Tsis txhob mob siab txog dab phem kev lim hiam

**Maiv Paj Lug** 5th December 2010, 8:35 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Tsis txhob mob siab txog dab phem kev lim hiam

Post Maiv Paj Lug 5th December 2010, 8:35 am

Thaum twg muaj ib thxia neeg nrhiav kev lim hiam , kev npau taws , kev ntxub ntxaug, kev tawm tsam rau peb, peb yuav tsum tsis txhob txiav txim rau cov neeg ntawv.

Tiam sis peb yuav tsum saib ntsoov dab phem txoj kev lim hiam rau peb ntag, sij hawm ntawv cov neeg lim hiam rau peb ,lawv tsis ceev faj twb yog dab phem tshoj kom lawv ua phem rau peb, vim peb paub txog TSWV NTUJ, hos tus lim hiam nws tsis paub txog TSWV NTUJ.

Peb tsis txhob mob siab, txob nrog dab phem npau taws, vim dab phem ntxub peb heev.

Yog thaum twg tej yam no tshwm sim rau peb, peb kav tsij saib ntsoov dab phem tus yeeb yam tab tom ua hauj lwm rau peb ntsia, dab phem siv tus ntsuj plig ntawm cov neeg caw dab phem nkag hauv lawv nruab siab tuaj tawm tsam peb.

Yog peb tseem teb npau taws, tseem teb npau ciaj npau tuag rau lawv thiab ces peb kuj tab tom nkag rau dab phem qhov yeeb yam: yam no nws tsis tuaj ntawm TSWV NTUJ.

Li ntawv, peb yuav tsum ceev faj ntsoov rau peb tus kheej, peb yuav nyob rawv hauv txoj kev thaj yeeb, peb yuav tos ntsoov txhob maj, peb yuav tso peb lub siab, peb tus ntsuj plig thiab peb lub hlwb tig mus kom nyob rawv ntawm TSWV NTUJ nkaus xwb.

Thaum twg yog nyuab rau peb dhau lawm, peb uv tsis taus, peb kav tsij siv kiag peb tus Huab Tais Yesxus tus yam ntxwd uas thaum nws raug kev tsim txom pub rau peb hauv txoj kev hlub. Yesxus raug luag hiam, raug luag tsim txom nyhav , tiam sis Yesxus siv kev hlub thiab hais kev hlub rau lawv xwb.

Thaum peb hais lus rau cov neeg qhib kev rau dab phem sib lawv lub siab, peb yuav tsum siv kev hlub, siv kev thaj yeeb, siv kev tus, siv kev mos kev muag, siv kev txo peb hwj chim, siv peb kev zam , thiab peb yuav tsis txhob nov qab foom koob hmoov ua ntej rau lawv thiab thov ntuj rau lawv.

Tus neeg tawm tsam koj, nws yuav yeej koj lub sij hawm dab phem tshoj nws, tiam sis nws yuav mus nyob tib tug npau thoj npau chim tsis paub muaj kev kaj siab hauv nws siab, hos koj yog tus nyob tus, cia nws ua nws, tam sim koj yuav yog tus tu siab, tiam sis koj yuav los nyob ua neeg kaj siab , yuav muaj cov neeg ib ncig ntawm koj ib sab pom koj txoj kev tus, txoj koj kev zam, thiab koj txoj kev hlub, luag yuav txav ti koj.

Kuv zoo siab ntau sau cov lus no rau peb daws kev tu siab kev chim thaum peb raug dab phem tshoj neeg lim hiam rau peb .

May Paj Lug .