NKAUJ PAJ NRUAS & NKAUJ CAV TXOG LUB MOO ZOO AS LES LUS YAS KAV XYOO B XYOO 2014-2015

HNUB CHIV 1 CAIJ TOS HUAB TAIS XYOO B
NKAUJ PAJ NRUAS THIAB NKAUJ CAV TXOG LUB MOO ZOO ALLELUIA

NKAUJ PAJ NRUAS QUAS ZAJ NYEEM 1

NYOB RAU HAUV PHAU NTAWV NKAUJ NQUA SUAB CAV TXOG TSWV NTUJ ZAJ 74

THOV COJ PEB ROV LOS CUAG KOJ (NPN 80-2)

(Nqe Txais:)

Huab Tais, thov coj peb rov los cuag koj.
Thov koj pub peb pom koj lub ntseej muag ces peb yuav tau txais kev cawm.

(Nqe 1)
Tus zoo Tswv zov His Xas Lais, koj mloog mog. Koj zaum saum koj lub theej kiab, koj ci ntsa iab.
Koj qhib koj lub hwj huam tawm los, koj tuaj cawm peb mas.

(Nqe 2)
Tswv Ntuj muaj hwj huam tas nrho, koj rov los mas!
Koj nyob saum ntuj dauv muag los ntsia, koj yuav pom.
Thov koj nqes los xyua koj lub vaj txiv cawv.
Koj nqes los xyuas tsob txiv cawv uas koj txhais tes xis tau cog thiab xyuas tus tub ua txais koj lub zog.

(Nqe 3)
Thov koj tso koj txhais tes rau saum tus nyob ntawm koj sab xis, rau saum tus tub ua txais koj lub zog.
Peb yuav tsi txav mus deb koj ib zaug ntxiv. Koj ua kom peb muaj txoj sia nyob, peb yuav hu txog koj lub npe.

NKAUJ CAV TXOG LUB MOO ZOO
(Ntawv nkauj zaj 223 nqe 1 Caij tos HT)

(Nqe txais)
As les lus yas, As les lus yas, As les lus yas.

1.
Hua Tais qhia kom peb paub koj txoj kev hlub, thiab pub koj txoj kev cawm rau peb.

Nyob zoo tsoo hmoob ntseeg ntuj, kuv lam muab cov nkauj Paj Nruas thiab nkauj Cav Txog Lub Moo hauv phau ntawv nkauj, los phau ntawv Nqua Suab Cav Txog Tswv Ntuj sau tso ntawm no.
Yog nej cov muaj phau ntawv Nkauj lawm ces nej tsi tas muab cov no coj los hu lawm.
Yog cov tsi tau muaj phau ntawv nkauj nej muab cov zaj nkauj no coj lo hu rau thaum nej ua lub Txoos los kuj tau.

Thov txim ntau rau sawv saws vim kuv siv XT sau cab sab xwb, kuv tso tsi tau lub suab ua MP3 rau sawv daws kawm.
Yog nej cov muaj phau ntawv nkauj ces nej mam muab suab hauv cov Cim Suab (NOTES) los.
Yog nej cov tsi muaj phau ntawv ces nej hu lub suab raws li nej hu tau.
Yog thaum twg kuv muaj PC mam tuaj tso suab rau sawv daws xyum hu. Nyob Zoo sawv daws.

HNUB CHIV 2 CAIJ TOS HUAB TAIS XYOO B

NKAUJ PAJ NRUAS

Nyob rau hauv phau ntawv nkauj zaj 75

CIA PEB POM KOJ LUB SIAB ZOO (NPN 85)

(Nqe txais)
Huab Tais, thov cia peb pom koj lub siab zoo!
Thov pub koj txoj kev cawm neeg rau peb.

(Nqe 1)
Kuv mloog saib Tswv Ntuj hais dab tsi.
Huab Tais hais rau nws haiv neeg tias: "Nej nyob kaj lug"
Huab Tais txoj kev cawm los nyob ze cov neeg hwm nws.
Nws lub koob meej nqeg los nyob hauv peb lub teb chaws.

(Nqe 2)
Txoj cawm thiab kev tseeb los sib cuag.
Kev thaj yeeb thiab kev haum pheej los sib koom.
Txoj kev tseeb hlav ib tus txoov kaus nyob hauv ntiaj teb.
Kev haum pheej nqes saum ntuj los.

(Nqe 3)
Huab Tais pub txiaj ntsim, peb cov av pub qoob loo.
Kev haum pheej mus ua Huab Tais ntej, nws npaj txoj kev thaj yeeb rau peb taug.


NKAUJ CAV TXOG LUB MOO ZOO ALLELUIA

(Ntawv nkauj zaj 229 hu nqe 1)

(Nqe txais)
As les lus yas, As les lus yas, As les lus yas.

1, Nej npaj kev tos Huab Tais, nej kho kom nws txoj kev ncaj, ces tas ib zeej tsoom yuav pom Huab Tais txoj kev cawm.

NKAUJ PAJ NRUAS THIAB ALLELUIA HNUB CHIV 3 CAIJ TOS HUAB TAIS

(Ntawv Nkauj zaj 76)

KUV TUS PLIG HOM KHAJ (LK 1)

(Txais)

Kuv tus plig hom khaj nyob hau kuv tus Tswv Ntuj.

(Nqe 1)

Kuv tus plig cav txog Tswv Ntuj lub hwj chim.
Kuv lub tswv yim hom khaj nyob hauv Tswv Ntuj, tus cawm kuv vim nws dauv muag ntsia nws tus ntxhais tsi muaj tsim.
Txij no mus txhua haiv neeg yuav hais tias kuv txoj hmoov zoo.

(Nqe 2)

Tus muaj hwj huam tas nro, nws ua tej yam loj rau kuv, nws lub npe ntshiab.
Nws khuv leej cov neeg hwm nwm txheej dhau txheej.

(Nqe 3)

Nws pub tej yam zoo rau cov neeg tsheeb noj.
Nws ntiab cov neeg muaj rov qab mus tes qhuav.
Huab Tais pab nws tus tub txib His Xas Lais, vim nws nco ntsoov tias nws lub siab hlub neeg.

NKAUJ CAV TXOG LUB MOO ZOO
(Ntawv nkauj zaj 234 hu nqe 1)

(Txais)

As les lus yas, As les lus yas, As les lus yas.

(Nqe 1)

Huab Tais lub tswv yim nyob sau kuv, Nws pleev roj qe kuv.
Nws xa kuv mus tshaj lub Moo Zoo rau cov pluag txom nyem.

HNUB 4 CAIJ TOS HUAB TAIS XYOO B
NKAUJ PAJ NRUAS ALLELUIA

(Ntawv nkauj zaj 77 nkauj paj nruas)

KUV HU NKAUJ CAV TXOG HUAB TAIS (NPN 89-2)

Nqe txais

Kuv yuav hu nkauj cav txog Huab Tais lub siab zoo tas ib txhiab ib txhis.

Nqe 1

Kuv yuav hu nkauj cav txog Huab Tais txoj kev cog lus mus li!
Kuv lub ncauj yuav tshaj rau sawv daws paub tias: "Koj lub siab ncaj mus txheej dhau txheej."
Huab tais hais tias: " Kuv txoj kev hlub nyob ruaj nreb mus li". Nyob sau ntuj, Tswv Ntuj txoj kev ncaj nyob ruaj nreb mus li.

Nqe 2

Kuv cog lus rau kuv tus tub txib Das Vis tias: "Kuv tsa koj caj ceg nyob mus li! Kuv txhim ib lub theej kiab rau koj zaum txheej dhau txheej."

Nqe 3

Das Vis yuav hu kuv tias: "Koj yog kuv Txiv, yog tus Tswv Ntuj, yog kuv phab tsua, yog kuv tus cawm seej." Huab Tais hais tias: "Kuv yuav hlub nws, kuv lo lus cog yuav nyob ruaj mus li."

NKUAJ CAV TXOG LUB MOO ZOO

(Ntawv nkauj zaj 231 hu nqe 1)

Nqe txais

As les lus yas, As les lus yas, As les lus yas.

Nqe 1

Mab Liab hais tias: "Kuv yog Huab Tais tus ntxhais txib, kuv xav kom muaj tuaj raws li koj hais".

NKAUJ PAJ NRUAS THIAB ALLELUIA HMOOV TSUJ XEEB YES XUS YUS LOS HNUB 25 XYOO AB

(Kuv muab ob zaj tso rau hauv no xav hu zaj twg los kuj tau)


Ntawv nkauj zaj 78

NPOO NTUJ NPOO NTIAJ TEB (NPN 98-1)

Nqe txais

Npoo ntuj npoo ntiaj teb pom txoj kev cawm neeg tuaj ntawm Tswv Ntuj tuaj.

1. Nej hu zaj nkauj tshiab rau Huab Tais
vim nws ua dej num muaj tsim nto moo.

2. Huab Tais ua kom sawv daws paub nws txoj kev cawm neeg.
Nws muab nws txoj kev ncaj rau ib tsoom haiv neeg pom.
Nws nco mtsoov txog nws lub siab hlub neeg. Nws pheej xeeb rau His Xas Lais lub cuab yig.

3. Npoo ntuj npoo ntiaj teb pom Tswv Ntuj toj kev cawm neeg. Ntiaj teb nrag ci nej hu nkauj cas txog Huab Tais.
Nej nqua suab nkauj ntxuag suab paj nruag.

4. Nej ntau nkauj no ncas rau Huab Tais! Nej nkauj no ncas nrog suab thaj cheej!
Nej tshuab xyu tshuab hom ntxuas suab kub nyuj!
Nej dhia hom khaj cav txog tus vaj vim nws yog peb tus Huab Tais.

NKAUJ CAV TXOG LUB MOO ZOO

(Ntawv nkauj zaj 228 hu nqe 1)

(Nqe Txais)
As les lus yas, As le lus yas, As les lus yas.

1. Hnub no yog hnub ntshiab, tuaj peb mus hawm Huab Tais.
Ib qho pom kev ci tuaj rau ntiaj teb lawm.

(Khoom mam tuaj tso tuaj tso ntxiv)

NKAUJ PAJ NRUAG THIAB ALLELUIA HNUB CHIV TOM QAB YES XUS LOS

HWM YIM NEEG NTSHIAB XYOO B

(Ntawv nkauj zaj 79)

HUAB TAIS NCO NTSOOV NWS LO LUS (NPN 105)

(Nqe txais)
Huab Tais nco ntsoov lo lus nws tau cog rau peb mus txheej dhau txheej.

(Nqe)

1. Nej cav lus zoo txog Huab tais, nej hu txog nws lub npe!
Nej qhia nws cov hauj lwm nto koob meej rau txhua hais neeg paub.
Nej hu nkauj rau Huab Tais, nej ntau paj nruas cav txog nws.
Nej tshaj nws cov hwj huam yeeg ntxwv.

Nej cav txog Huab Tais lub npe ntshiab!
Nej cov uas nrhiav Huab Tais, nej zoo siab mog!
Nej nrhiav Huab Tais, nrhiav nws lub zog.
Nej nrhiav nws lub ntseej muag mus li.

3. Nej nco ntsoov txog cov hwj huam yeeg ntxwv nws tau ua.
Nej nco ntsoov nco ntsoov nws cov hauj lwm nto moo.
Nej cov lus txiav txim yeej txhua lo lus.
Vim nej yog tus tub txib Has Nplas Has cov xeeb ntxwv, yog Yas Kos cov tub, nej yog cov nws xaiv.

4. Nws ncov ntsoov cov lus nws tau cog cia, yog lus cog ruaj rau txhiab tiam tub ki, yog cov lus nws tau nrog Has Nplas Has cog.

NKAUJ CAV TXOG LUB MOO ZOO

(Ntawv nkuj zaj 230 hu nqe 1) (Mam tso ntxiv)

Nqe txais
As les lus yas, As les lus yas, As les lus yas.

1. Txheej thau, Tswv Ntuj tau kom nws cov yaj saub, siv ntau txoj kev cev nws cov lus, rau peb cov yawg koob ntau zaug.
Nyem no nws thiaj xa nws Leej Tub tuaj cev lus rau peb.

HNUB CHIV 2 XYOO A.B.C YES XUS YUG LOS NKAUJ PAJ NRUAS THIAB NKAUJ CAV TXOG LUB MOO ZOO ALLELUIA

(Ntawv nkauj zaj 81)

LEEJ LO LUS YUG LOS UA NEEG (NPN 147-1)

(Nqe txais)
Leej Lo Lus yug ua neeg nrog peb nyob.

1. Yes Lus Xas Les koj nqaum paj nqaum nruas rau Huab Tais.
Xis Yoos koj cav txog koj tus Tswv Ntuj vim nws ua koj cov ntsia liaj rooj khov.
Nws foom hmoov zoo rau koj tej tub ki hauv tsev.

2. Nws pub kev thaj yeeb rau koj lub teb chaws. Nws pub txhiam laj txhiam xws rau koj noj txaus siab.
Nws txib Nws lo lus tuaj rau ntiaj teb, ces nws lo lus khiav yeev tuaj.

3. Nws qhia nws lo lus rau Yas Kos.
Nws qhia nws cov cai lij choj thiab cov lus qhia rau haiv His Xas Lais.
Nws tsis tau ua li ntawd rau ib haiv neeg twg li, lwm haiv neeg tsi paub nws cov lus qhia.

NKAUJ CAV TXOG MOO ZOO

(Ntawv nkauj zaj 233 hu nqe 1)

(Nqe txais)
As les lus yas, As les lus yas, As les lus yas.

1. Leej Pleev lub npe thiaj nrov nca ntaws mus rau ib tsoom neeg uas teev pej kum dab.
Ntiaj teb neeg thiaj ntseeg txog Leej Pleev.

NKAUJ PAJ NRUAS THIAB NKAUJ CAV TXOG LUB MOO ZOO HNUB CHIV 3 XYOO B
YES XUS TXAIS LUB CIM NTXUAV

(Ntawv nkauj zaj 83)

NEJ ZOO SIAB LUAG NTXHI (His Xais 12)

(Nqe txais)

Nej yuav zoo siab luag ntxhi mus ce cov dej txhawv pub txoj sia nyob mus li.

1. Tswv Ntuj yog tus cawm kuv tiag.
Kuv zoo siab rau nws, kuv tsi txhawj.
Huab Tais yog kuv lub zog, nws yog kuv lub peev xwm, yog tus cawm kuv.
Nej yuav zoo siab luag ntxhi mus ce nws cov dej cawm neeg.

2. Nej cav txog Huab Tais, nej hu txog nws lub npe.
Nej tshaj txog cov hauj lwm loj nyob hauv cov haiv neeg.
Kom sawv daws paub tias nws lub npe zoo tas nrho.

3. Nej ntaus paj nruas rau Huab Tais, vim nws lub hwj chim loj nrov nc ntawg nyob ntiaj teb no.
Tsoom neeg nyob Xis Yoos, nej seev suab lom zem, vim His Xas Lais tus Ntshiab muaj hwj xyeej nyob nruab nrab hauv nej.

NKAUJ CAV TXOG LUB MOO ZOO

(Ntawv nkauj zaj 225 hu nqe 2)

Nqe txais

As les lus yas, As les lus yas, As les lus yas.

2. Zam pom Yes Xus tuaj txog ze, nws tsa suab tias: "Nej ntsia saib Tswv Ntuj tus Yaj tuaj lawm.
Nws daws qab ntuj neeg cov txhaum.

NKAUJ PAJ NRUAS THIAB NKAUJ CAV TXOG LUB MOO ZOO HNUB CHIV 2 NRUAB XYOOS XYOO B

NKAUJ PAJ NRUAG

(Ntawv nkauj zaj 106)

KUV YUAV UA RAWS KOJ SIAB (NPN 40-1)

Nqe txais

Tswv Ntuj, kuv nyob ntawm no. Kuv yuav ua raws li koj lub siab nyiam.

1. Kuv tos ntoov Huab Tais!
Nws khoov los ze kuv thiab nws hnov kuv lub suab.
Nws tso ib zag nkauj tshiab rau hauv kuv lub ncauj, yog koj zaj nkauj cav txog peb tus Tswv Ntuj.

2. Koj qhib kuv pob ntseg kom kuv hnov koj cov lus.
Koj tsi xav yuav tsiaj thiab txhiam xws txi rau koj.
Koj tsi kom kuv hlawv tsiaj los them txim txhaum.
Kuv thiaj hais tias, "Koj saib kuv tuaj cuag koj".

3. Kuv tus Tswv Ntuj, kuv yuav ua raws li cov lus koj sau tseg rau kuv nyob hauv kauj ntawv.
Kuv zoo siab ua raws li koj qhia.
Koj txoj cai nyob rawv hauv kuv nruab siab.

4. Kuv tshaj koj txoj cai ncaj nyob hauv cov txoos.
Huab Tais, koj paub tias kuv yeej tsi cheem kuv dis ncauj.

NKAUJ CAV TXOG LUB MOO ZOO

(Ntawv nkauj zaj 217 hais nqe 1)

(Nqe Txais)
As les lus yas, As les lus yas, As les lus yas.

1. Wb ntsib tus Mes Xias uas yog Leej Pleev, tus coj txoj kev tseeb, thiab lub txiaj ntsim tuaj rau peb.

NKAUJ PAJ NRUAS THIAB NKAUJ CAV TXOG LUB MOO ZOO, HNUB CHIV 3 NRUAB XYOOS, XYOO B

NKAUJ PAJ NRUAS, NTAWV NKAUJ ZAJ 107

HUAB TAIS THOV KOJ QHIA (NPN 25-1)

Nqe txais:

Huab Tais thov koj qhia koj txoj kev nyiam, kev hlub thiab cawm rau peb.

(Nqe)

1. Huab Tais koj ua kom kuv paub koj txoj kev; qhia koj txoj xub ke rau kuv paub.
Koj coj kuv mus taug koj txoj kev tseeb.
Koj qhia kuv mas, vim kuv paub koj txoj kev tseeb.

2. Huab Tais koj nco txog koj lub siab khuv leej nee, thiab nco ntsoov txog koj lub siab nyiam ua koj ib txwm muaj.
Koj txhob nco txog kuv cov txhaum.
Huab Tais koj nco txog kuv vim koj hlub kuv.

3. Huab Tais siab zoo siab ncaj tas nrho!
Nws qhia nws txoj kev rau cov neeg txhaum.
Nws coj cov nee me mus txog txoj kev ncaj.
Nws qhia nws txoj kev rau cov neeg me paub.


NKAUJ CAV TXOG LUB MOO ZOO ALLELUIA

(Ntawv nkauj zaj 221 hais nqe 2)

Nqe txais

As les lus yas, As les lus yas, As les lus yas.

2. Tswv Ntuj lub Ceeb Tsheej los txog ze lawm, nej hloov siab mog, nej ntseeg txog lub Moo Zoo.
Nej yuav coj lub neej kom phim ua Tswv Ntuj cov me nyuam.

NRUAB XYOOS HNUB CHIV 4 XYOO B

NKAUJ PAJ NRUAG

(Ntawv nkauj zaj 108)

YOG NEJ HNOV HUAB TAIS LUB SUAB (NPN 95)

Nqe txais

Hnub no yog nej hnov Huab Tais Lub suab lawm, nej tsi txhob cia nej lub siab tawv li pob zeb.

1. Nej tuaj peb sawv daws hu nkauj cav txog Huab Tais!
Peb qw suab zoo siab hawm lub tsua cawm peb.
Peb txav los ntawm nws xub ntiag ua nws tsaug!
Peb npuaj teg hu nkauj cav txog nws.

2. Nej chaws los, peb khoov pes peb pes.
Peb txho cawg hawm tus Huab Tais tsim peb los.
Nws yog peb tus Tswv Ntuj, peb yog Nws haiv neeg, yog nws pab yaj.

3. Hnub no nej ci li mloog Huab Tais lub suab.
Nej tsi txhob cia nej lub siab tawv li pob zeb, zoo li thaum nej nyob Mes Lis Npas, thiab nyob Mas Xas hauv teb chaw suab puam.
Thaum ntawd nej cov yawg koob twb pom kuv cov hauj lwm muaj hwj huam, tsis kav lawv tseem twv kuv thiab sim kuv.


NKAUJ CAV TXOG MOO ZOO

(Ntawv nkauj zaj 234 hais nqe 3)

Nqe txais

As les lus yas, As les lus yas, As les lus yas.

Nqe

3. Haiv neeg uas nyob hauv kev tsau ntuj, pom ntuj txoj kev kaj.
Ib qho pom kev ci tuaj rau cov maub hauv tub tuag teb.

NKAUJ PAJ NRUAS THIAB NKAUJ CAV TXOG LUB MOO ZOO HNUB CHIV 5 XYOO B

PEB TXOG HUB TAIS (NKAUJ PAJ NRUAS 147-2)

Ntawv nkauj zaj 109

Nqe txais

Peb cav lus zoo txog Huab Tais, vim Nws nplij cov neeg ntxhov siab.

1. Peb cav lus zoo txog Tswv Ntuj vim nws siab zoo.
Tsim nyog peb hu nkauj cav txog Huab Tais cov txiaj ntsim.
Huab Tais rov txhim Yes Lus Xas Les.
Nws sau cov His Xas Lais nyob pej kum teb rov los.

2. Nws nplij cov neeg siab ntuag, Nws qhwv lawv tej qhov txhab.
Nws txheeb tau cov hnub qub, Nws tis lawv npe.

3. Peb tus Huab Tais loj, Nws muaj hwj huam.
Nws lub tswv yim thoob tsib, leej tib neeg ntsuas tsi tau.
Huab Tais txheeb cov neeg me, Nws txo cov neeg lim hiam rau hauv av.

NKAUJ CAV TXOG LUB MOO ZOO

Ntawv nkauj zaj 219 hais nqe 1

Nqe txais

As les lus yas, As les lus yas, As les lus yas!

1. Leej Pleev Tshem peb tej kev qaug zog.
Nws cug xwb pwg ris peb tej kev mob kev ntsaj.

NRUAB XYOOS HNUB CHIV 6 XYOO B

NKAUJ PAJ NRUAG

TIG LOS CUAG HUAB TAIS (NPN 32-1)

Nqe txais

Huab Tais thaum kuv raug xwv txheej, kuv tig los cuag koj, koj cawm kuv,
Koj ua kuv siab kaj lug.

1. Tus tau txoj hmoov zoo, yog tus uas ntuj rhuav tshem nws cov txhaum huv si pov tseg, yog tus uas ntuj npog nws tej txhaum.
Tus tau txoj hmoov zoo, yog tus Huab Tais tsi suav nws cov txhaum, yog tus uas nws lub tswv yim tsi dag tias nws tsi lo txhaum.

2. Kuv qhia kuv cov txhaum rau koj, kuv tsi zais qhov kuv ua yuam kev.
Kuv hais tias: "Kuv yuav leeg kuv cov txhaum ntawm Huab Tais". Koj txo kuv nra txhaum.

3. Tsoo neeg ncaj, nej hom khaj nyob hauv Huab Tais. Nej zoo siab luag ntxhi.
Tsoom neeg siab ncaj, nej qw suab zoo siab.


NKAUJ CAV TXOG MOO ZOO

Ntawv nkauj zaj 237 hais nqe 3

Txais

As les lus yas, As les lus yas, As les lus yas.

3. Ib tus Yaj Saub loj sawv nyob nruab nrab hauv peb sawv daws.
Tswv Ntuj tuaj xyuas nws haiv neeg.
Nws xa txoj kev cawm tuaj rau peb sawv daws kom peb dim.

NKAUJ PAJ NRUAG THIAB NKAUJ CAV TXOG LUB MOO ZOO NYOB RAU HAUV LUB CAIJ PLAUB CAUG

Hnub chiv 1 xyoo B

Ntawv nkauj zaj 85

HUAB TAIS TXOJ KEV YOG KEV NYIAM (NPN 25-1)

Nqe txais

Huab Tais txoj kev yog kev nyiam thiab kev tseeb rau cov neeg ua raws li lawv tau nrog Huab Tais cog lus.

1. Huab Tais koj ua kom kuv paub koj txoj kev; qhia koj txoj xub ke rau kuv paub.
Koj coj kuv mus taug txoj kev tseeb.
Koj qhia kuv mas vim koj yog tswv ntuj cawm kuv.

2. Huab Tais koj nco txog koj lub siab khuv leej neeg, thiab nco ntsoov koj lub siab nyiam ua koj ib Txwm muaj.
Koj txhob nco txog kuv cov txhaum.
Huab Tais, koj nco txog kuv vim koj hlub kuv.

3. Huab Tais siab zoo siab ncaj tas nro!
Nws qhia nws txoj kev rau cov neeg txhaum.
Nws coj cov neeg me mus rau txoj kev ncaj.
Nws qhia nws txoj kev rau cov neeg me paub.


NKAUJ CAV TXOG MOO ZOO

Ntawv nkauj zaj 239 (hais nqe 1)

Nqe txais

Yes Xus Pleev, peb cav txog koa!
Koj yog tus vaj muaj koob meeb nto moo lug.

1. Neeg tsi kawg muab muab mov los yug siav xwb, neeg tseem yuav cov los lus ntawm tswv ntuj lub ncauj los yug siav thiab.

HNUB CHIV 2 CAIJ PLAUB CAUG XYOO B

Nkauj paj nruas, ntawv nkauj zaj 86

TAUG KEV NTAWM HUAH TAIS XUB NTIAG (NPN 116-2)

Nqe txais

Kuv yuav taug kev ntawm Huab Tais xub ntiag nyob hauv tsoom neeg ciaj lub teb chaws.

1. Huab tais, tab yog kuv hais tias kuv txom nyem dhau lawm, kuv tseem tso siab rau koj!
Thaum Huab Tais pom nws cov neeg tuag, nws mob siab tas nrho!

2. Huab Tais kuv yog koj tus tub txib tiag, yog koj tus ntxhais txib tus tus tub.
Huab Tais koj tau daws cov hlua kuv.
Kuv yuav cev ib co txim los cav txog koj.
Kuv yuav tuav txog Huab Ntuj lub npe.

3. Kuv yuav ua raws li kuv tau cog lus rau Huab Tais.
Nyob ntawm nws haiv neg xub ntiag.
Nyob hauv huab tais lub loog, nyob nruab nrab hauv koj, Yes lus xas les.


NKAUJ CAV TXOG LUB MOO ZOO (Ntawv nkauj zaj 239.)

Nqe txais

Yes Xus Pleev, peb cav txog koj.
Koj yog tus vaj muaj koob meej nto moo lug.

2. Ib lub suab nrov hauv twv huab tuaj tias, tus no yog kuv leej tub uas kuv nyiam thiab kuv hlub, nej mloog nws mog.

HUB CIV 3 CAIJ PLAUB CAUG XYOO B

NKAUJ PAJ NRUAS
Ntawv nkauj zaj 87

KOJ COV LUS MUAJ TXOJ SIA (NPN 19-1)

Txais

Koj cov lus yog lus muaj txoj sia.

1. Huab tais txoj cais zoo tas nrho, nws ntxiv zog rau tus ntsuj plig.
Huab Tais tus txhooj nyob ruaj nreb, nws ua kom tus neeg tswv yim tsawg thoob tsib tuaj.

2. Huab Tais cov lus qhuab qhia yog lus ncaj, ua kom neeg lub siab kaj.
Huab Tais lo lus qhia ntshiab si ua kom neeg pom kev.

3. Kev hwm Huab Tais yog kev dawb huv.
Kev hwm Huab Tais nyob mus li.

4. Huab Tais txoj cai muaj nqe dua cov tseem kub, thiab qab dua sib ntab.


NKAUJ CAV TXOG MOO ZOO

Ntawv nkauj zaj 239 hais nqe 4

Nqe txais

Yes Xus Pleev, peb cav txog koj! Koj yog tus vaj muj koob meej nto moo lus.

4. Tswv Ntuj nyiam thiab hlub lub sim ceeb tas nrho.
Nws thiaj muab Nws Leej Tub rau xwv cov ntseeg txog Nws muaj txoj sia mus li.

HNUB CHIV 4 CAIJ PLAUB CAUG

NKAUJ PAJ NRUAG
(Ntawv nkauj zaj 88)

TSHUA YES LUS XAS LES (NPN 137)

Txais

Huab Tais, yog kuv tsis nco txog koj, thov kom kuv tus nplaig txhav.

1. Peb zaum ntawm ntus dej Npa Npis Los, peb nco txog Xis Yoos, peb kua muag poob.
Peb muab peb tej nkauj no ncas khuam rau tej ceg ntoo txiv muag nas.

2. Nyob ntawd, cov tub rog ua ntes peb, yuam peb hu nkauj.
Cov lwg peb, yuam peb ua lom zem.
"Nej hu Xis Yoos ib zag nkauj rau peb mloog."

3. Peb yuav ua cas hu tau Huab Tais ib zaj Nkauj nyob pem kuj teb?
Yes Lus Xas Les yog kuv tsis nco txog koj lawm, thov kom kuv sab tes xis qhuav.

4. Yes Lus Xas Les, yog kuv tsi nco txog koj, yog kuv tsi muab koj ua kuv qhov chaw zoo sib, thov kom kuv tug nplaig txhav.


NKAUJ CAV TXOG MOO ZOO
Ntawv nkauj zaj 239 hu nqe 4.

Rov mus saib rau ntawm hnub chiv 3 caij plaub caug,
yog tib zaj qub.