Yog vim li cas peb thiaj yuav tsum noj Yesxus lub cev?

**Maiv Paj Lug** 9th May 2010, 9:52 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°1

Yog vim li cas peb thiaj yuav tsum noj Yesxus lub cev?

Post Maiv Paj Lug 9th May 2010, 9:52 am

YOG VIM LI CAS PEB THIAJ YUAV TSUM NOJ YESXUS LUB CEV?

Yog vim Nkauj Iab thiab Nraug OO nkawv tau noj tsob txiv uas Tswv Ntuj txwv tsis pub noj thiaj ua rau noob neej plam yam zoo tshaj plaws uas yog : " Ntsuj Plig thiab Daim nqaij daim tawv nyob mus li "

Peb poob txhua yam uas peb mus cuag tau Tswv Ntuj, vim yam peb muaj nyob mus li tau txiav tu nrho thaum Nkauj Iab thiab Nraug OO nkawv ua txhaum. Peb txoj kev thoob tsib tsis dawb huv li thaum ub Nkauj Iab thiab Nraug OO tsis tau ua txhaum.

Peb tus ntsuj plig thiaj li nyob xyaw qhov phem thiab qhov zoo " mloog Tswv ntuj lus thiab kuj tawm tsam Tswv Ntuj ", yuav tsum yog nrog peb txoj kev xaiv seb peb nyiam mloog Tswv Ntuj lus los tawm tsam Tswv Ntuj thiaj yuav ua rau peb tus ntsuj plig hlob zuj zus .

Hauv paus xas lus piav txog Tswv Ntuj mas Ntawv Ntshiab kuj muaj sau tseg hais tias : Noob Neej muaj peeb xwm nrhais kauj ruam zuj zus mus cuag kom tau Tswv Ntuj vim Tswv Ntuj cia Noob Neej xaiv, yog li peb txoj kev kawm kom Thoob Tsib dawb huv nws kuj pab peb rhais kauj ruam zuj zus mus.

Tiam sis tshuav qhov ceem tseeb tshaj uas peb tau ua ploj lawm yog qhov kem ntawm peb thiab Leej Txiv. "Yog nrog Yesxus Pleev thiab nws txoj kev txi ntuj rau Leej Txiv kom pab tau peb nkaus xwb "

Peb tau noj yam ua rau peb txhaum thiab peb tuag ( peb yeej nyob hauv qhov tuag mus li ) ziag no yog peb xav tau mus nyob hauv txoj sia mus li peb yuav tsum noj yam ua kom peb dawb huv thiab peb ciaj ( yog YESXUS LUB CEV ) EUCHARISTIE yog peb cov zaub mov cawm peb txoj sia, yog peb tsis noj YESXUS lub CEV ces peb tus ntusj plig yuav tshaib yuav tuag mus li.

Yog vim li cas peb thiaj yuav tsum noj Yesxus lub cev? Photo_15

Yog vim li cas peb thiaj yuav tsum noj Yesxus lub cev? Photo_15

Yesxus lub cev nrog Ntuj PLig, 2 yam no ua tau rau peb cuag tau LEEJ TXIV TSWV NTUJ, peb yuav muaj zog tiv thaiv tau txhua yam kev phem kev ntxias hauv txoj kev nyuaj siab txhua yam txhua hnub hauv noob neej.

Yam zauv mov peb mus txais niaj hnub uas yog Yesxus lub cev nws yuav tsis pab tau peb daim tawv kom txhob ploj tab sis nws yuav pab tau peb tus ntsuj plig thiab peb lub tswv yim dawb huv nyob nraim nrog Yesxus Pleev mus li tsis txawj kawg.

Tswv Ntuj zoo tag nrho, txhua yam nws tsim zoo tag nrho, Tswv Ntuj yeej tsis yuam kev ib qho li, yam twg yog peb muab rhuav tshem kom puas los Tswv Ntuj yeej txawj kho kom rov zoo tuaj.

Muaj tej yam Tswv Ntuj kho kom zoo mas Tswv Ntuj siv ntau txhiab puas xyoo los kho, vim Tswv Ntuj nyob mus li ces tsis muaj hnub yuav kawg rau Tswv Ntuj, Tswv Ntuj siv sij hawm ntev npaum li cas kho los yeej tsis ntev rau Tswv Ntuj.

Li no mas Tswv Ntuj xav ua ib yam dab tsi kom muaj txiaj ntsim Tswv Ntuj tseem yuav siv noob neej ntau tiam thiaj li yuav ua tiav : " vim li no peb thiaj li tsis paub Tswv Ntuj lub tswv yim " Txhua yam Tswv Ntuj ua yog nyob hauv txoj kev hlub zoo tshaj plaws peb tsis pom.

**Npuagtub** 11th May 2010, 3:17 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°2

Re: Yog vim li cas peb thiaj yuav tsum noj Yesxus lub cev?

Post Npuagtub 11th May 2010, 3:17 am

Mp,

Nws zaj lus no sau tau zoo kawg,
kuv yuav ntxiv me ntsis rau kom peb
paub tias kev noj Tswv Ntuj rooj qav yog zoo dab tsi tiag,
thiab puas tsim nyog peb noj los tsis tsim nyog ?

Txhua hnub Chiv, peb mus koom ua Misxas
noj Tswv Ntuj rooj qav, yog peb xav tau dab tsi?
Puas yog peb xav mus Ntuj Ceeb tsheej ?
Puas yog peb xav kom peb tej mob zoo ?
Puas yog peb xav kom peb tau kev kaj siab ?
Puas yog peb xav kom peb ntshiab huv?
Puas yog peb xav ua Yes Xus thwj tim ?
Puas yog peb xav coj raws li Yes Xus tus lwj lwm cov lus qhia ?
Puas yog peb lam ua kom tas kev cai xwb ?
Puas yog peb lam txais noj ua ib lub cim li txoj cai Catholic xwb ?
Puas yog peb xav kom peb muaj laj lim txawj ntse ?
Puas yog peb xav kom peb muaj txiag nplua nuj thiab lwm yam...?

Peb mus nyeem Paj Lug tsab ntawv 1 Koslisnthos 11:23-30.

Cov lus kuv qhia rau nej, yog cov lus kuv txais ntawm Huab Tais los.
Yam li, hmo lawv muab Huab Tais Yes Xus rau cov nom ntes,
Huab Tais tuav ib lub ncuav mov,

24 nws ua Ntuj tsaug, nws muab lub ncuav mov ntais, nws hais tias :
‘Qhov no yog kuv lub cev uas cia cawm nej.
Nej ua qhov no kom nej nco txog kuv.
25 Thaum noj hmo tas Huab Tais Yes Xus tuav lub ntim cawv, nws hais tias :
Lub ntim cawv no yog zaj cog lus tshiab nyob hauv kuv cov ntshav ;
nej haus lub ntim no thaum twg, mas nej haus kom nej nco txog kuv.

26 Kwv tij, txij no mus, nej noj cov ncuav mov no thaum twg,
thiab nej haus cov cawv no thaum twg, mas nej tshaj
Huab Tais txoj kev tuag, nej ua li no mus txog hnub Huab Tais rov los.
27 Vim li ntawd tus noj Huab Tais cov mov thiab haus Huab Tais ntim cawv,
tab sis nws tsis ua kom tsim nyog, mas nws yuav raug lub txim thuam
Huab Tais lub cev thiab cov ntshav.

28 Li ntawd, tus yuav noj cov ncuav mov thiab haus cov cawv no,
mas nws yuav tsom saib nws puas tsim nyog noj tso.
29 Tus noj thiab haus, tab sis nws tsis txawj pom meej tias yog Huab Tais Yes Xus lub Cev,
mas nws noj thiab nws haus nws lub txim txhaum.
30 Yog vim qhov ntawd, mas nyob hauv nej cov neeg thiaj muaj ntau tus muaj mob
thiab qaug zog, thiab muaj ntau leej tuag.

VIM LI NO MAS LUB KOOM TXOOS THIAJ LI TSIS PUB MUAB LUB CIM YUG
RAU TUS TSIS TAU NTXUAV PLIG NOJ, THIAB LAWV THIAJ TXUAG THIAB HWM LUB CIM YUG ZOO HEEV.

**Maiv Paj Lug** 13th May 2010, 9:40 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°3

Re: Yog vim li cas peb thiaj yuav tsum noj Yesxus lub cev?

Post Maiv Paj Lug 13th May 2010, 9:40 am

28 Li ntawd, tus yuav noj cov ncuav mov thiab haus cov cawv no,
mas nws yuav tsom saib nws puas tsim nyog noj tso.
29 Tus noj thiab haus, tab sis nws tsis txawj pom meej tias yog Huab Tais Yes Xus lub Cev,
mas nws noj thiab nws haus nws lub txim txhaum.

Nyob zoo os XH Npuagtub,

Cov lus koj sau saum no mas tseem ceeb kawg li os, ua tsaug koj coj tuaj sau tseg rau ntawm no, muaj ib txhia neeg lam mus teev ntuj noj Yesxus lub cev xwb tab sis lawv twb tsis paub tias yog Yesxus tseem tseem. Thaum yus yuav mus txais Yesxus lub cev yus yuav tau hais tiag tiag hauv nruab siab tuaj tias : " Huab Tais thov kom koj lub cev txhob ua kuv txhaum tab sis pab txhab zog rau kuv kom kuv nyiam koj thiab txhob yuam kev".

Yog vim li cas peb thiaj yuav tsum noj Yesxus lub cev? Mv6_communion1

**Yaj Suav Nus** 14th May 2010, 5:29 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°4

Re: Yog vim li cas peb thiaj yuav tsum noj Yesxus lub cev?

Post Yaj Suav Nus 14th May 2010, 5:29 am

Nyob zoo cov phooj ywg sawv daws,
Kuv thov hais ib lo txog: "Thaum peb noj Yes Xus lub Cev"

Txhua zaus peb txais Yes Xus lub cev mas peb cog lus tias peb yuav yoog raws Yes Xus tus piv txwv thiab peb mloog Yes Xus cov lus.

Y.Suav Nus

**Maiv Paj Lug** 14th May 2010, 7:25 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°5

Re: Yog vim li cas peb thiaj yuav tsum noj Yesxus lub cev?

Post Maiv Paj Lug 14th May 2010, 7:25 am

Yaj Suav Nus wrote:Nyob zoo cov phooj ywg sawv daws,
Kuv thov hais ib lo txog: "Thaum peb noj Yes Xus lub Cev"

Txhua zaus peb txais Yes Xus lub cev mas peb cog lus tias peb yuav yoog raws Yes Xus tus piv txwv thiab peb mloog Yes Xus cov lus.

Y.Suav Nus

Suav Nus.....zoo kawg li uas nej ib leeg tuaj qhia ib los lus ntxiv rau kom peb tau taub zoo tshaj qub tuaj ntxiv, qhov no yog lub hom phiaj Hmong Catholique sib koom siab kom ib leeg tuaj qhia ib los li no kom peb tus tsis paub los ho paub tus twb paub lawm los ho thoob tsib ntxiv thiab ho tuaj qhia rau cov tsis paub, ua koj tsaug ntau nawb .