QHOV UAS DAB YUAV TSWJ KAV TAU NEEG

QHOV UAS DAB YUAV TSWJ KAV TAU NEEG

Qhov dab yuav ua haujlwm tau rau neeg mas yog neeg qhib ncauj qhib lus thiab qhib siab lawm dab thiaj muaj cai tsimtxom.

XWS LI:
Yog leejtwg muaj mlom, muaj pov haum, muaj nyiaj pov haum, khoom khoos, muaj tej yam uas tau ntawm tus tuag los xws li sab tes hle, tau ib tee ntshav, nkaws tej ntawv uas muab hlawv rau tus tuag lawm ces khaws ib qho ntawv kub tsis tas lossis khaws cov hmoov quav hlawv cia. Thiab muab menyuam mus khi rau pob zeb, hu plig, khi tes (tsis hais ntawm hau sam lossis ntawm ib tugtwg). Txhua yam uas peb hmoob suav haistias khaws cia ua koob hmoov, thiab ua pov haum pov hwm. Txhua yam uas tus neeg xav li no ces yog nws qhib siab lees yuav yam ntawv lawm ces tus neeg no poob rau dab xib teg lawm.
Tus tuag nws tuag lawm tus ntsujplig rov los pab tsis  tau.
Txhua yam yog Vajtswv tsim los rau neeg siv li mov noj riam txua xwb tsis yog tsim los ua pov haum, pov hwm, pov khoom. Tsis yog tsim los ua phem ua qias coj mus sib ntau sib tua thiab Vajtswv tsim los qhia Vajtswv lub hwjchim rau neeg pom haistias Vajtswv muaj hwjchim tsim tau txhua yam zoo nkauj xwb.
Tiamsis neeg muab coj mus txi rau dab, coj mus cob rau dab, txawm yog me tub me nyuam los muab cob rau dab.

Vim yog peb haivneeg hmoob qhov ncauj loj qhib ncauj qhib lus rau dab dab thiaj li tswj kav peb hmoob ua rau peb hmoob txomnyem thiab muaj tus cwjpwm tsis zoo.

Tus sau :
Pom Zoo Muas.
2019.