Ib niag loj loj ntxoov nyos...Nkauj Hmoob Tsab

Muaj ib tug poj niam Hmoob, nws coj qub kev cai. Nws ib txwm raug tau ib tug dab hluas nraug tuaj deev nws puag thaum nws me nyuam ntxhais los txog rau yav nws yuav txiv. Yuav txiv tag, nkawd muaj me nyuam pheej nchuav tas mus li. Nchuav nchuav ua tus me nyuam poob kiag, muaj tsawg tus los pheej ua li ntawd.Lawv ua neeb quas ces tau tus puav me nyuam. Tom qab teb chaw Nplog tawg (1975) khiav los txog rau Thaib teb ua tsis tau neeb quas li es thiaj li nchuav nchuav cev ces nws tuag lawm.
Thaum tseem nyob teb chaws Los Tsuas, tus ntxhais hlob tseem me me nws kuj raug nws niam tus dab thiab tiam sis lawv ua neeb quas tau lawm. Tom qab no nws niam tuag tas, nws ho mus yuav txiv ces tus dab ntawd rov nrhiav tau nws. Nruab hnub nrig los yog niag dab ntawd xav tuaj deev nws ces laum kom tus ntxhais tsaug zog ces zoo li nws ua npau suav lawm xwb. Txawm muaj ib niag loj loj ntxoov nyos los nrog nws pw, pw tag mas tsim los ntshav liab vog saum txaj hos mob mob kawg li. Ua li ntawd rau nws tau ob peb xyoos, ua zaj twg los tsis dim ntawm niaj dab tes li. Tuaj txog Fab Kis teb, txiv neeb los tsis muaj, ua neeb los tsis tau, tsuas nyuaj zuj zus ntxiv xwb. Thaum ntawd lawv cov uas tuaj ua ke rau Fab Kis teb los puav leej yog tib cov niam txiv hluas hluas muaj ib ob tug me nyuam xwb, tsuas muaj ob niam txiv thiaj li laus zog muaj 4 tug me nyuam, nkawd kuj coj Ntuj Kev Cai thiab. Tus ntxhais ntawd thiab nws tus txiv, nkawd thiaj mus ua tsias rau nkawd tias:

"- Neb yuav tsum pab wb xwb xwb li. Tsis muaj leej twg yuav pab tau wb li thiab tsis muaj leej twg paub li, neb yog ob tug laus dua es neb txawj li cas los neb pab wb."

Nkawd thiaj teb tias:

mam txuas ntxiv thaum twg khoom

ua cas yuav txawj sau txog qhov peb maj maj nyeem xwb ne ........

XH. Npuagtub wrote:Mt thiab Mp,

Haha........! Ua cas yuav txawj22 piav tej zaj tsis txaus ntseeg li tiam sis yeej muaj ntseeb.
Hehehe......! cov ntxhais zoo22 nkauj feem ntau dab los nyiam neej los nyiam os lawv e....
Dab los xav deev neej los xav deev, dab los nyiam neej los ntshaw muaj ntau tus poj niam
zoo22 nkauj thiaj ua neej nyob tsis kawg.....

XH NpuagTub, kuv xav tias dab phem yeej tsis need deev tib neeg , dab phem yeej tsis ntshaw tej ntawv, qhov dab phem ntshaw yog neeg tus ntsuj plig . Tiam sis yog dab phem kev lim hiam xav ua kom tus pojniam lub cev los ntshav kom tuag ces ua txuj los mooj luag tias deev no xwb.

Tais Tooj,

Koj zaj piav ko mas zoo li Hmoob tej uas Hmoob pheej hais tias yog tsog tsuam no, tiam sis tseem heev tshaj tsog tsuam lawm thiab os yod... Es koj paub yim Hmoob ntawd thiab lod? Ntau zaus li mas pheej yog niag lus piav ib tug dhau ib tug xwb, tsis muaj neeg paub tus neeg tiag tiag li mas xyov yog tseeb los cuav li as?... Thiab yog muaj tiag no, kuv ho xav paub hais tias lawv puas coj mus kho, es Dr. puas paub tias yog dab tsi no?... Yog hais tias Dr. yeej tsis pom muaj mob dab tsi li thiab yeej kho kawg kev lawm no mas kuv mam li yuav ntseeg me ntsis tias yog dab ua no...

Nyob zoo XH.NPuag Tub, Mim thiab Maiv Paj Lug,

Maiv Paj Lug,

Dab Phem deev neeg tiag thiab mav, vim lawv twb txia tau li neeg kiag yog lawv xav ua. Feem ntau mas dab phem xywv qhov twg mas mob qhov ntawd.

Mim, zaj nov tsis yog ib tug tham dhau ib tug...Yeej muaj tseeb...cia kuv mam tham kom tag rau nej mloog...Hahahah...Kuv tab tom tham txog qhov nej xav mloog heev, kuv tso tseg vim nag hmo kuv nyob txog 2 teev kaj ntug, ces kuv sab sab, kuv thiaj ntau tsis tag. Hnub no muaj hauj lwm ib hnub nkaus ces tsam no mam los ntau kom tag rau nej nyeem seb nej ho xav li cas...

Maiv Tooj wrote:

Txuas ntxiv saud

Nkawd thiaj teb tias:
"Dab tsis los tsis txawj li vim wb coj kev cai Ntuj los lawm ntev ces cia kuv teev Ntuj rau nws xwb."
Nkawd txawm niaj hnubbteev Ntuj rau nws. Niag dab txawm rov tuaj deev nws no ces nws tsis kam. Niag dab txav tsis tau ti nws li, muaj ib cov nplaim taws nyob nruab nrab kem ces niag dab txawm cev tes tuaj vos los tsis ncav li. Zaum kawg niag dab rauv tau 3 lub cub tawg cig nplaim loj loj thiab hlawv tau 3 lub yias thawj tsheb liab ploog. Nws hais rau tus poj niam Hmoob tias:
-"Koj puas tham kuv!!!"
Tus poj niam Hmoob tias:
-Kuv tsis kam li."
-"Koj tsis kam no koj sim ntsia ntawm nov seb."
Pog ntsia naj has 3 lub yias liab ploog hos yawg dab nim ua kaus zim zog rau nws. Pog txawm ua siab loj kawg nkaus, vim Tswv Ntuj nrog nws nyob, nws teb niag dab tias:
"Koj yuav muab kuv kib los kib xwb tiag."
Niag dab txawm tias:
"Wm...!Ua tau diam hos!!! Ntho nkaus kib kiag seb!"
Niag dab ua tawv tsis tawv tod tuaj rau pog. Ntho ntho tsis tau pog los kib ces nws cia li tso tseg.
Lub zim txwv ntawd nkawd kuj coj kev cai Ntuj zoo heev.
Txij hnub ntawd los tsis pom niag dab ntawd li lawm.
Niaj hnub no yog leej twg NTSEEG TSWV NTUJ ZOO TSWV NTUJ KUJ ZOV NWS TSEV NEEG ZOO.

Thaum muaj tej xwm txheej nov yog thaum 1980.

Tus sau: Lucie Tsab.
Fab Kis teb
Xov xwm Ntseeg Ntuj Sib Fi Txuj lub 1 hlis 1993

Wow....ntshe muaj tseeb tiag lawv thiaj li qhia tau tseeb tseeb ua tim khawv cia. Muaj ntau zaus kuv yeej npau suav pom hluas nraug yuav nrog kuv pw, tiam sis zaum twg los nws pw tsis tau nrog kuv, vim kuv paub tias nws yog dab, kuv pom dheev xwb kuv twb hais kiag tias nws tsis yog neeg nws yog dab xwb, thaum kuv hais tau li ntawv ces nws muab kuv mos, tiam sis nyob hauv npau suav los zaj teev ntuj peb txiv nyob saum ntuj kuj cawm tau yus tib yam, kuv hais txoj peb txiv nyob saum ntuj ces tus neeg tuaj nrog kuv pw ntawv khiav lawm. Yog thaum twg tus neeg ntawv tiv tas zog, kuv hais zaj koj nyob kaj lug Mab Liab ntxiv ces nws yeej kov tsis tau kuv, nws tso tseg. Ib zaj muaj zog heev kuj yog zaj " KUV NTSEEG TXOG HUAB TAIS NTUJ" yog thaum yus yuav pw yus nco ntsoov hais peb zaj kuv hais saum no ces tsis ntshai li lawm. Txawm dab ntub npau suav phem npaum twg los yeej ua rau yus nco ntsoov TSWV NTUJ , tsis muaj kev phem tshwm sim rau yus.

XH. Npuagtub wrote:Mp,

Hahaha......! Zaum no nws ntseeg nws tij laug me me lawm los? Yog yeej muaj zoo li nws hais, qee zaus yog los ua zoo li npau suav, ua ntau ces tsis yog zoo li npau suav lawm dab mas lawv ua zoo li ntawd rau neeg. Kuv leej nkawm thaum nws tsis tau yuav kuv mas yeej muaj ib tug dab tsog los thab nws thiab tsuam nws tas li, thaum kuv yuav tau nws wb tuaj nyob rau France los yog hmo twg kuv tsis nyob hauv tsev lawm es ntshuav nws ib leeg pw xwb mas tus dab ntawd yeej yees ua zoo li kuv los nrog nws pw tas li, tiam sis ho tsis ua heev thiab sab li tus MaivTooj hais los saum toj no xwb.

Qhov tus dab no tso kiag nws tseg lawm mas yog thaum wb khiav los rau USA ces nws los kawm txais lub cim txhab zog tas thiab kuv tsis pub nws pw ib leeg li lawm ces thiaj tsis pom tus dab ntawd los ntxiv lawm......hehehe....zoo li tsis txaus ntseeg li tiam sis kuv xa tias yeej muaj tseeb dab thiab neeg yeej ua neej nyob sib xyaws ua ke.....

Hahaha!......XH NpuagTub, kuv tsis yog tsis ntseeg na...kuv ntseeg tias dab phem ua tau txhua yam kev phem tuaj ua mob rau yus lub cev kom raug kev tsim txom no xwb na...kuv tsis ntseeg tias dab phem yuav need deev yus thiab siv yus zoo li tus pojniam nws xav nrog pw txhua hmo nws nyiam los sis xav tau no naj. Qhov nws tuaj deev tuaj ua phem rau yus ntawv yog ua kom yus raug dab phem txoj kev lim hiam xwb, tsis yog yuav ua rau dab phem ntshaw kev niam txiv li noob neej.

Yog yus tseem kam deev dab phem txhua txhua hmo zoo siab hlo thiab ces tsis ntev yus tus ntsuj plig yuav muaj mob , yus yuav tau mus nyob hauv yias dej kub dej npau li Maiv Tooj piav los sauv xwb os. Ntshai ntshai li, ciaj thiab tuag tsis yeem deev, tsis yeem mus ua dab qhev tiv hluav taws. Thov ntuj kom yus dim, vim yus yog neeg xwb yus lub zog tsis luaj dab phem lub, tab sis HUAB TAIS NTUJ lub zog loj dua ces HUAB TAIS NTUJ yuav khuv leej yus , yuav pab yus.

Maiv Tooj wrote:

Txuas ntxiv saud

Nkawd thiaj teb tias:
"Dab tsis los tsis txawj li vim wb coj kev cai Ntuj los lawm ntev ces cia kuv teev Ntuj rau nws xwb."
Nkawd txawm niaj hnubbteev Ntuj rau nws. Niag dab txawm rov tuaj deev nws no ces nws tsis kam. Niag dab txav tsis tau ti nws li, muaj ib cov nplaim taws nyob nruab nrab kem ces niag dab txawm cev tes tuaj vos los tsis ncav li. Zaum kawg niag dab rauv tau 3 lub cub tawg cig nplaim loj loj thiab hlawv tau 3 lub yias thawj tsheb liab ploog. Nws hais rau tus poj niam Hmoob tias:
-"Koj puas tham kuv!!!"
Tus poj niam Hmoob tias:
-Kuv tsis kam li."
-"Koj tsis kam no koj sim ntsia ntawm nov seb."
Pog ntsia naj has 3 lub yias liab ploog hos yawg dab nim ua kaus zim zog rau nws. Pog txawm ua siab loj kawg nkaus, vim Tswv Ntuj nrog nws nyob, nws teb niag dab tias:
"Koj yuav muab kuv kib los kib xwb tiag."

Niag dab txawm tias:
"Wm...!Ua tau diam hos!!! Ntho nkaus kib kiag seb!"
Niag dab ua tawv tsis tawv tod tuaj rau pog. Ntho ntho tsis tau pog los kib ces nws cia li tso tseg.
Lub zim txwv ntawd nkawd kuj coj kev cai Ntuj zoo heev.
Txij hnub ntawd los tsis pom niag dab ntawd li lawm.
Niaj hnub no yog leej twg NTSEEG TSWV NTUJ ZOO TSWV NTUJ KUJ ZOV NWS TSEV NEEG ZOO.

Thaum muaj tej xwm txheej nov yog thaum 1980.

Tus sau: Lucie Tsab.
Fab Kis teb
Xov xwm Ntseeg Ntuj Sib Fi Txuj lub 1 hlis 1993

Tais Tooj,

Zaj koj tso no, lawv kuj piav tau khws kawg li. Tej zaum kuj yuav muaj tseeb li ntawd... Ntawm kuv mas kuv xav li no... tus tseem dab phem tiag tiag nws tsis muaj ib lub cev nqaij, kuv xav hais tias yuav kom nws los deev tau ib tug poj niam li ib tug txiv neej muaj ib lub cev mas yuav tsis tau, tiam sis nws ua yog toog rau tus poj niam kom zoo li ntawd xwb, ces nws twb ua tau kev phem rau tus poj niam lub cev lawm. Qhov hais tias dab phem txawj txia ua tau zoo li ib tug neeg, mas dab yeej ua tau kom yus pom zoo li ntawd, tiam sis yuav kom nws txawm cia li yog kiag ib tug neeg muaj ib lub cev tiag tiag mas ntshai tsuas yog nws los nkag rau ib tug tib neeg lub cev xwb thiaj yuav tau, hos kom nws txawj tsim tau ib lub cev rau nws mas nws ua tsis tau, tsuas yog Tswv Ntuj thiaj tsim tau xwb. Yog li ntawd, dab xav ua kom yus pom nws yog ib tug tib neeg mas tau kawg, thiab nws ua kom yus hnov tsuam los hnov hnyav mas tau kawg, tiam sis yuav kom nws txawm yog kiag ib tug tib neeg mas kuv ntseeg tsis tau.

Tiam sis qhov uas dab nkag rau tib neeg (Hmoob hu ua raug dab)mas kuv ntseeg tias muaj tseeb. Nyuam qhuav tau li ob xyoos los no xwb, muaj ib case nyob hauv Michigan no, yog ib tug poj niam nyob haub cov ntseeg CMA. Kuv tsis tau pom kiag ntawm qhov muag tsuas hnov hais txog xwb, vim cov txheej ze ob niam txiv ntawd tuaj hais kuv lub tsev xav muab xauj rau nkawd los nyob no, ces lawv thiaj piav rau kuv mloog xwb, lawv yeej tsis ua ncha li, tsis muaj neeg coob paub txog. Ob niam txiv ntawd nyob txheej tsev saud, tus tswv tsev yog ib tug poj niam txawj neeb, nws nyob txheej hauv av. Tsis nco qab tias xyov yog ua li cas lawm, lawv twb piav tib si rau kuv, tiam sis muaj ib hnub ces tus poj niam cia li coj tau txawv txawv, thiab hais lus txawv txawv, zoo li tsis yog nws lawm. Tus txiv thiaj qhia rau lawv tus xib hwb, xib hwb thiaj ua kev thov ntuj ntiab dab rau. Thaum ntej mas thov ntuj tas ces zoo lawm. Tiam sis tseem ua ob peb zaug tom qab ntxiv thiab. Thaum lawv tuaj hais kuv ntawd mas lawv hais tias thov ntuj ib zaug xwb tsis zoo li lawm, cov xib hwb yuav tsum ua kev thov ntuj ntev ntev rau, thiab thov ntau hnub mas mam zoo no. Thaum kawg ob niam txov txiav txim tsis kam los nyob kuv lub tsev, vim nyob ze ze rau lub qub tsev thiab xwb, ces nkawd yeem txav mus kom deb ntawm tus poj ua neeb ntawd. Txij thaum nkawd tsiv mus tsis hnov hais lawm, thiab zoo li hais tias tus poj niam Hmoob ntawd tau tuaj hais lus pov thawj rau hauv lawv lub church piav txog nws txoj kev raug dab tib si thiab no.

Nyob zoo cov phooj ywg,

Mim,

Hais txog tej xwm txheej nov mas kuv kuj tsis tau pom kiag ntawm qhov muag, tab sis cov ze ze kuv kuj tau ntsib los lawm. Yuav kom dab txia tau ua neeg mas nws yuav txia tsis tau, tab sis dab phem twb yog cov thawj Tshiab ua Tswv Ntuj xub tsim ua ntej tsim tib neeg, mas lawv muaj hwj huam heev, muaj hwj huam ib yam cov Tshiab. Li ntawd lawv xav yees ua dab tsi, ua leej twg los tau. Nyob hauv Ntawv twb tau sau rau ntau qhov hais txog Dab phem yees ua tus tseem ceeb tuaj dag neeg. Niaj hnub no kiag, tab txawm nyob kiag hauv Tsev teev Ntuj los yog nej pom Niam Mab Liab los yog Huab Tais Yes Xus tshwm sim rau nej pom xyeem los txhob rawm zoo siab tias yog nej tau txiaj ntsim...Yuav tau ceev faj, yuav tau ua Ntoo Cuam Lub Cim ob peb zaug sib law, yog nws tsis ploj mas thiaj yuav ntseeg tau tias yog tus zoo tu tseeb, yog nws ploj lawm ces yuav tsis yog tus tseeb.
Qhov dab phem los deev poj neeg mas kuv kuj tsis paub lub ntsiab lawv lub hom phiaj, tab sis yeej tsis yog ib qho zoo. Muaj coob tus mas ua thiab ua ces cia li muaj siab, swm thiab nco...ces si daj zuj zus cia li tas txoj sia lawm xwb...Ib cov mas ntshai heev, yeej zoo li XH. Npuag Tub zaj, thaum tus txiv tsis nyob lawm los sawv kiag mus hauj lwm ces yeej los ntag...Los yog yus khooj ntawm tej salon los tsuav yog yus ib leeg xwb ces yeej los li...Tab sis yog ib niam txiv sib sib hlub no kuj yeej tau thiab. Vim dab kuj txawj hwm neeg txoj kev sib hlub thiab. Yog yus ( tus txiv) hlub tiag tiag no dab kuj tso tseg thiab...Muaj tej tug dab kuj txawj los ua npau suav nug tus txiv yog nws hlub tiag no dab yuav tso tseg thiab...yam tssi txaus ntseeg tab sis muaj tseeb.

Peb neeg ntiaj teb, peb kev ntse tsis npaum luag ib rau tes, peb txhob rawm zoo siab tias peb paub luag zoo thiab txaus heev...Peb tseem paub luag txuj ci thiab lub siab tsis tau tag...Peb yuav rau siab teev Ntuj, tso siab rau Ntuj, txhob ntseeg tej yam txawv txawv...Vim tej yam ntawd luag yuav haub ntxias tau peb yooj yim heev...
Peb lam ua me nyuam neeg, txhob ntshaw ua neeg muaj hwj huam, tau txiaj ntsim peb thiaj yuav tsis raug ntxias yooj yim...