YESXUS hais tias : " Kuv ntxub txoj kev sib nrauj. " (...)

**Maiv Paj Lug** 5th August 2011, 2:44 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

YESXUS hais tias : " Kuv ntxub txoj kev sib nrauj. " (...)

Post Maiv Paj Lug 5th August 2011, 2:44 am

Niam Mab Liab xa xov nyob BORG EN NADUR thaum sawv daws tab tom hais txoj saw mab liab hnub tim 26 lub 6 hli ntuj 2011 :

Kuv cov me nyuam, thov nej txhua tus los koom siab ua ke qw ib tsaug hais tias " Peb tsis xav sib nrauj, txoj kev sib nrauj peb tsis nsthaw "

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcTCHcWDzDZ5lQZ4vuO5m0nnZOzIOCTCMOuIK2pwLiWVZo3qXB1i

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcTCHcWDzDZ5lQZ4vuO5m0nnZOzIOCTCMOuIK2pwLiWVZo3qXB1i

Qhov tseeb tiag, kev sij nrauj tsis muaj tseeb uas yuav tau ib lub neej zoo dua lub qub . Kev nrauj tsuas rhuav tshem lub cuab lub yig ntawm ib tse neeg, rhuav tshev poj niam me nyuam kom txom nyem. Leej twg hauv tsev neeg rhuav tshem lub cuab lub yig, tus ntawv yog ntxwj nyoog tus qhev. Hnub kawg nws yuav tau kev hlawv nyob mus li. Tsev neeg twg yog tau rhuav nws lub cuab lub yig vim ob leeg yeem, nkawv yuav tsum nyob tab seeb mus li, yog tus twg xub mus ua dua lub neej tshiab tus ntawv kuj yuav raug hlawv tib yam. Tus twg yog tus ua tau ib siab nyob tab seeb, nws tsuas mus them txim xwb. Ob leeg yeem rhuav nkawv lub neej ob leeg txhaum tib yam, tus twg tsis yeem rhuav lub neej, tus ntawv yog tus ncaj, nws yuav txhob lawv tus txhaum qab, nws thiaj tau ntxiaj ntsim li qub hauv nws lub neej txog hnub kawg ntawm nws.

YESXUS hais tias : " kuv ntxuj txoj kev sib nrauj."

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcTwXbuA65dyf1pPIhZn3Vcwb3lYXba9pcN1SjmZPpqDxsdAKAv2MQ

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcTwXbuA65dyf1pPIhZn3Vcwb3lYXba9pcN1SjmZPpqDxsdAKAv2MQ

Yesxus hais rau Père Melvin Doucette (Canada) - hnub tim 15 lub 2 hli 2011

Nej pom xeeb yog neeg ntseeg, nej yuav tsum txais nej tus txij nkawm txawm nws muaj yam uas tsis ntxim siab, nej yuav tau txais nws li nej txais lub ntuj, vim kuv yog tus muab tus txij nkawm los rau nej, nej yuav tau txais nws thiab hlub nws kom txog hnub kawg.

Yog hais tias thaum kawg nej ob leeg tau sib cais lawm, kuv xum kom nej mus nyob tsis txhob ua dua lub neej tshiab, yuav tsum nyob tab seeb mus kom txog hnub kawg hauv koj lub neej.

Txoj kev sij nrauj tsis yog ib yam yooj yim hauv cov ntseeg, kev nrauj yog ib txoj kev txhaum Leej Txiv saum ntuj txoj cai. Leej twg yog tus nrauj nws lub neej mus ua dua neej tshiab, hnub kawg nws tau kev quaj mus ntxwj nyoog lub cub tawg, kuv hais muaj tseeb, leej twg rhuav tshem nws lub neej mus nyob tab seeb tsis ua dua neej, mus them txim kom tas hauv purgatory.

Txoj kev sib qaws ua txij ua nkawm yog Leej txiv tsim rau noob neej kom ib tug yuav ib tug, ib tug xaiv ib tug mus kom kawg nws ib sim, Leej txiv yog tus muab neb sib sau ua neej, nws saib neb nyob nrawv ntawm tus nkawm xub ntiag. Leej txiv nyob nrog nraim neb.

Koj tus nkawm rhuav tshem koj lub neej, cia nws txhaum nws ib leeg, koj txhob ua li nws, koj nyob twj ywm nrog Tswv Ntuj, koj tsis muaj txhaum mog me nyuam.

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcT4HDyvUAPBQSeul0e12QD1xvsB1MrF_SEv63jHFwFdmmuYhKVX

YESXUS hais tias : " Kuv ntxub txoj kev sib nrauj. " (...) Images?q=tbn:ANd9GcT4HDyvUAPBQSeul0e12QD1xvsB1MrF_SEv63jHFwFdmmuYhKVX

**Npuagtub** 5th August 2011, 10:09 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°2

Re: YESXUS hais tias : " Kuv ntxub txoj kev sib nrauj. " (...)

Post Npuagtub 5th August 2011, 10:09 am

Maivpajlug,

Koj zaj lus sau tau zoo heev, yog tias leej twg ua tau li koj zaj lus no kuj yuav yog ib lub txiaj ntsim zoo heev rau nws.
Hmoob yeej ib txwm hais pib txoj lus tias: Txij nkawm yog nkauj txha qaib nraug txha noog mas thiaj ua neej muaj koon nto moo, hos yog txij nkawm niam tog txiv nta ces yuav tshav ntuj nram kwj ha...

Txoj kev sib nrauj nyob hauv lub koom txoos thiab nyob hauv Mais Xes txoj cai mas kuj muaj kev tso cai rau sij nrauj thiab vim txog thaum pom tau tias yog tsis pub sib nrauj mas yuav muaj kev puas ntsoo rau ib tug no ces lawv kuj cia nkawd ua ywj nkawd lub siab ntshaw.

Tiam sis nyob hauv Tswv Ntuj mas nws hais tias: Yam ua Tswv Ntuj muab sib txis lawm, neeg tsis txhob muab sib txhem, vim thaum nkaws los sib sau ua neej mas nkawd yog ib lub cev lawm xwb. Nkawd yuav nyob ua ke mus tas nkawd sim neej, txawm ib tug tas sim neej lawm los lwm tus yuav ua neeg nyob tab seeb mus txog hnub nws tas sim neej, qhov no yog yam Tswv Ntuj xav kom neeg ua.
Tus twg nrauj nws tus txij nkawm es ho mus yuav dua lwm tus mas nws ua txhaum hla Tswv Ntuj 10 lo lus qhia nyob hauv nqi 6.

Nyob hauv Maskos ntawv moo zoo Zaj 10: 5-12, hais tias:

Yes Xus teb rau lawv tias : "Yog vim nej lub siab txhav dhau, Mais Xes thiaj sau txoj cai ntawd. Tab sis, thaum chiv lub keeb tsim neeg, Tswv Ntuj tsim nkawd ua txiv neej, thiab poj niam. Vim li ntawd, txiv neej yuav tso nws niam nws txiv tseg, nkawd ob leeg yuav ua ib lub cev nqaij xwb. Ua li mas nkawd tsis yog ob leeg lawm, nkawd yog ib lub cev nqaij xwb. Yog vim qhov no, mas yam uas Tswv Ntuj muab sau los ua ke, neeg yuav tsis txhob muab cais.

Thaum lawv rov los txog tsev, cov thwj tim rov nug Yes Xus txog qhov ntawd. Ces Yes Xus hais rau lawv tias : "Tus txiv neej twg nrauj nws poj niam, ho rov yuav dua lwm tus, mas nws yog ib tug muaj txij nkawm mus deev luag, nws ua txhaum rau thawj tug. Hos tus poj niam twg nrauj nws tus txiv, rov yuav dua lwm tus, mas nws yog ib tug muaj txiv mus deev hluas.”

**Maiv Paj Lug** 6th August 2011, 1:24 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°3

Re: YESXUS hais tias : " Kuv ntxub txoj kev sib nrauj. " (...)

Post Maiv Paj Lug 6th August 2011, 1:24 am

Ua tsaug XH NpuagTub, koj tseem mus nrhiav tau Maskos zaj ntawv moo zoo los tso rau hauv no thiab, txhua yam lus Yesxus hais yog qhov tseeb, peb txhua tus taug ib txoj kev neeg ntiaj teb , muaj tej ntu sawv daws lub siab yeej xav lem xav ua voj ua vias, tiam sis yog tsev neeg twg ob niam txiv thov ntuj sib koom siab , dab ntxwj nyoog yuav ntxias tsis tau tsev neeg ntawv yooj yim rau txoj kev sib nrauj.

Leej twg ho paub tej zaj Yesxus teev cia kom txhob sib nrauj los ho tuaj qhia kom sawv daws ras xeev rau hauv no. Peb ua neeg nyob yus pom luag yus txhob thuam txhob luag, cia muaj hnub txog yus luag thiaj tsis tau nyhos yus, vim ib leeg yeej txawj ua txhaum, yus saib thiab kho yus lub neej ua ntej yuav mus hais luag.

Kev txhaum sawv daws txawj ua, txawm yus tsis ua txhaum yam no los yus mus ua txhaum lwm yam, yam Tswv Ntuj rau txim nyhav tshaj plaws yog kev ua plees ua yig " KEV TXHAUM LUXURE"