Leej Ntshiab Npus Nos ( Saint Bruno)

Leej Ntshiab Npus Nos (Saint Bruno).

Hnub nco txog Leej Ntshiab Npus Nos tim 06/10 hlis.
Leej Ntshiab Npus Nos yug xyoo 1030 hauv Kos Loos, Zes Mas Nias teb. Npus Nos mus rau Fab Kis teb, nws mus qhia ntawv hauv lub tsev kawm txuj hauv lub nroog Lees.
Npus Nos ua hauj lwm tau 20 tawm xyoo ces thiaj ua ib siab tso tej cuab tam tseg tig los coj lub neej ua Txiv Twj Cuab.
Xyoo 1088, Vaj Qhia Us Npas Nos tim Ob xa xov kom Npus Nos los pab Vaj Qhia tiv thaiv tus vaj Oos Lis tim Plaub. Tom qab kev tiv thaiv no dhau mus, Vaj Qhia xav tsa Npus Nos ua Tswv Qhia, tab sis nws tsis kam txais lub mom no. Npus Nos thov rov qab mus coj lub neej ua Txiv Twj Cuab li qub.
Xyoo 1090, muaj tus neeg siab zoo tau pub ib thaj chaw rau Npus Nos pab Txiv Twj Cuab ‘Qhas Thus Xias’ nyob.
Tim 6 lub 10 hli 1101, Npus Nos thiaj tuag.
Npus Nos yog tus Txiv Twj Cuab qhia kom cov ntseeg ntseeg tias thaum lawv tab tom ua Thaj Txi Ntuj, mas Huab Tais Yes Xus nqes los nyob ntawm lub Thaj Txi Ntuj ntawd tiag. Npus Nos sau tias “Kuv ntseeg txog lub Cim Yug thiab kuv hwm lub Cim Yug ntawd. Lub Cim Yug yog Huab Tais Yes Xus lub cev thiab cov ntshav, yog li thaum peb txais lub Cim Yug mas peb thiaj tau txais kev zam txim thiab vam khom txog txoj sia nyob mus li.”

Tus sau : Zoo Tswv Zov Yaj.