TXIV PLIG TSHAJ XWM, NYOB XEEV TSEEJ MAIM, THAIB TEB.

60 xyoo uas tswv ntuj tuaj nyob hauv Thaib teb.
60 ปีคณะพระมหาไถ่ ในประเทศไทย 01

Cov Cim tseem ceeb ntawm txoj kev ntseeg Catholic

พิธีกรรมมศักดิ์สิทธิ์

CIM DAWS TXHAUM, kev daws txhaum ntawm cov ntseeg Catholic

TP.Tshaj Xwm mus xyuas zos Mes Cib. Lub 2 hlis 2011

Lub ob hli ntuj tas los no kuv coj ob tug phauj mus saib Maiv Lag niam thiab nws tsev nyob pem lub zos Mes Cib. Tam sim no Maiv Lag tab tom mus kawm ua phauj nyob rau tim Manila Philippines teb lawm. Maiv Lag txiv tuag ntev lawm tsuas tshuav nws niam nrog nws ob tug nus nyob hos nws tus niam laus twb yuav txiv lawm. Nws niam thiab ob tug nus cog txiv strawberry, nws niam mas nco txog nws kawg li.



Maiv Lag niam muab cov txiv strawberry rau peb noj



Maiv Lag tus niam laus thiab tus me nyuam mos liab



Tus ntxhais no yog xeem Hmoob Ham nws xav mus kawm ua leej phauj



Hmoob daim deb txiv pos nphuab (strawberry)
Lub ob hli tas los no XH Zoov Ntxheb Yaj tuaj xyuas peb nyob tsev hauv paus Hmoob tsheej maim. Wb tau mus tshaj ntuj lus rau ntau lub zos thiab cov ntseeg mas nyiam nws tham kawg li. Nws hais rau sawv daws lub siab kawg li. Vam hais tias lwm xyoo XH yuav rov tuaj nrog peb nyob ntev dua no.




TP.Tshaj Xwm thiab LTH.Yaj Zoov Ntxheb.

Kuv thiab txiv plig Thod sa phon (Jo) wb mus ua thaj txi ntuj rau cov phauj. Pom hais tias phauj pab ib co me nyuam Hmoob zoo kawg li. Phauj hais rau kuv tias “peb txais ib pab ntxhais Hmoob tuaj nrog peb nyob kawm ntawv tab sis ob hnub no lawv rov mus tsev tas lawm. Cov me nyuam Hmoob mas thaum lawv rov mus txog tsev lawv qhia kev ntseeg rau lawv niam lawv txiv mas yog ib qho uas zoo kawg li.” Kuv hais rau phauj tias “yog tias muaj neeg pab tus puav ntxhais Hmoob ntxiv no koj txais puas tau lawv?” Phauj tias “yog muaj neeg pab txhawb nqa thiab mas peb txais tau kawg.” Vam tias yav tom ntej peb yuav sib pab kom muaj me nyuam Hmoob coob dua tuaj mus nrog phauj nyob.



Phauj cov me nyuam nrog npauj nyob kawm ntawv.



Phauj tab tom pub nyuaj noj quav nyab xwb tab sis nyuj rog kawg.



Phauj piav tias txiv txhais los txi ncw, zaub los zoo peb noj tsis tas li.



Ua thaj txi ntuj thiab xa lawv sawv daws mus ua tub tshaj ntuj lus.

HMOOB MEM KUJ LOS TSHAM THAIB TEB.

08 March 2011

Nyob zoo ib tsoom niam txiv kwv tij sawv daws, tau ntev lawm uas kuv tsis tau xa xov rau sawv daws. Lub Hmoov Tsuj Xeeb Huab Tais Yes Xus yug los 2010 no mas muaj Maiv Huab thiab Zoov Tsheej nkawd tuaj ntawm Milwaukee tuaj pab kuv mus peem roob xyuas cov ntseeg sawv daws. Peb mus rau ub rau no nruab hnub mus kev hmo ntuj teev ntuj hauv lub zos thiab pw ib hmos ces tag kis rov sawv kev mus rau lwm lub zos. Tej hmo tsim los tsis paub xyov yog pw nyob qhov twg, tej hmo pw ntawm hauv plag, tej hmo pw saum txaj, tej hmo pw hauv tsev teev ntuj. Tej hmo tau dej da, tej hmo tsis muaj dej da, tej hmo da tsis taus dej vim txias dhau. Ib hnub noj plab tsib pluas mov, tej tag kis noj mov lub tsev dhau lub tsev.
Cov ntseeg sawv daws pom Maiv Huab thiab Zoov Tsheej ob tug nrog kuv mus pem roob mas lawv zoo siab kawg li. Ib tug hais tias “Peb tsis hu neb es neb txhob xav li cas vim peb xav tias neb yog cov Thaib peb tsis paub lus thiab ces thiaj li tsis hu neb vim qhov ntau cov nrog TP tuaj ces yog Thaib xwb. Xyoo no neb hos yog Hmoob” Cov Hmoob zoo siab kawg uas tau ntsib ob tug, ob tug tau pab coob leej ntau tus mloog lawv txoj kev nyuaj siab, tej tus me nyuam ntsuag nos tau los nrog ob tug tham uas rau lawv lub siab zoo tuaj, yog tsis muaj Maiv Huab ob tug ces kuv yeej tsis paub tias muaj me nyuam txom nyeem nyob hauv lub zos, kuv ib leeg yeej mloog lawv sawv daws tsis tas ib zaug li. Ntau leej pom kuv hauj lwm ntau ntau ces lawv twb tsis tau kev nrog kuv sab laj. Yog muaj cov ntseeg li Maiv Huab thiab Zoov Tsheej nkawd nrog kuv mus ces lawv yuav txhawv nqa cov ntseeg ntau kawg.
Thaum mus txog lub zos Hmoob npaj lub thaj txi ntuj, thiab thaum cov ntseeg tuaj txhua lawm peb pib teev ntuj sawv daws tuaj hawm Huab Tais Yes Xus hauv lub dab nyuaj. Ua lub thaj txi ntuj, tom qab lub thaj txi ntuj lawm faim kev lom zem rau cov laus thiab cov me nyuam yaus. Thaum noj hmo tas Xib Hwb Hnub qhib nam (movie) Huab Tais Yug los, thiab kev lom zem rau cov ntseeg thiab cov tsis ntseeg sawv daws saib ua ke.
Tsis tas li ntawd tseem muaj XH Ntsuab pov thiab nws poj niam los xyuas peb tau ob peb hnub, mus xyuas ob peb lub zos Hmoob. Muaj Paj Yias nkawd ob niam txiv tuaj Fab Kis tuaj thiab ntsib peb nyob tsev hauv paus Hmoob. Tseem muaj ntau leej uas tuaj nrog peb mus pem roob xyuas cov ntseeg sawv daws.





Lub zos khoom kam, yog nej nco tau zaj movie Lis Ceeb ces yog lb zos no,
Zoov Tsheej ob tug mus xyuas Lis Ceeb lub tsev thiab tus dej tsaws tsag.
Cov ntseeg muab paj zoo nkauj kawg rau sawv daws.





Father’s day, tus me ntxhais no nws khoom mus hawm nws txiv ob sab taw,
tus thib ob nws muaj me nyuam coob kawg li thiab.





Lub zos Pa Muang, xeev Pa yao, peb teev ntuj hauv tsev.
Zoov Tsheej ob tug tau pw peb Hmoob lub txaj qhuas uas yog txaj nruab.
Ob tug yuav nco ntsoov rau hauv nruab siab.





XH. Nyiaj tab tom faib khoom plig rau cov me nyuam,
ob tug no yog XH Neeb Xyooj thiab nws poj niam.
Nyob lub zos Saeng sai, Pa yao nws saib 9 lub zos.





Tus yawg laus no, mus txiav mov raj,
ris lub kawm Hmoob ntsuab los txog ib tog kev.





Zoov Tsheej thiab Maiv Huab ntsib Txiv Tswv Qhia Tseej Maim, dej tsaws tsag Mae Ya.





Nyob ntawm txoj kev mus lub zos Tsua Dub (Ban Pa dum)
peb noj su nyob ntawm tus dej tsaws tsag Mae Ya.





Ban Pa duam, lub zos Tsua dub lub tsev teev ntuj nyob puag tim hav zoov.
Lub zos no mas no kawg li vim lub tsev teev ntuj nyob puag tim hav zoov.







Maiv Huab ob tug coj cov hluas mus ua si thiab coj lawv mus saib movie
sawv daws qhuas kawg vim tsis tau muaj leej twg mus saib dua li.
Lub qhov tsua ntawm txoj kev mus xyuas cov ntseeg nyob Chiang dao.





Maiv Huab tab tom qhia cov hluas kom rau siab kawm ntawv thiaj
li yuav vam meej. Maiv Huab ob tug ua Spaketty rau peb noj,
ib txhia kuj xis thiab nyiam ib txhia mas ntsia ntev ntev me ntsis.
Neb yuav ntsum rov tuaj ua rau peb noj ob peb pluag kom peb swm thiab txawj noj spaketty.





Peb leeg leej tij uas kawm ua txiv plig vam tias peb yuav muaj
txiv plig Hmoob coob leej lawm yav tom ntej. Tus rau tsom qhov
muag sawv tom qab yog ib tug hluas tab tom kawm kev ntseeg ua xib hwb,
daim duab sab tom qab yog XH Zoov Ntxheb tuaj xyuas peb sawv daws thiab.













Thov Nej Nyob Kaj lug
TP Tshaj Xwm

Hmong Thai Catholic Youth Summer Camp 2012

TP.Tshaj Xwm ncig teb chaws USA 5 hlis 2014.
Txiv Plig Tshaj Xwm Cov Lus Txhawb Kev Ntseeg
May 09, 2014

Txiv Plig Tshaj Xwm 1




Txiv Plig Tshaj Xwm 2



Txiv Plig Tshaj Xwm  3



Txiv Plig Tshaj Xwm  4



Txiv Plig Tshaj Xwm  5



Txiv Plig Tshaj Xwm  6

TP.Tshaj Xwm Thoj thiab TP.Lis Pej.

Txiv plig Lis Pej yog Hmoob nyob Thaj Lij Suav teb. Nws tuaj xyaum kawm peb cov ntawv Hmoob (RPA) nyob rau Thaib teb.
Txais lub cim tiag tes tau 3 xyoo lawm.



TP.Tshaj Xwm Thoj nyob Thaib teb & TP.Lis Pej nyob Suav teb.