HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Yesxus Pleev

E_mails Ncig ntuj sib Fim Tswv Ntuj 21823611Yog koj tso siab rau Yesxus lub siab ntshiab, nws yuav ua koj siab kaj lug .

Phau Ntawv Ntshiab2002

MUS NYEEM PHAU "NTAWV NTSHIAB " nias ntawm no E_mails Ncig ntuj sib Fim Tswv Ntuj Lectur10

Search

 
 

Display results as :
 

Rechercher Advanced Search

Gallery


E_mails Ncig ntuj sib Fim Tswv Ntuj Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj 27th March 2024, 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Speciale Hmong Guyane

Mus ncig xyuas Hmong Guyane kev thaj yeeb E_mails Ncig ntuj sib Fim Tswv Ntuj Img_1311

Hmoob Tshav Ntuj

Mus ncig xyuas HmongTshavNtuj kev kawm txuj ci nias ntawm no
E_mails Ncig ntuj sib Fim Tswv Ntuj Dsc07310

Suav neeg tuaj saib, txij hnub 17/09/2010 los mus.


+4
Admin
Npuagtub
Maiv Paj Lug
Maiv Tooj
8 posters

    E_mails Ncig ntuj sib Fim Tswv Ntuj

    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°1

    E_mails Ncig ntuj sib Fim Tswv Ntuj Empty E_mails Ncig ntuj sib Fim Tswv Ntuj

    Post  Maiv Tooj 30th September 2009, 5:38 am



    E_mails Ncig ntuj sib Fim Tswv Ntuj


    Kuv, Maiv Tooj thawj tsab E_mail sau rau TP. Txhiaj Foom. Tim 11 lub 9 hlis 2009:


    Nyob zoo TP. Txhiaj Foom,

    Ntawm nov kuv yog Maiv Toog, niam txooj Tub Yaj nyob Lyon.
    Kuv xav tshaj rau koj thiab cov tub tuav hauj lwm ntawm Zoo Tswv Zov Yaj hais tias peb Hmoob Fab Kis teb thiab USA sib koom tsim tau ib lub Forum Hmong Catholique los tshaj Ntuj lus ncig ntiaj teb. Kuv xav kom cov ntseeg nyob Thaib teb tuaj nrog peb sib fim thiab tuaj sau tej yam lawv paub uas lawv xav tshaj rau lwm tus paub txog. Li ntawd kuv xav nug koj seb koj puas pab tau kuv los yog koj pab nug seb cov Hmoob ntseeg ntuj puas muaj tus kam tuaj nrog peb sib koom tes nthuav Tswv ntuj los lus thiab Ncig ntuj sib fi Tswv Ntuj lub Koob Meej. Txiv Plig koj pab nug seb Nrhoob Vaj puas kam nrog peb sib fi txuj?


    https://hmongcatholique.forumdediscussions.com/forum.htm

    Nyob zoo

    Anne Yang

    TP. Txhiaj Foom teb tuaj rau kuv. Tim 13 lub 9 hlis 2009:

    E_mails Ncig ntuj sib Fim Tswv Ntuj Tp_txh10

    ANNE YANG
    Tus Sau : T.P. Txhiaj Foom omi < hmong@rveritas-asia.org> 13 Sept 2009
    = Hello , Maiv Toog
    Ua koj tsaug ntau, rau qhov tias koj tsab e-mail txog no hnub hmo. - ZOO HEEV .
    Kuv yeej nco ntsoov txog Yaj ( Txooj ) Tub zoo…
    Ces kuv tau poob siab nthav, txog qhov tias koj ( los puas yog neb ob leeg ) nyuam qhuav qhib lub <
    < hmongcatholique.forumde discussions.com/forum.htm >
    = Ces zoo siab teb lo puav lus rau koj. Saib puas zoo pab koj tej dej num no me ntsis?
    = Vam tias yuav tau muaj cov kwv tij Hmoob coob leej nrog nej sib koom siab – Lawv yuav xa lawv tej zaj xov xwm tuaj rau nej tshaj tawm rau sawv daws.
    = Tab txawm nyias nyob nyias teb chaws, tsis kav nyias kuj sau tau nyias zaj, kom xwv sawv daws sib paub siab, sib pab sib nres, sib ntxiv tswv yim, sib pab txhab zog rau sawv daws tej kev ntseeg thiab kev tso siab
    = = Kuv twb xa nej tsab-e-mail rau 4 tus Hmoob, uas nrog kuv sib koom ua hauj lwm tim LOMSAK, Thaib teb - Saib lawv yuav teb lo lus dab tsi rau nej ?
    Tim lub nroog LOMSAK mas lawv tus e-mail mus li no
    lomomi08@gmail.com
    = Nej puas xav paub ob peb tus neeg ntxiv lawv tus e-mail..tim Los Tsuas teb. Cob Tsib teb, Suav thiab thiab Australia teb ?

    = Xam pom tias ib yam zoo uas nej ua tau kuj mus li no tias: lub hom phiaj ntawm lub”forum de discussions “ thiaj yog ua dab tsi ?
    Nej xav hnov tej tus neeg coob lawv moo thiab nej xav kom lawv xa lawv tej zaj ua tim khawv txog kev ntseeg tshaj tawm …- Yog tias muaj qhov no kuj zoo heev . Tsis pub hais txog lwm yam lod ?


    En français

    – C’est très bien de se lancer..Mais faut tenir bon..Et ( j’imagine ) passer de longues heures à répondre… à remercier..et à encourager à continuer
    - Si les amis vous posent des questions diverses ( que ce soit sur la foi chrétienne ..sur leurs problèmes quotidiens ) allez-vous avoir le temps de répondre à tous… ?
    = BONNE CHANCE POUR CETTE AVENTURE..
    Si le Seigneur le veut, cela sera très constructif, très enrichissant pour tous.
    - Si vous voyez en quoi ma participation peut vous être utile, eh bien ! dties-le moi..D’accord ?
    Je vous bénis de tout cœur – la Paix ( Kev Thaj Yeeb Nyab Xeeb ) envers et contre tout

    T.P. Txhiaj Foon omi


    Last edited by Maiv Tooj on 9th January 2010, 11:08 pm; edited 1 time in total
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°2

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 6:00 am

    Kuv sau rau TP. Txhiaj Foom. Tim 13 lub 9 Hlis 2009:


    Nyob zoo TP. Txhiaj Foom,

    Kuv zoo siab tau txais koj tsab e_mail hnub no.
    TP. Koj tau nug txog tias peb lub Forum Discussion no yog tham txog kev Ntseeg xwb los lwm yam thiab?
    - Kuv teb rau koj tias peb tham thiab ua tim khawv rau kev Ntseeg Catholique nkaus xwb. Muaj kev sib nug moo me ntsis thiab tab sis txawm kev sib fi txuj los yeej yog muaj feem xyuam rau kev Ntseeg. Yam twg tsis muaj feem xyuam nrog kev ntseeg los yog cov Ntseeg lub neej, kev tshaj Ntuj Lus ces peb tsis txais. Peb xav "Ncig ntuj sib Fi Txuj".
    - Yog cov kwv tij nyob Lomsak txaus siab pab peb, sau tej zaj raws li lawv tau ntsib, tau pom, tau muaj los. Hais tej kev Thoob Tsib, zaj seev, los yog txhais tej zaj lus nyob hauv ntawv Faj Lem los Ntawv Moo Zoo kuj tau. Vim peb nyias nyob nyias Société sib txawv ces peb nyeem ib zaj tab sis peb nyias pom nyias lawm ib yam. Hais tau tias nyias yuav txhais nyias ib yam...

    Kuv zoo siab yog koj ua Txiv muab tau cov kwv tij Hmoob nyob Nplog teb, Cob Tsib teb, Suav teb thiab Australie teb li E_mail rau peb mas yuav zoo heev. Hais txog kev yuav teb lawv txhua tus mas tej zaud peb kuj teb lawv cov zaj sau, tej zaud peb kuj tsis teb...Nyias tsuas tuaj tso nyias zaj zoo zoo rau hauv Forum kom neeg tuaj nyeem yam uas lawv xav paub txog xwb.

    Dua li hais txog hauv Forum Discussion mas peb yuav vam txog koj pab xwb.
    - Seb koj puas muaj tej yam tshwj xeeb tham rau peb mloog?
    Koj tham koj txoj hauj lwm nyob tim ko rau peb ua ntej los tau.

    TP. Txhua yam peb sau rau hauv Forum mas yuav nyob tsis muaj caij kawg, yuav nyob mus li.

    Nyob zoo.

    Maiv Tooj

    TP. Txhiaj Foom teb. Tim 21 lub 9 hli 2009:

    Nyob zoo Maiv Tooj

    = Koj tsab courriel txog no tau ib lub lis piam lawm lauj -
    Thov koj hais NYOB ZOO rau Tub + neb cov me tub me nyuam.
    = 100 %, kuv vam tias yuav tau muaj cov kwv tij Hmoob COOB COOB LEEJ,,yuav sau lawv tej zaj hauv FORUM DE DISCUSSIONS..

    + + + Sib ntxiv tswv yim thiaj zoo dua qhov tias nyias nyob nyias -
    + + + Sib faib kev ntseeg , yus thiaj rov nplua nuj zuj zus hauv kev ntseeg .
    + + + Ib hnub yus khaws Ntuj ib nyuag lo lus, yus thiaj puag Ntuj Lo Lus ntawd nyob hauv yus nruab siab ..Tag kis, nag kis tej, yus rov nrhiav tau ib qib lus tshiab - Nyob nyob, yus thiaj npuab Tswv Ntuj siab los mas

    = Nug koj saib : hauv koj thaj tsam, puas muaj ib cov kwv tij Hmoob , uas lawv kub siab mloog peb cov programs hauv INTERNET ?- Yog saib ` Internet ( www. hmong.rveritas-asia .org .
    Faut installer le Real Player . Ces saib ' PROGRAMS

    = Est-ce que tu t'es mise en contact avec des Hmong catholiques des USA.. Vam tias tej tus Xib Hwb nyob tid yuav zoo siab xa lawv tej zaj tseem ceeb rau koj ....Tim Detroit MI, koj twb paub Mim Yaj ( niam Ntawv Pov Xyooj ) lod ?

    = Yog tias koj twb paub tej tus XH los cov " Diacres" nyob tim USA lawv lub e-mail , mas tsis tas kuv yuav sau qhov ntawd rau koj
    = 4 yam me me kuv xa mus rau koj
    France April 2009 Tswv N Lo Lus 6 T.N Lo lus 7
    Ephphatha ( homelie pour le 6 septembre ... Koj txhais tau lod ?
    = saib tej zaj ntawd puas yog qhov koj xav txais lod .?'
    ( ( Hais txog " France April 2009 " mas ntshai tsam koj laj txhais ua lus Hmoob !!!
    ( ( Tswv N Lo Lus 6 + T.N Lo Lus 7, mas yog 2 zag peb nyuam qhuav tshaj tawm hauv ZOO TSWV ZOV YAJ.. hnub tim 13 thiab tim 20 lub hlis no ntag ..
    = Tim LOMSAK, Thaib teb, lawv twb teb koj lod ?
    = Tej zaus koj twb paub tias : txij ntawm 21 octobre jusqu'au 10 Novembre, kuv mus 1 : Thailande - 2 : Laos - 3 : Chine ( yuav yog thawj zaug kuv mus xyuas cov kwv tij Hmoob tim Suav teb ntag -

    = Kuv tau sau me ntsis ntawv rau T.P. Neej Vaj los thov nws pab koj ..Raws li kuv xav nws yuav tau sau tej zaj meej meej pem txog T.P. Nyiaj Pov lub neej pab peb tsoom Hmoob

    = Nyob zoo koj - KEV THAJ YEEB NYAB XEEB - Paix Peace
    Santisuk rau koj thiab tas koj tsev neeg + cov kwv tij nyob tim koj lauj
    T. P .Txhiaj Foom omi
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°3

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 6:07 am



    TSWV NTUJ LO LUS 6


    Cov niam txiv, hnub no yog Hnub Chiv uas peb tsoom ntseeg sib sau cav lus zoo txog Tswv Ntuj – Li ntawd, peb sib sau ua lub Txoos teev Ntuj – los peb sis sau ua Thaj Txi Ntuj -. Zoo li yav dhau los, nej tau mloog 2 zaj lus tias : 1 : Huab Tais Yes Xus hais tias : « Tswv Ntuj lub Ceeb Tsheej yog cov neeg pluag thiab cov neeg me li ntiag tug” – 2 : Huab Tais Yes Xus caw cov neeg txhaum tuaj koom rooj mov hauv Tswv Ntuj lub Ceeb Tsheej

    Ua li, tsim nyog peb yuav teev hawm Tswv Ntuj los thov peb Txiv khuv leej neeg tas nrho pab so peb tej txhaum, vim tias peb tu siab rau peb tej txhaum
    HU TXOG LEEJ TXIV….+ ZAJ TU SIAB..
    Cov niam txiv, yog vim peb tau txais lub Cim Ntxuav thiab lub Cim Txhab Zog mas peb yeej paub tseeb tias – Hauv peb nruab siab : « Tswv Ntuj Lo Lus ciaj sia thiab ua tau Ntuj cov hauj lwm kom tom thawj » HN 4,12 – Peb yeej soj qab Huab Tais Yes Xus tej txiaj ntsim nqes los txhim kho peb siab, ces hnub dhau hnub peb « nyob ntawm tog zoo – Peb nyob ntawm tog txais kev yeej » HN 6,9

    Peb tseem nco tias : tus tib neeg qhib nws tej nplooj siab nplooj ntsws rau Tswv Ntuj Lo Lus,- nws tig los yuav lub siab tshiab mas tus neeg ntawd thiaj pom qab coj tus yeeb yam tshiab thiab coj txoj kev thoob tsib, uas ntxim tau Tswv Ntuj lub siab - Li ntawd peb niaj hnub yuav xyaum coj rawv Tswv Ntuj Lo Lus ntag.- Li ntawd , hnub no zoo hnub, , peb yuav twm tej zaj lus tseem ceeb hauv NTAWV COG LUS QUB, nyob hauv phau COV PAJ LUG thiab nyob hauv phau

    NKAUJ PAJ NRUAG

    Phau COV PAJ LUG kuj sau tej qib lus cia, uas qhia peb tias : « Kev thoob tsoob coj peb mus deb ntawm cov neeg phem ».-

    Thov kom nej mloog ob peb qib lus saib :
    « Thaum txoj kev thoob tsib chaws mus hauv koj lub siab mas koj xib rau kev txawj kev ntse
    – Kev xyuam xim saib koj
    = lub tswv yim txuag koj
    – Kev thoob tsib coj koj mus deb ntawm kev phem.
    - deb ntawm cov neeg hais lus nkhaus, deb ntawm cov neeg tso kev ncaj pov tseg , deb ntawm cov neeg khiav mus taug kev tsaus -
    ..Thaum yus tau txoj kev thoob tsib, mas yog zoo dua yus tau nyiaj los tau kub – Kev thoob tsib muaj nqes dua cov pov haum
    - Puas tsav yam thoob tsib uas koj ntshaw txog mas tsis muaj ib yam muaj nqes cuag li kev thoob tsib -
    - Tus thoob tsib txhais tes tuav ib lub neej ntev loo
    – Nws txhais tes laug tuav nyiaj txiag thiab yeeb koob …
    Txoj kev nws mus yog txoj kev kaj siab ..
    Tus tuav tau txoj kev thoob tsib, mas yog zoo li nws tuav tau tus ntoo pub txoj sia
    – Tus tuav rawv txoj kev thoob tsib, nws yuav nyob dawb nyob huv mus li

    CPL 2,10…3,18

    Cov kwv tij , zaj lus, nej nyuam qhuav mloog no , mas nws kuj muaj ib lub ntsiab lus xws li NPN 1,uas hais txog txoj kev phem thiab txoj kev zoo- NPN 1 sau cia li no tias :
    « Tus tau txoj hmoov zoo yog tus tsis ua raws cov siab phem zaj tswv yim, tsis nres tauv pem lawv cov neeg txhaum kev – tsis zaum ntawm cov neeg thuam Ntuj lub rooj – Nws xyiv fab npuab HUAB TAIS txoj cai
    - Nruab hnub hmo ntuj, nws qog HUAB TAIS txoj cai
    – Nws zoo puav tam li tsob ntoo cog ze kwj deg
    – Nws txi txiv raws caij
    – nws cov nplooj tsis ntsws li
    – Nws ua yam twg , tau yam ntawd raws siab xav
    - Cov neeg phem tsis zoo li ntawd
    - Lawv zoo li tej npluag nplej uas cua tshuab ya rau txhua qhov
    – Thaum txog lub caij txiav txim, cov neeg siab phem thiab cov neeg txhaum yuav sawv tsis taus nyob hauv tsoom siab ncaj lub txoos , vim HUAB TAIS zov cov siab ncaj txoj hau kev
    – hos cov neeg txhaum txoj kev yuav ploj »

    Cov niam txiv , hauv NTAWV NTSHIAB, mas peb tus Huab Tais Tswv Ntuj kuj rub peb siab los mus raws qhov yog, mus raws qhov tseeb , mus raws kev thoob tsib, mus raws kev tsim txiaj.. Huab Tais Tswv Ntuj rub peb siab los ntaus tswv yim cuag li Tswv Ntuj
    - Saib :: yus puas muab tas yus lub neej, tas yus lub zog los mag kev ntshaw nyiaj txiag ? Yus puas yog yus tej nyiaj txiag tus qhev ? Yus puas xav tswv yim yuam kev tias :
    « Kuv lub neej muaj nqes ntau dua tus ub tus no, kuj yog vim kuv yog neeg nplua nuj lauj ! »..Mas , hauv phau COV PAJ LUG , hauv NTAWV COG LUS QUB ,Tswv Ntuj kuj tshaj tej lo lus ceeb toom los ntuas peb, li NPN 1 sau cia zoo li no tias : « Cov neeg phem zoo li tej npluag nplej uas cua tshuab ya rau txhua qhov – Thaum txog lub caij txiav txim, cov neeg siab phem thiab cov neeg txhaum yuav sawv tsis taus nyob hauv tsoom siab ncaj lub txoos , vim tias cov neeg txhaum txoj kev ploj »

    Tsis tas li ntawd, yeej phim yuav nco txog ib qib lus hauv Mas Tais Ntawv Moo Zoo – mas xam pom tias phim yuav kawm qib lus ntawd hauv nruab siab – Yog qib lus no tias :
    « Yog ib tug neeg txeeb tau tas lub ntiaj teb huv tib si los ua nws tug, tab sis yog nws txoj sia ploj lawm, mas nws tau dab tsi ? Neeg yuav muab dab tsi los pauv tau nws txoj sia ?

    MT 16,26

    Tsis tas li ntawd xwb :
    Tswv Ntuj tseem rub peb siab los mus raws kev thoob tsib..
    Tus tib neeg qhib nws , lub siab rau Tswv Ntuj Lo Lus mas nws txoj hmoov zoo - Fab hauv hauv nws tus ntsuj tus plig mas tus neeg ntawd kuj nto koob meej - Nws kuj coj tau lub neej nplua nuj, lub neej nyob tiaj nyob tus, uas mus raws qhov tseeb.
    - NTAWV NTSHIAB sau cia li no tias :
    ” Thaum yus tau txoj kev thoob tsib, mas yog zoo dua yus tau nyiaj los tau kub Txoj kev nws taug yog txoj kev noj qab nyob zoo – Txoj kev nws mus yog txoj kev kaj siab lug….Nws xyiv fab npuab HUAB TAIS txoj cai
    – Nruab hnub hmo ntuj nws qog HUAB TAIS txoj cai. Nws zoo puav tam li tsob ntoo cog ze kwj deg – Nws txi txiv raws caij
    – Nws cov nplooj tsis ntsws li
    - vim Huab Tais zov cov siab ncaj txoj hau kev” Mas xam pom tias phim peb yuav nco txog qib lus no hauv NTAWV NTSHIAB tias :” Tswv Ntuj Lo Lus ciaj sia thiab ua tau Ntuj cov hauj lwm kom tom thawj”
    HN 4,12

    PAJ NRUAG

    Nyem no mus , kuv thiaj yuav twm 2-3 qib lus ntxiv hauv phau COV PAJ LUG-- Lub ntsiab lus mus li no tias :” Cov neeg thoob tsib ua zoo rau luag tej .. Kev thoob tsib yog txoj kev muaj txoj sia “-. NTAWV NTSHIAB sau cia li no tias :” Thaum muaj ib tug thov ib yam ntawm koj, yog koj pab tau nws, mas koj txhob ua tus tsis kam pab – Thaum koj pab tus nyob ze koj tau , mas koj txhob hais rau nws tias :” Koj rov mus – tag kis koj rov tuaj – kuv mam muab rau koj” – Thaum cov nyob ze koj tso siab rau koj, mas koj txhob nrhiav ua phem rau lawv . Thaum neeg tseem tsis ua dab tsi phem rau koj. mas koj txhob nrog nws ua nrhiav chaw sib cav – koj txhob ntshaw ua xws li tus siab ceev - Koj txhob yoog nws tus piv txwv , vim HUAB TAIS ntsia tsis taus cov neeg siab nkhaus – Nws yuav cov neeg siab ncaj los ua nws tsev neeg - Cov neeg ncaj txoj kev yog zoo li lub hnub tawm tuaj kaj lub ntiaj teb – Nws txoj kev kaj loj zuj zus mus txog tav su – Cov neeg lim hiam txoj kev yog zoo li qhov tsaus ntuj – lawv tsis paub tias lawv taw dawm raug dab tsi – Koj yuav xub muab siab rau txuag koj lub siab zoo dua txhua yam , vim txoj sia txhawv hauv neeg lub siab los, xws li dej txhawv hauv lub qhov los “ CPL 3,27…4,23

    Cov niam txiv ,, xam pom tias nej coob leej yuav tau lees tias:: “ Tswv Ntuj Lo lus muaj nqes kawg nkaus”,,,, ces tej zaus nej coob leej yuav xav tias :” Kheev lam cov pej xeem huab hwm sawv daws hauv peb lub teb chaws coj rawv Ntuj Lo Lus tas huv tib si, ces peb cov no hauv peb thaj tsam thiaj yuav tau coj lub neej nyob thaj yeeb nyab xeeb lauj “..Mas peb yuav tsum teb nej tias : “ Nej tej lus no yeej YOG TIAG TIAG – Peb nyiam nej tej lus kawg nkaus “..Txawm li cas los, yuav tsum hais ib nyuag lus ntxiv rau nej :” Thov kom nej tsis txhob xav tswv yim yuam kev li no tias ; peb yuav muab siab ua zoo rau luag thiab peb yuav nquag coj lub neeg ncaj ncees, tsuav yog tseem hwv thiab luag lwm leej lwm tus huv si xub ua qhov zoo tso ..”.. Mas hais qhov tseeb rau nej : yog tias nej tus puav tos nrhw txog hnub uas lwm leej lwm tus xub ua zoo, ua ncaj tso , mas 100% nej yuav tsum paub tias : nyob hauv nej thaj tsam, thiab nyob hauv nej lub teb chaws, mas zoo li ceeb laj tos txog lub teb chaws yuav plhis tshiab tuaj los mas !!” .. Saib :, puag ta, peb tau mloog qib lus no tias :” Cov neeg ncaj txoj kev yog zoo li lub hnub tawm tuaj kaj lub ntiaj teb - Nws txoj kev kaj loj zuj zus mus txog tav su” txhais tias: txoj kev kaj huv kuj muaj zog zuj zus - yus nquag ua zoo, ua ncaj hauv yus lub tsev, hauv yus lub zos, mas , nyob nyob, kev zoo kev ncaj ncees kuj yuav tau ri mus hauv lwm lub tsev, hauv lwm lub zos, hauv lwm thaj tsam thiab nyob hauv lub teb chaws los mas.

    Nyem no mus nej thiaj yuav mloog lwm zaj lus uas muaj lub ntsiab lus zoo li no tias: Tus neeg thoob tsib tsis mus taug kev plees kev yi . Phau COV PAJ LUG kuj sau cia li no tias :
    ” Tus poj niam di ncauj hais lus qab zib xws li zib ntab
    - Nws lo lus mos dua roj nplua
    – Tab sis qhov kawg nws iab dua cawv qaub
    - Yog zoo li rab rauj ntse hau raug yus . Koj khiav mus deb ntawm tus poj niam ntawd
    – Txhob txav los ze ntawm nws qhov rooj
    - Tsam koj lub koob meej ploj mus
    - Tsam koj lub cuab tam mus yug luag tej
    – Tsam qhov kawg koj lub cev kub hnyiab xws li ib tug taws nyob hauv qhov cub
    - Koj haus cov dej nyob hauv koj lub qhov tim thaj
    – Koj lub qhov tim thaj txhawv ib cov dej ntshiab
    – Koj txhob tso koj cov dej ntws phwj mus sab nraud xws li tej tus dej ntws mus puv tej tshav puam
    - Koj yuav zoo siab nrog koj tus poj niam uas yav hluas koj tau xaiv nws
    - Nws zoo li ib tug niam nkauj kauv zoo nyiam, zoo puav tam li tus niam nkauj sai zoo saib
    – Nws yuav zoo siab nrog koj tham
    – koj yuav cia nws ob lub mis yug koj mus li
    - koj yuav hlub nws tas siab ntsws txhua lub caij nyoog
    – Kuv leej tub, vim li cas koj yuav cia luag poj luag sev coj koj mus poob qhov ?
    Vim li cas koj yuav puag lub mis uas koj tsis paub ?
    Tus neeg phem yuav mag nws cov hauj lwm lim hiam
    - Nws txoj kev txhaum cov hlua yuav khi nws …Tus neeg raug luag poj luag sev ntxias, nws raug luag mooj lawm
    – nws raws tus poj niam qab, xws li ib tug heev nyuj uas luag coj mus tua
    - xws li tus muas lwj mag hlua, xws li tus noog mus mag tsig
    – Nws tsis paub tias nws txoj sia yuav ploj nyob ntawd
    - Cov poj niam zoo nkauj nto koob meej
    - Cov txiv neej siab loj tau kev nplua nuj
    - Ib tug poj niam zoo nkauj, tab sis nws tsis txawj xav tom ntej tom qab, mas nws zoo li ib lub kaus mom chob ntawm npua qhov ntswg … Ib tug poj niam siab dawb siab huv , nws yog nws tus txiv lub mom nyiaj mom kub
    – Ib tug poj niam tsis txawj txaj muag , nws yog zoo li tus kab noj tus txiv cov poj txha - »

    CPL 5,3-22 + 11,16 + 11 ,22 + 12,4

    Cov niam txiv, tej qib lus, nej nyuam qhuav mloog no, mas cov txiv neej thiab cov poj niam coob leej, nyob thoob ntiaj teb, yeej paub tias : yus khaws tej qib lus ntawd tseg lawm, ces yus lub koob meej nyob rawv, ntxiv mus, yeej tsis ploj ib zaug li.. Coob leej paub tej qib lus thoob tsib no lawd, tab sis phim yus yuav rov xyuas dua ntau zaus, ces yus rov txhib yus lub siab, - Ib ntsis thiaj cog lus tseg :
    « Kawg yuav tsum mloog tas tas, tsis tseg ib nyuag qib lus tseg ntag ! »

    Cov niam txiv , 2 yam uas ob tub ntxhais hluas yuav ceev faj, ua ntej ntawm hnub nkawd mam li sib yuav mas
    - Qhov 1 ; ib tog yuav saib ib tog tej yam sab nraud, los tus yam ntxwv xwb
    – Qhov 2 tuaj tias : ib tog yuav paub lwm tog tej nplooj siab nplooj ntsws me ntsis
    = Mas qhov 1 kuj yog qhov yooj yim . Yus tus hluas nraug puas zoo nraug , puas noj qab nyob zoo. ? Nws niam nws txiv kuj tsis raug ib yam mob dab tsi lod ?
    - nws puas muaj zog txaus los mus ua nws tej hauj lwm xws li sawv daws ?
    – nws puas txawj xav tom ntej tom qab ?- Nws puas mloog lwm tus tej zaj tswv yim…los nws kawg xav kom sawv daws ua raws li nws xav tag mus li ?
    Hos yus tus hluas nkauj, nws puas zoo nkauj – puas noj qab nyob zoo- ?
    nws puas muaj zog txaus los ua nws tej hauj lwm huv tib si
    – Nws txawj xav tom ntej tom qab, los nrog lwm tus hais sib haum
    – Nws kuj yog neeg ntse..los neeg ruam, tsis kam kawm ib yam dab tsi tshiab lod >
    = Hos qhov 2 thiaj yog qhov loj tshaj plaws. Zoo li yus tus hluas nkauj puas hais tej lus iab dua cawv qab
    – Nyob tsam : « Ib tug hais - ib tug tsis yuav
    - Koj khav koj txawj - kuv khav kuv ntse !! »
    - Nws puas « hais lus ntau, ces tau kua haus » ?
    Nws hais lus tsawg…los nws hais ntau lo lus tsis muaj qab hau lod ?
    Nws puas nrhiav chaw nrog luag sib cav sib ceg ?
    Nws puas nrhiav chaw ua si, chaw lom zem sab nraud,… los yav tom ntej mas nws yuav pheej xeeb rau yus ib leeg xwb , tas ib sid . ?
    Nws puas xyav luag moo.? Nws puag yog neeg mloog lwm tus tej zaj tswv yim ?. Nws txawj xav tom ntej tom qab lod ?
    - Nws kuj siv nws tej nyiaj txiag raws kev cai,,los nws puas siv dog dig. ?. Nws puas txawj zam rau luag tej ?..
    Hos, saib : yus tus hluas nraug puas txawj zam rau luag ?
    - Thaum nws ua ib yam yuam kev..los hais tej lo lus siab luag mas nws puas kam lees nws tau tej yam yuam kev lod ?
    Nws puas kheev ua ntau yam ywj siab ?
    Nws puas nyiam caw « cov kwv tij noj sib hlub, haus sib ce »?
    Nws puas yog neeg khav theeb.. nws puas nyiam hais lus ntau txog tej yam nws tau ua ?
    Nws puas txawj qhuas lwm tus tus yam ntxwv ..….los nws tsis ua qhov ntawd ib zaug li lod ?
    Nws puas ua dev ua npua, nyiam ua txhaum …los nws yuav pheej xeeb rau yus tas ib sim neej ?
    Nws txawj cheem nws lub ncauj…..los nws lub siab puas ceev , npau taws sai lod ?..
    Cov niam txiv peb sawv daws yeej paub tias :
    ob tug tub ntxhais hluas yuav tsum xub sib paub siab ua ntej ntawm hnub sib yuav,, yam ob tug tub ntxhais hluas ib tog yuav tsum paub ib tog tej nplooj siab nplooj ntsws..Yog tias tsis ua qhov ntawd, mas ntshai tsam yuav tau pom tej yam teeb meem li NTAWV NTSHIAB sau cia :
    « Yog tsis khiav mus deb ntawm tus poj niam ntawd, mas tsam koj lub koob meej yuav ploj mus xwb lauj
    – Tsam koj lub cuab tam mus yug luag tej -
    - Tsam qhov kawg koj lub cev kub hnyiab xws li ib tug taws nyob hauv qhov cub -....Kuv leej tub, vim li cas koj yuav cia luag poj luag sev coj koj mus poob ghov ?..
    Ib tug poj niam zoo nkauj, tab sis nws tsis txawj xav tom ntej tom qab, mas nws zoo li ib lub kaus mom kub chob ntawm npua qhov ntswg .. Ib tug poj niam tsis txaj muag , nws zoo li tus kab noj tus txiv cov pob txha »,.

    PAJ NRUAG

    Nyem no mus , thov kom nej mloog ib zag hauv phau NPES XIS LAS, tias :
    « Tus txiv tau ib tug poj niam zoo, nws txoj hmoov zoo – Nws yuav nyob ntev li ob npaug ntxiv
    - Tus poj niam zoo ua nws tus txiv chaw sov siab , ua kom nws lub neej nyob kaj lug kaj nrig, ntev niaj ntau xyoo
    – Ib tug poj niam zoo yog ib lub txiaj ntsim zoo tshaj, uas Huab Tais pub rau cov neg hwm nws
    – Lawv txawm muaj txawm pluag los, lawv lub siab hom khaj
    – Lawv lub ntsej muag luag ntxhwb ntxhi mus li
    – Tus poj niam muaj lub meej mom zoo ua nws tus txiv zoo siab
    – Nws kev txawj kev ntse yog ib lub zog pab nws tus txiv . Ib tug poj niam hais lus tsawg yog ib cov paj tshab tuaj ntawm Huab Tais tuaj
    - Tus poj niam paub kev cai, , nws muaj nqes loj , ntsuas tsis tau
    - Ib tug poj niam coj tus yam ntxwv zoo yog ib lub txiaj ntsig nyiaj txiaj ntsig kub
    - Tus poj niam tsim txiaj muaj nqes loj tshaj
    - Tus poj niam zoo nkauj, nws lub meej mom nyob hauv nws lub tsev uas nws tu zoo
    - Nws zoo puav tam li lub hnub ci tuaj ziab Huab Tais cov roob »

    NXL 26,1-4 + 13-16

    Peb teev Ntuj
    = Huab Tais Leej Txiv, peb ua koj tsaug, vim tias koj pub peb qhib peb tej siab ntsws rau koj tej lo lus . Peb twb soj qab ib qib lus muaj nqes zoo li no tias :; « Tswv Ntuj Lo Lus ciaj sia thiab ua tau Tswv Ntuj cov hauj lwm kom tom thawj » Zoo li cov txij nkawm, uas sib nyiam sib hlub, sib pab sib nres, raws li koj lub siab xav, mas lawv paub zoo tias : « Huab Tais ntsia tsis taus cov neeg siab nkhaus – Hos nws yuav cov neeg siab ncaj los ua nws tsev neeg » CPL 3,32.. mas thov koj xa Leej Ntuj Plig Ntshiab nqes los kaj tas cov txij nkawm Hmoob huv tib si lawv tej nplooj siab nplooj ntsws,, yam lawv lub neej thiaj yuav zoo li ib lub hnub ci tuaj ziab Huab Tais cov roob »

    - Peb ua koj tsaug ntau

    NTUJ AIB, peb thov koj, Huab Tais Leej Txiv siab zoo
    = Huab Tais Leej Txiv,, Tswv Ntuj khuv leej neeg tas nrho , hauv phau NTAWV NTSHIAB , koj yeej qhia peb tias : « Yuav tsum mloog Tswv Ntuj lus zoo dua mloog neeg lus » HL 5,29.. thiab lwm zaj lus tias : « Tswv Ntuj Lo Lus ciaj sia thiab ua tau Tswv Ntuj cov hauj lwm kom tom thawj »
    - Mas koj tej lus yeej muaj nqes tshaj plaws , ces peb yuav tau coj lub neej nyob kaj lug kaj nrig, tsuav yog peb coj rawv koj tej lus kom tom thawj.
    - .Mas thov koj xa Huab Tais Yes Xus nqes los tuav peb tes , coj peb kev, yam peb yuav tau coj lub neej tsim txiaj mus li, nyob ntawm koj xub ntiag.
    - Ua koj tsaug ntau.. NTUJ aib - peb thov koj Huab Tais Leej Txiv siab zoo..

    Hu nkauj : Peb Txiv, hnub no, peb tuaj koom koj…
    Thaum peb muaj kev hlub, nrog luag koom siab ..
    Huab Tais Ntuj tuaj nyob hauv cov neeg ….
    • Back to top
    Maiv Paj Lug
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17
    • Post n°4

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Paj Lug 30th September 2009, 6:52 am

    Maiv Tooj, ua tsaug rau nws cov E_mail nawb, kuv mas zoo siab tag nrho li.... E_mails Ncig ntuj sib Fim Tswv Ntuj Icon_smile
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°5

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 8:22 am

    MayPajLug wrote:Maiv Tooj, ua tsaug rau nws cov E_mail nawb, kuv mas zoo siab tag nrho li.... E_mails Ncig ntuj sib Fim Tswv Ntuj Icon_smile


    MayPajLug,

    Yog mas! Twb yog kuv zoo zoo siab es kuv thiaj coj tuaj tso rau s d nyeem hauv nov.

    Kuv sau rau TP. Txhiaj Foom. Tim 22 lub 9 hlis 2009:

    Nyob zoo TP. Txhiaj Foom,

    Ua tsaug rau koj cov zaj lus thiab TN cov lus.
    Zoo heev, kuv mam tib zoo muab duab los dhos rau T N cov lus kuv mam muab tso rau Forum Discussion.
    Ua tsaug koj muab Yaj mim li E_mail rau kuv thiab. kuv yuav sau E_mail mus rau Mim kom nws xa ib cov nkauj tuaj rau peb cov Hmoob Ntseeg Lyon kawm. Thiab yuav nug seb nws puas tuaj nrog peb sau txog kev Ntseeg hauv Discussion Catholique.

    TP. Kuv sau tsis tau E_mail rau yaj Yias nyob Nplog teb. Kuv xa mus ces rov qab los rau kuv xwb.
    Koj pab muab cov Hmoob Nplog teb, Cob Tsib teb, Australie thiab Suav teb li E_mail rau kuv puas tau? Kuv xav tau cov Hmoob Ntseeg li xwb.

    Hahhaah...! Txaus luag heev TP. Qhov lawv yuam kev txiv Plig Harry Thiel rau koj.

    Nyob zoo TP.

    Maiv Tooj Lis

    TP. Txhiaj Foom teb:

    RAU ANNELYYANG - Sept 09
    Hi Maiv Tooj
    Mam li xa ib cov e-mail mus rau koj . Yog cov neeg Kav Tos Liv xwb los mas
    Tim Australia Zam Mas Tsab ( nws kuj yog séminariste OMI )
    Tim Thaib teb ( Training Center for catechists in Tseej Mais Thaib teb
    1 : ( T.P. Tshaj Xwm Thoj C.Ss.R = Rédemptoriste
    Tim Los Tsuas teb ( tus tub hluas Ntxhee Vwj
    Tim Cob Tsib teb ( Vietnam ) tus tub hluas Vis Xyooj
    Un séminariste OMI Teej Xyooj
    Thawj thawj tus Phauj Hmoob nyob Cob Tsib teb.
    Suav teb – TP. Thoj Zom
    Xib Hwb Thoj Zam tus xeeb ntxwv– Nws lub npe hu ua : Thoj Xyooj
    2tug tub kawm ua Txiv Plig(séminaristes).
    USA, TP. Tswv Yeej Vaj in MN Minnesota
    Leej Tij Paul Fliss, in Milwaukee WI
    Un séminariste ( Tub Lis niam yog Nplias Yaj, yog Dr Yang Dao tus muam - Vam tias nws yuav teb lo puav lus rau koj..Nws tus tub tus e-mail)

    Leej Tsob Hwb

    Yaj Xov Tsheej
    Zoov Ntxheb
    Nom Kos Yaj
    Ntsuab Pov Yaj
    Lis Nyiaj tsab
    Muas Vam Tub
    Vam Thaiv Lauj
    Soob Nais Hawj

    Cov Xib Hwb.

    XH Nkaj Xwm Thoj
    XH Npuag Neeg Yaj
    XH Hawj Hwm
    XH Nkias Tswb Hawj , tim Fresno

    HANCA tus thawj tswj nyem no yog Txawj Huas Hawj Cov qub thawj tswj

    OB PEB LEEG NTXIV . Niam Tswv Tsab Lis – Maiv Choo
    Choo thiab Nrhee Muas, nkawd pab koj tau txog tej zaj nkauj
    Nom Phooj Koo, tim Green Bay

    Txhiaj Sawm Tsab, tim Portland , Oregon

    Xoo Txhiaj Yaj, tim Orange CA

    Zeb Pov Lis, tim St Pual MN


    NYOB ZOO

    PAIX envers et contre tout
    - KEV THAJ YEEB NYAB XEEB ..
    T.P. Txhiaj Foom omi

    PS : Tim LOMSAK, lawv twb teb koj lod ?
    Koj tau nrog T.P. Cwj Vuam sib fi xov lod ?

    Nyob zoo koj .

    Xam pom tias : ib yam me me, uas tsim nyog ua kuj mus li no tias : thaum koj sau rau lawv, mas koj cia li hais rau lawv tias kuv tau muab lawv tus-e-mail rau koj..Sau thiaj yog ....Vam tias koj yuav to taub
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°6

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 8:31 am

    Kuv sau rau TP. Txhiaj Foom. Tim 28 lub 9 hli 2009:

    Nyob zoo TP. Txhiaj Foom,

    Ua tsaug ntau rau koj qhov Liste, zoo heev.
    Kuv tsis tau paub lawv cov E_mail li, ua li, kuv mam hais rau lawv tias yog koj muab lawv npe thiab E_mail rau kuv. Kuv txaus siab tag nrhog rau koj kev pab kuv zaum no Txiv Plig. Kuv ua tsaug rau koj pab Thov Ntuj rau kuv tsis tseg...Kuv tus kheej yeej thov Tswv Ntuj pab kuv thiab...Vim kuv ntshai tsam kuv tsis muaj zog txaus los ua Tswv ntuj txoj hauj lwm.

    Kuv tseem tsis tau sim mloog Xov tooj cua " Zoo Tswv Zov Yaj", mam sim seb li cas mam hais rau koj paub.

    Ua tsaug ib zaug ntxiv Txiv Plig.
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°7

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 8:41 am




    Kuv sau E_mail rau cov Txiv Plig, Leej Phauj,Tij, Tub Tsob hwb, Xib Hwb, Tub kawm ua Leej Choj, Tuam Tswj Koom Haum, Niam Tsev, Txiv tsev Zoo...thc...


    Nyob zoo...,

    Kuv hu ua Maiv Tooj Lis, Niam Txooj Tub Yaj, nyob Lyon, Fab Kis Teb.
    Kuv leej nkawm Txooj Tub wb tuav Koom Haum Hmoob Catholique thiab ua Tiam Lis ntawm peb Cheeb tsam tau ntev xyoo los lawm.
    Hnub no kuv sau tsab E_mail nov tuaj rau koj, yog kuv tau koj tus E_mail los ntawm TP. Txhiaj Foom los. TP. Txhiaj Foom paub kuv leej nkawm wb zoo.
    Lub ntsiab lus kuv sau tsab E_mail nov tuaj rau koj yog kuv thiab ob peb tug phooj ywg, peb tsim tau ib lub Forum Hmong Catholic nyob hauv Cab Sab. Xav thov seb koj puas muaj caij tuaj nrog peb "Ncig ntuj sib Fim Tswv Ntuj" ua ke. Thiab koj pab tshaj rau cov ntseeg nyob cheeb tsam ntawm koj seb lawv puas tuaj nyeem los sau nrog peb.

    Forum Hmong Catholique:

    https://hmongcatholique.forumdediscussions.com/forum.htm

    Ua tsaug.

    Maiv Tooj



    Last edited by Maiv Tooj on 15th May 2010, 7:50 am; edited 1 time in total
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°8

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 30th September 2009, 9:26 am



    Nyob zoo niam tais Maiv Tooj thiab tub Txooj Tub nrog rau neb cov me nyuam txhua tus.

    Niam tais, kuv txais tau koj tsab e-mail lawm, ua tsaug ntau. Nej yeej txawj ua tau lub tsev vas cab sab zoo kawg, kuv qhuas nej kawg. Kav tsij muab siab rau ua ntxiv mus kom zoo zuj zus tuaj.

    Kuv thov kom Huab Tais Leej Txiv tso Leej Tswv Yim Ntshiab los nrog nraim nej kom nej tsuas muaj lub tswv yim thoob tsib ua tau zoo zuj zus thiab ruaj khov kho nyob mus li.

    Sib ntsib dua.

    X.H. Npuag Neeb
    9/29/2009





    Nyob Zoo Maiv Tooj thiab Txooj tub.

    Ua cas tav no es tau hnov neb xov mas kuv zoo siab kawg. Tsaib no kuv tuaj mus Italy tas ces kuv ho los tim Fab Kis kod kuv twb los ntsib koj tus niam hluas Ntsuab thiab nws tus txiv thiab ob peb tug kwv tij tuaj tsham tom suav lub khw nyob Paris. Kuv tsis paub neb nyob qhov twg ces los xyuas tsis tau neb.

    Kuv zoo siab tias neb tseem ua Tswv Ntuj txoj hauj lwm pab cov ntseeg, rau rau siab pab tsoom ntseeg tim neb. Tim neb nyob ne muaj pes tsawg yim neeg ntseeg?
    Puas muaj kawm kev ntseeg thiab puas muaj teev Ntuj ua lus hmoob thiab los tsis muaj?

    Hais txog ntawm neb lub forum Hmoob Kav Tos Liv kuv yeej zoo siab pab thiab tham tau kawg los mas, yog tias tham kev ntseeg thiab qhia kev ntseeg es sawv daws sib cog kawm xwb ces kuv yeej tsis muaj teeb meem dab tsi, hos yog tham lus ua dog ua dig sib cav sib ceg hauv xwb ces kuv yuav tsis ua tiam sis yog tham kev ntseeg kev sib qhia ua noj ua haus sib fim mas kuv yeej kam thiab.

    Kuv mam pab tshaj rau peb cov neeg tim no thiab los tau kawg.

    Kuv xav thov neb ib qhov saib neb puas muaj peb cov duab thaum tseem hluas no ces neb pab xa rau kuv thiab puas tau vim tias kuv pom neb muab tso rau hauv internet.

    Muaj dab tsi peb mam sib tham dua, zoo siab kawg ua neb tau sau ntawv rau kuv.

    Sau yog Maiv Choo

    9/29/2009





    Nyob zoo tus niam tij los niam ntxawm, Txooj Tub,
    Ua tsaug uas nej tseem xam txog kuv tus nyob deb thiab, xav caw kom kuv tuaj koom nrog nej kev sib fim ua ke
    nyob hauv tswv Ntuj lub npe, thiab Nws tej dej num cawm neeg.
    Ua li nej lub Forum yog dab tsi tiag, puas xa tau tus qauv me ntsis tuaj rau kuv paub thiab?

    Ua tsaug

    LTH. Ntsuab Pov Yaj
    9/29/2009




    Nyob zoo Maiv Tooj Lis los yog Niam Txooj Tub Yaj, kuv zoo siab uas tau
    txais koj thawj tsab E-mail nyob hauv txoj kev ncig ntuj mloog Tswv Ntuj
    lub moo zoo, kuv kuj mus ncig saib nej lub cab sab vas hlau qee yam lawm
    thiab, kuv thov qhuas nej cov hluas txoj kev txawj ntse kuv pom ntau yam nej ua tau zoo heev kawg, kuv cia siab ntsoov tias nej sawv daws yuav sib yaum daws tawm tswv yim kom Hmoob txoj kev los nrhiav zeem tau Tswv Ntuj
    txoj kev cawm seej, tsis tas li xwb txoj kev sib fim tshaj ntuj lus thiab
    fi moo nyob hauv E-mail kuj yog ib yam kev mam meej coj peb tsoom Hmoob
    kom los nyob ua ke.
    - koj hais ib los tias saib kuv puas muaj caij los nrog nej ua member sau
    ntawv nyob hauv nej lub FORUM no, kuv zoo siab kawg tias nej tseem nyiam
    kam kheev kuv los nrog koom nej thiab, qhov no cia kuv mam xav chim puav
    tso mam teb tuaj rau koj paub sai mog.
    - Niam Txooj Tub, koj hais tias koj tus txiv yog Hmoob yaj no nws ho yog
    cov Hmoob Yaj twg? puas yog Yaj Zam Nob lawv pab ? vim kuv xav paub es thiaj paub sib hu. kuv yog cov Hmoob Hawj Nyob Nyuj Qus thaum ub nyob
    zos Pham Las Mus, Luangprabang.kuv lus tuaj ntsib koj thiab tsoom Hmoob
    nyob Fab kis teb li no xwb, ua tsaug ntau.

    THOV KOM TSWV NTUJ NROG NEJ NYOB UA NEJ

    9/30/2009






    nyob zoo, Leej muam Anne thiab koj leej nkawm.
    Kuv, Txhiaj Sawm Tsab tau txais koj Tsab E-mail lawm, yog yam uas kuv niaj hnub nrhiav thiab tshaw txog qhov koj hais.
    Tab sis, yog ib qho uas kuv yuav hais tias tu siab no rau koj, vim kuv yuav tuaj koom tsis tau nrog nej. Kuv nyuam qhuav tuaj xyuas kuv tij laug Tsav Txhaij nyob Mont de Marsan rau lub 8/09 no nyob rau tim ko, nyuam qhuav los tsev.

    kuv xav tias yam uas nej yuav ua yog ib txoj hauj lwm Tseem Ceeb uas yuav los tshaj peb Tus Huab Tais Yes Xus lub Moo Zoo thiab nrhiav txoj kev nyiam, kev hlub los rau peb haiv neeg thiab lub ntiaj teb. Thov kom peb Tus Huab Tais Yes Xus pub txoj Hmoov Zoo rau nej Txhua tus kom txawj sib nyiam, sib hlub thiab txoj kev noj qab nyob zoo nyob rog nej. kom tus hlob hais los tus yau yuav, tus yau los kom hwm tus hlob peb txhiaj yuav ua ib lub neej vam meej mus rau lub neej pem suab.

    Kuv tuaj ntsib koj thiab sawv daws hais los xaus li no xwb.
    Dua no mus, thov peb tus Huab Tais Yes Xus pov hwm peb txhua tus mus rau txoj kev noj qab nyob zoo. peb yuav mus nrhiav nws cov neeg yuam kev rov los cuag nws.

    Txhiaj Sawm Tsab
    9/30/2009





    Maiv Tooj:

    Kuv thov ua tsaug rau koj tsab email. Kuv zoo siab uas koj tau muab nej lub forum qhia kuv paub. Kuv mam li ho hais rau peb cov ntseeb thiab qhia lawv txog nej lub website no. Cia kuv ho kom kuv poj niam pab sau ntawv tuaj nrog sawv daws tham thiab kuv los mam li ho sau tuaj thiab.

    Thov kom Tswv Ntuj foom koob hmoov thiab nyob nrog nraim koj thiab tsev neeg sawv daws.

    Nom Phooj Koo


    9/30/2009





    Nyob Zoo Txos Koj Muam Maiv Tooj ntsos tsau Koj Tus Nus thiab tsoom Phooj Ywg:

    Kuv Zoo Siab tsaj tsau txaig Koj tus E-mov、Koj txoj zoo ! ua tsaus ntau ntau tsau Koj thiab Tsoom Phooj Ywg ua Ntuj dej num , vam tia Huab Tai Ntuj Ye Su yuav Foom Koob Moo ntau ntau tsau Nej Sawv Daws.
    Hai Tseeb , Txhua hnub txhua xyoo kuv ntau zaus ntshiav Peb Hmoob kev ntsees Ntuj tej tshuab , tab si,tsi pom muaj pes tsaws lub tsuab. kuv zoo siab tau txai peb hmoob lub tshuab xa ntuj moo zoo no thiab yuav zoo siab muab tshaj tsau kuv tej phooj ywg. vam tia yuav muaj ntau leej txhua tus Kwv Tij Neej Tsa tau pom tau paub tau txai Huab Tai Ntuj txoj moo zoo thiab Ntsees txos NWS.
    Tsi paub Ntawm lub teb dhaw Nej nyob no pua plhi ntuj tsaus lawm, nyob ntawm kuv tsab teb kawm ntawv no ma ntuj tsaus kuj tuaj lawm, txawm tia no tia sov lo thov saib xyua yws tus kheej kom zoo nawb.
    Hnub no kuv tsua zoo siab ntsib Koj li no xwb, Vam tia Huab Tai Ntuj Ye Xu foom moo zoo tsau Koj thiab Koj Leej Txheeb Tus Ze , Tsua ntsib Hnoj Qab Nyob Zoo mus li .

    Sib Ntsib Dua !

    SauNpe: Koj Tus Kws Xyieeb Xyeeb
    ( Tub Kawm ua Leej Choj, nyob Tuam Tshoj )
    9/30/2009




    kuv zoo siab kawg nkaus lo tsais tau koj tsa E mail ,thiab
    zoo siab rog mej sawv daws
    "Ncig ntuj sib Fim Tswv Ntuj" ua ke.
    kuv xav thov koj xa mej ob peb leej cov duab tuaj kuv lo saib ?
    ntawm no yog kuv tus duab.
    foom mej sawv daws nyob zoo
    nyob zoo!!

    Teej Xyooj
    Tub kawm ua Leej Choj,
    Cob Tsib teb
    9/30/2009




    Last edited by Maiv Tooj on 15th May 2010, 7:52 am; edited 1 time in total
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°9

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 2nd October 2009, 7:48 pm




    Nyob zoo Tais Tooj,

    Tau pom koj tsab Email, kuv xav tias yog leej twg? Mam nug nej nyab no hais tias yog Ntxawm Zoov Ntxheb tus niam tais hluas. Xyov yeej hnov tias koj yuav Hmoob Yaj no tiam sis tsis tau nug li. tsis paub neb ho yog phaj twg lawm. Neb puas yog Kwv Ncaiv Vwj ib phaj. neb ho qhia tuaj rau kuv tau paub peb thiaj paub sib hu nawb.

    Ntawm Txiv Zoov Ntxheb (LTH. Zoov Ntxheb Yaj) koj xav tau nws tus Email no tiam sis kuv kuj tsis muaj thiab ces yuav muab tsis tau rau koj, koj ho nug mus rau pem kwv Lwm saib nws puas tau muaj Email los tsis tau muaj?.

    Ntawm kev sib pab txog txoj kev ntseeg no mas yeej yog ib qho yuaj hauj sim. Peb cov tim no los yeej yog tib co neeg txom nyem thiab xwb sawv daws kev sib pab mas yeej nyuaj kawg kiag, yog nej ho tsim tau nej lub Koom Haum los ua siab loj siab ntev sib pab ua mus saib yuav hlob mus zoo li cas?. Qhia koj tus txiv lub npe tuaj rau peb tau paub thiab.
    Nej nyob zoo hauv Tswv Ntuj txoj hauj lwm.

    LTH. Xov Tsheej Yaj
    28/9/2009






    Kuv yog Zoo Txhiaj yaj,ua tsaug ntau niam Txooj Tub koj thiab nej cov phooj ywg lub webside uas muab xa tuaj rau kuv tau paub,kuv muab xa rau ob peb tug ntxiv lawm.

    Kuv pom tau tias yog ib lub tswv yim zoo heev ,kuv tseem nco lub neej uas kuv tau nrog sawv daws nyob rau Fab Kis txoj kev txhim kho hauv peb txoj kev ntseeg catholique,kuv tau nrog ntau leej ntau tus khiav nce toj nqes taug,tsim muaj lub koom haum hmoob catholique kom raug txoj cai 11 lub xyoo uas kuv tau nrog sawv daws nej cov qub X.H. cov Tx.Pl. thiab ntau tus cov coj peb thooj siab koom ntsws cog Tswv Ntuj tsob ntoo tam sis no kuv pom tau tias nws twb tawg paj thiab txi txiv lawm,Tswv Ntuj ua koj tsaug.Tsoom ntseeg sawv daws nco ntsoov nyias muaj nyias tej nras nyiaj ua Tswv Ntuj muab rau peb coj los ntxeev ua paj tus tswv yuav noog peb ib hnub twg,sij hawm tsis tos peb lawm,koj thiab kuv peb yeej paub zoo lawm tias nplej siav daj vog tab sis cov tub zog muaj tsawg heev.muaj caij muaj nyoog kuv mam li los koom nrog sawv daws sib tham hauv nej lub webside hais nyob zoo rau Txooj Tub thiab nws twb tau kuv tus e-mail lawm.

    Zoo Txhiaj Yaj

    10/1/2009






    nyob zoo rau tus tij laug maiv tooj
    zoo siab tias tau txais koj tsab ntawv no lawm.ua tsaug rau koj caw kuv mus rau hauv lub qhov chaw uas "Ncig ntuj sib fim Tswv Ntuj ". kuv twb nkag mus saib xyuas lawm thiab zoo tshaj plaws li.yog thaum twg kuv muaj khoom no kuv yuav tuaj nrog nej sib tham nyob hauv no.ua tsaug nawb.
    thov Tswv Ntuj nrog nraim nej nyob.

    thoj xyooj ----nyob rau suav teb

    10/1/2009




    Maij Tooj, cia kuv hu koj ua ntxawm Txooj tub no, vim XH.Zoov Ntxeb
    yog kuv yawg tus muam yug ntag hos Zam Nob poj niam ces yog kuv tus phauj xwb cov neej tsa Hmoob xeev kuv kuj txheeb ntau leej thiab. Lam hu li
    no ua ntej tso, saib tej tub tej ntxhais koj qaib puas pw kuv cooj kuv
    os puas pw koj nkuaj es mam hu tshiab.
    Koj puas tau qhia mus rau TP. Tshaj Xwm nyob Thaib teb & TP.Choo
    nyob Los Tsuas teb tuaj ncij ntuj fi moo hauv Leej Pleev lub npe koom peb thiab?
    qhov zoo kuv xav tias koj qhia mus kom thoob ntuj kom cov yog neeg
    ntseeg thiab tsis ntseeg los caw sawv daws tuaj tsham peb thiab.
    Thov kom Tswv Ntuj foom hmoo zoo rau Hm. Cath.Lub FORUM no los ua
    Tswv Ntuj lub teeb kaj rau lub qab ntuj neeg kom muaj tus khob qhov rooj los muaj tus yuav qhib rau muaj tus taij los ho muaj tus pub rau. Vim
    peb tsev neeg Hmoob yog tsev neeg sam sim tseem nyob hauv txoj kev
    ntuj hauv Hmoob lub neej. hnub no kiag twb zoo li kuv tuaj txog hauv neb tsev lawm.

    Thov kom Tswv Ntuj nrog nraim koj nyob ua koj siab kaj lug mog


    Nkia Tswb
    10/1/2009





    Ua koj tsaug Niam Txooj Tub, kuv muab nej qhov Website xa rau sawv saib lawm vam tias sawv daws yuav pom lawm.

    Txawj Huas
    10/2/2009





    Nyob Zoo tus muam tooj lis thiab tus txij nkawm.
    Zoo siab thiab ua tsaug uas neb tseem tau xa xov qhia rau kuv paub txog ntawm neb lub tsev vas, kuv txaus siab tuaj ncig tsham nej thiab kuv yuav qhia rau cov kwv tij thiab tsoom ntseeg nyob cheeb tsam ntawm kuv saib xyuas kom lawv tuaj koom neb thiab. rov ua neb tsaug mog. Thov Tswv Ntuj kev thaj yeeb tuaj nyob ntau ntau saum neb.

    Leej Tsob Hwb Nyiaj Tsab Lis10/2/2009




    Nyob zoo tus muam Anne,

    Kuv zoo siab uas koj tau hais tuaj qhia rau kuv paub txog nej lub Forum. Kuv kuj xav tuaj mus ncig ntuj
    tsham cov kwvtij Hmoob Fab Kis kawg tab sis yog pheej tsis tau muaj lub sij hawm zoo xwb. Kuv ua koj
    tsaug uas koj tau muab tshaj tawm tuaj rau peb cov kwv tij Hmoob tim As Mes Lis Kas tau paub thiab.

    Kuv twb pom tus coj Hmoob Catholique Txawj Huas Hawj twb muab tshaj tawm nyob rau hau e-mail
    mus rau cov ntseeg lawm. Kuv xav hais tias cov coob yuav paub lawm. Tab sis kuv mas li pab tham
    rau sawv daws ntxiv thiab saib puas muaj leej twg xav tuaj koom nej tau.

    Thov kom peb tus Tswv Ntuj siab zoo nrog koj thiab koj tsev neeg thiab tag nro cov ntseeg tim nej
    thiab pub txoj kev kaj siab rau nej sawv daws. Ua tsaug.

    Paul Lee (Zeb Pov Nkaj Thaib Lis)
    10/2/2009




    Nyob zoo Niam Laus Maiv Tooj,

    Kuv txais tau koj tsab e-mail lawm, kuv ua koj tsaug ntau ntau uas koj tau qhia to Forum ntawd rau kuv paub. Kuv cia siab ntsoov tias yog kuv khoom thaum twg kuv yuav tau mus qheb saib saib thiab nyeem tau. Thov ua koj tsaug ib zaug ntxiv.


    Zam Mas Tsab.
    10/2/2009



    Last edited by Maiv Tooj on 15th May 2010, 7:55 am; edited 3 times in total
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°10

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 4th October 2009, 5:20 pm




    Nyob zoo Maiv Tooj los yog Niam Txooj Tub Yaj,

    Kuv tau txais koj qhov email lawm. Zoo siab ntau.
    Zoo siab ntau tau hnov tias neb ob niam txiv yog tus tuav lub Koom Haum Hmoob nyob Lyon, Fab Kis Teb. Pab neb zoo siab thiab xav tias nej sawv daws yuav noj qab nyob zoo.
    Koj tau caw saib kuv puas tuaj tau nrog nej "Ncig ntuj sib Fim Tswv Ntuj" ua ke. Kuv zoo siab ua koj tsaug ntau uas koj tau qhia peb paub, cia kuv mam li tshaj rau cov ntseeg hauv peb no paub txog.
    Ua koj tsaug ntau nawb. Muaj dab tsi peb mam sib tham ntxiv.
    Thov kom Tswv Ntuj pov hwm nej.

    Tubthaj Lis

    10/4/2009

    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°11

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 7th October 2009, 4:51 am



    SauNpe: XyieebXyeebPaajTseeb
    Tim 7 lub 10hli 2009.

    *** Hauv Qab no yog kuv li ib daim duab nyob ntawm lub vaj tse kuv kawm txuj

    • Back to top
    Maiv Paj Lug
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17
    • Post n°12

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Paj Lug 7th October 2009, 9:29 am

    Wow.....Maiv Tooj! cas koj yuav mus muaj phoojywg coob ua luaj thiab koj yuav paub neeg tseem ceeb coob ua luaj.......kuv tuaj nyeem txhua tus tej lus thiab cov ntawv teb koj saum no mas muaj nqis tag nrho.....txhua tus puav leej zoo siab nrog koj heev, lawv ib leeg pub ib lub txiaj ntsim tuaj txhab txoj kev ntseeg, Tswv Ntuj yuav nrog nraiv lawv nyob thiab yuav pub txiaj ntsim tsis tseg rau lawv, ua sawv daws tsaug rau tej lus zoo. Thov kom Huab Tais Ntuj nrog nej nyob ua nej siab kaj lug.

    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°13

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 7th October 2009, 5:29 pm

    MayPajLug wrote:Wow.....Maiv Tooj! cas koj yuav mus muaj phoojywg coob ua luaj thiab koj yuav paub neeg tseem ceeb coob ua luaj.......kuv tuaj nyeem txhua tus tej lus thiab cov ntawv teb koj saum no mas muaj nqis tag nrho.....txhua tus puav leej zoo siab nrog koj heev, lawv ib leeg pub ib lub txiaj ntsim tuaj txhab txoj kev ntseeg, Tswv Ntuj yuav nrog nraiv lawv nyob thiab yuav pub txiaj ntsim tsis tseg rau lawv, ua sawv daws tsaug rau tej lus zoo. Thov kom Huab Tais Ntuj nrog nej nyob ua nej siab kaj lug.


    Nyob zoo MaypajLug,

    Yog ib lub Txiaj Ntsim tuaj ntawm peb Tus Huab tais Pleev tuaj uas zaum no peb muaj kev sib fim thoob ntuj. Kuv zoo siab heev tau txais cov lus muaj nqes ntawm cov Tswj Cheeb Tsam txhua qhov chaw. Lawv tej lus zoo lus txhawb siab yuab nyob hauv kuv lub siab tsis muaj caij kawg, kuv yuav nco lawv tshav ntuj tsis muaj caij tag.
    Zaum no peb los sib ntsib ntawm kev tshuam, vam tias peb yuav ntau tau lub vas hlau vij ntiaj teb, vam tias peb kev sib nug moo, xa xov yuav nyob ruaj nreb xws cag zeb,nyob ruaj xws cag tsua, nyob ib txhiab tsuas muaj vam meej, nyob ib ntxhis tsuas muaj tau Txiaj Ntsim...
    Kuv ua tsaug rau cov kwv tij Hmoob USA, muaj coob tus kub siab thiab tuav Tswv Ntuj tej dej num zoo.
    Kuv zoo siab tau hnov cov kwv tij Hmoob Tuam Tshoj ( Suav teb) moo thiab paub txog lawv lub neej.
    Kuv zoo siab hnov cov kwv tij Hmoob Cob Tsib teb moo, txawm nej tsis muaj kev ywg siab rau txoj kev Ntseeg los nej ua siab loj mog. Nej twb tiv txog tav nov lawm, qhov nyuaj tshaj twb dhau lawm. Ua siab nyiaj mus ib hnub nej yuav pom kev tshav ntuj nawb mog. Peb txhua tus nyob deb nco txog nej mog. TP. Cwj Vuam Chiv piav txog kev los xyuas nej zaum no mas txaus tu siab heev. Tau ua rau lub kua muag poob, vim nej yog peb kwv tij Hmoob.

    E_mails Ncig ntuj sib Fim Tswv Ntuj Pict0210
    • Back to top
    Npuagtub
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.
    • Post n°14

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Npuagtub 8th October 2009, 12:52 am

    Maiv Tooj wrote:

    SauNpe: XyieebXyeebPaajTseeb
    Tim 7 lub 10hli 2009.

    *** Hauv Qab no yog kuv li ib daim duab nyob ntawm lub vaj tse kuv kawm txuj

    Wow.....! Maiv Tooj, koj mas muaj peev xwm kawg li tiag. Kuv zoo siab heev thaum kuv tau pom koj cov E-mail ncig ntuj. Ua li koj puas tau hais kom lawv register tuaj nrog peb sib fi txuj hauv Forum no ? Vim peb xav nrog lawv sib txuas lus txog lawv li kev ntseeg kawg li hos Maiv Tooj. Yog koj tau hais mus no ho thov kom lawv xa xov tuaj hauv Forum no mas ntshai peb yim huab zoo siab tshaj.
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°15

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 8th October 2009, 9:05 am

    Npuag Tub wrote:
    Wow.....! Maiv Tooj, koj mas muaj peev xwm kawg li tiag. Kuv zoo siab heev thaum kuv tau pom koj cov E-mail ncig ntuj. Ua li koj puas tau hais kom lawv register tuaj nrog peb sib fi txuj hauv Forum no ? Vim peb xav nrog lawv sib txuas lus txog lawv li kev ntseeg kawg li hos Maiv Tooj. Yog koj tau hais mus no ho thov kom lawv xa xov tuaj hauv Forum no mas ntshai peb yim huab zoo siab tshaj.


    Nyob zoo XH. Npuag Tub & maypaj Lug,

    Hnub no kuv tsis tshua khoom ces kuv tsis tau tuaj sau dab tsi li. Kuv tuaj nyeem neb cov lus thiab hais nyob zoo rau neb xwb.

    Hahhaah...! XH. Npuag tub, kuv lub peev xwm ces luaj li pev xwm kab ziam, kuv lub zog luaj zog ntsaum xwb...Ua tsaug rau nws cov lus txhawb siab...Yog muaj Leej Tswv Yim Ntshiab tuaj txhawb peb lub zog, peb thiaj nrhiav tau Tsoom Hmoob thoob ntuj tag nrho. Yog muaj Leej ntuj Plig nrog peb, peb kwv tij Hmoob thiaj tuaj sib koom nyob ib Tse, tham txog Huab tais Yes Xus lub NPE.

    Hnub no kuv tsis muaj dab tsi tuaj qhia rau nej, kuv tsuas nqa kuv tsab E_mail uas kuv tau xa mus rau cov phooj ywg tuaj rau neb nyeem xwb...



    Hawm txog leej niam, leej txiv, leej tij, leej kwv, leej phauj thiab leej viv ncaus,

    Kuv hu ua Maiv Tooj, niam Txooj Tub yaj, nyob Lyon, Fab Kis teb.

    Kuv leej nkawm wb tau tuav lub "Koom Haum Ntseeg Ntuj Sib Fi Txuj" Fab kis teb, tau ntev xyoo.

    Wb ua tiam lis xeev Cheeb Tsam " Centre Est de la France".

    Kuv thiab ob peb tug phooj ywg Fab Kis teb thiab USA tau sib koom tsim tau ib lub
    "Forum Discussion Hmoob Catholique" nyob rau Cab Sab.
    Rau peb "Ncig ntuj sib Fim Tswv ntuj".
    Kuv zoo siab caw koj tuaj nrog peb koom.

    Koj muaj lub laj lim tswv yim zoo, txhob muab rau ncoo.
    Coj tuaj nthuav rau peb kawm, ua txoj xub ke rau peb nrhiav HTN txoj kev Cawm.

    Koj muaj kev thoob tsib tog nrog, txhob muab zais npog.
    Coj tuaj nthuav qhia, yuav ua txoj xub ke rau peb nrhiav HTN txoj kev NYIAM.

    Yog koj tsis khoom tuaj sau los tuaj nrog peb nyeem
    Yog koj tsis xyeej los thov lauj zias lub caij tuaj xyuas

    Peb vam thiab cia siab tias yuav ntsib koj nyob hauv:

    Forum Hmoob Catholique

    https://hmongcatholique.forumdediscussions.com/index.htm

    Ua ke nov, thov koj pab tshaj peb lub Forum Hmoob Cathlique rau koj cov phooj ywg thiab txheeb ze paub.

    Ua tsaug.

    Sau npe: Maiv tooj, niam Txooj Tub Yaj.

    • Back to top
    Npuagtub
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.
    • Post n°16

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Npuagtub 9th October 2009, 10:57 am

    Maiv Tooj wrote:
    Npuag Tub wrote:
    Wow.....! Maiv Tooj, koj mas muaj peev xwm kawg li tiag. Kuv zoo siab heev thaum kuv tau pom koj cov E-mail ncig ntuj. Ua li koj puas tau hais kom lawv register tuaj nrog peb sib fi txuj hauv Forum no ? Vim peb xav nrog lawv sib txuas lus txog lawv li kev ntseeg kawg li hos Maiv Tooj. Yog koj tau hais mus no ho thov kom lawv xa xov tuaj hauv Forum no mas ntshai peb yim huab siab tshaj.


    Nyob XH. Npuag Tub & maypaj Lug,

    Hnub no kuv tsis tshua khoom ces kuv tsis tau tuaj sau dab tsi li. Kuv tuaj nyeem neb cov lus thiab hais nyob rau neb xwb.

    Hahhaah...! XH. Npuag tub, kuv lub peev xwm ces luaj li pev xwm kab ziam, kuv lub zog luaj zog ntsaum xwb...Ua tsaug rau nws cov lus txhawb siab...Yog muaj Leej Tswv Yim Ntshiab tuaj txhawb peb lub zog, peb thiaj nrhiav tau Tsoom Hmoob thoob ntuj tag nrho. Yog muaj Leej ntuj Plig nrog peb, peb kwv tij Hmoob thiaj tuaj sib koom nyob ib Tse, tham txog Huab tais Yes Xus lub NPE.

    Hnub no kuv tsis muaj dab tsi tuaj qhia rau nej, kuv tsuas nqa kuv tsab E_mail uas kuv tau xa mus rau cov phooj ywg tuaj rau neb nyeem xwb...



    Hawm txog leej niam, leej txiv, leej tij, leej kwv, leej phauj thiab leej viv ncaus,

    Kuv hu ua Maiv Tooj, niam Txooj Tub yaj, nyob Lyon, Fab Kis teb.

    Kuv leej nkawm wb tau tuav lub "Koom Haum Ntseeg Ntuj Sib Fi Txuj" Fab kis teb, tau ntev xyoo.

    Wb ua tiam lis xeev Cheeb Tsam " Centre Est de la France".

    Kuv thiab ob peb tug phooj ywg Fab Kis teb thiab USA tau sib koom tsim tau ib lub
    "Forum Discussion Hmoob Catholique" nyob rau Cab Sab.
    Rau peb "Ncig ntuj sib Fim Tswv ntuj".
    Kuv siab caw koj tuaj nrog peb koom.

    Koj muaj lub laj lim tswv yim , txhob muab rau ncoo.
    Coj tuaj nthuav rau peb kawm, ua txoj xub ke rau peb nrhiav HTN txoj kev Cawm.

    Koj muaj kev thoob tsib tog nrog, txhob muab zais npog.
    Coj tuaj nthuav qhia, yuav ua txoj xub ke rau peb nrhiav HTN txoj kev NYIAM.

    Yog koj tsis khoom tuaj sau los tuaj nrog peb nyeem
    Yog koj tsis xyeej los thov lauj zias lub caij tuaj xyuas

    Peb vam thiab cia siab tias yuav ntsib koj nyob hauv:

    Forum Hmoob Catholique

    https://hmongcatholique.forumdediscussions.com/index.htm

    Ua ke nov, thov koj pab tshaj peb lub Forum Hmoob Cathlique rau koj cov phooj ywg thiab txheeb ze paub.

    Ua tsaug.

    Sau npe: Maiv tooj, niam Txooj Tub Yaj.


    Maiv Tooj thiab Maypajlug,

    Hnub no kuv tsis muaj sij hawm ntau, kuv tsis tuaj sau kev ntseeg li.
    kuv tsuas tuaj tso TP. Cwm Vuam Chiv tsam email rau neb nyeem xwb, kuv zoo siab heev uas TP. tseem muaj sij hawm xa xov rau kuv hnub no.
    Maiv Tooj nws mam li kho kom zoo saib nawv, ua tsaug.




    Nyob zoo XH Npuag Tub,

    zoo siab ntau, tau ntev npaum no xyoo tav li no thiaj mam li hnov koj moo, Npuag Tub. Kuv tseem nco zoo txog koj. Yav thaum ub peb tseem yau, peb kuj tau ua si ua ke ntev xyoo nyob ntuj qub qab. Teb chaws tawg, sawv daws khiav tuaj lawm, thiaj sib ncaim tav li no.

    ntawm kuv los zoo siab heev tau hnov koj moo. Yog muaj sij hawm kuv yuav tuaj ncig xyuas nej hauv internet. Yog muaj sij hawm mus txog Avignon, kuv mam nrhiav saib puas mus pom koj cov kwv lawv. Kuv twb mus txog ib zaug Carpentras, ncig xyuas cov ntseeg, Yawg Laus Tswv Lauj Thoj. Nrog lawv pw ib hmo rov los lawm. Cia rov lwm zaus tso.

    Ntawm kuv niam thiab kuv txiv lawv, mus nyob Guyane, pem lub zos Saül. Lawv tseem ua lub neej li thaum ub, 2 hnub tuav cos ib zaug thiaj tau mov noj. Lawv kuj nyob ua neej khwv kawg. Kuv tij laug Ciaj Tsheej thiab Lug nkawd nyob Guyane. Hos cov kwv cov muam peb nyob Fab Kis.

    Zoo siab tias koj los ua Xib Hwb pab tsoom ntseeg sawv daws. Kuv kuj tsis paub tias koj nyob rau Fresno thiab. Zoo siab tsuav yog peb ib co neeg sawv daws tau nyob ua ke tim nej ces twb yog hmoov zoo kawg.

    Ntsib koj li no nyob zoo nej sawv daws, Cwj Vuam Chiv

    Hnub Tim 9/10/2009.




    Nyob Zoo,

    Tub Npuag, kuv twb nkag tau mus saib nej lub forum lawm, kuv niaj hnub saib, nej ua tau zoo kawg, koj kuj qhia ntau yam kev ntseeg nyob hauv zoo heev kawg, kuv zoo siab heev yog peb hmoob sawv daws lam los saib kom
    coob coob mas kuj yog ib qho yuav cawm tau yus tsev neeg Hmoob thiab.

    Nkias Tswb

    Tim 5/10/09



    Last edited by Npuag Tub on 12th October 2009, 6:54 am; edited 1 time in total
    • Back to top
    Admin
    Admin
    Admin
    Admin


    Messages : 188
    Date d'inscription : 2009-08-05
    • Post n°17

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Admin 10th October 2009, 9:06 am

    Npuag Tub wrote:
    Maiv Tooj thiab Maypajlug,

    Hnub no kuv tsis muaj sij hawm ntau, kuv tsis tuaj sau kev ntseeg li.
    kuv tsuas tuaj tso TP. Cwm Vuam Chiv tsam email rau neb nyeem xwb, kuv zoo siab heev uas TP. tseem muaj sij hawm xa xov rau kuv hnub no.
    Maiv Tooj nws mam li kho kom zoo saib nawv, ua tsaug.




    Nyob zoo XH Npuag Tub,

    zoo siab ntau, tau ntev npaum no xyoo tav li no thiaj mam li hnov koj moo, Npuag Tub. Kuv tseem nco zoo txog koj. Yav thaum ub peb tseem yau, peb kuj tau ua si ua ke ntev xyoo nyob ntuj qub qab. Teb chaws tawg, sawv daws khiav tuaj lawm, thiaj sib ncaim tav li no.

    ntawm kuv los zoo siab heev tau hnov koj moo. Yog muaj sij hawm kuv yuav tuaj ncig xyuas nej hauv internet. Yog muaj sij hawm mus txog Avignon, kuv mam nrhiav saib puas mus pom koj cov kwv lawv. Kuv twb mus txog ib zaug Carpentras, ncig xyuas cov ntseeg, Yawg Laus Tswv Lauj Thoj. Nrog lawv pw ib hmo rov los lawm. Cia rov lwm zaus tso.

    Ntawm kuv niam thiab kuv txiv lawv, mus nyob Guyane, pem lub zos Saül. Lawv tseem ua lub neej li thaum ub, 2 hnub tuav cos ib zaug thiaj tau mov noj. Lawv kuj nyob ua neej khwv kawg. Kuv tij laug Ciaj Tsheej thiab Lug nkawd nyob Guyane. Hos cov kwv cov muam peb nyob Fab Kis.

    Zoo siab tias koj los ua Xib Hwb pab tsoom ntseeg sawv daws. Kuv kuj tsis paub tias koj nyob rau Fresno thiab. Zoo siab tsuav yog peb ib co neeg sawv daws tau nyob ua ke tim nej ces twb yog hmoov zoo kawg.

    Ntsib koj li no nyob zoo nej sawv daws, Cwj Vuam Chiv

    Hnub Tim 9/10/2009.



    Nyob Zoo,

    Tub Npuag, kuv twb nkag tau mus saib nej lub forum lawm, kuv niaj hnub saib, nej ua tau zoo kawg, koj kuj qhia ntau yam kev ntseeg nyob hauv zoo heev kawg, kuv zoo siab heev yog peb hmoob sawv daws lam los saib kom
    coob coob mas kuj yog ib qho yuav cawm tau yus tsev neeg Hmoob thiab.

    Nkias Tswb

    Tim 5/10/09


    XH Npuagtub, ua tsaug ntau rau nws ob tsab xov nug moo zoo ntawm TP Cwjvuamchiv thiab Nkias Tswb, peb ib leeg nyob ib sab ntuj tiam sis Huab Tais Yesxus kuj coj kom peb txhua leej txhua tus tuaj sib ntsib koom ib lub siab, zoo siab ntau kawg tau pom nej txhua yam zoo.
    • Back to top
    Npuagtub
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.
    • Post n°18

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Npuagtub 24th November 2009, 3:25 am

    Nyob zoo Maiv Tooj, Maypajlug, Mim thiab cov phooj ywg,

    Zoo siab heev uas hnub no kuv tau txais ib tsab xov E-mail tuaj Cob Tsib teb tuaj, kuv xav tias tej zaum tus tub no yuav muaj tswv yim tuaj koom nrog peb sib fim nyob hauv peb lub Forum no. kuv yuav pab txhua yam uas tus tub no xav tau kom nws tuaj koom tau nrog peb thiab xa xov nyob Cob Tsib Teb tuaj rau peb paub thiab kuv yuav pab txhawb lawv lub Website kom tsim tau thiab, saib tom ntej no peb kev sib nug moo tau yooj yim.


    Zoo siab tau paub koj os Dab Laug Npuag Tub, Kuv lub xyoo no tas
    nyuam qhuav tau 25 xyoo ces yog tias muab hu ua "dab laug" no yuav
    haum kawg li txoj kev txoj cai thiab yog kuv niam yog xeem Hmoob Hawj
    tim no peb muab hua ua Xeem Hmoob Liab.

    Dab Laug, zoo siab ntau uas tseem muaj txhab ntxiv lub website hmoob
    Kav Tos liv https://hmongcatholique.forumdediscussions.com kuv thiab
    kuv tus tij laug tub tab tom tswm tawm ib lub web nyob Nyab laj muaj
    lub npe tias: http://hmongcatholic.com.vn no tab sis tseem tsis tau
    txaus documnet los ntawm peb haiv hmoob Kav tos liv ces tsi tau muab
    zwm tau saum internet xwb.

    Cia kuv mam muab nej lub website
    https://hmongcatholique.forumdediscussions.com no mus qhia ntau tus
    phooj ywg hmoob ntseeg thiab tseem tsi tau ntseeg mus xyuas sai os ces
    peb yuav xa li tau ntaub ntawv los ntawm sib koom xa xov thiab xa
    ntawv ntsiab.

    Ntawm no kuj yog lub chaw kawm ntawv ntshiab zoo heev
    rau peb ib haiv hmoob nyob thoob ntiaj teb.
    Kuv thov hais me ntsis los ntawm peb lub website hmoob
    https://hmongcatholique.forumdediscussions.com no yog tias muaj qhov
    tws tsi haum thiab tsi yogf thov zam lub txim pub kuv ntau ntau.

    Lub website no tsim tawm tsi yog rau peb hmoob Kav Tos liv tas li
    mas tseem yog rau txhua leej txhua tus uas muaj txoj kev ntseeg thiab
    tseem tsi tau ntseeg, los rau cov tub kawm ntxhais kawm thiab los rau
    ntawm tus mus ua hauj lwm tseem los rau ntawm cov laus los cov hluag
    thiab ib nrab neeg paub paub thiab mloog, yog li peb yuav tsum ua kom
    txhua leej txhua tus nyiam nkag hauv website thiab yog tias nkag xyuas
    tas lawm saib yuav tau dab tsi, puas yuav tau puav pheej los tsuas yog
    kom dhau lub hnub nyoog thiab theej stress.

    Peb yuav tsum ua ntau lub chaw sib li kawm ntawv hmoob Thoob teb,
    kawm ntawv hmoob phaj hauj,los kawm ntawm hmoob Paj Ntaub,
    chaw tham kev phooj ywg li Chat Room...tsim member rau txhua leej...
    Yog li mas kuv ntseeg tias yuav tau ntau tus paub li xwb.

    Yog li hnub no kuv tham li no xwb mam li sib ntib dua lwm zaus.
    Xav kom Dab Laug thaij duab dab laug tsev neeg xa tuaj peb tau pom.
    Kev thaj yeeb nyob nraim nej txhua lee txhia tus.

    Vis Xyooj

    11 / 24 / 2009
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°19

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 24th November 2009, 9:32 am



    Nyob zoo XH. Npuag Tub thiab cov phooj ywg,

    XH.Npuag tub,

    Yog muaj cov kwv tij nyob ntau lub teb chaws tuaj nrog Peb sib fim mas yuav zoo heev. Kuv vam thiab cia siab tias Viv yuav tuaj xav lawv xov thiab qhia txog lawv kev noj haus rau peb.

    Kuv kuj tais txais Viv ib tsab Mail thiab:


    Re: Forum Hmong Catholique


    Ua tsaug niam ntawm koj tseem ceeb toom rau kuv paub txog nej, cia kuv li ceeb toom rau ntau leej paub txog lub website no ces cia kuv mam li nkag saib thiab yog muaj kev tham txog Tswv Ntuj tej ntaub ntawv thiab suab qhia Moo Zoo ces kuv thiaj li xa tuaj kom nej muab zwm rau hauv website kom peb cov hmoob nyob thoob teb tau paub thiab kawm.
    Lub web no kuv saib mas zwm tau zoo heev ua kom peb hmoob tau sai thiab pom tseem txog Tswv Ntuj lub hwj huam. Qhov no kuv yog ib lub chaw kawm Moo Zoo ntawm phau Ntawv Ntshiab 2002.
    Mam li sib ntsib dua nej. Kev kaj siab nyob nrog nej

    Tim 24/11/09
    Vis Xyooj/Nyab Laj
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°20

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 26th November 2009, 5:24 am



    Mail sau los ntawm Pov Yaj Lauj nyob Milwaaukee, USA. Tim 25/11/2009







    Thanksgivngs Day
    **************


    Tsoom neeg ntseeg ntuj hmoob Catholic
    uas zwm nyob rau hauv St-Michael's Church
    yuav noj turkey ua ke, rau Hnub Thursday,
    November 26, 2009 Thaum 3:00 PM

    Thov caw nej tuaj koom peb rau hnub ntawd,













    Hmong Milwaukee Catholic community
    ****************************************



    ----------------------------------------------------

    Lub xyoo no mas peb nqa Turkey mus pub rau cov neeg laus, los sis cov neeg uas lawv muaj mob muaj nkeeg, los sis cov neeg uas lawv poob laj poob kam, los sis cov neeg uas lawv muaj me nyuam coob, nyob rau tom vaj tom tsev. Kom lawv sawv daws nrog nco txog tias cov neeg thaum ub uas tuaj nrhiav tau lub teb chaws no, lawv txom nyem mas lawv txawj sib hlub, txawj sib qee noj qee haus.

    Peb kuj thov ntuj pab rau lawv, txawm tias lawv ho muaj mob muauj nkeeg los kom lawv tus mob zoo; hos cov ho poob laj poob kam los kom lawv rov mus nrhiav tau laj kam ua, kom lawv khwv tau noj tau haus.


    Sau npe: Pov Yaj Lauj.
    Milwaukee, USA.





    Last edited by Maiv Tooj on 7th December 2009, 9:34 am; edited 1 time in total
    • Back to top
    Npuagtub
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.
    • Post n°21

    E_mails Ncig ntuj sib Fim Tswv Ntuj Empty Xa Xov tuaj ntawm Leej Phauj Koov Kwm

    Post  Npuagtub 26th November 2009, 9:41 pm

    Nyob zoo Maiv Tooj, Maypajlug thiab cov phooj ywg,

    Zoo siab ua hnub no kuv tau txais ib tsab email tuaj tim Suav teb tuaj, vam tias tom ntej no yog peb muaj kev sib xa xov mus zoo yuav muaj neeg hmoob nyob ntau lub teb chaws tuaj tsham peb, zoo li Leej Phauj hais lawv kuj tsis tshua muaj kev ywj pheej sib xa xov zoo li peb cov nyob teb chaws Mev kuj thiab Fab kis. Txawm li cas los peb yuav maj mam sib pab thov ntuj kom tom ntej no tej nom tswv ho qhib kev dav rau peb cov Hmoob nyob rau cov teb chaws tsis muaj kev thaj yeeb ywj pheej tau muaj ib yam li peb thiab.

    Nyob Zoo Xyoo Tshiab XH. Npuag Tub,

    Kuv ua Koj txau ntau! Kuv los xwj zoo siab txais Koj tsab xov. Kuv naj hnub xav sau ntawv tuaj rau peb ib cuab moob nyob tom no, taab xws kuv tseem nyob huv lub txhaw kawm thiab huv
    lub txhaw Koom haum. Ais Kuv tsw lo sau ntawv ntau tuaj rau Nej sawv daws. Kuv xav sau ntawv tuaj rau Nej tes Kuv yov tsum mus thov Kuv tus Hlub thiab. Vim le ntawm, yos mej sau ntawv tuaj rau Kuv, Kuv tsw txais xai xai mej cov xov rov qab tuaj nej, los Nej xob tu saib Kuv mog.
    Peb Moob tom no au koom haum coob kaws le thiab. tab xws tsw paub ntawv moob paum le Mej Cov Moob nyob tom no. Nyob nyob yos Koj muaj xwj hawm Koj puas xaav tuaj xuas peb Moob nyob tom no? peb Moob nyob tom no tsom nyim duas Mej tom no.
    Kuv twb leej tuaj nyob huv suav teb, kuv muaj ntau ntau kev nyuaj saib, Thov Koj pab thov tswv Ntuj pab rau Kuv thiab, nyob tsam Kuv ua tsw tav Kuv cov hnum.
    Koj qhia txuj kev ntseeg rau peb Moob, Koj nyob Koj ib yim neeg log Koj tsem nrog Nam Txiv nyob. Kuv foom Koj muaj yos noj qab nyob,muaj ib hnub muaj xwj hawm, wb txo mam tham. Kuv tsw paub ntawv Moob peg caws, yos Kuvxau yuam kev lo Koj sab ntev nyeem,thiab qhia rau Kuv paub thiab.

    Nkoov Kwv

    Kuv lub ple Suav hu au: Cu thi quynh Hoa

    11/26/2009
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°22

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 28th November 2009, 9:03 pm



    Nyob zoo XH. Npuag Tub,

    Wow...! Cas yuav tu siab ua luaj li...Peb nyob teb chaws ywj pheej, tej yam zoo li ntawd peb twb xav tsis txog tias tseem muaj nyob ntija teb no thiab. Peb li peb xav noj qaub noj qab los nyob ntawm peb xav tau thiab xav txog xwb. Cas yog tib lub ntiaj teb tab sis yuav tsis muaj kev ywj pheej tib yam.
    Yam li ib tug Tij Hmoob Cob Tsib teb, nws xav tau ib phau ntawv qhia cov zaj nyeem hnub Chiv no. Kuv npaj yuav xa rau nws ces nws ho tias kom txhob xa lawm. Xa mus txog los nws yuav tsis tau txais, luag yuav muab lws lawm xwb ces kav liam no. Kuj chim siab kawg li.
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°23

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 28th November 2009, 9:10 pm




    Nyob zoo rau cov qub phooj ywg, nyob hauv Huab Tais
    Vam tias nej sawv daws noj qab nyob zoo li qub..
    = Lub Caij Tos Huab Tais tuaj yuav txog diam. mas kuv tso siab lug tias nej yuav npaj nej lub siab huv los mus cev rau Yes Xus, hnub tim 24 - 25 yuav tuaj no
    = Kuv tau mus xyuas cov kwv tij Hmoob tim Thaib teb, Los Tsuas teb thiab Suav teb tab sis kuv tsis tau xyeej sij hawm sau lub ntsiab lus txog ntau tej yam kuv tau pom..,,, txog tej tus neeg kuv tau ntsib,,,+ txog tej teeb meem hnyav kuv tau hnov txog . Saib lwm hnub tuaj kuv yeej yuav sau xwb.
    .........
    Zoo li kuv tseem nco txog nej coob leej uas kuv tau ntsib hauv HANCA lub rooj sab laj , lub 7 hlis dhau los lawm..
    Mas kuv vam tias nej coob leej tau twm tsab ntawv kuv tau xa mus rau nej sawv daws lub 8 hlis.
    .Zoo li kuv tau sau 2-3 nyuag lus thov nej saib : hauv nej pawg ntseeg mas thov kom nej kub siab txhawb nqa lub HMONG CENTER tim THAIB teb...
    Yog muaj qhov zoo ntawd, mas kuv xub ua nej tsaug
    Zoo li nej feem coob kuj qhib mloog peb lub WEBSITE, uas ntim tau tej zaj peb tshaj tawm txhua txhia hnub hauv peb lub xov tooj cua ZOO TSWV ZOV YAJ .

    Saib nej tus puav puas kam sau tej zaj tseem ceeb uas yuav tshaj tawm hauv TSEB NPLEJ + LIAJ LUV XA MOO. 100% kuv xub paub tias peb cov kwv tij nyob As Xias teb yuav zoo siab twm nej tej zaj ntawd lauj ..


    Thov kom niam Mab Liab dauv muag luag ntxhi rau nej sawv daws huv si

    Kev thaj yeeb In Laotian Santisuk...In Vietnamese : Bin An....In Chinese PINH AN tab sis ..! ! .. thov kom nej txhob nug kuv siv cov tsiaj ntawv Suav los sau lo lus PINH AN..lauj !!
    e-mail < hmong@rveritas-asia.org >

    T.P. Txhiaj Foom omi

    28/11/2009

    • Back to top
    Npuagtub
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.
    • Post n°24

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Npuagtub 29th November 2009, 2:25 am

    Sister Maiv Tooj thiab Maypajlug,

    Yog kawg os nkawd, kuv nyuam qhuav rov tau txais leej phauj Nkoov Kwm ib tsab email hnub no thiab, kuv mloog mas zoo li lawv yeej tsis muaj kev ywj pheej pes tsawg. thiab ib qho zoo li lawv tsis paub yuav mus xyuas peb hauv Forum, vim tsis hnov lawv tham txog peb lub Forum li.
    Leej Phauj Nkoov Kwm nws xav pom kuv no ces kuv xa ib daim duab ua muaj peb 3 leeg nrog TP. Tshaj Xwm mus rau nws saib, nws kuj tau hnov txog TP. Tshaj Xwm lub npe lawm thiab tsuas yog tsis tau pom xwb. Nws hais tias nws xav xa nws li duab tuaj rau peb saib no tiam sis nws tsis paub yuav xa li cas thiaj tau vim nws cov duab yog ntawv xwb. kuv kuj qhia me ntsis mus lawm thiab saib nws puas yuav xa tau tuaj li cas..
    • Back to top
    Maiv Tooj
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18
    • Post n°25

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Maiv Tooj 19th January 2010, 9:49 pm



    NYOB ZOO XYOO TSHIAB 2010

    Kwv tij Hmoob sawv daws, peb cov tub lis dej num hauv lub tshuab tshaj xo "Zoo Tswv Zov Yaj" thov hais "Nyob Zoo Xyoo Tshiab" rau sawv daws thiab thov kom Huab Tais Tswv Ntuj pab ntxuav daws tej yam tsis zoo tsis huv, kev nyuaj siab ntxhov plawv hauv sawv daws lub neej kom nrog lub xyoo 2009 mus. Kom lub xyoo tshiab no kwv tij Hmoob sawv daws tsuas ntsib kej noj qab nyob zoo thiab thov kom Huab Tais Tswv Ntuj foom hmoov zoo rau txhua leej txhua tus tsuas ntsib kev kaj siab lug mus li xwb.



    16 XYOO LUB XOV TOOJ CUA " ZOO TSWV ZOV YAJ "

    Hnub tim 1 lub 12 hlis xyoo 1994, pib qhib lub xov tooj cua ZOO TSWV ZOV YAJ hais lus Hmoob. Tsoom Hmoob feem coob yog nyob hauv xeev ntuj As Xias, xws li Los Tsuas teb, Cob Tsib teb, Thaib teb, thiab Suav teb. Cov Hmoob nyob Suav teb muaj li ntawm 7 plhom tawm leej. Nyob Thaib teb muaj li ntawm 130,000 leej. Peb tsoom Hmoob feem coob yog coj kev cai dab qhuas.

    Hmoob yog ib haiv neeg nyiam ua lub neej nyob pem toj siab, nyiam nyob ywj siab ywj ntsws tsis zwm rau leej twg. Tab sis cov Hmoob uas lawv nyob hauv cov teb chaws Koom Tshaj, mas tseem hwv txwv lawv nruj kawg txog txoj kev ntseeg Ntuj. Ces cov Hmoob tus puav rov qab teev dab qhuas.Tab sis, peb cov kwv tij Hmoob coob uas tau ntseeg Ntuj los tau 3 los 4 tiam neeg, lawv lub siab npuab kev ntseeg Ntuj ruaj nreb xws li ncej zeb, ruaj nrees li ncej tsuas, dej tshoob tsis qaij, cua tshuab tsis qaug.

    Cov kwv tij Hmoob uas lawv niaj hnub mloog peb lub tshaj xo ZOO TSWV ZOV YAJ, mas muaj coob leej sau ntawv tuaj thov kom peb siv lub sij hawm tshaj xo ntev dua qub thiab lig dua puas tau. Vim lawv yog ib co neeg ua liaj ua teb, ces lawv los txog tsev lig. Li ntawd lub 1 hlis xyoo 2008, peb thiaj tau pauv sij hawm tshaj xov thaum 5:00p.m. nyob rau Thaib teb, Los Tsuas teb, thiab Cob Tsib teb los tshaj xov thaum 7:00p.m. hos nyob rau Suav teb pauv sij hawm tshaj xov thaum 6:00p.m. los tshaj xov thaum 8:00p.m. Lawv kuj nyiam thiab txaus siab rau txhua zaj uas lub xov tooj cua ZOO TSWV ZOV YAJ tshaj tawm. Niaj hnub peb tshaj xov xwm yog 6 feeb, hos hnub Wednesday peb siv 25 feeb los tshaj tej zaj xov xwm ntev hais txog ntiaj teb cov teeb meem loj.


    Xyoo 2007 peb pib tshaj tej zaj lus kom haum cov Hmoob lub neej, xws li txhib kom cia cov tub ntxhais mus kawm txuj. Peb kuj tshaj tej zaj pab ntxiv tswv yim rau peb cov kwv tij Hmoob, hais txog kev sib zam txhaum, kev fim luag tej, kev noj huv, haus huv, hnav huv, tsis txhob haus tshuaj quav tshuaj qaug, tsis txhob ua cov lag luam txhaum kev cai. Thiab peb kuj qhia ntawv Hmoob.

    Hmoob ib txwm coj kev cai dab qhuas, ces lawv lub siab npuab lawv tej kev cai dab qhuas. Peb tsis thuam Hmoob kev cai, thiab tsis saib Hmoob tej kev cai dab qhuas qis qis, vim Hmoob cov kev cai dab qhuas yog ib yam muaj nqis rau Hmoob. Peb vam tias cov zaj lus uas peb tau tshaj tawm yuav ntxim tsoom Hmoob lub siab.

    Cov neeg uas npaj tej zaj tshaj xo yog 4 tug Hmoob uas lawv khwv ua hauj lwm npaj cov zaj tshaj xo nyob tim Lomsak, hauv Thaib teb thiab Txiv Plig Txhiaj Foom nyob rau Fis Lis Pees teb.
    Los txog tav no, mas peb tsuas siv xeem lus Hmoob Dawb los hais lus nyob hauv lub tshuab tshaj xo ZOO TSWV ZOV YAJ xwb. Tab sis cov Hmoob uas nyob Suav teb thiab Cob Tsib teb feem coob lawv hais xeem lus Hmoob Ntsuab, ces cia saib yav tom ntej peb puas yuav tshaj xo ua lus Hmoob Ntsuab.

    Txiv Plig Txhiaj Foom OMI.
    Xov tooj cua Zoo Tswv Zov Yaj



    Peb yog Huab Tais Yes Xus cov Tub Txib "ZOO TSWV ZOV YAJ"

    • Back to top
    Sponsored content

    Sponsored content


    • Post n°26

    E_mails Ncig ntuj sib Fim Tswv Ntuj Empty Re: E_mails Ncig ntuj sib Fim Tswv Ntuj

    Post  Sponsored content

    • Back to top

      Current date/time is 26th April 2024, 8:21 am