PIAV TXOG THAWJ TUG DAB PHEM.

1.Thawj tug dab phem, uas niaj hnub tuaj ntxias neeg, kom neeg nyiam thiab ntshaw ua kev txhaum. Mas yog neeg lub siab phem. Yog neeg lub siab ntshaw kev ua txhaum nyob hauv neeg nruab siab.
Dab phem nws tsis muaj lub cev, dab yog tswv yim. Mas dab thiaj tsom tau thiab nkag tau mus txog neeg lub siab. Yog neeg tsis muaj lub siab ntshaw, ua kev txhaum thiab tsis nyiam. Mas dab ua tsis tau dab tsi rau neeg.
Tsoom dab, mas lawv ntse thiab thoob tsib dua neeg. Dab tsis muaj lub cev, dab yog tswv yim, mas dab thiaj txeem mus tsom tau nyob rau neeg tej nruab tswv yim.
Dab paub tau tus neeg ntshaw ua kev txhaum, cov neeg nyiam thiab ntshaw ua kev txhaum. Mas dab txawj nkag mus txog lawv nruab siab. Ntxias kom tej neeg nyiam thiab ntshaw ua kev txhaum li ntawd, kom lawv txawj ua tej tus yam ntxwv kom lawv sib to tau txog lawv kev nyiam ua txhaum.
Ces lawv mam muab kev ua txhaum tham tawm los, thaum ob tug ntawd. Sib tham haum txog kev ua txhaum lawm, ces nkawd ob leeg puav leej raug dab mus tau nkawd tib si lawm.
Ces nkawd mam ua cov kev txhaum, tawm los yog yog tej kev ua txhaum tub qaug, rau Ntuj thiab tub qaug rau tsoom txheeb ze.
Kom muaj xaiv lus, kis mus thoob qab zej hauv zos. Ua rau tsoom hlob los tsoom yau tau hnov. Thaum ntawd, dab tsis tsa leej twg cai, dab cob qhia kom nkawd hais lus tsis sib haum.
Kom muaj xaiv lus ntau mus thoob plaws rau tsoom txheeb ze, nyob koom tsis tau ua kwv ua tij nrog rau kev ua neej ua tsav. Kom sawv daws muaj kev tsis sib ntseeg, thiaj tau sib ncaim mus.
Thaum zoo li no lawm, mas dab phem haj yam muaj zog, raws li Hmoob cov paj lug hais: Tua ib hneev chob ob tug puav leej tau.
Thaum ob tug ua kis tau rau ob pab lawm, yog dab pub tswv yim thiab qhia, kom neeg siv dab txuj ci. Kom kev ntshaw ua txhaum loj hlob tawg paj txi txiv ncw ntag.
Tej hauj lwm dab qhia no, mas neeg pob ntseg to qhov sai kawg ua rau neeg mas hnov tseeb tas nrho li.
Nyob hauv lub sim ceeb no, mas txhua yam ntshaw los ntawm neeg lub siab nyiam ua kev txhaum los. puav leej tawm ntawm tib txoj kev tuaj, yog tib txoj kev li hais no.

2. Kuj muaj ib txoj kev yuav ua kom dim tau mus thiab!
Tsis hais cov uas twb raug dab phem muas tau lawd, los cov tsis tau mag txoj kev ntxias li. Yog xav kom dab phem txhob siv nws cov txuj ci los ntxias yus ntxiv lawm.
Mas kawg yog nws yuav vam thiab khaub zig txog Leej Ntuj Plig, uas Nws yog kiag tus Tswv Ntuj tsis ntuj tsim teb zaj txuj ci xwb:
Leej Ntuj Plig yog Tswv Yim, mas Nws thiaj txeem mus txog rau neeg tej siab ntsws. Yus yuav thov kom Leej Ntuj Plig qhia qhov tseeb rau yus.
Leej Ntuj Plig thiaj paub txoj kev hwm Tswv Ntuj thiab qhia yus, kom txawj ua xis Tswv Ntuj siab. kom yus txawj hwm Ntuj thiab hwm neeg.
Paub txoj kev khuv leej thiab zam txim rau luag, txoj kev zam txim rau luag. yog ib txoj kev tshaj Ntuj lus loj tas nrho! Ib tug neeg txawj zam rau luag.
Mas nws muaj Leej Ntuj Plig nrog nws nyob, txhua tus neeg txawj zam txim rau luag. Mas nws tsis muaj kev ntxub, Thaum cov neeg ntshaw ua kev txhaum tus ntsuj Plig muaj kev txom nyem loj lawm.
Mas lawv nyiam mus ntsib cov txawj zam txim rau luag, pab daws teeb meem kev tu siab. Tus neeg muaj Leej Ntuj Plig nrog nws nyob, nws yuav txawj muab Leej Ntuj Plig txoj kev hlub los nplij nthuav los qhia.
Kom tus neeg txom nyem to taub txog Tswv Ntuj kev nyiam kev hlub. Ces lawv yuav maj mam hloov siab tau los caum Leej Ntuj Plig qab thiab mloog Nws lus.
Ces tus neeg txawj zam txim rau luag no, nws txoj kev zam txim pus tau cov neeg txhaum los raws Leej Ntuj Plig. Txoj kev zam txim lub txiaj ntsim, hloov tau los kev tshaj Ntuj lus mas yog qhov hais no ntag.
Txoj kev ua lub neej npuab Leej Ntyuj Plig no, Tsis hais leej twg li. Cov xav ua lub neej npuab Leej Ntuj Plig, mas tsis hais tias:
Yog cov coj kev ntseeg los tau ntev lawd xwb, tus ntseeg ntxov los tus nyuam qhuab ntseeg nyob ntawm nws nyiam Leej Ntuj Plig npaum li cas xwb.
Muaj qee leej lawv ntseeg ntuj txij thaum lawv yug los, los lawv paub Leej Ntuj plig, li paub tej neeg nruab zej zog xwb.
Mas lawv kuj tsis paub Leej Ntuj Plig zoo, lawv tsuas paub tias: Muaj Leej Ntuj Plig xwb, lawv tsis paub tias, Leej Ntuj Plig muaj txiaj ntsim los nplua nuj loj li cas thiab.
Qee leej, lawv nyuam qhuav pib ntseeg xwb, mas lawv twb paub Leej Ntuj Plig muaj txiaj ntsim thiab yog tus nplua nuj tshaj lawm.
Qhov kawg tus paub tias, Leej Ntuj Plig yog tus nplua nuj thiab nrog lawv nyob ua ke. Mas nws vam txog lub caij twg, mas Leej Ntuj Plig nyob ntawd pab nws tam sim ntawd.
Tab yog nws nyuam qhuav ntseeg xwb, los twb zoo li nws ntseeg tau ib tiam neeg los lawm. Nws paub Leej Ntuj Plig zoo cuag yog nws niam nws txiv yug kiag. mas nws txawj tso siab dua thiab


Sacramento
Tim 23/3/2019.
Yaj Zoov Ntxheb Xib Hwb.