Qhia kev thov Ntuj thawj kauj ruam.

Tus txheej txheem kev thov Ntuj thaum yus ib leeg los yog 2/3 leeg sib koom thov ntuj ua ke. Thaum yus yuav pw los yog thaum yus muaj kev nyuaj siab. Ua dab ntub npau suav phem thiab lwm yam..,

1. Ua ntoo cuam lub cim ( Hu txog leej Txiv, Leej Tub , thiab ntuj plig lub npe ua li ).

2. Ua Tswv Ntuj tsaug rau txhua yam uas nws tau tsom kwm saib xyuas yus yav dhau los:

Tswv Ntuj, lub sij hawm no kuv txav los cuag koj. kuv ua koj tsaug rau tas txhua yam uas koj tseem tau tsom kwm kuv txhua lub caij tsis hais nruab hnub hmo ntuj. koj tseem pub kuv muaj txoj sia nyob los txog niaj hnub no, kuv zoo siab ua koj tsaug tsis tas tsis kawg.

3. Thov Tswv Ntuj zam txhaum rau yus tej kev ua phem ua tsis ntxim li tswv ntuj nyiam:

Tswv Ntuj, txhua hnub txhua hmo kuv tau ua txhaum ntau rau koj, kuv tau tsis mloog koj tej lus qhia, kuv tau hla koj tej caij kuv tau ua ntau yam tsis ntxim koj lub siab. Tswv Ntuj thov koj txhob ntsia kuv cov txhaum, thov koj zam txim rau kuv, kuv tsis tsim nyog thov koj, tiam sis kuv xav them txim txhaum, Thov koj txhob cia kuv poob rau txoj kev tsaus. thov koj npo kuv tawm txoj kev phem los nyob hauv koj txoj kev kaj.

4. Thov yam uas yus xav thov Tswv Ntuj pab rau yus:
( piv li thov thaum yuav mus pw ).

Tswv Ntuj, thov koj tso koj lub txhiaj ntsim tuaj roos kuv, thov koj tuaj thaiv ib puas yam tsav dab phem kev haub kev ntxias, dab ntuj npau suav phem kom txav mus deb ntawm kuv. thov koj tuaj ua lub kaus roos kuv hmo no kom mus txog tag kis, Tas txhua yam no muab cob cog rau ntawm koj ib leeg ntawm Huab Tais leej Txiv, Huab Tais Leej Tub, Thiab Huab Tais Leej Ntuj Plig lub Npe, Ua li.

5. Ua Ntoo cuam lub cim: ( Hu txog Leej Txiv Leej Tub, thiab leej Ntuj Plig lub npe Ua li)

Yog yus thov ntuj rau yus tus kheej txhua zaus uas yus xav thov xwb ces tsua thov tsawg tsawg li no xwb thiab thov ncaj li no xwb yeej tau lawm.