Los kuv coj nej mus xyuas tus Leej Ntshiab Saint Louis Grignion-Marie de Montfort

LEEJ NTSHIAB SAINT LOUIS GRIGNION-MARIE DE MONTFORT Nyob Saint-Laurent-sur-Sèvre, Fab Kis teb.

Nyob zoo ib tsoom phoojywg sawv daws, hnub no kuv yuav coj nej mus ncig xyuas thaj tsam ntawm ib tug Leej Ntshiab muaj lub koob npe nrov kawg nkaus nyob rau xeev 85 teb chaws Fab Kis Teb.( Saint Laurent-sur-Sèvre)








Louis Grignion-Marie de Montfort yog ib Leej Txiv Plig Ntshiab thiab nws yog ib Leej Txiv daws txhaum nyob rau hauv Koom Txoos Kas Tos Liv Los Mas.



Louis Grignion-Marie de Montfort yug xyoo 1673 nyob Bretagne hauv ib lub me nyuam zos me me hu li Montfort xeev 35 ze ntawm Rennes. Nws tau txiav txim siab mus kawm ua Txiv Plig, nws nce mus kawm tiav rau Paris thiab nws txais lub cim tiag tes rau xyoo 1700, nws rov los nyob hauv nws lub qub zos nyob ze Rennes, Louis Grignion-Marie de Montfort los muab nws cov nyiaj mus pub rau cov pluag tag nrho ces nws pib ua Tswv Ntuj txoj hauj lwm nyob rau Rennes nws kuj nqis los ua Yesxus txoj hauj lwm rau Nantes thgiab tseem mus txog Poitiers tib si. Tus Txiv Plig no kuj los tsim tau tsev kho mob rau cov neeg thaj tsam nyob rau Poitiers.







Txiv Plig Louis Grignion-Marie de Montfort kuj los tsim tau ib lub tsev kawm qhia kev cai thiab nws los tsim ib lub tsev txais cov neeg pluag, thawj tus phauj tuaj nrog nws ua hauj lwm hu ua Marie-Louise Trichet, cov phauj ntawm yog los ntawm lub npe Thoob Tsib hu ua "Filles de la Sagesse".

Cov Phauj peb thaij duab nrog no yog cov Phauj nyob lub tsev FILLES DE SAGESSES uas muaj tus Leej Ntshiab lub cev de Cire...sawv ntxov peb mus txog hauv cov phauj , peb tseem tib pab li li muag




Txiv Plig tso siab tag thov Niam Mab Liab pab nws, thaum Niam Mab Liab coj tau Louis Grignion-Marie de Montfort ua txoj num no rau Huab Tais Yesxus lawm ces Niam Mab Liab muab Txiv Plig Cob rau nws Leej Tub, Txij xyoo 1705 Txiv Plig niaj hnub pab cov me nyuam ntsuag thiab cov neeg pluag mus rau txoj kev zoo thiab raws txhaum pub txhua tus.













Nws ua Yesxus txoj num 16 xyoos ces nws tso ntiaj teb tseg mus nrog Yesxus nyob rau hnub tim 28 lub 4 hli ntuj xyoo 1716.











Confesseur
Naissance en 1673
à Montfort-sur-Meu
Décès le 28 avril 1716 (42 ans)
à Saint-Laurent-sur-Sèvre
Nationalité française
Béatification le 22 janvier 1888 à Rome, Italie
par Léon XIII
Canonisation le 20 juillet 1947 à Rome, Italie
par Pie XII
Fête 28 avril





Tag kis, kuv mam coj nej rov mus ncig dua, tseem tshuav lub roob thiab lub tsev Basilique uas muaj tus Leej Ntshiab no Keeb Kwm.

HNUB NO KUV YUAV COJ NEJ MUS XYUAS NTXIV NTAWM LEEJ NTSHIAB LOUIS GRIGNION-MARIE DE MONTFORT


Peb mus ncig hauv lub tsev Koom Txoos Basilique de Saint Laurent-sur-Sèvre. Kuj yog ib lub tsev teev ntuj loj heev .

LUB ROOB TUAM TSEV NTOO KHAUB LIG MUAJ 12 TUG TSHIAB ZOV ROOJ VAG NYOB SAINT LAURENT-SUR-SEVRE

Peb nce mus rau saum lub roob muaj 12 tug Tshiab zov lub rooj vag, lawv ib leeg tuav ib qho khoom qhia txog Yesxus los raug kev tsim txom taj peb cpv txhaum.







cov Tshiab nyob sab xis:



cov Tshiab nyob sab laug :






Thaj chaw no zoo nkauj tiag tiag, yog nej leej twg dua kev tuaj txog ntawm no, nej yeej mloog tau Tswv ntuj lub hwj huam nyob puag hauv nej nruab siab txhawv tawm kiag rau nej kua muag los. Zoo nkauj heev li nawb tsoom phoojywg Hmoob.






Mam tuaj tso ntxiv.....tseem tshuav Leej Ntshiab Louis Grignion-Marie de Montfort tej khoom tseem nyob, mam tuaj tso lwm zaus.

SAIB DUAB NTXIV NTAWM SAINT LOUIS GRIGNION-MARIE DE MONTFORT QHOV CHAW NYOB THIAB NWS TEJ KHOOM.











Saint Louis Grignion txoj saw Mab Liab ib txwm nrog nws ua ke:



Cov txheej txeem duab pob zeb nyob hauv nws lub cathedrale :






ZamPajLug2 tuaj mus xyuas thaj chaw Ntshiab ntawm no thaum lub 9 hli vas thib 19 xyoo 1996 :



Kuv los thov ntuj rau thaj chaw ntshiab ntawm no rau peb lub Vas Sab Hmoob Catholique thiab rau txhua tus phoojywg yuav tuaj fim peb kom nyob kaj siab lug thiab kom muaj kev ciaj sia zuj zus nyob ntawm Tswv Ntuj leej tub Yesxus:






Peb mus ncig SAINT LAURENT-SUR-SEVRE "SAINT LOUIS GRIGNION DE MONTFORT" los xaus li no...nyob thaj tsam 45 nas this caij tsheb mus ntawm kuv mus.



HNUB YEES COV DUAB NO YOG HNUb TIM 14 LUB 8 HLI NTUJ 2010. (Thov kom nej txhua tus nyob kaj siab lug)