HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Khiav rog thaum teb chaws Nplog tawg 1975. Empty

Latest topics

Suav neeg tuaj saib, txij hnub 17/09/2010 los mus.


    Khiav rog thaum teb chaws Nplog tawg 1975.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Khiav rog thaum teb chaws Nplog tawg 1975. Empty Khiav rog thaum teb chaws Nplog tawg 1975.

    Post  Maiv Tooj on 15th October 2020, 5:43 am



    Zaj 486 - HAIS TXOG LUB NEEJ KHIAV ROG.


    Zaj lus no, kuv hais rau kuv cov me nyuam txhua tus.  Thiab cov txheeb ze uas nej khiav nrog kuv mus rau Thaib teb.

    =>.Lub caij ntawd, mas zoo li peb sawv daws ua neeg ruam kawg li.  Tsis paub tias, khiav yuav zoo dua, los nyob yuav zoo dua li.
    Yawg hlob Vaj Pov thiab cov nom nyob pem Looj Ceeb nyuam qhuav pib khiav tau ib hnub xwb.  Kuv lub siab ua ywj fab ywj fwj, ntxhov siab kawg.
    Xav zaj twg los xav tsis tawm li, cov Xib Hwb uas peb ua hauj lwm ua ke.  Lawv nyias twb txiav siab tas lawm tias, nyias yuav mus nyob nyias tej qub zej qub zog.
    Mus raws lawv niam lawv txiv, yeej tsis paub tias, Hmoob yuav khiav coob npaum li peb los pom nyob rau Thaib teb li.  Peb lam qi muag tsaws dej dag xwb.
    Tag kis kuv yuav coj peb khiav, peb cov swm neeg, zoo li cov Xib Hwb. Peb sab laj ces nyias yuav taug nyias txoj kev, xyov puas yuav muaj chaws sib ntsib li lawm.
    =>. Hmo ntawd peb muaj kev kho siab los tu siab tias, peb nyob ua ke tau ntau xyoo los lawm.   Peb txoj hauj lwm cia li yuav ploj mus tsis muaj leej twg yuav txhawb nqa peb mus ntxiv lawm.
    Thaum peb sab laj yuav sib ncaim ntawd, muaj ntau leej hais rau kuv tias, Kuv vwm lawm. Tej niam txiv tsis tau muaj tus yuav khiav li, tsuas yog cov Nom pem Looj Ceeb lawv khiav xwb.
    Peb sib tham txog ib tag hmo kiag, nyias hais nyias zaj. Sawv daws npaj siab tias, lawv yuav nyob hnub puav tso. muab lub cuab tam faib rau lawv tas, ces lawv yuav rov mus lawv lub zej lub zos.
    Peb mas xaus kev sab laj, ces nyias thiaj los pw nyias lawm.  Tsis paub tias yog vim dab tsi li.  Kaj ntug kuv hais koj Yaj Tooj tsav tsheb rau peb, coj peb los mus hla dej.
    Thaum peb nce tsheb ib huam tas nrho, cov Xib Hwb lawv cov poj niam me nyuam.  Cia li nqa lawv cov nra los nce tsheb tas nrho, nrog peb mus lawm.
    Cov Xib Hwb uas tsis tau txiav txim siab, lawv yuav tau nyob ob hnub tos kom faib cuab tam rau lawv tas.  Mas lawv mam yuav tau los raws peb mus.
    Xam cov Xib Hwb lawv cov poj niam me nyuam nrog peb, mas tas nrho muaj 60 leej.
    Peb muaj hmoo kawg, cov tub ceev xwm Nplog liab lawv tuaj txog ntawm ntug dej, ces peb twb nce nkoj tas nrho lawm.  Kuv hais rau cov tub tsav nkoj tias, peb mus tam sim no!
    Lawv muab peb thauj kiag mus lawm, Yog Ntuj pab peb kawg. Tsis muaj neeg qw thiab hu kom peb rov qab. Peb hla dhau kiag xwb, muaj ib pab tuaj, cov tub ceev xwm hais kom lawv rov qab mus rau pem Vientiane lawm.
    Lawv tau raug tub ceev xwm coj lawv mus nug, pab no kuj yog ib pab neeg uas peb sib paub. lawv rov los nyob Vientiane tau ob lis piam lawv mam nyiag kev tuaj raws tau peb, nyob Nam Phong.
    Nyiam no mas kuv xav txog, mas yeej yog Tswv Ntuj coj peb kev thiab ua kom peb lub siab tsis xav nyob.  Peb yuav tsum tawm mus xwb, thiaj yog qhov zoo.
    Peb muaj ib pab nyuj coob txog li 60 tus nyob rau pem  roob Kub Twm.   Ib sij huam lawv hnov tias peb khiav lawm xwb, lawv muab peb pab nyuj ntawd sib faib yuav tas nrho.
    =>. Yog Ntuj tsis pab mas peb tseem nyob ntxiv, mas kuv xav mas ntshai peb sawv daws yuav raug txom nyem loj:
    Yog peb tsis xub khiav, thaum teb chaws kub heev dua li lub caij ntawd, mas peb yuav khiav tsis tau lawm. Cov Los tsuas Liab lawv zov cov ntug dej tas nrho lawm.
    Yus los yuav coj tsis tau pib pab neeg raws yus mus qhov twg li. thiab yuav khiav tsheej pab los yuav tsis zoo nkauj, ntshai kawg yuav tau muab tej me nyuam faib.  Ib co nrog txiv, ho sib co nrog niam, ces ib leeg mam coj ib pab khiav.
    Yog muaj hmoo ces sawv daws yuav rov sib ntsib, yog tias tsis muaj hmoo. Ces sawv das yuav raug sib ncaim tas ib txhis li. Tsis hais tog twg li, sawv daws yuav tau ua ntsuag niam ntsuag txiv, los ua ntsuag tub ntsuag kiv mus.
    Yog txiv poob tom qab lawm los kuj tis zoo, niam ho poob tom ab los yeej tsis zoo.  Sawv daws yuav muaj kev tu siab loj vim twv tsis tau tias, yog tim dab tsi li.
    Hmoob lub neej mas hais tsawg, los yeej paub ntau lawm.  Cov niam txiv sib ncaim cov hnub nyug tseem hluas tsis tau nto 40 xyoo, mas yog hom raug dab thiab rau neej ntxias sib npaug zos!
    Yuav muaj neeg phem los haub ntxias tias, koj tsis muaj tswv lawm ua tsis nyog lub neej zoo li no ntxiv. Yuav tos pes tsawg xyoo thiaj paub los hnov moo ntawm koj lub pob ntseg thiab koj lub qhov muag tias, tseem nyob qhov twg tos koj.
    Yog txiv muaj hmoo los ntshai txiv twb muaj dua neej tsa tshiab lawm.  Hos yog niam ho muaj hmoo, los ntshai niam twb muaj kwv muaj tig tshiab lawm thiab.
    Ntshai nej cov me nyuam yuav muaj ob pab kwv tij, los ua ib pab, li nej tej pob ntseg tau hnov tias:  Wb yog kwv tij, koom niam tsis koom txiv.  Los wb yog kwv tij koom txiv xwb wb tsis koom niam.
    Nyob hauv lub neej, mas Hmoob yeej muaj kwv huam hais li no, yeej muaj tuab ntsws. Tsis hais lub xeem hmoob twg li, ua li mas kuv sau zaj lus no.
    Tsis yog muaj kev tus siab los muaj kev ntxub ntxaug rau tej laus uas yog niam yog txiv.  Kuv sau mas yog hais tias, peb sawv daws muaj txoj hmoov zoo.
    Yog Ntuj pab peb sawv daws kawg, peb thiaj tseem yog Nkauj Muam Nraug Nus, koom niam Koom txiv yug los  ntawm ib hom roj thiab ib hom ntshav.
    =>.Kuv xav kom nej cov me nyuam nco ntsoov muab txoj kev hlub los pauj lub txiaj ntsim no.  Kom Ntuj pov hwm peb tsev neeg, ua ib tsev neeg tsim txiaj.
    Muab kev sib hlub los pauj lub txiaj ntsim uas Tswv Ntuj tau cawm peb thaum peb yau yau los, kom peb sawv daws loj hlob thiab txawj ua peb lub neej kom mus kav laus.
    Muaj phooj ywg coob, txhob tsim kom muaj kev ua yeeb ncuab rau leej twg.  Nyias txuag nyias tus kheej, kom muaj  txoj kev dav.  Yus yuav mus sab ntuj twg thiab ces teb twg los kom yus tau luag mus.
    Kom nyob plaub ceg kaum ntuj, los yus muaj phooj ywg nyob txhua nrho.  Hais ntawm Mab Sus mas kuv tsis paub.  Hos hais txog ntawm Haiv neeg hu ua Hmoob no.
    Mas yog muaj neeg ntxub nej, los cem nej hiab hais lus tsis zoo txog neej.  Mas nej cia lawv yeej nej, lub caij muaj lus xaiv lus ncua los sib cav txog tej yam phem ntawd.
    Nej cia lawv yeej nej ces lawv rov mus lawm, lawv yuav tsis nco qab qog tej lus ua nej hais tsis sib haum ntawd lawm.  Luag tej yuav tsis tau hais peb txoj tsis sib haum tias, nej muaj lus tsis zoo nrog tus ub tus no tsis sib raug zoo.
    Tos mus ntev li 7-8 los 10 xyoo luag cov phooj ywg khiav los raws nej tas lawm mas nej mam li yeej puag tom qab thiaj yog qhov zoo. Ces yog Ntuj foom los pub rau nej lawm mog.
    Yog nej tsis kam swb rau luag, ces nej yeej lawm, luag yuav  muaj khib heev rau neej. luag yuav qog tas txhua yam uas nej nrog luag tsis sib haum ntawg mus thoob qhov txhia chaw.
    Ces muaj cov neeg ruam tsis to taub cia li lam ntseeg lawv lawm. ces twb tsis muaj los luag pheej xav tias muaj tseeb lawm. Ces luag tsis tsa muag los ntsia nej thiab ua  phooj ywg rau nej.
    Yog nej coj li no, mas nej yog tus swb luag mus, thaum ntxov ntxov lawm, cia nws yeej mas zoo dua,  Nws cov phooj ywg lawv muaj hlwb, lawv yuav mloog thiab ntsia nws.
    Thaum lawv pom nws hais lus los zoo li tawg paj tsis tshiab, txi txiv los tsis qoos, lawv mam khiav los caum nej.  Nej mam li yuav ua tus yeej puag tom qab thiaj yog tus  neeg zoo.
    Luag yuav pom nej lub neej, tej kev khwv zoo cuag li plaj qoob uas nej txawj txawj cog. cog tau qoob loo zoo heev thiab muaj hnab siav tau ncw ncw.
    Ces cov tuam los Pav loj nyob ntiaj teb no yuav tuaj kheev nqis rau nej cov qoob loo ntawd.  Nej yuav ua neeg nplua nuj muaj txiaj ntsim ntau  pub rau Ntuj thiab pub rau neeg txhua tus tau siv.
    Nyob hauv kuv lub neej mas kuv xav txog txoj kev khiav rog no, thiab kuv lub neej ua pub rau kuv tej neeg txheb ze uas kuv tau raug tej lus kuv sau rau nej no.
    Mas kuv kua muag twb poob ntau zaus lawm, los kuv tsis qhia rau ib tug neeg twg li. Kuv tsuas sau los rau nej kom nej muaj ib lub tswv yim khov thiab ruaj nyob hauv nej lub neej xwb od.
    Nyiam no kuv paub tseeb tias, kuv yeej tas puas tsav yam lawm. kuv lub siab nyob tiaj tus thiab nyob kaj lug lawm.
    Nej muaj qee leej ua lub neej txom nyem dua lwm tus, los nco ntsoov tias, yuav faib txiaj ntsim ua ke li Tswv Ntuj cov lus qhia.  Tsis yog yuav pub nyiaj rau nws tau siv, fab lus hais tias, faib ntuj txiaj ntsim no, yog kev hlub sib qhia sib mloog lus.  Qhia kom thaum muaj kev txom nyem los lawd, txhob ua kev txhaum ntxiv kom haj yam muaj kev txom nyem loj dua qub tuaj.
    Ces yuav pab tsis tau lawm, vim koj tuaj yeem mus pw rau kev ua txhaum lawm.  Ib tug neeg siab dawb xav pab los pab tsis tau, vim tias, dhau lub caij yuav pab lawm.

    Sacramento tim 12/6/2019.
    Yaj Zoov Ntsheb.

    Khiav rog thaum teb chaws Nplog tawg 1975. 46398110



    tubhmoobfabkis likes this post

    avatar
    tubhmoobfabkis

    Messages : 4
    Date d'inscription : 2020-11-21

    Khiav rog thaum teb chaws Nplog tawg 1975. Empty Thaum General Vaj Pov mus lawm yog xyoo twg ?

    Post  tubhmoobfabkis on 21st November 2020, 6:48 am

    Lub sij hawm Naiphoo Vaj Pov thiab cov Hmoob nyob Looj Ceeb yav mus rau sab Thaib Teb lawm. Yog hnub tim twg thiab hli twg ?
    14 Mai 1975 los 15 Mai 1975 ?

    Lub sij hawm ntawd, peb cov Hmoob nyob sab qaum teb Nplog paub li cas hais tias Naiphoo Vaj Pov mus lawm ?

    (pom hauv ntawv xov xwm ? mloog xov tooj radio ? );

    ua tsaug.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Khiav rog thaum teb chaws Nplog tawg 1975. Empty Re: Khiav rog thaum teb chaws Nplog tawg 1975.

    Post  Maiv Tooj on 21st November 2020, 9:40 am


    Raws li ib tug phooj ywg uas tau caij dav hlau pem Looj Ceeb rau Nam Phong hais :
    Lawv pib thauj lib 5/8-9/ txog rau 5/14 ces txog hnub 14 thaum yuav tsaus ntujyawg hlob Vaj Pov tawm ces xaus rau jnub ntawm lawm xwb as.

    Peb li ces ua ntej Yang Dao yuav nrog cov ministres de cohésion mus ncig Suav teb los txog ntua yog hnub 14/05/1975 ces nws ntau xov tooj kom ib pliag nws mus pem Looj Ceeb, ntsib yawg hlob Vaj Pov los txog ces kom kuv txiv laus Zoov Ntxheb lus ntsib nws. Yang Dao ntsib yawg hlob Vaj Pov tag ces nws nrog Vaj Nus khiav thaum yuav tsaus ntuj lawm. Kuv nco tau tias Yang Dao hu xov tooj kom kuv txiv laus mus ntsib nws thaum 5pm ces thaum kuv txiv laus mus ntawd lawv twb tos tau kuv tom tsev kawm ntawv Dong Dok los txog ntawm Txiv Plig OMI tsev Simouang lawm. Yang Dao peb hla dej hmo 14-15/05/1975.



    tubhmoobfabkis likes this post

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Khiav rog thaum teb chaws Nplog tawg 1975. Empty Re: Khiav rog thaum teb chaws Nplog tawg 1975.

    Post  Maiv Tooj on 21st November 2020, 9:42 am


    Cov nyob deb lawv mloog xov tooj cua Looj Ceeb ces lawv paub tias Vaj Pov khiav tawm teb chaws lawm. Zoo li xov tooj cua tseem hais ob peb hnub tom qab ntxiv



    tubhmoobfabkis likes this post

    avatar
    tubhmoobfabkis

    Messages : 4
    Date d'inscription : 2020-11-21

    Khiav rog thaum teb chaws Nplog tawg 1975. Empty Re: Khiav rog thaum teb chaws Nplog tawg 1975.

    Post  tubhmoobfabkis on 21st November 2020, 10:11 pm

    Maiv Tooj wrote:
    Raws li ib tug phooj ywg uas tau caij dav hlau pem Looj Ceeb rau Nam Phong hais :
    Lawv pib thauj lib 5/8-9/ txog rau 5/14 ces txog hnub 14 thaum yuav tsaus ntujyawg hlob Vaj Pov tawm ces xaus rau jnub ntawm lawm xwb as.

    Peb li ces ua ntej Yang Dao yuav nrog cov ministres de cohésion mus ncig Suav teb los txog ntua yog hnub 14/05/1975  ces nws ntau xov tooj kom ib pliag nws mus pem Looj Ceeb, ntsib yawg hlob Vaj Pov los txog ces kom kuv txiv laus Zoov Ntxheb lus ntsib nws. Yang Dao ntsib yawg hlob Vaj Pov tag ces nws nrog Vaj Nus khiav thaum yuav tsaus ntuj lawm. Kuv nco tau tias Yang Dao hu xov tooj kom kuv txiv laus mus ntsib nws thaum 5pm ces thaum kuv txiv laus mus ntawd lawv twb tos tau kuv tom tsev kawm ntawv Dong Dok los txog ntawm Txiv Plig OMI tsev Simouang lawm. Yang Dao peb hla dej hmo 14-15/05/1975.

    Dr Yang Dao tau ntsib Zoov Ntxheb rau qhov twg thiab thiab Yang Dao hais dab tsis rau Zoov Ntxheb ?

    Koj tau nrog Yang Dao lawv hla dej hmo ntuj nws zoo li cas xwb os ?

    Ua tsaug
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5921
    Date d'inscription : 2009-08-18

    Khiav rog thaum teb chaws Nplog tawg 1975. Empty Re: Khiav rog thaum teb chaws Nplog tawg 1975.

    Post  Maiv Tooj Yesterday at 11:09 am


    Zoo li kuv lub pc qheb tsis tau forum hmong catholique lawm, cia seb kho puas tau mam li tuaj piav rau koj os tub. Nov kuv sau ntawm kuv lub xov tooj tuaj xwb




    Sponsored content

    Khiav rog thaum teb chaws Nplog tawg 1975. Empty Re: Khiav rog thaum teb chaws Nplog tawg 1975.

    Post  Sponsored content


      Current date/time is 25th November 2020, 11:34 pm