HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


TUS  NTSEEG YES XUS YUAV TSUM  UA NEEG PAUB TAB. Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


    TUS NTSEEG YES XUS YUAV TSUM UA NEEG PAUB TAB.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TUS  NTSEEG YES XUS YUAV TSUM  UA NEEG PAUB TAB. Empty TUS NTSEEG YES XUS YUAV TSUM UA NEEG PAUB TAB.

    Post  Maiv Tooj 25th April 2019, 5:55 am


    Zaj 403- TUS  NTSEEG YES XUS YUAV TSUM  UA NEEG PAUB TAB.

    Nyob hauv ntawv hauv paus hais tias:  Tswv Ntuj tau tsim neeg los, zoo li Tswv Ntuj tus duab. Hos dab phem zoo li cas thiab?

    Dab zoo li neeg tus duab, vim dab tau tuaj ntxias kom neeg ua kev txhaum.  Ces cov neeg tau ua phem phem, tau poob mus rau dab teb, thaum dab yuav ua kom neeg pom dab.  Mas dab siv neeg tus duab los ua phem phem rau neeg kom neeg tau ntshai.
    Los dab siv ib tug duab tsiaj, los ua vij ua swv rau neeg pom.  Zoo li tej dab tuag sawv los hem neeg, los dab siv dev thiab nyuj tus duab los nce tsev.
    Ces Hmoob hais tias, yog dab ua vij ua swv los ua npog.  Dab kuj siv nab, los siv ib tug tsiaj los mus ua rau neeg pom nyob rau tej qhov.
    Uas tsiaj tsis mus tsis kam ib zaug li, rau Hmoob pom kom Hmoob tau ntshai.  Ces Hmoob tau thov dab los pab cuam rau Hmoob kev txhawj xeeb.
    Los lus hais tias:  Peb yuav ua neeg paub tab no, mas yog txoj kev hwm Ntuj thiab hwm neeg.  Yes Xus tau hais tias, Tswv Ntuj yog peb ib leej txiv siab zoo.

    Peb yuav txhob ua kev txhaum, los ua tub qaug rau Tswv Ntuj thiab Tswv Ntuj tsoom tub ki.  Yes Xus cov Thwj Tim tau nug Yes Xus tias:
    Cov txhaum uas luag ua rau kuv, mas kuv yuav zam pes tsawg zaus rau lawv!  Yes Xus hais tias, nej yuav zam rau lawv txog 77 zaus. Lo lus no txhais hais tias, txij hnub koj paub tab lawd, muaj 7 xyoo lawd mus, mas koj yuav tsum zam txog 77 zaus.  Yog txhais hais tias, koj zam kom koj muaj hnub nyug 77 xyoo.  Ces yog hais tias, koj yuav zam rau luag mus li tas koj sim neej.

    a->.Neeg ntiaj teb tej kev ua txhaum, yog koj ua txhaum rau ib tug neeg.  Tsis tau muaj lub hnub nyug thiab koj muab ib tug neeg tsis muaj zog, yuam ua kev txhaum.
    Mas koj tau ua ib yam txhaum loj cuag li koj tau muab ib tug neeg tua los txi rau cov dab lawm.  Qhov no yog kev ua tub qaug rau Ntuj thiab Ntuj thiab Ntuj tej tub ki  lawm.
    Vim tus neeg koj tau muab nws yuam ua kev txhaum no, yog Ntuj tus me nyuam.  Nws yog Ntuj lub ntsej muag nyob hauv Tswv Ntuj tus duab.

    b->. Kev thuam neeg:  Ib tug neeg ntseeg, nws lam thuam raws kev ntxub ntawm ib tug neeg, los ntxub ib pab neeg twg.  Nws txoj kev thuan thiab ntxub, txhob xav tias, tsis yog ib yam loj no.
    Nws yog ib tug neeg pluag tshaj thiab tseem ruam dua tus tsiaj lawm.  Cov tsiaj lawv tseem xav nyob ua npoj, kom tsov tom tsis tau.  Tsuas tshwj tus, uas nws tau khiav ncaim npoj lawd, tsis muaj tus tiv thaiv lawm thiaj raug tsov tom.

    c->.Peb cov ntseeg Yes Xus lub Moo Zoo, mas peb yuav sib hlub sib zam.  Nco ntsoov, tsam peb tau thuam Tswv Ntuj.  Nyob hauv ib tug neeg uas peb saib tias, lawv yog ib tug neeg dog dig.
    Ib tug neeg dog dig uas peb saib tsis tawm, mas lawv muaj tswv Ntuj lub txiaj ntsim nyob puv npo nrog lawv tus Ntsuj Plig.

    d->. Tab txawm yog lwm pab neeg coj lwm txoj kev ntseeg los peb yuav saib taus lawv ib yam li lawv yog yus pab.  Vim lawv ntseeg raws li sab ntsuj plig.  Lawv tsis tau muaj, Leej Tswv Yim  Ntshiab los qhia lawv.

    e->.Yog peb yuav pab qhia rau Leej Tswv Yim Ntshiab paub, nyob hauv peb cov zaj teev Ntuj.  Kom Leej Tswv Yim Ntshiab tau kev mus tsa tsev nyob  nrog lawv cov Ntsuj Plig.
    Lawv yog cov uas Leej Tswv Yim Ntshiab tseem niaj hnub nrhiav li lo lus  Yes Xus hais tias:
    Kuv tseem yuav mus nrhiav cov Yaj ploj lawd, kuv yuav cab lawv los nyob poo npoj.  Kom lawv ntsib lub tshav zaub mos, thiab muaj cov dej haus yug lawv txoj siav.

    Sacramento tim 13/3/2019.
    Yaj Zoov Ntxheb Xib Hwb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    TUS  NTSEEG YES XUS YUAV TSUM  UA NEEG PAUB TAB. Empty Re: TUS NTSEEG YES XUS YUAV TSUM UA NEEG PAUB TAB.

    Post  Maiv Tooj 25th April 2019, 6:22 am



    Zaj 420- QHIA TXOG LUB CIM YUG.


    TUS  NTSEEG YES XUS YUAV TSUM  UA NEEG PAUB TAB. Yes_xu11


    1.Lub Cim Yug, yog peb txoj kev ntseeg txoj sia thiab lub cev. Lub Cim Yug yog tas nrho peb tej hauj lwm, ua liaj ua teb cog qoob loo. Txhua txhua yam hauj lwm nrog rau tej kev hais lus, los kev tshaj Ntuj lus thiab peb kev xav, los pab luag tej. Nyob tas nrho rau hauv lub Cim Yug.

    2. Lub thaj txi ntuj, yog peb sawv daws cov neeg ntseeg, koom nrog Yes Xus txi ntuj ua ke. Qhib txoj kev rau peb mus txais txoj sia hnub kawg uas Tswv Ntuj, yuav txais peb los ua Tswv Ntuj me nyuam. Kom tau nrog Tswv Ntuj nyob mus ib txhiab ib txhis.

    3. Lub Cim Yug, mas muaj ntau lub npe txhais los qhia rau peb. Yam li:
    Peb hu lub thaj txi Ntuj, ua lub thaj cav txiaj ntsim. Vim thaum peb ua lub thaj txi Ntuj. Yog txoj kev ua Tswv Ntuj tsaug.

    4. Nws kuj yog ib zaj cav lus zoo txog, thaum muaj ib pluas mov loj los noj. Raws li cos Yus Das kev cai, nyob hauv 4 tug kws sau ntawv Moo thiab Paj Lug cov lus qhia rau cov neeg nyob Kos Lis Ntshos puav leej muaj hais txog.

    5. Thaj cav txiaj ntsim no, kuj txhais hais tias, yog Huab Tais pluas mov kawg. Uas Huab Tais nrog nws cov thwj Tim thiab peb sawv daws koom noj ua ke.
    Thiab yog pluas mov raug luag hiam, los yog rooj tshoob, uas Tswv Ntuj tuaj qhaib ntiaj teb neeg, ua Tswv Ntuj me nyuam.

    6. Kuj txhais tau hais tias, rooj mov faib rau 5000 leej neeg noj, nyob saum lub roob txoj hmoov zoo. Noj tas mus sau los, tseem seem tau li 12 tawb. Cov kws sau ntawv moo zoo, puav leej hais txog.
    Los yog Huab Tais pluas mov kawg, uas Nws faib rau Nws cov Thwj Tim noj. Txhais hais tias, yog Yes Yes Xus lub cev thiab Nws cov Ntshav.

    7. Yog thaj cav txiaj ntsim tias, muab mov thiab Cawv los ua cov txim, txi rau tus tsim lub ntuj lub ntiaj teb. Thiab kuj txhais tau hais tias, yog rooj mov noj sawv kev mus rau lub Ceeb Tsheej.

    8. Thaj txi Ntuj no, yog tus Leej Ntshiab Justin sau thiab qhia lub Koom Txoos ua txij puag thaum xyoo 155. Lub Koom Txoos ua los txog niaj hnub no.
    Lub Koom Txoos ua thaj txi Ntuj no thaum twg, mas lawv nco txog thaj qub chaw, uas Yes tau tsim thiab Nws muab faib rau Nws cov Thwj Tim noj.
    Peb ua thaj txi ntuj zaum twg, mas peb nco ntsoov caw Yes Xus tuaj nyob nruab nrab hauv peb sawv daws.
    Niaj hnub peb ua thaj cav txiaj ntsim hnub chiv thaum twg, mas peb kuj tsis hla Huab Tais los lus, uas Nws tau hais hmo kawg ntawd : Nws hais tias: Nej yuav ua li no, kom tau nco txog kuv.

    9. Thaum peb ua thaj txi Ntuj, hu ua Thaj cav txiaj ntsim no. Mas peb nco txog Tswv Ntuj, Nws qee Nws ib sab los ua Yes Xus, kom yog Nws Leej tub kom tau muab Nws pub rau peb.
    Nyob hauv thaj txi Ntuj, peb hais raws li Leej Pleev hais, ces yog Leej Ntuj Plig ua kom mov thiab cawv txia ua Yes Xus lub cev thiab Nws cov Ntshav. Muaj tseeb kiag li Yes Xus tau ua thiab Nws hais los.

    10. Thaum peb ua Thaj txi ntuj, mas yog peb kev ua tsaug, qhuas thiab cav txog Tswv Ntuj, tau muab Yes Xus los pub rau peb.
    Thaj txi Ntuj no nws muaj zog dua lub Cim Pleev cawm peb thaum peb muaj mob nkeeg txaus txawj. Vim thaum peb ua thaj txi Ntuj, mas Yes Xus Nws nyob nruab nrab hauv peb lub txoos.
    Yes Xus nrog peb thov Leej Txiv li thaum Yes Xus nyob saum ntoo Cuam Nws thov Leej txiv tias:
    Txiv Koj zam rau lawv, vim lawv tsis paub tias, lawv tau ua dab tsis. Yes Xus nrog peb cev tas txhua yam zoo thiab tsim nyog nyob hauv peb lub neej rau Leej Txiv.
    Peb ib txhij nrog Leej Pleev, nyob hauv Nws kev txom nyem thiab kev tuag nrog Nws kev sawv rov los. Mas yog yam muaj zog daws tau peb cov txhaum tiag.

    11.Thaj txi ntuj yog lub Koom Txoos, chaw sawv nrog Yes Xus ua Tswv Ntuj tsaug, pub rau lub ntiaj teb neeg sawv daws.
    Leej Pleev lub cev yog tas nrho cov neeg ntseeg, nyob hauv lub Koom Txoos Ka Tau Liv. Thoob ntiaj teb, koom nrog Leej Pleev raug kev txom nyem thiab kev tuag nyob saum ntoo cuam. ( Muaj ntau yam yuav txhais tau hais txog…)

    12. Lub Rooj txi Ntuj, yog Leej Pleev lub Rooj nyob nruab nrab ntawm cov neeg txais lub Cim Ntxuav. tsom saib tas nrho tej kev phem kev zoo. Tej kev muaj txiaj ntsim, los kev ua txhaum,ntawm neeg cov txhaum sib thiab txhaum hnyav.

    13. Lub Cim Yug yog Qaum Ntuj cov txhiam xws yug Leej tib neeg lub cev thiab cov Ntsuj Plig. Yes Xus tau hais tseeb kawg rau Nws cov Thwj Tim tias:
    Yog nej tsis noj Leej Neeg tus Tub, lub Cev thiab haus Nws cov Ntshav. Mas nej yuav tsis muaj txoj sia nyob hauv nej!

    14. Yog Yes Xus hais lawm yeej muaj tseeb, peb yuav tsum npaj siab kom peb tsim nyog txais Huab tais. Lub ncuav mov thiab Nws lub ntim cawv no.
    Lo lus hais tias, npaj siab kom tsim nyog, yog dab tsi?
    Peb yuav tsis txhob ua neeg, ris kev txhaum tuaj txais Yes Xus lub cev.
    Yog yus ua neeg muaj txhaum, los ntawm kev ua phem ua qias. Nyob hauv yus nruab siab, lo yus lub cev lawm. Yus yuav tau mus daws txhaum kom tsim nyog mam tuaj txais Yes Xus lub cev…..

    15. Lub Cim Yug, mas coj thiab pab peb los npuab Yes Xus. Huab Tais tau hais li no tseg:
    Tus noj kuv lub Cev thiab haus kuv cov Ntshav, mas Kuv nyob txawm hauv nws. Thiab nws nyob txawm hauv Kuv.

    16.Huab Tais Thaj Txi Ntuj, suav hmo hla los txog hnub Huab Tais sawv rov los, thiaj tiav Nws Thaj Txi Ntuj! Yog txoj kev qhia kom peb tig mus saib hmo hla. Yog hmo uas Huab Tais yuav hla, lub ntiaj teb no, mus rau saum ntuj.
    Lub Koom Txoos paub zoo tias, Huab Tais nyob hauv lub thaj cav txiaj ntsim, niaj hnub nyob nrog nraim peb. Nws tsis tso leej twg, pov tseg, ua me nyuam ntsuag, zoo li tsis muaj neeg txhawb lawv lub siab.
    Tsoom Txiv Leej Choj, mas lawv niaj hnub ua ib thaj txi ntuj. Txawm muaj neeg tuaj los tsis muaj. Mas lawv niaj hnub ua ib thaj ua ib leeg li ntawd.

    Peb cov neeg ntseeg, mas 7 hnub peb mam tau ua ib zaug. Yog peb ncua tsheej hli los tsheej xyoo, mas peb zoo li cov neeg nyob hav zoo, noj pob caus ntoo los nrog kaus xyooj kaus tauj,tuav txoj sia nyob xwb, peb yuav tsis muaj zog.

    Taug kev mus nrhiav ntsib Huab Tais. Kom tau noj Ntuj cov txiam xws pub txoj sia rau peb.
    Peb paub lub Thaj cav txiaj ntsim, muaj nuj nqes loj npaum li no. mas Thaum peb muaj ib cov neeg txais lub Cim Ntxuav uas lawv paub tab lawd. Peb yuav caw lawv tuaj koom ua thaj cav txiaj ntsim.
    Xws li Yes Xus cov Thwj Tim, kom tau nrog Yes Xus faib Nws lub ncuav mov thiab lub ntim cawv pub txoj sia nyob mus li rau lawv.

    Kom lawv txawj cav thiab qhuas, los txawj ua Tswv Ntuj tsaug, yog txoj kev uas Ntuj tuaj qhaib yus ua Ntuj me nyuam rau hnub peb yuav tau mus cav txog Leej Txiv mus ib txhiab ib txhis.

    =>.Paj lug Hmoob muaj ib lo lus hais tias:
    Peb ua 9 tiam ntxeem, los tsis cuag li Tswv Ntuj nyob ua tus txheem. Ua 9 tiam khwv los tsis npaum li Tswv Ntuj ua tus tswv.

    Qhov kawg los xaus rau, tus ua zoo ces nws tau zoo. Tus ua phem nws kuj tau qhov phem. Nyob ntawm tus txawj xaiv tau los.

    Sacramento tim 21/2/2019.
    Yaj Zoov Ntxheb Xib Hwb.

      Current date/time is 28th March 2024, 6:13 pm