Dab xastas ntxias Yesxus hauv hav suab puam(vision de Maria Valtorta) Txiaj ntsim hauv Leej Pleev Evangile

Xyoo 1944 mus rau xyoo 1946 Maria Valtorta yog ib tug ntxhais muaj mob, sawv tsis taus mus qhov twg, pw li pw, Maria Valtorta tau txais ntxiaj ntsim lub caij zwm rog thib 2 loj ntiaj teb, Yesxus pub txiaj ntsim rau Maria Valtorta pom tag txhua yam hauv Yesxus lub neej, Yesxus kom Maria Valtorta xuas mem kos Yesxus cov lus, Maria Valtorta sau tag nrho 10 toom phau ntawv tsis muaj ib qho yuav kos kom txaij, tsuas yog sau ntawv li sau ntawv, txawm muaj tej hnub Maria Valtorta sawv tsis taus los Yexsus kom nws sau ces nws ob txhais tes cia li sau Yesxus cov lus, Maria Valtorta sau ntawv thiab pom kiag li mus nrog Yesxus nyob ib sab.



Lub caij Yesxus ntxuav plig nyob jourdain ntawm zam ntxuav plig, Yesxus tawm mus rau teb chaw suab puam 40 hnub.

Muaj ib lub nco roob loj loj nrog ib lub qho tsua, Yesxus zaum pheeb ntawm ib lub pob zeb ncaj rau lub qhov tsua, tshav ntuj kub heev, av suab puam qhuav nkig nkaws. Yesxus yuag heev, nws ntsej muag phob phob zoo li daj ntseg, ntau hnub Yesxus tsis tau noj ib yam dab tsi, txhua lub lwg sawv ntxov tsuas yog ywg Yesxus di ncauj .

Kuv pom dab xas tas lub ntsej muag txaus ntshai heev. Dab xas tas lub ntsej muag tsis zoo li peb niaj hnub pom neeg kos duab nrog ib niag ko tw thiab ob tug kub ect...dab xas tas tuaj ntawm Yesxus nws zoo li ib tug neeg hnav ib lub tsho tshaj sab loj loj kauv tas nrho tob hau mus rau xub pwg txog ntua puag nram ko taw, ntawm ob sab phlu muaj peb nplai tawv txoom dub nciab, ob daim di ncauj zawm zuav caws caws ntev ntev thiab me me , ob lub qhov muag dub nciab nyob tob tob laim pes vog, ob lub ntsiab muag nkag rau yus nruab siab qhia tias tsis muaj dab tsi nyob hauv ntsia ntsees yus nruab siab tua kiag yus. Yesxus ob lub ntsiab muag nws tuaj plhws yus tus ntsuj plig thiab yus pom kev hlub puv npo.

Xastas txav los ze Yesxus : "Koj nyob ib leeg xwb los?"

Yesxus tsa muag saib thiab tsis teb.

Xastas hais ntxiv :"Koj tuaj li cas tau ntawm nod? Puas yog koj poob zoo?"

Yesxus rov tsa muag saib thiab tsis teb.

xastas:" Yog tias kuv muaj dej mas kuv twb muab rau koj haus . Tiam sis kuv tsis muaj. Kuv tus nees sab heev, kuv tsuas los ko taw kom dhau lub dawm nod xwb, seb puas yuav muaj neeg muaj dej rau kuv haus thiab mov rau kuv noj. Kuv pom qab kev, koj nrog kuv mus, kuv coj koj mus."

Yesxus tsis tsa muag saib lawm.

xastas:" Koj tsis kam teb? Koj puas paub tias koj nyob ntawm no ces koj kawg tuag? Cua tab tom sawv tuaj hlob heev, av suab puam yuav hlob heev, sawv los wb mus."

Yesxus zawm nws ob txais tes thiab thov ntuj twj ywm hauv nruab siab.

xastas:" Ah! yog koj tiag los? Puag thaum lub caij kuv nrhiav koj los txog tad no! Kuv twb saib koj los lawm ntev !. Lub caij koj ntxuav plig, koj hu txog tus muaj txoj sia mus li? nws nyob deb lawm. Tam sim no ces koj tsuas nyob hauv ntiaj teb hauv plawv tib neeg xwb, leej tib neeg ces kuv yog tus kav thiab yog lawv tus huab tais. Tiam sis kuv tseem hlub koj kawg li, kuv xav pab koj vim koj zoo thiab koj yog tus tuaj tiv yeem teeb meem puas yog?. Nkim koj lub caij xwb, tib neeg tsuas muaj ntxub koj thiab ntiab txoj nyuag kev ua zoo. Tsis tas koj yuav ua zoo npaud rau neeg! koj yim ua zoo, lawv yim ntxub koj, tsis tas koj yuav tsim txom koj tus kheej thiab tiv kev mob npaum li ko rau cov nyuag neeg ntawv! Txoj kev mloog lus rau neeg yog lus tuag. Neeg tseem qias tshaj av, koj cia li sawv los kuv coj koj mus xwb zoo dua, neeg tsis tsim nyog koj them nqi rau, kuv tseem paub zoo dua koj."

xastas los zaum ntawm Yesxus xub ntiag, xastas ob lub ntsiab muag kub lug tsiv tsaim ntxiag nrhiav Yesxus ob lub ntsiab muag, thiab lub niag qhov ncauj nab sij nka luag nyav lem caws vos. Yesxus rau siab thov ntuj twj ywm tsis ua tawm.

xastas: " Koj ntshai kuv los? Koj xav yuam kev, kuv yog kev thoob tsib ntiaj teb. Kuv pab tau koj ua tus thawj ua tus loj tus kav neeg kom koj yeej txhua yam. Koj puas pom tias kev yeej txhua yam yog qhov tseem ceeb tshaj? Yog thaum koj yeej txhua yam lawm koj yuav coj neeg mus qhov twg los yeej tau tas, thaum koj ua rau neeg qaug kiag rau koj tes ces koj txib li cas lawv ua tas nrho, tiam sis ua ntej koj yuav yoog kom tau neeg, Koj ua txoj hais tias lawv yog cov muaj peev xwm txib koj ua lawv qhev, lawv txib koj ua hauj lwm rau lawv ces lawv xav tias koj yog tus nyiam lawv lawm ntag mas nyob hauv neeg lub hlwb neeg hais tias neeg yog tus txib koj ntag, tiam sis qhov tseeb neeg nyob hauv koj xib teg, koj hais li cas lawv yuav li ntawv. Koj txoj hauj lwm tsuas yog nrog nraim lawv lub hlwb xwb ces koj cab mus twg lawv mus tag nrho."

xastas hais ntxiv rau Yesxus: " Koj tseem hluas thiab cob xub ntxiag, xub pib ntawm poj niam. Ib txwm yeej xub pib ntawm poj niam tuaj. Kuv yeej tsis yuam kev, xub cob poj niam kom txhob mloog hais ces txhua yam yooj yim tag nrho, kuv lam xub ua kom poj niam poob loj tshaj ntawv ces kuv yeej kiag Tswv Ntuj. Kuv maj dhau, tiam sis koj na! kuv qhia koj kom koj paub, muaj ib hnub kuv saib koj muaj txoj kev kaj siab zoo li ib tus Tshiab, yog koj mloog kuv hais koj yuav tau txhua yam. Mus nrhiav ib tug poj niam rau koj, txawm koj ua tsis tau dab tsi rau koj los tus poj niam muaj peev xwm ua tib si rau koj. Koj twb yog tus As das tshiab, koj yuav tsum muaj Es Vas thiab koj hais puas yog?

Poj niam zoo nkauj heev, koj puas paub! tsis muaj dab tsi pauv tau poj niam tus ntxhiab tsw qab hauv ntiaj teb. Txiv neej muaj tswv yim muaj zog, tiam sis yog tsis muaj poj niam tus ntxhiab tsw qab zoo li lub paj tawg tshiab tshiab rau txiv neej hnia mas mas txiv neej tsis muaj zog dab tsi. Txiv neej txoj kev khwv, kev nyuaj siab thiab lub zog nyob ntawm poj niam txhais npab zoo li tus me nyuam mos, daim tawv mos nyoos, plaub hau ntaug lees rau ntawm koj xub ntiag, zoo tshaj plaws ua rau koj kaj siab tas li.

Vwm kuv na, kuv tsis nco tias koj yog tshaib plab sad, kuv mus tham txog poj niam rau koj. Koj twb sab kawg nkaus kuv tseem hais txog kev tsw qab ntawm poj niam tus ntxhiab ua koj tsis saib muaj nqis. Tiam sis koj ntsia cov pob zeb ntawm no mas , nws kheej lam li cov ncuav nplej uas thaum tshav ntuj ziab daj daj tsw ha ntxiag, tawm plaws hauv qhov cub los daj qab tshaj li tiagi! Koj, Tswv Ntuj Leej Tub, koj tsuas hais tib lo lus tias " kuv xav kom yog" no xwb ces cov pob zeb txia kiag ua ncuav rau koj noj, koj hais tias xav kom yog cov txiv ntoo qab zib cuag zib ntab no xwb ces nws hloov kiag ua ib co txiv ntoo muaj kua zib ntab xws yees tawm tuaj! koj cia li khaws noj xwb! Tswv Ntuj Leej Tub. Koj pom xeeb yog tus Tswv Hauv Ntiaj Teb, yuav txia ntshis ntawm koj ko taw, ces koj yuav tsau plab tuaj.

Koj puas pom, kuv hais txog ncuav xwb koj ntsej muag ntshaus. Koj sab npaum ko diam ntag, uas tsis muaj zog hais kom cov pob zeb nod hloov yees siv ua ncuav li lawm los? Koj puas xav kom kuv ua rau koj? kuv tsis nyob siab npaum koj, tiam sis kuv yuav tsum ua tau ib yam rau koj. Kuv mam li txwv kiag ib xyoos txhob siv kuv lub zog los ua yees ntxwv rau koj xwb tiag, vim koj zoo heev thiab kom kuv yuav nco ntsoov tias koj yog kuv tus Huab Tais, txawm tam sim no kuv tsis tsim nyog hu koj ua kuv tus Huab Tais lawm los koj mam pab thov rau kuv kom kuv hu tau koj ua Huab Tais.

Yesxus nthe ib suab :" Tsum kiag, tsis txhob hais ntxiv, tsis yog muaj ncuav noj thiaj yug neeg txoj sia, txhua yam lus ntawm Tswv Ntuj tuaj thiaj yug neeg txoj sia."

Dabntxwjnyoog xastas ceeb tib plhaw dhia npau taws ntxiag. Tom nhiav nkawv, zim hniav zaig thiab nyem kiag nws ob txhais tes, tiam sis ho maj mam ntaug tso nws ob txhais tes thiab luag tib tug di ncauj zij nkas thiab muaj plhu ntxiag rov los hais Yesxus tias:

" Kuv paub! koj nyob siab tshaj puag saum npoo ntiaj teb, rov los txib kuv ua rau koj qias kuv. Kuv yeej phim li ntawv, tiam sis kuv yeej pom nyob hauv tsev koom txoos hawm Tswv Ntuj, tseem muaj cov yaj saub, muaj cov Leej Choj ua neeg dawb huv xwb tiam sis lub siab twb tsis nsthiab kiag. Yog li cia kuv nqa koj mus rau saum lub tuam tsev teev ntuj nod, koj dhia lawm hauv, koj txib koj cov tub txib tshiab tuaj nqa koj ob txhais ko taw kom txawb tum yees rau hauv lub tshav puam, kom neeg pom thiab txhob hnov qab tias koj yog lawv tus Huab Tais. Zaum puav yuav tsum tau ua tej yam kom loj rau neeg pom neeg, neeg thiaj nco tias koj yog tus Tswv, neeg cov niag cim xeeb luv heev, txawm lawv pom tas tib pliag xwb twb tsis nco qab koj lawm, tiam sis yog cov muaj kev ntseeg tob txog sab nrhuab yeeb, lawv yuav nco ntsoov koj. Koj puas paub, koj cov Tshiab yuav tuaj nqa koj zoo siab hlo thiab kaj siab lug yuav tsis pub koj ko taw dawm pob zeb, cov Tshiab yuav ua ib tug ntaiv rau koj nqis."

Yesxus: "Muaj ntawv sau tseg tias: KOJ YUAV TSIS TXHOB SIM KOJ TUS HUAB TAIS SIAB".

xastas :" Yog li no, los, los las. Hawm kuv. Kuv yuav muab txhua yam ntiaj teb no rau koj tib si. Tag nrho cov Huab tais hauv ntiaj teb no yav dhau los thiab yav tom ntej, yuav tsis muaj ib tug yuav muaj koob nto npe nrov npaum koj, lawv piv ntawm koj ib sab ces zoo li tej nyuag qhev zov cuab xwb, koj mas yuav tau lub teb chaws vam meej thiab muaj koob nrov npe, kuv yuav muab txhua yam nyiaj kub qhov muag pom tsis tas rau koj tib si. Yuav muab pojniam coob, muab tsheb, muab nyuj muab nees rau koj kom ntau suav tsis txheeb. Koj yuav yog Huab Tais ntawm txhua tus Huab Tais, Ces tag ntiaj tej txhua tus yuav hawm koj, koj lub peev xwm, lub zog tag txhua yuav ntoo moo.

Koj pe hawm kiag kuv tib pliag xwb, pe kiag las, pe kiag kuv me me ib zaug seb txoj kev ua VAJ zoo li cas, thiab seb kuv puas yuav mloog tau koj txoj kev tau ua VAJ KAV ib zaum. Kuv yuav mloog koj kom kawg, rau koj tej hauj lwm, rau txhua yam tsuav koj pe kuv, hawm kuv me me xwb, TIB PLIAG xwb ! tib pliag xwb las! pe kiag las, pe kiag ma, pe kuv me me xwb! oh pe kiag kuv me me xwb! ces kuv yuav tsis looj koov koj ntxiv. Tshem kuv txoj kev ntshaw kom koj pe ntawv mus, txoj kev ua rau kuv poob thiab plam, tiam sis nyob rawv hauv kuv kub kub tas li. Cov nplaim taws xav kom koj pe hawm kuv tsis ploj, txoj kev nqhis kom koj pe kuv me me, me me, me me xwb! Ô! Leej Pleev, koj yog tus zoo tshaj txhua yam, pe kuv kiag los mas, pe kiag kuv txoj kev ib txhiab ib txhis kub kuv, pe kiag me me!!!!."

Xastas tib plhaw los txhos caug ntua ntawm Yesxus xub ntiag thov thov thov.....kom Yesxus pe thiab hawm xastas me me li xastas yog VAJ.

Yesxus maj mam sawv, Yesxus lub cev yuag heev, vim Yesxus yoo mov tau 40 hnub, haj yam ua rau Yesxus muaj zog thiab zoo li loj tshaj qub. Yesxus lub ntsej muag muaj hwj chim, lub zog lub hwj chim mloog tsis tau tias muaj zog tag siab nrho, zoo li xob nroo hauv Yesxus lub suab nthe. Yesxus ob lub ntsiab muag zoo li ob lub hnub qub ci laim hluav taws xob. Yesxus lub suab nthe xastas nrov qeeg nkaws zoo li xob tua kiag lub qhov tsua ntsoog mos nyoos, pob zeb dhia zom zaws ntawm xastas ko taw :

" KIAV MUS DAB XASTAS! MUAJ NTAWV SAU TSEG TIAS KOJ YUAV HAWM KOJ TUS HUAB TAIS TIB LEEG XWB! THIAB KOJ TSUAS UA TXHUA YAM RAU HUAB TAIS NKAUS XWB! KHIAV MUS!!!"

Dab xastas mas nim dhia dhia ua ncho pa lug, tib tug tsiv tsiv cuag li cov niag npam tsiv tsaim uas hais tsis tau, dhia sawv ntsug, leej twg pom mas txaus nsthai tas nrho, ua rau nws tib tug ncho ncho pa rau ub rau no, ces cia li ploj qw qw qw!.


Yesxus mam rov qab maj mam zaum twj ywm. Muab nws lub tob hau txheem rov qab rau ntawm lub pob zeb, Yesxus kuj tawm ib ce hws, tiam sis Yesxus lub ntsej muag tshiab khiv tuaj. Muaj ib co Tshiab zoo maj mam nkag los ntawm lub qhov tsua, lawv xuas lawv cov tis ntxuaj cua txias txias laj laj tshuab Yesxus cov hws, ua rau lub qhov tsua kub lug txias zias, zoo li lub qho tsua ciaj sia, laj ntxiag. Yesxus maj mam rua muag, thiab luag ntxhi rau cov Tshiab zoo.

Maria Valtorta tsis pom cov Tshiab zoo cev mov rau Yesxus noj, tiam sis zoo li Yesxus haus cov pa tsw qab hauv lub qhov tsua ua rau Yesxus rov muaj zog tuaj , Yesxus ntawm hauv lub qhov tsua mus rau sab hnub poob. Yesxus rov qab muaj zog, mus kev xwm yees, tsis qaug, yuag yuag tiam sis lub ntsiab muag kaj lug qhia tsis tau hauv ntiaj teb.

nyob zoo mp ua tsaus nws tso qhov no ntxiv rau peb tau kawm os .raws li peb , peb tias hais muaj npaum li nyob hauv video yes xu lub neej no xwb.peb twb tsi paub muaj ntau npaum li ko li os. Yog nwg saib qhov twg tseem tshuav qhov twg hos tuaj txhais ntxiv nawb

Nyob zoo Tub Ntsuag,

nyob hauv cov video thiab phau ntawv Ntshiab Bible Evangile muaj sau txog keeb kwm ntuj tsim teb raug los rau Yesxus lub neej, tiam sis sau kiag yam tseem ceeb xwb, Yesxus yug los tseem muaj ntau yam tshwm sim tshaj ntawv, Yesxus txoj kev thoob tsib thiab lub neej hlub neeg muaj ntau yam suav tsis txheeb tsis txhua, hauv bible peb tsuas paub cov uas lawv sau txog Yesxus kho mob, tsa cov tuag saw rov los ,kho tus dig muag, tus tuag tes tuag taw, kho tus mob ruas ect...Tiam sis qhov tseeb Yesxus kho cov neeg mob ntau tshaj qhov peb pom hauv video thiab peb nyeem hauv Bible.

Yam txhaum neeg ntiaj teb ua muaj phem tshaj thiab qhias tshaj yog kev plees kev yig, Yesxus hais tias, thaum nej mus deev luag tug nej rov los kom kuv zam kev txhaum rau nej, yog ib lub nras nyhav kawg nkaus rau kuv nqa, kuv xum kov ib tug neeg tuag twb lwj lwj uas yog neeg ncaj, nws tus ntsuj plig mus nyob kaj lug dua kov ib tug neeg ciaj tiam sis niag siab qias neeg tus ntsuj plig tsaus nti qias ti nkaus qhov ntuj nyob tsis pom kev.

Muaj lwm yam kuv mam tuaj txhais dua mas Tub Ntsuag.

Nyob zoo Maiv Paj Lug thiab Tub Ntsuag,

Maiv Paj Lug,

Ua tsaug rau nws zaj txhais no, zoo heev. Maria Valtorta cov ntawv txawm Koom Txoos tsis tau leev txais rau hauv Koom Txoos los yeej yog ib cov lus zoo kawg. Nws piav tau ntxaws heev tsim nyog yuav muab los xav thiab khaws ua qauv tseg txog tej uas tuaj kub muab ua kab los nuv peb leej neeg hauv lub neej niaj hnub. Kuv yeej pom tias thawj sob lus yeej hais yog kawg li, thiaj ua rau neeg niaj hnub sib ciav sib cais, suab quaj suab nroo...

Yog peb muaj coob leej, ib leeg ua ib yam mas peb yuav ua tau ntau yam zoo heev.