Teev Leej Ntshiab YOS XES

**Mas Lias** 25th April 2013, 8:36 am

Mas Lias: Tuaj Tshiab; Messages : 57
Date d'inscription : 2012-03-09

Post n°1

Teev Leej Ntshiab YOS XES

Post Mas Lias 25th April 2013, 8:36 am

ZAJ thov LEEJ NTSHIAB YOSXES

Je vous salue, Joseph, vous que la grâce divine a comblé,
le Sauveur a reposé dans vos bras et grandi sous vos yeux,
vous êtes béni entre tous les hommes,
et Jésus, l'Enfant divin de votre virginale épouse est béni.
Saint Joseph, donné pour père au Fils de Dieu,
priez pour nous dans nos soucis de famille, de santé et de travail,
jusqu'à nos derniers jours, et daignez nous secourir à l'heure de notre mort.

Amen.

ZAJ TEEV LEEJ NTSHIAB YOS XES

Koj nyob zoo Yos Xes,
koj tus uas tau txais txiaj ntsim ntshiab puv npo,
tus Cawm Seej tau so hauv koj ob txhais npab thiab koj ntsia ntsoov hlob,
koj yog tus tau txais koob hmoov tshaj tag nrho ib tsoom txiv neej,
YesXus, thiab koj leej sev Nkauj Xwb tus Me Nyuam Ntshiab tau koob tau hmoov.
Leej Ntshiab Yos Xes uas muab los ua Tswv Ntuj leej Tub txiv,
Pab thov Ntuj rau peb cov kev txhawj xeeb hauv peb lub cuab lub yim,
Kom noj qab nyob zoo thiab rau tej dej num, mus txog ntua peb hnub kawg,
thiab thov koj pab peb thaum txog peb lub caij kawg.
Ua li.

Cov phooj ywg, tim 1 lub 5 hlis yog hnub ua hmoov ua hauj lwm. Thiab yog hnub nco teev txog Leej Ntshiab YosXes los pab rau cov txiv tsev, kom lawv txawj coj, hlub poj niam tub se thiab muaj hauj lwm khov kho los mus yug nws cov niam tub.
Peb lub neej tam sim no, ntshe yuav tau teev ntuj heev rau peb cov txiv tsev, kom lawv tsis txhob yuam kev.
Yuav tau thov Leej Ntshiab YosXes tas zog ib yam li teev Leej Ntshiab MabLiab.

**Mas Lias** 28th April 2013, 2:23 am

Mas Lias

Mas Lias: Tuaj Tshiab; Messages : 57
Date d'inscription : 2012-03-09

Post n°2

Re: Teev Leej Ntshiab YOS XES

Post Mas Lias 28th April 2013, 2:23 am

ZAJ TEEV 9 HNUB LEEJ NTSHIAB YOSXES

Neuvaine à Saint Joseph,
pour préparer sa fête.

Saint Joseph,père nourricier si fidèle de l'enfant divin, époux virginal de la mère de Dieu,protecteur puissant de la Sainte Eglise,nous venons vers vous pour nous recommander à votre protection spéciale.Vous n'avez rien cherché en ce monde sinon la gloire de Dieu et le bien du prochain.Tout donné au sauveur,c'était votre joie de prier,de travailler,de vous sacrifier,de souffrir, de mourir pour lui.Vous étiez inconnu en ce monde et cependant connu de Jésus,ses regards reposaient avec complaisance sur votre vie simple et cachée en lui.Saint Joseph,vous avez déjà aidé tant d'hommes,nous venons vers vous avec une grande confiance.Vous voyez dans la lumière de Dieu ce qui nous manque,vous connaissez nos soucis,nos difficultés, nos peines.Nous recommandons à votre sollicitude paternelle cette affaire particulière...(trouver du travail par exemple). Nous la mettons entre vos mains qui ont sauvé Jésus-enfant.mais avant tout implorez pour nous la grâce de ne jamais nous nous séparer de Jésus par le péché mortel,de le connaître et de l'aimer toujours plus,ainsi que sa sainte mère,de vivre toujours en présence de Dieu,de tout faire pour sa gloire et le bien des âmes,et d'arriver un jour à la vision bienheureuse de Dieu pour le louer éternellement avec vous .Ainsi soit-il.

Cette neuvaine est très efficace pour trouver du travail (vérifié plusieurs fois).
Vous pouvez dire cette neuvaine en tout temps,
et il serait bien étonnant si à la fin d'une neuvaine Saint Joseph ne vous trouve pas un petit contrat!
Vous pourrez vérifier cette expérience plusieurs fois.

Zaj thov LEEJ NTSHIAB YOS XES

Leej Ntshiab Yos Xes, uas yog tus Me Nyuam Ntshiab leej txiv yug mov,
uas yog Tswj Ntuj leej Niam nkauj xwb leej nkawm,
tus hwj huam loj tas nrho tiv thaiv lub lub Koom Txoos ntshiab,
peb tuaj thov koj kev pov hwm tshwj xeeb rau peb.

Koj tsis nrhiav dab tsis li nyob ntiaj teb nov tsuas yog Tswv Ntuj lub koob meej thiab hlub luag tej.
Koj muab tag nrho puas tsav yam rau tus Cawm Seej,
teev Ntuj, ua hauj lwm, tiv kev nyiaj rau luag, tiv kev txom nyem,
kev tuag taj nws yog koj qhov chaw xyiv fab.
Tsis muaj neeg paub koj nyob ntiaj teb no tab sis Yes Xus paub koj,
Nws muab koj ua ib tug qauv zoo ntawm koj lub neej, koj lub siab zoo nyob nraim hauv nws.

Leej Ntshiab Yos Xes, koj twb tau pab coob leej ntau tus dhau los lawm,
peb tso siab lug tuaj rau ntawm koj.
Koj pom nyob hauv Tswv Ntuj qhov pom kev tej uas peb tsis muaj,
koj paub peb tej kev txhawj xeeb, peb tej teeb meem, peb tej kev ntxhov siab.
Peb thov koj ua txiv pub txoj kev hlub rau qhov teeb meem nyuaj nov N... (hais qhov koj xav thov rau Leej Ntshiab Yos Xes).

Ua tsaug, Leej Ntshiab Yos Xes, thov koj pab cev peb cov lus rau Leej Txiv, kom nrhiav tau teeb txheem rau peb cov lus thov.
Peb muab peb cov lus thov tso rau koj ob lub xib teg uas tau cawm Me Nyuam Yes Xus,
ua ntej txhua yam, koj pab thov Ntuj kom txoj kev txhaum tsis txhob cais peb deb ntawm Yes Xus ib zaug li,
kom peb tsuas txawj sib nyiam sib hlub ntau zuj zus ntxiv,
txawj nyiam Mab Liab koj leej nkawm,
Nyob nrog nraim Peb tus Tswv Ntuj,
kom ua tag puas tsav yam rau nws lub koob meej thiab ua kom zoo rau tsoom ntsuj plig,
Txog hnub zoo uas peb pom Tswv Ntuj thiab cav lus zoo rau Nws mus li nrog koj.

Ua li.

Zaj teev cuaj hnub no yeej pab kom nrhiav tau hauj lwm, khwv koob ncauj, xav tau vaj tsev nyob tsis hais muag los yuav thiab ntiav (yog yus muag tsis tau, teev Leej Ntshiab Yos Xes kuj pab tau...)
Nej thov zaj teev 9 hnub no mus txhua lub sij hawm,
yog tias thaum nej teev zaj 9 hnub no tas nej tsis tau qhov nej thov mas nej rov txuas 2 zaug 9 hnub ntxiv ua 3 zaug 9 hnub.

Nyob zoo phooj ywg,

Lub sij hawm no zoo li tsis tshua muaj hauj lwm ua lawm, SD yeej txom nyem, ua li mas peb yuav tau thov kom Leej Ntshiab YosXes pab peb thov ntuj rau peb kom muaj hau lwm thiab, kom SD thiaj tsis muaj kev nyuaj siab txog kev nrhiav noj nrhiav haus.

Zaj thov Leej Ntshiab Yos Xes, uas kuv txhais los no, yog muab los thov nrhiav hauj lwm thiab lub neej toob xib txhua yam.

**Maiv Tooj** 1st May 2015, 1:52 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°3

Re: Teev Leej Ntshiab YOS XES

Post Maiv Tooj 1st May 2015, 1:52 am

TEEV LEEJ NTSHIAB YOS XES 9 HNUB teev li cas?

Zaj teev cuaj hnub no yeej pab kom nrhiav tau hauj lwm los yog kev khwv tsis txaus noj tsis txhaus haus, tsis txaus siv, kev ua neej poob qab, thiab muag tej yam khoom loj tsis poob los yog xav yuav ib yam tab sis nyiaj tsis txaus, txhawm peem tsis tau...thc...
Nej thov zaj teev 9 hnub no tau txhua lub sij hawm,
yog tias thaum nej teev zaj 9 hnub no tas nej tsis tau li nej thov,
Nej rov thov dua ntxiv mus txog thaum tau kiag los yog thov 2 zaug 9 hnub ntxiv ua 3 zaug 9 hnub.
Tab sis feem ntau mas tsuas teev ib zaug xwb yeej tau raws siab xav.

Qhov zoo mas yuav daws txhaum thiab txais lub Cim Yug thaum lub caij teev Ntuj 9 hnub.

1- UA NTOO CUAM LUB CIM

2- zaj thov LEEJ NTSHIAB YOS XES

Zaj thov LEEJ NTSHIAB YOS XES

Leej Ntshiab Yos Xes, uas yog tus Me Nyuam Ntshiab leej txiv yug mov,
uas yog Tswj Ntuj leej Niam nkauj xwb leej nkawm,
tus hwj huam loj tas nrho tiv thaiv lub lub Koom Txoos ntshiab,
peb tuaj thov koj kev pov hwm tshwj xeeb rau peb.

Koj tsis nrhiav dab tsis li nyob ntiaj teb nov tsuas yog Tswv Ntuj lub koob meej thiab hlub luag tej.
Koj muab tag nrho puas tsav yam rau tus Cawm Seej,
teev Ntuj, ua hauj lwm, tiv kev nyiaj rau luag, tiv kev txom nyem,
kev tuag taj nws yog koj qhov chaw xyiv fab.
Tsis muaj neeg paub koj nyob ntiaj teb no tab sis Yes Xus paub koj,
Nws muab koj ua ib tug qauv zoo ntawm koj lub neej, koj lub siab zoo nyob nraim hauv nws.

Leej Ntshiab Yos Xes, koj twb tau pab coob leej ntau tus dhau los lawm,
peb tso siab lug tuaj rau ntawm koj.
Koj pom nyob hauv Tswv Ntuj qhov pom kev tej uas peb tsis muaj,
koj paub peb tej kev txhawj xeeb, peb tej teeb meem, peb tej kev ntxhov siab.
Peb thov koj ua txiv pub txoj kev hlub rau qhov teeb meem nyuaj nov N... (hais qhov koj xav thov rau Leej Ntshiab Yos Xes).

Ua tsaug, Leej Ntshiab Yos Xes, thov koj pab cev peb cov lus rau Leej Txiv, kom nrhiav tau teeb txheem rau peb cov lus thov.
Peb muab peb cov lus thov tso rau koj ob lub xib teg uas tau cawm Me Nyuam Yes Xus,
ua ntej txhua yam, koj pab thov Ntuj kom txoj kev txhaum tsis txhob cais peb deb ntawm Yes Xus ib zaug li,
kom peb tsuas txawj sib nyiam sib hlub ntau zuj zus ntxiv,
txawj nyiam Mab Liab koj leej nkawm,
Nyob nrog nraim Peb tus Tswv Ntuj,
kom ua tag puas tsav yam rau nws lub koob meej thiab ua kom zoo rau tsoom ntsuj plig,
Txog hnub zoo uas peb pom Tswv Ntuj thiab cav lus zoo rau Nws mus li nrog koj.

Ua li.

3- Cov lus thov Leej Ntshiab Yos Xes ( raws li hnub, Hnub 1 mus txog hnub 9.)

Hnub 1: Leej Ntshiab Yos Xes, Nco txog Leej Txiv
Ntsia koj tus qauv, Leej Ntshiab Yos Xes, thov kom peb txawj ua peb lub neej hauv txoj kev txawj mloog luag, txawj hwm tag nrho cov neeg uas peb ntsib. Pab qhia kom peb txawj txais luag li peb yog Leej Txiv cov tub cov ntxhais. Kuv sam hwm rau koj Yos Xes.

4- ZAJ TEEV LEEJ NTSHIAB YOSXES

Koj nyob zoo Yos Xes,
koj tus uas tau txais txiaj ntsim ntshiab puv npo,
tus Cawm Seej tau so hauv koj ob txhais npab thiab koj ntsia ntsoov hlob,
tag nrho ib tsoom txiv neej koj tau txais koob hmoov,
thiab YesXus, thiab koj leej sev nkauj xwb tus Me Nyuam Ntshiab tau koob tau hmoov.
Leej Ntshiab Yos Xes, muab los ua Tswv Ntuj leej Tub txiv,
Pab thov Ntuj rau peb cov kev txhawj xeeb hauv peb lub cuab lub yim,
Kom noj qab nyob zoo thiab tes dej num, mus txog ntua peb hnub kawg,
thiab thov koj pab peb thaum txog peb lub caij kawg.
Ua li.

5- Hais zaj Peb Txiv.
6- Hais zaj koj nyob kaj lug Mab Liab.
7- Hais zaj Huab Tais Leej Txiv,
8- Leej Ntshiab Yos Xes thov Ntuj rau peb (hais los lus no xaus).
9- Ua ntoo cuam lub cim.

TAS.

Last edited by Maiv Tooj on 1st April 2022, 2:13 am; edited 16 times in total

**Maiv Tooj** 1st May 2015, 8:49 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°4

Re: Teev Leej Ntshiab YOS XES

Post Maiv Tooj 1st May 2015, 8:49 am

Cov lus thov Leej Ntshiab Yos Xes ( raws li hnub, Hnub 1 mus txog hnub 9.)

Hnub 1: Leej Ntshiab Yos Xes, Nco txog Leej Txiv
Ntsia koj tus qauv, Leej Ntshiab Yos Xes, thov kom peb txawj ua peb lub neej hauv txoj kev txawj mloog luag, txawj hwm tag nrho cov neeg uas peb ntsib. Pab qhia kom peb txawj txais luag li peb yog Leej Txiv cov tub cov ntxhais. Kuv sam hwm rau koj Yos Xes.

Hnub 2: Leej Ntshiab Yos Xes yog ib tug coj kev niaj hnub rau leej neeg.
Leej Ntshiab Yos Xes, peb yuav hu koj ua tus Leej Ntshiab Tswv Ntuj Xeeb ua neeg. Leej Ntshiab Yos Xes, peb thov koj ua ib tug qauv rau cov txiv neej thiab rau cov txiv kom muaj kev ncaj ncees, muaj kev thaj tsob uas lub ntiaj teb niaj hnub no xav tau (need, besoin) los pab cawm lawv cov tsev neeg uas muaj kav txhawj xeeb.

Hnub 3: Leej Ntshiab Yos Xes thiab tsev neeg tej vaj tse.
Kom peb txawj qheb peb tej vaj tse los txais Mab Liab thiab Me Nyuam Yes Xus. Txhob ntshai txais Tsev Neeg Ntshiab los nrog peb koom tsum. Leej Ntshiab Yos Xes uas roos cov tsev neeg, thov pab kom peb thim xav txog tus txiv tsev lub luag hauj lwm kom tsoom txiv tsev nrhiav tau lawv lawv lub meej mom.

Hnub 4: Leej Ntshiab Yos Xes, qauv xeeb ua neeg.
Leej Ntshiab Yos Xes, thaum tus Tshiab Xa Moo, koj cia li yoog koj lub siab los txais txoj kev twj cuab ua neeg nyob ib leeg kom tau nrog Mab Liab nyob. Leej Ntshiab Yos Xes, thov koj pab qhia kom peb paub tias txoj kev txwj nkawm sib hlub tseem ceeb npaum li cas thaum uas peb ntsib kev ntxhov siab. Thov pab kom nyob hauv peb cov tsev neeg, peb muaj yeej txoj kev twm xeeb, txoj kev ciaj caub, ntawm tej kev sib nrauj kev ciav cais.

Hnub 5: Leej Ntshiab Yos Xes, yog qhov pom kev rau peb kev tsaus ntuj.
Leej Ntshiab Yos Xes, koj tau txhawj xeeb rau qhov muab tsis tau ib qho chaw zoo rau Leej Tub los yug thiab koj mloog lus, koj tso siab rau ib qhov chaw uas tsis muaj neeg nco txog kiag li: yog lub nkuaj nyug. Hauv peb txoj kev tsaus ntuj thiab peb kev txom nyem, Leej Ntshiab Yos Xes, koj qhia kom peb txawj txais Me Nyuam Yes Xus nyob hauv peb lub siab.

Hnub 6: Leej Ntshiab Yos Xes, tsom kwm mob nkeeg.
Leej Ntshiab Yos Xes, pab kom peb txhob qhwv peb lub siab thaum peb muaj txiab xeeb; ua kom peb muaj siab qheb peb lub siab rau Leej Txiv cov neeg siab ntshiab txoj kev. Peb tso peb cov neeg mob rau koj txhais tes.

Hnub 7: Leej Ntshiab Yos Xes, tsom kwm lub Koom Txoos.
Leej Ntshiab Yos Xes, Leej Yaj tus zov keeb, tus tsom kwm Tsev Neeg Ntshiab, Leej Txiv muab lub txiaj ntsim rau koj los ua lub Koom Txoos tus zov keeb. Qhia kom peb txawj nyiam lub Koom Txoos, kom peb txhob ntxeev siab rau lub Cim Yug, kom peb rau siab teev Ntuj nyob hauv peb txoj kev hlub.

Hnub 8: Leej Ntshiab Yos Xes yog kev ua kwv ua tij lub plawv.
Yos Xes tus siab zoo siab ncaj koom nrog Yes Xus thiab Mab Liab kev thooj siab. Leej Ntshiab Yos Xes, thov koj qhia kom peb txawj muaj lub siab hlub thiab kom peb yog ib tug twj kev thaj yeeb rau hauv peb lub neej niaj hnub rau txhua leej uas lawv tos peb txoj kev pab.

Hnub 9: Leej Ntshiab Yos Xes, pab kom thaum tuag zoo thiab pab cov ntsuj plig them txim.
Yes Xus, Mab Liab, Yos Xes, thov Ntuj rau peb thiab txhua leej hauv peb tsev neeg thaum lub caij tuag. Peb cwb peb cov neeg uas tau tso lub ntiaj teb no tseg rau koj. Thov kom Tswv Ntuj txais lawv mus rau Ntuj lub Ceeb Tsheej qhov chaw uas lawv nyob xyiv fab li cov neeg siab ntshiab mus ib txhiab ib txhid.

Last edited by Maiv Tooj on 20th February 2022, 1:31 am; edited 6 times in total

**Maiv Tooj** 21st November 2015, 9:50 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°5

Re: Teev Leej Ntshiab YOS XES

Post Maiv Tooj 21st November 2015, 9:50 am

LUS POV THAWJ.

Saint Joseph et le témoignage d'un miracle étonnant / Soeur Emmanuel Maillard

Phauj Emanuel Maillard ua ib qho tim khawv txog kev teev LN. Yos Xes.
Phauj hais tias peb yuav tsum nco ntsoov thov LN.Yos Xes pab peb, tshwj xeeb cov tsev neeg txom nyem nyiaj txiag thiab tsis muaj hauj lwm ua.

Npaj raws li nrawm no: Ntawm yus lub thaj teev Ntuj, muab ib phau Ntawv Ntshiab, ib tug mlom los duab Mab Liab, ib tug Ntoo Cuam, ib txoj saw Mab Liab thiab ib tug mlom LN.Yos Xes tso rau ntawd, thaum yus muaj teeb meem nyiaj txiag, sau ib daim ntawv me me thov LN. Yos Xes muab ntsaws rau hauv tus mom Yos Xes qab. Ces teev cov zaj teev LN. Yos Xes mas nej yuav tau raws siab xav.

Phauj Es Mas Nus Es zaj tim khawv: "Niaj xyoo yuav txog caij ntuj tsaug ces lawv yuav roj av los teem cia tau taws kom sov tsev. Lawv txawm npaj yuav yuav naj ua cas xyoo ntawd roj txawm nce nqe 60% ces lawv nyiaj tsis txaus yuav roj rau lawv taws ib xyoo ntuj tsaug. Lawv niaj tais kis hu nkauj cav txog LN. Yos Xes, muaj ib taig kis, Phauj Es Mas Nus Es cia li hais rau LN.Yos Xes hais tias: "LN. Yos Xes, koj yuav tau pab peb, vim peb nyiaj tsis txaus yuav roj kav xyoo, seb koj yuv ua kom nqe roj rov nqes los seb koj yuav ua kom peb cov roj ntau tuaj. Hais li nov tag ces lawv txawm yuav tau 500 l. roj rau hauv thoob, Phauj Es Mas Nus Es mus tawm rooj lawm. Nws rov los, muaj ib tug phauj hais rau nws tias: Phauj koj mus lawm, peb rauv roj zoo li tsis nqeg li. Ces lawv rov rau ntxiv 15 hnub, rov mus saib koj puv nkaus li qub. Ces Phauj Es Mas Nus Es thiaj li hais rau lawv tias: "Zau no yog LN. Yos Xes ntxiv peb cov roj rau peb, ces peb rau siab ntso rauv, peb yuav tsis txuag cuaj li yav tag los no uas tsuav ib nyuag sov ces peb yuav ntswj kom txias. Peb rauv txog lub 3 hlis rau xyoo tom qab, kuj tseem tshuav 500 liv li qub thaud.

Last edited by Maiv Tooj on 2nd September 2021, 5:27 am; edited 2 times in total

**Maiv Tooj** 28th November 2015, 5:15 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°6

Re: Teev Leej Ntshiab YOS XES

Post Maiv Tooj 28th November 2015, 5:15 pm

LUS POV THAWJ.

Muaj ib tug poj niam hluas, nws tus txiv ib txwm ua hauj lwm, tab sis tsis zwm lub tsev hauj lwm ces tau yuav luag ib xyoos no nws tus txiv raug ib tug mob nyhav, nws pw tsev kho mob txog tav nov; yam li nws tsis zwm rau tsev hauj lwm ces thaum nws muaj mob tsev hauj lwm tsis them nyiaj hli rau nws. Tshua tus niam lub nyiaj hli los koob tsev neeg xwb mas nyuaj kawg rau nws. Nws lub tsheb los ib sij tuag ib zaug, kho kho ua pluag tas. Ces nws txawm teev LN.Yos Xes 9 hnub, nws thov tag 9 hnub xwb ces nws niam pog thiab txiv yawg cia li yuav ib lub tsheb tshiab tuaj pub rau lawv cov niam tub siv mas nws zoo siab kawg rau LN.Yos Xes pab thov nws niam pog txiv yawg pab daws nws ib txoj kev nyuaj siab.

Tsab ntawv sau: Tim 26-11-2015.

Last edited by Maiv Tooj on 11th December 2017, 6:03 am; edited 1 time in total

**Maiv Tooj** 7th December 2015, 8:41 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°7

Re: Teev Leej Ntshiab YOS XES

Post Maiv Tooj 7th December 2015, 8:41 am

Leej Ntshiab Yos Xes thiab rev paj.

Peb pheej txeev pom duab LN.Yos Xes nrog ib re paj tab sis peb tsis paub hais tias yog vim li cas. Vim nyob hauv Ntawv Moo Zoo tsis pom sau tseg. Hnub Xya tim 05-12-2015 no kuv tau ntsib Tswv Qhia Liab Lyon, Mgr.Barbarin tus tim xyoob, TP.Max Bobichon, nws tham rau kuv hais tias: "Nkauj Ntshiab nyob hauv ib lub Tsev teev Ntuj (Temple), thaum nws loj lawm, txog caij yuav xaiv txiv rau Mab Liab ces tus leej choj Zaccari hauv tsev teev Ntuj txawm tshaj rau cov txiv neej uas tsis muaj poj niam nyob hauv lub zos txij li zoo muab nyab 15 xyoos mus rau 40 xyoo kom ib leeg nqa ib tug ceg ntoo tuaj tso rau hauv tsev teev Ntuj ib hmos taig kis yog leej twg tus hlav nplooj thiab tawg paj no ces yuav muab Mab Liab rau tus ntawd ua poj niam." Lawv txawm nqa ib leej ib tug pas tuaj tso rau hauv tsev teev Ntuj, ib hmos taig kis yog LN.Yos Xes tus hlav nplooj thiab tawg paj. Ces thiaj li muab Mab Liab rau nws yuav....Ces nej paub zaj dab neeg tom qab qhov ntawd lawm.
( Yos Xes niam thiab Mab Liab niam yog viv ncaus, thaum Yos Xes hnub nyoog 15 xyoos ces yug Mab Liab. Thaum Mab Liab niam tsdis muaj me nyuam, txeev coj Yos Xes tus kav hu ua Alphée mus nrog nws pw. Tom qab nov Alphée yog Yes Xus ob tug Thwj Tim Yas Kos tus Hlob thiab Zus (Jules) nkawd txiv. Yas Kos tus Hlob thiab Zus yog ob tug Thwj Tim uas lawv hu ua Yes Xus cov kwv tij.

Last edited by Maiv Tooj on 2nd September 2021, 5:35 am; edited 1 time in total

**Maiv Tooj** 28th November 2016, 9:24 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°8

Re: Teev Leej Ntshiab YOS XES

Post Maiv Tooj 28th November 2016, 9:24 pm

TEEV LEEJ NTSHIAB YOS XES 9 HNUB teev li cas?

Zaj teev cuaj hnub no yeej pab kom nrhiav tau hauj lwm los yog kev khwv tsis txaus noj tsis txhaus haus, tsis txaus siv, kev ua neej poob qab, thiab muag tej yam khoom loj tsis poob los yog xav yuav ib yam tab sis nyiaj tsis txaus, txhawm peem tsis tau...thc...
Nej thov zaj teev 9 hnub no tau txhua lub sij hawm,
yog tias thaum nej teev zaj 9 hnub no tas nej tsis tau hauj lwm ,
Nej rov thov dua ntxiv mus txog thaum tau kiag....

Qhov zoo mas yuav daws txhaum thiab txais lub Cim Yug thaum lub caij teev Ntuj 9 hnub.

1- UA NTOO CUAM LUB CIM

2- Zaj thov LEEJ NTSHIAB YOS XES
Leej Ntshiab Yos Xes, uas yog tus Me Nyuam Ntshiab leej txiv yug mov,
uas yog Tswj Ntuj leej Niam nkauj xwb leej nkawm,
tus hwj huam loj tas nrho tiv thaiv lub lub Koom Txoos ntshiab,
peb tuaj thov koj kev pov hwm tshwj xeeb rau peb.

Koj tsis nrhiav dab tsis li nyob ntiaj teb nov tsuas yog Tswv Ntuj lub koob meej thiab hlub luag tej.
Koj muab tag nrho puas tsav yam rau tus Cawm Seej,
teev Ntuj, ua hauj lwm, tiv kev nyiaj rau luag, tiv kev txom nyem,
kev tuag taj nws yog koj qhov chaw xyiv fab.
Tsis muaj neeg paub koj nyob ntiaj teb no tab sis Yes Xus paub koj,
Nws saib koj ua ib tug qauv zoo hauv koj lub neej ua siab zoo nyob zais ntshis hauv nws.

Leej Ntshiab Yos Xes, koj twb tau pab coob leej ntau tus dhau los lawm,
peb tso siab lug tuaj rau ntawm koj.
Koj pom nyob hauv Tswv Ntuj qhov pom kev tej uas peb tsis muaj,
koj paub peb tej kev txhawj xeeb, peb tej teeb meem, peb tej kev ntxhov siab.
Peb thov koj ua txiv pub txoj kev hlub rau qhov teeb meem nyuaj nov N... (hais qhov koj xav thov rau Leej Ntshiab Yos Xes).

Ua tsaug, Leej Ntshiab Yos Xes, thov koj pab cev peb cov lus rau Leej Txiv, kom nrhiav tau teeb txheem rau peb cov lus thov.
Peb muab peb cov lus thov tso rau koj ob lub xib teg uas tau cawm Me Nyuam Yes Xus,
ua ntej txhua yam, koj pab thov Ntuj kom txoj kev txhaum tsis txhob cais peb deb ntawm Yes Xus ib zaug li,
kom peb tsuas txawj sib nyiam sib hlub ntau zuj zus ntxiv,
txawj nyiam Mab Liab koj leej nkawm,
Nyob nrog nraim Peb tus Tswv Ntuj,
kom ua tag puas tsav yam rau nws lub koob meej thiab ua kom zoo rau tsoom ntsuj plig,
Txog hnub zoo uas peb pom Tswv Ntuj thiab cav lus zoo rau Nws mus li nrog koj.

Ua li.

3- Cov lus thov Leej Ntshiab Yos Xes ( raws li hnub, Hnub 1 mus txog hnub 9.)

Hnub 1: Leej Ntshiab Yos Xes, Nco txog Leej Txiv
Ntsia koj tus qauv, Leej Ntshiab Yos Xes, thov kom peb txawj ua peb lub neej hauv txoj kev txawj mloog luag, txawj hwm tag nrho cov neeg uas peb ntsib. Pab qhia kom peb txawj txais luag zoo li peb yog Leej Txiv cov tub cov ntxhais. Kuv sam hwm rau koj Yos Xes.

4- ZAJ TEEV LEEJ NTSHIAB YOS XES
Koj nyob zoo Yos Xes,
koj tus uas tau txais txiaj ntsim ntshiab puv npo,
tus Cawm Seej tau so hauv koj ob txhais npab thiab koj ntsia ntsoov hlob,
tag nrho ib tsoom txiv neej yog koj tus tau txais koob hmoov,
thiab YesXus, thiab koj leej sev nkauj xwb tus Me Nyuam Ntshiab tau koob tau hmoov.
Leej Ntshiab Yos Xes, muab los ua Tswv Ntuj leej Tub txiv,
Pab thov Ntuj rau peb cov kev txhawj xeeb hauv peb lub cuab lub yig,
Kom noj qab nyob zoo thiab tes dej num, mus txog ntua peb hnub kawg,
thiab thov koj pab peb thaum txog peb lub caij kawg.
Ua li.

5-Zaj Peb Txiv Nyob Saum Ntuj
Peb Txiv nyob saum ntuj,
Koj lub npe ntshiab nto moo lug.
Koj lub Ceeb Tsheej los txog.
Kom muaj raws li koj nyiam nyob ntiaj teb no li nyob saum ntuj.
Thov koj pub mov txaus peb noj hnub no.
Koj zam txhaum rau peb, zoo li peb zam rau luag.
Koj txhob tso peb raug kev ntxias,
Koj npo peb dim ntawm kev phem. Ua li

6- Koj nyob kaj lug Mab Liab
Koj nyob kaj lug Mab Liab, tus tau txiaj ntsim puv siab.
Huab Tais nrog koj nyob. Koj tau koob tau hmoov tshaj ib zeej tsoom poj
niam tib si. Thiab Yes Xus, lub txiv uas koj lub cev txi, tau koob tau
hmoov.
Leej Ntshiab Mab Liab, Tswv Ntuj Leej Niam,
Koj thov Ntuj hlub peb cov neeg txhaum,
Nyem no mus txog thaum peb lub caij dua. Ua li.

7-Huab Tais Leej Txiv
Huab Tais Leej Txiv, Huab Tais Leej Tub, Huab Tais Leej Ntuj Plig muaj
koob meej nto moo lug.
Lub zim txwv no mus txog fab lwm txheej, xws li txheej laus thaud los.
Ua li.

8- Leej Ntshiab Yos Xes thov Ntuj rau peb
9- Ua ntoo cuam lub cim.

TAS.
=============================

Cov lus thov Leej Ntshiab Yos Xes ( raws li hnub, Hnub 1 mus txog hnub 9.)

Hnub 1: Leej Ntshiab Yos Xes, Nco txog Leej Txiv
Ntsia koj tus qauv, Leej Ntshiab Yos Xes, thov kom peb txawj ua peb lub neej hauv txoj kev txawj mloog luag, txawj hwm tag nrho cov neeg uas peb ntsib. Pab qhia kom peb txawj txais luag zoo li peb yog Leej Txiv cov tub cov ntxhais. Kuv sam hwm rau koj Yos Xes.

Hnub 2: Leej Ntshiab Yos Xes yog ib tug coj kev niaj hnub rau leej neeg.
Leej Ntshiab Yos Xes, peb yuav hu koj ua tus Leej Ntshiab Tswv Ntuj Xeeb ua neeg. Leej Ntshiab Yos Xes, peb thov koj ua ib tug qauv rau leej neeg thiab ib leej txiv muaj kev ncaj ncees, kev thaj tsob uas lub ntiaj teb niaj hnub no tau ua chaws meem xeeb los pab cawm lawv cov tsev neeg uas nyob tsis tus.

Hnub 3: Leej Ntshiab Yos Xes thiab tsev neeg tej vaj tse.
Kom peb txawj qheb peb tej vaj tse los txais Mab Liab thiab Me Nyuam Yes Xus. Txhob ntshai txais Tsev Neeg Ntshiab los nrog peb koom tsum. Leej Ntshiab Yos Xes uas roos cov tsev neeg, thov pab kom peb thim xav txog tus txiv tsev lub luag hauj lwm kom tsoom txiv tsev nrhiav tau lawv lawv lub meej mom.

Hnub 4: Leej Ntshiab Yos Xes, qauv xeeb ua neeg.
Leej Ntshiab Yos Xes, thaum tus Tshiab Xa Moo, koj cia li yoog koj lub siab los txais txoj kev twj cuab ua neeg nyob ib leeg kom thaum kawg tau nrog Mab Liab nyob. Leej Ntshiab Yos Xes, qhia kom peb paub tias txoj kev txwj nkawm sib hlub tseem ceeb npaum li cas thaum peb ntsib kev ntxhov siab. Thov pab kom nyob hauv peb cov tsev neeg, peb yeej txoj kev twm xeeb, txoj kev ciaj caub, ntawm tej kev sib nrauj kev ciav cais.

Hnub 5: Leej Ntshiab Yos Xes, yog qhov pom kev rau peb kev tsaus ntuj.
Leej Ntshiab Yos Xes, koj tau txhawj xeeb rau qhov muab tsis tau ib qho chaw zoo rau Leej Tub los yug thiab koj mloog lus, koj tso siab rau ib qhov chaw uas tsis muaj neeg nco txog kiag li: yog lub nkuaj nyug. Hauv peb txoj kev tsaus ntuj thiab peb kev txom nyem, Leej Ntshiab Yos Xes, koj qhia kom peb txawj txais Me Nyuam Yes Xus nyob hauv peb lub siab.

Hnub 6: Leej Ntshiab Yos Xes, tsom kwm mob nkeeg.
Leej Ntshiab Yos Xes, pab kom peb txhob qhwv peb lub siab thaum peb muaj txiab xeeb; ua kom peb muaj siab qheb peb lub siab rau Leej Txiv cov neeg siab ntshiab txoj kev. Peb tso peb cov neeg mob rau koj txhais tes.

Hnub 7: Leej Ntshiab Yos Xes, tsom kwm lub Koom Txoos.
Leej Ntshiab Yos Xes, Leej Yaj tus zov keeb, tus tsom kwm Tsev Neeg Ntshiab, Leej Txiv muab lub txiaj ntsim rau koj los ua lub Koom Txoos tus zov keeb. Qhia kom peb txawj nyiam lub Koom Txoos, kom peb txhob ntxeev siab rau lub Cim Yug, kom peb rau siab teev Ntuj nyob hauv peb txoj kev hlub.

Hnub 8: Leej Ntshiab Yos Xes yog kev ua kwv ua tij lub plawv.
Yos Xes tus siab zoo siab ncaj koom nrog Yes Xus thiab Mab Liab kev thooj siab. Leej Ntshiab Yos Xes, thov koj qhia kom peb txawj muaj lub siab hlub thiab kom peb yog ib tug twj kev thaj yeeb rau hauv peb lub neej niaj hnub rau txhua leej uas lawv tos peb txoj kev pab.

Hnub 9: Leej Ntshiab Yos Xes, pab kom thaum lub caij tuag zoo thiab pab cov ntsuj plig them txim.
Yes Xus, Mab Liab, Yos Xes, thov Ntuj rau peb thiab txhua leej hauv peb tsev neeg thaum lub caij tuag. Peb cwb peb cov neeg uas tau tso lub ntiaj teb no tseg rau koj. Thov kom Tswv Ntuj txais lawv mus rau Ntuj lub Ceeb Tsheej qhov chaw uas lawv nyob xyiv fab li cov neeg siab ntshiab mus ib txhiab ib txhid.

Txhais los ntawm lub website Internet-Prayer-Group:
http://www.internetgebetskreis.com/fr/pri%C3%A8res/neuvaine-%C3%A0-saint-joseph-pri%C3%A8re-%C3%A0-st-joseph-(st-grignon-de-montfort)/

Maiv Tooj
Lyon, Fab Kis teb
Tim 28-11-2016

**Maiv Tooj** 30th November 2016, 10:05 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°9

Re: Teev Leej Ntshiab YOS XES

Post Maiv Tooj 30th November 2016, 10:05 am

Lus pov thawj ( nrog mab sua nyob xwb ces muab mab sua ua piv txwv).

Anne-Marie :

- Anne-Marie yog ib tug poj niam Camerounaise, thaum nws yau nws tau mus nrog cov Phauj Catholique nyob kawm ntawv nyob Cameroun teb. Nws ntseeg Protestant, nws hlob nws yuav txiv, nws tuaj rau Fab Kis teb. Tuaj txog tsis ntev ces nkawd ob niam txiv sib nrauj, nkawd muaj ob tug me nyuam nrog niam. Thaum nkawd ob niam txiv sib nrauj tag ces Anne-Marie hloov siab los ua Catholique, tab sis tseem tab tom kawm kev cai yuav npaj txais lub Cim Yug. Ntxuav Plig ces twb ntxuav hauv cov Protestants lawm ces Koom Txoos catholique kuj lees paub yog muaj daim ntawv Ntxuav Plig ces tau lawm tsis rov Ntxuav Plig dua. Cov Protestants tsis muaj 7 lib Cim, li ntawd nws thiaj npaj txais lub Cim Yug.
Ib hnub thaum lub 3 hlis 2016 nov, peb mus teev Ntuj ua ke, Anne-Marie thiab ob peb leeg nrog kuv caij tsheb, thaum mus kuv tsis nrog nws tham, kuv nrog cov uas peb twb sib paub lawd tham kev noj qab nyob zoo xwb. Thaum rov qab, kuv txawm nug nws tias : « Anne-Marie, koj ua hauj lwm dab tsi ? » Vim yag thawj zaug kuv ntsib nws xwb, kuv tsis tau paub nws li. Nws txawm teb kuv tias : « Kuv tsis ua hauj lwm. » Tham ib pliag, nws piav nws lub neej thiab hais rau kuv tias nws tuaj nyob Fab Kis teb nov tau 10 xyoo lawm.
Kuv txawm xav hais tias ib tug niam tsev nrog ob tug me nyuam, tsis ua hauj lwm, ntshe yuav txom nyem nyiaj txiag me ntsis. Ces kuv txawm hais rau nws tias : « Yog tej thaum koj tsis txhawm peem no koj teev Leej Ntshiab Yos Xes 9 hnub pab koj. Vim nws yog tus Leej Ntshiab tsob hwb cov tsev neeg. » Anne-Marie luag ib suab, thuam. (Vim cov Protestants tsis ntseeg, tsis hwm cov Leej Ntshiab). Ces kuv txawm rov hais tias : « Txhob luag maj ! Leej hos ! ». Ces kuv txawm tham ob peb qhov piv txwv rau nws thiab hais rau nws tias thaum koj thov txog Leej Ntshiab Yos Xes mas tsis yog nyiaj yuav poob saum ntuj los rau koj tab sis lwm tus yuav muab rau koj. Ces wb txawm tsis tham ntxiv lawm.
Kuv xa nyias mus rau nyias tsev tag ces ib hlis dhau mus peb rov sib ntsib lub hli tom qab. Kuv tsis nco qab txog lawm. Anne-Marie hais rau kuv tias : « Auj ! Kuv hais tias kuv yuav tsum hais rau koj paub qhov kuv tau txais no ! Vim muaj koj qhia kuv thiaj tau los them kuv tej nuj nqes thiab tseem txaus ua nqe kev rau peb cov niam tub mus teev Ntuj pem Paray le Monial thiab. »
Kuv hais rau nws tias dab tsi ?
Kuv tsis paub koj hais dab tsi ?
Nws luag luag, nws hais tias, koj kom kuv teev Leej Ntshiab Yos Xes, yog kuv tsis muaj nyiaj txiag txaus siv. Thaum ntawd kuv mam rov nco tau, kuv hais rau nws tias : Thaum ntawd koj luag thuam kuv, tab sis kuv paub tias yav dhau los nej tsis hwm cov Leej Ntshiab ces kuv thiaj li qhia kom koj paub tias hwm cov Leej Ntshiab muaj txiaj ntsim no.
Anne-Marie tham hais tias thaum ntawd nws siv nyiaj hauv nws lub bank tshaj 350€, nws teev Leej Ntshiab Yos Xes tag, tsis paub ua li cas nws cia li tsis tshua nqe hauv ban lawm, nws tus txiv uas nws nrauj cia li pov ib daim chèque 150€ rau hauv nws lub tsev ntawv. Nws tsis tshuav nqe tom bank lawm, nws tau 150€ ntawd coj los them nqe kev thiab nqe nyob rau lawv cov niam tub mus teev Ntuj (pèlerinage) pem Paray Le Monial uas yog ib qho chaw Ntshiab ( ib tug phauj twb hais rau nws tias yog nws tsis muaj nyiaj txaus los sawv daws mam pab ntxiv rau nws no, tab sis nws hais tias: " yog kuv tsis muaj nyiaj them ces kuv tsis mus").

Lydie :
Thaum lub 10 hlis 2016, muaj ib tug ntxhais Madagacar tsis tau tau ntawv nyob Fab Kis teb, tsis muaj nyiaj pab, nrog ob niam txiv sib paub nyob xwb. Kuv hais rau nws tias : « Koj txom nyem nyiaj txiag no koj thov Leej Ntshiab Yos Xes 9 hnub pab koj. » Nws tsis paub ces kuv kom nws mus nrhiav hauv cab sab. Nws teev twb tsis tau tag 9 hnub, nws ib tug phooj ywg muab tau 51€ rau nws. Nws zoo siab heev.

Maiv Tooj :
Nyob Fab Kis teb txoj cai roos cov neeg ua hauj lwm nruj heev.
Kuv ua hauj lwm ib qho chaw tau 3 xyoos no. Muaj teeb meem tab sis kuv tsis paub kuv txoj cai, cas luag muaj cai tas mus li xwb, Kuv ua zoo npaum twg los tsis txaus rau luag ,kuv tsis pom qab ua li cas lawm.
- Hnub tim 05/06/2016 nov kuv xav xav, kuv thiaj li pib teev Leej Ntshiab Yos Xes 9 hnub.
- Hnub tim 07/06/2016, kuv thiaj xav tias lam mus cuag Inspection de Travail seb lawv puas muaj ib txoj hauv kev pab kuv. Kuv mus lawv saib kiag kuv daim txhooj ua hauj lwm thiab kuv cov ntawv nyiaj hli xwb lawv hais kom kuv mus kom kuv tus los pav kom them cov nyiaj uas nws tsis them tag rau kuv. Kuv hais tias es qhov lawv sau loj loj nov, lawv twb sau ib cov me me hauv qab nev ! Koj nyeem puas thoob maj ? Lawv teb kuv tias pom mas, peb tsuas lees paub qhov loj loj xwb nws tsis muaj tus tom cai yuav ntxiv tej kab me me rau.
- Tim 10/06/2016 kuv mus cuag kws lij choj (Avocat, lawyer).
- Tim 16/06/2016 wb ua ntawv xyuam paj nqes ntim.
- Tim 18/11/2016, Txiav rooj plaub hauv Prud’Homme, kuv tus los pav tau them tag nrhog cov nyiaj uas nws kom kuv ua hauj lwm ntau tab sis muab kuv lub caij lov kom tsawg kom nws tau them tsawg rau kuv thiab them kuv nqe kom nws tib si nrog rau kho kuv me ntsis.

PS. Yog peb tso siab rau Tswv Ntuj thiab peb ua raws li Nws cov lus qhia, mas Nws yuav nrog nraim peb, yuav tsis pub peb maub kev tsaus ntuj . Nws yuav ua kom peb ntsib cov neeg zoo, qheb qhov rooj rau peb txhua qhov. Peb yuav txhob ntshai tsam Tswv Ntuj tsis hnov tsis pab peb, peb ua neeg pob ntseg sib, mloog tus ub tus no, ua zaj ub zaj no los ntxiv peb txoj kev ntseeg. Txog thaum kawg ces qhov raug luag haub tsis tau, ntawm Tswv Ntuj los peb tsis tso siab tiag, peb tseem ua txhaum ntxiv rau nws thiab ces peb tsis tau, peb poob tag nrho. Thiaj li ua neej tsaus ntuj nti.

Cua :
Cua yog ib tug niam tsev hluas, nws tus txiv muaj txiab xeeb nyhav, mus pw tsev kho mob tau ntau lub hlis. Cua ib leeg nta lub vaj lub tsev thiab cov me nyuam xwb, nws lub tsheb ib sij puas ib zaug ua rau nws sam tam tag. Kuv kom nws teev Leej Ntshiab Yos Xes. Thaum 2015 yuav tag, nws tau teev Leej Ntshiab Yos Xes 9 hnub, teev tag ces nws niam pog thiab txiv yawg yuav tau ib lub tsheb pub Cua .

Thaum lub 5 hlis 2016 nov, tus technicien tuaj sau Cua lub compteur, nqe taws xob raug 1336€ kom them lub 6 hli kiag ntag. Ntau heev rau Cua. Cua ua zaj twg los tsis tau li, rov hu dua ib tug technicien tuaj xyuas dua los nws hais tias yeej raug li ntawd hauv lub compteur. Ces Cua txawm teev Leej Ntshiab Yos Xes 9 hnub tag, Cua rov hu rau Tsev taws xob, lawv rov xa dua ib tug technicien tuaj dua ; nws hais tias yog tim lub compteur, lub 8 hli nov lawv tuaj hloov dua ib lub tshiab rau Cua thiab lawv sau ib daim ntawv tuaj thov txim Cua. Thaum kawg siv ib xyoo taws xob tau them 10€ xwb.

Leej Ntshiab Yos Xes muaj hwj huam tas nrho. Tseem muaj peev xwm ua kom compteur taws xob tuag tau thiab. Cua lub compteur nov nyuam qhuav teeb tau 5-6 xyoo no xwb yeej puas tsis taus ib zaug li.

Cov pov thawj nov kuv muab cov uas muaj feem txog kuv kiag xwb.
Yog tham lwm cov thiab mas ntau heev tham tsis tas li.

Maiv Tooj.
Tim 30-11-2016.

Last edited by Maiv Tooj on 21st January 2021, 9:15 am; edited 1 time in total

**Maiv Tooj** 3rd December 2016, 10:36 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°10

Re: Teev Leej Ntshiab YOS XES

Post Maiv Tooj 3rd December 2016, 10:36 am

Maiv Tooj wrote:

Leej Ntshiab Yos Xes thiab rev paj.

Peb pheej txeev pom duab LN.Yos Xes nrog ib re paj tab sis peb tsis paub hais tias yog vim li cas. Vim nyob hauv Ntawv Moo Zoo tsis pom sau tseg. Hnub Xya tim 05-12-2015 no kuv tau ntsib Tswv Qhia Liab Lyon, Mgr.Barbarin tus tim xyoob, TP.Max Bobichon, nws tham rau kuv hais tias nws mus tshawb hauv cov ntseeg Muv Xis Lim cov ntawv ntshiab, Maum Os Mes tau sau tseg hais tias: "Nkauj Ntshiab nyob hauv ib lub Tsev teev Ntuj (Temple), thaum nws loj lawm, txog caij yuav xaiv txiv rau Mab Liab ces tus leej choj hauv tsev teev Ntuj txawm tshaj rau cov txiv neej uas tsis muaj poj niam ib leeg nqa ib tug ceg ntoo tuaj tso rau hauv tsev teev Ntuj ib hmos taig kis yog leej twg tus hlav nplooj thiab tawg paj no ces yuav muab Mab Liab rau tus ntawd ua poj niam." Lawv txawm nqa ib leej ib tug pas tuaj tso rau hauv tsev teev Ntuj, ib hmos taig kis yog LN.Yos Xes tus hlav nplooj thiab tawg paj. Ces thiaj li muab Mab Liab rau nws yuav....Ces nej paub zaj dab neeg tom qab qhov ntawd lawm.

Raws li Maria Valtorta hais: Anne thiab Joachim nkawd ob leeg puav leej yog caj ces Vaj Das Vis. Nkawd sib sau ua neej laus nkoos tsis muaj tub ki. Anne hnub nyug 54 xyoos, nws tau mus thov Tswv Ntuj hauv lub Tuam Tsev teev Ntuj kom pub ib tug me nyuam rau nws. Yog Tswv Ntuj pub kom nws muaj xwb ces nws yuav muab no ces nws yuav muab tus me nyuam pub rau Tswv ntuj. Ces Anne txawm xeeb tub, nws hnub nyug 55 xyoos. Yug tau Mab Liab, muaj 3 xyoos ces nws muab coj mus nrog tus Tuam Leej Choj Xis Mes Oos nyob txog ntua hnub nyug 15 xyoo ( yog tus tuam leej choj uas plws Me NYuam yes Xus thaum ua lub cim Txiav). Thaum Mab Liab muaj 15 xyoos, txog caij tsa cuab tsa yim rau Mab Liab, nws thiaj hu tag nrho cov txiv neej tab seeb hauv Vaj Das Vis caj ces kom ib leeg nqa ib tug ceg khaub tuaj tso hauv lub Tuam Tsev teev Ntuj, ib hmos taig kis yog leej twg tus hlav nplooj thiab tawg paj no ces muab Mab Liab rau tus ntawd ua sev. Yog Leej Ntshiab Yos Xes yav pas tawg paj. Niaj hnub no thiaj pom daim duab Yos Xes yog nrog me nyuam Yes Xus thiab nqa ib tau paj.

**Maiv Tooj** 9th March 2017, 12:30 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°11

Re: Teev Leej Ntshiab YOS XES

Post Maiv Tooj 9th March 2017, 12:30 am

LUB CAIJ THOV LEEJ NTSHIAB YOS XES.

Thov Leej Ntshiab Yos Xes 9 hnub rau kev khwv noj khwv haus, teeb meem nyiaj txiag thiab hauj lwm.

Pib thov hnub tim 10 lub 3 hlis mus xaus rau hnub tim 19 lub 3 hlis uas yog Hmoov Leej Ntshiab Yos Xes.

**Maiv Tooj** 1st April 2017, 10:43 pm

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°12

Re: Teev Leej Ntshiab YOS XES

Post Maiv Tooj 1st April 2017, 10:43 pm

LUS POV THAWJ.

Ib tug niam tsev, nws tus tub kawm ntawv tag, twb ua hauj lwm lawm; tab sis ib lub nyiaj hli xwb, hluas ces muaj ntau yam them thiab nws nyob deb 30km ntawm chaw hauj lwm, nqe roj los kim tseem tau them nqe kev loj thiab assurance tsheb tib si, nyhav heev ces nws txawm pheej nyob nws kem tsev me me thaum nws tseem yog tub ntawv xwb.

Hnub tim 25-11-2016, nws niam txawm teev Leej Ntshiab Yos Xes rau nws tus tub kom muaj cuab kav mus nrhiav tau ib lub tsev loj me ntsis kom phim lub luag hauj lwm uas nws tuav thiab ho dav fo rau nws nyob.

Hnub tim 27-03-2017, ntawm nws chaw ua hauj lwm yuav muab ib lub tsheb tev ntawv rau nws, nug seb nws nyiam tsos dab tsi, lawv yuav thaj tsob lub tsheb tag nrho nrog rau roj thiab nqe kev nrog rau assurance thiab kho tej ib si rau nws, tseem yuav nce nyiaj hli thiab ntxiv ib qho prime ( paj tshab) ntxiv rau nws ntxiv thiab.

Yog los pav pab tau lub tsheb, nqe roj, nqe kev, assurance (them nyiaj fab seeb xwm txheej) thiab nce nyiaj me ntsis rau tus tub nov ces nyaj nws yuav xwb fab tau los mus ntiav ib chav tsev loj dua rau nws nyob.

Leej Ntshiab Yos Xes pom txog hauv peb txhua leej lub siab, peb tej khev txom nyem, yog peb muab cev rau nws mas nws yuav thov qhov uas peb twb xav tsis txog rau peb, nws pom qhov tseem ceeb rau peb uas peb twb tsis nco xav txog.

UA LEEJ NTSHIAB YOS XES TSAUG.

IB ZAJ LUS POV THAWJ NTXIV THIAB.

Muaj ib zaug kuv ntsib ib tug niam tsev uas tau sib ncaim ntev lawm tab sis kuj sib hnov moo thiab, kuv txawm qhia nws tias yog muaj teeb meem txog kev khwv nyiaj txiag thiab toob xib no ces thov Leej Ntshiab Yos Xes pab thov Ntuj rau yus. Tsis yog nyiaj poob saum Ntuj los tab sis yus thov ces lwm tus yuav muab rau yus.

Nws txawm xav hais tias tais Tooj hais li, kuv yuav thov Leej Ntshiab Yos Xes seb, cas los noj nyiaj laus lawm, tau nyiaj tsawg tsawg yuav tsis tau toob xib los siv li. Nws thov Leej Nshiab Yos Xes 9 hnub tag, muaj ib hnub nws tseem tawm rooj lawm, los qheb plho qhov rooj cas yuag ub no pawg lug hauv kem tsev txais qhua, nws txawm qw tias:
-"Nej ua dab tsi ntxhov nyho li no naj!"
Nws leej nkawm teb tias:
- "Twb yog koj cov me nyuam yuav tshuab txhua khawb ncaws thiab txee ub no rau tom tsev mov rau koj no, lawv tseem thauj tsis tau tag los, tseem rov mus thauj lawm."

Tus niam tsev cheeb tag, xav tias ces leej ua luaj li tiag! Kuv cov me nyuam twb ua neej tau 20 lub xyoo nov, lawv twb tsis yuav dab tsi tuaj rau kuv, cas kuv thov Leej Ntshiab Yos Xes tag, lawv cia li yuav tej uas kuv tsis muaj nyiaj yuav tuaj rau kuv.

UA LEEJ NTSHIAB YOS XES TSAUG TSIS TXAWJ TAG.

**Maiv Tooj** 11th December 2017, 6:22 am

Maiv Tooj

Maiv Tooj: Tswv Cuab Hmong Catholique; Messages : 5544
Date d'inscription : 2009-08-18

Post n°13

Re: Teev Leej Ntshiab YOS XES

Post Maiv Tooj 11th December 2017, 6:22 am

IB ZAJ LUS POV THAWJ.

Muaj ib tug ntxhais, nws kawm tau ntawv txheej siab, tab sis nws pheej tsis tau ib txoj hauj lwm ntxim nws siab, kuv hais kom nws thov Leej Ntshiab Yos Xes 9 hnub...Thaum lub hli 2017 nov nws nrhiav tau ib txoj hauj lwm, lawv nug nws tias nws xav tau nyiaj hli li cas, nws hais rau lawv, lawv teb nws tias: "Peb txoj hauj lwm nov mas koj yuav tsum hu ntau dua ntawm kod...! Txoj hauj lwm nov yog ib txoj hauj lwm tus nqes ntau...Tham tag tau muaj 3 lub hlis tsis hnov moo li lawm, nws txawm pib teev Leej Ntshiab Yos Xes, tab sis nws pib teev ces nws ho lam mus pib ua ib qho hauj lwm kom ho tau kev tauv pem me ntsis, nws tsis khoom lawm ces nws ho ncua tau ob peb hnub nws mam rov qab teev mus, hnub uas nws teev los xaus ces lub tsev hauj lwm uas nws tau ntsib lawv ob peb zaug tau 3 hlis dhau los cia li hu nws kom mus signer ntaub ntawv txais nws ua txoj hauj lwm uas nws xav ua ntawd. Nws yuav pib rau lub xyoo tshiab 2018 nov.

Tswv Ntuj tej txiaj ntsim muaj nplua mias ntws lug rau txhua leej uas vam txog.

Matais 7, 7 - 11.
Thov, yuav tau txais.
7 "Nej thov, ces nej yuav tau txais, nej
nrhiav, ces nej yuav ntsib, nej khob qhov
rooj, ces luag yuav qhib rau nej. 8 Vim
tias leej twg thov, nws yuav tau txais ; leej
twg nrhiav, nws yuav ntsib ; leej twg khob
qhov rooj, mas yuav muaj tus qhib qhov rooj rau nws.
9 Nej leej twg tus tub taij mov, nej puas
yuav muab ib lub pob zeb rau nws noj ?
10 Yog nej tus tub taij ib tug ntses, nej
puas yuav muab ib tug nab rau nws ?
11 Txawm tias nej yog neeg phem, tsis
kav nej txawj pub tej yam zoo rau nej cov
me nyuam. Li ntawd nej Txiv nyob saum
ntuj haj yam txawj pub qhov zoo tshaj rau cov neeg thov nws.

**NrhiavTswvNtuj** 7th January 2021, 9:29 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°14

Re: Teev Leej Ntshiab YOS XES

Post NrhiavTswvNtuj 7th January 2021, 9:29 am

Maiv Tooj wrote:

Leej Ntshiab Yos Xes thiab rev paj.

Peb pheej txeev pom duab LN.Yos Xes nrog ib re paj tab sis peb tsis paub hais tias yog vim li cas. Vim nyob hauv Ntawv Moo Zoo tsis pom sau tseg. Hnub Xya tim 05-12-2015 no kuv tau ntsib Tswv Qhia Liab Lyon, Mgr.Barbarin tus tim xyoob, TP.Max Bobichon, nws tham rau kuv hais tias nws mus tshawb hauv cov ntseeg Muv Xis Lim cov ntawv ntshiab, Maum Os Mes tau sau tseg hais tias: "Nkauj Ntshiab nyob hauv ib lub Tsev teev Ntuj (Temple), thaum nws loj lawm, txog caij yuav xaiv txiv rau Mab Liab ces tus leej choj hauv tsev teev Ntuj txawm tshaj rau cov txiv neej uas tsis muaj poj niam ib leeg nqa ib tug ceg ntoo tuaj tso rau hauv tsev teev Ntuj ib hmos taig kis yog leej twg tus hlav nplooj thiab tawg paj no ces yuav muab Mab Liab rau tus ntawd ua poj niam." Lawv txawm nqa ib leej ib tug pas tuaj tso rau hauv tsev teev Ntuj, ib hmos taig kis yog LN.Yos Xes tus hlav nplooj thiab tawg paj. Ces thiaj li muab Mab Liab rau nws yuav....Ces nej paub zaj dab neeg tom qab qhov ntawd lawm.

Nyob hauv phau Ntawv Ntshiab raws li Maria Valtorta kuj hais txog thaum Tswv Ntuj tus Tshiab hais rau Leej Choj Xav Kas Lis uas Mab Liab nrog nyob kom nrhiav vauv rau Mab Liab. Kom nws hu tag nrho cov txiv neej uas tab seeb txij li 15 xyoos mus rau 40 xyoo ib leeg txiav ib tug ceg ntoo thiab sau npe rau, coj mus tso rau pem tsev teev Ntuj ib hmos taig kis mus saib yog leej twg tus pas hlav nplooj thiab tawg paj no ces muab Mab Liab txis rau tus ntawd. Ces thaum ntawd Yos Xes twb muaj hnub nyoog 35 xyoos lawm thiab poj niam tuag lawm, nws niaj hnub mus pab Mab Liab niam tu nws lub vaj, hla los ntawm lawv ntug vaj thiaj li lam lov ib tug nyuaj ceg khaub tshwm ntawm lawv Mab Liab niam lawv laj kab nqa mus pem tsev teev Ntuj. Cas taig kis mus saib naj ces Yos Xes tus pas tawg paj...

( vim thaum chiv keeb As Nas tsis muaj me nyuam, nws twb laus lawm,nws thiaj thov Tswv Ntuj pub ib tug me nyuam rau nws, yog hnub twg tus me nyuam tseg mis ces nws yuav muab rau Tswv Ntuj. Thiaj li muab Mab Liab mus nrog Leej Choj Xav Kas Lis nyob hauv tsev teev Ntuj).

Xam los Yos Xes muaj 30 xyoo, thaum As Nas yug Mab Liab Yos Xes muaj 15 xyoos. Kuv nco tsis tshua zoo lawm zoo li Yos Xes thiab Mab Liab niam lawv sib txheeb thiab nyob sib ze es thaum As Nas tsis muaj me nyuam thiaj niaj hnub coj Yos Xes tus kwv As Fes uas muaj 5 xyoos los nrog As Nas pw.

Tom qab no Yes Xus tus Thwj Tim Yas Kos uas tsis yog Hauv Paus Xa Lus Zam tus tij laug twb yog Yos Xes tus kwv As Fes tus tub. Lawv thiaj li hu ua Yes Xus tus kwv.