Qhia txog yam huv thiab tsis huv ( Pure/ Impure)

**Maiv Paj Lug** 12th June 2010, 2:41 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Qhia txog yam huv thiab tsis huv ( Pure/ Impure)

Post Maiv Paj Lug 12th June 2010, 2:41 am

QHIA TXOG YAM HUV THIAB TSIS HUV ( Mas Tais 15:10-20)

Yesxus hu tsoom sid kom txav los ze nws. Nws hais tias:

" Nej mloog kom nej to taub! Tsis yog tej yam nkag hauv neeg lub qhov ncauj ua kom neeg tsis huv ; yog tej yam uas tawm hauv lub qhov ncauj los ua kom neeg tsis huv."

Cov thwj tim txav los ze Yesxus, lawv hais tias:

" Koj puas paub tias cov fas lis xais hnov koj hais li ntawd , mas lawv tsis txaus siab?"

Yesxus teb tias:

" Tus yub twg tsis yog kuv txiv nyob saum ntuj cog, mas yuav muab dob pov tseg. Cia lawv chim lawv: lawv yog ib co neeg dig muag coj ib pab dig muag kev! Vim tias ib tug dig muag coj lwm tus dig muag kev, mas nkawv yua ua ke mus poob qhov."

Pob Zeb hais rau Yesxus tias :

"Koj txhais cov lus paj lug ntawv rau peb."

Yesxus thiaj li hais tias:

" Nej tsis muaj tswv yim thiab los? Nej tsis to taub tias tas ib puas tsav yam uas nkag hauv nej qhov ncauj, dhau mus hauv plab, ces mus xaus rau nram chaw tawm rooj. Hos yam uas tawm hauv qhov ncauj los, yog xeeb hauv nruab siab tuaj, mas yam ntawv ua kom neeg tsis huv. Tej yam xeeb hauv nruab siab tuaj yog : Kev ntaus tswv yim ua phem, tua neeg, deev luag txij nkawm, ua dev ua npua, ua tub sab, ua tim kawv cuav, thuam Ntuj. Tej no ua kom neeg tsis huv. Tab sis noj mov tsis ntxuav tes ,tsis ua kom neeg tsis huv. ( Lis no Tswv Ntuj hais tias txhua yam zaub mov yus noj huv tag nrho. )