Tsiab peb caug hmoob Catholic cob tsib teb

Nyob zoo xyoo tshiab rau cov hmob cob tsib teb.
Thov kom peb Txiv Tswv Ntuj ua tus tsom kwm peb txhua tus lub neej mus rau xyoo tshiab, kom sawv daws ua yam twg tau yam ntawd rawv siab xav.

Ntawm no yog peb ua kab ke qua niaj quas xyoog, thiab Txoos Teev Ntuj, xyoo 2014.
Peb tsi muaj TP tiam sis peb ua kev cai hmoob raws li txoj cai uas TP C.V.C Qhia, tiam sis peb peb tsi ua cov kab ke uas TP ua, peb ua cov uas XH ua tau xwb. Tiam sis peb npaj tsi tau tus ncej ntxoog, vim peb tsev ntev lawm ces peb yuav tsi txho tus ntxhoo lawm, cia lwm xyoo saib peb puas tsa tau tus ncej ntxhoog ntawd, kuv piav me ntsis ntawm peb ua kab ke qua niaj qua xyoo thiab Txoo Teev Ntuj rau nej yog tias tej qhov peb ua tsi raws lawm no thov nej pab qhia  ntxiv.  

1, hnub peb caug thau sawv ntxov peb tu vaj tu tsev thiab thaj teev ntuj, Pov dej ntshiab rau hauv vaj hauv tsev.
2, peb sau tej cwj tais txhua yam khoom siv ua ib pawg rau ib qho chaw, los ntawm hauv tas es pov dej ntshiab rau.
3, yav tsaus ntuj peb npaj ib cov qe thiab txhuv ib tus tswm ciab, coj mus tso rau hauv tsev teev ntuj, kom npaj ua lub txoos.
4, thaum ua txoos tas lawm ces peb nyiag nyiag coj nyiag cov qe los txhuv mus tsev ua mov noj.
5, hnub xiab ib ces peb mus dhia qaib xwb, tsi ua dab tsi ntxiv lawm.
Yog muaj kwv tij phooj ywm tsham ces peb mus tsham kwv tij nrog lawv noj tsiab peb cau xwb.
Tham li no xwb, yog muaj tej qhov peb tseem ua tsi tau raug los nej pab qhia ua tsau.

Wow...! Tub Kawm, Xyoo no nej ua tau Peb Caug zoo heev! Puas yog thawj xyoo uas nej nqa qaib nqa qe mus sib txoos li no?

Txog lub caij uas Tswv Ntuj ntiab dab phem deb ntawm Nws haiv neeg zuj zus; vim Tswv Ntuj twb muab lub caij ntev los rau dab phem sim neeg siab lawm. Qhov Tswv Ntuj tso cai rau dab phem ntxias neeg, txhob tu siab, qhov twg dab phem rooj ntxiab loj tshaj, qhov ntawd Tswv Ntuj nyob ze nws haiv neeg tshaj. Txoj kev phem tsis yeej txoj kev zoo ib zaug, txawm yuav ua li cas los ib hnub twg qhov tseeb yeej yuav tshwm xwb.

Zoo siab heev uas hnub no pom nej muaj ib lub Peb Caug li hauv lub qab ntuj khwb lawm.