E_mails Ncig ntuj sib Fim Tswv Ntuj

Nyob Zoo hnub tshiab phauj Maiv Tooj.
ob hnub no, nyob nej lub zej lub zos, nej tab tom npaj ua dab tsi. ua li nyob rau teb chaws Fuaj kuj tsoom hmoob cov coj Ntuj kev cai los coj Yes Xus kev cai thiab cov tseem coj poj yawm kev cai, sawv daws puas tseem muaj qhov cia siab ntsoov, tias lub niaj lub xyoo los ze zuj zus, yuav npaj noj mov nplej tshiab, ua Tswv Ntuj tsaug, nco txog niam txiv poj yawm tej koob hmoov, thiab yuav npaj tus me las npua tsiab tos thiab yuav hu tej kwv tej tij, tej neej tej tsav, tej viv tej ncaus, muam phauj dab laug tuaj es yuav tua tus me las npua rog rau sawv daws noj haus quas lub niaj lub xyoo, kom muaj pem tham txog kev sib nco, txog kev ua noj ua haus, thiab ho yuav coj tej me ntxhais tus cev yiag xws me mos muv mov sias zoo nkauj npaum ntxhais qaum ntuj, thiab tej me tub ntxawg tus ces yiag zoo nraug xws nraug nab mus xaiv txij xaiv nkawm saib puas tau thiab pom tus uas yus me nplooj siab nplooj ntsws ua niaj hmo npau suav ua yog toog pom, los tus me ntxhais cev npag xws tus me kab qig zoo nkauj tam ntua huab tais nyav ntxhais nkauj ntxawm , los yog me tub tus cev npag xws tus kab txws zoo nraug tam ntua huab tais nyav leej tub ntxawg mus xaiv txij xaiv nkawm saib puas tau tus uas me nplooj siab nplooj plawv ntshaw ruj rawv.nyob rau teb chaws Mem Kuj no, sawv daws twb npaj siab ntsoov txog tej yam zoo li hais, kuv tsis paub nyob lwm lub xeev ho zoo li cas, nyob rau lub xeev thiab lub zos kuv nyob no, cov uas txhais tes nquag ua tau nplej liaj nplej tej los yog qoob tshiab, sawv daws twb npaj noj mov nplej tshiab li tej laus thaum ub ib txhis ua los, thiab sawv daws hauv txhua qhua (xeem)nyias kuj npaj noj nyias tsiab tag lawm, ces tsuas npaj siab yuav coj tub coj ntxhais zoo nkauj li kuv hais tas los saud mus nrhiav nyab nrhiav vauv saib leej twg yuav nrhiav tau nws tus me tav coj los dhos rau nyias lub qhov nqaij, tej me nraug nrab, nkauj nrab los nyias kuj npaj npaj nyias lawm, cov uas ho yuav mus tsham kwv tij neej tsa nyob ntuj kev deb los twb npaj siab tas lawm, hos zoo li peb cov uas coj Ntuj kev cai ces peb tseem npaj yuav muaj foom hmoov zoo rau qe thiab noj tsiab rau peb xeem neeg ntseeg nyob hauv North Carolina los sab hnub tuaj qab teb hauv teb chaw Mem Kuj no, caw nej tuaj koom nrog peb thiab.
kuv tsis paub tias tsoom hmoob nyob Fuaj Kuj nej puas tseem khaws hmoob li txuj nqaum paj nqaum nruas, ua li ib xyoo tshiab no, nej puas tseem mus lwm ntxhoo kom quas lub niaj lub xyoo, thiab tsoom hmoob coj Ntuj kev cai puas tseem lias khawv tej koob hmoob uas poj yawm ib txhis tsim tseg kom tsoom tub hmoob khaws thiab ceev tseg, nej puas tseem lwm taw qaib thiab. peb nyob ntawm no peb tseem coj li yav thaud thiab. kuv tham los ntev lawm, tsam muaj qee leej ceeb laj moog, tsam li sab thiab nkees, vim kuv pom ob peb tug uas thaum piav txog hmoob kev cai uas tej poj yawm ib txwm ua kom sawv daws pab ceev tseg, ces zoo li nws cia li tsaug tsaug zog, ncaws nruj nris lawm, hajhajhaj! txawm kuv tau hais tej lo lus tso dag tso luag es hos siab tus twg lawm los zam lub txim pub.cia kuv muaj cai mam rov tuaj ntsib nej sawv daws mog. thov kom Huab Tais Yes Xus lub txiaj ntsim thiab txoj kev thaj yeeb nrog nej nyob. HAPPY THANKSGIVING.

GOD BLESS

LTH. NYIAJ ZOO LIS

Maiv Tooj wrote:

Mercredi 9 Novembre 2011 19h01

Lub 11 hlis no yog lub caij uas peb yuav nco txog peb tej niam tej txiv, tej kwv tij neej tsa, tej phooj ywg uas lawv tau tas sim neej thiab tau ncaim peb mus lawd. Lub Weekend no, Sunday, November 6, 2011 nyob Milwaukee mas peb hais rau tsoom ntseeg sawv daws kom nyias nqa nyias niam nyias txiv, los sis lawv tej kwv tij neej tsa uas txheeb ze tuaj rau hauv Church ua ib qho chaw nco txog lawv, thiab peb kom Txiv plig thov ntuj rau cov laus uas lawv tau ncaim peb mus lawd.

Kuv xav kom peb tsoom neeg ntseeg ntuj hmoob nyob thoob ntiaj thov ntuj pab rau peb tsoom laus uas lawv tau tso lub ntiaj teb no tseg, tau ncaim peb mus lawm ntawd, kom Huab tais tswv ntuj khuv leej lawv.

Paoyang Lor
Milwaukee

Nyob zoo Phauj Maiv Tooj.
Ua tsaug rau koj lo lus teb, txawm li cas xij, tsuav tseem ua qho me ntsim cim tseg mas zoo dua tsis ua ib qho kiag.lub caij no pom tias tab txawm tus hmoob kiag los nws tsis kam lees nws tias nws yog hmoob. tiam sis luag li pej kum neeg tseem nyiam hmoob txuj thiab xav xyaum. kuv tsis paub tias yog vim li cas, ntawm kuv tus kheej tab txawm kuv yog Leej Tsob Hwb lawm los kuv tseem qhia kom sawv daws ceev tej txuj uas tej laus ib txhis ua los.tiam sis ua li koj hais lawm, muaj tej cheem tsam mam kuj nyuaj, vim tsis tau kev nthuav yus li txuj, ces lam ua me ntsis thiab xwb.
Nyob hauv koj tej tsab ntawv uas koj npaj piav koj sawv daws to taub. mas koj ua tau zoo kawg, kuv xav hais ob peb nqes lus zoo li pab rau cov ntseeg uas tsis muaj txiv plig nrog lawv nyob los yog ua thaj txi ntuj rau lawv. yam li;
1. kuv xav kom koj siv raws nraim li txiv plig nyiaj pov phau ntawv qhia ua lub txoos rau cov XH nyob Los Tsuas teb ua xwb las maj, yog xav hloov qhov XH, mas muab hloov ua TC/ Tus Coj no yeej tau. hos ntawm qhov yuav hloov ua LTH mas nyuaj me ntsis, vim cov teb chaws uas tsis muaj cov LTH coob mas yuav to taub nyuaj me ntsis.
2. hos hais txog qhov tsa tes Foom Hmoov Zoo rau tej ub tej no mas yeej tsis phim tus ntseeg ua, vim li cas, vim tias lawv tsis tau txais cai los ntawm tus txiv tswv qhia foom hmoov zoo rau lawv ua ntej, tiam sis qhia kom lawv ua ntaj tes, los yog khawm tes thiab nyeem cov lus xwb yeej tau, muaj txiaj ntsis ib yam.
3. hos hais txog yog tsis muaj txiv plig ua thaj txi Ntuj, kom tus XH los TC mus nqa lub Cim Yug tim tsev Teev Ntuj, qhov no tsis phim pes tsawg, vim lub Cim Yug yog lub Ntshiab, thiab yog tias tsis muaj lub Cim Yug faib mas tsis ua lub txoos teev Ntuj kuj tau, tsuas ua zaj teev Ntuj, hu nkauj, nyeem ntawv Ntshiab, thiab kawm ntawv Ntshiab ua ke mas zoo nkauj dua. qhov kuv hais no, thaum kuv nyob hauv yeej thoj nam tawg rog tsis muaj txiv lig, tsis muaj lub Cim Yug, tab kuv yog XH los kuv yeej ua tsis tau lwm yam uas lub Koom Txoos tsis kheev ua. mas kuv muab lub sij hawm no los rau sawv daws kawm thiab kom sawv daws sib pab xav tswv yim txog tsab ntawv Ntshiab, ces cev cov zaj lus thov Ntuj rau lub ntiaj teb neeg, rau yus pawg ntseeg, rau yus tsev neeg, thiab rau lub koom Txoos xwb,kuv twb siv los lawm muaj txiaj ntsim kawg thiab, zoo li kuv hais ntau dhau lawm, zaum twg kuv tuaj mas yeej tham ntau ntau, li cas los txhob xav li cas mog, peb mam sib ntsib dua lwm zaum. thov kom Tswv Ntuj kev thaj yeeb nrog koj nyob ua koj siab kaj lug.

LTH. Nyiaj Zoo Lis

Maiv Tooj wrote:

Nyob zoo me tub LTH. Nyiaj Zoo,

Zoo siab nws tseem tuaj tham lub caij Noj Tsiab rau peb kho siab zim.
Ua tsaug nws tseem caw peb tuaj nrog nej kwv tij Hmoob Mem Kuj quas lub xyoo laus txais lub Xyoo Tshiab thiab.

LTH. Peb nyob teb chaws Fuaj Kuj, peb nyob xyaw mab sua nres ntuj xwb, peb khaws tsis tau tej laus kev coj noj coj ua pes tsawg. Cov tseem coj qub kev cai ces lawv kuj tseem muaj lwm tsiab tej thiab tab sis yeej tsis yog lwm li kev li cai uas nyias pab nyias xeem mus lwm ua ke. Tsuas yog lam lwm ua kev cai quas lub niaj lub xyoo, lwm tag nrho ib zeej tsoom ua ke kiag xwb. Thiab peb noj Peb Caug los yog lam noj quas lub niaj lub xyoo xwb, tej me tub me nyuam yeej tssi paub txog tias Noj Peb Caug yog lub caij uas lawv nrhiav txwj nrhiav nkawm. Tej laus los yeej tsis muaj kev cia siab yuav mus ntsia lawv tej tub ntxhais hnav zoo nkauj lom zem li. Me tub LTH, zaum no cov yuav khaws tau Hmoob Txuj ces tshua nej cov uas nyob rau Mem Kuj lawm xwb nawb, uas nej thiaj tseem nyob ua zej ua zos, ua pab ua pawg thiab nej coob heev. Dua li ntawm peb cov Hmoob Ntseeg ces peb tsuas mus Teev Ntuj, Foom Hmoov Zoo rau qe thiab ua Mis Xas tag, ces sawv daws noj ib pluag mov ua ke, ua me ntsis yees siv thiab hais zaj puav kwv txhiaj, kwv huam tej xwb.
Txhob xav xwb, xav mas tu siab kawg nkaus li.

Nyob zoo me tub LTH. Nyiaj Zoo Lis,

Peb Hmoob muaj lawm zoo txuj los nim ntshai ruj rwg tsam tswj tsis tau rau ib hnub nram ntej ub
Peb Hmoob muaj lawm zoo ci los nim ntshai ruj rwg tsam khaws tsis tau rau qab hnub qab nram ntsis

Nws puas tau mus saib kuv lub tsev txuj yog nyob lub zos Tshav Ntuj?

Nws puas tau mus pom kuv lub txhab khaws txuj ci, yog lub zos uas peb tuaj sau Hmoob txuj ci rau hnub qab nram ntsis.

http://hmoobtshavntuj.forumotion.com/

Nyob hauv nov, peb sau tag puas tsav yam uas yog Hmoob li kab lis kev cai thiab lub neej.
Yog nws muaj tej yam uas tsis tshuam nrog kev ntseeg, nws mus sau nyob tod kuj tau, yuav zoo siab txais tos nws.

Samedi 14 Janvier 2012 14h45
Tim 14/1/2012

Niam ntxawm kuv ua tub peb sawv nyob deb deb twb tsi ntsib ib zaug ka li tsua yog muaj tswv ntuj peb th paub nej .nej thiaj paub peb yog li ntaw peb tsi xob sib laim muag (sib tso tseg). Kuv xa ib zaj yog Tswv tau pab peb cov kwv tau plaub lwm piam tag los saum no xwb (thaj tsam tim 14/12/2011) rau koj thiab Mim tau nrog mloog ua ke.

Peb muaj ib tug kwv, yog kwv Kwv tij thaum lub 6 hli nwg tau ciam (cem) luag saib tsi taug luag li. Nwg tau muaj ib tug mob sig ncaug, yem hnub twb yem mob zuj zug tuaj tau ib lig piam tom qab xwb nwg tuaj ntsib kuv; kuv hais rau nwg tias thaum ub kuv hnov kuv tij laug hais tias mob zoo li ko ciag mug ua ib roog qav rau sawv daws noj sawv dawg thov Tswv pab yuav tau xwb no. Cias nwg ho mug ua tau, nwg hu tag sawv dawg tuaj tag huv tuab si peb cov tub ua Tswv Ntuj dej num los cov ua nom kav lub zej zos log tuaj txhij. Muaj ib tug hais tiag yuav mug hauv kwg kho mob thiaj zoo xwb Tswv Ntuj ua tsi tau dab tsi li yog Tswv Ntuj tau mas tas nrho sawv dawg tsi zoo tag huv tuab si tseem muaj yuav mug kho dab tsi. Peb cov ua dej num tsi haig dab tsi rau lawv tiam sig peb haig tias tej yam ua Tswv Ntuj ua tau mas yuav tsum tau xwb. Lawv haig ntau ntau zaug li ntaw tiam sis yuav ua ib tug thiaj li paub cias peb cov hauj lwm hauv Kas Tos Liv thov Tswv Ntuj tag peb muab lub qhov ncauj plhw ib tug tug zuj zug cia li zoo li lawm. Lawv sawv dawg pom li ntaw muaj coob tug mas zoo siab; muaj coob tug mag xav tsi thoob li YOG vim muaj Tswv Ntu tias tias ib yam li yav thaum ub Mais Xes lawv taw pam hauv dej dej ua ntshav tag thiab Tswv Ntuj lub zog npaum li cas tseem muaj coob tug tsi tau paub txog. Hais npaum li no xwb thov ua tsaug.

Sau npe: Xyu Tub

Cob Tsib teb.

Nyob zoo Xyu Tub thiab tais Tooj,

Tais Tooj, ua koj tsaug uas koj tseem tau muab Xyu Tub zaj no tuaj tso rau peb paub os.

Xyu Tub, ua tsaug uas koj tseem xa tau ib zaj lus pov thawj txog Tswv Ntuj pab tau nej raws li nej cov tub khiav dej num hauv Koom Txoos Kas Tos Liv tau thov tuaj rau peb cov nyob deb tau paub txog. Ntau zaus thaum peb thov Ntuj mas peb kuj yuav tsis pom tej yam txawv cig plaws ntawm qhov muag. Tiam sis muaj qee zaum mas Tswv ntuj paub tias yog nws ua raws li peb thov mas yuav pab tau peb thiab sawv daws txoj kev ntseeg kom loj hlob, ces nws thiaj ua kom muaj raws li peb thov. Yog li ntawd peb sawv daws ua Tswv Ntuj tsaug thiab thov kom nws tej txiaj ntsim koob hmoov uas pub ntawd pab tau peb tsoom Hmoobkom muaj kev hwm thiab ntseeg Tswv ntuj tiag tiag.


Mim

Thursday, 19/04/2012

Nyob zoo niam txooj tub,

Kuv tsi muaj dab tsi tiam sig thov tswv ntuj nrug nraim nej nyob. Kuv xav tiag yog tau no nej pab xa phoo ntawv nkauj teev ntuj tuaj rau kuv tau luam tawm rau peb tau siv vim nyiam ntau2 yam log rhiav tsi tau thiab yog xa tau no nej saib yog muaj dasvis lub neej tawm duab video no tuaj rau kuv eg kuv kom txiv plig pab muab luam tawm rau peb tau saib vim tiag kuv xav tau coj log saib. Thiab nej pab thov ntuj paab peb pawg ntseeg nyob lub zog dej tshuam kom lawv tsuag paub muab siab tuaj teev ntuj xwb mog li no xwb kuv vam tiag nej yuav pab thov ntuj rau peb thiab thov tswv ntuj nrug nraim nej sawv dawg nyob kaj siab lug

Heej Sapa.

Maiv Tooj wrote:


Samedi 14 Janvier 2012 14h45
Tim 14/1/2012

Niam ntxawm kuv ua tub peb sawv nyob deb deb twb tsi ntsib ib zaug ka li tsua yog muaj tswv ntuj peb th paub nej .nej thiaj paub peb yog li ntaw peb tsi xob sib laim muag (sib tso tseg). Kuv xa ib zaj yog Tswv tau pab peb cov kwv tau plaub lwm piam tag los saum no xwb (thaj tsam tim 14/12/2011) rau koj thiab Mim tau nrog mloog ua ke.

Peb muaj ib tug kwv, yog kwv Kwv tij thaum lub 6 hli nwg tau ciam (cem) luag saib tsi taug luag li. Nwg tau muaj ib tug mob sig ncaug, yem hnub twb yem mob zuj zug tuaj tau ib lig piam tom qab xwb nwg tuaj ntsib kuv; kuv hais rau nwg tias thaum ub kuv hnov kuv tij laug hais tias mob zoo li ko ciag mug ua ib roog qav rau sawv daws noj sawv dawg thov Tswv pab yuav tau xwb no. Cias nwg ho mug ua tau, nwg hu tag sawv dawg tuaj tag huv tuab si peb cov tub ua Tswv Ntuj dej num los cov ua nom kav lub zej zos log tuaj txhij. Muaj ib tug hais tiag yuav mug hauv kwg kho mob thiaj zoo xwb Tswv Ntuj ua tsi tau dab tsi li yog Tswv Ntuj tau mas tas nrho sawv dawg tsi zoo tag huv tuab si tseem muaj yuav mug kho dab tsi. Peb cov ua dej num tsi haig dab tsi rau lawv tiam sig peb haig tias tej yam ua Tswv Ntuj ua tau mas yuav tsum tau xwb. Lawv haig ntau ntau zaug li ntaw tiam sis yuav ua ib tug thiaj li paub cias peb cov hauj lwm hauv Kas Tos Liv thov Tswv Ntuj tag peb muab lub qhov ncauj plhw ib tug tug zuj zug cia li zoo li lawm. Lawv sawv dawg pom li ntaw muaj coob tug mas zoo siab; muaj coob tug mag xav tsi thoob li YOG vim muaj Tswv Ntu tias tias ib yam li yav thaum ub Mais Xes lawv taw pam hauv dej dej ua ntshav tag thiab Tswv Ntuj lub zog npaum li cas tseem muaj coob tug tsi tau paub txog. Hais npaum li no xwb thov ua tsaug.

Sau npe: Xyu Tub

Cob Tsib teb.

Ua cas ntev npaum no kuv twb tsis tau ncig los txog hauv lub topic no li lawm, kuv tsis tau pom Xyu Tub qhov Message nod li!

Wow...zoo siab dhau, lub txiaj ntsim Tswv ntuj siab zoo tau pab tus yawg zij ncaug zoo hlo, lub txiaj ntsim nod yog vim muaj nej cov kwv tij Hmoob Cob Tsib txoj kev ntseeg loj heev, Tswv Ntuj thiaj pom nej hwm Tswv Ntuj tiag tiag, nws thiaj pub txiaj ntsim ua pov thawj kom nej txoj kev ntseeg nruaj thiab loj tshaj tuaj mog.