TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

**Maiv Tooj** 27th February 2014, 9:39 am

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°1

TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

Post Maiv Tooj 27th February 2014, 9:39 am

Tsa Vaj Qhia Zam XXIII thiab Zam Paj Lug II ua Leej Ntshiab.

Txiv Vaj Qhia Faas Tshes Kus tshaj tawm hnub tim 30 lub 9 hlis 2013 tias yuav tsa Vaj Qhia Zam XXIII (1881-1963) thiab Zam Paj Lug II ( 1920-2005) ua Leej Ntshiab rau hnub Chiv Tswv Ntuj lub siab khuv leej neeg tim 27-04-2014.

Neeg Is Tas Lias, Angelo Giuseppe Roncalli, Tiam lis nyob Fab Kis teb xyoo 1944-53, tsa ua vaj qhai hnub tim 28-10-1958. Nws tau hu tag nrho tsoom Tswv Qhia thoob ntiaj teb tuaj koom Rooj Ncauj Lus Vas Tis Kaas II (1962-65). Vaj Qhia Zam Paj Lug II tsa nws ua cov neeg siab ntshiab rau hnub tim 3 lub 9 hlis 2000, vim nws txoj kev ntshiab.

Yog vim hmo uas tsa Zam Paj Lug ua neeg siab ntshaib tag, ib tug poj niam Costarica thov txog vaj qhia pab thov Ntuj rau nws ua rau nws tus mob zoo hlo, hnub tim 1 lub 5 hlis 2011, thiaj ua kom Vaj qhia Zam Paj Lug II tau ua Leej Ntshiab.

**Tub Kawm** 4th March 2014, 4:47 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°2

Re: TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

Post Tub Kawm 4th March 2014, 4:47 am

Nyob zoo N.hlob, thov ua tsaug uas koj tso qhov xov xwm tshiab no rau sawv daws paub og. Thov kom Tswv Ntuj txuag nws cov txib.

**NrhiavTswvNtuj** 28th April 2014, 10:38 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°3

Re: TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

Post NrhiavTswvNtuj 28th April 2014, 10:38 am

TSAV VAJ QHIA ZAM 23 THIAB VAJ QHIA ZAM PAJ LUG 2 UA LEEJ NTSHIAB.

Nag hmo, tim 27-04-2014, muaj tshaj 800.000 leej neeg thoob qab ntuj tuaj mus tsa ob tug vaj qhia hauv keeb kwm uas tsis tau muaj dua los ua Leej Ntshiab nyob rau Tuam ceeb Vas Tis Kaas.

Xyeej thaum twg mam tuaj tham txog ob tug vaj qhia cov txaj ntsim uas tau los ua Leej Ntshiab.

Messe de canonisations de Jean XXIII et de Jean-Paul II

**Mim** 30th April 2014, 2:58 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°4

Re: TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

Post Mim 30th April 2014, 2:58 am

Nyob zoo txhua leej txhua tus,

Ua tsaug tais Tooj, koj tuaj tso cov video txog vaj qhia Francis tsa Zam XXIII thiab Zam Paj Lug II ua leej ntshiab.

Kuv tsis paub hais tias peb puas paub txog Koom Txoos txoj cai tsa ib tug neeg ua leej ntshiab. Yog li ntawd kuv tuaj piav me me txog, kom cov uas tsis tau paub ho paub me ntsis.

TXOJ KEV TSA UA LEEJ NTSHIAB NYOB HAUV KOOM TXOOS KAS TOS LIV

Ua ntej kuv yuav piav txog Koom Txoos Kas Tos Liv txoj cai tsa leej ntshiab, kuv xav xub hais ob peb los ua ntej kom peb sawv daws to taub tias tsis yog vim Koom Txoos tsa ces cov neeg ntawd thiaj tau ua leej ntshiab. Ib tug neeg uas nws coj lub neej haum Tswv Ntuj siab, thaum nws tas sim neej, nws tau mus nrog Tswv Ntuj nyob, ces nws yeej yog leej ntshiab lawm, tsis tas kom Koom Txoos tsa tso nws mam tau mus saum ntuj mam tau ua leej ntshiab. Thaum Koom Txoos tsa ib tug neeg ua leej ntshiab, tsuas yog Koom Txoos lees paub thiab Koom Txoos xav kom tsoom ntseeg paub txog tus neeg ntawd lub neej ua neeg ntseeg zoo npaum li cas, kom sawv daws muab nws saib ua ib tug qauv zoo rau lawv xyaum ua lawv lub neej xwb. Thiab lawv kuj muaj cai thov tus leej ntshiab kom nws thov ntuj pab lawv.

Nram no mus kuv yuav pib piav txog txoj kev tsa ua leej ntshiab nyob hauv Koom Txoos Kas Tos Liv. Ib tug neeg yuav raug tsa ua leej ntshiab yog vim muaj neeg txhawb mas lub Koom Txoos thiaj li tsa nws ua leej ntshiab.
Muaj plaub qib.

Thawj thawj qib: Tswv Ntuj tus Tub Txib (Servant of God)

Thaum muaj ib tug neeg uas coj ib lub neej hwm Ntuj zoo thiab dawb huv tag sim neej, tus kev cai yuav tsum tos li 5 xyoos, mas Koom Txoos mam li pib cov dej num yuav tsa nws ua leej ntshiab. Muaj tej tus neeg kuj tsis siv sij hawm ntev, tiam sis muaj tej tus neeg mas yog ntau pua xyoo tom qab mam tau tsa nws ua leej ntshiab. Kev cai yog tus txiv plig uas paub tus neeg ntawd zoo ua tus xub tawm suab thov mus rau tus tswv qhia hauv nws lub cheeb koom txoos tias kom pib ua txoj hauj lwm tshawb nrhiav txog tus neeg no lub neej saib puas tsim nyog tsa nws ua leej ntshiab. Yog tswv qhia txais tias yuav ua qhov ntawd, ces tus neeg ntawd nyob rau qib ib, uas hu tias nws yog Tswv Ntuj tus Tub Txib.

Qib Ob: Tus Tsim Nyog Hwm (Venerable)

Tus Tswv Qhia tshawb nrhiav thiab xa tej ntaub ntawv, tej lus pov thawj txog tus neeg ntawd lub neej mus rau tim Vas Tis Kaas qhov chaw saib xyuas txog kev tsa cov leej ntshiab. Thaum lawv soj ntsuam tus neeg ntawd lub neej, yog lawv pom tias tus neeg ntawd yog ib tug ua lub neej tsim txiaj coj zoo (virtuous), nws muaj kev ntseeg zoo, thiab nws tau txais txiaj ntsim koob hmoov ntawm Tswv Ntuj, ces nws nce mus rau qib ob, uas nws tau lub npe hu tias Venerable: nws yog Tus Tsim Nyog Hwm. Txij thaum no mus Koom Txoos tso cai kom cov ntseeg thov tus neeg ntawd kom thov ntuj pab lawv thaum lawv muaj kev mob nkeeg los kev nyuaj siab los tau.

Qib Peb: Tus Tau Txais Txiaj Ntsim (Blessed)

Thaum muaj neeg thov txog tus neeg thiab tau txais txiaj ntsim kev pab, xws li thaum ib tug neeg muaj mob loj kws tshuaj kho tsis tau lawm, nws thov txog ces nws cia li zoo hlo lawm. Koom Txoos tshawb tag thiab txais tias qhov kev mob zoo hlo no yog ib qho hwj huam yees ntxwv uas Tswv Ntuj ua vim tus Tsim Nyog Hwm tau thov ntuj pab thiaj zoo. Ces thaum ntawd nws nce mus rau qib hu tias tus Tau Txiaj Ntsim. Qib no lus Aas Kiv thiab Fab Kis hu ua beatification. Ib yam li xyoo 2011 lub 5 hlis tim 1, vaj qhia Npes Nes Dis XVI tau ua thaj txi ntuj tsa Zam Paj Lug II ua Tus Tau Txais Txiaj Ntsim. Thaum ntawd zoo li peb ib txhia tau hais txog tias yog tsa Zam Paj Lug II ua leej ntshiab no, tiam sis yog hais ntawm txoj cai ces tsis tau yog.

Qib Plaub: Leej Ntshiab (Saint)

Thaum tus neeg tau nce txog qib peb uas yog tus Tau Txiaj Ntsim lawm, lub Koom Txoos tos kom nws ua ib yam hwj huam pab neeg ntxiv, ces Koom Txoos thiaj mam muab nws nce mus rau qib kawg, yog tsa nws ua Leej Ntshiab. Qib no lub npe hu ua canonization. Hnub Chiv dhau los no, vaj qhia Francis tau ua canonization rau Zam XXIII thiab Zam Paj Lug II, nws tau tsa nkawd ua Leej Ntshiab. Txij no mus ces peb yuav hu tias leej ntshiab Zam XXIII thiab leej ntshiab Zam Paj Lug II lawm.

Ob Peb Lo Lus Txog Kev Tshawb Nrhiav

Xav piav me ntsis txog kev tshawb nrhiav txog ib tug neeg lub neej saib puas tsim nyog tsa nws ua leej ntshiab.
- Yuav tsum tshawb nrhiav txog saib nws lub neej muaj dab tsi, nws puas nto koob meej phem los zoo thiab yog vim li cas, nws tej dej num nws tau ua nyob ntiaj teb no yog dab tsi.
- Yuav tsum tshawb kom paub meej tias tsis tau muaj leej twg lam cia li tsa nws ua leej ntshiab uas tsis yog lub Koom Txoos tau tsa.
- Yuav tshawb tus neeg ntawd tej ntaub ntawv uas nws tau sau thiab nws tej lus nws tau hais kom zoo saib nws puas tau hais los sau tej yam txhaum kev ntseeg Kas Tos Liv.

Hais txog hwj huam yees ntxwv:
Yog ib tug mob tau txais txiaj ntsim hwj huam kho nws tus mob zoo hlo vim nws tau thov ib tug uas Koom Txoos tau tsa ua tus Tsim Nyog Hwm los puas tus Tau Txais Txiaj Ntsim, mas nws yuav tsum hais rau Koom Txoos paub. Koom Txoos yuav mloog nws cov lus pov thawj, tiam sis Koom Txoos tseem yuav tsum tau mus nrhiav pov thawj ntawm tej kws txuj thiab tej kws kho mob, thiab tej tsev kho mob. Yog lawv hais tau tias lawv tsis muaj kev yuav qhia tau tias yog vim li cast us neeg ntawd tus mob cia li zoo hlo tau lawm. Thaum ntawd Koom Txoos thiaj mam zeem tias yog ib qho hwj huam yees ntxwv. Yog lawv qhia tau tias yog vim li cast us neeg tus mob thiaj zoo mas Koom Txoos tsis lees tias yog ib qho hwj huam.

**Maiv Tooj** 21st July 2014, 5:38 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB

Post Maiv Tooj 21st July 2014, 5:38 pm

Cov kuj cuab

ZAJ LUS TSEEM CEEB HAIS TXOG 2 TUG VAJ QHIA

TSA VAJ QHIA ZAM 23 THIAB ZAM PAJ LUG 2 UA LEEJ NTSHAIB Canoni10

Cov kwv tij, hnub no zoo hnub, rau qhov tias peb yuav tshaj ib zag lus tseem ceeb txog ob tug Vaj Qhua lub neej thiab nkawd tej hauj lwm tseem ceeb Tus ib mas lub npe hu ua Zam 23. Nws tau ua Vaj Qhia 5 xyoo, yam li txij ntawm xyoo 1958 mus txog xyoo 1963 .
Tus 2 lub npe hu ua Zam Paj Lug 2. Nws tau ua Vaj Qhia lub luag hauj lwm tseem ceeb 27 xyoo sis law, txij ntawm xyoo 1978 mus txog xyoo 2005
Mas ib zaj xov xwm tseem ceeb uas peb yuav zoo siab khaws tseg kuj mus li no tias nyob tim lub loog Vas Tis Kaas, hauv teb chaws Is Tas Lias mas hnub tim 27 lub 4 hli xyoo 2014 peb tus Vaj Qhia Fas Ntshis Kus tau tshaj lus tawm tias : ob tug Vaj Qhia nkawd yog ob tug Leej Ntshiab, Ces ob hnub no ,peb thiaj muaj cuab kav thov ob tug Leej Ntshiab ntawd pab peb, Ces peb zoo siab thov kom Leej Ntshiab Zam 23 thiab Leej Ntshiab Zam Paj Lug 2 cev peb tej lus rau Huab Tais Tswv Ntuj, thiab peb yuav thov kom nkawd pov hwm thiab roos peb tsev neeg thiab peb lub teb chaws

XUB HAIS TXOG VAJ QHIA ZAM 23
Nws lub npe hluas hu ua AAS NTSES LAUS LOOS KAS LIS . Nws yug los xyoo 1881 hauv teb chaws Is Tas Lias,hauv lub zos XOS LOS IS MOOS TES , Nws niam nws txiv ua teb noj, kom xwv lawv tsev neeg muaj noj muaj haus. Nkawd kuj tsis yog neeg muaj thiab. Thaum AAS NTSES LAUS LOOS KAS LIS tseem yau mas nws niam thov kom niam Mab Liab pov hwm nws tas nws sim neej
Thaum nws ua Tswv Qhia Liab, mas nws kuj tau ua lub Koom Txoos ib tug Tiam Lis. . Nws thiaj mus ua nws tej hauj lwm tseem ceeb ntawd hauv 4 lub teb chaws xws li no tias Npus Nkas Lis, teb chaws Tws Kis , teb chaws Hes Las thiab teb chaws Fab Kis. .Thaum nws nyob hauv teb chaws Tws Kis, uas yog ib lub teb chaws cov pej xeem yuav luag tas tug coj kev cai Maws Xis Lim, mas Tswv Qhia.AAS NTSES LAUS LOOS KAS LIS, xyiv fab pab tej pab neeg coob kom rov sib haum xeeb. Mas los txog tav no ,nyob hauv teb chaws Tws Kis ntawd tej pab neeg Tws Kis ,mas ib cov pej xeem Tws Kis hais kam lo lus tias :” Thaum nws nrog peb nyob, mas nws nyiam peb lub teb chaws thiab nws hlub peb kawg nkaus.
Nws mus ua Tswv Ntuj tej qav tej num hauv teb chaws twg, mas sawv daws huv tib si qhuas txog nws hais tias ; nws yog neeg me.tsis khav theeb. Leej twg los mus ntsib nws mas thiaj yuav nrog nws ua phooj ywg yooj yim- Nws kuj tshaj lus rau ib pab neeg coob, mas ntau ntau zaus nws kuj txhib sawv daws taug kev sib nyiam sib hlub,yam li sawv daws yuav nco ntsoov tias luag lwm leej lwm tus kuj yog Tswv Ntuj ib tug duab.
Xyoo 1958 , hnub tim 10 lug 10 hlis mas ib pab Tswv Qhia Liab nyob Los Mas pov ntawv los xaiv nws ua Vaj Qhia. Nws mam li kub siab ua Ntuj lub luag hauj lwm ntawd 5 xyoo sis law, rov mus txog xyoo 1963 . Nws tau xyiv fab saib pawg ntseeg Kas Tos Liv nyob thoob ntiaj teb. Xyoo 1960 nws tshaj ib cov lus txawv txav tias : tas cov Tswv Qhia 3.000 tawm leej ,uas nyob hauv ntau lub teb chaws yuav sib sau los ua lub Rooj Ncauj Lus Vas Tis Kas 0b - Yog vim li ntawd ces lub Rooj Ncauj Lus Vas Tis Kaas 2 tau qhib xyoo 1962. rov mus txog xyoo 1965 .Ho lub hom phiaj ntawm lub Rooj Ncauj Lus Vas Tus Kas 2 ntawd kuj mus zoo li no tias :” Yuav pab kom lub Koom Txoos rov plhis tshiab tuaj “.
Cov kwv tij hauv tas txhia lo lus uas Vaj Qhia Zam 23 thiab cov Tswv Ntuj huv si tau tshaj tawm hauv lub Rooj ncauj Lus Vas Tis Kas 2 ntawd mas yog lo lus tseem ceeb no tias ::” Nyem no mus lawm yav tom ntej mas cov ntseeg Kav Tos Liv hauv teb chaws twg kuj xij lawv mas nyias siv tau nyias xeem lus thiaj sib sau los teev Tswv Ntuj, zoo li ua Thaj Txi Ntuj ,mas cov ntseeg Kav Tos Liv siv tau nyias xeem lus raws li lawv sawv daws nyias hais kam nyob hauv lawv teb chaws – ces yuav tsis siv xeem lus Las Tis Nas li qub los mas “
Lo lus ntawd thiaj yog ib cov lus tseem ceeb, vim tias thaum peb teev Ntuj, zoo li sib sau ua Thaj Txi Ntuj ,mas peb yuav to taub tas cov lus ua Txiv Plig hais. Yog vim qhov ntawd ces tas cov txoos teev Ntuj nyob thoob ntiaj teb thiaj tau zoo siab kawg nkaus
. Cov kwv tij,nyem no mus thiaj thov kom nej mloog 2 zaj lus uas Vaj Qhia Zam 23 tau sau tseg , Zoo li tias :
1 ( Yog lo lus txhib peb siab los ua siab ntev thiab hais tau lus zoo rau luag ). Vaj Qhia Zam 23 sau lo lus no tias :” Tus tib neeg twg npau taws sai thiab cem luag tej, mas yeej tsis yog raws li Tswv Ntuj lub siab – Peb tsoom ntseeg yuav ua siab ntev- peb yuav kub siab hais lus zoo rau luag. Peb yuav ua neeg me – tsis txhob ua neeg muab hlob los mas “
2 ( Yog lo lus uas Vaj Qhia Zam 23 tau sau tseg xyoo 1955- Zoo li Vaj Qhia pab ntuas kom xwv peb thiaj nco txog qib lus uas peb hais kam hauv zaj KUV NTSEEG uas yog lo lus no tias ;” Ntseeg txog tsoom Leej Ntshiab sib koom Ntuj lub txiaj ntsim )
Vaj Qhia sau lus zoo li no tias:” Kuv yog Tswv Qhia hauv lub nroog Ves Nis Xias lawm .mas kuv yeej nco tias” Kuv 3 tus muam tau tas sim neej. Kuv yeej tu siab kawg nkaus. Tab sis niaj hnub no kuv yeej thov Tswv Ntuj pab lawv peb leeg. Hos qhov loj tshaj uas nplij kuv lub siab kom zoo kuj mus zoo li no tias : kuv ntseeg khov kho tias lawv peb leeg, nyob pem Ntuj Lub Ceeb Tsheej ,lawv tab tom thov Tswv Ntuj tas zog los pab kuv. Lawv kuj zoo siab teev Ntuj pab kuv kawg nkaus. Lawv hlub kuv ntau dua yav dhau lawm.uas peb ua neej ua ke nyob ntiaj teb no Thiab lawv peb leeg laj tos txog hnub kuv yuav tau nrog lawv nyob,nyob pem Tswv Ntuj lub Ceeb Tsheej”
Cov kwv tij, Vaj Qhia Zam 23 ntseeg khov kho tias : tab txawm peb tsis pom peb niam peb txiv, peb cov kwv tij neej tsa vim lawv tau tso lub ntiaj teb no tseg, tsis kav kev sib nyiam sib hlub nyob nruab nrab lawv thiab peb kuj tseem ciaj sia nyob rawv li qub. Ces txog lub caij peb teev Ntuj mas peb kuj thov Ntuj pab lawv. Hos cov tau tas sim neej ntawd, lawv haj yam hlub peb ntau dua lub caij dhau los lawm uas peb nyob ua ke nyob ntiaj teb no lawm.
Cov kwv tij thaum peb sib sau los ua Thaj Txi Ntuj ,peb thiaj yuav zoo siab hais lus no tiag ;” Ntseeg txog tsoom Leej Ntshiab sib koom Ntuj lub txiaj ntsim )
=== Cov kwv tij, tsim nyog peb yuav ua Ntuj tsaug, rau qhov tias txij ntawm xyoo 1958 rov mus txog xyoo 1963 Tswv Ntuj tau pub Vaj Qhia 23, ua ib tug Vaj Qhia siab zoo siab thiab kub siab ntseeg ,los saib peb pawg ntseeg Kav Tos Liv huv tib si.

PAJ NRUAG

ZAM PAJ LUG 2
Cov kwv tij ,txij ntawm xyoo 1963 rov mus txog xyoo 1978 tus Vaj Qhia npe hu ua Paj Lug 6. Yam li nws tau ua Vaj Qhia 15 xyoo rov mus txog xyoo 1978
Hos xyoo 1978, nyob Los Mas, 100 tawm tus Tswv Qhia Liab tau pov ntawv xaiv ib tug Vaj Qhia tshiab .- Nws lub npe hluas hu ua KAS LOS VOS TIS LAS - Hnub tim18 lub 5 hlis xyoo 1920. nws yug los hauv teb chaws Pos Kas , nyob Aws Los Pas teb ,.hauv lub nroog VAS DOS VIS TSES – Hnub tim 20 lub 6 hlis, xyoo 1920, KAS LOS VOS kuj tau txais lub Cim Ntxuav
Thaum KAS LOS VOS TIS LAS tseem yau mas nws niam thiab nws tus kwv kuj raug mob loj thiab nkawd tau tas sim neej
Ces txij ntawm xyoo 1978 los mus nws thiaj muaj lub npe ua Vaj Qhia hu ua ZAM PAJ LUG 2
Cov kwv tij, cov ntseeg Ntuj hauv lub nroog VAS DOS VIS TSES , lawv coob leej tseem nco txog Vaj Qhia Zam. Paj Lug 2 kawg nkaus Zoo li ib tug poj niam uas npe hu ua KAS LOS LIS NAS, hnub nyoog 29 xyoo,thiab nws hais zoo li no tias : “Cov zaj lus uas Vaj Qhia Zaj Paj Lug tau sau tseg , mas kuv tau twm tas huv si. “ Hos ib tug txiv neej uas lub npe hu ua Mis Kas hnub nyoog 30 xyoo,nws ua tim khawv zoo li no tias :” Hauv peb nroog VAS DOS VIS TSES no, mas peb tsoom ntseeg huv tib si kuv nco txog Vaj Qhia Zam Paj Lug 2 - Tsis yog nco xwb - Qhov tseeb mas peb kuj niaj hnub thov nws pov hwm peb, zoo cuag li peb sawv daws xub ntseeg tias yuav muaj ib hnub nws yuav yog ib tug Leej Ntshiab , nyob pem Tswv Ntuj lub Ceeb Tsheej “
Cov kwv tij, Vaj Qhia Zam Paj Lug 2 kuj yog thawj tus Vaj Qhia uas tau ncig lub ntiaj teb ntau tshaj cov Vaj Qhia ua nws ntej.
Hos hnub 2 lub 6 hls xyoo 1979 mas Vaj Qhia Zam Paj Lug 2 rov mus txog lub teb chaws Pos Kas uas lub teb chaws nws yug los..Hos peb sawv daws tseem nco tias :txij ntawm xyoo 1945 mus, cov pej xeem Pos Kas kuj zwm rau txoj cai Koom Tshaj.
Mas saib txij ntawm xyoo 1978 mus , ib cov pej xeem Pos Kas coob ua siab loj siab tawv qhawv ua ib yam uas cov nom tswv koom tshaj txwv tsis pub ua, yam li lawv txhim tsa lawv ib lub koom haum los pab sawv daws sib npuab siab thiab koom siab koom ntsws.
Ua li nyob hauv lub tuam ceeb Vas Xos Vias, hnub 2 lub 6 hlis xyoo 1979 ntawd Vaj Qhia thiaj mus tshaj tej lus tseem ceeb rau ib cov neeg coob kawg nkaus . Tau muaj txog 250.000 tus pej xeem tuaj mloog Vaj Qhia Zam Paj Lug 2 lo lus qhia sawv daws tias “ Nej tau ua siab loj siab tawv qhawv txhim tsa nej ib lub koom haum tseem ceeb -.Mas kuv zoo siab kawg .Thov kom nej nco tias ; raws li Tswv Ntuj tej zaj lus tseem ceeb mas tsoom neeg sawv daws huv tib si nyob thoob ntiaj teb yeej muaj cai coj lub neej nyob twj lij, ces thiaj tsim nyog muaj lub npe hu ua neeg. Ua li hauv teb chaws Pos Kas no kuv vam tias yuav tsum muaj ib hnub uas nej yuav muaj cai coj rawv Huab Tais Ntuj lo lus thoob tsib ”
Mas tsis tas yuav hais rau nej tias cov pej xeem Pos Kas uas tau mloog tej lo lus tseem ceeb ntawd, lawv zoo siab heev. Ces cov pej xeem Pos Kas ntawd lawv lub koom haum mam li haj yam muaj zog zuj zus
Cov kwv tij peb sawv daws mam li nco tias :” Tib lub xyoo 1979 ntawd mus ces cov pej xeem uas tau sawv los tiv txoj cai Koom Tshaj ,lawv yeej cov qub nom tswv Koom Tshaj , ces lawv rov coj dua ib lub neej nyob twj lij - Mas tsis yog vim lawv tua phom tua cov thawj coj, Tab sis yog vim lawv tau muaj ib lub siab loj siab tawv qhawv tshaj lus nrov nrov tias lawv yeej xav coj lub neej haum lub Moo Zoo, Ces thiaj tau muaj qhov muaj nqe raws li Vaj Qhia Zam Paj Lug 2 tej lus ntuas cov pej xeem ntag “
Cov kwv tij peb tseem nco tias: txij ntawm xyoo 1979 los mus, mas nyob hauv tej lub teb chaws koom tshaj yeej muaj tej pab neeg chim siab kuj yog vim tias, hauv teb chaws Pos Kas , txoj cai koom thiaj ploj ntais – Cov qub nom tswv tau txo lawv lub hwj chim ua nom tas lawm.
Ces saib hnub 13 lub 5 hlis xyoo 1981 thiaj muaj xwm phem zoo li no tias : nyob tim lub nroog Los Mas, mas Vaj Qhia caij tsheb ncig lub tshav puas Leej Ntshiab Pob Zeb. Muaj ib co neeg coob zoo siab npuaj teg los hwm lawv tus Vaj Qhia Zam Qhia Zam Paj Lug 2. Ua cas nyob hauv pab neeg coob ntawd thiaj muaj ib tug txiv neej siab phem, uas tuaj ntawm lub teb chaws Tws Kis tau nqa rab phom, ces nws tua ob phom.los raug Vaj Qhia uas nws nyob hauv lub tsheb los nyob ze ntawm qhov ntawd. -Vaj Qhia raug sab kawg - Mas txij ntawm hnub ntawd mus mas ib cov neeg ntseeg coob,uas nyob Los Mas thiab nyob pej kum teb,lawv thov Ntuj tas zaj tas zog, kom xwv lawv tus Vaj Qhia yuav rov khees zog. Txoj hmoov zoo tias : Vaj Qhia kuj tsis tuag. Nyob nyob, Vaj Qhia rov ua nws tej hauj lwm li qub.
= Cov kwv tij, Vaj Qhia kuj yuav ua Ntuj tej qav tej num ntxiv mus -Nws tseem muab siab rau ncig lub ntiaj teb hauv ntau lub teb chaws.
Zoo li hnub 2 lub 8 hlis xyoo 1997, Vaj Qhia Zam Paj Lug 2 tuaj txog lub tuam ceeb Pas Lis, tim Fab Kis teb - Hnub ntawd thiaj tau muaj ib pab tub ntxhais hluas Kav Tos Liv coob tuaj ntawm 160 lub teb chaws .-Lawv coob txog ntawm 500.000 leej . Lawv kuj tau zoo siab mloog Vaj Qhia tej lo lus txhib lawv sawv daws kom xwv lawv kub siab ua tim khawv txog txoj kev ntseeg Ntuj >
Tab sis xyoo 2004 mus Vaj Qhia Zam Paj Lug 2 kuj nkees zuj zus rov mus txog lub 4 hlis xyoo 2005 -Hauv lub tshav puam Leej Ntshiab Leej Ntshiab Pob Zeb ib pab neeg coog sib sau thov Tswv Ntuj tas zaj tas zog los pab lawv tus Vaj Qhia . .Txawm li cas los hnub tim 2 lub 4 hlis xyoo 2005 nws thiaj li tau tso ntiaj teb no tseg - Thaum ntawd nws hnub nyoog 85 xyoo.
Cov kwv tij Vaj Qhia Zam Paj Lug 2 tej teeb meem loj tas nrho. Txawm li cas nws ib siab ua Ntuj tej qav tej num ntxiv mus
Cov kwv tij, nyem no mus, thov kom nej mloog 3 zaj lus tseem ceeb uas Vaj Qhia Zam Paj Lug.2 tau sau tseg
1: ( Yog lo lus qhia peb kom xwv peb tso siab lug ) Vaj Qhia Zam 23 sau lus zoo li no tias :” Hauv peb pawg ntseeg, huv si mas peb yuav nco tias peb nyias ua ntau yam hauj lwm raws li nyias lub siab txiav txim ib siab ua tau -Peb ib siab ua tej hauj lwm raws li Tswv Ntuj hu peb ua mus, ua mus.. Mas peb yuav tso siab lug tias : Huab Tais Tswv Ntuj yeej khaws tas ib puas tsav yam hauj lwm uas peb niaj hnub no tseg , ces yuav muaj ib hnub peb thiaj tsim nyog mus pem Tswv Ntuj lub Ceeb Tsheej
2: ( Yog lo lus hais txog 7 lub Cim tseem ceeb uas pab nqa Tswv Ntuj tej txiaj ntsim cawm neeg ) . Vaj Qhai Zam Paj Lug 2 tshaj lus zoo li no tias :” Nyob hauv peb nruab siab mas Leej Ntuj Plig Ntshiab kuj nqes los pab txhawb nqa peb tej nplooj siab nplooj ntsws. Hos, yog thaum peb txais 7 lub Cim tseem ceeb ntawd, mas peb haj yam coj lub neej npuab Tswv Ntuj lub siab ruaj nreb khov kho
3: ( Yog lo lus txhib peb siab los teev hawm Tswv Ntuj ). Vaj Qhia Zam Paj Lug 2 sau tej lus zoo li no tias :” Txhua txhia lub caij peb teev hawm Tswv Ntuj, mas thawj yam ceeb ceeb peb yuav muab siab rau ua yog qhov tias : peb yuav nco txog Tswv Ntuj tej txiaj ntsim thiab peb yuav cav txog Tswv Ntuj lub koob meej. Tsis tas li ntawd , peb yuav muab tas peb tej siab ntsws los cev rau Tswv Ntuj.. Yeej yog raws li lo lus uas Huab Tais Yes Xus tau hais tias :” Qhov kuv nyiam txais ntawm nej mas thiaj yog kev nyiam thiab kev khuv leej neeg “
… Cov kwv tij, tsim nyog peb yuav ua Ntuj tsaug, rau qhov tias txij ntawm xyoo 1978 rov mus txog xyoo 2005 , Tswv Ntuj tau pub Vaj Qhia Zam Paj Lug 2 ua ib tug Vaj Qhia siab zoo kawg nkaus thiab 27 xyoo sis law Vaj Qhia Zam Paj Lug 2 kub siab ua Tswv Ntuj tej qav tej num, rov mus txog hnub nws sawv kev mus pem Tswv Ntuj lub Ceeb Tsheej
Cov kwv tij, hmo no peb txhob txwm tshaj tej lo lus txog 2 tug Vaj Qhia uas yog Vaj Qhia 23 thiab Vaj Qhia Zam Paj Lug 2.. Ces hnub tim 27 lub 4 hlis xyoo 2014 peb tus Vaj Qhia Fas Ntshis Kus tau tshaj lus tseem ceeb tias ob tug Vaj Qhia nkawd kuj yog ib cov Leej Ntshiab nyob pem Tswv Ntuj lub Ceeb Tsheej
Yog vim qhov ntawd peb tsoom ntseeg thiaj muaj cuab kav tsa muag saum ntuj los thov ob tug Leej Ntshiab ntawd tuaj pab sawv daws neeg nyog thoob ntiaj teb, tsis hais cov neeg ntseeg Ntuj los lwm pab lwm pawg
Lwm hnub peb mam li yuav rov sib ntsib dua.

PAJ NRUAG :Huab Tais Ntuj tuaj nyob hauv .

Tus sau: TP.Txhiaj Foom,
Xov tooj cua Zoo Tswv Zov Yaj
Tim 22-07-2014.