JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

**Mim** 27th July 2013, 2:58 am

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°1

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Mim 27th July 2013, 2:58 am

Nyob zoo nej sawv daws uas tuaj ncig hauv Hmoob Kas Tos Liv no,

Tau ib ntus no kuv yeej tsis khoom tuaj xauj los sau ib yam dab tsi li, qee zaum tuaj los tsuas yog xauj kiag xwb. Lub lis piam no Vaj Qhia Francis mus Rio de Janeiro, Brazil teb chaws, mus coj tas tsoom hluas thoob ntiaj teb teev ntuj, mus txhawb lawv txoj kev ntseeg thiab lub neej ua neeg ntseeg. Nws twb pib lub 7 hli tim 23-24 los lawm, tiam sis kuv kuj tsis tau khoom saib los caum saib nws ua dab tsi hais dab tsi li. Hnub no kuv mam nyuam qhuav khoom los saib. Lawv ua tau kub siab kawg nkaus li. Nej puas xyuas thiab os? Yog ib yam tseem ceeb nyob hauv peb lub Koom Txoos. Nej puas paub tias peb cov hluas Hmoob puas muaj tus puav mus koom thiab? Nyob ntawm peb no peb tsis muaj tus mus li. Yog ib qho tu siab... tej zaum peb Hmoob tsis pom txoj kev ntseeg qhov muaj nqes los yog li cas?... Vam hais tias yav tom ntej peb yuav pom zuj zus tuaj...

Nyob hauv daim vodeo no yog cov hluas taug Ntoo Cuam Txoj Kev nrog Vaj Qhia Francis

Daim video no yog Vaj Qhia mus saib thiab ua thaj Txi ntuj hauv lub tuam tsev teev ntuj Niam Mab Liab Tshwm Sim (Apparecida Shrine)

**Maiv Tooj** 27th July 2013, 7:58 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°2

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Maiv Tooj 27th July 2013, 7:58 am

Nyob zoo Mim,

Eb! Tsis muaj tus tuaj pab kuv ces kuv ib leeg yuav txheem tsis tau ib phab tsua, nej tsis tuaj ces kuv ib leeg xwb ua tsis tau ib yam zoo los rau sawv daws tuaj xyuas.

Raws li kuv hnov mas zoo li cov hluas nyob Nkws Yas kuj mus koom JMJ thiab. Lawv yeej txeev mus txhua zaud. Vm lawv nyob ua pab ua pawg, lawv thiaj li koom tau siab thooj tau ntsws ua raws lub Koom Txoos txoj kev ntshaw.

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB Jmj20110

**Mim** 28th July 2013, 7:27 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°3

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Mim 28th July 2013, 7:27 am

Tais Tooj,

Txhob tu tu siab os mog. Peb ua tau li cas ces maj mam ua li ntawd mus os... Yeej yuav muaj tej lub sij hawm uas tsev nphob xuav cuag li tsis muaj neeg nyob lawm... Tiam sis kuv hais rau koj tias cia kuv mam sim saib tuaj puas tau ntau zog os...

**Mim** 28th July 2013, 7:43 am

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°4

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Mim 28th July 2013, 7:43 am

Daim video hauv no yog lawv yees thaum Vaj Qhia Francis nyuam qhuav tuaj txog thawj hnub es cov hluas tos txais nws. Vaj Qhia yog ib tug neeg uas sawv daws xav pom, xav nrog tuav tes, vim nws yog sawv daws leej txiv tiag...

**NrhiavTswvNtuj** 2nd August 2013, 8:49 am

NrhiavTswvNtuj

NrhiavTswvNtuj: Tswv Cuab Hmong Catholique; Messages : 1033
Date d'inscription : 2009-08-18

Post n°5

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post NrhiavTswvNtuj 2nd August 2013, 8:49 am

Txiv Vaj Qhia François qhuab qhia ntiaj teb tsoom hluas - JMJ 2013 à Rio

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB Titre

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB Titre

Lub lis piam no, peb tsis nthuav cov zaj nyeem lis txhia zaus, peb muab Txiv Vaj Qhia François zaj lus qhuab qhia Ntiaj Teb Tsoom Hluas JMJ 28.07.2013 los nthuav li nram no :

Hawm txog cov kwv npawg tswv qhia thiab leej choj, nyob zoo ib tsoom hluas,

“Nej mus coj tas txhia haiv neeg los ua thwj tim.” Cov lus no yog Yes Xus tus kheej hais rau nej txhua leej : “yog ib hnub zoo caij nyoog fim Ntiaj Teb Tsoom Hluas tuaj tas nrho qhov txhia chaw tuaj nrog sawv daws koom kev ntseeg, ziag no koj yuav tsum mus tshaj qhov ntawd rau luag lwm leej lwm tus.” Yes Xus hu koj los ua thwj tim kom mus tshaj xo ! Hnub no, peb hnov Tswv Ntuj lus, Huab Tais hais dab tsi rau peb ? Khaws peb lo lus no : Nej mus, txhob ntshai, kom tau tiam.

1.Nej mus. Nej twb pom xyeem thiab ntsib kev fim Yes Xus nrog ib zeej tsoom sawv daws nyob ntawm Rio no ; nej twb muaj kev zoo siab npaum li cas ntseeg ua ke. Txoj kev ntsib thiab kev fim Yes Xus no txhob muab kaw tseg hauv nej lub neej thiab hauv nej pawg nyuag ntseeg, los hauv nej pab nyuag thiab hauv nej npoj nyuag. Yuav zoo tam zoj muab tus nplaim teeb kaw ntom nti tsis dim pa. Txoj kev ntseeg zoo li tus nplaim teeb yim cig hlob yog muab tau los sib faib, yog muab sib qhia xwv kom sawv daws paub, txawj nyiam thiab lees Leej Pleev Yes Xus nws yog txoj sia thiab liv xwm tus Huab Tais (LM 10,9).

Yuav tau ceev faj ! Yes Xus tsis tau hais : yog nej kam, yog nej muaj caij, hos : “Nej mus coj tas txhia haiv neeg los ua thwj tim.” Sib faib txoj kev ntseeg los ua tim khawv txoj kev ntseeg, tshaj lub Moo Zoo yog txoj num Huab Tais kom tseg rau lub Koom Txoos thiab rau koj. Yog ib co lus kom tseg txawv lus yuam neeg los kev siv hwj chim, hos tim kev hlub neeg, vim Yes Xus yog tus xwb tim tuaj cuag peb, tsis yog kom pub tau rau peb ib yam dab tsi, hos pub nws tus kheej tag nrho rau peb ; nws pub nws txoj sia kom cawm tau peb thiab qhia rau peb pom Tswv Ntuj kev khuv leej neeg. Yes Xus tsis saib peb li cov qhev, hos saib li cov neeg twj lij, li cov phooj ywg thiab kwv tij ; nws kuj tsis yog xa peb xwb, nws tseem nrog peb nraim nyob ntawm peb ib sab hauv kev tshaj txoj kev hlub neeg.

Yes Xus xa peb mus qhov twg ? Mus tsis muaj ciaj ciam, tsis muaj chaw kawg : xa peb mus rau txhua tus tib neeg. Lub Moo Zoo yog rau tag nrho, tsis yog rau tej txhia neeg. Tsis yog rau cov nyob ze, cov zoo siab txais los cov txawj txais. Nws yog rau tag nrho. Tsis txhob ntshai mus tshaj, coj Leej Pleev rau txhua tus tig neeg tsuav yog muaj sia, rau tus nyob deb tshaj plaws, tus tsis xav quav ntsej huv si. Huab Tais tuaj nrhiav sawv daws, kom tag nrho puav leej hnov nws kev khuv leej thiab kev hlub neeg.

Yam kuv ntshaw, yog Leej Pleev lo lus kom tseg : “Nej mus” lo no ncha hauv nej tsoom hluas hauv Koom Txoos As Mes Kas qab teb, lub ntiab teb vam Leej Pleev ! Leej Ntshiab Paj Lug hais tias : “Kom khaum kuv yog kuv tsis tshaj lub Moo Zoo 1 KLN 9,16.” Teb chaws no twb tau txais lub Moo Zoo tawg paj txi txiv ntau. Lub Koom Txoos vam txog nej, vam nej kev txaus siab, kev tuaj zog thiab zoo siab hauv tsoom hluas li nej. Muaj ib tug thwj tim loj nyob Brésil, José de Anchieta neeg siab ntshiab, nws sawv kev mus tshaj xo thaum nws muaj 19 xyoo. Nej puas paub yam zoo tshaj plaws tshaj tau moo zoo rau tsoom hluas ? Yog lwm tus hluas. Yog txoj hau kev yuav tsum taug.

2.Txhob ntshai. Tej txhia yuav xav tias : “kuv twb tsis tau npaj dab tsi txhij, kuv yuav ua cas mus tshaj lub Moo Zoo ?” Phooj ywg, koj kev txhawj xeeb yeej tsis txawv ntau I Mias Hu, ib tug hlua li nej thaum Tswv ntuj hu nws los ua saub. Peb twb nyuam qhuav hnov nws cov lus hauv zaj nyeem ib : “Ab ! Huab Tais kuv tus Tswv Ntuj ! Saib mas : kuv twb tsis txawj hais lus, kuv tsuas yog me yaus xwb.” Tswv Ntuj kuj hais rau nej li nws hais rau I Mias Hu : «txhob ntshai…vim kuv nrog nraim koj kom cawm tau koj YLM 1,7.8 ». Huab Tais kuj nrog nraim peb.

«Tsis txhob ntshai !» Thaum peb mus tshaj txog Leej Pleev, yog nws tus kheej coj peb kev, ua peb ntej. Thaum nws xa nws cov thwj tim mus tshaj xo, nws tau cog lus : « Kuv nrog nraim nej tas txhua hnub MT 28,20 ». Cov lus no kuj yog hais rau peb thiab, Yes Xus tsis tso peb ua ntsuag, nws yuav tsis tso nej pov tseg ! Nws nrog nraim nej mus li.

Tsis tas li ntawd, Yes Xus twb tsis hais tias : « koj mus » hos « nej mus » : nws xa peb sawv daws ua ke mus. Tsoom hluas, nej puas pom tag nrho lub Koom Txoos nrog tsoom leej ntshiab ua ke hauv kev tshaj xo. Yog thaum peb ua ke nqa tes tiv kev nyuaj, ces peb muaj zog, muaj tej yam peb pom peb xav tsis txog tias peb yuav ua tau. Vim li, Yes Xus tsis hu nws cov tub tshaj xo ua neej nyob twm zeej, nws hu los ua pab ua npoj ntws. Kuv hais rau nej, cov kwv npawg leej choj, nej nrog kuv koom Thaj Txi Ntuj no : nej nrog tsoom hluas tuaj ua ke, yog zoo caij zoo nyoog koom txoj kev ntseeg ua ke ! Yog mus ib kauj ruam ua ke. Nej nrog tsoom hluas ua ke tuaj thiab nrog lawv lom zem, pab kom lawv tuaj zog hauv Koom Txoos, txhob cia lawv mloog li lawv nyob twm twm zeej.

3.Lo lus kawg : kom tau tiam. Nyob hauv zaj ntxuag qeej peb tau seev tas los no muaj cov lus no : “Nej seev rau Huab Tais ib zaj seev tshiab NPN 95,1.” Yog zaj seev tshiab twg ? Tsis yog ib co lus los ib zaj suab tshiab ; yog nej lub neej zaj seev, cia nej lub neej kom xws li Leej Pleev lub, nej xav li nws xav, ua li nws ua. Yes Xus lub neej yog lub neej cia rau luag, yog ib lub neej kom tau tiam.

Leej Ntshiab Paj Lug hais hauv zaj nyeem peb nyuam qhuav mloog tas no : “Kuv ua tas sawv daws tus tub txib kom xwv yeej coob leej ntau tus 1KLN 9,9.” Yuav kom tshaj tau Yes Xus, Paj Lug ua tag “sawv daws tus tub txib.” Kev tshaj Moo Zoo, qhov ib yog ua tim khawv txog Tswv Ntuj kev hlub neeg, yuav tsum thev kom dhau peb txoj kev twm xeeb, yog kev tiam khoov ntxuav peb tej kwv tij txhais taw yam li Yes Xus tus kheej.

Nej mus, txhob ntshai, kom tau tiam. Kev yoog raws nraim peb lo lus no, nej yuav pom tias tus mus tshaj Moo Zoo tau txais Moo Zoo, tus faib tau kev tuaj zog hauv kev ntseeg, vim nws muaj kev tuaj zog hauv nws. Ib tsoom hluas, nej rov qab mus nej vaj nej tsev, txhob ntshai ua siab daiv nrog Leej Pleev, ua tim khawv txog nws lub Moo Zoo. Hauv zaj nyeem ib, Tswv Ntuj xa I Mias Hu mus ua saub, nws pub hwj huam kom “mus tiv mus rho, mus rhuav mus tsoo, mus txhim thiab mus cog YLM 1,10.” Kuj tib yam rau nej thiab. Kev pus lub Moo Zoo yog pus Tswv Ntuj lub zog mus rho thiab mus rhuav qhov phem thiab tsov rog ; mus tsoo thiab rhuav kev lim hiam, tshem kev twm xeeb thiab sib ntxub ; txhim dua lub ntiaj teb tshiab.

Yes Xus Pleev vam txog nej ! Lub Koom Txoos vam txog nej ! Vaj Qhia vam txog nej ! Mab Liab, Yes Xus niam thiab peb leej niam nrog nej nraim : “Nej mus coj tas txhia haiv neeg los ua thwj tim.” Ua Li

TP.Cwj Vuam Chiv.

**Maiv Tooj** 29th November 2013, 11:54 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°6

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Maiv Tooj 29th November 2013, 11:54 am

Message du Pape pour la JMMR 2014

Txiv Vaj Qhia François Tsab Xo Rau Neeg Thoj Nam Tsiv teb Tsaws Chaw 2014
« Thoj nam tsiv teb tsaws chaw rau lub ntiaj teb zoo tshaj plaws ».

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB Pape_f10

Cov kwv tij thiab nkauj muam,

Sawv daws hauv txhua teb chaws paub ntsoov, hauv ntiaj teb no ib leeg yuav vam khom ib leeg, teeb meem txawm yuav loj los tej yam yuav dawm kev, tsis yog tim ntshaw qhov nplua nuj, kev sib tw ua neej los tej txuj ci, yam tsis tau muaj dua ib zaug yog qhov ntshaw kom tib neeg lub neej, tas cov yim neeg tsuas muaj zoo zuj zus. Peb yog tib neeg, nyias yeej ntshaw kom yav tom ntej zoo tshaj rau nyias yim neeg, thiaj li muaj qhov vam nyob hauv tas txhia haiv neeg tej siab ntsws. Vim kuv pom li ntawd, kuv thiaj xaiv tus nru lus no : « Thoj Nam Thiab Tsiv Teb Tsaws Chaw Rau Lub Ntiaj Teb Zoo Tshaj Plaws ».

Kev pauv chaw mus los hauv peb tiam neej no tsuas loj zuj zus rau peb tib neeg thiaj tshwm li « tej lub cim nyob ntiaj teb » ; txiv Vaj Qhia Benoît 16 twb xub hais tseg Hnub Thoj Nam Tsiv Teb Tsaws Chaw xyoo 2006 li ntawd. Qhov ib, tos muaj kev tsiv teb tsaws chaw puas yog tim tej teb chaws thiab lub ntiaj teb ua tsis taus niam tsis taus txiv, qhov ob puas yog kom peb tib neeg txawm nyias sib txawv nyias, ua neej nyob ua ke yuav tsum sib yoog, txawj sib tiam, sib faib tej toob xib daim av kom cuaj pluag sib luag yim pluaj sib nte, ua neeg txawj txuag, txawj sib hwm vim tib neeg yog yam muaj nqes tshaj.

Rau tus neeg ntseeg Yes Xus, hauv txoj kev tsiv teb tsaws chaw thiab lwm yam hauv tib neeg lub neej muaj qhov zoo nkauj tau koob hmoov thiab kev cawm seej los xyov kuj muaj qhov kev txhaum. Twb muaj kev tiam, kev sib pab, sib cog phooj ywg ua kwv ua tij los tseem muaj kev sib cais, sib ntxub, sib yuam neeg, kev txom nyem, kev ploj tuag tuaj cuam tshuam rau. Yam li tos ho muaj kev tsiv teb tsaws chaw vim raug yuam, hos tej txhia raug kev quab yuam ua qhev, vim li ntawd txaus txhawj. Kev raug yuam ua qhev muaj mus li niaj hnub no ! Txawm muaj teeb meem thiab nyuaj npaum li ntawd, los nyob hauv cov neeg thoj nam thiab tsiv teb tsaws chaw lub siab muaj ob yam no dai ncuv : kev vam thiab kev tso siab ; yam nyob rawv hauv lawv nruab siab yog ntshaw lub neej tom ntej kom zoo tshaj rau lawv tus kheej thiab rau lawv cuab yig neeg thiab cov ntsuab cov ze.

Lub « ntiaj teb zoo tshaj » yog muaj tus tsi zoo ? Tsis yog lam hais txog tej yam hauv tswv yim los yog tej yam uas sim neej yuav xuas tes ncav tsis cuag, hos yog nrhiav tej yam txhawb tau yus tag nrho, tej yam dej num pab kom sawv daws tsim nyog muaj neej ua, tej yam ua kom tus tib neeg thiab cov cuab yim neeg tau kev cuab zog, kom puas tsav yam Tswv Ntuj tsim tau kom peb txawj txuag, yuav tu thiab hwm. Txiv Vaj Qhia Paj Lug 6 twb tau sau tseg li no : « Tus dim plaws kev txom nyem yog tus ntsib yam cawm tau nws, noj qab nyob zoo, muaj dej num ua ; lub neej muaj nuj nqes, txhob raug quab yuam, tsis muaj kev txhawj xeeb raug tsim txom dab tsi ; ua neeg paub kev cai ; tes ua tau, paub tab, nplua nuj, ua neeg kom tsim nyog tshaj » (Lett. enc. Populorum progressio, 26 mars 1967, n. 6).

Qhov yus ntshaw kom « tsim nyog tshaj » tsis yog kom paub txuj tshaj los nplua nuj tshaj, ntshaw qhov tsim nyog tshaj. Kev vam meej tsis yog tseev kom nplua nuj, tau thiab tsam peev, puam chawj niag neeg muag ncee ua tsis tau dab tsi. Lub ntiaj teb yuav tsheej neeg yog kev txhawj rau tus tib neeg ua qhov loj ; yog kev hwm tag tus tib neeg tas txhua yam hauv nws thiab nws kev ntseeg tib si ; txhob tso leej twg pom tseg, cov pluag, cov mob nkeeg, cov nyob nkuaj, cov tshaib nqhis, cov pej kum neeg (cf. Mt 25, 31-46); yog peb hloov tau txoj kev sib cais hauv peb mus rau kev sib fim thiab sib yoog thiaj yuav tsim nyog tshaj.

Tus thoj nam thiab tsiv teb tsaws chaw, tsis yog tus moj zeej cia ua si. Nws muaj ib lub pliaj plhu yog tug me nyuam, ib tug poj niam los txiv neej raug yuam tso vaj tse tseg, yog ib tug muaj kev ntshaw li sawv daws, ntshaw kom tsim nyog. Cov neeg tsiv ib sab ntuj rau lwm sab, cov raug tshais chaw hauv ib lub teb chaws thiab hauv ib lub xeev mas coob tas zog. Peb tiam neej no, tib neeg mus los yog coob dua ntais tas txhua tiam tib si. Lub Koom Txoos ua cov neeg thoj nam thiab tsiv teb tsaws chaw sawv daws luag, xav nrog paub tim dab tsi, siv zog pab sawv daws kom lawv hla dhau tej teeb meem thiab txhawb nqa tej yam zoo hauv lawv lub neej kom tau kev mus muaj chaw poob chaw so.

Khuv xim tias lawv tso kev txom nyem los kev raug quab yuam kom mus ntsib qhov zoo, kom ciaj sia, pua txhiab vam leej neeg thiaj tshais chaw kom tau qhov zoo uas lawv vam, tiam sis mus ntsib txoj kev nqaim, kev txwv, ntsib lwm txoj kev txom nyem tseem loj tshaj ua rau lawv tej txhia poob tsim tag.

Kev tsiv teb tsaws chaw tiam neej no muaj thoob ntiaj teb, yuav tsum kom tas txhua lub teb chaws cev tes sib pab tswj ua ke, tsim ib txoj cai kom haum, sib koom ib lub tswv yim thiab sib to taub…Yuav kom lub ntiaj teb zoo tshaj tuaj, txhua lub teb chaws yuav tsum raus tes sib pab kom sib luag zos, sib tso siab, tsis txhob cia ua laj kab tav kev kom hla tsis dhau xwb. Ib txhia teb chaws txheej nom tswv thiaj pom qab txais neeg txhab lawv lub teb chaws pluag neeg tsawg zuj zus, neeg tes hauj lwm kuj yuav nqig yuav ploj mus thiab kev tshais chaw ntxhov nphoov tsis muaj txhooj cai, tim tej ntawd tus tib neeg thoj nam yog tus yuav sab tshaj neeg kev tsis sib haum. Tsis muaj ib lub teb chaws yuav tswj tau nws tus kheej txog fab kev tsiv teb tsaws chaw vim yog ib yam muaj thoob plaws ntiaj teb.

Feem ntau, tus neeg thoj nam tsiv teb tsaws chaw tuaj poob rau ib thaj chaw, ua rau cov neeg nyob txawm thaj chaw ntawd tej siab ntsws nyob tsis tus, tsis nyiam thiab tsis xav ntsib lawv. Kev ntshai neeg ua rau lub teb chaws thiab nom tswv kev tswj hwm cia li tsis tiaj tus, tsam yus lub npe los yus tej txuj ci lam ploj los cia li txhawj tsam luag lam txeeb yus tes dej tes num ua thiab txhawj kev tub sab tsam loj zuj zus tuaj…Li ntawd, sawv daws yuav tsum hloov siab tshiab rau cov neeg thoj nam thiab tsiv teb tsaws chaw ; hloov kev ceev faj thiab kev ntshai, kev ntsw neeg -tej ntawd, yog txoj kev cais luag- los rau zaj tswv yim tshiab « rhawv kev sib ntsib thiab sib fim », nws thiaj yog kev tsim lub ntiaj teb ncaj ncees cog kev phooj kev ywg, thiaj ua tau lub ntiaj teb zoo tshaj plaws.

Kuv nco txog txoj kev uas Yim Neeg Ntshiab Nas Xas Les tau ntsib thaum chiv nkawd lub neej : « 7 Mab Liab yug nws thawj tug tub, nws muab ntaub qhwv tso pw hauv ib lub dab zaub, vim lub tsev txais qhua tsis muaj chaw rau nkawd so lawm LK 2,7». Ntxiv ntawd, Yes Xus thiab Mab Liab thiab Yos Xes lawv tseem raug Hes Los nrhiav ntes, lawv thiaj li thoj nam mus rau Hais Nkws Tos teb (MT 2,13-14). Tiam sis, Mab Liab lub siab leej niam, Yos Xes lub siab leej txiv ib lub siab loj thaiv Yim Neeg Ntshiab tso siab ruaj nreb tias Tswv Ntuj yuav tsis tso lawv pov tseg. Kom txhua leej neeg thoj nam tsiv teb tsaws chaw tso siab khov kho li ntawd thiab.

Lus teb Leej Pleev lo lus qhuab qhia : «Nej mus ua kom tas zeej tsoom neeg ua kuv thwj tim », lub Koom Txoos muaj tas txhua xeem neeg, raug hu los ua Tswv Ntuj haiv neeg mus tshaj lub Moo Zoo rau txhua haiv neeg, vim Leej Pleev lub pliaj plhu puav leej hom tag saum txhua leej tib neeg lub pliaj plhu ! Yog vim qhov ntawd, tus cag tos li yuav tsum hwm txhua tus tib neeg, yuav tsum tau txuag thiab saib taus txhua leej tib neeg. Tsis tim kev nquag, kev ua tau, tus neeg tsim txiaj, los yog haiv neeg loj, los ua neeg muaj kev teev hawm thiaj yog neeg muaj nuj nqes, hos vim peb tib neeg tsim thooj li Tswv Ntuj tus yam ntxwv tus duab (HP1,26-27) thiab tib neeg tseem yog Tswv Ntuj me nyuam ; tas txhua tus tib neeg yog Tswv Ntuj me nyuam tib si ! Leej Pleev tus duab puav leej lo tas txhua tus tib neeg ! Peb yog cov yuav tsum pom thiab pab lwm leej lwm tus kom nws txawj pom tus neeg thoj nam thiab tsiv teb tsaws chaw tsis yog tus ua teeb meem nkaus, hos yog ib tug kwv tij thiab nkauj muam peb yuav txais, yuav hlub uas tus nyob siab xa tuaj rau peb nrog txhim ib lub neej ncaj ncees, kom muaj vaj huam sib luag, kom ua ib lub teb chaws txawj sib pab, ua ib lub ntiaj teb muaj kev phooj kev ywg thiab ua tau ib haiv neeg ntseeg qhib lug siab ntsws dav fo li lub Moo Zoo. Cov neeg thoj nam tsiv teb tsaws chaw muaj kev pab tshaj lub Moo Zoo kom tib neeg ntiaj teb huaj vam thiab tshaj lub moo kev ciaj sia nyob ib txhis : rau peb tib neeg daim av pej kum twg los puav leej yog yus teb chaws thiab lub teb chaws twg los puav leej yog av pej kum.

Cov phooj ywg thoj nam thiab tsiv teb tsaws chaw ! Tsis txhob poob siab, lub neej tom ntej zoo kuj yog rau nej tib yam nkaus thiab kom nej ntsib ib txhais tes xyab tuaj tuaj rau nej ntawm tog kev thiab kom nej pom qab cog kev sib pab thiab kev phooj kev ywg ! Cov uas tau muab lawv lub neej txhawb nqa nej, kuv thov Tswv Ntuj rau sawv daws thiab foom koob hmoov rau nej txhua leej.

Du Vatican, le 5 août 2013.

Tus pab txhais : TP Cwj Vuam Chiv

**Maiv Tooj** 1st December 2013, 1:49 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°7

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Maiv Tooj 1st December 2013, 1:49 pm

XAV RAWS YES XUS, YUAV TSUM PAB TSHAJ NTUJ LUS
Tus Tso Cov Lus No: Zoo Tswv Zov Yaj
Tso Rau Hnub:Monday, 21 October 2013 08:13

Kwv tij phooj ywg, Vaj Qhia Faas Ntshis Kus hais tias : “Huab Tais Yes Xus tsis tau hu kom peb los raws Yes Xus, uas tsis thas yuav ua txoj hauj lwm tshaj Tswv Ntuj lub Moo Zoo.”

Piv txwv li Huab Tais Yes Xus hu Pob Zeb, Yas Kos thiab Zam lawv 3 leeg kom los ua Yes Xus cov Thwj Tim thiab raws Yes Xus mus tshaj Ntuj Lus.

Li ntawd, yog tias peb yeem raws Huab Tais Yes Xus, mas peb kuj yuav tsum muaj cuab kav tshaj Tswv Ntuj lub Moo Zoo. Vim tias thaum Huab Tais Yes Xes qhia Ntuj Kev Cai, mas Yes Xus cog lus tias nws yuav nrog cov Thwj Tim thiab sawv daws nyob nraim.

Tsis tas li ntawd, Huab Tais Yes Xus tseem muab lub luag hauj lwm tshaj Ntuj Lus tso rau peb sawv daws, ces nws thiaj txhib peb tas zog tias : “Yuav tsum tawm mus tshaj Tswv Ntuj lub Moo Zoo.”

Ntawv Moo Zoo tau qhia tias Huab Tais Yes Xus hu Pob Zeb, Yas Kos thiab Zam, kom lawv los raws Yes Xus thiab ua nws Thwj Tim, ces Huab Tais Yes Xus thiaj tau cog lus rau lawv tias : “Yes Xus yuav muab lawv los ua ib cov tub puav neeg.”

Txij ntawd los, Huab Tais Yes Xus tau caw lawv kom tso ib puas tsav yam tseg thiab los raws Yes Xus. Tab sis Huab Tais Yes Xus tsis tau thov kom peb los raws nws uas tsis txhob ua txoj hauj lwm tshaj Ntuj Lus.

Li ntawd, thov kom peb nco ntsoov txog Huab Tais Yes Xus Lo Lus uas nws tau cog lus tseg rau peb sawv daws, kom peb los teev hawm Tswv Ntuj thiab ua txoj hauj lwm uas Ntuj muab cev rau peb kom mus pab tshaj lub Moo Zoo.

**Maiv Tooj** 16th May 2014, 6:51 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°8

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Maiv Tooj 16th May 2014, 6:51 pm

Nathan de Brito, tu me nyuam tub ua rau Vaj Qhia
quaj thaum JMJ nyob Rio 2013, nws txeem laj kab mus nwj vaj qhia Faas Tshes Kus.

Hnub tim 08/04/2013

Yuav ua cas thiaj li tsis nco qab Nathan de Brito tus me nyuam tub hnub nyug 9 xyoos no lub zeem muag, thaum lub cib fim cov Hluas thoob ntuj Hnub nyob Rio, nws txeem laj kab ntawm cov neeg saib kev ruaj ntseg txav mus ti nkaus vaj qhia lub tsheb, nws qawm lias vaj qhia Faas Tshes Kus xub ntiag.

Zoo siab heev, nws ntxhi rau vaj qhia pob ntseg tias: "Txiv Vaj Qhia, kuv thiab, kuv xav ua Leej Plees ib tug leej choj, ib tug sawv ces Leej Pleev". Vaj Qhia teb nws tias: "Kuv mam thov Ntuj rau koj, koj thiab koj thov Ntuj rau kuv mog. Qhov Tswv Ntuj xaiv koj yuav pib txij hnub no mus".

Phau xov xwm:
Team Aleteia

Nov yog daim video uas cov hluas yees tau. Nyuam qhua tso tawm hnub tim 01-05-2014 no xwb.

Ntawm daim video, tus me nyuam tub hais tias lawv mus ces neeg coob coob, lawv txawm mus rau ntawm kev lem ces xav tias vajq hia los ntshe lawv yuav tsis pom, ces lawv thiaj li txav chaw mus rau ntawm qhov ncaj me ntsis. Lawv pom vaj qhia ci ntsa iab...(qhov nov, nws nres ib pliag tsis hais lus, nws hais tias:"tsis muaj ib lo lus yuav piav tau...)". Ces nws quaj, nws hais cov lus li kuv twb xub sau saud lawm.

Qhov nov yog nws pom Tswv Ntuj lub txiaj ntsim ci ntsa iab, nws zoo siab thiab pom Ntuj, nws thiaj quaj ua luaj. Tsis yog nws ntsib vaj qhia xwb es nws quaj.

Sponsored content

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Post Sponsored content

HMONG CATHOLIQUE

Yesxus Pleev

Phau Ntawv Ntshiab2002

Search

Gallery

Latest topics

Speciale Hmong Guyane

Hmoob Tshav Ntuj

Suav neeg tuaj saib, txij hnub 17/09/2010 los mus.

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Re: JMJ 2013 Brazil- VAJ QHIA FRANCIS MUS UA KEV TXHAWB TSOOM HLUAS THOOB NTIAJ TEB

Similar topics

Similar topics

Niam Mab Liab

Tshiab Mis Kas Ees

NtawvXamNyoog2017_18_B.

KEV KAWM

KEEB KWM

NKAUJ TEEV NTUJ

KOOM TXOOS

CAW LOS NYEEM NTAWV

Search Query

Display results as : Posts Topics
Advanced Search