Home
Yog koj tso siab rau Yesxus lub siab ntshiab, nws yuav ua koj siab kaj lug 
Cov Teev Leej Ntuj Plig Ntshiab (Renouveau Charismatique), yog thaum Vaj Qhia Zam 23 npaj lub Rooj Ncauj Lus Vas Tis Kaas 2, nws tau thov kom Leej Tswv Yim Ntshiab rov qab nqes los dua ib zaug tshiab li thaum ub rau cov Thwj Tim; vim txoj kev ntseeg ntev ntev los lawm ces tsuag zuj zus lawm; yam li lub pob zeb uas yus txawb mus deb deb lawm ces tsis muaj ceem lawm. Li ntawd Rooj Ncauj Lus Vas Tis Kaas 2 xaus rau 1965, 1967 nyob tim USA, muaj ib pab tub kawm ntawv 12 leeg nyob ib lub University sib sau teev Ntuj ua ke, lawv cia li tau txais LTYN. Ces lawv cia li txawj hais ib cov lus uas lawv tsis paub thiab lawv siab kub lug rau txoj kev ntseeg nrog rau lawv hnov Tswv Ntuj los yog HT.Yes Xus hais lus rau lawv. Tsis ntev tom qab no ces thiaj muaj tshwm rau ntau lub unversity ntxiv. Tib pliag xwb pla mus rau sab Europe. Xyoo 1972(...?), Koom Txoos Catholic Vaj Qhia Paj Lug 6 thiaj li lees txais cov Renouveau Charismastique no rau hauv Koom Txoos Catholic. Cov Renouveau Charismastique no lawv thov Ntuj tau txiaj ntsim heev, tshwj xeeb rau kev mob nkeeg thiab tej teeb meem txhua yam hauv lub neej. Thaum muaj sib koom teev Ntuj mas lawv teev Ntuj ntau heev, muaj hu nkauj teev Ntuj, ua Thaj Txi Ntuj thiab Hawm lub Cim Yug; thaum tau txiaj ntsim mas qhov ntau yog thaum ua Thaj Txiv Ntuj es txais lub Cim Yug thiab thaum Hawm lub Cim Yug.
Arnaud de Lassus-conférence sur Le renouveau Charismatique
PS. Mim, kuv tsis paub cov Renouveau Charismatique no lus As Mes Liv Kas hu li cas?
Yog koj muaj caij no ho tuaj tham me ntsis kom sawv daws paub txog.
Ua tsaug.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
