HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Vaj Qhia Npes Nes Dis XVI Pib Xyoo Txhawb Kev Ntseeg Empty

Latest topics

» Tswv Ntuj txoj kev Khuv Leej Neeg.( Neuvaine à la Divine Miséricorde)
by Maiv Tooj Yesterday at 11:22 pm

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

Suav neeg tuaj saib, txij hnub 17/09/2010 los mus.


4 posters

    Vaj Qhia Npes Nes Dis XVI Pib Xyoo Txhawb Kev Ntseeg

    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Vaj Qhia Npes Nes Dis XVI Pib Xyoo Txhawb Kev Ntseeg Empty Vaj Qhia Npes Nes Dis XVI Pib Xyoo Txhawb Kev Ntseeg

    Post  Mim 12th October 2012, 9:47 am



    XYOO TXHAWB KEV NTSEEG 2012-2013

    P>Vaj Qhia Npes Nes Dis XVI Pib Xyoo Txhawb Kev Ntseeg Pope_Benedict_XVI_Opening_Mass_of_the_Year_of_Faith_Credit_Matthew_Rarey_CNA_2_EWTN_Vatican_Catholic_News_10_11_12Nag hmo lub 10 hli tim 11, 2012, Vaj Qhia Npes Nes Dis XVI ua ib thaj txi ntuj qhib Xyoo Txhawb Kev Ntseeg (the Year of Faith/Année de la Foi). Kuj yog hnub nco txog Vaj Qhia Zam XIII pib qhib lub Rooj Ncauj Lus Vas Tis Kaas II muaj 50 xyoo dhau los lawm, tim 11 lub 10 hli 1962. Lub Rooj Ncauj Lus Vas Tis Kaas II kaw yog tim 8 lub 12 hlis 1965. Vaj Qhia Paj Lug VI yog tus kaw lub Rooj Ncauj Lus.

    Ua ntej lub Rooj ncauj Lus, lub Koom Txoos Kas Tos Liv siv lus Las Tees ua cov txoos txi ntuj nyob thoob ntiaj teb. Tiam sis kuv nco hais tias peb cov Hmoob yeej ib txwm siv lus Hmoob xwb, peb tsis tau siv lus Las Tees li. Raws kuv to taub mas yog vim Koom Txoos ua exception rau cov haiv neeg nyuam qhuav los ntseeg, thiab tsis paub ntaub paub ntawv li peb cov Hmoob. Vas Tis Kaas II pom zoo kom nyias haiv neeg yuav tsum siv nyias xeem lus los teev ntuj. Txij li ntawd los thiaj muaj thai txi ntuj ua lus Aas Kiv, lus Fab Kis, German, thiab lwm yam lus lawm. Thaum ub, txiv plig ua thaj txi ntuj tig nrob qaum rau cov neeg nyob hauv tsev teev ntuj. Txij Vas Tis Kaas II los, cov txiv plig thiaj ua thaj txi ntuj tig los ntsia cov neeg. Thiab Vas Tis Kaas II qhia kom peb yuav tsum hwm thiab saib taus lwm hom kev ntseeg, ces muaj ib txhia txawm cia li muab peb txoj kev ntseeg Kas Tos Liv saib tsis muaj nqes lawm. Tiam sis peb yuav tsum paub zoo tias peb yuav hwm lwm txoj kev ntseeg thiab tiam sis peb yuav tau saib hais tias peb txoj kev ntseeg Kas Tos Liv yog txoj tseem ceeb thiab yog txoj uas HT Yes Xus qhia rau Pob Zeb thiab cov Hauv Paqus Xa Lus thiab yog txoj uas lub Koom Txoos Kas Tos Liv ua tus tshaj tawm thiab qhuab qhua rau ntiaj teb neeg.

    Thaum lub Rooj Ncauj Lus Vas Tis Kaas II nyuam qhuav tas kiag, mas lub caij ntawd muaj tej yam hloov tshiab, ces cov neeg ntseeg mus rau ib txhia txiv plig thiaj tswv qhia sawv daws tsis to taub zoo, ces zoo li lawv muab txoj kev coj taug los coj rau ntau yam, ces Koom Txoos Kas Tos Liv thiaj li ntxhov tau ib ntus. Tiam sis Vaj Qhia Zam Paj Lug II twb los pib kho rau, ces Vaj Qhia Npes Nes Dis XVI kuj ho los kho ntau yam ntxiv rau. Kuj tsis yog yuav kom rov tig mus coj li thaum ub dua, tiam sis Vaj Qhia los qhia kom peb to tau blub ntsiab ntawm Vas Tis Kaas II meej dua, thiab rov kho tej yam uas sawv daws tau tob taub los coj yuam kev, kom coj kom raws li lub Koom Txoos tau txiav, tiam sis tsis yog coj taug taug thiab tso ntau yam pov tseg. Xws li peb yuav tau hwm Niam Mab Liab thiab hais txoj Saw Mab Liab kom ntau, txhob muab tsoi tseg; xws li peb yuav tau ntseeg ruaj nreb tias HT Yes Xus yeej nyob hauv lub Cim Yug tiag, thiab peb yuav tau ua kev hawm lub Cim Yug kom ntau; xws li peb yuav tau mloog Vaj Qhia thaum nws txiav ib yam tseem ceeb nyob hauv txoj kev ntseeg.

    Yog li xyoo no yog xyoo txhawb peb txoj kev ntseeg. Thov kom peb sawv daws nyias rov xav txog nyias txoj kev ntseeg, nyias rov xav txog nyias txoj kev cog lus thaum peb txais lub Cim Ntxuav, peb txhua tus tau cog lus tias peb yuav ntseeg Tswv Ntuj thiab peb yuav nrauj dab phem pov tseg. Peb puas muaj kub siab kub lug ntseeg Tswv Ntuj tiag, thiab tso tas puas tsav yam uas tsis pab kom peb ntseeg Tswv Ntuj pov tseg?
    Peb txoj kev ntseeg zoo nkaus li ib lub cub tawg. Yog peb tsis ib sij tsij taws ntxiv rau, tsis ib sij tshuab rau mas kawg yuav qauj zuj zus mus xwb, ces thaum kawg yuav tsis muaj ib qho ciaj li lawm. Yog li xyoo no thov kom peb sawv daws nyias los ntsaub nyias lub cub tawg rau kom ciaj thiab kom cig loj tuaj os nawb.

    Vaj Qhia Npes Nes Dis XVI Pib Xyoo Txhawb Kev Ntseeg Year-of-faith-logo-montage


    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Tub Kawm 3rd June 2013, 2:42 pm

    Nyob zoo Mim thiab sawv daws.
    Cas tav no tsi pom nej tuaj tso zaj Teev Ntuj thov Xyoo Txhawb Kev Ntseeg li, puas yog tim nej tsi muaj los?
    Ntawm peb no txij hnub koj tso cov lus no tas lawv cov TP twb muab zaj teev ntuj ntawd tseb rau peb tas lawm.
    Kom sawv daws thov kom tas xyoo no. Tiam sis yog lus cob tsib xwb.
    Yog nej muaj no tuaj tso rau peb kawm og.

    ZAJ TEV NTUJ NTAWD MUAJ TSIB NQE THOV YAM LI.
    1 Thov Leej Txiv Tswv Ntuj.
    2 Huab Yes Xus Pleev.
    3 Leej Ntuj Plig Ntshiab.
    4 Leej Ntshiab Mab Liab.
    5 Leej Ntshiab Yos Xes mus rau tsoom Leej Ntshiab tib si.

    Zaj ntawd zoo thov pab txhua tas nrho nyob rau xyo no, kom sawv daws muaj rov muaj zog ntseeg.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5527
    Date d'inscription : 2009-08-18

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Maiv Tooj 5th June 2013, 9:19 am


    Nyob zoo Tub Kawm,

    Zoo kawg, yog nej tau zaj teev Ntuj thov Xyoo Txhawb Kev Ntseeg; peb twb tsim tsis muaj thiaj li tsis tso tawm. Yog koj muaj caij no pab txhais cob tsib zaj seb lawv hais li cas.

    Vaj Qhia Npes Nes Dis XVI Pib Xyoo Txhawb Kev Ntseeg Logo-a10

    Lub cim xyoo txhawb kev ntseeg.

    Vaj Qhia Npes Nes Dis XVI Pib Xyoo Txhawb Kev Ntseeg Sens-d11

    1- lub nkoj, 2- tus Ntoo Cuam, 3- 3tug niam ntawv IHS los yog JHS = Yes Xus, 4-luv hnub = lub Cim Yug.

    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Tub ntsuag 5th June 2013, 12:28 pm

    Nyob zoo niam hlob ua cas peb ntshai tias nej twb muaj twb tau hiab no tiam xav ntshe nej tsi muab tso tawm xwb no os lub xyoo zaj thov txhawb kev ntseeg nws twb yuav tas lawm og .nyob hauv zaj no mas yog ib zaj uas yus thov tar kis hmo ntuj mas yuav tau txair txiaj ntsim zoo og yog m uaj caij mam li txhais me ntsis ntawm cov ntsiab lug og nawb nyob zoo sawv daws
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Mim 9th June 2013, 2:14 pm

    Nyob zoo Tub Kawm thiab Tub Ntsuag thiab nej cov tuaj ntawm no txhua tus,

    Vaj Qhia Npes Nes Dis XVI Pib Xyoo Txhawb Kev Ntseeg 2012-Year-of-Faith

    Tub kawm, ua tsaug uas koj tau tuaj nug txog thiab tham txog kev teev ntuj Xyoo Txhawb kev Ntseeg. Kuv tsis tau rov tuaj tham txog vim kuv to taub tias nyias tus Tswv Qhia mam li tshaj tawm tias yuav kom nyias pawg ntseeg ua dab tsi teev ntuj li cas. Tiam sis koj tau tuaj tham txog ces kuv xav tias kuv mam li tuaj piav me ntsis raws kuv to taub. Tej zaum kuv kuj to taub tsis tas, yog leej twg ho muaj dab tsis xav ntxiv rau los ho tuaj ntxiv rau. Kuv tsuas piav raws kuv to taub xwb.

    Nyob tim nej tej zaum nej cov Tswv Qhia npaj tej txoj kev teev ntuj tseb rau sawv daws kom hais raws li lawv npaj. Nyob tim peb no, muaj ntau ntau lub Cheeb Koom Txoos (dioceses), ces nyias tus Tswv Qhia tshaj tawm rau nyias cov ntseeg saib yuav teev ntuj li cas. Tiam sis peb cov Tswv Qhia USA (USCCB) kuj tau koom tshaj tawm li no tias:
    Xyoo Txhawb Kev Ntseeg yog ib lub xyoo uas txhua tus neeg ntseeg Kas Tos Liv yuav tsum tig mus cuag HT Yes Xus nyob hauv Koom Txoos cov Cim, tseem ceeb yog lub Cim Yug (thiab Cim Daws Txhaum), thiab txhua tus neeg ntseeg yuav tsum tig rov mus kawm kom paub txoj Kev Ntseeg thiab lub Koom Txoos zoo.

    Xyoo Txhawb Kev Ntseeg qhib rau tim 11 lub 11 hlis 2012. Hnub ntawd yog hnub nco txog Rooj Ncauj Lus Vatican II pib qhib muaj 50 xyoo dhau los lawm, thiab kuj tseem yog hnub nco txog Koom Txoos Kas Tos Liv phau Ntawv Qhia Kev Ntseeg (Catechism of the Catholic Church) ua tawm tau 20 xyoo lawm thiab. Li no, nyob hauv Xyoo Txhawb Kev Ntseeg, cov Ntseeg Kas Tos Liv yuav tsum mus tshawb nyeem cov ntaub ntawv uas Vatican II tau sau cia thiab yuav tsum tau mus kawm Phau Ntawv Qhia kev Ntseeg kom lawv thiaj paub txog lawv txoj kev ntseeg tob tshaj qub tuaj.

    Lub ‘qhov rooj kev ntseeg’ (Hauj Lwm 14: 27) yeej qhib lug tos peb sawv daws, yuav coj peb mus taug txoj kev ua neej koom siab nrog Tswv Ntuj thiab yuav qhib rau peb nkag mus nyob hauv lub Koom txoos… (Vaj Qhia Npes Nes Dis XVI, Tsab ntawv Porta Fidei, uas tshaj tawm txog Xyoo Txhawb Kev Ntseeg)

    Yog li ntawd, Xyoo Txhawb Kev Ntseeg no yog ib lub sij hawm zoo rau peb cov ntseeg Kas Tos Liv tig rov los xyaum mob siab kub siab rau peb txoj kev ntseeg, saib Tswv Ntuj yog tus tseem ceeb tshaj nyob hauv peb lub neej, kawm kev ntseeg kom paub tob tshaj qub, thiab mob siab teev ntuj, nquag mus koom thaj txi ntuj Hnub Chiv, nquag mus daws txhaum txais lub Cim Yug los txhab zog rau peb. Tsis tas li xwb peb kuj tseem yuav xyaum ua tim khawv txog peb txoj kev ntseeg rau lwm leej lwm tus uas nyob ncig peb kom lawv txoj kev ntseeg hlob tuaj thiab kom cov tsis ntseeg ho xav los paub txog Tswv Ntuj thiab ntseeg Tswv Ntuj.

    Cov Tswv Qhia thiab cov Txiv Plig lawv kuj yuav tau nyias npaj nyias tej yam tshwj xeeb los qhuab qhia thiab txhawb lawv lub cheeb koom txoos los puas lawv pawg ntseeg.

    Nyob hauv peb lub cheeb koom txoos Detroit, peb tus Tswv Qhia tau xaiv 8 lub tsev teev ntuj. Thiab nws tshaj tawm rau sawv daws paub hais tias yog peb cov ntseeg muaj siab tiag, kom peb xaiv mus ua ke teev ntuj ‘Pilgrimage’ ntawm ib lub tsev teev ntuj uas yuav yooj yim rau peb. Yog peb ua kev Daws Txhaum, txais lub Cim Yug, thiab thov ntuj pab rau Txiv Vaj Qhia nrog tib si mas peb yuav tau txais txiaj ntsim zam txim txhaum rau peb cov txhaum (Plenary Indulgence).

    Thaum lub 10 hli 2012, ua ntej yuav qhib Xyoo Txhawb Kev NtseegTxiv Vaj Qhia Npes Nes Dis XVI kuj tau hais li no:
    …Kuv xav caw txhua leej txhua tus kom nej nyiam hais txoj saw Mab Liab nyob hauv Xyoo Txhawb Kev Ntseeg. Thaum peb hais Saw Mab Liab, yog peb cia Niam Mab Liab ua tus tuav peb tes taug kev; nws yog tus piv txwv txog kev ntseeg zoo rau peb; yog peb niaj hnub xav txog Yes Xus lub neej ib hnub dhau ib hnub, ces peb yuav yoog tau Yes Xus zuj zus hauv peb kev ua neej. Li ntawd,… kuv caw cov neeg sawv daws kom nej hais txoj Saw Mab Liab, nej hais nej tus kheej los tau, hais nrog nej tsev neeg los nrog nej pawg ntseeg los haj yam zoo, kom nej tau kawm ntawm Niam Mab Liab uas yog tus coj peb mus cuag Yes Xus uas nws yog lub ntsiab ntawm peb txoj kev ntseeg.

    Yog li peb hais tau hais tias muaj ob lub ntsiab loj ntawm Xyoo Txhawb Kev Ntseeg raws li no:
    1) Txhawb yus tus kheej txoj kev ntseeg kom ruaj khov;
    2) Pab txhawb lwm tus txoj kev ntseg kom ruaj khov thiab tshaj txog lub Moo Zoo rau cov uas tsis tau hnov txog.

    Vaj Qhia Npes Nes Dis XVI Pib Xyoo Txhawb Kev Ntseeg Logo-de-l-annee-de-la-foi-2012_copie1. Yuav txhawb yus tus kheej txoj kev ntseeg zoo li cas?
    a) Yuav muab Koom Txoos Phau Ntawv Qhia Kev Ntseeg los kawm kom paub kev ntseeg zoo;
    b) Yuav mus tshawb nrhiav Vatican II cov ntaub ntawv los nyeem, kom to taub tias Vatican II tau txiav tej txoj cai zoo li cas rau Koom txoos coj;
    c) Yuav mus nrhiav kawm txog koom txoos tej lus qhuab qhia txog kev sib yuav, kev ua neej;
    d) Mob siab txais Koom Txoos cov Cim tseem ceeb yog lub Cim Daws Txhaum thiab Cim Yug;
    e) Mob siab rau kev teev ntuj: Mus koom Thaj Txi Ntuj Hnub Chiv, nquag teev Saw Mab Liab, nquag mus hawm Yes xus hauv lub Cim Yug, mus ua kev teev ntuj ‘pilgrimage’ ntawm ib lub tsev teev ntuj raws li yus tus Tswv Qhia tau teev cia.

    2. Yus txhawb lwm tus txoj kev ntseeg li cas?
    a) Ua ib tug qauv zoo rau luag pom;
    b) Tsis ntshai ua tim khawv txog yus txoj kev ntseeg rau ntawm luag xub ntiag;
    c) Coj tus yam ntxwv phim kev ntseeg.
    d) Tshaj txoj kev ntseeg (los lub Moo zoo) rau lwm tus;


    Peb tus Tswv Qhia kuj tshaj tawm ob zaj teev ntuj zoo li no rau peb hais thiab:

    Zaj thov Leej tswv Yim Ntshiab:

    We stand before you, Holy Spirit, conscious of our
    sinfulness, but aware that we gather in your name.
    Come to us, remain with us, and enlighten our hearts.
    Give us light and strength to know your will, to make
    it our own, and to live it in our lives.
    Guide us by your wisdom, support us by your power,
    for you are God, sharing the glory of Father and Son.
    You desire justice for all; enable us to uphold the
    rights of others; do not allow us to be misled by
    ignorance or corrupted by fear or favor.
    Unite us to yourself in the bond of love and keep us
    faithful to all that is true.
    As we gather in your name, may we temper justice
    with love, so that all our discussions and reflections
    may be pleasing to you, and earn the reward promised
    to good and faithful servants.
    We ask this of You, who live and reign with the
    Father and the Son, one God, for ever and ever.
    Amen.

    Lus hmoob:

    Leej Tswv Yim Ntshiab, peb tuaj sawv nyob ntawm koj xub ntiag.
    Peb yeej paub zoo tias peb yog neeg txaug neeg txhaum, tiam sis peb kuj paub tias peb tuaj sib sau nyob hauv koj lub npe. Peb thov koj tuaj nyob hauv peb, tsis txhob ncaim peb mus; thov koj tuaj kaj peb lub siab.
    Muab koj qhov pom kev thiab koj lub zog rau peb kom peb thiaj paub tau tias koj lub siab nyiam li cas, peb thiaj yoog tau raws li koj nyiam thiab coj raws li ntawd nyob hauv peb lub neej.
    Muab koj txoj kev thoob tsib los rau peb, muab koj lub hwj huam los txhawb peb, vim koj yog Tswv Ntuj, koj nrog Leej Txiv thiab Leej Tub nto koob meej.
    Koj xav kom txhua leej tau txais kev ncaj ncees; thov koj pab kom peb hwm luag txoj kev muaj cai; tsis txhob cia peb ua yuam kev vim kev tsis paub qab hau, los vim kev ntshai thiab kev raug luag xiab yus.
    Thov koj muab koj txoj keb hlub los khi peb rau koj, tsis txhob cia peb ua neeg ntxeev siab rau tas puas tsav yam uas yog tseeb.
    Peb tuaj sib sau nyob hauv koj lub npe, thov koj pab kom peb txawj txiav txim ncaj ncees nrog kev sib hlub, ces peb tej kev sib cav sib tham thiaj yuav ntxim koj siab thiab tau txais txiaj ntsim raws li koj tau cog lus pub rau cov tub txib zoo.
    Peb thov tas puas tsav yam no ntawm koj, uas nrog Leej Txiv thiab Leej Tub koom ua ib tug Tswv ntuj muaj txoj sia thiab ua vaj nyob mus li tsis txawj tag tsis txawj kawg. Ua li.

    Zaj thov ntuj pab tshaj lub Moo zoo

    Prayer for the New Evangelization
    ‘“Everyone who calls on the name of the Lord will be saved.’ But how can they call on him in whom they have not believed? And how can they believe in him of whom they have not heard? And how can they hear without someone to preach? And how can people preach unless they are sent?” –Romans 10: 13-15
    Heavenly Father,

    Pour forth your Holy Spirit to inspire me with these words from Holy Scripture.
    Stir in my soul the desire to renew my faith and deepen my relationship with your Son, our Lord Jesus Christ so that I might truly believe in and live the Good News.
    Open my heart to hear the Gospel and grant me the confidence to proclaim the Good News to others.
    Pour out your Spirit, so that I might be strengthened to go forth and witness to the Gospel in my everyday life through my words and actions.
    In moments of hesitation, remind me:
    If not me, then who will proclaim the Gospel?
    If not now, then when will the Gospel be proclaimed?
    If not the truth of the Gospel, then what shall I proclaim?
    God, our Father, I pray that through the Holy Spirit I might hear the call of the New Evangelization to deepen my faith, grow in confidence to proclaim the Gospel and boldly witness to the saving grace of your Son, Jesus Christ, who lives and reigns with you, in the unity of the Holy Spirit, one God, for ever and ever.
    Amen.

    Lus hmoob:

    Vaj Qhia Npes Nes Dis XVI Pib Xyoo Txhawb Kev Ntseeg Yof_logo_4_languages“’Txhua leej uas hu txog Huab Tais lub Npe yuav tau txais kev cawm .’ Tiam sis yog lawv twb tsis ntseeg, lawv yuav cas hu txog nws? Thiab yog lawv twb tsis tau hnov dua txog nws li, lawv yuav ua cas ntseeg? Lawv yuav ua cas hnov txog yog tsis muaj tus mus qhuab qhia li? Thiab leej twg yuav mus qhuab qhia tau yog Ntuj tsis xa nws mus?” – Los mas 10: 13-15
    Leej Txiv nyob saum ntuj,
    Thov koj nchuav koj Leej Tswv Yim Ntshiab los tshoj kuv vim cov lus nyob hauv Ntawv Ntshiab no.

    Thov koj txhib kuv lub siab kom kuv xav rov cog lus ntseeg koj dua thiab kom kuv muaj siab xav paub koj Leej Tub peb tus HT Yes Xus Pleev kom zoo ces kuv txoj kev ntseeg thiaj yuav tseeb thiab kuv thiaj yuav ua lub neej haum raws lub Moo Zoo.
    Thov qhib kuv lub siab kom kuv hnov koj Lo Lus thiab pub kom kuv muaj peev xwm tshaj koj lub Moo Zoo rau lwm tus.

    Thov koj nchuav koj Leej Tswv Yim rau saum kuv, kom kuv muaj cuab kav ua tim khawv txog lub Moo Zoo nyob hauv kuv lo lus thiab hauv tej yam kuv ua nyob hauv kuv lub neej niaj hnub.

    Yog thaum twg kuv ua xyem xyav, thov ua kom kuv nco dheev txog tias:

    Yog kuv tsis tshaj, leej twg yuav tshaj lub Moo Zoo?

    Yog tsis tshaj nyem no, yuav thaum twg mam tshaj lub Moo Zoo?

    Yog kuv tsis tshaj qhov tseeb ntawm lub Moo Zoo, kuv ho yuav tshaj dab tsi?

    Peb Leej Txiv Tswv Ntuj, kuv thov kom Leej Tswv Yim Ntshiab qhib kuv lub siab los mloog txoj kev Tshaj Ntuj Lus Tshiab lub suab hu kom kuv ntseeg tob tshaj qub, kom kuv muaj cuab kav tshaj lub moo Zoo thiab ua tin khawv txog koj Leej tub Yes Xus Pleev lub txiaj ntsim cawm neeg; nws yog tus nrog koj thiab nrog Leej Tswv Yim Ntshiab ua Ib Tug Tswv Ntuj muaj txoj sia thiab ua vaj nyob mus li tsis txawj tag tsis txawj kawg.
    Ua li.

    Tub ntsuag
    Tub ntsuag
    Phooj Ywg
    Phooj Ywg


    Messages : 111
    Date d'inscription : 2011-10-06

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Tub ntsuag 10th June 2013, 12:40 am

    Nyob zoo og mim ua tsaus koj rov tuaj qhia ntxiv .tej zaum yog li koj hais nyias nyob nyiag ces nyiag muaj nyiag tug tswv qhia tej zaum lawv yuav hais raws li zaj tswv qhia tau tshaj tawm .thiab kuj yog li koj hais thov hais saw maib liab .eg nyob tim nej tsi tau thov hais zaj txhawb kev ntseej lov raws li kv xav mas txhua tug tswv qhia yeej yuav tsum qhia hais thov zaj txhawb kev ntseeg xwb os .li no xwb mam sib ntsib dua.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Tub Kawm 14th June 2013, 4:32 am

    Nyob zoo sawv daws, taub 2 3 hnub no kuv tsi khoom tuaj lawm, thov txim tsis tau tuaj teb nej cov lus.
    Mim thiab N hlob ua tsaug rau neb rov tuaj tso txog cov lus xyoo txhawb kev ntseeg rau peb kom paub meej dua ntxiv.
    Mim tej zaum  ib leej nyob  ib sab ntuj es nyiam tus Tx Tswv Qhia kom sawv daws nyiag teev Ntuj raws li nyiag lub lub teb chaw og. Tiam sis tej zaum kuj txawv tsi ntau, cov ntsiab lus kuj yog tib yam og.
    Cia kuv muab zaj teev ntuj xyoo txhawb kev ntseeg ntaws tso rau peb sawv daws nyeem og.
    Zaj Teev ntuj ntawd yog ib tus tub hluas txhais tawm ua lus hmoob thiab kuv koo rog kho kom haum cov cov lus thoob teb.
    Zaj teev ntuj no tsuas yog thov tas xyoo txhawb kev ntseeg no xwb, ntawm no yog zaj teev teev ntuj.



    ZAJ TEEV NTUJ XYOO TXHAWB KEV NTSEEG


    Lee Txiv Tswv Ntuj yog tus Ntshiab,
     yog Tswv Ntuj muaj hwj huam tas nrho.
     peb nyuag thov ua koj tsaug koj tau pub txiaj ntsim rau peb nyog txoj kev ntseeg,
     li ntawd peb tau txais paub thiab ua raws li cov lus Tswv Ntuj qhia,
    feem ntau yog pub koob hmoov rau peb tiam no thiab tiam tom qab.


    Huab Tais Yes Xus Pleev,
     Koj yog txoj kev,
     yog qhov tseeb thiab txoj sia.
     Lee twg ntseeg koj yuav nrhiav tau kev mus, nrhiav tau qhov tseeb thiab txoj sia.
     peb nyuag ua tsaug rau Koj twb tuaj tshaj lub Moo Zoo,
     qhia rau peb nyuag tej yam uas yuav ntsees, tej hauj lwm yuav ua,
     kom tau nyob kaj lug thiab muaj txoj sia.
     thov txhawb peb nyuag txoj kev ntseeg tsi muaj zog no,
     kom peb nyuag rov tig paub Tswv Ntuj txoj kev hlub,
    Thiab txaus siab coj peb tus kheej mus tshaj lub Moo zoo rau txhuaj leej,
    raws Tswv Ntuj cov lus tshaj.


    Leej Ntuj Plig Ntshiab koj yog tus qhia txhua yam,
     thov koj qhia tej yam uas peb nyuag yuav ntseeg,
     tej hauj lwm peb yuav ua,
    kom peb nyuag txoj kev ntseeg yem hnub ntxiv tob zuj zug kom vam meej.
     thov Koj pub peb nyuag paub ruaj siab ntseeg zoo (ua ntej) ntawm sawv daws xub ntiag,
     paub coj kev ntseeg hauv lub txoos teev ntuj,
     thiab coj lub neej raws txoj kev ntseeg nyob rau txhua hnub,
     kom paub tshaj txoj kev ntseeg ntawd rau cov tub nyuag,
     thiab rau txhua leej,
     tshwj xeeb yog cov tsi tau paub txais txog Tswv Ntuj.  


    Leej Niam Mab Liab,
    Koj taub koob hmoov vim koj ntseeg,
    thov pab peb nyuag ntseeg
    Tswv Ntuj tej lus qhia,
    thiab lub koom txoos tshaj,
    paub txhua yam txoj kev hlub ntawm Tswv Ntuj,
    paub txhawj txog lub luag hauj lwm ntawm kwv tij sawv daws ib ncig ntawm peb,
    li ntawd thiaj txais paub Tswv Ntuj,
    cia kom lawv txais tau txiaj ntsim kev ntseeg,
    thiab (npaj) nqa tau  txoj sia nyob mus ib txhis.

    Leej Ntshiab Yos Xes,
    thiab cov Ntshiab tuag hauv Vietnam, tas nrho rau tsoom Leej Ntshiab,
    Nej yog daim iav ua qauv muaj zog ntawm kev ntseeg rau peb.
    Thov pab peb peb nyuag paub ua lub neej 
    thiab coj raws peb txoj kev  ntseeg nyob rau txhua hnub,
    tshwj xeeb yog nyob rau Xyoo Txhawb kev ntseeg no.

    Qhua Tswv Ntuj Yog tus nyob mus ib txhis. 

    Ua li.


    Vaj Qhia Npes Nes Dis XVI Pib Xyoo Txhawb Kev Ntseeg 92632810

    Sponsored content


    Vaj Qhia Npes Nes Dis XVI Pib Xyoo Txhawb Kev Ntseeg Empty Re: Vaj Qhia Npes Nes Dis XVI Pib Xyoo Txhawb Kev Ntseeg

    Post  Sponsored content


      Current date/time is 28th March 2024, 8:11 pm