Home
Yog koj tso siab rau Yesxus lub siab ntshiab, nws yuav ua koj siab kaj lug 
Tag kis, tim 3 lub 1 hlis, yog thawj hnub Chib hauv xyoo 2010. Peb ua kev nco txog hnub cov kws hnub qub tuaj pe hawm tus me nyuam Yes Xus (Epiphany). Lawv yog ib co kws txuj, lawv pom ib lub hnub qub tawm tuaj tshiab, lawv kawm lub hnub qub ntawd, ces lawv pom hais tias yog muaj ib tug me nyuam vaj yug los tshiab nyob hauv haiv neeg Yus Das. Lawv cia li raws lub hnub qub tuaj nrhiav tus me nyuam vaj ntawd.
Thaum lawv pom lub hnub qub nres saum lub tsev uas tus me nyuam nyob, lawv thiaj nkag mus saib, lawv pom tus me nyuam nrog nws niam, lawv txhos caug pe hawm nws. Lawv thau lawv cov phij xab thiab muab kub, muab txab ntoo xyab (frankincense) thiab muab txab txiv yoov (myrrh/myrrhe) los ua paj tshab cev rau nws.
Kub txab ntoo xyab txab txiv yoov
Lawv peb leeg yog sawv cev ntawm tas ib tsoom neeg nyob ntiaj teb tuaj mus pe hawm tus me nyuam vaj yug los.
Lawv cev txab ntoo xyab. Cov xyab yog ib lub cim qhia txog kev ntseeg txog tias Yes Xus yog Tswv Ntuj leej Tub. Yog peb ntseeg txog Yes Xus tiag, ces peb yuav mloog nws cov lus nyob hauv ntawv Moo Zoo thiab peb yuav mloog nws lub Koom Txoos cov lus qhia. Peb yuav tsis ua xyem xyav thiab yuav tsis thim peb txoj kev ntseeg Yes Xus.
Lawv kuj cev txab txiv yoov. Cov txab txiv yoov yog ib lub cim qhia txog tias Yes Xus yuav tau raug kev txom nyem. Yog peb ntseeg Yes Xus peb kuj yuav tau raug txom nyem ib yam li nws thiab. Nyias yuav tau kwv nyias ntoo cuam thiab yuav xyaum coj zoo lawv Yes Xus qab.
Lawv kuj tseem muab kub cev rau Yes Xus. Kub yog ib lub cim qhia tias peb tsim nyog yuav tsum cav txog qhuas txog HT Yes Xus peb tus Cawm Seej, peb yuav tau pe hawm nws thiab yuav nco ntsoov nws txiaj nws ntsim tas mus li. Peb yuav mob siab ntseeg tias Yes Xus yog txoj kev, nws yog qhov tseeb, thiab nws yog txoj sia. Peb yuav niaj hnub ua Yes Xus tsaug thiab ua lub neej kom phim nws txoj kev khwv khwv cawm peb.
Thaum lawv pom lub hnub qub nres saum lub tsev uas tus me nyuam nyob, lawv thiaj nkag mus saib, lawv pom tus me nyuam nrog nws niam, lawv txhos caug pe hawm nws. Lawv thau lawv cov phij xab thiab muab kub, muab txab ntoo xyab (frankincense) thiab muab txab txiv yoov (myrrh/myrrhe) los ua paj tshab cev rau nws.
Kub txab ntoo xyab txab txiv yoov
Lawv peb leeg yog sawv cev ntawm tas ib tsoom neeg nyob ntiaj teb tuaj mus pe hawm tus me nyuam vaj yug los.
Lawv cev txab ntoo xyab. Cov xyab yog ib lub cim qhia txog kev ntseeg txog tias Yes Xus yog Tswv Ntuj leej Tub. Yog peb ntseeg txog Yes Xus tiag, ces peb yuav mloog nws cov lus nyob hauv ntawv Moo Zoo thiab peb yuav mloog nws lub Koom Txoos cov lus qhia. Peb yuav tsis ua xyem xyav thiab yuav tsis thim peb txoj kev ntseeg Yes Xus.
Lawv kuj cev txab txiv yoov. Cov txab txiv yoov yog ib lub cim qhia txog tias Yes Xus yuav tau raug kev txom nyem. Yog peb ntseeg Yes Xus peb kuj yuav tau raug txom nyem ib yam li nws thiab. Nyias yuav tau kwv nyias ntoo cuam thiab yuav xyaum coj zoo lawv Yes Xus qab.
Lawv kuj tseem muab kub cev rau Yes Xus. Kub yog ib lub cim qhia tias peb tsim nyog yuav tsum cav txog qhuas txog HT Yes Xus peb tus Cawm Seej, peb yuav tau pe hawm nws thiab yuav nco ntsoov nws txiaj nws ntsim tas mus li. Peb yuav mob siab ntseeg tias Yes Xus yog txoj kev, nws yog qhov tseeb, thiab nws yog txoj sia. Peb yuav niaj hnub ua Yes Xus tsaug thiab ua lub neej kom phim nws txoj kev khwv khwv cawm peb.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
