Zaj dab neeg piav tias thaum YesXus tuag xob tua ib lub roob tawg

Nyob zoo sawv daws,

Lub roob hu ua Montagna Spaccata, nyob lub nroog Gaeta, Italy teb, tawg ua peb txaug (saib daim duab).


Muaj ib zag dab neeg piav li no: thaum Yws Xus tuag saum Ntoo Cuam, muaj xob quaj thiab muaj av qeeg, tsis yog qeeg nyob rau ntawm Yes Lus Xas Les xwb, tiam sis nyob thoob ntiaj teb, ces thiaj ua rau lub roob Montagna Spaccata tawg rhe peb kab puag saum ncov mus txog ntua hauv taw roob uas yog ntug hiav txwv. Muaj ib kab nrug dav tsawv, ua rau neeg tau mus taug kev ncig saib.


Muaj ib kab mas thaum ub, tiam 15 lawm, muaj ib zaug av pob nyob sam lub roob, ces txawm muaj ib thooj pob zeb loj loj poob los mus khuam ib nta lawm. Tom qab no cov ntseeg thiaj mus ua ib lub tsev teev ntuj me (chapel)rau saum thooj pob zeb ntawd. Leej ntshiab Philip Neri nyiam tuaj teev ntuj nyob rau ntawd. Zoo li nws lub ntxa nyob rau ntawd thiab sub. Xyoo 1848-49, Vaj Qhia Pius IX kuj tau khiav tuaj nkaum nob rau nawm lub roob no thiab.


Zaj dab neeg tseem hais ntxiv tias muaj ib zaug ib tug neeg coj dab(Saracen) tuaj txog ntawd, nws sawv ntawm tus theem ntaiv kawg muab tes txheem tim phab pob tsuas, nws mloog ib tug txiv plig piav tias, thaum Yes Xus tuag av qeeg, thiaj ua rau lub roob tawg zoo li no. Tus neeg coj dab ntawd tsis kam ntseeg, nws txawm luag thuam tus txiv plig zaj piav. Ces ua cas cov pob tuas ntawd cia li txawj muag tuaj ua rau nws txhais tes nkag rau hauv cov pob tsuas muag muag ntawd lawm. Tus neeg coj dab thiaj quaj qw thov Tswv Ntuj pab, ces nws thiaj tshem tau nws txhaiss tes tawm los. Ces cia li tshuav nws tus hneev tes nyob ntawm phab tsua rausaw daws nij hnub mus xyuas. Lawv tu npe rau tus hneev tes hu ua "The Hand of the Turk"


Tsis paub tias zaj no puas tseeb, tiam sis kuj ntxim zoo saib kawg thiab.

Read more: http://www.brighthub.com/society/religion-spirituality/articles/107148.aspx?p=2#ixzz1IOcl5uDC

Nyob zoo Mim,

Ua tsaug rau nws kev tshaj lij nawb mog. Zoo kawg li, nws mas txawj mus nrhia tej yam Original heev tuaj qhia rau peb paub txog...Yog tej yam tseem ceeb los ntxiv kom peb txoj kev ntseeg ruaj nreb thiab qhia txog Tswv Ntuj lub hwj huam loj npaum li cas. Roob hav los Nws yeej npau tau.

Wow.Mim, koj coj cov zaj dab neeg saum no tuaj piav zoo ua luaj.....wow.zoo siab heev li lau tseem muaj tej zaj dab neeg zoo tag npaum no thiab, nyeem tsis dhuav li, ua tsaug ntau nawd.