Cov Zaj Nyeem Hnub Chiv Xyoob B 2015

Nyob zoo Phauj Maiv Tooj,

Ua ntej no kuv vam thiab cia siab tias nyaj nej sawv daws ib tsoom ntseeg yuav tau txais kev noj qab nyob zoo raws li lub siab xav thiab nyiam. Ntawm no kuv yog (Ntsuab Pov Vaj, tus sawv cev ntawm lub Koom Txoos nyob Sacramento, California thiab tus tsim tsa lub website www.hmongcatholicsacramento.com

Kuv xav noog koj tus ua phauj tias nej puas muaj cov zaj nyeem hnub chiv xyoo B 2015? Yog tias nej muaj nyob online no koj qhia kuv mus muab ib co coj los tso rau hauv peb lub website es sawv daws thiaj pom thiab paub txog tias hnub twg nyeem zaj twg. Kuv vam tias koj yuav siv koj lub sij hawm los teb kuv lo lus noog zaum no.

Kawg no, thov kom peb leej Txiv Tswv Ntuj thiab peb tus Huab Tais Yexus nkawm nrog nraim nej txhua tus thiab saib xyuas nej sawv daws kom muaj txoj kev kaj siab thiab nyob luag ntxhis mus li.

Ua tsaug,

Ntsuab Pov Vaj
Web Administrator/Secretary of Hmong Catholic Community of Sacramento, California USA.

Nyob zoo tub Ntsuab Pov,

Zoo siab hnub no, koj tus ua tub tseem lauj koj lub ca&ij muaj nqes tuaj xyuas peb hauv lub vas sab Hmong Catholique no.

Daim phiaj cov zaj nyeem puag xyoo, kuv muab ntawm lub Website Aumônerie Hmong Catholique, uas yog tsoom neeg thoj nam tuaj nyob Fab Kis teb lub Koom Haum, yog Yaj Xaiv Tsom ua tus Tswj thiab TP.Cwj Vuam Chiv yog tus sau feem ntau los.

http://1.bp.blogspot.com/-NcOZ71cTfyo/VMYKu8VWuDI/AAAAAAAAEJY/-bCs-WzN5Bw/s1600/Xam%2BNyoog%2B14-15.jpg.

Yog koj saib ntawm lub Forum Hmong Catholique nov, ntawm phab qheb, page accueil, sab lauj, koj yuav pom lub yeej yeem faib cov caij teev Ntuj ces koj nias mus hauv, yuav muaj daim phiaj xam nyoog nyob hauv. Cia kuv mam li muab los tso rau hauv Forum kom neeg thiaj pom yooj yim.

Koj saib cov phiaj kuv tso nov mas thiaj yog cov phiaj uas siv niaj hnub no, vim teh thaum mas Txiv Vaj Qhia nws hloov tej Hnub Chiv rau tej qhov tseem ceeb nyob hauv keeb kwm lawm ces yog siv cov phiaj qub ces yuav tsis dhos rau cov zaj lub Koom Txoos niaj hnub no los yog dhos rau luag pej kum neeg cov zaj.