COV ZAJ NYEEM NRUAB LIS PIAM XYOO B 2020-2021

Tim 12 lub 11 Hlis 2021

Hnub Rau Lis Piam Peb Caug Ob Nruab Xyoo B Nruab Lis Piam Xyoo I
Lectionary: 495

Yuav Hwm LN Josaphat, Tswv Qhia tuag ua Tim Khawv

Zaj Nyeem Ib: THOOB TSIB 13: 1-9

1 Txhua tus neeg yeej yog neeg tsis muaj tswv yim thiab sawv daws tsis paub Tswv Ntuj. Lawv pom tej yam uas zoo kawg, tiam sis lawv paub tsis tau tus uas ib txwm nyob; lawv ntsuam kom paub cov hauj lwm ua tiav log lawm, tiam sis lawv zeem tsis tau tus kws ua cov hauj lwm ntawd.
2 Ces lawv saib hluav taws, saib cua los tej pa cua, saib cov hnub qub nyob ua tej ntsauv, saib cov dej nphau nphwv, saib cov hnub cov hli, tej yam uas tswj kom lub ntiaj teb khiav tau zoo, yog ib co tswv ntuj.
3 Yog tias vim lawv zoo siab pom tej ntawd zoo nkauj ua luaj ces lawv thiaj xav tias tej ntawd yog ib co tswv ntuj, mas xav kom lawv yuav tsum paub tias tus Huab Tais tsim tej ntawd nws zoo tshaj tej ntawd npaum li cas; vim tias yog lub hauv paus ntawm kev zoo nkauj ua tus tsim tej ntawd.
4 Yog lawv twb qhuas tias tej yam ntawd muaj hwj huam thiab muaj zog ua tau hauj lwm, mas phim thaum lawv pom tej ntawd, lawv yuav xav tau tias tus tsim tej ntawd tseem muaj hwj huam loj dua tej ntawd npaum li cas.
5 Vim lub hwj chim thiab qhov zoo nkauj uas nyob hauv tej yam raug tsim los ntawd ua tau kom neeg pom tias tus tsim tej ntawd yog ib tug zoo li cas.
6 Tiam sis peb thuam tsis tau cov neeg ntawd hnyav, vim tias tej zaum yog lawv yuam kev xwb, lawv yeej nrhiav Tswv Ntuj thiab yeej xav ntsib nws kawg.
7 Lawv ua hauj lwm tsis tseg nrhiav nyob hauv nws cov hauj lwm, tab sis lawv pom tias tej yam ntawd zoo nkauj tas nrho, ces ua rau lawv yuam kev.
8 Txawm yog li ntawd los yuav zam tsis tau rau lawv.
9 Vim tias yog lawv twb nrhiav tau kev paub txuj kom lawv paub tsom tau lub sim ceeb, vim li cas lawv ho tsis ntsib nws tus Huab Tais thaum ntxov?

NPN 19: 2-3, 4-5ab

Txais: (2a) Cov txheej ntuj saud tshaj txog Tswv Ntuj lub koob meej.

Cov txheej ntuj saud tshaj txog Tswv Ntuj lub koob meej,
lub qab ntuj khwb piav txog cov hauj lwm nws txhais tes tau ua.
Nruab hnub hais lo lus rau nruab hnub mloog,
Hmo ntuj qhia rau hmo ntuj paub txog

Txais: (2a) Cov txheej ntuj saud piav txog Tswv Ntuj lub koob meej.

Tsis muaj ib lo lus los ib zaj lus qhia
Uas neeg yuav tsis hnov txog.
Lawv lub suab ncha mus puv tas ntiaj teb,
lawv lo lus xa moo nrov txog tim npoo ntiaj teb kawg.

Txais: (2a) Cov txheej ntuj saud piav txog Tswv Ntuj lub koob meej.

As Les Lus yas: LK 21: 28

Txais: As les lus yas, as les lus yas.

Nej yuav sawv kom ntseg, thiab tsa nej taub hau,
vim txoj kev txhiv nej dim los txog ze ze lawm.

Txais: As les lus yas, as les lus yas.

Ntawv Moo Zoo: LK 17: 26-37

Yes Xus hais rau nws cov thwj tim tias:
26 “Thaum lub caij Nom Hes nyob muaj zoo li cas, mas kuj yuav zoo ib yam li ntawd thaum txog Neeg Leej Tub lub caij thiab.
27 Lawv noj, lawv haus, lawv yuav poj niam thiab yuav txiv mus txog hnub uas Nom Hes nkag kiag mus rau hauv lub nkoj, ces dej tuaj nyab ua kom sawv daws tuag tas.
28 Thiab kuj tseem yuav zoo li lub caij uas Los ua neej nyob thiab: lawv noj, lawv haus, lawv muas cuab yeej, lawv muag cuab yeej, lawv cog qoob loo, lawv txhim vaj txhim tse.
29 Tab sis hnub uas Los tawm plaws khiav ntawm Xos Dos Mas mus, hluav taws thiab leej faj poob saum ntuj los ua sawv daws tuag tas huv si.
30 Hnub uas Neeg Leej Tub yuav tawm tuaj kuj yuav zoo ib yam li ntawd thiab.
31 Hnub ntawd, tus neeg uas nyob saum ru tsev, hos nws lub cuab tam nyob hauv tsev lawm, mas nws yuav tsum tsis txhob nqes mus nqa; tus nyob tom teb kuj ib yam, nws yuav tsis txhob lem rov mus muab tej yam nws tso tseg nyob tom qab li.
32 Nej yuav nco ntsoov txog Los poj niam!
33 Leej twg nrhiav kev txuag nws txoj sia, mas nws yuav ua nws txoj sia ploj. Hos leej twg ua nws txoj sia ploj, mas nws yuav txuag tau nws txoj sia.
34 Kuv hais rau nej tias, hmo ntawd, ob leeg pw ib txag, luag yuav coj ib tug mus, tseg ib tug nyob.
35 Muaj ob tug poj niam ua ke zom zeb, luag yuav coj ib tug mus, tseg ib tug nyob." [36...]
37 Ces lawv hais rau Yes Xus tias: “Coj mus qhov twg, Huab Tais ?" Yes Xus hais rau lawv tias: "Lub cev nyob qhov twg, mas dav kuj yuav sib sau ntsauv nyob ntawd."

Tim 13 lub 11 Hlis 2021

Hnub Xya Lis Piam Peb Caug Ob Nruab Xyoo B Nruab Lis Piam Xyoo I
Lectionary: 496

Yuav Hwm LN Frances Xavier Cabrini, Nkauj tsim txiaj

Zaj Nyeem Ib: THOOB TSIB 18:14-16;19:6-9

14 Thaum txoj kev nyob twj ywm ntsiag to los vij tas txhua yam lawm, hos hmo ntuj twb dhau nrawm nroos mus txog nrab hmo lawm,
15 koj lo lus muaj hwj huam tas nrho dhia zoj tawm ntawm koj lub theej kiab ua vaj nyob saum ntuj tuaj, xws li ib tug peeb zeej tsiv tsiv, tuaj rau hauv lub teb chaws uas yuav raug puas tsuaj, nws nqa rawv rab ntaj ntse uas yog koj lo lus txiav txim yuav cheem tsis tau.
16 Nws tuaj nres nroos, ces nws ua kom muaj kev tuag puv tas qhov txhia chaw; nws siab txij lub ntuj hos nws sawv saum lub ntiaj teb.
19: 6 Vim tas txhua yam raug tsim tawm los uas nyiam muaj nyias hom, rov raug tsim dua tshiab tas nrho raws nraim li koj cov lus ceeb toom, kom koj cov me nyuam thiaj yuav tsis raug xwv txheej.
7 Lawv pom twv huab sawv los roos lawv lub yeej, thiab pom muaj av qhuav tshwm tawm hauv qhov chaw uas xub muaj dej nyob los; ces lub Hiav Txwv Liab thiaj hloov ua ib txog kev to tog, thiab cov dej nphau nphwv hloov ua ib lub tiaj nyom ntsuab xiab.
8 Ces thaum lawv tau pom koj cov hwj huam loj txaus qhuas no tas lawm, tas nrho haiv neeg uas koj txhais tes txuag hla hauv txoj kev no los mus.
9 Lawv zoo xws li ib co nees nog zaub tom nras, thiab lawv dhia zom zaws xws li ib pab yaj cav txog koj, Huab Tais, vim koj yog tus cawm lawv dim.

NPN 105: 2-3, 36-37, 42-43

Txais: (5a) Nej nco ntsoov txog cov hwj huam loj Huab Tais tau ua.
los: As les lus yas.

Nej seev nkauj rau HUAB TAIS, nej cav lus zoo txog nws ;
nej tshaj nws cov hwj huam txaus qhuas tas huv tib si.
Nej nrhiav koob meej nyob hauv nws lub npe,
nej cov muaj lub siab nrhiav Huab Tais, nej cia li zoo siab!

Txais: (5a) Nej nco ntsoov txog cov hwj huam loj Huab Tais tau ua.
los: As les lus yas.

Nws tua txhua tus tub hlob hauv lawv lub teb chaws,
Uas yog thawj phaum txiv ntawm lawv lub zog txiv neej.
Nws coj nws haiv neeg tawm mus,
Lawv nqa tau nyiaj tau kub hnyav ncawv nrog lawv,
tsis muaj ib tug hauv lawv cov xeem yuav dawm qaug li.

Txais: (5a) Nej nco ntsoov txog cov hwj huam loj Huab Tais tau ua.
los: As les lus yas.

Vim HUAB TAIS nco ntsoov nws lo lus ntshiab
uas nws tau hais rau nws tus tub txib Has Nplas Has.
Nws coj nws haiv neeg tawm mus luag ntxhi,
lawv qw suab zoo siab, lawv yog cov neeg nws xaiv,

Txais: (5a) Nej nco ntsoov txog cov hwj huam loj Huab Tais tau ua.
los: As les lus yas.

As Les Lus Yas: 2 TXLN 2: 14

Txais: As les lus yas, as les lus yas.

Tswv Ntuj siv lub Moo Zoo hu peb los kom peb tau txais
peb tus Huab Tais Yes Xus Pleev lub hwj chim ua peb tug.

Txais: As les lus yas, as les lus yas.

Ntawv Moo Zoo: LK 18: 1-8

1 Yes Xus hais ib zag paj lug rau nws cov thwj, qhia rau lawv tias yuav tsum teev Ntuj tsis tseg, txhob ntaus siab yau.
2 Nws hais tias: “Nyob hauv ib lub nroog, muaj ib tug txwj laus txiav txim, nws tsis ntshai Tswv Ntuj thiab tsis hwm leej twg li.
3 Muaj ib tug poj ntsuam nyob hauv lub nroog ntawd nquag tuaj cuag nws, thiab hais rau nws tias: ‘Thov koj pab tsa kuv cai tiv tus neeg ntxub kuv.’
4 Tau ntev loo, tus txwj laus tsis kam pab li, tab sis thaum kawg nws xav tias: ‘Tab yog kuv tsis ntshai Tswv Ntuj thiab tsis hwm ib tug neeg twg li los,
5 vim tus poj ntsuam ntawd txob kuv dhau, kuv yuav txiav txim tsa nws cai, kom xwv nws txhob tuaj txob txob kuv ntxiv thiab txhob ua rau kuv ntsib kev nyuaj ntxhov thaum kawg.’"
6 Ces Huab Tais hais tias: "Nej mloog tus txwj laus txiav txim siab tsis ncaj ntawd cov lus saib.
7 Yog tias cov neeg Tswv Ntuj xaiv, ua hnub ua hmo hu txog nws tsis tseg, mas nws puas yuav tsis tsa lawv cai li? Nws puas yuav tos ntev ntev tsis teb lawv li?
8 Kuv hais rau ne tias, Tswv Ntuj yeej yuav tsa lawv cai sai sai xwb. Tab sis thaum Neeg Leej Tub los, nws puas yuav tseem nrhiav tau txoj kev ntseeg nyob ntiaj teb?"

Tim 15 lub 11 Hlis 2021

Hnub Ob Lis Piam Peb Caug Peb Nruab Xyoo B Nruab Lis Piam Xyoo I
Lectionary: 497

XHLT: LN Albert tus Loj, Tswv Qhia ua Kws cov Txuj Ntshiab

Zaj Nyeem Ib: 1 MKN 1: 10-15, 41-43, 54-57, 62-64

10 Muaj ib tug cag phem hlav hauv As Lev Xaas Daws cov thawj tub rog uas nws tau faib nws lub teb chaws ua ntau lub rau lawv kav: yog Aas Caus Kus Es Pis Fas, uas yog tus vaj Aas Caus Kus tus tub. Nws yog ib tug neeg tau mus nyob dua txim nyob Los Mas lawm. Nws sawv los ua vaj xyoo ib puas peb caug xya raws li cov Hes Las txoj kev xam nyoog raws lawv cov vaj.
11 Lub caij ntawd, muaj ib co neeg ntxeev siab sawv hauv tsoom His Xas Lais tuaj. Lawv ntxias tau ntau leej mus yuam kev. Lawv hais tias: "Peb kav tsij mus nrog lwm cov haiv neeg uas teev pej kum dab nyob ib ncig ntawm peb sib fim. Vim tias txij thaum peb ncaim ntawm lawv los lawm, mas peb tau raug ntau yam xwv txheej."
12 Cov pej xeem nyiam cov lus ntxias no.
13 Lawv muaj ib co maj nroos mus cuag tus vaj, ces tus vaj tso lus kheev kom lawv mus coj cov pej kum neeg tej kev cai ua neej.
14 Lawv thiaj tsa ib lub tshav xyaum kawm sib tw khiav nyob Yes Lus Xas Les xws li cov pej kum teb chaws muaj.
15 Lawv muab lub Cim Txiav ntawm lawv daim tawv rov mus kho npog rau, thiab lawv tso txoj kev nrog Tswv Ntuj cog lus tseg, lawv mus koom nrog cov pej kum neeg teev dab sib fim. Lawv muab lawv tus kheej muag rau txoj kev ua phem.
41 Ces tus vaj Aas Caus Kus tshaj rau nws lub teb chaws tas tib si tias kom sawv daws yuav tsum koom ua ib haiv neeg xwb, thiab nyias yuav tsum tso nyias tej kab lis kev cai pov tseg.
42 Tas cov pej kum neeg sawv daws ua raws li tus vaj cov lus ceeb toom.
43 Thiab kuj muaj coob leej His Xas Lais txais tus vaj txoj kev teev hawm, lawv txi dab thiab tsis caiv hnub xas npas tos li lawm.
54 Hnub tim kaum tsib lub hlis Kis Les xyoo ib puas plaub caug tsib, tus vaj tsa qhov phem kawg nkaus rau saum cov Yus Das lub thaj hlawv tsiaj txi Ntuj, thiab nyob hauv cov nroog nyob ib ncig, lawv kuj tsa ib co thaj txi dab thiab.
55 Sawv daws hlawv xyab zom zaws rau ntawm lawv tej qhov rooj thiab nyob ntawm tej kev.
56 Yog lawv pom cov phau ntawv hais txog txoj Cai mas lawv muab dua thiab muab pov hlawv tas.
57 Yog lawv pom ib tug neeg twg muaj ib phau ntawv hais txog txoj Cai los yog lawv pom ib tug neeg coj raws txoj Cai mas nws yuav tsum raug txiav txim tuag vim tus vaj ua txoj cai li ntawd.
62 Tsis kav muaj coob leej His Xas Lais kuj nyob ruaj nreb, lawv txiav txim siab muaj peev xwm tiv tsis kam noj tej yam tsis huv.
63 Lawv yeem tuag zoo dua noj tej yam tsis huv thiab ua txhaum rau Txoj Cai Cog Lus. Ces lawv kuj tau txais kev tuag tiag.
64 Ces muaj kev txom nyem loj kawg poob los raug cov His Xas Lais.

NPN 119: 53, 61, 134, 150, 155, 158

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Kuv ntsawv siab vim cov tsis hwm Ntuj
tso koj txoj Cai pov tseg.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Txawm cov neeg tsis hwm Ntuj cuab voj hlua tos kuv,
los kuv tsis tau hnov qab koj Txoj Cai li.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Thov koj txhiv kuv dim ntawm neeg txoj kev lim hiam,
kom kuv tau coj nraim koj tej lus qhia.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Cov neeg phem lim hiam tuaj tsim txom kuv,
vim lawv txav mus deb ntawm koj xoj Cai lawm.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Txoj kev cawm nyob deb ntawm cov neeg txhaum,
vim lawv tsis nrhiav koj cov cai lij choj.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

Kuv pom cov neeg ntxeev siab, ua rau kuv tsis zoo siab li,
vim lawv tsis mloog raws li koj lo lus koj tau cog.

Txais: (88) Huab Tais, thov koj muab txoj sia rau kuv,
ces kuv yuav ua raws koj lo lus qhia.

As Les Lus Yas: ZAM 8: 12

Txais: As les lus yas, as les lus yas.

Huab Tais hais tias: Kuv yog qhov pom kev kaj lub qab ntuj neeg.
Leej twg lawv kuv qab, nws yuav tau qhov pom kev uas pub txoj sia.

Txais: As les lus yas, as les lus yas.

Ntawv Moo Zoo: LK 18: 35-43

35 Thaum Yes Xus tuaj yuav txog Yes Lis Kos, muaj ib tug dig muag zaum thov khawv ntawm ntug kev.
36 Nws hnov ib pab neeg taug kev, ces nws nug saib yog muaj dab tsi.
37 Lawv qhia nws tias yog Yes Xus Nas Xas Les tuaj hla ntawd mus.
38 Ces nws tsa suab hlo hu nrov nrov tias: "Yes Xus, Das Vis Leej Tub, thov koj khuv leej kuv !"
39 Cov uas mus kev tom hauv ntej cem nws kom ua twj ywm, tab sis nws haj yam hu nrov nrov tias : "Das Vis Leej Tub, thov koj khuv leej kuv !”
40 Ces Yes Xus nres, nws kom lawv coj tus dig muag los rau nws. Thaum tus dig muag los txog ze, Yes Xus nug nws tias :
41 "Koj xav kom kuv ua dab tsi rau koj?" Tus dig muag hais tias : "Huab Tais, thov ua kom kuv rov pom kev."
42 Ces Yes Xus hais rau nws tias: "Koj rov pom kev mas! Koj lub siab ntseeg cawm tau koj lawm."
43 Tam sis ntawd, tus dig muag rov pom kev, ces nws raws Yes Xus mus, nws cav txog Tswv Ntuj. Tas tsoom pej xeem pom qhov ntawd, lawv cav lus zoo txog Tswv Ntuj.

Tim 16 lub 11 Hlis 2021

Hnub Peb Lis Piam Peb Caug Peb Nruab Xyoo B Nruab Lis Piam Xyoo I
Lectionary: 498

XHLT: LN Margaret nyob Scotland; los LN Gertrude

Zaj Nyeem Ib: 2 MKN 6: 18-31

18 Es Les As Ntxas yog ib tug nyob hauv cov thawj kws Ntawv Ntshiab. Nws hnub nyoog nchav lawm thiab nws muaj ib lub meej mom muaj tsim. Nws raug lawv muab nws qhov ncauj rua thiab yuam kom nws noj nqaij npuas.
19 Tab sis nws yeem muaj koob meej nyob hauv txoj kev tuag dua ua lub neej muaj txhaum, ces nws mus nws rau ntawm qhov chaw uas nws yuav raug tsim txom.
20 Nws nti cov nqaij nyob hauv nws qhov ncauj pov tseg, xws li cov uas muaj peev xwm tsis kam saj tej yam caiv, txawm lawv yuav nyiam lawv txoj sia npaum cas.
21 Cov neeg uas npaj rooj nqaij txi dab ntawd coj Es Les As Ntxas mus rau ib qho, vim lawv paub nws zoo tau ntev los lawm, lawv pab tswv yim rau nws tias kom nws yuav tsum npaj nws ib co nqaij uas nws noj tau tuaj, ces nws tsuas lam ua txuj noj cov nqaij txi dab raws li tus vaj cov lus ceeb toom xwb.
22 Yog nws ua li ntawd mas nws yuav tsis raug txim tuag, thiab lawv tseem yuav ua zoo rau nws ntxiv raws li lawv txoj qub kev phooj ywg.
23 Tab sis Es Les As Ntxas tuaj yeem ua raws qhov zoo tshaj, kom tsim nyog nws lub hnub nyoog, nws lub meej mom ua ib tug neeg laus muaj plaub hau dawb paug thiab nws lub neej uas nws coj tau zoo txij puag thaum yau los lawm, vim nws ua raws Txoj Cai ntshiab uas Tswv Ntuj qhia, ces nws teb ntua tam sid rau lawv tias kom lawv cia li xa nws mus lawm hauv ntuj txias teb tsaus xwb.
24 Nws hais tias: "Txoj kev dag ntawd tsis tsim nyog rau peb lub neej li, vim ntau leej hluas yuav to taub tias thaum Es Les As Ntxas muaj cuaj caum xyoo nws tig mus coj pej kum neeg kev cai dab qhuas lawm.
25 Ces yog vim qhov kuv dag kom kuv tau nyob ib nyuag pliag luv luv ntxiv xwb, lawv thiaj xav yuam kev vim kuv, hos kuv yuav ua neej laus nkoos nyob hauv kev txaj muag thiab kev poob tsim poob koob meej.
26 Tab txawm tias nyem no kuv tsis raug tib neeg muab txim tuag rau kuv los ciaj tuag kuv yeej yuav tsis dim ntawm Tus Muaj Hwj Huam txhais tes li.
27 Li ntawd yog nyem no kuv ua siab tawv qhawv tsis khuv xim kuv txoj sia li, mas thiaj tsim nyog qhov kuv ua neej laus nkoos.
28 Thiab kuv thiaj yuav tso tau ib tug piv txwv zoo rau cov hluas pom tias txoj kev tuaj yeem txaus siab tuag pub rau Txoj Cai ntshiab uas peb hwm yog zoo li cas." Thaum Es Les As Ntxas hais li ntawd tas, nws cia li txav los ze ntawm qhov chaw nws yuav raug tsim txom.
29 Cov neeg uas puag ta xav pab nws, nyem no lawv hloov siab xav ua phem lawm, vim lawv xav tias nws cov lus yog lus vwm xwb.
30 Thaum lawv nplawm Es Les As Ntxas, nws yuav tu siav txog tes, nws nroo ib suab nrov nrov nws hais tias: "Tus HUAB TAIS uas muaj txoj kev to taub dawb huv, nws yeej paub tseeb tias yog kuv tsis xav tuag los tau, tab sis kuv tuaj yeem nyiaj mob loj nyob hauv kuv lub cev raug luag nplawm, thiab kuv tus plig zoo siab nyiaj tej no vim kuv hwm HUAB TAIS."
31 Es Les As Ntxas tuag li ntawd. Nyob hauv nws txoj kev tuag no nws tso tau ib tug piv txwv zoo qhia txog txoj kev ua siab tawv qhawv thiab ib tug qauv uas tsim nyog yuav nco ntsoov txog txoj kev xaiv ua qhov zoo rau cov hluas thiab rau tas nrho nws haiv neeg huv tib si.

NPN 3: 2-3, 4-5, 6-7

Txais: (6b) Huab Tais yog tus tuaj kuv tog.

HUAB TAIS, kuv cov yeeb ncuab coob tas nrho !
Coob leej sawv los ntxeev siab rau kuv!
Coob leej hais txog kuv tias :
“Yuav tsis muaj kev cawm rau nws nyob hauv Tswv Ntuj li.”

Txais: (6b) Huab Tais yog tus tuaj kuv tog.

Tiam sis, HUAB TAIS, koj yog daim leem phiaj thaiv kuv,
koj yog kuv lub koob meej, yog tus tsa kuv taub hau kom siab.
Thaum kuv tsa suab hu HUAB TAIS,
nws teb kuv saum lub roob nws txoj kev ntshiab tuaj.

Txais: (6b) Huab Tais yog tus tuaj kuv tog.

Thaum kuv mus qhau cev pw tsaug zog,
kuv tsim rov los dua vim HUAB TAIS nres kuv.
Kuv tsis ntshai cov neeg coob tis ua coob
uas sawv vij vog ib ncig kuv tas nrho.

Txais: (6b) Huab Tais yog tus tuaj kuv tog.

As Les Lus Yas: 1 ZAM 4: 10b

Txais: As les lus yas, as les lus yas.

Tswv Ntuj nyiam peb, nws thiaj xa nws Leej Tub
tuaj ua nqi txhiv peb ntawm peb cov txhaum.

Txais: As les lus yas, as les lus yas.

Ntawv Moo Zoo: LK 19: 1-10

1 Yes Xus mus hauv Yes Lis Kos, nws npaj yuav taug kev hla hauv lub tsheej mus.
2 Muaj ib tug txiv neej lub npe hu ua Ntxas Kais, nws yog ib tug tswj hauv cov neeg sau se, nws yog neeg nplua nuj.
3 Nws nrhiav kom tau kev pom saib Yes Xus yog leej twg, tab sis nws tsis tau kev, vim neeg coob dhau, thiab nws yog neeg qig taub.
4 Ces nws khiav mus ua ntej, nws nce mus saum ib tsob ntoo kom tau pom Yes Xus, vim Yes Xus yuav los hla ntawd mus.
5 Thaum Yes Xus los txog ntawm qhov chaw ntawd, nws tsa muag ntsia saud, nws hais tias : "Ntxas Kais, koj nqes los sai sai, vim hnub no kuv yuav tsum mus hauv koj tsev."
6 Ntxas Kais nqes nrawm nroos los, nws zoo siab txais tos Yes Xus.
7 Sawv daws pom li ntawd, lawv yws yws hais tias: "Nws mus so hauv ib tug neeg txhaum lub tsev!"
8 Hos Ntxas Kais sawv ntsug, nws hais rau Huab Tais tias: "Huab Tais, kuv yuav muab kuv tej cuab yeej cuab tam ib nrab pub rau cov pluag. Yog kuv tau ua tsis ncaj rau leej twg lawm, mas kuv yuav them plaub npaug pauj rau nws."
9 Yes Xus hais rau Ntxas Kais tias: "Hnub no, txoj kev cawm los txog hauv lub tsev no lawm, vim tus no kuj yog Has Nplas Has ib leeg tub thiab.
10 Vim tias Neeg Leej Tub tuaj yog tuaj nrhiav thiab tuaj cawm tus uas ploj lawd."

Tim 17 lub 11 Hlis 2021

Hnub Plaub Lis Piam Peb Caug Peb Nruab Xyoo B Nruab Lis Piam Xyoo I
Lectionary: 499

Yuav Hwm LN Elizabeth nyob Hungary, ua Leej Phauj

Zaj Nyeem Ib: 2 MKN 7: 1, 20-31

1 Kuj tseem muaj xya leej kwv tij nrog leej niam raug tus vaj ntes thiab raug muab hlua thiab muab leeg nyuj los nplawm lawv, yuam kom lawv noj nqaij npuas uas Tswv Ntuj txoj cai txwv tsis pub noj.
20 Leej niam ua tej yam txaus qhuas kawg thiab tsim nyog yuav tsum nco ntsoov txog mus li. Nws ntsia nws xya leej tub ib tug tuag zuj zus nyob hauv tib hnub nkaus, tsis kav nws ua siab tawv qhawv ris qhov ntawd vim nws tso siab rau Tswv Ntuj.
21 Nws hais lawv phaj txiv xeem lus los ntuas nws cov tub ib leeg dhau ib leeg. Nws muaj ib lub tswv yim txawj xav zoo thiab nws muaj ib lub peev xwm txiv neej txhawb nws lub siab poj niam kom nws txawj hais tej lo lus txhawb zog rau nws cov tub li no:
22 "Kuv tsis paub tias nej xeeb zoo li cas los nyob hauv kuv lub plab. Kuv tsis yog tus muab txoj sia txoj pa rau nej. Kuv tsis yog tus tau teeb txhua yam kom nyob muaj chaw rau hauv nej.
23 Li ntawd, tus Tswv tsim lub sim ceeb, uas yog tus chiv tib neeg lub keeb los thiab yog tus pib lub hauv paus ntawm txhua tsav txhua yam, tus Tswv siab zoo khuv leej neeg ntawd yeej yuav rov muab txoj sia thiab txoj pa rau nej dua, vim nyem no nej tsis nco txog nej kom tau nyiam nws Txoj Cai."
24 Tus vaj Aas Caus Kus xav tias cov lus ntawd yog lus thuam nws thiab cem nws ntag, vim leej niam ua lub suab hais lus tshawv tsawv. Thaum ntawd, tus tub ntxawg tseem muaj txoj sia nyob, ces tus vaj thiaj ntxias nws, tsis yog hais lo lus ntxias xwb hos tseem cog lus tib si tias, tus vaj yeej yuav ua kom nws nplua nuj thiab kom nws tau zoo raug luag ntshaw yog nws tso nws cov yawg koob tej kev cai pov tseg, tus vaj yuav nrog nws ntaus phooj ywg zoo thiab yuav muab ib txog hauj lwm siab rau nws ua.
25 Tab sis tus tub ntxawg tsis mloog tus vaj cov lus li, ces tus vaj hu kom leej niam los thiab hais kom nws ntuas nws tus tub kom tus tub rov cawm nws txoj sia.
26 Tus vaj hais lus ntev loo tas, ces leej niam thiaj lees tias nws mam mus ntuas nws tus tub.
27 Ces nws ua txuj lam ua li tus vaj siab phem hais, nws khoov mus siv nws xeem lus hais rau nws tus tub tias : "Me tub, koj hlub koj niam mog! Kuv tau nqa koj cuaj lub hlis nyob hauv kuv lub plab, tau pub mis rau koj noj peb lub xyoos, tau tu koj qhuab qhia koj los txog txij no, thiab tau yug zaub yug mov rau koj.
28 Me tub, kuv xav kom koj ntsia lub ntuj thiab lub ntiaj teb, thiab tas puas tsav yam uas nyob rau hauv, koj yuav tsum paub tias Tswv Ntuj tsis tau siv dab tsi uas twb xub muaj lawm los tsim tej ntawd li. Nws kuj tsim neeg ib yam li ntawd thiab.
29 Koj tsis txhob ntshai tus niag neeg tua neeg ntawd, koj yuav ua kom phim koj cov tij laug mog. Koj ua siab tuag, ces nyob hauv Tswv Ntuj txoj kev khuv leej neeg, kuv thiaj yuav rov ntsib koj nrog koj cov tij laug ua ke mog."
30 Nws niam tseem hais lus tsis tau tas, tus tub twb hais tias: "Nej tseem tos dab tsi ntxiv? Kuv tsis kam mloog tus vaj cov lus, kuv yuav mloog Txoj Cai uas Mais Xes qhia rau peb cov yawg koob xwb.
31 Hos koj tus uas nrhiav txhua yam kev tsim txom los rau cov neeg Hes Nplaws, mas koj yuav tsis dim ntawm Tswv Ntuj txhais tes li."

NPN 17: 1bcd, 5-6, 8b+15

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv npo.

HUAB TAIS, thov koj mloog ib zag lus ua plaub ncaj ncees;
Thov koj cuab pob ntseg rau kuv lub suab quaj hu,
Koj tig ntsej los rau kuv lo lus thov vim kuv di ncauj tsis hais lus dag.

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv npo.

Kuv taug koj txoj kev nraim, kuv ko taw tsis tau mus yuam kev.
Kuv tus Tswv Ntuj, kuv hu txog koj, vim koj yeej yuav teb kuv;
thov koj tig pob ntseg los rau kuv thiab koj mloog kuv lo lus!

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv npo.

Thov koj txuag kuv zoo li txuag koj lub ntsiab muag,
Thov koj zais kuv rau hauv koj phab tis qhov ntxoov,
Kuv yeej yuav tau pom koj lub ntsej muag vim txoj kev ncaj.
Kuv tsim dheev los, kuv yuav zoo siab hlo tau nyob ze ntawm koj.

Txais: (15b) Huab Tais, thaum koj lub hwj chim tawm tuaj,
kuv yuav muaj kev zoo siab puv npo.

As Les Lus yas: ZAM 15: 16

Txais: As les lus yas, as les lus yas.

Huab Tais hais tias: Kuv tau xaiv nej hauv lub ntiaj teb los,
Kom nej mus txi ib co txiv uas yuav nyob ruaj.

Txais: As les lus yas, as les lus yas.

Ntawv Moo Zoo: LK 19: 11-28

11 Cov neeg ntawd mloog Yes Xus hais lus, ces nws hais ib zag paj lug rau lawv, vim nws mus txog ze ze Yes Lus Xas Les lawm, thiab cov neeg ntawd xav hais tias ntshai Tswv Ntuj lub Ceeb Tsheej yuav tawm los nyob rau ped sai sai no.
12 Yes Xus thiaj hais tias: "Muaj ib tug neeg yog tub nom tub tswv, nws mus rau ib lub teb chaws nyob deb , yuav mus txais txoj kev ua vaj tas ces nws mam rov qab los.
13 Nws hu nws kaum leej tub txib tuaj, nws muab kaum choj kub rau lawv, nws hais rau lawv tias: ‘Nej coj mus ua lag ua luam mus txog hnub kuv rov los.’
14 Tab sis nws cov pej xeem ntxub nws, lawv xa ib pab tiam lis lawv qab mus hais tias: ‘Peb tsis xav kom tus no ua vaj kav peb.’
15 Thaum nws txais kev ua vaj tas lawm, nws rov los txog, nws kom lawv hu cov tub txib uas nws tau muab kub rau tuaj, kom paub saib lawv nyias tau ua nyias lag luam li cas lawm.
16 Thawj tug tuaj txog, nws hais tias : ‘Huab Tais, koj choj kub ntxeev tau kaum choj paj lawm.’ Tus vaj hais rau nws tias :
17 ‘Zoo kawg, tub txib zoo. Koj tau muaj lub siab pheej xeeb hauv tej yam me me, ua li mas koj yuav ua nom tswj kaum lub nroog.’
18 Tus ob tuaj txog, nws hais tias : ‘Huab Tais, koj choj kub ntxeev tau tsib choj paj lawm.’
19 Tus vaj hais rau tus ntawd tias : ‘Koj yuav ua nom tswj tsib lub nroog.’
20 Muaj ib tug tuaj txog, nws hais tias : ‘Huab Tais, qho no yog koj choj kub, kuv tau muab qhwv rau hauv ib txoj phuam cia,
21 vim kuv ntshai koj, vim koj yog ib tug neeg coj nruj nruj, koj cia li khaws yuav tej yam uas koj tsis tau muab tshwj cia, koj sau tej yam uas koj tsis tau tseb.’
22 Tus vaj hais rau nws tias : ‘Tub txib siab phem, kuv txiav txim rau koj raws nraim li koj lub ncauj tau hais. Koj twb paub tias kuv yog ib tug neeg coj nruj, kuv cia li khaws yuav tej yam uas kuv tsis tau muab tshwj cia, kuv sau tej yam uas kuv tsis tau tseb,
23 vim li cas koj tsis coj kuv choj kub mus tso hauv cov tsev ceev nyiaj? Ces thaum kuv rov los, kuv thiaj tau rho kuv choj kub nrog ib qho paj.’
24 Ces tus vaj hais rau cov neeg nyob ntawd tias: ‘Nej rho choj kub ntawm nws los, nej muab rau tus uas muaj kaum choj.’
25 Ces lawv hais rau tus vaj tias: ‘Huab Tais, nws twb muaj kaum choj lawm.’
26 ‘Kuv hais rau nej tias tus uas muaj lawm, luag yuav pub ntxiv rau nws; hos tus uas tsis muaj, mas luag tseem yuav muab qhov uas nws muaj tshem mus thiab.
27 Hos kuv cov yeeb ncuab, uas tsis kam kuv ua vaj tswj lawv, mas nej coj lawv los ntawm no, nej muab lawv tua rau ntawm kuv xub ntiag.’"
28 Thaum Yes Xus hais cov lus no tas, nws mus zoj ua ntej, taug kev nce mus pem Yes Lus Xas Les lawm.

Tim 18 lub 11 Hlis 2021

Hnub Tsib Lis Piam Peb Caug Peb Nruab Xyoo B Nruab Lis Piam Xyoo I
Lectionary: 500

XHLT: Nco txog Hnub Foom Hmoov Zoo rau cov Tuam Tsev Teev Ntuj LN Pob Zeb thiab Paj Lug;
los hwm LN Rose Philippine Duchesne, Nkauj Tsim Txiaj

Zaj Nyeem Ib: 1 MKN 2: 15-29

15 Tus vaj cov tub rog uas saib xyuas txoj hauj lwm yuam neeg kom thim lawv txoj kev ntseeg tuaj txog hauv lub nroog Mos Dees tuaj npaj yuam kom txi dab.
16 Muaj coob leej His Xas Lais mus koom cov tub rog, tshuav Mas Tas Thias thiab nws cov tub lawv thiaj mus sib sau rau lawv ib qho.
17 Ces tus vaj cov tub rog hais rau Mas Tas Thias tias: "Koj yog ib tug thawj coj nto koob meej thiab muaj hwj chim nyob hauv lub nroog no, thiab koj muaj tub muaj kwv tij txhawb koj.
18 Yog li koj cia li ua thawj hlo mus ua raws li tus vaj cov lus ceeb toom, xws li tas txhia haiv neeg tau ua, thiab cov thawj coj Yus Das, thiab cov neeg uas tseem nyob Yes Lus Xas Les tau ua. Ces koj thiab koj cov tub yuav tau ua tus vaj phooj ywg zoo, thiab nej yuav tau txais nyiaj txais kub thiab txais ntau yam ua paj tshab."
19 Tiam sis Mas Tas Thias teb nrov nrov rau lawv tias: "Tab yog tas txhua haiv neeg uas nyob hauv tus vaj lub qab tswj hwm mloog nws lus thiab xaiv txoj kev ua raws li nws cov lus ceeb toom, ces nyias tso nyias cov yawg koob tej kev cai dab qhuas pov tseg,
20 los kuv thiab kuv cov tub cov kwv tij peb yuav ua raws li peb cov yawg koob tau cog lus xwb.
21 Thov kom peb tsis txhob tso txoj cai thiab tej kev cai lij choj pov tseg li.
22 Peb yuav tsis mloog tus vaj cov lus, peb yuav tsis kam ncaim ntawm peb txoj kev cai teev hawm mus sab xis los sab laug li."
23 Thaum Mas Tas Thias hais lus tu nrho, txawm muaj ib tug Yus Das tab meeg txav los rau sawv daws pom, nws los txi dab nyob saum lub thaj nyob Mos Dees, raws li tus vaj cov lus ceeb toom.
24 Thaum Mas Tas Thias pom li ntawd mas nws mob siab kub lug thiab nws tej siab ntsws tshee na. Nws npau taws heev, yog txoj kev npau taws dawb huv, ces nws tib sas mus muab tus Yus Das tua kiag rau saum lub thaj.
25 Ib txhij ntawd nws kuj tua tus rog uas tus vaj xa tuaj yuam kom lawv txi dab thiab, ces nws rhuav lub thaj pov tseg.
26 Nws lub siab kub lug rau txoj cai xws li thaud Pis Nes As siab kub lug ntaus Xis Lis uas yog Xas Lws tus tub.
27 Mas Tas Thias thiaj qw nrov nrov rau lub nroog tias: "Yog leej twg kub siab rau txoj cai thiab coj nraim raws cov lus cog, mas kom nws tawm tuaj raws kuv!"
28 Mas Tas Thias thiab nws cov tub thiaj khiav mus nyob pem roob, lawv tso lawv tej cuab yeej cuab tam tas huv si pov tseg rau hauv nroog.
29 Ces muaj coob leej uas xav coj raws kev ua neerg ncaj thiab txoj cai teev hawm, lawv khiav mus tsa tsev nyob hauv teb chaws suab puam.

NPN 50: 1b-2, 5-6, 14-15

Txais: (23b) Kuv yuav qhia Tswv Ntuj lub hwj huam cawm neeg rau tus neeg siab ncaj.

HUAB TAIS Tswv Ntuj nws qhib ncauj hais lus,
nws nqua hu tas lub ntiaj teb, txij hnub tuaj txog hnub poob,
Tswv Ntuj nyob saum lub roob Xis Yoos,
uas zoo saib tas nrho, nws ci ntsa iab tuaj.

Txais: (23b) Kuv yuav qhia Tswv Ntuj lub hwj huam cawm neeg rau tus neeg siab ncaj.

“Nej sau cov ntseeg txog kuv tuaj nyob ntawm kuv xub ntiag,
Nej sau cov uas tau tua tsiaj txi ntuj nrog kuv cog lus tuaj.”
Ces lub ntuj tshaj Tswv Ntuj txoj kev ncaj,
Vim Tswv Ntuj yog tus txiav txim.

Txais: (23b) Kuv yuav qhia Tswv Ntuj lub hwj huam cawm neeg rau tus neeg siab ncaj.

“Koj muab koj lo lus cav lus qhuas los txi rau Tswv Ntuj,
koj pauj koj lub yeem rau tus Nyob Siab.
Thaum kev txhawj xeeb tuaj, koj hu txog kuv,
kuv yuav npo koj dim, ces koj yuav cav txog kuv lub koob meej.”

Txais: (23b) Kuv yuav qhia Tswv Ntuj lub hwj huam cawm neeg rau tus neeg siab ncaj.

As Les Lus Yas: NPN 95: 8

Txais: As les lus yas, as les lus yas.

Hnub no, yog nej hnov nws lub suab,
Tsis txhob ua nej lub siab tawv ncauj.

Txais: As les lus yas, as les lus yas.

Ntawv Moo Zoo: LK 19: 41-44

41 Thaum Yes Xus tuaj yuav txog Yes Lus Xas Les, nws pom lub nroog, nws quaj rau lub nroog,
42 nws hais tias: "Kheev lam hnub no koj to taub txog tias yog dab tsi thiaj yuav muab tau kev thaj yeeb rau koj mas! Tab sis, qhov ntawd ces nyob zais ntshis ntawm koj qhov muag lawm.
43 Vim tias, yuav muaj ib hnub uas koj cov yeeb ncuab yuav tsa laj kab vij ncig koj, lawv yuav tuaj puav koj, yuav nias qees qhov txhia chaw tuaj rau koj.
44 Lawv yuav tsuj koj rau hauv av, yuav tsuj koj thiab koj cov me nyuam uas nyob hauv koj. Lawv yuav tsis tseg ib lub pob zeb uas tseem tshooj ib lub nyob li, yog vim koj tsis kam lees paub lub caij uas Tswv Ntuj tuaj xyuas koj.”

Tim 19 lub 11 Hlis 2021

Hnub Rau Lis Piam Peb Caug Peb Nruab Xyoo B Nruab Lis Piam Xyoo I
Lectionary: 501

Zaj Nyeem Ib: 1 MKN 4: 36-37, 52-59

36 Yus Das thiab nws cov kwv tij hais tias: "Peb cov yeeb ncuab twb tawg tas lawm, peb yuav mus ua kom lub Tuam Tsev Teev Ntuj dawb huv tuaj, yuav rov muab fij rau Ntuj."
37 Ces Tas tsoom tub rog tuaj sib sau ua ke thiab lawv nce mus pem lub roob Xis Yoos.
52 Thaum tseem ntxov ntxov hnub tim nees nkaum tsib lub cuaj hlis, uas yog lub hli Kis Les, xyoo ib puas plaub caug yim, lawv sawv los,
53 lawv mus txi Ntuj raws li txoj cai nyob saum lub thaj hlawv tsiaj txi Ntuj tshiab uas lawv tau tsa.
54 Tab tom yog kiag hnub nco txog lub caij cov neeg teev pej kum dab tau rhuav lub qub thaj txi ntuj lawm, lawv ua cov kab ke rov fij lub thaj txi ntuj rau Tswv Ntuj, lawv hu nkauj, ntaus thaj cheej, ntaus nkauj nog ncas, thiab ntaus nruas npuaj.
55 Tas tsoom sid txhos caug pe hawm thiab cav txog tus nyob saum lub ntuj uas tau coj lawv mus rau txoj kev yeej.
56 Lawv ua lub txoos lom zem fij lub thaj txi Ntuj no tau yim hnub. Lawv zoo siab hlo hlawv tsiaj txi Ntuj, thiab ua tej thaj txi ntuj noj cov txim thiab ua Ntuj tsaug.
57 Lawv muab ib co mom teev kub thiab leem phiaj kub los tso rau lub Tuam Tsev sab qhov rooj loj sab nraud kom zoo nkauj. Lawv rov kho cov qhov rooj vag thiab cov leej choj cov kem tsev pw rau, thiab ua qhov rooj rau cov kem tsev pw ntawd.
58 Tas tsoom sid sawv daws zoo siab luag ntxhi, lawv tsis nco qab qhov kev phem uas cov pej kum neeg tau ua rau lawv lawm.
59 Ces Yus Das nrog nws cov kwv tij thiab tas tsoom His Xas Lais los txiav txim tias niaj xyoo thaum txog lub caij ntawd lawv yuav rov ua lub hnub nyoog fij lub thaj txi Ntuj ntawd nyob hauv txoj kev lom zem thiab zoo siab kom puv yim hnub, txij tim nees nkaum tsib lub hli Kis Les mus.

NPN: 1 XWM 29: 10bcd, 11abc, 11d-12a, 12bcd

Txais: (13b) Tswv Ntuj muaj hwj huam, peb cav txog koj lub npe muaj hwj chim.

Huab Tais, thov kom koj nto koob meej,
His Xas Lais tus Tswv Ntuj, peb Leej Txiv,
kom koj nto koob meej mus li ib txhiab ib txhis.

Txais: (13b) Tswv Ntuj muaj hwj huam, peb cav txog koj lub npe muaj hwj chim.

Huab Tais, koj yog tus loj, tus muaj hwj huam,
tus muaj hwj chim, tus ci ntsa iab, tus nto koob meej,
vim tas txhua yam nyob saum ntuj thiab nyob ntiaj teb yog koj li.

Txais: (13b) Tswv Ntuj muaj hwj huam, peb cav txog koj lub npe muaj hwj chim.

Huab Tais, txoj kev ua vaj yog koj tug;
sawv daws cav txog koj yog tus nyob siab ua txhua leej tus hau.
Kev nplua nuj thiab kev muaj koob meej yog koj pub.

Txais: (13b) Tswv Ntuj muaj hwj huam, peb cav txog koj lub npe muaj hwj chim.

Koj kav tas txhua tsav txhua yam,
Koj txhais tes tuav lub hwj huam thiab lub peev xwm,
koj yog tus muab txoj kev ua tus loj thiab lub zog rau txhua leej.

Txais: (13b) Tswv Ntuj muaj hwj huam, peb cav txog koj lub npe muaj hwj chim.

As Les Lus Yas: ZAM 10: 27

Txais: As les lus yas, as les lus yas.

Huab Tais hais tias: Kuv cov yaj mloog kuv lub suab;
kuv paub kuv cov yaj, kuv cov yaj raws nraim kuv qab mus.

Txais: As les lus yas, as les lus yas.

Ntawv Moo Zoo: LK 19: 45-48

45 Yes Xus chaws mus hauv lub Tuam Tsev Teev Ntuj, ces nws ntiab cov neeg muag toob xib kom tawm khiav mus.
46 Nws hais rau lawv tias: "Ntawv sau li no: ‘Kuv lub tsev yog tsev teev Ntuj, tab sis nej muab ua ib qho chaw rau tub sab nkaum.’"
47 Yes Xus niaj hnub qhuab qhia nyob hauv lub Tuam Tsev Teev Ntuj. Hos cov Thawj Leej Choj, cov Kws Ntawv Ntshiab, thiab cov thawj coj tsoom pej xeem nrhiav kev yuav muab nws tua.
48 Tab sis lawv nrhiav tsis tau kev kom tau ua raws li lawv lub hom phiaj, vim tsoom pej xeem nyob dai ncuv rau nws lub ncauj mloog nws cov lus.

Tim 20 lub 11 Hlis 2021

Hnub Xya Lis Piam Peb Caug Peb Nruab Xyoo B Nruab Lis Piam Xyoo I
Lectionary: 502

Zaj Nyeem Ib: 1 MKN 6: 1-13

1 Tus vaj Aas Caus Kus mus ncig xyuas cov xeev nyob pem toj siab. Nws hnov tias muaj ib lub nroog nyob Pes Xis teb hu ua Es Lis Mais, yog ib lub nroog nto koob meej kawg, vim nws nplua nuj muaj nyiaj muaj kub ntau.
2 Nyob hauv muaj ib lub tuam tsev teev mlom uas nplua nuj kawg vim muaj ib co leem phiaj kub, ib co tsho hlau thaiv hauv siab thiab ib co riam phom uas As Lev Xaas Dawm, Fis Lis Pos tus tub uas yog thawj tug vaj Mas Xes Dos Nias kav cov neeg Hes Las, tau muab tso tseg rau hauv.
3 Ces tus vaj Aas Caus Kus mus sim ntaus kom tau lub nroog ntawd kom tau lwg lub nroog; tab sis nws ntaus tsis tau, vim cov neeg nyob hauv nroog xub paub nws lub hom phiaj ua ntej lawm.
4 Ces lawv tuav riam tuav phom tiv nws. Ces nws khiav tawm ntawm thaj tsam ntawd, nws tu siab kawg rov los mus rau Npas Npis Los.
5 Thaum Aas Caus Kus tseem nyob Pes Xis teb, luag tuaj hais rau nws tias nws cov tub rog uas mus rau Yus Das teb tawg tas lawm.
6 Lis Xias uas tau coj ib pab tub rog muaj zog mus, tau raug cov His xas Lais muab lawv caum rov qab tas. Cov His Xas Lais muaj zog tuaj lawm, vim lawv tau cov riam phom, cov neeg thiab ntau yam uas lawv txeeb tau ntawm cov tub rog lawv ntaus yeej los.
7 Lawv tau rhuav yam Phem Tshaj Plaws uas Aas Caus Kus tau tsa rau saum lub thaj txi Ntuj nyob Yes Lus Xas Les, thiab lawv tau tsa tej lub ntsa siab siab ib yam li thaum ub xov thaj chaw Ntshiab thiab xov Aas Caus Kus lub nroog Npes Xuj lawm.
8 Tus vaj hnov xov li ntawd mas nws poob siab loj thiab ntshai kawg nkaus. Nws tu siab loj rau qhov tias nws ua tsis tau raws li nws xav, ces nws cia li mob thiab nyob saum txaj lawm xwb.
9 Nws nyob li ntawd tau ntau hnub hauv txoj kev tu siab uas yim huab loj zuj zus xwb. Ces ua rau nws pom tau tias ntshai nws kawg yuav tuag sai xwb
10 Nws thiaj hu nws cov phooj ywg tuaj tas huv tib si, nws hais rau lawv tias: "Kuv lub qhov muag yuav qi me me tsis tau li lawm, kuv lub siab poob rau txoj kev nyob ntxhov hnyo xwb.
11 Kuv hais rau kuv tus kheej tias: ‘Cas kuv thiaj tau txoj kev txom nyem loj npaum no? Cas kuv thiaj muaj kev tu siab ntws lug li no? Thaum kuv tseem muaj hwj chim mas kuv ua zoo, thiab luag kuj nyiam kuv kawg thiab!
12 Tab sis lub caij tam sis no kuv rov nco txog tej yam phem uas kuv tau ua nyob Yes Lus Xas Les lawm. Kuv tau nqa tej cuab yeej nyiaj thiab kubj uas nyob hauv tawm tas lost as, thiab kuv tau kom luag muab cov neeg Yus Das tua pov tseg dawb dawb lawv tsis muaj txhaum dab tsi li.
13 Kuv paub tias yog vim kuv tau ua li ntawd, mas nyem no kuv thiaj tau raug txoj kev txom nyem li no. Zaum no ces kuv yuav tuag nyob hauv txoj kev tu siab loj tas nrho, nyob hauv ib lub teb chaws uas tsis yog kuv lub."

NPN 9: 2-3, 4+6, 16+19

Txais: 16a) Huab Tais, kuv yuav zoo siab nyob hauv koj txoj kev cawm.

HUAB TAIS, kuv yuav muab tas kuv siab ntsws los ua koj tsaug,
kuv yuav tshaj txog tas koj cov hauj lwm tsim nyog qhuas.
Kuv yuav zoo siab yuav hom khaj nyob hauv koj,
kuv yuav hu nkauj cav txog koj lub npe, tus Nyob Siab.

Txais: 16a) Huab Tais, kuv yuav zoo siab nyob hauv koj txoj kev cawm.

Vim kuv cov yeeb ncuab thim rov qab tas,
lawv tawg tas, raug puas tsuaj tas nyob ntawm koj xub ntiag.
Koj tsawm cov kuj cuab, koj txo tus tsis hwm Ntuj pov tseg,
koj tshem lawv lub npe kom ploj mus li ib txhiab ib txhis.

Txais: 16a) Huab Tais, kuv yuav zoo siab nyob hauv koj txoj kev cawm.

Tsoom kuj cuab mus zom av rau hauv lub qhov lawv tau khawb,
lawv ko taw daig hauv rooj ntxiab uas lawv tau cuab lawm.
Cov pluag yuav tsis raug luag tsis nco qab lawv ntxiv,
cov txom nyem txoj kev tso siab yuav tsis ploj mus li.

Txais: 16a) Huab Tais, kuv yuav zoo siab nyob hauv koj txoj kev cawm.

As Les Lus Yas: 2 TM 1: 10

Txais: As les lus yas, as les lus yas.

Peb tus Cawm Seej Yes Xus Pleev twb rhuav txoj kev tuag lawm,
thiab nws ua kom txoj sia ci tawm tuaj nyob hauv lub Moo Zoo.

Txais: As les lus yas, as les lus yas.

Ntawv Moo Zoo: LK 20: 27-40

27 Muaj ob peb tug Xas Dus Kais txav los, lawv yog cov uas hais tias neeg tuag tsis muaj kev sawv rov los.
28 Lawv nug Yes Xus tias: "Mais Xes sau cia rau peb tias: Yog leej twg ib tug kwv tij tuag lawm, tseg poj niam
Xus thiaj hais rau lawv tias: "Cov tub ki hauv lub zwj ceeb no yuav poj niam thiab yuav txiv.
35 cia tsis tau muaj me nyuam li, mas tus kwv yuav tsum qaws tus poj ntsuam kom tsa tau tus kwv tij uas tuag lawd lub keeb sawv.
29 Muaj xya leej kwv tij, thawj tug yuav poj niam, nws tuag tsis tau muaj tub ki li.
30 Ces tus ob,
31 thiab tus peb kuj qaws tus poj niam ntawd thiab. Ces tas lawv xya leej puav leej ua ib yam li ntawd; lawv tuag tas huv si tsis muaj tub ki li.
32 Thaum kawg, tus poj niam kuj tuag lawm thiab.
33 Ua li mas thaum txog lub zim txwv sawv rov los, tus poj niam ntawd yuav yog leej twg tus poj niam? Vim lawv xya leej puav leej tau yuav nws ua poj niam."
34 Yes Tab sis cov uas raug txiav txim tias lawv tsim nyog mus nyob fab lwm tiam, thiab tsim nyog sawv hauv cov tuag rov los, mas lawv tsis yuav poj niam thiab tsis yuav txiv ntxiv lawm.
36 Lawv yuav tsis txawj tuag ntxiv, vim lawv yuav zoo li cov Tshiab thiab lawv yog Tswv Ntuj cov tub, uas yog txoj kev sawv rov los cov tub.
37 Hais txog tias cov tuag yuav sawv rov los, mas Mais Xes twb qhia txog qhov ntawd nyob hauv zaj hais txog Tsob Pos lawm, thaum nws hu Huab Tais ua Has Nplas Has tus Tswv Ntuj, His Xas Has tus Tswv Ntuj, thiab Yas Kos tus Tswv Ntuj.
38 Vim tias Tswv Ntuj tsis yog cov tuag tus Tswv Ntuj, nws yog cov ciaj tus Tswv Ntuj, vim rau nws mas sawv daws muaj txoj sia."
39 Ob peb tug Kws Ntawv Ntshiab qhib ncauj teb tias: "Xib Hwb, koj hais tau zoo kawg."
40 Ces lawv tsis muaj cuab kav nug Yes Xus txog dab tsi ntxiv.

Tim     22     lub     11     Hlis     2021

Hnub Ob Lis Piam Peb Caug Plaub Nruab Xyoo B Nruab Lis Piam Xyoo I
Lectionary: 503

Yuav Hwm LN Cecilia, Nkauj tsim txiaj tuag ua Tim Khawv

Zaj Nyeem Ib:    DN 1: 1-6, 8-20

1 Thaum Yes Haus Yas Kis ua vaj kav Yus Das teb tau peb xyoo, mas tus vaj Nas Npws Kos Dos Nos Xos uas yog tus vaj Npas Npis Los tuaj ntaus Yes Lus Xas Les.
2 Huab Tais tso tus vaj Yes Haus Yas Kis uas yog tus vaj Yus Das thiab ib co twj siv hauv Tswv Ntuj lub Tuam Tsev poob rau hauv nws tes. Nws thiaj coj lawv mus rau teb chaws Sis Naj, thiab nws coj cov twj mus cia rau hauv nws cov tswv ntuj lub txhab rau nyiaj.
3 Tus vaj hais rau As Pes Nas uas yog nws tus thawj neeg sam kom mus xaiv ib co me nyuam tub uas yog noob vaj ntxwv thiab noob nom noob tswv nyob hauv cov His Xas Lais coj tuaj.
4 Cov tub ntawd yuav tsum tsis txhob muaj chaw xyeej li, muaj lub cev ntaj ntsug zoo nraug ntxiag, muaj kev ntse nrog kev thoob tsib hauv txhua yam, tau kawm txuj ci los lawm thiab nyiam kev kawm txuj, thiab muaj zog ntsos yuav tuaj sawv taus nyob hauv tus vaj lub loog, thiab yuav kawm tau cov ntawv thiab cov lus Kas Dias.
5 Tus vaj niaj hnub qee nws cov txhiam laj txhiam xws, tej dej cawv pub rau lawv noj lawv haus. Yuav qhuab qhia lawv kom puv peb xyoos; thaum tas lub caij ntawd lawm mam cia lawv los ua tus vaj cov tub tsob hwb nyob hauv nws lub loog.
6 Nyob hauv pab ntawd muaj Das Nias, As Nas Nias, Mis Sas Es thiab As Xas Lias, uas yog xeem Yus Das.
8 Das Nias txiav txim siab caiv tsis nrog lawv noj tsis nrog lawv haus tus vaj tej zaub mov thiab tej dej caw kom nws txhob poob rau hauv txoj kev tsis dawb huv.  Nws thiaj thov tus thawj neeg sam kom pub nws caiv tsis noj tej yam tsis huv ntawd.
9 Tswv Ntuj tshoj tus thawj neeg sam kom nws muaj lub siab zoo hlub thiab xav pab Das Nias.
10 Tab sis nws hais rau Das Nias tias: "Kuv ntshai kuv tus txiv huab tais xwb, vim nws yog tus qee tej zaub tej mov rau nej noj thiab tej cawv rau nej haus. Yog nws pom nej cov ntsej muag yuag tshaj cov me nyuam nrog nej ib phaum, mas nej yuav ua teeb meem rau kuv txoj hauj lwm nyob ze ntawm txiv huab tais."
11 Das Nias thiaj hais rau tus tub zov keeb uas yog tus thawj neeg sam tso ua tus saib Das Nias, As Nas Nias, Mis Sas Es thiab As Xas Lias lawv tias :
12 "Kuv thov koj, koj sim koj cov tub txib li kaum hnub saib, koj muab zaub rau peb noj thiab muab dej rau peb haus xwb.
13 Koj yuav pom peb lub ntsej muag piv rau cov tub hluas uas noj tus vaj tej qav tej hno lub ntsej muag, ces koj mam yuav ua rau koj cov tub txib raws li qhov koj pom."
14 Tus saib lawv pom zoo ua raws li Das Nias thov, nws thiaj sim lawv tau kaum hnub.
15 Dhau kaum hnub ntawd lawm, lawv ntsej muag tshiab tshaj thiab lawv puv dua cov hluas uas noj tus vaj tej qav tej hno.
16 Ces tus saib lawv tsis muab tus vaj cov zaub mov cov dej caw rau lawv noj lawv haus ntxiv, nws tsuas muab zaub rau lawv noj lawm xwb.
17 Tswv Ntuj pub txuj ci thiab tswv yim rau plaub tug hluas ntawd kom lawv txawj txhua yam ntaub ntawv thiab ua neeg thoob tsib. Das Nias tseem paub txhais tej zaj yees pom thiaj tej dab ntub npau suav thiab.
18 Thaum txog lub caij tus vaj teem kom coj cov hluas ntawd tuaj cuag nws, tus thawj neeg sam thiaj coj lawv tuaj cuag Nas Npws Kos Dos Nos Xos.
19 Tus vaj nrog tas sawv daws tham, nws pom tias tsis muaj leej twg zoo cuag li Das Nias, As Nas Nias, Mis Sas Es, thiab As Xas Lias lawv li, ces lawv thiaj tuaj ua cov tub txib nyob kiag ntawm tus vaj xub ntiag.
20 Tus vaj nug lawv txog tej yam yuav tsum muaj kev thoob tsib thiab kev xyuam xim los teb, mas nws pom tau tias lawv teb tau zoo tshaj kaum npaug cov txiv neeb txiv yaig thiab tej tub txawj khawv koob hwj huaj uas nyob hauv nws lub teb chaws huv tib si.

NPN:    DN 3: 52, 53, 54, 55, 56

Txais: (52b) Peb cav txog koj lub koob meej peb qhuas txog koj tas mus li ib txhis!

Huab Tais peb phaj txiv tus Tswv Ntuj, thov kom koj nto koob meej,
tsim nyog cav txog koj tsim nyog qhuas txog koj tshaj tas txhua yam mus li;
Kom koj lub npe ntshiab muaj hwj chim nto koob meej,
Tsim nyog cav txog tsim nyog qhuas txog koj tshaj tas txhua yam mus li txhua tiam.

Txais: (52b) Peb cav txog koj lub koob meej peb qhuas txog koj tas mus li ib txhis!

Kom koj nto koob meej nyob hauv lub tuam tsev muaj koj lub hwj chim nsthiab,
Tsim nyog cav txog tsim nyog qhuas txog koj tshaj tas txhua yam tas mus li.

Txais: (52b) Peb cav txog koj lub koob meej peb qhuas txog koj tas mus li ib txhis!

Kom koj nto koob meej nyob saum koj lub theej kiab hauv koj lub ceeb tsheej,
Tsim nyog cav txog tsim nyog qhuas txog koj tshaj tas txhua yam tas mus li.

Txais: (52b) Peb cav txog koj lub koob meej peb qhuas txog koj tas mus li ib txhis!

Kom koj nto koob meej, koj tus uas zaum saum koj lub theej kiab,
txawb saum cov tshiab kes lus npis, tsom rau hauv cov qab thu tob;
Tsim nyog cav txog tsim nyog qhuas txog koj tshaj tas txhua yam tas mus li.

Txais: (52b) Peb cav txog koj lub koob meej peb qhuas txog koj tas mus li ib txhis!

Kom koj nto koob meej nyob saum lub ntuj ntsuab saum ntuj,
Tsim nyog cav txog koj tsim nyog kom koj nto koob meej tas mus li..

Txais: (52b) Peb cav txog koj lub koob meej peb qhuas txog koj tas mus li ib txhis!

As Les Lus Yas:    MT 24: 42a, 44

Txais: As les lus yas, as les lus yas.

Nej yuav zov hmo nraim,
Vim nej tsis paub tias Neeg Leej Tub yuav los thaum twg.

Txais: As les lus yas, as les lus yas

Ntawv Moo Zoo:    LK 21: 1-4

1 Yes Xus tsa muag ntsia, nws pom ib co neeg nplua nuj tso nyiaj pub rau hauv lub txhab ceev nyiaj.
2 Nws kuj pom ib tug poj ntsuam pluag pluag tso ob lub txiaj toog rau thiab.
3 Ces nws hais tias: "Kuv hais tseeb rau nej tias, tus poj ntsuam pluag pluag no tso ntau tshaj sawv daws huv tib si.
4 Vim tias tas cov neeg ntawd, lawv pub lawv cov nyiaj seem xwb, tab sis tus poj ntsuam ntawd nws muab hauv nws txoj kev pluag los, nws pub tas nrho qhov nws yuav siv muas noj rau lawm."

Tim     23     lub     11     Hlis     2021

Hnub Peb Lis Piam Peb Caug Plaub Nruab Xyoo B Nruab Lis Piam Xyoo I
Lectionary: 504

XHLT:  LN Clement I, Vaj Qhia tuag ua Tim Khawv; LN Columban, Thawj Tswj Koom Haum  cov Leej Tij;
tus tau Hmoov Zoo Miguel Augustin Pro, Leej Choj tuag ua Tim Khawv

Zaj Nyeem Ib:       DN  2:   31-45

31 Das Nias hais rau Nas Npws Kos Dos Nos Xos tias: "Vaj ntxwv, koj tau yees pom ib tug mlom loj loj ci kawg nkaus sawv nyob ntawm koj xub ntiag; ntsia mas nws txaus ntshai kawg li.
32 Tus mlom lub taub hau yog tseem kub; nws lub hauv siab thiab ob txhais npab yog nyiaj; nws lub plab thiab ob txhais ncej puab yog tooj dub,
33 ob txhais ceg yog hlau, ob txhais ko taw yog ib nrab hlau ib nrab av thwj cib.
34 Koj tseem ntsia tus mlom ntawd, koj pom dheev ib lub pob zeb cia li raug dawj tawm pem roob los, tiam sis tsis pom ib txhais tes ua qhov ntawd li, nws cia li los tsoo tus mlom ob txhais ko taw uas yog hlau thiab av thwj cib tawg tas.
35 Ces hlau, av thwj cib, tooj dub, nyiaj, thiab kub cia li tib txhij pob tas nrho ntsoog tas, zoo li cov npluag nplej tom tshav ntaus nplej thaum lub caij ntuj so lawm xw. Ces cua tuaj muab tshuab ya tas mus tsis tshuav ib qho li lawm. Tiam sis lub pob zeb uas ntog los tsoo tus mlom cia li txia ua ib lub roob loj loj puv tas ntiaj teb.
36 Koj zaj npau suav ces yog zoo li ntawd. Zaum no peb kuj yuav txhais lub ntsiab rau tus vaj mloog thiab.
37 Hua Tais Vaj Ntxw aw, koj yog tus vaj kav tas tsoom vaj. Tus Tswv Ntuj kav lub ntuj tau pub kev ua vaj, pub hwj huam, lub zog thiab lub hwj chim rau koj.
38 Cov tib neeg, cov tsiaj nyob nruab nrag, cov me noog ya saum ntuj, txawm lawv yuav nyob qhov twg los nws tso rau hauv koj txhais tes kom koj ua tus tswj lawv huv tib si. Koj yog lub taub hau uas yog kub ntag.
39 Tom qab koj, yuav muaj dua ib tug vaj sawv los, nws yuav tsis loj npaum li koj. Thiab tseem yuav sawv dua ib tug vaj, yog tus peb; nws yog tooj dub, nws yuav kav tas ntiaj teb.
40 Kuj tseem yuav muaj dua ib tug vaj ntxiv, yog tus plaub, nws yuav tawv cuag hlau, vim hlau  tsoo kom txhua yam tawg tas ntsoog tas; xws li hlau tsoo kom txhua yam tawg, nws kuj yuav tsoo cov ntawd kom tawg tas thiab vau tas thiab.
41 Ob txhais ko taw thiab cov ntiv taw uas koj pom yog ib nrab hlau ib nrab av thwj cib, vim nws yog ib lub teb chaws tsis zoo xwm yeem, tiam sis nws kuj yuav muaj zog li hlau thiab, raws li koj pom muaj hlau xyaw av thwj cib.
42 Cov ntiv taw ntawm ob txhais taw ib nrab yog hlau ib nrab yog av thwj cib, kuj yog txhais tias lub teb chaws muaj ib feem yuav muaj zog, ib feem yuav tsis muaj zog.
43 Xws li koj tau pom muaj hlau xyaw av ci siav, kuj yog txhais tias lawv yuav nrhiav kev sib haum nyob hau txoj kev sib yuav ua txij ua nkawm, tab sis lawv yuav sib koom tsis tau, ib yam li hlau xyaw tsis tau av.
44 Thaum lub caij cov vaj ntawd ua neej nyob, mas tus Tswv Ntuj kav lub ntuj yuav tsa ib lub teb chaws muaj vaj kav uas yuav tsis muaj neeg rhuav tau thiab yuav tsis poob nyob hauv lwm haiv neeg txhais tes ib zaug li. Lub teb chaws ntawd yuav rhuav thiab tsuj lwm cov teb chaws huv tib si kom tawg tas thiab kom ploj mus tas. Tiam sis nws yuav nyob mus li tas ib txhiab ib txhis.
45 Ib yam li koj tau pom lub pob zeb uas tsis yog ib txhais tes txaug tawm pem roob los, nws los tsoo cov av, cov hlau, cov tooj dub, cov nyiaj, thiab kub ntsoog tas. Ua li mas yog tus Tswv Ntuj loj tau qhia rau tus vaj txog tej yam yuav tshwm sim yav tom ntej. Koj zaj npau suav yeej muaj li ntawd, thiab nws lub ntsiab yeej meej li no."


NPN:   DN  3:   57, 58, 59, 60, 61

Txais: (59b) Nej cav txog nws lub koob meej thiab nej qhuas txog nws mus li ib txhis.

Tas ib puas tsam yam Huab Tais tau tsim los,
nej foom lus zoo rau Huab Tais,
nej cav txog nw, nej tsa nws nyob siab tshaj
tas txhua yam mus li ib txhiab ib txhis!

Txais: (59b) Nej cav txog nws lub koob meej thiab nej qhuas txog nws mus li ib txhis.

Tas Huab Tais ib tsoom Tshiab, nej foom lus zoo rau Huab Tais,
nej cav txog nws, nej tsa nws nyob siab tshaj
tas txhua yam mus li ib txhiab ib txhis!

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov txheej ntuj saud, nej foom lus zoo rau Huab Tais,
nej cav txog nws, nej tsa nws nyob siab tshaj
tas txhua yam mus li ib txhiab ib txhis!

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov dej nyob txheej ntuj siab saud, nej foom lus zoo rau Huab Tais,
nej cav txog nws, nej tsa nws nyob siab tshaj
tas txhua yam mus li ib txhiab ib txhis!

Txais: (59b) Nej cav txog nws lub koob meej thiab nej qhuas txog nws mus li ib txhis.

Tas nej sawv daws uas yog Huab Tais tsoom tub rog,
nej foom lus zoo rau Huab Tais,
nej cav txog nws, nej tsa nws nyob siab tshaj
tas txhua yam mus li ib txhiab ib txhis!

Txais: (59b) Nej cav txog nws lub koob meej thiab nej qhuas txog nws mus li ib txhis.

As Les Lus Yas:       QYTN  2:   10c

Txais: As les lus yas, as les lus yas.

Koj yuav tsum ntseeg ruaj nreb mus txog hnub tuag,
Ces kuv yuav muab txoj sia ua mom rau koj ntoo.

Txais: As les lus yas, as les lus yas.

Ntawv Moo Zoo:       LK  21:   5-11

5 Thaum ntawd, ib txhia hais txog tias lub Tuam Tsev Teev Ntuj mas txhim tau pob zeb muaj nqes kawg thiab muaj tej paj tshab txi Ntuj ua kom zoo nkauj zoo saib kawg. Ces Yes Xus hais tias:
6 "Tej uas nej qhov muag pom ntawm no, muaj ib hnub yuav tsis tshuav ib lub pob zeb tseem tshooj ib lub cia uas yuav tsis pob tas rau hauv av."
7 Lawv nug Yes Xus tias: "Xib Hwb, thaum twg tej ntawd mam li tshwm sim tuaj? Thiab yuav muaj lub cim dab tsi qhia tias tej ntawd yuav tshwm sim tuaj?”
8 Yes Xus hais tias: "Nej yuav ceev faj txhob cia luag ua kom nej yuam kev. Vim yuav muaj coob leej siv kuv lub npe tuaj, lawv yuav hais tias: ‘Kuv yog nws,’ thiab yuav hais tias: 'Lub zim txwv twb los txog lawm'. Mas nej txhob mus caum lawv!
9 Thaum nej hnov tham txog kev ua tsov ua rog thiab kev kub ntxhov, mas nej tsis txhob ntshai. Vim tias tej ntawd yuav tsum xub tshwm sim tuaj tso, tab sis tseem tsis tau txog lub zim txwv kawg tam sis ntawd."
10 Yes Xus hais rau lawv tias: "Ib haiv neeg yuav sawv los ntaus lwm haiv neeg, ib lub teb chaws yuav sawv los ntaus lwm lub teb chaws.
11 Nyob qhov ub qhov no, yuav muaj av qeeg loj, yuav muaj tshaib plab thiab muaj mob aws; thiab yuav muaj tej yam xwm txaus ntshai kawg, thiab tej lub cim loj kawg tawm saum ntuj tuaj.”

Tim     24     lub     11     Hlis     2021

Hnub Plaub Lis Piam Peb Caug Plaub Nruab Xyoo B Nruab Lis Piam Xyoo I  
Lectionary: 505

Yuav Hwm LN Andrew Dung-Lac & cov, tuag ua Tim KHawv

Zaj Nyeem Ib:       DN  5:   1-6, 13-14, 16-17, 23-28

1 Tus vaj Npas Tas Xas ua ib roog qav loj loj rau nws cov tub nom tub tswv noj; lawv muaj li ib txhiab leej tuaj; tus vaj nrog lawv haus dej haus cawv.
2 Thaum Npas Tas Xas tau cawv lawm, nws txib kom luag nqa cov tais kub tais nyiaj uas nws txiv Nas Npws Kos Dos Nos Xos muab tshem hauv lub Tuam Tsev Teev Ntuj nyob Yes Les Xas Les nqa los, kom tus vaj nrog nws cov tub nom tub tswv, nws cov poj niam, cov hluas nkauj seev cev tau siv los haus dej haus cawv.
3 Luag thiaj nqa tau cov ntim kub ntim nyiaj uas muab hauv Tswv Ntuj lub Tuam Tsev nyob Yes Lus Xas Les tuaj. Ces tus vaj nrog nws cov tub nom tub tswv, cov poj niam, cov hluas nkauj seev cev lawv tau muab siv haus dej haus cawv.
4 Thaum lawv haus dej haus cawv li ntawd, lawv hais tej zaj cav txog lawv cov dab mlom nyiaj mlom kub, mlom tooj mlom hlau, thiab mlom zeb mlom ntoo.
5 Ib sij huam, txawm pom ib co ntiv tes nrog ib txhais tes neeg yees tawm tuaj nyob ntawm tus ncej teeb sab tim phab ntsa, sau sau ntawv rau saum lub phab ntsa hmoov zeb sib ntawm tus vaj lub tuam tsev. Tus vaj pom xyeem kiag txhais tes nrog cov ntiv tes ta tom sau sau ntawv.
6 Ces tus vaj txawm cia li ua ntsej muag puas tas, siab poob nthav ntshai tshee na; nws tej tes taw tuag tas, nws ob lub hauv caug sib tsoo zom zaws.
13 Lawv thiaj mus coj Das Nias tuaj rau ntawm tus vaj. Tus vaj nug Das Nias tias: "Koj puas yog Das Nias, ib tug Yus Das nyob hauv pab neeg nyob txim uas kuv txiv coj Yus Das teb los?
14 Kuv hnov tias Tswv Ntuj Leej Tswv Yim nyob hauv koj, thiab koj muaj qhov pom kev, muaj kev txawj ntse, kev thoob tsib zoo kawg nkaus nyob hauv koj no.
16 Kuv tseem hnov tias koj txawj txhais tej yam thiab txawj daws teeb meem thiab no; yog tias koj twm tau cov ntawv no thiab txhais tau lub ntsiab rau kuv paub, mas kuv yuav muab lub tsho tsam xem rau koj hnav, muab xauv kub rau koj coj ntawm caj dab, thiab tsa koj ua tus nom peb tswj lub teb chaws."
17 Das Nias teb rau tus vaj tias: "Koj khaws koj cov paj tshab cia rau koj tus kheej, thiab muab koj cov khoom plig pub rau lwm tus. Kuv mam cia li twm cov ntawv no rau tus vaj thiab txhais lub ntsiab rau nws xwb.
23 Koj tau tsa koj siab, koj tau tsis hwm tus Huab Tais nyob saum lub ntuj lawm; koj tau kom luag nqa cov twj nyob hauv Huab Tais lub Tuam Tsev los rau koj, kom koj thiab koj cov tub nom tub tswv, cov poj niam thiab cov hluas nkauj seev cev, nej tau muab siv haus dej haus cawv;  nej tau cav txog nej cov dab mlom kub mlom nyiaj, mlom tooj mlom hlau, mlom ntoo mlom pob zeb uas lawv tsis txawj pom kev, tsis txawj hnov lus, thiab tsis paub dab tsi li; tiam sis nej tsis cav txog tus Tswv Ntuj uas nws tuav rawv nej txoj sia rau hauv nws txhais tes thiab nws coj rawv nej taug kev hauv nej lub neej li.
24 Nws thiaj tau xa txhais tes thiab cov ntiv tes ntawd tuaj, ces thiaj kos tau cov npe ntawv no.
25 Cov ntawv no yog sau li no:  Maws Nes, Maws Nes, Tes Kes, thiab Pes Les.
26 Cov lus ntawd yog txhais li no: Maws Nes, txhais tias : Tswv Ntuj tau suav hnub suav hmo rauy koj lub teb chaws thiab tau teem nws hnub kawg lawm.
27 Tes Kes, txhais tias: Tswv Ntuj tau muab koj luj saum rab teev lawm, koj hnyav tsis txaus.
28 Pes Les, txhais tias: Koj lub teb chaws raug muab faib lawm, ib qho rau cov Mes Dias, ib qho rau cov Pes Xis."

NPN:       DN  3:   62, 63, 64, 65, 66, 67

Txais:   (59b) Nej cav txog nws lub koob meej thiab nej qhuas txog nws mus li ib txhis.

Nkauj hnub nraug hli, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

Cov hnub qub nyob saum ntuj, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

Cov nag cov lwg, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

Cov cua, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

Cov hluav taws qhov kub, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

Lub caij no caij sov, nej foom lus zoo rau Huab Tais,
neb cav txog nws, nej tso nws nyob siab
dua tas txhua yam mus li ib txhiab ib txhis !

Txais:   (59b) Nej cav txog nws lub koob meej thiab nej qhuas txog nws mus li ib txhis.

As Les Lus Yas:       QYTN  2:   10c

Txais:   As les lus yas, as les lus yas.    

Koj ntseeg ruaj nreb mus txog hnub tuag,
Ces kuv yuav muab txoj sia ua mom rau koj ntoo.

Txais:   As les lus yas, as les lus yas.

Ntawv Moo Zoo:       LK  21:   12-19

Yes Xus hais rau tsoom neeg tias:
12 Ua ntej tej no, luag yuav cev tes ntes nej, thiab yuav hiam nej; lawv yuav coj nej mus kom rau cov tsev txoos thiab tsev loj faj, yuav cab nej mus rau ntawm cov vaj thiab cov nom tswj teb chaws xub ntiag vim kuv lub npe.
13 Qhov no yuav yog ib lub zoo sij hawm rau nej ua tim khawv.
14 Nej khaws rau nruab siab tias nej yuav tsis txhob xub npaj tias nej yuav hais li cas thiaj yeej.
15 Vim kuv yuav muab ib co lus muaj kev thoob tsib rau nej, ces tas cov ntxub nej yuav tsis muaj peev xwm tiv tau thiab cav tau nej li.
16 Tab yog nej niam nej txiv, nej cov kwv tij, cov txheeb ze, thiab cov phooj ywg, los lawv tseem yuav mus kom nej thiab, thiab yuav muab nej ib txhia rau luag tua.
17 Tas sawv daws yuav ntxub nej vim kuv lub npe.
18 Tab sis tsis muaj ib txoj plaub hau saum nej taub hau yuav ploj li.
19 Nej ua siab ruaj nreb kom tom thawj, ces nej yuav ceev tau nej txoj sia."

Tim     25     lub     11     Hli     2021

Hnub Tsib Lis Piam Peb Caug Plaub Nruab Xyoo B Nruab Lis Piam Xyoo I
Lectionary: 506

XHLT:  LN Catherine nyob As Lev Xaas Nrias

Zaj Nyeem Ib:   DN 6: 12-28

12 Cov pwm tsav thiab cov tswj xeev uas xav txo Das Nias tuaj nkag hauv nws tsev, lawv pom nws tab tom teev Ntuj thov nws tus Tswv Ntuj txoj kev khuv leej.
13 Ces lawv mus hais rau tus vaj tias: "Aub ! Vaj ntxwv! Koj twb tau sau yuas rau ib Txoj Cai tias, yog peb caug hnub tom ntej no, leej twg tseem teev ib tug tswv ntuj twg los thov ib tug neeg twg, tsuav tsis yog thov koj, mas tus ntawd yuav raug muab pov rau hauv lub nkuaj tsov no ne, los tsis yog?" Tus vaj teb tias: "Txoj cai yeej tau txiav meej li ntawd lawm, raws li cov Mes Dias thiab cov Pes Xis Txoj Cai mas yuav hla tsis dhau li."
14 Ces lawv hais rau tus vaj tias: "HuabTais vaj ntxwv, Das Nias, tus neeg Yus Das uas tuaj nyob txim, nws tsis quav ntsej txog koj los txog txoj cai koj tau txiav kiag li! Ib hnub, nws mus ua nws zaj teev Ntuj peb zaug."
15 Tus vaj hnov cov lus no, nws tu siab tas nrho, nws txiav txim siab tias nws yuav nrhiav ib txog kev cawm Das Nias. Ib hnub tsaus ntuj ntais, tus vaj nrhiav ib txog kev tso Das Nias kom txhob raug txim.
16 Tab sis cov neeg ntawd tuaj hais tsis tseg rau tus vaj tias: "Aub ! Vaj ntxwv! Koj yeej paub lawm tias raws li cov Mes Dias thiab cov Pes Xis Txoj Cai mas thaum tus vaj tshaj tawm los txwv ib yam lawm mas yuav hla tsis dhau li.”
17 Ces tus vaj txib kom lawv mus coj Das Nias tuaj thiab kom muab nws pov rau hauv lub nkuaj tsov. Tus vaj hais rau Das Nias tias : "Thov kom koj tus Tswv Ntuj uas koj rau siab tsob hwb nws tsis tseg tuaj cawm koj."
18 Lawv nqa ib lub pob zeb los thaiv ntawm lub rooj nkuag tsov. Tus vaj ntaus nws lub thwj thiab cov nom lub thwj rau, kom tsis txhob muaj da tsi hloov txog Das Nias kev raug txim li.
19 Ces tus vaj rov mus hauv nws tsev, nws yoo tsis noj mov ib hmos thiab nws  tso cov neeg uas tuaj ua kev lom zem rau nws mus tsev. Tas ib hmos nws tsis tuaj dab ntub me me li.
20 Kaj ntug txoog xwb, tus vaj sawv tsees thiab nws maj nroos mus lawm tom lub nkuaj tsov.
21 Mus txog ntawm lub nkuaj tsov, nws ua suab quaj dhi hu Das Nias tias: "Das Nias aw! Koj yog tus Tswv Ntuj muaj txoj sia tus tub txib! Tus Tswv Ntuj uas koj muab siab rau tsob hwb nws tsis tseg puas tuaj pab cawm koj ntawm ncauj tso thiab?"
22 Das Nias teb rau tus vaj tias: "Aub! Vaj ntxwv! Thov kom koj muaj txoj sia nyob mus li!
23 Kuv tus Tswv Ntuj tau xa nws tus Tshiab tuaj kaw cov tsov qhov ncauj lawm, ces tsov tsis tau ua dab tsi rau kuv li, vim nws pom tias kuv tsis tau ua dab tsi txhaum. Ntawm koj los kuv kuj tsis ua dab tsi txhaum rau koj li thiab."
24 Tus vaj zoo siab tas nrho, nws ceeb toom kom lawv tso Das Nias; ces lawv tso Das Nias tawm los, nws tsis raug qhov twg sab li vim nws tso siab rau nws tus Tswv Ntuj.
25 Tus vaj thiaj ceeb toom kom coj cov neeg uas liam rau Das Nias tuaj. Nws muab lawv thiab lawv tej poj niam me nyuam pov rau hauv nkuaj tsov. Lawv tseem poob tsis tau ti hauv av, tsov twb dhia tuaj huas lawv tas, twb ua lawv tej pob txha ntsoog tag.
26 Ces vaj Das Lis Yus thiaj sau ntawv tshaj rau tas txhia haiv neeg txhia xeem lus nyob ntiaj teb no tias: "Kom kev thaj yeeb ntws lug los rau saum nej!
27 Kuv ceeb toom tias nyob tas cov teb chaws uas kuv kav, mas cov neeg sawv daws yuav tsum ntshai thiab yuav hwm Das Nias tus Tswv Ntuj, vim nws yog tus Tswv Ntuj muaj txoj sia nyob mus li. Nws lub teb chaws nws ua vaj kav yuav tsis raug leej twg muab rhuav, Nws txoj kev tswj kav yuav tsis txawj kawg.
28 Nws cawm thiab npo neeg dim, nws ua tej lub cim thiab tej yam hwj huam loj nyob saum ntuj thiab nyob ntiaj teb no.  Nws tau cawm Das Nias dim ntawm tsov lub zog."

NPN:    DN 3: 68, 69, 70, 71, 72, 73, 74

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov dej nag cov lwg, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov te txias, qhov no ntxiag, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov dej khov, cov daus npu, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov hnub cov hmo, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Qhov pom kev qhov tsaus ntuj, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov kab xob laim cov huab tsaus, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

Ntiaj teb nrag cai, nej cav lus zoo txog Huab Tais,
nej qhuas txog nws tshaj tas txhua yam tas mus li ib txhiab ib txhis.

Txais: (59b) Nej cav txog nws lub koob meej thiab nej qhuas txog nws mus li ib txhis.

As Les Lus Yas:    LK 21: 28

Txais: As les lus yas, as les lus yas.

Nej yuav sawv kom ntseg, thiab tsa nej taub hau,
vim txoj kev txhiv nej dim los txog ze ze lawm.

Txais: As les lus yas, as les lus yas.

Ntawv Moo Zoo:    LK 21: 20-28

Yes Xus hais rau nws cov thwj tim tias:
20 "Thaum nej pom tej pab tub rog tuaj vij vog Yes Lus Xas Les, mas nej yuav paub tias Yes Lus Xas Les txoj kev puas ntsoog nyob ze ze lawm.
21 Thaum ntawd mas cov nyob Yus Das teb kav tsij cia li khiav mus lawm pem roob; cov nyob hauv nroog yuav tsum tawm khiav mus, hos cov nyob tom tej teb yuav txhob mus lawm hauv nroog.
22 Vim thaum ntawd yog lub caij yuav muaj kev raug txim, ces txhua tsav txhua yam uas sau tseg rau hauv Ntawv lawd yuav tsum tshwm sim tuaj.
23 Hmoov phem heev rau cov poj niam uas cev tsis tab seeb thiab cov uas muaj me nyuam mos noj mis. Vim tias yuav muaj kev txom nyem loj los raug ntiaj teb, thiab yuav muaj kev txiav txim npau taws loj rau haiv neeg no.
24 Lawv yuav ntog vim hniav ntaj, thiab luag yuav ntes lawv mus nyob txim rau hauv tas cov pej kum haiv neeg; ces Yes Lus Xas Les yuav raug cov pej kum haiv neeg tuaj tsuj mus txog hnub cov pej kum haiv neeg lub hnub nyoog tiav tas."
25 Yuav muaj ib co cim nyob saum lub hnub, lub hli thiab cov hnub qub. Nyob ntiaj teb no, ib tsoom haiv neeg yuav raug kev nyuaj siab loj, vim muaj kev txhawj xeeb txog cov dej ntuj yuav nphau nphwv loj loj tuaj ua suab nrov nroo ntws.
26 Neeg yuav tuag ntshai, vim sawv daws txhawj kawg txog tej yam yuav tuaj raug lub qab ntuj neeg; vim tej yam muaj hwj huam nyob txheej ntuj saud yuav co ua zog koog.
27 Ces thaum ntawd, sawv daws yuav pom Neeg Leej Tub tuaj nyob hauv ib twv huab ,muaj hwj huam thiab muaj hwj chim loj kawg nkaus.
28 Thaum tej ntawd pib tshwm sim tuaj, mas nej yuav sawv kom ntseg, nej yuav tsa taub hau siab, vim txoj kev txhiv nej dim los txog ze lawm."

Thov txim kuv tsis nco tuaj hais txog lawm, tiam sis yog nej leej twg xav mus nyeem cov zaj nyeem tshwj xeeb rau hnub Thanksgiving no ces nej mus saib nyob hauv no:

https://hmongcatholique.forumdediscussions.com/t1559-cov-zaj-nyeem-rau-thanksgiving

Tim 26 lub 11 Hlis 2021

Hnub Rau Lis Piam Peb Caug Plaub Nruab Xyoo B Nruab Lis Piam Xyoo I
Lectionary: 507

Zaj Nyeem Ib: DN 7: 2-14

2 Das Nias piav tias: "Thaum hmo ntuj kuv tau ua yog toog, kuv yees pom plaub nthwv cua tuaj plaub ceg kaum ntuj tuaj ntsawj lub hiav txwv loj loj dav dav.
3 Muaj plaub tug tsiaj loj tas nrho tawm hauv lub hiav txwv los, ib tug zoo txawv ib tug.
4 Thawj tus tsiaj zoo xws li ib tug tsov, ho muaj kooj tis zoo li dav. Kuv ntsia ntsoov tus tsov ntawd, ua ciav leej twg muab nws cov tis rho tawm, thiab muab nws tsa sawv hauv av los sawv ntsug saum ob txhais ko taw xws li tib neeg, ces lawv muab ib lub siab tib neeg rau nws.
5 Tus tsiaj ob kuv pom yog zoo xws li ib tug dais. Lawv muab nws ib sab tsa sawv, nws muaj peb tug kaus loj nyob hauv qhov ncauj, ntawm nws cov kis hniav. Ces lawv hais rau nws tias: "Koj sawv mus noj nqaij kom tas ntau ntau."
6 Tas qhov no lawm, kuv ntsia pom dua ib tug tsiaj ntxiv, zoo li yog ib tug tsov pom txwv, muaj plaub txhais kooj tis nraum nrob qaum li ib tug noog, thiab nws muaj plaub lub taub hau. Ces nws tau txais kev ua nom ua tswv.
7 Dhau qhov no lawm, kuv rov yees pom dua ib tug tsiaj thaum hmo ntuj, yog tus plaub. Nws txaus ntshai thiab tsiv phem kawg nkaus, nws muaj zog tas nrho. Nws muaj ib co hniav hlau loj kawg li, nws noj dab tsi mas nws muab zom muab xo tawg tas, tej qhov seem nws muab tsuj ntiag rau hauv av. Tus tsiaj ntawd txawv tas nrho cov xub tuaj ua ntej tib si. Nws muaj kaum tus kub thiab.
8 Kuv tseem saib saib cov kub ntawd, ces txawm tuaj kiag ib tug kub me me ntxiv, tuaj xyaw cov ntawd. Muaj peb tug kub loj cia li raug mua lov kiag tawm, tseg chaw rau tus me nyob. Tus kub no muaj qhov muag xws li tib neeg nyob ntawm tus kub, thiab muaj qhov ncauj; nws hais lus loj lus khav theeb kawg nkaus.
9 Kuv ntsia ntsoov, kuv txawm pom lawv muab ib co theej kiab los teeb rau ntawd, ces tus Laus los zaum saum nws lub theej kiab. Nws cov ris tsho dawb paug cuag daus, nws cov plaub hau saum taub hau dawb huv cuag plaub yaj. Nws lub theej kiab yog nplaim taws, muaj ib co log uas yog hluav taws.
10 Muaj ib tug dej yog hluav taws txhawv ntws lug ntawm nws xub ntiag los. Txhiab txhiab leej tsob hwb nws, vam vam leej sawv nyob ntawm nws xub ntiag. Lub rooj txiav txim pib lawm, tej ntaub ntawv twb nthuav tas lawm.
11 Kuv ntsia ntsoov txij thaum tus kub pib hais nws cov lus khav theeb mus txog thaum lawv muab tus tsiaj tua thiab muab nws lub cev pov rau hauv hluav taws kom kub hnyiab tas.
12 Dua li lwm cov tsiaj, lawv kuj poob lawv lub hwj chim ua tus tswj; tiam sis luag rub lawv txoj sia kom lawv nyob ib ntus sij hawm thiab ib lub caij ntxiv.
13 Hmo ntuj kuv kuj tseem yees pom zoo li ib tug Neeg Leej Tub nrog cov huab nyob saum ntuj tuaj. Thaum nws los txog ntawm tus Laus lawm, lawv coj nws mus qhia rau tus Laus.
14 Ces nws txais lub hwj chim ua tus tswj, lub koob meej thiab kev ua vaj. Tas txhia haiv neeg, txhia kuj cuab, txhia xeem lus tsob hwb nws. Nws txoj kev tswj yog ib txog kev tswj nyob mus li tsis muaj caij kawg, nws txoj kev ua vaj yuav tsis raug muab rhuav li.

NPN: DN 3: 75, 76, 77, 78, 79, 80, 81

Txais: (59b) Nej cav txog nws lub koob meej thiab nej qhuas txog nws mus li ib txhis.

Cov ncov roob siab cov ncov roob qis, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Tas ib puas tsav yam hlob tuaj tshwm npoo av, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov dej txhawv, nej nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov dej ntuj cov dej ntws, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov vaj ntses cov me ntses, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov noog ya saum ntuj, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Tas ib puas tsav yam tsiaj nyeg tsiaj qus, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

As Les Lus Yas: LK 21: 28

Txais: As les lus yas, as les lus yas.

Nej yuav sawv kom ntseg, nej yuav tsa taub hau siab,
vim txoj kev txhiv nej dim los txog ze lawm.

Txais: As les lus yas, as les lus yas.

Ntawv Moo Zoo: LK 21: 29-33

29 Yes Xus hais ib zag paj lug rau nws cov thwj tim tias: "Nej ntsia tsob txiv ncuav pias thiab tas cov ntoo huv tib si.
30 Thaum lawv cov cos nplooj pib hlav, nej pom thiab nej to taub tias ntuj sov los yuav txog.
31 Ib yam li ntawd, thaum nej pom tej ntawd tshwm sim tuaj, nej yuav to taub tias lub teb chaws Tswv Ntuj ua vaj los yuav txog.
32 Kuv hais tseeb rau nej tias, tiam neeg no tsis tau dua, tas ib puas tsav yam ntawd yuav xub tshwm sim tuaj ua ntej tso.
33 Lub ntuj thiab lub ntiaj teb yuav dua mus, tab sis kuv cov lus yuav tsis dua.”

Tim 27 lub 11 Hlis 2021

Hnub Xya Lis Piam Peb Caug Plaub Nruab Xyoo B Nruab Lis Piam Xyoo I
Lectionary: 508

Zaj Nyeem Ib: DN 7: 15-27

15 "Kuv, Das Nias, ua lub siab ntxhov hnyo nyob hauv kuv lub cev; tej yam kuv lub tswv yim yees pom ua kom kuv ntshai kawg.
16 Kuv thiaj mus nug ib tug nyob ntawd kom nws qhia qhov tseeb hais txog tej ntawd rau kuv. Nws thiaj teb kuv tias nws mam txhais lub ntsiab rau kuv li no:
17 "Plaub tug tsiaj loj loj ntawd yog plaub tug vaj uas yuav sawv kav hauv ntiaj teb.
18 Tiam sis cov uas txais lub teb chaws tus vaj kav yog Leej Nyob Siab cov Ntshiab; lawv yuav txais los ua lawv tug mus li tas ib txhiab ib txhis tsis txawj kawg."
19 Kuv thiaj xav nug kom meej txog tus tsiaj tim plaub uas txawv tshaj lwm cov, txaus ntshai tshaj plaws thiab muaj hniav hlau, muaj rau taw tooj, nws noj dab tsi mas nws muab xo tawg tas huv si thiab muab ko taw tsuj ntiag tej yam seem rau hauv av.
20 Kuv nug txog kaum tus kub tuaj nyob saum nws taub hau, nug txog tus kub uas hlav tuaj thiab muaj peb tug kub cia li lov lawm. Kuv nug txog tus kub uas muaj qhov muag muaj qhov ncauj txawj hais lus khav theeb thiab zoo li nws muaj tsim dua cov huv si.
21 Vim kuv ntsia ntsoov pom tus kub ntawd ua rog rau cov Ntshiab thiab nws yeej lawv,
22 mus txog thaum tus Laus tuaj txog, ces lawv txiav txim rau Leej Nyob Siab cov Ntshiab yeej, ces thiaj txog lub caij uas cov Ntshiab txais lub teb chaws tus vaj kav los ua lawv tug.
23 Tus neeg ntawd thiaj teb kuv tias: "Tus tsiaj tim plaub ntawd yog ib lub teb chaws muaj vaj ntxwv yuav sawv los nyob hauv ntiaj teb, nws yuav txawv tas cov teb chaws muaj vaj tib si. Nws yuav noj tas lub ntiaj teb, yuav muab rhuav thiab yuav muab tsuj lwj liam tas.
24 Ntawm kaum tus kub mas yog yuav sawv kaum tus vaj nyob hauv lub teb chaws ntawd, thiab yuav muaj dua ib tug vaj sawv lawv cov ntawd qab. Nws yuav txawv cov vaj ua nws ntej tas huv si, thiab nws yuav muab peb tug vaj txo.
25 Nws yuav hais lus thuam Leej Nyob Siab, thiab yuav tsim txom Leej Nyob Siab cov Ntshiab. Nws yuav xav hloov cov caij nyoog ntshiab thiab Txoj Cai. Cov Ntshiab yuav raug nyob hauv nws xib tes ib lub zim txwv, ob lub zim txwv, thiab ib nrab zim txwv (txhais tias: ib xyoos, ob xyoos, thiab ib nrab xyoo).
26 Tab sis thaum txog caij rub rooj txiav txim, luag yuav tshem nws lub hwj huam ua vaj kom poob, kom yaj kom ploj mus tas nrho.
27 Ces txoj kev ua vaj thiab txoj kev tswj kav, txoj kev muaj hwj chim nyob tas txhua lub teb chaws hauv lub qab ntuj yuav raug muab pub rau tus Nyob Siab tsoom ntshiab ua lawv tug. Tus Nyob Siab lub ceeb tsheej yog ib lub ceeb tsheej nyob mus li tas ib txhiab ib txhis; tas txhua tus vaj yuav tsob hwb nws thiab yuav mloog nws lus.”

NPN: DN 3: 82, 83, 84, 85, 86, 87

Txais: (59b) Nej cav txog nws lub koob meej thiab nej qhuas txog nws mus li ib txhis.

Tas ib tsoom tib neeg, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Tas ib tsoom His Xas Lais, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Tas ib tsoom Leej Choj, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Huab Tais tsoom tub txib, nej foom lus zoo rau nws
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov ntsuj plig ncaj ncees, nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

Cov neeg siab ntshiab tsis muab hlob,
nej foom lus zoo rau Huab Tais,
nej cav txog nws, nej muab nws saib siab
dua txhua yam tas mus li ib txhiab ib txhis!

Txais: Nej cav txog nws lub koob meej thiab nej qhuas txog nws mus li ib txhis.

As Les Lus yas: LK 21: 36

Txais: As les lus yas, as les lus yas.

Nej yuav ceev faj txhua lub sij hawm thiab yuav teev Ntuj,
nej thiaj yuav muaj zog sawv taus ntseg
nyob ntawm Neeg Leej Tub xub ntiag."

Txais: As les lus yas, as les lus yas.

Ntawv Moo Zoo: LK 21: 34-36

Yes Xus hais rau nws cov thwj tim tias:
34 “Nej ceev faj kom nej lub siab txhob qaug rau txoj kev quav dej quav cawv thiab txoj kev luab cawv kom qaug, thiab rau lub neej tej kev nyuaj siab ntxhov plawv, tsam nej tsis nco faj ces lub zim txwv ntawd cia li poob nthav los rau saum nej,
35 xws li ib lub vas. Vim tias lub zim txwv ntawd yuav los raug txhua leej txhua tus uas nyob saum ntiaj teb daim npoo av.
36 Nej ua ib co neeg feeb meej tas mus li, thiab nej yuav teev Ntuj tiag kom nej thiaj muaj zog hla dhau ib puas tsav yam kev txom nyem uas yuav tshwm sim tuaj, thiab nej thiaj yuav sawv taus ntseg ntawm Neeg Leej Tub xub ntiag.”