LUB CIM DAWS TXHAUM ( Sacrement de Réconciliation )

**Maiv Tooj** 15th May 2013, 2:44 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°51

Lub Cim Daws Txhaum (Le Sacrement de Réconciliation)

Post Maiv Tooj 15th May 2013, 2:44 am

TSWV NTUJ LOS LI TUS TUB SAB.

LUB CIM DAWS TXHAUM ( Sacrement de Réconciliation ) - Page 3 St-pet10

Yes Xus hais tias: "Tswv Ntuj yuav los li tus tub sab, tsis paub thaum twg, yuav tau npaj kom txhij".

Lo lus no, tsis yog hais tias Tswv Ntuj yuav los, tab sis yog hais tias tsis paub thaum twg yus yuav mus, yus yuav tso tsoj sia ntiaj teb tseg; yuav tau npaj kom yus ntshiab huv mus li tos.

Kev npaj kom tiav tos, xws li yuav rau siab niaj hnub teev Ntuj thiab Daws txhaum tsis tu ncua.

Kev teev Ntuj, tsis yog yuav hais tias muaj caij mam teev; yog yus lauj zias yus lub caij mas yuav muaj mus li. Yam li muaj caij ntau kuj teev ntau, muaj caij tsawg kuj teev tsawg; tab sis teev tas mus li txhua hnub.

Kev Daws Txhaum, yuav Daws tsis tu ncua, yam li yog muaj Txiv Plig raws siab xav mas yuav Daws ib hlis ib zaug, yog tsis muaj Txiv Plig ywj siab, yuav tau Daws ua lub caij Tos Huab Tais xws li ua ntej Hmoov Yes Xus Yug thiab lub Caij Plaub Caug, ua ntej Hmoov Hla. Thiab txhua zaus uas yus mus ib qho chaw Ntshiab los yog yus yuav txais ib lub Cim.

Vim li cas thiaj li yuav Daws Txhaum tsis tu ncua thiab teev Ntuj mus li?

Vim ntshai tsam ntuj ho kawg xub ntsa teb ho kawg xub ntoos ces yus ib txwm ua txiaj ntsim, thaum ntawd yus tau ua ib qho txhaum rau Leej Ntuj Plig (yog ib qho txhaum tuag), tsis tau Daws Txhaum ces cia li ua rau yus poob mus rau dab phem teb tim qhov uas yus tsis tau Daws Txhaum xwb.

Kev ua txhaum rau Leej Ntuj Plig yog ib qho txhaum loj uas hnub mus txog ntawm Huab Tais Yes Xus xub ntiag, yog nyob nruab yeeb, yus tsis tu siab rau yus qhov txhaum tiag tiag mas yuav yog ib qho txhaum uas ua rau yus poob tau rau dab phem teb yam thim tsis tau rov qab.

Kev ua txhaum rau Leej Ntuj Plig tsis yog yuav ua txhaum rau Ntuj los yog txoj kev ntseeg nkaus xwb, tej zaud sawv daws tsis nco qab xav txog tias yog yus tua txoj kev hlub ntawm ib tug neeg es yuav ua tau ib qho txhaum loj rau Leej Ntuj Plig tau. Tau laiv! Kev rhuav txoj kev hlub, kev cia siab ntawm ib tug neeg yog ib lub txhim loj rau Leej Ntuj Plig, vim yus tua nws txoj kev hlub lawm. Yam li ob niam txiv, ib tug mus ua plees ua yi ywj siab, tso ib tug rau kev chim siab tu siab, kev tag kev cia siab, kev mob siab; qhov nov yog txhaum rau Leej Ntuj Plig, vim muaj txoj kev hlub rhuav lawm.

Ntau zaus, xav tias yus tsis tau tsa tes tua neeg ces yus dawb huv lawm, tab sis yus twb tsis paub qhov yus ua ntawd tias txhaum loj npaum li cas. Li ntawd peb yuav ib nyuag mob siab tshawb nrhiav txoj kev ntseeg kom ntau thiab thoob me ntsis ntxiv.

Vim li cas thaum teev Saw Mab Liab pheej hais lo lus kawg ntawm qhov koj nyob kaj lug Mab Liab tias: "thaum txog peb lub caij tuag, koj thov pab peb cov neeg txhaum".

Qhov nov, yog thov kom thaum peb nyuam qhuav tuag mus, peb yuav mus ntawm Huab Tais Yes Xus xub ntiag, kom Niam Mab Liab pab thov Ntuj rau peb kom peb txawj xaiv tau qhov zoo qhov yog, kom peb txo peb lub hwj chim lees ua neeg me, neeg txhaum, tso peb cov txhaum tseg, kom xws peb tau mus them peb cov txim ua ntej yuav tau mus nrog Huab Tais Ntuj nyob ntawm lub teb chaws thaj yeeb nyab xeeb tshav ntuj nrig (los lus tshav ntuj nrig, txhais tias kaj siab lug). Yog peb tsis thoav Niam Mab Liab ua txiaj ntsim ua ntej, txog hnub uas peb mus sawv ntawm Huab tais Yes Xus xub ntiag mas kuj tseem muaj dab phem nyob rawv haub ntxias peb kom peb tsa hwj chim thiab txhob lees peb tej txhaum kom peb tau ua neeg muaj hwj chim hauv nws lub teb chaws kub ntaiv, tshaib nqhis thiab txom nyem suab quaj suab qw tsis tu.(Lub caij no lawv hu dab phem ua tus dag ntxias, vim thaum yus tsis paub, yus ua xyem xyav ces nws ntxias yus heev heev, yus yuam kev tau ntseeg nws).

LUB CIM DAWS TXHAUM ( Sacrement de Réconciliation ) - Page 3 82222910

**Ntxhuav Mom Xyooj** 15th May 2013, 4:16 am

Ntxhuav Mom Xyooj

Ntxhuav Mom Xyooj: Tuaj Tshiab; Messages : 83
Date d'inscription : 2012-02-23

Post n°52

Re: LUB CIM DAWS TXHAUM ( Sacrement de Réconciliation )

Post Ntxhuav Mom Xyooj 15th May 2013, 4:16 am

Nyob zoo os Maiv Tooj

Koj zaj daws txhaum no mas tseem ceeb tshaj thiab muaj nqi kawg. Yog peb
Hmoob txawj pom thiab muaj pob ntseg hnov mas yuav cawm tau peb coob leej
ntawm peb tus ntsuj plig.

Qhov peb pheej poob mus rau dab phem teb ntawd, vim tib qhov peb tsis txo
hwj chim nkaus xwb. Peb cov txhaum twb liab ploog lawm xwb los peb yeej
tsis paub kiag li. Yesxus ntshai tsam peb poob mus rau dab phem teb kawg
Yesxus thiaj li ua zaj ua ntxeev qhia peb. Los peb neeg feem coob yeej tsis quav ntsej txog Yesxus cov lus.

Maiv Tooj ua koj tsaug ntau uas koj tseem sau tau tej zaj kev daws txhaum
kom peb cov muaj qhov muag ntsia ho txawj ras xeev thiab xyuam xim.

**Maiv Tooj** 15th June 2017, 9:07 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°53

Re: LUB CIM DAWS TXHAUM ( Sacrement de Réconciliation )

Post Maiv Tooj 15th June 2017, 9:07 am

Lub Cim Daws Txhaum

**Maiv Tooj** 28th June 2018, 4:07 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°54

Re: LUB CIM DAWS TXHAUM ( Sacrement de Réconciliation )

Post Maiv Tooj 28th June 2018, 4:07 am

NTHUAV LUB CIM DAWS TXHAUM.

Peb yuav nyiam teev Ntuj thiab daws txhaum tsis tu ncua.

->.Kev teev Ntuj, tsis yog peb muaj caij, peb mam teev. Peb yuav nco ntsoov npaj qee ib lub caij los teev. Ntev li cas los tau, nyob hauv txhua hnub raws li peb ua tau thiab peb txawj teev.

->. Ntawm kev daws txhaum, mas kuj yuav daws txhaum tsis tu ncua thiab: Yog yus muaj ib tug Txiv Plig nyob ze yus, yuav tsis ua chaw tab kaum rau nws. Mas ib hlis yuav tau daws ib zaug!

->. Yog yus nyob deb thiab tsis muaj caij mus ntsib Txiv Plig, mas ib xyoos yuav tau daws txhaum li ob zaug:
->. Yog lub caij tos Huab Tais, yuav txog lub caij ua hmoov Yes Xus yug los, yuav npaj kom tau daws txhaum.
->. Thaum nyob hauv lub caij plaub caug, yuav npaj ua hmoov hla, Yes Xus sawv rov los, npaj kom tau daws txhaum. Ob lub caij no yog ob lub hnub nyoog loj:

->. Yes Xus yug los thiab Yes Xus tuag kom tau txhiv peb los ua neeg twj lij. Peb tej kev ua txhaum, mas yog ib yam loj tiag! Yog peb ua txhaum rau leej Ntuj Plig nkaws xwb.
Vim Leej Ntuj Plig, yog tus tuaj tsa tsev nyob hauv peb nruaj siab coj thiab qhia peb.

->. Cov txhaum, uas peb ua neeg tub nkeeg teev Ntuj. Los peb ua rau cov neeg txheeb ze peb, muaj kev tu siab, kuj yog ua rau Leej Ntuj Plig tas tib si.
Vim Huab Tais Leej Tub, tau thov kom Huab Tais Leej Txiv xa Huab Tais Leej Ntuj Plig tuaj nrog peb nyob. Peb tsis tau hwm leej Txiv thiab tsis tau nyiam Leej Tub, vim lawv peb leeg yog ib tug Tswv Ntuj, zoo ib yam nkaus.

->. Txoj kev daws txhaum muaj nuj nqes loj kawg, vim Yes Xus tau hais tias:
Koj daws yam twg nyob ntiaj teb no, mas Ntuj saib yog daws nyob sawm Ntuj. Koj khi yam twg nyob ntiaj teb no, Ntuj kuj saib yog khi nyob saum Ntuj. Ua li mas peb yuav ntseeg thiab hwm lub Cim daws txhaum!

->. Lub Cim daws txhaum no, yog zaj paj lug, hais txog Tswv Ntuj yuav los zoo li ib tug tub sab! Tsis yog tias, peb tsis paub lub caij Tswv Ntuj yuav los!

->. Yog peb tsis paub lub caij, uas peb yuav tuag mus! Yog txoj kev tuag yuav tuaj xws li ib tug tub sab, ib sij huam xwb, txoj kev tuag tuaj nyiag tau peb tus ntsuj plig, thaum peb tseem pw nyob hauv txoj kev ua txhaum, ces kev tuag yuav coj peb mus zwm rau kev txom nyem, nyob txim mus li rau dab teb. Vim peb tsis tau daws txhaum nkaws xwb.

->. Peb txhob xav tias, peb twb tsis tau tsa tes los tua neeg. Vim li cas peb ho yuav mus raug txim, Nyob hauv, Yes Xus cov lus qhia thiab tej lus ua paj lug Yes Xus hais:
Mas peb lub ncauj thiab peb tus nplaig, mas tseem muaj zog dua cov riam ntaj ob sab ntse ntawd. Thiab cov phom tua muas txwv tooj muas txwv hlau muaj muaj zog tshaj plaws ntawd.

->.Riam thiab phom, tsuas tau tau lub cev nqaij tuag xwb. Hos tib neeg cov ncauj nplaig, mas tua tau neeg cov Ntsuj Plig kom tuag mus los tau!

->. Tswv Ntuj xav kom peb saib lub cim daws txhaum muaj nuj nqes loj. Yes Xus qhia zaj peb hais zaj peb Txiv nyob saum ntuj, muaj lo lus hais tias, Koj npo peb dim ntawm kev phem ua li. Kom peb nco ntsoov hu Tswv Ntuj tuaj pab peb tsis tu ncua.
Thiab zaj koj nyob kaj lug Mab Liab, thaum peb xaus hais tias, Koj thov Ntuj pab peb thaum txog peb lub caij dua, los yog lub caij tuag! Kom peb xub tau daws peb cov txhaum ua ntej peb tuag mus.

->. Yog Tswv Ntuj xav qhia kom peb ceev faj thiab paub ntshai txog tus Tub Sab, uas nws yuav tuaj lub caij peb tsis paub ntawd. Tos peb pom ces tub sab twb tho tau peb qhov Vaj qhov tsev, twb nyiag tau lub pov haum roos peb tus Ntuj Plig lawm. Nws yuav coj mus cuab nyob txim rau ntuj tawg.

->. Vim peb tsis saib thiab tsis hwm lub Cim daws txhaum uas yog lub ntsa yeej thaiv thiab tso tau peb dim mus nyob kaj lug . Lub Cim daws txhaum yog zoo li thawj zaj khawv koob daws dab leej tshaj plaws.
Los yog ib zaj thov Ntuj kho mob rau cov Ntsuj Plig muaj hwj huam loj, uas kho tau cov Ntsuj Plig, txhua tus kom zoo tas tib si.
Yaj Zoov Ntxheb X.H.