YES XUS HAIS TXOG COV MUAJ TXOJ HMOOV ZOO.

Muaj ob sab sib txawv deb kawg, rau neeg ntiaj teb xav thiab xaiv yuav:

A.Sab Yes Xus hais tias, cov muaj txoj hmoov zoo:
1.Yog cov pluag nyob hauv lawv nruab siab.
2. Cov muaj lub siab zoo.
3. Cov raug kev txom nyem thiab cov quaj ntsuag.
4. Cov tshaib nqhis txog txoj kev ncaj.
5. cov txawj hlub luag tej los ua zoo rau luag, txawj pab luag los ua tau luag tus tub txib.
6. Cov siab dawb siab huv, txawj saib lub siab muaj nqi loj dua lub cev.
7. Cov tsim kev thaj yeeb ua kom muaj kev sib haum xeeb.
8. Cov raug luag hiam, vim lawv siab ncaj.

B. Sab neeg xav, mas cov muaj txoj hmoov zoo:
1. Yog cov muaj nyiaj txiag cuab tam ntau.
2.Cov siab tawv, muaj peev xwm ua kom luag ntshai yus.
3. Cov taug kev lom zem tsis txawj hlub hlub neeg.
4. Cov txawj ua siab phem yuam tau luag ua qhev.
5. Cov ua kom luag hwm lawv thiab qhuas los saib lawv ua tus loj muaj txuj ci siab.
6.Cov tsis muaj kev zam rau luag, ua txhua yam kom nws yeej luag mus.
7. Cov zais siab, txawj ua tej yam nkaus tsis ntshai tub qaug rau luag.
8. Cov txawj dag thiab liam txim rau luag yam tsis muaj tseeb.

Txoj hmoov zoo uas Yes Xus hais, yuav txhais tau hais tias:
->.Txoj kev ncaj yog nws lub tsho hlau hnav los tiv thaiv nws lub siab kom tau nyob kaj lug.
->.Txoj kev tseeb, yog nws txoj sia yuav muaj nyob mus li.
->. Nws yuav muaj Leej Tswv Yim Ntshiab uas yog nws rab ntaj ntse tshaj plaws.
->. Txoj kev ntseeg yog nws lub mom nyiaj mom kub ntoo muaj hwj chim ntxiag.

Zaj lus no Yes Xus tau txhais nyob hauv zaj, hais txog tus nplua nuj nyob ntawm lub rooj mov.  Thiab tus neeg pluag Las Ntxas Los.
lub neej nyob ntiaj teb no thiab lub neej nyob saum ntuj, mas Nws tau hais tseeb kawg, rau neeg hnov.

Sacramento tim20/2/2019.
Yaj Zoov Ntxheb Xib Hwb.