Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb

Nyob zoo xyoo tshiab xyoo 2014-2015 rau tsoom hmoob ntseeg ntuj hauv hauv xeev Dien Bien.
Thov ua Tswv Ntuj tsaug ntau ntau, uas xyoo no sawv tau pom Koob Tsheej  Huab Tais Yes Xus yug los thawj zaug rau peb txhua leej, mas sawv daws lom zem xyiv fab hu nkauj ua Tswv Ntuj tsaug ntau ntau.

NTXIV NTAWM NO MUS YOG YUAV THAM TXOG COV HMOOB NTSEEG KAV TOS LIV, NYOB HAUV LUB XEEV DIEN BIEN COB TSIB TEB, RAU SAWV DAWS PAUB, SAIB LAWV TXOJ KEV NTSEEg MUS LI CAS? THIAB LAWV LOS TXAIS KEV NTSEEG RAU XYOO TWG? NYOB RAU QHOV TWG? LUB HOM PHIAJ NTAWM LAWV TXOJ KEV NTSEEG YOG DAB TSI!.  

Tsoom niam txiv kwv tij sawv daws, peb hmoob Kav Tos Liv hauv lub xeev Dien Bien, Nan Po,  Nas Xas, muaj kwv yeeg li 180 yim neeg ntseeg ntuj, thiab kwv yeeg muaj  800 tawm leej tib neeg ntseeg.
Cov neeg ntseeg no, feem coob yog  cov uas ib txwm ntseeg Tswv Ntuj nyob rau lawv qub teb qub chaw, xws li Sas Pas, Xoos Las, thiab Lais Tsaus, lawv twb los ntseeg lawm. Ho muaj ib txhia yog cov uas los ntseeg tshiab nyob rau hauv lub xeev Dien Bien.

Peb pib paub txoj kev ntseeg, yog 1990 ted. Ho sawv daws los txais ntseeg yog xyoo 1991-1992-1093.
Thaum ntawd sawv daws tseem nyob rau qub teb qub chaw.
Tiam sis vim sawv daws puav leej yog neeg ua liaj ua teb noj xwb. Li ntawd, tsi muaj liaj teb ua noj lawm.
Yyoo 1995
Sawv daws thiaj khiav teb khiav chaw,  tuaj nyob rau thaj tsam, Nas Xas, Naaj tseem, Nan po, Xeev Dien Bien.
Thaum peb nyuam qhuav tuaj txog rau thaj chaw tshiab ntawm no, mas sawv daws kuj tsi muaj mov txaus noj, sawv daws yuav tsum mus khawb cov qos kauj hmab nqeeb coj los hau noj.  
Tej zaum nej yuav xav tias li cas peb thiaj noj cov qos nqeeb ntawd. Hais rau nej paub tias: nyob ib cheeb tsam ntawm peb lub nroog Nas Xas no tsi muaj tib neeg nyob coob, kev tsheb kuj tuaj tsi txog, deb kiab khw.
Li ntawd sawv daws thiaj yuav tsi tau txhuv los noj.
Txawm li ntawd los sawv daws yeej tsi tso kev ntseeg tseg, sawv daws yeej kub siab lug rau txoj kev ntseeg Tswv Ntuj.

Txij thaum xyoo 1992 uas peb los txais kev ntseeg mus txog rau xyoo 2004 mas peb tseem tsis tau muaj ib tus coj pawg ntseeg los ib tus Tub uas lub Txoos Teev Ntuj rau peb cov neeg ntseeg li, yog leej twg paub mes ntsis cov zaj teev ntuj ces tus ntawd los coj cov neeg ntseeg teev ntuj kom sawv daws paub teev ntuj xwb.
Thiab thaum ntawd TP pub ib tus ua lub cim ntxuav rau sawv daws, tiam sis kuj tsi tau ua lus hmoob li niaj hnub no, txawm ua lus hmoob los kuj tsi tau yog lus thoob teb.
Li ntawd txog xyoo 2004 lub 4 hlis tej, muaj ib tus XH hmoob, nyob rau nram lub nroog Muas Luj tau tuaj tsham txog ntawm peb, Nws li teeb tsa peb 3 lub zos kom muaj tub tuav dej num, tias si tsi tau muaj tub ua lub txoos li. Tsuas tsa muaj 2 tus tub coj suab nkauj, 3 tus yog tub saib xyuas, 1 tus yog tub tuav nyiaj hauv lub Koom Txoos, nrog rau tus tub ua lub Cim Ntxuav xwb.

Xyoo 2004 mus txog rau xyoo 2006 mas peb 3 zos zos tseem koom ua ib pawg ntseeg, thiab cov tub tuav dej num hauv pawg ntseeg tseem sib koom ua hauj lwm.
Tiam sis tsi tau kawm dab tsi li tsuas yog lam tuav hauj lwm xwb, thiab qhia qhov raws li yus paub lub Moo Zoo rau cov ntseeg xwb.
Thaum ntawd, peb tsuas muaj tib phau Ntawv Ntshiab uas yog phau cav txog Yes Xus lub neej, xws li Mt, Lk, Mk, Z, uas yog 4 phau koom cog ua ib phau ntawd ntawv xwb.
Li ntawd cov tub tuav dej num li sib sau sib tham kom tso ib tus mus ntsib Txiv Plig saib yuav ua cas, vim muaj cov ntseeg coob, tiam sis tsi paub kev kev ntseeg li.

Txog rau xyoo 2006 Txiv Plig Pob Zeb thiaj tau caw sawv daws mus kawm rau Sas Pas.
Li ntawd peb thiaj xaiv ib lub zos, ib tus mus kawm ua lub txoos teev ntuj.

Thaum cov tub mus kawm ntawd, TP hais tias: lawv rov los mas nyiag yuav tsum teeb tsa nyiag lub zos, kom muaj txhua cov tub tuav dej num.
Li ntawd txij thaum ntawd los peb 3 pawg ntseeg thiaj li muaj cov tub tuav dej num txhua nyob rau hauv ib pawg ntseeg.

Txij xyoo 2006 los txog rau tam sim no uas yog xyoo 2015 mas nyob rau hauv txhua txhua hnub chiv peb muaj cov tub ua lub txoos teev ntuj rau peb. Tiam sis tsi tau muaj lub Cim Yug, vim yog peb nyob nrug deb TP heev, li ntawd peb thiaj tseem tsi tau muaj, kuv vam tias tsis ntev saum no tej zaum peb yuav muaj lub Cim Yug nyob rau txhua hnub chiv.

Peb cov neeg ntseeg, muaj ib txhia, txij li thaum peb los ntseeg ntuj log txog rau xyoo 2011 mas lawv tsi tau pom dua Txiv Plig los Tswv Qhia ib zaug li.
Tsua pom thawj zaug TP yog xyoo 2011 xwb.
Thiab lawv tsuas pom TQ thawj zaug yog lub lub 12 hli xyoo 2014 dhau lo no xwb.

Yam li hnub tim 2 lub 12 hlis xyoo 2014 dhau los no yog thawj zaug sawv daws tau pom TQ.
Thiab ro txog 24-12 mas TQ thiab TP rov tuaj coj sawv daws ua hmoov tsuj xeeb Huab Yes Xus thawj zaug, li ntawd txij thaum peb los txais kev ntseeg los txog tav no sawv daws pom hmoov tsuj xeeb thawj zaug yog xyoo 2014 no.

Muaj sij hawm kuv mam piav peb mes ntsis peb ua hmoov tsuj xeeb Yes Xus yug lo rau sawv daws.

Thov kom sawv daws nyob kaj lug.

Nyob zoo Tub Kawm,

Yog ib lub txiaj ntsim zoo heev uas Hmoov Tsuj Xeeb xyoo 2014 no nyob rau tsoom ntseeg xeev Dien Bian tau ua ib lub Hmoov Tsuj Xeeb xws li lwm qhov chaw. Kuv thov qhua nej tsoom ntseeg. Yog thawj xyoo uas muaj Txiv Plig thiab Tswv Qhia tuaj ua hmoov rau nej; tab sis nej kuj npaj tau zoo heev.

Kuv pom lub caij nyoog tsawg heev rau Tswv Qhia thiab Txiv Plig Pob Zeb lawv; tuaj tib pliag xwb los nim tau ua cim ntxuav, Cim cog lus, cim pleev nrog rau lub Txoos tib si ua ke.

Txawm txoj kev yuav ti npaum twg los twb thoov tau txoj xub ke lawm ces yeej yuav muaj lw mus ntxiv, nej sawv daws ua siab loj mog.

Tswv Ntuj nyob nruab nrab cov neeg sib nyiam sib hlub.

Nyob zoo Tub Kawm,

Ua tsaug rau koj cov lus piav txog nej cov ntseeg nyob Dien Bien, thiab rau koj cov duab os. Peb nrog nej zoo siab tias xyoo no Tswv Ntuj kuj tho tau txoj kev li tais Tooj hais rau TP thiab TQ tau tuaj xyuas nej thiab tuaj ua lub koob tsheej Yes Xus Yug, muaj thaj txi ntuj muaj ua cov cim tseem ceeb rau nej cov ntseeg tib si.

Kuv pom tias nej cov coj yeej npaj tau zoo heev li thiab nej yeej yog mob siab kawg nkaus. Thov qhuas nej mog, thiab txhawb nej kom nej txhob ntaus siab me li, kav tsij siv zog ua Tswv Ntuj txoj dej num pab peb cov Hmoob kom lawv txoj kev ntseeg tsuas muaj loj ntxiv xwb mog. Thov kom Tswv Ntuj nchuav nws tej txiaj ntsim koob hmoov los pab los txhawb nej mus li nawb.

N.hlob thiab Mim, peb nyob deb TP thiab Leej phauj kawg, kuj tsi muaj tus qhia peb ua, tiam sis muaj qee zaj yeeb yam yog peb civ dhos, qee zaj yog Leej Phauj qhia kom sawv daws.
Peb kuj ua tseem tsi tau zoo li thiab tiam kuj yog thawj zaug ua cov neeg ntseeg tau pom hmoov tsuj xeeb yes xus yug los mas zoo siab kawg li. Thov sawv daws rau siab teev ntuj.

Nyob zoo Mim thiab Tub Kawm,

Vij los yog ib lub txiaj ntsim zoo heev uas xyoo no, 2014, tsoom hmoob ntseeg nyob xeev Dien Bien tau ua lu hmoob Tsuj Xeeb Yes Xus Yug los nrog rau Tswv Qhia thiab Txiv Plig tib si.

Yam li thaum lub 4 hlis 2014, yog 8 lub hlis ua ntej Hmoov Tsuj Xeeb xwb, TP Pob Zeb tuaj xyuas lawv nyob Dien Bien, tuaj txog hauvlub nroog hu tias: NroogLos Xã, qhov ntawd mus rau hauv XH.Ntxoov Tsab lub zos, kwv yeeg muaj 300 tshim (180 m) xwb, cov tseem hwv, lawv twb tsi pub los hauv zos li. Li ntawd cov ntseeg sawv daws mus xyuas TP Pob Zeb ib pliag xwb TP cia rov qab lawm.

Thaum lub 11 hlis, Tswv Qhia, nrog rau ob tug Txiv Plig thiab ob leej Phauj kuj ho tuaj xyuas tau Hmoob Dien Bien ib hnub. Yog thawj zaug uas tej tug hmoob ntseeg tau pom ib tug Txiv Plig los ib tug Tswv Qhia ntawm qhov muag kiag txij thaum lawv ua Ntuj kev cai los. Yog 7 lub hlis tom qab lub 4 hlis 2014.

Thaum lub 12 hlis tim 24, Hmoov Tsuj Xeeb 2014, txawm yuav yog Tswv Qhia tau mus thov kev tso cai nram Hanoï mam li tau tuaj ua Hmoov rau cov Hmoob ntseeg nkaus nkaus xwb twb tsis pub pw li tseem kom maub rov qab mus rau thawj lub nroog deb 200 km los yeej yog ib lub txiaj ntsim loj heev lawm. Thov ua Ntuj tsaug.

nyob zoo xyoo tshiab rau txhua leej zoo siab kawg nkaus lub xyoo no muaj txiv tswv qhia nrog tp nrog rau leej phauij tuaj ua lub hmoov tsuj xeeb huab tais yus los mas yos ib lub txiaj ntsim loj kaws tej yam uas peb ntshaws txog nqhis txog mas hnub no nws tsheej xeeb peb tej niam tej txi ntseg ntuj tau ntev npaum no xyoo mas tsi tau pom dua txiv tswv qhia mas zaum no tau pom lawm tiag mas yog ib yam ua zoo siab tshaj li os thov kom huab tais nrog nraim nej sawv daws nyob zoo

Nyob zoo Tub Ntsuag,

Tau ntev lawm tsis hnov koj li, hnub no rov tau nyeem koj cov lus, kuj ua rau peb zoo siab kawg.
Nyob zoo xyoo tshiab rau nej sawv daws thiab os. Thiab peb kuj nrog nej zoo siab thiab ua Tswv Ntuj tsaug kawg, vim nws tau pub kom TQ thiab TP thiaj leej phauj lawv tuaj xyuas nej lawm. Zoo siab kawg nkaus li.

HMOOV TSUJ XEEB YES XUS YUS LOS THAWJ ZAUG RAU HMOOB CATHOLIC DIEN BIEN.

Nyob zoo sawv daws.
Hnub tim 24-12-2014 dhau los nog TP Pob Zeb thiab Txiv Tswv Qhia Anphongxo, thiab 2 tus Leej Phauj, nrog rau 2 tus Leej Tij, tau tuaj coj peb tsoom ntseeg ua lub Koob Tsheej nco txog Yes Xus yug los.
Yog thawj thawj xyoo uas peb tsoom ntseeg nyob Dien Bien tau pom lub Hmoov Tsuj Xeeb Yes Xus yug los, li ntawd sawv daws  zoo siab kawg nkaus.

Cov neeg tuaj koo lub Hmoov truj xeeb Yes Xus yug los, kwv yeeg yog muaj 600 tawm leej.
Lawv tuaj txhia qhov txhua chaw tuaj nrog peb koom.
Kuj muaj cov ntseeg nyob sab nraus ua tsi yog peb cov Catholic tuaj nrog peb koom thiab.
Cov tsis tau los ntseeg kuj muaj leej puav thiab.
Li ntawd sawv daw xyiv fab lom zem kawg nkau.
 Thov ua Tswv ntuj tsaug ntau, uas xyoo no Tswv Ntuj tau xas TP thiab TQ tuaj pab peb ua hmoov nco txog Nws leej Tub yug los, rau peb pom.

Xyoo no yog thawj xyoo ua peb muaj TP
tuaj coj peb ua hmoov tsuj xeeb  Yes Xus rau peb.
Peb tsi muaj dab tsi, tiam si pe muaj ua yeeb yam, hu nkauj, thiab TP TQ ua Mixas rau peb.

Yam li hnub 24 thaum tav su TP TQ tuaj txog peb.
Thaum 15:00h  tsau ntuj TP ua lub Cim Pleev rau cov laus, thiab ua lub Cim Ntxuav rau cov neeg laus, ua Cim Cog Lus rau cov ua txij nkawm.
16:00h saws daws noj mov koom siab ua ke.
18:00h teev sawv daws pib ua yeeb yam, hu nkauj.
20:00h mus txog 21:00h ua thaj txi ntuj.
21:30h TP thiab TQ rov mus tsev, vim txoj kev nqaim es TQ thiab TP thiaj tsi tau nrog peb pw.
Li ntawd TP lawv yuav tsum caij tsheb mus li 200km mas txog hauv xeev, lawv mam tau pw nras.    
Yog ib qho nyuaj rau TQ thiab TP kawg nkaus.
Txawm peb xav kom TQ thiab TP nrog peb pw npaum cas los txoj cai cov tseem hwv tsi pub ces ua tsi tau li lub siab xav li.

Thov sawv daws teev ntuj pab peb thiab.

nyob zoo mim tsi tau tuaj teb koj li vim muaj hauj lwm tab kaum me ntsis lawm , yog los mav kluv twb tseg hov ntev lswm tsi tuaj os tiam si yeej tusj saib nraim nej sau ntawv thiab os mim a tim neej puas tau noj tsiab peb caus tas os ntawm peb no nyuam qhuav yuav pib noj xwb os nyob zoo mam sib ntsib dua

Nyob zoo Tub Ntsuag,

Ua li, nej nyuam qhuav yuav pib noj peb caug xwb los? Nej noj raws Suav los yog raws Nyab Laj na?  Peb ces peb noj ib yam li thaud peb nyob Nplog teb os. Cov noj ntxov ces lawv noj thaum lub 11 hlis, hos cov noj lig ces noj thaum lub 12 hlis os. Kuv nco mas zoo li peb yeej tsis noj tom qab lub 12 hlis li as. Kuv yeej tsis tau pom dua peb Hmoob noj peb caug lub 1 hlis los lus 2 hlis li.

Txawm li cas los thov kom lub xyoo tshiab no nej sawv daws tsuas ntsib kev noj qab nyob zoo xwb, thiab kom Tswv Ntuj pab txuag nej sawv daws os.

Nyob zoo N hlob

ua tsaug uas koj tso cov duab no og, zoo kawg li, yog ib qho txhawb zog thiab khaws peb hmoob Kav Tos Liv Dien Biem li keeb kwm tseg kom tej me tub me nyuam tom ntej tau saib.

Niam hlob cov duab ntawd leej twg xa rau koj los yog koj mus muab hauv cab sab Intrenet TP Pob Zeb lub tsev vas los maj?

Cas muaj ntau daim duab kuv twb tsi tau pom dua li.

Mim wrote:Nyob zoo Tub Ntsuag,

Ua li, nej nyuam qhuav yuav pib noj peb caug xwb los? Nej noj raws Suav los yog raws Nyab Laj na?  Peb ces peb noj ib yam li thaud peb nyob Nplog teb os. Cov noj ntxov ces lawv noj thaum lub 11 hlis, hos cov noj lig ces noj thaum lub 12 hlis os. Kuv nco mas zoo li peb yeej tsis noj tom qab lub 12 hlis li as. Kuv yeej tsis tau pom dua peb Hmoob noj peb caug lub 1 hlis los lus 2 hlis li.

Txawm li cas los thov kom lub xyoo tshiab no nej sawv daws tsuas ntsib kev noj qab nyob zoo xwb, thiab kom Tswv Ntuj pab txuag nej sawv daws os.

Nyob zoo Mim

zoo li Tub Ntsuag tsi pom tuaj teb koj ces cia kuv teb koj tsi txhob xav li cas og nawb.
Mim peb hmoob noj tsiab peb caug xam qhov yog mas noj rau lub 12 uas koj hais thiaj yuav yog dua, vim lub hli ntawd yog lub thoob ntiaj teb sawv daws siv tib yam, los tib hnub, tib lub hli.
Tiam sis peb nyob luas ntuj peb yoog luas txuj, peb thiaj noj peb caug rau lub 2 hlis ntiaj teb lawm.
Li ntawd txhais tau hais tias yog noj suav tsiab xws li koj hais.

Mim haj ntshe nyob rau ntau lub teb chaw nej twb mus ua qoo ua loo, npaj luaj teb quav nroj lawm, los hmoob nyab laj tseem noj peb caus, dhia qaib og.

Li cas los vim peb nyob luas ntuj yoog luas txuj, ces nyiag ua raws li nyiag lub teb chaw, es cov tub ntxhais kawm ntaub ntawv thiaj li tau los nrog peb noj tsiab peb caug og.

Nyob zoo os Tub Kawm,

Ua koj tsaug uas koj tau tuaj teb kuv os. Kuv to taub zoo lawm mas, tias nej yog noj tsiab peb caug raws li Suav. Qhov kuv hais saud hais tias peb noj rau lub 11 hlis los puas lub 12 hlis mas yeej yog noj raws li peb Hmoob ib txwm noj ov, tsis yog noj li ntiaj teb sawv daws noj. Peb Hmoob tsis txawj pib suav xyoo ntawm ib tug neeg lub hnub nyoog yug los tias muaj pes tsawg pua los pes tsawg txhiab xyoo lawm, tiam sis peb Hmoob yeej saib lub hli suav tias ib lub xyoo mas yuav tsum muaj kaum ob lub hlis.
Kuv tseem nco tau tias thaum kuv me nyuam yaus mas kuv niam thiab kuv txiv lawv yeej qhia peb cov me nyuam saib lub hli saum ntuj, ces kuv yog tus hlob mas thaum ntawd kuv txawj saib hli thiab txawj paub tau tias yog hli nqig pes tsawg lawm los yog hli xiab pes tsawg lawm no thiab hos. Tiam sis zaum no ces kuv tsis nco tej ntawd tas lawm lau.
Tiam sis kuv nco tau hais tias yog peb noj peb caug lig ces peb lub peb caug poob ze ze rau thaum hnub Yes Xus yug no. Ces peb ua xyoo tshiab thiab ua hmoov Yes Xus yug ua ke sib law sib liag kiag xwb.

Tub Kawm,

Nej cov duab teev Ntuj, yog kuv muab hauv TP.Pob Zeb lub facebook los xwb. Kuv zoo siab uas tej txuj ci tshiab muab kev yooj yim rau peb sawv daws sib fim. Kuv sau ib zaug ntawv fab kis rau Txiv Plig tab sis tsis pom nws teb kuv; zaum no kuv sau ntawb hmoob xwb seb nws puas teb kuv. Kuv tsis paub seb Txiv Plig Pob Zeb puas txawj lus thiab ntawv hmoob thiab?

Nyob zoo N hlob thiab Mim.

Mim hais txog peb hmoob noj tsiab peb caug mas tej zaum yog li koj hais ntawd og.
Kuv twb tsis paub txog txog li lawm, vim peb cov laus tsi qhia rau cov hlua li lawm, thiaj tsi paub.
Ua tsau koj qhia txog keeb kwm ntawm peb hmoob noj tsiab peb caug rau kuv.

Niam hlob, ua tsaug rau koj mus muab peb cov duab ntawm TP Pob Zeb tus facebook og.
Nyob rau hauv TP Pob Zeb tus Facebook ntawd muaj txhua daim duab uas thaum TP tuaj rau ntawm peb tib si, yog tej yam peb muaj tsi txhua los koj kav tsij mus muab tso rau hauv no mas zoo kawg.

Txiv Plig Pob Zeb tej zaum nws tsi paub ntawv fab kis, thiab ntawv hmoob es nws thiaj tsi teb koj xwb.

Li cas los peb twb txuas tau lus hauv no lawm, yog muaj tej yam koj xav kom peb pab ces koj hais peb paub og.

Nyob zoo

nyob zoo niam hlob ua tsaug koj kuj tuaj nrhiav tau tp pob ze lub facebook .e kuv nug koj lub facebook hu li cas . koj tuaj qhia kuv os .kuv lub nyob facebook hu vam meej ham .yog koj tuaj pom kuv sau ntawv tseg rau kuv os nyob zoo

HMOOV HLA 2015.

Xyoo no yog ib xyoos zoo uas TP.Pob Zeb Thanh Binh thiab Tswv Qhia Antoine Vu Huy Chuong tau mus xyuas cov Hmoob ntseeg nyob lub xeev Dien Bien 3 zaug sib law xws li thawj zaug yog thaum lub 11 hlis 2014, zaum ob yog hmo Hmoov Yes Xus Yug Los 2014, zaum 3 yog ua ntej ua Hmoov Hla 2015. Yog ib txoj koob hmoov zoo uas tsis tau muaj dua txij thaum lub teb chaws Cob Tsib ntxeev ua koom tsha 1958 los txog rau 2014 niaj hnub no. Thov ua Tswv Ntuj tsaug uas tsis ncua ntev tshaj ntxv. Tswv Ntuj tsis muaj hnub nyug tab sis rau leej neeg mas twb tau ntev ntev dhau ob peb tiam neeg lawm.

Kuv lam tham ob peb los li nov, cia seb Tub Ntsuag thiab Tub Kawm nkawd xyeej nkawd mam li tuaj tham kom ntxaws dua.

nyob zoo ib tsoom phooj ywg,

Yeej yog li niam hlob hais lawm nyob rau xyoo no mas muaj tswv qhia tau tuaj xyuas peb ms nws yog ib lub txiaj ntsim loj heev tswv qhia hlob, tp binh nrog peb tug leej phauj ib tug leej tij tuaj .tp tuaj zaum no nws ua lub cim cog lug . thiab ua kab ke txais lub cim ntxuav rau cov me nyuam thiab cov laus. Hos tswv qha nws tau ua hmoov hla ntxuav cov thwj tim ko taw.

Kuv pom tau tias Txiv Plig thiab tswv qhia lawv yeej tsi qaug zog rau txoj kev tuaj xyuas peb . Yog vim li cas kuv ho hais li ntawd; vim tp tswv qhia tuaj xyuas peb mas tsi lo nrog peb so ib hmo li, noj hmo tas twb yim cuaj xuas moo tsaus ntuj lawm los yuav tau sawv kev rov mus nram xeev Dien Bien. Txoj kev mas ntev heev, mus ntawm peb mus mas kev deb tshaj 1000 km. Peb xav kom txiv tswv qha puab tau nrog peb pw ib hmo tiam sis vim tsoom hwv cob tsib txoj cai, txhaj txwv tsi pub nrog peb pw li os  tiam sis kuv vam tias tom ntej yuav qhib tau txoj kev dav ntxiv.

Kuv zoo siab heev txog hnub 16-06-2015, lwm piam tom ntej no hnub peb txiv tswv qhia hab Txiv Plig nrog vaj qhia tug tiam lis yuav tuaj tsham peb ntawm peb zos xeev Dien Bien Xib Fab (hnoob poob) no os niam hlob . zoo siab kawg li os .

Sau npe: Vam Meej facebook.

Tswv Qhia Garelli, Tiam lis Vaj Qhia.

Hnub tim 16-06-2015 no Tswv Qhia Garelli, Tiam lis Vaj Qhia tuaj mus xyuas Hmoob ntseeg nyob xeev Dien Bien, Cob Tsib teb.

Yog ib txoj koob hmoov loj uas zaum no Tiam Lis Vaj Qhia tuaj mus txog rau tsoom ntseeg nyob deb deb qab ntuj kawg, muab tau qhov tsaus ntuj los rau chaw pom kev, muab tau qhov tsaus huab los rau tshav ntuj ziab.

Thaum lub 8 hli 2014, TP.Pob Zeb lawv mus, tshuav 180m xwb txog rau XH.Ntxoov Tsab tsev, tab sis txoj cai tsis pub hla xeev ces lawv mus tsis txog rau XH.Ntxoov Tsav teb. Tsoom ntseeg sawv daws tuaj mus Txiv Plig ib muag xwb. Thaum lub 11 hlis,  TP.Pob Zeb Thanh Binh thiab Tswv Qhia Antoine Vu Huy Chuong nrog rau ob tug Txiv Plig thiab cov Leej Phauj kuj tau mus txog ntua rau Hmoob zos. Thaum lub 12 hlis tim 24 2014 Hmo Hmoov Tsuj Xeeb thiab Hmo Hla lub 4 hlis 2015 Tswv Qhia thiab Txiv Plig lawv kuj tau rov qab mus ua Hmoov rau tsoom Hmoob ntseeg nyob xeev Dien Bien uas yam tsis tau muaj dua los txij li thaum 1958 los txog rau 2014.

Hnub tim 16-06-2015 Tiam Lis Vaj Qhia tau sawv kev Los Mas (Rome)mus xyuas tsoom ntseeg Hmoob nyob xeev Dien Bien. Yog ib txog koob hmoov zoo uas zaum no kev mus los sib cuag to tog lawm. Peb thov ua Tswv Ntuj tsaug.

Nyob zoo ib tsoom phoj ywg tau ntev lawm tub kawm hab kuv tsi tau tuaj sau ntawv li .tiam sig thov nej txhob poob siab os nawb vim wb siv xov tooj xwb ces xov tooj tuag tas lawm tsi tau tuaj nxeem los sau zaj li os nub no qiv lawv xov tooj tuaj xyuas nej ib plag xwb muaj caij no mam rov tuaj tham ntxiv hnub 16 txiv tswv tuaj 3 leeg nrog cov leej phauj leej tij tuaj xyuas peb rau nej mloog os nawb .niam hlob twb tuaj tso duab hab tham me ntsig lawm tiam sig yog muaj sij hawm kuv los tub kawm mam rov tuaj hais ntxiv os nawb nyob zoo .sib dua .

Nyob zoo tsoom phooj yws txhua leej

Lub xyoo no, muaj tej lub txiaj ntsim loj kawg nkaug li nyob ntawm peb ob lub xeev xws li xeev Sơn La thiab xeev Diên Biên. Hnub tim 14 txog 16  muaj Txiv Tswv Qhia tuaj tsham txog peb ntau lub zog ntau pawg ntseeg uas đeb tsi tau muaj txiv plig nyob. Mas tug Txiv Tswv Qhia Leopoido Girelli sawv chaw tuaj ntawm Txiv Vaj Qhia Faas Tshes Kus (Tiam Lis Vaj Qhia) tuaj tsham txog peb. Muaj peb 2 tug Tswv Qhia tuaj nrog nws ua ke, xws li Tswv Qhia Vu Tât hab Tswv Qha Anphong Nguêng Long nrog tsib tug Txiv Plig, 2 tug leej Phauj, 2 tug leej Tij tuaj ua lub Thaj Txi Ntuj rau peb.

Hnub tim 14 l-06-2015, ua Thaj Txi Ntuj rau cov cob tsib nrog hmoob nyob xeev Sơn La; ua tas ntawm mam nce tsheb tuaj rau xeev Diên Biên tuaj ua dua ib Thaj Txi Ntuj rau thaj tsaam Mương An . Thaum ua Thaj Txi Ntuj tas Txiv Plig nrog Tswv Qhia mam mus ntsib cov tub ceev xwm kom tau kev tso cai tuaj rau Mương Nhe. Hnub 15 Txiv Tswv Qhia lawv txhiaj ua ib Thaj Txi Ntuj rau cov cob tsib nyob thaj tsam Mương Nhe . Pw ib hmos ntawd, hnub 16 Txiv Tswv Qhia txhiaj nce tsheb tuaj rau peb thaj tsaam Huôi Thung uas yog peb lub zog Txiv Tswv Qhia Anphong nws ua thaj Txij Ntuj rau peb. Tug Tswv Qhia Anphong no tuaj txog ntawm peb 2 peb zag lawm, hos tug Txiv Tswv Qhia Vu Tât no nws nyuag qhuav tuaj thawj zag hab Txiv Tswv Qhia Leopoido Girelli kuj yog tuaj txog peb thawj zaug thiab .

Ua Huab Tais Ntuj tsaug ntau vim Nws tau xa ntau tug Txiv Plig thiab Txiv Tswv Qhia tuaj ua Thaj Txi Ntuj rau peb mas yog ib lub txiaj ntsim loj kawg nkaus li os tsoom phooj yws .