HMOOB CATHOLIC NYOB COB TSIB TEB (Hmong Catholic Vietnam)

**Maiv Paj Lug** 3rd October 2011, 3:01 am

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°51

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Paj Lug 3rd October 2011, 3:01 am

XH. Npuagtub wrote:Wow.......ua cas lub ntiaj teb yuav dav ua luaj li es peb cev tes ncav tsis txog nej li os cov kwv tij hmoob, uas cas nej yuav poob rau lub teb chaws tsis muaj kev ywj pheej yuav ua rau nej cov uas tshaib nqis txog Tswv Ntuj lub moozoo tau ntsib kev tsim txom ua luaj li os, ua cas nej tsis yog cov nyob rooj teb peb nyob no os cov me phooj ywg. Nyob rooj teb peb nyob no cas yuav muaj tsev teev ntuj rau txhua txoj kev los tsis muaj neeg kam mus xauj mus teev Huab Tais Ntuj li, tseem yuav ua hnub ua hmo hu mas sawv daws thiaj li tuaj teev ntuj xwb. Zoo siab nej muaj txoj kev ntseeg zoo ruaj khov mos nawv peb cov me kwv tij hmoob, thov kom Tswv Ntuj nrog nej nyob ua nej siab kaj lug.

XH NpuagTub, koj hais yog lawm os, nyob teb chaws vam meej, Tsev Nteev Ntuj mus txog lub zos twg los muaj txhua txoj ke, tiam sis mas pom nyob tom tej qab ke qaum kev Bar quav dej quav cawv ma neeg mus nyob hauv ntau thiab coob tshaj, hos hauv tsev teev ntuj mas yog yuav teev ntuj tseem yuav tau hu tiag, ib txhia mas tseem tub qaug lawv vim lawv tsis tau zoo pw, ib txhia mas tseem muaj kev tawm rooj tseem ceeb sthaj mus teev ntuj, ib txhia ces tseem muab kev ua noj ua haus saib muaj nqis dua teev ntuj, tseem mus ua tshoob ua kos rau hnub teev ntuj xum tseg Tswv Ntuj tom qab, muab xav txog los mas cas yuav hloov tsis tau muab cov kwv tij ntshaw ntshaw teev ntuj sab teb chaws txom nyeem los nyob rau tej qho chaw teev ntuj thaj yeeb.

Muaj ib txhia Hmoob thaum twg yuav teev ntuj ua ke xwb txawm siv pib sib cav sib ceg, yog tus coj nws tsis khoom hu es kom lwm tus hu xwb mas txawm siv tub qaug tsev neeg uas tus coj hu tsis tau, tej nyuam qho me me li no xwb txawm siv tso kev teev ntuj tseg, cas Hmoob tej siab ntsws yuav mus xav kom tau kheej xwb.

Muaj ib txhia Hmoob ces sib sib ntxub li, yog hnub no teev nyob hauv ib tug uas lawv tsis nyiam tsev lamw ntag ces tsev uas ntxub ntawv yeej tsis kam tuaj tshwm li, txawm muaj XH Muaj Txiv Plig tuaj deb tuaj txog los luag yeej xum nkaum zog tsuav tsis tau mus tsuj tsev Hmoob ntawv lub tsev. tej yam no ua rau kuv tu siab los kua muag, ua tsis tau dab tsi, yus li ces yus nyob nruab nrab ntawm sawv daws, ncaj leej twg los yus yeej zoo siab twj ywm mus nrog lawv koom teev ntuj .

HMOOB CATHOLIC NYOB COB TSIB TEB (Hmong Catholic Vietnam) - Page 3 Maypa110

Pab kuv rov los cuag koj Huab Tais Yesxus

**Maiv Tooj** 9th October 2011, 2:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°52

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 9th October 2011, 2:08 am

Maiv Tooj wrote:

HMOOB COB TSIB PIB UA NTUJ KEV CAI.

Nyob zoo os phauj yog koj tsi xav li ca s no kuv ua tub kuv xav tham me ntsig keeb kwm hais txos thaum peb nyuam qhov ntseeg nyuaj npaum li cas rau nej tau nrog peb mloog thiab os

kuv txiv yug kuv tau muaj peb tsib kwv tij tab tau ncaim ob tus mus lawm tshuav peb tus nrog niam txiv nyob xwb kuv niam tseem ua neeb coj nruag(yug nruas)peb 3 tus tub tsi pom zoo ua li ntaw peb yuav ntseeg xwb li tas kuv niam tau hais tias yog yuav ntseeg mas cia niam poob(sau laus)tso mam los ntseeg. Cias txog 1994 niam cia ncaim mug lawm, txog 1996 peb li los ntseeg. Ces cov ntxawm kom muab kev ntseeg tso tseg yog tsi tso mas lawv yuav hais nom tswv tuaj muab peb tso hauv dej ntuj (pov hauv hiav txwv)kom tag xwb; peb tsi kam tso lawv hais nom tswv tuaj muab ob tus tij plaub hau dob taub hau o luaj qe luaj nrig. Ces txog 1998,lawv peb mus pab tub ceev xwm ua qhev=(lawv yuam peb mus ua Tub Ceev Xwm qhev luaj nroj) luaj nroj tog vaj tog tsev tsheej hnub tsi pub noj mov li, tu siab kawg tsi muaj kwv tij pab peb li. Kuv txiv los tsi kam ntseeg, tau 3 xyoo tom qab kuv txiv li txiav txim los ntseeg peb nyob tsi taus qhov chaw ntaw peb 3 kw tij li khiav mus nriav cov kwv tij ntseeg Kav Tos Liv nyob rau Na Ku Sa. Thaum 2002 los txog tav no kev ntseeg thiaj hlob zuj zus tuaj txog niaj hnub no thiaj tau mus kawm ntawm Txiv Plig thiab li paub txog Koog Haum "Zoo Tswv Zov Yaj", txog 2008 mus txog 2009 txiv plig chiv vuam yaj (Cwj Vuam Chiv Yaj) li tuaj qhia peb ua Txoog teev Ntuj rau hnub Chiv. Kuv hais tsi tag tiam sis yuav no xwb lwm zaug tso mam ntsib dua
Ttij laug hlob npe Ntxoov Qhua no muaj 54 xyoo, tug nrab hu ua Tswv Riam tau 45 xyoo, kuv yog tug 3 hu ua Xyu Tub tau 34 xyoo xyoo no. Thov kom Huab Tais Yes Xus nrog nej nyob ua nej siab kaj lug.

Ua tsaug.
Sau npe: Xyu Tub X Yaj

Txhim tsev teev Ntuj.

Nyob zoo kwv Xyu Tub X Yaj,

Kuv tau thov tij laug Ntxoov L. Vaj pab muab koj zaj sab sij huam
kev tu siab nov sau ua ib zaj paj huam kom zoo nyeem rau tej lub caij tshwj xeeb.

Xyu Tub Yaj txoj dab neeg.

Na Ku Sa------------- teb chaws nyab laj
Xyu Tub Yaj---------- yuav thov los qhub
lub neej qub------------ lawv txoj kev cai
yug nruas dai-------- thiab niam ua neeb
tsis meem xeeb----- -thiaj xav los ntseeg
nws tsev neeg----------- siab kuj tsis kaj
kom txhob maj---------- tos cia niam ploj
los txog zoj------------ ib cuaj cuaj plaub
ntuj thiaj laub------- niam tau ploj tuag
txoj kev ntsuag----- lawv thiaj txais tau
cuaj caum rau------- thiaj tau los ntseeg
los tsev neeg------niam hlob txiv ntxawm
tseem cem tsawm------qhia rau nom tswv
nrom hiav txwv------- yog lawv tsis tsum
thiaj li tshum-------- nom tswv tuaj ntes
pw nkuaj zes----------yuam lawv ua qhev
ntsia tam dev---------- tsis pub lawv noj
kom luaj nroj----------- tsis pub lawv so
raws li nco----------- plaub hau raug dob
tawv nqaij mob----------- su luaj qe qaib
ua tsiv saib---------- yuav nyob tsis tau
lawv thiaj dhau------ nrhia dua zos tshiab
xyoo ob txhiab-------------ob khoo khoo ob (khoo=0)
(0 Hmoob Cob Tsib hu ua khoo, Hmoob USA hu ua ntxaiv).
thiaj khiav nyob------------- rau Na Ku Sa
kev txhawb nqa--------- ntawm kab taus liv
thiaj tau chiv--------- nthuav loj zuj zus
lawv txhua tus--------- thiaj li tau ntsib
Yaj Vuam Chiv---------- kws qhia teev ntuj
tso plig ntsuj---------- rau Tswv Zov Yaj
yuav zoo tshaj------------ tej qub kev cai
tsis nco ntshai------ leej txiv mam ntseeg
txoj dab neeg----------- muab sau khaw cia
tau tham qhia------- tsoom zeej xeeb ntxwv
muaj tus tswv------------ ua lub kaus ntoo
thiaj yuav zoo---------- lub neej pem suab
yog ntuj muab---------- lub neej thiaj zoo
txhiab puas xyoo----- nco ntsoov teev Ntuj
muaj zoo txuj--------- pom thoob ntiaj teb
muag pom deb-------- thiaj ntsib phooj ywg
txawm nyob twg----yuav nco teev hawm os nawb.

Tus sau Vaj Ntxoov L.
USA, Tim 9/10/2011

**Maiv Tooj** 9th October 2011, 5:27 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°53

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 9th October 2011, 5:27 am

Kwv Xyu Tub X Yaj,

Zaj nov yog tij laug:

Vaj Nruas (Dee Vang),
Kws Txuj hais Xov Tooj Cua:

HmongWorldRadio.com
http://www.hmongworldradio.com/
Nyob Sheboygan, WI
USA

Ua tus sau txog koj zaj dab neeg.
Koj muab nyeem rau koj txiv mloog, tej zaud nws yuav zoo siab.
Kuv ua tij laug Ntxoov L.Vaj thiab tij laug Nruas Vaj nkawd tsaug nrog rau koj thiab cov kwv tij nyob Cob Tsib teb.

Xyu Tub Yaj txoj dab neeg.

Na Ku Sa--------------------- teb chaws Nyab Laj
Xyu Tub Yaj-------------yuav los nthuav tawm
Lub keej khawm---------tsev neeg tshwm los
Yuav muab ntos---------ntawm txiv tus kheej
Yug ntau leej-------------------tau tsib kwv tij
Nyob tsis txhij----------------ob leeg tsis nyob
Hmoov pov plob-------khuam tsis tau nkawv
Txoj hmoov cawv-----------pov tau peb nyob
Tus tij hlob-----------------yog Yaj Txoos Qhua
Tij nrab sua------------------yog Yaj Tswv Riam
Kuv keeb kiam----------------yog Yaj Xyu Tub
Tau muab qhub-------------kuv tsev noj nyob
Neej pov plob--------------tshuav peb kwv tij
Nrog yawm yij--------muam phauj yawg laus
Tau noj haus---------------------ua ke ywj siab
Caij noj tsiab----------------koom txoos ua ke
Noj sib ce--------------------kuj haus sib hlub
Lub neej qub----------------ib txwm muaj los
Thiaj muab ntos-------------kuv li keeb kwm
Peb ib txwm---------------teev dab teev qhua
Thiab tseem ua--------------Nyuj Dab Npua Tai
Raws txoj cai--------------yav puag thaum ub
Lub neej qub--------------hmoob txoj kev cai
Yug nruas dai------------------ua neeb ua yaig
Peb tseem laig-----------poj yawm txwv koob
Lub neej poob---------qab txom nyem ntsuav
Thiaj li dhuav------------xav pauv txoj tshiab
Niam txiv siab----------------kuj nyob tsis kaj
Kom txhob maj---------------tos niam dua toj
Los txog zoj-----------------ib cuaj cuaj plaub
Lub ntuj qaub-----------------lub teb los vuag
Txoj kev ntsuag------------los raws lawv tau
Thiaj li sau--------------txhua tsav txhua yam
Muab pov plam------------mus rau dej tshoob
Ntws mus poob--------------rau lawm zaj qho
Nws ntxeev npho-----------rau ntuj nraum ub
Tsis muaj hnub----------------yuav rov los tau
Cuaj caum rau--------------li pauv kev ntseeg
Lawv tsev neeg--------------tus txheeb tus ze
Tag loj me------------niam hlob txiv ntxawm
Niaj hnub tsawm---------yuav qhia nom tswv
Kwv tij txwv------------------kom cia li tsum
Tus yeej cum---------------kev cai ntseeg Ntuj
Yog tseem yuj--------------ces qhia nom tswv
Nrom hiav txwv-----------yog lawv tsis tsum
Muaj neeg tshum----------nom tswv tuaj ntes
Vim tsis nres----------------tau mus pw nkuaj
Txoj kev quaj-------------yuam lawv ua qhev
Zoo tam dev------------------mov tsis pub noj
Yuam luaj nroj----------------tsis pub lawv so
Raws li nco----------------plaub hau raug dob
Tawv nqaij mob----------------su luaj qe qaib
Ua tsis saib------------------thiaj nyob tsis tau
Lawv thiaj dhau--------nrhiav dua zos tshiab
Xyoo ob txhiab-----------thaum ob txhiab ob
Pauv zos nyob---------------------rau Na Ku Sa
Kev txhawb nqa------------ntawm Kav Tos Liv
Thiaj li chiv---------------qhia kev ncaj ncees
Li tau lees-------------------nthuav loj zuj zus
Lawv txhua tus----------------li tau mus ntsib
Txoj kev pib-------------------Ntuj kev cai siv
Yaj Vuam Chiv-------------kws qhia teev Ntuj
Ntsuj plig yuj---------------nrog Tswv Zov Yaj
Kaj siab tshaj-------------------tej qub kev cai
Tsis nco ntshai--------------------tus dab tsi li
Leej txiv ntxhi-------nyiam nrog lawv ntseeg
Lawv tsev neeg-------------tau los ntseeg Ntuj
Txhua tus kuj----------------txaus siab ib yam
Thiaj muab tham-------------sau ua lus nceeg
Txoj dab neeg------------muab cim khaws cia
Ho tau qhia------------tsoom zeej xeeb ntxwv
Muaj tus Tswv----------------ua lub kaus ntoo
Tau tso loo---------------yeej huam yeej koob
Rau peb Hmoob-------------nyob Nyab Laj teb
Ua rau peb-------------------txoj kev lawm loo
Thiaj yuav zoo--------------rau neej pem suab
Tswv Ntuj muab----------txoj kev haum xeeb
Vaj Tswv teeb----------------lub neej thiaj zoo
Txhiab pua xyoo------------nco kev teev Ntuj
Muaj zoo txuj-------------pom thoob ntiaj teb
Muag pom deb---------thiaj ntsib phooj ywg
Txawm nyob twg-------yuav nco teev hawm
Txoj kev kawm----------xyoo ob txhiab yim
Kuj tau tsim-------------------tho txoj kev dav
Tswv Ntuj kav-----------xyoo ob txhiab cuaj
Chiv Vuam tuaj----------qhia txoos teev Ntuj
Txhua leej kuj------------paub txog hnub Chiv
Ntawm leej txiv--------------Zoo Tswv Zov Yaj
Txoj kev tshaj----------------cev Tswv Ntuj lus
Kom txhua tus--------------ua neeg dawb huv
Hais txog kuv------------------yog Yaj Xyu Tub
Thiaj muab qhub-------------nthuav qhia li no
Lwm zaus tso--------------mam rov tham dua
Hais tsis txhua--------------los thov zam txim
Yeeb yog vim------------tsis muaj caij nyoog
Hais tau toog-----------------nej lub pob ntseg
Txhob pov tseg------------khaws ua dab neeg
Txoj kev ntseeg-----------nyuab npaum li cas
Kom xeev ras--------------nco muaj peb thiab
Kev cai tshiab--------------peb teev Tswv Ntuj
Ib tug txuj---------------------yeej teev ib yam
Ces kuv tham----------------li no xwb nawb./.

**Npuagtub** 12th October 2011, 3:20 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°54

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 12th October 2011, 3:20 am

Tim 12 / 10 / 2011
Sau los ntawm: Soob Zeb Ham.

Ntawm no kuv muab zaj dab neeg no xa rau nej.

zaj no hais txog kev ua zoo yos xws li ib leej txiv nws muaj xya leej tub, leej txiv cog tau ib lub vaj txiv ntoo cawv,ces leej txiv hais rau nws cov tub tias, mej yuav tsum rau siab siv zog nthua kuv kuv lub vaj txiv no lwm hnub nej txhiaj tsi txom nyem nawb mog nej yuav tsum rau siab sib pab nthua txog xya lub xyoo nawb nej tau de cov txiv ntawd coj lug pab rau nej nej lub neej txhiaj tsi tshab nqhis nawb mog, thaum leej txiv tau qhia tseg tas laws txoj hmoo tsi muaj leej txiv tau tso puab xya leej tub tseg lawm? Tshuav nws cov tub saib nwg lub vaj txiv cawv xwb, ces cov ntawd nws tsi ua li leej txiv tau hais tseg puab tsuas xav raws puab siab nyam xwb,ces puab tsi koom ib ib lub siab ib lub ntsws nyiag cam nyiag ib qho nyiag ua raws nyias siab nyiam.

Tug ib nws cia li mus ua tub sab kom tau txais kev noj yooj yim raws nws siab ntshaw.tug ob nws xav tias yuav mus ua las ua luam ces tau kev nplua nuj,tug peb nws xav tias yuav tsum mus txeeb luas tej rau yus xwb txhiaj tau noj tau hnav? Tug plaub nws mus ua loj leeb kom nws paub ntau xeem lus ntau lub teb chaws.tus tsib nws xav tias yuav tsum tau mus nrog cov niam ntiav nws txhiaj tau ua li nws siab ntshaws. tug rau nws xav tias yuav mus ua liaj ua teb txhiaj le tau noj tau haus.Hos tshuav tug tub ntxaws vim nws tsi paub xav ntau yam nws cia li ua raws leej txiv lo lug qhia tseg nws zov lub vaj txiv ntoo ntawd vim nws ua lub siab ntev nthua lub vaj txiv ntoo cawv. Ntawm cov tij laug nyiag mus nyiag tas lawm nyiag nrhav raws nyias siab ntshaw, tus mus ua tub sab nws ua tsi lo raws nws siab xav raug luag muab nws ntaus tshuav siav. Tus mus ua luam los tsi zoo le nws siab ntshaw raug luag ntau nws tom ntog kev.tus mus txeeb luag li los ua nws tau raus luag nws tua tuag lawm, tus mus lawv ntiav nws tau mob tau ntsaj rau nws lub neej ua rau nws tshuav siav, tus mus ua leej leeb txog tog kev nws raug mob tsi muaj neeg saib neeg xyuas nws tshuav pa tsi tu, tus mus ua liaj ua teb nws mus khwv thawm niaj thawm xyoo tsi muaj chaw nyob chaw so.

Tshuav tug tub ntxawg nws ua siab ntev nthua nws txiv lub vaj txiv ntoo mus txog xya lub xyoo cov txiv kws leej txiv cog tseg ntawd nws txi txiv ncw ncw puav nkaus lub vaj ntawd ces txawm muaj coob leej ntau tug tuaj ua nws zog txij hnub ntawd nws tau nyob so mus tas ib sim nyob nyob muaj ib tug ua ib nteeg tshoob yog nteeg tshoob rau neeg ntiaj teb thoob plaws neeg qab ntuj tuaj sib txoos ua ke, muaj ib tug neeg tuaj hais rau nws tiag koj tug tuaj laug raug luas muab nws tua yuav tuag tsi tuag nyob tom zog.muaj dua lwm tug tuaj hais tias koj tug tij laug tuag tom ntog kev, muaj dua ib tug hais ntxiv tias koj tug tij laug nws mob nyav heev tshuav pa tsi tu nyob rau tsev kho mob. Muaj dua lwm tug hais tias koj tug tij laug raus cuab raug kaws ciaj tsi cia tug tsi tuag. Muaj dua lwm tug tias koj tug tij laug nyob suav raug luag muab tua tuag lawm. Muaj dua lwm tug ntxiv tias koj tug tij laug nyob pem roob khwv khwv tsi muaj noj tsi muaj hnav..thaum nwg hmov lawv hais le nws pus nkaus nws qho muag quaj nws tso neeg mus nrhav los nrhiav tsi tau.

Tsis pom ua ib sim neej neej nyob nyias ncaim nyiag tag tu siab ua luaj vim nyiag muaj nyiag txoj hauj lwm rau nyiag ua. Zaj dab neeg no xaus le no.zaj dab neeg no lub ntsiab yog le nov, 1 leej txiv yos tswv yexus 2 cov txiv ntoo cawv yog Yexus cov lug nyob hauv moo zoo 3cov tij laug yog txhua txoj kev phem. 4 tug tub ntxawg yog cov ua zoo ua Yesxus thwj tim tshaj moô zoo rau lug. 5 tug tswv ua tshoob yog tswv ntuj pub lub nteg tshoob yog lub caij txiav txim .,..nyob zoô ib tsoom phooj yws yog peb leej twg tsi nyiam ua zoo nyiaj tsi taug kev txom nyem mas peb tsi tau txais ntuj ceeb tsheej ua peb tug nyob chaw kaj siab lug kws tsi muaj kev nyuaj siab mog peb ib tsoom phooj yws.

Kuv sau rau haưv lawm tiam sis kuv ua tsi tau zoo li, tsi nyob hauv li koj pab muab tso nawb.

XH. Ntxoov Tsab

**Maiv Tooj** 12th October 2011, 9:08 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°55

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 12th October 2011, 9:08 am

Nyob zoo tij laug Soob Zeb Ham,

Ua tsaug ntau rau koj zaj kwv huam no, nws yog ib zaj piv txwv zoo rau peb txhua leej. Yog yuav piv rau txoj kev ntseeg los yeej yog, yog yuav piv rau lub neej los yeej yog. Ua neeg yog tsis mloog niam mloog txiv hais, luag twb cuab tau taw toj rau yus, yus tssi xav yuav, yus tseem xav mus peem yus ces thaum kawg, tag yus lub neej, yus peem ciaj peem tuag los yus nyuam nqua los txog li luag tso tseg rau yus xwb. Yog yus mloog niam mloog txiv hais, luag twb pib los txog ib nta lawm, yus cia li khaws mus ntxiv xwb mas thaum tag yus lub neej, yus yuav mus tau deb dua ntxiv...Ua tsaug rau nej cov kwv tij Hmoob Cob Tsib muaj zoo laj lim tuaj nrog peb sib fim.

HMOOB CATHOLIC NYOB COB TSIB TEB (Hmong Catholic Vietnam) - Page 3 Pt427910

Caij tsheb sib khawm.

**Maiv Tooj** 1st December 2011, 1:41 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°56

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 1st December 2011, 1:41 pm

Nyob zoo XH.Ntxoov Tsab,

Ua tsaug uas pom koj tuaj tso tau ob daim duab nyob nej lub teb chaws rau hauv Gallery.
Pom nej lub zoo nyob tau kaj siab thiab ntxim nyiam heev, muaj hav zoo, xyoob nto ntsuab xiab mos nyoos, ntxim nyob kawg nkaus.

Yog koj tso tssi tau duab ntxiv rau hauv Gallery lawm no txhob poob siab tias yog tim koj lub xov tooj, los yog tim cab sab. Tsis yog, yog lub Gallery ntawd tsis muaj chaw ntau, thaum i kuv twb pib tso duab, tab sis tso tsis tau ntau, twb puv lawm. Kuv thiaj li los tso rau hauv Forum ntawm:

GALERIE,SAIB DUAB HMOOB QUB TXHEEJ DHAU LOS THIAB LWM YAM DUAB

https://hmongcatholique.forumdediscussions.com/f28-galeriesaib-duab-hmoob-qub-txheej-dhau-los-thiab-lwm-yam-duab

Yog koj tso tau ntxiv los haj yam zoo, yog koj tso tsis tau los koj tuaj tso rau hauv lub Topic nov xwb kom koj cov duab nyob ua ib ke rau hauv nov, thaum xav siv thiaj tuaj muab tau yooj yim.

HMOOB CATHOLIC NYOB COB TSIB TEB (Hmong Catholic Vietnam) - Page 3 Hanh_a12

HMOOB CATHOLIC NYOB COB TSIB TEB (Hmong Catholic Vietnam) - Page 3 Hanh_a11

**Tub ntsuag** 2nd December 2011, 10:32 pm

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°57

Re: HMOOB CATHOLIC NYOB COB TSIB TEB (Hmong Catholic Vietnam)

Post Tub ntsuag 2nd December 2011, 10:32 pm

Maiv Tooj wrote:

Nyob zoo XH.Ntxoov Tsab,

Ua tsaug uas pom koj tuaj tso tau ob daim duab nyob nej lub teb chaws rau hauv Gallery.
Pom nej lub zoo nyob tau kaj siab thiab ntxim nyiam heev, muaj hav zoo, xyoob nto ntsuab xiab mos nyoos, ntxim nyob kawg nkaus.

Yog koj tso tssi tau duab ntxiv rau hauv Gallery lawm no txhob poob siab tias yog tim koj lub xov tooj, los yog tim cab sab. Tsis yog, yog lub Gallery ntawd tsis muaj chaw ntau, thaum i kuv twb pib tso duab, tab sis tso tsis tau ntau, twb puv lawm. Kuv thiaj li los tso rau hauv Forum ntawm:

GALERIE,SAIB DUAB HMOOB QUB TXHEEJ DHAU LOS THIAB LWM YAM DUAB

https://hmongcatholique.forumdediscussions.com/f28-galeriesaib-duab-hmoob-qub-txheej-dhau-los-thiab-lwm-yam-duab

Yog koj tso tau ntxiv los haj yam zoo, yog koj tso tsis tau los koj tuaj tso rau hauv lub Topic nov xwb kom koj cov duab nyob ua ib ke rau hauv nov, thaum xav siv thiaj tuaj muab tau yooj yim.

aws twb yog kuv nrhiav tso nyob hauv forum no tiam sis kv tso tsi tau es vim tsi muaj chaw tso li kuv mus rau ntawm gallery es muaj chaw tso tau kuv lawm tso rau ntawd saib puag tau xwb os .es ua tsaug ntau koj tseem pab kho tso rau tawm no nawb mog .yog muaj caij kuv mam sim tso saib puag tau nawb.nyob zoo.

**Maiv Paj Lug** 2nd December 2011, 11:34 pm

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°58

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Paj Lug 2nd December 2011, 11:34 pm

XH NTxoov Tsab, koj tso ob daim duab no zoo nkauj heev li, hauv Gallerie tso tau duab tiam sis tso tsis tau ntau npaum li koj tso hauv ib lub Topic, koj muaj duab zoo tuaj tso pub peb saib thiab nawb, cas siab tej duab no yuav nco nej ua luaj, ntiaj teb nyob qhov twg los yog Ntuj Tsim tag nrho es yeej zoo nkauj tib yam, kho siab tib yam, zoo heev ua koj tsaug ntau nawb.

Txawj tuam puas paub tso duab hauv no thiab ne, nws xa tau ib daim duab tuaj kom kuv tso tab sis kuv txais tau es me me xwb ces tsis pom li.

Pab kuv rov los cuag koj Huab Tais Yesxus

**Tub Kawm** 3rd December 2011, 4:41 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°59

Re: HMOOB CATHOLIC NYOB COB TSIB TEB (Hmong Catholic Vietnam)

Post Tub Kawm 3rd December 2011, 4:41 am

Maiv Paj Lug wrote:XH NTxoov Tsab, koj tso ob daim duab no zoo nkauj heev li, hauv Gallerie tso tau duab tiam sis tso tsis tau ntau npaum li koj tso hauv ib lub Topic, koj muaj duab zoo tuaj tso pub peb saib thiab nawb, cas siab tej duab no yuav nco nej ua luaj, ntiaj teb nyob qhov twg los yog Ntuj Tsim tag nrho es yeej zoo nkauj tib yam, kho siab tib yam, zoo heev ua koj tsaug ntau nawb.

Txawj tuam puas paub tso duab hauv no thiab ne, nws xa tau ib daim duab tuaj kom kuv tso tab sis kuv txais tau es me me xwb ces tsis pom li.

Nyob Zoo Mp hais txog kev tso duab hauv no mas kuv twb sim ntau ntau zaug lawm zoo nkaus li kuv lub XT hai tsi taus qhov ntawd li, thaum kuv nias mus rau qhov ntawd ces cia li tsis tawm li lawm, tsi paub xyov yog li cas?

**Tub ntsuag** 3rd December 2011, 4:47 am

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°60

Re: HMOOB CATHOLIC NYOB COB TSIB TEB (Hmong Catholic Vietnam)

Post Tub ntsuag 3rd December 2011, 4:47 am

Maiv Paj Lug wrote:XH NTxoov Tsab, koj tso ob daim duab no zoo nkauj heev li, hauv Gallerie tso tau duab tiam sis tso tsis tau ntau npaum li koj tso hauv ib lub Topic, koj muaj duab zoo tuaj tso pub peb saib thiab nawb, cas siab tej duab no yuav nco nej ua luaj, ntiaj teb nyob qhov twg los yog Ntuj Tsim tag nrho es yeej zoo nkauj tib yam, kho siab tib yam, zoo heev ua koj tsaug ntau nawb.

Txawj tuam puas paub tso duab hauv no thiab ne, nws xa tau ib daim duab tuaj kom kuv tso tab sis kuv txais tau es me me xwb ces tsis pom li.

nyob zoo os mp kv twb tsi tau txawj tso es kuv nrhiav mus tau rau qhov ntawd xwb lam tsi xwb tsi zoo nkauj os nawb peb teb chaws nws qhov roob qhov hav tob tob tiam sis muab thaij duab tau ntsia mas zoo li zoo nkauj thiab yog nej tuaj pom sis tsi xws nyob li hos ov muab ntsiab saib sab teb chaw nplog mas nws haj yam zoo nkauj dua thiab nws muaj nto ntsuab xab zoo nkauj kawg muaj mi liab me cuam quaj tau yam kho siab kawg hos peb npua nkaus cem teb nplog mus li ob teev xwb txog nplog sab lawm os nawb cia yog muaj caij sim mam nrhiav saib hauv topy puag muaj chaw tso os nawb kev siv xov tooj cab sab nws muaj tsi txhua os nawb. Nyob zoo.

**Npuagtub** 19th December 2011, 10:29 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°61

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 19th December 2011, 10:29 am

TEB CHAWS COB TSIB CHAW ZOO NKAUJ

Photobucket

**Maiv Paj Lug** 19th December 2011, 11:49 am

Maiv Paj Lug

Maiv Paj Lug: Tswv Cuab Hmong Catholique; Messages : 1234
Date d'inscription : 2009-08-17

Post n°62

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Paj Lug 19th December 2011, 11:49 am

Zoo nkauj dhau lawm os cov duab no na XH NpuagTub, zoo siab koj tsheem coj tuaj tso pub peb siab thiab nawb, cas teb chaws yuav zoo nkauj ua luaj saib tsis dhuav li os lawv aw!

Pab kuv rov los cuag koj Huab Tais Yesxus

**Npuagtub** 19th December 2011, 1:43 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°63

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 19th December 2011, 1:43 pm

MP, yog kawg os teb chaws Cob Tsib tej toj roob siab thiab zoo nkauj heev, tej zaum yuav zoo mus vacation kawg li os.

**Npuagtub** 23rd December 2011, 4:31 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°64

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 23rd December 2011, 4:31 pm

Hmoob Nyob bCob Tsib Teb
Noj 30 Xyoo 2011

Hmoob Nyob Nplog Teb
Noj 30 Xyoo 2011

Hmoob Nyob Guyana Fab Kis Teb
Noj 30 Xyoo 2011

Hmoob Nyob Fab Kis Teb
Noj 30 Xyoo 2011

Hmoob Nyob Meskas Teb
Noj 30 Xyoo 2011

Peb haiv Hmoob nyob ntau lub teb chaws
tiam sis peb tej txuj ci yeeb yam zoo sib law
Txawm peb yuav nyob rau lub teb chaw tw
los txog ib xyoo 12 lub hlis peb hmoob yeej noj 30
nqaum toj, dhia qaib pov pob ua si zoo sib xws.

Last edited by XH. Npuagtub on 23rd December 2011, 8:45 pm; edited 1 time in total

**Maiv Tooj** 23rd December 2011, 8:42 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°65

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 23rd December 2011, 8:42 pm

Nyob zoo XH.Npuag Tub,

Ua tsaug uas nws muab kwv tij Hmoob Cob Tsib lub neej rau peb paub txog thiab tseem muab tag nrho Hmoob txhua lub teb chaws tuaj rau peb saib.

Teej Xyooj kawm tias Qeb siab.

Zoo siab thiab thov qhuas txog koj lub laj lim,
Muab siab rau kev kawm txuj ci
Hnub no koj kawm tag nrho
Koj pauj tau koj niam koj txiv lub zog tu koj hlob
Hnub no koj kawm txuj tiav
Koj yog koj niam koj txiv chaw cia siab

HMOOB CATHOLIC NYOB COB TSIB TEB (Hmong Catholic Vietnam) - Page 3 Dsc01110

HMOOB CATHOLIC NYOB COB TSIB TEB (Hmong Catholic Vietnam) - Page 3 Dsc01111

**Tub Kawm** 25th December 2011, 2:01 pm

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°66

UA HMOOV YES XUS YUG LOS TSI MUAJ LEEJ CHOj(cob tsib teb)

Post Tub Kawm 25th December 2011, 2:01 pm

HMOOB CATHOLIC NYOB COB TSIB TEB (Hmong Catholic Vietnam) - Page 3 13248810

Nyob zoo cov phooj ywg txhua tus,

Hnub no kuv thov coj peb cov Hmoob ntseeg Ntuj nyob Cob Tsib Qaum teb, uas tsi tau muaj Txiv Plig, es peb tau ua lub nco txog HT Yes Xus los pub rau peb paub og. Peb tseem txom nyem heev rau ntawm txoj kev ntseeg. vim tias tsi tau muaj tsev Teev Ntuj thiab tsi tau muaj Txiv Plig los sis cov Leej phauj tuaj nrog peb nyob es qhia peb ua lub hmoov, peb lam ua raws li peb ua tau xwb. Yog li kuv thov sawv daws nrog teev Ntuj pab rau peb thiab. Saib ib twg Tswv Ntuj puas yuav xa ib tus Txiv Plig tuaj nrog peb nyob qhia peb og.

NTAWM NO MUS YOG THAM TXOG PEB UA HMOOV NCO TXOG YES XUS YUG LOS NYOB RAU XYOO 2011 NO.

Nyob zoo sawv daws, peb tsi muaj TP ces peb tsuas teev Ntuj xws li hauv qab no xwb:

1- yam li hnub tim 24/12 hlis thaum tsau ntuj peb tuaj zov hmo los teev Ntuj, tos txog HT Yes Xus yuav yug los, thiab npaj ib lub chaw los si (qhov tsua) rau cov mlom los cov duab Yes Xus yug los kom zoo nkauj thiab zoo saib.
2- thaum ib tag hmo mas peb rov teev Ntuj thiab uas lub txoos teev ntuj nco txog Yes Xus yug los thiab hu cov nkauj Yes xus yug los. Thaum teev Ntuj tas peb mam li mus xyuas tus me nyuam Yes xus ntawm lub qhov tsua ua peb tau npaj tso tus me nyuam Yes xus. Thiab hu tej zaj nkauj qhua Nws.
3- hnub 25 mas peb tau npaj tej pluag noj kom sawv daws tuaj noj koom siab.
4- thaum tsau Ntuj hmo 25 peb rov tuaj teev Ntuj thiab ua lub Txoos teev Ntuj dua.

Li no xwb, peb tsi muaj Leej Choj ces peb tsi faib lub Chim Yug rau tsoom ntseeg, peb tsua thov Ntuj thiab ua lub Txoos xwb. Yog qhov twg kuv hais tsi tau txhua Xh. Ntxoov Tsab koj mam li tuaj ntxiv rau. Thov kom lub Xyoo Tshiab peb txhua tus ntsib kev kaj lug.

Nyob zoo

Lub Nkuaj Nyug me nyuam Yes xus yug los

Txoo Teev Ntuj ib tas hmo

Tus nyeem zaj ib, Xov xeem yaj

Rooj mov hnub 25/12/2011

**Npuagtub** 25th December 2011, 5:35 pm

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°67

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 25th December 2011, 5:35 pm

Nyob zoo xyoo tshiab thiab Marry Christmas os Txawj Tuam,

Zoo siab koj tseem tuaj sau txog nej tej kev ua hmoov TSUJ XEEB HUAB TAIS YES XUS rau peb sawv daws paub oas nawv. KUv xav tias nej ua tau zoo kawg li lawm os nawv, yog koj muaj duab no coj tuaj tso rau peb saib thiab los yog xa rau peb mam tso los tau ib yam os, xav pom xav saib nej cov duab os nawv.

Txawm nej tsis muaj lub tsev teev ntuj, tsis muaj txiv Plig los tsis ua cas os nawv, ua li nej ua tau xwb yeej muaj txiaj ntsim ib yam li cov nyob muaj tsev teev ntuj. Huab Tais Yes Xus tsis xaiv tus muaj los tus plaug, tus txawj los tus tsis txawj, Tswv Ntuj nws tsuas xaiv cov muaj lub siab ntseeg ntshaib nqis txog txoj kev ncaj. Nws hlub peb txhua leej, yog li nej txhob tu siab tias tsis muaj Txiv Plig los leej phauj tuaj pab nej, muaj ib hnub tswv ntuj yeej yuav muab yam nej xav tau rau nej os nawv.

**Tub ntsuag** 26th December 2011, 12:14 am

Tub ntsuag

Tub ntsuag: Phooj Ywg; Messages : 111
Date d'inscription : 2011-10-06

Post n°68

Re: HMOOB CATHOLIC NYOB COB TSIB TEB (Hmong Catholic Vietnam)

Post Tub ntsuag 26th December 2011, 12:14 am

XH. Npuagtub wrote:
Nyob zoo xyoo tshiab thiab Marry Christmas os Txawj Tuam,

Zoo siab koj tseem tuaj sau txog nej tej kev ua hmoov TSUJ XEEB HUAB TAIS YES XUS rau peb sawv daws paub oas nawv. KUv xav tias nej ua tau zoo kawg li lawm os nawv, yog koj muaj duab no coj tuaj tso rau peb saib thiab los yog xa rau peb mam tso los tau ib yam os, xav pom xav saib nej cov duab os nawv.

Txawm nej tsis muaj lub tsev teev ntuj, tsis muaj txiv Plig los tsis ua cas os nawv, ua li nej ua tau xwb yeej muaj txiaj ntsim ib yam li cov nyob muaj tsev teev ntuj. Huab Tais Yes Xus tsis xaiv tus muaj los tus plaug, tus txawj los tus tsis txawj, Tswv Ntuj nws tsuas xaiv cov muaj lub siab ntseeg ntshaib nqis txog txoj kev ncaj. Nws hlub peb txhua leej, yog li nej txhob tu siab tias tsis muaj Txiv Plig los leej phauj tuaj pab nej, muaj ib hnub tswv ntuj yeej yuav muab yam nej xav tau rau nej os nawv.

nyob zoo peb ib tsoom phooj yws txhua tug lub hmoov tsuj xeeb yexus yus los mas yog ib yam tseem ceeb thiab muaj nqi rau peb txhua tug yog peb txhua tug twg txais nws los hauv nws siab nws yuav tau txiaj ntsim zoo .nyob zoo peb txhua txhua tug sawv daws nej yog cov muaj tp es muaj tsêv ntuj lawm thov nej tuaj tso nej li dua rau peb tau saib thiab mog .ntawm peb yog cov nyob deb tp tsi muaj tsev teev ntuj peb tsua lam tev ntuj hauv tej yim neeg xwb.thov nej cov muaj tsev ntuj muaj tp pab nrog thov ntuj rau tseem hwv kom lawv pub kev dav rau tp tuaj saib tau peb thiab os nawb.

**Yaj Suav Nus** 26th December 2011, 7:04 am

Yaj Suav Nus

Yaj Suav Nus: Phooj Ywg; Messages : 268
Date d'inscription : 2009-10-23

Post n°69

Re: HMOOB CATHOLIC NYOB COB TSIB TEB (Hmong Catholic Vietnam)

Post Yaj Suav Nus 26th December 2011, 7:04 am

Nyo zoo Txawj Tuam, XH. Ntxoov Tsab thiab tas nrho nej cov ntseeg sawv daws.
Zoo siab tau pom nej ntseeg zoo, nej kev sib koom siab thiab sib tso siab, sib pab loj tas nrho. Muaj ntau yam uas nej tsis muaj yam li: nej tsis muaj TP. tsis muaj Tsob Hwb, tsis muaj ib tug leej phauj, tsis muaj tsev teev ntuj thc...tej yam li hais los no mas tsuas yog yam pom tau ntawm lub qhov muag xwb nej txawm tsis muaj los nws yuav tsis yog ib qho rhuav tshem tau yam zoo zoo uas nej muaj tawm mus. Yam zoo zoo uas nej muaj ntawd yog nej txoj kev ntseeg uas muaj Huab Tais Yes Xus nyob nrog nraim nej txhua leej txhua tus thiab txhua lub sij hawm. Saib nej cov duab xwb twb pom tias nej muaj kevv zoo siab thiab kev lom zem txhua tus.
Vam tias Huab Tais Yes Xus yuav txuag nej txoj kev ntseeg, kev sib koom siab, kev lom zem nrog rau kev noj qab nyob zoo mus tsis muaj caij kawg.

Y. Suav Nus

**Maiv Tooj** 26th December 2011, 7:16 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°70

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 26th December 2011, 7:16 am

Nyob zoo XH.Ntxoov Tsab, Txawj Tuam thiab XH.Npuag Tub,

Tub Txawj Tuam thiab XH.Ntxoov Tsab,

Ua tsaug ntau uas nyob deb li deb los neb tseem tshaj nej lub moo tuaj rau peb txhua leej paub txog nej kev noj haus thiab ua Hmoov Huab Tais Yes Xus Yug los. Yog ib qho zoo kawg nkaus, txhob tu siab tias nej muaj tsis txhij tsis txhua, nej tsis txawm peem es nej tsis xws luag, pom nej lub neej kev coj, kev ntseeg loj, ua rau peb xwv nej heev mog. Pom nej ua tau ntau yam zoo uas tsim nyog peb sawv daws yuav xyaum nej. Txawm tsis muaj Leej Choj nrog nej nyob los Tswv Ntuj yeej nrog rawv nej. Qhov twg muab ib pab neeg sib sau los cav Tswv Ntuj lub Moo Zoo, Nws yuav pub txiaj ntsim rau lawv. XH.Ntxoov Tsab thiab Txawj Tuam, nej tsis muaj Leej Choj, los nej twb nyob koom zej koom zos, ces twb ho yog ib qho zoo. Peb muaj Leej Choj, tab sis peb nim ib yig nyob ib qho, twb mus sib cuag tsis yooj yim, peb twb ua tsis tau ib yam zoo li nej ua nov.

Ua li pom nej noj pluas mov Hmoov Yes Xus Yug, yog nej sib koom tua ib tug tsiaj, ua ua ke los yog neuj nyias ua nyias nqa tuaj noj li peb tim no. Thiab puas yog tsis muaj cov laus, cov me nyuam los yog txhob txwm yees duab ntawm cov hluas xwb, cas zoo li pom cov hluas ntau xwb?

XH.Ntxoov Tsab, koj nug txog peb kev mus teev Ntuj Hnub Hmoov Yes Xus Yug. Kuv yuav piav me ntsis rau koj li uas peb tau ua. Yam li peb cov Hmoob nyuam qhuav ua Hmoov Yes Xus Yug los thiab Noj Peb Caug ua ke rau Hnub Chiv dhau los no ces peb tsis muaj sib sau ua ke los txais Yes Xus Yug los lawm. Peb nyias mus raws nyias lub tsev teev Ntuj ntawm nyias lub zos.

Kuv tsev neeg peb mus teev Ntuj nrog tsoom neeg Fab Kis nyob hauv lub Tuam tsev teev Ntuj "Primatial Saint Jean Baptiste" nyob Lyon. Yog thawj thawj lub tsev teev Ntuj nyob Fab Kis teb. Lawv txhim thaum 177 tom qab Yes Xus Yug. Thaum lawv rov txhim dua, lawv ua tau 200 xyoo thiaj li tiav sab nraud. Lub tsev teev Ntuj loj thiab zoo nkauj heev. Peb muaj thaj tsam li 7000 leej tuaj ua lub Txoos ua ke, muaj Tswv Qhai Liab Lyon thiab coob leej Leej Choj ua thaj Mis Xas, muaj cov tub nkauj hu tau nkauj zoo tshaj plaws li. Thaum kuv hnov cov nkauj, hauv kuv lub siab, kuv xav kom ib hnub twg tub Txawj Tuam neb tau tuaj nrog kuv hnov lawv cov nkauj nov ib zaug.

Tswv Qhia tau hais tias xyoo no kom sawv daws yuav tsum teev Ntuj, teev ib leeg los yog teev nrog ib pab ua ke, kom mus Daws Txhaum. Thaum thov Ntuj lawv kuj thov Ntuj rau nej tib si. Khuv xim heev uas lawv tsis pub yees duab ces kuv muab tsis tau duab rau nej saib, tab sis yeej zoo tshaj plaws li.

HMOOB CATHOLIC NYOB COB TSIB TEB (Hmong Catholic Vietnam) - Page 3 Lyon_p10

Tuam tsev teev Ntuj Primatial Saint Jean

HMOOB CATHOLIC NYOB COB TSIB TEB (Hmong Catholic Vietnam) - Page 3 Cathed13

Hauv tsev teev Ntuj.

HMOOB CATHOLIC NYOB COB TSIB TEB (Hmong Catholic Vietnam) - Page 3 Get_as10

Cov tub nkauj, cov hnav dawb yog cov me nyuam tub uas tsis tau hloov suab.
Thaum lawv hloov suab lawm ces lawv tsis yuav hu nkauj lawm.

**Tub Kawm** 26th December 2011, 11:27 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°71

Re: HMOOB CATHOLIC NYOB COB TSIB TEB (Hmong Catholic Vietnam)

Post Tub Kawm 26th December 2011, 11:27 am

Nyob Zoo XH NP Tub,thiab Tx Suav Num nrog rau Niam Hlob nej sawv daws huv si,

Ua tsaug uas nej tseem qhua peb thiab txhawb peb lub zog og, thov kom Tswv Ntuj pub Nws lub txiaj ntsim tuaj rau nej thiab peb sawv daws, kom lub xyoo tshiab no peb txhua tus txais kev kaj siab lus mus li xwb.

Niam hlob hais txog ntawm kev thaij duab vim li cas ho tsi pom cov nee laus?
Qhia tias twb yog hnub ntawd nyob rau hauv lub tsev ua cov txiv neej thiab cov neeg laus lub rooj mov tsau tsau es kuv thaij tau tiam si tsi pom li, thiaj tsis xa tuaj xwb. cia lwm xyoo thaij tau mam xa, thiab peb tsis muaj lub maiv thaij duab es peb muab lub Xov Tooj thaij xwb es pom tsi zoo los nej lam saib kom nej paub peb lub neej xwb og.
Hais txog qhov koj tias yog peb tua ib tus tsiaj los peb nyiag ua nyiag ib tais mov mam nqa tuaj koom noj ua ke?
Qhia tias xyoo no nyob rau hauv peb lub zos npaj tsi tau, twb yog kuv mus nrog Ntxoov Tsab lawv koom xwb, yog lawv yuav ib tus npua los tua kom sawv daws koom xwb.
Niam hlob thov koj tsaug uas koj tseem coj nej ua hmoov noj peb caug thiab Yes Xus los nyob Lyon tuaj tso pub rau peb paub og. Kuv ntsia ma zoo li nej muaj kev lom zem kawg li, thiab cov tub hu nkauj lawv coob kawg li yom, kuv vam hais tias ib hnub twg kuv yuav tau tuaj ntsib nej txhua tus. Nyob zoo

**Maiv Tooj** 26th December 2011, 7:56 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°72

Re: HMOOB CATHOLIC NYOB COB TSIB TEB (Hmong Catholic Vietnam)

Post Maiv Tooj 26th December 2011, 7:56 pm

Nyob zoo XH.Ntxoov Tsab thiab tub Txawj Tuam,

Zoo siab pom nej sawv daws txawj sib hlub sib koom siab.
Nej ua tau ntau yam zoo heev, nrog nej zoo siab thiab qhuas txog nej txoj kev zoo, txoj kev ntseeg, ua tau ib tug qauv zoo rau ntiaj teb neeg xyaum. Txawm nej nyob rau lub neej txom nyem, nej khwv tsheej qav xyoo mam tu tau ib tug tsiaj hlob los nej tseem txhawm tau los ua ib pluag noj rau zej tsoom. Yog ib lub txiaj ntsim loj tshaj plaws rau ntawm Tswv Ntuj xub ntiag.

Ua li ib tug npua ntawd tus nqe yog pes tsawg? Yuav tu pes tsawg hli, pes tsawg xyoo thiaj li tau tus npua ntawd? Es tua tus npua, cov mov ne ib leeg faib me ntsis txhuv mus ua noj los yog XH.Ntxoov Tsab koj thaj tsob tus kheej? Vim nej ua teb noj xwb, yog tsis sib pab no ntshe sawv daws yuav noj tag nrho yus civ niam txiv tub txhab nplej kiag lawm. Ua suav laus nug tw dais kom paub txog nej kev noj haus xwb, txhob ntau nqe nyhav nawb ob tug me tub. Yog tsis ua me nyuam yaus nug ces peb cov nyob deb tsis paub txog nej lub neej qhov tseeb. Thov zam txim nawb.

**Npuagtub** 6th January 2012, 5:04 am

Npuagtub

Npuagtub: Hmong Catholique; Messages : 999
Date d'inscription : 2009-08-16
Age : 59
Localisation : Fresno, California, USA.

Post n°73

Re: HMOOB CATHOLIC NYOB COB TSIB TEB (Hmong Catholic Vietnam)

Post Npuagtub 6th January 2012, 5:04 am

LUB TEEB TSOM, yog leej twg kaj kuv ?
XH.Ntxoov Tsab on Thu 6 Oct - 23:39

LUB TEEB TSOM.

Tau muaj ob peb xyoo dhau los, nyob tsis deb ntawm peb zos, Xeev Dien Bien, Cob Tsib teb, muaj ob niam tub tsis muaj txiv mus tom teb, mus txog ib tog kev ces tus tub txawm mus ib qho hauj lwm tim ib yim neeg, tso leej niam nyob tom kev tos nws. Nws mus ntev ntev, tsaus ntuj lawm tsis los li ces leej niam thiaj li maub mus nram teb, mus hauv hav zoov mus xwb, tsaus ntuj cuag log cam thaiv qhov muag, ntuj tsaus ti nkaus ntawm taw, tssi pom kev li lawm tiag tiag...Cas cia li muaj peb lub teeb li teeb tsom (teeb nyem, teeb xais, teeb khoos npiv...thc... nyob ntawm cov neeg yuav tis npe rau cov teeb no)los tsom rau leej niam mus, yog mus twj ywm no ces pom zoo li cov teeb tsom ntawm nyob ntawm nws ib sab tsom rau txoj kev nws taug, yog tig ntsia cov teeb no ces zoo li yog tsom puag saum ntuj tuaj rau nws taug kev...Cov teeb kaj kaj nws mus txog ntua ntawm lub tsev teb ces cov teeb cia li ploj tag lawm...

XH. Ntxoov,

Kuv muab koj zaj lus los tso rau kem Hmoob nyob Cob Tsib Teb lawm, vim zoo li koj tso ib qho sib tshooj nlawm tsis pom es cia Administrator mam tuaj kho.

**Tub Kawm** 17th January 2012, 5:22 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°74

Thov ua tsaug rau ib tsoom ntseeg (fab kis teb)

Post Tub Kawm 17th January 2012, 5:22 am

Nyob zoo ib tsoom Niam Txiv kwv tij neej tsa hmoob ntseej Ntuj nyob Fab Kis Teb,

Ntawm no kuv yog Tub Tuam cob tsib qaum teb.
Kuv yuav thov hais 2 3 lo lus tuaj rau nej sawv daws cov nyob fab kis teb.
Kuv tsi muaj dab tsi, tiam si thov uas nej sawv daws tsaug ntau.
Ntawm no Kuv thov sawv peb tsoom ntseeg nyob cob tsib qaum teb, chaw ua nej sawv daws tsaug ntau ntau, uas nej txhua tus tseem muab dej siab dej ntsis tuaj hlub tshua txog peb, thiab txhawb txhim rau peb Lub Tsev Teev Ntuj nyob (Hauj Thoj) no thiab. Thov ua nej tsaug ntau ntau, thiab ua Tswv Ntuj tsaug ntau. Thov kom Tswv Ntuj pub txiam ntsim tuam rau nej txhua Leej Txhua tus kom nej nyob kaj lug.

Co kwv tij los cov muam los cov niam cov txiv. Nej nyob deb tas npaum los nej tseem muab nej lub dag lub zog tuaj nrog peb nqa ib lub los ob lub pob zeb coj los txhim peb lub Tuam Tsev Teev Ntuj nyob Hauj Thoj no thiab, tseg cia peb tau Teev Ntuj. Vam hais tias nej tej nqe zog Tswv Ntuj yuav khaws tseg, nej tej dag zog Tswv Ntuj yuav sau cia, muaj ib hnub Tswv Ntuj yuav rov muab rau nej. Kawg nog thov kom nej txhua tus nyob kaj siab lug. Peb mam sib ntsib dua.

Txawj Tuam