Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Maiv Tooj Yesterday at 6:47 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 15th November 2017, 9:52 pm

» XH. Yaj Zoov Ntxheb lub Tsev THOOB TSIB
by Maiv Tooj 15th November 2017, 9:41 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 15th November 2017, 9:38 pm

» Natuzza Evolo txais Tswv Ntuj txiaj ntsim.
by Maiv Tooj 14th November 2017, 8:53 pm

» TP.Txhiaj Foom
by Maiv Tooj 13th November 2017, 6:22 am

» Txiv Plig Coj Xeem Yaj, Thaib teb.
by Maiv Tooj 13th November 2017, 6:18 am

» Nkauj teev Ntuj nyob hauv Youtube
by Tub Kawm 11th November 2017, 4:59 pm

» Leej Ntshiab Yos Xes nyob Cupertino, Italie teb.
by Maiv Tooj 11th November 2017, 7:18 am

» THOV TAU TXIAJ NTSIM NYOB ARS
by Maiv Tooj 9th November 2017, 7:49 am

» Txhob poob siab
by Maiv Tooj 9th November 2017, 7:44 am

» COV ZAJ NYEEM NRUAB LIS PIAM XYOO I 2016-2017
by Mim 6th November 2017, 11:45 am

Suav neeg tuaj saib, txij hnub 17/09/2010 los mus.


    HAIS PAJ LUG

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    HAIS PAJ LUG

    Post  Maiv Tooj on 29th January 2010, 5:29 am


    HAIS PAJ LUG & PIV TXOJ LUG


    Muaj tus saus yuav dig muaj cai tsis nyob lig

    Mam noj mam ntsaig mam xav mam hais






    Luag niaj txi piv txoj lug, yog ib cov lus nyiaj lus kub, yog ib cov ntsiab lus hais me me los yus tos taub tau ntau yam.

    Zoo ib yam li nyeem tag tsheej phab ntawv tiam sis tsis pov khawv npaum li pom ib daim duab.
    Piv txwv ib leej txiv muab lub caij ntev los ntuas nws tej me nyuam tsis npaum hais ob los tias:

    " NYIAJ PUV TXHAB TSIS NPAUM TSWV YIM PUV PLAB".

    Yog tias leej tub khaws leej txiv cov lus nyiaj lus kub nov rau nruab siab ces tsis nkim leej txiv lub zog ntuas ua phab ua pheev li lawm.

    Cov niaj txi piv txoj lus muaj 3 hom, hom twg los puav leej yog hais lub ntsiab lus.

    1/ Hom piv txoj lug txooj, hais sib raws zoo li:

    Nplooj yoog kav noob yoog tsav

    2/ Hom piv txoj lug txooj, suab sib txawv zoo li:

    Niam txaij tes, ntxhais txaij taw.

    3/ Hom piv txoj lug tab zoo li:

    Zog loj tsis cuag hmoov loj


    Last edited by Maiv Tooj on 9th April 2010, 8:26 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 4:54 am


    Piv Txoj Lus.wmv




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 5:15 am

    PIV TXOJ LUS Pov Xaiv Kaub Australie




    First Internet Edition. January 1996*

    * Cag ntoos qhia taus npub, hlua hneev qhia xib xub .
    * Ceem nom ces nom nplua, cem tus ruam ces ruam caum tua .
    * Cem yuav cem kom yog lus, hais lo lus yuav hais kom tus .
    * Cuaj leeg Tub tsis cuag leej Txi ( Txiv ), cuaj lub hnub qub tsis cuag lub hli .
    * Cuaj lub Cub-tawg tseem sov tsis cuag li lub hnub, cuaj leeg ntxhais zoo tsis cuag ib leeg tub .
    * Cawv qab thawj txaum, qoob loo zoo thawj phaum .



    KEV HLUB: Yooj yim

    HAIS TIAS HLUB: Nyuaj heev

    HNOV QAB: Yuav ua tsis tau li


    * Dag dab tau kev tuag, dag neeg tau kev txajmuag .
    * Dab qhuas tsis zoo thiaj tso dab qus los ntxias,
    Pojniam tub-se tsis zoo, lauj kaub thiaj tsoo ntug yias .
    * Dab tau tua pa ncho, Neej tau nqaij tau hno .
    * Dej ntws los vim muaj tug kwj, Yoov tsaws los yog vim Nqaij tsw lwj .
    * Dev tsem dev tsis tom, luag yuav tua koj luag tsis hom .
    * Dev yeem kaws txa, npua yeem lib a (av)
    * Deev hluas rau kev deb, zoo nkaus li txhom ntses hauv qhov zeb .
    * Deev hluas rau kev dav, zoo nkaus li txhom ntses hauv qhov cav
    * Deev cuag deev nkauj sua, noj cuag noj nqaij xa qhua .



    Txhob tso tus koj hlub mus ho mus xaiv tus koj nyiam,
    hnub qab nram ntsis nws yuav tso koj tseg mus xaiv tus nws hlub



    * Hais ruab zoo nrov ruab tsuag, hais hauv tsev ncha saum luag .
    * Hais txog txoj kev lom zem ces xav luag, hais txog txoj kev txom-nyem ces xav tuag .
    * Hla dej yuav hle khau, tsiv teb yuav hle hau .
    * Hlais nqaij ntshaw zoo riam, ua neeg nyob ntshaw zoo pojniam.
    * Hlub pojniam txhob tseg kwvtij, hlub nkauj hlub muam txhob tseg yawmyij
    * Hlub kwvtij txhob tseg leej npawg, hlub niam hlub txiv txhob tseg pog yawg .
    * Hov riam riam ntse, txhuag siav siav ntev.
    * Hwm pojniam tub-se thiaj tau kaus roos, hwm dab hwm qhua thiaj ua lub neej nyob laus nkoos .


    * Ib ya taws ua tsis siav ib laujkaub mov, ib pluaj ntuag ua tsis tau ib ntshuas xov .
    * Ib ya taws ua tsis siav ib laujkaub zaub, ib pluaj ntuag ua tsis tau ib chaws ntaub .
    * Ib re nplej muaj tshaj peb lub npluag , ib tug nkauj muaj tshaj peb tuag hluas.



    * Kab coob piv rau kas, qhov muag loj piv rau plas.
    * Kaum leej tsom, tsis cuag li yus qhov muag pom.
    * Kev fab thev taug, neeg txom nyem thev laus.
    * Kev fab thev khiav, neeg txom nyem thev siav.
    * Kev nkauj kev nraug hais luag nyav, los txhob kuam hooj haus ntshav .
    * Kev pluag tsis yog tim txoj hmoo, kev tshaib-plab tsis yog tim qoob loo .
    * Kev ua noj, tsis tas yuav cia luag ua tus coj; kev ua hnav, tsis tas cia luag ua tus tsav .
    * Koj tug cia koj coj, thiaj nrog luag muaj noj; koj tug cia koj tasv, thiab muaj hnav.
    * Koob-meej nrov cuag luag cav kaus ntxhw, mus txog hauv tsev tsis muaj chaw pw.
    Koob-meej nrov cuag luag cav pov-haum, mus txog hauv tsev tsis muaj rooj zaum.
    * Kua-txob ntsim yuav tau ntsev daw, poj-niam phem yuav tau xuas ncaws taw.
    * Kws ntaus phom tua hneev, neeg dig-muag txawj luj teev.



    Muaj txhiab pua yam ua kom poj niam hais lus
    Tab sis
    Tsis muaj ib yam li ua kom poj niam txhob tham


    * Lag-luam zoo thawj ntsug, pojniam zoo thawj tug .
    * Lag nteg hnov lus ntxi, dig muag pom kev nruab qaig hli.
    * Loj cuag haum-vag, tom tsis yeej uab-lag.
    * Lov hniav nyiam noj qhov phom, muaj hniav nyiam qhov tawv zom.
    * Luj tuag tu noob, tshuav tug nyob qab roob; Nas tuag tu tsav, tshua tus nyob qab-hav.
    * Luag tsis yeem txhob muab luag pus, luag tsis kheev txiv txhob mus .
    * Luag hais cuaj lo, kaum lo, los tseem tsis cuag yus qhov muag pom tso.
    * Luag pom muaj pom txaus, tsis cuag yus tau tuav nkaus.
    * Luag txaj tsis nrog luag txaj, ces ua dev luam yaj;
    luag tsaw tsis nrog luag tsaw ces kiav hniag cawv caw lawg.
    * Lus ntxhov cuag pos kaus-ntsaj, plaub ntxhov cuag plaub yaj.
    * Luag hais cuaj suab, kaum suab, los tseem tsis cuag yus txhais tes muab .
    * Lo zoo nco ib ntsis, lo phem nco tag ib sis (txhis).



    10 YAM UA LUB ZOG LOJ

    -Hwm ntuj
    -Hwm kev kaj siab
    -Hwm neeg
    -Tswj yus tus kheej
    -Siab dawb
    -Ncaj ncees
    -Neeg zoo
    -Muaj sia
    -Pom kev
    -Neeg zoo


    12 YAM TXHAUM KAW YUS QHOV ROOJ

    -Tsis paub tab
    -Kev nyuaj siab lwj plawv
    -Tsis paub ntsuas siab ntsuas qes
    -Ntshaw luag tug
    -Tsis ncaj
    -Qia dub
    -Ua cuav
    -Neeg khib
    -Zoo nraum daim tawv
    -Siab luv
    -Tsis txawj xav
    -Liam hiam



    * Mam noj mam ntsaig, mam xav mam hais.
    * Menyuam-yaus ntchaw qe, laus neeg ntshaw pe.
    * Mov-kuam qab tsis cuag mov-nplej, cov lawv qab zoo tsis cuag cov ua ntej .
    * Muaj tsawg nyuaj tus faib, muaj ntau nyuab tus saib.
    * Muaj npe tsis muaj lub cev, luag hais tias yog dab, muab tsis hais ua-nte luag tias ua tub-sab .
    * Muaj qoob loo noj thawm niaj , luag thiaj qhuas tias neeg tsim txiaj .
    Muaj qoob loo noj thawm xyoo, luag thiaj qhuas tias yog neeg muaj hmoo .
    * Muaj npe tsis muaj koob, yam muaj qhov noj tsis muaj cov noob.
    * Muaj noj yuav faib qhua, muaj hnav yuav sib faib npua .
    * Muaj cai tsis nyob lig, muaj tus saus yuav dig.
    * Muaj zoo kwvtij sib hlub, tseem tsis cuag li muaj menyuam zaum dub-vog ncig ntug-cub .
    * Muaj nyiaj, qhia kom tsim txiaj; muaj qoob loo, qhia kom tau zoo .


    Poj niam txawv tas tas
    Thaum tsis tau, ntshaw tshaj
    Thaum tau, lub siab tsis kaj

    * Nag los peb kob ces av ua kwj, dais tuag peb hnub ces dais lwj.
    * Nas tias nas nyob qhov av, plis kuj haig tias plis tau chaw dav .
    * Ncauj ntau tau kua haus, ua phem raug luag ntaus .
    * Neeg ntse hais qhov yog, neeg ruam tsis khib zog .
    Neeg ntse hais yam tseeb, neeg ruam tsis khib xeeb .
    * Nej yaum cag cub, lawv yaum cag cub, lawv twb yuav teg nkag nplog niam lub.
    * Niam tshuab ntuag, txiv qaiv ntxaiv, niam txhob ncauj ntau txiv txhob nkawg lus xaiv .
    * Niam ncoo txiv puab, txiv ncoo niam pu;
    Niam mloog txiv qhuab, txiv mloog niam hu (lus).
    * Niam-txiv sib ceg tas tsis nrauj txaj, kwvtij sib ceg tag tsis nrauj dab.
    * Noj mov qab vim muaj aub-ncaug, tsis muaj xaiv muaj lus vim txawj hais sib raug .
    * Noj qa tsis puv plab, nqhis luag qoob tuam txhab .
    * Noj txiv-ntoo yuav saib noob, yuav poj-tub-se saib caj hmoob .
    * Noj nceb yuav taug cav, yuav pojniam yuav nug neej nug tsav.
    * Noj nqaij yuav rau ntsev, ua neeg nyog yuav tswm rub lub siab kom ntev.
    * Noj zaub yuav rau roj, ua neeg nyob yuav tsum ua siab loj.
    * Noj nqaij yuav rawg tais, ua neeg yuav tau cia luag hais.
    Noj nqaib yuav rawg muab, ua neej yuav cia luag qhuab
    * Noj ib pluag tas xav mus ploj, tsis muaj nom muaj tswv, tsiv muaj neeg xav coj,
    Noj ib pluag tag xav mus ntua, tsis muaj nom muaj tswv, luag tsis xav yuav.
    * Nplooj yoog kab, noob yoo tsav.
    * Nplij niam nplij txiv thiaj tau ntuj ntoo , nplij tub nplij roog thiaj tau zoo .
    * Nplij kaus thiaj tau kawv kwv, nlig tub nplij roog thiaj tau zoo tshwv.
    * Nqhis nqaij khawb nas kos, tshaib plab khawb qos .
    * Nqaij qab txha txiv-ntoo qab plhaub, ua neeg nyob txob nta thiaj paub.
    * Npav tswv-yim yuav nrhiav cov laus, npav sib ncaws yuav nrhiav menyuam-yaus .
    * Nkauj nyob ces sov zos, nkauj ua nyab tag ces tsov los.
    * Nrog cov laus dab tsis hem, nrog cov nom yuav tsis cem.
    * Nrhiav tshuaj nrhiav thaum muaj mob, nrhiav nas-tsuag nrhiav thaum mis tsis nyob.
    * Ntau tus ua cuav poov xab, ntau txiv-muam ua puas dab .
    * Nte taws haus tsev tsis sov, noj mov hauj luag tsi txau.
    * Ntoo laus ntoo khoob, neeg laus neeg ua tem-toob .
    * Npua yeem noj xua, dev yeem noj qua.
    * Ntshai zeej xeeb tsis pheej, thiaj tsis teev tsheej.
    * Ntshe tim-fab tsis pheej, thiaj tsim thawj zeej.
    * Ntsuag yim laus yim iab, niam txiv yim laus yim mob kiab .
    * Ntshaw kev muaj noj, yuav tsum rau siab ntso rau lub luag nroj.
    * Ntuj siab laj ti ntsua, ua neej nyob, xav muaj xwb tsis xav pluag
    * Ntuj siab laj ti ntsuas, ua neej nyob, paub hnub nyob tsis paub hnub tuag.
    * Ntuj dub ntuj ntiab, lam ua neej xwb tsis paub leej twg lub siab.
    * Nyiaj txiag nyob tsiv kev, txiv ntoo nyob chaw siab, tsoo tsuj tsoos npuag nyob nruab kiab .
    * Nyob deb txo dej txo cawv, nyob ze rho hluav taws hlawv.
    * Nyuj ntshuag tsis tuag, nyuj ntshuag hlob tiav pwj
    Tub ntshuag tsis tuag tub ntshuag hlob ciaj xeev txwj.
    * Nyuj kub tiv nyuj tawv, nroj tsuag tuag cuag hlawv .


    Paj lug Zim Pees hais tias:

    Yog koj nyeem tsis tau ntawv Zim Pees ces qaij tau hau rau sab xis



    * Paj tsis tawg txiv tsis txi, nkauj tsis rog, raug tsis ntsi.
    * Paub hnub muaj tsis paub hnub pluag, paub hnub nyob tsis paub hnub tuag .
    * Peb suab qhuas zoo dua Saub kho, peb tug tes zoo dua ib tug ko.
    * Peb suab qhuas zoo dua Saub saib, peb lub qe ntxias tsis cuag ib lub qe qaib .
    * Plaub-hau ntxhov thiaj yuav zuag ntsis, plaub ntug ntxhov thiaj yuav Txwj-laug los lis .
    * Pluag ces pheej khwv los tsis muaj chaw tau, muaj ces tsis siv tsis muaj chaw rau .
    * Pom qhov zoo ces muab tes taum, pom qhov phem ces ho yuav nkawm.
    * Pom txiv qaub tsis los aub-ncaug ces luag tiag yuav tuag,
    Pom nyiaj txiag tsis nrog luag ntshaw ceg yog yuav sawm pluag.
    * Pojniam siab zoo los nrog tus txiv ua neej ncoo pu,
    Pojniam siab phem los nrog tus txiv ua neej tsoo-yias tsoo-tsu.
    * Pojniam ruam, cem tus txiv piv rau neeg kaub-huam .
    * Pojniam khib xeeb, cem tus txiv piv rau neeg loj-leeb .
    * Puag luag tub tsaws dej dag, deev luag poj tuaj ruab txag.
    * Puag luag tub tsaws dej ntab, nyiag luag qoob tuaj nruab txhab.



    Paj lug Suav hais tias:
    Qhov nyuaj tshaj rau yus uas mas yog txwv ib tug neeg nquag ua hauj lwm



    * Qhiav laus qhiav ntsim, tus laus hais lus thiaj tej lim.
    Qhiav laus qhiav quav; tus laus hais tus hluas yuav tsum yuav.
    * Quab qus muab ua tsis nyog qaib dib, zaub mos ua tsis nyog zaub-tsib.
    * Qiv luag toj yug yaj, qiv luag ncauj los hais zaj.
    * Qiv luag tais rau tshais , khaws luag lus los hais.
    * Qhiav laus qhiav ntsim, txus laus txus muaj tswv yim.
    * Qov qav poob kwj deg, qog neeg ceg tawv ces lov ceg .


    * Siab loj yog tus coj, siab me ces yog qhev.
    * Siab ntev thiaj tau nom ua, zoo nraug thiaj tau nkauj sua.
    * Siab zuag cuag nplooj nqeeb, siab dawb cuag paj yeeb.
    Siab zuag cuag nplooj dos , siab dawb cuag plawv qos
    * Sib qhia thiaj txawj ntse, sib pab thiaj tsis ciaj luag qhev.
    * Suab neeg nrov dua suab xob, lus phem ntsim dua kua txob.
    Suab neeg nrov dua sob nroo, lus phem nrov dua lus zoo.



    Txoj kev phooj ywg tiag
    Tuaj nyob hauv wb siab
    Paj yuav tawg tshiab
    Hauv wb nplooj siab



    * Tau poj tub-se zoo, zoo siab tam tau txhab qoob los noj thawm xyoo.
    Tau poj tub-se nquag, ces ua lub neej nyob xws luag .
    Tau poj tub se zoo, ces ua lub neej nyob nto moo .
    * Tau phem nyab, ces tam ntua li ntes raub-ris hauv vab .
    * Tau no ces qhuas tias luag siab zoo, tsis tau noj ces thuam luag mus thawm xyoo .
    Tau noj ceg qhuas tias luag siab tiaj, tsis tau noj ces thuam luag mus thawm niaj.
    * Tau zoo thaum yau, laus los kev tsom nyem raws tau .
    * Tau Nom Tswv zoo tam tau kaus kwv, tau Nom Tswv phem tam pab tsiaJ tsis muaj tswv .
    * Taum lag taum lig ua quav ntsooj, tub lag tub lig ua luag puab rooj .
    Taum lag taum lig ua quav hma, tub lag tub lig ua luag puab ntsa.
    * Tawv nkaus tsiv rauv, neeg laus tsiv yug.
    * Tawv cav los niam qhuas nceb txhais, nkauj laug los niam qhuas tias yob menyuam ntxhais.
    * Thaum mo-liab niam thiab txiv tos nrw tub tsis txawj loj,
    Thaum tub hlob los tub tos nrhw niam thiab txiv tsis txawj ploj.
    * Thaum siav tus ces luag tias tuag, thaum nyiaj tu ces luag tias pluag.
    * Thaum pib ua yuav tsum tuav-xam, ua tau los thiaj li tsis plam .
    * Thaum mos mas mos cuag ntaub tsuj, thaum ntxhib mas ntxhib cuag plab nyuj.
    * Thaum luag tsaj tsis nrog luag tsaj, luag tsaj tas ces ua dev nuam yaj.
    * Thaum muaj ces muab noj ntau, thaum tas ces ua tsov tshaib tsov tsau.
    * Thaum zoo-siab ces sib tawb, thaum tsiv-siab tuaj ces ua miv sib khawb .
    * Thaum zoo ces hais tias "mog mog", thaum phem ces cuag dev sib tog.
    * Toj roob hauv pes quas ces quas ib ntsis, av luaj quas ces quas tas ib sis.
    * Tsis saib lub dej los saib lub lwg, tsis saib tus meej los saib tus tswg.
    * Tij viv tam niam txiv, niam txiv tam rooj ntug.
    * Tsis muaj zoo rooj los lam zaum, tsis muaj zoo kab luam-yeeb los lam haus .
    * Tsis muaj zoo rooj los lam nyob, tsis muaj zoo kab luam-yeeb los lam xob .
    * Tsis muaj txooj qoob ces luag tias hav nroj,
    Tsis muaj niam muaj txiv ces luag tias tub-ntsoj.
    * Tsis muaj nyiaj ces luag tias pluag, tsis muaj niam muaj txiv ces luag tias tub-ntsuag.
    * Tsis lees los tsis yeej, lam lees lub txheej.
    Tsis lees los tsis dim, lam lees lub yim .
    * Tsis yog luag Nom ces luag yeej tsis hawm,
    Tsis yog luag kwv luag tij ces luag yeej tsis cawm.
    * Tsis noj mov ces yuav tshaib plab, tsis yuav kwv yuav tij ces yuav poob dab .
    * Tsis noj los lam tuav diav, tsis luag los lam ntxi hniav.
    * Tso nyuj kom txog hav zaub, tso txhuv kom txog lauj-kaub.
    * Tsov txaij nraum daim tawv, neeg txaij hauv lub plawv .
    * Tsov dig muag xuas tau ntiv qhiav, liab dig muag xuas tau txiv siav .
    * Tshaib mov khawb qos, tshaib nqaij khawb nas kos .
    * Tu qaib ntsuag tau ncej puab, tu tub-ntsuag tau yeeb-ncuab.
    * Tus nkees qhia npaum twg los tsis nquag,
    Tus nquag ua npaum twg los tsis tuag .
    * Tus nquag paub tsis txhua, tus nkees qhia rau los tsis ua.
    Tus nquag paub tsis tseg, tus nkees qhia rau los tsis leg.
    * Tus nyiam tsis tas hu, tus tsis nyiam cajdab tu.
    * Tus yeem tsis tas hais, tus tsis yeem cab pob-ntseg ntais.
    * Tus pluag coj tub-luam kev, tus qhua coj tswv tsev .
    Tus pluag coj tub-luam kab, tus qhua coj tswv tsab .
    * Tus nquag ces rau siab ntso, tus nkees ces muaj quav tso .
    * Tub-nkeeg ntsib kev pluag, vaub-tsuab ntsib kev mob tuag.
    * Tub-pluag tu tsiaj tuag, tub-tshaib tau qav nchuav .
    * Tub-nquag ua khiav khuav, tub-nkeeg tsuam lov duav .
    * Tub-qaug neej ces yuav dej yuav cawv, tub-qaug dab ces yuav xyab yuav ntawv .
    * Tub-sab ncauj ncab, tub-nkeeg ncauj nreeg .
    * Txuag zam zam tshiab, txuag siav siav ntev.
    * Txawj noj ceg tsau plab, tsis txawj no ces mob cab.
    * Txawj noj ceg hlob, tsis txawj noj ces ua mob.
    * Txais yam twg yuav txais kom tau ko, hais lo twg yuav hais kom to.
    * Txog toj cia toj nphau, txog Nom cia Nom hau .
    Txog toj cia toj pob, txog Nom cia Nom txhob.
    * Txhob thuam neeg loj-leeb, txhob cem neeg quav-yeeb,
    Txhob cem neeg thov khawv, txhob thuam neeg ceg tawv,
    Yuav cem kom cem dab, yuav thuam kom thuam neeg tub-sab.
    * Txhob noj luag nkaub tuav luag npe, tsam luag nyob nraum kwj-tse.
    * Txhawj mob yog txhawj tsam tuag, txhawj lub neej yog txhawj tsam tau txoj kev pluag.
    * Txob vam zoo rau yav laus, es muab txoj kev tub-nkeeg los taug.
    * Txhob ua blaum xyaw txua, txhob muab ntsiab xyaw xua.
    * Txoj cai luaj txoj plaub-hau, txhua leej txhua tus hla tsis dhau .
    * Txawj qeeg taw lo tshauv, zoo nkauj tau phem vauv.
    * Txhob khav tias tso quav yuav tsis thawj sub tsag,
    * Txhob vam zoo rau yav tom ntej, es muab txoj kev tub-nkeeg los sej.
    * Txum muaj txum khwv ntxiv, txum pluag txum tsis txuag siv .
    * Txawm ciaj yuav txawj tuag, txawj muaj yuav txawj tuag.



    Paj lug Khej Dub hais tias:

    Kev cia siab yog tus ncej txheem lub ntiaj teb


    * Ua ruam thiaj tau nyob zov luag tsev, ua ntse ces tau ua luag qhev.
    * Ua lag ua luam yuav saib hmoov, tsham tua nqaij yuav saib hav zoov.
    * Ua nyab thiaj pom kab, ua sev thiaj pom kev .
    * Ua quav nyuj puab phawv, tshav ntuj tuaj ces quav nyuj nti zawv .
    * Ua neej nyob nqag nto ntuj, ploog nto ntsis, nyob txhiab txog ib txhis.
    * Ua neej nyob yaj los kib txoob, cheb plag tsev qawj qab-yiag to nyob muaj koob .
    * Ua neej nyob xav muaj tsis xav pluag, xav muaj txoj-sia nyob tsis xav tuag.
    * Ua neej nyob ua lub siab ncaj dhia dhau luag lub nkuaj,
    Txawm tias noj qab nyob zoo los dhia tsis dhau tshuaj .
    * Ua qoob yeej muaj nroj, ua neej nyob yeej khiav tsis dhau txoj kev ploj .
    * Ua nplej yeej muaj npluag, ua neej nyob yeej khiav tsis dhau txoj kev tuag .
    * Ua tsev txhaum laj nyob txog hnub puas, yuav pojniam txhaum xav txog yav hluas .
    * Ua tau tsev thiaj pom zoo ntoo, muaj pojniam lawm mam pom hluas-nkauj zoo .
    * Ua liaj tau taug kev dav , ua teb taug kev mus saum cav.
    * Ua tawv, tawv ces tsis khov, yuav ua muag muag thiaj tsis lov.
    * Ua neeg nyob leej twg ua tub-sab, luag pom ces luag ntshais nws cuag ntshai dab.
    * Ua niam tsev yuav ua qhov zoo, tsev neeg thiaj nto moo.
    Ua txiv tsev yuav muaj tswv-yim, yav tom ntej thiaj pab tau tsev neeg dim.
    * Ua yam twg yuav siv tswv-yim, thaum ua tau thiaj tsis khuv sim .
    * Ua yam twg yuav xwb sablaj, thaum ua tiav lub siab thiab kaj.




    Kev phooj ywg xaus zaum puas ua kev hlub

    tab sis

    Kev hlub tsis xaus ua phooj ywg ib zaug



    * Vaub-tsuab luag cem piv rau poj-ntxoog, tub-nkeeg luag cem piv rau pob-ntoos.
    * Vam ntws li xub muv, nroo ntwg li xub ntab, noj sib hu ua sib pab.
    * Vov txhob vov vuas zeb, xov txhob xov ntsa hlau, tsam muaj hnub dhia tsis dhau.

    * Xyoob loj tsis cuag ntoo, muaj zog tsis cuag muaj hmoo.
    * Xav tau qhov zoo los tau qhov phem, xav taug kev ncaj los tseem tau txoj kev lem.
    * Xa nqaij rau tsov, xa dej rau zaj qhov.
    Xa nqaij rau hma, xa dej rau nram kwj-ha.
    * Xyeej npluag tsis xyeej noob, xyeej tsawg tsis xyeej coob.

    * Yuav nkauj mog los ua pojniam, yam nkaus li muab kav tsawb los ua ko riam.
    * Yuav tub hluas ua hau, yam nkaus li muab quav-kws los ua ko hlau.
    * Yug tub yug kiv los npaj laug, npaj qoob npaj loo tseg thiaj tau noj tau haus .

    * Zaj tuag los vim zaj lub pov, raub-ris tuag los vim lub qhov.
    * Zais nyiaj txlag txhob zais nruab tiag, zais nyiaj kub txhob zais ntawm ntus cub.





    Yog koj lub siab yog lub paj tshiab
    Koj lub ncauj yuav hais lo lus qab zib ntxiag


    Last edited by Maiv Tooj on 25th March 2010, 4:37 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 5:26 am

    P A J L U GPov Xaiv Kaub, Australie



    Av luaj tawg plo, sawv hlo, Av luaj tawg nrees, sawv tsees
    Nyob muaj niam muaj txiv, muaj kwv muaj tig, muaj tsa, tsis yog tawm hauv qhov av los.

    Cwj qhaub nyob deb, cwj tsiag nyob ze.
    Tus neeg yus xyav nws moo nyob deb, tab sis nws muaj phooj ywg nyob ze .

    Hais kom muaj teg, txawb kom muaj qab.
    Hais lus dab tsis yuav tsum hais kom muaj chaw txawb chaw rau, thiaj ruaj ntseg tau li lub khob uas muaj lub qab .

    Hais nruab zoo nrov nruab tsuag, hais hauv tsev ncha saum luag.
    Hais lus yuav tsum hais lo zoo xwb, txhob hais luag lwm tus dab plig. Txhob xav tias yus hais yus xwb ces luag tsis hnov.
    (Don't criticise people behind their back. They may hear abou it.)

    Hauv mis koj xwb noj, hauv tsoos koj xwb hnav.
    Koj yog tus hlob, tus laus taws, tus paub tus pom dua.
    (You are older and/or wiser)

    Hlau txias ntaus tsis zuav, lus txias hais txhob yuav.
    Lus dab tsi hais tas lawm mas tas li, tsis txhob muab rov los hais kom ua chaw chim.
    (Once settled, do not bring up again)

    Hla dej yuav hle khau, tsis teb yuav hle hau.
    Ua Nom ua Tswv, yog khiav mus nyob rau lwm qhov chaw ces tus Nom yuav poob mus.

    Hluav taws kub txog twg, thov muab dej twg tua.
    Muaj plaub muaj ntug, muaj xaiv muaj lus, mus sib hais hauv tus nom-tswv twg, xav kom tus nom ntawd muab hais kom tiav.
    (You are given the resposiblity, you must exercise your authority to get the job done).

    Muaj txab muaj tsheej sab, muaj txim muaj tsheej tim.
    Yuav muaj lub txim, los yuav tsum kom muaj qhov phua tau tias txhaum tiag thiab muaj pov thawj pom .
    (Before you acuse people, provide the proof)

    Ncauj hub, ncauj rhawv txhaws tau, ncauj leej tib neeg txhaws tsis tau.
    Muaj lus phem lus zoo txhob lam tau lam hais qhia luag lwm tus, nws yuav coj mus rhuav lawm tom ntej.
    (The tongue is the dealiest weapon)

    Noj tsis taus yuav tuag, hais tsis taus yuav swb.
    Tsis noj ces xav ua neeg nyob los yeej yuav tuag, tsis muaj cuab kav hais ces xav yeej npaum twg los yuav swb xwb. (Speak out or be condemned)

    Noj zaub-tsib hno tsuag los qab tseej nqaij, haus dej qab tsheej cawv.
    Noj sib hlub haus sib cev, txawm qab txawm tsuag los qab.
    (What a nice world this world would be if we love each others)

    Nplooj tsawb tsis yog npuag, nciab tsis yog kwv luag.
    Luag hais los yog ua dab tsis, yuav tsum txhob ntseeg tas tas, luag ntxias yus xwb .
    (Investigate before instigate)

    Nplooj tsis zeeg, zoov tsis kaj.
    Yog tsis ua, tsis hais, tsis mus, tsis tuag ces tsis tag .
    (Learn from your mistakes, it's a fantastic education)

    Nrab neeg hais nrab lus, me neeg hais me lus.
    Yus hais lus, yus ua dab tsi, yus yuav tsum ntsia yus saib zoo li cas .
    (Different strokes for different folks)

    Ntov ntoo yuav tsum saib ceg qhuav .
    Yuav hais luag dab plig, yuav tsum saib luag puas nyob ze tso.
    (No negative talk)

    Paub hnub muaj tsis paub hnub pluag, paub hnub nyob tsis paub hnub tuag .
    Ua neeg nyob, yuav tsum tsis txhob khav khav.
    (No one knows everything)

    Phooj-ywg tau kev dav, yeeb-ncuab tau chaw ti.
    Ua neeg zoo ces mus txog qhov twg los muaj phooj muaj ywg ua neeg phem ces mus txog qhov twg los luag ntxub.

    Puag luag tub tsaws dej dag, puag luag poj tuaj nruab txag.
    Ntxias luag mus ua lwm yam kom tau kev deev luag pojniam.
    (Do't fool with others' money and women)

    Puag luag tub tsaws dej ntab, nyiag luag qoob tuaj nruab txhab .
    Ntxias luag rau tej yas kab kom tau kev ua tub-sab.

    Qaib qus ua tsis nyog qaib dib, zaub mos ua tsis nyog zaub tsib.
    Tsa Nom tsa Tswv yuav tsum tsa tus sawvdaws paub zoo, tsis yog lam tau lam muab ib tug neeg tshiab uas tsis tau paub dua thiab tsis tau ua dhau los los ua Nom.
    (Select the right person to do the right job)

    Suav tshuaj cia suav rhaub, Hmoob tshuaj cia Hmoob rhaub.
    Nyob lub Tebchaws twg kom ua raws li lub Tebchaws ntawd txoj kevcai lij-choj ( Law).
    (Respect the laws of the land)

    Txoj cai luaj txoj plaub hau, txhua leej txhua tus hla tsis dhau .
    Yog ua raws kevcai mas txhaum loj txhaum me los yuav tsum kho.
    (Laws are passed but not to be bypassed)

    Txawj ntos tsis qig ntxaiv, txawj lus tsig qig lus xaiv.
    Nom txawj txiav txim ces tsis qig lus.

    Tsev nqeeb tsis zoo sim taws, tsev ruas tsis zoo sim zeb.
    Tsis yuav los yog tsis ua tiag, tsis txhob lam zes.
    (There is no try. There is only DO)

    Tshav ntuj ces qab-ca qhuav, los nag ces qab-ca ntub.
    Ua tub-sab ces thaum luag txhom tsis tau ces luag, thaum luag txhom tau ces tuag.
    Thaum zoo siab ces luag ntxhi, thaum tsiv siab ces pos-muag nti.
    (There are always two sides of every things)

    Ruaj cuag thaiv, thaiv cuag zeb ntsuab.
    Hais dab tsis yuav tsum hais kom tawv hais kom ruaj.
    (No man is better than his principles)

    Vws txab vws liam, caws txab caws hiam.
    Koj tias koj tsis txhaum los cuaj leeg kaum leej pom tias txhaum ces yuav tsum txhaum.

    Xyoob ib txoog , ntoo ib tsob, nqaij ib daig tawv ib phob.
    Yog yus ib tsev neeg, yog yus ib cuab.






    Muaj txhiab pua yam ua kom poj niam hais lus

    Tab sis

    Tsis muaj ib yam li yuav ua kom poj niam txhob hais


    Last edited by Maiv Tooj on 9th February 2010, 6:21 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 5:49 am


    PIV TXOJ LUG
    Sau Tim 4/7/2007
    tu sau

    Vaj Txoos Vaj

    tus sau

    Maiv Tooj Lis







    1. 9 lub hnub tsis cuag ib lub hli; 9 leej tub tsis cuag ib leej txiv
    9 tsab chais tsis cuag ib tsab riam; 9 leej ntxhais tsis cuag ib leej niam

    2. TAUS RAUG ZEB YUAV TSUM TAU HOV

    3. 10 LEEJ HAIS TSIS MEEJ NPAUM IB TUG HNOV
    10 LEEJ HNOV TSIS TSEEB CUAG IB LEEG POM
    10 LEEJ POM TSIS CUAG XUAS TES KOV

    4. Leej txiv tuag ces zoo li tus ntoo lov ntsis
    Leej niam tuag ces zoo li lub tshob khis
    Leej niam tuag ces zoo li lub tsev xau nag
    Leej txiv tuag ces zoo li lub vaj lub tsev vau tag

    5. 1 tsob ntoo muaj 3 dlaim nplooj, 1 tug neeg muaj 3 tug phoojywg zoo
    6. Poj niam rog nthaws, tsis cuag txiv neej qhuav taw
    7. Mus 9 txoj kab, cog 9 tsob paj, mus 9 txoj kev, cog 9 lub tsev
    8. Nyob rau luag vam mus rau luag tshua
    9. Dej tob muaj nres loj, dej ntiav muaj nres me
    10. Txiv ntoo nyob chaw siab nyiaj txiag nyob tsiv kev
    11. Nqaij qab txha, txiv qab plhaub, laus mam paub
    12. Ntov ntoo yuav tau saib ceg qhuav
    13. Noj nceb yuav tau taug cav
    14. HLA DEJ YUAV HLE KHAU, TSIS TEB TSAWS CHAW YUAV HLE HAU
    15. Muaj tso dag thiaj muaj luag, muaj niam thiaj muaj txiv, sib hlub thiaj muaj tub ki
    16. NTSE IB SIM, YUAV RUAM PEB TAIG KIS
    17. NQUAG KHIAV KHAWV KHUAV, NKEES UA RUAM LOV DUA
    18. NRUAM IB CHIM, YUAV NTSE IB SID
    19. NOJ QUB ZAUB MOB PLAB, HAIS QUB LUS MOB SIAB
    20. Nyuj kub tsis nyav nyuj hau, nyuj tw nplawm nyuj tsis mob
    21. Qhuab ya tsis pom nquab zes
    22. Ncauj puag suab khawv, tes taw tuag zawv
    23. Muaj zoo nab lwj los muaj zoo uab nqa
    24. Lub tsoob muaj tus ntoo siab, lub ha muaj tus ntoo loj
    25. Tub npluag tau tsiaj tuag, tub tshaib tau qav ncuav
    26. Tub ua teb thov kom los nag, tub taug kev thov kom ntuj tshav, saub ua xyem xyav
    27. Muaj ces ua ib pluag, tsis muaj ces ua yoov ntxuav muag
    28. Qaib qua ntxov sawv lig
    29. Qhiav laus qhiav ntsim, neeg laus neeg tij lim
    30. Taws khaus tsiv rauv neeg laus tsiv yug
    31. Yug tub los kav laus, yug ntxhais los tos vauv
    32. Dej hlob zoo dlov cav
    33. Poj niam ua qaib qua, txiv neej sawv sib tua
    34. Nqaij dawb xeeb kas
    35. Tham hauv tsev, hnov nruab zej
    36. Tham ntawm qhov txos, hnov nruab zog
    37. Sab nraum hais ua kas tag, sab hauv tsis ua cas
    38. Cwj qhaub nyob deb, cwj caws nyob ze
    39. Ua tau tsev mam pom ntoo yiag
    40. Luam zoo thawj ntsug, txwj nkawm zoo thawj tug
    41. Zoo ntxov zoo rov; zoo lig zoo ib txhis
    42. Txus muaj txus ruaj; txus pluag txus xuam
    43. Luag tsaj yus tsis nrog tsaj, luag tau noj yus ua dev nuam yaj
    44. Ua zoo qeej hnov qeej nrov; nruag hnov nruag to qhov
    45. 9 rob ntoo zoo tsis npaum 1 rob paj, 9 rob paj zoo tsis npaum 1 rob txiv, 9 rob txiv zoo tsis npaum 1 thooj chiv
    46. Nab ntsuab ntog saum tsuag, dev nquaj saum luag
    47. Tub sab ncauj ncab tub nkeeg ncauj nreeg
    48. Poj txib nyab, nyab txib mos, mos txib tub cuav zos
    49. Tsis noj los lam tuav diav, tsis luag los lam ntxi hniav
    50. Zaub qab muag ncauj lus mos muag siab



    Qhov kuv zoo txawv luag
    Yog kom kuv zoo li kuv tus kheej xwb


    51. Mov kuam qab tsis cuag mov nplej, niam yau zoo tsis cuag niam nram ntej
    52. Koob mus yoj, xov los nyog
    53. Muaj ntau sib faib noj, muaj tsawg sib faib yoog
    Muaj qab sib faib noj, muaj qaub sib faib hnia
    Muaj txuj luag tias ntxawj, muaj ci luag thiaj tias nrhe
    54. Txawj noj ces noj kom muaj sia, nyob tsis txawj noj ces noj ua mob
    55. Muab ib tug ntses lawv noj ib pluag, qhia lawv nuv ntse yuav noj tsis tu ncua
    56. Txhua lub hws teev, thaum kev thaj yeeb, yuav tsawg ib tee ntshav, thaum tso rog nyhav
    57. Muaj hau thiaj muaj qab, muaj nris thiaj muaj cag
    58. Nyiam thiaj hlub, hlub thiaj nco, nco kuamuag thiaj los
    59. Nplooj yoog kav, noob yoog tsav
    60. Laus nplooj tsis laus kav, los nag ces hlav
    61. Nyuj qhuas nyuj ntab
    62. Tuav npe txog kwj tse
    63. Taws tsau tsis pom tom ntej
    64. Tua hneev tim toj
    65. Muaj dag thiaj muaj luag
    66. Txawj ua ces tau luag, txawj coj ces tau npoj.
    67. Hlub niam-txiv ces tau ntuj ntoo, hlub tubki ces tau zoo
    68. Tuav tes dhau dej, ua luag dhau zoo
    69. Koj nyob kuv qaum, kuv nyob sov koj pwg: peb ua neej nrhu fwv
    70. Ua dev hlub tub
    71. Quav ces tawv thawj thooj
    72. Kuv ces ua nau qhai qhum xwb
    73. Nyob deb txog dej txog cawv, nyob ze rho hluav taws hlawv
    74. Tu qaib ntsuag tau ncej puab, tu tub ntsuag tau yeeb ncuab
    75. Ib rab riam ob sab ntse
    76. Mov qab muag ncauj, lus mos muag siab
    77. Hmov qab xav noj ntxiv, lus zoo xav hnov dua
    78. Qaib ntsuag tsis tuag qaib ntsuag hlob tiav lau qaib cog, tub ntsuag tsis tuag tub ntsuag ciaj xeev laus hau zos.
    79. Nyuj ntsuag tsis tuag nyuaj ntsuag hlob tiav pwj, tub ntsuag tsis tuag tub ntsuag ciaj xeev txwj.
    80. Niam txiv nyob ces yog me nob, niam txiv tsis nyob ces yog ntsuag plab hlob
    81. Sib rhuav ces peb tuag, sib koomsiab ces peb ciaj
    82. Sib pab sawv ciaj vaj, sib hwm sawv ciaj tswv
    83. Lus mos lus tuaj pos
    84. Tsov txaij nraum daim tawv, neeg txaij nruab plawv
    85. Ua cas lwj sib ib
    86. “Dej tob tsis pom thu, neeg nyob deb tsis pom siab"
    87. “Dej loj hla tsis dhau, nto loj nce tsis tau"
    88. “Cuaj tuaj ntes tsis tau, kev hlub-nco luj tsis tau pes rawg phaus”
    89. Nyob txaus, tsw paus; nyob dhuav tsw quav”
    90. Pom kub ntsej muag dub, pom nyiaj ntau ntsej muag ntshaus
    91. Lo lus tseeb nyob qab phaj yeeb lo lus tshuaj nyob qab phaj ntxhuag
    92. Tus tub sawv daws ntsub, tus ntxhais sawv daws ntxais
    93. “Koj txawj hais, kuv txawj teb, peb nyob tau ua 1 ke"
    "Kuv txawj hais, koj txawj khaws, peb nyob tau ua 1 pawg"
    "Koj txawj hais, kuv txawj coj, peb nyob tau ua 1 npoj"
    "Kuv txawj hais, koj txawj zam, peb nyob tau ua 1 pab"
    94. Tsev ti los siab tsis ti
    95. Zoo nraug tau nkauj sua, siab ntev tau nom ua
    96. Nyob luag ntuj yoog luag txuj; nyob luag teb yoog luag ci
    97. Zoo nraug thiaj tau nkauj hmoob, ua siab ntev thiaj tau tim xyoob
    98. “Siab loj tau ua tus coj, siab dav tau ua tus kav"
    99. “Siab zoo tau nkauj hmoob, siab dawb tau hmoob ntxhais ntxawm"
    100. “Nyob luag vaj nrog luag tsaj, nyob luag tsev nrog luag nthe"




    Txoj kev phooj ywg tiag
    Tuaj nyob hauv wb siab
    Paj yuav tawg tshiab
    Hauv wb nplooj siab


    101. Nruab hnub ntuj deb hmo ntuj ntuj nqaim
    102. Khaub hlab luag pom tshaib plab luag tsis pom
    103. “Lub siab quaj dhli, ua lub ncauj luag ntxhi"
    104. “Lub siab puas tas, ua lub ncauj luag nyav"
    105. “Thaum lub siab ntxhov, yuav tau ua siab loj"
    106. “Thaum tsis muaj tus coj, yuav tau ua lub siab khov kho”
    107. Lub neej muaj lub caij zoo, muaj lub caij kua muag poob
    Lub neej muaj lub caij lom zem, muaj lub caij txom nyem

    Kev ntxhov siab yog kev qhia yus ua neej tsim txiaj
    Kev raug luag tsim yog kev qhia kom yus muaj tswv yim

    108. "Twg tes ntev ces yog twg sev"
    "Twg ncauj npliag ces yog twg ndliv qhiav"

    "Koom siab sawv tuav tes, peb yuav nyob muaj npe"
    "Koom siab sawv sib puag, peb yuav nyob muaj suab"

    "Koom siab sawv khi siav, peb yuav nyob tsim txiaj"
    "Koom siab sawv khi pug, peb yuav nyob tsim nuj"

    109. -Tej hlob tam niam tam txiv niam txiv tam lub ntuj
    -Tej nom tej tswv tam lub hnub qhov pom kev tuaj kaj txoj kev tsaus ntuj.

    110. "Koom siab luag thiaj saib tsim txiaj"
    "Koom nrws luag thiaj yuav fwm"
    111. Koom tes luag saib yus muaj nqes
    Koom npoj luag saib yus muaj zog

    Tus txawj hais tus txawj mloog peb ntov koob
    Tus txawj coj tus txawj xav peb koom tau ib pab

    Tus yau hwm tus hlob peb ua ib tsob
    Tus hlob hlub tus yau peb ua ib ntsau.

    112. "Peb sib tuav tes sawv los mus sib nres"
    "Peb sib tuav npab sawv los mus sib pab"

    113. Peb sib pab peb ciaj vaj
    Peb sib zam peb ua tau ib pab
    Peb sib mloog peb nyob sib poog
    Peb sib khiav peb ua neej kaj siab
    Peb sib hlub peb nyob nto moo lug

    114. "Peb sib ntoj, peb nyob tau ua siab loj"
    "Peb sib thuv, peb nyob tau ua siab kaj lug"
    "Peb sib nqa, peb nyob tau muaj zoo pab"
    "Peb sib txhawb, peb nyob tau muaj zoo pab pawg"
    "Peb sib hais zoo, peb nyob tau muaj zoo koob"
    "Peb sib fwm, peb nyob tau muaj zoo keeb kwm"

    115. Nag tshauv ib vuag dua kev tshua ib vuag txog:
    116. :Nyuj heev nrog zog neeg heev nrog cai:
    117. :Zog loj tsis cuag hmoov loj:

    118. "Zaub tsis rau roj-nrev tsis qab, neeg tsis tau kawm txuj ci tsis paub tab"
    119. "Tsis tau lus txib hais lus tsis muaj nqis, thaum tau lus txib lawm hais lus muaj nqis"
    120."Txoj kev tsis taug ces yuav tsis du, kev neej kev tsav tsis ntoj tsis thuv ces yuav tu"


    121.:Qaib dib zoo nkauj yog cev plaub neeg zoonkauj zoonraug yog daim plhaub:
    122.:Yuav zoo tsis fim hnav tshiab tus zoo yeej txawm nruab thiab:
    123.:Tuaj hwj txwv muaj hwj chim zais plab muaj tswv yim:

    124."Saum ntuj muaj zoo fuab dub, ntiajteb muaj zoo pobzeb kub"
    125."Saum ntuj muaj zoo fuab doog, ntiajteb muaj zoo pobzeb koob hmoov"

    126"Kev coj zoo coj ncaj, yuav ua lub tshuaj kho lub siab nyob kaj"
    127."Kev coj ncaj coj zoo, yuav ua lub tshuaj kho lub siab nyob zoo"

    128."Zoo nkauj tsis tim hnav tshiab, zoo nkauj ces yog lub siab"
    129."Zoo nraug tsis tim tseev zam, zoo nraug ces yog txoj kev xav"

    130.:Neeg ruam tsab ntse neeg pluag tsab muaj:
    131.:Neeg ntse ncauj nreeb tub nkeeg yog neeg quav yeeb:
    132.:Xav muaj tsis xav pluag xav ciaj tsis xav tuag:

    133."Neeg muaj tsis xav hnav cov tshiab, neeg pluag tsis xav hnav cov khaub hlab hniab"
    134."Ntuj loj muaj txawv fuabcua, teb dav muaj txawv zeb tsuas"
    135."Dej loj muaj nres ntoj, av zoo muaj neeg nyob"

    136.:Pos kaus ntsaj tsis yuav hliav txiv neej yawg tsis yuav piav:
    137.:Tej laus nyob chaw kaj ntug tsis paub tej hluas kev tsaus ntuj:
    138.:Hnov dej nrov tsis tau dej haus hnov taws lov tsis tau taws rauv:

    139."Kuatxob mos tsis nrim, tibneeg mos tsis muaj tswvyim"
    140."Kuatxob laus nws nrim, tibneeg laus nws muaj tswvyim"
    141."Kuatxob laus nws liab, tibneeg laus nws txawjnkiag"

    142.:Nyiaj puv txhab tsis npaum tswv yim puv plab:
    143.:Fi nyiaj txog tsawg fi lus tau ntau:
    144.:Nyiaj kub nrhiav muaj phooj ywg nrhiav nyuab:

    145.“Fuab dub tsoog tau txiv leejtub; fuab txho tsoog tau ntxhais nkaujnog”
    146.“Noj ces tsis dua nyuag yaus, txawj hmoog ces tsis dua tej laus”
    147.“Neeg nkaus hais tau txhuatus mob taubhau; neeg ncaj hais tau txhuatus lub siab kaj”

    148.:Caij nees zoo ntsia noj mov tsis zoo saib:
    149.:Yuam roj yuam hneev tig tau yuam lus tig tsis tau:
    150.:Cuaj pluag sib luag yim pluag sib nte:


    Daim av cia yus khaws phaj tshab ib chim ntuj tshiab

    Tab sis txoj kev phooj ywg yuav sau txhua lub caij


    151.“Txoj kev hlub yuav nco mus thaws hnub; txoj kev nco yuav hlub mus thaws hmo”
    152.“Riam tsis hov tsis nre, neeg tsis kawm tsis txawj”
    153.“Hlau txias ntaus tsis tau, lus txias hais tau”

    154.:Txhob ua kauv zais hneev tshis zais nas:
    155.:Txhob ntxias nce ntab lauj taw ntaiv:
    156.:Npuaj teg nas khiav ntaug taw noog ya:
    157.:Suav nias luam nyuj nias vaj:

    158."Ntoo vau Mab nrug, cov hlob raug plaub pejxeem phu dub"
    159."Rawb vau Nplooj ntuag, cov hlob raug ntug pejxeem quaj"

    160."Mab ruaj khi Ntoo khov, pejxeem txawj sibhlub cawm tau cov hlob tawm los"
    161."Nplooj tsis ntuag Rawb tsis vau, pejxeem txawj sibpab thiaj cawm cov hlob tawm tau"

    162."Zeb tsuaj Ntoo khov, pejxeem kwm hlub yawg hlob Vaj Pov"
    163."Rawb txhawv tawg paj, yawg hlob tawm pejxeem luag ntxhi zoo siab tshaj"

    164.:Muaj nyiaj yeej meem ntxuv muaj lus yeej meem hais:
    165.:Tawg paj yuav tau yoog txiv txiv yuav tau noj:
    166.:Kev txawj yuav tau kawm kev ntse yuav tau thawj:
    167.:Nkauj txawg tsawg ib los tub txawg tsawg ib txub:

    168."1 rob nplej yuav tsum muaj 3 lub qauj, 1 tug tub hluas yuav tsum muaj 3 tus hluas nkauj"
    169."1 rob paj yuav tsum muj 3 tus kab nrauv, 1 tug ntxhais yuav tsum muaj 3 tus hluas nraug"
    170."1 tug txivdev yuav tsum muaj 1 tus mub, 1 tug txivneeg yawg yuav tsum muaj 1 txoj plaub dub"

    171.:Qub zeej tsw qub ntxhiab qub neeg coj qub siab:
    172.:Dej txiag paug siab yeeb iab ntsim plawv:
    173.:Phooj ywg tau kev dav yeeb ncuab tau kev ti:
    174.:Noj mov tom nplaig mus kev dawm taw:

    175.“Nce toj tsis nrhaus tes, nqes hav tsis nrhaus taw”
    176.“Nce toj lub zog loj, nqes hav lub zog nchav”
    177.“Noj hmov yuav tau npaj, siv nyiaj yuav tau khwv”
    178.“Txom ncauj cim ros qab, hmoog lus khaws lo zoo”

    179. :Ncauj loj tau kua haus ncauj tsawg luag saib taus:
    180.:Yim kwm dej yim tob yim hais lus yim mob:
    181.:Nyias khawb tsis cuag nyias nraub qaum nyias tsis pom nyias qhov txhaum:
    182.:Neeg quav cawv hais lus tsis tseeb lus xaiv nyob qab phaj yeeb:
    183.: Kwm dej yuav rau nrhoob hais lus yuav nrog cai:
    184.:Neeg nyoos txhob tua nees nyoos txhob caij:
    185."Kev nyiam nyob lub siab, kev hais nyob tus nplaig"
    186. "Nyob sib yoog sawv sib fwm, muaj koob thiaj muaj tus zwm"
    187."Toj roob hauv pes qhuas, muaj hnub yuav tau sib cuag"
    189."Av luaj quas kiag, yuav ncaim mus tas tiam"
    190.:Ntov ntoo saib ceg qhuav hais lus saib kwv tij:
    191.:Nyuj tsis pom nyuj ntab nyias tsis pom nyias foob xab:
    192."Nyuj laus nyuj kub kawb, neeg laus neeg suab hawb"
    193."Hnub tuaj hnub tawm, Paj hlob paj tawg, neeg hlob neeg txawj"
    194."Hnub tawm hnub ci, Paj tawg paj txi txiv, neeg txawj neeg ua taus txiv"
    195. Vauv nquag peb txuas zis nkauj nquag peb tag kis
    196. Nyob deb luag taw tes nyob ze luag taw ncauj
    197.Ib riag ob tog tu ib los ob tog pluam
    198. Quav nyuj puab phawv
    199. Muaj zoo txam txwv txhob txam zeb cub muaj zoo txam txwv muab txam zeb tsua
    200.Nyuj qaug tswg qaij
    201.Siab tsis qhuav dej plawv tss qhuav ntshav
    202.Dav ya nruab ntug pom duab txawm nyob ntuj kawg los yeej yuav sib cuag
    203. Ua neej tsis pom hmoov
    204.Pom dua tsis cuag ua dua ua dua tsis cuag noj dua
    205.Neeg zoo xeeb plaub
    206.Pom luag quaj txhob luag pom luag tuag txhob thuam
    207. Nyiaj puv plab tsis npaum tswv yim puv plab
    208. Khiav nab ntsib qav khiav tsov ntsib plis
    209.Phooj ywg tau chaw dav yeeb ncuab tau chaw ti
    210. Hauj lwm yuav nyiaj thiaj tsim txiaj hauj lwm dawb tsis muaj laj thawj





    Paj lug Suav hais tias:

    Txiv txoj kev hlub siab tshaj lub Roob
    Niam txoj kev hlub tob tshaj Hiav txwb


    Last edited by Maiv Tooj on 22nd March 2010, 8:24 pm; edited 3 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 6:20 am

    Piv txoj Lug Ntxoov L. Vaj USA Tim 1 lub 10 hli 2009




    1. Nroj tsuag laus ces tas ib xyoos, tib neeg laus ces tas ib sim
    2. Ntoos laus ces plawv khoob, tib neeg laus ces plawv dhia
    3. Ua neej nyob ces ib txheej kav ib txheej, ib tis kav ib tis, tej hluas nco ntsoov
    mloog tej laus qhia.
    4. Ua neej nyob, yuav yug nyuj coob los tiv tsov npoj, yuav yug tub ki coob los
    fwbxwm npaj saib tej laus nce lub hauv toj.
    5. Kev ua neej nyob ces tij fwm kwv, kwv fwm tij, tij mloog kwv qhuab kwv
    mloog tig lus. Xyoob ces cia ua ib txoog, ntoo ces cia ua ib tsob, nqaij ces
    cia ua ib taig, tawv ces cia ua ib pob, kab cia ua ib nqag, hlau cia ib co.
    6. Kev ua neej nyob yuav tau yoog raws tej laus tej lus qhuab, tej kwv tij thiaj
    nyob tsheej ib cuab. Muaj ib siab ob qig, tuam txim mas vuj xov txim, xov
    txim mas txum vuj txim muaj hlob muab ua yau, muaj yau muab ua kom tsis
    muaj tag.
    7.Tus txhaum hlob txhaum yau, siab ntev tso plhuav pov tseg, muab nplua coj
    los noj los tsis tsau.
    8. Yog ntsev lwj ces tsuab tshauv nphoo, yog nqaij lwj ces tsuab ntsev las, sib yoog ces plaub ntug twb txawj tas.
    9. Txoj kev tij vi muaj lus nkhib lus nkhaus ces yog yus khob yus roob qheb, tij txawj hais kwv txawj teb ces twb tas nrho ib xub plaub, ntshai tsam ces tuam cuab tsis txawj yoog es ho yuav sawv npuaj teg.
    10. Yog nqaij lwj ces tsuab ntsev las, yog ntsev lwj ces tsuab tshauv nphoo, yog
    tej kwv tij muaj lus nkhib nkhaus ces yog yus khob yus hauv caug. Yog tij tsis txawj hais los kwv txawj lug ces twb tas nrho ib xub ntug. Ntsh tsam ces tuam cuab tsis txawj yoog es ho yuav sawv zij ncaug.
    11. Peb ua neej nyob yuav xyaum caiv ncauj cais lus, leej twg txuag zam ces zam tshiab txuag siav ces siav ntev.
    12. Roob toj ntxa ces tsis zoo ncaws qua tsev, leej twg txuag siav txuag zog ces
    tau zoo hnav zam, caiv ncauj cais cev ces tau nrog poj vov ib daig pam.
    13. Leej twg txawj txuag zog txuag siav ces tau tub ki lub zog noj, leej twg
    txawj txuag cev txuag lus ces tau nrog poj vov ib daig choj.
    14.Peb ua neej nyob ib tug hlub ib tug, tej laus ces laus tag, tus uas cev tuaj vuj
    xyov xwm tsuj zeb tsuj ca, mus ua noj ua haus los saib tom ntej tom qab. Saib tom ntej tsam ces muaj nab muaj qav, saib tom qab tsam ntsis muaj tub sab tub nyiag, saib pem suab tsam ntsis muaj tog khaub tog tsuag, thiab saib pem teb thiab tsam ntsis muaj taus muaj txuas. Ua noj ces saib qab saib hau, tij hlub kwv, kwv hlub tij.
    15. Peb ua neej nyob, nyob luag ntuj yuav yoog luag txuj, nyob luag teb yoog
    luag ci. Peb tsis muaj faj tim huab tais, tsis txawj hais li cas, luag hais li cas
    ces yuav li ntawd.
    16. Peb ua neej nyob tus tsis tuav xyov xeeb, tau lub zoo tsheb ces yuav xav
    tias yuav tsis tau tshav ntuj kub, tus txawj tuav xyov xeeb ces tau lub zoo tsheb los cuag li yuav tau ib xub plaub dub.
    17. Tus tsis txawj tuav xyov xeeb ces tau ib lub zoo tsheb tshiab, xav tias tshav ntuj yuav tsis ziab. Tus txawj tuav xyov xeeb ces tau ib lub zoo tsheb tshiab los cuag li tau ib xub plaub liab.
    18. Kev ua noj ua haus, tej nyuag tub nyuag kiv, tij pab kwv, kwv pab tij, niam
    pab txiv, txiv pab niam. Luag niaj txhis tias tshab koob tshab lis thu, nyias nyob muaj nyias tus; tshab koob tshab lis saub, nyias nyob li nyias ntshaus.
    19. Sawv daws nyias yim meem mus leg nyias teej nqa teej num thiaj tau noj tau haus. Sawv daws, niam ncoog txiv puab txiv ncoog niam pu, niam mloog txiv qhuab txiv mloog niam hu. Niam tshuab ntuag ces txiv qaiv ntxaiv, niam mloog txiv qhuab, txiv mloog niam khaiv.
    20. Ua neej nyob tsis txhob nkees, pw dab ntub tos nyiaj kub, siab ntsws tsis
    txawj txob, tsis txhob khi nyuj tos zaub hlob, muaj tsawg siv ntau muaj ntau tsis txaus phob.
    23. Ua neej nyob tsis txhob khi nees tos zaub hlav, pw dab ntub tos nyiaj kub
    Los tsav, muaj tsawg tsis txaus siv, muaj ntau siv kom tas.
    24. Kev ua noj ua haus ces ib tug hlub ib tug, ib tug pab ib tug, xyuaj xyuj tuaj
    pua yaam nkaw, nib yij puj taab lwm saw laj tab lis xeem, koj pab kuv kuv pab koj, hauj lwm thiaj tsawg.
    25. Peb ua neej nyob tsis txhob xav tias tav caij ua ces tsis muaj neeg ua, tav
    caij noj ces sawv los ua tsov noj, noj tas ces khiav rov mus ua tsov pw;
    tsam muaj ib hnub tej laus dua nra tas ces hmab yuav hlav los voob tsov tw.
    26. Ua neej nyob sawv daws yuav xyaum kiab xyaum tsheej, nyuj ua neej ces
    nyuj r-uam r-uam, nyuj tsis paub, nyuj cuab tsuj los nyuj taw twb hlauv qhov
    vooj. Kuv cuab ncauj hais nej los kuv kuj txhaum npaum nplooj.
    27. Nyuj ua neej nyob nyuj r-uam r-uam nyuj tsis paub, nyuj cuab tsuj los nyuj
    taw twb hlauv qhov ceg; kuv txawj hais nej los kuv kuj txhaum npaum zes.
    28. Ua neej nyob laus zuj zus ces noj qhauv los qhauv tsis qhuab, hais lus ces
    lub ncauj yuav muas lub suab. Noj qhauv los qhauv twb tsis qhia lub nco, hais lus ces lub suab yuav muas lub tsho.
    29. Ua neej nyob peb tib neeg tsis mloog ntuj lus xib, tib neeg thiaj tau nqaij
    txha ciab zib.
    30. Peb ua neej nyob tib neeg tsis mloog vaj tswv txuj lus qha, tib neeg thiaj tau
    nqaij ciab zib txha plhaub mag. Peb ib hnub ua kev xwm txheej es kuv
    yuav ua kev xwm muj.
    31. Niaj txhis tias, tus ntsov txob cia ntoo txiv txhais tes ntawv, tus kwv taum
    txhob cia siv maum txuas nkag pis kawv.
    32. Kev xaiv txij xaiv nkawm xaiv poj xaiv tsev, xaiv thawj pab mas muaj thawj pab tuav lwm pab npab. Xaiv lwm cev muaj lwm cev tuav lwm cev tes. Kev yuav poj yuav sev yuav txwj yuav nkawm los tu tub tu kiv ua neej, noj txiv yuav saib noob. Yog ib leeg ntxhais yuav txwj yuav nkawm ces yuav saib luag caj hmoob. Noj nqaij yuav saib txha, ib leeg tub yuav poj yuav sev yuav saib luag ces neej tsa.
    33. Tsis xaiv noob neej tsis xaiv noob tsav, yug tau tub ki, tub ki yuav tsis lawv
    niam txiv poj yawm txwv feej tshaj. Tsis xaiv noob tsav tsis xaiv noob neej,
    yug tau tub kiv, tub ki yuav tsis lawv li niam txiv poj yawm tej qub xwv
    feej.
    34. Ua neej nyob tsis mloog poj yawm tej lus qhuab tsis mloog niam txiv tej lus qhia, yuav poj yuav sev, yuav txwj yuav nkawm yuav yug tsis tau tus zoo tub, yuav yug tau nyuj qus los ntsib tsov dub.
    35. Ua neej nyob leej twg tsis mloog poj yawm tej lus qhia, tsis mloog niam
    txiv tej lus qhuab. Yuav poj yuav sev yuav txwj yuav nkawm, yuav xya tsis
    tau tus zoo tub ntxhais, yuav xya tau me txiv tsov ntxhuav los ntsib
    maum dais.
    36. Txheej ua rau txheej, tam ua rau tam, yuav poj yuav sev yuav tub yuav roog tsis ua zoo saib zoo xyuas, yuav yug tau tub ki los nrog niam txiv sib tawm tsam.
    37. Niaj txhis tias, yug tau niag phem tub, yug tau rau nyuj hnub, cia poj muab niag phem tub nrog tu hlob mus tiav txuj. Niag phem tub yuav sawv ntaus puj.
    38. Yug niag phem kiv, yug tau rau d-ev hmo, cia leej txi muab niag phem kiv nrog tub hlob mus tiav ci, niag phem ki yuav sawv ntaus leej txi.
    39. Niaj txhis tias muaj tub yuav muab nyab, muaj ntxhais yuav qua, yog poj tsis taus ces poj li muab nyab, yawm tsis taus yawm li muas nees. Poj muab nyab los yog poj ntshaw diav qav qab, yawm muas nees los yawm ntshaw nees caij.
    40. Nyab ua lub siab nruj, yog poj yawm hu zoo los nyab nrog poj yawm sawv sib luj, muaj ib hnub poj yawm dua toj, nyab yuav raws poj yawm tej qub roj.
    41. Nyab siab tsis ntev, poj yawm zoo los nyab ua cuaj hnub nrog poj yawm sib ceg. Muaj ib hnub poj yawm dua toj, nyab yuav raws poj yawm tej qub kev.
    42. Ua neej nyob, peb tsis mloog poj yawm tej lus qhuab, pom luag tej pab nyab, txhob ntshaw nyab coob los puv cuab, puav leej yog nyab tawv tuab. Tsis muaj ib tug xyom puj suab. Puj tsis tau tib zaug npau suav nyab los txais puj nra zeb. Puj tej nyiaj ntxiag ntog lawm deb.
    43. Ua neej nyob, leej twg tsis mloog niam txiv qhia, pom luag nyab muaj tsheej ke, tsis txhob ntshaw luag nyab los puv tsev, puav leej yog nyab tawv d-ev; tsis muaj ib tug xyom leej txi, yawm tsis tau tib zaug npau suav nyab los txais yawm lub nra hlau, yawm tej nyiaj kuv phem nrog yawm do hau.
    44. Niaj txhis tias tsis yog ib leeg ntxhais, ib leeg ntxhais yuav dua nraum toj, leej niam leej txiv yug, yog niag ntxhais tsis noj niam qhuab tsis mloog txiv lus, muaj ib hnub yuav mus tuav tsis tau luag ncej ntug.
    45. Tej me ntxhais, ua neej nyob tsis mloog niam mloog txiv qhuab, muaj ib hnub yuav mus tuav tsis tau luag lub teej cuab.
    46. Leej twg yog niag ntxhais kwv cov kwv chim tuam muas puj ceeb tob, yuav mus ciaj tsis tau luag haiv neeg, nrog tsis tau luag txheej hmoob nyob.
    47. Luag niaj txhis tias tej me ntxhais, me ntxhais, koj niam koj txiv yug nej yim tus, tsis yog ib tug tub tuav ncej dab, yog ib tug ntxhais yuav mus ciaj luag nyab. Ib tug ntxhais dua toj, koj tsis xyaum kiab tsis xyaum tsheej, tsis noj niam noj txiv lus ces mus tau lub neej* neej npuas, neej ntxov neej lig los tsuas nrog koj qhov muag dig.
    48. Ua ib leej ntxhais leej twg tsis noj niam lus tsis mloog txiv qhuab, mus tau lub neej* neej npua los yus tsuas nros yus qhov muag nqhuab. Mus nrhiav tau luav chaw ces nrog luav pw, mus rhiav tau nquab zes ces nrog nquab nyob.
    49. Txoj hmoo zoo li cas ces yuav li cas, mus nyob ciaj luag haiv hmoob, tuag ces ciaj luag dab txwv koob. Mus nyob ciaj luag haiv neeg, tuag ces ciaj luag dab txwv zeej.
    50. Ua neej nyob yuav xyaum kiab xyaum tsheej, mus ua neej mloog poj mloog yawm lus, mloog niam mloog txiv hu, mloog poj mloog yawm hu, mloog niam mloog txiv qhuab, mus nrog luag ua neej, yim meem mus tab luag lub luaj qoob tuav luag lub luaj loo. Mus tab luag lub teej qa, tuav luag lub teej cuab.



    Cov paj ntuj tshiab yog ntuj tsaug kev npau suav
    Cov lus tham saum tsum mov yog cov Tshiab lus tshua


    51. Mus txuaj luag ntsiab puab luag qaib, mus tsoov luag xua pub luag npua, mus ua luag pam rau luag vov, mus ciaj luag tseeb rau luag pua, mus tu luag tub rau luag yuav, tu luag ntxhais rau luag qua.
    52. Tej me ntxhais, tsam muaj ib hnub khaws tau txoj kev mob siab, luag ciav ciav lim lim. Niaj txhis tias yog ntuj mob teb yuam tuag ces luag txheej cuab yuav tau lub zoo meej thawj; yog tsub muj txim txom tuag yuav tsum kiam peb tiam rau hnub qab nram ntsis luag xeeb leej xeeb ntxwv khaws. Yog luag xeeb leej xeeb ntxwv li puj suab. Qhua tauj yas hais tias yog thaum ub haiv neeg li txheej cuab.
    53. Yog ntuj mob teb yuam tuag, luag txheej hmoob yuav tau lub zoo npe, yog tsub muj tsim txog tuag, yuav tsum feeb tiam rau hnub qab nram ntsis rau luag xeeb ntxwv thiab tej xeeb luj, yog luag li xeeb ntxwv thiab xeeb luj li puj koob, qhua tauj yas yuav hais tias thaum ub yog luag haiv neeg li txheej hmoob.
    54. Tej me ntxhais, kev mus ua neej luag tsis txawj hlub ces luag tsuas hlub luag tus tub tuav ncej dab, thiaj tsis lov luag tus nqaj nthab. Yog luag txawj xav ces luag tsis hlub luag tus poj se, luag yuav ntshai tsam rho luag tus nqa tse.
    55. Luag tias cais nyuj tub nyuj tsis mob nyuj siab, yog luag cais nyuj pub zaub cais nees pub ntsev, luag ciav, ciav saum hniav, cev ncuv saum nuv, nqua hawm txiv huab tsab ua ntiv ncaws. Nplaum ces yog cwj nplawg nplaum ua cas cwj nplawg yuav nrov nqaj ntxhias, tawv yog cwj pas tawv, ua cas cwj pas yuav nrov qas npawv.
    56. Yog cwj qhaub nyob deb los muaj cwj caws nyob ze, cwj caws los yog cwj qhaub, cwj caws los yeej teev tau cwj qhaub lub rooj plaub.
    57. Tsuas ntshe yog nej tsis txawj ua es muaj nom muaj tsw muaj teb muaj chaw los kev neej kev tsav xyuam tsis nyog nej lub me npau lauj kaub.
    58. Tsuas ntshe yog nej tsis txawj ua es nej ua noj ua haus los ua cuaj pluag los mov yeeb seb, luag poj luag yawm nthe nej tsis tig ntsej mloog hos nej tig lus teb. Yog nej qhib ncauj qhib suab teb ces luag yuav tias cas zaum no yov yuav tau poj dab qas ntxoog sawv los fab zeb. Ntshe nej cuaj hnub yuav nrhiav kev tsiv rov ua nkauj feb.
    59. Nej ua noj ua haus tsis txawj ua, ua cuaj pluag los mov npuag qav, luag poj luag yawm nthe los nej tsis tig ntsej mloog hos nej tig lus cav, tsam luag yuav cem tias cas yuav mus yuav tau dab qos ntxoog sawv fab ca, cuaj hnub nrhiav kev tsiv rov ua nkauj fa.
    60. Yog nej txawj ua ces nej yuav tau neej tau tsav ntoj, nej tsis txawj ua ces hav dej yuav quas nkaus nej rau lub zoov toj. Yog nej txawj ua ces nej yuav tau neej tau tsav thuv, nej tsis txawj ua ces hav dej yuav quas nkaus nej mus rau lub zoov dub.
    61. Niaj txhis tias muaj ib hnub tus ntxhais uas mus nrog luag ua neej, laj kam tsis nto, mus haum tsis taus luag txheej cuab. Thaum ua nkauj xwb nrog leej niam leej txiv nyob, leej niam leej txiv tsev, niam txiv tij vi neej nus hais los ob los peb ncaws, zoo ces txawm zoo, tsis zoo ces sawv dhia paj paws. Tuag tsis tuag los yuav mus nyoos. Muaj ib hnub mus ua neej ces yeej los yuav zoo li ntawd.
    62. Niaj txhis tias poj nce nthab yawm nce tsev, poj nrhawv kab yawm rhawv kev, nkauj ntsuab zoo ces nqus los ua nyab, yog ntxhais nruab nrog ces tso rau nruab nrag. Yog nkauj dua tauj ces nqus los ua sev, yog ntxhais hauv tsev ces thawb tshwm rooj.
    63. Muaj ib hnub npua puv yuav tua nkauj puv yuav qua, nej mus ua neej, nraim nkaus nej niam nej txiv lub qhov muag, yog nej txawj ua; tsam vim tus tsis txawj ua, ces muaj kauv maim lij choj los yuav fwj tsis tau nej lub neej tswj tsis tau nej txoj qab hluas, ces nej yuav tsis tau lub me zoo neej ua.
    64. Yog luag txawj ua los vim nej tsis txawj ua, ces yog tim nej tej nplooj siab vim nej tej nplooj plaw, zoo tsis zoo ces nej yuav tuag tshuaj iab los tshuaj daw.
    65. Nej mus nrog luag ua neej, yog nej lub siab dawb qas paug, nej yuav ua neej luag qos ntxhi, yog lub siab dub qas nciab nej yuav ua neej tsaus ntuj qos nti.
    66. Yog nej coj lub siab dawb qas paug, nej yuav ua neej luag qaj qaug. Yog nej lub siab dub qas nciab nej yuav ua neej li ntuj tsaus.
    67. Lawv me ntxhais nej mus nrog luag ua neej, dub muag qas txig ua qav ua num, mloog niam mloog txiv lus, mloog poj mloog yawm khaiv, mloog niam mloog txiv qhuab, mus nyob ciaj luag haiv kom tsheej ib cuab. Mus nyob ciaj ces yog luag haiv hmoob tuag ces ciaj luag dab txwv koob.
    68. Kev mus ua neej nias siab tuag nthi nrog luag ua neej, dub muag txig nrog luag ua neej nyob. Tsis txhob tig ntsej qas ncuv los mloog cuav xaiv, tsis txhob tsa ntsej qas cog los mloog cuav lus. Hnov dheev poj lub suab ces yuav teb qas ntua. Hnov yawm nroo laws ces yuav teb qas ntais, niam txiv tij vi, niam txiv poj yawm khaiv ua dag ua num , ces yuav tsoo twj tsoo tais nrov ua nqaj nqug, yuav sawv ua ncauj ntsa qas ntua, yuav sawv npuaj qab qas ntxhias ua qab tiab yim qas plias.
    69. Yog mus nrog luag ua neej es nej ua li txoj no, ua li no ces ua tsis tau neej li lau. Nej yuav nrog luag ua tsis tau neej li lau lawv me ntxhais. Yuav tuag thiaj tag, tsis tuag tsis tag li lau. Kawg yuav mus tuag luag tshuaj iab tshuaj daw. Tsis tuag tshuaj iab tshuaj daw los yuav tuag luag qas nrig ncaws taw.
    70. Cov me ntxhais, yuav xyaum kiab xyaum tsheej, luag niaj txhis tias poj tsis taus poj muab nyab, yawm tsis taus yawm muas nees, poj thiab nyab ces yuav yog zoo tau li qhua tuaj. Poj thiab nyab zoo tsis taus li qhua tuaj, nyab yuav mus txhij qab tias poj muab nyab ciav ciav rau tej nta tsua.
    71. Poj thiab nyab yuav zoo tau li qhua tuaj es qhua rov, yog zoo tsis taus li qhua tuaj es qhua rov, nyab yuav coj poj mus thij meej hais tias poj muab nyab ciav ciav lim lim cob rau dab tsov.
    72. Niaj txhais tias poj yawm ntshaw nyab ces tsuas ntshaw tus zoo nyab los leg teej qa teej num coj los kib cuab. Nyab ntshaw poj ntshaw yawm ces xav kom poj yawm tsis txhob huaj foob, poj yawm qhuab qhuab qhia qhia nyab tu tub tu kiv ua neej huaj vam yaj los kib txoob.
    73. Poj yawm ntshaw nyab, ntshaw tus zoo nyab xyom hauj xyom seem, leg tes qav tes num coj los kib yig. Nyab ntshaw poj ntshaw yawm ces xav kom poj yawm qhuab qhuab qhia qhia rau nyab kom nyab ua zoo neej, tu tub ki los vej zeej.
    74. Niaj txhhis tias, ib txheej kav ib txheej, ib tis kav ib tis, yog niam txiv poj yawm txoj sia ntev ces nej siav li ntev. Tsis txhob xav tias poj yawm siav tsis ntev ces nej siav yuav ntev. Tsis tau li nawb tej me ntxhais.
    75. Ua neej nyob tsis txhob ntshai tej laus, niaj txhis tias yog nyab hais npua qhauv rau pog noj, tom qab xeeb leej xeeb ntxwv ua neej tsis tsheej npoj. Tej laus hais li no.
    76. Niaj txhis tias nej ua neej nyob, nej xyaum kiab xyaum tsheej, xyom hauj xyom seem, yog yawm ua neej laus qas tshu yawm ua xu, poj ua neej laus qas tiag poj ua tsias, tej laus tsis zoo los cia yus zoo, siab ntev tu tej laus, niam txiv poj yawm txob txab qias neeg qas ntsuav ciaj ib tawb quav los yuav ua zoo ntxiv ua zoo ntxhua.
    77. Tej laus ces qhov muag dig tag ciaj ib pag los tsis txhob qias, niaj txhis tias nyab tsis txhob lam hais npua qhauv rau pog noj, ua neej cuaj tiam rau hnub qab, poj tsis foom tseg yawm tsis hais cia xeeb xeeb luj luj ua neej thiaj tsis muaj kev tshooj xab.
    78. Ua neej nyob nyab tsis txhob lam hais npua qhauv rau pog noj, ua neej cuaj tiam rau hnub qab nram ntsis pog tsis hais cia yawm tsis foom tseg, xeeb leej xeeb ntxwv xeeb xeeb mus mus thiaj tsis muaj kev tshooj xwm.
    79. Peb ua neej nyob, luag niaj txhis tias tshwj cuj puaj saw tuam cuaj yaaj khaw nib zeej puj tib lwm saw laj tab lis xeem, ib tug yuav pab ib tug, niam pab txiv pab txij thab, txiv pab niam pab luaj tsua phab, niam tshuab quab ntuag ces txiv qaiv ntxaiv, niam mloog mloog txiv qhuab txiv mloog mloog niam khaiv. Niam ncoog txiv puab txiv ncoog niam pu, niam mloog txiv qhuab txiv mloog niam hu.
    80. Luag niaj txhis tias niam nce toj txiv yim meem soj, txiv nqis hav niam yim meem kav, tsis txhaum tsis tub qaug leej twg, tsis txhaum vaj tswv, tsis txhaum lub ntuj.
    81. Luag niaj txhis tias, kav phom ces tau phom tua, kav txwj kav nkawm ces tau txiv sua, kav tiag tsis muaj kev txhaum li.
    82. Niaj txhis tias, ua neej nyob nej mus ciaj luag nyab, ciaj luag sev, nej tsis txhob ib los nrov ntav, ob los nrov nkuav. Yog leej twg coj ib los nrov ntav ob los nrov nkuav, luag yuav hais tias peb twb hnov niam pog tsov tom lawm ua cas tsis pom tsov cua.
    83. Niaj txhis tias leej twg ua neej nyob ib los nrov nkuav ob los nrov ntav, luag hais tias hnov niam pog tsov twb tom lawm uas tsis pom tsov nqa.
    84. Nej tseg ncua txoj kev uas, cuaj hnub hu dab cab, yim hmo hu tsov tom. Cuaj hnub hu dab cab los dab tsis cab, luag hais tias yog niam pog xob tua ntoo nthe cuaj suab, luag kwv luag tij yuav hem tas ib cuab.
    85. Yim hmo hu tsov tom los tsov tsis tom, luag hais tias yog niam pog xob tua ntoo nthe cuaj rhe, ces luag kwv luag tij yuav ntxub tas ib tse.
    86. Nej nrog luag mus ua neej, tso tseg tej kev no thiaj tsheej neeg tsheej cuab ntseg yim nawb. Luag tsis zoo los nej zoo, luag tsis ntev los nej ntev, muaj kauv maim lij choj, muaj txoj cai nawb. Ua neej tsis taug xub qab yuav ua neej tsis tshab. Ua neej tsis taug xub tw ua neej tsis ncw.
    87. Luag hais tias tsis txhob mus ua ncuaj npuag qas thua, mus nrog luag ua neej, luag thiaj hmov thiaj tshua. Yog mus ua ncauj npuag qas thua ces yog poj niam ua qaib qua txiv neej tau sib tua.
    88. Nej mus nrog luag ua neej, kab noog tsis quaj tug, me ntxhais nws txheeb neej txheeb nus, txheeb neej txheeb tsa thiaj tau plhu.
    89. Luag muaj tub yuav muab nyab, luag yov yuav tus cheb plag tse qawj ntxuav qab yiag to, luag yov yuav tus ploog nto ntsis nqaj nto ntuj; luag yov yuav tus nkauj kib cuab nkauj vej zeej; yog luag xa nkauj fa ces yog nkauj xyob txhiaj.
    90. Luag muaj tub muab nyab yuav poj yuav sev, luag yov yuav tus nkauj vej zeej, nkauj kib cuab, yog luag xa nkauj feb ces yog luag xa cua.
    91. Hais rau feem tub, niaj txhis tias niam thiab txiv xya tau ib leeg tub yog cov qas tub tsis noj niam lust sis mloog txi qhuab, yog qas tub ploog ntuj ploog teb nqhuab, yog cov niag tub yeeb ncuab. Tij tsis fwm kwv kwv tsis fwm tij, muaj ib hnub tij yuav tseg kwv kwv yuav tseg tij, yuav ua liaj da poob ntuj ntsuab.
    92. Luag niaj txhis tias, niam thiab txiv xya tau cov qas tub, tsis noj niam lust sis mloog txiv hu, yog cov qas tub pluag tub plog, cov niag tub sawv sib ntsuas zog. Tij tsis fwm kwv, kwv tsis fwm tij, muaj ib hnub tij tseg kwv, kwv tseg tij, yuav ua liaj dab poob qab ntug.
    93. Niam thiab txiv yug tau tus ua tooj, xya tau tus ua hlau, muab kwv tij saib ua qhua tauj yas, ntsib ntav thaum twg yuav ua tsov sib nyas.
    94. Niam thiab txiv xya tau tus ua hlau yug tau tus ua tooj, muab kwv tij saib ua qhua tauj, ntsib nthav thaum twg yuav ua nyuj sib nraus.
    95. Luag niaj txhis tias, hnyav cuag hlau los twb raug dej tshoob, tsheej ces yog qhuab phem tub los nyob yaj los kib txoob. Yog qas phem tub nplooj siab tsis npaj, ntshe qas phem tub tseem sawv loj cuj ua d-ev tsaj.
    96. Niam thiab txiv yug tau tus qas tub phem kiv, qas phem ki tsis ua yaj los kib txhoob ces yuav qhuab tsis tau, qos phem ki ces txheej siab txoj cai hla tsis dhau, qas phem ki tseem yuav raug loj cuj ua d-ev hov kaus.
    97. Niaj txhis tias yog twm tsis nqes dej yuav cob tsis tau twm laij liag, tub ki tsis xyaum tsheej, cob tsis tau tub ki ua txiv qas ntxhias.
    98. Niaj txhis tias ua neej, tus hais lus tsis meej mas hauj lwm ua tsis tiav, yuav tau rho riam nyom dua ncauj kho dua hniav.
    99. Ua neej nyob yog ua hauj lwm tsis tiav yog hais lus tsis meej, yuav tau rho riam nyom dua hniav cog dua ncauj.
    100. Ua txheej xwm ua tsis raws li poj yawm txwv koob, hais lus tsis zoo raws niam txiv poj yawm li yeej koob.



    Ib teev lwg ywg tsob paj yuav tawg tau puv nras
    Ib lo lus zoo ywg lub siab yuav ua tau tus neeg tsis muaj txiab


    101. Ua txheej xwm ua tsis raws poj yawm txwv zeej, hais lus tsis zoo raws niam txiv poj yawm tej qub xwv feej. Ntshe koj yog tau d-ev siab, qhia thiaj tsis rais qhuab thiaj tsis rov, vim koj lub qhov ntsej ntshe raug txha kws xiab.
    102. Koj tsis noj niam noj txi qhuab, ntshe koj yog tau d-ev nco, koj thiaj qhuab tsis rov qhia tsis ncawg, ntshe koj lub qhov ntsej yog txha kws ntsaws.
    103. Yog koj niam koj txiv tu koj hlob tiav txuj, koj noj qhauv los qhauv tsis qhuab, muaj ib hnub roob riag qhia koj ces koj li pom ntuj ntsuab.
    104. Yog koj niam koj txiv tu koj hlob tiav ci, koj noj qhauv los qhauv tsis qhia, muaj ib hnub saw hlau qhia koj es koj li zaum tsaws quaj ntsia.
    105. Yam li koj ces qaib qua ntxov koj sawv lig, zaub mov luag noj dua nqaij luag noj txaus, yam li koj ces ib hnub mus this nywj sib nraus yuav raug luag qws rauj qws thaiv ntaus.
    106. Yam li koj ces qaib qua ntxov koj sawv lig, nqaij qhau luag noj txaus zaub mov luag noj txhua, yam li koj ces ib hnub mus this luag nywj sib luas yuav raug luag qws rauj qws thaiv tua.
    107. Yog luag qas qws nrov cuaj nplawg qws tsis tseg yuav khib txog thaum ub leej niam leej txiv txoj kev iab kev khwv tu quav da zis, nqe mis nqe hno yuav nplua npleev leej niam leej txiv tej quav tes.
    108. Yog luag qas qws nrov cuaj nplawg qws tsis rho, yuav khib txog thaum ub leej niam leej txiv tej kev iab kev daw tu quav da zis, nqe mis nqe hno yuav nplua npleev kom tuaj tso.
    109. Qas tub siab dub kheev koj yog caj hmab cag ntoo zij, niam thiab txiv qhuab tsis tau los cia niam thiab txiv mam rho riam phim, cas yuav yog qas tub siab phem yuav ua rau niam thiab txiv zaum tsaws chim.
    110. Qas tub siab phem, kheev koj yog caj hmab ceg ntoo to, niam thiab txiv qhuab tsis tau los niam thiab txiv zoo xuas riam txo, cas yuav yog qas tub siab dub es niam thiab txiv yuav sawv los zaum tsaws npo.
    111. Nim yog muaj ntuj thiaj muaj teb, muaj pog thiaj muaj yawg, muaj niam thiaj muaj txi es thiaj xya muaj tub yug muaj ki, ntuj ni pog thiab yawg, cas pog thiab yawg yuav yug tau ib pab zoo heev mos lwj, cuaj tug txiv mos lwj los dhia tib lub dawg.
    112. ntuj nis niam thiab txiv os niam thiab txiv, ua cas niam thiab txiv yug tau ib pab zoo txiv nyuj dag los yuav tshwm tau ib tug zoo txiv nyuj txaig. Cas niam tsov thiab txiv tsov yug tau peb leeg tub muaj ib tug yuav mus ua tsov liab. Cas leej niam thiab leej txi yug tau cuaj leeg tub muaj ib tug yuav nrhiav mus ua txoj kev iab siab.
    113. Kev ua neej nyob, ib txheej yuav kav ib txheej, ib tis yuav kav ib tis, tus ua zoo mas tau zoo tus ua phem mas tau phem, yog ncej tsis ntseg yuav cia luag tswm, tub tsis ntse yuav cia luag qhia. Kab hlau tsis zoo yuav tseg nkag rau lwj, tub ki tsis zoo ces cia luag ntswj .
    114. Tus qas tub tawv pliaj tawv plhu tuab, yuav xya tau ob yam txuab, tus qas tawv pliaj tawv plhu dav, yuav xya tau ob yam ntshav. Tus uas fam muas puj yeem xeeb, nuj txig puj yam tsam, maj phij kawb kaim lij maj puj laij cij theeb. D-ev ntxeev qhov muag d-ev nce npua ces d-ev yuav tuag, tub ntxeev qhov muag tub nce puj ces tub yuav pluag, ntshe tub yuav ciaj nyuj ntsuag.
    115. Hais rau tej niam txiv, txiv tsev fam sawv twv txiaj ces neej cuab yuav piam sij, niam tsev lwj sawv ua nkauj ces neej cuab yuav ntsoog. Yog nyuj nqov tshav mas ze roob taus, dev nqov tshav mas ze cub tawg. Ntxhais lwj lam ces nce nkuaj hluas, tub lwj lam mas nce nkuaj hlaus.
    116. Peb txoj kev ua neej niam txiv twj tais sib dug, txiv lwj lam ces tsoo cuab tiv, niam lwj lam mas pus kev ntxhov.
    117. Niam zoo rau txiv mas zoo li d-ev co tw, txiv zoo rau niam mas zoo li d-ev nchos mub, niam dub ncos ces txiv dub siab, ua neej nyuj tw nqus tsis yiag. Muaj ib hnub laus tuag tas luag tsis muab ob leeg coj mus faus ua ib hleb, luag yuav muab ib tug coj mus zais deb, niam txiv yuav sib ncaim mus txog hnub ntuj to qhov teb tawg pleb.
    118. Niaj txhis tias niam zoo rau txiv mas zoo li d-ev nchos mub, txiv zoo rau niam mas zoo li d-ev co tw, txiv dub siab ces niam dub ncos , ua neej nyuj tw nqus tsis los, muaj ib hnub laus tuag tas luag tsis muab ob leeg coj mus faus ua ib qho, luag yuav muab ib tug coj mus pov rau ib lub ha yuav ncaim mus txog hnub ntuj fa.
    119. Yog koj tso tsis tau koj lub siab, ntshe koj lub siab yuav hai koj lub cev mus poob nthab, yog koj tso tsis tau koj lub qub nco ntshe koj yuav this koj lub nco hai koj lub cev mus poob qho.
    120. Tej nyuag tub lawv nyuag ki, yog yuav taub noob mas txhob pub taub tu qia, yog saib taus poj yawm txwv txoob, yuav tau ceev poj yawm txwv txoob tej qub lus cia.
    121. Yog yuav taub noob mas ceev taub qhia tseg, yog seb poj yawm txwv koob muaj nqis mas yuav ceev poj yawm txwv koob tej qub npe.
    122. Tus nce tsua mas ntshe yuav yuam ruj, ua taw npua yuav poob qhov ntuj. Tus nce cav ces cav yuav xaub, tus nqes dej ces yuav ua ntse zaub.
    123. Tus tsis ntshai dej yuav tsum ua ntses nuj ntses niag quav, tus tsis ntshai hluav taws yuav raug hluav taws plhov ua nws qas roj qas ntshav yaj li ntsuav.
    124. Nyuj saib tsis taus nyuj toom txeem, nyuj toom txeem yuav nce hniav, leej twg saib tsis taus niam txiv poj yawm yuav mom sim luam thuam yog kev nrhiav siav.
    125. Leej twg tsis xyaum kiab xyaum tsheej ces yog tus niag ncem qas ncaw, tuav rawv ntig thawj caw.
    126. Leej twg tus yuav siav tsis siav, yuav nyoos tsis nyoos ev rawv rab txhaum, nqa ib hnab txhuv nplaum, yuav nplaum tsis nplaum yuav txua tsis txua, kwv ib sab taub hau npua. Tua hneev xub tsis muaj ntxaij tua phom tsis muaj mos txwv, rov hniav rau ntawm ntiag tig qwb rov sab nraud, ua xwm txheej tsis ntshai tuag ces av yuav tshaws qhov muag.
    127. Saib tus twg siav siav, nyoos nyoos, yuav tsum txuag ncauj txuag lus thiaj tsis muaj plaub muaj ntug. Seb yog tus nplaum nplaum thiab txua txua ces tsis txhob mus ua xwm txheej tsam raug luag tua.
    128. Tej tub tej ki uas zoo li ntawd vim tom ntej txuam qas roj, tom qab txuam qas ntshav, ua ntsej muag luag qas nyav, tom qab ua roob riag zuag tom ntej tawb qhua tauj yas luag, neeg pom los neeg yuav nto, d-ev pom los d-ev yuav xo.
    129. Tsis tau li lau, tub ki zoo li ntawd ces tsis tau li lau rho riam hlais los tsis tau li lau. Niaj txhis tias noob tsiaj noob txhu noob qoob noob tsa yog txuam ces luag yuav muab fam pov tseg es mam tsim dua tshiab. Yog noob neej noob tsav noob kwv noob tij tsis zoo, txuam ces siv tsis tau yuav mus ua tub sab tub nyiag mus lwj teb lwj chaw. Luag muab fam pov tseg ces yog luag muab nws ntxuav dej liab.
    130. Niam thiab txiv xya tau tus zoo tub zoo kiv, tub ki yuav ua raws niam txiv txoj qub qab, yog xya tau tus phem tub phem kiv ces yog xya tau tus zoo nab.
    131. Niam thiab txiv xya tau tus zoo tub zoo kiv, tub ki yuav ua raws niam txiv txoj qub cai, yog xya tau tus phem tub phem kiv ces yog xya tau tus phem nab raj kub sai.
    132. Nws yog koj yug los yam kuv yug, yog koj tub los tam kuv tub, ntshe kuv tub noj qhauv los qhauv tsis qhuab, ntshe yog kuv tub tau nab siab. Muaj ib hnub nab yuav mus nkag rau luag rooj ntxiab. Yog nab caj dab xeeb tau ntug nab dim nab tsis tuag. Yog nab caj dab xeeb tau nqia ces luag rooj ntxiab twb ciaj roob riag zuag .
    133. Niam thiab txiv xya tau tus zoo tub zoo kiv, tub ki yuav nyob xeeb nyeej zoo tus pej xeem, yog xya tau tus phem txiv tsov ces luag lag tooj lag hlau yuav nrov lis nreeg. Tub phem yuav mus pw nkuaj tas txoj siav neeg.
    134. Nian thiab txiv xya tau tus zoo tub zoo kiv, tub ki yuav noj qab nyob zoo. Yog xya tau tus phem txiv tsov ces nom tswv lag tooj lag hlau yuav nrov nplua qas loo, tub phem yuav pw nkuaj txhiab niag tim puas xyoo.
    135. Tus neeg zoo li no kev kawm txuj kawm ci yuav kawm txawj kawm ntse, yog yuav plhw lag tooj lag hlau tsis hle. Tus neeg zoo li hais, kev kawm txuj kawm ci txaus yuav yog plhw lag tooj lag hlau ntaug.
    136. Yog koj pom dua ntuj qhua los koj tsis tau pom dua ntuj nkig, koj pom dua qaib qua ntshe koj tsis tau pom dua qaib tso ib zaug zis. Yuav yog pom qaib tso zis txeej qos ntiag mas thiaj li yog hos.
    137. Tus neeg zoo li hais, yuav yog pom zaj nab nteg nqe mas thiaj yog pom niam txiv nqov mis ntev, ntshe koj li nco txog koj niam koj txiv txoj kev iab kev khwv tu koj yug nrhe.
    138. Tus neeg zoo li no, yuav yog koj pom zaj tso xya nyuag thiaj yog pom niam txiv poj yawm nyob ntsuab muag. Thaum ntawd koj li nco txog koj niam koj txiv nyob qhov twg yuav los pab puag. Zaum no ces yog kev ciaj thiab kev tuag.
    139. tej nyuag tub nyuag kiv, vim thaum ub kuv yawg ua phem kuv txiv ua tshob cuab, cia kuv hu kuv txiv los pab, qhib suab hu txiv los txiv twb tsis tuaj. Saib ntxa phob ntxa qas xuav, yog li cia kuv ho hu kuv yawg los pab kuv, qhib suab hu yawg los yawg twb tsis sawv. Saib av luaj av qas hawv.
    140. niaj txhis tias ua neej nyob, peb nqaij ciab zib txhav plhaub mag, tej laus tuag tas los lawm cuaj tiam, niam txiv tuag tas txhim toj zeb toj ntxa.
    141. Ua neej nyob, cia xyaum kiab xyaum tsheej, tseg ncua txoj kev xuav yij xuav kauv, txhob mus ua tooj ua hlau. Txhob mus ntiag luag poj deev luag sev, xaub luag nyiaj txias khaws luag cuab tiv. Hnov xob quaj los xob quaj xob tim npoo ntuj, xob nthe xob tim npoo teb. Yog nej mus ntiag luag poj deev luag sev, xaub luag nyiaj khaws luag cuab tiv, yuav mus tshav luag ntsis ntaj ces yog pom ntuj dub, pom luag ntsis phom ces yog kev fab seeb.
    142. niaj txhis tias ua neej nyob, noj tsis taus niam txiv poj yawm me vaj lug kub, yuav tshuav poj tub se tsis tau nrog ntub, yuav ua niag siav tu nrho rau hav toj tu.
    143. ua neej tsis mloog poj koob yawm txwv zaj lus ntsuag, yuav tshuav poj tub se tsis tau puag, yuav ua niag siav tus nrho rau hav toj tsuas.
    144. kev ua neej yog kev ciaj, kev tuag yog kev ntsais muag. Muaj ib tug uas yog tub ki ua rau niam txiv, niam thiab txiv tu tau ib cub txawm tus loj thiab yau los niam thiab txiv yeej yuav hlub.
    145. niam thiab txiv muaj peev xwm tu tau ib pawg, tus hlob tus yau los niam thiab txiv yeej yuav khaws. Niam thiab txiv tsis xav kheev ib tug mus ua tooj, ib tug mus ua hlau. Tus mus ua tooj yuav mag luag qws rauj ntooj, tus mus ua hlau yuav mag luag qws thaiv ntaus. Xav kom xyaum kiab xyaum tsheej mas ib tsoom xeeb leej.
    146. Luag hais tias ib txheej kav ib txheej ib tis kav ib tis, tub ki yog niam txiv niag nqaij xeeb niag ntshav puab, tub ki tsis txhob ua kom niam txiv quaj kua muag nqhuab, tub ki ua neej rau hnub qab nram ntsis, kev raug kev txhaum thiaj tsis los npuab.
    147. tub ki yog niam txiv niag nqaij xeeb ntshav khov, tub ki tsis txhob ua rau niam txiv quaj lub kua muag nrog, tub ki ua neej rau hnub qab nram ntsis, neej saub kev pluag thiaj tsis los npog. Yog koj tsuab koj niam ua rau koj txiv, koj kev raug kev txhaum yuav tsaus qas nti.
    148. yog koj tsuab koj txiv thiab ntaus koj niam, txoj kev raug kev txhaum yuav tsaus qas nti ntawm hniav riam.
    149. yog tub ki xyom hauj xyom seem, tub ki yuav tsis poob luag cev qhev, tub ki fwm niam fwm txiv, tub ki yuav tau txoj sia ntev.
    150. yog tub ki yeem swb niam txiv, tub ki yuav ruaj ntseg, niam txiv swb tub ki mas tub ki tsis tsheej zeej, niam txiv muab tub ki tu hlob tiav txuj, tsuas muaj tub ki tshuav niam txiv nqi, tsis muaj cai niam txiv tshuav tub ki nuj.



    Nthwv cua ntuj tshiab tsis nkag luj pob ntseg kiag

    151. niam txiv muab tub ki tu hlob tiav ci, tsuas muaj tub ki tshuav niam txiv nuj, tsis muaj cai niam txiv yuav tshuav tub ki nqi.
    152. tus muaj niam muaj txiv xya, tsis muaj niam tsis muaj txiv qhuab, nws yog qas tub tsuj ca sawv fab zeb. Ua neej nyob tsis ntshai niam tsis ntshai txiv los yuav ntshai kev xwm txheej yuav ti ntawm npoo hleb.
    153. tus muaj niam muaj txiv yug, tsis muaj niam muaj txi kav, tus ntawd yog niag tub tsuj zeb sawv fab cav. Ua neej nyob tsis ntshai niam tsis ntshai txiv, yuav ntshai kev xwm txheej ti nkaus ntawm npoo ntxa.
    154. niaj txhis tias tus yuav xav tau nom tau tswv ua mas yuav ceeb laj tau los ceev, tus yuav peem tsheej* mas tsis txhawj seev.
    155. tus yuav xav tau nom tau tswv ua mas ceeb laj ntsia, tus yuav peem tsheej npua mas tsis txhawj dhia.
    156. Yog muaj vaj tswv li muaj ntuj muaj teb, li xeeb muaj niam muaj txiv xya, tsis yog av luaj tawg pleb tawm los yuav khaws tau nqa.
    157. tus tsis ntshai leej niam twb yuav ntshai leej txiv, tus tsis ntshai leej pog leej yawg twb yuav ntshai theeb kim.
    158. tus tsis ntshai nom tsis ntshai tswv twb yuav fwm lub teb lub chaw, tus tsis ntshai niam ntshai txiv los twb yuav ntshai xwm txheej ti nkaus ntawm taw. Tsis ntshai kev ciaj kev tuag los yuav tsum ntshai xwm txheej ti nkaus ntawm qhov muag.
    159. cuaj hnub txob plaub dub, yuav kom huam ciaj d-ev tub, yuav poob luag cev qhev. Cia kuv thov koj tso koj txoj kev plaj, yog koj tso tsis tau koj txoj kev plaj yuav tsum cia luag qhau koj xib taws daj, yog koj yuav mus nphav luag ntsis ntaj.
    160. cia kuv thov koj tso koj txoj kev plhoj, yog koj tso tsis tau koj txoj kev plhoj, yuav tsum cia luag ntsiab koj xib taws nchos, yog koj yuav mus mag luag ntsis phom.
    161. koj lub qas dub ncos, ntxhia qas chiv luaj li lub ntuj, ntshe koj yuav tshuav ncej xai plaub ntug kev nuj kev nqe ntsu nrhawv luaj nqi nyuj, yuav them mus txog hnub pluj.
    162. koj lub qas dub ncos, ntxhia qas chiv luaj li lub teb, ntshe koj yuav ntshuav ncej xo plaub ntug luaj nqi ntxhw, yuav them mus tag ib sim.
    163. kev nuj kev nqe them mus txog hnub pluag, kev raug kev txhaum ua mus txog hnub tuag.
    164. Niaj txhis tias yog ua xwm txheej kuj tsis ntshai tau, tiam sis yuav tshuav luag tej txhais hau. Yog ua xwm txheej kuj tsis ntshai plaub dub, tiam sis yuav tshuav luag tej txhais hub.
    165. ua neej nyob tsis txhob mus ua luag nuj nqis tsob, tsis mus ua luag neeg nqi sau. Nuj nqis tsob, tsob tsis lob nuj nqis tsob yuav sawv ciaj plaub. Neeg nqi sau, sau tsis tau neeg nqi sau yuav sawv ciaj ntug.
    166. noj nqaij npog ncaig, nqaij tsis siav plawv, lam luam npog ncaig lag luam ua tsis sawv.
    167. niaj txhis tias tej laus, luag dov zeb dov cav luag tsis yog dov los tua nej txoj sia’ yog luag dov ya rau nruab ha. Yog nej hnov ces nej txawj nshai es nej cim rau nruab plab nruab plaw cia; ceev coj los ua neej, nco luag txiaj ntsig es ua tej laus tsaug txheej.
    168. ua neej tsis mloog niam txiv poj yawm tej qub txuj, muaj ib hnub yuav this nkaus li nkauj hnub dai dhuam tim npoo ntuj, nej nco txog, hnub nyoog lawm qas nroos twb yuav tag ib sim neej, ua ciav txoj kev laus nce tshuav twb ze txoj kev pluj.
    169. ua neej tsis mloog niam txiv poj yawm tej lus qhuab muaj ib hnub yuav this li nkauj hnub dai dhuam tim npoo tsua, thaum nco txog hnub nyoog twb lawm qas nroos, yuav tag ib sim neej. Ua ciav txoj kev laus nce qas tshuav twb ze rau txoj kev tuag.
    170. thaum ub tej laus tuag cuaj tiam los ua toj zeb toj ntxas rau toj roob hauv pes nchi, tsis pom yuav sawv ib tug qhov twg yuav luag qas ntxhi.
    171. thaum ub tej laus tuag cuaj tiam los ua toj zeb toj ntxas muaj qas nco, ntsia toj roob hau hav, yuav tsis pom ib tug qhov twg yuav sawv luag li nyav.
    172. kev ua neej nyob yuav ua lawv li poj koob yawm txwv tej qub nruj, yuav ua raws li niam txiv poj yawm tej qub pab, lub plhu muaj ntshav rau tom ntej thiaj tsis poob ntsej muag rov tom qab.
    173. koj ua neej nyob, koj tsis tau paub keeb puj cim tsis tau keeb yawm koj ob txhais tes thiaj ntswj ua kauj hmab nrig ceg taws. Lam nrog luag ua neej nyob ua ib sim neej, tshwm rooj plaws koj tus phij chim yuav phim tsis tau luag tsoom zeej lub teb chaws.
    174. koj ua neej nyob, koj tsis tau paub keeb yawm cim tsis tau keeb puj koj ob txhais tes thiaj ntswj ua kauj hmab nrig ceg ntoo. Lam nrog luag nyob ua ib sim neej, tawm rooj plaws koj tus phij chim twb phim tsis tau lub teb lub chaw luag ib zej tsoom.
    175. Kev ua neej nyob luag niaj txhis tias kab hlau zoo, luag yuav siv yaig tas, tib neeg zoo luag yuav siv laus tuag.
    176. tus siab txia dej, txias thaum niam thiab txiv xya ua ntej. Tus siab txia ntshav txia thaum niam thiab txiv xya poob nthav. Niaj txhis tias pom xeeb mus txob zoov txob tsuag tsis txhob ntshai tsov pom txwv. Pom xeeb mus ua tub sab tub nyiag, yuav tsis txhob ntshai qhov mos ntxwv.
    177. yog txiv tsov txaij tsis yuav siav, txiv tsov txaij yuav kav tsis tau zoov nuj dub. Tub heev zeej tsis yuav cai, tub heev zeej nyob tsis taus plaub hau dawb.
    178. qas tub tsis tig ntsej mloog luag txuj, qas nyuj tsis puv yuav kawg nce ntuj. Tub tsis tig ntsej mloog luag qhuab, qas nyuj tsis puv yuav kawg zeb ntsuab.
    179. Tsis noj niam noj txiv haub, muas tuam vuj xov xywm yuav raws tsis tau niam txiv tej qub plaub.
    180. tsis noj niam tsis noj txiv lus, muas tuam vwj xov xywm yuav raws tsis tau niam txiv tej qub ntug.
    181. cov lus qhuab lus qhia no, tus tsis xyom ceev los tseg, yog tus xyom ceev ho coj mus ua pam vov ua tseeb pua. Niam no kab mob kev nkeeg ces haj tsis tuaj, xyaum kiab xyaum tsheej nej thiaj paub qab paub hau, nco kuv tej lus coj mus ua neej.
    182. dab tsi tsis tau los yuav xyaum paub qab paub hau xwm txheej thiaj tsis los ze, me plaub roob qheb thiaj tsis hle. ua neej nyob dab tsi tsis tau los tsuav yus fus tau yus lub kwj tse.







    10 YAM UA LUB ZOG LOJ

    -Hwm ntuj
    -Hwm kev kaj siab
    -Hwm neeg
    -Tswj yus tus kheej
    -Siab dawb
    -Ncaj ncees
    -Neeg zoo
    -Muaj sia
    -Pom kev
    -Neeg zoo


    12 YAM TXHAUM KAW YUS QHOV ROOJ

    -Tsis paub tab
    -Kev nyuaj siab lwj plawv
    -Tsis paub ntsuas siab ntsuas qes
    -Ntshaw luag tug
    -Tsis ncaj
    -Qia dub
    -Ua cuav
    -Neeg khib
    -Zoo nraum daim tawv
    -Siab luv
    -Tsis txawj xav
    -Liam hiam


    Last edited by Maiv Tooj on 18th May 2010, 10:38 am; edited 3 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 6:30 am




    " LUS LAUS LUS MUAJ NTSIS MUAJ PAUS "


    8 lo lus

    ntxiav, ntxim, phim, haum, nyiam, swm, txheeb, sawm



    Ntxoov L. Vaj USA Tim 15 lub 5 hli 2009



    me nyuam yaus ntxiav qaum liab qaum ntsuab, neeg twm zeej ntxiav twj cuab
    nkauj nraug ntxiav raj ncas, de-v npua phim rho pas
    poj niam ntxiav ev kawm, ntsoj ntsuag ntxiav raj rawm
    txiv neej ntxiav ev khib, kawm rov phim ev dib
    neeg laus ntxiav luam yeeb , neeg tub nkees ntxiav tes taw qeeb
    laus neeg ntxiav yeeb thooj, lau qaib ntxiav pw cooj
    nom tswv ntxiav dej caw, tub txawg ntxiav txawj ntaw
    neeb yaig ntxiav ntawv xyab, khawv koob ntxiav daws dab

    mob nkeeg ntxiav dej tshuaj
    dias hau ntxiav neeg zuaj
    txiv npua las ntxiav qhauv kws
    noob yeeb ntxiav me tshws
    qhauv kws ntxiav dab npuas
    nees eeb phim tooj txhuas
    dab npuas ntxiav saum lawj
    tsev raug qhua ntxiav pub thawj
    sam lawj ntxiav las npua
    sob lawj ntxiav lus txhua
    las ro-g ntxiav qhua tsiab
    mov txog phim cawv iab
    noj tsiab ntxiav peb caug
    nkauj mog ntxiav nrab nraug
    peb caug ntxiav ncej ntxheb
    cawv txog ntxiav pem teb

    ncej ntxheb ntxiav chaw nrag txuj
    haus cawv ntxiav coj nruj
    chaw nrag txuj ntxiav pej kum cuab
    paj ntsha lus taum ntxiav cuab suab
    pej kum cuab ntxiav zej zog
    qhua tshoob ntxiav mov txog
    zej zog ntxiav txhua tsav neeg
    pluag noj ntxiav tub nkeeg
    txhua tsav neeg ntxiav luaj pua
    liaj teb ntxiav neeg ua
    luaj pua ntxiav nroj tsuag
    teb tiaj ntxiav neeg nquag
    hlawv hlau swm hlau kub
    txuas hlau phim iav dub
    lub ntuj ntxiav lub teb
    cav lwj ntxiav tuaj nceb
    lub teb ntxiav hnub hli
    nplooj ntsuab ntxiav tshav ci
    de-v ntxiav pob txha
    nkauj nraug ntxiav phab ntsa
    nees ntxiav thauj
    nyuj twm ntxiav roob tauj


    Paj lug Suav hais tias:

    Muab ob xyoo kawm hais lus
    Muab ib sim neeg kawm ua tij ywm

    Cua txias ntxiav khaub thuas
    Mob plab ntxiav xub tsuag
    Paj tawg ntxiav sab foob
    Me nyuam ntxiav ua qoob
    Qab zib ntxiav me nyuam yaus
    Hluas nraug ntxiav hluas nkauj sib ntaus
    Hluas nkauj ntxiav hluas nraug xauj

    nas tsuag ntxiav nplej pob kws
    niam hlob niam yau ntxiav kev sib yws
    nas nkais ntxiav txiv tsawb
    nkauj ro-g ntxiav nraug tawb
    plas ntxiav noog daj
    txheeb phij ntxiav tsawb paj
    hooj twm ntxiav nplooj nplawm
    tub nkeeg ntxiav neeg tsawm
    nas liab qab ntxiav tauj dib
    roob ris ntxiav tais tshuaj khib
    luj ntxiav nab tho
    qab tsuas ntxiav ntab so
    nab ntxiav qav
    me nyuam qaib ntxiav dav
    qav ntxiav laum kib tshooj
    yaj yeeb ntxiav tais tooj
    laum kib tshooj ntxiav qav kaws
    nraug laus ntxiav poj nrauj khaws
    noog daj ntxiav npauj nceb
    nab tsiav ntxiav qab zeb
    ntxias teb ntxiav noob yeeb
    pum li qag ntxiav txiv khaub tseeb
    diab kom lauj ntxiav kua txob
    txiv ntoo roj ntxiav noog deev nkhob
    txiv qos tsov ntxiav nas coos
    puj qaum dab laug ntxiav txiv taub ntoos
    nas kos ntxiav xyoob tauj
    plees nkauj nraum ntxiav kev sib nrauj
    qaib ntxiav dav thiab plis
    hma ntxiav npua thiab tshis
    poj qaib ntxiav zes
    lau qaib ntxiav sam noob qes
    poj ntxoog ntxiav nkauj nyab
    nkauj tso ntxiav txiv nraug tab
    tsov txaij ntxiav tsiaj txhu
    zoo nkauj zoo nraug ntxiav neeg hu
    dab txeej dab qus ntxiav neeg xeem
    dab vaj dab tsev ntxiav fiv yeem
    qhov cub ntxiav taws rauv
    nuj sis loob ntxiav ua vauv
    lwj hlaus ntxiav ciaj rauj
    dab ncuav ntxiav qws dauj
    foobxab ntxiav plaub qaib
    zoo nkauj zoo nraug ntxiav neeg saib

    Txuj siab ntxiav tub txawg,
    Paj lug ntxiav neeg siab tawv
    Siab muag ntxiav kev hlub,
    Zoo nkauj ntxiav me tub



    Paj lug Suav hais tias:
    Yog koj xav nyab xeeb 1 teev ces haus cawv kom qaug
    Yog koj xav nyab xeeb 1 hnub ces tua npau noj
    Yog koj xav nyab xeeb 1 lis piam ( week) ces tawm rooj tsham teb chaws
    Yog koj xav nyab xeeb 1 xyoos ces yuav poj niam
    Yog koj xav nyab xeeb 1 sim neej ces ua tub vaj ( cog koj lub vaj= cog kev thaj yeeb hauv koj lub siab ntsws)


    noog piv ntxiav npluag nplej
    kauj seem ntxiav cuav zej
    mab lee ntxiav txiv nqos
    nraug seem ntxiav cuav zos
    noog ntxev ntxiav noob maj
    dab laug ntxiav taub ntoos daj
    leeb nkaub ntxiav txiv ntoo maj
    me yaus ntxiav txiv suab thaj
    nquab ntsuab ntxiav txiv faj khaum
    neeg laus ntxiav kua siv taum
    phom ntxiav mos txwv
    mej koob thiaj com ntxiav dej caw lwv
    mos txwv ntxiav phiaj
    tub lag ntxiav luam nyiaj
    hneev ntxiav xub
    txiv ntxiav tub
    xub ntxiav ntxais
    niam ntxiav ntxhais
    khau ntxiav taw tswm
    taw ntxiav thom khwm
    txiv tsawb ntxiav nas nkais
    plis ntxiav lau qaib kais
    ntiv taw ntxiav pob ntoos
    neeg laus ntxiav qab tx-iag ntsoos
    pob ntoos ntxiav hluav taws
    mis loj phim coj hlaws
    kaus nqeeb ntxiav taw liab
    nqaij ci ntxiav taws txhiab
    kav nqeeb ntxiav pas cuam
    nqeeb cuam ntxiav nqaj puam
    nplooj cuam phim yees qhab
    nraug vauv phim nkauj nyab
    xov ncau phim las nqaj
    niam txais ntsuab phim tub phij laj

    yees nthab phim yees ruv
    yws taus phim siab luv
    qhov tsua ntxiav noog luv
    neeg txom nyem ntxiav muaj tuv
    lub hnub phim lub hli
    mov dej phim nqaij ci
    zaub ntsuab ntxiav kiav roj
    ntxim qab ntxiav neeg noj
    ntsis taub ntxiav nceb txhais
    ntxhais nqaug ntxiav ua tshais
    nceb txhais ntxiav tauj dub
    kiav roj phim rau hub
    tobhau phim txoom suab
    poj coob phim lau ncuab
    taub hau phim zaub tsuag
    txom nyem ntxiav tub ntsuag
    txoom suab phim siv ceeb
    laub ncuab ntxiav tauj nqeeb
    siv ceeb phim nkauj nyab
    ntxhais nquag phim mov qab
    nkauj nyab phim txiv nraug vauv
    roob tauj ntxiav txiv sua kauv
    nraug vauv phim phij laj
    taw liab phim pos kaus ntsaj
    phij laj phim niam txais ntsuab
    nqaij ntses phim kaus suab
    plhaub qwj ntxiav ntsuag qaub
    siab muag ntxiav luag haub
    nqaij qaib ntxiav kuab hmas
    nkauj nraug ntxiav raj ncas
    pob tsawb ntxiav ntses lwj
    kaus suab phim xyaw qwj
    nplooj tsawb ntxiav luam yeeb
    taub ntoos qaub ntxiav txiv laum huab xeeb
    nplej pob kws ntxiav liaj teb
    pov toj ntxiav tuaj nceb
    teb peg ntxiav pwm tshis
    qaib cog ntxiav puam thiab plis
    liaj ntxiav dej
    txhab ntxiav ncej
    taum paj ntxiav zaub txwg
    mos ab ntxiav hais nkwg
    npua teb ntxiav cua nab
    cua nab ntxiav ntsaum cab
    roob ris ntxiav tog raj
    quav tshuaj ntxiav nplooj maj
    ntses leev ntxiav nplooj tsawb
    saum nthab ntxiav nqaij sawb




    Kev phooj ywg ntxiv kev kaj siab ib npaug thiab tshem kev ntxhov siab ib nrab



    Last edited by Maiv Tooj on 22nd March 2010, 9:07 pm; edited 2 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 9th February 2010, 6:49 am


    PAJ LUG



    Ntxoov L. Vaj Tim 8 lub 4 hlis 2009




    1. "txawj noj ces noj hlob" tsis txawj noj ces noj cob pob"
    2. "txawj noj ces tsuas noj tsau" tsis txawj noj ces noj ntau dhau"
    3. " txawj noj ces noj qab" tsis txawj noj ces noj mob plab"
    4. zoo txiv ntshuab twb tuag nruab deg, zoo txiv neej yawg tseem tuag poj niam ob ceg
    5. Lau qaib tsis tsauj ces poj qaib tsis nteg qe, poj tsis tsauj ces txiv yeej tsis nthe.
    6. Xyoob laus thiaj zoo hiab vab, neeg laus thiaj li paub tab.
    7. Xyoob laus thiaj zoo hiab lev, neeg laus neeg siab ntev.
    8. Taub laus ces taub txho tshauv, nkauj laus nkauj xaiv vauv.
    9. muaj nyiaj puv txhab zoo tsis cuag muaj tswv yim puv plab.
    10. poj niam ua qaib qua, txiv neej sawv sib tua.
    11. neeg laus ces nqhis kua siv, neeg hluas ces nqhis qhov ntsiv.
    12. neeg laus ces nqhis kua siv taum, neeg hluas ces nqhis qhov p...m ha..ha... thov txim nawb.

    *"zoo txiv ntshuab twb tuag nruab deg" "zoo txiv neej yawg tseem tuag poj niam ob ceg"

    Lo lus no tej laus piv lus tias. Tus ntshuab (seal) nws yeej ib txwm nyob hauv dej, txawj dej heev tab sis thaum tuag nws tseem poob dej tuag. Ib tug txiv neej txawm paub tab npaum twg los thaum nws txhaum yeej txawj ua txhaum.


    13. Nyuj hlob nyuj zoo laij, nees hlob nees zoo caij
    14. Nees hlob nees phim eeb, nkauj hlob nkauj fav xeeb
    15. Tub txawj ces tau nyiaj kub, tub rua-g tau plaub dub
    16. Tub coob tub ua qoob, tub tsawg tub saib zag
    17. Txawj qeeg taw lo tshauv, zoo nkauj tau phem vauv
    18. Quav yeeb taw lo roj, zoo nraug tau phem poj
    19. yus tsis nrau tsis txhob cob khiab, txhob hais phem thiaj tsis tu siab
    20.Nplej lig siav tsis ti nqob, tub lig tsis muaj chaw nyob
    21. Nplej lig siav tsis ti ko, txhob dag thiaj tsis nco
    22. Taum lag taum lig ua quav ntsooj, tub lag tub lig ua tub puab rooj
    23. Taum lag taum lig ua quav nas, tub lag tub lig ua tub puab ntsa
    24. Av tu ces toj yuav xaub, kuv hu los vim koj haub.
    25. Av xaub twb vim toj tu, koj haub kuv thiaj hu.
    26. Cawj qaub ces qaub tas nplooj, cawv qaub ces qaub ntawm rooj,
    27. Cawj qaub ces qaub tas txha, cawv qaub ces qaub txog nta
    28. Cawm qav ces nab yuav chim, cawm nab ces qav tsis dim
    29. Cawm nab ces qav yuav dia, cawm qav ces nab yuav ntsia
    30. Tawv txaij ces yog tawv plis, kub ntswj ces yog kub tshis
    31.Tsov txaij ces txaij daim tawv, neeg txaij ces txaij nruab plawv, puas yog nas koojziag.

    *Cawm qav ces nab yuav chim, cawm nab ces qav tsis dim=

    Lo lus no yuav siv rau thaum ob tug neeg tsis sib haum xeeb, puav leej txheeb yus. Koj pab ib tug ib tug yuav tusiab ces tsis pab leej twg li. Yus yog thawj coj es yus tus kwv tij ho muaj plaub muaj ntug mas yus yuav tsis hais rooj plaub ntawd, cia lwm tus hais mas yus thiaj yog neeg ncaj.

    * Cawj qaub ces qaub tas txha, cawv qaub ces qaub txog nta

    Lo lus hais tias, cawj qaub qaub ti txha. Cawj muaj tsos qaub, noj qaim nplooj los qaub, noj tus kav los qaub, thiaj hai tau tias qaub ti txha. Dhau ntawd koj noj tus cawj qaub, ces koj yuav hnov qhov qaub ntawd qaub thoob yus lub cev. Ntau zaus koj noj qaub, yog yam qaub dhau yeej ua rau yus ib ce tshee taus, ntawd yog vim nws qaub ti txha thiaj ua rau yus ib ce tshee.

    Hais txog cawv, peb muaj ob yam cawv xws li cawv mog thiab cawv ntxwg, cawv mog yog cov mov cawv, cawv ntxwg yog cov cawv haus. Lo lus cawv qaub qaub txog nta, nws related rau cov cawv mog, cov cawv ntawd thaum nyuam qhuav ua tsis tau qab zib txaus, koj noj nws muaj tsos qaub, tab sis tsis ntev hnub tom ntej nws yuav qab zib thiab ntsim lawm, tsos qaub ploj lawm. Qhov no thiaj hu tau tias qaub txog nta. Tshaj ntawd, cov cawv mog ntawd, koj muab nws txum cia ntev hnub, txheej saum toj tuaj pwm taws, nws muaj tsos qaub los tsuas qaub saum ncauj xwb, koj muab txheej saum toj daus tawm, txheej hauv qab yeej qab zib thiab ntsim.

    Yog ho yuav muab piv rau lwm yam. Kev ua neej, thaum muaj nws muaj, thaum pluag nws yeej txawj pluag. Thaum muaj txhob xav tias yuav tsis txawj pluag. Thaum pluag, txhob xav tias yuav pluag tas tiam. Luag thiaj muaj lo lus tias hmab qos ntug twb txawj nqia. Lo lus tias cawv qaub qaub txog nta, txawm yus muaj muaj nyiaj los tsuas muaj ib pliag xwb yus yuav rov pluag. Tej laus thiaj muaj lo lus tias " muaj ntxov muaj rov" Koj ntsia teb chaws US yog ib lub teb chaws muaj tshaj plaws, niam no s/d twb txawj txom nyem. Txawm txom nyem los tsis ntev s/d yuav rov muaj.


    32. Muaj zoo poov xab thiaj tau cawv cub, muaj zoo xab phooj thiaj muaj kev hlub.
    33. Muaj zoo xab poov thiaj tau cawv noj, muaj zoo phooj xab thiaj koom tau ib npoj.
    34. Muaj raj puv xub mam caum txiv sua kauv mus rau thaj zoov dub
    35. Muaj xub puv raj mam caum txiv sua kauv mus rau lub zoo daj
    36. Dej huam ces ntsaum ua ntses zaub, dej nqhuab ces ntses nkag ntsaum lauj kaub.
    37. Dej huam ces ntsaum ua ntses quav, dej qhuav ces ntses ua ntsaum taws qhuav.
    38. Txawb zeb ces zeb yuav tog ti thu, kho kuv siab koj puas hu.
    39. Txawb zeb ces zeb yuav tog ti qab, kho kuv siab koj puas pab.
    40. Cab npua yuav siab ntev, cab tshis yeem dab d-ev.
    41. Cab d-ev yuav tis qhab, cab nees mus tas phab.
    42. Cab nyuj twm yuav tsa siab, thauj nees yuav rau khiab.
    43. Cos loj tsuj tsis sawv, cos me tuav tsis pov khawv.
    44. Coj loj yuav tis hlua, cos me tuav tsis nti xua.
    45. Choj lov ces kev tu, neej lov tsav tsi hu
    46. Choj tu ces kev lov, siav tu hu tsis rov
    47. Cam niam ces niam nros, cam txiv ces txiv hnyos
    48. Cag loj ntoo tsis vau, neeg loj hais tsis tau, los sis, siab loj thiaj tsis npau
    49. Ceem riam riam ntse, ceem neeg poob koob npe
    50. Hnov suab miv quaj, nas nkaum tsis tuaj
    51. Hnov miv ua suab sab, nas tsuag khiav rov qab
    52. Dav ya yuav pom duab, tham ya neeg tsuab luab
    53. De-v coob de-v noj qe, neeg coob neeg sib nthe
    54. De-v coob de-v ntuav, miv coob miv faus quav
    55. Dej hlob dej tshoob teb, koj cem kuv txav deb
    56. Dej hlob dej tsaws ntxhee, neeg zoo hais lus nqee
    57. Dos zoo dos laum vaj, yeeb zoo muaj txab tshaj
    58. Kav qhuav nplooj thiaj zeeg, txawj hais neeg thiaj ntseeg
    59. Kwm dej ces yuav hle khau, hla teb hla chaw ces yuav hle hau
    60. Kos siab kos zoo teeb kaub, neeg siab neeg qhuav hlaub
    61. Kho siab xam ntuj ntsuab, tu siab quaj tsa suab
    62. Hav tob tsis zoo tuam choj, dej hlob ntses tau chaw ntoj
    63. Hnub tuaj tshav thiaj ci, paj tawg txiv thiaj txi
    64. Huab ntsauv ntuj thiaj tsaus, dig muag lawv cem qaus
    65. Los nag zoov thiaj ntsuab, ntuj tshav ces dej yuav nqhuab

    * hnub tuaj tshav thiaj ci, paj tawg txiv thiaj txi=

    Txhais tias hais zoo lus thiaj muaj kev hlub, muaj zoo niam thiaj muaj tub xwb los mas. nws sim xav seb puas yog li ntawd os.


    66. Luj tuag tu noob tshuav tug nyob qab roob, nees tuag tu tsav tshuav tus nyob qab ha
    67. Laus nplooj tsis laus kav, laus tas los tseem xav xav
    68. Muv coob muv ntsauv paj, hma coob hma tom yaj
    69. Muv ntsauv paj yuav nphob, neeg zoo tsis muab hlob
    70. Muv vam zib thiaj ntau, neeg vam thiaj nyob tau
    71. Muaj yeem yam muaj thwj, kuv yeem koj puas nwj

    * "muv coob muv ntsauv paj, hma coob hma tom yaj"=

    nkauj coob tsis tau zoo pw, nraug coob ceeb laj taug nkauj lw. Li ntawd xwb tiag, muaj ntxhais coob ces nraug yuav tuaj phov vaj phov tsev, npaum muv ntsauv paj, ntxhais tsawg tos tsis nyoo hlob nraug twb yuav rawm muab kwv khiav, niam txiv ceeb tiv laj raws.


    72. Tsis tsuj de-v tw de-v tsis quaj qw, yim tsuj de-v tw yim tau xw
    73. Tsis ntsia de-v tseeb, zej zog nyob nyab xeeb
    74. Ntsia ntsoov de-v qhov muag, txaus de-v xav luag
    75. Nkauj ro-g pw saum txaj, de-v tsem ncig vaj
    76. Nkauj ro-g pw saum lev, de-v tom ncig tsev
    77. Lau qaib tsis tsim zej zog tsis ncha, nkaug ro-g tsis tsim de-v tsis puv tsis ua pa
    78. Nceb tuaj vim cav noo, kuv tuaj vim koj zoo, koj quaj vim kuv tsis nyoo
    79. Nce toj vaub kib mus tsis txog, nqis hav vaub kib tso cev ntog
    80. Nyob deb tsaws dej tsawv cawv, nyob ze nrho hluav taws hlawv
    81. Nyob deb seev tias sib nco, nyob ze ua nees sib xo
    82. Nees hlub nees kaws txoob, neeg hlub neeg pub tshoob
    83. Nees hlub nees kaws tsaig, neeg hlub neeg sib pub ntxhais
    84. Nyuj tshov txhua tus dhia, nees tshov neej xa nts-ia
    85. Nyuj tshov nyob tsis ruaj, nees tshov neej ntis pob luaj
    86. Nyuj hlob nyuj kub ntse, tub hlob tub qe plhau he.he.he.
    87. Phom nthe mov txwv tuaj, txiv nthe kawg tub quaj
    88. Ntsib dab mob yuav tuag, ntsib nom yeej kawg pluag
    89. Nrog nom ces luag hawm, nrog tsis ntse ces luag tsawm
    90. Nrog nom neej tsis cem, nrog laus dab tsis hem
    91. Ntov ntoo saib ceg qhuav, hais lus saib neeg yuav
    92. Ntov ntoo yuav saib fab, ntov xyoob ntshai tuam plab
    93. Xyoob rawv tsis zoo txo, neeg nkhaus tsis zoo hais
    94. Ntxuaj vab ces xua yuav poob, ntxhais tiav nkauj ces qhua yuav coob
    95. Ntxuaj vab yuav tsoov xua, laus tas los tseem tshua
    96. Ntxuaj xua yuav tsoov vab, laus tag tseem xav thab
    97. txuaj vab ces yuav theev txhuv, ncauj tso siab tsis khuv
    98. Quab ro-g ceeb laj tu, neeg lag ceeb laj hu
    99. Rauv taws pa yuav ncho, coj nkhaus neeg tsis nco
    100. Taws rauv yuav ncho pa, neeg laus ces neeg nyha
    101. Siab zoo luag thiaj hlub, muaj txiv thiaj muaj tub
    102. Siab zoo luag tsis cais, muaj niam thiaj muaj ntxhais
    103. Tooj tawv cuag hlau, hlau tawv taws hau tau
    104. Tooj tawv zoo nchuav vub, neeg tawv thiaj xuas dub
    105. Tooj nkig zoo ntaus nplaim, taws nkig tsis zoo tsaim
    106. Tsiaj tuag ces hlua txhav, neeg tuag nrhiav tsav
    107. Tsam txheej tsuas tsam txhiab, tsam lus tau kev iab siab
    108. Tshav ntuj iab oo tuab, los nag tas ntuj thiaj ntsuab
    109. Tshav ntuj nas noog quaj, los nag kab npauj ntxuaj
    110. Thoob qhuav thi yuav poob, neeg qhuav yuav plam tshoob
    111. Thoob plam thi yuav tu, neeg plam tsis sib hu
    112. Taus ntse tsis zoo ntov tsua, neeg ntse tsis siv zog ua
    113. Twm hlob twm kws tshav, neeg hlob neeg siab hnyav
    114. Twm qhuas tau zoo kub, twb tsis phim nws lub
    115. Tsiaj tuag hlua txhav, neeg tuag nrhiav tsav
    116. Tsam txheej yuav tsam txhiab, tsam lus tau kev iab siab
    117. Tshav ntuj iab oo tuab, los nag tas ntuj thiaj ntsuab
    118. Tshav ntuj nas noog quaj, los nag kab npauj ntxuaj
    119. Kab laum ntoo zeeg pleb, neeg laum neeg luag poob zeb
    120. Tswm-zooj nrog suab pob, leej-hauv nrov yog xob
    121. Tom nqaij yuav nta xub, pom lus yuav nrhiav tub
    122. Mob hluas nyiam loj leeb, mob laug nyiam yeeb tseeb
    123. Pheej xeeb tsis pheej pu, muab hlob tsis nyiam hu
    124. Pheej pu tsis pheej xeeb, ntshai hu lam txawj neeb
    125. Iav tuab txaus neeg ntshai, zoov tuab muaj kauv sai
    126. Pom qaub qaub-ncaug ri, pom pob-caus ntoo kua mis si.
    127. Teeb tsom noj roj pob, tsom teeb pom thu tob
    128. Tsom thooj siv roj ncu, thooj tsom pom txog thu
    129. Poj niam ntshai tu tub, txiv neej ntshai zoov dub
    130. Ntau ntxhais tsav cuab, txhua hmo txeeb ncej puab
    131. Tsawg txiv sis loob, thiaj tau poj coob
    132. Toj roob zeb zuag, hmoob chaw txawm maj ntuag
    133. Niam txiv noj txhij haus txhua, me nyuam tsis muaj daig npua
    134. Neeg nquag noj tas toj roob, neeg nkees tas hnub tas hmo chob koob
    135. Txiv quav yeeb niam quav tshuaj, txhua xyoo tub ntxhais quaj




    UA TSAUG 1000 ZAUS


    Last edited by Maiv Tooj on 16th February 2010, 10:12 am; edited 2 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 10th February 2010, 9:13 am

    Paj Lug Hmoob Suav



    Lus cev

    Yawg Tshoob Xee siv ntau xyoo le sij hawm
    khaws los ob puas ntau txoj Paj Lug no.
    Nws ua hlob nyob lub 12 hlis 1991 tau
    tso lub ntiaj teb tseg lawm.
    Hnub no peb rov muab nthuav tawm,
    tshaj kom tsoom Hmoob tau nyeem nyob hauv lub neej.
    Tsev kawm ntawv Hmoob Los Tsuas.
    Yis Pwv Tiv: Pov Yaj/Yang Jianwen.
    Tim 28 lub 9 hlis 1992.

    Tus khaws thiab sau: Tshoob Xee=Ma Zhengming.
    Tus kho thiab ntau: Pov Yaj/Yang Jianwen.

    Nthuav tawm, Tsev Koom Haum khaws Hmoob txuj sib qhia los.
    Javouhey, Tim 8 lub 7hli 1992.






    1 Cuaj fab yim nphau, nyuj kub nkag nees rau; cuaj fab yim ntxeev, nyuj kub nkag nees hneev.

    2-Muab hlau yuav muab txab; muab neeg yuav muab nkawm.

    3- Koj zoo kuv zoo, ib lub qe noj tsis poob.

    4-Zaub ntau tsis txaus noj, zaub tsawg noj tsis tas.

    5-Ua tshwj txiv qaiv luag nqaij, ua mej zeeg qaiv luag txiaj.

    6-Noj nqaij yawj tub ntxus, haus cawv yawj tub rau.
    7 Noj tsis taus yuav tuag, cav tsis taus yuav swb cai.

    8-Noj qav tsis cij cij, hlwb haus veem thij
    9-Tsis yog khom ntuj noj mov, yog khom ob txhais tes los nphav
    10-Txhob noj li haus kev tseem ceeb, kev nkauj kev nraug kev txhob xyeeb
    11-Ntuj tshav yuav coj kaus, plab tsau yuav ntim su
    12-Tswv tsis noj qhua tsis nyob, tswv ib noj qhua yuav ntog
    13-Txiv txawj txiv tsis qhia tub, niam txawj niam tsis qhuab ntxhais
    14-Muaj tub kawm ntawv, muaj ntxhais nraj tiab
    15-Muaj tub qhia kawm ntawv, muaj ntxhais qhia nraj tiab
    16-Nyuag ntau niam txiv khwv, nyiaj tx iag ntau txog siav tswv
    18-Cog taub nce tsev, yug tej tub ki xws niam txiv
    19-Nyuj tuag cia kub, txiv tuag cia tub.
    20-Neeg ncig zos xaiv lus ntau, de v ncig zos tog qws ntau, qaib ncig zos nkag qab yias hlau.
    21-Tij ve tam niam txiv, niam txiv tam phab ntuj.
    22--Tub hlob tub yuav nyab, ntxhais hlob ntxhais yuav vauv.
    23-Tawm rooj saib ntuj, nkag tsev saib neeg plhu.
    24-Nyuj laus tos roob taus, neeg laus tos cawv haus.
    25-Ncaj npab ntev tes tsho luv, xyab tes tuaj ncav tsis cuag.
    26- Nyuj kub tsis nyhav nyuj hau, nyuj tw nplawm nyuj cev tsis mob.
    27-Qhov zeb cog zoo qoob, phem poj yug zoo tub.
    28-Nyob swm le roob tsis xyeej ntxhab, yus tau le poj tsis xyeej tshawv.
    29-Tua tsov yuav txheeb kwv tij, ntau dab yuav zoo txiv neej.
    30-Nyuj heev yuav nrog zog, neeg heev yuav nrog cai.
    31-Tawm rooj tshoob txiv yawg, nkag tsev haus kua dis ( Heheeh...Cas qhov nov hais txaus luag ua luaj li...)
    32-Ntaus dev yuav saib tswv, hais lus yuav saib plhu.
    33-Tsiaj zoo ntais qav, neeg zoo ntais tsoos hnav.
    34-Muas khau yuav ntxuav taw, saib poj yuav saib tsoos hnav.
    35-Taus laus tsis txiav khaub pos, neeg laus tsis kav plaub.
    36-Tub hlob tub to nrog, txiv laus txiv tau zog.
    37-Neeg laus siav luv, neeg hluas siab puv.
    38-Muaj niam muaj txiv yug tsis muaj niam muaj txiv qhuab.
    39-Niam txiv yug tau ntxov, lub hmoov tsis tau pov.
    40-Niam txiv yug tau ntxov, kev cai paub tau lig.
    41-Kwv phom tsis ntsib nqaij, ua zam tsis ntsib ntxhais.
    42-Twj choj naj dhau, twj tub naj qhia.
    43-Twj taws naj rauv kub, twj neeg naj dhau hmo.
    44-Nyuj ntxaug tsis ntshai tshav zaub nqaim, nees ntxaug tsis ntshai nees ceeb loj.
    45-Zais npua tau neeg tsis mob, yog saib tsis taus neeg.
    46-Nas tso quav peb yuav nqia, ib sim neej peb zaug pluag.
    47-Nyuj tsis haus dej tsis nias nyuj hau, neeg tsis txim yeem tsis quab yuam.
    48-Miv ntxeev tsu dev tau zoo, nas noj hmoov miv qws.
    49-Ci ncuav tos tsis taus siav, ua plaub tos tsis taus tas.
    50-Daim tiab zig txhauj duav, ntxhais xeeb txhaum tau qua.
    51-Tsis xa su tsis ntsia kev, ib xa su cawm ntsia kev.
    52- Sab seej tsis tso ncauj, hma tsis tom tshis.
    53- Yoov tsis ya nce nthab, dev mub tsis tom taub hau.
    54-Mov tsw dej tsis lam noj, tej lus tshawv tsis lam hais.
    55-Neeg tsis yuav plhu dab twb tsis ntshai.
    56- Ib tug neeg tsis yuav siab, kaum tus neeg laj tav.
    57- Phom tua tsis muaj hmoo neeg, xob tua tsis muaj sia neeg.
    58- Ib taws nplua, kaum taws qaij.
    59-Hauv tsev tsis haum zej zog chib, zej zog haum ntawg nraus chib.
    60-Txiv neej yawg ntshai tsev ntuag, poj ntxhais tub ntshai yias to.
    61-Nyuj tsis paub kub ntse, nees tsis paub plhu ntev.
    62-Ntauj nees nkhaus raws, mus nyuj nkhaus kub.
    63-Kaum xyoo ua ke tsis tshiab, hnub hnub ua ke tsis qub.
    64- Tsuas muaj ntse raws dej, tsis muaj dej raws ntses.
    65-Zoo xim muaj taw rooj, hais xim tsis muaj tis ya nto ntuj.
    66-Yeeb ncuab qhov kev nqaim, kwv luag laj ua ke.
    67- Miv laus tsis paub nws chaw pw, neeg laus tsis paub hluas kev ua si.
    68-Yawg tsis muaj plaub caug tsis tsheej xyam, poj ntxhais tsis muaj mis tsis tsheej niam.
    69-Di ncauj tsis muaj plaub, hais lus tsis muaj nkaub.
    70- Yuav noj ntses hlua ntses tso ntev, yuav ua plaub siab yuav ntev.
    71- Khaub yias phem khaub tsu, qub tse phem qub nom.
    72- Koj dhau koj le twg ntoo choj, kuv mus kuv le kev tshav ntuj.
    73- Lij xyuam tsis los nag, lij pav dai xub ntas.
    74- Xyuam tsis cog, qoob ntej qab qaug.
    75- Miv ntxaug pom tsis tau ntses qhuv, neeg ntxaug pom tsis tau kev tiaj.
    76- Nyuj daj qaug, tsov hneev zij.
    77- Neeg nkees ntxhua liaj teb, liaj ntxhua tawv plab.
    78- Miv nkees zov qhov txos, neeg nkees nyiam twv phoj.
    79- Ua neej tsis xws neej, ua neej li dev dhia qeej.
    80- Hauv tsev muaj nyiaj kub, ntawg nraus zej zog muaj teev tsheem.
    81- Hluav taws luag huav huav, yuav muaj qhua tuaj khuav.
    82- Yim lam vij lam, taub lwj haus kua dig kam.
    83- Hluav taws kub luaj thuab, hlau chav zug cuab.
    84- Nyuj tsis tuag khais tsis ntsoog.
    85- Tsis pom dej dag siab tsis qhuav, tsis pom fwm xab tsis los kua muag.
    86- Lau qaib tom cuam taw tawm taw, pom niam tom cuam tsuab plaub hau.
    87- Lau qaib tom cuam hau tawm hau, txij nkawm ntau cuam tsis ncaim chaw.
    88- Niam txiv nom cuam tsis nraug txaj, kwv tij ntau cuam tsis faib rooj.
    89- Noj qav maj tawv vas, ua num nkag khaub tsuag.
    90- Nqaij cawv nkag nruab plab, hnub no noj tas taig kis tshaib.
    91- Peb caug xyoo tsis fuaj plaub caug xyoo tsis fwm, tsib caug rau caum nrhiav piam lwm.
    92-Ntxov tsis maj lig tsis fab, tas hmo sawv los ntxiv khaub hlab.
    93- Txiv neej ncauj loj noj plaub kaum, poj niam ncauj loj noj tsev khoom.
    94- Sem txhiaj neeg luag qhuas, yog cua tshuab plaub qes.
    95- Tsi zis kum txoob lim, ua plaub taim xyov chim.
    96- Yim noj yim txhees, yim so yim nkees.
    97- Neeg nquag fws ntws ntau, nee nkees qaub ncaug ntau.
    98- Yawg tsis nquag ib sim pluag, poj ntxhais tsis nquag khaub tiab ntuag.
    99- Zoo neej tsa tsis cuag tsiv ( nyaum) kwv tij.
    100- Yuav noj mov yuav sev tem ntws fws.
    101- Teb ntxaug ntshai tub nquag, toj do tawm nyiaj kub.
    102- Qais hlob txhob noj hnav, nyuag yaus txhob noj tsiab.
    103- Ntxov cog qoob ntxov tau sau, ntxov yug tub ntxov tau zoo.
    104- Laus neeg nyob cuab tam nyob, laus neeg tuag cuab tam puag.
    105- Laus neeg tsis noj mov, cuab tam faib ib nrab.
    106- Ib tug yug kaum tus luag, kaum tus yug ib tug quaj.
    107- Txiv nyob tij ua qhua, txiv tuag tij tab cuab.
    108- Ntoo hlob ntoo faib cig, neeg hlob neeg faib yig.
    109- Laus neeg xya caum tsis kav plaub, yim caum tsis kav yig.
    110- Siab npua tab kiab muag, txhua leej li siab txhua leej tsav.
    111- Saum ntuj tsis muaj huab tsis los nag, ntiajk teb tsis muaj meej zeeg tsis tsheej nkawm.
    112- Cua tshuab niam toj, muaj plaub nrhiav tus tij.
    113- Luam ua tsis tsheej zeej yim nyob, txij nkawm tsis tsheej tam nug muag hlub.
    114- Zoo cawv tsis qaug neeg, zoo ntxhais tsis chib qhua.
    115- Zoo dev tsis tom neeg, zoo neeg tsis thaiv rooj.
    116-Ua plaub siab tsis ncaj, thawj xeeb daig qhov vaj.
    117- Saum rooj qhia tub, hauv ncooo qhia poj
    118- Tsis ntseeg zoo lus ntuas, hum hiam pom ntawm muag.
    119- Tsawg hauv cawv tau zoo, ntau hauv cawv yuav siav.
    120- Neeg yog peb yav nyab, peb nplua peb pluag tsis txog laus.
    121- Mus sai dim tsis dua duab, txawj hais heev tsis dua cai.
    122- Ntuj ntxhov yuav muaj nag, neeg ntxhov yuav muaj plaub.
    123- Ntuj daj yuav muaj nag, neeg daj yuav muaj mob.
    124- Niag zeb yuav me zeb xim, niag neeg yuav me neeg txhawm.
    125- Neeg pluag tsis khom neej tsa, tes no tsis khom nte teeb.
    126- Ntoo ncaj tiam zoo siv, neeg ncaj kheev chuab kheb.
    127- Nruas nrov tsis yuav qws nyhav, ntse neeg yuav tus lus nchav.
    128- Tej qhab tsis ruaj tsev yuav ntuag, tswv tsev tsis tseem cuab yuav puas.
    129- Nyuj kub tsis ntse tsis dhau ciam, neeg ncauj tsis npliag tsis ua meej zeeg.
    130- Nyuj tsis muaj zog thub haiv tav, neeg tsis muaj cai hais lus nchav.
    131- Nyuj hlob nees hlob ntau tsim txiaj, neeg hlob tsis tsim txiaj.
    132- Nees tsis noj nplooj thuv, kev cai yuav ceev.
    - Neeg zoo nruab siab, ntoo zoo nruab plawv.
    - Neeg txav muaj ntuj siab, ntuj txav muaj xam phaj.
    - Neeg ntau zog loj, dev ntau zog heev.
    - Neeg hiam neeg tsis txawj tuag, ntuj hiam neeg txawj los kua muag.
    133-Neeg zoo nruab siab, ntoo zoo nruab plawv.
    134-Neeg txav muaj ntuj siab, ntuj txav muaj xam phaj.
    135-Neeg ntaus zog loj, dev ntaus zog heev.
    136-Neeg hiam neeg tsis txawj tuag, ntuj hiam neeg txawj los kua muag.
    137- Neeg tsis rhuav siab tsis ntws kua muag, ntoo tsis rhuav tawv nplooj tsis poob.
    138- Neeg laus neeg teeb toob, ntoo laus ntoo plawv khoob.
    139- Neeg tseem tsis ntshai duab zij, koob tom tsis ntshai sab neeg.
    140- Laus neeg thiaj kiab, qhiav laus qhiav ntsim.
    141- Laus neeg ceeb yiam ntau, qhiav laus ntau muaj ntsim.
    142- Neeg kiab tsis paub ciaj tuag, liab kiab tsis paub daws hlua.
    143- Neeg pluag muaj tuv, neeg npug mob ntau.
    144- Neeg ntau dev pauv tswv, nag ntau tsev yuav xau.
    145- Neeg nyob hauv tsev pw, hum qos saum ntuj los.
    146- Neeg xws neeg, puaj txim xeeb tsheej.
    147- Laus neeg pob txha tawv, yim laus yim muaj zog.
    149- Txiaj ntsim xa rau nees, muas muag tsis tseeb.
    150- Neeg zam kuv ib dos, kuv zam neeg ib dag.
    151- Neeg nkees muaj nkees fwj, d ev nkees noj Q...thooj.
    152- Neeg loj tsis muaj zog, roob loj tsis muaj taws.
    153- Xyaum zoo laj nce nto, xyaum tshawv tshwm ntawm muag.
    154- Txiaj dai ncuv saum tsua, tsis khwv tsis txawj los.
    155- Di ncauj ob daim nqaij, hais tseem qaij.
    156- Tag hmo hais los qaib qua mus, kaj ntug tseem nyob ntawm qhov rooj.
    157- Paj zoo noj tsis nyog, ntxhais zoo yuav tsis tau.
    158- Siab zoo tsis tau zoo qhuas, kua av puav tsis tau txos ( qhov txos)
    159- Mob zoo tsis nco kws tshuaj, rov mob tsis muaj neeg tuaj.
    160- Tua neeg tso taws txoj sia luv, kho choj tiag kev xyawb yeeb koob.
    161- Zoo lus ib los sov peb xyoos, phem lus txhais lo txias rau hli.
    162- Muaj tub tsis qhia tsis yog zoo niam zoo txiv, txiv yug tsis qhia plum tub.
    163- Cag tob tsis ntshai ntoo nkhaus, neeg tseem tsis ntshai duab zig.
    164- Kev mus ntau taw muaj ntsaus, lus hais ntau tsis muaj neeg mloog.
    165- Ntxub hauv siab, luag saum plhu.
    166- Dev tom neeg muaj tshuaj, neeg tom neeg tsis muaj tshuaj.
    167- Tsis muab tus hma tam d-ev yug, tsis muab tub sab tam kwv luag.
    168- Nkag zoov tsis ntshai tsov sab neeg, tsuas ntshai riam ob phab ntse.
    169- Nce zoov tsis ntshai hma luav tom, nqes qhov tsis ntshai nab zig cev.
    170- Tua tsos tsis tuag rov xyaum hneev, txiav zaj tsis tu rov hov riam.
    171- Cawm ciaj dev poob dej, tig ncauj tom ib kaug.
    172- Ntses loj noj me ntses, me ntses noj me cws.
    173- Ua tswv txhob xyiv fab, tswv poob tsis txhob txhawj.
    174- Poj ntsuam tawm rooj lus xaiv ntau, txiv neej tab seeb kheev puag plaub.
    175- Hauv dab qhuas tas npau tshom dab, faib txab tsis yeej d ev tom d ev.
    176- Kwv luag tsis hais lus dag, nrog poj tsis muab tseeb ntsiab.
    177- Mus kev yuav ntsia tom ntej, hais lus yuav xav tom qab.
    178- Noj mov tsis zeem tsam, tuag lawm ua huj sam.
    179- Hauv tsev muaj nqaij tawb miv quaj, hauv zos muaj plaub sawv daws txhawj.
    180- Luag tsev zoo haus cawv, yus tsev cawv laj haus.
    181- Ntoo yuav tawv, neeg yuav plhu.
    182- Ntoo nkhaus ntshai dai xov, neeg nkhaus ntshai cuag tswv.
    183- Laus neeg teeb toob, ntoo laus plawv khoob.
    184- Nplej ntshai cua rov, neeg ntshai laus pluag.
    185- Ncauj txeeb ntsaws tswm, ncauj neeg ntsaws tsis tswm.
    186- Noj zoo qab hauv ncauj, zoo phem tshwm ntawm muag.
    187- Nce toj caij seem nees, nqes hav caij nees rov.
    188- Neeg tsis ua qoob loo, ntsia ntoo tawg paj zoo.
    189- Tsis tau ua kiv pw, tsis paub pam vov ntuag.
    190- Sawv yog ncaj zaum yog nkhaus, hauv plab ntim le twb yog paus.
    191- Kws ntau tsev qaij
    192- Hauv tsev pluag ntses, miv tsis ncawg tswv.
    193- Hnub hnub tim qhua tsis pom pluag, hnub hnub ua hlau tsis pom muaj.
    194- Roj tag teeb tsis kaj, r og tag ntaus muag ntsia.
    195- Muag tsis muaj ntsiab, kheev this luag haub.
    196- Ntauj tsis tav li kev, xyaum tsis tas le txuj.
    197- Kwj tse le av, muaj hnub ntxeev cev.
    198- Zeb tsis nias hauv, muaj ib hnub txawj ciaj yawg.
    199- Tes tuav ko hlau, raug txim yog yau.
    200- Tuaj ntxov ntshai tsov tom, tuaj lig ntshai luag pom.
    201- Ua ntej ntshai d ev caum, ua qab ntshai poj luag.
    202- Tuaj lig ntshai luag paub, tuaj ntxov ntshai tsiaj qus.
    203- Tus zuam me yau yau, txiv nyuj tso cev nias tsis tuag.
    204- Muaj txiaj ua txiv ntxhias, txiaj qhuad ua ruas txias zias.
    205- Hnub no muaj cawv hnob no qaug, ib xyoo khwv los ib pluag qhuav.
    206- Muab neeg tes ntev, noj neeg ncauj luv.
    207- Vam tub ciaj zaj nce ntuj ntsuab, yog tub ciaj nab nkag khaub nyab.
    208Hu ntuj ntuj nyob siab, hu teb teb nyob qes.
    209- Nce ntuj tsis muaj kev, nqes av tsis muaj kab.
    210- Hlua muag cuab nees qus, lus muag ntim neeg siab.
    211- Tsav yam qab ntuj khwb, tsuas muaj kawm ntawv teg.
    212- Neeg tsis noj mov txawj tshaib plab, neeg tsis kawm ntawv tsis paub tab.
    213- Neeg tsis kawm ntawv tsis tsim txiaj, yus txawj yus yus paub tsawg mus chawj.
    214- Saum ntuj tsis muaj huab laj los nog, sim sam tsis muaj neeg plaub laj ua.
    215- Yuav raug yog nyiaj kub zog, yuav tsis raug yog d ev npua zog.
    216- Nqaij tshis tsis tau noj, tawv tshis npua nto toj.
    217- Kaum tus caij nees tsis cuag ib tug taum nees qhov quav.
    218- Muaj sia mus thoob ntuj, siav luv tuag ntawm rooj qhov txos.
    219- Tsis muaj paj muv tsis ntxais, tsis muaj ntxhais txhob lam tuaj.
    220- Niam poj qaib foob qhov rooj, thaid tsis tau dab ntxoog.
    221- Kua yug cev xya hnub, phuas yug cev peb hnub.
    222- Quav laj noj, ntawv laj kawm.
    223- Tsis zoo noj le xub noj, tsis zoo hais le xub hais.
    224- Lawv tsis tau kauv, tua d-ev noj.
    225- Mus kev mus niam kev, tsis haub txhua luag sev.
    226- Mus kev mus niam kab, tsis haub txhua luag nyab.
    227- Xaiv xaiv tau paiv, xyuas xyuas tau xuas.
    228- Ncaj zog tiv txhiab kiv, ncaj neeg tiv num nyav.
    229- Ib tug kwv luag ib rab riam, kaum tus kwv luag tib phab siab.
    230- Xyab tes yooj yim, nkaum tes laj.
    231- Tsis muaj cua dej tsis ntas, tsis muaj plaub tsis lam dhia.
    234- Lau qaib seev poj qaib seev, leej twg nrhiav tau leej twg yuav.
    235- Lau qaib tso quav thawj yav tawv, hais lus poob cai thawj lo nchav.
    236- Roob tsis muaj tsov, liab ua yawg.
    237- Ib roob tsis yug ob tug tsov, ob nyuj tsis thub ib rab haiv.
    238- Caij nees zoo saib, noj qav tsis zoo saib.
    239. Caij nees tsawg, taum nees qhov qua v le ntau.
    240- Tsuas ntshai qhov qua v tais qua v, tsis ntshai dej txiag ntxuav ib ce.
    241- Kev tsis tiaj sawv daws tsuj, plaub tsis haum sawv daws pheej.
    242- Tsis saib tus dej los saib lub lwg, tsis saib niag poj yuav los saib tus ntxhais.
    243- Tsis saib zes liaj los saib txooj yub, tsis saib tus niam los saib tus tub.
    244- Yuav noj zoo yuav ua tshwj txiv, yuav hnav zoo yuav dhia nkauj neeg.
    245- Lus yuav hais rau neeg mloog, mov yuav hais rau yuav qhauv noj.
    246- Txhaub d-ev caum nqaij qus, tau nqaij ntau d-ev tsiv.
    247- Dev thiab kauv ua ib lauj kaub hau.
    248- Nyob tsev ntsib luag tsis hu luas, tawm rooj luag ntsib luag tsis hu.
    249. Noj hauv ntim le mov, xav hauv teb le num.
    250- Tub ntshai swb cai, ntxhais ntshai swb cev.
    251- Ntxhais ntshai yuav txhaum vauv, tub ntshai yuav txhaum poj.
    252- Laus ntshai noj txhaum qav, hluas ntshai mus txhaum kev.
    253- Zoo dev tsis tom qhua, zoo yawg tsis ntau qaib.
    254- Zoo d-ev tsis tom qaib, zoo yawg tsis ntau poj.
    255- Nab ntsuag tuag tsis tu siav, tub ntsuag tuag tsis tu noob.
    256- Xav cia luag tsis paub, tsuas ntshai yus tsis ua.
    257- Noj mov tsis poob qab, ntaus cuam tsis ua ntej.
    258- Zoo cawv tsis qaug neeg, zoo ntxhais tsis chib qhua.
    259. Dai hau ntshis, muag nqaij d-ev.
    260- Lag ntshe hnov lus ntxhi, dig muag pom nruab qaig hli.
    261- Zoo yawg kwm pob zeb, zoo d-ev zov peb yig.
    262- Niam d-ev tsis co tw, txiv d-ev tsis raws qab.
    263- Niam cuag niam txiv cuag txiv, raj xyoob cuag muv qhev.
    264- Muv ntsawj peb zaug laj faib yig, neeg nkees ev lav peb taig kes.
    265- Tuaj tw le pw yog nyuj, hnav tiab le yog poj.
    266- Qab tsis dua le kua txhais taum, zoo tsis dua le txij nkawm tau sib phem.




    Daim av cia yus khaws phaj tshab rau ib cim ntuj tshiab

    Tab sis txoj kev phooj ywg yuav khaws tau txhua lub caij


    Paj lug Hmoob Suav

    - Kawm ntawv yuav sib hlub, muab ntawv cuag nyiaj kub.
    -Dej dag ntws nto ua ntshua niab, ntiaj teb neeg qub raws neeg tshiab.
    -Sawv daws txawj sib hlub, av luaj txia nyiaj kub.
    -Koj siab ntau kuv siab coob, muaj txiaj muas tsis tau koob.
    -Muaj nqaij muaj cawv ntau kwv luag, kev nyuaj kev laj yus ua ntsuag.
    -Yug tub tsis qhia cuag zag, yug ntxhais tsis qhia cuag npua las.
    -Hov riam heev tsis tseg, riam ntse sab rau tes.
    -Paub neeg puv ntuj lees, paub siab muaj tsawg leej.
    -Neeg ruam raug neeg chib, nees peem raug neeg caij.
    -Neeg kaim neeg ntshai tsis ntshai, neeg ruam neeg chib ntuj tsis chib.
    - Neeg laus siab tsis laus, neeg pluag siab tsis pluag.
    Neeg xav puav xyoo tshiab, paj xav puav hnub liab.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 11th February 2010, 6:18 am



    Koojziagkabzaug: Posted 06 March 2009 - 12:55 PM


    Muaj lus yeej meem hais, muaj pem yeej meem tso...
    Peb thiaj nyob lom zem xauv npo.
    Muaj kev qhuab yeej meem ntuas, muaj kev qhia yeej meem piav,
    peb thiaj yuav xyaum ua ib haiv neeg tsim txiaj...




    * Paj Lug Suav hais tias:

    - Tus tsa ncauj nug luag li tus ruam ces ua ruam ib pliag,
    tus tsis kam tsa ncauj nug ces ruam tas ib tiam



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 11th February 2010, 6:30 am



    " TXHAIS PAJ LUG"




    Ntxoov L. Vaj USA





    Vaj Ntxoov L. Posted 12 March 2009 - 11:43 PM

    "cawm qav ces nab yuav chim, cawm nab ces qav tsis dim"

    = Lo lus no yuav siv rau thaum ob tug neeg tsis sib haum xeeb, puav leej txheeb yus. Koj pab ib tug ib tug yuav tusiab ces tsis pab leej twg li. Yus yog thawj coj es yus tus kwv tij ho muaj plaub muaj ntug mas yus yuav tsis hais rooj plaub ntawd, cia lwm tus hais mas yus thiaj yog neeg ncaj.



    Vaj Ntxoov L. Posted 15 March 2009 - 07:34 AM

    " Cawj qaub qaub tas txha, cawv qaub qaub txog nta "

    = koj xav kom kuv tshab txhais lo lus cawj qaub qaub tas txha, cawv qaub qaub txog nta. Tej niag lus no ces koj yuav txhais li cas los tau nyob ntawm lub caij koj siv ntawd seb qhov situation zoo li cas xwb. Lub ntsiab ntawm sob lus no, yog koj yuav muab saib raws li qhov tseeb ces, tus ntoo cawj, koj yeej paub tias nws zoo li cas lawm. Thaum tuaj cov ntsuag mos mos, koj muab nws ntsw ntsev noj qaub qab laj siab. noj cov nplooj los kuj qaub ib yam tiamsis nws tsuas muaj tso xem me ntsis xwb. Xyov koj puas tau noj ntsuag cawj dua los. Tham txog xwb kuv qaubncaug twb si puv hniav tas.

    Lo lus hais tias, cawj qaub qaub ti txha. Cawj muaj tsos qaub, noj qaim nplooj los qaub, noj tus kav los qaub, thiaj hai tau tias qaub ti txha. Dhau ntawd koj noj tus cawj qaub, ces koj yuav hnov qhov qaub ntawd qaub thoob yus lub cev. Ntau zaus koj noj qaub, yog yam qaub dhau yeej ua rau yus ib ce tshee taus, ntawd yog vim nws qaub ti txha thiaj ua rau yus ib ce tshee.

    Hais txog cawv, peb muaj ob yam cawv xws li cawv mog thiab cawv ntxwg, cawv mog yog cov mov cawv, cawv ntxwg yog cov cawv haus. Lo lus cawv qaub qaub txog nta, nws related rau cov cawv mog, cov cawv ntawd thaum nyuam qhuav ua tsis tau qab zib txaus, koj noj nws muaj tsos qaub, tab sis tsis ntev hnub tom ntej nws yuav qab zib thiab ntsim lawm, tsos qaub ploj lawm. Qhov no thiaj hu tau tias qaub txog nta. Tshaj ntawd, cov cawv mog ntawd, koj muab nws txum cia ntev hnub, txheej saum toj tuaj pwm taws, nws muaj tsos qaub los tsuas qaub saum ncauj xwb, koj muab txheej saum toj daus tawm, txheej hauv qab yeej qab zib thiab ntsim.

    Yog ho yuav muab piv rau lwm yam. Kev ua neej, thaum muaj nws muaj, thaum pluag nws yeej txawj pluag. Thaum muaj txhob xav tias yuav tsis txawj pluag. Thaum pluag, txhob xav tias yuav pluag tas tiam. Luag thiaj muaj lo lus tias hmab qos ntug twb txawj nqia. Lo lus tias cawv qaub qaub txog nta, txawm yus muaj muaj nyiaj los tsuas muaj ib pliag xwb yus yuav rov pluag. Tej laus thiaj muaj lo lus tias " muaj ntxov muaj rov" Koj ntsia teb chaws US yog ib lub teb chaws muaj tshaj plaws, niam no s/d twb txawj txom nyem. Txawm txom nyem los tsis ntev s/d yuav rov muaj.


    Last edited by Maiv Tooj on 25th March 2010, 4:49 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 11th February 2010, 6:50 am



    Vaj Ntxoov L. Posted 17 March 2009 - 09:32 PM

    "Lij xyuam tsis los nag, lij pav dai xub ntas"

    = Ntuj tsis los nag ces rab khais laij teb yuav tsis txo tawm ntawm phab ntsa, los nag thaum twg liaj zoo laij lawm mam li rho khais ntawm phab ntsa los mus laij liaj.

    "Xyuam tsis cog, qoob ntej qab qaug"

    = Neeg tub nkeeg tsis ua liaj teb mov tag noj tsis qab.

    Peb Hmoob Xov Tshoj hais tias "nyuj qaug ces tswg qaij" tab sis hmoob Suav ho hais tias "nyuj daj qaug, tsov hneev zij"

    = Txhais tias: Neeg ib yam txog txij yus sab los nws yeej txog siav lawm thiab.


    "Hluav taws luaj thuab, hlau chav zug cuab"

    = kev ntaus hlau, rub foob xab. Hluav taws, tej zaum yog miss spelling los ntawm Hluav taws. Txhais tias hluav taws txawm yuav kub loj npaum twg los hlau tsis txawj liab. Yus yuav tau sib zog rub foob xab mas hlau thiaj kub.

    "Yim lam vij lam, taub lwj haus kua dig kam"

    =LAM= kub ntxhov, vim thaum ub hnov tej laus hais tias: Teb chaws lam lawm...= Teb chawm kub ntxhov, tsov r og tuaj ze lawm.

    VIJ= Saib xyuas, muab vij, muab nws tuav ua ke, nyab laj tuaj vij lub khaib lawm...

    - Tsev neeg muaj kev kub ntxhov, yuav tau saib xyuas teeb meem,



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 18th February 2010, 6:47 am





    hnub tuaj tshav thiaj ci, paj tawg txiv thiaj txi.
    = txhais tias hais zoo lus thiaj muaj kev hlub, muaj zoo niam thiaj muaj tub xwb los mas.

    nce toj vaub kib mus tsis txog, nqis hav vaub kib tso cev ntog
    = Cov neeg peem las (rog) nce tsis taus toj,nqes hav los tso cev dov toj.

    Laus neeg nyob cuab tam nyob, laus neeg tuag cuab tam puag.
    = "niam txiv tuag ces vaj tse ntuag"

    - Laus neeg tsis noj mov, cuab tam faib ib nrab.
    = Tej laus muaj mob tsis noj mov, ces yuav ploj yuag tuag, yuav muab nws lub cuab tam faib rau tej me nyuam.

    - Txiv nyob tij ua qhua, txiv tuag tij tab cuab.
    = Thaum txiv tseem nyob ces tub hlob ua si ywj siab tab sis thaum twg txiv tuag lawm ces tub hlob yuav tsum tau los nres lub cuab yig sawv chaw leej txiv xwb.

    - Laus neeg xya caum tsis kav plaub, yim caum tsis kav yig.
    = Laus tem toob lawm ces tswj tsis tau plaub ntug lawm. Txij yim caum xyoo rov saud lawm ces rov tsis paub tab li me nyuam yaus lawm xwb.

    - Siab npua tab kiab muag, txhua leej li siab txhua leej tsav.
    - Saum ntuj tsis muaj huab tsis los nag, ntiajk teb tsis muaj meej zeeg tsis tsheej nkawm.
    - Cua tshuab niam toj, muaj plaub nrhiav tus tij.
    - Luam ua tsis tsheej zeej yim nyob, txij nkawm tsis tsheej tam nug muag hlub.
    - Zoo cawv tsis qaug neeg, zoo ntxhais tsis chib qhua.
    - Zoo dev tsis tom neeg, zoo neeg tsis thaiv rooj.


    1. muab npua tua coj npua lub siab mus dai tom khw, yus lub siab ho muab pub rau txhua leej tsav. txhais tias, npua lub ces zoo lag luam hos yus lub txhob muab rau luag thuam no xwb raws li me yaus totaub.
    2. Tsis pos huab yeej tsis los nag, tsis muaj tus hlub yeej tsis muaj txwj nkawm.
    3. plaub dub tsis tuaj ces tsis nco qab txog tej kwv tij sib hlub.
    4. lub chaw ua lag luam tsis yog lub chaw noj chaw pw, niam txiv tsis sib hlub tso nyias mus nyias, mam sib hlub tam tij vi. Feem ntau nws related rau cov muam npaws nus npaws sib yuav, tsis tsheej haj. Sib nrauj sib tso mam rov tig sib hlub li tej viv ncaus.
    5. Cawv qab txawm haus qaug los tsis ntaus tobhau. Ntxhais zoo muaj qhua tuaj yeej tsis ua kom qhua paub siab (chim rau yus tsev neeg)
    6. De-v tsim txiaj yeej zov tsev, tsis nom neeg. Neeg paub cai, siab dawb tsis kaw rooj thaum muaj qhua tuaj. Txhais tias, neeg zoo tsis cem leej twg. Neeg siab dawb qhib rooj tug tos txais qhua. Vim muaj ib cov yim neeg mas hnov tias muaj qhua tuaj ze xwb, twb mus lov nplooj los tshuam rau ntawm qhov rooj pretent li yus caiv tsev lawm. Tsis kam txais tos qhua, thiaj muaj sob paj lug no los ua piv txwv hais.


    - Saum rooj qhia tub, hauv ncooo qhia poj
    - Tsis ntseeg zoo lus ntuas, hum hiam pom ntawm muag.
    - Tsawg hauv cawv tau zoo, ntau hauv cawv yuav siav.
    - Neeg yog peb yav nyab, peb nplua peb pluag tsis txog laus.
    - Mus sai dim tsis dua duab, txawj hais heev tsis dua cai.


    1. ntuas tub ntxhais ces hais tso tshav plhuav saum rooj, qhia poj qhia sev ces yog qhia lub caij siab zoo zoo thaum ob leeg pw saum ncoo. He..he..he. tseeb tiag tiag, yog qhia thaum yuav kaj ntug mas poj tseem mloog lus dua.
    2. tsis mloog lus qhuab tau kev nyuab, hais lus tuam mom ces zam tsis dhau teeb meem.
    3. neeg tsawg haus cawv tsis sib luab, coob tus ua miv sib tsuab thaum kawg ces qaug cawv tshuav siav.
    4. yav= piece, nyab = quav nyab, ntoo nyab, nyab poj nyab sev. nqe no, yav = yuav, txhais tias kev tshoob kev kos ua sib cuab, yog totaub tsis yuam kev, seb koj ho pom li cas.
    5. neeg txawm yuav ceev npaum cas los yog luag ntes tau duab ua pov thawj lawm, txawj ntse ncauj yaim cuag ntswg los yeej kawg yuav mus raws txoj cai.




    Paj lug Suav hais tias:

    Xav seb qhov koj cog lus rau luag ua puas tau thiab puas muaj tseeb,
    vim kev cog lus yog nuj yog nqe.


    Last edited by Maiv Tooj on 25th March 2010, 5:00 am; edited 2 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:21 am




    tooj tawv cuag hlau, hlau tawv taws hau tau
    tooj tawv zoo nchuav vub, neeg tawv thiaj xuas dub
    tooj nkig zoo ntaus nplaim, taws nkig tsis zoo tsaim


    = ooj tawv cuag hlau= tooj tawv npaum hlau tawv, yog tooj tawv hlau thiaj ntaus tau tooj pluav
    hlau tawv taws hau tau= hlau txawm tawv npaum twg los tshij rau qhov cub kom liab ploog ces nws muag xwb
    tag nrho sob lus tias tooj tawv cuag hlau, hlau tawv taws hau tau. Txhais tias, tub tawv muaj niam hlob txiv ntxawm yuav nrog hais, niam hlob txiv ntxawm hais tsis tau muaj ncej nom ncej tswv nrog hais. Ntxhais tawv, neej nus hais tsis tau tab sis qhua tauj yas ob cag hais tau. Tej laus niaj txis piv txoj lug saum rooj tshoob rooj kos tias, peb yias tooj hau tsis tau thiaj muab nej yias hlau hau. Peb ciajj toog tais tsis tau thiaj muab rau nej ciaj hlau tais, nej thoob nej yij meem thi
    nej phav nej yij meem npuj.

    Tooj tawv zoo nchuav vub, vub= txhoj
    tooj txawm tawv npaum cas los taws hlawv ces yaj ua dej, yus yuav muab nws hliv rau hauv txhoj ua tsawg hom los tau.
    neeg tawv thiaj xuas dub, xuas dub=tub sab, dab tsov txawm quaj ntawm tej los nws yeej maub nuag tsis paub ntshai. Tub hluas tawv, niam txiv txawm kwm ntxhais npaum cas los nws yeej nkag khuav mus nyiag tham. Tiam sis feem ntau neeg tawv neeg txawj neeg ntse hom muaj ntsis tsis tshua yuav lus. Yuav tau siv kauv maim khoo mas thiaj tau.

    Tooj nkig zoo ntaus nplaim= nplaim qeej, raj ncas puav leej yog siv tooj nkig los ntaus xwb
    tooj nkig zoo ntau nplaim = tus neeg twg siab dawb siab zoo, siab sib, ncaj ncees. Muaj noj luag thiaj xav hu, muaj hauj lwm luag thiaj xav txib.
    Taws nkig tsis zoo tsaim. Tsaim= phua, xim kom me
    nkig= dam zoo, lov zoo.
    Yav taws qhuav dhau, piv li twb pib lwj lawm, taus txhib yeej tsis yog tawg tej daim tab sis nws tawg dhia tas ua yoj ua yav tsis zoo rauv. ob sob lus ua ke thiaj muaj meaning tias, neeg nquag thiaj xav txib neeg nkees tsis xav hu.

    [center]


    Paj Lug Zim Pees:

    Cov lus tsis hais tshwm...Yog cov paj ua tij ywm
    Cov lus tsis hais nrov...Yog cov paj nyob ntsiag to


    Last edited by Maiv Tooj on 25th March 2010, 5:01 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:25 am



    - Ntuj ntxhov yuav muaj nag, neeg ntxhov yuav muaj plaub.
    - Ntuj daj yuav muaj nag, neeg daj yuav muaj mob.
    - Niag zeb yuav me zeb xim, niag neeg yuav me neeg txhawm.
    - Neeg pluag tsis khom neej tsa, tes no tsis khom nte teeb.
    - Ntoo ncaj tiam zoo siv, neeg ncaj kheev chuab kheb.


    = 1. ntuj ntxhov=pos huab cua nplawm xob nroo
    - neeg ntxhov=ntxhov siab ntxhov ntsws ua dab tsi twb tsis qab siab ua, moj mov twb tom nplaig hais lus tsis zam lus
    Yog lawm, ntuj ntxhov ces nag yuav poob, neeg ntxhov yuav raug foob

    2. ntuj daj = ntuj ntxhov. Neeg daj= tsis yog yuav muaj mob tab sis twb muaj mob lawm thiaj daj

    3. niag zeb yuav me zeb xim = li hmoob xov tshoj hais kwv txhiaj, niam zej quj me zeb, me zeb quj tawg ua hmoov tsis muaj siab txhob dag kuv nplooj siab nplooj ntsws nraug koj tshoov he..he..he.. puas yog na..! niag neeg yuav me neeg txhawm = tsis muaj tub lag tub luam ces tsis muaj niag los pav li. Tau nom tau tswv los yog muaj pej xeem txhawb.

    4. yus txawm pluag npaum twg los tsis zoo mus thov neej thov tsav. Khom=dia (dai), tes no = no no txhais tes
    nte teeb = nplaim teeb me me txawm no los yuav nte tsis sov, yog muab tes los nte teeb lawm ces teeb tsis pom kev
    rau yus lawm. Tas nrho ob sob lus ua ke, nws txhais tias yus yuav tsum txawj fwj xwm yus lub ntsej lub muag, txom
    nyem los txhob mus thov mus nyiag tsam nws haj yam tau kev txaj muag.

    5. ntoo yiag thiaj zoo ua nqaj, neeg zoo yog neeg caj ncaj. Yog neeg ncaj, qhov rooj cuab lug los tsis muaj leej twg tuaj nyiag.




    Paj lug Suav hais:

    Pw ib sim neej, npau sua tseem tseeb dua.


    Last edited by Maiv Tooj on 25th March 2010, 5:05 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:33 am



    - Nruas nrov tsis yuav qws nyhav, ntse neeg yuav tus lus nchav.
    - Tej qhab tsis ruaj tsev yuav ntuag, tswv tsev tsis tseem cuab yuav puas.
    - Nyuj kub tsis ntse tsis dhau ciam, neeg ncauj tsis npliag tsis ua meej zeeg.
    - Nyuj tsis muaj zog thub haiv tav, neeg tsis muaj cai hais lus nchav.
    - Nyuj hlob nees hlob ntau tsim txiaj, neeg hlob tsis tsim txiaj.


    1. Nruas nrho tsis tas siv qws hnyav los ntaus = tus neeg yuav ntse ces tsis tas qhia los nws yeej txawj
    Ntse neeg yuav tus lus nchav = tus neeg paub tab hnov xaiv yeej tsis hais lus nchav lus phem.
    -tas nrho sob lus no nws txhais tias, neeg ntse yeej ntse nrhuab thiab thiab tus neeg thoob tsib to nrog yeej tsis hais lus
    siab lwm leej lwm tus.
    2. Qhab tsis ruaj tsev yuav ntuag, Qhab= qhab tse, nyob hauv qab ntawm cov nploo, nruab, vuas,nqeeb.
    Qhab tsis ruaj tsev yuav ntuag= qhab tse nkaus los sis dam ces tsev kawg yuav saus.
    Tswv tsev tsis tseem cuab yuav puas = Tswv tsev tsis tseem ceeb ces kawg vaj tse yuav puas los yog lub cuab yig yuav
    plam. Li no Hmoob thiaj ib txhis piv txoj lug tias, txiv tuag ces niam mus, niam tuag niam los.
    -tas nrho sob lus uake nws txhais tias, niav txiv tsis pheej seem ces tub ki ua neeg seem. niam txiv tsis tab cuab ces
    yuav tawg cuab.
    3. Nyuj kub tsis ntse tsis dhau ciam = me koob tsis ntse ces yuav ua tshoob ua kos tsis tiav
    neeg ncauj tsis npliag tsis ua meej zeeg= neeg nco lus tsis zoo los sis tsis txawj zaj tshoob yeej tsis kam mus ua
    mej koob.
    4. Nyuj tsis muaj zog yeej tsis siv mus laij av, ua neeg nyob tsis muaj cai hais lus nchav.
    5. Nyuj nees hlo coob muag tau nyiaj. Neeg hlob ces yuav siv nyiaj siv txiaj. Ob lo lus uake nws txhais tias nyuj nees hlob
    tau laij tau thauj, neeg muab hlob ces qig lus qig ncauj tsis muaj neeg xav xauj.




    LUB TSWV YIM YUAV TAUG KEV DEB TSHAJ LUB SIAB LOS YEEJ MUS TSIS DEB, KAWG NYOB NTAWD XWB.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:41 am


    - Nees tsis noj nplooj thuv, kev cai yuav ceev.
    - Neeg zoo nruab siab, ntoo zoo nruab plawv.
    - Neeg txav muaj ntuj siab, ntuj txav muaj xam phaj.
    - Neeg ntau zog loj, dev ntau zog heev.
    - Neeg hiam neeg tsis txawj tuag, ntuj hiam neeg txawj los kua muag


    1. thuv= tsob ntoo thuv; kev sib ntoj sib thuv
    ceev= khaws tseg; txuag cia; rawm rawm
    seb puas yog txhais tias, neeg tsis mloog lus ces cai yuav nruj. Tsis sure heev rau nqe lus no.
    2. nws yuav thooj li peb lo hais tias neeg txaij hauv tsov txaij nraud yog totaub mus rau qhov nkaus, yog totaub li qhov yiag ces yeej yog li ntawd. Neeg zoo yog lub siab zoo hais lus zoo. Ntoo zoo yog zoo sab hauv vim thaum yus saib tus ntoo nrog daim tawv ces yeej tsis paub tias tus ntoo ntawd txaij, lis ntxhib lis phem li. Thaum yus muab nws txiav txhij kom tus tus mas thiaj paub tias cov lis ntoo ntawd nws txaij li cas.
    3. Txav= pub zaub pub mov pub tswv yim; txav chaw
    phaj = qib duas, theem, tshooj
    xam-phaj= txawm xam, figure los yog calculation
    -tej zaum nws txhais tias, kawm siab ces muaj zoo txuj.
    4. Ib txhais tes tsis cuag kaum txhais npab.
    5. hiam= ua phem, chib, txhob txwm, ib sij tshwm sim ib zaug
    -neeg hais lus twb los sis saib tsis taus, tsis raug tsis tuag tab sis yog ntuj ua nag daj nag dub, vaj tse ntsoog tas, qoob
    loo piam tas, ua rau neeg raug mob, ploj tuag ces kawg yuav los kua muag xwb.
    Seb U ho totaub li cas hos pab qhia thiab. Tsam no qav kaws tes taw tas li no lawm.

    Hauv no yog I li nws tsis muaj meaning ntau.

    taus ntse tsis zoo ntov tsua, neeg ntse tsis siv zog ua
    twm hlob twm kws tshav, neeg hlob neeg siab hnyav
    twm qhuas tau zoo kub, twb tsis phim nws lub
    tsiaj tuag hlua txhav, neeg tuag nrhiav tsav
    tsam txheej yuav tsam txhiab, tsam lus tau kev iab siab
    tshav ntuj iab oo tuab, los nag tas ntuj thiaj ntsuab
    tshav ntuj nas noog quaj, los nag kab npauj ntxuaj




    Paj lug Suav hais tias:

    Yog muaj kev kaj ntawm ntsuj plig

    Yuav muaj txoj kev zoo hauv tus tib neeg

    Yog muaj qhov zoo nkauj ntawm tus neeg

    Yuav muaj nyab xeeb hauv lub tsev

    Yog muaj kev nyab xeeb hauv lub tsev

    Yuav muaj kev tiaj tushauv haiv neeg

    Yog muaj kev tiaj tus hauv haiv neeg

    Yuav muaj kev THAJ YEEB HAUV LUB NTIAJ TEB




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:43 am



    Taus ntse tsis zoo ntov tsua=

    yus rab taus txawm ntse npaum twg los yeej ntov tsis tau lub tsua. Ntov ces taus kawg ntais xwb. Neeg ntse tsis siv zog ua, tab sis txhua yam yog siv tswv yim xwb. Ob sob lus uake nws muaj meaning tias, yus txawm txawj ntse npaum twg los txhob tawm tsam tej coj noj coj ua. Yus txawm ntse npaum twg los txhob qia dub zog yuav tsum pab tej laus yam lawv xav kom yus pab.

    Twm hlob twm kws tshav =

    Feem ntau cov phaws tawm lawv nyiam tswj lawv thaj tsam, lwm tus yuav los koom tsis tau, vim li ntawd twm thiaj pheej sib nraus heev, yog lawv sib txeeb tshav.

    Neeg hlob neeg siab hnyav =

    neej loj ro=g feem ntau tes taw yeej qeeb dua los sis thaum neeg tau ua nom ua tswv lawm lawv yeej muaj ntsis muab hlob. Txhua thaj tsam, cov thawj coj nyias yeej kws kws nyias lub zej lub zos, tab sis zej zog txib no ces tsis tshua xyiv fab. Sob lus no tsuas raug rau cov nyiam nyiam muab hlob thiab khav khav txiv xwb os.

    Twm qhuas tau zoo kub. twb tsis phim nws lub. Sob lus no yog lus funny xwb. Koj sim xav seb yog vim li cas twm pom tsawb thaum twg twm pheej muab tsawb nrau vau tas li. Vim twm xav tias twm kub loj kub ntse heev tab sis nws ho chim chim siab tias tsawb muab nws qhov kev tsim neej zais lawm es cov txiv thiaj tau qhov khoom me me hos cov maum li ho loj loj twb tsis sib phim. Lawv thiaj pheej chim rau tsawb tias yog tsawb muab zais lawm. Thaum ub twm thiab nees lawv mus da dej uake, lawv hle lawv cov chaw tsim neej cia rau ntawm hauv paus tsawb, nees los ua ntej nees muab twm rab nyiag nqa los ua ntej lawm. Twm ua qab los txog tshuav rab me me rau twm lawm xwb. Twm thiaj xav tias yog lub hauv paus tsaub nyiag lawm. Lawv thiaj muab tsawb nrau vau tas. Ha.ha.ha. tsis muaj prove tab sis tej laus ib txawm tham dab neeg li ntawd.





    Luag ntxhi nyob kom thi

    Paj lug Suav hais tias:

    Txhua zaus ua koj chim
    Ua rau koj laus ib thawj ntxiv,
    Txhua zaus uas koj luag
    Ua rau koj hluas tuaj.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:55 am



    - Neeg tsis rhuav siab tsis ntws kua muag, ntoo tsis rhuav tawv nplooj tsis poob.
    - Neeg laus neeg teeb toob, ntoo laus ntoo plawv khoob.
    - Neeg tseem tsis ntshai duab zij, koob tom tsis ntshai sab neeg.
    - Laus neeg thiaj kiab, qhiav laus qhiav ntsim.
    - Laus neeg ceeb yiam ntau, qhiav laus ntau muaj ntsim.

    Lam muab txhais seb txhais puas tau nawb.

    1. Tsis txhaum plaub yeej tsis nyuaj siab, tsis raug nplua tsis poob nyiaj.
    2. ntoo laus ntoo khoob, neeg laus neeg tem toob
    3. tseem= ceem, cem, tseem tseem, tseem tshuav, tiag tiag, tsis yog cuav. Koob= rab koob, suab npe. Tom= qoos xwm, noj lus, ntxo, chob.
    Tej zaum nws yuav txhais tias, laus tsis ntshai tawv txoom, koob chob tsis ntshai mob nqaij. Tsis sure, seb nws ho txhais li cas.
    4. qhiav laus qhiav ntsim neeg laus neeg coj tus
    5. ceeb= nrib, tawg pleb, txoom; yiam ? Qhia laus ntau muaj ntsim= qhiav laus ntau yeej tsim ntev. Tej zaum sob lus no yog lus funny tsis txhais zoo dua.




    Paj lug Suav: Leej Twg tau ib tug zoo phooj ywg tau lub zoo pov haum



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 6:59 am


    - Neeg kiab tsis paub ciaj tuag, liab kiab tsis paub daws hlua.
    - Neeg pluag muaj tuv, neeg npug mob ntau.
    - Neeg ntau* pauv tswv, nag ntau tsev yuav xau.
    - Neeg nyob hauv tsev pw, hum qos saum ntuj los.
    - Neeg xws neeg, puaj txim xeeb tsheej.


    1. tus neeg siab dawb siab zoo, ncaj ncees yeej tsis tshua muaj teeb meem tab sis yog muaj teeb meem mas ho tsis txawj daws yeej yeem ua tus swb luag xwb.
    2. Cov neeg txom nyem tsis muaj khawb ncaws hloov ntau, hnav cev twg hnav tshej hli tsis ntxhua ces yeej muaj ntsis muaj tuv thiab cov neeg tsis dab tsi lam tau lam noj tsis nyiam huv ces yeej muaj mob dua.
    3. niam no peb hmoob tuaj nyob rau lub ntuj neeg ntau ntau ces muaj kev sib nrauj sib tso, nkauj coob nraug ntau ces lub cuab lub yig yuav lwj yuav puas muaj.
    4. Cov neeg tub nkeeg tsis tshua nyiam txhim kho vaj tse ces ntuj los nag yeej pom nag los rau yus.
    5. ib yam neeg nws muaj nws ib yam tsoos tsho, moj yam kev coj. Yus xav tias lawv nyob tsis tau los lawv kuj nyob lawv dhau.


    kab laum ntoo zeeg pleb, neeg laum neeg luag poob zeb
    tswm-zooj nrog suab pob, leej-hauv nrov yog xob
    pom nqaij yuav nta xub, pom lus yuav nrhiav tub
    mob hluas nyiam loj leeb, mob laug nyiam yeeb tseeb
    pheej xeeb tsis pheej pu, muab hlob tsis nyiam hu
    pheej pu tsis pheej xeeb, ntshai hu lam txawj neeb





    Paj lug Suav hais tias:

    Ib hnub koj luag 3 suab ces tsis tag nrhiav tshuaj



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 7:10 am



    kab laum ntoo zeeg pleb, neeg laum neeg luag poob zeb
    tswm-zooj nrog suab pob, leej-hauv nrov yog xob
    pom nqaij yuav nta xub, pom lus yuav nrhiav tub
    mob hluas nyiam loj leeb, mob laug nyiam yeeb tseeb
    pheej xeeb tsis pheej pu, muab hlob tsis nyiam hu
    pheej pu tsis pheej xeeb, ntshai hu lam txawj neeb


    1. kab laum ntoo zeeg pleb = txhua tus ntoo tus cav uas koj mus pom muaj hmoov dawb vog, koj tho ces muaj kab lia kab laum, kab tais twv thiab kab laum kib tshooj nyob hauv tus ntoo, tus cav. Neeg laum neeg luag poob zeb= Feem ntau yog tej nkauj nraug sib sib hlub es lawv nyiam nyiam sib laum kom tuaj dab ros. Tsis hais ntau los nws yeej paub lawm,muaj tej khub hluas nkauj hluas nraug mus nce zeb nce cav ua si es ho sib laum luag poob zeb tas los muaj.
    2. tswm-zooj = cov txheeb xyoob zooj zooj li cov rwb. Suab pob, yog lub taub suab cov laus ntim laj kauv. Leej hauv= lub mos txwv. Xob = tshuaj phom tsi los ntawm cov quav puav. tswm zooj nrog suab pob, leej hauv nrov yog xob, txhais tias tua phom hmoob, yuav tsum muaj tswm zooj, suab pob, tshuaj phom, phaj kab, laj kauv, tshwm choj mas thiaj tua nrov.
    3. tsis pom nas noog yeej tsis nta hneev, thaum twg pom neeg nta hneev nruab xub lawm ces yeej yog muaj nqaij los ze lawm. tsis muaj plaub muaj ntug ces cov txiv neej yeej tsis tshua tseem ceeb tab sis muaj lus xaiv plaub ntug lawm ces yeej kawg yuav nrhiav cov tub xwb thiaj li yuav hais tau.
    4. mob hluas nyiam loj leeb = tub hluas yog tsis mus loj leeb ces kawg siav hab pob kws xwb thiaj li yuav nti tau nws kev txaj muag. mob laug nyiam yeeb tseeb = neeg mob laug thiaj nyiam ntsaub phaj teeb, xuab yeeb tseeb tas li.
    5. pheej xeeb tsis pheej pu = neeg siab dawb siab zoo los tej zaum tsis txawj tsis ntse. muab hlob tsis nyiam hu = tus neeg muab hlob, kib oom, leej twg hu los yeej cuag tsis muaj pob ntseg. Tas nrho sob lus nws txhais tias, tus neeg txawj ib yam tshuav ib yam, tus ho txawj yuav pab tau los siab qeeb siab hnyav. Tsis kam pab kwv tij neej neej tsa.
    6. pheej pu tsis pheej xeeb = pheej xeeb tsis pheej pu. ntshai hu lam txawj neeb = lam txawj neeb xwb neeg thov tsis tau. Tus neeg zej zog thov tsis tau ntawd nws yeej ntshai tsam neeg pheej tuaj hu, ces nws lub qhov rooj tsuas pom tshuam nplooj tas li xwb.




    Paj lug Suav hais tias:

    Cov Ntshiab pom ti nkaus yus lub siab



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 7:12 am


    - Laus neeg pob txha tawv, yim laus yim muaj zog.
    - Txiaj ntsim xa rau nees, muas muag tsis tseeb.
    - Neeg zam kuv ib dos, kuv zam neeg ib dag.
    - Neeg nkees muaj nkees fwj, d ev nkees noj Q...thooj.
    - Neeg loj tsis muaj zog, roob loj tsis muaj taws.


    Cas kuv xav tsis tawm cov lus ntiav ntiav no li lawm tias tas nrho sob lus ntawd nws txhais li cas. Koj muaj tswv yim no pab txhais pub rau kuv os. Kuv ho xav li no:

    1. neeg laus pob txha nkig, yim laus qhov muag yim dig.
    2. tus neeg hais lus yooj yim tej zaum nws tham ya hais lus tsis muaj laj thawj.
    3. luag zam yus ib yus zag luag kaum thiaj nyob sib haum
    4. de-v nkees phim noj q... neeg nkees tsis muaj tus yuav.
    5. neeg r og tsis muaj zog, roob do tsis muaj taws.




    Ib hnub twg yog ua hauj lwm khwv khwv, los sau tau tsis txaus ua kuav txob ntsw
    Ces koj nco ntsoov tias thaum ub tsob ntoo qheb luaj li koj thiab.


    Txhais tias yog ntshaw lub neej zoo lawm yeej yuav tsum tau xwb.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 7:20 am



    - Xyaum zoo laj nce nto, xyaum tshawv tshwm ntawm muag.
    - Txiaj dai ncuv saum tsua, tsis khwv tsis txawj los.
    - Di ncauj ob daim nqaij, hais tseem qaij.
    - Tag hmo hais los qaib qua mus, kaj ntug tseem nyob ntawm qhov rooj.
    - Paj zoo noj tsis nyog, ntxhais zoo yuav tsis tau.

    1. tshawv= phem. Xav ua zoo ces siv ntau niaj ntau xyoo lis, xav ua phem ces ib pliag ntshis.
    2. txiv ntoo nyob chaw siab, nyiaj tx-iag nyob tsiv kev.
    3. dis ncauj yog tawv nqaij, hais lus qaij = neeg dag hais lus tsis tseem ceeb, los sis hais tau ua tsis tau.
    4. qaib qua ntxov sawv lig. Lub siab mas yuav ua qaib ntej, tsim los twb kaj ntug tseem tsis tau sawv kev.
    5. Paj zoo nkauj yeej tsis zoo noj, ntxhais zoo nkauj siab ceev los sis tub nkeeg, neeg thiaj tsis tshua kam yuav.
    Tej laus thiaj muaj lo lus tias quav yeeb taw lo roj, zoo nraug tau phem poj, txawj qeeg taw lo tshauv, zoo nkauj tau
    phem vauv. Zoo zoo nkauj zoo zoo nraug tab sis tsis paub haj tom ces neeg yeej tsis muaj peev xwm yuav taus,
    thaum kawg ces khaws tus phem quav.




    Lub qhov rooj qheb plho rau lub vaj paj, txoj kev npau suav ua paj tawg nra...
    Qheb hlo peb lub siab tau txoj kev phooj ywg hom khaj...










    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 7:25 am


    - Siab zoo tsis tau zoo qhuas, kua av puav tsis tau txos ( qhov txos)
    - Mob zoo tsis nco kws tshuaj, rov mob tsis muaj neeg tuaj.
    - Tua neeg tso taws txoj sia luv, kho choj tiag kev xyawb yeeb koob.
    - Zoo lus ib los sov peb xyoos, phem lus txhais lo txias rau hli.
    - Muaj tub tsis qhia tsis yog zoo niam zoo txiv, txiv yug tsis qhia plum tub


    1. Ua zoo tsis muaj tus qhuas, ua phem luag haj yam tsis poog.
    3. yog yus tua neeg ces luag yuav cuab yuav khi, yus txoj sia yuav luv. kho choj tiag kev xyawb yeej koob = tuam choj
    tom tej kev tshuam, yog yuav xav thov koob hmoov los pov ib tug neeg mob ntawm yus tsev neeg.
    4. lus zoo tsis kav peb tag kis, lus phem tusiab tas ib txhis.
    5. niam txiv tsuas qhia tub ki rau kev ua noj ua haus, thaum yog plaub ntug lawm kwv tij sab nraud ntuas zoo dua.

    Hauv no yog kuv li, thiab kuv li los xaus li nov lawm. Sau tau thaum twg mam muab ntxiv. Dhau no lawm ces wb yuav kawm hmoob suav cov li koj muaj kom meej mam ua lwm yam ntxiv. Kuv muaj 10 pages lus tov, tsis yog paj lug lawm. Nws yog yam tseeb tseeb qhia ncaj qha kom neeg paub kev sib piv dab tsi haum nrog dab tsi, noj los qab, hnia los tsw, ntsia los pom, tuav los tau. Ntau ntau yam uas txheej hluas yuav tsis tau paub dua nyob rau hauv peb hmoob lub neej.

    ntau ntxhais tsav cuab, txhua hmo txeeb ncej puab
    tsawg txiv sis loob, thiaj tau poj coob
    toj roob zeb zuag, hmoob chaw txawm maj ntuag
    niam txiv noj txhij haus txhua, me nyuam tsis muaj daig npua
    neeg nquag noj tas toj roob, neeg nkees tas hnub tas hmo chob koob
    txiv quav yeeb niam quav tshuaj, txhua xyoo tub ntxhais quaj







    Tus muaj tub muaj ki, nyob li d ev tuag li neeg muaj nqes;
    tus tsis muaj tub muaj ki, nyob li vaj ntxwv tuag li d ev liam txwv



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5365
    Date d'inscription : 2009-08-18

    Re: HAIS PAJ LUG

    Post  Maiv Tooj on 23rd March 2010, 7:29 am



    - Cag tob tsis ntshai ntoo nkhaus, neeg tseem tsis ntshai duab zig.
    - Kev mus ntau taw muaj ntsaus, lus hais ntau tsis muaj neeg mloog.
    - Ntxub hauv siab, luag saum plhu.
    - Dev tom neeg muaj tshuaj, neeg tom neeg tsis muaj tshuaj.
    - Tsis muab tus hma tam d-ev yug, tsis muab tub sab tam kwv luag.


    1. Cag tob = cov cag nrhau nkag mus tob. Neeg tseem = tseem neeg. Duab zig= neeg nkaus.
    Sob lus no seb puas yog txhais tias, tus neeg paub tab hnov xaiv yeej tsis lam ntshai lus plaub lus ntug.
    2. taw ntsaus = nti tawv. Sob lus no nws txhais tias, taug kev ntau ces taw nti tawv, hais lus ntau tsis muaj tus xav mloog.
    3. Lus mos lus tuaj pos, lam ua plhu luag ntxiv tab sis siab quaj dhi.
    4. De-v tom= de-v tsem rau tej qhua taug kev, tswv de-v yuav nthe de-v thiab hu qhua nej tuaj los. De-v tom, neeg thiaj tseem muaj tshuaj. Neeg tom neeg = neeg sib ceg los sis yus raug lwm tus neeg cem, yeej ua rau yus xav tsis thoob. Tus neeg cem los yus ntsia nws tsis muaj tshuaj, nws ntsia yus los yeej tsis muaj tshuaj.
    5. Muab txab muab ntawm npab, muab plees nkauj nraum muab ntawm plab.




    Confucius hais: Kev thoob tsib yog txoj ntsev qhov pom kev mus nrhiav qhov zoo nyob hauv qhov phem

    Ntawm:
    - Cag tob tsis ntshai ntoo nkhaus, neeg tseem tsis ntshai duab zig.
    - Dev tom neeg muaj tshuaj, neeg tom neeg tsis muaj tshuaj.
    - Tsis muab tus hma tam d-ev yug, tsis muab tub sab tam kwv luag.


    Nws hais tias: 1. Cag tob = cov cag nrhau nkag mus tob. Neeg tseem = tseem neeg. Duab zig= neeg nkaus.
    Sob lus no seb puas yog txhais tias, tus neeg paub tab hnov xaiv yeej tsis lam ntshai lus plaub lus ntug.

    Kuv xav mas yeej yog li nws hais thiab, tab sis kuv ntxiv me me, yam li:

    * Cag tob tsis ntshai ntoo nkhaus, neeg zoo tsis ntshai plaub ntug= luag hiam los yus ncaj lawm ces yeej tsis ntshai li. Lam xav li nov ntxiv nws qhov xwb xyov puas yog thiab.


    Koj hais: 4. De-v tom= de-v tsem rau tej qhua taug kev, tswv de-v yuav nthe de-v thiab hu qhua nej tuaj los. De-v tom, neeg thiaj tseem muaj tshuaj. Neeg tom neeg = neeg sib ceg los sis yus raug lwm tus neeg cem, yeej ua rau yus xav tsis thoob. Tus neeg cem los yus ntsia nws tsis muaj tshuaj, nws ntsia yus los yeej tsis muaj tshuaj.

    Kuv xav hais tias:

    * D ev tom neeg muaj tshuaj kho, neeg tom neeg= neeg ua phem rau neeg, puas siab puas ntsws tsis muaj tshuaj kho tau lub siab tu. Xyov yog li cas tiag lam hais xwb, nws txhob chim nawb Nr.L


    Nws hais: 5. Muab txab muab ntawm npab, muab plees nkauj nraum muab ntawm plab.

    Kuv xav tias: tam= sib piv, hloov.

    Txhob muab hma hu ua d ev, hloov d ev chaw, hmag yog tus tsiaj phem, d ev yog tus tsiaj zoo; txhob muab tub sab ua phooj ywg, txhob mus ua phooj ywg nrog Laib...Hehheeh...






    Texte Post 392 >Page 10
    Img Post 143 >p.4




    Sponsored content

    Re: HAIS PAJ LUG

    Post  Sponsored content


      Current date/time is 22nd November 2017, 2:45 pm