    Nws tuaj nrog____________________Hmoob nyob ib tse
    Noj ua ke________________________tam li ib yig
    Cov tub ncig_____________________nyob rau Loom Xam
    Cov ntxhais kaj___________________nyob rau Thaib teb

    Cov noob tseb___________________nyob rau Mes Kas
    Cov tub cag_____________________nyob rau Fab Kis
    Cov Hmoob ri____________________nyob txhua kem ntuj
    Hmoob Suav txuj_________________cov tub siab dawb
    Tas sawv daws___________________yog txiv me nyuam
    So kua muag____________________txhob quaj lawm mog
    Tuav tes zoj_____________________los peb sib hlub os Hmoob… !

    Tus sau: Yaj Xab Yaj
    Mus Theeb, Cob Tsib Qaum teb




    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Post-348-1209329191


    Last edited by Maiv Tooj on 31st January 2018, 8:23 am; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub 2nd November 2009, 8:22 am


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) S910

    Mim Yaj, TP. Neej Vaj, Maiv Yaj
    Nkawd yog thawj 2 tug ntxhais Hmoob TP. lawv xa
    mus kawm ntawv nyob Fab kis Teb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 4th November 2009, 8:08 am


    Txiv Plig Nyiaj Pov nyob Roob Nyuj Qus.







    Pib sab laug tuaj:

    Leej nram qab, tus 1, TP Neej Vaj (?)
    tus 2, Tswv Qhia Tes Fas Nos
    tus 3, Yaj Zam Nob ev ib tug me nyuam (yog nws tus ntxhais Maiv)
    tus 4, Yaj Tsuj Xyooj

    Leej pem hauv ntej,

    tus 1, Yaj Txawj Tswb
    tus 2, Xyooj Tsuj Rwg
    tus 3, Yaj Yeeb (hnav dawb)
    tus 4, Thoj Hwj
    tus 5, Yaj Nchaiv Yias





    Last edited by Maiv Tooj on 20th November 2009, 8:04 pm; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub 12th November 2009, 1:04 pm

    Sister,

    Ua cas kuv lub PC tsis pom nws cov duab li, tsuas pom daim ib xwb. Yog kho tau no ho pab muab kho kom peb pom thiab vim maj maj saib li lawm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 12th November 2009, 6:11 pm

    Npuag Tub wrote:Sister,

    Ua cas kuv lub PC tsis pom nws cov duab li, tsuas pom daim ib xwb. Yog kho tau no ho pab muab kho kom peb pom thiab vim maj maj saib li lawm.

    Nyob zoo XH. Npuag Tub,

    Hhaahah...! Nws lub PC yeej ua hauj lwm zoo tshaj qhov nws xav txog lawm. Tsis yog nws lub PC tsis pom, yog nag hmo kuv tuaj tso duab, kuv tso tau ib daim xwb ces lub Website uas tso duab cia li tsis tshwm qhov Parcourir lawm, nws cia li tshwm PUB lawm xwb. Kuv tso tsis tau, kuv thiaj cia cov Frame uas ua kom duab loj me tau cia nws nyob nws es koj thiaj pom daim duab tsis muaj dab tsi xwb. Cia ib tsam seb puas muaj caij tuaj tso, yog tsis muaj caij ces neeg kis tso mam tuaj tso dua. Vim ib chim los hauj lwmlos muaj mus yos me ntsis, los txog tsev los ua ncuav txaum puab yuav coj mus noj thaum teev Ntuj tag hnub Samedi, tag ces muaj xyaum hu nkauj thiab ces ntshe yuav tsis xyeej li lauj! Hahhaah...!
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 14th November 2009, 8:00 pm


    TP. Nyiaj Pov nyob Roob Nyuj Qus.




    Zos Roob Nyuj Qus
    Nyob rau qhov uas kos dub







    TP. Nyiaj Pov thiab Yaj yeeb( XH. Txoov Yeeb yaj)









    Phauj Yi Thoj( Vam Khwb)









    Yaj Nkias Keem ( Yaj Ntxhim txiv)






    Last edited by Maiv Tooj on 20th November 2009, 6:30 am; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 14th November 2009, 8:12 pm





    Zam Muas Yaj (Phauj Diav tus nus)











    Niam Soob Tooj Yaj






    Niam Soob Tooj Yaj



    Tus ua ntej yog niam dab laug Tshu Hwj Thoj







    Last edited by Maiv Tooj on 19th November 2009, 9:22 am; edited 2 times in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub 15th November 2009, 1:39 pm

    Sister Maiv Tooj,

    Wow......! Saib tej duab qub qub no kuj rov nco txog lub neej thaum ub, thiab nco txog tej neeg txheeb ze uas twb dua nra tas lawm.raws li kuv saib koj cov duab no, kuj yog nyob hauv ib lub caij ua neej zoo siab thiab lom zem kawg.

    Ua tsaug ntau rau koj cov duab, yog tias koj paub cov neeg nyob hauv daim duab npe no thov koj tso lawv lub npe rau thiab lub zos los lub nroog rau es peb thiaj paub tias yog leej twg thiab nyob rau qhov twg, ua tsaug.


    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Mim 15th November 2009, 4:50 pm

    Uag!...Ua tsaug os tais Tooj aw!....Cas nws yuav muab tau ib co duab rau peb saib kho siab zim xwb os!...Pom peb lub zos... pom peb cov neeg tiag tiag...pom peb cov teb tib si... Tos kuv pheej nco hais tias mus teb mas ntxhab ntxhab-ab-ab dua puag nram kwj ha lawm no, yeej zoo li tiag nev.... Es koj puas muaj cov duab ntawd mas?...Kuj xa ib co copy tuaj pub rau kuv thiab los pob?...Nej cov twb tsis tau nyob, tej zaum tsis muaj nqes rau nej... tiam sis muaj nqes rau kuv heev ov.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 15th November 2009, 6:03 pm



    Nyopb zoo Mim thiab Npuag Tub,

    Hahahah...! Mim aw...! Nws tseem nco tau nej daim teb thiab lov...? Cas yua hais tau ntxim hlub ua luaj li...Hahhaah...!
    Mim! Duab ces yog cov kuv tso nov xwb, yog nws xav tau ces nws muab Save cia rau nws cov Dossiers PC. Kuv khoom, kuv mam copie kiag daim DVD tuaj rau XH. Npuag Tub, May Paj Lug, Maiv Xis thiab koj nej saib. Lawv thaij ntau qhov ces pom Peb Hmoob me ntsis xwb.

    XH.Npuag Tub, kuv tsis paub lawv npe li, seb Mim puas paub xwb. Yog Mim tsis paub ces yuav tau nug cov laus thiaj yuav paub.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 16th November 2009, 8:42 am



    TP. Nyiaj pov nyob Roob Nyuj Qus



    Roob Nyuj Qus 1954



    Nchaiv Yias Yaj (tus tig phab tav tuaj),
    Paj Lis Yaj (tus tig ntsej muag tuaj)




    Niam Tsuj Rwg Xyooj




    Yawg txawj tswb yaj ( Zam Nob txiv)




    Yawg Zam Nob Yaj


    Last edited by Maiv Tooj on 29th June 2016, 9:03 am; edited 5 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Maiv Tooj 17th November 2009, 7:18 am


    Txiv Plig Nyiaj Pov khiav rog nyob Sam Neua.



    KEV KHIAV TSOV ROG (1959-1961)
    Tus sau: Yaj tshuas Rwg, Fab Kis teb.


    Xyoo 1959, Tx.Pl. Nyiaj Pov ncaim lub zos lub teb chaws uas nws tau kawm ntau yam, paub ntau yam, nws tau siv tas nws lub zog los tshaj txoj kev ntseeg, tab tom pib tau zoo. Tx.Pl. Nyiaj Pov tus Txiv Tswv Qhia xa Txiv Plig mus rau ib lub zos hmoob nyob ze ciam teb nyab laj, nyob rau lub xeev Samneua, ua thaum ub cov koom tshaj tau hais haum thiab muab rov rau tus Vaj Ntxwv los tsuas.

    Nrog rau leej puav tub tshaj Ntuj lus, Txiv Plig Nyiaj Pov pib ib txoj hauj lwm ua nws muab cia rau qhov chaw siab thiab npaj rawv hauv nws nruab siab tsis ploj li, yog tsim ib lub tsev qhia cov Xib Hwb tshaj Ntuj lus hmoob.

    Txiv Plig Nyiaj Pov, nws tsim tau ib lub tsev kawm ua Xib Hwb nyob Samneua, lub sij hawm ntawd lawv muaj li kaum ob leeg tuaj mus kawm, feem coob tseem tsis tau txais lub cim ntxuav, tsuas yog kawm Ntuj kev cai xwb. Thawj thawj zaug uas muaj ua yees siv lub caij ua hmoov Yes Xus yug los, uas yog cov tuaj kawm ua Xib Hwb lawv ua, yog xyoo 1960, ua cav txog Yes Xus yug los.

    Hmoov tsis muaj , ib xyoos tom qab xwb, tsov rog sawv loj heev, tsis paub xyov yuav nyob los yuav khiav? Txiv Plig ua xyem xyav tau ib lub hlis, paub tseeb hais tias yeej nyob tsis tau lawm tiag, vim yog nyob ntxiv ces kawg raug ntes xwb. Ces thiaj tso tas txhia tsav puas yam tseg, nrog peb tug tub tshaj Ntuj lus thiab plaub tug tuaj kawm ua Xib Hib khiav mus rau hav zoov, khiav tau peb hnub thiaj mus tshwm rau Pham thib, nyob ntawd muaj ib pab tub rog. Tab sis cov nplog liab puav lawv thiab tua phom loj rau lawv tsis tseg tau peb lus hlis nkaus, lub sij hawm ntawd Txiv Plig Nyiaj Pov thiaj li pib txhais cov Phau ntawv cog lus tshiab, nws xub pib txhais ua ntej yog Paj Lug cov Tsab ntawv los rau phau ntawv Los mas uas hais txog lub koom txoos kwv huam, tsoom ntseeg lub neej kev raug tsim txom. Tsov rog loj zuj zus, ze heev lawm, ntawg ntiag tam sim ntawd yuav tsum rov qab khiav dua ib zaug ntxiv thiab, Txiv Plig xav zoj hais tias zaum no mas ntshai tas li lawm lauj, tas txhia yam yuav poob tas, nws thiaj tau thov ib tug tub rog hmoob muab nws cov ntawv zais cia.

    Khiav tau 26 hnub, nruab hnub mus ib hnub, mus tshwm tej lub me nyuam zos hmoob nyob puag pem tej ncov roob, nrog lawv pw ib hmos, tag kis rov qab mus ntxiv, pheej muaj cov zos zoo li ntawd txais lawv txhua txhia hmo thiaj ua rau lawv lub siab loj thiab thiaj tsis txom nyem heev.

    Hnub tin 16 lub ob hlis ntuj xyoo 1962 lawv yim leej uas khiav ua ke los ntawd thiaj los tshwm rau Moos Loob, los poob hauv cov Txiv Plig Is Tas Lis, cov Txiv Plig Is Tas Lis txais Txiv Plig Nyiaj Pov nyob hauv lawv, Txiv Plig rov qab nug thiab nrhiav nws cov ntawv ua nws sau nyob Samneua ua yog 3000 daim ntawv txhais hmoob Fab Kis, thiab nws cov ntawv nws txhais cov ntawv ntshiab ntawd saib puas rov qab tau lawm.

    Vim Txiv Plig Nyiaj Pov yog ib tug neeg kub siab, thiab tsis qaug zog hlo li, nws thiaj rov qab pib sau dua, tau xya lub hlis nkaus thiaj ua tas phau ntawv txhais lus hmoob-Fab kis ntawd, yog xyoo 1964 phau ntawv uas sawv daws tos ua luaj li no thiaj luam tau tawm, nws muaj 580 phab.








    TP. Nyiaj Pov ua tsim vaj tsev nyob Sam Neua




    Sam Neua 1959








    Sam Neua 1959


    Last edited by Maiv Tooj on 17th November 2009, 5:55 pm; edited 1 time in total
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Npuagtub 17th November 2009, 1:47 pm

    Sister Maiv Tooj,

    Ua tsaug rau nws cov duab, zoo kawg li yog nws mus nrhiav tau tej yam duab qub qub li no tuaj tso kuj yog ib lub txiaj ntsim zoo kawg rau hauv peb lub tsev no. Vim muaj ib txhia lawv hais tias lawv nyiam tuaj saib txog tej yam pom txog Hmoob lub neej kev ntseeg thaum ub kawg li. Nws yeej meem mus tshawb fawb tuaj tso ntxiv nawv.

    Thov nws tuaj pab xyuas saib muaj tej daim duab saum toj no pheej tsis pom es ua li nws puas paub os?

    Sponsored content


    TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv ) Empty Re: TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )

    Post  Sponsored content


      Current date/time is 18th March 2024, 5:42 pm