Lub 10 Hli yog ib lub hlis tshwj rau txoj kev teev Saw Mab Liab

Lub Koom Txoos Kas Tos Liv saib txoj kev teev Saw Mab Liab yog ib txoj kev teev ntuj tseem ceeb thiab muaj hwj huam, Koom Txoos thiaj qee lub 10 hli los ua ib lub hlis teev Saw Mab Liab. Nyob hauv Koom Txoos Kas Tos Liv, muaj ntaus zaus uas kev teev Saw Mab Liab muaj hwj huam pab tau kom yeej kev ntaus rog.

Muaj ib zaj kwv huam hais tseg tias thaum ub, leej ntshiab Dominic qaug zog kawg, vim nws tsis pom qab tias yuav ua li cas thiaj yeej cov Albigensians - As Npis Ntsees Xias - (yog ib co neeg ntseeg yuam kev tsis haum txoj kev ntseeg Kas Tos Liv nyob cov teb chaws ciam teb Fab Kis, Is Tas Lis thiab Yes Las Mas). Nws ua kev yoo them txim txhaum thiab siv zog thov ntuj pab saib nws yuav ua li cas thiaj yuav qhia tau kom cov neeg ntawd tso txoj kev yuam kev pov tseg. Kwv yees xyoo 1206, Niam Mab Liab thiaj tshwm sim tuaj qhia rau leej ntshiab Dominic tias, tsuas muaj ib “rab riam phom” (weapon/arme) xwb thiaj yuav yeej, yog txoj Saw Mab Liab. Ces Niam Mab Liab qhia tias yuav hais txoj Saw Mab Liab li cas thiaj zoo, xws li yuav tsum xav txog HT Yes Xus neej muaj kev zoo siab, muaj kev txom nyem, muaj kev nto koob meej. Leej ntshiab Dominic thiaj teev txoj Saw Mab Liab raws li Niam Mab Liab qhia, thiab qhia rau coob leej nrog nws teev.

Nram no kuv yuav piav me me txog cov hnub nyoog tseem ceeb uas txoj kev teev Saw Mab Liab muaj txiaj ntsim pab tau cog neeg ntseeg.

Xyoo 1213, Koom Txoos Kas Tos Liv sawv ib nthwv rog (crusade) tawm tsam cov Albigensians. Vim muaj txoj kev teev Saw Mab Liab pab, ces tim12 lub 10 hli 1213, tog tub rog Kas Tos Liv thiaj ntaus yeej tog tub rog Albigensian nyob lub nroog Muret, Fab Kis teb, tsis deb ntawm Toulouse.

Xyoo 1571, cov Turks, uas yog neeg Mawv Xis Lim, xav tuaj vij cov teb chaws ntseeg Yes Xus sab Europe (cov teb chaws Aws Los Pas). Lawv sib tua ib tsam rog loj nyob Lepanto, Greece (teb chaws Hes Las) hnub tim 7 lub 10 hli 1571. Vaj Qhia leej ntshiab Pis Yus V nqua hu kom cov neeg ntseeg teev Saw Mab Liab pab tsoom tub rog. Txawm hais tias cov tub rog Kas Tos Liv tsawg tsawg, cov tub rog Turks coob (1 tug tub rog Kas Tos Liv yuavtsum ntaus tsam nrog 3 tug Turks) los tog Kas Tos Liv kuj cia li ntaus yeej cov Turks , ces lawv thiaj tuaj txeem tsis tau rau cov teb chaws ntseeg Yes Xus lawm.

Txij thaum ntawd los, niaj xyoo tim 7 lub 10 hli, Koom Txoos Kas Tos Liv thiaj qee hnub ntawd los ua hmoov txog txoj Saw Mab Liab (Feast of the Rosary/Fete du Rosaire), vim txoj Saw Mab Liab tau pab lub Koom Txoos yeej cov Mawv Xis Lim.

Xyoo 1683, cov Turks Mawv Xis Lim rov tuaj ntaus Europe dua. Lawv tuaj vij lub nroog Vienna, Austria teb. Cov tub rog ntseeg Yes Xus teev Saw Mab Liab pab lawv tiv kom yeej, kom cov Mawv Xis Lim txhob tuaj txeem tau rau hauv lawv lub nroog. Qhov kawg lawv kuj tiv yeej thiab.

[b]Xyoo 1716,[/b] cov Turks rov qab tuaj ntaus Europe ntxiv dua. Lawv tuaj rau lub nroog Peterwardein, Hungary teb. Cov neeg ntseeg kuj tau teev txoj Saw Mab Liab pab cov tub rog thiab. Ces lawv kuj yeej cov Mawv Xis Lim dua. Xyoo ntawd yog xyoo uas Vaj Qhia tau tshaj tawm kom tas lub Koom Txoos nyob thoob ntiaj teb yuav tsum qee hnub tim 7 lub 10 hli ua hmoov txog txoj Saw Mab Liab.

Xyoo 1815, nyob New Orleans, As Mes Lis Kas teb, tog tub rog Mes Kas kuj ntaus yeej tog Aas Kiv thiab. Vim lub caij ntawd cov yim neeg Kas Tos Liv tau sib sau los teev Saw Mab Liab pab lawv cov tub rog uas tab tom mus ntaus rog thaiv lub teb chaws lawm.

Xyoo 1945, nyob Hiroshima, Japan, muaj 8 leej txiv plig nyob ze ze ntawm qhov chaw uas Mes Kas tso atomic bomb poob mus hlawv cov neeg Zij Pees. Nyob ib ncig lawv, tej vaj tse tej neeg thiab tsiaj txhu ntsoog tas yaj tas los kub hnyiab tas, tiam sis lawv yim leej tsis raug mob loj thiab tsis raug cov pa atomic li. Cov kws txuj tsis to taub tiam yog vim li cas lawv thiaj tsis raug mob li luag tej, tiam sis lawv paub meej tias yog vim lawv niaj hnub hais Saw Mab Liab xwb.

Xyoo 1955, nyob Austria teb, cov neeg pej xeem tsis xav kom lawv lub teb chaws ntxeev mus ua communist, ces lawv rau siab ntso hais Saw Mab Liab pab. Qhov kawg, lawv cov nom tswv tshaj tawm tias lawv lub teb chaws tsis tuaj tog twg, lawv yog ib lub teb chaws nyob nruab nrab xwb (neutral), ces lawv tsis tau ntxeev ua communist.

Xyoo 1966, nyob Brazil, muaj ib co neeg xav ntxeev lub teb chaws mus ua communist. Cov poj niam thiaj li sawv ua ib lub koom haum hais Saw Mab Liab pa blub teb chaws, ces Brazil kuj tsis tau hloov mus ua communist li.

Xyoo 1975, nyob Portugal teb los ib yam, cov neeg ntseeg hais Saw Mab Liab pab lawv teb chaws ces lub teb chaws kuj tsis ntxeev ua communist li.

Yog li ntawd, yog hais tias nej yeej niaj hnub hais Saw Mab Liab lawm, mas thov kom nej tsis txhob qaug zog thiab txhob tso tseg, yeej meem hais ntxiv mus. Yog tias neej tsis tau xyaum hais Saw Mab Liab niaj hnub no ces lub 10 hli no yogi b lub sij hawm zoo los xyaum hais.
Yog nej leej twg tsis tau paub tus kev cai hais Saw Mab Liab no ces mus nrhiav nyeem hauv chav uas peb twb tuaj piav txog txoj kev haiv Saw Mab Liab ntau ntau lawm. Tiam sis kuv rov mus nrhiav zoo li kuv nrhiav tsis pom li lawm. Yog tais Tooj los Maiv Paj Lug muab tau qhov link tuaj tso rau hauv no mas yuav zoo rau cov xav rov mus nyeem thiab kawm hais Saw Mab Liab.

Nyob zoo Mim,

Cov Topic teev Saw Mab Liab muaj:

1/ https://hmongcatholique.forumdediscussions.com/t951-hais-saw-mab-liab-thoob-ntiaj-teb-24-xuab-moo#7318

2/ https://hmongcatholique.forumdediscussions.com/t939-dab-xas-tas-mob-taub-hau-thaum-koj-coj-txoj-saw-mab-liab#7202

3/ https://hmongcatholique.forumdediscussions.com/t411-peb-txoj-kev-hwm-niam-mab-liab#2742

4/ https://hmongcatholique.forumdediscussions.com/t356-cov-nqe-lus-cog-rau-cov-neeg-hais-txoj-saw-mab-liab#2377

Tais Tooj,

Ua tsaug os. Kuv mus taum cov links uas koj coj tuaj tso ces kuv rov mus nrhiav tau chav uas peb tso qhia hais Saw Mab Liab lawm. Cas qhov link ntawd zoo li tsis tshwm nyob hauv chav Teev Ntuj lawm ne? Kuv muab tuaj tso rau ntawm no ntxiv thiab. Yog nyob hauv no:

https://hmongcatholique.forumdediscussions.com/t19-qhia-hais-txoj-saw-mab-liab

Thaum Niam Mab Liab tshwm sim rau ob tug me nyuam Maximin thiab Mélanie nyob La Salette, Fab Kis teb xyoo 1846, Nws hnav ib cev tsoos tsho lub teb chaws ntawd, nws coj ib txoj saw hlau loj dauv txog tom nws ob sab xwb pwg, hauv qab txoj saw hlau loj muaj ib tshais paj ntshua nplaim ncig thoob plaws nws lub nraub qaum rau ntawm ob lub xwb pwg rau ntawm xub ntiag. Nws tseem coj ib txog saw hlau me dua rau hauv plawv, txoj saw hlau me ntawd dai ib tug Ntoo Cuam, muaj ib tug ciaj hlau dai rau ntawm ib sab tes ntoo cuam, ib rab rauj rau sab tes ntoo cuam sab tod thiab Niam mab Liab hais tias:

"Yog tsoom neeg tsis kam zwm, kuv yuav tso kuv Leej Tub txhais npav tseg, kuv yuav tsis txheem lawm, nws muaj zog heev thiab nyhav heev, kuv nres tsis tau lawm. Txij puag thaum uas kuv this nej txom nyem. Vim Niam Mab Liab tus uas nrog nws Leej Tub Yes Xus ris peb cov txim txhaum. Txawm nej yuav thoov Ntuj, teev Ntuj ntau npaum li cas los yeej tsis npaum li kuv txoj kev khuv leej nej. Vim twb tau sau tseg hauv tias:

"1 Ces kuv pom ib tug Tshiab nqes saum
ntuj los, nws tuav tus yawm sij qhib lub
Qhov Ntuj, thiab tuav ib txog saw loj loj.
2 Tus Tshiab nthos nkaus tus Zaj, uas
yog tus Nab txheej thaud, yog tus Dab
Phem thiab yog Xas Tas. Nws muab khi
kom puv ib txhiab xyoo. 3 Nws muab
nrom sis rau hauv Qhov Ntuj, nws kaw
nkaus lub ncauj qho, muab Xas Tas xauv
rau hauv, kom nws tsis tau kev mus ntxias
cov haiv neeg ntxiv, mus txog hnub puv
ib txhiab xyoo." (Qhib yav tom ntej: 20,1-3)

Li ntawd tus ua thaum chiv keeb puam kwm, nws muab txoj sawv hlau khi tus zaj (khi dab phem), nej tuaj ntawm La Salette, Nws yuav muab txoj saw hlau khi dab phem los rau nej saib. Nws yog tus Tshiab uas nqes saum Ntuj los, thiab txog saw hlau nov yog txoj SAW MAB LIAB.

Tshais paj ntshua nplaim uas nws coj txhais hais tias yog txoj saw Mab Liab.
Rab rauj yog rab rauj uas ntsia Yes Xus rau saum Ntoo Cuam.
Rab ciaj yog qhia rau peb, kom peb muab los rho cov ntsia hlau ntawm Yes Xus. Tab sis Yes Xus twb raug ntsia lawm. Li ntawd yog ib qho paj lug hais txog lub Koom Txoos yuav raug txom nyem.