nkauj hmoob taize puas tau muaj ?

nyob zoo txog rau peb cov hmoob kas tos liv txhuas leej txhua tus
kuv yog dee lis nyob los tsuas teb;
kuv xav nug hais tia peb cov hmoob kas tos liv nyob txaw teb chaws no puas tau txhais cov nkauj taize ua yog lus fab kis los yog lus ee kiv los ua lus hmoob ?, rau qhov kuv xav tau cov nkauj ua lus hmoob los kawm thiab hu teev ntuj taize hmoob sib sau zaum no,
vim hais tiab kuv twb tshawb tag peb cov web hmoob ntseeg kas tos liv no lawm tseem tsis taub muaj li; los yog twb muaj tus txhais los ua lus hmoob lawm kuv ho tshawb tsis pom xwb.
ho yog tseem tsis tau muaj no thov kom peb cov hmoob kas tos liv nyob txaw teb chaws no ho muaj tus muab los txhais los us lus hmoob thiab vim hai tia cov nkauj taize no yog ib cov nkauj zoo heev rau peb cov tus ntxhais hluas hmoob teev ntuj taize rau yav tsaus ntuj.

http://www.taize.fr/

yog leej twg muaj thiab pom nyob rau lub web twg no ho qhia kuv paub thiab kuv tus Email: dengleenco@hotmail.com
Ua tsaug ntau ntau

[u]

Nyob zoo os Deng,

zoo siab ntsib koj hauv lub vas sab Hmoob Kas Tos Liv thoob ntuj ntawm no, koj cov lus nug kuj yog ib yam zoo, tiam sis zoo li kuv kuj tsis tau pom thiab hnov peb hmoob muaj cov nkauj Taize koj hais li thiab os nawd, ntshe tsam leej twg ho tsim tau es tsis share rau hauv cab sab xwb los kuj muaj, yog leej twg muaj lub peev xwm mus txhais thiab tsim tau los txhais ua lus Hmoob kuj yog ib lub txiaj ntsim zoo rau tus ntawv , koj kuj nyiam hu nkauj thiab los? Hu nkauj cav txog Tswv Ntuj yog ib lub txiaj ntsim zoo heev, kuv nyiam hu nkauj thiab, kuv tseem yuav npaj tsim nkauj teev ntuj nrog suab paj nruas tiam sis khwv heev ua tsis yeej tej hauj lwm no xwb. Sib ntsib dua, vam thiab cia siab tias koj yuav tuaj xyuas peb hauv no txhua hnub ua koj muaj caij nyoog. Sib ntsib dua.

Deng,

Cov nkauj Taizé mas raws li kuv paub, tseem tsis tau muaj ua lus Hmoob.
Yog yuav hais los ces Peb Hmoob tseem tshua kev deb yuav taug, tseem tshuav puas tsav yam tsis tau muaj li, yog peb muaj siab mas peb tseem yuav tshuav ntau yam heev ua. Li ntawd kuv thov qhuag hu txog txhua leej uas muaj siab pab peb koom tes, yuav muaj lus ua tsaug ntau.

Deng, nej nyob ua ke thiab nej txawj ua suab paj nruag zoo, yog nej ua tau cov nkauj Taizé mas yuav zoo heev.

Deng, kuv lam txhais tau ib zaj nov, muab rau koj saib ua ntej seb puas zoo xwb. Tos kuv xa mus rau TP.Cwj Vuam Chiv pab xyuas tso seb nws hais li cas.


Yes Xus Leej Pleev.

Yes Xus Leej Pleev, ci lam nruab nrog tuaj
Thov txhob pub kuv txoj kev tsaus ntuj nrog kuv tham
Yes Xus Leej Pleev, ci lam nruab nrog tuaj
Pub rau kuv saws koj txoj kev hlub

1- Huab Tais, koj txheeb kuv txhua thiab koj paub kuv
Txawm kuv yuav zaum yuav sawv los koj yeej paub kuv
Koj ua kuv ntej thiab lawv kuv qab, koj khawm kuv ceev
Koj muab koj txhais tes tso saum kuv.

2- Sawv ntxov pom kev txoog kuv nthuav tis
Ya plho lawm xya yim lub hiav txwv
Los koj txhais tes tseem hwj rawv kuv
Kuv zaum nyob ntawm koj sab xis.

3- Kuv hais tias : Cas tsaus ntuj ua luaj
Txawm tsaus ntuj los ntawm koj xub ntiag yuav tsis taus lawm ;
Hmo ntuj yuav pom kev zoo li nruab hnub.

4- Txhua yam koj tsim kuv yuav nco koj txiaj koj ntsig,
Tsim tau kuv zoo tas nrho nrog koj tes hauj lwm,
Tswv Ntuj tshuaj xyuas kuv kom paub kuv siab ;
Coj kuv mus rau txoj kev uas yuav nyob mus li

22/01/2013

JESUS LE CHRIST
Paroles : Frère Roger
Musique : Jacques Berthier

Jésus le Christ, lumière intérieure,
Ne laisse pas mes ténèbres me parler.
Jésus le Christ, lumière intérieure,
Donne-moi d'accueillir ton amour.

1 - Seigneur, tu me sondes et me connais ;
Que je me lève ou m'assoie, tu le sais.
Tu me devances et me poursuis, tu m'enserres,
Tu as mis sur moi ta main.

2 - Je prends les ailes de l'aurore,
Je me loge au-delà des mers,
Même là ta main me conduit
Ta droite me saisit.

3 - Je dirai : que me couvre la ténèbre
La ténèbre n'est point ténèbre devant toi ;
La nuit comme le jour illumine.

4 - Je te rends grâce pour tant de prodiges,
Merveilles que je suis et que tes œuvres,
Sonde-moi, ô Dieu connais mon cœur ;
Conduis-moi sur le chemin d'éternité.

Deng,

Muaj lub Site no thiab tab sis yuav tsum Login Facebook thiaj li mloog tau ntev.

Cov hauv nov zoo li lawv hu tau meej dua.

http://www.deezer.com/fr/album/121701

Deng,

Koj coj mus dhos music thiab hu tau.
Yog nej ua tau no xa tuaj rau peb sib thiab mog,
Kev sib pab ciaj vaj,
koj ntxiv ib yam kuv ua ib qho peb yuav fab peem tau raws li peb lub siab tos.

Yog koj xav tau cov As Les Lus Yas, kuv mam txhais ntxiv rau koj, seb koj xav tau pes tsawg zaj ntxiv. Yam li koj mloog tag nrho 21 zaj uas nyob hauv lub site uas kuv muab rau koj saud. Zoo li koj kuj paub ntawd Aas Kiv zoo ces yog koj paub lub npe fab kis tsis meej los koj sau mus tranlate es koj mam xaiv cov zaj uas koj xav tau lub NPE rau kuv ces kuv mam txhais. Ib qho peb ua hauj lwm yooj yim lub zwj ceeb no yog vim muaj TP.Cwj Vuam Chiv ua peb txiv, nres peb ces peb muaj kev tso siab lug.

Zoo siab rau nej kev kub siab, koom ua pab nyob ua pawg. Peb tsis hnov nej cov nyob Los Tsuas teb moo li, xav thov kom koj xa nej moo me ntsis rau peb paub thiab. Koj mus Tiag Ntxhw, koj puas paub Mas Tsab, thiab Lauj Ntxhuav nyob Hav Zeb Dub los? Kuv paub nkawd hauv ntawv thiab. Ua li koj puas paub ib tug tub yog Hmoob Vwj, nws nyob Roob Kub Twm thiab tau mus kawm nyob Hanoï thaj tsam 2005 ntawd. Nws tau muaj kev sib fim nrog kuv me ntsis, tab sis kuv cia li tsis hnov nws moo li lawm. Txij thaum ntawd los ces peb cov nyob sab Xib Fab (Hnub Poob), cia li tsis hnov nej moo li lawm. Hnub Chiv 13/01/2013, peb Tsev Hmoob ntseeg cheeb tsam Lyon mus ua lub Hmoov Neeg Thoj Nam, Tsiv teb chaws nrog Fab Kis, peb tsis tshua paub hais txog nej kev twj lij pes tsawg (ywj pheej), seb nej muaj li cas, ua tau li cas, nyob li cas lawm.

Vam thiab cia siab tias yuav tau hnov nej moo ntau dua lawm yav tom ntej.


TP.Cwj Vuam Chiv kho qhov txais xwb, xws li nram no:




Jésus le Christ, lumière intérieure,
Ne laisse pas mes ténèbres me parler.
Jésus le Christ, lumière intérieure,
Donne-moi d'accueillir ton amour.

Yes Xus Leej Pleev, ci lam nruab nrog tuaj
Thov txhob pub kuv txoj kev tsaus ntuj nrog kuv tham
Yes Xus Leej Pleev, ci lam nruab nrog tuaj
Pub rau kuv saws koj txoj kev hlub

Leej Pleev Yes Xus, nruab nrog kev kaj
Txhob cia kuv kev tsaus ntuj deev kuv siab
Leej Pleev Yes Xus, nruab nrog kev kaj
Pub kom kuv qaws tau koj txoj kev hlub


Jésus le Christ lumière intérieure Taizé



Yes Xus Leej Pleev.

Leej Pleev Yes Xus, nruab nrog kev kaj
Txhob cia kuv kev tsaus ntuj deev kuv siab
Leej Pleev Yes Xus, nruab nrog kev kaj
Pub kom kuv qaws tau koj txoj kev hlub

1- Huab Tais, koj txheeb kuv txhua thiab koj paub kuv
Txawm kuv yuav zaum yuav sawv los koj yeej paub kuv
Koj ua kuv ntej thiab lawv kuv qab, koj khawm kuv ceev
Koj muab koj txhais tes tso saum kuv.

2- Sawv ntxov pom kev txoog kuv nthuav tis
Ya plho lawm xya yim lub hiav txwv
Los koj txhais tes tseem hwj rawv kuv
Kuv zaum nyob ntawm koj sab xis.

3- Kuv hais tias : Cas tsaus ntuj ua luaj
Txawm tsaus ntuj los ntawm koj xub ntiag yuav tsis taus lawm ;
Hmo ntuj yuav pom kev zoo li nruab hnub.

4- Txhua yam koj tsim kuv yuav nco koj txiaj koj ntsig,
Tsim tau kuv zoo tas nrho nrog koj tes hauj lwm,
Tswv Ntuj tshuaj xyuas kuv kom paub kuv siab ;
Coj kuv mus rau txoj kev uas yuav nyob mus li

22/01/2013

JESUS LE CHRIST
Paroles : Frère Roger
Musique : Jacques Berthier

Jésus le Christ, lumière intérieure,
Ne laisse pas mes ténèbres me parler.
Jésus le Christ, lumière intérieure,
Donne-moi d'accueillir ton amour.

1 - Seigneur, tu me sondes et me connais ;
Que je me lève ou m'assoie, tu le sais.
Tu me devances et me poursuis, tu m'enserres,
Tu as mis sur moi ta main.

2 - Je prends les ailes de l'aurore,
Je me loge au-delà des mers,
Même là ta main me conduit
Ta droite me saisit.

3 - Je dirai : que me couvre la ténèbre
La ténèbre n'est point ténèbre devant toi ;
La nuit comme le jour illumine.

4 - Je te rends grâce pour tant de prodiges,
Merveilles que je suis et que tes œuvres,
Sonde-moi, ô Dieu connais mon cœur ;
Conduis-moi sur le chemin d'éternité.

Nyob sawv daws, zoo siab hnub no rov ntsib nej.

Zoo li tau pom nej tham txog cov nkauj teev ntuj Taize. lo lus ntawd txhais ua lus hmoob ho yog li cas?

Kuv xav paub! Vim nyob rau sab ntuj no kuj muaj ntau phau ntawv nkauj hais lus cob tsib yog nkauj teev ntuj. Nyob rau hauv cov caij nyoog. Xws li:

"Caij Tog H.T,
caij Y.X.Yug los,
Caij Pl.Caug,
Caij Hla,
Caij Nrhuab Xyoog".

1 phau yog nkauj Paj Nruag. Quas zaj nyeem ib xyoo A.B.C,
ib phau yog cov zaj AL LE LU IA Quas xyoo A.B.C,
muaj Ob phau yog nkauj Qhib Lub Txoos, nkauj cev mov cev cawv, nkauj Txais Yes Xus lub cev, nkauj xaus lub txoos. Lawv muab cog ua ob phau loj, muaj cov nkauj ntawv nyob hauv tib si.

Kuv los kuj xav tau cov ntawd ua lus hmoob kawg. Yog li nej hais cov nkauj Taize ntawd, puag yog cov nkauj P.NR qua zaj nyeem ib maj? Los yog ob phau kuv hais muaj cov nkauj qhib Txoos. Cev Mov cev cawv. Tx Y.x lub cev, xaus Lub Txoos maj? Kuv los kuj xav tau cov ntawd ua lus hmoob kawg. Tiam si tsi muaj leej twg pab txhais li. Nyob rau peb sab ntuj no lawv kuj txhais tau zaj puav, tiam sis tsi yog lus thoob teb. Peb tsis coj tuaj tso rau hauv no tsam sawv dws tsi to taub cov lus. Yog li kuv thov nug nej, yog tias nej sab ntuj muaj plaub phau ntawv nkauj ntawd no nej pab txhais ua lus hmoob kom tas nrho, thiab sau cov cim suab keeb nrog tib si. Kom sawv daws thiaj paub suab thiab tau nyeem tau hu teev ntuj raws li cov caij nyoog. Yog txhais tau 4 phau kuv hais no kom tas mas coj mus hu raws cov caij nyoog mas haum lub txoos thiab haum cov zaj nyeem txhua hnub chiv kawg.

Niam hlob, koj nrog Hwv tham tej zaum Hwv yuav paub zoo. Kuv sau cov npe ntawv lus cob tsib rau hauv no. Koj kom Hwv saib ces Nws paub lawm. Saib puas muaj ua lus fab kis, Aa kiv (1,HÁT CÔNG ĐÔNG 2, TH. CA CÔNG ĐÔNG, 3, DA CA, AL LE LU IA ) li no xwb, Nyob zoo.

Nyob zoo Tub Kawm,

Cov nkauj Taizé yog cov nkauj uas cov Txiv Plig los Tij ntawm lub Koom Haum nyob Taizé ua cov tsim, sau los teev Ntuj. Nws cov suab nrog paj nruag thiab hu tau ntau lub suab ua ke zoo heev. Koj mloog tau nyob hauv nov:


http://www.deezer.com/fr/album/121701

Yog xav tau cov nntsiab lus mas kuv txhais kuj tau, tab sis Peb Hmoob tseem tsis tau dhos suab thiab muaj paj nruag, yog nej ho ntaus lawv cov paj nruag los dhos ua lus hmoob mas ntshe yuav zoo heev.

Hais txog koj cov phau ntawv mas ntshe yuav nyuaj me ntsis, vim ntawv fab kis thiab aas kiv mas muaj ntau phau heev, tsis paub tias yog lawv muab phau twg los txhais.

nyob zoo niam maiv tooj ( thov txim kuv tsis paub yuav hu koj li cas)
thiab niam maiv paj lug ua tsaug rau ne cov lus teb ntau ntau
 Muaj 10 zaj nkauj tseem ceeb uas peb xav tau xwb;
yog tseem tsis tau muaj tus txhais los kas liam thiab yuav tsis tab kaum koj txhais cov nkauj no os niam maiv tooj.

kuv mus Tiaj Ntxhw tuag kuv paub mas tsab kawg, nws yog peb ib tus tij laug thaum nw nyob hauv nroog vees cas no tab sis tam sim no nws twb yuav poj niam nyob autaslia teb lawm. kuv paub ntxhuav lauj thiab ta sis nws twb tsis nyob zos Hav Zeb Dub nw nyob lub zos roob zoo ob av liab lav kaum vees cas no nws ua tus coj cov ntseeg nyob lub zos na xa la; cov kuv paub mas nyob lub zos Tiaj Ntxhw tuag xwb ho yog lub zos roob kub twm no mas kuv ho tsis paub lawm vim lub zos roob kub twm mas tsis muaj cov ntseeg kas tos liv no tsuam yog muaj cov christian..... xwb, ho yog koj hai cov tub nyob zos Tiaj Ntxhw tuag ma kuv kuj paub muaj ib tug mus kawm nyob Hanoï thiab.

peb cov tub ntxhais hluas no nyias nyob nyias ib qho chaw tuaj nyob rau hau nroog vees cas no xwb


thaum chiv thawj peb ku muaj ob peb leeg tab sis leej twg kawm tag muaj hauj lwm ua lawv tsis tshua muaj sij hawm tuaj nrog peb sib sau tsuas yog tshuav peb cov ntxhais tseem kawm High School thiab nrog peb cov tub kawm nyob University; thiab ib tug muam ua hauj lwm lawm xwb
thiaj nrog peb koom tub ntxhais hluas xwb.

tseem ceeb tshaj yog peb tsis muaj ib tus coj yog hmoob nyob rau hauv no ua tus txhawb peb dag zog thiab lub tswv yim tsuas yog muaj ib tus niam phauj uas yog neeg Philippines tuav peb cov tub ntxhais hluas tag nrho nyob hau vees cas no xwb

nws tau muab peb faib ua tej pab xws li hmoob, nplog thiab pub thawj; ib lub hli twg peb yuav sib sau nyob rau lub li tiam tim ob hnub chiv xwb. txoj kev sib sau peb kuj muaj kev nthuav ntawv ntshiab thiab hu nkauj nyob rau ib hnub ntawd

Nyob zoo Deng,

Zoo siab pom koj daim duab.
Ua tsaug koj tham nej kev sib fim rau peb paub. Li cas los ua siab loj mog, lub noob faj khaum me me twb ua tau tsob faj khaum loj tshaj tej ntoo, txawm nej tsawg tsawg thiab tsis muaj tus coj los yuav tau ua siab loj. Yam li thaum ub peb tseem nyob mas Txiv Plig cov teeg tug thiab peb cov ntseeg yog cov muaj zog thiab peb tsim tau ntau yam zoo heev rau Vees Cam thiab Moos Loob; tab sis muab tso tseg tas ces zaum no nej thiaj li tsis muaj chaw cob cuab lawm xwb. Li cas los ua siab loj mog.

Koj hu kuv ua niam los tau kawg, yam li Txawj Tuam hu kuv ua niam hlob, Ntxhuav Lauj hu kuv ua niam tij Maiv Tooj...Hahahah...!
Oh! Lov! Mas yuav poj niam lawm lov! Nws tsis xa xov rau kuv li lawm, hnov tias nws tawm tij lawm no xwb. Tswv Ntuj xaiv yus li cas ces yus mus li ntawd.

Ua li koj puas paub cov nyob hauv ob daim duab nov, yog tus uas nws hais tias nws mus kawm nyob Hanoï xa rau kuv thaum lawv ua hmoov 50 xyoo Tswv Qhia Khamsé thiab ua hmoov neeg thoj nam nyob Vees Cas.

nyob zoo phooj yws deng ua tsausc koj tseem ntshaw txog txhua zaj nkauj li peb thiab os peb los kuj ntshaw ib yam li koj thiab os nawb nej mas twb muaj leej phauj nrog nej peb mas twb tsi tau muaj txiv plig leej phauj tuaj txog peb li os txawwm licas los ua siaaaaaaab loj nawwb mog rau  siab ntseeg nawb mog ua siab loj peb mam sib ntsib dua mog

nyob zoo niam maiv tooj thiab phooj ywg txhua leej...
a!! ya!!! saib dai duab no mo nco lawm kawg li rov qab nco txog thaum yus tseem me me os; ua ca ib pliag xwb tw tsis po yus tej qub phooj ywg tag lawm kho siab kawg 55555!!!!!
daim duab ib: tus nyob hauv nruab nrab tus txiv neeg hna tsho dawb yog kwm vwj nyob zos tiaj ntxhw tuag; tus txiv neeg nyob sa xi hna tsho lia yog tus uas mus kawm nyob nyab laj; thiab ob tus poj niam Philippines yog tourist.
daim duab ob: sa laug mus rau sa xi tus txiv neeg yog tij laug mas tsab tus nyob nruab nrab yog kwm vwj tus kawg nkaus sa xi yog tub; cov poj niam sa xiv mus rau sa laug tub ib yog paj hua has(ດວງ) tus ob yog teeb ham tus peb kawg nkau yog tshaus.
daim duab peb: kuv yog tus txiv neej nyob sa xi kawg nkaus uas hnav tsho liab thaum no kuv tseem kawm nyob High School xwb tseem me nyuam tub hluas xwb.....ziag no tw tsis zoo li no lawm cov ntxhai no ib txhia twb mus tsev tag lawm ho ib txhia ces twb ho yuav txiv thiab tsuas tsuav li peb leeg te xwb....

tub ntxhais hluas hmoob sib sau zaum 5 nyob rau lub zos tiaj ntxhw tuag 8 -10/3/2013



tub ntxhais hluas hmoob sib sau zaum 5 nyob rau lub zos tiaj ntxhw tuag 8 -10/3/2013











cov tub ntxhai hluas txais yes xus lub ce yog cov vas phua liab thiab txais lub cim txag zog yog cov vas phua dawb nyob vees cas.